- All e-books and audiobooks on The New Life Mission website are free
- Explore multilingual sermons in global languages
- Two new revised editions in English have been released
- Check out our website translated into 27 languages
3 වන විෂයය: වතුර සහ ආත්මයාණන් පිළිබඳ සුබාරංචිය
[3-3] යේසුස් වහන්සේ ජලයෙන්, රුධිරයෙන් සහ ආත්මයෙන් පැමිණි සේක (1 යොහන් 5:1-12)
(1 යොහන් 5:1-12)
“1යේසුස්වහන්සේ ක්රිස්තුස්වහන්සේ බව විශ්වාසකරන සෑමදෙනම දෙවියන්වහන්සේගෙන් ඉපද සිටිති. ඉපදෙවු තැනන්වහන්සේට ප්රේමකරන සෑමදෙනම උන්වහන්සේගෙන් උපන් තැනැත්තාටත් ප්රේමකරති. 2අප දෙවියන්වහන්සේට ප්රේමකරමින් උන්වහන්සේගේ ආඥා පවත්වන කල, අපි දෙවියන්වහන්සේගේ දරුවන්ට ප්රේමකරන බව අපි දනිමුව. 3මක්නිසාද දෙවියන්වහන්සේට ප්රේමවීම නම් අප විසින් උන්වහන්සේගේ ආඥා පැවැත්වීමය. උන්වහන්සේගේ ආඥා බර නැත. 4මක්නිසාද දෙවියන්වහන්සේගෙන් උපන් යමක් ඇද්ද එය ලෝකයෙන් ජයගන්නේය. ලෝකයෙන් ජයගෙන තිබෙන්නේ අපේ ඇදහිල්ලය. 5යේසුස්වහන්සේ දෙවියන්වහන්සේගේ පුත්රයා බව විශ්වාසකරන තැනැත්තා මිස ලෝකයෙන් ජයගන්නේ වෙන කවුද? 6වතුර සහ ලේ කරණකොටගෙන ආ තැනන්වහන්සේ නම් මුන්වහන්සේය, එනම් යේසුස් ක්රිස්තුස්වහන්සේය; වතුරෙන් පමණක් නොව වතුරෙන් සහ ලෙයින්ය. 7සාක්ෂිදෙන්නේ ආත්මයාණන්වහන්සේය. මක්නිසාද ආත්මයාණන්වහන්සේ සත්යතාවය. 8සාක්ෂිදරන තුන්දෙනෙක් සිටිති: ආත්මයාණන්වහන්සේය, වතුරය, ලේය. මේ තුන්දෙනම එකඟවෙති. 9මනුෂ්යයන්ගේ සාක්ෂිය අපි පිළිගනිමු නම්, දෙවියන්වහන්සේගේ සාක්ෂිය ඊට වඩා උතුම්ය. මක්නිසාද දෙවියන්වහන්සේගේ සාක්ෂිය මේය, එනම් තමන් පුත්රයාණන් ගැන උන්වහන්සේ සාක්ෂිදී තිබෙන බවය. 10දෙවියන්වහන්සේගේ පුත්රයා කෙරෙහි අදහන්නාට තමා තුළේම සාක්ෂිය ඇත්තේය. දෙවියන්වහන්සේව නොඅදහන්නා දෙවියන්වහන්සේ තමන් පුත්රයාණන් ගැන දී තිබෙන සාක්ෂිය කෙරෙහි විශ්වාස නොකළ නිසා උන්වහන්සේව බොරුකාරයෙක් කෙළේය. 11ඒ සාක්ෂිය නම් දෙවියන්වහන්සේ අපට සදාකාල ජීවනය දුන් බවය, ඒ ජීවනයද තමන් පුත්රයාණන් තුළ තිබේ. 12පුත්රයාණන්වහන්සේ ඇත්තාට ඒ ජීවනය ඇත; දෙවියන්වහන්සේගේ පුත්රයා නැත්තාට ඒ ජීවනය නැත”.
“1යේසුස්වහන්සේ ක්රිස්තුස්වහන්සේ බව විශ්වාසකරන සෑමදෙනම දෙවියන්වහන්සේගෙන් ඉපද සිටිති. ඉපදෙවු තැනන්වහන්සේට ප්රේමකරන සෑමදෙනම උන්වහන්සේගෙන් උපන් තැනැත්තාටත් ප්රේමකරති. 2අප දෙවියන්වහන්සේට ප්රේමකරමින් උන්වහන්සේගේ ආඥා පවත්වන කල, අපි දෙවියන්වහන්සේගේ දරුවන්ට ප්රේමකරන බව අපි දනිමුව. 3මක්නිසාද දෙවියන්වහන්සේට ප්රේමවීම නම් අප විසින් උන්වහන්සේගේ ආඥා පැවැත්වීමය. උන්වහන්සේගේ ආඥා බර නැත. 4මක්නිසාද දෙවියන්වහන්සේගෙන් උපන් යමක් ඇද්ද එය ලෝකයෙන් ජයගන්නේය. ලෝකයෙන් ජයගෙන තිබෙන්නේ අපේ ඇදහිල්ලය. 5යේසුස්වහන්සේ දෙවියන්වහන්සේගේ පුත්රයා බව විශ්වාසකරන තැනැත්තා මිස ලෝකයෙන් ජයගන්නේ වෙන කවුද? 6වතුර සහ ලේ කරණකොටගෙන ආ තැනන්වහන්සේ නම් මුන්වහන්සේය, එනම් යේසුස් ක්රිස්තුස්වහන්සේය; වතුරෙන් පමණක් නොව වතුරෙන් සහ ලෙයින්ය. 7සාක්ෂිදෙන්නේ ආත්මයාණන්වහන්සේය. මක්නිසාද ආත්මයාණන්වහන්සේ සත්යතාවය. 8සාක්ෂිදරන තුන්දෙනෙක් සිටිති: ආත්මයාණන්වහන්සේය, වතුරය, ලේය. මේ තුන්දෙනම එකඟවෙති. 9මනුෂ්යයන්ගේ සාක්ෂිය අපි පිළිගනිමු නම්, දෙවියන්වහන්සේගේ සාක්ෂිය ඊට වඩා උතුම්ය. මක්නිසාද දෙවියන්වහන්සේගේ සාක්ෂිය මේය, එනම් තමන් පුත්රයාණන් ගැන උන්වහන්සේ සාක්ෂිදී තිබෙන බවය. 10දෙවියන්වහන්සේගේ පුත්රයා කෙරෙහි අදහන්නාට තමා තුළේම සාක්ෂිය ඇත්තේය. දෙවියන්වහන්සේව නොඅදහන්නා දෙවියන්වහන්සේ තමන් පුත්රයාණන් ගැන දී තිබෙන සාක්ෂිය කෙරෙහි විශ්වාස නොකළ නිසා උන්වහන්සේව බොරුකාරයෙක් කෙළේය. 11ඒ සාක්ෂිය නම් දෙවියන්වහන්සේ අපට සදාකාල ජීවනය දුන් බවය, ඒ ජීවනයද තමන් පුත්රයාණන් තුළ තිබේ. 12පුත්රයාණන්වහන්සේ ඇත්තාට ඒ ජීවනය ඇත; දෙවියන්වහන්සේගේ පුත්රයා නැත්තාට ඒ ජීවනය නැත”.
යේසුස් වහන්සේ පැමිණියේ කුමකින් ද?
ජලය, රුධිරය සහ ආත්මයෙනි
යේසුස් වහන්සේ පැමිණියේ ජලයෙන් ද? එසේය, උන්වහන්සේ එසේ කළ සේක. උන්වහන්සේ උන්වහන්සේගේ බෞතීස්මයෙන් පැමිණි සේක. යොර්දාන් නදිය අසල ස්නාවක ජොහාන්තුමා විසින් යේසුස් වහන්සේව බෞතීස්ම කරනු ලැබීම එහි ජලය මඟින් සංකේතවත් කෙරේ. උන්වහන්සේ ලෝකයේ සියලු පාප ඉවත් කළ ගැලවීමේ බෞතීස්මය වූයේ එය යි.
යේසුස් වහන්සේ පැමිණියේ රුධිරයෙන් ද? එසේය, උන්වහන්සේ එසේ පැමිණි සේක. උන්වහන්සේ මිනිසෙකුගේ මාංශයෙන් පැමිණ ලෝකයේ සියලු පාප ඉවත් කිරීමට බෞතීස්ම වූ අතර, පසුව කුරුසයේ රුධිරය වහනය වීමෙන් පාපයේ බැළය ගෙවූ සේක. යේසුස් වහන්සේ පැමිණියේ රුධිරයෙනි.
යේසුස් වහන්සේ පැමිණියේ ආත්මයෙන්ද? එසේය, උන්වහන්සේ එසේ පැමිණිය සේක. යේසුස් වහන්සේ දෙවියන් වහන්සේ ය, එනමුත් උන් වහන්සේ මාංශයේ ආත්මය ලෙස පැමිණියේ පාපිෂ්ඨයන්ගේ ගැලවුම්කරුවා බවට පත් වීමට ය.
යේසුස් වහන්සේ පැමිණියේ ජලයෙන්, රුධිරයෙන් හා ආත්මයෙන් බව බොහෝ අය විශ්වාස නොකරති. යේසුස් වහන්සේ සැබවින්ම රජවරුන්ගේ රජු බවත්, දෙවිවරුන්ගේ දෙවියන් වහන්සේ බවත් විශ්වාස කරන්නේ අතළොස්සක් පමණි. ‘යේසුස් වහන්සේ සැබවින්ම දෙවියන් වහන්සේගේ පුත්රයාද නැත්නම් මනුෂ්යයාගේ පුත්රයාද?’ කියා බොහෝ දෙනා තවමත් විමතිය පළ කරති. දේවධර්මවාදීන් හා දේවගැතියන් ඇතුළු බොහෝ දෙනෙකු යේසුස් වහන්සේව අදහනුයේ දෙවියන් වහන්සේ, ගැලවුම්කරුවා සහ පරම පැවැත්ම ලෙස නොව මිනිසෙකු ලෙස ය.
නමුත් දෙවියන් වහන්සේ පැවසුවේ යේසුස් වහන්සේ සියලු රජවරුන්ගේ රජු යැයි විශ්වාස කරන ඕනෑම අයෙකු, සැබෑ දෙවියන් වහන්සේ සහ සැබෑ ගැලවුම්කරු උන් වහන්සේගෙන් උපත ලබන බව ය. දෙවියන් වහන්සේට ප්රේම කරන අය යේසුස් වහන්සේට ප්රේම කරන අතර, දෙවියන් වහන්සේව සැබවින්ම විශ්වාස කරන අය ද ඒ ආකාරයෙන්ම යේසුස් වහන්සේව විශ්වාස කරති.
නැවත නොඉපදෙන්නේ නම් මිස, මිනිසුන්ට ලෝකය ජයගත නොහැකිය. ඒ අනුව, ධර්මදූත ජොහාන්තුමා අපට පැවසුවේ ලෝකය ජයගත හැක්කේ සැබෑ කිතුනුවන්ට පමණක් බවයි. ශ්රද්ධාවන්තයන්ට ලෝකය ජයගත හැකි වීමට හේතුව ජලය, රුධිරය හා ආත්මය කෙරෙහි ඔවුන් සතුව විශ්වාසයක් තිබීමයි. ලෝකය ජය ගැනීමේ බලය පුද්ගලයෙකුගේ කැමැත්තෙන්, උත්සාහයෙන් හෝ ආශාවෙන් ඉස්මතු විය නොහැක.
“1මම මනුෂ්යයන්ගේද දේවදූතයන්ගේද භාෂාවලින් කථාකරන්නෙම් නුමුත් මට ප්රේමය නැත්නම්, හඬනගන පිත්තලට නොහොත් ශබ්ද පවත්වන අත්තලකට සමානවී සිටිමි. 2මට අනාගතවාක්යකීමේ දීමනාව ඇතුව, සියලු රහස්ද සියලු දැනගැන්මද දනිම් නුමුත්, කඳු පහකරන තරම් සියලු ඇදහිල්ල ඇතුව සිටිම් නුමුත්, මට ප්රේමය නැත්නම් මම හිස්වෙමි. 3මා සන්තක සියල්ල දිළිඳුන් පෝෂණය කරන පිණිස දෙතත්, මාගේ ශරීරය දවන්ට භාරදෙතත්, මට ප්රේමය නැත්නම්, මට කිසි ප්රයෝජනයක් නැත” (1 කොරින්ති 13:1-3).
මෙහි සඳහන් ‘ප්රේමය’ යන්නෙන් අදහස් කරන්නේ යේසුස් වහන්සේ පැමිණියේ ජලය, රුධිරය හා ආත්මයෙන් යන බවයි. බයිබලයේ, ‘ප්රේමය’ යන වචනයෙන් නිතරම අදහස් වන්නේ ‘සත්යයට ප්රේම කිරීම’ (2 තෙසලෝනික 2:10) යන්නයි. සත්ය වශයෙන්ම, දෙවියන් වහන්සේගේ ප්රේමය ප්රකාශ වූයේ උන්වහන්සේගේ එකම පුත්රයා තුළින් ය (1 යොහන් 4: 9).
ලොව ජය ගත හැක්කේ ජලය සහ රුධිරයෙහි පමණක් විශ්වාස කරන උන්වහන්සේ හට පමණක්ම ය
ලොව ජයගත හැක්කේ
කා හට ද?
යේසුස් වහන්සේගේ බෞතීස්මයෙහි ගැලවීම,
උන්වහන්සේගේ රුධිරය සහ ආත්මය
කෙරෙහි විශ්වාසය තබන්නන්
හට පමණි
කා හට ද?
යේසුස් වහන්සේගේ බෞතීස්මයෙහි ගැලවීම,
උන්වහන්සේගේ රුධිරය සහ ආත්මය
කෙරෙහි විශ්වාසය තබන්නන්
හට පමණි
“5යේසුස්වහන්සේ දෙවියන්වහන්සේගේ පුත්රයා බව විශ්වාස කරන තැනැත්තා මිස ලෝකයෙන් ජයගන්නේ වෙන කවුද? 6වතුර සහ ලේ කරණකොටගෙන ආ තැනන්වහන්සේ නම් මුන්වහන්සේය, එනම් යේසුස් ක්රිස්තුස්වහන්සේය; වතුරෙන් පමණක් නොව වතුරෙන් සහ ලෙයින්ය” යැයි යොහන් 5:5 -6 හි සඳහන් වේ.
සෙසු වූයේ කිතුනුවන්, සාතන්ව සහ ලෝකය ජයගත් තැනැත්තා වූයේ යේසුස් ක්රිස්තුස් වහන්සේ ය. ජලය, රුධිරය සහ යේසුස් වහන්සේගේ ආත්මය යන වචනය විශ්වාස කරන අයට ද ලෝකය ජය ගත හැකිය. යේසුස් වහන්සේ ලෝකය ජයගත්තේ කෙසේද? ජලය, රුධිරය හා ආත්මයේ ගැලවීම තුළිනි.
බයිබලයෙහි ‘ජලය’ යන්නෙන් අදහස් වන්නේ ‘යේසුස් වහන්සේගේ බෞතීස්මය’ (1 පේත්රැස් 3:21). යේසුස් වහන්සේ මෙලොවට පැමිණියේ මාංශයෙනි. උන්වහන්සේ පැමිණියේ ලෝකයේ පාපිෂ්ඨයන් ගලවා ගැනීමටය; සියලු පාපිෂ්ඨයන්ගේ පාප ගෙන යාමට උන්වහන්සේ බෞතීස්ම වූ අතර, එම පාපවලට සමාව ලබාගැනීම සඳහා කුරුසයේ මියැදුණ සේක.
කුරුසය මත රුධිරය යන්නෙන් අදහස් වන්නේ උන්වහන්සේ මෙලොවට පැමිණියේ මිනිසෙකුගේ මාංශයෙන් යන බවයි. ඔහු පාපිෂ්ඨයන්ව ගලවා ගැනීම සඳහා පාප ස්වභාවයෙන් යුත් මාංසයට සමානව පැමිණි අතර, ජලයෙන් බෞතීස්ම වූ සේක. එබැවින්, යේසුස් වහන්සේ අප වෙත ජලය හා රුධිරයෙන් යන ද්විත්ත්වයෙන් ම පැමිණි සේක. වෙනත් වචනවලින් කිවහොත්, උන්වහන්සේගේ බෞතීස්මයේ ජලය සහ උන්වහන්සේගේ මරණයේ රුධිරය යන දෙකෙන්ම ලෝකයේ සියලු පාප ඉවත් කළ සේක.
සාතන් ලෝකය පුරා පාලනය සිදු කළේ කෙසේද? සාතන් මනුෂ්ය වර්ගයා හට දේව වචනය සැක කිරීමට හේතු වූ අතර අකීකරුකමේ බීජ ඔවුන්ගේ හදවත් තුළ රෝපණය කළේය. දෙවියන් වහන්සේගේ වචනයට අකීකරු වීම සඳහා මිනිසුන් රවටා ගැනීම මඟින් ඔවුන් තම සේවකයන් බවට පත් කිරීමට සාතන් උත්සාහ කරයි.
කෙසේවෙතත්, යේසුස් වහන්සේ මෙලොවට පැමිණ උන්වහන්සේගේ බෞතීස්මයෙන් සහ කුරුසය මත රුධිරයෙන් ඔවුන්ගේ සියලු පාප මකා දැමුවේය: උන්වහන්සේ සාතන්ව පරාජය කර ලෝකයේ සියලු පාප මකා දැමූ සේක.
මෙය සිදු වූයේ යේසුස් ක්රිස්තුස් වහන්සේ පාපිෂ්ඨයන්ගේ ගැලවුම්කරුවා වූ බැවිනි. උන්වහන්සේ අපගේ ගැලවුම්කරුවා වූයේ මන්ද යත්, උන්වහන්සේ පැමිණියේ ජලයෙන් හා රුධිරයෙන් හෙයිනි.
යේසුස් වහන්සේ උන්වහන්සේගේ ගැලවීමේ බෞතීස්මයත් සමඟ ලොවෙහි සියලු පාපයන් දුරු කළ සේක
යේසුස් වහන්සේ ලෝකය ජය
ගැනීම යන්නෙන් අදහස් වන්නේ
කුමක්ද?
ලොව සියලු පාපයන් උන්වහන්සේ
දුරු කළ බව ඉන් අදහස් වේ.
ලෝකයේ සියලු පාප ඉවත් කිරීමට යේසුස් වහන්සේ බෞතීස්ම වූ අතර, ඒවා දුරු කිරීම සඳහා මිය ගිය සේක, එබැවින් සියලු පාපවලින් අපව ගලවා ගැනීමට උන්වහන්සේට හැකි විය. යේසුස් වහන්සේ යොර්දාන් නදියේ දී සියලු මිනිසුන්ගේ නියෝජිතයා වූ ස්නාවක ජොහාන්තුමා විසින් බෞතීස්ම කරන ලද හෙයින්, ලෝකයේ සියලු පාප උන්වහන්සේ වෙතට පැවරිණි. යේසුස් වහන්සේ තම ජීවිතය කුරුසය මත පූජා කළේ පාපයේ බැළය ගෙවීමට ය. උන්වහන්සේගේ මරණයෙන් හා උත්ථානයෙන් සාතන්ගේ බලය පැරද වූ සේක. යේසුස් වහන්සේ අපගේ සියලු පාපවල වැටුප් උන් වහන්සේගේ මරණයෙන් ගෙවූ සේක.
යේසුස් වහන්සේ උන්වහන්සේගේ බෞතීස්මයෙහි ජලයෙන් සහ කුරුසය මත රුධිරයෙන් පාපිෂ්ඨයන් කරා පැමිණි සේක
උන්වහන්සේ සාතන්ගේ
බලය ජය ගත්තේ කෙසේද?
උන්වහන්සේගේ බෞතීස්මය, රුධිරය
සහ ආත්මය ඔස්සේය.
ධර්මදූත ජොහාන් පැවසුවේ ගැලවීම යනු ජලයෙන් පමණක් නොව ජලයෙන් හා රුධිරයෙන් යන දෙකම බවයි. එබැවින්, යේසුස් වහන්සේ අපගේ සියලු පාප භාර ගෙන, අපගේ පාප සඳහටම දුරු කළ හෙයින්, සියලු පාපිෂ්ඨයන් උන්වහන්සේ කෙරෙහි විශ්වාසය තැබීමෙන් හා උන්වහන්සේගේ වචනවලට විශ්වාසවන්තව සිටීමෙන් පාපයෙන් ගැලවෙනු ඇත.
යේසුස් වහන්සේ ලෝකයට පැමිණි විට, උන්වහන්සේ අපගේ පාප දුරු කිරීම පමණක් නොව, කුරුසයේ තම මරණය දක්වා රුධිරය වහනය වීමෙන් ද ඒවාට වන්දි ගෙවූ සේක. උන්වහන්සේ යොර්දාන්හි බෞතීස්ම වීමෙන් අපගේ සියලු පාප ඉවත් කළ අතර, එම පාපවල බැලය කුරුසය මත ගෙවූ සේක; උන්වහන්සේගේ මරණයෙන් අපේ පාපවලට වන්දි ගෙවූ සේක. ‘පාපයේ බැළය මරණයයි’ (රෝම 6:23) යැයි පැවසූ දෙවියන් වහන්සේගේ යුක්තියෙහි නීතිය මේ අනුව සැපිරිණි.
ලෝකය ජය ගැනීම යන්නෙන් යේසුස් වහන්සේ අදහස් කළේ කුමක්ද? ලෝකය ජය ගන්නා ඇදහීම නම් යේසුස් වහන්සේ අපට ජලයෙන් හා රුධිරයෙන් ලබා දී ඇති ගැලවීමේ ශුභාරංචිය කෙරෙහි ඇදහීම යි. උන්වහන්සේ මාංශයේ ස්වරූපයෙන් පැමිණ, උන්වහන්සේගේ බෞතීස්මය නම් ජලය හා කුරුසය මත සිදු වූ මරණයෙන් සාක්ෂි දැරූ සේක.
යේසුස් වහන්සේ ලෝකය, නම් වශයෙන් සාතන් පරාජය කළ සේක. මුල් පල්ලියේ ශ්රාවකයෝ රෝම අධිරාජ්යයට හෝ මේ ලෝකයේ කිසිදු පෙළඹවීමකට යටත් නොවී ප්රාණ පරිත්යාගයන් හමුවේ පවා නැගී සිටියහ.
මේ සියල්ල, ජේසුස් වහන්සේ පැමිණියේ ජලයෙන් (අපගේ සියලු පාප ඉවත් කිරීමට උන්වහන්සේ බෞතීස්ම වූ සේක) සහ කුරුසය මත උන් වහන්සේගේ රුධිරයෙන් (උන්වහන්සේ අපගේ සියලු පාපවල බැළයන් උන්වහන්සේගේ මරණයෙන් ගෙවූ සේක) යන ඔවුන්ගේ ඇදහිල්ලෙහි ප්රතිඵලයක් විය.
යේසුස් වහන්සේ ආත්මයෙන් පැමිණි අතර (උන්වහන්සේ මනුෂ්යයාගේ මාංශයෙන් පැමිණි සේක), ගැලවීමට සිටින අප සියලුදෙනාට ලෝකය ජය ගත හැකි වන පරිදි, උන් වහන්සේ බෞතීස්මයෙන් හා කුරුසය මත උන්වහන්සේගේ රුධිරයෙන් පාපිෂ්ඨයන්ගේ පාප ඉවත් කර දැමූ සේක.
අපව ගලවා ගන්නා ආදර්ශයක් ද තිබේ, නම් වශයෙන් එය යේසුස් වහන්සේගේ උත්ථානය ඔස්සේ බෞතීස්මයයි (1 පේත්රැස් 3:21)
ගැලවීමෙහි ආදර්ශය කුමක්ද?
යේසුස් වහන්සේගේ බෞතීස්මයයි
“21ඊට සමානව තිබෙන බව්තීස්මයේ* වතුරෙන් එනම් මාංසයේ කිලිටුකම පහකිරීමෙන් නොව, යහපත් හෘදය සාක්ෂියකින් දෙවියන්වහන්සේ සෙවීමෙන් දැන් නුඹලාත් යේසුස් ක්රිස්තුස්වහන්සේගේ මළවුන්ගෙන් නැගිටීම කරණකොට ගෙන ගැලවෙන්නහුය. (*අවගාහනයේ)”, යැයි 1 පේත්රැස් 3:21 හි සඳහන් වේ. යේසුස් වහන්සේ ගැලවුම්කාරයා වූ බවත්, උන්වහන්සේ බෞතීස්මයේ ජලයෙන් සහ රුධිරයෙන් පැමිණි බවත් ධර්මදූත පේත්රැස් සාක්ෂි දැරුවේය.
එහි ප්රතිඵලයක් ලෙස ජලයෙන් හා රුධිරයෙන් පැමිණි යේසුස් වහන්සේව අප විශ්වාස කළ යුතුය. එමෙන්ම, යේසුස් වහන්සේගේ බෞතීස්මයේ ජලය අපගේ ගැලවීමේ මූර්තිය බව අප දැනගත යුතුයි. බෞතීස්මයේ ‘ජලය’, ‘රුධිරය’ සහ ‘ආත්මය’ ගැලවීමේ ‘නිරපේක්ෂ සාධක’ බව ධර්මදූත පීතර අපට පැවසූවේ ය.
යේසුස් වහන්සේගේ බෞතීස්මය නොමැතිව උන්වහන්සේගේ කිසිම ශ්රාවකයෙක් කුරුසය මත රුධිරය කිසිදාක විශ්වාස නොකළේ ය. රුධිරය කෙරෙහි පමණක් විශ්වාස කිරීම යනු සැබෑ ඇදහිල්ලෙන් අඩක් පමණක් සතු කර ගැනීමට ය. අඩක් හෝ අසම්පූර්ණ සත්යයක් මත පදනම් වූ ඇදහිල්ල කාලයත් සමඟ වියැකී යයි. එනමුත් ජලය, රුධිරය හා ආත්මයෙහි ශුභාරංචිය විශ්වාස කරන අයගේ ඇදහිල්ල කාලයත් සමඟ ශක්තිමත් වේ.
කෙසේවෙතත්, රුධිරයේ ශුභාරංචියේ හඬ පමණක් මේ දිනවල ලෝකය තුළ ශක්තිමත් වෙමින් පවතී. මෙය එසේ වන්නේ ඇයි? මිනිසුන් සත්යයේ වචනය, ජලය හා ආත්මය ගැලවීම නොදන්නා බැවින් ඔවුන්ට නැවත ඉපදීමට නොහැකිය.
එක් කාලයක බටහිර කිතුණු පල්ලි මිථ්යා විශ්වාසවලට ගොදුරු වී තිබුණි. ඒවා ටික කලක් සමෘද්ධිමත් වන බවක් පෙනෙන්නට තිබුණත්, ඇදහිල්ල මිථ්යා විශ්වාස බවට හැරවීමට සාතන්ගේ සේවකයෝ උපකාර කළහ.
මිථ්යා විශ්වාසය යනු යමෙකු කඩදාසි කැබැල්ලක කුරුසයක් අඳින්නේ නම් හෝ ලීයෙන් කුරුසයක් සාදා ගන්නේ නම් යක්ෂයා පලා යන බව සහ යේසුස් වහන්සේගේ රුධිරය කෙරෙහි ඇදහිල්ල යමෙකු පාපොච්චාරණය කළහොත් සාතන් පලවා හරිනු ඇති බවත් යන්න විශ්වාස කිරීම ය. මේවා හා වෙනත් මිථ්යා විශ්වාසයන් තුළින් යේසුස් වහන්සේගේ රුධිරය කෙරෙහි පමණක් විශ්වාස කළ යුතු යැයි පවසමින් සාතන් මිනිසුන්ව රවටා ඇත. යේසුස් වහන්සේ පාපිෂ්ඨයන් උදෙසා කළ සියල්ල වූයේ කුරුසය මත උන්වහන්සේගේ රුධිරය වැගිරීම බව පවසමින්, සාතන් රුධිරයට බිය දක්වන බව මවා පෑවේය.
කෙසේවෙතත්, පීතර සහ අනෙකුත් සියලුම ශ්රාවකයෝ යේසුස් වහන්සේගේ බෞතීස්මය සහ කුරුසය මත රුධිරයෙහි සැබෑ ශුභාරංචියට සාක්ෂි දැරූහ. එනමුත් වර්තමානයේ කිතුනුවන් සාක්ෂි දරන්නේ කුමකට ද? ඔවුන් සාක්ෂි දරන්නේ යේසුස් වහන්සේගේ රුධිරයට පමණි.
අප බයිබලයේ ලියා ඇති වචන විශ්වාස කළ යුතු අතර ආත්මයේ ගැලවීම, යේසුස් වහන්සේගේ බෞතීස්මය සහ උන්වහන්සේගේ රුධිරය කෙරෙහි විශ්වාසය තැබිය යුතුය. අප යේසුස් වහන්සේගේ බෞතීස්මය නොසලකා හැර, යේසුස් වහන්සේ අප උදෙසා කුරුසයේ මියගිය බවට පමණක් සාක්ෂි දරන්නේ නම්, අපගේ ගැලවීම සම්පූර්ණ කර ගත නොහැකි ය.
දෙවියන් වහන්සේගේ ජලයෙන් ගැලවීම උදෙසා ‘සාක්ෂියෙහි වචනය’
දෙවියන් වහන්සේ අපව ගලවා
ගත් බවට දෙන සාක්ෂිය කුමක්ද?
ජලය, රුධිරය සහ ආත්මයයි
1 යොහන් 5: 8 හි සමිඳාණන් වහන්සේ මෙසේ වදාරන සේක: ‘මිහි මත සාක්ෂි දරන තිදෙනෙක් සිටිති.` පළමුවැන්න ආත්මය යි, දෙවැන්න යේසුස් වහන්සේගේ බෞතීස්මයේ ජලයයි, තෙවැන්න කුරුසය මත උන්වහන්සේගේ රුධිරයයි. මේ කාරණා තුනම එක හා සමානයි. යේසුස් මෙලොවට පැමිණියේ අප සියල්ලන්ම එම පාපවලින් ගලවා ගැනීමටය. බෞතීස්මය, රුධිරය හා ආත්මය යන කාරණා ත්රිත්ත්වය සමඟ පමණක් උන්වහන්සේ මෙය සිදු කළ සේක.
‘සාක්ෂි දරන තිදෙනෙක් සිටිති.’ දෙවියන් වහන්සේ අපව ගළවාගත් බව ඔප්පු කරන කරුණු තුනක් තිබේ. මෙම සාක්ෂි අංග තුන නම් යේසුස්ගේ බෞතීස්මය, උන්වහන්සේගේ රුධිරය හා ආත්මයයි. යේසුස් වහන්සේ මෙලොවෙහි අප වෙනුවෙන් කළේ මේ දේවල් ත්රිත්ත්වය යි.
මේ කාරණා තුනෙන් එකක් හෝ මඟ හැරියහොත් ගැලවීම සම්පූර්ණ නොවේ. මිහි මත සාක්ෂි දරන තිදෙනෙක් සිටිති. එනම්, ආත්මය, ජලය සහ රුධිරය යි.
මාංශයෙන් අප වෙත පැමිණි යේසුස් ක්රිස්තුස් වහන්සේ දෙවියන් වහන්සේ, ආත්මය හා පුත්රයා වේ. උන්වහන්සේ මනුෂ්යයාගේ මාංසයේ ආත්මය ලෙස මෙලොවට පැමිණ, ලෝකයේ සියලු පාප රැගෙන යාමට ජලයෙහි බෞතීස්ම වූ සේක. උන් වහන්සේ අපගේ සියලු පාප උන්වහන්සේගේ මාංසයට ගෙන, කුරුසය මත රුධිරය වගුරවාලීමෙන් පාපිෂ්ඨයන් වන අපව ගළවාගත් සේක. උන්වහන්සේ සියලු පාප සම්පූර්ණයෙන් ගෙවා දැමූ සේක. එය ජලය, රුධිරය හා ආත්මය මඟින් පූර්ණ ගැලවීමෙහි ශුභාරංචියයි.
මෙයින් එකක් පමණක් අතහැර දැමුව ද, එය අප සියලුදෙනාව පාපවලින් ගලවා ගත් දෙවියන් වහන්සේගේ ගැලවීම ප්රතික්ෂේප කිරීමක් වනු ඇත. වර්තමානයේ සිටින අදහන්නන්ගෙන් බහුතරයක් සමඟ අප එකඟ වන්නේ නම්, අපට කිව යුතුව ඇත්තේ ‘මිහි මත සාක්ෂි දරන දෙදෙනෙක් සිටිති. එනම්, රුධිරය හා ආත්මය යි.’ යන්න ය.
නමුත් ධර්මදූත ජොහාන්තුමා පැවසුවේ සාක්ෂි දරන ලද කාරණා තුනක් ඇති බවයි. එනම්, යේසුස් වහන්සේගේ බෞතීස්මයෙහි ජලය, කුරුසය අසල රුධිරය සහ ආත්මය යි. ධර්මදූත ජොහාන්තුමා සිය සාක්ෂියේ ඉතා පැහැදිලිව එය සඳහන් කළේය.
පාපිෂ්ඨයෙකු ගලවා ගන්නා ඇදහිල්ල නම් ආත්මය, ජලය හා රුධිරය කෙරෙහි තබන ඇදහිල්ලයි. ලෝකය ජය ගැනීමට මිනිසාට හැකියාව ලබා දෙන්නේ කුමන ආකාරයේ ඇදහිල්ලක් ද? එවැනි ඇදහිල්ලක් අපට සොයාගත හැක්කේ කොතැනින්ද? එය බයිබලයේම ඇත. එනම් ජලය, රුධිරය හා ආත්මය කරණකොටගෙන පැමිණි යේසුස් වහන්සේව විශ්වාස කිරීමයි. ඔවුන් කෙරෙහි විශ්වාසය තබා ගැලවීම හා සදාකාලික දිවිය ලබා ගන්න.
යේසුස් වහන්සේගේ බෞතීස්මය
රහිතව දෙවියන් වහන්සේගේ ගැලවීම
පරිපූර්ණ වන්නේ ද?
නැත
බොහෝ කලකට පෙර, මා නැවත ඉපදීමට පෙර, මමත් කුරුසයේ මත සහ ආත්මය තුළ රුධිරය ගැන පමණක් විශ්වාස කළ කිතුනුවෙකු වූවෙමි. උන්වහන්සේ ආත්මය ලෙස මෙලොවට පැමිණ මා වෙනුවෙන් කුරුසයේ මියගොස්, සියලු පාපවලින් මාව ගලවා ගත් බව මම විශ්වාස කළෙමි.මා මෙම කාරණා දෙක පමණක් විශ්වාස කළ අතර ඒවා සියලු ජනයාට දේශනා කිරීමට තරම් උඩඟු විය.
යේසුස් වහන්සේ සිදු කළාක් මෙන් අහිමි වූ සියලු ආත්මයන් උදෙසා වැඩ කිරීමට හා මිය යාමට මිෂනාරිවරයෙකු වීම සඳහා දේවධර්මය හැදෑරීමට මා සැලසුම් කර තිබුණි. මා සියලු ආකාරයේ උදාර දේවල් සැලසුම් කර තිබුණි.
නමුත්, මම කරුණු දෙකක් පමණක් විශ්වාස කළ තාක් කල්, මගේ හදවතේ සෑම විටම පාපය ඉතිරිව තිබුණි. එහි ප්රතිඵලයක් ලෙස මට ලෝකය ජයගත නොහැකි විය. මට පාපයෙන් නිදහස් වීමට නොහැකි විය. මම රුධිරය හා ආත්මය ගැන පමණක් විශ්වාස කළ විට, මගේ හදවතේ එවිටත් පාපයක් පැවතුණි.
මම යේසුස් වහන්සේව විශ්වාස කළත් මගේ හදවතේ තවමත් පාපයක් තිබීමට හේතුව, ජලය, යේසුස් වහන්සේගේ බෞතීස්මය නම් ජලය ගැන මා නොදැන සිටීමයි. බෞතීස්මය නම් ජලය, රුධිරය හා ආත්මය පිළිබඳ මාගේ සම්පූර්ණ ඇදහිල්ලෙන් මා මිදෙන තෙක් මාගේ ගැලවීම සම්පූර්ණ නොවීය.
මාංසයේ පාප ජය ගැනීමට මට නොහැකි වීමට හේතුව වූයේ යේසුස් වහන්සේගේ බෞතීස්මයෙහි අර්ථය මා නොදැන සිටීමයි. අදටත් බොහෝ ජනයා යේසුස් වහන්සේව විශ්වාස කළත්, මාංසයේ පාප සිදු කරති. ඔවුන්ට තවමත් ඔවුන්ගේ හදවත් තුළ පාපය ඇති අතර, යේසුස් වහන්සේ කෙරෙහි ඔවුන් තුළ තිබූ ප්රථම ප්රේමය නැවත පණ ගැන්වීමට ඔවුහු සෑම දෙයක්ම සිදු කරමින් උත්සාහ කරති.
ඔවුන්ගේ පළමු උද්යෝගයේ රාගය නැවත පණ ගැන්විය නොහැක, මන්ද යත් ඔවුන් කිසි විටෙකත් සම්පූර්ණයෙන්ම ඔවුන්ගේ පාප ජලයෙන් සෝදා හැර නැත. යේසුස් වහන්සේ බෞතීස්ම වූ විට ඔවුන්ගේ සියලු පාප යේසුස් වහන්සේට භාර දුන් බව සහ පසුබෑමකින් පසු නැවත ඔවුන්ගේ ඇදහිල්ල ලබා ගත නොහැකි බව ඔවුන් වටහා ගෙන නොසිටියේ ය.
මම ඔබ සැමට මෙය පැහැදිලි කිරීමට කැමතියි. අප යේසුස් වහන්සේව අදහන විට අපට භක්තියෙන් ජීවත් වෙමින් ලෝකය ජය ගත හැකිය. අප කෙතරම් අප්රමාණ වූවත්, මේ ලෝකයේ කෙතරම් අප පාප කළත්, උන්වහන්සේගේ බෞතීස්මයෙන් හා රුධිරය වැගිරීම්වලින් අපව සම්පූර්ණයෙන්ම පාපයෙන් නිදහස් කළ අපගේ ගැලවුම්කරුවා ලෙස යේසුස් වහන්සේව අප විසින් විශ්වාස කරනු ලැබෙන තාක් කල්, අපට ජයග්රාහී ලෙස සිටිය හැකිය.
කෙසේවෙතත්, උන්වහන්සේගේ බෞතීස්මය නම් ජලය නොමැතිව අප යේසුස් වහන්සේව විශ්වාස කරන්නේ නම්, අපට සම්පූර්ණයෙන්ම ගැලවිය නොහැකිය. බෞතීස්මය නම් ජලය, රුධිරය හා ආත්මයෙන් පැමිණි යේසුස් ක්රිස්තුස් වහන්සේ කෙරෙහි ඇදහිල්ල යනු ලෝකය ජය ගන්නා ඇදහිල්ල බව ධර්මදූත ජොහාන්තුමා අපට පැවසීය.
බෞතීස්මය සහ උන්වහන්සේගේ රුධිරයෙහි විශ්වාසය තබන අයව ගලවා ගැනීම සඳහා දෙවියන් වහන්සේ තම එකම පුත්රයා අප වෙත එවූ සේක. යේසුස් වහන්සේ බෞතීස්මයෙන් අපගේ සියලු පාප ඉවත් කළ සේක. දෙවියන් වහන්සේගේ එකම පුත්රයා වන යේසුස් වහන්සේ අප වෙතට පැමිණියේ ආත්මය කරණකොට ගෙන ය (මිනිසෙකුගේ මාංශයෙනි). තවද, පාපයේ වැටුප ගෙවීමට උන්වහන්සේ කුරුසයේ සිය රුධිරය වැගුරුවේ ය. මේ අනුව යේසුස් වහන්සේ සියලු මනුෂ්යයන් පාපයෙන් ගලවා ගත් සේක.
ලෝකය ජය ගැනීමට අපව මෙහෙය වන ඇදහිල්ල පැමිණෙන්නේ ජලය, රුධිරය හා ආත්මය කරණකොට ගෙන යේසුස් වහන්සේ අප වෙත පැමිණ සියලු පාපවලින් අපව සම්පූර්ණයෙන්ම ගලවා ගත් නම් සත්යය විශ්වාස කිරීමෙනි.
බෞතීස්මය නම් ජලය සහ කුරුසය මත රුධිරය නොතිබුනේ නම්, සැබෑ ගැලවීමක් නොතිබෙනු ඇත. සංරචක තුනෙන් එකක් හෝ වෙනත් එකක් නොමැතිව අපට සැබෑ ගැලවීම ලැබිය නොහැක. ජලය සහ රුධිරය හා ආත්මය නොමැතිව සැබෑ ගැලවීම ලබා ගත නොහැක. එමනිසා, ජලය, රුධිරය හා ආත්මය කෙරෙහි අප විශ්වාස කළ යුතුය. මෙය දැන ගන්න, එවිට ඔබට සැබෑ භක්තියක් ඇති වනු ඇත.
ජලය, රුධිරය සහ ආත්මයෙහි සාක්ෂි දැරීමකින් තොරව එය සත්ය ගැලවීම නොවන වග මම ඔබට පවසමි
ගැලවීම සඳහා සාක්ෂි දරන
අත්යාවශ්ය අංග මොනවාද?
ජලය, රුධිරය සහ ආත්මයයි
ඉහත ප්රශ්නය ගැන යමෙකුට මෙලෙස සිතිය හැකිය. “යේසුස් මාගේ ගැලවුම්කාරයාය. මම කුරුසය මත රුධිරය විශ්වාස කරන අතර මට ප්රාණ පරිත්යාගිකයෙකු ලෙස මිය යාමට අවශ්යයි. මගේ සිතේ පාපයක් තිබුණත් මම යේසුස් වහන්සේව විශ්වාස කරමි. මම අප්රමාදව පසුතැවිලි වී සෑම දිනකම යහපත්, යුක්ති සහගත හා කාරුණික ආකාරයෙන් හැසිරීමට වෙහෙස මහන්සි වී වැඩ කළෙමි. මම මාගේ ජීවිතය සහ මාගේ සියලු ලෞකික වත්කම් ඔබ වෙනුවෙන් ලබා දුන්නෙමි. මම විවාහ වී පවා නොමැත. දෙවියන් වහන්සේ මාව නොදන්නේ කෙසේද? යේසුස් වහන්සේ මා වෙනුවෙන් කුරුසියේ මිය ගිය සේක. අපගේ ශුද්ධ වූ දෙවියන් වහන්සේ මිනිසෙකු ලෙස පැමිණ අප වෙනුවෙන් කුරුසයේ මිය ගිය සේක. මම ඔබ කෙරෙහි විශ්වාසය තැබුවෙමි, ඔබ වෙනුවෙන් පූජා කළෙමි, මාගේ සේවය ඔබ වෙනුවෙන් විශ්වාසවන්තව කළෙමි. මා නුසුදුසු වුවත්, මගේ සිතේ යම් පාපයක් තිබුණත්, ඒ සඳහා යේසුස් වහන්සේ මාව නිරයට යවනවාද? නැත, උන්වහන්සේ එසේ නොකරන සේක. ”
මෙම පුද්ගලයා වැනි බොහෝ මිනිසුන් සිටී. ලෝකයේ සියලු පාප දුරු කිරීමට යේසුස් වහන්සේ බෞතීස්ම වූ බව විශ්වාස නොකරන්නේ එම පුද්ගලයන් ය. යේසුස් වහන්සේව විශ්වාස කරන මෙම නාමික කිතුනුවන්ට තවමත් පාපය ඇති විට, ඔවුන් යන්නේ කොතැනටද? ඔවුහු නිරයට යති. ඔවුහු හුදෙක්ම පව්කාරයෝ වෙති!
තමන් කැමති ආකාරයට සිතන සහ දෙවියන් වහන්සේ ද එලෙසම සිතිය යුතු යැයි උපකල්පනය කරන ඔවුන් නිරයට යනු ඇත. තවද, යේසුස් වහන්සේ කුරුසයේ මිය යන විට සියලු පාප ඉවත් කළ නිසා ලෝකයේ කිසිදු පාපයක් නොමැති බව ඇතැම්හු පවසති. කෙසේවෙතත්, මින් කතාබහට ලක් වන්නේ රුධිරය හා ආත්මය ගැන පමණි. පූර්ණ ගැලවීම සඳහා මිනිසුන් යොමු කරන ඇදහිල්ල මෙය නොවේ.
යේසුස් වහන්සේ උන්වහන්සේගේ බෞතීස්මයෙන් අපගේ දුරු කර, ඒ සඳහා උන්වහන්සේ විනිශ්චයට ලක් වී, අප උදෙසා කුරුසයේ මිය ගිය බවත්, එමෙන්ම, උන්වහන්සේගේ මරණයෙන් පසු තුන්වන දින උන් වහන්සේ නැවත උත්ථාන වූ බවත් අප විශ්වාස කළ යුතුය.
එවැනි විශ්වාසයක් නොමැතිව සම්පූර්ණ ගැලවීම ලබා ගත නොහැකි වනු ඇත. යේසුස් ක්රිස්තුස් වහන්සේ බෞතීස්ම වූ සේක, කුරුසියේ මිය ගිය සේක, එමෙන්ම නැවත උත්ථාන වූ සේක. යේසුස් ක්රිස්තුස් වහන්සේ අප වෙත ජලය, රුධිරය හා ආත්මයෙන් පැමිණි සේක. උන්වහන්සේ ලෝකයේ සියලු පාප ඉවත් කළ සේක.
උන්වහන්සේගේ ගැලවීම පිළිබඳව මිහිපිට සාක්ෂි දරන වැදගත් අංග තුනක් තිබේ. එනම්, ආත්මය, ජලය සහ රුධිරය යි.
පළමුවෙන්ම, යේසුස් වහන්සේ දෙවියන් වහන්සේ බවත් ඔහු මනුෂ්යයෙකුගේ මාංශයෙන් පැවත එන බවත් ශුද්ධ ආත්මය සාක්ෂි දරයි.
දෙවන අංගය වන්නේ ‘ජලයෙහි’ සාක්ෂියයි. ජලය යනු අපගේ පාප යේසුස් වහන්සේට භාර දෙන ලද, ස්නාවක ජොහාන්තුමා විසින් යොර්දානයේ දී සිදු කරන ලද යේසුස් වහන්සේගේ බෞතීස්මයයි. යේසුස් වහන්සේ බෞතීස්ම වූ විට අපගේ සියලු පාප උන්වහන්සේට භාර කෙරිණි. (මතෙව් 3:15).
තුන්වන සාක්ෂිකරු වන්නේ අප වෙනුවට අපගේ පාප සඳහා විනිශ්චයේ වගකීම භාර ගන්නා, යේසුස් වහන්සේ සඳහා පෙනී සිටින ‘රුධිරය’ ය. යේසුස් වහන්සේ අප උදෙසා මිය ගිය අතර, අප වෙනුවෙන් උන් වහන්සේගේ පියාගේ විනිශ්චය පිළිගෙන, අපට නව ජීවයක් ලබා දීම සඳහා තෙවන දින යළි උත්ථාන වූ සේක.
බෞතීස්මය සහ දෙවියන් වහන්සේගේ පුත්රයාගේ රුධිරය විශ්වාස කරන අයගේ හදවත් තුළට පියාණන් වන දෙවියන් වහන්සේ ආත්මය යවන සේක.
නැවත ඉපදුණු අයට, ඔවුනට ලෝකය ජය ගත හැකි වචනය සතුය. ගැලවුණු පුද්ගලයන් සාතන්, ව්යාජ ශාස්තෘවරුන්ගේ මුසාවන් සහ ඔවුන්ට නොනවත්වා බාධා කරන ලෝකයේ බාධක හෝ පීඩනයන් ජය ගනු ඇත. අපට මෙම බලය ලැබීමට හේතුව වන්නේ අපගේ හදවතේ සාක්ෂිකරුවන් තිදෙනෙකු සිටීමයි. එනම්, යේසුස් වහන්සේගේ ජලය, උන්වහන්සේගේ රුධිරය හා ආත්මය යි.
ලෝකය සහ සාතන්ව අපට
පරාජය කළ හැක්කේ කෙසේද?
සාක්ෂිකරුවන් තිදෙනා කෙරෙහි
විශ්වාසය තැබීමෙන්ය
අප ආත්මය, ජලය සහ රුධිරය විශ්වාස කරන බැවින් අපට සාතන් හා ලෝකය ජය ගත හැකිය. බෞතීස්මය හා යේසුස්ගේ රුධිරය විශ්වාස කරන පුද්ගලයන්ට ව්යාජ ශාස්තෘවරුන්ගේ සියලු රැවටීම් ජය ගත හැකිය. ජය ගැනීමට හැකි මෙම බලයත් සමඟ අපගේ ඇදහිල්ල ජලය, රුධිරය හා ආත්මය තුළ පිහිටා ඇත. ඔබ මෙය විශ්වාස කරනවාද?
යේසුස් වහන්සේගේ බෞතීස්මය, උන්වහන්සේගේ රුධිරය සහ යේසුස් වහන්සේ දෙවියන් වහන්සේගේ පුත්රයා සහ අපගේ ගැලවුම්කරුවා ය යන විශ්වාසය තුළින් ගැලවීම කෙරෙහි විශ්වාසයක් නැත්නම්, ඔබට නැවත ඉපදීමට හෝ ලෝකය ජය ගැනීමට නොහැකිය. එවැනි විශ්වාසයක් ඔබේ හදවතේ තිබේද?
ඔබේ හදවතේ ආත්මය හා ජලය තිබේද? ඔබේ සියලු පාප යේසුස් වහන්සේට පැවරුණු බව ඔබ විශ්වාස කරනවාද? ඔබේ හදවතේ කුරුසයේ රුධිරය තිබේ ද?
ඔබේ හදවතේ ජලය හා යේසුස් වහන්සේගේ රුධිරය කෙරෙහි විශ්වාසයක් තිබේ නම්, යේසුස් වහන්සේ ඔබ උදෙසා කුරුසයේ මියගිය බව සහ උන්වහන්සේ ඔබ වෙනුවෙන් විනිශ්චය ගත් බවත් ඔබ විශ්වාස කරන්නේ නම්, ඔබ ලෝකය ජය ගනු ඇත.
ධර්මදූත ජොහාන්තුමා ලෝකය ජය ගත්තේ මේ අත්යවශ්ය අංග තුනම ඔහුගේ හදවතේ තිබූ බැවිනි. තම වැඩ කටයුතුවලදී බාධක හා තර්ජන විඳදරාගත් ඇදහිල්ලෙන් සිටි සිය සහෝදරයන්ට ගැලවීම පිළිබඳව ද ඔහු කතා කළේය. ඔහු සාක්ෂි දරමින්, “ඔබටත් ලෝකය ජයගත හැක්කේ මෙලෙසයි. යේසුස් වහන්සේ පැමිණියේ ආත්මය, ජලය සහ රුධිරයෙනි. උන්වහන්සේ ලෝකය ජයගත් සේම, ඇදහිලිවන්තයන්ටද ලෝකය ජය ගැනීමට හැකි වනු ඇත. ඇදහිලිවන්තයන්ට ලෝකය ජය ගැනීමට ඇති එකම මාර්ගය මෙයයි.”
ජොහාන් 1 හි 5: 8 හි මෙසේ සඳහන් වේ. “පොළොවෙහි සාක්ෂි දරන තිදෙනෙක් සිටිති. එනම්, ආත්මය, ජලය සහ රුධිරය යි. මේ තිදෙනාම එක හා සමානව එකඟ වේ. ” බොහෝ අය තවමත් රුධිරය හා ආත්මය ගැන පමණක් කථා කරයි, නමුත් ඔවුන් යේසුස් වහන්සේගේ බෞතීස්මයේ ජලය අතහැර දමයි. ඔවුන් ‘ජලය’ ඉවතට ගන්නේ නම්, ඔවුන් තවමත් සාතන්ට රැවටෙයි. ඔවුන් ස්වයං රැවටීම පිටුපසින් පැමිණ පසුතැවිලි විය යුතුය. ඔවුන් නැවත ඉපදීම පිළිබඳ වන යේසුස් වහන්සේගේ බෞතීස්මයේ ‘ජලය’ ගැන විශ්වාස කළ යුතුයි.
යේසුස් වහන්සේගේ ජලය හා රුධිරය විශ්වාස නොකර කිසිවෙකුට ලෝකය ජයගත නොහැකිය. මම නැවතත් ඔබට කියමි, කිසිවෙකුට එය කළ නොහැකිය! අපගේ බලවත් ආයුධ ලෙස යේසුස් වහන්සේගේ ජලය හා රුධිරය යොදා ගනිමින් අප සටන් කළ යුතුය. උන් වහන්සේගේ වචනය ආත්මයේ කඩුවයි, ආලෝකය යි.
ඔවුන්ගේ සියලු පාප සෝදා හරින ලද යේසුස් වහන්සේගේ බෞතීස්මය විශ්වාස නොකරන බොහෝ දෙනෙක් තවමත් සිටිති. කාරණා දෙකක් පමණක් විශ්වාස කරන බොහෝ දෙනෙක් තවමත් සිටිති. එබැවින්, ‘නැඟිට බබළන්න’ යැයි යේසුස් වහන්සේ ඔවුනට පැවසූ විට, ඔවුන්ට කිසිසේත් බැබළීමට නොහැකි ය. ඔවුන් ඔවුන්ගේ හදවත් තුළ තවමත් පාපය ඇත. ඔවුන් යේසුස් වහන්සේව විශ්වාස කළ ද ඔවුන් තවමත් කෙළවර වනුයේ නිරයෙනි.
මිනිසුන්ට සවන් දීමට, විශ්වාස කිරීමට සහ ගැලවීමට පත් වීම සඳහා බෞතීස්මයෙහි සහ යේසුස් වහන්සේගේ රුධිරයෙහි ශුභාරංචිය අනිවාර්යයෙන්ම ප්රකාශ කළ යුතුය
උන්වහන්සේගේ බෞතීස්මය කෙරෙහි
විශ්වාසය තැබීම හුදෙක්ම චිරන්තන
දෘෂ්ටි වර්ගයක් ද?
එය චිරන්තන දෘෂ්ටියක් නොවේ.
එය සත්යය යි.
අප ශුභාරංචියට සාක්ෂි දරන විට එය නිශ්චිත විය යුතුය. යේසුස් වහන්සේ පැමිණියේ ආත්මයෙනි, බෞතීස්මයෙනි (අපගේ සියලු පාප ඉවත් කළ) සහ රුධිරයෙනි (අපගේ සියලු පාපවලට වන්දි ගෙවූ). අප මෙම සියලු කාරණා ත්රිත්ත්වය විශ්වාස කළ යුතුයි.
එසේ නොවේ නම්, අප ශුභාරංචිය දේශනා නොකරන, එනමුත් සරල ආගමකි. බොහෝ කිතුනුවන් අද ක්රිස්තියානි ධර්මය ආගමක් ලෙස සලකන නමුත් ක්රිස්තියානි ධර්මය හුදෙක් ආගමක් ලෙස පමණක් වර්ග කළ නොහැකිය. එය දෙවියන් වහන්සේ දෙස බලන, සත්යය මත ගොඩනඟන ලද ගැලවීමේ ඇදහිල්ලයි. එය ආගමක් විය නොහැකිය.
ආගම යනු මිනිසා විසින් නිර්මාණය කරන ලද දෙයක් වන අතර ඇදහිල්ල දෙවියන් වහන්සේ අපට දුන් ගැලවීම දෙස සොයා බලයි. වෙනස වන්නේ එයයි. ඔබ මෙම සත්යය නොසලකා හැරියහොත්, ඔබ ක්රිස්තියානි ධර්මය තවත් එක් ආගමක් ලෙස සලකන අතර, සදාචාරය හා ආචාර ධර්ම මගින් එය දේශනා කරයි.
යේසුස් ක්රිස්තුස් පැමිණියේ මෙලොව ආගමක් පිහිටු වීමට නොවේ. උන්වහන්සේ කිසි විටෙකත් ක්රිස්තියානි ධර්මය නමින් ආගමක් ස්ථාපිත නොකළ සේක. එය ආගමක් යැයි ඔබ විශ්වාස කරන්නේ මන් ද? සියල්ල එක හා සමාන නම්, ඒ වෙනුවට බුදු දහම විශ්වාස නොකරන්නේ මන්ද?මා මෙය පැවසීම වැරදියි කියා ඔබ සිතනවාද?
ඇතැම් පුද්ගලයෝ යේසුස් වහන්සේව ආගමික ජීවන මාර්ගයක් ලෙස විශ්වාස කරන අතර, “වෙනස කුමක්ද? ස්වර්ගය, නිර්වාණය, පාරාදීසය .... ඒවා සියල්ලම එකම දෙයකි, ඒවාට වෙනස් නම් ඇත. අපි හැමෝම එකම තැනකින් කෙළවර වේ. ”යැයි අවසානයේ දී පවසති.
සහෝදර කිතුනුවනි, අපි සත්යය මත ස්ථිරව සිටිය යුතුය. තවද අප ‘නැඟිට බැබළවිය යුතුය.’ පැකිලීමකින් තොරව සත්යය පැවසීමට අපට හැකි විය යුතුය.
“ස්වර්ගයට යා හැකි එකම මාර්ගය එය නොවේ” යැයි යමෙකු පවසන විට, ඔබ නිශ්චිත ස්වරයකින් මෙලෙස පැවසිය යුතුය, “ඔව්! එය එකම මාර්ගයයි. ඔබට ස්වර්ගයට යා හැක්කේ ජලය, රුධිරය හා ආත්මය කරණකොට ගෙන පැමිණි යේසුස් ක්රිස්තුස් වහන්සේව විශ්වාස කළ විට පමණි. ” අනෙක් ආත්මයන්ට ගැලවීමේ වචනය ඇසීමට, නැවත ඉපදීමට හා ස්වර්ගයට යාමට හැකි වීමට ප්රමාණවත් පරිදි ඔබ දීප්තිමත්ව බැබළිය යුතුය.
නිවැරදි අදහීමෙහි පිහිටන්න:
යේසුස් වහන්සේගේ බෞතීස්මයෙහි සහ උන්වහන්සේගේ රුධිරයෙහි නොදන්නා, යේසුස් වහන්සේගේ නිෂ්ඵල ප්රේමවන්තයන් වැනසෙනු ඇත.
යේසුස් වහන්සේ කෙරෙහි විශ්වාසය
තැබුව ද විනාශ වී යනු ඇත්තේ කවරෙහු ද?
යේසුස් වහන්සේගේ බෞතීස්මය කෙරෙහි
විශ්වාසය නොතබන පුද්ගලයෝය
අත්තනෝමතික ලෙස යේසුස් වහන්සේව විශ්වාස කරන බව ප්රකාශ කිරීම යනු යේසුස් කෙරෙහි ඇති නිෂ්ඵල ප්රේමය වන අතර, ක්රිස්තියානි-ආගම්වාදියෙකු වීමට ඇති කෙටි ක්රමයකි.
පැසිෆික් සාගරය තරණය කරන නැවක් ගිලුණු අතර දිවි ගලවා ගත් කිහිප දෙනෙකු රබර් පහුරක පැටලී සිටියහ. ඔවුන් SOS අයෙකු යවා තිබුණ ද, රළු මුහුද නිසා වෙනත් නැව් ඔවුන්ගේ ආධාරයට පැමිණීම වලක්වනු ලැබීය. ඒ වෙනුවට හෙලිකොප්ටරයක් පැමිණ කඹයක් බිම හෙළුවේය. ඔවුන්ගෙන් එක් අයෙකු තම ශරීරය වටා කඹය ගැට ගසනවා වෙනුවට, එය තම දෑතින් අල්ලාගෙන සිටියහොත්, ඔහු යේසුස් වහන්සේ සමඟ අනවශ්ය ප්රේමයකට නතු වන මිනිසෙකු හා සමාන වනු ඇත. ඔහු කැමති ආකාරයට දෙවියන් වහන්සේ විශ්වාස කිරීමකි. ඔහු තවමත් ආරක්ෂිත නැත, නමුත් ඔහු මෙලෙස පවසයි, “මම විශ්වාස කරමි. මාව ගලවා ගන්න. මම විශ්වාස කරමි, ඒ නිසා මම ගැලවෙනු ඇතැයි මම සිතමි. ”
යේසුස් වහන්සේගේ බෞතීස්මයේ සත්යය සහ උන්වහන්සේගේ රුධිරය වටහා නොගන්නා තැනැත්තා විශ්වාස කරන්නේ ඔහු කඹය අල්ලාගෙන සිටින නිසාම, ඔහු ගැලවෙනු ඇති බවයි.
නමුත් ඔහු ඉහළට එසවෙන විට ඔහුගේ දෑත්වලට කඹය මත ග්රහණය නැති වී යයි. ඔහු තමාගේම ශක්තියෙන් පමණක් අල්ලාගෙන සිටිනු ඇත. නමුත් අවසානය දක්වා කඹය අල්ලා ගැනීම ඔහුට වෙරළට බොහෝ දුරයි. එම ශක්තිය කෙළවර වූ විට, ඔහුගේ ග්රහණය නැති වී නැවත මුහුදට වැටෙනු ඇත.
යේසුස් වහන්සේ සමඟ නිෂ්ඵල ලෙස ප්රේමයෙන් සිටීම එවැනි දෙයකි. බොහෝදෙනා තමන් දෙවියන් වහන්සේ හා යේසුස් වහන්සේව විශ්වාස කරන බව, ආත්මය කරණකොටගෙන පැමිණි යේසුස් වහන්සේව විශ්වාස කරන බව පවසනු ඇත. එනමුත්, මෙය සමස්ත සමීකරණයේම කොටසක් පමණි. පරිපූර්ණ ශුභාරංචිය විශ්වාස කිරීමට හෝ එහි වාසය කිරීමට ඔවුන්ට නොහැකිය, එබැවින් ඔවුන් උන්වහන්සේව ‘විශ්වාස කරන’ බව නැවත නැවතත් පවසමින් ඔවුනට ම බල කර ගනිති.
විශ්වාස කිරීම හා විශ්වාස කිරීමට උත්සාහ කිරීම එකම කාරණයක් නොවේ. ඔවුන් පවසන්නේ ඔවුන් අවසානය දක්වා යේසුස් වහන්සේව අනුගමනය කරන බවයි, නමුත් ඔවුන්ගේ හදවතේ පවතින පාපය නිසා ඔවුන්ව අවසාන දිනයේ දී ඉවත දමනු ලැබේ. යේසුස් වහන්සේ පැමිණියේ බෞතීස්මය, රුධිරය හා ආත්මයෙන් බව නොදැන ඔවුහු යේසුස් වහන්සේට ප්රේම කරති. ඔවුන් යේසුස් වහන්සේගේ රුධිරය සඳහා පමණක් ප්රේම කරන්නේ නම්, ඔවුන් නිරයට යනු ඇත.
සැබෑ ශුභාරංචියේ කඹය, ජලයේ ශුභාරංචිය සහ රුධිරය සමඟ ඔබේ ආත්මය බැඳ තබන්න. යේසුස් වහන්සේ ගැලවීමේ කඹය බිම හෙළන විට, ජලය, රුධිරය හා ආත්මය සමඟ තමන් බැඳගෙන සිටින පුද්ගලයන් ගැලවෙනු ඇත.
හෙලිකොප්ටරයෙන් පැමිණි මුදවා ගන්නා තැනැත්තා ශබ්ද විකාශන යන්ත්රයක් හරහා කෑ ගසමින්, “කරුණාකර මට හොඳින් සවන් දෙන්න. මම කඹය පහළට විසි කරන විට, එය ඔබේ අත් යට පියයුරු වටා බැඳ තබන්න. ඉන්පසු ඔය ආකාරයටම ඔබ ඉන්න. ඔබේ දෑතින් කඹයේ එල්ලන්න එපා. එය ඔබේ පපුව වටා බැඳ සැහැල්ලුවෙන් සිටින්න. එවිට ඔබ ගැලවෙනු ඇත. ” යැයි පැවසුවේය.
පළමුවැන්නා විසින් උපදෙස් පිළිපදින ලද අතර තමාව කඹයෙන් බැඳගෙන, එම පුද්ගලයා බේරුණි. එනමුත් අනෙක් මිනිසා, “කරදර නොවන්න. මම ගොඩක් ශක්තිමත්. මම සෞඛ්ය සමාජයක වැඩ කර තිබේ. බලන්න! ඔබට මගේ මාංශ පේශි දැකිය හැකිද? මට සැතපුම් ගණනක් යන තුරු එල්ලී සිටිය හැකියි. ” කඹය ඉහළට ඔසවනවාත් සමඟම ඔහු තම දෑතින් කඹය බදාගෙන සිටියේය.
දෙදෙනාව ම මුලදී ඇදගෙන ගියේය. නමුත් වෙනසක් ඇත. උපදෙස් වලට ඇහුම්කන් දී ඔහුගේ පපුව වටා කඹය බැඳ ගත් තැනැත්තා කිසිදු බාධාවකින් තොරව ඉහළට ඔසවා ගැනුණි. ඔහුට මඟදී සිහිය නැති වූවත් ඔහුව උඩට එසවනු ලැබිණි.
තමාගේම ශක්තිය ගැන ආඩම්බර වූ තැනැත්තාට අවසානයේදී ඔහුගේ ග්රහණය නැති වූයේ ඔහුගේ ශක්තිය අවසන් වූ බැවිනි. එමෙන්ම, ඔහු සවන් දීම ප්රතික්ෂේප කළ හෙයින් ද, උපදෙස් නොසලකා හැරිය හෙයින් ද ඔහු මිය ගියේය.
සම්පූර්ණ ගැලවීම ලබා ගැනීම සඳහා යමෙකු උන්වහන්සේගේ බෞතීස්මය නම් ජලය සහ සියලු ආත්මයන් පාපයෙන් ගලවා ගත් රුධිරය කෙරෙහි විශ්වාසය තැබිය යුතුය. වචනයෙන් මුළු හදවතින්ම විශ්වාස කරන අයට ගැලවීම ලබාගත හැකිය.එනම්, “ස්නාවක ජොහාන්තුමා විසින් සිදු කරන ලද මාගේ බෞතීස්මයෙන් සහ කුරුසය මත මා හෙළන ලද රුධිරයෙන්, මම ඔබව සම්පූර්ණයෙන්ම ගලවා ගත්තෙමි.” යන්න යි.
රුධිරය පමණක් විශ්වාස කරන අය පවසන්නේ, “කරදර නොවන්න, මම විශ්වාස කරමි. යේසුස් වහන්සේගේ රුධිරය වෙනුවෙන් මගේ ජීවිතයේ අවසානයට මම ස්තූතිවන්ත වන්නෙමි. මම අවසානය දක්වා යේසුස්ව අනුගමනය කරන අතර, මගේ ජීවිත කාලය පුරාවටම සියලු පාප සහ ලෝකය ජය ගැනීමට රුධිරය කෙරෙහි පමණක් තිබෙන මාගේ විශ්වාසය ප්රමාණවත් වනු ඇත. ”
කෙසේවෙතත්, මෙය ප්රමාණවත් නොවේ. දෙවියන් වහන්සේ සිය මිනිසුන් යැයි පිළිගන්නේ සාක්ෂිකරුවන් තිදෙනාම විශ්වාස කරන අය යි. එනම්, යේසුස් වහන්සේ ආත්මය කරණකොටගෙන පැමිණි බව, බෞතීස්ම වූ බව (යොර්දාන්හි උන්වහන්සේගේ බෞතීස්මයෙන් යේසුස් වහන්සේ සියලු පාප ඉවත් කළ සේක), සියලු පාපවලට වන්දි ගෙවීමට උන්වහන්සේ කුරුසයේ මිය ගිය බව සහ තුන්වෙනි දවසේ උන්වහන්සේ මළවුන්ගෙන් උත්ථාන වූ බව.
ආත්මය පැමිණෙන්නේ එම සාක්ෂි ත්රිත්ත්වයම විශ්වාස කරන අයට සහ ඒවා වෙනුවෙන් සාක්ෂි දරන්නන්ට පමණි. “ඔව්, මම ඔබේ ගැලවුම්කරුවා වෙමි. මම ඔබව ජලය හා රුධිරය මඟින් ගලවා ගත්තෙමි. මම ඔබේ දෙවියන් වහන්සේ වෙමි. ”
එනමුත් මෙම කාරණා තුනම විශ්වාස නොකරන අයට දෙවියන් වහන්සේ ගැලවීම ලබා නොදෙන සේක. එක් කරුණක් පමණක් අතහැර දැමුවද, “නැත, ඔබ ගැලවෙන්නේ නැත.” යැයි දෙවියන් වහන්සේ පවසයි. උන්වහන්සේගේ සියලු ශ්රාවකයෝ එම කරුණු තුනම විශ්වාස කළහ. යේසුස් වහන්සේ පවසන්නේ ඔහුගේ බෞතීස්මය ගැලවීම සඳහා වූ ආදර්ශය වන බවත්, ඔහුගේ රුධිරය විනිශ්චය වන බවත්ය.
යේසුස් වහන්සේගේ බෞතීස්මයට සහ රුධිරයට ධර්මදූත පාවුලුතුමා සහ පේත්රැස් යන දෙදෙනද සාක්ෂි දැරූහ
යේසුස් වහන්සේගේ ශ්රාවකයන්
සාක්ෂි දැරුවේ කුමකට ද?
යේසුස් වහන්සේගේ බෞතීස්මය
සහ උන්වහන්සේගේ රුධිරයට
ධර්මදූත පාවුළු තුමා යේසුස් වහන්සේගේ බෞතීස්මය පිළිබඳ කතාබහ කළේ ද? එතුමන් යේසුස් වහන්සේගේ බෞතීස්මය පිළිබඳ කිනම් වාර ගණනක් කතාබහ කොට ඇති ද යන්න අපි දැන් විමසා බලමු. “3නොහොත් ක්රිස්තුස් යේසුස්වහන්සේ තුළට බව්තීස්ම* ලැබූ බව නුඹලා නොදැන සිටිනහුද? (*අවගාහනය ලැබුවාවූ අප සියල්ලන් උන්වහන්සේගේ මරණයට බව්තීස්ම අවගාහනය)” යැයි රෝම 6:3 හි ඔහු පැවසුවේය. සහ 6:5 දී, “මක්නිසාද උන්වහන්සේගේ මරණයේ සමානත්වයෙන් අපි උන්වහන්සේට සම්බන්ධවී සිටිමු නම්, උන්වහන්සේගේ නැගිටීමේ සමානත්වයෙනුත් සම්බන්ධ වන්නෙමුව”, යැයි ඔහු පැවසුවේය.
“27මක්නිසාද නුඹලාගෙන් ක්රිස්තුස්වහන්සේ තුළට බව්තීස්මකරනු* ලැබූ සියල්ලෝ ක්රිස්තුස්වහන්සේ පැළඳගත්තෝය. (*අවගාහනය)” යැයි ගලාති 3:27 හිදී ද ඔහු පැවසුවේය. යේසුස් වහන්සේගේ සියලු ධර්මදූතයෝ උන්වහන්සේගේ ‘ජලය’ නම් බෞතීස්මයට සාක්ෂි දැරූහ. “21ඊට සමානව තිබෙන බව්තීස්මයේ* වතුරෙන් එනම් මාංසයේ කිලිටුකම පහකිරීමෙන් නොව, යහපත් හෘදයසාක්ෂියකින් දෙවියන්වහන්සේ සෙවීමෙන් දැන් නුඹලාත් යේසුස් ක්රිස්තුස්වහන්සේගේ මළවුන්ගෙන් නැගිටීම කරණ කොට ගෙන ගැලවෙන්නහුය. (*අවගාහනයේ)” (1 පේත්රැස් 3:21).
ස්වාමීන් වහන්සේගේ මුක්තියෙහි ගැලවීම පැමිණියේ යේසුස් වහන්සේගේ ජලය සහ රුධිරයෙනි
දෙවියන් වහන්සේ විසින් ධර්මිෂ්ඨ යැයි
හඳුන්වනු ලැබුවේ කවුරුන්වද?
සිය හදවත් තුළ පාපයන්
නොමැති පුද්ගලයන්
යේසුස් වහන්සේ මිනිසාට පිරිනැමූ ගැලවීම යේසුස් වහන්සේගේ බෞතීස්මයෙහි ජලය හා කුරුසයේ උන් වහන්සේගේ රුධිරයෙන් සමන්විත ය. එම ගැලවීම තුළින් අපට පිබිදී බැබළීමට හැකිය. කෙසේද? මේ කරුණු තුනට සාක්ෂි දැරීමෙනි.
“1නැගිට බැබළියන්න, මක්නිසාද නුඹේ ආලෝකය පැමුණුණේය, ස්වාමීන්වහන්සේගේ තේජසද නුඹ කෙරෙහි උදාවිය” (යෙසායා 60:1). දෙවියන් වහන්සේ අප දෙසට ආලෝකය බබළවා ඇති අතර, අපට ද බැබළීමට පවසන සේක. අප එම අණට අවනත විය යුතු ය.
අපි අපගේ මුළු ශක්තියෙන් ශුභාරංචිය දේශනා කර ඇත්තෙමු. කෙසේවෙතත්, බොහෝ මිනිසුන් තවමත් සවන් නොදෙයි. යේසුස් වහන්සේ කෙරෙහි විශ්වාස කරන්න, එවිට ඔබ ගැලවෙනු ඇත. ඔබ ධර්මිෂ්ඨ වනු ඇත. ඔබේ හදවතේ තවමත් පාපයක් තිබේ නම්, ඔබ තවමත් ධර්මිෂ්ඨ නොවේ. ඔබ තවමත් ලෝකයේ පව් ජයගෙන නැත.
ඔබ යේසුස් වහන්සේගේ ජලය (යේසුස් වහන්සේගේ බෞතීස්මය) විශ්වාස නොකරන්නේ නම් ඔබට කිසි විටෙකත් ඔබේ හදවතේ ඇති පාපයෙන් ගැලවිය නොහැකිය. ඔබ යේසුස් වහන්සේගේ රුධිරය විශ්වාස නොකරන්නේ නම් ඔබට කිසි විටෙකත් විනිශ්චයෙන් වැළකී සිටිය නොහැකි ය. ආත්මය කරණකොට ගෙන පැමිණි යේසුස් ක්රිස්තුස් වහන්සේව විශ්වාස නොකරන්නේ නම් ඔබට කිසි විටෙකත් ගැලවිය නොහැක. එම සාක්ෂිකරුවන් තිදෙනා විශ්වාස නොකරන්නේ නම් ඔබට කිසි විටෙකත් සම්පූර්ණයෙන්ම ධර්මිෂ්ඨ විය නොහැක.
අප්රමාණවත් ධර්මිෂ්ඨකම හේතු වන්නේ ‘ඊනියා ධර්මිෂ්ඨකම’ ට පමණි. යමෙකු තමාට තවමත් පාපයක් ඇති නමුත් තමා ධර්මිෂ්ඨ මිනිසෙකු ලෙස සලකන බව පවසන්නේ නම්, ඔහු තවමත් යේසුස් වහන්සේ තුළ එල්ඹ නැත. මේ දිනවල ඇතැම් පුද්ගලයෝ‘ඊනියා ධර්මිෂ්ඨකම’ මත ගැලවීම සම්බන්ධ කිරීමට උත්සාහ කරති. ඔවුන් මෙම විෂය පිළිබඳව නිෂ්ඵල ලිපි ටොන් ගණනක් ලියා ඇත.
දෙවියන් වහන්සේ මිනිසෙකුට තවමත් ඔහුගේ හදවත තුළ පාප පවතින විට පාප රහිත පුද්ගලයෙකු යැයි ඔහුව හඳුන්වන්නේ ද? උන්වහන්සේ එය දකින ආකාරයට හඳුන්වයි. උන්වහන්සේ සර්වබලධාරී වන නමුත්, උන්වහන්සේට කිසි විටෙකත් බොරු කළ නොහැකිය. ධර්මිෂ්ඨකමේ සැබෑ අරුත මිනිසුන් අවබෝධ කර නොගනී. අපි යමක් ‘පිරිසිදු’ ලෙස හඳුන්වන්නේ එය පිරිසිදුව තිබෙන විට පමණි. පාපය ඇති විට අපි ‘ධර්මිෂ්ඨ’යැයි නොකියන්නෙමු.
ඔබේ හදවතෙහි පාපය තිබුණ ද ඔබ ධර්මිෂ්ඨබවට යේසුස් වහන්සේ විසින් හඳුන්වනු ලබන්නේ යැයි ඔබ සිතනු ඇත. මෙය දෝෂසහගත ය.
යේසුස් වහන්සේ අපව ධර්මිෂ්ඨ ලෙස හඳුන්වන්නේ ආත්මය කරණකොටගෙන, ජලයෙන් (බෞතීස්ම වූ විට උන්වහන්සේ අපගේ සියලු පාප ඉවත් කළ බව) සහ රුධිරයෙන් (උන්වහන්සේ මාංශයෙන් පැමිණ අප උදෙසා මිය ගියේය) පැමිණි පුද්ගලයා ලෙස උන්වහන්සේව අප අදහන විට පමණි.
සෙසු කිතුනුවනි, ‘ඊනියා ධර්මිෂ්ඨබාවයට’ ජලයේ හා රුධිරයේ ශුභාරංචිය සමඟ කිසිදු සම්බන්ධයක් නැත. ‘ඊනියා ධර්මිෂ්බව ’හෝ ‘ධර්මිෂ්ඨ යැයි හැඳින්වීම ’යනු මිනිසුන් විසින් නිර්මාණය කරන ලද චිරන්තන දෘෂ්ටියකි. ඔබේ හදවතේ පාපයක් ඇති විට දෙවියන් වහන්සේ ඔබව ධර්මිෂ්ඨ යැයි හඳුන්වන්නේ ද? යේසුස් වහන්සේ කෙරෙහි කොතරම් ළැඳිබාවයකින් යමෙකු උන්වහන්සේ ඇදහුව ද, දෙවියන් වහන්සේ එම පුද්ගලයාට ධර්මිෂ්ඨ යැයි නොපවසන සේක. යේසුස් වහන්සේ හට කිසිදාක බොරු කළ නොහැකි ය.
එහෙත්, ඔහුගේ / ඇයගේ හදවතේ පාපයක් තිබෙන විට දී පවා උන්වහන්සේ එම පුද්ගලයාට ධර්මිෂ් යැයි කියනු ඇතැයි ඔබ තවමත් සිතනවාද? දෙවියන් වහන්සේ නොව, මිනිසුන් සිතන්නේ එලෙසයි. දෙවියන් වහන්සේ මුසාවන් පිළිකුල් කරන සේක. ඔබ ‘ආත්මය’ සහ ‘රුධිරය’ ගැන පමණක් විශ්වාස කරන විට උන්වහන්සේ ඔබව ධර්මිෂ්ඨ යැයි හඳුන්වනු ඇති ද?
දෙවියන් වහන්සේ ධර්මිෂ්ඨ යැයි හඳුන්වන පුද්ගලයන් ඇත්තේ එක් වර්ගයක් පමණි. ඔවුන් හදවතේ කිසිදු පාපයක් නොමැති අයයි. දෙවියන් වහන්සේ හඳුනා ගන්නේ කාරණා තුනම විශ්වාස කරන අය පමණි. එනම්, දෙවියන් වහන්සේ වන යේසුස් වහන්සේ මාංශයෙන් ලෝකයට පැමිණි බවත්, යොර්දානයේ බෞතීස්ම වූ බවත්, අපගේ සියලු පාප මකා දැමීමට උන් වහන්සේ කුරුසය මත රුධිරය වැගිරූ බවත් ය.
ගැලවීමේ ශුභාරංචිය විශ්වාස කරන අය පමණක් දෙවියන් වහන්සේ විසින් ධර්මිෂ්ඨයන් ලෙස පිළිගනු ලැබේ. ඔවුන් නිවැරදිව විශ්වාස කරන අයයි. උන්වහන්සේ අප වෙනුවෙන් කළ සෑම දෙයක්ම ඔවුන් සම්පූර්ණයෙන්ම විශ්වාස කරයි. යේසුස් වහන්සේ පැමිණ ඔවුන්ගේ සියලු පාප ඉවත් කිරීමට බෞතීස්ම වූ බවත්, කුරුසියේ මියයෑමෙන් උන්වහන්සේ අප වෙනුවෙන් විනිශ්චයට ලක් වූ බවත්, මළවුන්ගෙන් උත්ථාන වූ බවත් ඔවුහු විශ්වාස කරති.
මේ සියල්ල සිදු වූයේ දෙවියන් වහන්සේගේ ප්රේමයෙනි. යේසුස් වහන්සේ ස්වර්ගයේ සිට පැමිණ, “වෙහෙස මහන්සි වී වැඩ කරන සියල්ලෙනි, මා වෙතට එන්න, මම ඔබට විවේකය දෙන්නෙමි” (මතෙව් 11:28) යැයි පැවසූ සේක. උන්වහන්සේ මෙය සිදු කළේ අපගේ පාප දුරු කරමිනි.
යේසුස් වහන්සේගේ රුධිරය පමණක් විශ්වාස කරන අයව දෙවියන් වහන්සේ හඳුනා නොගන්නා සේක. යේසුස් වහන්සේගේ රුධිරය පමණක් විශ්වාස කරන අයගේ හදවත් තුළ තවමත් පාපයක් ඇත. ගැලවුණු තැනැත්තා ලෙස යේසුස් හඳුනාගන්නේ කවුරුන්වද?
යේසුස් වහන්සේගේ බෞතීස්මය කෙරෙහි විශ්වාසය, උන්වහන්සේගේ රුධිරය සහ උන්වහන්සේ දෙවියන් වහන්සේ ය යන කාරණය කෙරෙහි විශ්වාසය. ඔබගේ ගැලවීම සඳහා සියල්ල අවශ්යයි. “මම මෙලොවට පැමිණ ස්නාවක ජොහාන්තුමා විසින් මා බෞතීස්ම කරනු ලැබූ විට, ඔබගේ සියලු පාප මම ඉවත් කළෙමි. ලෝකයේ සියලු පාප මා වෙත පැවරී ඇති බවට මම සාක්ෂි දරමි. මම කුරුසය මත පාප වෙනුවෙන් වන්දි ගෙව්වෙමි. ඒ අනුව මම ඔබව ගලවා ගත්තෙමි. ”
මෙම කාරණා තුනම විශ්වාස කරන අයට යේසුස් වහන්සේ මෙලෙස පවසන සේක. “ඔව්, ඔබ ගැලවී ඇත. ඔබ ධර්මිෂ්ඨය,එමෙන්ම, ඔබ දෙවියන් වහන්සේගේ දරුවෝය. ” යේසුස් වහන්සේගේ බෞතීස්මය, උන්වහන්සේගේ රුධිරය හා ආත්මය යන සියල්ලම එකට විශ්වාස කරන්නේ නම්, ඔබටත් ගැලවීම ලැබිය හැකියි. රුධිරය හා ආත්මය තුළ පමණක් විශ්වාස කරන පුද්ගලයන්ට තවමත් ඔවුන්ගේ හදවත් තුළ පාප තිබේ.
දෙවියන් වහන්සේගේ රාජධානියේ ඇත්තේ එකම සත්යයකි. යුක්තිය, අවංකබව, ආදරය හා කරුණාව එහි ඇත. බොරුවක අංශු මාත්රයක් හෝ එහි නැත. බොරු හා වංචා ස්වර්ගයේ නොපවතී.
නොපනත්කම ප්රගුණ
කරන්නා කවුරුන් ද?
යේසුස් වහන්සේගේ බෞතීස්මය
කෙරෙහි විශ්වාසය නොතබන්නාය
කරන්නා කවුරුන් ද?
යේසුස් වහන්සේගේ බෞතීස්මය
කෙරෙහි විශ්වාසය නොතබන්නාය
“22ඒ දවසේදී බොහෝ දෙනෙක්: ස්වාමිනි, ස්වාමිනි, ඔබගේ නාමයෙන් අනාගත වචන නොකියෙමුද? ඔබගේ නාමයෙන් යක්ෂයන් දුරු නොකෙළෙමුද? ඔබගේ නාමයෙන් නොයෙක් බලවත් ක්රියා නොකෙළෙමුදැයි මට කියනවා ඇත” (මතෙව් 7:22).
දෙවියන් වහන්සේ කිසිවිටකත් මිනිසාගේ එම ක්රියා, ඔහු උන්වහන්සේගේ රාජධානියට ඇතුළත් කර ගැනීමට සුදුසුකමක් ලෙස නොපිළිගන්නා සේක.“ 23එවිට මම: කිසිකලෙකත් නුඹලා නොහැඳින්නෙමි. අධර්මිෂ්ඨකම් කරන්නෙනි, මා කෙරෙන් අහක්ව පලයල්ලායයි ඔවුන්ට කියන්නෙමි!” (මතෙව් 7:23)
“මම ඔබට නිවාස දෙකක් පූජා කළෙමි. මම ඔබ වෙනුවෙන් මගේ ජීවිතය පවා අත්හැරියෙමි. ඔබ මාව දුටුවේ නැද්ද? මගේ අවසන් හුස්ම තෙක් මම ඔබව කිසි විටෙකත් ප්රතික්ෂේප කර නැත. ඔබ මාව දුටුවේ නැද්ද? ”
“ඉතින් ඔබේ හදවතෙහි පාප තිබේද?”
“එසේය ස්වාමීනී, මා පාප බිඳක් සිදු කරන්නෙමි.”
“එසේ නම් මාගෙන් ඈත් වී සිටිනු! කිසිදු පාපිෂ්ඨයෙකුට මෙහි පැමිණීමට ඉඩ ලබා නොදෙයි.”
“ස්වාමීනී, එනමුත් මම ඔබ වහන්සේ කෙරෙහි මා දක්වන ලද භක්තියට ප්රාණ පරිත්යාගියෙකු ලෙස මිය ගියෙමි!”
“ප්රාණ පරිත්යාගියෙකු ලෙස මිය ගියා යන්නේ ඔබ අදහස් කළේ කුමක්ද? ඔබ මිය ගියේ ඔබේ මුරණ්ඩුකම හේතුවෙන් පමණයි. මගේ බෞතීස්මය සහ රුධිරය ඔබ පිළිගත්තා ද? ඔබ මාගේ මිනිසුන් බව මම ඔබේ සිතේ සාක්ෂි දරා තිබේද? ඔබ මාගේ බෞතීස්මය කෙරෙහි විශ්වාස නොකරන අතර ඔබ මාගේ මිනිසුන් බව මම කිසි විටෙකත් සාක්ෂි නොදුන්නෙමි. එහෙත් ඔබ ඔබේ විශ්වාසයට බැඳී ඒ වෙනුවෙන් මිය ගියේය. මම ඔබ වෙනුවෙන් සාක්ෂි දැරුවේ කෙදිනක ද? ඔබ එය ඔබ මතට ගෙනාවේය. ඔබ ප්රේම කර, ඔබේම ගැලවීම සඳහා තනිවම උත්සාහ කළේය. ඔබට වැටහෙන්නේ ද? දැන්, ඔබේ ගමන යන්න. ”
යේසුස් වහන්සේ අපට පැවසුවේ පිබිදී බැබළෙන්න යනුවෙනි. ගැලවුණු මිනිසුන් බොහෝ නාමික කිතුනුවන් හා ව්යාජ ශාස්තෘවරුන් ඉදිරියෙහි බියෙන් හැකිළී, දීප්තියෙන් බැබළීමට අපොහොසත්ව සිටින්නට ඇත! එනමුත් කුඩා ගිනි සිළුවකින් විශාල ගින්නක් ඇරඹිය හැකිය. යමෙක් නිර්භීතව සිට සත්යයට සාක්ෂි දරන්නේ නම්, මුළු ලෝකයම දීප්තිමත් වනු ඇත.
යෙසායා 60:1-2 හි මෙසේ සඳහන් වෙයි. “1නැගිට බැබළියන්න, මක්නිසාද නුඹේ ආලෝකය පැමුණුණේය, ස්වාමීන්වහන්සේගේ තේජසද නුඹ කෙරෙහි උදාවිය. 2එසේය, පොළොව අන්ධකාරයෙන්ද ජනයෝ තද අන්ධකාරයෙන්ද වසනු ලබන්නෝය. නුමුත් නුඹ කෙරෙහි ස්වාමීන්වහන්සේ උදාවනසේක, උන්වහන්සේගේ තේජසද නුඹ කෙරෙහි පෙනෙන්නේය”.
අසත්යයේ අන්ධකාරය, එනම් සාවද්ය ශුභාරංචිය මුළු ලෝකයම ආවරණය කර ඇති නිසා නැඟිට බබළවන්නැයි දෙවියන් වහන්සේ අපට අණ කරන සේක. යේසුස් වහන්සේට ප්රේම කළ හැක්කේ උන්වහන්සේව විශ්වාස කරන අයට පමණි. නොගැලවුණු පුද්ගලයන්ට කිසි විටෙකත් යේසුස් වහන්සේට ප්රේම කළ නොහැකිය. ඔවුනට කෙලෙස එසේ කළ හැකිද? ඔවුන් කතා කරන්නේ ප්රේමය ගැන පමණයි. එනමුත්, ඔවුන් සම්පූර්ණ සත්යය විශ්වාස නොකරන්නේ නම්, කිසි විටෙකත් ඔවුන්ට උන්වහන්සේ හට සැබවින්ම ප්රේම කළ නොහැකිය.
පාපිෂ්ඨයන්ගේ ගැලවීමට සාක්ෂි දරන දේවල් ත්රිත්ත්වයක් තිබේ
අපගේ හදවත් තුළ ගැලවීමේ
සාක්ෂිය කුමක්ද?
යේසුස් වහන්සේගේ බෞතීස්මයයි
“8සාක්ෂිදරන තුන්දෙනෙක් සිටිති: ආත්මයාණන්වහන්සේය, වතුරය, ලේය. මේ තුන්දෙනම එකඟවෙති”. යේසුස් වහන්සේ මිහිමතට පැමිණ, ජලයෙන් සහ රුධිරයෙන් උන්වහන්සේගේ වැඩ සිදු කළ සේක.උන්වහන්සේ මෙය සිදු කොට, අපව ගලවා ගත් සේක.
“9මනුෂ්යයන්ගේ සාක්ෂිය අපි පිළිගනිමු නම්, දෙවියන්වහන්සේගේ සාක්ෂිය ඊට වඩා උතුම්ය. මක්නිසාද දෙවියන්වහන්සේගේ සාක්ෂිය මේය, එනම් තමන් පුත්රයාණන් ගැන උන්වහන්සේ සාක්ෂිදී තිබෙන බවය. 10දෙවියන්වහන්සේගේ පුත්රයා කෙරෙහි අදහන්නාට තමා තුළේම සාක්ෂිය ඇත්තේය. දෙවියන්වහන්සේව නොඅදහන්නා දෙවියන්වහන්සේ තමන් පුත්රයාණන් ගැන දී තිබෙන සාක්ෂිය කෙරෙහි විශ්වාස නොකළ නිසා උන්වහන්සේව බොරුකාරයෙක් කෙළේය. 11ඒ සාක්ෂිය නම් දෙවියන්වහන්සේ අපට සදාකාල ජීවනය දුන් බවය, ඒ ජීවනයද තමන් පුත්රයාණන් තුළ තිබේ. 12පුත්රයාණන්වහන්සේ ඇත්තාට ඒ ජීවනය ඇත; දෙවියන්වහන්සේගේ පුත්රයා නැත්තාට ඒ ජීවනය නැත” (1 යොහන් 5:9-12).
නැවත ඉපදුණු අයට මිනිසුන්ගේ සාක්ෂිය ලැබේ. අපව ධර්මිෂ්ඨයන් ලෙස පිළිගැනේ. ගැලවුණු පුද්ගලයන් වූ නැවත ඉපදුණු පුද්ගලයන් ගැලවීම පිළිබඳ සත්යය කතා කරන විට, මිනිසුන්ට එය වාද කළ නොහැකිය. ඔවුහු එය පිළිගනිති. ඔවුන් පවසන්නේ අප නිවැරදිව විශ්වාස කරන බවත්, අපගේ ඇදහිල්ල තුළ අප නිවැරදි බවත් ය. අප නැවත ඉපදුණු ආකාරය ඔවුන්ට පැවසුවහොත්, අප සාක්ෂි දරන සැබෑ ශුභාරංචියට එරෙහිව නැගී සිටීමට කිසිවෙකුටත් නොහැකිය. අප නිවැරදි බව ඔවුහු පවසති. මිනිසුන්ගේ සාක්ෂිය අපට ලැබේ.
නමුත් මෙම ඡේදයේ මෙසේ ද පවසයි, “දෙවියන් වහන්සේගේ සාක්ෂිය වඩා විශාලය; මක්නිසාද මෙය දෙවියන් වහන්සේගේ සාක්ෂිය වන හෙයිනි.” දෙවියන් වහන්සේගේ සාක්ෂිය උන්වහන්සේගේ පුත්රයාණන් බව එහි සඳහන් වේ. නිවැරදි ද? උන්වහන්සේගේ පුත්රයාගේ සාක්ෂිය කුමක්ද? දෙවියන් වහන්සේ අපව ගලවා ගත් බවට සාක්ෂිකරුවන් වන්නේ යේසුස් වහන්සේ පැමිණියේ ආත්මය කරණකොට ගෙන බව, උන් වහන්සේ පැමිණියේ ගැලවීමේ ජලයෙන් බව සහ උන්වහන්සේ පැමිණියේ කුරුසයේ රුධිරයෙන් යන බවයි. එමෙන්ම, දෙවියන් වහන්සේ අපව ගලවා ගත් මාර්ගය මෙය බවත්, අප එය අදහන හෙයින් අපි උන් වහන්සේගේ මිනිසුන් බවත් දෙවියන් වහන්සේ සාක්ෂි දරන සේක.
“10දෙවියන්වහන්සේගේ පුත්රයා කෙරෙහි අදහන්නාට තමා තුළේම සාක්ෂිය ඇත්තේය. දෙවියන්වහන්සේව නොඅදහන්නා දෙවියන්වහන්සේ තමන් පුත්රයාණන් ගැන දී තිබෙන සාක්ෂිය කෙරෙහි විශ්වාස නොකළ නිසා උන්වහන්සේව බොරුකාරයෙක් කෙළේය. ගැලවීම ලත් පුද්ගලයන් කවුරුන්ද යන වග මෙම ඡේදයෙන් අපට නිවැරදිව පවසයි. දෙවියන් වහන්සේගේ පුත්රයාණන් කෙරෙහි විශ්වාස කරන්නා හට තමා තුළම සාක්ෂිය ඇති බව එහි සඳහන් වේ. ඔබේ හද තුළ සාක්ෂිය තිබේද? එය ඔබ තුළත්, මා තුළත් ඇත. දෙවියන් වහන්සේ අප වෙනුවෙන් මිහිමතට පැමිණි සේක. (උන් වහන්සේ මාංශයෙන් පැමිණියේ ශුද්ධාත්මයාණන් වහන්සේ විසින් මරියාගේ සිරුර තුළිනි.) උන්වහන්සේට වයස අවුරුදු 30 දී, අපගේ සියලු පාප උන් වහන්සේ මත පැටවීමට බෞතීස්ම වූ සේක. අපගේ සියලු පාප සමඟ උන්වහන්සේ කුරුසයේ විනිශ්චයට ලක් වුණි. අපට සදාකාලික දිවිය ලබා දීමට තෙවන දින උන්වහන්සේ නැවත මළවුන්ගෙන් උත්ථාන වූ සේක. එලෙස, යේසුස් වහන්සේ ගලවා ගත් සේක.
උන්වහන්සේ උත්ථාන නොවූයේ නම් කුමක් සිදුවනු ඇති ද? උන්වහන්සේ මට මරණයේ දී සාක්ෂි දෙන්නේ කෙසේද? උන්වහන්සේ මාගේ ගැලවුම්කරුවා වන්නේ එබැවිනි. මෙය අප විශ්වාස කරන කරුණයි.
උන්වහන්සේ පැවසූ පරිදි ම, උන් වහන්සේ බෞතීස්මයෙන් හා රුධිරයෙන් අපව ගලවා ගත් සේක. අප එය අදහන හෙයින්, ඔබත් මමත් ගැලවීම ලැබුවෙමු. සාක්ෂිකරු මා තුළ මෙන්ම, ඔබ තුළ ද සිටියි. ගැලවීම ලත් පුද්ගලයන්ට උන්වහන්සේගේ බෞතීස්මයේ ‘ජලය’ කිසිදාක නොසලකා හැරිය නොහැකි ය. අපව ගලවා ගැනීම සඳහා උන්වහන්සේ කළ දේවල් අප කිසි විටෙකත් අත්හරින්නේ නැත.
“සියලු ධර්මිෂ්ඨබාවයන් සපුරාලීමට දැන් අපට එය එබැවින් සුදුසු ය” (මතෙව් 3:15). යොහන් බව්තීස්ත විසින් බෞතීස්ම වූ විට යේසුස් යොර්දාන්හිදී අපගේ සියලු පාප ඉවත් කළ බව අපි කිසි විටෙකත් ප්රතික්ෂේප නොකරමු. මිදුණු අයට කිසි විටෙකත් යේසුස්ගේ බෞතීස්මය වන ‘ජලය’ ප්රතික්ෂේප කළ නොහැකිය.
විශ්වාස කරන නමුත් ගැලවීමට පත් නොවූ පුද්ගලයෝ යේසුස් වහන්සේගේ බෞතීස්මය අවසානය දක්වා ප්රතික්ෂේප කරති
දෙවියන් වහන්සේ බොරුකාරයෙකු
බවට පත් කරන්නේ කවුරුන් ද?
යේසුස් වහන්සේගේ බෞතීස්මයෙහි
විශ්වාසය නොතබන්නාය
“දෙවියන් වහන්සේව විශ්වාස නොකරන තැනැත්තා උන්වහන්සේව බොරුකාරයෙකු බවට පත් කර ඇත.”, යැයි ධර්මදූත ජොහාන්තුමා පැවසූ විට, ඔහු කෙතරම් නිවැරදි වූයේ ද? ධර්මදූත ජොහාන්තුමා මෙහි දැන් වාසය කරන්නේ නම්, ඔහු වර්තමාන කිතුනුවන් වන අපට කුමක් පවසනු ඇති ද? ‘යේසුස් වහන්සේ බෞතීස්ම වූ විට අපේ සියලු පාප ඉවත් කළා ද’ යැයි එතුමන් අසනු ඇත.
යේසුස් වහන්සේ උන්වහන්සේගේ බෞතීස්මය මඟින් අපව ගලවා ගත් බව පැවසෙන ශුභාරංචියට ස්නාවක ජොහාන්තුමත් සාක්ෂි නොදරන්නේ ද? “මා විසින් යේසුස් වහන්සේව බෞතීස්ම කරනු ලැබූ විට ඔබගේ පාප උන්වහන්සේගේ හිසට නොපැමිණියේද? එමෙන්ම, එම පාප උන්වහන්සේගේ පිටෙහි තබාගෙන දරා නොගත්තේ ද?” මේ අනුව, අප සියල්ලන් ගලවා ගැනීම සඳහා යේසුස් වහන්සේ බෞතීස්ම වූ බවට උන්වහන්සේ පැහැදිලිවම සාක්ෂි දුන් සේක. (ජොහාන් 1:29, 1 ජොහාන් 5: 4-8).
දෙවියන් වහන්සේව විශ්වාස නොකරන අය, වෙනත් වචනවලින් කිවහොත්, අපව ගලවා ගැනීම සඳහා උන් වහන්සේ කළ සෑම දෙයක්ම විශ්වාස නොකරන අය, උන්වහන්සේව බොරුකාරයෙකු බවට පත් කරති. බෞතීස්ම වූ විට යේසුස් වහන්සේ අපගේ සියලු පාප ඉවත් කළ බව අප පවසන විට, “අනේ,හිතවත! උන්වහන්සේට අපේ සියලු පාප ඉවත් කිරීමට නොහැකි වන්නට ඇත! උන්වහන්සේ මුල් පාපය පමණක් ඉවත් කළ සේක, එබැවින් අපගේ දෛනික පාප සියල්ලම තවමත් පවතී.”යැයි ඔවුහු පවසති.
එබැවින්, ඔවුන් ගලවා ගැනීම සඳහා ඔවුන්ගේ දෛනික පාප වෙනුවෙන් පසුතැවිලි වීමේ යාච්ඤා කළ යුතු බව ඔවුහු අවධාරනය කරති. ඔවුන් විශ්වාස කරන්නේ මෙයයි. ඔබ සියල්ලන්ම එසේ විශ්වාස කරන්නේ ද? යේසුස් වහන්සේගේ බෞතීස්මයෙන් අපේ පාප සෝදා හරින ලදී යන්න විශ්වාස නොකරන පුද්ගලයෝ දෙවියන් වහන්සේව බොරුකාරයෙක් බවට පත් කරති.
යේසුස් වහන්සේ බෞතීස්ම වීමෙන් සහ කුරුසය මත උන්වහන්සේගේ රුධිරය වැගිරීමෙන්, අප සියල්ලන් උදෙසා එක් වරෙක අපව ගලවා ගත් සේක
බොරු කියන්නේ කවුරුන් ද?
යේසුස් වහන්සේගේ බෞතීස්මය
කෙරෙහි විශ්වාසය නොතබන්නවුන්ය
යේසුස් වහන්සේ බෞතීස්ම වී, සියලු පාප සියලුදෙනා උදෙසා එකවරම ඉවත් කළ සේක. බෞතීස්මය හා යේසුස් වහන්සේගේ රුධිරය විශ්වාස කරන අයව දෙවියන් වහන්සේ ගලවන නමුත් විශ්වාස නොකරන අයව උන්වහන්සේ අත්හරින සේක. ඔවුහු නිරයට යති. එබැවින් අප ගැලවෙන්නේ ද නොගැලවෙන්නේ ද යන්න අප විශ්වාස කරන දෙය මත රඳා පවතී. යේසුස් වහන්සේ ලෝකයේ සියලු පාප ඉදිරිපත් නිදහස් කළ සේක. විශ්වාස කරන අය ගැලවෙන අතර, විශ්වාස නොකරන අය දෙවියන් වහන්සේ බොරුකාරයෙකු බවට පත් කර ඇති නිසා තවමත් ගැලවීම නොලබා සිටිති.
මිනිසුන් නිරයට යන්නේ ඔවුන්ගේ දුර්වලකම් නිසා නොව, ඔවුන්ගේ විශ්වාසය මඳ බැවිනි. “දෙවියන් වහන්සේව විශ්වාස නොකරන තැනැත්තා ඔහුව බොරුකාරයෙක් කර තිබේ” (1 යොහන් 5:10). ඔවුන්ගේ සියලු පාප යේසුස් වහන්සේට පැවරී ඇති බව විශ්වාස නොකරන අයගේ හදවත් තුළ තවමත් පාපයක් ඇත. ඔවුන් තුළ පාපයක් නැතැයි ඔවුන්ට පැවසිය නොහැක.
වරක් මම කිතුණු පල්ලියක උපස්ථායකයෙකු හමු වූ විට, “දේවගැතිතුමනි, ඔබ යේසුස් වහන්සේ කෙරෙහි විශ්වාසය තැබූ විට, ඔබේ සියලු පාප දුරු වී ගියේ ද?” යැයි ඇසුවෙමි.
“ඇත්ත වශයෙන්ම ඔව්.”
“එසේ නම්, ලොව සියලු පාප යේසුස් වහන්සේ රැගත් බැවින් සහ ‘එය අවසන් වූ බැවින්’, ඔබ ගැලවී ඇත. එය නිවැරදි නොවන්නේ ද?”
“ඔව්, මම ගැල වී සිටිමි.”
“එසේ නම් ඔබ පාපයෙන් තොර වූවෙකු විය යුතුය.”
“එසේය.”
“ඔබ යළිත් වරක් පාප සිදු කළහොත් කුමක් සිදු වන්නේ ද?”
“අප මිනිසුන් පමණක් වන්නෙමු. අපට යළිත් පාප නොකළ සිටිය හැකි ද? එබැවින්, අපට සෑම දිනකම අපගේ පාප පිළිබඳ පශ්චත්තාප වී, ඒවා සෝදා හැරීමට සිදු වේ.”
මෙම කිතුණු උපස්ථායකයාගේ හදවත තුළ පාප තවමත් තිබෙන්නේ මන්ද යත්, ඔහු ගැලවීමෙහි සම්පූර්ණ සත්යය නොදන්නා හෙයිනි.
දෙවියන් වහන්සේට සමච්චල් කරමින් උන්වහන්සේව බොරුකාරයෙකු බවට පත් කරන්නේ ඔහු වැනි පුද්ගලයන් ය. දෙවියන් වහන්සේ වන යේසුස් වහන්සේ ලෝකයේ සියලු පාපවලින් ගැලවීමට අසමත් වූවාද? එය ඉතා කණස්සලු සහගත ය. යේසුස් වහන්සේ සියලු පාපවලින් ගැලවූයේ නැත්නම්, උන්වහන්සේ ගැලවීමේ දෙවියන් වහන්සේ වන්නේ කෙසේද? උන් වහන්සේව විශ්වාස කරන ලෙස උන් වහන්සේ අපට පවසන්නේ කෙසේද? ඔබ උන්වහන්සේව බොරුකාරයෙක් කිරීමට ද තැත් කරන්නේ? ඔබ එය නොකළ යුතු යැයි මම උපදෙස් දෙමි!
උන්වහන්සේට සරදම් නොකරන ලෙස බයිබලය අපට පවසයි.උන්වහන්සේව බොරුකාරයෙකු කිරීම හෝ උන්වහන්සේව රැවටීමට උත්සාහ ගැනීම සිදු නොකරන්න යන්න මින් අදහස් වේ.උන්වහන්සේ අප මෙන් නොවේ.
ගැලවීමේ ශුභාරංචිය පිළිබඳ ධර්මදූත ජොහාන්තුමා අපට නිවැරදිව පවසයි. යේසුස් ක්රිස්තුස් වහන්සේ පැමිණියේ ජලය, රුධිරය හා ආත්මය කරණකොටගෙනය යනාදී වශයෙන් දෙවියන් වහන්සේ අප උදෙසා කළ දේවල් විශ්වාස කිරීමට බොහෝ අයට අවශ්යතාවක් නැත.
කිතුනුවන්ගේ කණ්ඩායම් දෙකකි. එනම්, බයිබලය පවසන පරිදි විශ්වාස කර, “මම පාපිෂ්ඨයෙක්” යැයි පාපොච්චාරණය නොකරන අය සහ දෙවියන් වහන්සේ ඔවුන් වෙනුවෙන් කර ඇති සියලු දේ විශ්වාස කර ඇදහිල්ලෙන් “මම ධර්මිෂ්ඨයෙක්මි.” යැයි පාපොච්චාරණය කරන අයයි. සත්ය පවසන්නේ ඔබ සිතන පරිදි කුමන කණ්ඩායම ද?
දෙවියන් වහන්සේ කළ දේ විශ්වාස නොකරන අය, වෙනත් වචනවලින් කිවහොත්, ජලය, රුධිරය හා ආත්මය පිළිබඳ සාක්ෂිය නොපිළිගන්නා අය බොරු කියති. ඔවුනට ඇත්තේ බොරු විශ්වාසයකි. විශ්වාස නොකරන අය දෙවියන් වහන්සේ බොරුකාරයෙක් බවට පත් කරති.
උන්වහන්සේ බොරුකාරයෙකු නොකරන්න. යේසුස් වහන්සේ යොර්දාන් නදියට පැමිණි අතර (බෞතීස්ම වීමෙන්), ඒ අනුව සියලු ධර්මිෂ්ඨකම සම්පූර්ණ කළ සේක (ලෝකයේ පාප දුරු කළ සේක).
නොඅදහන්නෝ යේසුස් වහන්සේගේ බෞතීස්මය සහ උන්වහන්සේගේ පාරිශුද්ධත්වය ප්රතික්ශේප කරති
සාතන් සහ යක්ෂයා ප්රතික්ශේප
කළේ කුමක්ද?
යේසුස් වහන්සේගේ බෞතීස්මයයි
තම පුත්රයාණන් අදහන්නෙකු තුළ සාක්ෂිය ඇත. යේසුස් වහන්සේ බෞතීස්ම වූ විට ඔවුන්ගේ පාප යේසුස් වහන්සේට භාර දුන් බවත්, ඔවුන් යේසුස් වහන්සේගේ ජලයෙන් හා රුධිරයෙන් ගලවා ගත් බවත් නැවත ඉපදුණු අය විශ්වාස කරති. යේසුස් වහන්සේ මෙලොවට උපත ලැබුවේ කන්යා මරියතුමියගේ ශරීරය තුළින් බවත්, කුරුසියේ මියයෑමට පෙර උන්වහන්සේ යොර්දාන්හි බෞතීස්ම වූ බවත්, උන්වහන්සේ යළි උත්ථාන වූ බවත් ඔවුහු විශ්වාස කරති.
ධර්මිෂ්ඨයන්ගේ හදවත් තුළ සාක්ෂිය ඇත. අපගේ ගැලවීම පිළිබඳ සාක්ෂිය වන්නේ ජලය, රුධිරය හා ආත්මය කරණකොටගෙන පැමිණි යේසුස් වහන්සේ කෙරෙහි අපගේ භක්තිය යි. සාක්ෂිය ඔබ තුළ ඇත. සාක්ෂිය ඔබ තුළම තබා ගැනීමට මම ඔබට උපදෙස් දෙමි. මම ඔබට පවසමි. සාක්ෂියක් නොමැති නම් එය ගැලවීම නොවේ, ගැලවීමේ සාක්ෂිය ඇත්තේ ඔබ තුළ ය.
ධර්මදූත ජොහාන්තුමා පැවසුවේ “දෙවියන් වහන්සේගේ පුත්රයාණන් කෙරෙහි විශ්වාසය තබන්නා තුළම සාක්ෂිය ඇත” (1 යොහන් 5:10) යනුවෙනි. ඒ කුරුසිය මත රුධිරය ගැන පමණක් විශ්වාස කිරීමට සාක්ෂියක් තබා ගැනීමට ද? නැත්නම්, රුධිරය පිළිබඳ නොව ජලය පිළිබඳ විශ්වාස කිරීමට ද? දෙවියන් වහන්සේ විසින් ඔබව හඳුනා ගනු ලැබීමට, ඔබ ඒ ත්රිත්ත්වය ම විශ්වාස කළ යුතුය.
‘ඔබ ගැලවුණු’ බවට යේසුස් වහන්සේ ඔබට සාක්ෂි දරන්නේ එවිට පමණයි. ඔබ කියන්නේ ඔබ එම කරුණු තුනෙන් දෙකක් පමණක් විශ්වාස කරන්නේ නම් ඔබට සාක්ෂිය ලැබෙනු ඇතැයි කියා ද? එය ඔබගේම ආකාරයෙන් දෙවියන් වහන්සේව විශ්වාස කිරීමයි. එය ‘ඔබටම සාක්ෂි දැරීමක්’ වනු ඇත.
මේ හා සමාන කාරණා බොහොමයක් තිබේ. කරුණු තුනෙන් දෙකක් පමණක් විශ්වාස කරන බොහෝ දෙනෙක් ලෝකයේ සිටිති. ඔවුහු ගැලවීම ලබා ඇති බවට ඔවුන් සාක්ෂි දරන අතර, ඔවුන්ගේ මනස අවධාරනය කරන පරිදි ඒ ගැන ග්රන්ථ රචනා කරති. ඔවුන් කෙතරම් චතුර ද! එය එතරම් කලකිරීමට පත් කරන කරුණකි. ඔවුන් තමන්ව හඳුන්වන්නේ ‘ක්රිස්තුධර්ම ප්රචාරකයන්’ යනුවෙනි. ඔවුන් ‘ක්රිස්තුධර්ම ප්රචාරකයන්’ පමණක් නොව ‘ආගමට ලැදි තැනැත්තන්’ බව ඔවුන්ට හැඟේ. ඔවුහු ‘ජලය’ විශ්වාස නොකරන නමුත් ඔවුන්ගේ ගැලවීම ගැන පුරසාරම් දොඩති! ඒවා කෙතරම් තර්කානුකූල ද! එනමුත් ඔවුන්ගේ මනසෙහි දෙවියන් වහන්සේගේ සාක්ෂිය නැත. එය උපකල්පනයක් පමණි.
ඔබට එය ගැලවීම ලෙස හැඳින්විය හැක්කේ කෙසේද? ආත්මය, ජලය හා රුධිරය මඟින් පැමිණි යේසුස් වහන්සේව විශ්වාස කරන අයට පමණක් දෙවියන් වහන්සේගේ හා මනුෂ්යයන්ගේ සාක්ෂිය ඇත.
“5මක්නිසාද අපේ ශුභාරංචිය නුඹලා වෙතට පැමුණුණේ වචනයෙන් පමණක් නොව බලයත් ශුද්ධාත්මයත් බොහෝ නිසැකකම” (1 තෙසලෝනික 1: 5), යැයි ධර්මදූත පාවුලුතුමා පැවසුවේ ය. මිනිසුන් යේසුස් වහන්සේගේ රුධිරය මත පමණක් විශ්වාස කරන විට සාතන් සතුටු වේ. “අහෝ, මෝඩයෙනි, ඔබව මා රවටා ඇත, හහ්-හා!” මිනිසුන් යේසුස් වහන්සේගේ රුධිරයට ප්රශංසා කළ විට, සාතන් පහව යනු ඇතැයි විශ්වාස කරන බොහෝ දෙනෙක් සිටිති. ඔවුන් සිතන්නේ සාතන් කුරුසයට බිය වනු ඇති බවයි. නමුත් සාතන් පෙන්වන්නේ ප්රදර්ශනයක් පමණක් බව ඔබ මතක තබා ගත යුතුයි. අප එයට රැවටිය යුතු නැත.
යක්ෂයෙක් මිනිසෙකු තුළට ගිය විට ඔහු පිස්සු වැටී මුඛය තුළට පෙණ දමයි. එය යක්ෂයාට අපහසු කාර්යයක් නොවේ. මිනිසෙකුට ඕනෑම දෙයක් කිරීමට යක්ෂයාට බලය ඇත. යක්ෂයාට තිබෙන්නේ ඔහුගේ මොළය ටිකක් භාවිතා කිරීමට පමණයි. දෙවියන් වහන්සේ යක්ෂයාට අයකෙු ඝාතනය කිරීමේ බලය හැර අන් සියලු බලයන් ලබා දුන් සේක. යක්ෂයාට යමෙකු ඇස්පන් කොළයක් මෙන් වෙව්ලවනු ලැබීමට, කෑගැසීමට හා මුඛයෙන් පෙණ දමන තත්ත්වයට පත් කිරීමට පුළුවන.
මෙය සිදු වන විට, ඇදහිලිවන්තයන් කෑගසන්නේ, “යේසුස්ගේ නාමයෙන් පලයව්! පලයව්! ” යනුවෙනි.එමෙන්ම, මිනිසා සිහිකල්පනාවෙන් යථා තත්වයට පත් වූ විට, ඔවුන් ඔහුට පවසන්නේ බලය තිබූයේ යේසුස් වහන්සේගේ රුධිරයෙහි බවයි. නමුත් මෙය උන්වහන්සේගේ රුධිරයේ බලය නොවේ. එය යක්ෂයා රඟ දක්වන ‘සංදර්ශනයක්’ පමණි.
උන්වහන්සේගේ බෞතීස්මයෙන් අපව සෝදා පවිත්ර කර, ඔහුගේ රුධිරයත් සමඟ අප වෙනුවෙන් විනිශ්චය ගෙන, තුන්වෙනි දවසේදී නැවත උත්ථාන වූ යේසුස් වහන්සේ කෙරෙහි විශ්වාසය තබන පුද්ගලයන් කෙරෙහි සාතන් හා යක්ෂයා වඩාත් බියෙන් පසු වේ. යේසුස් වහන්සේගේ බෞතීස්මය සහ රුධිරයේ ගැලවීම පිළිබඳ සාක්ෂියක් වටා සිටීමට සාතන්ට නොහැකිය.
ඔබ දන්නා පරිදි, කතෝලික පූජකයන් සමහර විට යාතුකර්මවලට උපස්ථාන කරයි. අපි එය චිත්රපටවල දැක ඇත්තෙමු. ‘ඔමේන්’ චිත්රපටයේ පූජකයෙක් ලී කුරුසියක් ඔසවාගෙන එය සොලවන නමුත්, පූජකයා මිය යයි. ඇතැම් විට, නැවත ඉපදුණු කෙනෙකු මේ ආකාරයෙන් පරාජය නොවනු ඇත.
යළි ඉපදුණු ඇදහිලිවන්තයෙක් යේසුස් වහන්සේගේ රුධිරය හා ජලය ගැන විශ්වාසයෙන් කථා කරයි. යක්ෂයා ඔහුට වධ දීමට උත්සාහ කරන විට, යක්ෂයාගෙන් “යේසුස් මාගේ සියලු පාප ඉවත් කළ බව ඔබ දන්නවා ද?” කියා ඔහු අසයි. එවිට යක්ෂයා පලා යනු ඇත. යක්ෂයා ‘යළි ඉපදුණු පුද්ගලයන්’ වටා සිටීම පිළිකුල් කරයි. ‘යළි ඉපදුණු පුද්ගලයෙකු’ එහි හිඳගත්තේ නම්, යක්ෂයා පැන යාමට උත්සාහ දරනු ඇත. දෙවියන් වහන්සේව විශ්වාස නොකරන අය ඔහුව බොරුකාරයෙකු බවට පත් කරන බව පැවසෙයි. උන් වහන්සේගේ පුත්රයාගේ සාක්ෂිය වන, ජලය හා රුධිරයෙහි සාක්ෂිය ඔවුහු විශ්වාස නොකරති.
දෙවියන් වහන්සේගේ පුත්රයාගේ
සාක්ෂිය කුමක්ද?
උන්වහන්සේගේ බෞතීස්මය, උන්වහන්සේගේ
රුධිරය සහ ආත්මයයි
දෙවියන් වහන්සේගේ පුත්රයාගේ සාක්ෂිය කුමක්ද? එනම්, උන්වහන්සේ ආත්මය කරණකොටගෙන පැමිණ අපගේ පාප ජලයෙන් ඉවත් කළ බවයි. උන්වහන්සේ ලෝකයේ සියලු පාපයන් තමා වෙතට ගෙන, අප සියල්ලන්ම සඳහා කුරුසිය මත රුධිරය වැගිරූ සේක. එය ජලය, රුධිරය හා ආත්මයෙහි ගැලවීම නොවේ ද?
මිනිසුන් දෙවියන් වහන්සේ ඉදිරියේ බොරු කියන්නේ ජලයේ හා රුධිරයේ සැබෑ ශුභාරංචිය, ගැලවීමේ ශුභාරංචිය ඔවුන් විශ්වාස නොකරන බැවිනි. මෙම සැබෑ ශුභාරංචියට හැරුණු කොට, අනෙක් සියල්ලම අසත්යය ය. ඔවුන්ගේ විශ්වාසයන් සාවද්ය ය, ඔවුහු මෙම ව්යාජ ශුභාරංචි නිෂ්ඵල ලෙස ප්රචාරය කරති.
1 යොහන් 1: 5 වෙත නැවත යමු. 11 වන පදය මෙසේ පවසයි, 11ඒ සාක්ෂිය නම් දෙවියන්වහන්සේ අපට සදාකාල ජීවනය දුන් බවය, ඒ ජීවනයද තමන් පුත්රයාණන් තුළ තිබේ. දෙවියන් වහන්සේ අපට සදාකාල ජීවිතය ලබා දී ඇති බවත්, ජීවිතය තිබෙන්නේ එය ලැබෙන පුද්ගලයා තුළ බවත් එය අපට පවසයි. එමෙන්ම, මේ ජීවිතය ඇත්තේ උන්වහන්සේගේ පුත්රයාණන් තුළ ය.
සදාකාල ජීවනය ලබන්නෝ යේසුස් වහන්සේගේ බෞතීස්මය සහ උන්වහන්සේගේ රුධිරය විශ්වාස කිරීමෙන් ගැලවීම ලබන අය වෙති. ගැලවුණු අයට සදාකාලික ජීවනය ලැබෙන අතර, ඔවුහු සදාකල් ජීවත් වෙති. ඔබට සදාකාලික ජීවනය ලැබී තිබේද?
12 වන පදයෙහි, “12පුත්රයාණන්වහන්සේ ඇත්තාට ඒ ජීවනය ඇත; දෙවියන්වහන්සේගේ පුත්රයා නැත්තාට ඒ ජීවනය නැත”. වෙනත් වචනවලින් කිවහොත්, පුත්රයාණන් මිහිපිට කළ දේ, එනම්, උන්වහන්සේ බෞතීස්ම වීම,පසුව කුරුසියේ මිය යාම, උන්වහන්සේගේ උත්ථානය විශ්වාස කරන තැනැත්තාට සදාකාලික ජීවනය හිමි ය. එහෙත් මෙයින් එකක් හෝ අත්හරින තැනැත්තාට ජීවයක් නැත, ගැලවෙන්නේ ද නැත.
ධර්මදූත ජොහාන්තුමන් දෙවියන් වහන්සේගේ පිරිසව වෙන්කොට හඳුනාගත්තේ යේසුස් වහන්සේ කළ දේවල් කෙරෙහි ඔවුන් තබන විශ්වාසය පදනම් කර ගෙන ය: එනම්, ජලය, රුධිරය හා ආත්මය යි. මේ දේවල් අපට පවසන්නේ ඔවුන් තුළ වචනය තිබේද යන්න යි. යේසුස් වහන්සේගේ බෞතීස්මය නම් ජලය, උන්වහන්සේගේ රුධිරය හා ආත්මය පිළිබඳ ඔවුන් තුළ තිබෙන විශ්වාසයෙන් උන්වහන්සේ ගැලවුණු පුද්ගලයන් හඳුනා ගන්නා සේක.
යළි නොඉපදෙන පුද්ගලයන් හට එළුවෙකුගෙන් බැටළුවෙකු පැහැදිලිව හඳුනා ගත නොහැක
ගැලවීමට පත් නොවූවන්ගෙන්
ගැලවීමට පත්වූවන් පැහැදිලිව දැකිය
හැක්කේ කා හට ද?
යළි ඉපදෙන තැනැත්තාටය
ධර්මදූත ජොහාන්තුමා ගැලවුණු ධර්මිෂ්ඨයන් පැහැදිලිව හඳුනාගත්තේය. ධර්මදූත පාවුලුතුමාද එසේ කළේය. දෙවියන් වහන්සේගේ සේවකයන් බැටළුවෙකු හා එළුවෙකු තියුණු ලෙස වෙන්කර හඳුනා ගන්නේ කෙසේද? ඔවුන් දෙවියන් වහන්සේගේ සැබෑ සේවකයන් මවාපෑම් කරන්නන්ගෙන් වෙන් කර හඳුනා ගන්නේ කෙසේද? ජලය සහ යේසුස් වහන්සේගේ රුධිරය විශ්වාස කිරීමෙන් ගැලවීම ලබා ගන්නා අයට වටහා ගැනීමේ බලය ලැබේ.
මිනිසෙකු පාදිලිවරයෙකු, ක්රිස්තුධර්ම ප්රචාරකවරයෙකු හෝ වැඩිහිටියෙකු වූව ද, ඔහුට ගැලවුණු අයව හඳුනාගත නොහැකි නම්, හෝ බැටළුවෙකු හා එළුවෙකු අතර වෙනස හඳුනාගත නොහැකි නම්, ඔහු නැවත ඉපදී නැති අතර, ඔහු තුළ ජීවයක් නැත. එනමුත් සැබවින්ම නැවත ඉපදුණු අයට වෙනස පැහැදිලිව දැකගත හැකිය. තමන් තුළ ජීවයක් නැති අයට වෙනස දැකීමට හෝ එය පිළිගැනීමට නොහැකිය.
එය අපට අන්ධකාරයේ වර්ණ වෙන්කර හඳුනාගත නොහැකි වීමට සමාන ය. හරිත පැහැය හරිත පැහැය වන අතර, ශ්වේත පැහැය ශ්වේත පැහැය වේ. එහෙත්, ඔබ ඔබේ ඇස් වසා ගන්නේ නම්, ඔබට වර්ණ දැකීමට හෝ පිළිගැනීමට නොහැකිය.
නමුත් ඇස් විවර වී ඇති අයට පැහැයේ ඉතා කුඩා වෙනසක් පවා හඳුනාගත හැකිය. කොළ පැහැයෙන් ඇත්තේ කුමක්ද සහ සුදු පැහැයෙන් ඇත්තේ කුමක්දැයි යන්න ඔවුන්ට පැවසිය හැකිය. ඒ හා සමානව, ගැලවුණු අය සහ නොගැලවුණු අය අතර පැහැදිලි වෙනසක් ඇත.
ගැලවීමේ ශුභාරංචිය, ජලයේ, රුධිරයේ හා ආත්මයේ ශුභාරංචිය අපට දේශනා කිරීමට තිබේ. අප නැඟිට බැබළිය යුතුය. සැබෑ ඇදහිල්ල ප්රචාරය කිරීම සඳහා අප අවට සිටින මිනිසුන් එක්රැස් කරන විට, අපි මිනිසාගේ වචන සමඟ කතා නොකරමු. බයිබලයේ 1 ජොහාන් 5 එහි අර්ථය පැහැදිලි කරයි. ව්යාකූලත්වයක් ඇති නොවන පරිදි, අපි එය පියවරෙන් පියවර පැහැදිලි කළ යුතු වන්නෙමු
අප දේශනා කරන වචනය, එනම් ජලයේ, රුධිරයේ සහ යේසුස් වහන්සේගේ ආත්මයේ වචනය, ගැලවීමේ ආලෝකය වේ. යේසුස් වහන්සේගේ ‘ජලය’ මිනිසුන්ට දැනගැනීමට සැලැස්වීම යනු දීප්තිමත්ව බැබළීමකි. යේසුස් වහන්සේගේ ‘රුධිරය’ ප්රසිද්ධියට පත් කිරීම යනු දීප්තිමත් ලෙස බැබළීමකි. මෙම සත්යය නොදන්නා කිසිවෙකු මෙම මිහිපිට නොසිටිනු ඇති පරිදි අප එය ඉතා පැහැදිලිව ප්රකාශ කළ යුතුය.
නැවත ඉපදෙන පුද්ගලයන් පිබිදී බැබළෙන්නේ නැත්නම්, බොහෝ අය ගැලවීමකින් තොරව මිය යනු ඇති අතර, දෙවියන් වහන්සේ ද සතුටු නොවනු ඇත. උන්වහන්සේ අපට අලස සේවකයන් යැයි පවසනු ඇත. අප යේසුස් වහන්සේගේ ජලයේ සහ රුධිරයේ ශුභාරංචිය අනිවාර්යයෙන්ම පතුරුවා හැරීමට තිබේ.
මා බොහෝ වාරයක් පුන පුනා මෙය පැවසීමට හේතුව, අපගේ ගැලවීම ලැබීමට යේසුස් වහන්සේගේ බෞතීස්මය ඉතා වැදගත් වීමයි. අප ළමයින් සමඟ කතා කරන විට, සෑම කරුණක් පිළිබඳවම සලකා බලමින්, නැවත නැවතත් කරුණු පැහැදිලි කළ යුතු අතර, එමඟින් ඔවුන් තේරුම් ගන්නා බව අපට විශ්වාසයි.
අප නූගත් මිනිසෙකුට ඉගැන්වීමට උත්සාහ කරන්නේ නම්, අප මුලින්ම හෝඩියෙන් පටන් ගත යුතුයි. එවිට අපට මෙම හෝඩිය සමඟ වචන ලිවිය යුතු ආකාරය ක්රමයෙන් ඔහුට ඉගැන්විය හැකිය. ඔහුට ‘දඬුවම (punishment)’ වැනි වචන එකතු කිරීමට හැකි වූ විට, අපි මෙම වචනවල තේරුම පැහැදිලි කිරීමට පටන් ගනිමු. මිනිසුන්ට යේසුස් වහන්සේ පිළිබඳ සත්ය වශයෙන්ම වැටහෙන්නේ ද යන්න නිවැරදිවම තහවුරු කර ගැනීමට අපි ඔවුන් සමඟ කතා කළ යුත්තේ මේ ආකාරයටයි.
යේසුස් වහන්සේගේ බෞතීස්මය පිළිබඳව අප පැහැදිලිව කළ යුතුයි. උන්වහන්සේ මෙලොවට පැමිණියේ ජලය, රුධිරය හා ආත්මයෙනි. ඔබගේ ගැලවුම්කරුවා ලෙස ඔබ යේසුස් වහන්සේව විශ්වාස කර ගැලවීම ලබා ගනු ඇතැයි මම යාච්ඤා කරමි.
ජලය හා ආත්මයෙහි ගැලවීම, යේසුස් වහන්සේගේ බෞතීස්මය, කුරුසිය මත ඇති උන්වහන්සේගේ රුධිරය සහ යේසුස් වහන්සේ අපගේ ගැලවුම්කරුවා වන දෙවියන් වහන්සේ ය යන විශ්වාසයෙන් හටගනී.
Copyright © 2021 by The New Life Mission
