- All e-books and audiobooks on The New Life Mission website are free
- Explore multilingual sermons in global languages
- Two new revised editions in English have been released
- Check out our website translated into 27 languages
A konglam 8: Thiang Thlarau
[8-17] Thiang Thlarau Ah Zumhnak Le Ruahchanhnak Kan Ngeih Ding A Si (Rom 8:16-25)
“Cu ti kan aunak ahcun Pathian Thlarau le kan Thlarau cu hmun khat ah an i fonh i Pathian fa kan si kha tehte an khan, fa kan si caah rocotu zong kan si colh. Kannih cu Pathian rocotu kan si, Khrih roco-hawi kan si, zeicahtiah Khrih temhinnak kha kan i hrawm ahcun a sunparnak zong kan i hrawm ve lai. Atu caan i kan in mi temhinnak hi cu hmailei i kan sin a phuan a si tei lai mi sunparnak he cun tahchunh awktlak ah ka rel lo. Pathian nih a fale a phuan hna lai cu a ser mi thil vialte nih nganngan ngai in an hngak ko. Ser mi thil vialte cu anmah duh caah si loin Pathian nih si u, a ti hna thawng in santlai lo pakpalawng ah an cang dih, asinain ruahchannak cu a um zungzal ve ko. Cu ruahchannak cu zeidah a si tiah, ni khatkhat cu ser mi thil vialte hi thutnak sal sinak khan luatter an si lai i Pathian fale hna luatnak a sunglawi mi kha an i hrawm te lai. Atu caan tiang ah hin cun ser mi thil vialte cu nau nganfah bantuk in an hrum an ai. Cu ti a hrum ai mi cu ser mi thil lawng an si lo, Thlarau cu Pathian laksawng hmasater caah a hmu mi kanmah zong hi, Pathian nih a fa ah ser i kan pum hi a ning piin luatter ding kan hngah lio ah hin kan hrum kan ai ve ko. Zeicahtiah ruahchannak in pei khamh kan si cu, sihmanhsehlaw kan i ruahchan mi cu kan mit in kan hmuh ahcun, cucu ruahchannak taktak cu a si hnga lo. Mit in hmuh ko mi cu aho nih dah an i ruahchan bal? Sihmanhsehlaw kan mit in kan hmuh lo mi kha kan i ruahchan ahcun, cucu lungsau in kan hngah a langhnak a si.”
Atu Hi Ruahchannak Um Lo Caan A Si
Zeiruang ah dah miding hna nih Thiang Thlarau ah ruahchannak an ngeih?
Hrinthannak a co mi Khrihfa nih cun van thar lei vawlei thar kan co lai i a hrinthan lo mi cu hi vawlei he hin hrawk an si lai caah.
Hrinthannak a co mi Khrihfa nih cun van thar lei vawlei thar kan co lai i a hrinthan lo mi cu hi vawlei he hin hrawk an si lai caah.
Hi vawlei ah ruahchannak taktak a um maw? A um lo. Jesuh he lawng a um. Atu caan cu zeihmanh fian loin caan le ruahchannak um lo caan a si. Nitinte, zeizong te hi rianrang tuk ai thleng peng i minung nih hi ai thleng mi he hna kalti khawh peng an i zuam. Thlarau biatak le Thlarau thilri a kawl mi an um lo. Cunak cun sunghzatlaknak kha hrial khawh an i zuam i vawlei salrian an tuan.
Rian thar a chuak i rian thing a tlau. Cubantuk in, Minung zong thlennak tang ah kar kan hlang ve. Cucaah manh loin ngai in le lungrethei ngai in rian an tuan. Cuticun duhsah tein hi vawlei ah ruahchannak an thlau. A ruang ah hmaiei ca fiannak taktak ngei loin an nun caah a si. Hibantuk in a hmun lo mi vawlei ah khua kan sa. Thiang Thlarau Ah Zungzal Ruahchannak Kan Ngeih Ding A Si
Zeitindah ruahchannak taktak kan ngeih khawh lai? Ti le Thlarau thawngtha bia zumhnak in kan co khawh lai. Thiang Thlarau a co mi hna ruahchannak cu vawlei ah a si lo, van ah a si. Lamkaltu Paul nih vancung lei ruahchannak taktak kong a chim. Kannih Thiang Thlarau a co taktak cang mi hna cu vancung lei thil kan i ruahchan. Hiti kan zumhnak a ruang cu, Jesuh cu vawlei sualnak vialte kalpi ding ah vawlei ah a ra i Johan nih tipilnak a pek hnu ah vailam cung a thisen a luanter ti kha kan zumh caah a si. Sual ngaihthiamnak thawngtha a zum mi vialte kha Bawipa nih vancung lei ruahchannak a pek hna.
Rom 8:19-21 ah, “Pathian nih a fale a phuan hna lai cu a ser mi thil vialte nih nganngan ngai in an hngak ko. Ser mi thil vialte cu anmah duh caah si loin Pathian nih si u, a ti hna thawng in santlai lo pakpalawng ah an cang dih, asinain ruahchannak cu a um zungzal ve ko. Cu ruahchannak cu zeidah a si tiah, ni khatkhat cu ser mi thil vialte hi thutnak sal sinak khan luatter an si lai i Pathian fale hna luatnak a sunglawi mi kha an i hrawm te lai.” Ser mi thil vialte nih rawhralnak le saltannak chung in luat ding ah ruahchannak an ngei dih.
Vawlei thil vialte cu a tlamtling lo mi lawng te an si caah mi Fapa a rat lai kha an hngak cio ko. Cun rawhralnak sal in luat in zungzal nunnak kha an i ruahchan dih. Ser mi thil vialte nih thi ti loin zungzal nunnak hmun phak lai kha an i ruahchan dih ve.
Ni khat khat cu Pathian ser mi thil vialte hi tharchuah an si dih lai. Atu vawlei ahcun pangpar hi a par i a uai than, asinain vawlei thar ahcun a uai ti lai lo. Kanmah Thiang Thlarau a co mi zong nih vawlei thar hi kan hmuh lai.
Jesuh nih ka ra than lai i Thiang Thlarau a co mi paoh kha ka thawhter hna lai i aa rawk kho lo mi le a chia kho tilo mi pum ka pek hna lai i zungzan nunnak ah ka hruai hna lai tiah bia a kan kamh. Cun vancung ah Pathian he a zungzal in an nung lai ti zong ah bia a kan kamh. Vawlei cung ser mi thil vialte nih cu caan an hngak. Cu ni aphak tik ahcun kanmah le Pathian he a zungzal in kan nung ti cang hna lai.
Hi Vawlei Hi Ruahchannak In Zoh
Hi chunmang hi zeitik ah dah miding mi hna caah a tlin lai? Kan Bawipa a rat than tikah a tling lai. Hi vawlei kan zoh tikah ruahchannak kan ngeih awk a si. Jesuh nih hmun kip ah mangtam, harnak, lihninhnak le ral a tho lai tiah a ti (Matthai 24:7). Asinain caan donghnak cu a si rih lai lo. Vawlei caan dongh ni ahcun kan Bawipa a ra lai i, vawlei thilri vialte hi a tharchuah lai i a rawk kho lo mi thlarau pum a kan pek lai. A sullam cu thinkung le saram hna zong nih ai rawk kho lo mi pum an co ve lai tinak a si.
Hi vawlei ahcun, Thiang Thlarau umpinak a co mi zong ser mi thil dang hna bantuk in kan hrum kan ai i Bawipa rat i ai rawk kho ti lo mi pum co ding kha kan i ruahchan ve. Hi vawlei hi ruahchannak in kan zoh khawh, zeicahtiah Bawipa nih a fa ah a kan ser i zeitik hmanh ai rawk kho ti lo mi pum kha a rat than tik ah a kan pek lai caah a si.
Vawlei hi nikhat khat cu a rawk te lai i, Bawipa nih zeizong vialte hi a tharchuah te lai. Hi zumhnak le ruahchannak in kan nun ding a si. Tharchuah mi vawlei cu tuanbia ah na theih mi vawlei bantuk khan lawmhnak in a khat mi a si lai. Cubantuk vawlei ah kum thongkhat um ding cu ruat ko hmanh. Cun Vancung Pennak chung kan lut tikah a fa kan si caah zungzal nunnak kan co lai. Cubantuk ruahchannak he kan nung ding a si.
Hi vawlei ah ruahchannak na hmu maw? Hmu lo. Minung nih hi vawlei ah ruahchannak an hmuh lo caah vanthatnak in an nung. Asinain sual ngaihthiamnak a co cang mi le miding ah a ser cang mi hna cu Vancung lei ruahchannak a pek hna. “Zeicahtiah ruahchannak in pei khamh kan si cu, sihmanhsehlaw kan i ruahchan mi cu kan mit in kan hmuh ahcun, cucu ruahchannak taktak cu a si hnga lo. Mit in hmuh ko mi cu aho nih dah an i ruahchan bal? Sihmanhsehlaw kan mit in kan hmuh lo mi kha kan i ruahchan ahcun, cucu lungsau in kan hngah a langhnak a si.” A sullam cu Pathian bia in khamhnak a co mi kan si caah lungsau tein Jesuh rat thannak kha kan hnga ding a si. Kan thinlung ah Thiang Thlarau umpinak kan co cu kan sualnak in khamh kan si cang caan a si. A sullam cu Jesuh nih an sual a ngaihthiam cang mi hna cu an thinlung ah sualnak si loin Thiang Thalrau a um cang tinak a si. Cuti si ah kan taksa pum teh? A derthawm mi kan taksa pum zong hi tharchuah a si lai i ai rawk kho lo mi pum ah thlen a si lai. Jesuh a rat than tikah Pathian he a zungzal in kan nung cang lai. Hrinthannak a co mi hna lawng nih cubantuk ruahchannak kan ngei i kan thlarau le kan taksa nih tlamtlinnak a hmuh lai. Kan taksa pum hi zungzal in a nung cang lai i zeitik hmanh ah a zawfak ti lai lo. Atu kan taksa pum cu a dethawm mi a si caah a kan tlamtling kho lo. Asinain hnu ahcun kan tlamtling cang lai. Kan Bawipa a voi hnih rat thannak hi ruan ko hna u sih. Thiang Thlarau umpinak a co mi lawng nih hibantuk ruahchannak kan ngeih khawh.
Miding mi hna ruahchannak cu vancung ca lawng ah a silo, hi vawlei zong ah a tling. Kan Bawipa nih a kan chimh mi cu Harsatnak lianngan a dih hnu hi vawlei hi a rawk lai tiah a ti. A voi khatnak a rat ahcun misual mi caah tipilnak a in, vailam cung a thihnak nih miding ah a kan ser i a donghnak ah vancung ah a kai than. Atu cu Bawipa a rat than lai caan a nai cang.
Cutikah cun mithiang mi a thi cangmi vialte kha a Thiang Thlarau a coter hna lai i rawhralnak chung in a khamh hna lai. Zeitik hmanh ah a zawfak kho ti lo mi taksa pum kha a pek hna lai. Cun khuadawm cung ah amah tong ding ah cawi an si lai i zeizong vialte kha a thar ah a ser dih lai.
Cu hnu ah cun kum thongkhat uknak tang ah amah he hmun khat ah kan uk ti lai. Hih vancung a kai ding mi hna caah timhlamhnak caan a si lai. Hihi vancung lei ruahchannak le a taktak a simi a si. Cutikah a tling lo mi kha tlinnak an phan dih lai i zei thil hmanh an rawk ti lai lo. “Pum cu vui a si tikah a thi kho mi a si, thawhter a si tik ah cun a thi kho ti lo mi a si lai” (1 Korin 15:42) ti mi bia kha Jesuh Khrih thawng in a tling lai.
Thiang Thlarau umpinak a co cang mi hna nih hi ruahchannak hi ngei ko hna u sih. Vawlei cung thil hi an zaw in an i rawk ko nain cucu a donghnak a si lo. Bawipa nih vawlei hi a thar in a ser than lai ti ruahchannak kan ngeih ding a si. Vanthar le vawlei thar ruahchannak he kan nun ding a si. Hi ruahchannak he thawngtha bia kan chimphuan khawh.
Thaing Thlarau umpinak kan conak cu hi vawlei sualnak chung in khamh kan si cang caah a si. Cubantuk in kan chung ah a um mi Thiang Thlarau nih Bawipa rat than ni kha a hngak. Kan thinlung ah lungdonghnak um loin Pathian sin ah kanmah aiawh ah a kan nawlpiak.
Thiang Thlarau Ah Ruahchannak Ngei Buin Kan Nun Ding A Si
Miding mi hna hmun cu khuazei ah dah a um? Kan Bawipa Jesuh a rat tikah vawlei le vancung Pennak a ser than lai ti [5]kum thong khat uknak chung ah a um. Cucaah cu nih aphak lai cu lungsau tein kan hngah awk a si. Hi vawlei a rawk hnu ah Bawipa nih kan taksa pum hi a tlingmi ah a ser lai. A ceu mi thaizing caah ruahchannak kan ngeih ding a si.
| 5Kan Bawipa Jesuh Khrih cu vancung in hi vawlei cungah a biakam bang in arat than tikah Khrih ah a thi cang mi kha a thawhter hmasa hna lai. Cu hnu ah Khrih ah mithi he minung he a thar in a thlen hna lai i a thi kh lo mi le ai rawk kho lo mi pum a pek hna lai, cu hnu ah khaudawm cung ah amah ton awk ah a lak hna lai (1 Thesalon 4:16-17, 1 Korin 15:51-53). Cu hnu ah a thinhunnak kheng pasarih misual hna cung ah a toih hnu ah zeizong vialte kha a thar in a ser dih than lai. Vawlei thar a ser mi ah a Pennak thar a dirh lai i, thawhthannak ai tel mi hna khen hmun khat ah an uk ti lai (Biathlam 20:4-5). Kum thongkhat uknak a dih hnu ah mithi vialte kha bia a ceih hna lai i mei tili ah a paih hnalai (Biathlam 20:11-15). Cu hnu ah Jerusalem khualipi thar ah a mi hna cu a hruai hna lai i anmah he a zungzal in a um lai (Biathlam 21:1-4). |
Thiang Thlarau umpinak a comi hna he i khat in Paul nih kanmah bantuk ruahchannak a ngeih ve. Cu hna thinlung chung ah chia buin Kum thong khat pennak le vancung pennak kan hngah ding a si. Hrinthannak a co lo mi paoh cu hi vawlei sinah an i rawk lai i a hrinthan mi paoh nih van thar le vawlei thar an co lai. Hi ruahchannak hi a tling taktak ding mi a si. Vawlei thar ah Bawipa Jesuh he hmun khat ah kan umti lai i kum thong khat kan ukti lai lai. Cu ni ruahchan in, hi vawlei ah tihnak um loin kan nung kho. Ruahchannak a ngei lo mi hna cu mithi bantuk an si cang. Ruahchannak ngei law Pathian bia kha zum ko.
Sual ngaihthiamnak kan co mi hi a taktak a si bantuk in kan taksa pum ai thlen lai nak zong hi a taktak a si ve i sermi thil vialte nih zungzal nunnak an hmuh te lai. Kan ruahchannak cu a taktak a si. Kan zumh mi ah ruahchannak kan ngei. Ruahchannak a ngei mi an i lawm i an i dawh. Ruahchannak kan ngeih lo ahcun kan i dawh lo. Chunmang a ngei lo mi hna lawmhnak zong an ngei lo. Kum thong khat uknak le van thar le vawlei thar caah ruahchannak kan ngeih caah lunglawm tein kan nung kho.
Miding mi hna nih ruahchannak kan ngeih i cu ruahchannak cu Thiang Thlarau he kan chimphuan ding a si. Kan thawngtha hi vawlei khuazakip ah karh awk a si. A thawng mi zumhnak na ngieh ahcun vawlei hi a ngan tuk ti lo kha na hmuh lai. Kan hramthawknak cu hme ko hmanh sehlaw ruahchannak fek kan ngeih ahcun vawlei khuazakip ah thawngtha bia kan chim khawh lai. Paul bantuk in kan zumh ve a herh.
Ruahchannak a ngei mi hna cu thawngtha bia dawh an phuannak ah zumh awk an tlak. Ruahchannak a ngei lo mihna sin ah thawngtha bia dawh kan phuan ding a si. Ruahchannak a ngei lo mi, a baa mi hna le sifak santlai lo hna sin ah thawngtha bia kan chimphaun ding a si. Ti le Thlarau thawngtha bia dawh zumhnak in sual ngaihthiamnak a co mi hna lawng an luh khawhnak Pathian Pennak chung ah an luh khawh ve nakhnga thawngtha bia kan chimh hna ding a si. Hi harsatnak caan a dih tikah Bawipa cu mifir bantuk in a rat lai caah ruahchannak ngei u tiah ti le thlarau thawngtha bia dawh kan chimh hna ding a si.
Mithiang le hrinthan mi hna hi thawngtha hi vawlei cung khuazakip ah chim u law vancung lei ruahchannak kha ngei peng ko u. Hi vawlei hi zeitluk rang hmanh in tlu ko sehlaw, ruahchannak a ngei mi hna cu vawlei thil pin lei hmuh khawh mi an ngeih caah ruahchannak a rawk kho lo. Bawipa nih a pek mi hna a voi hnihnak nun a cotu an si.
Sual ngaihthiamnak kan co mi hi a taktak a si bantuk in kan taksa pum ai thlen lai nak zong hi a taktak a si ve i sermi thil vialte nih zungzal nunnak an hmuh te lai. Kan ruahchannak cu a taktak a si. Kan zumh mi ah ruahchannak kan ngei. Ruahchannak a ngei mi an i lawm i an i dawh. Ruahchannak kan ngeih lo ahcun kan i dawh lo. Chunmang a ngei lo mi hna lawmhnak zong an ngei lo. Kum thong khat uknak le van thar le vawlei thar caah ruahchannak kan ngeih caah lunglawm tein kan nung kho.
Miding mi hna nih ruahchannak kan ngeih i cu ruahchannak cu Thiang Thlarau he kan chimphuan ding a si. Kan thawngtha hi vawlei khuazakip ah karh awk a si. A thawng mi zumhnak na ngieh ahcun vawlei hi a ngan tuk ti lo kha na hmuh lai. Kan hramthawknak cu hme ko hmanh sehlaw ruahchannak fek kan ngeih ahcun vawlei khuazakip ah thawngtha bia kan chim khawh lai. Paul bantuk in kan zumh ve a herh.
Ruahchannak a ngei mi hna cu thawngtha bia dawh an phuannak ah zumh awk an tlak. Ruahchannak a ngei lo mihna sin ah thawngtha bia dawh kan phuan ding a si. Ruahchannak a ngei lo mi, a baa mi hna le sifak santlai lo hna sin ah thawngtha bia kan chimphaun ding a si. Ti le Thlarau thawngtha bia dawh zumhnak in sual ngaihthiamnak a co mi hna lawng an luh khawhnak Pathian Pennak chung ah an luh khawh ve nakhnga thawngtha bia kan chimh hna ding a si. Hi harsatnak caan a dih tikah Bawipa cu mifir bantuk in a rat lai caah ruahchannak ngei u tiah ti le thlarau thawngtha bia dawh kan chimh hna ding a si.
Mithiang le hrinthan mi hna hi thawngtha hi vawlei cung khuazakip ah chim u law vancung lei ruahchannak kha ngei peng ko u. Hi vawlei hi zeitluk rang hmanh in tlu ko sehlaw, ruahchannak a ngei mi hna cu vawlei thil pin lei hmuh khawh mi an ngeih caah ruahchannak a rawk kho lo. Bawipa nih a pek mi hna a voi hnihnak nun a cotu an si.
Copyright © 2021 by The New Life Mission
