- All e-books and audiobooks on The New Life Mission website are free
- Explore multilingual sermons in global languages
- Two new revised editions in English have been released
- Check out our website translated into 27 languages
Subject 3 : The Gospel of the Water and the Spirit
[3-4] Batiso Mar Yesu En Ranyisi Mar Warruok Ne Joricho (1 Petro 3:20-22)
“Yieno noreso ji manok (ma kwan gi oromo aboro) e pi. Pigno en ranyisi mar batiso, ma koro resou sani. Batiso ok en golo chilo e ringruok, to en singruok motim gi Nyasaye gi chuny maler. Oresou nikech chier mar Kristo, ma osedhi e polo, mi obet e bat korachwich mar Nyasaye, kuma enie gi loch kuom malaika duto, gi ruodhi mag polo duto, kendo kuom teko duto.”
Ere yo mwanyalo bedogo makare?
Ng’uono mar Nyasaye.
Nyasaye nong’eyowa kata kapok onywolwa e pinyni. Nong’eyo ni ibiro nywolwa kod richo kendo nowaro wa kuom batiso, mane okawo godo richo duto mag piny. Ne owaro ji duto moyie kotimogi bedo joge.
Kendo ma e tich ng’uono mar Nyasaye. Mana kaka Muma wacho e Zaburi 8:4, “To koro dhano en ang’o ma dipare?” Jogo mowar kuom richo duto e ranyisi mar hera mare maber. Jogo e nyithinde.
Ne wachal nade, wan jogo ma noyie mana kuom remo kendo kuom Roho, kanepok wabedo nyithind Nyasaye, kanepok oketwa kare kendo kane pok owarwa mi omiwa thuolo mar luonge ni wuonwa? Ne wan joricho, mana monywol e richo mondo odag higni 70 kata 80 koponi wan kod ngima maber.
Kanepok oluok richowa kendo kanepok wabedo kod yie kuom Injili mar batiso Yesu kod rembe, ne wan jogo maok ler kendo owinjore kod lal.
Jaote Paulo nowacho ni Nyasaye ne omiyowa ng’uonone nikech en kaka en. Maket kod mano, duto ne otimore nikech hera mare maduong’ momiyo wan kaka wan sani. Wagoyone erokamano nikech ng’uono mare. Jachwech nobiro e pinyini mondo owarwa kotimowa bedo nyithinde kendo joge. Wagoyone erokamano kuom ng’uono mar warruok kuom Pi kod Roho.
Ere gimomiyo ne omiyowa thuolo mar bedo nyithinde ma oketo bedo kare? Koso nikech nwa lombo wang’? Koso wan joma long’o? Koso wan ji ma kare? Owinjore wapar wachno mondo wadwokne erokamano moromo.
Nyasaye nochweyowa mondo otimwa bedo joge komiyowa godo thuolo mar dak kode e piny ruodh polo. Nyasaye notimowa bedo joge komiyowa thuolo mar dak kode mochwere. Mano e momiyo Nyasaye nogwedhowa komiyowa ngima mochwere. Nyasaye ne ok otimowa bedo joge nikech wabeyo, kata wan ji malong’o, kata ni wadak wadak e ngima maber moloyo gik moko duto mochweyo. Wach ma kende en kuom hera mane en go kodwa.
“Pigno en ranyisi mar batiso, ma koro resou sani” (1 Petro 3:21). “Yieno noreso ji manok (ma kwan gi oromo aboro) e Pi” (1 Petro 3:20).
Mana ji manok e dala kendo mana ji ariyo ei ot ema osewar. Bin wabeyo moloyo ji ma moko? Ooyo. Ok wabeyo moloyo ji ma moko to osemana warowa kuom yie marwa kuom pi kod Roho.
En hono e kind hon ni, ni osewarowa, kendo en chiwo miwuoro kod gweth mar Nyasaye mondo waluonge ni wuonwa, kendo Ruodhwa. Ma en gima ok wanyal kwedo. Ere kaka ne wanyalo luonge ni wuonwa kod Ruodhwa kapod wan joricho?
Kwaparo wach mar warruok marwa, to kelowa e ng’eyo hera maduong’ mar Nyasaye kuomwa. Donge wanyalo dwokone erokamano duto? Nikech donywolwa kendo dine watho e ngimawa mar dhier, to giko wadhi e mach, kade ok hera kod gweth mare. Wagoyone ero kamano kendo kuom gweth mare kod herane moseketowa kare ewang’e mondo wabed nyithinde.
Warruok Maber Mane Omiyowa Kokalo Kuom Batiso Mar Yesu
Ang’o momiyo ji Notho e ndalo Nowa?
Nikech ne gidagi yie kuom Batiso mar pi (batiso mar Yesu).
“To pigno ne obedo ranyisi makoro resou.” Ondik e 1 Petro ni mana ji aboro kende emane owar kuom pi. Ji adi mane nitiere e kinde no mag Nowa? Waonge kod yo mwanyalo ng’eyo go kwan mar joma ne nitie ndalo go mag Nowa, to wapar apara ni nenitiere ji manyalo romo milion achiel. Ji aboro kende ma oa e od Nowa emane owar.
Rapim pod nyalo bedo maromre kod kawuononi. Wachore ni wan gi ji million 6 e piny kawuono. Ji adi kuom jogo ma richo gi oseluok oko kuom ji duto moyie kuom Yesu tinende? Ka ne wanyalo ng’iyo mana dala achiel kende, ji maok ahinya eminyalo yudi kuomgi.
E dalawa maduong’, man kod ji manyalo romo 250,000, ji adi mosewar kuom richogi? Nyalo bedo ji 200? Kare rapim nyalo bedo marom nade? Tiende ni matin ne achiel ema oseyudo gweth mar warruok.
Kwano nyisowa ni piny mar Korea nyalo bedo kod kwan mar jo-Kristo marombgi nyalo bedo million 12 moriwo nyaka jo Katholik. Kuom jogi, ji adi kuomgi ma osenywol nywol manyien mar pi kod Roho? Nyaka wapar ni nenitiere mana ji 8 kende mane owar kuom ji duto mane odak e piny e ndalo mag Nowa. Nyaka wang’e kendo wayie ni Yesu nolwoko richo duto mag jogo moyie kuom batisone, mane okwogo richo duto oko.
Mana ji manok ema oseyie ni Yesu nowarowa duto kod batisone gi rembe e Msalaba. Rang ane picha manyiso “chier mar Yesu.” Ji adi manochier maromo gi mineno kanyo? Inyalo neon gi kagia piny e dala mar Jerusalem ka gichomo picha Yesu, nga’no mane oyawone lwetene malach. Liek ane ni ji adi kuom gi ne josomo mag wach dini kata joyalo.
Endalo gi, nitiere ji mang’eny mosomo weche mag dini e piny duto, to mana ji manok kuomgi ema oyie kuom batiso mar Yesu kaka chakruok mar warruok mar adier. Josomo mamoko wacho ni Yesu no batis nikech nobolore, ka jo mamoko to wacho ni Yesu ne obatisi mondo obed machal kodwa, dhano.
To ondiki e Muma ni joote duto, moriwo Petro kod Johana, notimo nend batiso mar Yesu kaka yo mane richowa ogolgo kuomwa mi oket kuome, kendo wan kod yie e wachno.
Joote ne otimo neno e ndiko mag Muma ni richowa ne oket kuom Yesu e batisone. Mano en neno mar ng’uono Nyasaye miwuoro manyalo warowa mana kwayie kuome.
‘Nyalo bedo’ Onge Kuom Batiso Mar Resruok
Ng’ano mayudo hera Maduong’ mar Nyasaye?
Mana ng’at maoyie kuom batiso mar Yesu kod remb Yesu.
Ji paro ni yie kuom Yesu ema biro warowa. Dinde tudo nikod yie kuom warruok margi, kendo ji mang’eny paro ni batiso mar Yesu en mana puonj mar jo-Kristo. To ma ok en adier. Kuom buge mang’eny ma asesomo, ok aseyudo buk moro mawuoyo kuom warruok kendo nyisowa tudruok man e kind resruok e batiso kod remo mar Yesu kod warruok mar Nyasaye.
Ji 8 kende ema nowar endalo mag Nowa. Ok ag’eyo ni ji adi mowar endalogi, to nyalo bedo ni ji matin. Jogo mowar e jogo moyie kuom batiso kod remb Yesu. Ka alimo kanisni mang’eny, to afwenyo ni mana matin ema yalo Injili mar batiso mar Yesu, ma en e Injili mar adiera.
Ka ok wayie kuom warruok mar batiso kod remb Yesu, to pod wan joricho kendo ok owarwa, kata wadhie kanisa ndalo duto. Wanyalo bedo jo adier e dhie kanisa ndalo duto mag ngimawa, to kapod richo nie chunywa, wan mana joricho.
Ka wasebedo jo kanisa kuom higni 50, to pod wan kod richo e chunywa, Yie marwa kuom higni 50 go bedo mana kayiem nono kendo mopong’kod wuondruok lilo. Moloyo, ber dhi e kanisa kuom odichieng’ achiel kende kawan kod Yie mar adier. E dier jogo moyie kuom Yesu, mana jogo moyie gadiera kuom batiso mar Yesu kod rembe emano donji e piny ruodh polo.
Yie mar adier en bedo kod yie ni wuod Nyasaye nobiro e piny kendo nobatise mondo okaw richo duto mag piny oko. Yie machalo kamano ematerowa e piny ruodh polo. Nyaka wabed kod ni Yesu nochwero rembe e Msalaba ne in kod an. Nyaka bende wang’e ni ma e yo mwanyalo gonego erokamano kendo miye doung’.
Wan ang’o? Wan nyithind dhano mane owar kuom batiso mar Yesu kod rembe. Ere kaka wanyalo goyone erokamano? Yesu ne obatisi e aora Jordan ka en kod higni 30 mondo owarwa. Kuom mano, ne okawo richowa duto kendo nong’dne bura mondo othonwa e msalaba.
Kwaparo wachno to chunowa mondo wagone erokamano. Nyaka wang’e ni gimoro amora mane Yesu otimo e pinyin ne en mar warruok marwa. mokwongo ne obiro e pinyni. Nobatise, nogure e musalaba, nochier oa kuom joma otho kendo koro obedo e lwedo makorachwich mar Nyasaye.
Warruok mar Nyasaye en mar ji duto kuomwa maonge yiero. Warruok mar Yesu en mari kod an. Wapako Nyasaye kuom hera kod gwethne.
Wang’eyo wend Injili mawero kama. “♫Nitiere wach maber. ♫E dier ji mang’eny me piny, an ema an kod hera mare kendo warruok ne. ♫ o mano kaka awuoro hera mare chalo! ♫Hera mare kuoma. Nitiere wach maber. ♫ Edier ji mangény man e piny, wan e jogo mowar, mano bedo joge. Warruokore kod hera mare. ♫O mano hera mar Nyasaye, en ng’uono mar mar Nyasaye. ♫ O mano kaka awuoro hera marechalo! Hera mare kuoma. ♫”
Yesu nobiro e piny mondo owari kendo owara, kendo resruok mar batiso ne bende en marwa. Injili ok en mana sigana moro maber; en adier magolowa oko mar ngima marach kendo keto wa e piny Ruodh Nyasaye. Nyaka ing’e e pachi ni yie en winjruok e kindi kod Nyasaye.
Nobiro e pinyni mondo owarwa. Ne obatise kendo nong’adne bura mar tho e musalaba mondo oluok richowa oko.
Mano gweth manadi kajoma oyie nyalo loungo Nyasaye ni wuonwa! Ere kaka wanyalo yie kuom Yesu kaka jawarwa kendo wayud warruok kuom richo kod yie marwa? Bende nyalore nikech herane mogundho kuomwa. Osewarwa nikech en, mane oherowa mokwongo.
Yesu Noluoko Richowa Duto Oko Nyadichiel Kende
Iwarowa dichiel moromo Koso mos mos?
Dichiel moromo chuth.
Dichiel moromo chuth.
“Nikech Kristo bende noneno masira dichiel nikech richo, ng’at makare nikech jo ma ok kare, mondo okelwa ir Nyasaye” (1 Petro 3:18). Yesu Kristo nobatisi nikech warruok marwa kendo notho dichiel e msalaba mondo owari kendo owara, wan mane ok waler.
No tho dichiel kende e pinyni mondo ogolwago kuom bura mar Nyasaye. Mondo wadonj e piny Ruodh polo kendo wadag manyakachieng’ kod Nyasaye, ne obiro e piny kod ringruok kendo noluoko richowa duto oko dichiel e batiso mare, tho mare e Msalaba, kod chier mare.
Bende iyie ni Yesu nowarowa chuth e batiso mare kod rembe? Ka ok iyie kuom Injili mar batiso kod rembe, to ok nyal wari. Nikech wanyap, ok wanyal yudo nywol manyien ka ok wayie ni Yesu nolwoko richowa duto oko dichiel kende e batiso mare kod rembe.
Nobatise mondo okaw richowa duto oko kendo nong’adne bura e Msalaba nikech wan. Yesu noluko richowa duto mag piny dichiel kende kod warruok mar batiso mare kod rembe.
Nyalo bedonwa matek kaka dhano mondo owarwa kochuno ni nyaka wasik kawalokore eseche duto mwatimo richo, mondo wa bed jogo mabeyo seche duto, kendo mondo wabed jochiwo machiwo mang’eny e kanisa bende.
Omiyo, en gima ochuno mondo wabed kod yie e batiso kod remb Yesu manochwer e msalaba mondo owarwa. Nyaka wabed kod yie e pi kod rembe. Timo timbe mabeyo kende ok nyal golo richowa.
Ngwiewo lewni ma nengogi tek ne jomodhier kod miyo joyalo chiemo ok nyal kelo warruok. Yesu waro mana jomo yie kuom batiso mare kod rembe. Kwabedo kod yie ni Nyasaye ne owarowa eyor batiso mar Yesu kod rembe to wabedo jogo mokwo.
Ji moko paro ni kata obedo ni Nyasaye ne owacho wachne e Muma, to nyaka wapar nyadiriyo. Maen wachgi, wanto nyaka wabed kod yie e wechgo mondiki kaka ondikgi.
Jo- Hibrania 10:1-10, ondikni ne owarowa duto dichiel. En adier ni Nyasaye nowaro jogo moyie kuom batiso kod remb Yesu dichiel kende. Wan bende nyaka wayie kamano. “♫Ne otho dichiel, kendo warowa duto dichiel. Owetewa, beduru kod yie mondo owaru. Keturu misigo maru piny e batiso mar Yesu.♫” Yesu nowarowa kuom kethowa kod richowa duto dichiel kendo ochwero rembe dichiel.
“Ng’at makare nikech joma ok nikare” (1 Petro 3:18) Yesu en Nyasaye maonge kod richo, kendo pok notimo richo. Ne obiro piny irwa e ringruok mondo owar ji kuom richo margi. Ne obatiso kendo nokawo richowa duto. Ne owarowa kuom richo kod bura maok ni kare.
Richo duto mag ji kochakore nywol margi nyaka chop githo ne oket kuom Yesu e kinde mane obatise, kendo ji duto ne owarne bura kane ochwero rembe kendo otho e Msalaba. Ne obatise ne joricho kendo notho negi.
Ma e warruok mar batiso mare. Yesu nowarwa duto kane pod wan joricho, nyadichiel kende. Mano kaka wan ji manyap! Yesu norucho richowa duto okochakre nywolwa nyaka chop kar thowa, kendo nochiwore owuon mondo ong’adne bura e Msalaba. Wan ji ma oyie kuom Yesu nyaka wayie ni nowarowa nyadichiel kod batiso mare gi rembe.
Wan ji manyap to Yesu ok nyap. Ok wan jo adiera to Yesu en jaadiera. Nyasaye nowarowa nyadichiel kendo moromo chuth. “Nikech Nyasaye nohero piny kama, omiyo nochiwo wuode ma miderma mondo ng’a moyie kuome kik lal to obe gingima mochwere” (Johana 3:16). Nyasaye nomiyowa wuode achiel ma miderma. Noketo wuode obatisi mondo okaw richo duto mag piny kuome, mondo ong’adne bura mag dhano duto.
Mano warruok malich makama! Mano hera malich makama! Wagone Nyasaye erokamano kuom herane kod warruokne. Nyasaye nowarowa wan mane wayie kuom pi kendo kuom remb Yesu; batiso kod remo mane Yesu ochwero, kendo adier mare ni Yesu en wuod Nyasaye.
Jogo moyie kuom Yesu inyalo war nikech giyie kuom adier mar batiso kod remb Yesu kendo gin kod ngima mosiko kaka jo makare. Nyaka wan duto wabed kod yie.
Ng’ano mane owarowa? Ne en Nyasaye e manowarowa, koso ne en achiel kuom chwech mage emane owarowa? Ne en Yesu, ma en Nyasaye, ema nowarowa. Nowarowa nikech nwa yie kuom resruok mar Nyasaye, kendo mano e warruok makelo resruok.
Bende iyie ni Yesu nowarowa chuth e batiso mare kod rembe? Ka ok iyie kuom Injili mar batiso kod rembe, to ok nyal wari. Nikech wanyap, ok wanyal yudo nywol manyien ka ok wayie ni Yesu nolwoko richowa duto oko dichiel kende e batiso mare kod rembe.
Nobatise mondo okaw richowa duto oko kendo nong’adne bura e Msalaba nikech wan. Yesu noluko richowa duto mag piny dichiel kende kod warruok mar batiso mare kod rembe.
Nyalo bedonwa matek kaka dhano mondo owarwa kochuno ni nyaka wasik kawalokore eseche duto mwatimo richo, mondo wa bed jogo mabeyo seche duto, kendo mondo wabed jochiwo machiwo mang’eny e kanisa bende.
Omiyo, en gima ochuno mondo wabed kod yie e batiso kod remb Yesu manochwer e msalaba mondo owarwa. Nyaka wabed kod yie e pi kod rembe. Timo timbe mabeyo kende ok nyal golo richowa.
Ngwiewo lewni ma nengogi tek ne jomodhier kod miyo joyalo chiemo ok nyal kelo warruok. Yesu waro mana jomo yie kuom batiso mare kod rembe. Kwabedo kod yie ni Nyasaye ne owarowa eyor batiso mar Yesu kod rembe to wabedo jogo mokwo.
Ji moko paro ni kata obedo ni Nyasaye ne owacho wachne e Muma, to nyaka wapar nyadiriyo. Maen wachgi, wanto nyaka wabed kod yie e wechgo mondiki kaka ondikgi.
Jo- Hibrania 10:1-10, ondikni ne owarowa duto dichiel. En adier ni Nyasaye nowaro jogo moyie kuom batiso kod remb Yesu dichiel kende. Wan bende nyaka wayie kamano. “♫Ne otho dichiel, kendo warowa duto dichiel. Owetewa, beduru kod yie mondo owaru. Keturu misigo maru piny e batiso mar Yesu.♫” Yesu nowarowa kuom kethowa kod richowa duto dichiel kendo ochwero rembe dichiel.
“Ng’at makare nikech joma ok nikare” (1 Petro 3:18) Yesu en Nyasaye maonge kod richo, kendo pok notimo richo. Ne obiro piny irwa e ringruok mondo owar ji kuom richo margi. Ne obatiso kendo nokawo richowa duto. Ne owarowa kuom richo kod bura maok ni kare.
Richo duto mag ji kochakore nywol margi nyaka chop githo ne oket kuom Yesu e kinde mane obatise, kendo ji duto ne owarne bura kane ochwero rembe kendo otho e Msalaba. Ne obatise ne joricho kendo notho negi.
Ma e warruok mar batiso mare. Yesu nowarwa duto kane pod wan joricho, nyadichiel kende. Mano kaka wan ji manyap! Yesu norucho richowa duto okochakre nywolwa nyaka chop kar thowa, kendo nochiwore owuon mondo ong’adne bura e Msalaba. Wan ji ma oyie kuom Yesu nyaka wayie ni nowarowa nyadichiel kod batiso mare gi rembe.
Wan ji manyap to Yesu ok nyap. Ok wan jo adiera to Yesu en jaadiera. Nyasaye nowarowa nyadichiel kendo moromo chuth. “Nikech Nyasaye nohero piny kama, omiyo nochiwo wuode ma miderma mondo ng’a moyie kuome kik lal to obe gingima mochwere” (Johana 3:16). Nyasaye nomiyowa wuode achiel ma miderma. Noketo wuode obatisi mondo okaw richo duto mag piny kuome, mondo ong’adne bura mag dhano duto.
Mano warruok malich makama! Mano hera malich makama! Wagone Nyasaye erokamano kuom herane kod warruokne. Nyasaye nowarowa wan mane wayie kuom pi kendo kuom remb Yesu; batiso kod remo mane Yesu ochwero, kendo adier mare ni Yesu en wuod Nyasaye.
Jogo moyie kuom Yesu inyalo war nikech giyie kuom adier mar batiso kod remb Yesu kendo gin kod ngima mosiko kaka jo makare. Nyaka wan duto wabed kod yie.
Ng’ano mane owarowa? Ne en Nyasaye e manowarowa, koso ne en achiel kuom chwech mage emane owarowa? Ne en Yesu, ma en Nyasaye, ema nowarowa. Nowarowa nikech nwa yie kuom resruok mar Nyasaye, kendo mano e warruok makelo resruok.
Yesu E Ruodh Mar Warruok
‘Kristo’ tiende Ang’o?
Jadolo, Ruoth, kendo Janabi.
Yesu Kristo en Nyasaye. Yesu tiende ni jawar, kendo Kristo tiende ni ‘jal mowir’. Mana kaka Samuel nowiro Saulo e Muma Machon, ruodhi ne iwiro, jodolo niwiro kod jonabi mane dhi tiyo tichne, ne nyaka wirgi.
Yesu nobiro e pinyni kendo nowire ne tije adek: mano mar Jadolo, mar Ruoth, kendo Janabi. Kaka Jadolo mar polo, ne obatise mondo okaw richo duto mag dhano oko.
Ne owinjo wuon mare, omiyo nochiwore owuon kaka misango magolo richo e wang’ Nyasaye. “An eyo, adiera kendo ngima. Ng’ato ok nyal dhi ir wuora ma ok okalo kuoma.” Yesu waro ji duto moyie kuome kendo okawo richogi duto oko eyor batisone kod gur mare e Msalaba.
“Nikech ngima mar ringruok nie remo” (Tim –Jolawi 17:11). Remb Yesu nochwer e Msalaba bang’ batiso mare; omiyo, no ochiwo ngimane kaka misango magolo richo e wang’ Nyasaye mondo jogo moyie oyud warruok.
Nochiere e ndalo mar adek bang’ tho mare e Msalaba kendo yalo Injili ne chunje mane olornegi e jela. jogo mapok owar chalo chunje motwe e jela mar richo, kendo ne gin, Yesu noyalo Injili mar adiera, injili mar pi kod remo. Nyasaye osemiyowa injili mar pi kod Roho mondo owarwa. Ng’at ang’ata moyie kuome to inyalo nywol nyuol manyien.
Batiso Kod Remo Mar Yesu Ema Waro Joricho
Ere kaka wanyalo bedo kod Paro maber e wang’ Nyasaye?
Kwabedo kod yie kuom batiso Kendo remb Yesu.
Yesu Kristo e jawarwa, kendo nitiere nend wachno e 1 Petro 3:21, “Pigno en ranyisi mar batiso, ma koro resou sani. (Batiso ok en golo chilo e ringruok, to en singruok motim gi Nyasaye gi chuny maler).” Pi batiso mar Yesu en gi mochuno kuom warruok mar joricho.
Yesu noluoko richo duto mag joricho kane okawo richogi duto kuome owuon e batiso mare. Bende iyie kuom batiso mar Yesu? Bende iye ni chunywa iluoko maler kuom richo duto, to ringruokwa to pod timo richo.
Mondo onywoli ‘nyuol manyien’ ok en ni ng’ato ok chak tim richo kendo. Wan, mosenywolwa nyuol manyien, bende watimo richo, to chunywa dong’ kaler ne richo nikech yie marwa kuom batiso Mare. Omiyo, Muma mwa somono wacho niya, “Batiso ok en golo chilo ae ringruok to en dwoko chuny obed maler enyim Nyasaye” (1 Petro 3:21).
Nyaka ne Yesu luok richona, kendo nyaka ne Nyasaye ng’adne bucha, ere kaka ok anyal yie kuome? Ka ang’eyo ni Yesu ma en Nyasaye, nowara kuom batisone kod rembe, ere kaka ok anyal yie kuome? Ne owarowa e wang’Nyasaye kendo koro chunywa ler. Ok wanyal dhi nyime kwa wacho e wang’ Nyasaye ni Yesu ne ok oluoko richowa duto te oko, mana kaka ok wanyal wacho ni Nyasaye ok oherowa.
Chunywa bedo motang’ne richo bang’ kosenywolwa nyuol manyien kendo onyisowa sama watimo marach. Ka chunywa ochandore kata matin, ok wanyal bedo thuolo chuth maonge kod richo mak mana kwaparo ne wan wawegi kuom teko batiso mar Yesu. En eyo kende ma wanyalo yudogo chuny maler.
Ka chunywa chandowa, tiende ni gimoro rach. Batiso mar Yesu luoko richo duto kuomwa. Yesu nokawo richowa duto kuome eyor batiso mare kendo noluokowa maler. Ere kaka pachwa inyalo luoki maler? Kawayie kuom batiso kod remb Yesu. Ji duto nikod paro mochido kendo ma ok ler chakre nywol margi, to kawayie ni richowa duto noket kuom Yesu to wanyalo golo paro mochidono oko.
Ma e yie jogo monyuol nyuol manyien. Ok en gima iparo apara. Bende in kod paro maler? Bin oler nikech isedak engima maler koso nikech richoni duto noket kuom Yesu kendo iyie kuome? En mana kokalo kuom yie kende eminyalo yudogo paro maler.
Nitiere weche man kod ngima to kod weche maonge kod ngima. Ere kaka paro mar ji duto nyalo bedo maler? Yo makende ma ji nyalo bedo go makare kendo gi paro maler en bedo kod yie moromo kuom warruok mar Yesu.
Ka wayie kuom batiso mare to ipwodhowa. Ma ok nyisni ringruok marwa bedo maonge kod chilo, to chunywa bedo maler e wang’ Nyasaye. Kuom mano, neo biro, no batise, notho e musalaba kendo nochiere oa kuom jo motho, koro obedo e bad Nyasaye korachwich.
Ka kinde ochopo to obiro duogo e pinyni kendo. “To obiro nenore mar ariyo ka richo osegol mondo ores joma rite” (Jo-Hibrania 9:28). Wan kod yie ni obiro duogo mondo okawa, wan mwarite kod genowa duto te, kendo mwasebedo kare kuom yie batisone kod rembe.
Nonro Machal Kod Thieth Eyie
Bende inyal warwa maonge Batiso mar Yesu?
Ok nyalre.
Ne watimo nonro mar ng’eyo kit yie mawan go e kani sa marwa ma Daejeon.
Rev. Park ma en jadolo mar kanisa ma Daejeon, nonyiso dhako kod chwore ni richo onge e piny kaka ka ok iwacho tiend batiso mar Yesu. Dichuo nohero nindo e seche ma yalo dhi nyime kodhi e kanisni mamoko nikech joyalgo ne yalo mana injili ka ok giluong warruok miyudo e batiso mar Yesu, mano nochune mondo osik kolokore pile pile kuom richo ne.
To e kanisa wa ma Taejon, ne owinjo yalo duto ka wengene duto oyawore malach nikech ninyise ni richone duto noket kuom Yesu. Mano nomiyo chiege yudo thuolo mayot mar wuoyo kode mondo gidhi e kanisa kanyakla.
E odichieng’ moro, ne obet e kanisa kendo owinjo Jo- Rumi 8:1. “Mano emomiyo koro bura onge kuom jogo man kuom Kristo Yesu.” Eka ne oparo sano, ‘Ah, kang’ato oyie kuom Yesu to obedo maonge kod richo. Nikech ayie kuom Yesu, an bende aonge kod richo.’
Omiyo ne ogoyo sime ne ore kod osiepene mang’eny bende achiel ka achiel kendo owacho, “Bende in kod richo e chunyi? Kare yie mari rach.” Kuom mano Rev. Park nolal. Chwor dhakono ne ok ong’eyo wach kuom batiso mar Yesu to ne otwore ni oonge kod richo.
Eka, dhakono kod chwore nochako bedo kod chandruok. Dhako ne jalemo malong’o to ne pod en kod richo e chunye ka chwuore to wacho ni en oonge kod richo. Chwore ne odhie kanisa mana kuom kinde matin kende, to koro oonge kod richo.
Dhakono neni kod adier ni gin duto ne gin kod richo e chunygi. Omiyo ne gichako yware e wachno. To dichwo nomedo mana wacho ni oonge kod richo nikech, “Mano emomiyo koro bura onge kuom jogo man kuom Kristo Yesu.” To chiege ne osinde mana ni pod en kod richo e chunygi.
Eka e odeichieng’moro chiege ne wachono omedo chando mino dhi mondo openj Rev. Park openj tiend wach ni duto ne oket kuom Yesu.
Omiyo odiechieng’ moro bang’ lemo ma odhiambo ne oweyo chuore odok dala chon ka ento odong’ chien mondo openj Jadolo Park wachno. No wacho ni, “Ang’eyo ni itemo nyiso wa gimoro, to an ja adiera ni nitiere wach moro mowinjore mapod opandore nwa. Yie inyisa gima en.” Eka jadolo Park nonyise wach mar nywol manyien kod pi kod Roho.
Omiyo ne ofwenyo gima omiyo ondik e buk mar Jo- Rumi 8:1, “Mano emomiyo koro bura onge kuom jogo man kuom Kristo Yesu.” No bedo kod yie gikanyono kendo noware. No fwenyo ni richone duto ne oket kuom Yesu e yor batiso ne mondo jomoyie kuom Kristo kik bed kod bura.
Dhakono ne ochako winjo tiend weche mondik e muma. Gikone nofwenyo ni kifungu mar warruok en batiso mar Yesu kendo ni wanyalo bedo kare kokalo e batisone.
Kare chwore neok odhi dala to ne orite oko. Nowinjo nend chiege ni richone duto oseluoki, mi openje kod mor, “Ber, bende osewari sani?”
To bang’winjo gima jadolo Park nonyiso chiege, nobedo kod paro mokikore. Pok nowinjo wach kuom injili mar batiso mar Yesu. Ne en kod adier ni oonge kod richo e chunye kata ka batiso mar Yesu onge. Koro ne gichako wuoyo kendgi kendo ei odgi.
Koro wach ne olokore, dhako ne penjo chwore ka pod en kod richo e chunye. Ne openje kaka onyalo bedo maonge kod richo ka onge batiso mar Yesu. Dhako no nomedo nyiso chwore mondo orang’ ane chunye malong’o. Eka dichwo norang’o chunye mi ofwenyo richo modak e iye.
Omiyo ne odhi ir jadolo Park mi ohulone ni pod en kod richo e chunye. Nopenje, “Lwedo ne iketo kuom nyarombo magolo richo kapod ongima, koso ka osenege?” ne pok owinjo injili mar pi kod Roho, omiyo pache nomedo kikore.
Mano e kaka nonro mar rohoni nogik. Yesu ne nyaka batisi mondo richo mag piny duto oket kuome. mano kende eyo mane onyalo tho godo e Msalaba nikech msach richo en tho.
“Bende negiketo lwete gi ewi misango motelo koso bang’ ka osenege?” Ne openjo wachni nikech ne en kod paro mokikore kuom wach keto lwedo kod batiso mar Yesu. Mano ne omiyo jadolo Park nochiwone ler kuom warruok mar batiso mar Yesu eyo malach.
Odichieng’no ema dichwono nokwongo winjo injili mar pi kod Roho kendo noware. Nowinjo injilino mana dichiel kendo norese.
Mano e nonro mane otim kuom weyo batiso mar Yesu. Wanyalo wacho ni waonge kod richo, to kare pod wan kod richo e chunywa ka batiso mar Yesu onge. Jo jawach ni Yesu noluoko richo duto kuom thone e Msalaba, to mana jogo kende moyie kuom batiso kod remb Yesu ema nyalo wacho ni kuom adier ni gionge kod richo ewang’ Nyasaye.
Jadolo Park nofwenyo wachni ka otiyo kod joot moro modak kanyakla mondo onyisgo ni ok nyal warwa chuth kuom richo kaonge batiso mar Yesu.
Ranyisi Mar Warruok: Batiso Mar Yesu
Ere ranyisi mar warruok?
Batiso mar Yesu.
“Pigno en ranyisi mar batiso, ma koro resou sani.” Yesu ne obiro e pinywa ni mondo oluok richowa duto kendo oket chunywa matar ka theluji. Iluok wa kuom richo magwa nikech Yesu ne okawo gi duto kuome e yor batiso mare. Nowarowa kod batiso ne kod rembe. Omiyo, ji duto nyaka gone chongji piny e wang’e.
Yie kuom Yesu ema warowa. Wabedo nyithind Nyasaye kendo wadhi e polo ka wayie kuom Yesu. Wabedo joma kare kawayie kuom Yesu. Wan jodolo mowal, wanyalo luongo Nyasaye ni wuonwa. Wadak e pinyni, to wan ruodhi.
Bende iye kod adier ni Nyasaye waro jogo kuomwa moyie kuom warruok mar pi kod Roho? Warruok marwa ok nyal chopo kare maonge batiso mar Yesu. Yie ma Yesu kod Nyasaye kwano ka yie mar adier a kuom injili mar batisone, Msalape, kod Roho, mane owarowa chuth. Mano kende e yie mar adier.
Richowa ne oluok oko ka Yesu ne okawo gi e batisone, kendo richowa duto nochulo kanochwero rembe e Msalaba. Yesu Kristo warowa gi pi kod Roho. Adier! Wayie!
Copyright © 2021 by The New Life Mission
