• All e-books and audiobooks on The New Life Mission website are free
  • Explore multilingual sermons in global languages
  • Two new revised editions in English have been released
  • Check out our website translated into 27 languages
Search
English
English

Sermons

Subject 3 : The Gospel of the Water and the Spirit

[3-6] Tero Nyangu ma adier kuom Roho (Wuok 12:43-49)

(Wuok 12:43-49)
“Kendo Jehova nol uwo ni Musa gi Harun, Ma e chik mar pasaka: onge jamwa ma nochame: to misumba ng’ato mong’iewo gi fedha, kisetere nyange, eka enochame. Jadak gi jatich pod ok nochame. Nochame e ot achiel; ok nigol ring’o moro eot; kata ok nutur choke. Oganda duto mag Israel notime. Kendo jamwa, kodak kodi, kendo odwaro timo pasaka mar Jehova, joge duto machwo mondo tergi nyangu, eka mondo osud otime; mi enobedi ka ng’a monyuol e piny: to ng’a mak oter nyange ok nochame. Chik achiel nobedi kuom en monyuol e piny, kod jamwa madak e kindu.”

Chik mane mane ochuno jo 
Israel mondo otim eka gibed nyithind 
Nyasaye e Muma Machon?
Nyaka ne tergi nyangu.

Weche mag Nyasye man ei Muma Machon kod Muma Manyien ochuno kendo gibeyo ne jogo kuomwa moyie kuom Nyasaye. Ok wanyal weyo kata mana nukta mar weche go nikech weche Nyasaye gin weche mag ngima.
Somo mrwa makawuono nyisowani ng’at ang’ata madwaro rito pasaka nyaka ter nyange motelo. Nyaka wapar gimomiyo Nyasaye nyisowa wachni. Kang’ato ok oter nyange, to ok onyal rito pasaka.
Mondo wayie kuom Yesu, nyaka wabed kod ng’eyo gimomiyo Nyasaye ne ogolo chikno. Nyange en ng’ado pien man e nyim ng’at madichwo. Ang’o momiyo Nyasaye nonyiso Ibrahim kod nyikwae mondo oter nyangu? Tiende ni ne osetimo singruok ni mana jogo ma “oseng’ado oko” pien mar duong’ margi emano bed joge.
Mano emomiyo onyiso jo-Israel ei Muma Machon mondo oter nyangu. Mano ne en chik mar Nyasaye, yo makende mar timo yiero, kendo ne obedo Nyasach jogo kuom winjruok e yor nyangu. Ewi mano, ei Muma Machon, ne obedo Nyasach jogo moseng’ado oko richo margi kuom yie.
 

PASAKA
 
Pasaka ne en ang’o?
Ne en odiechieng’ ma Jo-Israel ne paro kendo 
gigoyo erokamano ne Nyasaye kuom Wuok 
margi Misiri Exodus from Egypt.

Nyasi maduong’ mar yueyo kuom nyithind Israel ne en Pasaka. Ne en odiechieng’ man giparo kendo gigoyo erokamano ne Nyasaye kuom gologi Misiri, kama jo-Israel nodake kaka wasumbni kuom higni madirom 400. Nyasaye ne okelo goch a par madongo mondo olok chuny matek mar Farao. Ma eyo mane Nyasaye ogologo jo-Israel oko mar Misiri kotelonegi e piny Canaan.
Jo-Israel nosewar kuom tho manego nyithindo makayo, kuom masira mogik, e yor remo mar nyarombo mar misango kod ter nyange. Omiyo Nyasaye nonyisogi mondo girit pasaka e kinde duto mag tiengegi kaka rapar mar ngwonone.
 

EN ANG’O MANE JO-ISRAEL NYAKA TIM MONDO GIRIT PASAKA?
 
En ang’o ma Jo-Israel nyaka time 
ka mondo girit pasaka?
Nyaka ne tergi nyange.

Nyaka wang’e wachno eka mondo warit pasaka eyor Roho, kendo terwa nyangu e chunywa. Kata jo-Israel bende nyaka ne ter nyangu eka girit pasaka.
Ondiki e Muma mar Wuok 12:43-49. “Kendo Jehova noluwo ni Musa gi Harun, Ma e chik mar pasaka: onge jamwa ma nochame: to misumba ng’ato momg’iewo gi fedha, kisetere nyange, eka enochame. Jadak gi jatich pod ok nochame. Nochame e toachiel; ok nigol ring’o moro e ot; kata ok nutur choke. Oganda duto mag jo-Israel notime; mi enobedi ka ng’a monyuol e piny: to ng’a mak oter nyangu ok nochame. Chik achiel nobedi kuom en monyuol e piny, kod jamwa madak e kindu” (Wuok 12:43-49).
En ng’a manoyiene chamo ring’o mar nyarombo mar pasaka kendo rito pasaka? Mana jogo ma oseter nyangu e mane imiyo thuolo mar rito pasaka.
Nyarombo mar pasaka, kaka wan duto wang’eyo, en Yesu Kristo mane ogolo richowa duto mag piny.
Kare, ter nyangu en ang’o e Muma Machon kod Muma Manyien? Nyangu tiendeni ng’ado oko pien mane nyim duong’ mar ng’ato madichuo. Yesu Kristo bende noter nyangu bang’ ndalo mar aboro bang’ nyuol mare e pinyni. Nyasaye ne oseketo chik ni ji duto mane oyiene gi mondo orit pasaka ne nyaka kuong ter nyangu, kendo noket chik ma ong’ere ni ng’ato mane ok oter nyangu ne ok nyal timo nyasi mar pasaka. 
Kuom mano, ji duto nyaka ne ter nyangu mana kaka Nyasaye ne oketo. Ka iyie kuom Yesu, nyaka ing’e tiend tero nyangu man e Muma Machon.
 

CHIK MANE NYASAYE NOMIYO IBRAHIM MONDO OTIM E YOR TERO NYANGU? 

Ere kaka brahim kod nyikwaye ne 
nyalobedo nyithind Nyasaye?
Eyor tero nyangu.

E chakruok, Nyasaye ne ofwenyore ne Ibrahim kendo otimo singruok kode kaachiel kod nyikwae. E Muma mar Chakruok 15, Nyasaye nosingone nyikwa Ibrahim biro nyuolore mang’eny kaka sulwe me polo kendo obiro miyogi piny mar Kanaan mondo obed margi.
E Chakuok 17, Nyasaye nowachone Ibrahim ni ka en kod nyikwaye otimo singruok kendo otergi nyangu, to obiro bedo Nyasachgi kendo gibiro bedo jogene. Mano ne en singruok e kind Ibrahim kod nyikwae. Nyasaye ne osingo ni ka gin kod yie kuom singruok mare kendo otrgi nyangu, biro nyiso ni gisebedo joge, kendo en bende osebedo Nyasachgi gadiera.
Chakruok 17:7-8 wacho niya “kendo anaket singruok e kindwa kodi gi kothi nyaka tienge maggi duto mar singruok mosiko, kabedo Nyasachi kendo Nyasach kothi bangi.” 
Nyangu en ranyisi mar singruok mar Nyasaye e kind Ibrahim kod nyikwae.
 

TIEND TERO NYANGU E YOR ROHO EN ANG’O?
 
Tero nyangu mar roho en ango?
En ng’ado oko richo duto man e chunyi ka 
ibedo kod yie kuom batiso mar Yesu.

Nikech Ibrahim ne oyie kuom wach Nyasaye, Nyasaye ne okete ng’at makare kendo ne otime bedo nyathine. Tero nyangu emane obedo ranyisi mar e kind Nyasaye kod Ibrahim.
“Ma e singruokna, ma ini maki mobedo e kindwa kodi gi kothi bang’i; kuonde ng’ato madichuo noter nyangu” (Chakruok 17:10).
tero nyangu e kido maoko en ng’ado piem man e nyim dichuo. E yor Roho, bende onyiso keto richo magwa kuom Yesu eyor yie kuom batiso mare osetrwa nyangu e yor Roho kawa ng’ado oko richo magwa duto e yor warruok kuom batiso mar Yesu. Tero nyangu e Muma Manyien to en ng’ado oko richowa duto e yor batiso mar Yesu.
Kuom mano tero nyangu e Muma Machon ket kod batiso mar Yesu e Muma Manyien, kendo duto gin singruok mar Nyasaye matimowa bedo joge. Kuom mano tero nyangu e Muma machon kod batiso mar Yesu e Muma Manyien en gimoro achiel kendo machalre.
Mana kaka nyikwa Ibrahim ne obedo joge Nyasaye kane ging’ado pien man e duong’ joma chwo, wan bende wabedo nyithind Nyasaye kwa ng’ado richo man e chunywa oko. Watim ma kuom yie ni onge richo e piny nikech Yesu ne okawo richo duto kane obatise kod Johana Jabatiso.
Batiso mar Yesu keto joricho duto bedo jomakare e yor ng’ado richogi oko. Mana kaka pien ne ing’ado e thuolo ma itero ng’ato nyangu e kaka richo duto mag dhano ing’ado ka igolo gi oko e chuny dhano e kinde mane Yesu obatisi kod Johana Jabatiso e aora Jordan. Jogo moyie wachni nyalo yudo nyangu mar roho kendo gibed joge Nyasaye makare.
 

YIE MA MIRIAMBO MAMIYO JI NG’ADORE OKO MAR NYASAYE.

Ang’o mane omiyo Jo-Israelong’adore 
oko kuom Nyasaye?
Tamruok timo nyangu

Nyasaye ne onyiso Ibrahim ni ng’ato ang’ata maok oter nyangu kik bed achiel kuom joge. Koro, tero nyangu en ang’o? ka nyangu mar ringruok en ng’ado oko pien matin mowuok e ringre dhano, kare nyangu mar roho en ng’ado oko richo duto e chunywa kendo ketogi kuom Yesu e yor batiso mare.
Batiso mar Yesu e nyangu mar roho. Oganda mar dhano, mar richo mag piny duto ne ong’ad oko kuomwa kendo oketgi kuom Yesu. Gimomiyo Yesu ne obatisi kod Johana Jabatiso en ni mondo owar ji duto e yor nyangu mar roho, mane ogolo richo duto.
Richo duto mag dhano ne oket kuom Yesu, Nyasaye mane obedo Nyasach Ibrahim, Nyasach Isaka, Nyasach Jakobo, kendo Nyasach nyikwagi duto, mosetimo singruok kod Ibrahim gi nyikwae kendo ne oketogi mondo ging’ad pien manie duong’. Omiyo ne obedo Nyasach jawar mar jogo duto mane oter nyangu e yor ng’ado pien.
Tero nyangu mang’ado oko richo duto en ang’o? en singruok mar Nyasaye kod Ibrahim kendo jogo duto monyuol nyuol manyien e batiso Yesu kod tho mare e msalaba kaka warruok margi. E yorni ne omiyowa teko mar bedo joge. Kuom mano, en Nyasach jogo moseter nyangu. 
Nyasaye ne owuoyo kod Ibrahim kowachone ni “kendo en moromo ndalo aboro notere nyange e kindu, cho duto mag tiengeu, monyuol e ot kata mong’iew gi fedha kod ng’ato nono, ma ok obedo kothi. En monyuol e odi kod en mong’iew gi fedhani, onego otere nyange: mi singruokna nobedie e ringreu mar muma mosiko. Kendo dichwo mak oter nyange e ringruok nogol ng’atno oko kuom joge oseketho singruokna” (Chakruok 17:12-14).
Ng’ato ang’ata motemo biro ir Yesu kaok oter nyangu e yor roho ibiro ng’ad oko mar joge Nyasaye. Tero nyangu mar roho e batiso mar Yesu e Muma Manyien, ma richo duto mag piny ne oket kuome.
Ng’ato ang’ata moyie kuom Yesu Kristo bende nyaka bed gi yie kuom nyangu manie muma machon kod batiso mar Yesu e Muma manyien, eka mondo giyud roho, mondo owargi kuom richo duto kendo mondo gibed nyithind Nyasaye. To wan ma wayie kuom Yesu, tero nyangu e Muma Machon kod batiso mar Yesu e Muma Manyien gin gigo machalre.
Kaok wayango adiera mar tero nyangu kata ok anyal yie warruok mar Yesu e tero nyangu mar chuny mamiyo inyuolowa nyuol manyien, yie marwa biro bedo mana kayiem nono, wanyalo paro ni walong’o ne Nyasaye, to chalo mana ka gima wasegero utewa mag yie mag kuoyo.
Nyasaye nyiso jogo duto moyie kuome mondo oter nyangu, kagiyie warruok e yor batiso mar Yesu. Ma en nyangu mar roho. Kaonge nyangu, to ibiro ng’adwa oko kuom joge. Omiyo Nyasaye ne owalo ni ng’at ang’ata, kata obedo ni osengiewe kod pesa kata obed jamwa, nyaka tere nyangu kapok ochamo nyasi mar pasaka.
Kata jo-Israel giwegi bende ne ing’ado oko mar jo-Nyasaye ka opo ni ok otergi nyangu. Singruok mar Nyasaye gi jo-Israel owinjore oti kuom jogo duto moyie kuom Yesu.
E kitabu mar Wuok 12, jo- Israel mane ochamo ring pasaka kod alode makech, nyaka ne kuong ter nyangu. Ratiro mar chamo ring pasaka ne ichiwo mana ne jogo ma oseter nyangu kende.
En gima long’o mondo wang’e ni ka jo-Israel ne ochamo ring pasaka kendo oketo remo mar nyarombo e siro mar dhoudi nyaka ewi dho utgi noyudo ka osetergi nyangu.
Kuom chike Nyasaye, ka ng’ato ne ok oter nyangu, ne ing’ade oko mar joge kendo owito thuolo mar bedo achiel kuom nyithind Nyasaye. Ma tiendeni richo mar tamruok yie kuom nyangu mar Roho tero ji e tho. Mana jogo moseter nyangu e yor Roho e yor batiso mar Yesu ema inyalo war.
“To pigno ne obedo ranyisi mar batiso makoro resou” (1 Petro 3:21). Bende in kod yie maradier ni richoni duto ne oket kuom Yesu e yor batiso mare e aora Jordan? Ka in kod yie maradiera kendo iwinjo, batiso mar Yesu kod rembe, ibiro fwenyo ni oseteri nyangu eyor Roho kendo isebedo ng’at makare. Kendo ibiro bedo kod yie kuom adiera mar Roho, ni remb Yesu Kristo e msalaba biro bedo maonge tiende ka batiso mare ne onge.
Ka dine iyalo msalaba kaok oteri nyangu eyor Roho kuom yie e batiso mar Yesu to ibiro yudo ka in oko mar nguono mar Nyasaye. Ibiro fwenyo ni pod in kod richo e chunyi.
Nyaka wayie kuom adiera mar warruok ma Nyasaye ne ochano kod batiso mar Yesu, kendo ne otudore kod rembe e msalaba. Mondo watim mano, nyaka wakaw weche mag adier e chunywa kendo batiso mar Yesu kod rembe kaka warruok marwa. 
Kod yie machalo kamano, inyal warwa ka wawuok e ketho marwa kendo wabedo nyithind ler. Yie mar rohono pogo jogo mosenyuol manyien gadiera kod jogo malemo alema.
Ruodhwa Yesu, nyisowa mondo wasik kuome. Oseluoko oko richo duto mag piny kod batisone gi rembe. Omiyo koro, mondo wabed kod ranyisi mar bedo jo Nyasaye, nyaka wayie kuom batiso mar Yesu. Ka watimo mano to ibiro ng’ad wa oko kuome.
Warruok mar resruok yudore mana kuom batiso Yesu e Muma Manyien kendo tero nyangu e Muma Machon. Warruok chopo mana kare ka wan kod yie kuom batiso mar Yesu (nyangu mar roho), kendo remb Yesu e msalaba (remo mar nyarombo mar pasaka).
Tero nyangu mar ringruok e Muma Machon otudore kod batiso mar Yesu e Muma Manyien. Muma mar Isaya 34:16 nyisowa ni weche man e Muma nikod tudruok margi. “Nonuru ei kitap Jehova, somuru, onge kuomgi mabiro onge, onge maonge dichuo; nimar dhoga emose chiko ma, kendo chunye osechikogi.”
Wach ka wach man e muma machon otudore kod muma manyien. Onge wach kata achiel mar Nyasaye maok otudore gi wadgi.
 

EN ANG’O KUOM JOGO MOFUWO MAOK NI KOD YIE KUOM YORE MAKARE?

En ng’a mabiro dhi e mach e kind 
jomoyie duto man e piny?
Jogo maok oyie kuom nyangu 
mar chuny.

E kindegi nitiere ji mang’eny ma oyie mana kuom remb nyarombo mar pasaka kende. Gipenjo niya, “ang’o ma inyiso, kuom nyangu? Ma en mana gima ne itimo ne jo Juda ekinde mokalo mag Muma Machon. Ok ochuno mana ni nyaka wang’ad pien man e nyim duong’ wa e kinde wa mag Muma Manyien.”
Kata kamano ne en adieri, ok awach ni ok owinjore oterwa nyangu mar roho e yo ringruok. Jaote Paulo nolero tiend nyangu mar roho eyo maler, kendo mano en tero nyangu mar chuny ma awuoyo e sani.
Ok anyisi ni mondo utim nyangu mar ringruok. Nyangu mar ringruok onge kod tiende kuomwa, to nyaka wabi kuom Yesu mondo oterwa nyangu e yor Roho ka wayie kuom batiso mare mondo owarwa.
Mondo ng’ato onyuol nyuol manyien, nyaka time nyangu mar Roho. ng’ato ang’ata moyie kuom Yesu nyka ter nyangu e yor Roho. Ma eyo makende minyal gol godo richowa duto oko, kendo en yo miketowago kare. Mana bang’ ka osetimwa nyangu eyor roho eka wabedo maonge richo chuth. e momiy nyaka wayie kod chunywa kuom nyangu mar roho kuom batiso mar Roho.
Jaote Paulo bende ne oyie kod long’o mar tero nyangu e yor Roho. ne owacho, “tero nyangu en mar chuny” (Jo-Rumi 2:29). Ng’ato ang’ata kuomwa nyaka ter nyangu eyor roho mondo obed maonge kod richo. 
Bende richo magi duto oseket kuom Yesu bang’ ka oseng’adgi oko kuomi? Kata e muma manyien ng’at moyie kuom Yesu oseter nyangu e yor chuny koyie kuom batiso mar Yesu.
Jaote Paulo ne owacho gino maler e barupe mage. Nyasaye waro ji duto kuom richo mag piny, kendo otimogi bedo joge. Jo-Israel ne obedo jo- Nyasaye kuom golo pien man e nyimgi kendo wabedo nyithind Nyasaye ka wagolo richowa duto kendo waketo kuom Yesu e yor batiso mare.
Nyasaye rwakowa kaka jogene koneno yie marwa kuom batiso mar Yesu kod rembe e msalaba. Yieno miyo wayudo nyangu e yor roho kendo oterowa e warruok marwa. 
 

WARRUOK NI KUOM JORICHO E YOR BATISO MAR YESU KOD REMBE.
 
Ere kaka Yesu Kristo ne 
ochopo warruok?
Eyor batiso mare kod thone
e msalaba.

Warruok mane Yesu otieko eyor pi kod rembe e msalaba ne okelne joricho. Remo mar nyarombo ne en bura, to batiso mare ne en nyangu mar roho mano golo richowa mi oketo kuom Yesu.
Kanisa mag jo-Kristro makawuono ok owinjore okaw wachni mar nyangu mar roho eyo mayot. Kata obedo ni nyangu mar muma machon ok no kod ohala maduong’ e ndalo wagi, batiso mar Yesu ok onego okwedi.
Ne anyisou ni richou duto nogol oko e yor batiso mar Yesu, kendo batiso mar Yesu ne owari kuom richoni. Bende iyie kuom wachni? Ka ijwang’o batiso mar Yesu, ok inyal ng’eyo injili mar yudo nyuol manyien, maen injili moromo mar warruok eyo mar batiso Yesu.
Ere kaka wanyalo jwang’o batiso mar Yesu, nyangu mar roho ma Nyasaye nyisowa? Ka wasomo Muma, wanyalo nen ni nyangu kod remo mar nyarombo mar pasaka otudore machiegni. Ma en maling’ ling’ mar nyangu mar roho maen batiso mar Yesu.
Injili mane jaote Johana ne oyalo ne en mana injili mar batiso mar Yesu kod rembe emsalaba. Ne owacho e baruwa mokwango mar 1 Johana 5:6 “jali en manobiro kuom pi kod roho, Yesu Kristo; ok kuom pi kende, to kuom pi kendo kuom remo.”
Owacho ni Yesu ne obiro kuom pi, remo kod roho. To ok kuom pi kende kendo ok kuom remo kende, to kuom pi, remo kod roho kanyakla. Gik moko adek gi, batiso mar Yesu, rembe e msalaba, kod chier mare koa kuom joma otho gin gimoro achiel, ratiro mar warruok marwa.
 

ANG’O MOMIYO MUMA WUOYO KUOM BATISO MAR YESU KOD REMBE?
 
Bende Jo-Israel niwaro mana 
kuom remo mar nyarombo kendee 
odiechieng mar pasaka?
Ooyo. Ne osetergi nyange kapok 
girito pasaka.

Batiso mar Yesu kod rembe ema miyowa thuolo mar yudo nyuol mar pi kod roho. Buk mar Wuok 12 wacho, niya kaw nyarombo mari iwuon, gol rembe moko kendo iketi e siro mag dhoudi kendo ewi bap dhoot. Kaneno remo to abiro kalo kuomu.
Kwang’eyo mano, bende en gima nyalore mondo owarwa kuom richowa duto mana kuom yie kuom remo mar nyarombo mar pasaka? To kare ang’o momiyo batiso mar Yesu iwuoye mang’eny ahinya e muma manyien? Joote ne owacho, “I ikowa kode e batiso mare” (Jo-Kolosai 2:12). “Nikech un duto mane obatisu kuom Kristo, userwako Kristo” (Jo-Galatia 3:27). “---makoro warowa, batiso. Batiso” (1 Petro 3:21).
Jaote Petro kod Paulo kod jopuonjre moko duto mag Yesu nowuoyo kuom batiso mar Yesu. En e batiso mar Yesu e aora Jordan mane giwuoyoe ni, kendo en e yie kuom batiso mar Yesu kod rembe e msalaba ma en adiera mar yudo nyuol manyien kuom pi kendo kuom roho.
Mondo anyisi adiera, wayie kuom Yesu, to mana kuom rembe kende, kuom higni madiloo 10, ka ok aseyango batiso mar Yesu, to ng’eyono kende ne ok nyal golo richo mane e chunya. nayie kuom Yesu kod chunya duto, to chunya ne pod opong’ kod richo.
Bang’ higni apar, nafwenyo tiend tero nyangu mar roho (batiso mar Yesu) kendo ne onyuola nyuol manyien. Mana e kindeno mana fwenyo adiera. Tero nyangu e muma machon ne en ranyisi mar batiso mar Yesu e muma manyien. Ayie kode kendo po ayie.
“E muma manyien bende mano e yie makare mondo wabed kod yie e remb Yesu kod batisone? Bende yie mara ni kare e yor muma?” bang’ kane osenyuola nyuol manyien, ne an kod parruok ewechegi.
Kata obedo ni nayie kuom injili mar batiso mar Yesu kod rembe, ne pod an kod penjo modong’ e pacha. “Bende en gima kare mondo ayie kuom adiera ni richona duto noket kuom Yesu e kindego mane obatisa koso bende en gimakare mondo ayie ni Yesu ne owarowa mana kuom thoo mare e msalaba. Bende en gima oromo mondo ayie ayiea ni Yesu en Nyasacha kod jawarna?” ne aparora e wechegi kane asomo buk mar Wuok 12.
Ji mang’eny kawuono somo Wuok 12 to ok gibed kod paro nyadiriyo kuom wacho ni Yesu Kristo ne otho e msalaba kaka jawargi. Giparo mana ni en gima kare mondo gibed gi yie kuom remb Kristo kendo gitimo neno kuom adiera mar warruok margi. Ginyalo bedo kod yie maonge dok chien kendo giwachoni ruoth en Kristo kendo wuod Nyasaye to pod gin mana joricho. Giparo ni ka giyie ni Yesu Kristo en jawar to ibiro wargi kata obedo ni pod gin kod richo e chunygi.
Yie machalo kod mano ok en yie mar adiera. Yieno kende ok nyal konyogi mondo giyud nyuol manyien. Mana batiso mar Yesu kod rembe imaketowa kare.
Kare, ang’o ma muma mar Wuok 12 puonjo? Ne ang’iyo e muma kaparo “Bende nitiere chandruok moro amora e bedo kod yie mana kuom remb Yesu kende ka ok adewo batiso mare?” kata kane pok atieko somo bugno mar Wuok, nafwenyo adiera ni warruok ok ni kuom remb Kristo kende to kuom batisone bende. Ei muma ne an kod adiera ni chunywa oter nyangu kuom batiso mar Yesu kod rembe e musalaba. 

Ang’o momiyo jo Kristo 
mang’eny pod gin joricho?
Nikech ok giyie kuom 
batiso mar Yesu.

Nafwenyo e buk mar Wuok 12:47-49 ni ka ng’ato pok ne oyiene mondo ocham ring pasaka, ne nyaka tere nyangu. Mano e momiyo Nyasaye nowacho e wes 49, “chik achiel nobedi kuom en monyuol e piny kod jamwa modak e kindu.”
Emomiyo, ng’at ang’ata maok ne oter nyangu, ne ok nyal chamo ring pasaka. Mano e adieara mane afwenyo. Machal kod mano, ka wayie kuom Yesu kaka jawarwa nyaka wakuong wayie gaadiera ni richowa duto ne oket kuome e yor batis e aora Jordan kendo wayie adiera ni Yesu notho e msalaba nikech richowa.
Kane afwenyo ni Yesu ne otho e msalaba mondo ong’adne bura nikech richo mane okawo e yor batiso mare, ne achako fwenyo tiend nyangu mar roho mane owarowa e richo duto kod ketho mag piny.
E thuolo ni, ne afwenyo ni richona duto ne osegol, chunya nobedo matar kka theluji bang’e nakawo injili mar pi, remo mar Yesu kod roho e chunya.
Ne afwenyo ni nitiere gik moko ariyo mawarowa, nyangu kod remb nyarombo man e muma machon kendo richowa duto noket kuome e yor batiso mar Yesu kod rembe e msalaba e muma manyien. nyangu mane nitiere e muma machon kod batiso mar Yesu e muma manyien gin gimoro achiel. 
Yesu Kristo ne ong’adne bura nikech notimo richo moro owuon, to nikech nokawo richo duto mag piny e yor batiso mare. Jogo moyie ni Johana Jabatiso, kaka jachung’ mar dhano, nobatiso Yesu kendo noketo richo duto mag piny kuom Yesu kendo giyie kuom batiso mar Yesu kod rembe e msalaba.
Ang’o momiyo ji mang’eny kwedo batiso mar Yesu kata obedo ni muma wuoyo kuome monuoyore? Kuom timo mano pod gin joricho kata obedo ni giyie kuom Yesu. Ginyalo yie kuom Yesu to pod ong’ad gi oko mar oganda Nyasaye. Gin joricho mabiro dhie mach kata obedo ni ginyalo yie kuomYesu.
Ere kaka pod ginyalo bedo joricho ka giyien kuom Yesu? Ang’o momiyo gidak kaka joricho? Ang’o momiyo gikasore kagichomo yorno mar kethruok? En gima lit moloyo. Pod gibiro dhi nyime ka gin mana joricho nikech ok giyie kuom adiera ni richo duto mag piny noket kuom Yesu Kristo, mano kelo warruok mochwere e yor batiso mar roho.
Ji paro ni iresogi kuom yie e remb Yesu, to yie machalo kamano ok nyal ketogi kare, nang’o? Nikech gitamore weyo richogi kuom Yesu! Inyalo mana wargi kuom yie e pi (batiso mar Kristo) kod rembe e yo ma Nyasaye nowalo; warruok mar yangu mar roho. Mana kanyo gi kanyo ema wanyalo bedo godo nyithind Nyasaye madiera. 
Nyaka wapenjre wawegi, “ka wayie mana kuom remb Yesu kaka nyangu mar Roho. Donge inyalo luok oko chuth?” Nyaka wang’e chunywa maiye eyo matut mondo wayud duoko.
Muma machon, ji ne yudo warruok eyor nyangu kod remb nyarombo mar pasaka mana kaka wayudo warruok kuom batiso mar Yesu kod rembe e msalaba. E yo machalo kod mano ne owarwa kuom bura mar Nyasaye kod piny motimo richoni. Jogo moyie bedo nyithind Nyasaye kendo Nyasaye bende bedo wuongi.
Ng’ato iwaro kendo bedo ng’at Nyasaye kuom yie kuom gik moko ariyogi; nyangu kod remo mar Nyarombo mar pasaka, kaka batiso mar Yesu kod rembe. Ma e adiera mar Yesu, mae tiend yudo nyuol manyien mar pi, remo kod Roho.
 

ERE WARRUOK MAR PI KOD ROHO MA MUMA WUOYO E?

Bende joricho nyalo mana 
bet makare kuom yie remb Yesu?
Ooyo

Yesu noweyo duong’ mare kendo nobatise kod Johana Jabatiso kane en kod higni 30 mondo okaw godo richo mag piny.
Remb Yesu e musalaba ne en buche kuom richo duto mag ji e piny. Yesu Kristo nobiro kaka jawar e pinyni kendo nowaro joricho duto e yor pi kod remo.
Bende inyuolowa nyuol manyien mana kuom remo kende? Ooyo. Iwarowa kuom richo e yor batiso mar Yesu kod rembe.
Da er mar penjo kuom jogo moyie kuom remb Yesu kende. “Bende joricho nyalo bed makare mana kuom yie kuom remb Kristo kende, koso en mana kuom batiso mar Yesu e musalaba. Bende en kuom yie ni richowa duto noket kuom Yesu e yor batisone kuom rembe koso mana kuom rembe kende? Adiera en mane? Apenji.”
Mondo wabed monyuol nyuol manyien kod pi kod roho, nyaka wachop dwarogi, nyaka wayie ni Yesu nobiro e pinyni kuom ringruok, kendo nokawo richowa duto mag piny kuome owuon eyor batiso mare e aora Jordan. Bang’e nong’dne bura mar richogo duto e musalaba. Yie kuom Yesu Kristo, ma en jawarwa mar adiera, eyo machalo kama wanyal yudo nyuol manyien gi adiera.
Apenji kendo. Yie en ang’o eyor muma? Bende en yie kuom rembe Yesu, kata kuom batiso Yesu kod rembe? 
Yie kuom remb Yesu chalo kama: Yesu nong’adne bura kendo nokume nikech richo duto mar piny. Nikech nochuade kendo noinye nikech richowa, nowarowa kuom bura malich. To mano ok en adiera moromo. Kapok wayie kod wachno, nyaka waler kamoro achiel maler. Ang’o momiyo Yesu nogur e musalaba?
Muma wacho maler ni msach richo en tho. Yesu ne ok otimo richo moro amora e pinyni. Nobiro e ringruok mar dhano konyuole kod Maria. to nobiro mondo onyis kit jogo kaka wuod Nyasaye maler kendo jawar mar joricho. Mano emomiyo ne nyaka batise kod Johana Jabatiso kapok notho e musalaba. Kano batise, nokawo richowa duto kuome. omiyo kaonge batiso, dine ok ong’adne buch chuero remo e musalaba.
 

YORE MAG CHIWO MISANGO E MUMA MACHON

Chike mage mane ok nyal 
gol oko e chiwo misango?
① Chiaye maonge kod songa
② Keto lwedokuom misango
③ Rembe

Warang anena adierani kuom yo mar chiwo misango e ekalu maler. E muma machon, jaricho kata jadolo maduong’ ne keto luete e wi chiwo mar chiaye mondo ogolgo richo mare owuon to kod mag jo-Israel koweyo gi ewi misangono. Misangono bang’e ne inego kendo rembe iketo ewi altari. Muma machon ema nokuongo ne muma manyien, kendo Yesu Kristo emane obedo nyarombo mar misango mane Nyasaye ose singo ni obiro oro.
Kara ang’o mane richoni duto noket kuom Yesu? Adwaro ni mondo ipar kuom duoko mar penjono. E Muma Machon, Jo-Israel ne ok nyal nego chiaye mar misango kaok giketo luetgi kuome (keto lwedo nyiso ni keto richo kuom misango mar golo richo). Kane pok misango mar golo richo ne oketi e altari, keto lwedo ne nyaka kuong timre mondo oket richo kuom chieya mar misango.
“bang’e obiro keto luete ewi nyarombo ma idhiwang’” (Tim Jolawi 1:4). Ondiki e muma mar Tim Jolawi ni misengni duto ne nyaka keti e luedo. Kuom keto luedo ewi misango, jo-Israel ne nikod nyalo mar weyo richogi kuome, to kendo kuom chiwo remo mar misango kod ringe kuom yie e nyim Nyasaye. Ne inyal wenegi richo margi. Jo-Israel ne inyal war mana kuom yie e kinde mag Muma Machon.
Kane misango mowang’ ochiwne Nyasaye, jaricho ne nyaka ket luete ewi misango mondo owego richo mage kuom nyarombo mar misango. Rembe ne ikuoyo e tunge angwen marg altari kato modong’ ne ipuko enyim altari. Ma ekaka joricho ne iweyonegi richo maggi
E muma manyien joricho ne inyal wenegi richo maggi mana kuom yie mana kuom pi kod remo mar Yesu Kristo. 1 Johana 5:1-10 wacho ni jaricho inyal war mana ka oyie kuom batiso mar Yesu kod rembe e musalaba.
E momiyo jaricho moro amora inyal war mana ka oyie kuom batiso mar Yesu kod rembe e musalaba. Batiso mar Yesu kachiel gi rembe, kanyakla gi roho maler emomiyo inyuolo wa nyuol manyien kuom pi kod roho.
Jaera marwa, be inyal wari kuom yie remb Yesu Kristo? Joma paro ni inyal nyuol manyien mana kuom yie eremo mar musalaba pod nigi richo e chunygi. To inyal warwa kuom richowa duto ka wayie kuom batiso mar Yesu kaka misango mar roho mar Muma Manyien, machalre kod nyangu ma muma machon nyisowa.
Migepe mathoth mag dinde nikod chike maggi matayo riwruoge maggi. Wang’eyo ni gidhi mana emach mochwere to mana ka opo ni gidar kuom yie margi maok ni kare. Kanisa mar ‘jo- presbyterian’ wuoyo mana eyo puonjo chike matayo riwruoge maggi; kanisa mapuonjo wach makare ketho ratiro mar ng’ato kaka bedo kod yie ni ji nyalo dak kod pachgi giwegi maok ging’eyo Nyasaye (Ratiro mar dhano). Kanisa mar jo-Babtist, batiso; kendo kanisa mar jo-Holiness, ngima maler; Jogi duto ose balo kod wach mar adiera.
To ang’o ma Muma nyisowa kuom yudo nyuol manyien? Muma wacho adiera ni nyuol manyien yudore kuom batiso mar Yesu kod rembe. Ng’ato ang’ata moyie kendo luwo wach Nyasaye ni kod yie mar yudo nyuol manyien e yor pi kod Roho kendo gibiro yudo resruok.
 

ANG’O MOPONDO MALING’ LING’ KUOM BATISO MAR YESU?
 
Tero nyangu mar chuny e 
muma manyien en ang’o?
Batiso mar Yesu

Batiso mar Yesu ne en tero nyangu e yor Roho. e Muma Machon, Nyasaye nowacho ni ng’ato ang’ata maok oter nyangu nyaka ng’ad kare oko mar joge.
Nyaka wang’e kendo wa yie ni tero nyangu mar Roho e Muma Manyie kuom adiera en batiso mar Yesu. Nikech Yesu ne obatisi kod Johana Jabatiso ekar chakruok mar yalo mare elela, inyal terwa nyangu eyor bedo kod yie e batiso mare. Nyaka wang’e malong’o gimomiyo Yesu ne obatisi kod Johana Jabatiso.
“Eka Yesu nobiro koa Galili mochopo Jordan ir Johana, mondo oyud batiso kuome. To Johana notemo sinde, ka wacho niya, ‘An e ma adwaro mondo ibatisa, to in kendo e mibiro ira koso?’ Yesu nodwoke niya, “Yiena koroni; nikech e kaka owinjore mondo wachop tim makare duto.” Eka noyiene. To kosebatis Yesu, gikanyono nowuok oa e pi, kendo polo noyaworene, mi noneno Roho mar Nyasaye ka lor kaka akuru, kobiro kuome; to dwol moa e polo nowacho ni, “Jali en Wuoda ma hero, chunya mor kode” (Mathayo 3:13-17).
Yesu ne obatisi kod Johana Jabatiso ei aora Jordan, “Aora mar tho.” Johana Jabatiso noketo luetene ewi Yesu kendo nonyume ei pi. Ma eyo malong’o mar batiso (Batiso; tiendeni luto gimoro epi). Mondo mi Yesu kaw richowa duto mag piny, ne nyaka oyud batiso e yorno. Keto luedo e yor Muma machon.
Batiso mar Yesu eyo mar tero nyangu e yor Roho kuom jogo moyie kuom Yesu. “Nikech e kaka owinjore wachop chik makare duto” (Mathayo 3:15). Mano e kaka ne owinjore mondo Yesu okawgo richo duto mag piny kendo obed Nyasachwa kod ruodhwa. Omiyo, e kaka ne owinjore, mana kaka ne ondiki, mondo nochop e musalaba kod richowa duto ewiye.
Batiso mar Yesu nigi teko mar miyo joricho duto nyuol manyien. mano e wach mopondo mar injili mar pi kod Roho.
Gima okuongo mane Yesu otimo e yalo mare elela mondo owar joricho kuom richo margi duto ne en yudo batiso kuom Johana Jabatiso. Batiso tiendeni “luoko, iko, kalo gimoro.”
Yudo batiso eyo ma Nyasaye dwaro ema Yesu nokawogo richo duto mag piny kuome owuon. “Ne uru! Nyarombo Nyasaye magolo richo duto mag piny!” (Johana 1:29). Batiso mar Yesu tiendeni ji duto manie piny moyie kuome to itero nyangu mar Roho.
Mogik, nodhi e musalaba kaka Nyarombo Nyasaye magolo richo duto mag piny kendo noyie mondo ong’adne bura mag joricho duto. Omiyo, ne owaro dhano duto kuom richo.
E momiyo jogo duto moyie kuom batiso mar Yesu Kristo, lero nyangu e muma machon, kod rembe e musalaba kaka warruok margi duto. Yesu Kristo ne owaro joricho duto kod batiso mare gi rembe. Ma e adiera mar nyangu mar Roho.
 

BENDE WARRUOK EN MANA KUOM REMO KENDE? OOYO, OK EN KAMANO.
 
Ang’o mane Yesu obirogo e piny?
Kuom pi kod remo

1 Johana 5:4-8-wacho niya, “Nikech giduto ma Nyasaye onywolo loyo piny. To locho moseloyo piny e ma eri: yie marwa. Ng’ano ma loyo piny, mak mana en ma oyie ni Yesu en wuod Nyasaye? Jali e en manobiro kuom pi gi remo, Yesu Kristo; ok kuom pi kende, to kuom pi, kendo kuom remo. Kendo Roho doko janeno, nikech Roho en adiera. Gin adek ma joneno: Roho, gi pi, gi remo; to adekgiriwore e tich achiel” (1 Johana 5:4-8).
Jo-Kristo mahero, ere nendi kuome kaka janeno? Donge en mana yie kum wuod Nyasaye mane obiro eyor pi kod remo. 
En loch mane maloyo piny? Donge en mana teko mar yie kuom pi kod remo, en Yesu Kristo mane obiro kuom pi kod remo. Kendo en mana Roho mabedo janen, nikech Roho en adiera.
Nitiere gik moko adek mabedo joneno e pinyni, pi, remo, kod Roho. kendo gik moko adekgi gi achiel. Yesu nobiro e pinyni kod ringruok, nobatise kendo ne otho e musalaba mondo owarwa kuom kuong’ manyaka chieng’. adiera ni Nyasaye, ma jachwech no bedo jawar mar joricho duto yudore e injili mar pi kod Roho mawarowa duto.
En ratiro marwa ni Yesu, mano biro e pinyni kaka Roho maen kuom ringruok, ne obatisi e aora Jordan mondo ochwer rembe e musalaba koyie mondo ong’dne bura e musalaba nikech wan. Omiyo, ne owaro ji duto moyie kuome, ma e injili mokwongo mar pi kod Roho.
 

EN PI KOD REMO MANE OBEDO JONENO NE WARRUOK MAR NYASAYE?
 
En tudruok mane mar tero 
nyange mowach e muma machon?
Batiso mar Yesu

Pi ochung’ korka batiso mar Yesu. E Muma Machon batiso mar Yesu tiendeni tero nyangu. Kikruok mar nyangu e Muma Machon en batiso mar Yesu e Muma Manyien. adiera mar richo duto mag piny ne oket kuom Yesu yudore e batiso mar Yesu.
Ng’ata ang’ata moyie kuom adierani nyalo chung’ e nyim Nyasaye kendo wach kod paro maler, “ni in e jawarna, ruodha nikech ayie e batiso mari kendo gi rembi, injili mar pi kod Roho. kuom mano, aonge kod richo. An nyathi Nyasaye kendo in jawarna.” Wanyalo wachoni kod yie mar adiera. Gimomiyo wanyalo wacho wachni en nikech yie mawan go kuom batiso mar Yesu kod rembe.
En wach mane mamiyowa thuolo mar yudo nyuol manyien? en batiso mar Yesu kod rembe e musalaba, maen neno mar warruok e timwa. Ma e musalaba, maen neno mar warruok e timwa. Ma e injili mar yudo nyuol manyien e yor pi kod Roho.
Jo-Kristo mahero, apenjou kendo, “Bende jaricho nyalo yudo warruok mana kuom yie kuom remb Yesu kende? Ooyo. Warruok ok dwar mana yie kuom tho Yesu emusalaba kende. To en yie kuom pi kod remb Yesu – injili mar pi kod Roho- emanyalo miyo jaricho yudo nyuol manyien. we koro adwoki e muma, mawuoyo kuom pi kata e yo machielo batisomar Yesu.
1 Petor 3:21-22 wacho, “To pigno nobet ranyisi makoro resou (batiso ok golo chilo a e ringruok, to en dwoko mar chuny maler e nyim Nyasaye) kuom chier mar Kristo Yesu, mosedhi e polo, ma bet kor bat marachwich mar Nyasaye, koket malaika gi loch gi teko owinje.”
Jaote Petro timo neno ni batiso mar Yesu en ranyisi mawarowa, ne en ratiro mar warruok aa kuom richo. batiso mar Yesu romre kod tero nyangu e muma machon. Mana kaka jo-Israelne oyie kuom wach Nyasaye e kinde mag Muma Machon. Batiso mar Yesu warowa kuom richo duto endalo mag Muma Manyien.
Kuom mano tero nyangu e Muma Machon kod batiso mar Yesu e Muma Manyien gin gimoro achiel kendo machalre. Bende koro uduto uyie sani ni batiso mar Yesu chalre kod tero nyangu? Mana kaka ondiki e 1 Petro 3:21, koro nitiere mise mar batiso makoro warowa. Bende ipingo wach Nyasaye? 
Ere kaka wan ma wadak e piny nyalo bedo thuolokuom richo? En mana nikech Yesu Kristo ne obatisi mondo ochop tim makare duto makelo nwa warruok kuom richo. Mathayo 3:15 wacho, “nikech mano e kaka owinjore wachop tim makare duto.”
Nikech richo duto mag piny ne oket kuom Yesu ji duto moyie kuome koro onge richo, wan duto wanyalo bedo makare kuom yie adiera ni richowa duto noket kuom Yesu e yor batiso mare. Yesu Kristo nokawo richowa duto kuome owuon kendo ne otho e musalaba mondo owarwa kuom bura duto.
Osiepena mahero, gik moko ariyo mawaro joricho duto kuom richo margi gin pi kod Roho. kawo richo magwa kuome owuon, kod tho mare e musalaba ne wan gin gik moko ariyo madongo mane Yesu otimonwa e kinde mag higni adek mag yalo mage e pinyka.
Johana 1:29 wacho, “Ne uru! Nyarombo Nyasaye magolo richo duto mag piny!” Yesu Kristo ne obatisi mondo okaw richo dut mag piny kendo ne otho e musalaba mondo oruch oko ketho marwa. Yesu en wuod Nyasaye kendo kaka jachwech ne ochopo singruok mar tero nyangu mane Nyasaye otimo e Muma Machon kokawo richo mag piny oko.
Ng’ato ang’ata koyie kod chunye kuom injili mar batiso Yesu biro yudo nyuol manyien mar pi kod Roho. kendo Ruoth biro bedo jawar mar j duto moyie. Go uru ne Ruoth erokamano, Haleluya! Yesu nochopo warruok mana kaka Nyasaye ne osesingo kendo ne owarowa kuom richo duto mag piny.

OK EN GOLO CHILO KUOM RINGRUOK 

Bende ringruok iwpodho mos mos?
Ooyo. Ringruok medo mana dhi nyime 
kod timo richo nyaka chop 
odiechieng tho marwa.

1 Petro 3:21wacho, “To pigno nobet ranyisi makoro resou (batiso ok golo chilo a e ringruok, to en dwoko mar chuny maler e nyim Nyasaye) kuom chier mar Kristo Yesu, mosedhi e polo, ma bet kor bat marachwich mar Nyasaye, koket malaika gi loch gi teko owinje.”
Ka ng’ato obiro mondo oyie kuom Yesu Kristo kaka jawar mare, mano ok nyis ni oweyo timo richo e ringruok. Wanyalo dhi nyime kuom timo richo to kuom yie batiso mar Yesu wanyalo keto richowa duto mag piny kuom Yesu manochulo gopgi kod rembe e musalaba. Kuom yie gik moko ariyogo kaka gik maok nyal pogi e warruok marwa, iwarowa koa kuom richo.
Yudo nyuol manyien tiende ni ruako Yesu e chunywa kaka jawar mar ji duto. Ngwono mar richo bende yudore e chunywa, ka wayie kuom injili mar batiso Yesu kod rembe e musalaba, to chunywa inyuolo nyuol manyien, to wadhi mana nyime kuom timo richo e ringruok, to richowa duto mag ringruok osewenwa.
Batiso mar Yesu en neno ne jogo duto mosewar. Waonge kod richo ka wayie kod nguono mar weyo richo e batiso mar Yesu Kristo, inyuolowa nyuol manyien kawakawo adiera mar warruok e chunywa eyor batiso mar Yesu kendo wabedo jomaakare kuom injili mar pi kod Roho.
Ma eyie mar Ibrahim e Muma Machon, en yie mar bedo makare ma jaote Pauolo wuoyoe, kendo en e ranyisi mar warruok ma jaote Petro otimo e neno.
Mana kaka Ibrahim ne owinjo kendo oyie kuom wach Nyasaye mi obedo ng’at makare, wan bende iwarowa kwayie kuom batiso mar Yesu kod tho mare e musalaba.
Johana 1:12 wacho niya, “to ji duto mano rwake, ne omiyogi teko mar bedo nyithind Nyasaye, kaka jogo mane oyie kuom nyinge.” Bende iyie kuom Yesu Kristo, jal mane owarowa kuom richowa duto e yor batisone kod rembe, kaka jawarni? Nyaka waruok warruok manomiyo wa e yor pi kod remb wuod Nyasaye.
Bende warruok en mana kuom remb Yesu Kristo? Ooyo. En e yor pi kod remb Yesu. E Muma, ondiki maler ni warruok ok en kuom remb Yesu kende. En kuom batiso mar Yesu kod rembe.
Batiso mar Yesu e nyangu mar Roho mar Muma Manyien. en e adiera magolo oko richowa duto kuomwa. Adiera mar bura mane ong’adnwa kuom richo mar piny tiende ni ne ong’adne bura makarwa.
Kuom mako injili mar weyo richo, batis mar Yesu kod rembe, iketowa thuolo kuom bura mar richowa duto. Kuom yie marwa, iwarowa kuom richo duto ma watimo e pinyni. Ka wakawo batiso mar Yesu kod rembe kaka warruok marwa, richo duto man e chunywa owuok oko. Bende iyie kendo iwinjo wachni kaka adier? An gi geno ni un duto ubiro yie kuom injili mar pi kod Roho. bed kod yie mondo iyud ngima mochwere.
Jaote Paulo ne owacho, “tro nyangu en mar chuny” (Jo-Rumi 2:29). Ere kaka itero chunywa nyangu? Wanyalo yudo nyangu e yor Roho ka wayie kuom biro mar Kristo Yesu e pinyni kuom ringruok, batiso mare mar kawo richo duto mag piny, kuom tho mare e musalab kuom richowa, kendo kuom chier mare koa kuom joma otho.
Jaote Paulo ne owacho ni tero nyangu en mar chuny. Tero nyangu mar chuny tiende ni yie kuom batiso mar Yesu kod rembe. Ka idwaro mondo oter chunyi nyangu, nyaka ikaw injili mar batiso mar Yesu kod rembe e chunyi. Eka bang’e kendo sano inyalo bedo nyathi Nyasaye gi adiera.
 

BENDE JOHANA JABATISO NE OOR KOD NYASAYE?
 
Johana Jabatiso ne en ng’a?
Ne en jachung’ mar dhano kendo jadolo 
machien e laini mar joka Harun.

Kaendi, dwarore ni mondo wapenj ni Johana Jabatiso mane obatis Yesu ne ng’a? Johana Jabatiso ne en jachung’ mar dhano duto. Mathayo 11:11-14, wacho niya, “Adier awachonu niya, kuom jo ma mon onyuolo, pok owuok ng’a maduong’ moloyo Johana Jabatiso; to ng’a matin mogik e pinyruoth polo ema oloye gi duong’. Nyaka a ndalo mag Johana Jabatiso nyaka chil kawuono, pinyruoth polo ilaro gi teko, kendo joteko yake. Nikech Jonabi gi chik nokoro wach nyaka chop Johana; to kuyie rwak wachni, en e Elija ma ne biro.”
Jo-Kristo mahero, ne nowacho ni onge ng’ato maduong’ moloyo Johana Jabatiso. Kinde mag singruok mokwongo mar Nyasaye, ndalo mag muma machon ne ochopoe giko. Ne ochopo e giko nikech Yesu Kristo e mane chopo singruok mar Nyasaye ne osebiro.
Kare ne en ang’o mane owinjo ochop singruok mar Nyasaye? Yesu Kristo kod Johana Jabatiso. Johana Jabatiso e mane oketo richo duto mag piny kuom Yesu. En ng’a mane obedo jadolo maduong’ mogik e Muma Machon? Ng’ano mane nyakwar Harun? Yesu Kristo owuon ne otimo neno ni en mana Johana Jabatiso. Johana Jabatiso e mane obedo jachung’ mar dhano, maduong’ moloyo ji duto monyuol kod mon.
Wapar uru ane kuom adiera mawan go. Musa, Ibrahim, Isaka kod Jakobo ne onyuol kod mon. to kuom jogo manie e Muma Machon kod Muma Manyien, ng’ano maduong’ moloyo kuom jogo ma mon onyuolo? En mana Johana Jabatiso. 
Johana Jabatiso, kaka janabi mogik e Muma Machon, kendo nyakwar Harun, ne obatiso Nyarombo Nyasaye e muma manyien eyo machal kod keto luedo mar Harun kuom misango michiwo e odiechieng’ mar puodhruok kuom richo e muma machon. Ne obatiso Yesu Kristo kendo noketo richo duto mag piny kuom Yesu. Ne en jatich Nyasaye. Nochopo nyangu mar Roho e chuny ji duto e yor batiso mar Yesu Kristo.
Kotudore kod batiso mar Yesu, nyaka wayie kuom rembe kaka neno mar warruok marwa. Yesu Kristo nokawo richo duto mag piny e yor batis mare, kendo ne ong’adne buch gi. Kendo gima koro odong’nwa mondo watim en bedo kod yie kuome. En dwaro mar Nyasaye mondo wayie kuom gima Yesu notimo.
Ka usekawo injili mar yudo nyuol manyien e yor pi kod Roho e chunyu, inyalo bedo nyakwar Ibrahim kendo nyathi Nyasaye. Nitie mana ji manok man kuom Kristo. Ka ji mang’eny bende ok osemake e chunygi.
Odiechieng’ chiegni rumo kendo otieno osechopo. Yie kuom batiso mar Yesu kendo yiene mondo odonj e chunyi. Yie mari kuom batiso mar Yesu kod rembe biro miyo iyudo gweth kod warruok mar Roho.
Ket e pachi ndalo duto ni wir mar Roho bro ka iyie kuom injili mar warruok, injili mar batiso mar Yesu kod rembe. Adwaro ni mondo ung’e ni ichalo taya mar Roho (Kanisa) kendo mafuta (Roho) machal kod nyiri abich mariek (Mathayo 25:4) kuom yie injili mar batiso mar Yesu kod rembe. Jogo moyie kuom Yesu dhi kanisa kod Roho e chunygi.
 

YESU NE OBATISI NE NG’A?

Ang’o momiyo Yesu en obatisi?
 Mondo oluok richo duto mag dhano 

“To Johana notemo sinde, ka wacho niya, ‘an e ma adwaro mondo ibatisa, to in kendo e mibiro ira koso?’ Yesu nodwoke niya, “Yiena koroni; nikech e kaka owinjore mondo wachop tim makare duto.” Eka noyiene. (Mathayo 3:14-15).
Yesu nobatisi mondo oluok richo duto mag dhano. Yesu Kristo en wuod Nyasaye kendo jawarwa. En e jachwech mane ochweyowa. Yesu Kristo ne obiro kuom dwach Nyasaye, wuoro, to mondo otimwa bedo joge.
Ng’ano ma ne jonabi duto wuoyo kuome e Muma Machon? Ne giwuoyo kuom Yesu Kristo. Jonabi duto mag Muma Machon nowuoyo kuom biro mar Yesu e pinyka mondo ogol richowa duto kendo oketwa thuolo kuom richo mosiko.
Yesu ne obiro e piny kaka ne okor e Muma Machon kendo nokawo richo duto mag dhano kochakore kuom Adam kod Hawa nyaka chop ng’at ma ogik e piny.
Koro, kaw warruok e chunyi e yor batiso mar Yesu kod rembe. Pod ok iyie ni mano en adiera? Bende pod in kod richo e chunyi? “Mano e kaka owinjore mondo wachop tim makare duto.” Yesu ne obatisi kod Johana Jabatiso mondo ochop tim makare duto.
Tiend ‘batiso’ en ni ‘luoko’. Yesu ne obatisi kod Johana Jabatiso eyor keto lwedo ma muma machon wuoye.
Bang’ kane osekawo richo duto mag dhano, ne onyume e pi aora Jordan. Aora no ochung’ ne tho kod bura mar joricho. Nyumo mar Yesu e pi nyiso tho mare e musalaba. Wuok mare epi nyiso chier mare. Yesu ne ochier e odiechieng’ maradek bang’ tho e musalaba.
Yesu en Nyasachwa kendo en jawarwa. Biro mar Yesu e pinyni mondo obatise ochwer rembe e musalaba nyaka otho, mi ochiere odiechieng’ mar adek kendo koro obet e bat korka achwich mar Nyasaye en adiera makende ni ne owaro dhano duto kuom tho. Bende iyie kuom adiera gi chunyi duto?
Batiso mar Yesu en nyangu mar Roho mar Muma Manyien. “Tero nyangu en mar chuny.” Tero nyangu mar chuny chopo kare ka wayie batiso Yesu, en e adiera mar chuny e fwenyo batiso mar Yesu mane waketogodo richowa duto kuom Yesu.
Bende oseteri nyangu e chunyi? Ka iyie kuom tero nyangu e chunyi to richoni ibiro luok oko nyadichiel kendo moromo chuth. kuom mano Yesu nochopo tim makare duto kendo kelo warruok ne joricho duto.
Osiepena ma Jo-Kristo, kaw adierano mar warruok e chunyi kod pachi. Ma e adiera. Ka iseketo warruok mar Yesu e chunyi, to ibiro keti thuolo kuom richoni duto. “To jogo duto mane orwake ne omiyogi teko mar bedo nyithind Nyasaye gin e jogo moyie kuom nyinge” (Johana 1:12).
Bende koroinyalo neno gima omiyo Yesu ne obiro e pinyni mondo obatise? Bende koro iyie kod wachni? Yesu ne obatisi mondo okaw richo duto mag dhano. Ne en batiso mar tero nyangu. Batiso mar Yesu miyowa nyangu mar Roho. Mano ema omiyo jaote Paulo nyisowa mondo oterwa nyangu e chunywa. Yesu nowarowa malong’o kod batiso mare kod rembe makoro miyowa timo yiero mar bedo kod kue e chunywa. Owinjore koro wawachni “Ee amen kuom weche mag Nyasaye e chunywa. Donge mano en adiera? Bende koro iyie kuome?
 

BENDE IYIE KOD ADIERA NI E CHUNYI?

En ang’o mowinjore watim 
kapok walamo Yesu?
Nyaka wakaw adiera mar pi 
kod remo e chunywa.

Higni madirom 2,000 osekalo nyaka ne Yesu bi e pinyni. Ma odiechieng’ kendo ndalo mag ngwono mar Nyasaye, nyaka wakaw adiera e chunywa, pi kod remb Yesu. Onge gimoro machielo ma owinjore watim.
“Tero nyangu en mar chuny,” Nyaka terwa nyangu e yor yie kuom chunywa. Inyalo mana warwa kuom yie. E Muma Machon, jo-Israel ne yudo warruk eyor tero nyangu kendo remo mar pasaka mane iketo e sirni mag dhoot kod wi dhoot.
Jogo motie kuom batiso mar Yesu kod rembe kaka warruok margi ok oluoro bura mar Nyasaye, nikech burano biro kalone. To bura mar Nyasaye biro bedo kuom ji duto maok okawo adiera e chunygi. Kendo pod gin wasumbni mag richogi.
Ere kaka gichopo e okang’no? Ang’o momiyo pod gichandoe kuom richo? Mano timore nikech pok ging’eyo adiera man kuom batiso mar Yesu kod rembe. Giyie mana kuom remb Yesu kende, ka giweyo kata ok girang batiso mare.
Bende warruok iyudo kuom yie mayom e remb Yesu kende? Bende Muma nyisowa ni mano e kaka en? Ang’o ma Muma machon kod Muma manyien wacho kuom remb nyarombo maen Nyasaye kende, to kendo kuom batiso mar Yesu ema warruok yudore (1 Johana 5:3-6).
Bende iyie kuom remb Yesu Kristo kende? Jogo matimo kamano nyaka bed ni pod gin kod richo e chunygi. Nyaka gilo yie margi maok ni kare kendo giduog kuom injili mar adiera.
Jogo maok oyie nyaka koro bed gi ng’eyo ni osewuondgi, kaok giseng’eyo ni Yesu Kristo ne otho e richo duto e aora Jordan eyor batiso mare. Nyaka koro giyie ni gisebedo maok kare kuom jwang’o batiso mar Yesu. Nyaka koro giyie e dhood chunygi ni ne okawo richo duto mag piny e yor batiso mare. Warruok yudore mana ka wayie kuom batiso Yesu kendo musalape. E yo machielo, mana kuom injili mar pi kod Roho ema nyalo miyowa ngima mochwere.
Jo-Kristo ma osiepena, bende usedak nyaka chop thuolni mana kuyie kuom remb Yesu Kristo kende? Ka ma e wach, to adiera ni kod richo e chunyi. Ka itimo richo kata in kod richo e chunyi, ka uparo ni un thuolo kuom richo e kinde ma idak ka iluwo chike Nyasaye, to mana paro mawuk e pachi kod timbegi. Yie machal kama ok oyiengore kuom wach Nyasaye.
 

POK ODEKO

Eyo mane ma adiera ketowa go thuolo?
Kowuok kuom richo mar richo kod tho

Pok odeko. Gima owinjore itim en yie kuom batiso mar Yesu kod rembe, kendo ibiro teri nyangu e chunyi mi ibed thuolo kuom richo duto. Bedo thuolo kuom richo duto tiende ni owari kuom yie injili mar batiso mar Yesu kod rembe.
Bende diher mar yie kuo batiso mar Yesu kod rembe mondo iyud warruok kuom richo mari? Ka iseyie kuom ma, ibiro ng’eyo ni gima warruok en. Ibiro yudo kwe e pachi. To mana kanyo gi kanyo ema ibiro keti kare. Ok en kuom tijeni to man kuom yie mari e wach Nyasaye. Ka ng’ato kuomu pod oyie kendo ogeno man remb Yesu kende e warruokne, da her mar kwayi mondo iyie kuom batiso mar Yesu kod rembe bende.
Jo-Kristo mahero, warruok mar dhano kuom richo ne ochopo kare e yor injili mar batiso mar Yesu kod rembe. Roho en Nyasaye. Nyasaye ne obiro e pinyni e yor ringruok mar dhano.
Nyasaye ne owacho kokalo kuom jonabi ni nyaka waluong nyinge ni Yesu, nikech ne obiro waro joge kuom richo magwa. Nyasaye nowacho, “Nyako ne obed gi ich, mi nonyuol wuowi. To gichake nyinge ni Emmanuel” (Mathayo 1:23)
Nyasaye ne obiro e pinyni mondo owar joricho. Ne obatise mondo okaw richo duto mag piny kendo kuom mano ne owaro joricho duto. Ma e adiera kendo warruok mar pi kod remo. An ka mondo anyisu wachni. Bende osewarwa mana kuom remb Yesu kende? Ok kamano. Osewarwa kuom batiso mar Yesu kod rembe e msalaba.
Nitie jonabi mang’eny ma jomiriambo kod jopiny kawuon maok oyie batiso mar Yesu. Yesu wacho, “Ubiro ng’eyo adiera kendo adierano biro miyo ubedo thuolo” (Johana 8:32).
Nyaka wang’e adiera. Nyaka wang’e gima omiyo Yesu ne owuoyo kuom batiso kendo gima omiyo nyaka wayie kuome. Nyaka wang’e gima omiyo Nyasaye ne onyiso jo-Israel ni nyaka tergi nyangu e Muma Machon kendo gima omiyo ne owuoyo kuom remo mar nyarombo mar pasaka.
Ka wang’eyo mana bath sigana konichiel, ok wanyal fwenyo adiera mane Yesu owacho, “adier adier awachonu ka ng’ato ok onyuol kod pi kod Roho, ok onyal donjo e piny ruoth Nyasaye” (Johana 3:5).
 

YUDO BATISO KUOM KRISTO
 
Ere kaka wanyalo riwore 
kod Kristo e tho mare?
Kwa keto richowa duto kuom 
Yesu e yor batisone.

Muma timo neno kuom maling’ling’ mopondo e warruok. Bende en mana kuom remb Yesu kende? Ooyo. En mana kuom rembe kod batiso mare. Jaote Paulo ne owuoyo kuom wachni ding’eny e Muma mar Jo-Rumi 6 kendo kuom barupe ne mamoko.
Wasom uru Jorumi 6:3-8. “Ok ung’eyo ni wanang’ad bura ni malaika? To ka kamano ok dwang’ad weche mag pinyni moloyo koso? Ka un gi buche mag weche mag pinyni, marang’o uterogi nyim jogo ma ok kwan ka gimoro kuom kanisa mondo gibed jong’ad bucheu? Awacho ma mondo akuod wiu. Koso nyalo bet adier ni onge ng’ato moro kuomu mariek moromo ng’ado weche owetene? To kar mano owadwa donjo ne owadwa, to mana nyim joma ok oyie! Adier urem kudonjoru kendu ng’ato gi ng’ato. Marang’o ok uyie mondo otimnu marach? Marang’o ok uyie mondo omau? To kar mano un uwegi utimo ma ok kare; umecho, kendo utimo mano kata ni oweteu!” (Jorumi 6:3-8).
Wang’i uru Jo-Rumi matindo 5. Owacho, “Nikech ka waseriwo kode e thone wanariwre kode e chierne bende.”
Thone en tho marwa nikech richowa duto ne oket kuome eyor batiso marwa. Kuom mano batiso mar Yesu tudo rembe e musalaba kodwa.
Yie marwa kuom batiso mar Yesu kod rembe miyo wariwore kod Yesu. “Msach richo en tho” (Jo-Rumi 6:23). Kuom tho mar Yesu emusalaba ne en tho marwa. Ne obatise mondo okaw richowa duto. Mondo wayie kuom adiera ni en riwruok marwa kod Yesu Kristo majawarwa.
 

OK OWINJORE WAYIE MAYOT KUOM YESU KAKA NGIMA MAR KIT LEMO MARWA
 
Tiend wacho ni 
“En ongwon kendo kare” en ang’o?
Tiende ni Yesu noluoko richowa duto 
nyadichiel kendo nowaro ji duto 
mo yie kuom adiera.

Ji mang’eny oyie kuom Yesu kaka ngima mar chik din margi dwaro. Omiyo gidhi kanisa kendo giywak kod pi wang’gi ka gilemo ka gifulo richo margi. Gifulo richogi ka gikwayo ng’uono pile pile. Gilemo kagiwacho ni, “Yesu, ang’eyo kendo ayie ni nitho e musalaba nikech an: Adier, ayie.”
Kuom adiera giwinjo wachni eyo marach. “Ka wafulo richowa, en jadier, kendo en makare, omiyo noweyonwa richowa, kendo nopuodhwa kuom tim duto maok nikare” (1 Johana 1:9). Giwacho ni owinjore owenegi richogi mapile pile e yor hulo richo. To richo ma muma no wuoye ok nyis ni ketho mapile pile. Muma no wuoyo ni osewenwa richowa nyadichiel kendo moromo chuth ka wafulo ni pok owarwa.
“Kuom mano, uneno ka yie aa kuom winjo wach, kendo winjo wach a kuom Kristo” (Jo-Rumi 10:17). “Kendo un ung’e adiera, kendo adiera nomiu bedo thuolo” (Johana 8:32).
Jo-Kristo mahero, adierano long’o. ka uyie ni Yesu notho emusalaba ka ok okawo richowa duto kuome eyor batiso ei aora Jordan, to yie ni en kayiem nono. Ka Ja-Kristo moro dwaro ni mondo oware kuom richo, to nyaka oyie ni richone duto noket kuom Yesu e yor batiso are ei aora Jordan nyadichiel kende kendo moromo chuth. kendo nokawo bura marwa mar tho e musalaba. Eyo machielo, nyaka wayie kuom batis mar Yesu kod rembe.
“Nikech onge nying moro machielo e bwo polo mochiwneji monego wakuoye” (Tich Joote 4:12). Yesu Kristo nokawo richowa duto e yor batiso mare kendo nobedo Jawarwa. Yesu nobiro kuom pi kod remo mondo owarwa kuom kuong’ mosiko. “Nikech ng’ato oyie gi chunye mi odoko makare kendo ohulo kod dhogemi irese” (Jo-Rumi 10:10). Bende in jaricho koso ng’at makare?
Galatia 3:27 wacho, “Nikech un duto mane obatisu kuom Kristo use rwako Kristo.” Wesno nyisowa adiera ni Yesu nogur bang’ kawo richowa duto e yor batiso mare. Nochierwa e yor batisone kendo koro obet e bat kor achwich mar Nyasaye. Nobedo Ruoth mar warruok ne jogo duto moyie kuome.
Kadine Yesu ok obatisi, kadine ok ochuero rembe e musalab nikech wan, dine ok obedo jawar marwa. Inyalo mana warwa ka wayie kuom injili mar pi kod Roho.
 

KATA MANA YAWUOT MUSA
 
Ang’o momiyo Nyasaye nedwaro 
nego Musa e wang’ yo kodhi Misiri?
Nikech ne ok osetero yawuote 
nyangu.

Jo herana, iwinjo maling’ ling’ mopondo mar warruok mar richoni duto e yor pi kod remb Yesu. En gweth malich mondo iyud thuolo mar winjo wach Nyasaye. 
Bende en mana remo mar Yesu Kristo? Ekinde mag Muma Machon, ji ne bedo nyikwa Ibrahim eyor nyangu kod remb Nyarombo mar pasaka. Koro wabedo joge Nyasaye kuom yie e batiso mar Yesu kod rembe. Nyasaye ose nyisowa ratiro mar wachni e Muma Machon kuom mwa.
Mondo owar Jo-Israel, Nyasaye nowuoyo gi Musa kendo onyise mondo ogol joge oko mar Misiri koro Musa, kuom thuolo ma jaduong’ne Jethro nomiye, ne owuok e piny jo Midian kendo ochiko Misiri ka en kod chiege kod yawuote. Kane oketo joode e punda, Nyasaye noyude kama oyueyoe kendo notemo mondo onege. 
To chiege mariek miluongo ni Sipora nong’eyo gima omiyo ma timore. Omiyo nokawo kidi mabith kendo nong’ado pien manie nyim yawuote mi odiro e tiend Musa kowachone, “Adier in dichuo mar remo ne an;” kuom mano Nyasaye noweye.
Ma ne en yoo manyiso ni obiro nego ng’at ang’ata mana kaka nyithind Musa ne ok oter nyangu. Kuom Jo-Israel, tero nyangu ne en ranyisi mar singruok mar Nyasaye. Ne ging’eyo ni Nyasaye biro ng’ado oko ng’at ang’ata kuom joge, kata mana nyithind jotelo, ka gibedo maok otergi nyangu. Kuom mano, mondo kik ng’adwa oko mar jge, Nyasaye nosenyiso Musa e yorni.
Muma wacho ni gima omiyo Sipora notero nyithinde nyangu kendo odiro kuom Musa ka owacho ni, “In dichwo mar remo;” Ne en winjo dwaro mar Nyasaye kuom tero nyangu (Wuok 4:26).
Ng’ato ang’ata mane ok oter nyangu e kind nyithind jo-Israel ne nyaka ng’ad oko mar joge Nyasaye. Mana jogo mane oter nyangu kende emanoyienegi chamo ring nyarombo mar Pasaka kendo tiyo kaka joge Nyasaye.
Jaote Pauolo ne en Ja-Hibrania. Noter nyangu bang’ ndalo aboro ka osenyuole, nosomo e bwo japuonj mang’ongo miluongo ni Gamaliel kendo nong’eyo malong’o gi momiyo Yesu ne obatisi e aora Jordan kendo gimomiyo ne nyaka gure. Omiyo Jaote Paulo nondiko kuom batiso mar Yesu e barupene duto.
Jaote Paulo bende nowuoyo dimang’eny kuom remb Yesu kaka giko mar warruok marwa. Remo en okang’ mar giko mar warruok ka tero nyangu mar Roho to en batiso mar Yesu. Onge tiende wuoyo mana kuom remo mar Yesu kaonge batiso mare.
Jaote Paulo nowuoyo dimang’eny kuom musalaba mar Yesu gi adiera. Ang’o momiyo ne en kamano? Nikech ne en ondamo mogik mar warruok marwa. Ka Yesu nosekawo richo duto mag piny kuome, to ok ochuero rembe e musalaba mondo ong’dne bura nikech wan, dine ok owarwa chuth. mano emomiyo Jaote Paulo owuoyo kuom musalaba nyading’eny. Musalaba e ondamo mogik mar warruok marwa.
Dine adiera mar warruok ochiwne tije ji eyo maber, dikoro ji mang’eny onge richo. To kuom hawi marach adiera nolala bang’ ndalo moko kendo ji mang’eny ong’eyo mana musalab kende maok gingeyo tiend batiso mare.
Nikech gin kod yie mana kuom opok mar Injili, pog gibiro dong’ mana kagin joricho kaok odewo ndalo mang’eny magisebedo kod yie kuom Yesu. Pod gibiro bedo mana kagin joricho kata bang’ higni 10, to kata bang’ higni 50 mar bedo kod ngima mar lemo.
 
NENO MARA 
 
Bende Nyasaye kwano 
joricho kaka joma kare?
Ooyo. Nyasaye en ng’ama kare. Joma kare 
gin jogo maonge kod richo, bang’ ka 
giseketo richo gi duto kuom Yesu 
e yor batiso mare.
 
Nachako yie kuom Yesu ka an kod higni 20. Motelo ne kindeno, ne aonge kod paro kuom romb richo mane asetimo e kit ngimana nikech ne pod ok aseng’eyo chike Nyasaye. ne adak e yora awuon maok ang’eyo Nyasaye nyaka ochopo thulono.
Bang’e ne abedo matuo. Ne atuo marach miwuoro kendo ne an kod paro ni adhi tho. Omiyo ne aparo e chunya ni en gima ber mondo owara kuom richona duto kapok atho. Nikech ne asewinjo ni Yesu ne otho ni joricho kaka an, ne ang’ado mondo ayie kuome. E chakruok ne an kod mor mogudho kod chir.
To paro mane an go nochako wuok kuoma mos mos. Bang’ higni machuok, ne ok anyal to ne amedo timo richo manyien odiechieng’ ka odiechieng’. Ne amedo mana bedo jaricho kendo jaricho mokalo. Bang’ higni 10 ne pod an jaricho, adier joricho marach moloyo kaka chon. Ne ayie kuom Yesu kuom kinde manyalo romo higni 10, to wach mar bedo jaricho ne ok olokore kuoma. Ne an ng’at moyie kendo jaricho.
Kata obedo ni ne awara, “Ywak ok bi wara! Kata obedo ni lenda wang’a ne oluok gi pi wang’, mano ne ok nyal golo luorona, ne ok nyal luoko richo mar higni! Ywak ok nyal wara,” Ne aywak e kinde ka kinde mane abedo ka atimo richo. 
“Oh Nyasacha, yie mondo iwena richona achielni. Ng’uona nyadichiel, kendo ok an atim richo kendo.” Kane ase timo richo, ne abedo ka alemo mar ndalo adek. Ne alorora e kona mar oda kata e kona mar kara mar nindo kendo ne alemo ka atweyo chiemo kuom ndalo adek. Nikech richona ne pek miwuoro. Ne aywak ka akwayo Nyasaye ng’uono. E odiechieng’ mar adek, ne koro anyalo winjo maber ka aparo ni inyal rwaka kuom jo Nyasaye.
“Kendo, ase luoko richona kuoma oko. Aleluya!” koro ne awuok oko kendo adak mobolore e kinde matin. To kapok odhi maber ne achako atim richo kendo ma koro geno mane an go ne rumo. Gigi ne atim mana monuoyore onuoyore. Ne obedona gima ber mokalo kuom ng’eyo Yesu e kar chakruok, to kaka ne amedo bedo kod yie e kaka richona medo bedo mang’eny mana kaka yugi mane ot magunda.
Bang’ higni 10, ne koro abedo jaricho moloyo kaka ne an chon. “Ang’o momiyo ne ayie kuom Yesu ka hika oseromo 80, mana kapok atho koro, ok abi parora kuom richo kendo onge tiende mondo ahul richona pile pile.” Ne paro ni owinjore adagi machal kod dwach Nyasaye, to ne ok nyalre. Ne aparo dhi oko mar pacha!
Ne achako dwaro kendo dwaro mondo ang’e gima yie mar Nyasaye en. Ne akawo kinde mang’eny kapuonjora somo mar dwaro Nyasaye, to bang’ higni matin, chunya nomedo dinore kapok ne achako somo buge mawuoyo kuom lamo. Ne awacho ni adwaro dak kaka St. Damiano, kaok anindi maber ekitanda maber. Ne asingora ni abiro chiwora chuth ni jogo man kod dwaro. 
Kane asomo ngima mar ng’atni, nakwong’ora mondo adag machal kode. Natemo ni mondo adag mobolore. Nagoyo chonga e dier ot matek kendo alemo kom seche mang’eny. Bang’e ne anyalo winjo kagima lemona nikod ber kendo nawinj maber ne ngimana bang’eno.
Bang’ higni 10 ne ok anyal medo dhi nyime kata matin. Omiyo ne alamo Nyasaye. “Aa Nyasaye man e polo malo yie iwara. Ayie kuomi gi chunya duto. Ang’eyo ni ok anyal loko chiwruokna kuomi kata ka ng’ato oketo pala e ng’uta. Ta kata obedo ni ayie kuomi kod chunya duto, ang’omomiyo iya ni nono? Ang’o momiyo athagora malich? Ang’o momiyo amedo mana bedo jaricho moloyo? E kinde mang’eny ne ok apar weche mag richo. Ne abiro mondo ayue kuomi kendo koro aparora gima omiyo asebedo ng’amarach moloyo bang’ yie kuomi kuom higni mang’eny. Ang’o marach koda?”
E thuoloni e ma ne akelo ng’eyo gino matimore. Nayie kuom Nyasaye kaok owara kuom richona. Ne ok ang’eyo adiera e thuolono, kendo mano noromo tera marach.
Gi richogo e chunya, ere kaka ne anyalo nyiso jomoko wach warruok mar ng’uono mar Nyasaye? Ere kaka ne anyalo nyiso jwa moko mondo oyie kuom Yesu? Nasiko kalemo kendo alemo. “Ah Ruoth Nyasaye, machiegni abiro tieko somba mar Seminari kendo ibiro wira kaka jayalo. To kabedo jayalo mopong’ kod richo, ere kaka abiro nyiso joricho wach warruok? An jaricho kendo kasomo barupe mag Paulo Jaote to afwenyo ni ka ng’ato onge kod Roho mar Kristo to ok en nyathi Nyasaye. To ok odewo kaka ne ameny kod sironyo, Roho onge kuomwa. Nawinjo ni ne entiere e kinde mag chakruok to oseringo. Ang’o motimore na? Yie mondo inyisa gima otimore na Nyasaye.”
Kuom adier, ne awuondora awuon kaparo ni osewara mana kuom yie mane an godo kuom Yesu. Nayuagora kuom wachni kuom higni mang’eny.
Nyasaye ne osingore mondo onyisre ni jogo maduare kod chunygi. Giko ne oromo koda ei adiera mare mi nafwenyo ni pod an jaricho kuom higni 10. bang’ kasechako yie kuom Yesu to nafwenyo maling’ ling’ mar Roho e Muma Manyien, to mane ayango maling’ling’ mar warruok mar batiso mar Yesu chandruokna duto norumo. Chunya ne obedo matar ka theluji.
Mano biro chalo kod in bende. Ka iyie kuom injili mar batiso mar Yesu kod rembe, in bende ibiro bedo maonge kod richo. Pod inyalo bedo morem, to ibiro bedo matar, ka ikawo adierani e chunyi kendo iyange ne jomoko, mi gin bende ibir wargi mi gipak Nyasaye, ka giwero (Haleluya!).
Adwaro puonjo owete duto kod nyimine ma osewar. Apako Yesu kuom warowa a kuomricho magwa duto. Haleluya! Wasebedo mamor kiwarowa kuom richowa.
Mano kaka en gweth mang’ongo ni ok wanyal lero kit mor mogudho kod wach awacha. Wawer uru wer kanyakla, “♪nyinge osebedo mopondo nikech pok wahulo maling’ling’ mopondo ne chwech duto. Ne odire oko kaka kidi mane jogedo odagi, to nyinge ne obedo nying mamit moloyo terni manie chunya♪” 
 

BATISO MAR YESU KOD REMBE OROMO MOKALO WARO JORICHO DUTO KUOM RICHOGI.
 
Ang’o magolo richowa 
duto e chunywa oko?
Batiso mar Yesu.

Yesu Krist ne oluoko richo duto mag piny eyor batisone kod rembe ne oterowa nyangu e yor Roho kendo timowa bedo joge. En e Nyasach jogo monyuol nyuol manyien.
E kinde duto nitiere bura ming’ado ne richo. Yesu ne obatiso kendo ne ong’adne bura e msalaba mondo owarwa. Kuom rembe ne owarowa duto kendo ne ochiere e odiechieng’ mar adek. Ne en Nyasaye wuoro manochiero Yesu mondo oa kuom joma otho.
Ngima mar Yesu e ngimawa kendo en alamo mar bedonwa nyithind Nyasaye. Batiso mare okawo richowa duto oko kendo remo maler mar Yesu e musalaba e ratiro mare kuom kawo bura makarwa.
Osipena mahero, bende in kod adiera mar batiso mar Yesu kod rembe e chunyi apenjou kendo. Bende warruok marwa biro eyor batiso mar Yesu kod rembe kanyakla?
 

NG’ANO MA JAKWED WACH?
 
Ng’ano makwedo adiera?
Ng’at ma kelo bura kuome owuon kuom 
dagi bedo kod yie e batiso Yesu.

Osiepena mahero bende pod in jaricho kata obedo ni ifulo yie mari kuom Yesu pile pile e ngimani? Ka in jaricho kata obedo ni iyie kuom Yesu, kare in japing wach. Pingo wach en tamruok yie kuom adiera mar Nyasaye. Tito 3:10-11 wuoyo kuom timbewa, “Dag ng’ama kelo pogruok, kisesieme dichiel kata diriyo, kingiye maler ni ng’at ma kamano osekethore kendo timo richo, kendo oketo bura ni en owuon.”
Ng’ama keto bura kuome owuon wacho ni, “Nyasaye mahero! An jaricho, ayie kuomi to pod an jaricho kendo ang’eyo ni ineno adiera.”
Nyasaye to wachone ni, “Bende pod in jaricho kendo pok ibedo nyathina? Kare, in ng’ama kelo pogruok, kendo ibiro diri e mach maok tho.”
Ka iyie kuom Yesu maok iyie kuom injili mar batiso mar Yesu. Ka ikelo bura ne in iwuon kaka jaricho kendo ifulo ne Nyasaye ni chunyi ni kod richo, kare in ng’ama kelo pogruok e nyim Nyasaye.
 

JOMA OYIE MAR ADIERA TO GIN NG’A?

Joneno mag Nyasaye kuom 
warruok to kare gin ng’a?
Pi, remo kod Roho.

Jodo duto moyie kuom injili mar batiso Yesu kod rembe, jogo duto mosebedo oganda Nyasaye, kod jogo duto ma richogi oseluoki ok gin jomakare. Ere kaka pod inyalo bedo kod richo ka iseyie kuom Yesu? Jaricho ok nyal donjo e piny ruodh Nyasaye.
Jogo mobedo makare kuom yie Yesu ni kod neno mag Nyasaye e chunygi. Neno en batiso mar Yesu kod rembe. Tij warruok mari ni kuom gino mane Yesu Kristo otimo e pinyni.
Emomiyo, ng’at motamore yie kuom injili mar batiso mane Yesu okawogo richowa duto ibiro ng’ad kare oko kuom joge Nyasaye.
Owetena mahero kod nyiminena kuom yie, bende uyie kod chunyu duto kuom injili ni warruok mar joricho ok ni mana kuom remb Yesu kende, to bende pi maen batiso mar Yesu?
Ng’ato moyie kuom tich mane Yesu otimo e pinyni, kendo moyie pi, remo kod Roho ibiro war kuom richone duto. Ma e adiera kendo rieko mar injili mar pi remo kod Roho.
Yesu noluoko richiwa duto oko chuth e yor batiso mare mondo dhano duto oyud warruok kuome. Koro ka iyie gadiera kuom Yesu koro onge yo minyalo bedo godo jaricho.
Yesu nochier oa a kuom joma otho. Yesu dwaro mondo oyud chunje duto molal. Nyasaye tiyo kod Yesu kuom injili mar pi, remo, kendo gi Roho. Oseluongowa kendo koro inyalo reswa kendo owarwa.
Bende iyie kuom adiera makende? Anyisi ni warruok ok mana kuom remo to kuom kanyakla mar batiso mar Yesu kod rembe e musalaba. Jogo mawacho mana ni osewargi mana kuom remo kende nyaka fweny ni gin kod richo e chunygi. 
Wan duto ne waparo ni warruok marwa ne nyalore mana kuom yie e remb Yesu. Ne waparo kamano motelo, to koro nyaka wang’e ni remo kende ok oromo. Osewarwa kendo onyuolwa nyuol manyien kuom yie Yesu Kristo mane obiro kuom pi, remo kod Roho. 
Jaricho moro amora inyalo nyuol nyuol manyien kuom yie e batiso mar Yesu kod rembe (1 Johana 5:5-10). Wapak uru Nyasaye Halleluyah!  
 
LIST Download FREE eBook & AudioBook