All e-books and audiobooks on The New Life Mission website are free
Explore multilingual sermons in global languages
Two new revised editions in English have been released
Check out our website translated into 27 languages

English

Sermons

Sermons

Subject 3 : The Gospel of the Water and the Spirit

[3-8] Batiso Mar Yesu En Eyo Maok Nyal We Kuom Warruok (Matthew 3:13-17)

(Matthew 3:13-17)
“Eka Yesu nobiro koa Galili mochopo Jordan ir Johana, mondo oyud batiso kuome to Johana ne otemo sinde, kowacho niya, ‘an ema adwaro mondo ibatisa, to in kendo ibiro ira koso? Yesu nodwoke niya, ‘Yiena koroni, nikech e kaka owinjore mondo wachop tim makare duto,’ Eka noyiene.’ To kosebatis Yesu, gikanyono nowuk oa epi, kendo polo noyawore, mi noneno Roho mar Nyasaye ka lor kaka akuru, kobiro kuome; to duond moa e polo nowacho ni, jalni en wuoda ma hero, chunya mor kode.”

BATISO MAR JOHANA JABATISO

Lokruok en ang’o?
En a kuom ngima mar richo kendo bedo kod yie kuom Yesu mondo iyud pwodhruok.

Ji mang’eny e piny ok ong’eyo gima omiyo Yesu ne obiro e pinyni mi obatise kod Johana Jabatiso. kuom mano we awuo kuom gima omiyo batiso mar Yesu notimore kendo kuom Johana Jabatiso mane obatise.
Mokwongo nyaka wapar gima omiyo Johana Jabatiso nobatiso ji e aora Jorda. Oler wachno e buk mar Mathayo 3:1-12 ni Johana jabatiso ne obatiso ji mondo oduoggi ir Nyasaye kogologi e richo gi yoe fulo richo.
“Anto abatisou kod pi kuom loko chunyu;” (wes 11), kendo “Dwond ng’at moro makok e thim: ni losuru ndara mar Ruoth, rieuru yorene tir……” (wes 3). Johana Jabatiso, ne oruakore kod law mar yie ngamia, kod okanda mar del e nungone; to chiembe ne mana det bonyo kod mor kich me thim, koyalo batiso mar lokruok kuom Joyahudi kendo rwakuru Ruoth e chunyu.”
Lokruok kuom ang’o, kuom lamo nyiseche manono kod timbe duto maricho mag ngima mopong’ kod richo, koro ang’o mowinjore watim? Nyaka batisu kuom Yesu eka mondo opwodhu. Johana Jabatiso ne kok e thim kowacho nia, “yuduru batiso kuoma, richou mondo oluoki. Jawar maen Mesia maru biro e pinyni. Obiro kawo richou duto kaka nyarombo mar misango mar muma machon kendo luoko richou duto oko.”
E muma machon, richo mapile pile ne idaro kendo iketo kuom chiwo mar golo richo eyor keto lwedo richo mag higa mag Jo-Israel duto bende ne iketo kuom diel kod jadolo maduong’ e odiechieng’ mar pwodhruok kuom weyo richo, manetimore e ndalo mar apar mar dwe mar abirio higa ka higa (Tim- Jo Lawi 16:29-31).
Eyo maket kod mano, richo mag ji ne nyaka ket kuom Yesu eyor batiso mare nyadichiel mondo oruchgi oko. Kuom mano Johana Jabatiso nokwayo ji mondo oduog ir Yesu kendo mondo giyud batiso kuome.
Ber maduong’ kuom batiso mane Johana otimo ne en lokruok, mane odwogo Jo-Israel ir Yesu mane dhi biro bang’e. Lokruok tiendeni dar a kuom ngima mar richo kendo bedo kod yie kuom Mesia mondo richoni duto owenu.
Jo-Israel ninyalo war kuom geno ni Mesia biro biro bang’e mondo oluok richogi duto. machal kod mano iwarowa kuom yie marwa kuom Yesu, mano lor koa e polo higni 2,000 mokalo mi oluoko richo duto mag piny. To Jo-Israel mag Muma machon ne oweyo chike Nyasaye, ka gichiwo misango maok ni kare kendo wigi ne owil kod Mesia.
To nikech Johana Jabatiso ne dwaro paronegi kuom chik Nyasaye kod Mesia mane dhi biro bang’e, ne ochako timo ne ji batiso kendo mogik ne obatiso Yesu e aora Jordan.
Ji mang’eny ne obiro ir Johana kendo ne obatisogi ka gilokore kuom lamo nyiseche manono kendo kuom weyo chik Nyasaye. Nitie weche adek madongo maok anyal we oko kuom chik mar chiwo misango- chiayo mangima, keto lwedo, kod rembe. Ji duto modak e piny iwaro kuom yie Yesu.
Kane Jo-farisai kod Josudekai ne obiro mondo obatisgi, Johana ne owacho negi niya, “Un nyithind thuonde ng’a monyisou mondo uring mirima mabiro? To nyaguru olemo mowinjore gi loko chunyu; kendo kik upar wacho e chunyu niya, wan gi Ibrahim kwarwa” (Mathayo 3:7-9).
Jo-farisai kod Jo-Sudikai, riwruok mag josiasa kod jogo malamo nyisiche manono ne paro ni gin joge Nyasaye, kata obedo ni kuom adiera ne ok giyie kuom wach Nyasaye. Ne giyie kuom nyiseche mamoko kod margi giwegi.
Kane gibiro kuom Johana Jabatiso mondo obatisgi, nonyisogi, “ok owinjore uchiw misango maok kare to mondo gilokre gia kuom richogi kendo giyie kuom Mesia mane dhi biro mondo oluok richogi oko. Nyaka uyie wachni kod chunyu.”
Lokruok en dar a kuom yo marach. Lokruok mar adieri en dar a kuom richo kod yie weyo yie mar miriambo kendo duogo ir Yesu. En yie kuom warruok mar batiso ne kod bura ma nong’adne e musalaba.
Omiyo, Johana Jabatiso ne kok kowacho ni Jo-Israel mane oseweyo chike Nyasaye kod yore chiwo misango kotemo duogogi ir Nyasaye. Ne en tich Johana Jabatiso mondo oduog ir Yesu mondo giyie kuome kendo giyud warruok kuom richogi duto.

BENDE IYIE KUOM WARRUOK E YOR BATISO MAR YESU?

Ang’o ma dhano owinjo otim e nyim Yesu?
Nyaka gi bed kod yie kuome mondo giyud warruok kuom richo margi.

Gima okwngo mane Yesu otimo kuom yalo mare e galamoro ne en yudo batiso koa kuom Johana Jabatiso. Richo duto mag piny ne oket kuome e yorni.
Omiyo batiso mar Yesu ne en chokruok mar warruok mar Nyasaye kuom dhano kendo tich makare mar Yesu manoluoko richo duto mag piny. Nyasaye waro jogo duto moyie kuom adiera ni Yesu ne okawo richo mag piny e yor batisone.
Ka Yesu ne obiro e pinyni kendo ne obatise kod Johana Jabatiso, injili mar piny Ruoth polo nochakore. Polo ne oyawore kod batiso mar Yesu kendo mana kaka Mathayo 3:15 wacho, mano ne chal kod misango mar golo richo ma muma lero e Tim Jo-Lawi 1:1-5, 4:27-31 e muma machon.
Gimoro amora e muma machon nikod tudruok mare e muma manyien kendo mana kamano. “Nonuru ei kitap Jehova, som uru: onge kuomgi mabiro onge, onge maonge gi dichwo” (Isaya 34:16).

MUMA MACHON KOD MANYIEN DUTO WUOYO KUOM P WODHRUOK KUOM RICHO JI DUTO.

Bende nyaka walokre kuom richowa mapile pile?
Ooyo. Lokruok mar adiera en yie ni isetimo richo kaieto ilokori kuom duogo ir Yesu kod batiso mare mondo iyud resruok.

E muma machon, richo mag odiechieng’ ne iketo kuom chiwo mar golo richo eyor keto lwedo, chiwoni bang’e ne ichwero rembe kendo ne ikume makare joricho. Kendo richo mopimore mag higa duto bende ne iketo kuom chiwo mar golo richo e yor keto lwedo, mondo ji duto oyud ng’uono kuom richogi ma gisetimo e higa.
E muma manyien, eyo machal kod mano, Yesu Kristo nobiro kendo nobatise e aora Jordan mondo okaw richo duto mag piny. Omiyo wach Nyasaye mane okore e muma machon ne ochopo kare.
Johana Jabatiso, mane obatiso Yesu, ne en jatich Nyasaye mane ooro kuom dweche 6 motelone Yesu. Ne otimo neno ni Yesu nokawo oko richo duto mag piny, kowacho e kitap Johana 1:29. “Neuru! Nyarombo Nyasaye magolo richo mag piny!”
Johana Jabatiso noketo richo mag piny kuom Yesu, ne obatise e aora Jordan. E yorni, Ruoth notimo chudo mag richowa duto. Omiyo duto mowinjore watim sani en bedo kod yie.
Richo duto mag piny ne oket kuom Yesu. Jopunrene nowacho e buk mar Tich Joote 3:19, wacho niya “Emomiyo lokuru chunyu, kendo lokreuru ne Nyasaye mondo richou owany, mondo Ruoth oruni ndalo mag duogo chuny.”
Ne gisayowa mondo wang’e gima omiyo Johana Jabatiso ne obatiso Yesu, kendo gima omiyo ne onyiso ji mondo oluwe. Nowacho, “lokre uru e chunyu. Yie uru kuom warruok mar batiso Yesu. Richou mondo oluoki.”
Mesia ne obiro kendo oluoko richona duto nyadichiel koyudo batiso. Richo duto mag piny ne oket kuom Yesu e yorno. Omiyo mumb Nyasaye ne ochopo kare kod batiso mar Yesu, mana kaka ondiki e Mathayo 3:13-17. “Eka Yesu nobiro koa Galili mochopo Jordan ir Johana, mondo oyud batiso kuome to Johana ne otemo sinde, kowacho niya, ‘an ema adwaro mondo ibatisa, to in kendo ibiro ira koso? Yesu nodwoke niya, ‘Yiena koroni, nikech e kaka owinjore mondo wachop tim makare duto,’ Eka noyiene.” To kosebatis Yesu, gikanyono nowuk oa epi, kendo polo noyawore, mi noneno Roho mar Nyasaye ka lor kaka akuru, kobiro kuome; to duond moa e polo nowacho ni, jalni en wuoda ma hero, chunya mor kode.”
Mondo warruok mar Nyasaye ochopi, Yesu nobiro ir Johana mondo obatise. Johana Jabatiso ne en jatich Nyasaye makende. Luka 1 wacho ni Johana ne en nyakwar Harun Jadolo Maduong’ mokwongo. Nyasaye ne oyiero Johana ma nyakwar Harun, nikech nodwaro jachung’ mochung’ne kod dhano duto ochop tim makare duto.
Omiyo Nyasaye ne oketo Johana mondo onyuol e od Jadolo Maduong’ dweche auchiel motelo ne Yesu. Johana Jabatiso noloso yo ne Yesu kokok matek ei thim niya, “lokreuru, un nyithind thuonde! Lokuru chunyu. Mesia biro, lokreuru kuome kaok kamano to obiro ng’adou oko kendo owitu e mach. Yieuru kuom batiso mare kod rembe e musalaba. Lokreuru kendo mondo obatisu. Eka ibiro waru.”
Injili mar resruok mondo oler ey makare e buk mar Tich Joote 3:19. Kane Johana jabatiso nokok nikech richo mag dhano, ji mang’eny ne olokore.
Nikech Johana ne oketo richo mag piny kuom Yesu richo duto mag dhano ne oruch oko dichiel. Nikech Johana Jabatiso notimo neno ni Yesu nikawo richowa duto. Wang’eyo ni inyalo warwa kwayie kuom injili mar warruok, maen injili mar pi kod Roho.

GIMOMIYO JOHANA JABATISO NE NYAKA BI MOTELO NE YESU.

Tiend wach mar “Nikech e kaka” en ang’o?
① maber ahinya
② moromo chutho
③ mochunore mana e yorni kende
(onge yo moro machielo)

Jogo mane richogi oluoki kuom yie magin godo kuom Yesu, kaka jawar nyalo chiwo ler kuom warruok margi e yor neno mar Mathayo kuom injili mar batiso mar Yesu. Mathayo 3:14-16, “Eka Yesu nobiro koa Galili mochopo Jordan ir Johana, mondo oyud batiso kuome to Johana ne otemo sinde, kowacho niya, ‘an ema adwaro mondo ibatisa, to in kendo ibiro ira koso?”
Ne en Johana Jabatiso ema ne obatiso Yesu, ka ofwenyo ng’ama ne en. Johana ne en jatich Nyasaye mane ooro mondo oket oket richo duto mag piny kuom Yesu nikech Yesu ne obiro kaka jawar mondo ochop wach mokor mar muma machon. Ne ochiko Johana Jabatiso mondo obatise eka okwa richo duto mag piny e wiye.
Nang’o? Nikech Yesu en wuod Nyasaye manyalo, jachwech kendo jawar. Ne obiro irwa mondo oluok richowa. Kuom mano mondo owar ji duto ne nyaka obatise.
“Nikech e kaka” Yesu nobatisi kod Johana Jabatiso kendo ne oluoko richowa duto. Ne okume makarwa e msalaba. Batiso mar Yesu ne en neno kuom warruok marwa. Mana kaka Nyasaye ne osesingo e muma machon ni richo duto ibiro ket kuom nyarombo kendo ne okawo richowa duto kuome owuon.
Koro keto lwedo e muma machon kod batisi mar Yesu e muma manyien duto gin kalo richo, kendo warruok kendo ngima mochwere ichiwo kuom jogo moyie kuom injili mar pi kod Roho.

BATISO MAR YESU NE OLUOKO RICHOWA DUTO

Ere kaka wanyalo rwako Kristo?
Mana kwayudo batiso kuom Kristo.

Ka Yesu ne dwaro mondo obatise, Johana Jabatiso ne otemo sinde, kowacho, “An ema adwaro mondo ibatisa, to in ema ibiro ira koso?” to Yesu nodwoke ka wacho, “yiena koroni. Nikech e kaka owinjore mondo wachop tim makare duto.” Yiena koroni. Yiena, nonyiso Johana, “nyaka uket richo ji duto kuoma eka mondo okel ji duto moyie kuom injili mar pi kod warruok kuoma. Ibiro ng’adna bura bang’e kuom richogi duto mondo jogo moyie kuom batise obi oyud warruok kuom richogi duto. Ket kuoma richo mag piny e yor batiso mondo ji duto mobiro bang’e obi oyud warruok kuom richogi nyadichiel. Kuom mano yiena koroni.”
Yesu ne obatisi kod Johana Jabatiso kendo batiso mar Yesu nobedo kod chik makare mar warruok mar Nyasaye. Nikech richo duto noket kuom Yesu kane obatise koro inyal warwa duto dichiel ka wayie kuom Yesu kendo obatiswa. Nikech ne okawo richowa duto eyor keto lwedo mi otho e msalaba makarwa kendo koro obet e bad Nyasaye makoe achwich, inyalo warwa kwayie kuom warruok mar pi kod Roho.
En Yesu manowarowa kuom richo duto mag piny, inyalo warwa kuom yie ni Yesu ne okawo richowa duto kendo ne ochulo gopewa duto mag richo e msalaba. Batiso mar Yesu ne en chakruok mar injili mar warruok.
Batiso mar warowa ma muma wuoyo kuome ding’eny kendo Jaote Paulo bende owacho ni Jo-Galatia ni ne ogure kod Kristo nikech nobatise ei Kristo kendo orwako Kristo kuome. Jaote Paulo wuoyo kuom yie mare e warruok e yor batiso mar Yesu kod thone e musalaba.

“YIENA KORONI”

Tij Johana Jabatiso ne en ang’o?
tij ne en keto richo duto mag piny kuom Yesu kaka jadolo maduong’ mochung’ne dhano duto.

Yesu nowacho, “nikech e kaka owinjore mondo wachop tim makare duto.” Tim makare duto tiendeni golo richo duto e yor batiso mare kendo keto ji duto bedo maongekod richo e chunygi. “Eka noyiene.”
Yesu nobatisi e aora Jordan Mana kaka jadolo maduong’ ne keto lwetene ewi nyuok, Johana Jabatiso ne oketo lwetene ewi Yesu kendo noweyo richo duto mag piny kuome. Johana Jabatiso ne en Jadolo Maduong’ ma tije ne en keto richo duto mag piny kuom Yesu kaka jachung’ mar kit dhano. “Nyasaye oketo richo duto mag piny kuom nyarombo ni, Yesu.” Kuom mano richo duto mag dhano ne oket kuom Yesu.
Johana Jabatiso ne oketo lwetene ewi Yesu, kolute epi kendo ne ogolo lwetene oko ka Yesu ne owuok epi. Batiso nowaro dhano duto moyie kuom batisone.

POLO NOYAWORE KENDO DWOL NOA E POLO

En kinde mage mane piny ruoth polo oyawore?
Kochakore ndalo mag Johana Jabatiso (Matthayo 11:12)

“To kosebatis Yesu, gikanyono nowuk oa epi, kendo polo noyawore, mi noneno Roho mar Nyasaye ka lor kaka akuru, kobiro kuome; to duol moa e polo nowacho ni, jalni en wuoda ma hero, chunya mor kode” (Mathayo 3:16-17).
Ka Yesu nokawo richo duto mag piny e batiso mare, polo noyawore nie en. Omiyo singruok mar Nyasaye mane olosi higni mang’eny mosekalo ne ochopo kare e yor batiso mar Yesu e aora Jordan.
Omiyo Yesu, kaka nyarombo Nyasaye nowar ji duto mag piny kuom richogi. Richo duto mag piny ne oket kuom Yesu kendo ochopo dwaro mar Nyasaye.
Neno otimo e Johana 1:29, “Neuru! Nyarombo Nyasaye magolo richo mag piny!” Nikech richo duto noket kuom Yesu ne en nyarombo. Nyasaye, nowuotho kochomo msalaba e golgotha bang’ higni 3 koting’o misigo e goke. Bang’ kane osekawo richo duto eyor batisone. Kuom yie ni richogi duto owenegi.
E Johana 8:11, nonyiso dhako mane ojuk rando ka terore, “kata an bende ok nangadni bura.” Ne ok onyal ng’ado ne dhakono bura nikech ng’atno mane owinjore kod yudo kuom ne en Yesu owuon mane osekawo richo duto. Omiyo ne onyiso ji duto ni en e jawar mar joricho.
Nikech en e wuod Nyasaye, mane okawo richo duto magwa, ji duto moyie e piny nyalo yudo pwodhruok. Polo noyawore kane obatise. Ranga piny ruodh polo ne oyaw kendo ng’ato ang’ata moyie kuom batiso mar Yesu nyalo donjo kaen thuolo.

YESU NE OGUR BANG’ KANE OSEKAWO RICHO DUTO MAG PINY E YOR BATISO MARE.

Ere kaka Yesu notoyo wi Satan?
Kuom chier mare koa kuom joma otho bang’ ka oseyudo kum kuom richo magwa duto.

Nikech richo duto ne oket ewi Yesu ne nyaka ng’adne bura e musalaba. Ne en kod kuyo miwuoro kendo chunye ne thagore kuom kum kod sandruok mane odhi yudo e msalaba. Nolemo mi kuok owuok kuome mar remo. Kane odhi kod jopuonjrene kama iluongo ni Gethsemani, ne oywak, “yaye wuora, ka nyalore, kikombeni mondo oa kuoma” (Mathayo 26: 39). “ne obatiso mi ne okawo richo duto mag piny, to kik iwe atho nikech ma” to Nyasaye ne ok odwoke.
E odichieng’ mar kwayo ng’uono e muma machon, chiwo mar golo richo ne nyaka negi mondo rembe okir e nyim kom mar ng’uono kod jadolo maduong’. Eyo machal kod mano, Yesu ne nyaka gur kendo Nyasaye noyiero ni onge yo machielo monyalo timo godo mak mana e yorno.
Altari e buch Nyasaye kendo remb misango en ngima. Kiro remo nyadibirio enyim kedno e tok kom mar ng’uono nyiso nibuche duto osekadhi (Tim Jo Lawi 16:1-22).
Yesu nolemo ka okwayo Nyasaye mondo ogol kikombe kuome. To wuon gi ne ok oyiene to mogik Yesu nowacho, “to kik obed kaka an adwaro, to mana kaka in idwaro” (Mathayo 26:39). Ne olamo Nyasaye ni mondo otim kaka berne. Ne otieko lemo kendo noluwo dwach wuon mare.
Yesu ne oweyo dwache kendo ne otimo dwach wuon gi. Ang’o momiyo? Nikech dine ok ong’adne bura bang’ kane osekawo richo duto mag piny, warruok dine ok obedo moromo chuth. ne ogure e musalaba ne okawo oko richo duto mag piny kokalo kuom batiso ne. “Nikech msach richo en tho, to mich moa kuom Nyasaye en ngima mochwere kuom Kristo Yesu maen Ruodhwa” (Jo-Rumi 6:23).
Nyasaye ne ochopo singruok mane owacho ni obiro oro jawar mono owar dhano kokalo kuom yieyo lwedo, batiso mar Yesu. Yesu ne otimo dwach Nyasaye kendo noyie mondo ong’adne bura nikech wan.
Ne en chopo kare wach manokor e Buk mar Chakruok 3:15, “kendo anaket sigu e kind in kod dhako, kendo e kind kothi kod kothe; enoketh wiyi, kendo niketh ofunj tiende”. Nyasaye ne osingo ne Adam ni obiro oro Mesia, koth Hawa, kendo obiro loyo teko Satan mane oketo dhano obedo jaricho kendo dhi e mach.
Ka wang’eyo kendo wayie kuom batiso mar Yesu kod tho mare e musalaba, richowa duto oluoki oko kendo owarwa kuom bura.
Nyaka wabed kod yie maber e chunywa ka wakawo batiso mar Yesu kod rembe e msalaba. Yie kod wachni e chunyi eka nowari.

BATISO MAR YESU E CHAKRUOK MAR INJILI MAR POLO.

Chik mogik mar Nyasaye kapok odum odhi e polo ne en mane?
Ne ochiko jopuonjre mage mondo otim oganda duto obed jopuonjre mage ka gibatisogi e nying Wuoro, gi Wuowi kod Roho maler.

Batiso mar Yesu ne en chakruok mar injili kendo nowaro joricho duto kuom batisone kod rembe. E muma mar Mathayo 28:19, ondiki niya, “Emomiyo koro dhiuru e pinje duto mondo utim ji obed jopuonjrena, kubatisogi e nying wuoro gi wuowi gi Roho Maler.” Yesu nonyiso jopuonrene mondo otim neno ni wuoro kod wuowi kod Roho Maler nosewaro dhano duto kuom richo margi kendo noluokogi duto oko eyor batisone kod rembe.
Yesu nomiyogi teko mondo gitim ji moa kuom ogendini duto jopuonjrene ka gipuonjo gi kuom batiso Yesu, batiso mar warruok, batiso mane oluoko richo duto mag piny.
Kuom higni 2,000 mokalo, Yesu nobiro e piny kod ringre kendo nobatise gi Johana Jabatiso. Kuom batiso mar Yesu richo duto mag piny, moriwo richo wa duto ne oket kuome.
Richo marom nade mane oket kuome? Iparo nade kuom richo making? Onyisowa ni kata richo makiny ne oket kuome. Richo mag nyithindewa kod richo mag ogendini duto mosekalo, masani kod mahigni mabiro, kata richo mag Adam bende noket kuom Yesu.
Ere kaka richo nyalo bedo maonge kod richo? Nikech Yesu nokawo richowa duto kod richo mag piny kuom batiso mare mondo ji duto moyie obed kod thuolo maonge kod richo kendo oyud thuolo mar donjo e piny ruodh polo.
“To ka ng’ato ma timo addiera dhiyo e ler mondo timbene ong’ere e lela, ni otimogi kuom Nyasaye” (Johana 3:21).
Yesu noluoko richowa duto kuom batisone, rembe e musalaba, tho mare kendo chier mare. Kuom yie batiso mar Yesu kod tho mare e musalaba en yudo warruok kuom richo duto ma e yie mar warruok.
Ka wayie kuom batis kod remb Kristo, to owarwa. Ka wabedo kod yie makare kuom Yesu bende wan joma kare koso wan joricho? Wan jomakare. Bende waonge kod richo kata obedo ni wan chwech manyap? Ee, waonge kod richo. Mondo wayie kuom batiso mar Yesu kod buche e musalaba. En bedo kod yie maoromo kendo malong’o.

TIMO BATISO KENDO YUDO BATISO KUOM NYING YESU

Chakruok mar injili mar polo no bedo karang’o?
Ka no batis Yesu.

Nikech ji gin chwech morem, jodolo timo batiso ne jogo moyie kuom batiso mar Yesu kod rembe mar nyiso yie magin godo. jogo monyuol manyien neno ni warruok margi obiro eyor batiso, eyo machal kod batiso mar Yesu kaka ranyisi mar yie.
Jodolo kuongo lemo ka lwete ni ewi ng’atno monyuol manyien, kokwayo gweth mag Nyasaye mondo ng’atni olame maber nyaka chop giko mar ndalo.
Bang’e eka ibatise e nying wuoro kod wuowi kod Roho Maler.
Ibatiso wa kuom yie marwa e batiso mar Yesu kod rembe, batiso ni en ranyisi ni richo duto noket kuom Yesu, kendo jalno mobatisi tho gi Yesu kendo nochiere kode.
Yudo batiso en yudo yie mar ng’ato kuom keto richone kuom Yesu e yor batisone, king’adone bura nikech richone e bath Yesu kendo ichiero kode en hulo yie mar ng’ato e nyim wuoro, wuowi, Roho Maler. Satan kod owete kod nyimine. En hulo ni ng’ato osenyuol nyuol manyien eyor pi kod Roho.
Jogo moyie kuom Yesu ka ging’eyo tiend adiera man batiso mar Yesu kod rembee; msalaba, iwaro kuom richo duto mag piny. Emomiyo ibatisgi kuom nying wuoro gi wuowi kod Roho Maler.
“Emomiyo ka ng’ato obedo ei Kristo ochweye ng’ama nyien; gik moko machon osekadho neuru, gik moko duto obet manyien” (2 Jo-Korintho 5:17). Gigewa machon osekadho kendo osenyuolwa nyuol manyien kaka jogo man kod yie. Mondo obed adiera e chunywa ibatisawa wayudo batiso kuom Yesu kwayi kuom batiso mar Yesu.

NGIMA BANG’ YUDO NYUOL MANYIEN MAR BATISO YESU KOD REMBE E MSALABA.

Ang’o ma jogo monyuol nyuol manyien odakne?
Gidak ne piny Ruodh Nyasaye kod ratiro mare makare, ka giyalo injili e pinje duto.

Ngima bang’ yudo resruok kod nyuol manyien nyaka bed kod yie e wach Nyasaye, ok owinjore obed ngima mar bwogruok ma ng’ato lokoregodo odiechieng’ kodiechieng’ kuom richo mage mapile pile. To moloyo nyaka obed ngima mopong’ kod yie mwabedogo kod ratiro odiechieng’ kod odiechieng’ in Yesu nokawo richowa duto e batisone.
Richowa duto oket kuom Yesu kane obatise. Bang’e ne odak kuom higni 3 kaen kod higni nyaka chop oyie nikech richowa kendo ne ogure.
Kuom mano wan jogo moyie nyaka wabed kod yie kuom weche mondiki, to ok mana kuom bwogruok. Ka ok watimo kamano, to wabiro bedo kod parruok kuom richowa mapile pile bang’ ka osewarwa kendo yudo nyuol manyien.
Nyaka waketh paro magwa wawegi maok kare kuom nenowa maricho kendo wayie mana kuom injili mar pi kod remo. Mae ngima ma jogo mawar owinjore odagi.
Ang’o ma Johana jabatison owacho kuom Yesu? Ne owacho, “Ne uru! Nyarombo Nyasaye magolo richo mag piny” (Johana 1:29). Notimo neno ni Yesu nokawo richowa duto makawuono, makiny, kod manyoro, kod richo duto nyaka mokwongo.
Donge nokawo richogo duto? Donge richowa duto noket kuom Yesu? Richo mag piny oriwo richoni duto mag ndalo mkalo, masani, kod ma higni mabiro. Nyaka wayie injili mar warruok eyor batiso mar Yesu.
Jogo moyie kuom adiera mar batiso mar Yesu kod rembe ibiro war ng’ato ang’ata moyie kuom batiso mar Yesu onge kod richo e chunygi.
Kata kamano, ji mang’eny paro ni pod gin kod nikech ok ging’eyo ni richogi duto noket kuom Yesu eyor batisone. Iwuondo gi kod Satan. Satan wacho ne paro margi. “Itimo richo pile pile ere kaka inyalo bedo maonge kod richo?”
Nyaka gibed mana moyie kuom Nyasaye mondo gibed maonge kod richo, to Satan chikogi e obadho mar paro ni pod gin joricho nikech pod gitimo richo. Onge ng’ato man kod richo ka oyie kuom batiso mar Yesu kod rembe e Musalaba.
Nikech wadak e pinyni kaka chwech manyap kendo morem, ok wanyal wacho ni wabedo jogo makare kuom tijwa kod timbewa. To wanyalo wacho kod yie ni iwarowa kuom adiera mar batiso mar Yesu kod rembe e msalaba. Ka wasewinjo mano e yor yie batiso mar Yesu kod rebe, chunywa bedo maler, kendo wabedo kod adiera ni waonge kod richo.
“Isewara. Osewari. Osewarwa” to mano ilo maduong’ kod mor mar winjo ka wadwaro dak kod gombo mar yalo injili ne ji duto kendo ng’eyo ni Roho ema tayowa.
Kuom adiera wan jogo moyie watimo richo pile pile to waonge kod richo. Wan kod batiso mar Yesu kod rembe e chunywa. Chunywa ema pong’ kod richo, to koro ma wayie kuom batiso mar Yesu ere kaka wanyalo bedo kod richo?
“Ma eri e muma ma anatim kodgi bang’ ndalogi, anaket chikna e chunygi kendo anandik chikna e paro gi.” (Jo-Hibrania 10:16)
Chunywa ni thuolo kuom richo. Yesu ne oketowa mondo wayud warruok chutho eyor batiso mare kod thone e msalaba. Warruok kuom richo a kuom yie mar wach Nyasaye.

NG’ATO ANG’ATA MOYIE KUOM BATISO MAR YESU KOD REMBE E MSALABA OK NYAL BEDO JARICHO KENDO.

Bende wabedo joricho kendo ka watimo richo?
Ooyo. Ok wabed joricho kendo.

Kare ok wayie batiso mar Yesu, kod rembe, ka ok odewo kaka wathoroga lamo alam mar kwayo ng’uono, ne richo nitie e chunywa. To ka waseyie kuom injili ma adier, richowa duto noluoko oko.
“Hey, ere kaka tinde isebedo mapichni kendo mamor ndalo gi?”
“Ineno, aonge kod richo e chunya kendo.”
“Adier? To koro acgungo ni sani inyalo timo mang’eny mana kaka in ema idwaro?”
“Ing’eyo, ni dhano ok nyal weyo to mak otimo richo. Nikech mano e kaka kit dhano chalo. To Yesu nokawo richowa duto oko kuom batiso ne kendo noyie mondo ong’adne bura e msalaba nikech richogi. Nikech wachni sani koro achiwora mondo ati tich yalo injili e kanisa. Jo-Rumi sura 6, wacho ni wan waduto onego wadag kama. Nikech koro aonge kod richo e chunya, adwaro mondo atim gino makare. Nyaka wayie kuom batiso mar Yesu kendo kuom rembe e msalaba kwa yalo injili e pinje duto! Ka wayie kuom Yesu, Ruodhwa mar warruok, ok wanyal bedo joricho kendo. Nyaka wayie kuom warruok mosiko e batiso mar Yesu kendo kuom rembe e msalaba. Aduoko erokamano mogudho!”

EN NG’ANO MAYUDO ROHO?

Ang’o mane Johana Jabatiso notime e neon kuom Yesu?
Ne otimo neon ni Yesu ne en Nyarombo Nyasaye mane okawo richo duto mag piny, magin richo, mokalo, richo masani, kod richo mabiro timore, to koda ka richo mane okwongo chon.

Ng’ato ang’ata moyie kuom batiso Yesu kod rembe e musalaba yudo warruok. Ere kaka wayudo Roho? Tich Joote 2:38-39, chiwo duoko. “Petro ne owacho negi niya, lokuru chunyu, kendo obatisu uduto e nying Yesu Kristo mondo richou owenu; eka ununwang’ chiwo ma en Roho Maler. Nikech singruokni ni kuomu, kendo kuom nyithindu, kedno kuom ji duto man kuma bor, mana ng’ato ka ng’ato ma Ruoth Nyasaye noluongo obi ire.”
Mondo mi obatisi enying Yesu Kristo ma nyisoni yie kuom batiso mar Yesu kendo yudo resruok. Bang’e Roho ibiro chiwo kaka mich moa kuom Nyasaye.
Mondo mi obatisi e nying Yesu Kristo ma bende nyisoni yudo pwodhruok kuom yie batiso mar Kristo kod rembe. Ka wang’iyo yieni, wayudo warruok kendo wabedo jogo makare. Jogo moyie bedo marachar mana kaka pe chalo kokalo kuom batiso mar Yesu kod rembe emusalaba.
“Eka ununwang’ chiwo ma en Roho Maler.” Ka wayie kuom Yesu motegno ni richowa duto ne oseket kuome kokalo kuom batiso mare to kendo ne ong’adne bura kuom richogo, kod thone e musalaba, chunywa oluok maler. Ngimawa manyien chakore e sama wayie kuom batiso mar Yesu kod rembe kendo gi mich mar Roho Maler bang’e wabedo nyithind Nyasaye.
“Kendo un ung’a adiera, kendo adiera no miyo ubedo thuolo” (Johana 8:32). Onengore wang’e adiera makende mar buch Ruodhwa e musalaba. Adiera en ni Yesu Kristo ne orucho oko richowa duto kod batisone kendo thone emusalaba. Warruok ichiwonwa ka wayie kuom adiera.

BATISO MAR YESU KELOWA E LOKRUOK.

En ng’a mayudo Roho?
En ng’atno mosewar kuom richo duto kokalo kuom batiso Yesu kod rembe e musalaba.

Weyo richo kokalo kuom chiwo mar misango manie muma machon ochung’ne batiso mar Yesu e Muma Manyien. Batiso mar Yesu ochung’ ne weche duto mane okor e Muma Machon. Kotenore kuom yieyo lwedo manie Muma Machon inyalo neno kaka iyudo batiso mar Yesu e Muma Manyien.
Richo duto mag piny ne oket kuom Yesu kokalo kuom batisone mana kaka richo mag Jo-Israel ne iketo ewi diel misembo kokalo kuom yieyo lwedo.
Bende nyaka wayie e batiso mar Yesu eka mondo owarwa kuom richowa duto? Ee! Kamano! Nyaka wayie kuom adiera mar wach ni Yesu ne okawo richowa duto mag piny kokalo kuom batisone. To ka ok wayie kuom batiso mar Yesu, richowa ok nyal ket kuome. Nyaka wabed kod yie eka mondo warruok marwa obed moromo chuth to ka ok kamano, ok wanyal bedo jok makare. Yesu nowaro joricho duto mag piny eyo mowinjore kendo man kare kod batisone. Ne ok dhi timore eyo makare. Nikech batiso mar Yesu ne okang’ ma richo duto ne owee kuome, nyaka wabed kod yie ne wachni mondo omi chunywa oluok maler mosiko kuom richo.
Owinjo wayie ni remb Yesu emane obedo bura mag richowa duto. Omiyo, jogo duto moyie e batiso mar Yesu kod rembe e musalaba owar kuom richo.
Nyaka wayie kuom batiso mar Yesu eka mondo wadong’ e piny Ruoth polo. Ma eyo achiel kende ma inyalo reswa jogo kuom richo duto kendo wuok e obadho mar kum.
Batiso mar Yesu e muma manyien kendo keto lwedo e muma machon gin rang’i makoni kod kocha. Gitudo thuolo kod olalo mantiere e kind muma machon kod muma manyien.
E muma manyien, Johana Jabatiso ne obiro motelono Yesu kod dweche auchiel. Kane Yesu obatisi, ne en “chakruok mar injili mar Yesu Kristo, wuod Nyasaye” (Mariko 1:1) injili nochakore e kinde ma Yesu nokawo richo duto mag piny kuome kokalo batisone.
Migao mar tich mar warruok kuom dhano ne otim kokalo kuom okenge mang’eny; nyuol mar Yesu, batisone, tho mare emusalaba, chier mare, kod dum mare kochomo polo. Ka wang’eyo kendo wawinjo kendo wayie kuom okange mane warruok okawo, to owarwa kuom richo magwa duto. bAtiso mar Yesu nobedo chakruok ka rembe e musalaba ne e giko mare.
“charuok mar injili mar Yesu Kristo, wuod Nyasaye” (Mariko 1:1). Ok wanyal weyo oko time makare kata achiel. Batiso mare, rembe emusalaba, chierne, dum mare kodhiyo e polo. Kendo duoke mar ariyo- kuom injili mar wiod Nyasaye.
Yesu nobiro e pinyni e kido mar dhano kendo noluoko richo duto mag oganda kuom batiso mare, ma e mano bedo chakruok mar injili mar polo. Koponi kata achiel kuom magi ne onge, to injili mar polo ne ok dhi bedo moromo chutho.
Emomiyo koro, mondo omi mg’ato oyie kuom batiso mar Yesu kendo rembe. Endalogi gi mang’eny ok oyie kuom adiera mar batiso Yesu kod rembe. Giparo ni batiso Yesu ne chalo mana gi nyasi mamoko. Ma en winjo marach mokalo. Ng’ato moro amora ma oyie kuom Yesu bende nyaka yie kuom batisone kod rembe.
Ere kaka richowa inyal luoki mana kuom lamo alam mar ng’uono kende? Richowa duto ne oket kuom Yesu kane obatise gi Johana Jabatiso. ne onge yo moro machielo mane onyalo kawo godo richo mag dhano.
Nyaka wayud nyuol manyien kuom pi kod Roho eka wanyalo donjo e piny Ruodh Polo. Onge warruok moro manyalo bedo maonge pi mar batiso, rembe emusalaba kendo kuom Roho. mana ng’at moro ma oseyudo nyuol manyien ema nyalo neno Nyasaye mana kaka Yesu nonyiso Nikodemo e kitabu mar Johana 3:5. Warruok mar adiera biro kuomwa mana ka wayie e batiso mar Yesu kendo kuom rembe.

BENDE INYAL WARWA KA BATISO MAR YESU ONGE?

Ere kaka Yesu nobedo jawar marwa?
Mana kuom kawo richowa duto kuome kokalo e batiso mare.

Ka anyalo bedo ni wanyalo weyo ok achiel kuom weche mag injili mar galamoro ni Yesu nobiro e pinyka kendo okawo richowa duto kokalo mana kuom batisone, kata kawang’iyo mokalo tong’ kit kaka nobedo makare, mane onyuol kod Maria. Kata golo yie marwa oko kuom musalaba mar Yesu, din mar Kristo biro mana bedo din man kod pogruok mabiro miyo joma oyie chako goyo koko “yie iwena, yie iwena, yie iwena” mana kaka jo din mar (Budha) timo e hekalu margi.
To ka waweyo batiso mar Yesu oko, ma biro nyiso ni richowa ne ok oket kuome. Yie marwa ok en yie moromo, ketowa maonge pogruok mawacho ni osechulo gopewa duto to kuom adiera pok ochulo gimoro amora. Mano nyalo ketowa wabedo jomiriambo. Ka jagowi nyalo wacho ni osechulo gopene duto to kuom adiera pok ochulo gimoro ngang’, pod obiro bedo mana jagowi kuom adiera kendo gi e paro mare owuon ong’eyo ni en kod gowi.
Yesu noluoko jomoyie maler kod pi mar batisone kendo oketogi bedo nyithind Nyasaye. Yesu nokawo richo duto mag piny kokalo kuom Johana Jabatiso, mondo jogo duto moyie oyud pwodhruok. Ka wang’eyo kendo wayie kuom wachni chunywa bedo maler chutho.
Duokne Nyasaye erokamano. Luka 2:14 wacho ni, “Duong’ obedne Nyasaye epolo malo, kendo kue obed e piny kuom joma Nyasaye oyiero!” Yie marwa kuom pi kod remb Yesu kelonwa warruok moromo chuth kendo ketowa bedo nyithind Nyasaye. Batiso mar Yesu kod rembe mane owarowa kendo ng’ato ang’ata moyie kuom gik moko ariyogo yudo warruok.
Onge gima inyal we oko kuom tijene. Jomoko oyie kuom remo, kagiwacho ni Jaote Paulo ne ok osungo gimoro mak mana msalaba. To batiso mar Yesu ne oriw e musalape.
Wanyalo neno e kitabu mar Jo-Rumi sura mar 6 ni Paulo ne obatisi kuom Kristo kendo ne otho kode. Kendo e kitabu mar Jo-Galatia 2:20, wacho ni “Nogura ka achiel gi Kristo; ok angima koro, to Kristo emangima eiya. Ngimano ka koro an go eringruok, angima kuom yie man kuom wuod Nyasaye mano hera kendo nochiworena.”
Kendo e kitabu mar Jo- Galatia 3:27-29, “Nikech un duto mane obatisu kuom Kristo, userwako Kristo: onge Jayahudi kata Jayunani, onge misumba kata ng’at man thuolo, onge madichuo kata madhako; un duto un achiel kuom Kristo Yesu. To ka un mag Kristo, eka un koth Ibrahim kendo un jocham gikeni mar singruokno.”
Mondo obatisi kuom Kristo nyisoni nyaka iyie kuom gik moko duto mane otimo e pinyka, batisone kod rembe emusalaba. Mondo wayie kuom batiso, Yesu kendo kuom rembe e musalaba. Mondo wayie kuom batiso Yesu kendo kuom rembe en ni wabedo kod yie ei adiera ni Yesu nosegolo richowa duto higni 2,000 mosekalo. Onge yo machielo makelonwa warruok.

OWARWA GI NYASAYA KAWAYIE KUOM BATISO MAR YESU KENDO KUOM REMBE E MUSALABA

Bende richowa inyal luok oko mana ka walemo mondo owenwa?
Ooyo. Ng’uono mar richowa nyalore mana kuom yie marwa ni richowa duto ne oket kuom Yesu kane obatise kod Johana jabatiso.

“Nikech ng’ato oyie gichunye mi odoko makare kendo ohulo kod dhoge mi irese” (Jo-Rumi 10:10).
“Nikech un duto mane obatisi kuom Kristo userwako Kristo” (Jo-Galtia 3:27). Yie marwa chikowa mondo obatiswa kuom Kristo, rwako Kristo, kendo ne ubedo nyithind Nyasaye. Kane Yesu obiro e pinyni kendo ne uyudo batiso, richowa duto kod richo mag piny duto ne oket kuome.
Yie marwa chikowa mondo wabed achiel kuom Kristo. Ne watho kane otho. Ne ochierwa kane ochiere. To koro sani wayie kuom batiso mar polo, kod tijene, wanyalo donjo kendo wadag e piny Ruodh Polo mosiko nyaka chieng’.
Kaji oyie kuom remb Yesu kende ok ginyal to mana inyruok kuom richo margi modong’ e chunygi. Ang’o momiyo? Nikech ok ging’eyo bende ok giyie kuombatiso mar Yesu, mane okawo richowa duto kendo oluoko chunjewa manopong’ kod richo, ka oketogi bedo marochere mana kaka pe e ngima mosiko.
Bende iyie kuom batiso mar Yesu kendo kuom rembe mawari kuom richo duto? Yie iyie kuom adierano maok nyal kethi. Ki onge yie kuom batiso mar Yesu, to yie mari biro chalo mana nono. Ka onge kod yie kuom batiso mar Yesu to ok nyal wari kuom richoni; idonjo e hera maok nyal kethi.
Jogo moyie mana kuom msalaba wacho, “Yesu en Ruodha, en jawarna, mane otho emsalaba nikech an. Ne ochier kendo koa kuom joma otho kendo onyiso ayanga chierne kuom ndalo 40 kapok odhi e polo kendo koro obet e bad korachwich mar Nyasaye. Ayie ni obiro duogo e duoke mar ariyo mondo ong’adnwa bura kendo alemo ni Yesu biro loka chutho eka mondo arom kode. Oh Yesuna mahero, in e Ruodha.”
Gikwayo ng’uono mag richogi, kendo gigeno ni gibedo maonge richo, to richo nie chunygi. “Yie kuom Yesu to an kod richo e chunya. Ahero Yesu to an kod richo e chunya. Ok anyal wacho, “yie ibi ira, chuora’ Nikech an gi richo kendo ok an kod adiera kuom warruok mara. Omiyo ageno ni Yesu biro biro e sama aseikora moromo kendo abiro mana lemo motegno kendo hulo richona motegno. Ahero Yesu kod chunya duto to ok anyal dhi ire nikech richo opong’o chunya.”
Ka Yesu nyalo penjo jogo machalo kod mago niya, “En ang’o mmiyo inenoni ok iromo?”
Gibiro dwoke niya, “Ruoth, ang’eyo ni ok an ng’at makare nikech atimo richo pile pile. Omiyo koro luonga samiluongo joricho.”
Ok ging’eyo ni Nyasaye en jachwech kendo jang’ad bura ok bi yie ne joricho mond obed nyithinde.
Wuon kisera ne obiro kendo ne oketo kue kuom miaha, to nikech miaha ne ok ong’eyo wach machalo kamano, chunye ne chandore. Ka waparo ni wan joricho nikech wasetimo richo kuom ringruok, ok wan kod yie kuom Nyasaye. kA ok wang’eyo kendo waonge winjo kuom adiera mar wach Nyasaye, richo manie chunywa medo mana nyuolore nyading’eny.

Ang’o momiyo ji mang’eny yudo sand kuom richo ma odong e chunygi?
Nikech ok ging’eyo kendo ok girwako e chunygi tiend batiso mar Yesu mane okawogo richowa duto.

Wuon kisera nokawo richo duto mag piny. Kanye? E aora Jordan kane obatise. Jogo maok oyie kuom wachni pod gin mana joricho. Gimedo mana dong’ miaha mokethore.
Wuon kisera penjo miaha, “Ere kaka inyalo hera ka ok in miaha mara? Ka pok iluonga ni chwori mar kisera, richoni duto nyaka luok oko.”
Bende wanyalo yudo warruok kaonge batiso mar Yesu? Ooyo! Ne ochweyowa e kido mar Nyasaye koro wadwaro mondo ong’adnwa bura makare echunywa kendo e pachwa mondo wabed joma kare. Ok en gima nyalore mondo wapar mana ka warwako kendo wayie kuom batiso Yesu ma wanyalo wach ni waonge richo kendo wan joma kare.
E pachwa ok nyal pwodhwa ka wang’iyo kaka jogo maonge richo to kuom adier wan kod richo e chunywa. Bende Nyasaye ok nyal rwakowa e okenge macho kod magi. Nyasaye ok riambi.
Nyasaye nonyiso Musa mondo okaw kwan Jo-Israel kendo ochule chudo mar ngima margi. Jomoko ne chulo mich mar nus Shekel to joma adhier ne chulo matin, ng’ato ka ng’ato ne nyaka chudi.
Emomiyo, onge kaka ng’ato inyal pwodhi ka ok oyie kuom Yesu mane ochulo chudo mar ngima ne en? Ng’ato machalo kamano dhi nyime kuom bedo kod richo echunye.
Ka wayie mana kuom remb Yesu wan kod richo e chunywa, kendo nyaka wakwa ng’uono ni wan joricho. To ka waseyie kuom injili mar batiso kod msalaba kanyakla, wanyalo fwenyo kuom adiera ni waonge kod richo. Warruok kod ngima mochwere en marwa.

ANYANY MAKWEDO ROHO.

Kabind richo mane matero ng’ato e mach?
Timo richo makinyo Roho, eyo machielo, en tamruok yie kuom batiso mar Yesu.

Jo Rumi 1:17 wacho, “Nikech tich makare mar Nyasaye elore e wach maber: to elruok mar tich makare a kuom yie kendo dhiyo nyime kuom yie kaka ondiki niya, “Nga’t moket kare kuom yie nobed mangima.” Jogo makare mag Nyasaye ifwenyo kuom injili. Yesu Kristo nobiro e pinyni kendo noluoko richo duto magwa kod batisone kendo thone e musalaba. Batiso mar Yesu kendo rembe, e teko mar injili. Yesu noluoko richowa duto dichiel kendo moromo.
Bedo kod yie tiendeni warruok kendo ok en yie manyiso mach mosiko. Wuonwa manie polo ne ooro wuode ma miderma Yesu e pinyka kendo ne obatise mondo owenwagodo richowa. Omiyo, ng’ano moyie kuome nyal resi kuom ketho mare duto.
Kit richo achiel modong’ e pinyka en richo mar bedo maonge yie kuom batiso mar Yesu kod rembe. Bedo maonge kod yie en gima kwedo Roho kendo richo ma Nyasaye biro ng’adone bura, ka jogo maok oyie itero e mach maok tho. En richo malich moloyo richo duto. Ng’ato moro amora kuomu ma otimo richoni nyaka hul gi dhoge kendo ibiro ware kuom yie batso Yesu. Kaok kamano, ibiro dhi e mach maok tho.
Be osewari kod neno mar ng’uono kokalo kuom batiso Yesu kod rembe? Bende iseyudo neno mar Johana Jabatiso kaka ondiki e kitabu mar Johana 1:29, “Neuru! Nyarombo Nyasaye magolo ketho mag piny!” bende iyie kuom batiso Yesu kod rembe kaka ondiki e kitabu mar Jo-Hibrania 10:18, “To kama richo osewee, kanyo ok onego bedie misango migologo richo.” Nyasaye ong’eyo jogo moyie kuom batiso mar Yesu kendo rembe echunygi. Nyasaye ketogi nyithinde. Jogo moyie kuom batiso mar Yesu kendo kuom rembe iwaro kokalo kuom hera makare mar Yesu.
Ng’ato ang’ata ma Nyasaye ooro mondo owuo kuom weche Nyasaye, to jogo man tier e pinyka, mane pok oor kod Nyasaye, yalo mana koluwore kod paro margi giwegi. Nitiere ji modhuro e pinyka mayalo wach Nyasaye, kendo jogo ma ose or kod Nyasaye mondo owuo kuom batiso mar Yesu kod rembe.
To jogo mayalo wachgi giwegi mago jogo manyiso mana pachgi owuon. Giwacho, “osewarwa kuom richowa mokwongo to ng’ato ka ng’ato kuom gi kwayo ng’uono pile pile kuom richogi.” Giwacho ni giyudo pwodhruok mosmos.
To ng’ato be inyal pwodhi kende owuon. Bende wanyalo yudo pwodhruok mana kuom pachwa wawegi kendo kokalo kuom tekowa owuon. Bende wanyalo yudo pwodhruok nikech Nyasaye noluoko richowa duto, koso nikech ne watemo mondo wayud warruok kuomwa wawegi.
Yie mar adiera ema pwodhowa. Be wanyalo golo chilo mar makaa mabed matar kwaluoke seche duto? Bende wanyalo loko pien marateng’ ka watiyo kod rangi? Onge sabun manyalo lioko richowa oko, kendo ber marwa wawegi chalo mana chilo mar nanga moti. Bende wabedo makare kuom yie batiso mar Yesu kod rembe koso wabedo makare kuomyie remo kod musalaba?
Yie mar adier a kuom pi mar batiso Yesu kod rembe manochwer e musalaba. Warruok ok bi kaka duoko mar tijwa wawegi. Mana yie marwa kuom batiso mar Yesu kod rembe ema gonyowa kuom richo kendo ketowa kare.
Wuor oseketo ji duto e lwet wuode, kendo jogo moyie kuome biro yudo ngima mosiko. Yie kuom wuowi tiendeni yie kuom resruok eyor batiso mare kod rembe. Jogo moyie biro bedo kod ngima mosiko kaka nyithind Nyasaye. Jogo mowar biro dak mosiko e bat kor kaachwich mar Nyasaye.
Yie kuom batiso mar Yesu kod bedo achiel gi Nyasaye bende en yie kuom Roho. Wach mar adiera miyowa thuolo mondo wayud nyuol manyien. Iwarowa kuom yie batiso mar Yesu kod rembe.
Bed kod yie. Bedo giyie kuom batiso mar Yesu kod rembe en yudo resruok. Bed kod yie kuom injili mar adiera kendo iyud ng’uono kuom richo.

LIST Download FREE eBook & AudioBook