[11-8] Խորանի Բակի Դռան Վարագույրի Գույնը (Ելից 27:9-19)

(Ելից 27:9-19)
«Եվ խորանի սրահը շինես հարավային կողմի համար, սրահի առագաստները մանված բարակ քթանից մեկ կողմի երկարությունը հարյուր կանգուն: Եվ նրա քսան սյուները և նրանց քսան խարիսխները պղնձից, և սյուների բևեռները և նրանց ճանկերը արծաթից լինեն: Եվ նույնպես հյուսիսային կողմի համար երկարությամբ առագաստները հարյուր կանգուն երկար. և նրա քսան սյուները և նրանց քսան խարիսխները պղնձից, սյուների բևեռները և նրանց ճանկերը արծաթից լինեն: Եվ սրահի լայնությամբ արևմտյան կողմի առագաստները հիսուն կանգուն նրանց սյուները տասը՝ և նրանց խարիսխները տասը լինեն: Եվ սրահի լայնությամբ սրահի կողմից դեպի արևելք հիսուն կանգուն: Եվ մեկ կողքի առագստները տասնհինգ կանգուն. Նրանց սյուները երեք՝ և նրանց խարիսխները երեք: Եվ սրահի դռան համար մի նկարագործ վարագույր կապուտակից՝ և ծիրանագույնից և կրկնակի կարմիրից և մանած բարակ քթանից քսան կանգուն, նրանց սյուները չորս՝ և նրանց խարիսխները չորս: Սրահի շրջանակի եղած բոլոր սյուները արծաթի կարթերով և նրանց բևեռները արծաթից՝ և նրանց խարիսխները պղնձից լինեն: Սրահի երկարությունը հարյուր կանգուն՝ և լայնությունը հիսուն հիսուսով, և բարձրությունը հինգ կանգուն. Առագաստները մանած բարակ քթանից և նրանց խարիսխները պղնձից լինեն»:

Այս գլխի սկզբում մեջ բերված տողերի մեջ ասվում է, որ խորանի ուղղանկյուն սրահի երկարությունը 45 մետր է, իսկ լայնությունը 22.5՝ մետր, քանի որ մեկ կանգունը հավասար է 45 սանտիմետրի: Որպես խորանի պարիսպ ծառայում էին 60 սյուները, որից յուրաքանչյուրի բարձրությունը 2.25 մետր էր: Սրահի արևելյան կողմից գտնվում էին դարպասները, որի լայնությունը 9 մետր էր: Բացառությամբ դարպասների, մնացած պարիսպը (մոտավորապես 135-126մ. էր), իրենից ներկայացնում էր սյուներից կախված սպիտակ ոստայնագործ քաթանից պատրաստված վարագույրներ:
Խորանի սրահի դարպասների վարագույրները գործված էին կապուտակ, ծիրանագույն և կարմիր թելերից և ոստայնագործ քաթանից: Վարագույրն իր երկարությամբ 9 մետր է, իսկ բարձրությունը 2.25 մետր: Սկզբում սպիտակ քաթանի մեջ հյուսվում էր կապույտ թելը, որն անցնում էր կտավի ողջ երկարությամբ և լայնությամբ: Այնուհետև հյուսվում էր ծիրանագույն թելը, որն անցնում էր միայն ողջ լայնքով, այսինքն՝ 2.25 մետր: Նրան հետևում էր կարմիր թելը, որը նույնպես անցնում էր ողջ լայնքով: Վարագույրի պատրաստումը ավարտվում էր սպիտակ թելերի գործվածքի աշխատանքով: Արդյունքում, ստացված վարագույրը, հիշեցնում էր հաստ, խիտ գործված գորգի: Այսպիսով, 9 մետր երկարությամբ և 2.25 մետր լայնքով վարագույրը կախվում էր արևելյան կողմից կանգնեցված խորանի սրահի չորս սյուների վրա: 
Որպեսզի խորանի սրահ մտներ, մարդը պետք է վեր բարձրացներ վարագույրը: Ի տարբերություն դարպասների մեծամասնության, խորանի դարպասները փայտից չէին: Միայն սյուներն էին փայտից, իսկ վարագույրները, որոնք կախված էին այդ սյուներին, պատրաստված էին կապուտակ, ծիրանագույն և կարմիր թելերից և ոստայնագործ քաթանից:
Դուք հավանաբար եղել եք շապիտո կրկեսում և տեսել, թե ինչպես է կառուցված վրանը: Սովորաբար, նման կրկեսի մուտքը իրենից ներկայացնում է խիտ գործված մի վարագույր: Ուրեմն այսպես, խորանի սրահի մուտքը նման է կրկեսի մուտքին: Քանի որ դարպասների վարագույրները իրենից ներկայացնում էին գործված կտավ, ապա այն չէր բացվում այնպես, ինչպես դարպասները, որոնք փայտից, քարից և մետաղից էին և բնականաբար նրանց պետք չէր հրել կամ դեպի ետ քաշել, այլ՝ բարձրացնել: Նման վարագույրները կախված չէին միայն խորանի սրահի մուտքին, այլ նաև սրբարանի և Սրբության Սրբոցի մուտքերին, որոնք գտնվում էին խորանի մեջ:
Ինչո՞ւ Աստված պատվիրեց իսրայելացիներին, որ նրանք խորանի սրահի, սրբարանի և Սրբության Սրբոցի մուտքերի համար նախատեսված վարագույրները գործեն կապուտակ, ծիրանագույն և կարմիր թելերից և ոստայնագործ քաթանից: Մենք պետք է հստակորեն հասկանանք, թե ինչպիսին էր Աստծո կամքը, որը թաքնված էր այդ պատվերի մեջ: Եբրայեցիների ուղերձի մեջ ասված է, որ ամենը, ինչի մասին խոսվում է Հին Կտակարանում, հանդիսանում է գալիք ապագայի ստվերը, այսինքն փրկության խորհրդապատկերը, որը մեզ էր պարգևվել Հիսուս Քրիստոսի կողմից Նոր Կտակարանում (Եբրայեցիս 10:1):
Այսպիսով, խորանի սրահի դարպասները սերտորեն միահյուսված են Հիսուս Քրիստոսի մկրտության, Նրա Խաչի վրա մահանալու և ինքնին՝ Նրա անձի հետ: Ահա, թե ինչու, երբ մենք դժվարանում ենք Հին Կտակարանը հասկանալու մեջ, որպեսզի հասկանանք այն, պետք է օգտվենք Նոր Կտակարանից: Եթե մենք գործ չունենք իսկապես գույություն ունեցող օբյեկտի հետ, ապա մեզ դժվար է պատկերացնել, թե ինչպիսի ստվեր կարող է այդ օբյեկտը թողնել: Բայց, երբ մենք տեսնում ենք այն, ինչ թողնում է ստվերը, մենք կարող ենք հասկանալ, թե ինչի մասին է խոսքը գնում: Մենք, բոլորս պետք է հստակ հասկանանք, թե ով է իրականում հանդիսանում մեղավորների Փրկիչը, ում Աստված պատրաստել էր դեռևս Հին Կտակարանի ժամանակներում: Մենք պետք է Նրան ճանաչենք, որպես խորանի ճշմարիտ էությունը և պետք է հավատանք, որ Նրա գործերը փրկեցին մեզ մեր մեղքերից: 
Այսպիսով, ո՞վ է խորանի ճշմարիտ էությունը, ով դարձավ մեղավորների Փրկիչը: Դա ոչ այլ ոք է, քան՝ Հիսուս Քրիստոսը: Եթե մենք ուշադիր նայենք, թե ինչպես Հիսուս Քրիստոսը՝ մեր Փրկիչը, եկավ այս երկիր և փրկեց մեզ մեր մեղքերից, ապա այդ ժամանակ մենք կհասկանանք ճշմարտությունը, որը հանդիսանում է նրանում, որ Նա մեղավորներին փրկեց կապուտակ, ծիրանագույն և կարմիր թելերի միջոցով:
Հիսուսի մեղավորներին փրկելու փաստը հասկանալու համար, ամենակարևորը հանդիսանում է ճշմարտության նկատմամբ ունեցած հավատքը, որն արտահայտվում է խորանի սրահի դարպասների վարագույրների գույների մեջ: Ուսումնասիրելով խորանի կառուցվածքը՝ առաջինը, ինչին մենք պետք է ուշադրություն դարձնենք, դա այն է, որ սրահի դարպասների վարագույրները պատրաստված են չորս գույների գործվածքից: Եվ եթե մենք գուշակենք այդ վարագույրների գաղտնիքը, ապա այդ ժամանակ մենք կկարողանանք ըմբռնել Հիսուս Քրիստոսի գործերի իմաստը: Բացի այդ, նայելով դարպասների վարագույրներին, որոնք գործված են չորս գույնի թելերից, մենք կարող ենք հասկանալ, թե իրականում ինչպիսին է Հիսուսի նկատմամբ եղած ճշմարիտ հավատքը և ինչպիսի հավատքն է համարվում սխալ:
Խորանի ներքին բակը իրենից հիշեցնում է ոչխարների հանգստի համար նախատեսված ցանկապատված տարածքի: Հիսուսը՝ մեր Մեսիան, իսկապես հանդիսանում է Աստծո գառների փրկության դուռը: Նա դարձավ մեր բարի Հովիվը (Հովհաննու 10:1-15): Երբ մենք խորհում ենք սյուների մասին, որոնք շրջապատում էին խորանը, այն իսկապես հիշեցնում է մեզ Մեսիայի մասին, ով Իր գառների՝ վերստին ծնված սուրբերի համար, դարձավ դուռ և բարի Հովիվ:
Որպեսզի պաշտպանի Իր գառներին, Բարի Հովիվը սյուներից կառուցեց սահմաններ և նրանցում դուռ կարգեց, որի միջոցով Նա պահպանում է Իր ոչխարներին: Շնորհիվ այդ դռանը, Հովիվը սերտորեն հաղորդակցվում է Իր ոչխարների հետ և պահպանում նրանց: Միևնույն ժամանակ, բոլոր նրանք, ովքեր Նրա ոչխարները չեն, չեն կարող մտնել այդ դռնով, քանի որ Հովիվը հստակ սահմաններ է անցկացնում ոչխարների և գայլերի միջև: Ահա, թե ինչու ոչխարները Հովիվի կարիք ունեն: 
Կարող է այնպես պատահել, որ այդ ոչխարների մեջ գտնվեն այնպիսիները, ովքեր կհրաժարվեն արածել Հովվի առաջնորդության ներքո: Նրանք կարող են հայտնվել իրենց կործանման ճանապարհին, ենթադրելով, որ այդ ճանապարհը սքանչելի է և ճշմարիտ, և դա այն դեպքում, երբ իրականում այն անվստահելի է և վտանգավոր: Նա այդպիսին է, որովհետև այդ ոչխարները չլսեցին Հովվի ձայնին և հրաժարվեցին Նրա առաջնորդությունից: Սակայն, հնազանդ ոչխարները կարող են պահպանել իրենց կյանքը և Հովվի կողմից լավ կերակրվել: Այլ բառերով ասած, նրանց կյանքը կարող է հրաշալի դառնալ, քանի որ մեր Հովիվը Հիսուս Քրիստոսն է, ով դարձավ մեր Մեսիան:

Հիսուս Քրիստոսը՝ Փրկիչը, ով փրկեց մեզ կապուտակ, ծիրանագույն և կարմիր թելերի և ոստայնագործ քաթանի միջոցով

Հիսուս Քրիստոսը, ով եկավ ջրով, արյունով և Հոգով

Մեր բոլոր մեղքերն անհետացան ջրի և Հոգու ավետարանին հավատալով

Մկրտությունը, որն ընդունեց Հիսուսը, Նրան փոխանցեց աշխարհի մեղքերը

Ի՞նչ է կատարյալ հավատքը

Եկեք նորից անդրադառնանք Մատթեոս 3:13-17. «Այն ժամանակ Հիսուսը Գալիլիայից եկավ Հորդանան Հովհաննեսի մոտ նրանից մկրտվելու: Եվ Հովհաննեսը արգելում էր նրան և ասում. Ինձ պետք է քեզանից մկրտվել, և դու ի՞նձ մոտ ես գալիս: Եվ Հիսուսը պատասխան տվավ և ասեց նրան. Թույլ տուր հիմա, որովհետև այսպես է վայելում մեզ, որ ամեն արդարություն կատարենք: Այն ժամանակ, թույլ տվավ նրան: Եվ մկրտվելուց հետո Հիսուսը շուտով դուրս եկավ ջրից. և ահա երկինքը բացվեց նրա համար, և նա տեսավ Աստծո Հոգին որ վայր էր իջնում աղավնու պես և գալիս նրա վրա: Եվ ահա երկնքից ձայն եկավ, որ ասում էր. Դա է իմ սիրելի որդին, որին ես հավանեցի»: Կույս Մարիամի կողմից Հիսուսին ծնելու պահից սկսած մինչև Նրա մկրտությունը անցել է 30 տարի: «Այն ժամանակ» խոսքը նշանակում է, որ այդ ժամանակ լրացել էր թե Հովհաննես Մկրտչի, և թե Հիսուսի 30 տարին: 
Հովհաննես Մկրտիչը, ով ծնվել էր Հիսուսից վեց ամիս առաջ, հանդիսանում էր մարդկության ներկայացուցիչը, ով մկրտում էր մարդկանց, ովքեր խոստովանում էին իրենց մեղքերը (Մատթեոս 3:11, 11:11): Երբ լրացավ Հիսուսի 30 տարին, Նա եկավ Հովհաննեսի մոտ, ով մկրտում էր մարդկանց Հորդանան գետում, որպեսզի մկրտվի Հովհաննեսի կողմից: Հովհաննեսը արգելում է նրան՝ ասելով. «Ինձ պետք է քեզանից մկրտվել, և դու ի՞նձ մոտ ես գալիս»: Բայց Հիսուսը պատասխանում է նրան. «Թույլ տուր հիմա, որովհետև այսպես է վայելում մեզ, որ ամեն արդարություն կատարենք»: Այն ժամանակ Հովհաննեսը համաձայնվում է և մկրտում է Հիսուսին: Խոսքում ասվում է, որ երբ Հիսուսը մկրտվում էր, Նրա համար բացվեց երկինքը և այնտեղից ձայն եկավ, որն ասում է. «Սա է Իմ սիրելի որդին, որին ես հավանել եմ»:
Այստեղ Մատթեոսի 3:15-ում, Հիսուսը բացում է մեզ իրական պատճառը, որի համար Նա պետք է մկրտվեր Հովհաննեսից: Եվ այդ ճշմարտությունը վերաբերվում է խորանի սրահի դարպասների կապուտակ թելերից գործված վարագույրներին. «… որովհետև այսպես է վայելում մեզ, որ ամեն արդարություն կատարենք»: Հիսուսը մկրտվեց Հովհաննեսից նրա համար, որպեսզի Իր գործերով, որը արտահայտված է խորանի կապուտակ, ծիրանագույն և կարմիր թելերի միջոցով, ների մեղավորներին նրանց չարագործությունները, քանի որ այդ կերպ էր վայելում իրենց կատարել ամբողջ արդարությունը: 
Այն փաստը, որ Հիսուս Քրիստոսն Իր մկրտությամբ պետք է վերցներ բոլոր մարդկանց մեղքերն Իր վրա, ասում է մեզ Աստծո արդար սիրո և Նրա խոստումի մասին, որով Նա պետք է փրկեր բոլոր մեղավորներին: Հովհաննու 3:16. «Որովհետև Աստված այնպես սիրեց աշխարհքը, որ Իր միածին որդին տվավ, որ ամեն նրան հավատացողը չկորչի, այլ հավիտենական կյանքն ունենա»: Հիսուսը մկրտվեց, որպեսզի փրկի մեզ այս աշխարհի մեղքերից, որ մենք չդատապարտվենք մեր մեղքերի համար: Ահա, թե ինչու Հովհաննեսից մկրտվելով՝ Հիսուսն Իր վրա վերցրեց մարդկության բոլոր մեղքերը, քանի որ հենց այդպես էր վայելում կատարել Աստծո ողջ արդարությունը: 
Ի՞նչ է նշանակում «ամեն արդարություն» արտահայտությունը: Վերը նշված Մատթեոսի ավետարանի այս տողերը մեզ ասում են այն մասին, որ Հիսուսը մկրտվեց Հովհաննեսի կողմից, որպեսզի կատարի Հոր ողջ արդարությունը: 
Այստեղ անհրաժեշտ է հասկանալ, թե իրականում ի՞նչ է իրենից ներկայացնում Աստծո արդարությունը: Ի նկատի ունի այն, որ Հիսուս Քրիստոսը մկրտվելով Հովհաննեսի կողմից՝ Իր վրա վերցրեց մարդկության բոլոր մեղքերը: Նա միանգամից Իր վրա վերցրեց այս աշխարհի բոլոր մեղքերը: Եվ քանի որ Հիսուսը ծնվեց հենց այն բանի համար, որպեսզի լվա աշխարհի բոլոր մեղքերը, ապա Նրա մկրտությունը իսկապես արդար էր: Կատարել Աստծո ողջ արդարությունը, նշանակում է կատարել արդարացի գործեր, որի միջոցով ոչնչանում է աշխարհի բոլոր մեղքերը, այսինքն՝ գործել փրկությունը: 
Հիսուսի մկրտությունը անհրաժեշտ էր նրա համար, որպեսզի Աստված մեզ ազատի մեր մեղքերից: Հին Կտակարանում Տերը սահմանեց, որ մեր մեղքերը ջնջելու համար, Նա կկանչի Հովհաննես Մկրտչին, որպես մարդկության ներկայացուցչի և կպատվիրի նրան մկրտել Իր որդի Հիսուս Քրիստոսին, դրանով կփոխանցի Նրան մեր բոլոր մեղքերը: Այս ամենը ոչ այլ ինչ էր, քան Աստծո գթասրտության գործեր: Աստված այնքան ուժգնորեն մեզ սիրեց, որ ուղարկեց Հիսուսին, որ Նա մկրտվի Հովհաննեսից, որպեսզի կատարի մեր մեղքերը ջնջելու արդար գործընթացը և մեզ դարձնի Աստծո զավակներ: Ահա, թե ինչու, երբ Հիսուսը մկրտվելով դուրս եկավ ջրից, Աստված ասեց. «Սա է իմ սիրելի որդին, որին հավանել եմ»: Այլ բառերով ասած, Աստված ասեց,- «Իր մկրտությամբ Իմ Որդին վերցրեց Իր վրա ձեր բոլոր մեղքերը»: 
Այսպիսով, Հիսուս Քրիստոսը եկավ այս երկիր և Հովհաննեսից մկրտվելով ամենահարմար կերպով, Նա միանգամից վերցրեց Իր վրա աշխարհի բոլոր մեղքերը և դառնալով քավչարար զոհ՝ ոչնչացրեց մեր բոլոր մեղքերը: 
Այն բանի համար, որ Իր մկրտությամբ Հիսուսը վերցրեց մեր բոլոր մեղքերը և դրանք կրեց Խաչի վրա, Աստծո որդին Խաչվեց և թափեց Իր թանկագին արյունը և դրանով դարձավ մեր Փրկիչը: Այլ բառերով ասած, Հիսուսը փրկեց մեզ՝ հավատացողներիս, նրանով, որ մկրտվեց հանուն մեր մեղքերի, Իր արյամբ Իրեն զոհ մատուցեց և հարություն առավ մեռելներից: Իսկ հարություն առնելով մեռելներից և դրանով ավարտելով մեր փրկությունը՝ Նա հիմա նստած է Աստծո գահի աջ կողմում: Եվ երբ Նրա ժամանակը գա, Նա անպայման կվերադառնա: Այս ճշմարտությունը հանդիսանում է ջրի և Հոգու բարի լուրը և մեր փրկության երաշխիքը: 
Խորանի սրահի դարպասների վարագույրների մասին Ելից 27:16-խոսքում ասվում է. «Եվ սրահի դռան համար, մի նկարագործ վարագույր՝ կապուտակից, ծիրանագույնից և կրկնակի կարմիրից և մանած բարակ քթանից քսան կանգուն»: Այսպիսով, խորանի սրահի դարպասների վարագույրները գործված էին կապուտակ, ծիրանագույն և կարմիր թելերից և ոստայնագործ քաթանից: Սա մեզ ասում է այն մասին, որ Երկնային Թագավորություն կարելի է մտնել՝ հավատալով մեզ տրված փրկությանը:
Կապուտակ թելերը, որոնք հյուսված էին խորանի սրահի դարպասների վարագույրների մեջ, խորհրդանշում են այն փաստը, որ մեր բոլոր մեղքերը փոխանցվեցին Հիսուսին այն պահին, երբ Նա եկավ այս երկիր և մկրտվեց:
Ծիրանագույն թելերը մեզ ասում են այն մասին, որ Հիսուս Քրիստոսը, ով մկրտվեց մեր մեղքերի համար, ի սկզբանե հանդիսանում է հենց Ինքը Արարիչը, ով ստեղծել է այս աշխարհը, և այն ամենը, ինչ կա նրանում և ով մեր Տերն է: Ծիրանագույն թելը հանդիսանում է թագավորների գույնը (Հովհաննու 19:2-3), և սա մեզ ասում է այն մասին, որ Հիսուս Քրիստոսը թագավորաց Թագավորն է և ամեն գոյության Տերը: «Քրիստոս» բառը նշանակում է «Օծյալ», իսկ օծյալ կարող էին լինել միայն թագավորները, քահանաները կամ էլ մարգարեները: Դրա համար, չնայած այն բանին, որ Հիսուս Քրիստոսը եկավ այս երկիր մարդկային մարմնով, իր իրական էությամբ Նա իսկապես թագավորաց Թագավորն էր: Այլ բառերով ասած, Հիսուսը Տերն էր և Արարիչը, ով արարել էր ամբողջ աշխարհը: Հիսուսը Ամենակարող Աստվածն էր և Հայր Աստծո միածին Որդին:
Կարմիր բրդի գործվածքը, որը հյուսված էր խորանի սրահի դարպասների վարագույրների մեջ, խորհրդանշում էին այն զոհը, որը մատուցեց թագավորաց Թագավորը, երբ Նա հեղեց Իր արյունը Խաչի վրա՝ գամված լինելով հանուն աշխարհի մեղքերն Իր վրա վերցնելու: Մկրտվելով և թափելով Իր անգին արյունը և դրանով մատուցելով Ինքն Իրեն որպես զոհ հանուն մեզ, Հիսուս Քրիստոսը կրեց մեղքերի պատիժը մեր փոխարեն: Կարմիր թելերը խորհրդանշում են Հիսուս Քրիստոսի զոհաբերած արյունը:
Եվ վերջապես, ոստայնագործ քաթանը, որը օգտագործել են վարագույրները պատրաստելիս, խորհրդանշում են Աստծո Խոսքերի՝ Հին Կտակարանի և Նոր Կտակարանի միջև եղած սերտ փոխկապակցվածությունը: Աստվածաշունչն ասում է մեր փրկության մասին, ինչպես Հին, այնպես էլ Նոր Կտակարանի Խոսքերով: Հին Կտակարանում Աստված խոստացավ մեզ, որ Նա կգա մեզ մոտ, որպես մեղավորների Փրկիչ, իսկ Նոր Կտակարանում, ինչպես և խոստացել էր Ինքը Աստված է՝ Հիսուս Քրիստոսը, իսկապես եկավ այս երկիր, մկրտվեց և Իր արյունը թափեց Խաչի վրա, և այս ամենը նրա համար, որպեսզի Ինքն Իրեն զոհ մատուցի մեր մեղքերի համար: 
Կապուտակ թելով Աստված հայտնում է մեզ Խոսքը, որն հռչակում է այն մասին, որ Հիսուս Քրիստոսը եկավ այս երկիր, որպեսզի փրկի մեզ մեր մեղքերից, և որ Իր մկրտությամբ Նա վերցրեց բոլոր մեղքերն Իր վրա: Ծիրանագույն թելի միջոցով Նա ասում է այն մասին, որ Նա, ով մկրտվեց, իրականում հենց ինքն էր՝ Աստված: Կարմիր թելի միջոցով Աստված բացում է մեզ ճշմարտությունն այն մասին, որ Նա փրկեց մեզ մեր մեղքերից նրանով, որ եկավ այս երկիր, մկրտվեց, կրեց աշխարհի մեղքերը Խաչին և թափեց Իր անգին արյունը: 
Իսկ ոստայնագործ քաթանի միջոցով ասում է մեզ այն մասին, որ մեր փրկությունը եկավ Հին Կտակարանի Խոսքով: Ահա, թե ինչու խորանի սրահի դարպասների վարագույրները գործված էին կապուտակ, ծիրանագույն և կարմիր թելերով և ոստայնագործ քաթանով: Երբ մենք նայում ենք խորանի սրահի դարպասների վարագույրներին, մենք տեսնում ենք, թե որքանով է հստակ և պարզ ասվում մեզ այն մասին, թե ինչ կերպ է Աստված փրկել մեզ և դարձրել Իր ժողովուրդը: Դրա համար մենք, բոլորս պետք է հավատանք հոգևոր իմաստին, որը կայանում է այս չորս տեսակի թելերի մեջ, որից գործված էր խորանի սրահի դարպասների վարագույրները:
Խոսելով թելերի գույների մասին, որոնք օգտագործված էին խորանի սրահի դարպասների վարագույրների պատրաստման համար, Աստվածաշունչը սկզբից խոսում է կապուտակ գույնի մասին: Մենք հիմնականում այս գույները դասավորում ենք հետևյալ կերպ՝ ծիրանագույն, կապուտակ և կարմիր: Սակայն, Աստվածաշնչում հստակորեն նշված է, թե ինչ հերթականությամբ պետք է դասավորվեն այս գույները. կապուտակ, ծիրանագույն և կարմիր: Սա ևս մեկ անգամ ասում է մեզ այն մասին, թե որքան կարևոր է կապուտակ թելը, որը հյուսված էր վարագույրի մեջ: Եթե ապրելով այս երկրի վրա, Հիսուսը չմկրտվեր Հովհաննեսից, ապա մենք չէինք կարողանա մաքրվել մեր մեղքերից: Դրա համար Հիսուսը, որպեսզի մեզ փրկի այս աշխարհի մեղքերից, մկրտվեց Հովհաննեսի կողմից և խաչվեց, և այս ամենը հանուն Իր Հոր կամքի կատարման: 
Հիսուսը աշխարհի Տիրակալն է, ով արարել է այն ամենը, ինչ գոյություն ունի այս աշխարհում: Նա մեր Աստվածն է: Նա նույն այն Աստվածն է, ում շնորհիվ մենք հայտնվեցինք այս երկրի վրա, ով մեզ նոր կյանք է տվել, և ով տիրում է մեր ամբողջ կյանքերի վրա: Որպեսզի մեզ փրկի մեր բոլոր մեղքերից, Նա պետք է մկրտվեր մարդկության ներկայացուցչի կողմից և դրանով վերցներ Իր վրա մեր բոլոր մեղքերը: Այլ բառերով ասած, մկրտվելով Հովհաննեսից, Նա դարձավ մեր Փրկիչը: 
Որպեսզի մեզ ազատի մեր մեղքերից, Հիսուս Քրիստոսը եկավ այս երկիր, և որպեսզի Իր վրա վերցնի մեր բոլոր մեղքերը, Նա մկրտվեց: Հիսուսը երբեք չէր խաչվի, եթե նա սկզբից չմկրտվեր: Ահա, թե ինչու խորանի սրահի դարպասների վարագույրները հստակ և պարզորոշ ցույց են տալիս մեզ, թե ինչպես է Հիսուս Քրիստոսը փրկել մեզ մեր մեղքերից: 
Խորանի սրահի դարպասների վարագույրների գույները ասում են մեզ այն մասին, որ Հիսուս Քիստոսը պետք է գար այս երկիր, Իր մկրտությամբ վերցներ Իր վրա մարդկության բոլոր մեղքերը և պետք է խաչվեր, այսինքն, այլ բառերով ասած, Նա պետք է հոգ տաներ մեր մեղքերի համար: Երբ Հիսուսը մկրտվում էր, երկնքի դարպասները բացվեցին և հնչեց Հայր Աստծո ձայնը. «Սա է իմ սիրելի որդին, որին ես հավանել եմ»: Հիսուս Քրիստոսը մեր Մեսիան է և Փրկիչը, և միևնույն ժամանակ Աստծո Որդին և նույն ինքը՝ Աստված, ով Արարիչն է և արարել է ամբողջ աշխարհն Իր Խոսքով: Որպես Սուրբ Աստված, Հիսուսը մկրտված լինելով՝ կարողացավ վերցնել Իր վրա մեր բոլոր մեղքերն ու դրանով դառնալ մեր ճշմարիտ Փրկիչը:
Հիսուս Քրիստոսը, ով արարել է աշխարհը, և ով տիրում է նրա վրա, ցույց տվեց մեզ մեղքից փրկվելու ճշմարիտ ճանապարհը: Դուք և ես, մենք իսկապես փրկվեցինք, որովհետև Հիսուս Քրիստոսը, որպեսզի մեզ փրկի, եկավ այս երկիր և Իր մկրտությամբ այդ մեղքերը վերցրեց Իր վրա և մահացավ Խաչի վրա: Հիսուս Քրիստոսը՝ Փրկիչն է, ով իշխանություն ունի կյանքի և մահվան վրա և ով արարել է այս աշխարհը և շնորհիվ Նրա, այս երկրի վրա հայտնվեցին մեր նախահայրերը և մնացած ողջ մարդկությունը: Նա կապուտակ, ծիրանագույն և կարմիր թելերի և ոստայնագործ քաթանի իրական էությունն է: 
Նույն ինքն՝ Աստված, եկավ այս երկիր, որպես մարդկության մեղքերի քավության զոհ: Այս Ամենակարող և Ողորմած Աստվածը հենց ինքն էր Հիսուսը, ով մեզ փրկեց: Մկրտությամբ վերցնելով բոլոր մեղքերն Իր վրա, Հիսուս Քրրիստոսը կատարեց Աստծո ողջ արդարությունը և կրեց այդ մեղքերը Խաչի վրա, որտեղ Նա խաչվեց և թափեց Իր անգին արյունը: Եվ ինչպես դրա մասին վկայում են մեզ խորանի սրահի դարպասների վարագույրները, Հիսուս Քրիստոսը դարձավ զոհը, որը մենք ինքներս պետք է մատուցեինք հանուն մեր մեղքերի քավության: 
Ահա, թե ինչու ոչ միայն խորանի սրահի դարպասների վարագույրներն էին գործված կապուտակ, ծիրանագույն և կարմիր թելերով և ոստայնագործ քաթանով, այլև՝ սրբարանի և Սրբություն Սրբությանց սրահի վարագույրները և նույնիսկ Աստծո Տան ծածկոցները: Եվ քանի որ Հիսուս Քրիստոսը մկրտվեց հանուն մեր փրկության, ապա դուք և ես, մենք լվացված ենք մեր բոլոր մեղքերից, որովհետև մենք հավատում ենք դրան: Հիսուսը մկրտվեց, որպեսզի կատարի ողջ արդարությունը և այդ արդարությունը կատարվեց նրանով, որ Նա Իր մկրտությամբ վերցրեց բոլոր մարդկանց մեղքերն Իր վրա: Մենք պետք է գիտակցենք, որ մկրտության ժամանակ մեր բոլոր մեղքերը փոխանցվեցին Հիսուսին և պետք է դրան հավատանք: 
Սակայն, բազմաթիվ քրիստոնյաներ հավատում են Նրան այնպես, ինչպես իրենց մտքին փչում է և բացարձակապես չեն մտահոգվում իրենց հավատքի ճշմարտությանը համապատասխանելու մասին: Նմանատիպ քրիստոնյաներն ի սկզբանե մարտահրավեր են նետում Աստծուն և համառորեն չեն ցանկանում հրաժարվել իրենց ծայրահեղական հավատքից: Բայց մենք պետք է հավատանք Նրան՝ խստորեն հետևելով փրկության ճանապարհին, որը Նա պարգևել է մեզ: Հիսուսն ասեց. «Ես եմ ճշմարտությունն ու կյանքը» (Հովհաննու 14:6): Այլ բառերով ասած, Նա մեզ ասում է, -«Ես եմ ճանապարհը, որը տանում է ձեզ դեպի Երկնքի Թագավորությունը, Ես Հովիվն եմ և ճանապարհը և ճշմարտությունը: Ես եմ կյանքը, որը փրկում է ձեզ»: Ազատելով մեզ մեղքերից՝ Հիսուս Քրիստոսը դարձավ մեզ համար նոր կյանքի Տիրակալը: