- All e-books and audiobooks on The New Life Mission website are free
- Explore multilingual sermons in global languages
- Two new revised editions in English have been released
- Check out our website translated into 27 languages
Due to COVID-19 and disruption to international mail service
we have temporally suspended our ‘Free Print Book service’.
In the light of this situation we are not able to mail you the books at this time.
Pray that this pandemic will end soon and the resumption of the postal service.
Pray that this pandemic will end soon and the resumption of the postal service.
Subject 8 : The Holy Spirit
[8-7] Injili Maber mamiyo Roho Maler dak kuom jogo moyie (Isaya 9:6-7)
(Isaya 9:6-7)
“Nikech nonywolnwa nyathi. Adier, ibiro miyowa wuowi, kendo loch nobed e lwete. Noluong nyinge ni, Jabura Mahono, Nyasaye Maratego, Wuoro ma nyaka chieng’, kendo Ruoth kue. Lochne nobed maduong’, kendo kue mokelo nobed maonge giko. Enobed e kom Daudi kendo norit pinye gi adiera kod tim makare mondo ocurre obed motegno. Chakre kawuono nyaka chieng’, Ruoth Nyasaye Manyalo Gik Moko Duto oseketo chunye mondo otim gigo.”
“Nikech nonywolnwa nyathi. Adier, ibiro miyowa wuowi, kendo loch nobed e lwete. Noluong nyinge ni, Jabura Mahono, Nyasaye Maratego, Wuoro ma nyaka chieng’, kendo Ruoth kue. Lochne nobed maduong’, kendo kue mokelo nobed maonge giko. Enobed e kom Daudi kendo norit pinye gi adiera kod tim makare mondo ocurre obed motegno. Chakre kawuono nyaka chieng’, Ruoth Nyasaye Manyalo Gik Moko Duto oseketo chunye mondo otim gigo.”
En an’go mayie ne Roho maler
mondo odag kuom jomoyie?
Injili maber mar pi kod Roho.
Mondo wayud Roho Maler, nyaka wabed kod yie kuom injili mar pi kod Roho. Ruodhwa omi nyingi ni jabura mahono, Nyasaye ma ratego kedno wuoro manyaka chieng. Ruodhwa nowuoyo kuome owuon kaka yo madhi e polo. Yesu kristo ne okelo ne ji duto mich mar injili maber.
Kata kamano, e pinyni, nitie ji man’geny ahinya mapod odak e mudho. Gitemo mondo giring gitony ka gia e mudho nikech ok gin’geyo injili maber, ok ginyal tony kuom richogi, moloyo giner kuom yie magin godo maen puonj ma miriambo. Mopogore gi mano, kuom jogo madwaro adiera, gibiro yie kuom injili maber kendo gidag ndalo duto mag ngimagi ka gipon’g kod gweth mar Nyasaye. An gi yie ni mano e gweth makende mar Nyasyae mamiyo thuolo mondo akonyigi yudo injili maber maluokogi kuom richogi duto.
Kuom mano gony kuom richo nyalobedo matek kaok en mananikech gweth mare, ka waseromo gi Ruoth kendo wanwan’go Roho Maler to kare wan jogo mogwedhi ahinya. Wach malich ahinya, ji man’geny ok osen’geyo ni gweth mag Nyasaye wuok kuom yie e injili.
Gweth mag Nyasaye a kuom yie e injili maber manochiwnwa kuom Yesu kristo, maen wuode ma miderma. Yesu e jalno manowarowa kuom richo duto mag piny kendo ogwedhowa kod n’guono mare, on’ge ng’ato machielo manyalo warowa kuom richowa kendo kata konyowa e rucho richo modak e chunywa. En ng’at mane manyalo warore kende owuon kuom richone kod lit mar tho mochwere?
Nyasaye nyisowa, “Yoo ma ng’ato paro ni ver nyalo mana ter e tho” (Ngeche 16:25). Ji loso dinde maggi giwegi kendo giwuotho ka gichomo kethruok tho. Dinde man’geny sungore ni gijiwo wach mar bed makare kendo ginyiso yoregi giwegi mar waroji kuom richogi to mana kuom injili mar pi kod Roho, mane Ruodhwa omiyowa, ema nyalo warowa kuom richowa duto. Mana Yesu kende e jawar manyalo waro joricho kuom richogi.
E buk mar Johana 14:6, Ruodhwa wacho niya, “an eyo, adiea kedno n’gima.” Ne ochiwo ringre owuon kod rembe ne jogo maluwo yo mar tho. Bende ne owacho kuome owuon ni en e yoo matero e ngima maradier. Nyasaye wacho ni ka ng’ato ok oyie kuom injili maber mar Yesu to ok onyal donjo e piny Ruodh polo.
Nyaka wayie kuom injili mar pi kod Roho, kendo richowa owenwa kendo wayie ni en e jawarwa mondo wadonj e piny Ruodh polo.
Israel E Ndalo Machon
“E kinde mane Ahaz wuod Jothan ma nyakwar Obet ruodh Juda, Rezin ruodh Amor kod Peka wuod Ramalia ma ruodh Israel ne jodhi monjo Jerusalem to kawe otamogi” (Isaya 7:1).
Kinde machon Israel ne oganda achiel. Kata kamano, Israel nopogore diriyo Nyadwat kod Miliambo. Kanisa mar nyasaye ne oger Jerusalem mane en Judea, kama ne Jeroboam wuod Solomon nerito. Ban’ge Jeroboam achiel jotich Solomon ne oloso oganda machielo yo Nyadwat kuom mane Isarel nopogore. Chakre kindeno yie mmane ji nigo kuom Nyasaye nodok chien. Dok chien mar yie emane obedo chakruok mar puonj mogwenyore moloso dinde masani. Kuom mano Jeroboam nobedo jalno manochako puonj mogwenyore. Ne oloko chike Nyasaye nikech nodwaro mondo orit oiny ruodhe kendo kuom mane joge mane odak Israel, piny ruoth ma yoo Nyadwat. Bende notemo monjo jo Juda jogo modak milambo. Kinde madirom higni mia ariyo nokadho to yuaruok e kind pinje Ruodhi ariyogi ne ok olokore.
Kata kamano, Nyasaye nowuoyo gi dho janabi Isaya, “Adier nikech jo-Arare gi jo-Efraim kaachiel gi wuod Ramalia osechano mondo otieku, ka giwacho niya, wamonj piny mondo wakedgo, kendo kwasekawe to waket wuod Tabeel obed ruoth kuno. To Ruoth Nyasaye wacho kama; mano ok notimre e ndalogi kata e ndalo mabiro, nimar kata ni Damaski e dala maduon’g man Arare, kendo Rezin e jatend dalano, bende kata obedo ni Samaria e dala maduon’g man Efraim, kendo wuod Ramalia e jatend dalano, to ban’g higni piero auchiel gabich Efraim nokethi mi ok nochak obed oganda kendo. Kuom mano, bed gi yie motegno kuom Nyasaye, nono to ok ibi chung mogurore” (Isaya 7:5-9).
E ndalo no Nyasaye nokoro wach kokalo kuom Isaya ne Ruodh Ahaz, to ruodh ne onge kod yie kuom Nyasaye. Ahaz nobedo kod luoro mane ok onyal kedo kata kod jolweny moa Siria, to kane owinjo ni Jo- Siria kod Jo-Isarel joriwore kanyakla, luoro nomake koteni. To jatich Nyasaye Isaya, nobiro monyise, “e kinde matin ne higni piero auchiel gabich, jo-israel modak Nyadwat biro podho kendo chenro maricho mag lweny ma Ruodhi ariyogo oseiko ok bi timore.”
Jatich Nyasaye nonyiso Ruoth Ahaz mondo odwar ranyisi kuom Nyasaye. “Kwa Ruoth Nyasachi mondo omiyi ranyisi moro amora moa mwalo e bur piny, kata moa e polo malo” (Isaya 7:11). “Un joka Daudi chikuru itu! Chunyji ma uolo pok oromou koso, mapod udwaro olo bende ni? Koro Ruoth Nyasaye owuon biro miyou ranyisi machalo kama; nyako moro osemako ich, kendo obiro nyuolo wuowi ma obiro chako ni Emmanuel” (Isaya 7:12-14). Mae e koro mage. Ni obiro waro joge kuom richo margi.
EN N’GA MA JASIK NYASAYE?
Jasik dhano en rico kendo richo nochakore koa kuom satan. Kendo n’gano ma jawarwa kuom richo magwa? Jawar en mana Yesu kristo, ma wuod Nayasaye. Dhano ni kod yom yom mar ringruok omiyo kuom mano osiko kotimo richo. Odak ebwo teko mar jachien. Ji man’geny miwuoro pod timo limbe ne jokoro maneno gik mabiro timore e dalo mabiro kendo gitimo mondo gidag machal kod gik ma jonabi mag miriambo onyisogi mondo gitim. Ma en ranyisi manenore ni gin e bwo loch mar statan.
Ruoth nomiyo Isaya ranyisi mar warruok, mawacho niya nyako moro nomak ich kendo noywol wuowi kendo nochak nyinge ni Emmanuel. Ne en chenro mar Nyasaye mondo oor Yesu e kido mar ringruok mar dhano matimo richo mondo owar joricho kuom satan masando ji. Kat oluwore kod wach mokor, Yesu nobiro e pinyni kaka dhano moyuol kod nyako Maria.
Ka dine Yesu ok obiro irwa dikoro pod wadk e bwo loch mar satan. To Yesu nobiro e pinyni kendo nobatise kod Johana mi ne otho e msalaba mondo omiwa injili maber mabiro waro joricho duto kuom richogi. Kuom mano, ji man’geny oyie kuom injili maber, ni richogi osewenegi kendo gibedo nyidhid Nyasaye.
Kata e ndalogi, Jo-Theolojia man’geny ywayo wach ka bende Yesu Kristo ne en Nyasaye koso dhano. Jo- Theolojia morito wach Nyasaye wacho niya “Yesu en Nyasaye,” to jo-theolojia moko manyien wacho ni Yesu ne en nyathi Joseph. Mano kaka en wach mar yuagruok!
Jo-theolojia moko manyien wacho ni ok ginyal yie ni Yesu ne ni kod teko mar wuotho ewi pi. Giwacho niya, “Ni Yesu nyaka bed ni nowuotho e pith moro mopimore kod pi to ka ne jopuonjrene noneno koa gi mabor noparo ni nowuotho e wi pi.” Ji mandalogi man kod somo mar ranginy mar Dr of Divinty mae skunde mag ‘New Theology’ ok gin jogo malich mosomo wach mar ndiko maler (Theology). Thothgi oyiero mana yie kuom gino ma ginyalo winjo e muma.
Mondo achiw ranyisi machielo, muma wacho ni Yesu nopidho ji elufu abich kotiyo gi rech ariyo kod makate abich. T gin kod paro mogwenyore kuom mano ma ji oyiego kuom nono giler eyorni. “Ji ne luwo Yesu kendo kech ne kayogi ma gichiegni gi tho kuom mano Yesu nokwayo jopuonjrene mondo ochok chiemo duto manodon’g. E ka nyathi moro nochiwore momiyogi chiembe, kendo jomadongo duto ne wachni omulogi mi ne gigolo chiembegi duto mane gikano. Ban’g kane gisechako chiemo duto kanyakla mi gichiemo, aditni apar kod ariyo ne odongo. Jasomo mag muma make kod magi temo mondo olok wach Nyasaye mondo orom kod parogi morem.
Yie kuom wach Nyasaye en bedo kod yie kuom injili maber ma Nyasaye nochiwo. Yie ok, ofulo ni ng’ato yie kuom wechene owuon nikech wechenego donjone to tamruok e yie gimoro nikech ok donjne, kata ka wanyalo winje ka ok wawinjo nyak wayie kuom Nyasaye kendo wauak wechene mana kaka ondiki.
Adier ni Yesu nobiro irwa kaka wuod dhano nyiso ni ne oore mondo owarwa kuom richowa. Isaya nosekoro wach ni obiro biro kuomwa kaka wuod dhano ma nyako onywolo.
E chakruok 3:15, Ruoth Nyasaye nowacho ni thuol niya “Anaket sigu e kindi gi dhako kendo e kind kothi go kothe, Nyikwai noto wiyi, to in nika ofunj tiendgi,” ma nyiso ni Nyasaye noseiko chenro mar oro Yesu e kido mar dhano kaka jawarwa mondo owar dhano kuom richone.
E muma ondiki niya, “In tho ere lochni? in tho ere lit mikelo? Lit mar tho en richo kendo richo yudo teko kuom chik” (1 Jo-korintho 15:55-56). Lit ma thokelo en richo. Ka dhano otimo richo to tho miyo obedo misumba. To Ruodhwa nosingo, “Koth dhako biro toyo wiyi.” Na tiende ni Yesu biro ketho lit mar richo mane satan nokelo.
Yesu nobiro e pinyni, nobatise mondo okaw richo duto mag piny, kendo nogure kin’gado ne bura nikech richoga. Ne owalo ji duto ma oketo kuom injili kuom richogi. Ka Adam kod Hawa notimo richo, Nyasaye nosingo mar waro dhano koa kuom tekko mar satan. E piny masani, Jasik Nyasaye gin jogo ma ok oyie kuom injili maber.
Ang’o momiyo yesu nonyuol e pinyni
Nyasaye momiyowa chik kendo injili maber mondo owarwa kuom richowa. Ebwo chik Nyasaye ji bedo joricho e wan’g Nyasaye maket kod mano, chik nochiw mondo ji on’ge godo richogi. Ka ji wasubni mag richo kendo chik owuon, Ruodhwa nobiro e pinyin mondo ochop tim makare mane chik dwaro.
Yesu nonyuol e bwo chik. Ne onyuole e ndalo mag chik. Gima omiyo ji ne dwaro en ni mondo ginge godo richogi. E ka giyud n’guono kuom richogi. Joma nyalo chik kuom lepgi mana ka gifwenyo ni lweni go olil. Maket kod mano gifweny richogi. Ji nyaka luw chik Nyasaye. Ka dine on’ge chik, dikoro ji ok on’geyo gima en richo, kendo Yesu dine ok obiro e pinyni.
Ka wan’geyo chik Nyasaye to in gi thuolo mar romo kode. Ne wan’geyo chik kendo ema nomiyo ne wan gi thulo mar ngeyo richowa, Mana ban’g ngeyo richowa eka Yesu nobiro mokelonwa injili maber mondo wayie kuome. Ka dine nyasye ok omiyowa chik to dine ok wabedo joricho kendo bura dikoro onge. Kuom mano Nyasaye nomiyowa chik kendo nochiwonwa injili maber mondo owar joricho duto kuom richogi.
Chik manyaka dhi nyime e kind Nyasaye kod chwech en mar warruok, maen chik mar hera, Nyasaye nonyiso dhano, “mak mana olemo mayiso ber gi rach ema kik ichane, nikech chieng michomoe to init ho” (Chakruok 2:17). Mae e chik mane Nyasaye omiye kendo chik nobedo chakruok mar hera mane Nyasaye owarowa godo kuom richo. Chik mar warruok mane oger e wi mise mar weyo richo. Nyasaye nyisowa ni en e jachwech kendo gik duto nobetie kod dwaro mare. Ma nyiso ni Nyasaye en ng’at malich kendo ji nyaka yie kuom chiken mar warruok mane ochopo kare kuom injili.
Nyasaye malich nikod ber miwuoro. Hera mar Nyasaye kuom piny nomiyo ochiwo wuode achie kende ma miderma, manobedo jawar mar joricho duto. Ka Nyasaye ne ochiewakendo ok omiyowa injili maber mondo owarwa kuom richowa duto to dine wargume.
To Nyasaye ne dwaro warruok kuom kethoruokwa wawegi omiyo ne oketo chik mar warruok. Nikech chik, wan gi thuolo mar ngeyo richowa kedno ka omiyogi wachako yie kuom injili mar Yesu. Ka waweyo wach Nyasaye, to wabedo joricho enyime chik, to bang ka joricho duto osegoyo chonggi piny kakwaye ng’uono mar weyo richo e nyim Nyasaye.
Yesu nonywol kod dhako kendo nobiro e piny ni mondo owar dhano kuom richo margi. Yesu nobiro e pinyni kaka dhano mondo ochop chenro mar Nyasaye kuome, Wayie kuom injiline maber, kuom mano wapako Ruoth.
Jomoko n’gur, “An’go momiyo Nyasaye nochweya mayom yom mondo alwar e richo piyo kedno asechandora ahinya nikech timbena mamono?” To Nyasaye ne ok dwar ni mondo wahandre, ne owewa mondo wachandre nikech ne ok wayie kkuom injili mar Yesu, Nyasaye nomiyowa chandruok kendo injili maber mondo wabed kod teko machal kode kaka nyithinde mano ema ne chenro mare.
To jochiende wacho, “Ooyo! Ooyo! Nyasaye en ja an’genge!” Dhiuru nyime mondo udag kaka udwaro. Bed thuolo mi dwaroni obed kuom tekoni owuon!. Jochiende bende temo mondo ogen’g dhano mondo kik wuo kuom Nyasaye. To jogo moyie dak maonge Nyasaye gin ragen’g mar chenro mar warruok. Yesu ne obiro e pinyni kendo oluongo jogo man e bwo teko mar satan mondo oful richogi. Ok owinjore wadag maber kod Nyasaye.
Dhano inyuolo jaricho ma oikne mach maok rum
On’ge adiera e pinyni maok nyal lokore. Yo injili maber mar Yesu e adiera makende maok lokre, kuom mano, ji nyalo geno kuom adierano kendo giyud resruok magologi e bwo teko mar satan. Dhano noyuol kod richo mar Adam gi Hawa kendo ka kristo ne oresi to dine otho e mach. To kata kamano, erokamano kuom misango mare, dhano ne ogwedhi kod teko mar bedo nyithid Nyasaye. “To ndalo biro ma piny mayande neno chandruok nobed gi mor” (Isaya 9:1). Nyasaye nooro wuode e pinyni kendo nomiyo duong jogo moyie kuom injili mar warruok.
“Ji mawuotho e mudho none ler maduo’ng. Adier ler norieny kuom jogo modak e piny motimo mudho mandiwa” (Isaya 9:2). Kawuono wachni bedo adieri kuomi kendo kuoma. Mana kuom yie e injili, maber ne wayudo gweth mar ngima mochwere, maok wanyal yudo e pinyni. Yesu kristo nowaro dhano kuomricho gi duto mag pinyni kendo kuom jogo moyie kuom injili maber nomiyogi ngima mochwere kod piny Ruodh polo.
Ne oketo ler maber mar injii kuom jogo mane onge geno
Ndhano, maket kod an’gwen’go, yudore e pinyni mana kuom kinde matin to bange obedo maonge. Ngimane chal kod cham mipidho e higa ka mana ka lum. Lum bedo mana gi ngima kuom dweche matin ehiga to bange olal kaluwore kod chiwo mar Nyasaye. Duto onge ohala e ngimawa kaka lum. To Nyasaye nochiwo injili maber ne chunjewa mool kendo kuom ber mare, notimo wa wabedo nyithinde. Mano n’guono maduo’ng miwuoro machalo nade! Ngimawa maonge kod ohala nyalo bedo ngima mochwere erokamano kuom hera mar Nyasaye. Kendo nogwedhowa bende kod teko mar bedo nyithinde.
Maendi en hulo richo mar chuny mane ogwedhi kod ng’uono mar Nyasaye kuom yie e injili maber.
“Ne onyuola e kind jo ot mane ok oyie kuom Nyasaye. Kuom mano, ne adongo kaparo ni en gima ber ne minwa mondo olere ni nyiseche manie polo kod manie piny kuom bedo maber mar joodwa okiny ka okinyi kaen kod bakul enyime. Kaka ne amedo dongo, ne ok an’geyo nengo mara kata gima ne omiyo antiere e piny, Mane oketa kuom yie ni ne ok ochuno mondo abed mangima kata atho. Nikech ne ok an’geyo nengo mane angodo, ne adak e kit ngima mokuyo.
Ngima machalo ko ma ne ojoga omiyo ne adhi piyo mondo ayud kend, Ngimana mar kend ne ver moloyo. Naonge kod gima anyalo gombo ne adak ngima mokue kendo maber. Ban’ge nayudo nyathi kendo kochakore e thuolono ne a yudo ni hera nochako bedo kuoma. Ne achako weyo kit ngimana mar ich lit to naluoro lal mar jogo machiegni koda.
Omiyo, nachako manyo Nyasaye, ne ok anyal omiyo ne adwaro jalno malich mondo arit jogo mahero. Kuom mano ne achako dhi e kanisa to yie mara ne ni kod pogruok matin kod yie mar minwa ka ne olemo enyim bakul man kod pi-lemona ne otenore kuom luoro manono kod geno.
Chieng’ moro ne abedo e chokruok moro matin mane olos kod kanisa mer gwen’g kendo kane oyudo alamo, pi wan’ga ne ochako wuok. Wiya ne oluot e lela kendo natemo mondo awe yuak, to pi wan’ga nomedo mana wuok. Jogo maneoluora ne oketo lwetgi e wiya kendo ne gipaka kuom yudo Roho Maler. To ne pacha nolal. Ne ok ayan’go kata wach Nyasaye eyo maler kendo yiena kuome ne yie manono kuom mano ne aonge kod chir ni tekono ne en mar Roho Maler.
Kanisa mane adhiye ne otudore kod wuoth mar jopentekosti charismatic, kendo ji man’geny ni kod winjo machal koda kendo machiegni ji duto ne dhum. Odiechieng’ moro achiel, ne oluon’ga e chokruok moro mar jiwo chunje mane olos kod Jopasta mane ji wacho ni kond Roho Maler. Jopasta ne ochoko ji man’geny e kanisa kendo wacho ni obiro chango ng’at man kod tuo mar Sinositis nikech ne en kod teko mar Roho kuom timo kamano. Kata kamano, ne en kod paro ni tuo mar sinositis idhiedho e hospitende, kuom mano ne agombo ngeyo kaka ne oyudo Roho Maler. T ban’g ka jopasta nobedo kod nyalo mar chango tuo ne ochako sungure ni onyalo fwenyo ni nyathi skul nyalo kadho penj mare matere e mbalariay kata ok onyal. Ji mangeny nopako tekone mana ka Nyasaye.
To ne ok anyal winje, kendo ne ok anyal wacho ni kit teko mane Pasta ni godo ne ni kod tudruok kod Roho Maler. Ne ok aparo ni en gima ochuno kata bedo ni en kod nyalo mar chango tuo mar sinoistis kata neno kalo mar n’ato e penj. Omiyo ne ok anyal kawo tijeno kaka tich mar Roho Maler.
Teko kod hera mar Nyasaye mane an go epacha ne ni kod pogruok kod winjo mane aneno. Kuom mano ne aweyo dhi e kanisa kendo dar kuom jogo moyie kuom teko mar Pasta. Ban’g mano, ne adhi e kanisa ma koko onge, mane ayiero nikech ne an kod yie ni nachung motegno kuom weche Nyasaye. Ne apuonjora kuom chik kendo kokalo kuoma nafwenyo ni ok aler. Nyasaye nobedo gir luoro maduon’g kendo napuonjora in ok anyal nenora kaka n’at moluor enyimi Nyasaye kendo ni Roho Maler ne onge kuoma.
E buk mar Isaya 59:1-2 ondiki niya, “Bad Ruoth Nyasaye ok chiek maok onyal resoji, bende ite ok nok maok onyal winjo wach, to richou ema opogo kindu gi Nyasachu. Adier, richou ema osemiyo opandonu wan’ge mondo kik owinj kwayou.” Mae ne odonjo e kit ngima mane an go. Ne gima tek kuoma mondo abed nyathine kendo mondo ayud Roho Maler nikech gik moko duto mana atimo kata par one gin richo.
Ne aluoro Nyasaye kendo nadhi nyime kuom lemba mar hulo richo maonge kod lokruok moro amora kuoma. Onge ng’at mane onyisa ni mondo atim kamano, to ne adwaro mondo achung kuom luor e nyim Nyasaye. Nikech ne an jaricho, ne amedo lemo alam mar fulo richo. To alamnagi ok nyal luoko richona oko. Gima ne atimo ne nyiso pacha kod adieri mara kuom richona mane pod ni kuoma. Kochakore e kindeno ne achako bedo n’gur kuom Nyasaye, Ne en dwaro mara mondo abed makare enyim wan’ge to ne ok anyal bedo makare e sechego, kuom mano n’gur mara kod richo nomedore ahinya.
E kindegi ma lemo ni kod gwenyruok man’geny, wuonwa nobedo katuo mar abadi. Ne ochandore kuom ndalo piero an’gwene ot miyan’goe ji kar thieth ka pok otho. To ne ok anya lemone wuonwa kata dichiel. Ne an jaricho kuom mane aparo ni kalemo ne wuonwa to lit ma en godo biro mana medore. Ne asandora kuom bedo maonge yie kendo ne agombo yudo Nyasaye to ne ok nyalre, kuom mano ne adhi nyime kod ngur kendo mogik ne aweyo Nyasaye. n’gimana mar lemo norumo kamano. Ne aparo ni kayie kuom Roho Maler biro dak kuoma kendo abiro bedo kod kue to mano ne ok en adieri. Ban’g mano ngimana ne omedo bedo maonge ohala kendo nadak kod luoro kendo maon’ge mor.
To Ruoth ne ok oweya. Natimo mondo arom kod jogo moyie gadiera mondo ayud Roho Maler kuom wach Nyasaye. Ne apuonjora kuom ng’atni ni Yesu nokawo richowa duto kuom batiso mare mane Johana obatisego kendo nosen’gadne bura mar richogi e msalaba. Kuom mano richo duto mag pinyni, noriwo nyak mara, duto ne owenwa, kare awinjo wachni mi abedo kod n’geyo malon’go ne anyalo neno ka richona duto ne osewena. Nyasaye nokonya koweyona richona duto, ne omiyo gweth mar Roho Maler kendo okelo kwe maduo’ng e ngimana. Ne otaya mos, komiya winjo malongo mar ngeyo ver kod rach kendo kaka anyalo dak e Roho Maler.
Ng’ato ang’ata kuomwa ni kod gweth mar n’guono mar Nyasaye kendo ne en thuolo mar yudo Roho Maler. Agoyo ne Ruoth erokamano kuom miyowa injili maber. Nyasaye gwedho jogo makare kod mor. Chunje jogo makare bedo moil. Nyasaye miyowa mor mosiko. Kkendo wan’giyo kaka warruok mar Nyasaye ver, hea kod n’guono bende nitie kendo wagone erokamano. Nyasaye nomyowa mor eyor injili maber mondo oketwa thuolo kendo kare. Injili maber ema miyo wabedo jogo mogwedhi. Ruoth nomiyowa injili maber kendo ore ni jok makare winjo ver mar ngima mogwedhi.
Mana kaka ondiki e Luka, Maaria nowacho, “nikech onge gima nyalo tamo Nyasaye… Eni an ka, jatich Ruoth, Ver mondo mi otimna kaka iwachono. Eka malika noweye modhi” (Luke 1:37-38). E kindego mane Maria oyie kuom weche mabeyo mag Nyasaye, kaka malaika nowacho, nomako ich may Yesu. machal kod mano kuom yie mar gi, jogo makare bende mako ich mar injili maber e chunygi.
“Mano notimre nikech ibiro turo jok ma gitingo, kaachiel gi luth misandogigo, mana kaka natimo e ndalo mane olo Jo-Midian,” (Isaya 9:4). Satan e ma okelo lit duto, tuoche, kod sand man e ngimana to wan jogo mayom yom kendo ok wanyal loye. To Nyasaye oherowa kendo kuom mano ne okedo gi jachien mi oloye.
“Nikech nonywolonwa nyathi. Adier, ibiro miyowa wuowi, kendo luch nobed e lwete, Noluon’g nyinge ni Jabura mahono, Nyasaye maratego, wuoro manyaka chieng, kendo Ruodh kwe. Lochne nobedi maduong kendo kwe mokelo nobed maonge giko. Enobed e kor Daudi kendo enorit pinye gi adiera kod tim makare mondo ogurre obed motegno. Chakre kawuono nyaka chieng’, Ruoth Nyasaye manyalo gik moko duto oseketo chunye mondo otim gigo” (Isaya 9:6-7).
Nyasaye nosingo mondo omiwa duon’g kaka nyithinde e yor injili mane Yesu okelo. Ne oweyo satan mana ne osesingo kendo noresowa a kuom teko mar satan.
Ruoth nobiro e piny kendo kuom tekone nosingo mondo ogol mudho duto mar richo. Koro wan bende waluongo Ruodhwa ni Jabura mahono. Osetimo honni man’geny ne wan. Yiero mar Nyasaye mondo obi epinyni kaka wuod dhano e midhiero. “Biuru ira mondo wapor wach kanyakla, kata obedo ni richou kwar manade to ginidog matar ka pee. Adieri, kata ka ni richou kwar ka remo to ginibed marachar k pee” (Isaya 1:18).
Ruoth nosingo amr warowa kuom richowa kendo owenwa richowa manyaka chieng. Yesu miluon’go kaka jawar mahono kendo eyo makande, osetimo honni. “Nyinge nobed jabura mahono, ochano waruokwa kuom injili maber kendo nochopo chenro ne mar warowa manyaka chieng”.
Fup Nyasaye riek moloyo rieko mar dhano. Ne en rieko mare mondo Yesu oyud batiso uom Johana kendo otho e msalaba mondo owarwa kuom richowa duto.ma en tich mar midhiero mare otimonwa, to en chik mar hera mane owarowago kuom richowa duto. Chik mar hera en injili maradieri materowa e nwan’go Roho Maler e yor pi kod rembe.
Ruoth wacho e buk mar Isaya 53:10, “To kamano ne en dwaro mar Ruoth Nyasaye ni mondo ogoye mi kete e chandruok.” Yesu noketo chunye kaka misan’go mar pwodho richo mondo otim dwach Nyasaye, ne oketo richo mag piny kuom wuode Yesu kristo, kendo nomiyo osande kod lit mar gur e msalaba mondo on’gandne bura nikech richogo. Maen injili maber mawaro dhano kuom richogi duto nyadichiel kendo moromo chuth. Kristo nochiwo ngimane ne wan nochulo gop richo kendo ogwedhowa kod warruok.
Yore ma nyasaye oketo michiwone godo misango
Kara richo marom nade mana
Yesu okawo e gur batiso mane oyudo
kuom Johana?
Richo mokadho, masani kod richo mabiro
kochakore e chandruok nyaka giko.
Muma wuoyo kuom chiwo mane okelo ng’wono kuom richo mag odiechieng’ achiel. Jaricho ne nyaka kel misan’go maon’ge ketho kendo mondo oket lwetene ewi misan’goni mondo oket richone kuome.
Ban’ge ne onego misango kendo chiwo rembe ni jadolo maduon’g kendo jadolo maduon’g ne kawo moko kuom rem misan’go e nyim altar.
E yorni, ne inyalo wene richone mag odiechieng’. Keto lwedo ne obedo yo ma joricho ne nyalo weyogo richone ewi misan’go. Jogo mane ogol chiwomargi e yor ma muma oyiego ne yudo piodhruok kuom richo margi. Yore chiwo misan’go e mano bedo yo mar puodhruok kuom richo e ndalo ma Yesu ne pod ok osekawo richo duto oko.
Nyasaye oseyiero odiechieng’ mar puodhoruok mondo Jo Israel opuodhrego kuom richo magisetimo e higa duto. Chiwono ne timore e ndalo mar apar mar dwe mar abiriyo. Nyasaye noyiero Harun jadolo maduon’g, kaka ng’atno manetimo dolo ka oketogo richo duto ma Jo-isarel osetimo e higa e wi nyanyuok misembo e thim. Nyasino ne itimo kuom dwaro mar chenro mar Nyasaye. puodhruok mar richo ne otimore kuom rieko kod hera mane engo gi Dhano. Mano e teko mare.
“Tun’g man e kendo mar misan’go” ochan’gne “Buge mag bura’’ (Fweny 20:12), kama richo mag dhano indikoe. Gimomiyo jadolo keto remo mar misan’go e tun’g mar kendo miwan’goe misan’go e mondo oruch nying kod ketho mondiki e kitabu mar bura. Remo e ngima mar ringruok duto. Misan’go nokawo oko richo Jo-iarael kendo nyadiel misembo e thim ne inego mondo ochul gop richo. Nyasaye noyie mondo chiwo mar misan’go onegi eka mondo oyie bura margi mar richo. Mano ne en kido mar rieko mare kod hera ne wan.
Yesu kristo ne obiro e pinyni kaka misan’go magolo richo mondo otim vhenro mar Nyasaye. Yesu ne okawo richo mag piny e yor chiwruok kaka misan’go. Ka wan’giyo weche mag singruokni, waneno, “Adier ne omoro Nyasaye mondo ogoye i ose mise chandruok.” “Kata ne okawo richo dutomag piny,” “Nimar osenyuolnwa Nyathi, osemiwa Wuowi; loch nobedi e goke; Kendo nyinge miluongego en Hono, Jabura, Nyasaye ma Jateko, Wuonwa ma ma Nyaka Chieng’, Ruodh Kuwe. Lochne gi kuwe ok nowe medore ameda, ewi kom ruoth mar Daudi gi piny ruodhe, mondo omiye tegno, kendo sire gi bura kod tim makare nyaka a kawuono nyaka chieng’ Jehova mar ogendini mag lweny notim ma kuom kindane” (Isaiah 9:6-7).
Singo mopondo kendo maber ne en ni Yesu ne dhi timo dwaro mar Nyasaye kendo miyo ji duto moyie kuwe ka okawo oko richo mar piny. Singo mar Nyasaye ne en singo mar hera, mane otimo mondo okelgo kuwe ne ji duto. Ma e gima Nyasaye osingonwa, kendo mano e gima ne otimo.
Mathayo 1:18 wacho niya, “Nyuol mar mesia ne chalo kamo kane Joseph osemako kend mar Maria min Yesu to pok gi kendore, Maria noyudo ni osemako ich kuom teko mar Roho Maler.” Yesu tiende ni jawar, jalno mabiro waro joge kuom richo maggi. “Kristo’’ tiende ni Ruoth, Yesu ne onge kod richo, kendo en Ruodhwa, kendo jawarwa mane onuol kod nyako mondo owar joge kuom richo margi.
“Obiro nyuolo wuowi, mi ichak nyinge ni Yesu. tiende ni jawar, nikech enowar, joge kuom richogi, mago duto notimore mondo ochop wach mane Ruoth nyasaye osemiyo janabi owacho’’ (Mathayo 1:21-22).
Yesu nokawo richo duto mag piny eyro batiso mare
Ondiki e Mathayo 3:13-16, “E ndalo go Yesu noa e piny Galili modhi e ahora jordan mondo Johanaobatise. To Johana notemo lamo kakwere ni, An ema onego ibatisa to kendo in ema ibiro iar mondo abatisi? “Yesu nodwoke niya moko duto ma Nyasaye dwaro.” Mano omiyo Johana ne oyie mondo obatise. Yo kane osebatise, ne owuok oa e pi mana gikanyono kendo polo ne oyaworene, mi oneno Roho mar Nyasaye kalor kaka akuru, kabiro kuome.”
Johana jabatiso yudore e somoni. An’go momiyo ne Yesu nyaka nwan’g batiso kuom Yesu? Yesu ne nyaka batisi mondo okaw richo duto mag piny, kendo okawgi duto kaka chenro mar Nyasaye dwaro.
“Kendo loch nobed e lwete” (Isaya 9:6). “Loch” tiende ni Yesu e jal man kod teko loch kaka jatelo mar polo, kaka Ruodh piny. Ma e loch momi mana Yesu kristo. Yesu notimo gima ver kuom kawo richo duto mag dhano. Gimaberni en ni mondo noyud batiso kuom Johana. Gima ne Yesu nyiso kowacho, “Mano e kaka owinjore wachop tim duto makare” kendo ni kawo richo duto mag piny ne en gima ver kendo moromo.
Jorumi 1:17 wacho niya, “nikech mana kuom yie kendo chopo kuom yie.” Tim makare mar Nyasaye e lor kuom injili. Bende injili maradieri mar pi kod raho fwenyo tim makare mar Nyasaye? Ee! Injili maradieri en ni Yesu kristo nokawo richo duto mag piny e yor batisone kod guro mare. Injili mar pi kod Roho e injili maber maelo tim makare mar Nyasaye. Ere kaka Yesu nokawo richo mag piny, ne okawo richo duto mag piny kane Johana obatise e aora Jordan.
“Tim makareduto” en “pasan dikeosinin” gi dho greek, ma nyiso ni Yesu nokawo richo duto mag dhano e yo mowinjore kendo malon’go. Onyiso ni luoko mar Yesu kuom richo duto mag piny ne ver moloyo kendo lon’go, Yesu ne nyaka batisi kod Johana mondo oruch richo duto mag piny.
Nyasaye non’geyo malon’go ni batiso mar Yesu ne nyaka timre mondo oket kwe kuom dhano.Yesu dine ok obedo jawar, kadine ok otmne batiso kod johana kendo chwero rembe e msalaba. Yesu nobet kaka misango kuom golo richo duto mag piny.
Nyasaye wacho e buk mar Isaya 53:6 “waduto ne waselal mana ka rombe, ka ng’ato ochiko mana yore owuon, to en ema Ruoth Nyasaye noketo richowa duto kuome.” Yesu ne nyaka yie richogi duto mag piny mondo mi otim dwaro duto mag Nyasaye. ma e gima omiyo Yesu nobiro kaka misango mar golo richo e kido mar dhano kendo obatse kod Johana.
Yesu ne nyaka yie richo duto mag piny kendo mondo on’gadne bura kuomgi mondo mi dwaro mar Nyasaye kendo mondo onyis herana maok rum. Kane Yesu owuok e pi ban’g mao. Nyasaye nowacho, “Ma en wuoda mahero, chunya mor kode,” (Mathayo 3:17).
Osenyuolnwa nyathi
“Nikech nonyuolnwa nyathi, Adier, ibiro miyowa wuowi, kendo loch nobed e lwete. Noluon’g nyinge ni, Jawar mahono, Nyasaye maratego, wuon manyaka chieng, kendo Ruoth kwe” (Isaya 9:6). Yesu e wuod Nyasaye, Yesu e Nyasaye me jachwech mano ochweyo piny duto. Ok wuod Nyasaye maratego kende, bende en jachwech kendo Ruodh kwe, Yesu e Nyasaye mane okelo mor ni dhano.
Yesu en Nyasaye mar adieri, Ne okawo ichowa duto, owarowa kendo omiyowa kwe. Bende nitie richo e pinyni? Ooyo, onge richo. Gima omiyo wanyalo wacho kwajochir ni onge richo e pin en ni nikech wayie kuom injili maler, mawacho ni Yesu noluoko richo duto mag piny kokalo kuom batisone kod rembe e msalaba. Ne oyie ji duto mane oyie kuom wuode kendo omiyo gi kwe. Ne oketowa momdo wadg kaka nyithinde ma owar kuom yie mosiko. Apako Yesu Ruoth kendo aduokone erokamano.
Neuru! Nyarombo Nyasaye magolo richo mag piny!
Johana 1:29 wacho, “Kinyne, Johana noneno Yesu kabiro ire mowacho niya, ‘neuru,’ Nyarombo Nyasaye magolo ketho duto mag piny!” Yesu kristo nochako biro ir Johana jabatiso kinyne kane osekawo richo duto mag piny kokalo kuom batisone. Johana nobedo janeno mare kowacho niya, “Neuru! Nyarombo Nyasaye magolo kethruok duto mag piny!” Ne obedo janeno mare kendo buk mar Johana 1:35-36, “Kinyne kendo Johana noyudo ochun’g kanyo gi jopuonjrene ariyo. Noneno Yesu kawuotho, mowacho niya, Neuru! Nyarombo mer Nyasaye!”
Yesu ne en mesia mane obiro kaka nyarombo Nyasaye, mana kaka Nyasaye ne osesin’go e muma machon. Mesia Yesu kristo nobiro kuomwa kaka jalno marahuma, jabura mahono. Kendo Nyasaye maratego, kendo nobatise mondo owarwa kuom richowa duto, oseyudnwa nyath. Ne okawo richo duto mag piny kokalo kuom batisone kuom Johana, nochulo msach richo, kendo nobedo Ruodh kwe machiwonwa kwe kendo weyonwa richowa duto. “Neuru! Nyarombo Nyasaye magolo ketho duto mag piny.”
Ji chon ne onge gima ginyalo timo to mak mana tho kuom richogi. Dhano ne osingne ni nyaka otim richo modhuro nikech kit richo mane ochwegi godo kendo dhi e mach mosiko. Gidago ngima mar achiedh nade; onge kata achiel kuomgi manyalo leko piny Ruodh polo kata donjoe nikech yom yom margi. Yesu kristo maen Nyasachwa, noyie richogi kane obatise kod Johana e aora Jordan kendo ne ogure kin’gado ne bura kuom timgi duto maricho. Kuom thone, kristo nowacho, “Orumo” (Johana 19:30). Mae ema ne yuak mar janeno kuom wach mane Yesu owarogodo dhano kuom richogi kod tho, kendo ne oreso nono jogo mane oyie kuom injili maber.
“Neuru! Nyarombo Nyasaye magolo ketho duto mag piny,” Bende in’geyo kuma richo duto mag piny yudore? Bende gin e ringre Yesu kristo? Ere kuma richo duto kod both mamoko nitie e pinyin? Ne oseketgi duto kuom Yesu kristo. E re kuma richowa duto nitie? Gin e ringruok mar jalno man kod loch lwete; gin e ringruok mar Nyasaye maratego.
Richo duto a nyuol nyaka tho!
Watimo richo e kit ngimawa duto. Ne watimo richo chakrenyuolwa nyaka higa wabedo piero ariyo. E re kuma richo mane itimo kuom higni pierio ariyo odhie? Ne oketgi kuom ringruok mar Yesu kristo. Richo mane watimo e kind higa mar apar gi ariro kod piero an’gwen bende ne oket kuom Yesu. Kaok odewo ni higni adi ma ng’ato dakie, richo ma ng’ato otimo chakre nyuolne nyaka chop giko mare ne oket kuomYesu kristo. Richo mane oganda dhano otimo, kochakore kuom Adam nyaka ng’at mogik e pinyin, bende ne oketi kuom Yesu. Kata richo mag nyithindwa kod nyikwawa bende ne oseketi kuom Yesu. Richo duto ne oketi kuom Yesu e kinde mano oyudo batiso.
Bende pod nitie richo e piny? Ooyo onge modon’g. Onge richo modon’g epiny nikech injili maber mane Yesu omiyowa. Bende in kod richo e chunyi? Ooyo. Amen! Wayie kuom injili maber mawacho ni Yesu kristo nowarowa kuom richo duto. Wapako Nyasaye maratego kuom timonwa tich malich niendi.
Yesu noreso ngimawa mane osela. Koro wayie kuom injili maber mondo mi wadag gi Nyasaye kata kuom jogo mane gin wasik Nyasaye-sani koro inyalo wargi kuom richogi ka giyie kuom injili maber.
Injili maberni puonjowa ni Yesu Ruoth noluoko richowa duto maler kane obatise kod Johana, gurne kod chier mare. Inyalo puodhwa kaka nyithid Nyasaye mana kuomyie e injili mar Yesu. Yesu nochiwo ringre owuon kaka misango mar golo richowa. En maen wuod Nyasaye maratego, mane ok otimo kit richo moro amora e wan’g pinyni, nokawo oko richo duto mag piny kendo nowaro ji duto mane oyie kuome. Isaya 53:5 wacho niya “Ne ochwoye nikch keth-oa, Ee ne osande nikech richowa.”
Yesu nokawo richo duto mag piny, koriwo richo mokwongo kaachiel gi richo maradieri maok oweyo moro amora. Ne ochulo msach richo kod thone e msalaba kendo kuom mano ne owarowa kuom richowa duto, yesu noluoko richowa duto mag pinyni kuom injili maber, waseyudo ngima mayien kuom Yesu. Jogo moyie kuom injili maberni ok nitie kuom Roho motho. Wan’geyo ni wan gi ngima mayien kendo mosiko, nikech Yesu nochulo msara duto mag richowa. Wadebedo nyithid Nyasaye kuom yie e injili maber mar Yesu kristo.
Bende iyie ni Yesu kristo en wuod Nyasaye? Bende iyie ni jawarni? An ayie. Ni Yesu kristo e ngimawa. Ne wayudo ngima mayien kuome. Ne wawinjore gi tho nikech richo magwa kod kethowa. To Yesu nochulo msara mag richo kuom batisone kod thone e msalaba, Ne oresowa ae e twech magwa mar richo, kuom teko mar tho, kod opingo mar Satan.
Ruoth en Nyasaye mane owarowa kuom richowa kendo obedo jawar mar ji duto moyie kuom Yesu. Ka warango buk mar Jo-Hibrania 10:10-12, 14, kod 18, waneno ni Nyasaye nopwodhowa mondo koro kik wabed kod misango mor machielo magolo richo. Wadonjo e piny Ruodh Nyasaye ka wayie kuom Yesu. Nolosnwa tho nikech richowa kod kethowa, to koro wanyalo donjo e polo kendo wawinj ber mar ngima mochwere kwayie kuom batiso mar Yesu kod rembe.
“Jakwath maber chiwo ngima ne rombene” (Johana 10:11). Ruodhwa nobiro epinyni mondo owarwa kuom richowa kokalo kuom batiso mare, thone e msalaba kod chier mare. Kendo omiyo war oho maler ne jogo marichogi osewenegi kuom yie e adiera machal kod ma. Erokamano, Ruoth. Injili mari maber, manyalo miyo jogo moyie yud Roho Maler. Halelluyah! Apako Ruoth.
