- All e-books and audiobooks on The New Life Mission website are free
- Explore multilingual sermons in global languages
- Two new revised editions in English have been released
- Check out our website translated into 27 languages
Subject 3 : The Gospel of the Water and the Spirit
[3-9] Watim Uru Dwach Nyasaye Kuom Yie (Matthew 7:21-23)
“Ok ne ji duto maluonga ni Ruoth Ruoth, emanodonji epiny Ruodh polo; to mana ng’atno matimo gima wuora me polo dwaro. Ji mathoth nowachna chieng’ ono, ‘Ruoth, Ruoth, ne ok wakoro enyingi, koso, kendo enyingi neok wagolo jochiende, kendo enyingi ne ok watiyo tije mang’eny’ Eka ana wachnigi niya, ‘ok nang’eyuo ngang’; Auru kuoma, un joma timo richo!’”
ONYALO BEDO NI EN AN . . .
Bende ng’ato ang’ata mawacho ni ruoth, ruoth biro donjo ei piny rudhpolo?
Ooyo. Mana jogo matimo dwaro mar Nyasaye
Yesu Kristo wacho, “Ok ne ji duto maluonga ni Ruoth Ruoth, emanodonji epiny Ruodh polo; to mana ng’atno matimo gima wuora me polo dwaro.” Wechego osekelo luoro e chuny Jo-Kristo mang’eny, kamiyogi tiyo matek mondo gitim dwach Nyasaye.
Jo-Kristo mang’eny paroni gima owinjo gitim en yie kuom Yesu mondo gidonj e piny Ruodh polo, to Mathayo 7:21 nyisowa ni ok ne ji duto maluonge ni “Ruoth, Ruoth” emanodonji e piny Ruodh polo.
Ji mang’eny masomo wesni bedo kod parruok, “nyalo bedo ni an e jalno.” Gitemo jiwore giwegi, “Ooyo, nyalo bedo ni Yesu ne wuoyo kuom jogo maok oyie.” To parono siko e pachgi kendo siko ka chandogi kendo wang’o igi.
Omiyo, giliero ewes mogik masomo ni, “To mana jogo matimo dwach wuora me polo.” Gimoko kuom wechego, mawacho, “Timo dwaro mar wuora” kendo giparo ni ginyalo timo kamano kuom chulo achiel mar apar (Tithe) eyo mowinjore, lemo ka piny oru, yalo, timo timbe mabeyo, kendo weyo timo richo…. Kendo gitemo matek. Ma miyo akechogi.
Ji mang’eny timo makosa nikech ok gi winj wesno eyo maler mondo wayud thuolo mar ng’eyo dwach Nyasaye kendo dak ka watimo dwach Nyasaye.
Mokwongo, nyaka wang’e ni dwach Nyasaye en mondo wuode okaw richo mag ji duto kendo ogonywa kuom richo.
Muma mar Jo-Efeso 1:5, ondiki niya, “Nowarowa cho mondo wadok yawuote kuom Yesu Kristo. Wachno nobet kuom herane gi dwaronr.”
Eyo machielo, dwaro mare en ni mondo wange injili mar adiera ni Yesu Kristo noluoko richowa duto, komiyowa thuolo mar yudo nyuol manyien mar pi kod Roho kwaketo richowa duto kuom wuode, Yesu ma e dwaro mar Nyasaye.
MANA KUOM WACHO, NI “RUOTH! RUOTH!”
Ang’o mowinjore wang’e kawayie kuom Yesu?
Dwaro mar Nyasaye.
Dwaro mar Nyasaye.
“Ok ne ji duto maluonga ni Ruoth Ruoth, emanodonji epiny Ruodh polo; to mana ng’atno matimo gima wuora me polo dwaro” (Mathayo 7:21).
Dwarore mondo wang’e dwach Wuoro kuom yore ariyo. Mokwongo, nyaka wang’e ni en dwache mondo wayud ng’uono kuom richowa kendo wayud nyuol manyien mar pi kod Roho. Mar ariyo, nyaka watii kwatenore kuom yie.
En dwache mondo oruch richo mag ji duto modak e piny. Satan ema ne okelo podho ne kwarwa ma Adam eyor richo. To dwaro mar wuora en luoko richo duto mag dhano. Nyaka wang’e ni ok en dwach wuora mondo wachul achiel mar apar (Tithe) eyo maber kendo walem ka piny oru, to en dwaro mara maduong’ en mondo owarwa duto kuom richo.
Muma wacho ni ok ne ji duto maluong’e ni “Ruoth, Ruoth” emanodonji e pinyruoth polo. Mano tiende ni ok owinjore wayie ayiea kuom Yesu, to ng’eyo gino ma Nyasaye dwaro kuomwa. En dwaro mare mondo owarwa kuom richo kod bura mar tho, kwang’eyo ni ketho mar Adam kod Hawa tiende ni ok wanyal konyo mak wadak ei richo.
DWARO MAR NYASAYE
Dwaro mar Nyasaye en mane?
En mondo otimwa bedo nyithinde kugolwa e richo.
Mathayo 3:15 wacho niya, “Nikech e kaka owinjore mondo wachop tim makare duto.” Kuom mano ne en chopo dwach Nyasaye mondo Yesu obi e pinyni warowa duto kuom richo. Dwach Nyasaye nochopo kare ka Yesu nobatisi kod Johana Jabatiso.
Ne odwaro mondo owarwa kendo otimwa bedo makare, mondo otim mano wuode ne nyaka kaw richowa duto oko. mano ne dwaro mare mondo oket ji duto obed nyithinde. Koro, ne ooro wuode owuon mondo okaw richo duto mag ji mane osewar e obadho mar Satan. Ma ne en dwach mondo ochiw ngima mar wuode ne ji duto mondo gibed nyithinde.
Kane Yesu obatisi kendo notho e msalaba, dwach Nyasaye ne ochopo kare. Pod en mana hero mare kuome mondo wayie ni richowa duto nokal kuom Yesu kane obatise kendo nokawo bura marwa kokalo kuom tho mare e msalaba.
“Nikech Nyasaye ne ohero piny ahinya omiyo nochiwo wuode ma miderma” (Johana 3:16). Nyasaye nowaro joge koa e richo. Mondo otim kamano, gima okwongo mane Yesu tim e tije mar galamoro ne en yudo batiso kuom Johana Jabatiso.
“Yesu nodwoke niya, ‘Yiena koroni, nikech e kaka owinjore mondo wachop tim makare duto” (Mathayo 3:15). Ne en dwaro mar Nyasaye mondo Yesu obi e piny ka mondo okaw richo manie piny kokalo kuom batiso, notho e msalaba, kendo nochier.
Onego wang’e mar maler. Ji mang’eny somo kitap Mathayo 7:21 kendo paro ni en dwaro mare mondo mi wati ne Nyasaye, nyaka kar tho kwachiwo mwandu wa mag piny mondo oger kanisa.
Jo-Kristo wetena, moyie kuom Yesu, en gima long’o mondo wakwong ng’eyo dwaro mar Nyasaye koro eka watime. En gima rach mondo itine kanisa kapok ing’eyo dwaro mare.
Ji penjore giwegi ni ang’o kendo manyalo bedo mopogore kod dak kuome ei kanisni margi man kod kanisni mag chike mabeyo. To an awuon anono paro mar Kalvin e kanisa mar (Presbyterian) kendo ne adonjo e bwo miyo machielo mane jalemo kaka jayalo motegno. Nasomo e kanisa miluongo ni ‘Othordox’.
Jaote Paulo nowacho ni en bende onyalo sungore ni en ja dhood Benjaming kendo osomo chik e bwo japuonj miluongo ni Gamaliel. Mane en japuonj maduong’ ekindeno. Ka Paulo pok oyudo nyuol manyien, ne en eyo mondo odhi otue jogo moyie kuom Yesu. To ne oyudo yie kuom Yesu ka en eyo madhi Damaski kendo nobedo ng’at makare e yor gweth mar yudo nyuol manyien.
NYAKA WANG’E DWACH NYASAYE KA POK WATIME.
Ang’o madwarore kapok wadhi ir Yesu?
Nyaka wakuong wang’e dwache.
Pwodhruok mokwongo ni kuom Nyasaye. “Ma e gima Nyasaye dwaro ni opwodhu. Weuru teruok” (Jo-Thesalonika 4:3). Wang’eyo ni en dwaro mar Nyasaye mondo wabed jogo mopwodh chuth e ngima duto e yor pi kod Roho.
Ka nitie ng’ato moyie kuom Yesu to pod nitiere kod richo e chunye, ok odak kaka dwaro mar Nyasaye dwaro. Ka waluwo dwaroni mondo opwodhwa kokalo kuom warruok moyud kuom Yesu. Ma en timo dwaro mar Nyasaye.
Kopo ni apenji, “Be pod in kod richo e chunyi kata obedo ni uyie kuom Yesu?” kendo duoko mari en Ee, adier ok ing’eyo. Kare kuom adiera ok ingeyo dwaro mar Nyasaye. En dwaro mar Nyasaye ni mondo wapwodhre kendo warrwa kuom richo magwa kokalo kuom yie e pi kod Roho.
Kinde moko ne nitiere dichwo moro mane nikod yawuowi ma joluor, odiechieng’ moro ne ohingo wuowi maduong’. Mane ni kod luor moloyo gi duto tee, bang’e nowachone, “wuoda dhi egweng’ kikalo pewe…”
Kapok otiek wuoyo, wuowi nawacho, “kamano wuora.” Kendo nodhi. Ne ok orito mondo ong’e gino mowinjore otim ne odhi adhia.
Wuongi noluonge kodhi, “Wuowi, en gima kare ni iber kendo ijaluor to mokwongo dwarore ni iwong ing’e gima adwaro ni mondo itim.” To wuowi nowachone, “en gima kare wuonwa. Abiro luori. Ere ng’ano ma jaluor machalo koda?”
To kuom adier noduogo kod lwetene nono, nikech ne okong’eyo kaka onyalo timo dwaro mar wuon gi kapok ong’eyo dwarono mar wuon mare. En ne oyie kapok ong’eyo gino mowinjore otim.
Onyalo chalo kodwa kaok wang’eyo Yesu Kristo. Ji mang’eny chiwore giwegi, ka luwo puonj mag ‘theology’, duto kaok ging’eyo dwar mar Nyasaye.
Ka githo ne richo echunygi, igeng’o negi dhood polo. Ne gin kod sironyo mar ng’eyo dwaro mar Nyasaye mak mana ne ok ging’eyo gima Nyasaye dwaro.
Timo timbe mamono en ang’o?
En yie kuom Yesu kaka jaricho ka ok ing’eyo injili mar pi kod Roho.
En yie kuom Yesu kaka jaricho ka ok ing’eyo injili mar pi kod Roho.
“Ji mathoth nowachna chieng’ ono, ‘Ruoth, Ruoth, ne ok wakoro enyingi, koso, kendo enyingi neok wagolo jochiende, kendo enyingi ne ok watiyo tije mang’eny’ Eka ana wachnigi niya, ‘ok nang’eyuo ngang’; Auru kuoma, un joma timo richo” (Mathayo 7:22-23).
Nitiere gik ma Nyasaye dwaro ni mondo watim ka wan kod yie ma odwaro kuomwa. Odwaro mondo wayie ni Yesu nokawo richowa duto. Jokoro mang’eny, golo jochiende, kendo timo gik madongo kokalo enyinge ka ok gingeyo adiera man kuom pi kod Roho.
Timo gik madongo tiendeni gero kanisni mang’eny, kod uso gigegi duto mondo gichiw ne kanisa, ka gichiwo ngimagi giwegi ne Ruoth, kod gigegi mamoko.
Koro e nyinge tiendeni bedo jatelo. Ji makamago chalo kod Jofarisai masungore kuom dak eyor chik omiyo gichwanyo Yesu. Ma bende timore ne jogo ma dwaro bedo Jo-Kristo mawuotho kuom chik gi giwegi.
Golo jochiende e lela en nyiso tekoni. Gin kod sironyo mang’ongo kuom yie margi, to bang’e Ruoth biro nyiso e kinde mag giko ni ok ong’eyo gi. Obiro kaka ging’eye ka ento ok ong’eyogi.
Ruoth biro wacho, “Eka ana wachnigi niya, ‘ok nang’eyuo ngang’; Auru kuoma, un joma timo richo.” Odiechieng’no, galamoro mag ji biro ywak niya, “Ruoth, ayie ni in jawarna.” Gibiro wacho ni gihera to gin kod richo e chunygi. Ruoth luongogi ni gin jogo matimo richo (joricho mapok owar) kendo obiro nyisogi ni mondo gia kuome.
E odiechieng’no, jogo ma otho kaok oyudo nyuol manyien biro ywak matek enyim Yesu. “Ne akoro, ne agero kanisni, kendo naoro jomisionary 50 kuom nyingi.”
To Yesu biro nyiso jorichogo ni, “‘ok nang’eyuo ngang’; Auru kuoma, un joma timo richo.”
“Ang’o miwacho? Bende ing’eyo ni in ema ne wakoro kuom nyingi? Ne atiyo e kanisa kuom higni mang’eny…ne apuonjo jomoko mondo oyie kuomi. Ere kaka ok inyal ng’eya?”
To obiro wachonegi ni, ‘ok nang’eyuo ngang’ un jogo mawacho ni ong’eya to un kod richo echunyu. Auru kuoma!
En timo richo e nyim Nyasaye ka iyie kuome to pod in kod richo echunyikata tamruok yie kuome eyor chikne mar warruok. En timo richo kaitamori ng’eyo dwaro mare. En timo richo mondo item timo dwaro mare kaok ing’eyo dwaro mare to kata bedo kaok ing’eyo gweth mar yudo nyuol manyien mar pi kod Roho. en timo richo luwe kaok in kod luor kuom dwaro mare. Timo richo en richo.
DWARO MAR NYASAYE E MUMA
Nyithind Nyasaye to gin ng’ano gini?
Gin jogo makare maonge kod richo.
Gin jogo makare maonge kod richo.
En dwaro mare mondo wabedo kod yie kuom injili mar yudo nyuol manyien e yor pi kod Roho. injili mar adiera kelonwa yudo nyuol manyien. nyaka wang’e dwaro mar Nyasaye, to ji mang’eny ok ong’eyo injili mar yudo nyuol manyien mar pi kod Roho.
Ka apenjo ji gimomiyo giyie kuom Yesu, ji mang’eny wacho ni giyie kuom Yesu mondo owargi kuom richo margi.
Apenjo, “kare bende in kod richo ei chunyi?”
Giwacho, “adier, an kod richo”
“Kare, bende owari koso ok owari?”
“Adier owara.”
“Bende jaricho man kod richo ei chunye nyalo donjo ei pinyruodh polo?”
“Ooyo, ok onyal.”
“Kare, bende idhi e pinyruodh polo koso idhi e mach maok tho?”
Giwacho ni gidhi e pinyruoth polo, to bende ginyalo? Jogi biro dhi e mach.
Ji moko paro ni nikech giyie kuom Yesu, ginyalo donjo e pinyruodh polo kata ka gin kod richo e chunygi kendo ni en dwaro mar Nyasaye mondo gitim kamano. To Nyasaye ok orwako joricho e pinyruodh polo.
Dwaro mar Nyasye en ang’o? Muma wacho ni dwaro mar Nyasaye kuomwa en bedo kod yie kuom wuode, kendo bedo kod yie kuom gweth mag resruok e yor batiso mar Yesu kod rembe emusalaba.
Jogo moyie kuom gweth mar yudo nyuol manyien mar pi kod Roho bedo nyithind Nyasaye. Nyithinde gin jogo makare.
Ka Nyasaye luongowa kaka joma kare, bende odewo joricho maluongore ni jo-Kristo kaka jogo makare? Nyasaye ok nyal riambo. Koro e nyime, inyalo bedo jaricho kata ng’atno makare. Ok nyal bedo ni iketo gi ni gionge kod richo; Oluongo mana jogo moyie kuom injili mar pi kod Roho mondo opwodhgi.
Ere kaka wanyalo bedo nyithind Nyasaye?
Mana kwa yie injili mar pi kod remo.
Mana kwa yie injili mar pi kod remo.
Nikech Nyasaye noketo richo duto mag piny kuom wuode, kata mana wuode owuon ne nyaka ng’adne bura e msalaba. Nyasaye ne ok nyal wacho miriambo. Owacho niya, “Msach richo en tho” (Jo-Rumi 6:23). Ka wuode ne otho, mudho nopong’o piny kuom seche adek.
“Yesu noywak kod dwol maduong’ ka owacho niya “Eli, Eli lama sabakthani?” tiende niya “Nyasacha, Nyasacha, iweya nang’o?” (Mathayo 27:46).
Yesu nokawo richo duto mag piny eyor batiso mare mondo owar ji duto kuom richo. Ne okawo richo duto mag dhano, kong’eyo ni nyaka gure kendo Nyasaye wuon mare biro weye kuom mano Nyasaye ne okumo wuode owuon kuom richo mono kawo oko e aora Jordan kendo noloko wang’e kuom wuode kuom seche adek.
“To ji duto manorwake, nomiyo teko mondo gibed nyithind Nyasaye, e jogo moyie kuom nyinge” (Johana 1:12).
Bende un nyithind Nyasaye? wan e jogo monyuol manyien nikech waseyie kuom injili mar yudo nyuol manyien mar pi kod Roho. Jogo monyuol nyuol manyien mar pi kod Roho gin joma kare. Koro wan duto wasebedo jogo makare.
“Ka Nyasaye ni kodwa ang’ono manyalo bet jasikwa?” (Jo-Rumi 8:31). Ka ng’at makare dimbore ni en ng’at makare e nyim Nyasaye kod jogo maok owar “Ng’ano manodonji ne jomoyie mar Nyasaye? Nyasaye ema oseketogi kare” (JoRumi 8:33). Nyasaye rucho oko richo duto kokalo kuom Yesu kendo oluongowa ni jogo mopwodhi, jomakare kendo nyithinde. Omiyowa teko mar bedo nyithinde man kod duong’.
Jogo monyuol manyien e yor pi kod Roho gin nyithinde. Gidak kode manyaka chieng’. Koro ok in mana chwech e pinyni to nyithinde maolosonegi polo.
Koro ma gin nyithind Nyasaye makare, onge ng’ato manyalo donjonegi, kata ng’adonegi bura, kata pogogi kod Nyasaye.
Nyaka wang’e muma. En gima ochuno ni nyaka wang’e kendo wayie kuom dwaro mar Nyasaye mondo wabed kod thuolo mar timo kaka dwaro mare chalo.
EN DWARO MAR NYASAYE MONDO JORICHO OYUD NYUOL MANYIEN KUOM PI KOD ROHO
Ang’o momiyo Nyasaye ne ooro wuode e kido mar dhano ma jaricho?
Mondo okaw richo duto kuome.
Mondo okaw richo duto kuome.
En dwaro mar Nyasaye mondo owarwa kendo wayud nyuol manyien eyor pi kod Roho. “ma e gima Nyasaye dwaro, ni opwodh” (1 Jo Thesalonika 4:3).
Ne en dwaro mar Nyasye mondo oor wuode mondo richo duto oket kuome kendo mondo wabi wayud warruok. Ma e chik mar Roho mamiyo wayudo nyuol manyien mar pi kod Roho. ogonyowa kuom richo duto.
En dwaro mar Nyasaye mondo jogo mosenyuol nyuol manyien otim neno kuom injili kendo odagi e kanisa, ka gichiwore ne tich mar kelo chunje mamoko ir Nyasaye.
Ok watim richo nikech wadwaro, to nikech wanyap. To Yesu nokawo richowa oko. Nyasaye noketo richo duto mag piny kuom Yesu kotiyo kod Johana Jabatiso. nooro wuode ne dwaro mare no kedno noyie mondo obatise kod Johana. Iwarowa kuom yie wachni. Mae dwaro mar Nyasaye.
EN DWARO MAR NYASAYE MONDO WAYIE KUOM YESU, MANE OORO
Ang’o momiyo Yesu ne obatisi e kido mar dhano mar dhano majaricho?
Mondo okaw richo duto mag dhano matimo richo.
Mondo okaw richo duto mag dhano matimo richo.
Muma wacho ni timo dwaro mar Nyasaye en bedo kod yie kuom jalo mane ooro. “Eka ne giwachone, onego watim ang’o mondo watim tich Nyasaye?” Yesu nodwokogi niya, ‘maen tich ma Nyasaye dwaro, ni uyue kuom jal mane ooro.’ Eka negiwachone niya, ‘Ranyisi mane mitimo mondo wane, kendo wayie? Itimo ang’o? “Kwerewa nochamo manna e thim, kaka mondiki ni, nomiyogi chiemo moa e polo ni mondo gicham” (Johana 6:28-31).
Ji nonyiso Yesu ni Nyasaye osechiwo ne Musa ranyisi ka ne en eyo madhi Kanan, komiyo jo Israel mama moa e polo, kendo giko negiyie kuom Nyasaye (Johana 6:32-39). Ji nopenjo Yesu, “Ang’o mwanyalo timo, mondo watim tich Nyasaye?”
Yesu dwoko ni onego giyie kuome mondo gitim tich Nyasaye, ka onego watim tich Nyasaye onengo wayie kuom tich mar Yesu Kristo. En dwaro mar Nyasaye kuomwa ni mondo kik wayie kendo wayal injili kwa bedo kuome.
Nyasaye chikowa, “Ema omiyo dhiuru utim ogendini duto jopunjrena, kuabatisogi enying wuoro kod wuowi kdo Roho Maler. Kupwonjogi rito weche duto mane achikou kendo neuru, an kodu nadalo duto nyaka giko mar ndalo” (Mathayo 28:19-20).
Yesu wacho eyo maler ni watim batiso enying wuoro, wuowi kod Roho. Gimoro amora me otimo nie wuon gi kod Roho. Iyudo e batiso. Ka wawinjo mano, wanyalo yie kuom Nyasaye kendo wanyalo neno gimoro amora mane Yesu otimo e piny kendo Roho timo neno kuome.
Yesu noor kod Nyasaye mondo tim neno kuom injili mar pi kod Roho. Ema omiyo ka wayie mana kuom wach mar Nyasaye kendo jatichne inyalo war.
TIMO TICH NYASAYE
Ere lengo mar ngima marwa?
En timo dwaro mar Nyasaye ka walando injili e pinje duto.
En timo dwaro mar Nyasaye ka walando injili e pinje duto.
Ka onegore watim dwach Nyasaye, nyaka wakwong wayie kuom injili mar batiso mar Yesu kod thone e musalaba. En tich Nyasaye mondo wayie kuom jalno mane Nyasaye ooro. Mondo wayie kuom Yesu onego wayie mokwongo ni owarwa kuom pi kod remo.
Dwaro mar Nyasaye ochopo kare kwomwa ka wayie kuom Yesu kendo wayalo injili eyo machal kama watimo tich mar Nyasaye. Nonyisowa ni jogo moyie kuom gweth ne mar nyuol manyien kuom pi kod Roho Maler nyalo donjo e piny Ruoth polo.
Wakaw uru karwa e piny Ruoth polo ka wafwenyo adiera mochuno. Ka wafwenyo mar dwaro mar Nyasaye ni richowa duto ne oket kuome eyor batiso mare. Dag uru kuyaroru e piny Ruodh. Mogik, yaluru injili nyaka chieng’ itho.
JoKristo wetena! Jogo moyie kuom injili mar pi kod Roho gin jogo matimo tich mar Nyasaye. en tich mar Nyasaye mondo wayie kuom jalno ma Nyasaye ooro kuom mano Yesu Kristo en Jawarwa.
Tich mar waro dhano kuom richo nochopo kare kane obatis Yesu e aora Jordan kendo notho ne wan waduto e msalaba. Migawo mar ariyo mar tich Nyasaye en ni mondo wayie kuom jalno ma Nyasaye ooro, to wayie ni en jawar mokawo richo mag piny mangima, kendo yalo injili e piny duto.
Koro wan jogo monyuol nyuol manyien onego wadagi kendo wayal injili nyaka ndalo mar giko piny.
Ere kuma jogo moyie kuom Yesu kaok ong’eyo dwaro mar Nyasaye dhiye?
Gidhi e mach.
Gidhi e mach.
“Ji mathoth nowachne chieng’no niya, “Ji mathoth nowachna chieng’ ono, ‘Ruoth, Ruoth, ne ok wakoro enyingi, koso, kendo enyingi neok wagolo jochiende, kendo enyingi ne ok watiyo tije mang’eny’ Eka ana wachnigi niya, ‘ok nang’eyuo ngang’; Auru kuoma, un joma timo richo” (Mathayo 7:22-23).
Ndiko ni nyisowa maler ni gin jomage ma joricho e nyim Nyasaye kendo jogo matimo richo.
Nitie ji mang’eny mapok onyuol nyuol manyien kuom jogo mawacho niya, “Ruoth, Ruoth.” Gin e rem nikech pod gin kod richo e chunygi. Kuom mano giywak ne Nyasaye, ka giluongo ni “Ruoth, Ruoth,” eyo manore ni ne giywagore nyakon chiel, kod eyo marach machalo lemo mar adiera.
Giyie ni paro margi ibiro luoki ka giywak ka gilemo, to pod en gima tek nikech richogi dong’ e chunygi. Gilemo, e gode ka giywak kod lit, ka gima Nyasaye ger kodgi. Ka ok wan kod yie moromo, watemo ka gima waluongo ‘Ruoth, Ruoth’ mang’eny.
E kanisa moko ma chokruok mapok onyuol nyuol manyien, gilemo ka gin kod sironyo mathoth manyaka mesa yalo barre.
To wanyalo neno e muma ni ok gin jogo kende maluongo ni ‘Ruoth, Ruoth,’ biro donjo e piny Ruoth polo. Mana jogo moyie kuom injili mar pi kod Roho ema nikod yie matero gi e timo tich Nyasaye.
Muma nyisowa ni niya e timo richo ka waluongo nyinge kod richo e chunywa. Bende isebedo elamo matimore e wi got? Mine moko ma jo decones pok giromo kod Yesu kuom adiera bende pok girwako Roho e chunygi, bende pok onyuolgi nyuol manyien mar pi kod Roho. Giluongo nyinge mokasore nikech gidak e luoro mosiko ni gibiro dhi e mach.
Par ni ng’ato mosechiwo ngimane mondo otine kanisa kaka ja Missionari kata jakwath ne oweye kod Ruoth mondo oweye kod janyuol kata jakom biro bedo moromo kelo kethruok e chuny ng’ato to bedi ni Ruoth osewuoyo kod ng’ato. Ruoth Ruoth, jang’ad bura ne chunywa, wabiro dhi kanye?
Ageno ni gima chal kama ok bi timore ne ng’ato kuomi. Yie iwinji kendo iyie e injili mar pi kod Roho. En dwaro mar Nyasaye mondo onyulwa nyuol manyien kendo wadagi gi injili mar pi kod Roho.
Wan jo- Kristo nyaka wayie injili mar pi kod Roho gadiera. Kendo wayud teko koa kuom adiera mar muma. Mano kende wanyalo yudo earruok ne bura mar Nyasaye.
Copyright © 2021 by The New Life Mission
