- All e-books and audiobooks on The New Life Mission website are free
- Explore multilingual sermons in global languages
- Two new revised editions in English have been released
- Check out our website translated into 27 languages
4 වන විෂයය: දෛනික පාප නිශේධනය
[4-1] බහුල පව්කමා කිරීමේ ශුභාරංචිය (යොහන් 13:1-17)
(යොහන් 13:1-17)
“1පාස්කු මංගල්යයට පළමුවෙන්, යේසුස්වහන්සේ මේ ලෝකයෙන් පිටත්ව පියාණන්වහන්සේ ළඟට යන තමන්ගේ පැය පැමිණි තිබෙන බව දැන, ලෝකයෙහි සිටියාවූ ස්වකීය සෙනඟට ප්රේමයෙන් සිට, අන්තිම දක්වා ඔවුන්ට ප්රේමකළසේක. 2යේසුස්වහන්සේ පාවාදෙන්ට සීමොන්ගේ පුත්රවූ යූදස් ඉස්කාරියොත්ගේ සිත යක්ෂයා විසින් පොළඹවා තිබුණෙන්, 3රාත්රිකෑම කද්දී, උන්වහන්සේ පියාණන්වහන්සේ විසින් තමන්ගේ අත්වලට සියල්ල දී තිබෙන බවද තමන් දෙවියන්වහන්සේ වෙතින් ආ බවද දෙවියන්වහන්සේ ළඟට යන බවද දැන, 4රාත්රිකෑමෙන් නැගිට, උඩ ඇඳුම ගළවා තබා, රෙදිකඩක් රැගෙන ඉඟටියෙහි බැඳගත්සේක. 5ඉන්පසු උන්වහන්සේ භාජනයට වතුර වත්කොට ගෝලයන්ගේ පාද සෝදන්ටත් තමන් ඉඟටියේ බැඳගත් රෙදිකඩින් පිසදමන්ටත් පටන්ගත්සේක. 6උන්වහන්සේ සීමොන් පේත්රැස් ළඟට ආසේක. ඔහු: ස්වාමිනි, ඔබ මාගේ පාද සෝදනසේක්දැයි කීවේය. 7යේසුස්වහන්සේ උත්තරදෙමින්: මම කුමක් කරම්දැයි දැන් නුඹ දන්නේ නැත; නුමුත් පසුව නුඹට තේරෙනවා ඇතැයි ඔහුට කීසේක. 8ඔබවහන්සේට කිසිකලක මාගේ පාද සෝදන්ට නොදෙමියි පේත්රැස් උන්වහන්සේට කීවේය. යේසුස්වහන්සේ උත්තරදෙමින්: මම නුඹ නොසේදුවොත් මා හා සමග පංගුකාරකමක් නුඹට නැතැයි ඔහුට කීසේක. 9සීමොන් පේත්රැස්: ස්වාමිනි, මාගේ පාද පමණක් නොව අත්ද හිසද (සේදුව මැනවයි) උන්වහන්සේට කීවේය. 10යේසුස්වහන්සේද: නෑවාවූ තැනැත්තේ මුළුමනින්ම පවිත්ර බැවින් ඔහුට ඕනෑකරන්නේ පාද සේදීම පමණක්ය. නුඹලා පවිත්රය, නුමුත් සියල්ලෝම නොවේයයි ඔහුට කීසේක. 11නුඹලා සියල්ලෝම පවිත්ර නැතැයි කීවේ උන්වහන්සේ තමන් පාවාදෙන්නා දැනගෙන සිටි හෙයිනි. 12මෙසේ උන්වහන්සේ ඔවුන්ගේ පාද සෝදා තමන් ඇඳුම් ඇඳ නැවත හිඳගත්කල ඔවුන්ට කියනසේක්: මා නුඹලාට කළ දේ කිමෙක්දැයි නුඹලා දන්නහුද? 13ආචාරිනි, ස්වාමිනි කියා නුඹලා මට කියහුය. නුඹලා කියනවා හරිය; මක්නිසාද මම එසේ වෙමි. 14ඉඳින් ස්වාමිද ආචාර්යද වූ මම නුඹලාගේ පාද සේදීම් නම් නුඹලා විසිනුත් එකිනෙකාගේ පාද සේදිය යුතුය. 15මක්නිසාද මා නුඹලාට කළ ලෙස නුඹලාත් කරන පිණිස නුඹලාට ආදර්ශයක් දුනිමි. 16සැබවක් සැබවක් නුඹලාට කියමි-දාසයෙක් තමාගේ ස්වාමියාට වඩා උතුම් නැත; පණිවුඩකාරයෙක්ද තමා යැවූ තැනැත්තාට වඩා උතුම් නැත. 17ඉඳින් මේ දේවල් දන්නාවූ නුඹලා ඒවා කරනවා නම් නුඹලා ආශීර්වාදලද්දෝය”.
“1පාස්කු මංගල්යයට පළමුවෙන්, යේසුස්වහන්සේ මේ ලෝකයෙන් පිටත්ව පියාණන්වහන්සේ ළඟට යන තමන්ගේ පැය පැමිණි තිබෙන බව දැන, ලෝකයෙහි සිටියාවූ ස්වකීය සෙනඟට ප්රේමයෙන් සිට, අන්තිම දක්වා ඔවුන්ට ප්රේමකළසේක. 2යේසුස්වහන්සේ පාවාදෙන්ට සීමොන්ගේ පුත්රවූ යූදස් ඉස්කාරියොත්ගේ සිත යක්ෂයා විසින් පොළඹවා තිබුණෙන්, 3රාත්රිකෑම කද්දී, උන්වහන්සේ පියාණන්වහන්සේ විසින් තමන්ගේ අත්වලට සියල්ල දී තිබෙන බවද තමන් දෙවියන්වහන්සේ වෙතින් ආ බවද දෙවියන්වහන්සේ ළඟට යන බවද දැන, 4රාත්රිකෑමෙන් නැගිට, උඩ ඇඳුම ගළවා තබා, රෙදිකඩක් රැගෙන ඉඟටියෙහි බැඳගත්සේක. 5ඉන්පසු උන්වහන්සේ භාජනයට වතුර වත්කොට ගෝලයන්ගේ පාද සෝදන්ටත් තමන් ඉඟටියේ බැඳගත් රෙදිකඩින් පිසදමන්ටත් පටන්ගත්සේක. 6උන්වහන්සේ සීමොන් පේත්රැස් ළඟට ආසේක. ඔහු: ස්වාමිනි, ඔබ මාගේ පාද සෝදනසේක්දැයි කීවේය. 7යේසුස්වහන්සේ උත්තරදෙමින්: මම කුමක් කරම්දැයි දැන් නුඹ දන්නේ නැත; නුමුත් පසුව නුඹට තේරෙනවා ඇතැයි ඔහුට කීසේක. 8ඔබවහන්සේට කිසිකලක මාගේ පාද සෝදන්ට නොදෙමියි පේත්රැස් උන්වහන්සේට කීවේය. යේසුස්වහන්සේ උත්තරදෙමින්: මම නුඹ නොසේදුවොත් මා හා සමග පංගුකාරකමක් නුඹට නැතැයි ඔහුට කීසේක. 9සීමොන් පේත්රැස්: ස්වාමිනි, මාගේ පාද පමණක් නොව අත්ද හිසද (සේදුව මැනවයි) උන්වහන්සේට කීවේය. 10යේසුස්වහන්සේද: නෑවාවූ තැනැත්තේ මුළුමනින්ම පවිත්ර බැවින් ඔහුට ඕනෑකරන්නේ පාද සේදීම පමණක්ය. නුඹලා පවිත්රය, නුමුත් සියල්ලෝම නොවේයයි ඔහුට කීසේක. 11නුඹලා සියල්ලෝම පවිත්ර නැතැයි කීවේ උන්වහන්සේ තමන් පාවාදෙන්නා දැනගෙන සිටි හෙයිනි. 12මෙසේ උන්වහන්සේ ඔවුන්ගේ පාද සෝදා තමන් ඇඳුම් ඇඳ නැවත හිඳගත්කල ඔවුන්ට කියනසේක්: මා නුඹලාට කළ දේ කිමෙක්දැයි නුඹලා දන්නහුද? 13ආචාරිනි, ස්වාමිනි කියා නුඹලා මට කියහුය. නුඹලා කියනවා හරිය; මක්නිසාද මම එසේ වෙමි. 14ඉඳින් ස්වාමිද ආචාර්යද වූ මම නුඹලාගේ පාද සේදීම් නම් නුඹලා විසිනුත් එකිනෙකාගේ පාද සේදිය යුතුය. 15මක්නිසාද මා නුඹලාට කළ ලෙස නුඹලාත් කරන පිණිස නුඹලාට ආදර්ශයක් දුනිමි. 16සැබවක් සැබවක් නුඹලාට කියමි-දාසයෙක් තමාගේ ස්වාමියාට වඩා උතුම් නැත; පණිවුඩකාරයෙක්ද තමා යැවූ තැනැත්තාට වඩා උතුම් නැත. 17ඉඳින් මේ දේවල් දන්නාවූ නුඹලා ඒවා කරනවා නම් නුඹලා ආශීර්වාදලද්දෝය”.
පාස්කු මංගල්යයට පෙර දින යේසුස් පේතෘස්ගේ පාද සේදුවේ ඇයි? ඔහුගේ පාද සේදීමට මොහොතකට පෙර, “ඔබට දැන් නොවැටහෙයි,නමුත් ඔබ මෙයින් පසුව දැන ගනු ඇත” යැයි යේසුස් වහන්සේ පැවසූ සේක. යේසුස් වහන්සේගේ ශ්රාවකයන්ගෙන් හොඳම තැනැත්තා පේතෘස් විය. යේසුස් වහන්සේ දෙවියන් වහන්සේගේ පුත්රයා යැයි විශ්වාස කළ ඔහු, යේසුස් වහන්සේ ක්රිස්තුස් වහන්සේම බවට සාක්ෂි දැරුවේය. යේසුස් වහන්සේ ඔහුගේ පාද සෝදාගෙන සිටින විට, එසේ කිරීමට හොඳ හේතුවක් තිබෙන්නට ඇත. යේසුස් වහන්සේ ක්රිස්තුස් වහන්සේ බවට තමා විශ්වාස කළ බව පේතෘස් පාපොච්චාරණය කළ විට, එයින් අදහස් කළේ යේසුස් වහන්සේ තමන්ව සියලු පාපවලින් ගලවා ගනු ඇති ගැලවුම්කරුවා වන බවය.
යේසුස් වහන්සේ කුරුසිපත්වීමට
පෙරාතුව උන්වහන්සේගේ
ගෝලයන්ගේ පාද සේදුවේ ඇයි?
උන්වහන්සේට තමන් වහන්සේ පරිපූර්ණ ගැලවීම
දානය කළ බව තේරුම්ගැනීම
අවශ්ය කළ නිසාය.
දානය කළ බව තේරුම්ගැනීම
අවශ්ය කළ නිසාය.
උන්වහන්සේ පේතෘස්ගේ පාද සේදුවේ ඇයි? පේතෘස් ඉක්මනින් තෙවරක් උන්වහන්සේව ප්රතික්ෂේප කරන බවත්, අනාගතයේදී ඔහු දිගටම පාප කරන බවත් යේසුස් වහන්සේ දැන සිටි සේක.
යේසුස් වහන්සේ ස්වර්ගයට ගිය පසු, පේතෘස්ගේ සිතේ යම් පාපයක් ඉතිරිව තිබුනේ නම්, ඔහුට යේසුස් වහන්සේ සමඟ එක්වීමට නොහැකි වනු ඇත. එනමුත් යේසුස් වහන්සේ තම ශ්රාවකයන්ගේ සියලු දුර්වලකම් දැන සිටි අතර, ඔවුන්ගේ පාප උන්වහන්සේ සහ උන්වහන්සේගේ ශ්රාවකයන් අතරට පැමිණීමට උන්වහන්සේ කැමති නොවූ සේක. එබැවින්, ඔවුන්ගේ සියලු අසාධාරණතාවන් ඒ වන විටත් සෝදා ඉවත් වී ඇති බව ඔවුනට ඉගැන්වීමට උන්වහන්සේට අවශ්ය විය. උන් වහන්සේ සිය ශ්රාවකයන්ගේ පාද සේදීමට හේතුව වූයේ එයයි. යේසුස් වහන්සේ මියයෑමට හා ඔවුන් හැර යාමට පෙර, ඔවුන් උන්වහන්සේගේ බෞතීස්මය පිළිබඳ ශුභාරංචිය මත ස්ථිරව සිටිනු ඇති බවටත්, ඔවුන්ගේ ජීවිත කාලය පුරාම කළ සියලු පාපයන් සම්පූර්ණයෙන් සමනය කිරීමටත් වගබලා ගැනීමට උන්වහන්සේට අවශ්ය විය.
යොහන් 13 හි යේසුස් වහන්සේ තම ශ්රාවකයන් උදෙසා ඉටු කළ පරිපූර්ණ ගැලවීම පිළිබඳ කතා කෙරේ. ඔවුන්ගේ පාද සෝදන අතරතුර, යේසුස් වහන්සේ තම බෞතීස්මය පිළිබඳ ශුභාරංචියේ ප්රඥාව ගැන ඔවුන්ට පැවසූ සේක. එමඟින් සියලු මිනිසුන්ට ඔවුන් සිදු කළ වැරදි සෝදා හැර ගත හැකි වනු ඇත.
“අනාගතයෙහි යක්ෂයාට නොරැවටෙන්න. යොර්දාන් නදියේ දී බෞතීස්ම වීමෙන් ඔබගේ සියලු පාප මම ඉවත් කර ඇත්තෙමි. මම ඒ සඳහා කුරුසයේ දී විනිශ්චය ගත යුතුය. එවිට, මම මළවුන්ගෙන් උත්ථාන වී, ඔබ සැම උදෙසා නැවත ඉපදීමේ ගැලවීම සම්පූර්ණ කරමි. ඔබගේ අනාගත පාප පවා මම දැනටමත් සෝදා දමා ඇති බව ඔබට ඉගැන්වීමට, පාප සමා කිරීමේ මුල් ශුභාරංචිය ඔබට ඉගැන්වීමට, මා කුරුසිපත් වීමට පෙර ඔබේ පාද සෝදන්නෙමි. යළි ඉපදීමේ ශුභාරංචියේ රහස මෙයයි. එහෙයින්, ඔබ සැවොම එසේ විශ්වාස කළ යුතුයි. ”
යේසුස් වහන්සේ ගෝලයන්ගේ පාද සේදීමට හේතුව අප සැවොම තේරුම් ගත යුතු අතර, “මා කරන්නේ කුමක්දැයි ඔබට දැන් වැටහෙන්නේ නැත, නමුත් ඔබ මෙයින් පසුව දැන ගනු ඇත” යනුවෙන් උන්වහන්සේ පැවසීමට හේතුව දැනගත යුතුය. නැවත ඉපදීමේ ශුභාරංචිය විශ්වාස කර, නැවත අප විසින්ම උපත ලැබිය හැක්කේ එවිට පමණි.
යොහන් 13:12 හි උන්වහන්සේ පැවසූ සේක
වැරදි මොනවාද?
එනම්, අපගේ දුර්වලකම හේතුවෙන් අප
දිනපතා සිදු කරන පාපයන් ය.
යේසුස් වහන්සේ කුරුසියේ මියයෑමට ප්රථම, තමන් වහන්සේගේ ශ්රාවකයන් සමඟ උන්වහන්සේ පාස්කු මංගල්යය පැවැත්වූ අතර, තමන් වහන්සේගේ ම දෑතින් ඔවුන්ගේ පාද සේදීමෙන් පාප සමාව පිළිබඳ ශුභාරංචිය ඔවුනට ඒත්තු ගැන්වූ සේක.
“3රාත්රිකෑම කද්දී, උන්වහන්සේ පියාණන්වහන්සේ විසින් තමන්ගේ අත්වලට සියල්ල දී තිබෙන බවද තමන් දෙවියන්වහන්සේ වෙතින් ආ බවද දෙවියන්වහන්සේ ළඟට යන බවද දැන, 4රාත්රිකෑමෙන් නැගිට, උඩ ඇඳුම ගළවා තබා, රෙදිකඩක් රැගෙන ඉඟටියෙහි බැඳගත්සේක. 5ඉන්පසු උන්වහන්සේ භාජනයට වතුර වත්කොට ගෝලයන්ගේ පාද සෝදන්ටත් තමන් ඉඟටියේ බැඳගත් රෙදිකඩින් පිසදමන්ටත් පටන්ගත්සේක. 6උන්වහන්සේ සීමොන් පේත්රැස් ළඟට ආසේක. ඔහු: ස්වාමිනි, ඔබ මාගේ පාද සෝදනසේක්දැයි කීවේය. 7යේසුස්වහන්සේ උත්තරදෙමින්: මම කුමක් කරම්දැයි දැන් නුඹ දන්නේ නැත; නුමුත් පසුව නුඹට තේරෙනවා ඇතැයි ඔහුට කීසේක.” (යොහන් 13:3-7).
උන්වහන්සේගේ බෞතීස්මයෙහි ජලය ඔස්සේ බෞතීස්මය පිළිබඳ ශුභාරංචිය සහ පාපවලට සමා කිරීම පිළිබඳ උන්වහන්සේ සිය ශ්රාවකයන් හට ඉගැන්වූ සේක.
ඒ අවස්ථාවේදී, යේසුස් වහන්සේට විශ්වාසවන්තව සිටි පේතෘස්ට ස්වාමීන් වන යේසුස් වහන්සේ තම පාද සේදීමට හේතුව තේරුම් ගැනීමට නොහැකි විය. යේසුස් වහන්සේ තමා වෙනුවෙන් කළ දේ පේතෘස් සැබවින්ම තේරුම්ගත් පසු, ඔහු යේසුස් වහන්සේව විශ්වාස කළ ආකාරය වෙනස් වුණි. පාප සමාව ගැන, බෞතීස්මය නම් ජලයේ ශුභාරංචිය ගැන ඔහුට ඉගැන්වීමට යේසුස් වහන්සේට අවශ්ය විය.
පේතෘස්ගේ සියලු අනාගත පාප හේතුවෙන්, වෙනත් වචනවලින් කිවහොත්, අනාගතයේදී ඔහුගේ මාංශයෙහි පාප හේතුවෙන්, උන්වහන්සේ වෙත ඔහුට පැමිණීමට නොහැකි වනු ඇතැයි උන්වහන්සේ බිය වූ සේක. යක්ෂයාට ශ්රාවකයන්ගේ ඇදහිලි උදුරා ගැනීමට නොහැකි වන පරිදි, යේසුස් ඔවුන්ගේ පාද සේදූ සේක. පසු කාලීන එසේ කළේ මන්ද යන්නට හේතූන් වටහා ගත්තේය.
උන්වහන්සේගේ බෞතීස්මයේ ජලය හා රුධිරය කෙරෙහි විශ්වාස කරන ඕනෑම කෙනෙකුට ඔහුගේ පාපවලින් සඳහටම ගලවා ගත හැකි වන පරිදි යේසුස් වහන්සේ මාර්ගය සූදානම් කළ සේක.
යොහන් 13 හි, ඔහුගේ ශ්රාවකයන්ගේ පාද සෝදන අතරතුර, ඔහු කතා කළ වචන සටහන් කර ඇත. ඒවා ඉතා වැදගත් වචන වන අතර, නැවත ඉපදුණු අයට පමණක් සැබවින්ම තේරුම් ගත හැකිය.
පාස්කු මංගල්යයෙන් පසු යේසුස් වහන්සේ තම ශ්රාවකයන්ගේ පාද සේදීමට හේතුව, ඔවුන්ගේ ජීවිත කාලය පුරාම ඔවුන් සිදු කළ පාප සියල්ලම උන්වහන්සේ දැනටමත් සෝදා දමා ඇති බව ඔවුනට තේරුම් ගැනීමට උපකාර කිරීමයි. ජේසුස් වහන්සේ කතා කොට, `` මම ඔබේ පාද සෝදා ගන්නේ මන්දැයි ඔබට දැන් වැටහෙන්නේ නැත, නමුත් ඔබ මෙයින් පසුව දැනගනු ඇත. ` යැයි යේසුස් වහන්සේ පේතෘස්ට පැවසූ මෙම වචනවල උන්වහන්සේ තුළ තිබූ සදාකාලික ගැලවීමේ සත්යය අඩංගු විය.
අපගේ සියලු පාප සහ අසාධාරණතාවන් සෝදා දැමූ යේසුස් වහන්සේගේ බෞතීස්මය අපි සැවොම දැන ගත යුතු අතර, විශ්වාස කළ යුතු වන්නෙමු. යොර්දාන්හිදී යේසුස් වහන්සේගේ බෞතීස්මය වූයේ අත් තැබීමෙන් පාප අතිනත යැවීමේ ශුභාරංචියයි. අප සියල්ලන්ම යේසුස් වහන්සේගේ වචන විශ්වාස කළ යුතුය. උන්වහන්සේගේ බෞතීස්මය තුළින් උන්වහන්සේ ලෝකයේ සියලු පාප ඉවත් කර, විනිශ්චයට ලක් වී, කුරුසිපත් වීමෙන් පාප සමාව අත්පත් කර ගත් සේක. යේසුස් වහන්සේ බෞතීස්ම වූයේ සියලු මිනිසුන්ගේ පාපවලින් ඔවුන්ව ගලවා ගැනීමටය.
යේසුස් වහන්සේගේ බෞතීස්මය සහ රුධිරය සමඟ අපගේ ජීවිත කාලය පුරා සිදු කළ වැරදි ඉවත් කිරීම සැපිරිණි
ධාර්මිෂ්ඨබාවයට එරෙහිව
යක්ෂයාගේ ‘උගුල’ වූයේ කුමක්ද?
ධර්මිෂ්ඨ පුද්ගලයන් යළිත් පාපිෂ්ඨයන් බවට පත්
කිරීම පිණිස, ඔවුන් රැවටීමට
යක්ෂයා උත්සාහ දරයි.
යේසුස් වහන්සේ කුරුසිපත් වී, නැවත පණ ලබා, ස්වර්ගයට ගිය පසු යක්ෂයා සහ අසත්ය ඇදහිල්ල ප්රචාරය කරන්නන් පැමිණ ශ්රාවකයන් රවටා ගැනීමට උත්සාහ කරන බව යේසුස් වහන්සේ හොඳින් දැන සිටි සේක. “ඔබ ජීවමාන දෙවියන් වහන්සේගේ පුත්රයාණන් වන ක්රිස්තුස් වහන්සේ” යැයි පේතෘස්ගේ සාක්ෂියෙන් ඔහු ක්රිස්තුස් වහන්සේ කෙරෙහි විශ්වාසය තැබූ බව අපට පෙනී යයි. එහෙත්, යේසුස් වහන්සේට වුවමනා වූයේ පාප සමාව පිළිබඳ ශුභාරංචිය මතකයේ තබා ගැනීමට පේතෘස්ට නැවත වරක් මතක් කිරීමට ය. එම ශුභාරංචිය වූයේ ලෝකයේ සියලු පාප ඉවත් කළ යේසුස් වහන්සේගේ බෞතීස්මයයි. පේතෘස්ට, ශ්රාවකයන්ට හා පසුව පැමිණෙන අපට පවා එය නැවත වරක් ඉගැන්වීමට උන්වහන්සේ හට අවශ්ය විය. "මම කරන්නේ කුමක්දැයි ඔබට දැන් තේරෙන්නේ නැත, නමුත් ඔබ මෙයින් පසුව දැන ගනු ඇත."
යේසුස් වහන්සේගේ ශ්රාවකයන් පාප සිදු කළ සෑම අවස්ථාවකදීම යක්ෂයා ඔවුන්ව පොළඹවා, “බලන්න! ඔබ තවමත් පාප කරන්නේ නම්, ඔබ පාපයෙන් තොර යැයි පවසන්නේ කෙසේද? ඔබ ගැලවී නැත. ඔබ හුදෙක් පව්කාරයෙකි. ” යැයි හෙළා දකිනු ඇත. ඒ ආකාරයේ ආදර්ශයෙන් පෙළඹවීම වැලැක්වීම සඳහා, යේසුස් වහන්සේගේ බෞතීස්මය කෙරෙහි ඔවුන්ගේ ඇදහිල්ල විසින් ඔවුන්ගේ ජීවිත කාලය පුරාම, එනම්, අතීත, වර්තමාන හා අනාගත පාප සියල්ලම සෝදා දමනු ලැබ ඇති බව උන්වහන්සේ ඔවුනට පැවසූ සේක .
“මම බෞතීස්ම වූ බව ඔබ සැවොම දන්නෙහි ය! මා යෝර්දානයේ බෞතීස්ම වීමට හේතුව වූයේ ඔබගේ ජීවිත කාලය පුරාම කළ සියලු පාප මෙන්ම, මනුෂ්ය වර්ගයාගේ මුල් පාපය ද සේදීම යි. මා බෞතීස්ම වූයේ මන්ද කියාත්, කුරුසිපත් වීමට සිදුවූයේ මන්දැයි කියාත් ඔබට දැන් තේරුම් ගත හැකිද? ” උන්වහන්සේගේ බෞතීස්මවීමෙන් උන් වහන්සේ ඔවුන්ගේ දෛනික සියලු පාප ඉවත් කර ඇති බවත්, කුරුසියේ දී ඔවුන් උදෙසා විනිශ්චයට ලක් වන බවත් පෙන්වීමට යේසුස් වහන්සේ සිය ශ්රාවකයන්ගේ පාද සේදූ සේක.
අපගේ සියලු පාපවල සමා කිරීම ලබා ගැනීමට හැකියාව ලබා දෙන, යේසුස් වහන්සේගේ බෞතීස්මය හා රුධිරය පිළිබඳ ශුභාරංචිය කෙරෙහි අපගේ ඇදහිල්ලෙන් දැන් ඔබත් මමත් අපගේ සියලු පාපවලින් ගැලවුණෙමු. යේසුස් වහන්සේ බෞතීස්ම වී කුරුසිපත් වූයේ අප උදෙසා ය. උන්වහන්සේ තමන්වහන්සේගේ බෞතීස්මයෙන් හා රුධිරයෙන් අපගේ සියලු පාප සෝදා හැරිය සේක. පාප සමා කිරීමේ ශුභාරංචිය ගැන දන්නා සහ එය විශ්වාස කරන සේම, සත්යය විශ්වාස කරන ඕනෑම අයෙකු ඔහුගේ / ඇයගේ සියලු පාපවලින් ගැලවීම ලබා ගනී.
ගැලවීම ලැබීමෙන් පසු නැවත ඉපදුණු පුද්ගලයන් කළ යුත්තේ කුමක්ද? ඔවුන් දිනපතාම ඔවුන්ගේ පාප පිළිගත යුතු අතර, පාප සමා කිරීමේ ශුභාරංචිය වන, යේසුස් වහන්සේගේ බෞතීස්මය හා රුධිරයේ ගැලවීම කෙරෙහි විශ්වාස කළ යුතුය. නැවත ඉපදුණු අප අපගේ මනසෙහි ගැඹුරින් කාවද්දා ගත යුතු කරුණ වන්නේ පාප සමා කිරීමේ ශුභාරංචිය යි.
ඔබ නැවත පාප කළ පමණින්, ඔබ නැවත පාපිෂ්ඨයෙකු බව එයින් අදහස් වන්නේ ද? නැත. යේසුස් වහන්සේ අපගේ සියලු පාප ඉවත් කළ බව දැන දැනත්, අප නැවත පාපිෂ්ඨයන් බවට පත් වන්නේ කෙසේද? යේසුස් වහන්සේගේ බෞතීස්මය සහ කුරුසියේ උන්වහන්සේගේ රුධිරය අපගේ සියලු පාපවලට සමාව ලබාගැනීමේ ශුභාරංචිය විය. පාප සමාව පිළිබඳ මෙම මුල් ශුභාරංචිය විශ්වාස කරන ඕනෑම පුද්ගලයෙකුට ‘ධර්මිෂ්ඨ පුද්ගලයෙකු’ ලෙස, ව්යතිරේකයකින් තොරව නැවත ඉපදිය හැකිය.
ධර්මිෂ්ඨයන් හට යළි කිසිදාක පාපිෂ්ඨයන් බවට පත් විය නොහැකිය
ධර්මිෂ්ඨයන් හට යළි කිසිදාක
පාපිෂ්ඨයන් බවට පත් විය
නොහැක්කේ මන්ද?
මන්ද යත්, යේසුස් වහන්සේ ඔවුන් ජීවිත කාලය
පුරා සිදු කළ පාපවලට දැනටමත් සමා
කොට ඇති හෙයිනි.
ජලය සහ ආත්මයෙහි පාප සමා කිරීම පිළිබඳ ශුභාරංචිය ඔබ විශ්වාස කරන්නේ නම්, නමුත් ඔබගේ එදිනෙදා වැරදි නිසා ඔබට තවමත් පාපිෂ්ඨයෙකු යැයි හැඟේ නම්, යේසුස් වහන්සේ ඔබගේ සියලු පාප භාර ගැනීමට බෞතීස්ම වූ යොර්දාන් වෙත ඔබ යා යුතුය. ඔබ පාප සමාව ලැබීමෙන් පසු නැවත පාපිෂ්ඨයෙකු බවට පත් වූයේ නම්, යේසුස් වහන්සේට නැවත වරක් බෞතීස්ම වන්නට සිදු වනු ඇත. යේසුස් වහන්සේගේ බෞතීස්මය පිළිබඳ ශුභාරංචිය තුළ ඔබගේ පාප සමා කිරීම කෙරෙහි විශ්වාසයක් තිබිය යුතුය. යේසුස් වහන්සේ උන්වහන්සේගේ බෞතීස්මය තුළින් ඔබගේ සියලු පාප එකවරම ඉවත් කළ බව ඔබ මතක තබා ගත යුතුය. ඔබගේ ගැලවුම්කරුවා ලෙස යේසුස් ක්රිස්තුස් වහන්සේ කෙරෙහි නොසැලෙන විශ්වාසයක් ඔබට තිබිය යුතුය.
ඔබගේ ගැලවුම්කරුවා ලෙස යේසුස් වහන්සේව විශ්වාස කිරීම යන්නෙන් අදහස් කරන්නේ ඔබ ඔබේ ජීවිත කාලය පුරාම කළ පාප ඉවත් කළ යේසුස් වහන්සේගේ බෞතීස්මය විශ්වාස කරන බවයි. උන්වහන්සේගේ බෞතීස්මය, කුරුසය, මරණය සහ යේසුස් වහන්සේගේ උත්ථානය පිළිබඳව ඔබ සැබවින්ම විශ්වාස කරන්නේ නම්, ඔබ කුමන ආකාරයේ පාපයක් කළ ද, ඔබට නැවත කිසි දිනෙක පාපිෂ්ඨයෙකු විය නොහැකිය. ඇදහිල්ල කරණකොටගෙන ඔබේ මුළු ජීවිතයේම සියලු පාපවලින් ඔබව ගලවා ගනු ලැබ ඇත.
යේසුස් ක්රිස්තුස් අනාගතයේ පාප මෙන්ම, අපගේ දුර්වලකම්වලින් අප කරන පාප ද සෝදා හැරිය සේක. බෞතීස්මයේ වැදගත්කම යේසුස් වහන්සේට අවධාරණය කිරීමට සිදු වූ හෙයින්, පාප සමා කිරීමේ ශුභාරංචිය වන උන්වහන්සේගේ බෞතීස්මය සංකේතවත් කිරීම සඳහා උන්වහන්සේගේ ශ්රාවකයන්ගේ පාද ජලයෙන් සේදූ සේක. ලෝකයේ සියලු පාපවලට අති බහුල සමා කිරීමක් ලබා දෙන බවට දෙවියන් වහන්සේ දුන් පොරොන්දුව ඉටු කිරීමට සහ සියලු මනුෂ්ය වර්ගයා ගලවා ගැනීමට යේසුස් ක්රිස්තුස් වහන්සේ බෞතීස්ම වූ සේක, කුරුසිපත් වූ සේක, යළි උත්ථාන වී, ස්වර්ගයට නැඟි සේක. එහි ප්රතිඵලයක් වශයෙන්, පාප සමා කිරීම, යේසුස් වහන්සේගේ බෞතීස්මය, කුරුසය සහ යළි උත්ථාන වීම පිළිබඳ ශුභාරංචිය ඔවුන්ගේ ජීවිතවල අවසානය දක්වා දේශනා කිරීමට උන්වහන්සේගේ ශ්රාවකයන්ට හැකි විය.
පේතෘස්ගේ මාංශයෙහි දුර්වලතාව
පේතෘස් යේසුස් වහන්සේව
ප්රතික්ෂේප කළේ මන්ද?
මන්ද යත්, ඔහු දුර්වල වූ හෙයිනි.
උත්තම පූජකයා වූ කායෆස්ගේ සේවකයන්ගේ අභියෝගයට ලක් වූ පේතෘස්ට යේසුස් වහන්සේගේ අනුගාමිකයන් අතරින් අයෙකු කියා චෝදනා කළ විට ඔහු එය දෙවරක් ප්රතික්ෂේප කරමින්, “නැහැ, මම ඒ මිනිසා දන්නේ නැහැ” යැයි කියූ බව බයිබලය පවසයි. ඉන්පසු ඔහු ශාප කර තුන්වන වරටත් දිවුරුම් දී එයම පැවසූවේය.
මතෙව් 26:29හි ඡේදය අපි දැන් කියවමු.“ 69පේත්රැස් පිටත මළුවෙහි හිඳගෙන උන්නේය. යෞවනියක් ඔහු ළඟට ඇවිත්: නුඹත් ගලීලයාවූ යේසුස් සමග සිටියෙහියයි කීවාය. 70නැත, නුඹ කියන දේ නොදනිමියි ඔහු සියල්ලන් ඉදිරියේ කීවේය. 71ඔහු පිටතට දොරටුව ළඟට ගිය කල, තව තැනැත්තියක් ඔහු දැක: මොහුත් නාසරිය යේසුස් සමග සිටියේයයි එතන සිටියවුන්ට කීවාය. 72ඔහු නැවතත්: මා ඒ මනුෂ්යයා අඳුනන්නේ නැතැයි දිවුරමින් කීවේය. 73ස්වල්ප වේලාවකට පසු එතැන සිටි අය ඇවිත්: සැබෑවටම නුඹත් ඔවුන්ගෙන් එක්කෙනෙක්ය; ඒ බව නුඹේ කථාවෙන්ම ප්රකාශයයි පේත්රැස්ට කීවෝය. 74එවිට ඔහු: ඒ මනුෂ්යයා නාඳුනමියි කියා දෙස්තිබාගන්ටද දිවුරන්ටද පටන්ගත්තේය. එකෙණෙහිම කුකුළා හඬලීය. 75කුකුළා හඬලන්ට පළමුවෙන් නුඹ මා අඳුනන්නේ නැත කියා තුන්වරක් කියනවා ඇතැයි යේසුස්වහන්සේ කී වචනය පේත්රැස් සිහිකොට, පිටතට ගොස් බලවත් දුකින් හැඬුවේය” (මතෙව් 26:69-75).
පේතෘස් සැබවින්ම යේසුස් වහන්සේව විශ්වාස කළ අතර, උන්වහන්සේව විශ්වසනීයව අනුගමනය කළේය. ස්වාමීන් වන යේසුස් වහන්සේ තම ගැලවුම්කරුවා බවත්, ‘අනාගත ශාස්තෘවරයා’ වන්නේ උන්වහන්සේ වන බවත් ඔහු විශ්වාස කළේය. එනමුත් යේසුස් වහන්සේව කායෆස්ගේ අධිකරණය වෙත ගෙන ගිය විට, යේසුස් වහන්සේ සමඟ ඇති ඔහුගේ සම්බන්ධය බලධාරීන්ට හෙළි කිරීම භයානක වූ හෙයින්, ඔහු එය ප්රතික්ෂේප කර ඔවුන් ඉදිරියේ උන්වහන්සේට ශාප කළේය.
තමා යේසුස් වහන්සේව ප්රතික්ෂේප කරනු ඇති බව පේතෘස් දැන නොසිටි නමුත්, ඔහු එසේ කරනු ඇති බව යේසුස් වහන්සේ දැන සිටි සේක. පේතෘස්ගේ දුර්වලකම යේසුස් වහන්සේ හොඳින් දැන සිටි සේක. එබැවින්, යේසුස් වහන්සේ පේතෘස්ගේ පාද සෝදා, “ඔබ අනාගතයේදී පාප කරනු ඇත, නමුත් මම දැනටමත් ඔබගේ අනාගත පාප සියල්ලම සෝදා ඉවත් කර ඇත්තෙමි.”, යොහන් 13 හි ලියා ඇති පරිදි, ගැලවීමේ ශුභාරංචිය ඔහුගේ මතකයේ කැටයම් කළ සේක.
තම ජීවිතය අනතුරේ තිබෙන විට පේතෘස් නිසැකවම යේසුස් වහන්සේව ප්රතික්ෂේප කළේය. එනමුත් එසේ සිදු වූයේ ඔහුගේ මාංසයේ දුර්වලකම හේතුවෙන් ඔහුට මෙය කිරීමට වූ හෙයිනි. එබැවින්, තම ශ්රාවකයන් ඔවුන්ගේ අනාගත සියලු අයුතුකම්වලින් ගලවා ගැනීම සඳහා, යේසුස් වහන්සේ ඔවුන්ගේ පාද කල්තියා සෝදා හළ සේක.
“මම ඔබගේ සියලු අනාගත පාප ද සමා කරමි. මා බෞතීස්ම වී ඔබගේ සියලු පාප ඉවත් කළ හෙයින් මා කුරුසිපත් විය යුතු අතර, ඔබ සැම උදෙසා සැබෑ ගැලවුම්කරුවා වීමට මම ඔවුන් සියල්ලන්ටම මාගෙන් වන්දි ගෙවන්නෙමි. මම ඔබේ දෙවියන් වහන්සේ වෙමි, ඔබේ ගැලවුම්කාරයා වෙමි. ඔබගේ සියලු පාපවලට මම සම්පූර්ණ වන්දි ගෙවන්නෙමි. එමෙන්ම, මාගේ බෞතීස්මය හා රුධිරය තුළින් මම ඔබේ මඟ පෙන්වන්නා වන්නෙමි. මම ඔබගේ ගැලවීමේ මඟ පෙන්වන්නා වෙමි. ”
මෙම සත්යය ඔවුන්ගේ හදවත් තුළ ස්ථිර ලෙස රෝපණය කිරීම සඳහා, පාස්කු මංගල්යයෙහි භෝජන සංග්රහයට පෙර යේසුස් වහන්සේ ඔවුන්ගේ පාද සේදූ සේක. මෙය ශුභාරංචියේ සත්යයයි.
මන්ද යත්, නැවත ඉපදුණු පසුවත් අපගේ මාංසය දුර්වල බැවින් අපි නැවත පාප කරන්නෙමු. ඇත්ත වශයෙන්ම, අප පාප නොකළ යුතුය, නමුත් පේතෘස් මෙන් අපද දැඩි අර්බුදයන්ට මුහුණ දෙන විට, අප එසේ කිරීමට සැබවින්ම අදහස් නොකර, පාප කිරීමට පෙළඹේ. අපි මාංසයේ ජීවත් වෙමු, එබැවින් ඇතැම් විට අපගේ පාපවලින් අපව විනාශයට කරා ගෙන යනු ලැබේ. අප මේ ලෞකික ලෝකයේ ජීවත් වන තාක් කල් මාංසය පාප කරනු ඇත, නමුත් යේසුස් වහන්සේ එම සියලු පාපයන් උන්වහන්සේගේ බෞතීස්මයෙන් හා රුධිරයෙන් කුරුසය මත රුධිරයෙන් සමා කළ සේක.
යේසුස් වහන්සේ අපගේ ගැලවුම්කරුවා බව අපි ප්රතික්ෂේප නොකරමු, නමුත් අප මාංශයේ ජීවත් වන විට, අපි දිගටම දෙවියන් වහන්සේගේ කැමැත්තට එරෙහිව පාප කරන්නෙමු. ඒ අප මාංශයෙන් උපත ලද හෙයිනි.
මාංසයේ ජීවත්ව සිටියදී අප පාප කරන බව යේසුස් වහන්සේ හොඳින් දැන සිටි සේක. එබැවින් උන්වහන්සේ අපගේ ගැලවුම්කරුවා බවට පත්වූයේ උන්වහන්සේගේ බෞතීස්මයෙන් හා රුධිරයෙන් අපගේ පාපවලට වන්දි ගෙවීමෙනි. උන්වහන්සේගේ ගැලවීම හා යළි උත්ථානය වීම විශ්වාස කරන සියලුදෙනාගේ පාපයන් උන්වහන්සේ ඉවත් කර ඇත.
ශුභාරංචි සතරම ආරම්භ වන්නේ ස්නාවක ජොහාන්තුමා විසින් සිදු කරන ලද යේසුස් වහන්සේගේ බෞතීස්ම වීමෙන් වන්නේ එබැවිනි. උන්වහන්සේගේ මිනිස් ජීවිතයේ අරමුණ වූයේ නැවත ඉපදීමේ ශුභාරංචිය, ගැලවීමේ ශුභාරංචිය ඉටු කිරීමයි.
අප මාංශයේ කොපමණ
කලක් පාප කරන්නේ ද?
අපි මිය යන දින දක්වා මුළු ජීවිත
කාලයේ දී ම පාප සිදු
කරන්නෙමු.
කුකුළා හැඬලීමට පෙර පේතෘස් උන්වහන්සේව එක් වරක් හෝ දෙවරක් නොව තෙවතාවක් ප්රතික්ෂේප කළ විට, එය උන්වහන්සේගේ හදවත කෙලෙස බිඳ දමන්නට ඇති ද! උන්වහන්සේට කොතරම් ලැජ්ජාවක් දැනෙන්නට ඇති ද? ඔහු කිසි දිනෙක යේසුස් වහන්සේව පාවා නොදෙන බවට උන්වහන්සේ ඉදිරියේ දිවුරුම් දී තිබේ. ඔහුගේ මාංසයේ දුර්වලකම නිසා ඔහු පාප කළ නමුත්, ඔහුගේ දුර්වලතාවයට ගොදුරු වී, යේසුස් වහන්සේව එක් වරක් පමණක් නොව තුන් වරක් ප්රතික්ෂේප කළ විට ඔහුට කොතරම් කාලකණ්ණි හැඟීමක් ඇති වන්නට ඇති ද? යේසුස් වහන්සේ නැවත වරක් අනුකම්පාවෙන් ඔහු දෙස බැලූ විට ඔහුට කොතරම් ලැජ්ජාවක් දැනෙන්නට ඇතිද?
එනමුත් යේසුස් මේ සියල්ල සහ තවත් බොහෝ දේ දැන සිටි සේක. එමනිසා, “ඔබ නැවත නැවතත් පාප කරන බව මම දනිමි. නමුත් මාගේ බෞතීස්මයෙන් මම ඒ සියලු පාපයන් දැනටමත් ඉවත් කර ඇත්තෙමි. ඔබේ පාප ඔබ පැකිලී ඔබව නැවත පාපිෂ්ඨයෙකු බවට පත් නොකරනු ඇත. එවිට ඔබට මා වෙත නැවත පැමිණීමට නොහැකි වනු ඇත. බෞතීස්ම වී ඔබගේ සියලු පාප උදෙසා විනිශ්චයට නතු වීමෙන් මම ඔබ වෙනුවෙන් සම්පූර්ණ ගැලවුම්කරුවා බවට පත්ව සිටිමි. මම ඔබේ දෙවියන් වහන්සේ, ඔබේ මඟපෙන්වන්නා බවට පත් වී සිටිමි. ඔබේ පාප සමාව පිළිබඳ ශුභාරංචිය විශ්වාස කරන්න. ඔබ දිගින් දිගටම මාංසයේ පාප කළත් මම ඔබට දිගටම ප්රේම කරමි. මම දැනටමත් ඔබේ සියලු අයුක්තීන් සෝදා ඉවත් කර ඇත්තෙමි. පාප සමාව පිළිබඳ ශුභාරංචිය සදහටම ක්රියාත්මක වේ. ඔබ කෙරෙහි මාගේ ප්රේමය ද සදාකාලික ය. ” යැයි උන්වහන්සේ පැවසූ සේක.
“මම ඔබේ පාද නොසේදුවහොත්, ඔබට මා සමඟ කිසිම සම්බන්ධයක් නැත.” යැයි යේසුස් වහන්සේ පේතෘස්ට හා ශ්රාවකයන්ට පැවසූ සේක. යොහන් 13 හි මෙම ශුභාරංචිය ගැන උන් වහන්සේ කථා කිරීමට හේතුව වූයේ මිනිසුන්ට නැවත ජලයෙන් හා ආත්මයෙන් ඉපදීම වැදගත් වීමයි. ඔබ මෙය විශ්වාස කරනවාද?
නව වෙනි පදයෙහි, “9සීමොන් පේත්රැස්: ස්වාමිනි, මාගේ පාද පමණක් නොව අත්ද හිසද (සේදුව මැනවයි) උන්වහන්සේට කීවේය.”
හිතවත් මිත්රවරුනි, ඔබ අනාගතයේදී ‘මාංසයේ’ පාප සිදු කරනු ඇති ද, නොමැති ද? ඔබ නියත වශයෙන්ම එසේ කරනු ඇත. එනමුත් යේසුස් වහන්සේ පැවසුවේ අනාගතයේ පාපයන් සහ අපගේ මාංසයේ සියලු අයුක්තීන් පවා බෞතීස්මයෙන් හා රුධිරයෙන් උන්වහන්සේ සෝදා දමා ඇති බවත්, උන්වහන්සේ කුරුසිපත් කරනු ලැබීමට පෙර, සමා කිරීමේ ශුභාරංචිය පිළිබඳ සත්ය වචනය උන්වහන්සේ සිය ශ්රාවකයන්ට පැහැදිලිව පැවසූ බවත් ය.
අපගේ සියලු දුර්වලකම් සමඟ අප අපගේ මාංසයේ ජීවත් වන හෙයින්, අපට පාප සිදු කරන්නට විනා කළ හැකි වෙනත් යමක් නොමැත. යේසුස් වහන්සේ තමන් වහන්සේගේ බෞතීස්මයෙන් ලෝකයේ සියලු පාප සෝදා හළ සේක. ඔහු අපගේ හිස සහ සිරුරු සේදීම පමණක් නොව, අපගේ පාද ද, එනම් අනාගතයේ අපගේ සියලු පාපද සෝදා ඇත. යේසුස් වහන්සේගේ බෞතීස්මයෙහි නැවත ඉපදීමේ ශුභාරංචිය මෙයයි.
යේසුස් වහන්සේ බෞතීස්ම වූ පසු ස්නාවක ජොහාන්තුමා, “මේ බලන්න! ලෝකයේ පාපය දුරු කරන දෙවියන් වහන්සේගේ බැටළුපැටවාණෝ! ” (යොහන් 1:29) යැයි සාක්ෂි දැරුවේය. උන්වහන්සේගේ බෞතීස්මයේදී යේසුස් වහන්සේ වෙත ලෝකයේ සියලු පාප යැවීමෙන් , ඒවා සෝදා ඉවත් වූ බව අප විශ්වාස කළ යුතුය.
මේ පාපකාරී ලෝකයේ ජීවත් වන අපට පාපය හැර අන් කිසිවක් කළ නොහැකිය. එය ප්රත්යක්ෂ කරුණකි. අපගේ මාංශයෙහි දුර්වලතා මතුවන සෑම අවස්ථාවකදීම, යේසුස් වහන්සේ අපගේ සියලු පාප සහ ලෝකයේ සියලු පාපයන් සමා කිරීම පිළිබඳ වූ ශුභාරංචිය මගින් සෝදා හැර, උන්වහන්සේගේ රුධිරයෙන් ඒවාට වන්දි ගෙවූ බව අපට මතක් කර දිය යුතුය. අපගේ මුළු හදවතින්ම අප උන්වහන්සේ හට ස්තුති කළ යුතුය. යේසුස් වහන්සේ අපගේ ගැලවුම්කරුවා සහ දෙවියන් වහන්සේ බව ඇදහිල්ලෙන් අපි පාපොච්චාරණය කරමු. සමිඳාණන් වහන්සේට ප්රශංසා කෙරෙත්වා.
මේ ලෝකයේ සෑම කෙනෙකුටම මාංසය සමඟ පාප කිරීම සිදු නොකර සිටීමට නොහැකි ය. මිනිසුන් දිගින් දිගටම ඔවුන්ගේ මාංසය සමඟ පාප කරන අතර, ඔවුන්ගේ ජීවිත කාලය පුරාම පාප කරති.
මිනිසුන්ගේ හදවත් තුළ තිබෙන අකුසල සිතුවිලි
පුද්ගලයෙකුව කෙළෙසන්නේ
මොනවායින්ද?
විවිධ වර්ගයේ පාප සහ අයහපත්
සිතුවිලිවලිනි
මතෙව් 15:19-20 හි යේසුස් වහන්සේ මෙලෙස පවසන සේක. “මක්නිසාද යත්, නපුරු සිතුවිලි, මිනීමැරුම්, පරදාර සේවනය, වේශ්යාකම, සොරකම්, බොරු සාක්ෂි, අපහාස හදවතින් උපදියි. මේවා මිනිසෙකු කෙලෙසන නමුත් නොසේදූ දෑතින් ආහාර ගැනීම මිනිසෙකු කෙලෙසන්නේ නැත. ” මන්දයත්, පුද්ගලයෙකුගේ හදවතෙහි තිබෙන විවිධාකාරයේ පාප ඔහු/ ඇයව කෙලෙසන බැවින්, ඔහු/ ඇය අපවිත්ර වන බැවිනි.
පුද්ගලයෙකුට ඔහුගේ/ඇයගේ ස්වකීය වරදකාරී ස්වභාවය හඳුනා ගැනීමට සිදු වේ
සෑම පුද්ගලයෙකුගේම හදවතේ
ඇත්තේ කුමක්ද?
දොළොස් ආකාර පාපයයි
(මාක් 7:21-23)
“එම දොළොස් ආකාර පාපය මිනිසුන්ගේ හදවත් තුළ තිබේ. ඒ සියල්ල මගේ හදවතේ තිබේ. බයිබලයෙහි ලියා ඇති පාප වර්ග දොළහ මා තුළ තිබේ. ” යනුවෙන් අපට පැවසීමට හැකි විය යුතුය. අප නැවත ජලයෙන් හා ආත්මයෙන් ඉපදීමට පෙර, පාප මුලින්ම අපගේ හදවත් තුළ ඇති බව පිළිගත යුතුය. අප දෙවියන් වහන්සේ ඉදිරියෙහි සම්පූර්ණ පාපිෂ්ඨයන් බව පිළිගත යුතුය, නමුත් අපි බොහෝ විට එසේ නොකරමු. අපගෙන් බොහෝ දෙනෙක් අපගේ පාප ගැන නිදහසට කරුණු කියමින්, “මගේ සිතේ ඒ සිතුවිලි කවදාවත් නොතිබුණි, මා මොහොතකට නොමඟ ගොස් ඇත.” යැයි පවසති.
නමුත් යේසුස් වහන්සේ මිනිසුන් ගැන පැවසුවේ කුමක්ද? පුද්ගලයෙකුගේ හදවතෙන් පිටවන දේ ඔහු / ඇය ‘කෙලෙසන’ බව උන්වහන්සේ පැහැදිලිව ප්රකාශ කළ සේක. උන්වහන්සේ අපට පැවසුවේ මිනිසුන් තුළ නපුරු සිතුවිලි ඇති බවයි. ඔබ සිතන්නේ කුමක් ද? ඔබ යහපත් ද අයහපත් ද? සෑම කෙනෙකුටම දුෂ්ඨ සිතුවිලි ඇති බව ඔබ දන්නවාද? ඔව්, සෑම පුද්ගලයෙකුගේම සිතුවිලි දුෂ්ඨ ය.
මීට වසර කිහිපයකට පෙර, සෝල් හි විශාල දෙපාර්තමේන්තු ගබඩාවක් හදිසියේම කඩා වැටුණි. තම ආදරණීයයන් අහිමි වූ පවුල් දැඩි කණස්සල්ලට පත්ව සිටියද, බොහෝ අය එහි ගියේ ඛේදජනක දර්ශනය නැරඹමින් වින්දනයක් ලැබීමට ය.
සමහරු සිතුවේ, “කී දෙනෙක් මිය ගියා ද? 200 ක්? නැත, එය ඉතා කුඩා සංඛ්යාවක්. 300 ක්? ඇතැම් විට? හොඳයි, මියගිය අයගේ සංඛ්යාව අවම වශයෙන් දහසක් වත් තිබුනේ නම් එය වඩාත් සිත්ගන්නාසුළු හා දර්ශනීය වන්නට තිබුණා .... ”මිනිසුන්ගේ හදවත් ඒ තරම්ම දුෂ්ඨ විය හැකිය. අප එය පිළිගත යුතුයි. මළවුන්ට එය කොතරම් අගෞරවයක් වන්නට ඇති ද! එය පවුල්වලට කෙතරම් විනාශකාරී වන්නට ඇති ද! ඇතැම්හු මූල්යමය වශයෙන් විනාශයට පත් වූහ.
සමහර ප්රේක්ෂකයින් එතරම් අනුකම්පාශීලී නොවූහ. “තවත් බොහෝ දෙනෙකු මිය ගියා නම් එය වඩාත් රසවත් වනු ඇත! මොන තරම් දර්ශනයක්ද! මිනිසුන්ගෙන් පිරුණු බෝල්පාක් එකකදීත් එවැනිම දෙයක් සිදුවුවහොත් කුමක් සිදු වනු ඇති ද? දහස් ගණනක් සුන්බුන් යට වැළලෙනු ඇත, එසේ නොවේ ද?අපොයි, ඔව්! ඇත්තෙන්ම එය මීට වඩා රසවත් වනු ඇත! ” ඇතැම් විට සමහරුන්ට මෙවන් සිතුවිලි පහළ වන්නට ඇති. මෝටර් රථ අනතුරු සම්බන්ධයෙන් ද එම සංසිද්ධියම ඇසීමට හැකි ය. කුතුහලයෙන් පිරි ප්රේක්ෂකයෝ සුළු අනතුරකින් කලකිරීමට පත් වීමට හුරු වී සිටිති.
සමහර විට අප කෙතරම් දුෂ්ඨ විය හැකිදැයි අපි කවුරුත් දනිමු. ඇත්ත වශයෙන්ම, අපි කිසි විටෙකත් එවැනි දුෂ්ඨ සිතුවිලි ශබ්ද නඟා නොකියමු. අපි අහම්බෙන් හදිසි අනතුරක් දෙස බැලූ විට අපගේ දිව ක්ලික් කර අපගේ අනුකම්පාව ප්රකාශ කරනු ඇත, නමුත් රහසින්, අපගේ හදවත් තුළ, එය වඩාත් දර්ශනීය වීමට අපි ආශාවෙන් සිටිමු. අපගේ ඇල්මට පටහැනි නොවන තාක් කල්, දහස් ගණනක් මිනිසුන් ඝාතනය වන, භයානක ඛේදවාචකයන් දැකීමට අපට අවශ්යය. මිනිසුන්ගේ හදවත් ක්රියා කරන ආකාරය මෙයයි. අපෙන් බොහෝ දෙනෙකු යළි ඉපදීමට පෙර මෙවැන්නන්ය.
සෑම පුද්ගලයෙකුගේම හදවතෙහි තිබෙන මිනීමැරුම
ඇයි අප පාප කරන්නේ?
මන්ද යත්, අපගේ හදවත් තුළ අයහපත්
සිතුවිලි ඇති බැවිනි
සෑම පුද්ගලයෙකුගේම හදවත් තුළ මිනීමැරුමක් තිබෙන බව දෙවියන් වහන්සේ අපට පැවසූ සේක. නමුත් බොහෝ දෙනෙක් දෙවියන් වහන්සේ ඉදිරියෙහි එය ප්රතික්ෂේප කරනු ඇත්තේ මෙලෙස පවසමිනි, “ඔබ එසේ පවසන්නේ කෙසේද? මගේ හදවතේ කිසිදු මිනීමරු සිතුවිලි නොමැත! මා එවැනි පුද්ගලයෙකු ලෙස පවා ඔබ සලකන්නේ කෙසේද! ” ඔවුන්ගේ හදවතේ මිනීමැරුමක් ඇති බව ඔවුන් කිසි විටෙකත් පිළිනොගනු ඇත. ඔවුන් සිතන්නේ මිනීමරුවන් ඔවුන්ගෙන් වෙනස් ප්රභේදයක් බවයි.
“පසුගිය දිනක ප්රවෘත්තිවල පළ වූ කාණ්ඩ වශයෙන් ඝාතන සිදු කළ ඝාතකයා, මිනිසුන්ව ඔවුන්ගේ බිම් මහලේ ඝාතනය කර පුළුස්සා දැමූ මැරයන් යනු ඔවුන්ගේ හදවත් තුළ මිනීමැරුම් තිබෙන තැනැත්තෝ ය! ඔවුන් වෙනස් වර්ගයට අයත් ය. මට කවදාවත් ඔවුන් මෙන් වීමට නොහැකිය! ඔවුන් වංචනිකයන් ය! මිනීමරුවන් ය! ” ඔවුහු අපරාධකරුවන් සමඟ කෝපයට පත් වී මෙලෙස කෑගසති, “දුෂ්ඨ බීජවලින් උපන් අය මේ පොළොවෙන් අතුගා දැමිය යුතුයි! ඔවුන් සියල්ලන්ටම මරණීය දණ්ඩනය ලබා දිය යුතුයි. ”
එහෙත් අවාසනාවකට මෙන්, මිනීමරුවෙකුගේ සිතුවිල්ල එම කෝපාවිෂ්ඨ මිනිසුන්ගේ හදවත් තුළ මෙන්ම, අනුක්රමික ඝාතකයින්ගේ සහ මිනීමරුවන්ගේ හදවත් තුළ පවතී. දෙවියන් වහන්සේ අපට පවසන්නේ සියලු මිනිසුන්ගේ හදවත් තුළ මිනීමරුවෙකු ඇති බවයි. අපගේ මනස තුළ සැඟවී ඇති දේවල් පවා දකින දෙවියන් වහන්සේගේ වචනය අප පිළිගත යුතුය. මේ අනුව, “මම මගේ හදවතේ මිනීමැරුමක් සහිත පාපිෂ්ඨයෙකු” යැයි අපට පිළිගැනීමට සිදු වේ.
ඔව්, දෙවියන් වහන්සේ අපට පැවසුවේ මිනීමැරීම ඇතුළු දුෂ්ඨ සිතුවිලි සියලු මිනිසුන්ගේ හදවත් තුළ ඇති බවයි. අපි දේවවචනය පිළිගනිමු. මානව පරම්පරාව වඩාත් වීමත් සමඟ, සියලු ආකාරයේ පෞද්ගලික ආරක්ෂණ උපකරණ මිනීමැරීමේ මෙවලම් බවට පත්වේ. මෙය අපගේ හදවත් තුළ ඇති මිනීමැරීමේ ප්රතිඵලයකි. ඔබට කෝපයෙන් හෝ බියෙන් යුත් ගැස්මකින් මිනීමැරීමට හැකිය. අප සැමදෙනා සත්ය වශයෙන්ම අන් අයව මරනු ඇතැයි මම නොපවසමි, එනමුත් අපි ඒ පිළිබඳ අපේ හදවත් තුළ සිතන්නෙමු.
අප සියලු දෙනා උපත ලබන්නේ අපගේ හදවත් තුළ දුෂ්ඨ සිතුවිලි ඇතිවය. ඇතැමුන් සත්ය වශයෙන් මිනීමැරුම් සිදු කිරීමට යොමු වන්නේ ඔවුන් විශේෂයෙන් මිනීමරුවන් ලෙස ඉපදුණු හෙයින් නොව, අප සියල්ලන්ම මිනීමරුවන් වීමට හැකියාව ඇති හෙයිනි. දෙවියන් වහන්සේ අපට පවසන්නේ අපගේ හදවත් තුළ දුෂ්ඨ සිතුවිලි සහ මිනීමැරුම් ඇති බවයි. එය සත්යය වේ. අප කිසිවෙකු මෙම සත්යයට ව්යතිරේකය නොවේ.
එබැවින්, අප ගත යුතු නිවැරදි මාර්ගය වන්නේ දෙවියන් වහන්සේගේ වචනය පිළිගෙන ඊට අවනත වීමයි. අප මෙලොව පාප සිදු කරන්නේ අපගේ හදවත් තුළ දුෂ්ඨ සිතුවිලි ඇති බැවිනි.
අපගේ හදවත් තුළ තිබෙන කාමමිථ්යාචාරය
සෑම පුද්ගලයෙකුගේම හදවතේ පරදාර සේවනය පවතින බව දෙවියන් පවසයි. ඔබ ඊට එකඟ වෙනවාද? ඔබේ හදවතේ කාමමිථ්යාචාරය ඇති බව ඔබ පිළිගන්නවාද? ඔව්, මේ සෑම පුද්ගලයෙකුගේම හදවතේ කාමමිථ්යාචාරය තිබේ.
ගණිකා වෘත්තිය සහ වෙනත් ලිංගික අපරාධ අපේ සමාජයේ සමෘධිමත් වන්නේ එබැවිනි. එය මානව ඉතිහාසයේ සෑම කාල පරිච්ඡේදයකදී ම මුදල් ඉපයීමේ ස්ථිරම ක්රමයකි. වෙනත් ව්යාපාර ආර්ථික අවපාතයෙන් පීඩා විඳින්නට පුළුවන, නමුත් මෙම අධම ව්යාපාරවලට එතරම් පීඩා නොවිඳියි, මන්ද යත්, සෑම පුද්ගලයෙකුගේම හදවතේ කාමමිථ්යාචාරය වාසය කරයි.
පාපිෂ්ඨයන්ගේ විපාකය වන්නේ පාපයයි
මානවයෙකු සැසඳෙන්නේ
කුමකට ද?
පාපයේ විපාක පමණක් ඵල දරන
වෘක්ෂයටය
ඇපල් ගස් ඇපල්, පෙයාර්ස් ගස් පෙයාර්ස්, රටඉඳි ගස් රටඉඳි සහ සිමන් ගස් සිමන් ඵල දරන සේම, අපගේ හදවත් තුළ පාප වර්ග 12 ක් සමඟ උපත ලබන අපට පාපයේ ඵල දැරීමට නොහැකිය.
පුද්ගලයෙකුගේ හදවතෙන් පිටවන දේ ඔහු / ඇය කෙලෙසන බව යේසුස් වහන්සේ පවසන සේක. ඔබ එකඟ වන්නේ ද? අපට කළ හැක්කේ යේසුස් වහන්සේගේ වචනවලට එකඟ වී “ඔව්, අපි පාපිෂ්ඨයන්ගේ, දුෂ්ටයන්ගේ පැටවුන්. ඔව්, ඔබ නිවැරදියි ස්වාමීනි.” යැයි පැවසීම පමණි. ඔව්, අපගේ නපුර අප පිළිගත යුතුය. දෙවියන් වහන්සේ ඉදිරියේ සත්යය අප විසින්ම පිළිගත යුතුය.
යේසුස් ක්රිස්තුස් වහන්සේ දෙවියන් වහන්සේගේ කැමැත්තට කීකරු වූවා සේම, අප දේවවචනය පිළිගෙන උන් වහන්සේට අවනත විය යුතුය. ජලය හා ආත්මය කරණකොටගෙන අපගේ සියලු පාපවලින් අපව ගලවා ගත හැකි එකම ක්රමය වන්නේ එයයි. මේවා දෙවියන් වහන්සේගෙන් ලද ත්යාගයන් ය.
මගේ රට සුන්දර සෘතු හතරකින් ආශීර්වාද ලද්දකි. ඍතු ක්රමයෙන් පහළ වන විට විවිධ වර්ගයේ ගස් ඒවායේ ඵල දරයි. එලෙසම, අපගේ හදවත් තුළ ඇති පාප දොළොස අපව අල්ලාගෙන නිරන්තරයෙන් අපව පාපයට යොමු කරයි. අද, එය අපගේ හදවතේ ග්රහණයක් ඇති මිනීමැරුමක් විය හැකි අතර, හෙට එය පරදාර සේවනය විය හැකිය.
ඉන්පසු, මීළඟ දිනයේ දුෂ්ඨ සිතුවිලි, පසුව වේශ්යාකම, සොරකම, සාවද්ය සාක්ෂිය ... සහ යනාදිය. අපි අවුරුද්ද පුරා, සෑම මසකම, සෑම දිනකම, සෑම පැයකදී ම පාප කරන්නෙමු. අප යම් ආකාරයක පාපයක් නොකර එක් දවසක් හෝ ගත නොවේ. අප පාප සිදු නොකරන බවට නොකඩවා දිවුරන නමුත්, අප මේ ආකාරයෙන් ඉපදුන හෙයින් අපට එය සැපිරිය නොහැකි ය.
ඇපල් ගසක් එයට අවශ්ය නැති නිසා ඇපල් ගෙඩි ඵල දැරීම ප්රතික්ෂේප කරන බව ඔබ දැක තිබේද? “මට ඇපල් ඵල දැරීමට අවශ්ය නැත!” පළතුර දැරීම ප්රතික්ෂේප කිරීමට එය සිත යොමු කළත්, එය ඇපල් ඵල දරා නොගන්නේ කෙසේද? වසන්තයේ දී මල් නොවැළැක්විය හැකි ලෙස පිපෙන අතර ගිම්හානයේදී ඇපල් වැඩී ඉදෙනු ඇති අතර, සරත් සමයේ දී පලතුර අහුලා ආහාරයට ගැනීමට සූදානම් ව තිබෙනු ඇත.
එය සොබාදහමේ සැපයීම වන අතර, පාපිෂ්ඨයන්ගේ ජීවිතය ද සොබාදහමේ එකම නීතිය අනුගමනය කළ යුතුය. පාපිෂ්ඨයන්ට පාපයේ ඵල දැරීම විනා, කළ හැකි අන් යමක් නොමැත.
‘යේසුස් වහන්සේගේ බෞතීස්මය සහ කුරුසය’ වූයේ අපගේ පාප සමා කිරීම පිණිසය
යේසුස් වහන්සේගේ පාප සමාකිරීම
යන්නෙන් අදහස් වන්නේ
කුමක්ද?
එනම්, යේසුස් වහන්සේගේ බෞතීස්මය (අත් තැබීම)
සහ කුරුසය මත උන්වහන්සේගේ රුධිරය
මඟින් කුලිය ගෙවීමය.
පාපිෂ්ඨයන්ට, දුෂ්ටයන්ගේ පැටවුන්ට, දෙවියන් වහන්සේ ඉදිරියෙහි ඔවුන්ගේ පාපවලට සමාව ලබා ගෙන, ඔවුන්ගේ ජීවිත සතුටින් ගත කළ හැකි වන්නේ කෙසේදැයි දැන ගැනීමට අපි බයිබලයෙන් කොටසක් දැන් කියවමු. පාපවලට සමාව ලබාගැනීමේ ශුභාරංචිය මෙයයි.
“27පොදු සෙනඟගෙන් කිසිවෙක් නොකටයුතුයයි ස්වාමීන්වහන්සේ අණකළ දේවලින් යමක් නොදැනුවත්ව කිරීමෙන් වැරදිකාරයෙක් වී නම්, 28ඔහු තමා කළ පාපය ඔහු දැනගත්තොත් තමා කළාවූ පාපය නිසා එළුවන්ගෙන් කැලල් නැති ගෑනු සතෙකු ඔහුගේ පූජාව පිණිස ගෙනා යුතුය. 29ඔහු තමාගේ අත පාප පූජාවේ හිස පිට තබා දවන පූජාවේ ස්ථානයෙහි පාප පූජාවේ සතා මරාවා. 30පූජකයාද උගේ ලෙයින් මඳක් තමාගේ ඇඟිල්ලට ගෙන දවන පූජාසනයේ අං පිට ගා උගේ ලේ සියල්ල පූජාසනය මුල වත්කෙරේවා. 31ශාන්ති පූජාවලින් තෙල ගත්තාක් මෙන් උගේ තෙල සියල්ල ගෙනවුත් එය ස්වාමීන්වහන්සේට මිහිරි සුවඳක් කොට පූජාසනය පිට දැවිය යුතුය. මෙසේ පූජකයා ඔහු උදෙසා සමගිකම් කරන්නේය, ඔහුද ක්ෂමාකරනු ලබන්නේය” (ලෙවී කථාව 4:27-31). යැයි 4 වන ලෙවීකතාවෙහි පවසා තිබේ.
පරණ ගිවිසුම සමයෙහි දිනවල ජනයා ඔවුන්ගේ පාපවලට සමාව ලබාගත්තේ කෙසේද? ඔවුහු පළමුව පාප පූජාවේ හිස මත ඔවුන්ගේ අත් තබා, ඔවුන්ගේ පාප ඒ මතට ගෙන ගියහ.
“2නුඹ ඉශ්රායෙල් පුත්රයන්ට කථාකරමින් මෙසේ කියාපන්නැයි කීසේක-නුඹලාගෙන් යම් මනුෂ්යයෙක් ස්වාමීන්වහන්සේට පූජාවක් ඔප්පුකරන කල සිව්පාවුන්ගෙන් එනම් ගව රැළෙන්ද එළු බැටළු රැළෙන්ද නුඹලාගේ පූජාව ඔප්පුකරපල්ලා. 3ඉදින් ඔහුගේ පූජාව ගව රැළෙන් වූ දවන පූජාවක් නම්, ඔහු කැලල් නැති පිරිමි සතෙකු ඔප්පුකළ යුතුය. ස්වාමීන්වහන්සේ ඉදිරියෙහි පිළිගනු ලබන පිණිස ඔහු ඌ සම්මුඛවීමේ කූඩාරමේ දොරකඩදී ඔප්පුකළ යුතුය. 4ඔහු තමාගේ අත දවන පූජා සතාගේ ඉස පිට තබාවා. එය ඔහු උදෙසා සමගිකම් කිරීමට ඔහු නිසා පිළිගනු ලබන්නේය.” (ලෙවී කථාව 1:2-4)., යැයි ලෙවීකථාවෙහි ලිය වී ඇත.
එම යුගයේ පුද්ගලයෙකු තම හදවතේ පාපය හඳුනාගත් විට, පාපයට සමාව ලබා ගැනීම සඳහා භාවිතා කළ හැකි පාප පූජා සූදානම් කිරීමට ඔහුට සිදු විය. තමා කළ පාපයන් එය මතට පැවරීමට පාප පූජාවේ හිස මත ‘ඔහුගේ අත තැබීමට’ ඔහුට සිදු විය. ශුද්ධ වූ දේවස්ථානයේ මළුව ඇතුළෙහි දැවුණු පූජාවෙහි පූජාසනය තිබිණි. එය පෙට්ටි හැඩැති, ධර්මාසනයට වඩා මඳක් විශාල වූ අතර, සෑම අස්සක් මුල්ලක් නෑරම අං තිබිණි. ඉශ්රායෙල් ජනයා ඔවුන්ගේ පාපවලට සමාව ලබාගත්තේ පාප පූජාවේ හිස මතට ඔවුන්ගේ පාප බාර කරමින් සහ එහි මාංශ දැවුණු පූජාවේ පූජාසනය මත තබා පුළුස්සා දමමිනි.
දෙවියන් වහන්සේ ලෙවී කථාවෙහි මිනිසුන්ට “තමාගේ නිදහස් කැමැත්තෙන් මණ්ඩපයේ දේවස්ථාන මළුවේ දොරටුව අසලදී සමිඳාණන් වහන්සේ ඉදිරියෙහි එය පූජා කරන්න” යැයි පැවසූ සේක. ඔවුන්ගේ අත් පාප පූජාවේ හිස මත තැබූ විට ඔවුන්ගේ පාප පූජාව වෙතට ගෙන යනු ලැබූ අතර, පසුව පාපිෂ්ඨයා පූජාවේ උගුරු දණ්ඩ කපා දමා, එහි රුධිරය දවන පූජාසනයේ අං මත තබනු ඇත.
ඉන්පසු, පූජාවේ සිරුර එහි අභ්යන්තර අවයවවලින් පිරිසිදු කර, එහි මාංශ කැබලිවලට කපා අළු වන තෙක් දවන පූජාසනය මත පුළුස්සනු ලැබේ. පසුව, ඔවුන්ගේ පාපලට සමාව ලබාගැනීම සඳහා මාංශවල මිහිරි සුවඳ දෙවියන් වහන්සේට පූජා කෙරිණි. ඔවුන්ගේ දෛනික පාපවලට ඔවුන් සමාව ලබා දුන්නේ මේ ආකාරයෙනි.
ඔවුන්ගේ වාර්ෂික පාප වෙනුවෙන් දෙවියන් වහන්සේ තවත් පාප සමාවකට ඉඩ දුන් සේක. එය දෛනික පාප සඳහා සමා කිරීමේ පූජාවට වඩා වෙනස් විය. මේ අවස්ථාවේ දී, උත්තම පූජකයා පමණක් සියලු ඊශ්රායල් ජනයා වෙනුවෙන් පාප පූජාවට අත තැබූ අතර, ඔහු දයාවේ ආසනයට නැඟෙනහිර දෙසින් ඒ මත හත් වරක් රුධිරය ඉසුවේය. එසේම, සජීවී එළුවාගේ හිස මත අත් තැබීම සෑම වසරකම හත්වන මාසයේ දහවන දින ඊශ්රායල් ජනතාව ඉදිරියේ සිදු කෙරිණි (ලෙවී කථාව 16: 5-27).
පැරණි තෙස්තමේන්තුවේ පාප පූජාව
සංකේතවත් කරන්නේ කවුරුන් ද?
යේසුස් ක්රිස්තුස් වහන්සේ
දැන්, නව තෙස්තමේන්තුවෙහි පූජා ක්රමය වෙනස් වූයේ කෙසේද සහ දෙවියන් වහන්සේගේ සදාකාලික ප්රඥප්තිය වසර ගණනාවක් තිස්සේ අඛණ්ඩව පැවතුණේ කෙසේදැයි අපි දැන් සොයා බලමු.
යේසුස් වහන්සේට කුරුසයේ මිය යන්නට සිදු වූයේ ඇයි? දෙවියන් වහන්සේ තම පුත්රයාට කුරුසයේ මිය යාමට ඉඩ හැරීමට තරම් මේ පොළොවෙහි යේසුස් වහන්සේ සිදු කළ වැරැද්ද කුමක්ද? කුරුසයේ මියයෑමට උන්වහන්සේට බල කළේ කවුද? අප සියලුදෙනා යනුවෙන් අර්ථවත් වන ලෝකයේ සියලු පාපිෂ්ඨයන් පාපයට වැටී ඇති විට, යේසුස් වහන්සේ මේ ලෝකයට පැමිණියේ අපව ගලවා ගැනීමටය.
ස්නාවක යොහාන්තුමා විසින් යොර්දාන් ගඟේදී උන්වහන්සේව බෞතීස්ම කරන ලද අතර, මනුෂ්ය වර්ගයා වෙනුවෙන් සියලු පාප සඳහා කුරුසයේ දී දඬුවම ලබා ගත් සේක. යේසුස් වහන්සේ බෞතීස්ම වූ ආකාරය හා උන් වහන්සේ කුරුසයේ රුධිරය වැගිර වූ ආකාරය පැරණි තෙස්තමේන්තුවේ පාප සමා කිරීමේ පූජාව, පාප පූජාවට අත තැබීම හා එහි රුධිරය වැගිරීම හා සමාන විය.
පැරණි තෙස්තමේන්තුවේ එය සිදු කර ඇති ආකාරය මෙය විය. පාපිෂ්ඨයෙක් පාප පූජාව මත ඔහුගේ අත තබා, “ස්වාමීනි, මම පාප කොට ඇත්තෙමි. මම මිනීමැරුම් හා කාමමිථ්යාචාරය කර ඇත්තෙමි.”, යැයි පවසමින් ඔහුගේ පාපයන් පාපොච්චාරණය කළේය. පසුව, ඔහුගේ පාප, පාප පූජාවට භාර කෙරිණි.
පාපිෂ්ඨයා පාප පූජාවේ උගුරු දණ්ඩ කපා දෙවියන් වහන්සේ ඉදිරියෙහි පූජා කළාක් මෙන්, අපගේ සියලු පාපවලට සමාව ලබා ගැනීම සඳහා යේසුස් වහන්සේව ද එම ආකාරයෙන්ම පූජා කෙරිණි. අපව ගලවා ගැනීම සඳහා යේසුස් වහන්සේ බෞතීස්ම වී, කුරුසයේ රුධිරය වැගිරූ අතර, උන් වහන්සේගේ එම පූජාවෙන් අපගේ සියලු පාපවලට සමාව ලබා ගත් සේක.
ඇත්ත වශයෙන්ම, යේසුස් වහන්සේ මිය ගියේ අප නිසාවෙනි. අප ඒ ගැන සිතන විට, මිනිසුන්ගේ සියලු පාප වෙනුවෙන් කැපකිරීම් ලෙස කැළැල් රහිතව එම සතුන් පූජා කිරීමේ අර්ථය කුමක් වූයේ ද? පාපය යනු කුමක්දැයි ඒ සියලු සතුන් දැන සිටියාද? සතුන් පාපය දන්නේ නැත. ඔවුන්ට කැළැල් නොමැතිව සිටිය යුතු විය.
එම සතුන් මුළුමනින්ම කැළැල්වලින් තොර ව සිටි සේම, යේසුස් වහන්සේ ද පාපයෙන් තොර වූ සේක. උන්වහන්සේ ශුද්ධ වූ දෙවියන් වහන්සේය, දෙවියන් වහන්සේගේ පුත්රයාණෝ ය,එමෙන්ම, උන් වහන්සේ කිසි විටෙකත් පාප සිදු කර නැත. ඉතින්, ඔහු යොර්දාන් නදියේ බෞතීස්ම වීමෙන් අපගේ සියලු පාප ඉවත් කළේ උන්වහන්සේට වයස අවුරුදු 30 දී ය.
යේසුස් වහන්සේ අපගෙන් රැගත් පාප හේතුවෙන්, කුරුසියේ මිය ගිය සේක. මනුෂ්ය වර්ගයාගේ සියලු පාප සෝදා හරිනු ලැබුවේ ගැලවීම උදෙසා උන්වහන්සේගේ දේවසේවය හේතුවෙනි.
පාප සඳහා සමා කිරීමේ ශුභාරංචියේ ආරම්භය
ස්නාවක ජොහාන්තුමා විසින්
යෝර්දාන්හිදී යේසුස් වහන්සේව
බෞතීස්ම කරන ලද්දේ මන් ද?
සියලු ධර්මිෂ්ඨකම් සපුරාලීමටය.
“13එකල යේසුස්වහන්සේ යොහන්ගෙන් බව්තීස්මය* ලබන පිණිස ගලීලයේ සිට යොර්දානට ආ සේක. (*අවගාහනය) 14නුමුත් යොහන් උන්වහන්සේ වලක්වමින්: ඔබගෙන් බව්තීස්මය* ලබන්ට මට යුතුව තිබියදී ඔබ මා වෙතට එන සේක්දැයි කීවේය. (*අවගාහනය) 15යේසුස්වහන්සේ ඔහුට උත්තරදෙමින්: දැනට ඉඩහරින්න. මක්නිසාද මෙසේ සියලු ධර්මිෂ්ඨකම් සම්පූර්ණකරන්ට අපට සුදුසුයයි කීසේක. එවිට ඔහු උන්වහන්සේට ඉඩහැරියේය” (මතෙව් 3:13-15). ,යැයි මතෙව් 3 හි ලියා තිබේ.
යේසුස් වහන්සේට වයස අවුරුදු 30 දී උන්වහන්සේ බෞතීස්ම වූයේ ඇයිද යන්න අප වටහා ගත යුතුයි. සියලු මිනිසුන්ගේ පාපවලින් ගලවා ගැනීම සඳහා, කැළැල් රහිත, යේසුස් ක්රිස්තුස් බෞතීස්ම කරනු ලැබුවේ ස්නාවක ජොහාන්තුමන් විසිනි.
මේ අනුව, උන්වහන්සේ ලෝකයේ සියලු පාප ඉවත් කර, සියලු මනුෂ්යයන්ගේ පාපවලට සමාව ලබා දීමට උන්වහන්සේව පූජා කළ සේක. පාපයෙන් ගැලවීමට නම්, අප සම්පූර්ණ සත්යය දැනගෙන එය විශ්වාස කළ යුතුය. උන්වහන්සේගේ ගැලවීම විශ්වාස කර, ගැලවීම ලබා ගැනීම අප සතු කාර්යභාරයකි.
යේසුස් වහන්සේගේ බෞතීස්මය යන්නෙන් අදහස් කරන්නේ කුමක්ද? එය පැරණි තෙස්තමේන්තුවෙහි අත් තැබීම හා සමානය. පැරණි තෙස්තමේන්තුවෙහි, සියලු මිනිසුන්ගේ පාප, පාප පූජාවේ හිසට උත්තම පූජකයාගේ දෑත් තැබීමෙන් භාර කෙරිණි. ඒ හා සමානව, නව තෙස්තමේන්තුවෙහි යේසුස් වහන්සේ තමන් වහන්සේව පාප පූජාව ලෙස ඉදිරිපත් කරමින්, ස්නාවක ජොහාන්තුමන් විසින් බෞතීස්ම කරනු ලැබීමෙන්, ලෝකයේ පාප ඉවත් කළ සේක.
දෙවියන් වහන්සේ විසින් ප්රව්රජීත මනුෂ්ය වර්ගයාගේ නියෝජිතයා වූ ස්නාවක ජොහාන්තුමා, සියලු මනුෂ්යයන් අතර ශ්රේෂ්ඨතම මිනිසා විය. මනුෂ්ය වර්ගයාගේ නියෝජිතයා වශයෙන්, මනුෂ්යත්වයේ උත්තම පූජකයා වන ඔහු යේසුස් වහන්සේට අත තබා, ලෝකයේ සියලු පාප උන් වහන්සේට භාර දුන්නේය. ‘බෞතීස්මය’ යන්නෙන් අඟවන්නේ, ‘ඉදිරියට යැවීම, භූමදාන කිරීම සහ සෝදා හැරීම’ යන්නයි.
යේසුස් වහන්සේ මේ ලෝකයට පැමිණ ස්නාවක ජොහාන්තුමන් අතින් බෞතීස්ම වන ලද්දේ මන් දැයි ඔබ දන්නවාද? බෞතීස්මයේ අර්ථය දැනගෙන ඔබ යේසුස් වහන්සේව විශ්වාස කරනවාද? යේසුස් වහන්සේගේ බෞතීස්මය නම්, අපගේ සියලු පාප, එනම්, දුෂ්ටයන්ගේ පැටවුන් වන අප අපගේ ජීවිත කාලය පුරාම අපගේ මාංසය සමඟ කරන පාප ඉවත් කිරීමයි. අපගේ සියලු පාපවලට සමාව ලබා දීම සඳහා වූ මුල් ශුභාරංචිය සම්පූර්ණ කිරීම සඳහා ස්නාවක ජොහාන්තුමා යේසුස් වහන්සේව බෞතීස්ම කළ සේක.
මතෙව් 3: 13-17 හි, එය ආරම්භ වන්නේ ‘එවකට’ සමඟ වන අතර, එයින් අදහස් වන්නේ යේසුස් වහන්සේ බෞතීස්ම වූ කාලය වන අතර, එය ලෝකයේ සියලු පාප උන් වහන්සේ වෙත භාර දුන් කාලයයි.
‘එවකට,’ යේසුස් වහන්සේ මනුෂ්ය වර්ගයාගේ සියලු පාප ඉවත් කර, අවුරුදු තුනකට පසු කුරුසයේ මිය ගොස්, තුන්වන දින යළි උත්ථාන වූ සේක. ලෝකයේ සියලු පාප සෝදා හැරීම සඳහා, ඔහු එක්වර සියලුදෙනා උදෙසා බෞතීස්ම වූ අතර, එක්වර සියලුදෙනා උදෙසා කුරුසයේ මියගිය සේක. එමෙන්ම, එක්වර සියලුදෙනා උදෙසා මළවුන්ගෙන් යළි උත්ථාන වූ සේක. දෙවියන් වහන්සේ ඉදිරියෙහි ඔවුන්ගේ පාපවලින් මිදීමට කැමති අයට, උන්වහන්සේ ලෝකයේ සියලු පාපයන් ගෙන, ඒවා එක් වරම සියලුදෙනා උදෙසා ගැලවූ සේක.
යේසුස් වහන්සේට බෞතීස්ම වීමට සිදු වූයේ ඇයි? උන්වහන්සේට කටු ඔටුන්න පැළඳ පොදු අපරාධකරුවෙකු මෙන් පිලාත්ගේ මළුවෙහි විනිශ්චයට ලක් වීමට සිදු වූයේ මන්ද? උන්වහන්ස්ට කුරුසිපත් වී මරණය දක්වා රුධිරය ගැලීමට සිදු වූයේ ඇයි? ඉහත සියල්ලටම හේතුව උන්වහන්සේගේ බෞතීස්මය තුළින් ලෝකයේ සියලු පාප, ඔබ සහ මම කළ පාප උන් වහන්සේ උර මතට බාර ගැනීම යි. අපේ පාප හේතුවෙන් උන්වහන්සේට කුරුසය මත මිය යාමට සිදු විය.
දෙවියන් වහන්සේ අපව ගලවා ගත්තේ යැයි පැවසෙන ගැලවීමේ වචනය අප විශ්වාස කළ යුතු අතර, උන්වහන්සේට කෘතඥපූර්වක විය යුතුය. යේසුස් වහන්සේගේ බෞතීස්මය, උන්වහන්සේගේ කුරුසය හා උන්වහන්සේගේ යළි උත්ථාන වීම නොමැතිව, අපට ගැලවීමක් නොලැබෙනු ඇත.
ලෝකයේ සියලු පාප ඉවත් කිරීමට ස්නාවක ජොහාන්තුමා විසින් යේසුස් වහන්සේව බෞතීස්ම කරනු ලැබූ විට, උන්වහන්සේ අපගේ පාප ඉවත් කර, ගැලවීමේ ශුභාරංචිය විශ්වාස කරන අපව ගලවා ගත් සේක. “යේසුස් වහන්සේ මුල් පාපය පමණක් ඉවත් කළා, එසේ නොවේද?” කියා සිතන පිරිසක් සිටිති. නමුත් ඔවුන් සදොස් ය.
යේසුස් වහන්සේ බෞතීස්ම වූ විට ලෝකයේ සියලු පාපයන් එක වරම ඉවත් කළ බව බයිබලයේ පැහැදිලිව සටහන් ව ඇත. මුල් පාපය ඇතුළු අපගේ සියලු පාප සෝදා දමා ඇත. යේසුස් වහන්සේ මතෙව් 3: 15 හි මෙසේ පවසයි. “මක්නිසාද සියලු ධර්මිෂ්ඨකම ඉටු කිරීම එය අපට සුදුසු ය.” සියලු ධර්මිෂ්ඨකම ඉටු කිරීම යන්නෙන් අදහස් වන්නේ, සියලු පාප, ව්යතිරේකයකින් තොරව, අපෙන් බැහැර කර ඇති බවයි.
යේසුස් වහන්සේ අපගේ ජීවිත කාලය පුරාම කළ පාප සියල්ලම සෝදා දමා තිබේද? ඔව්, උන්වහන්සේ එසේ කොට ඇත. අප මුලින්ම ලෙවී කථාවෙන් එහි සාක්ෂ්ය සොයා ගනිමු. උත්තම පූජකයා සහ පාප සමා කිරීමේ දිනයෙහි පූජාව ගැන එය අපට පවසයි.
ලෝකයේ සියලු පාප ඉවත් කිරීමට ස්නාවක ජොහාන්තුමා විසින් යේසුස් වහන්සේව බෞතීස්ම කරනු ලැබූ විට, උන්වහන්සේ අපගේ පාප ඉවත් කර, ගැලවීමේ ශුභාරංචිය විශ්වාස කරන අපව ගලවා ගත් සේක. “යේසුස් වහන්සේ මුල් පාපය පමණක් ඉවත් කළා, එසේ නොවේද?” කියා සිතන පිරිසක් සිටිති. නමුත් ඔවුන් සදොස් ය.
යේසුස් වහන්සේ බෞතීස්ම වූ විට ලෝකයේ සියලු පාපයන් එක වරම ඉවත් කළ බව බයිබලයේ පැහැදිලිව සටහන් ව ඇත. මුල් පාපය ඇතුළු අපගේ සියලු පාප සෝදා දමා ඇත. යේසුස් වහන්සේ මතෙව් 3: 15 හි මෙසේ පවසයි. “මක්නිසාද සියලු ධර්මිෂ්ඨකම ඉටු කිරීම එය අපට සුදුසු ය.” සියලු ධර්මිෂ්ඨකම ඉටු කිරීම යන්නෙන් අදහස් වන්නේ, සියලු පාප, ව්යතිරේකයකින් තොරව, අපෙන් බැහැර කර ඇති බවයි.
යේසුස් වහන්සේ අපගේ ජීවිත කාලය පුරාම කළ පාප සියල්ලම සෝදා දමා තිබේද? ඔව්, උන්වහන්සේ එසේ කොට ඇත. අප මුලින්ම ලෙවී කථාවෙන් එහි සාක්ෂ්ය සොයා ගනිමු. උත්තම පූජකයා සහ පාප සමා කිරීමේ දිනයෙහි පූජාව ගැන එය අපට පවසයි.
ආදී හීබෘෘ ජාතිකයන්ගේ වාර්ෂික පාප සමා කිරීමෙහි පරිත්යාගය
මෙම පෘථිවියෙහි පාප පූජාවෙන්
ආදි හීබෘෘ ජාතිකයන් හට එක් වරෙක
සියල්ල උදෙසා පාපයෙන්
පිරිසිදු විය හැකි ද?
කිසිදාක නොහැකිය
“06එවිට ආරොන් තමා උදෙසා වූ පාප පූජාවේ ගොනා ඔප්පුකර තමා උදෙසාද තමාගේ පවුල උදෙසාද සමගිකමක් කරන්නේය. 7ඔහු එළුවන් දෙදෙනා රැගෙන ස්වාමීන්වහන්සේ ඉදිරියෙහි සම්මුඛවීමේ කූඩාරමේ දොරකඩ ළඟ සිටවන්නේය. 8එවිට ආරොන් එළුවන් ගැන පස ඇට දැමිය යුතුය: ස්වාමීන්වහන්සේට එක පස ඇටයක්ය, අශාශෙල්ට* එක පස ඇටයක්ය. (*හෙවත්, නිදහස්කර හැරීමට දාදුව වැටුණු) 9පසඇට දැමීමෙන් ස්වාමීන්වහන්සේට වූ එළුවා ගෙනැවිත් ආරොන් පාප පූජාවක් කොට ඔප්පුකරන්නේය. 10එහෙත් පසඇට දැමීමෙන් අශාශෙල්ට* වූ එළුවා අශාශෙල් උදෙසා වනාන්තරයෙහි නිදහසට ඇරීමට උගෙන් සමගිකමක් කරන පිණිස ඌ පණපිටින් ස්වාමීන්වහන්සේ ඉදිරියෙහි සිටවනු ලැබේවා. (*හෙවත්, නිදහස්කර හැරීමට දාදුව වැටුණු)” (ලෙවී කථාව 16:6-10).
මෙහිදී, ඊශ්රායෙල්වරුන්ගේ වාර්ෂික පාපවලට සමාව ලබාගැනීම සඳහා ආරොන් රැස්වීමේ දේවස්ථානයේ දොරකඩ එළුවන් දෙදෙනෙකු රැගෙන ගියේය.
“8එවිට ආරොන් එළුවන් ගැන පස ඇට දැමිය යුතුය: ස්වාමීන්වහන්සේට එක පස ඇටයක්ය, අශාශෙල්ට* එක පස ඇටයක්ය. (* හෙවත්, නිදහස්කර හැරීමට දාදුව වැටුණු)”.
පාප පූජාවේ හිස මත පාපිෂ්ඨයාගේ අත තබා ඔහුගේ පාපය ඒ මතට ගෙන ඒම සඳහා දෛනික පාප සඳහා නීත්යානුකූල පාප කමාව සිදු කිරීමට බිලි දීමේ සතෙකු අවශ්ය විය. එහෙත්, ඊශ්රායෙල්වරුන්ගේ වාර්ෂික පාප උදෙසා, උත්තම පූජකයා, සියලු ජනයා වෙනුවෙන්, සෑම වසරකම හත්වන මාසයේ දහවන දින, පාප පූජාවට වාර්ෂිකව කළ පාප බාර දුන්නේ ය.
ලෙවී කතාව 16:29-31 හි, මෙලෙස ලියා තිබේ, “29එය නුඹලාට නිරන්තර පනතක් වන්නේය. සත්වෙනි මාසේ දසවෙනි දිනදී නුඹලාගේ ප්රාණවලට පීඩාකරගත යුතුය, ස්වදේශියාවත් නුඹලා අතරේ වසන විදේශියාවත් කිසිම වැඩක් නොකළ යුතුය. 30මක්නිසාද නුඹලාගේ සියලු පාපවලින් නුඹලා ස්වාමීන්වහන්සේ ඉදිරියෙහි පවිත්රවෙන පිණිස නුඹලා පවිත්රකරනු ලැබීමට ඒ දවසේ නුඹලා උදෙසා සමගිකමක් කරනු ලබන්නේය. 31ඒක නුඹලාට ශුද්ධවූ නිවාඩුවක් වන සබතක්ය, නුඹලා නුඹලාගේ ආත්මවලට දුක් දිය යුතුය. එය සදාකාල නියෝගයක්ය” (ලෙවී කථාව 16:29-31).
පැරණි තෙස්තමේන්තුවෙහි, ඊශ්රායෙල් ජනයා දෛනික පාපවලට සමාව ලබා ගැනීම සඳහා පාප පූජාවක් ගෙනැවිත්, ඔවුන්ගේ පාප එම සත්ත්වයාගේ හිස මතට යවා, පාපොච්චාරණය කරමින්, “ස්වාමීනි, මම එවැනි පාපයන් කර ඇත්තෙමි. කරුණාකර මට සමාව දෙනු මැනවි."යි පැවසූහ. ඉන්පසු ඔහු පාප පූජාවේ උගුරු දණ්ඩ කපා, පූජකයාට එම රුධිරය දී, ගෙදර ගොස්, තමා දැන් තම පාපවලින් නිදහස් බව ඒත්තු ගැන්වූයේ ය. මේ අනුව, පාප පූජාවෙහි සත්ත්වයා පාපිෂ්ඨයා උදෙසා මිය ගියේය. පාපිෂ්ඨයා වෙනුවට බිලිපූජා කළ සත්වයා මරා දමන ලදී. පැරණි තෙස්තමේන්තුවෙහි, පාප පූජාව එළුවෙකු, බැටළු පැටවෙකු, වසු පැටවෙකු හෝ ගොනෙකු විය හැකිය, එනම් දෙවියන් වහන්සේ විසින් වෙන් කොට හඳුනාගෙන ඇති පූජනීය සත්ත්වයන්ගෙන් එකෙකි.
දෙවියන් වහන්සේ, උන්වහන්සේගේ අසීමිත දයාවෙන්, පාපිෂ්ඨයෙකුට ඔහුගේ / ඇයගේ පාප වෙනුවෙන් මියයෑම වෙනුවට සතෙකුගේ ජීවිතය පූජා කිරීමට ඉඩ හැරියේය.
පැරණි තෙස්තමේන්තුවෙහි මේ ආකාරයෙන්, පාප සමා කිරීමේ පූජාව තුළින් ඔවුන්ගේ පාපවලට සමාව ලබා ගැනීමට පාපිෂ්ඨයන්ට හැකි විය. අත තැබීමෙන් පාපිෂ්ඨයාගේ වැරදි පාප පූජාවට භාර දුන් අතර, එහි රුධිරය පූජකයාට පාපිෂ්ඨයාගේ පාප දුරු කිරීම සඳහා ලබා දෙන ලදි.
කෙසේවෙතත්, එදිනෙදා පාපවලට සමාව ලබා ගත නොහැකි විය. එහි ප්රතිඵලයක් වශයෙන්, සෑම වසරකම හත්වන මාසයේ දහවන දින, සියලු ඊශ්රායල් ජනතාව වෙනුවෙන් මුළු අවුරුද්දක ම පාප දුරු කිරීමට දෙවියන් වහන්සේ උත්තම පූජකයාට අවසර ලබා දුන් සේක.
පාප සමා කිරීමේ දිනයේ දී උත්තම පූජකයාගේ කාර්යභාරය කුමක්ද? පළමුවෙන්ම, උත්තම පූජක ආරොන් ජනතාවගේ පාපයන් පාපොච්චාරණය කරමින් පාප පූජාවට අත තැබුවේය, “ස්වාමීනි, ඊශ්රායෙල් ජනතාව මෙවැනි පාප, මිනීමැරුම්, කාමමිථ්යාචාරය, වේශ්යාකම, සොරකම, බොරු සාක්ෂි, අපහාස ... . සිදු කොට ඇත.”
ඉන්පසු ඔහු පාප පූජාවේ උගුර කපා, එහි රුධිරය ගෙන, ශුද්ධස්ථානයෙහි දයාව ආසනය මත හත් වරක් එම රුධිරය ඉසින්නේය. (බයිබලයේ අංක 7 පරිපූර්ණ අංකය ලෙස සැලකේ.)
මිනිසුන්ගේ වාර්ෂික පාප ඔවුන් වෙනුවෙන් පාප පූජාවේ හිසට පැවරීම ඔහුගේ කර්තව්යය වූ අතර, පාප පූජාව පරාර්ථය පිණිස පූජා කරන ලදී.
දෙවියන් වහන්සේ යුක්තිසහගත බැවින්, සියලු මිනිසුන් ඔවුන්ගේ පාපවලින් ගලවා ගැනීම සඳහා, මිනිසුන් වෙනුවට පාප පූජාව මැරීමට උන් වහන්සේ ඉඩ හැරිය සේක. දෙවියන් වහන්සේ සැබවින්ම දයානුකම්පිත බැවින්, ඔවුන් වෙනුවට බිලිපූජා කරන සතෙකුගේ ජීවිතය පූජා කිරීමට උන් වහන්සේ ජනයාට ඉඩ හැරිය සේක. උත්තම පූජකයා දයාවේ අසුනේ නැඟෙනහිර පැත්තේ රුධිරය ඉස, ඒ අනුව, පාපවලට සමාව ලබා ගැනීමේ දිනය වන, හත්වන මාසයේ දහවන දින, පසුගිය වසර පුරා ජනතාවගේ සියලු පාපවලට සමාව ලබා දුන්නේය.
පැරණි තෙස්තමේන්තුවට අනුව
යාඥික බැටළුවා වන්නේ කවුද?
නිකැළැල් වන යේසුස් වහන්සේය
පාප සමා කිරීමේ දිනයේ දී උත්තම පූජකයාට ඊශ්රායල් ජනයා උදෙසා එළුවන් දෙදෙනෙකු පූජා කිරීමට සිදු විය. ඔවුන්ගෙන් එක් අයෙකු බිල්ල ලෙස හැඳින්වූ අතර, එහි අර්ථය ‘එළියට දැමීම’ විය. එලෙසම, නව තෙස්තමේන්තුවේ බිල්ල වන්නේ යේසුස් ක්රිස්තුස් වහන්සේ ය. “16මක්නිසාද දෙවියන්වහන්සේ ස්වකීය ඒකජාතක පුත්රයාණන් දෙන තරම් ලෝකයාට ප්රේමකළසේක. එසේ කළේ උන්වහන්සේ කෙරෙහි අදහාගන්න සෑමදෙනම විනාශ නොවී සදාකාල ජීවනය ලබන පිණිසය” (යොහන් 3:16).
දෙවියන් වහන්සේ තමන්වහන්සේගේ එකම පුත්රයාව බිලි පූජා කළ බැටළු පැටවකු ලෙස අපට දුන් සේක. සියලු මනුෂ්ය වර්ගයා උදෙසා පූජා කළ බැටළු පැටවා ලෙස, උන්වහන්සේ ස්නාවක ජොහාන්තුමන් විසින් බෞතීස්ම වන ලද අතර, ලෝකයේ මෙසියස්, එනම්, ගැලවුම්කරුවා බවට පත් විය. යේසුස් යන්නෙහි අර්ථය ‘ගැලවුම්කරුවා’ වන අතර , ක්රිස්තුස් යන්නෙහි අර්ථය ‘අභිෂේක ලත් රජ’ යන්නයි. එබැවින් යේසුස් ක්රිස්තුස් වහන්සේ යන්නෙහි අර්ථය ‘අප සියල්ලන් ගලවා ගැනීමට පැමිණි දෙවියන් වහන්සේගේ පුත්රයා’ යන්නයි.
පැරණි තෙස්තමේන්තුවේ පාප සමා කිරීමේ දවසේදී ජනයාගේ වාර්ෂික පාප කල් ඉකුත් වූවා සේ ම, මීට වසර 2000 කට පමණ පෙර යේසුස් ක්රිස්තුස් වහන්සේ ද මේ ලෝකයට පැමිණ බෞතීස්ම වීමට හා කුරුසිපත් වී රුධිරය ගලා මරණයට පත්වූයේ අපේ සියලු පාප සඳහා සමාව ලබාගැනීමේ ශුභාරංචිය සම්පූර්ණ කිරීම පිණිස ය.
මෙම අවස්ථාවේ දී, අපි ලෙවී කතාවෙහි ඡේදයක් කියවමු. “21ආරොන්ද තමාගේ අත් දෙක පණ පිටින් සිටින එළුවාගේ හිස පිට තබා ඉශ්රායෙල් පුත්රයන්ගේ සියලු අයුතුකම්ද ඔවුන්ගේ සියලු අපරාධයන්ද එනම් ඔවුන්ගේ සියලු පව් කියා දෙමින් ඒවා එළුවාගේ හිස පිට තබා සූදානම්ව සිටින මනුෂ්යයෙකු අත ඌ වනාන්තරයට යැවිය යුතුය. 22එළුවාද ඔවුන්ගේ සියලු අයුතුකම් දරාගෙන පාළු දේශයකට යන්නේය. ඔහු එළුවා වනාන්තරයෙහි යන්ට හරින්නේය” (ලෙවී කථාව 16:21-22).
ලෙවී කථාව 1 හි සඳහන් පරිදි සියලුම ඊශ්රායෙල්වරුන්ගේ පාප එළුවාගේ හිස මත තබා ඇති බව ලියා ඇත. ‘ඔවුන්ගේ සියලු පාප’ යන්නෙන් අදහස් වන්නේ ඔවුන් හදවතින්ම සහ ඔවුන්ගේ මාංසය සමඟ සිදු කළ පාප ය. එමෙන්ම, උත්තම පූජකයාගේ දෑත් මත තැබීමෙන් ‘ඔවුන්ගේ සියලු පාප’ පාප පූජාවේ හිස මත තබා ඇත.
දෙවියන් වහන්සේගේ නියමයෙන්, අපගේ සියලු පාප පිළිබඳ සැබෑ දැනුමක් අප ලබා තිබිය යුතු වන්නේය
දෙවියන් වහන්සේ අපට
නියමය ලබා දුන්නේ ඇයි?
පාපයේ දැනුම අපට ලබා දීමටය
දෙවියන් වහන්සේගේ නීතිය ආඥා 613 කින් සමන්විත වේ. ඇත්ත වශයෙන්ම, අප ඒ ගැන සිතන විට, අප නොකළ යුතු යැයි උන්වහන්සේ අපට පවසන දේ අප කරන අතර, උන්වහන්සේ අපට කිරීමට කියන දේ අප නොකරන්නෙමු.
එබැවින් අපි පාපිෂ්ඨයෝ වන්නෙමු. අපගේ පාපයන් අවබෝධ කර ගැනීම සඳහා දෙවියන් වහන්සේ එම ආඥා අපට ලබා දුන් බව බයිබලයේ ලියා ඇත. (රෝම 3:20). මෙයින් අදහස් වන්නේ අප පාපිෂ්ඨයන් බව අපට ඉගැන්වීම සඳහා උන්වහන්සේ තමන්වහන්සේගේ ආඥා නීතිය අපට ලබා දුන් බවයි. උන්වහන්සේ ඒවා අපට ලබා නොදුන්නේ අපට ඒවායෙන් ජීවත් වීමට හැකි වන බැවින් නොව, නමුත් අපට අපගේ පාප වටහා ගැනීමට ය.
උන්වහන්සේ අපට අනුගමනය කිරීමට උන්වහන්සේගේ ආඥා නොදුන් සේක. බල්ලෙකු මිනිසෙකු මෙන් ජීවත් වේ යැයි ඔබට බලාපොරොත්තු විය නොහැක. එලෙසම, අපට කිසි විටෙකත් දෙවියන් වහන්සේගේ ව්යවස්ථාවට එකඟව ජීවත් විය නොහැක, නමුත් අපගේ පාප උන්වහන්සේගේ ආඥාවන් ඔස්සේ වටහා ගැනීම පමණක් සිදු කළ හැකිය.
දෙවියන් වහන්සේ ඒවා අපට දුන්නේ අප පාප ස්කන්ධයන් වන හෙයිනි, නමුත් අපි එය ඇත්ත වශයෙන්ම වටහා නොගන්නෙමු. “ඔබ මිනීමරුවන්, වේශ්යාකම් කරන්නන්, නපුරුකම් කරන්නන්” කියා දෙවියන් වහන්සේ අපට තේරුම් ගැනීමට දුෂ්කර ලෙස පවසන සේක. උන්වහන්සේ අපට කීවේ නොමරන ලෙස ය, නමුත් අපි කෙසේ වෙතත් අපගේ හදවත් තුළත්, ඇතැම් විට අපගේ ශරීර සමඟ ද මරා දමමු.
කෙසේවෙතත්, අප ඝාතනය සිදු නොකළ යුතු බව නීතියේ ලියා ඇති හෙයින්, “ආහ්, මම වැරදියි. මම නොකළ යුතු දෙයක් කළ හෙයින් මම පාපිෂ්ඨයෙකු වෙමි. මම පාප කොට ඇත්තෙමි. ” යැයි පවසන මිනීමරුවන් බව අපි දනිමු.
ඊශ්රායෙල් ජනයා පාපයෙන් ගලවා ගැනීම සඳහා, දෙවියන් වහන්සේ ආරොන්ට පැරණි තෙස්තමේන්තුවේ පාප සමා කිරීමේ බිලි පූජාව ඔප්පු කිරීමට ඉඩ දුන් අතර, වසරකට වරක් ජනතාව වෙනුවෙන් පාප සමා කමා කළේ ආරොන් ය.
පැරණි තෙස්තමේන්තුවේ, පාප සමා කිරීමේ දිනයේ දී දෙවියන් වහන්සේ වෙත පාප පූජා දෙකක් ඔප්පු කිරීමට සිදුවිය. ඉන් එකක් දෙවියන් වහන්සේ ඉදිරියෙහි පූජා කරන ලද අතර, අනෙක මිනිසුන්ගේ වාර්ෂික පාපත් රැගෙන, අත් තැබීමෙන් පසු පාළුකරයට යවනු ලැබීය. සුදුසු මිනිසෙකුගේ අතින් එළුවා පාළුකරයට යැවීමට පෙර උත්තම පූජකයා සජීවී එළුවාගේ හිස මත අත් තබා ඊශ්රායලයේ පාපයන් පාපොච්චාරණය කළේය. “ස්වාමීනි, මේ මිනිසුන් මිනී මරා ඇත, වේශ්යාකම් කොට ඇත, සොරකම් කොට ඇත, පිළිම නමස්කාර කොට ඇත .... අපි ඔබ ඉදිරියේ පාප කොට ඇත්තෙමු.”
පලස්තීනයේ දේශය කාන්තාර පාළුකරයකි. සජීවී බිල්ල නිමක් නැති පාළුකරයට යවා අවසානයේදී මිය යයි. එම සත්ත්වයා පිටත් කර හරින විට, ඊශ්රායෙල් ජනයා බිල්ල දුර ඈතට නොපෙනී යන තෙක් ඒ දෙස බලා සිටියහ. ඉන්පසු, ඔවුන් බිල්ල නොපෙනී යාමත් සමඟ ඔවුන්ගේ පාප ද නැති වී ගිය බව විශ්වාස කළහ. මේ අනුව ජනයා මනසේ සාමය උපයා ගත් අතර, සියලු ජනයාගේ වාර්ෂික පාප උදෙසා බිල්ලක් වූ එළුවා පාළුකරයේ මිය ගියේය.
මේ ආකාරයට දෙවියන් වහන්සේගේ බැටළුපැටවාණන් වන යේසුස් ක්රිස්තුස් වහන්සේ කරණකොටගෙන අපගේ සියලු පාපවලට දෙවියන් වහන්සේ සමාව ලබා දුන් සේක. යේසුස් වහන්සේගේ බෞතීස්මය සහ කුරුසයේ උන්වහන්සේගේ රුධිරය තුළින් අපගේ සියලු පාප සම්පූර්ණයෙන්ම සෝදා හැරිණි.
යේසුස් වහන්සේ දෙවියන් වහන්සේ ය. එමෙන්ම, අපගේ ගැලවුම්කරු ය. උන්වහන්සේ සියලු මනුෂ්ය වර්ගයා පාපයෙන් ගලවා ගැනීමට පැමිණි දෙවියන් වහන්සේගේ පුත්රයාණෝ ය. අපව උන් වහන්සේගේ ස්වරූපයෙන් සාදා, අපව පාපයෙන් ගලවා ගැනීම සඳහා මෙලොවට බැසගත් මැවුම්කරු වන්නේ උන්වහන්සේ ය.
අපගේ මාංසය සමඟ අප කරන දෛනික පාප පමණක් නොව, අපගේ අනාගත පාපයන් සහ අපගේ මනසෙහි හා මාංශයේ පාපයන්ද යේසුස් වහන්සේ වෙතට භාර කෙරෙයි. එබැවින්, දෙවියන් වහන්සේගේ සියලු ධර්මිෂ්ඨකම සැපිරීමට, ලෝකයේ සියලු පාපවලට සම්පූර්ණ පාප සමාව ලබා දීම සඳහා උන්වහන්සේට ස්නාවක ජොහාන්තුමන්ගේ දෑතින් බෞතීස්ම වීමට සිදු විය.
යේසුස් වහන්සේ කුරුසිපත් කරනු ලැබීමට තෙවසරකට පෙර, ඔහු සිය ප්රසිද්ධ දේවසේවය ආරම්භ කරන විට, ස්නාවක ජොහාන්තුමා විසින් යොර්දාන් ගඟේ උන්වහන්සේව බෞතීස්ම කරනු ලැබීමෙන්, උන්වහන්සේ ලෝකයේ සියලු පාප ඉවත් කළ සේක. අපගේ සියලු පාපවලට සමාව ලබා දීම ඔස්සේ උන්වහන්සේ මනුෂ්ය වර්ගයාගේ ගැලවීම ආරම්භ කළේ උන්වහන්සේගේ බෞතීස්මත් සමඟ ය.
යොර්දාන් ගඟේ, ඉණක් පමණ උසක ගැඹුරට වන්නට තැනක, ස්නාවක ජොහාන්තුමා යේසුස් වහන්සේගේ හිස මත අත තබා, උන්වහන්සේව වතුරේ ගිල්ල වූයේය. මෙම බෞතීස්මය පැරණි තෙස්තමේන්තුවේ අත් තැබීම හා සමාන වූ අතර, සියලු පාප භාර කිරීමට සමාන බලපෑමක් එය සතු වුණි.
ජලයේ ගිලී සිටීමෙන් මරණය අදහස් වන අතර, ජලයෙන් මතුව නැගිටීම යනු යළි උත්ථානය වීමයි. මේ අනුව, ස්නාවක ජොහාන්තුමාගේ දෑතින් බෞතීස්ම වීමෙන්, යේසුස් වහන්සේ තමන් වහන්සේගේ මෙහෙවරේ කොටස් තුනම සම්පූර්ණ කර, හෙළි කොට ඇත. එනම්, සියලු පාප ඉවත් කිරීම, කුරුසිපත් වීම හා යළි උත්ථානය වීම යි.
අපට ගැලවීම ලැබිය හැක්කේ යේසුස් වහන්සේ අපව පාපයෙන් ගලවා ගත් වචනවලට කීකරු වුවහොත් පමණි. යේසුස් වහන්සේ කරණකොටගෙන අපව ගලවා ගැනීමට දෙවියන් වහන්සේ තීරණය කර තිබූ අතර, පැරණි තෙස්තමේන්තුවේ උන් වහන්සේ ලබා දී ඇති ගිවිසුම මෙසේ ඉටු විය. මෙම ක්රියාව තුළින් යේසුස් වහන්සේ අපගේ සියලු පාප උන්වහන්සේගේ හිස මත තබා කුරුසය කරා ගමන් කළ සේක.
දෙවියන් වහන්සේ ඒවා අපට දුන්නේ අප පාප ස්කන්ධයන් වන හෙයිනි, නමුත් අපි එය ඇත්ත වශයෙන්ම වටහා නොගන්නෙමු. “ඔබ මිනීමරුවන්, වේශ්යාකම් කරන්නන්, නපුරුකම් කරන්නන්” කියා දෙවියන් වහන්සේ අපට තේරුම් ගැනීමට දුෂ්කර ලෙස පවසන සේක. උන්වහන්සේ අපට කීවේ නොමරන ලෙස ය, නමුත් අපි කෙසේ වෙතත් අපගේ හදවත් තුළත්, ඇතැම් විට අපගේ ශරීර සමඟ ද මරා දමමු.
කෙසේවෙතත්, අප ඝාතනය සිදු නොකළ යුතු බව නීතියේ ලියා ඇති හෙයින්, “ආහ්, මම වැරදියි. මම නොකළ යුතු දෙයක් කළ හෙයින් මම පාපිෂ්ඨයෙකු වෙමි. මම පාප කොට ඇත්තෙමි. ” යැයි පවසන මිනීමරුවන් බව අපි දනිමු.
ඊශ්රායෙල් ජනයා පාපයෙන් ගලවා ගැනීම සඳහා, දෙවියන් වහන්සේ ආරොන්ට පැරණි තෙස්තමේන්තුවේ පාප සමා කිරීමේ බිලි පූජාව ඔප්පු කිරීමට ඉඩ දුන් අතර, වසරකට වරක් ජනතාව වෙනුවෙන් පාප සමා කමා කළේ ආරොන් ය.
පැරණි තෙස්තමේන්තුවේ, පාප සමා කිරීමේ දිනයේ දී දෙවියන් වහන්සේ වෙත පාප පූජා දෙකක් ඔප්පු කිරීමට සිදුවිය. ඉන් එකක් දෙවියන් වහන්සේ ඉදිරියෙහි පූජා කරන ලද අතර, අනෙක මිනිසුන්ගේ වාර්ෂික පාපත් රැගෙන, අත් තැබීමෙන් පසු පාළුකරයට යවනු ලැබීය. සුදුසු මිනිසෙකුගේ අතින් එළුවා පාළුකරයට යැවීමට පෙර උත්තම පූජකයා සජීවී එළුවාගේ හිස මත අත් තබා ඊශ්රායලයේ පාපයන් පාපොච්චාරණය කළේය. “ස්වාමීනි, මේ මිනිසුන් මිනී මරා ඇත, වේශ්යාකම් කොට ඇත, සොරකම් කොට ඇත, පිළිම නමස්කාර කොට ඇත .... අපි ඔබ ඉදිරියේ පාප කොට ඇත්තෙමු.”
පලස්තීනයේ දේශය කාන්තාර පාළුකරයකි. සජීවී බිල්ල නිමක් නැති පාළුකරයට යවා අවසානයේදී මිය යයි. එම සත්ත්වයා පිටත් කර හරින විට, ඊශ්රායෙල් ජනයා බිල්ල දුර ඈතට නොපෙනී යන තෙක් ඒ දෙස බලා සිටියහ. ඉන්පසු, ඔවුන් බිල්ල නොපෙනී යාමත් සමඟ ඔවුන්ගේ පාප ද නැති වී ගිය බව විශ්වාස කළහ. මේ අනුව ජනයා මනසේ සාමය උපයා ගත් අතර, සියලු ජනයාගේ වාර්ෂික පාප උදෙසා බිල්ලක් වූ එළුවා පාළුකරයේ මිය ගියේය.
මේ ආකාරයට දෙවියන් වහන්සේගේ බැටළුපැටවාණන් වන යේසුස් ක්රිස්තුස් වහන්සේ කරණකොටගෙන අපගේ සියලු පාපවලට දෙවියන් වහන්සේ සමාව ලබා දුන් සේක. යේසුස් වහන්සේගේ බෞතීස්මය සහ කුරුසයේ උන්වහන්සේගේ රුධිරය තුළින් අපගේ සියලු පාප සම්පූර්ණයෙන්ම සෝදා හැරිණි.
යේසුස් වහන්සේ දෙවියන් වහන්සේ ය. එමෙන්ම, අපගේ ගැලවුම්කරු ය. උන්වහන්සේ සියලු මනුෂ්ය වර්ගයා පාපයෙන් ගලවා ගැනීමට පැමිණි දෙවියන් වහන්සේගේ පුත්රයාණෝ ය. අපව උන් වහන්සේගේ ස්වරූපයෙන් සාදා, අපව පාපයෙන් ගලවා ගැනීම සඳහා මෙලොවට බැසගත් මැවුම්කරු වන්නේ උන්වහන්සේ ය.
අපගේ මාංසය සමඟ අප කරන දෛනික පාප පමණක් නොව, අපගේ අනාගත පාපයන් සහ අපගේ මනසෙහි හා මාංශයේ පාපයන්ද යේසුස් වහන්සේ වෙතට භාර කෙරෙයි. එබැවින්, දෙවියන් වහන්සේගේ සියලු ධර්මිෂ්ඨකම සැපිරීමට, ලෝකයේ සියලු පාපවලට සම්පූර්ණ පාප සමාව ලබා දීම සඳහා උන්වහන්සේට ස්නාවක ජොහාන්තුමන්ගේ දෑතින් බෞතීස්ම වීමට සිදු විය.
යේසුස් වහන්සේ කුරුසිපත් කරනු ලැබීමට තෙවසරකට පෙර, ඔහු සිය ප්රසිද්ධ දේවසේවය ආරම්භ කරන විට, ස්නාවක ජොහාන්තුමා විසින් යොර්දාන් ගඟේ උන්වහන්සේව බෞතීස්ම කරනු ලැබීමෙන්, උන්වහන්සේ ලෝකයේ සියලු පාප ඉවත් කළ සේක. අපගේ සියලු පාපවලට සමාව ලබා දීම ඔස්සේ උන්වහන්සේ මනුෂ්ය වර්ගයාගේ ගැලවීම ආරම්භ කළේ උන්වහන්සේගේ බෞතීස්මත් සමඟ ය.
යොර්දාන් ගඟේ, ඉණක් පමණ උසක ගැඹුරට වන්නට තැනක, ස්නාවක ජොහාන්තුමා යේසුස් වහන්සේගේ හිස මත අත තබා, උන්වහන්සේව වතුරේ ගිල්ල වූයේය. මෙම බෞතීස්මය පැරණි තෙස්තමේන්තුවේ අත් තැබීම හා සමාන වූ අතර, සියලු පාප භාර කිරීමට සමාන බලපෑමක් එය සතු වුණි.
ජලයේ ගිලී සිටීමෙන් මරණය අදහස් වන අතර, ජලයෙන් මතුව නැගිටීම යනු යළි උත්ථානය වීමයි. මේ අනුව, ස්නාවක ජොහාන්තුමාගේ දෑතින් බෞතීස්ම වීමෙන්, යේසුස් වහන්සේ තමන් වහන්සේගේ මෙහෙවරේ කොටස් තුනම සම්පූර්ණ කර, හෙළි කොට ඇත. එනම්, සියලු පාප ඉවත් කිරීම, කුරුසිපත් වීම හා යළි උත්ථානය වීම යි.
අපට ගැලවීම ලැබිය හැක්කේ යේසුස් වහන්සේ අපව පාපයෙන් ගලවා ගත් වචනවලට කීකරු වුවහොත් පමණි. යේසුස් වහන්සේ කරණකොටගෙන අපව ගලවා ගැනීමට දෙවියන් වහන්සේ තීරණය කර තිබූ අතර, පැරණි තෙස්තමේන්තුවේ උන් වහන්සේ ලබා දී ඇති ගිවිසුම මෙසේ ඉටු විය. මෙම ක්රියාව තුළින් යේසුස් වහන්සේ අපගේ සියලු පාප උන්වහන්සේගේ හිස මත තබා කුරුසය කරා ගමන් කළ සේක.
දෙවියන් වහන්සේ අපගේ සියලු පාප මකා
දැමූ කල සිට අපට සිදු කිරීමට ඉතිරිව ඇත්තේ
කිනම් වර්ගයේ කාර්යයන් ද?
අපට සිදු කිරීමට ඇති සියල්ල වන්නේ දෙවියන්
වහන්සේගේ වචන කෙරෙහි විශ්වාසය තැබීම ය.
මීළඟ දිනයේ දී යේසුස් වහන්සේ එන’යුරු දුටු ජොහාන්තුමා මෙසේ පැවසූයේය. ‘බලන්න! ලෝකයේ පාපය දුරු කරන දෙවියන් වහන්සේගේ බැටළු පැටවාණෝ!” ,ස්නාවක ජොහාන්තුමා සාක්ෂි දැරුවේය, යැයි ජෝන් 1:29 හි සඳහන් වේ. යේසුස් වහන්සේ යොර්දාන්හි බෞතීස්ම වූ විට මනුෂ්ය වර්ගයාගේ සියලු පාප යේසුස් වහන්සේ වෙතට ගෙන ගිය සේක. එය විශ්වාස කරන්න! එවිට ඔබගේ සියලු පාපවලට සමාව ලැබීමත් සමඟ ඔබට ආශීර්වාද ලැබෙනු ඇත.
දෙවියන් වහන්සේගේ වචනය කෙරෙහි අපට විශ්වාසයක් තිබිය යුතුය. අපගේ සිතුවිලි හා මුරණ්ඩුකම පසෙකට දමා දෙවියන් වහන්සේගේ ලිඛිත වචනයට අප කීකරු විය යුතුය. යේසුස් වහන්සේ ලෝකයේ සියලු පාප ඉවත් කළ සත්යය ගැන අප සරලව විශ්වාසය තැබිය යුතුය.
යේසුස් වහන්සේ ලෝකයේ සියලු පාප ඉවත් කළ බව පැවසීමත්, අපගේ පාපවලට සමාව ලබාගැනීමෙන් දෙවියන් වහන්සේගේ ධර්මිෂ්ඨබාවය උන්වහන්සේ ඉටු කළ බව කීමත් එකම දෙයකි. ‘අත් තැබීම’ සහ ‘බෞතීස්මය’ යන්නෙන් අදහස් වන්නේ ද එම කරුණම ය.
අප ‘සැම,’ ‘සියල්ල,’ හෝ ‘සම්පූර්ණ’ යැයි පැවසුව ද, අර්ථය එලෙසම පවතී. පැරණි තෙස්තමේන්තුවේ ‘අත් තැබීම’ යන වචනයේ අර්ථය නව තෙස්තමේන්තුවේ එලෙසම පවතින අතර, ඒ හැරුණුකොට ඒ වෙනුවට ‘බෞතීස්මය’ යන වචනය භාවිත කෙරේ.
යේසුස් වහන්සේ බෞතීස්ම වී කුරුසයේ විනිශ්චය කරනු ලැබුවේ අපගේ සියලු පාපවලට සමාව ලබා ගැනීම සඳහා යන සරල සත්යය කරා එය පැමිණේ. මෙම මුල් ශුභාරංචිය විශ්වාස කරන විට අපට ගැලවීම ලැබිය හැකිය.
යේසුස් වහන්සේ සියලු‘ලෝකයේ පාපය’ (යොහන් 1:29) ඉවත් කළ බව බයිබලය පවසන විට, ලෝකයේ පාපය යන්නෙන් අදහස් වන්නේ කුමක්ද? එයින් අදහස් කරන්නේ අප උපතින්ම ලද සියලු පාපයන්, එනම් නපුරු සිතුවිලි, සොරකම්, වේශ්යාකම්, තණ්හාව, දුෂ්ටකම, අපහාස කිරීම, උඩඟුකම සහ අඥානබව අපගේ මනසෙහි වාසය කිරීමයි. මාංසය හා හදවත සමඟ අප කරන සියලු අපරාධ සහ වැරදි ද එයට ඇතුළත් ය.
“23මක්නිසාද පාපයේ කුලී නම් මරණයය; නුමුත් දෙවියන්වහන්සේගේ දීමනාව නම්, අපගේ ස්වාමිවූ යේසුස් ක්රිස්තුස්වහන්සේ තුළ සදාකාල ජීවනයය” (රෝම 6:23). “22ව්යවස්ථාවේ ප්රකාරයට සියලු දේවල්ම ලෙයින් පවිත්රකරනු ලැබේයයි කියන්ට පුළුවන්වා වාගේ පෙනේ, ලේ වැගිරීමක්ද නැතුව ක්ෂමාකිරීමකුත් නැත” (හෙබ්රෙව් 9:22). මෙම පදවල සඳහන් පරිදි, සියලු පාපවලට වන්දි ගෙවිය යුතුය. යේසුස් ක්රිස්තුස් වහන්සේ සියලු මනුෂ්ය වර්ගයා පාපයෙන් ගලවා ගැනීම සඳහා, තමන් වහන්සේගේම ජීවිතය පූජා කළ අතර, පාපයේ බැළය අප සියල්ල වෙනුවෙන් එකවරම ගෙවා දැමූ සේක.
එබැවින්, අපගේ සියලු පාපවලින් නිදහස් වීමට නම්, අප කළ යුතුව ඇති සියල්ල වන්නේ යේසුස් වහන්සේගේ බෞතීස්මය සහ උන්වහන්සේගේ රුධිරය සහ උන්වහන්සේගේ දේවත්වය වන මුල් ශුභාරංචිය විශ්වාස කිරීමයි.
හෙට දිනෙහි පාපයන් උදෙසා සමා කිරීම
අපට තවදුරටත් අපගේ පාප
සඳහා බිලිපූජාවක් පූජා කිරීමට
අවශ්ය වන්නේ ද?
යළි කිසිදාක නැත
අද, ඊයේ සහ ඊයේ සහ පෙරේදා දිනවල සිදු වූ පාප මෙන්ම, හෙට දවසේ පාප, අනිද්දා සහ අප මිය යන දවස දක්වා අප සිදු කරන පාප ද `ලෝකයේ පාපයට` ඇතුළත් වේ. උපතේ සිට මරණය දක්වා මිනිසුන්ගේ පාප සියල්ලම `ලෝකයේ පාපයේ` කොටසක් වන අතර, ලෝකයේ පාප සම්පූර්ණයෙන්ම පවා යේසුස් වහන්සේගේ බෞතීස්ම වීමෙන් උන්වහන්සේ වෙත පැමිණි සේක. අප මිය යන දවස දක්වා අප කරන සියලු පාප දැනටමත් අපෙන් බැහැර කොට ඇත.
අපට අවශ්ය වන්නේ මෙම මුල් ශුභාරංචිය, දෙවියන් වහන්සේගේ ලිඛිත වචන විශ්වාස කිරීම හා ගැලවීම සඳහා සත්යයට කීකරු වීම පමණි. අපගේ සියලු පාපවලින් මිදීම සඳහා අපගේම සිතුවිලි පසෙකට දැමිය යුතුය. “තවමත් නොකළ පාප උන් වහන්සේ ඉවත් කරන්නේ කෙසේද?” කියා ද ඔබට ඇසිය හැකියි. ඉන්පසු මා ඔබෙන් පෙරළා මෙසේ අසනු ඇත, “අපි පාප කරන සෑම විටකම යේසුස් වහන්සේ මේ ලෝකය වෙත නැවත පැමිණ, යළි යළිත් ලේ වැගිරවිය යුතුද?”
නැවත ඉපදීමේ ශුභාරංචිය තුළ, අපගේ පාපවලට සමාව ලබා ගැනීමේ නීතිය තිබේ. “ලේ වැගිරීමකින් තොරව සමාව නොලැබේ” (හෙබ්රෙව් 9:22). පැරණි තෙස්තමේන්තු දිනවල යමෙකුට තම පාපවලින් මිදීමට අවශ්ය වූ විට, පාප පූජාවක් මත අත තැබීමෙන් ඔහුට පාප මාරු කිරීමට සිදු වූ අතර, පාප පූජාවට ඔහුගේ පාප වෙනුවෙන් මැරෙන්නට සිදු විය.
ඒ හා සමානව, දෙවියන් වහන්සේගේ පුත්රයා මෙලොවට පැමිණියේ සියලු මනුෂ්ය වර්ගයා ගලවා ගැනීම පිණිස ය. ඔහු අපේ සියලු පාප ඉවත් කිරීමට බෞතීස්ම වී, අපගේ පාපයේ වැටුප ගෙවීම සඳහා කුරුසය මත ලේ වැගිර වූ අතර, “එය අවසන්” යැයි කියමින් කුරුසියේ මිය ගිය සේක. තුන්වෙනි දිනයේ දී උන්වහන්සේ මළවුන්ගෙන් උත්ථාන වූ අතර, දැන් දෙවියන් වහන්සේගේ දකුණු පැත්තේ හිඳගෙන සිටින සේක. මේ අනුව, උන් වහන්සේ සඳහටම අපගේ ගැලවුම්කරුවා බවට පත්ව ඇත.
අපගේ පාපයන් සම්පූර්ණයෙන් සමා කිරීම සඳහා, අපගේ ස්ථාවර අදහස් සියල්ලම ඉවත දැමිය යුතු අතර, එදිනෙදා පසුතැවිලි වීමේ යාච්ඥා තුළින් අපගේ දෛනික පාපවලින් මිදීමට අපට පවසන ආගමික ධර්මය අතහැර දැමිය යුතුය. මිනිස් සංහතියේ පාප සමා කිරීමට නම්, සියල්ල උදෙසා එක්වර නීත්යානුකූල පූජාව එකවරම ඔප්පු කළ යුතුව තිබුණි. ස්වර්ගයේ සිටින දෙවියන් වහන්සේ බෞතීස්මය තුළින් ලෝකයේ සියලු පාප තමන්වහන්සේගේ පුත්රයා වෙත භාර කොට, උන්වහන්සේ අප උදෙසා කුරුසියේ ඇණ ගස්වනු ලැබීය. උන්වහන්සේ මරණයෙන් උත්ථාන වීමත් සමඟ අපගේ ගැලවීම සම්පූර්ණ විය.
“5නුමුත් උන්වහන්සේ තුවාල ලැබුවේ අපේ අපරාධ නිසාය, පොඩිකරනු ලැබුවේ අපේ අයුතුකම් නිසාය. අපට සමාදානය ගෙනදෙන දඬුවම උන්වහන්සේ පිටට පැමුණුණේය; උන්වහන්සේගේ පහරවලින් අපට සුවය ලැබී තිබේ. ” යෙසායා 53 හි, සියලු මනුෂ්ය වර්ගයාගේ ලෝකයේ සියලු අපරාධ සහ අයුතුකම්, යේසුස් ක්රිස්තුස් වහන්සේ වෙත භාර දුන් බව කියනු ලැබේ.
නව තෙස්තමේන්තුවෙහි , එපීස 1: 4 හි මෙසේ ලියා තිබේ, “උන්වහන්සේ අපව ලෝකයේ පදනමට පෙර උන් වහන්සේ තුළ තෝරාගත් සේම.” ලෝකය මැවීමට පෙර උන්වහන්සේ අපව උන් වහන්සේ තුළ තෝරා ගත් බව මෙයින් අපට කියැවේ. ලෝකය ඒකාකාරව මැවීමට පෙර, ක්රිස්තුස් වහන්සේ තුළ නිකැළැල් ධර්මිෂ්ඨයන් ලෙස දෙවියන් වහන්සේ අපව තම පිරිස බවට පත් කිරීමට තීරණය කළ සේක. අප මින් පෙර කුමක් සිතා තිබුණ ද, දැන් අප දේව වචනය, ජලය, රුධිරය හා ආත්මය යන වචන විශ්වාස කර ඊට අවනත විය යුතුය.
දෙවියන් වහන්සේ තමන් වහන්සේගේ බැටළු පැටවාණන් වන යේසුස් ක්රිස්තුස් වහන්සේ ලෝකයේ පාප රැගෙන, සියලු මානව වර්ගයා උදෙසා පාප සමාව ලද බව අපට පැවසූ සේක. “1මක්නිසාද ව්යවස්ථාව මතු පැමිණෙන යහපත් දේවල ඡායාවක් මිස නියම රූපයම නොවන බැවින්, ඔවුන් අවුරුදුපතා නිතර ඔප්පුකරන ඒ පූජාවලින්, ළඟාවෙන්නන් සම්පූර්ණකරන්ට කිසිකලක නුපුළුවන” (හෙබ්රෙව් 10:1). යැයි හෙබ්රෙව් 10 හි ලියා තිබේ.
මෙහි දී, ඔවුන් වසරින් වසර අඛණ්ඩව පිරිනමන එකම පරිත්යාගයන්ට කිසි විටෙකත් ඒවා පරිපූර්ණ කළ නොහැකි බව එහි සඳහන් වේ. නියමය යනු ඉදිරියේදී සිදුවිය යුතු යහපත් දේවල සෙවණැල්ල මිස සත්ය දේවල ප්රතිරූපය නොවේ. පැමිණීමට නියමිතව සිටි මෙසියස් වන යේසුස් ක්රිස්තුස් වහන්සේ බෞතීස්ම වී අපගේ සියලු පාපවලට සමාව ලබාගැනීමට කුරුසිපත්ව, සියල්ල උදෙසා එකවරම (සියල්ල උදෙසා එක්වරම ඊශ්රායලයේ වාර්ෂික පාප සමා කළ මෙන්) අපව පරිපූර්ණ කළ සේක.
එබැවින් යේසුස් වහන්සේ හෙබ්රෙව් 10 හි මෙලෙස පැවසූ සේක, “9මෙන්න, ඔබගේ කැමැත්ත කරන්ට මම ඇවිත් සිටිමියි උන්වහන්සේ කීසේක. උන්වහන්සේ දෙවෙනි එක පිහිටුවන පිණිස පළමුවෙනි එක අහක්කරනසේක. 10ඒ කැමැත්ත පරිද්දෙන් යේසුස් ක්රිස්තුස්වහන්සේගේ ශරීරය එකම වරක් පූජාකිරීම කරණකොටගෙන අපි පිරිසිදුකරනු ලැබ සිටිමුව. 11තවද සියලු පූජකයෝ සිටගෙන, දවස්පතා සේවය කරමින්, කිසි කලෙකත් පාපය පහකරන්ට නොහැකිවූ එම පූජාවල් බොහෝ වර ඔප්පුකරති. 12නුමුත් මුන්වහන්සේ සෑම කලටම පව් නිසා එක පූජාවක් ඔප්පුකොට, දෙවියන්වහන්සේගේ දකුණු පැත්තේ හිඳගත්සේක. 13එතැන් පටන් තමන්ගේ සතුරන් තමන්ගේ පාපුටුව කරන තුරු උන්වහන්සේ බලාසිටිනසේක. 14මක්නිසාද උන්වහන්සේ පිරිසිදුකරනු ලබන්නන් එක පූජාවකින් සෑම කලටම සම්පූර්ණකළසේක. 15ශුද්ධාත්මයාණන්වහන්සෙත් අපට සාක්ෂිදෙමින්: 16ඒ දවස්වලට පසුව මා විසින් ඔවුන් සමග කරන ගිවිසුම නම්, මාගේ ව්යවස්ථා ඔවුන්ගේ සිත්වල තබා, ඒවා ඔවුන්ගේ සිහියේ ලියන්නෙමියි ස්වාමීන්වහන්සේ කියනසේකැයි කී පසු, උන්වහන්සේ කථාකොට: 17ඔවුන්ගේ පාපවල් සහ අධර්මිෂ්ඨකම් තවත් සිහි නොකරන්නෙමියි කියනසේක. 18ඉඳින් ඒවාට කමාව තිබෙන තැන, පාපය ගැන පූජා ඔප්පුකිරීමක් තවත් නැත” (හෙබ්රෙව් 10:9-18).
යේසුස් වහන්සේ බෞතීස්මය හා කුරුසය මත රුධිරය තුළින් ලෝකයේ සියලු පාපවලින් අපව ගලවා ගත් බව අපි විශ්වාස කරමු.
අපගේ හදවත් සහ මනස් තුළ කැටයම් කර ඇති, ජලයෙන් සහ ආත්මයෙන් යළි ඉපදීමෙහි ගැලවීම
අප හුදෙක්ම තවදුරටත් පාප
නොකරන හෙයින් ධර්මිෂ්ඨබවෙන්
යුතු වන්නේ ද?
නැත. යේසුස් වහන්සේ අපගේ පාප සියල්ල
රැගත් හෙයින් සහ උන්වහන්සේ කෙරෙහි
අපි විශ්වාසය තබන හෙයින්,
ධර්මිෂ්ඨයෝ වන්නෙමු.
උන්වහන්සේගේ පරිපූර්ණ ගැලවීම ගැන ඔබ සැම විශ්වාස කරනවාද? —ඒ එසේ වේවා— අපව ගලවා ගැනීම සඳහා යේසුස් ක්රිස්තුස් වහන්සේම බෞතීස්ම වී කුරුසිපත් වූ බව නමැති දෙවියන් වහන්සේගේ වචන සමඟ විශ්වාසයෙන් ඔබ අවනත වෙනවාද? නැවත ඉපදීමට උන්වහන්සේගේ වචනය කෙරෙහි අපට විශ්වාසයක් තිබිය යුතුය. ලෝකයේ පාප සමඟ අපගේ සියලු පාප ද සෝදා හැරිය නමැති සමාව දීමේ ශුභාරංචිය තුළින් යේසුස් ක්රිස්තුස් වහන්සේ විශ්වාස කරන විට අපට ගැලවීම ලැබිය හැකිය.
දෙවියන් වහන්සේගේ නියමයට කීකරු වීමෙන් අපට කිසි විටෙකත් පාප රහිත විය නොහැක, එනමුත් උන්වහන්සේගේ ක්රියා කෙරෙහි අපගේ ඇදහිල්ලෙන් අපට පරිපූර්ණබවට පත් විය හැකිය. යේසුස් ක්රිස්තුස් වහන්සේ යොර්දාන්හි බෞතීස්ම වීමෙන් අපගේ සියලු පාප ඉවත් කර, විනිශ්චය විඳ, කුරුසියේ අප කළ සියලු පාපවලට ද දඬුවම් ලැබූ සේක. අපගේ මුළු හදවතින්ම මෙම ශුභාරංචිය විශ්වාස කිරීමෙන්, අපගේ සියලු පාපවලින් මිදී අපට ධර්මිෂ්ඨබවට පත්විය හැකිය. ඔබ මෙය විශ්වාස කරන්නෙහි ද?
ජේසුස් වහන්සේගේ බෞතීස්මය, උන්වහන්සේගේ කුරුසිපත් වීම හා යළි උත්ථාන වීම යනු මනුෂ්ය වර්ගයාගේ සියලු පාපයන් සමා කිරීම සහ දෙවියන් වහන්සේගේ අසීමිත හා කොන්දේසි විරහිත ප්රේමය මත පදනම් වූ ගැලවීමේ නියමය උදෙසා ය. දෙවියන් වහන්සේ අපගේ ස්වරූපයේ ආකාරයටම අපට ප්රේම කරන අතර, උන්වහන්සේ යුක්තිසහගත ය, එබැවින් උන්වහන්සේ අපව පළමුව ධර්මිෂ්ඨබවට පත් කළ සේක. යේසුස් වහන්සේගේ බෞතීස්මය තුළින් අපගේ සියලු පාප උන්වහන්සේ වෙත යැවීමෙන් උන් වහන්සේ අපව ධර්මිෂ්ඨබවට පත් කළ සේක.
අපගේ සියලු පාප සෝදා හැරීම සඳහා, උන්වහන්සේ තම එකම පුත් යේසුස්ව අප වෙනුවෙන් මේ ලෝකයට එවූ සේක. බෞතීස්මය තුළින් ලෝකයේ සියලු පාප ඉවත් කිරීමට යේසුස් වහන්සේට ඉඩ දුන් උන්වහන්සේ, අපගේ සියලු පාප වෙනුවෙන් විනිශ්චය තම පුත්රයාට දුන් සේක. දෙවියන් වහන්සේගේ අගාපය වන ජලයෙන් හා රුධිරයෙන් ලබා ගන්නා ගැලවීමතුළින් උන්වහන්සේ අපව උන්වහන්සේ ධර්මිෂ්ඨ දරුවන් බවට පත් කළ සේක.
“මම මගේ නියමයන් ඔවුන්ගේ හදවත්තුළට දමන්නෙමි, එමෙන්ම, ඔවුන්ගේ මනස්තුළ මම ඒවා ලියන්නෙමි.”, යැයි හෙබ්රේව් 10:16 හි සඳහන් වේ.
අපගේ හදවත් සහ මනස් තුළ, අපි දෙවියන් වහන්සේ ඉදිරියෙහි පාපිෂ්ඨයන්ද? නැතහොත් අප ධර්මිෂ්ඨයන් ද? අපට දේව වචනය කෙරෙහි විශ්වාසයක් තිබේ නම්, අපි ධර්මිෂ්ඨයන් බවට පත් වන්නෙමු. යේසුස් ක්රිස්තුස් අපගේ සියලු පාප ඉවත් කර ඔවුන් වෙනුවෙන් විනිශ්චය ලද සේක. යේසුස් ක්රිස්තුස් අපගේ ගැලවුම්කරුවාණෝ ය. “අපි දිනපතා පාප කරන හෙයින්, අපි ධර්මිෂ්ඨයන් වන්නේ කෙසේද? අපි අනිවාර්යයෙන්ම පාපිෂ්ඨයෝ වෙමු. ”, යැයි ඔබ සිතනු ඇත. එනමුත් අප දේවවචනය විශ්වාස කරන විට, යේසුස් ක්රිස්තුස් වහන්සේ පියාණන්ට කීකරු වූවාක්, මෙන් අපි ධර්මිෂ්ඨයන් බවට පත් වන්නෙමු.
ඇත්ත වශයෙන්ම, මා කලින් පවසා ඇති පරිදි, අප නැවත ඉපදීමට පෙර අපගේ හදවත් තුළ පාපයක් පැවතුණි. පාප සමාව පිළිබඳ ශුභාරංචිය අපගේ හදවත් තුළට ගත් පසු, අපගේ සියලු පාපවලින් අප ගැලවුණෙමු. අපි ශුභාරංචිය නොදැන සිටි විට, අපි පාපිෂ්ඨයෝ වූවෙමු. එනමුත් අපි යේසුස් වහන්සේගේ ගැලවීම විශ්වාස කිරීමට පටන් ගත් විට, අප ධර්මිෂ්ඨ වූ අතර, දෙවියන් වහන්සේගේ ධර්මිෂ්ඨ දරුවන් බවට පත් වූයෙමු. ප්රේරිත පාවුල් කතාබහ කළ ධර්මිෂ්ඨබවට පත්වීමේ ඇදහිල්ල මෙයයි. සමාව පිළිබඳ ශුභාරංචිය කෙරෙහි ඇති ඇදහිල්ල අපව ‘ධර්මිෂ්ඨබවට’ පත් කළේය.
ප්රේරිත පාවුල් හෝ ආබ්රහම් හෝ ඇදහිල්ලේ මුතුන් මිත්තෝ ඔවුන්ගේ ක්රියාවලින් ධර්මිෂ්ඨබවට පත් නොවූ නමුත්, දෙවියන් වහන්සේගේ වචනය කෙරෙහි විශ්වාසය තැබීමෙන්, පාප සමාව පිළිබඳ උන්වහන්සේගේ ආශීර්වාදයේ වචන විශ්වාස කිරීමෙන් ධර්මිෂ්ඨයන් වූහ.
හෙබ්රේව් 10:18 හි, “මේවායෙහි ගැලවීම තිබෙන්නේ කොහේද, එහි තවදුරටත් පාපය සඳහා පිදීමක් නොතිබේ.”, යැයි සඳහන් ය. එහි ලියවී ඇති පරිද්දෙන්ම, අපට අපගේ පාප සඳහා මිය යාමට සිදු නොවනු පිණිස, දෙවියන් වහන්සේ අපව ගලවා ගත් සේක. ඔබ මෙය විශ්වාස කරන්නේ ද? ––එය එසේම වේවා––
පිලිප්පි 2 හි, “5ක්රිස්තුස් යේසුස්වහන්සේ තුළ තිබුණු සිතම නුඹලා තුළත් තිබේවා. 6උන්වහන්සේ දෙවියන්වහන්සේගේ රූපාකාරය දරනසේක්, දෙවියන්වහන්සේට සමානව සිටීම තමන් විසින් අල්ලාගනම සිටිය යුතුවූ වස්තුවකැයි නොසිතා, 7එය ඉවත්කර, දාසයෙකුගේ ස්වරූපය ගෙන, මනුෂ්යයන්ගේ සමානත්වයට පැමිණිසේක. 8මනුෂ්යාකාරයෙන් සිටිය කලත්, මරණය, එසේය, කුරුසියේ මරණය දක්වා කීකරුවූසේක. 9එබැවින් දෙවියන්වහන්සේ උන්වහන්සේව ඉතා උසස්කොට, සියලු නාමවලට වඩා උසස් නාමය උන්වහන්සේට දුන්සේක. 10එසේ කළේ, ස්වර්ගයෙහිද පොළොවෙහිද පොළොව යටද සියල්ලන් යේසුස් යන නාමයෙන් දණ නමන පිණිසත්, 11යේසුස් ක්රිස්තුස්වහන්සේ ස්වාමීන්වහන්සේ බව පියවූ දෙවියන්වහන්සේගේ ගෞරවය සඳහා සියලු දිව්වලින් ඒත්තුගන්න පිණිසත්ය” (පිලිප්පි 2:5-11).
තමන්වහන්සේගේ මහිමයේ දීප්තිය හා තමන්වහන්සේගේ ස්වභාවය එලෙසින්ම නිරූපණය කරන යේසුස් ක්රිස්තුස් වහන්සේ (හෙබ්රෙව් 1: 3), තමන් වහන්සේ උදෙසා කිසිදු විශිෂ්ඨ කීර්තියක් හඹා නොගිය සේක. ඒ වෙනුවට, උන්වහන්සේ තමන්වහන්සේ මතට සේවකයෙකුගේ ස්වරූපය ගත් අතර, මනුෂ්යයෙකුගේ ස්වරූපයෙන් මෙන් පැමිණි සේක. උන්වහන්සේ නිහතමානීව, අපව ගලවා ගැනීම සඳහා මරණ මංඡකයට අවනත වූ සේක.
එබැවින්, “උන්වහන්සේ අපගේ දෙවියන් වහන්සේ, ගැලවුම්කාරණෝ සහ රජු ය.”, කියා අපි යේසුස් වහන්සේට ප්රශංසා කරන්නෙමු. අප දෙවියන් වහන්සේව මහිමවත් කිරීමට හා යේසුස් වහන්සේව ප්රශංසා කිරීමට හේතුව වන්නේ යේසුස් වහන්සේ තම පියාගේ කැමැත්තට අවසානය දක්වා අවනත වීමයි. උන්වහන්සේ ඊට අවනත නොවූයේ නම්, අපි දැන් දෙවියන් වහන්සේගේ පුත්රයා මහිමවත් නොකර සිටිනු ඇත්තෙමු. එනමුත් දෙවියන් වහන්සේගේ පුත්රයා තම පියාගේ කැමැත්තට මරණය දක්වාම අවනත වූ හෙයින්, සියලු මැවිලි සහ මෙම පෘථිවියේ සිටින සියලු මිනිසුන් උන්වහන්සේව මහිමයට පත් කරන අතර, එලෙසම එය සඳහටම කරනු ඇත.
යේසුස් ක්රිස්තුස් වහන්සේ ලෝකයේ පාප ඉවත් කළ දෙවියන් වහන්සේගේ බැටළුපැටවාණෝ බවට පත් වූ අතර, උන්වහන්සේ බෞතීස්මය තුළින් ඒවා රැගෙන ගිය බව ලියා තිබේ. උන්වහන්සේ ලෝකයේ පාප ඉවත් කර දැන් අවුරුදු 2000 ක් පමණ ගත වී ඇත. උන්වහන්සේ ලෝකයේ පාප බැහැර කළ සේක. ඔබත් මමත් අපේ උපතේ සිටම මේ ලෝකයේ ජීවත් ව ඇති අතර, අපගේ සියලු පාප ද ලෝකයේ පාපවලට ඇතුළත් වේ.
අප හෙට දින පාප සිදු කළහොත්
අපි පාපිෂ්ඨයන් බවට පත් වනු ඇති ද?
නැත. මන්ද යත්, යේසුස් වහන්සේ අපගේ
අතීතය, වර්තමානය සහ අනාගතයේ වන අපගේ
සියලු පාප දුරු කළ හෙයිනි.
මුල් පාපය අපගේ ජීවිත කාලය පුරාවටම සිදු කළ වැරදිවලින් වෙන් නොකර, අප ඉපදුණු දා සිට පාප සිදු කර නොමැති ද? ඔව්, අප සිදු කර තිබේ.—
අප ඉපදුණු දිනයේ සිට මිය යන දිනය දක්වාම අප පාප සිදු කරන බව යේසුස් වහන්සේ දැන සිටි බැවින්, උන්වහන්සේ අපගේ සියලු පාප කල්තියා ඉවත් කළ සේක. ඔබට දැන් එය දැකිය හැකිද? වසර 70ක් වන තෙක් අප ජීවත් වුවහොත්, අපගේ පාප, කසල ට්රක් රථ සියයකට වඩා පුරවනු ඇත. එනමුත් යේසුස් වහන්සේ බෞතීස්මයෙන් අපගේ සියලු පාප එකවරම ඉවත් කර, උන් වහන්සේ සමඟ ඒවා කුරුසයට ගෙන ගිය සේක.
යේසුස් වහන්සේ මුල් පාපය පමණක් ඉවත් කර ඇත්නම්, අප සියල්ලෝම මිය ගොස් නිරයට යනු ඇත. උන්වහන්සේට අපගේ සියලු පාප ඉවත් කිරීමට නොහැකි වී යැයි අපට හැඟුණ ද, යේසුස් වහන්සේ අපගේ සියලු පාපයන් මකා දැමූ බව යන කාරණය කිසි විටෙකත් ඉන් වෙනස් නොවේ.
මේ ලෝකයේ අපට කොපමණ පාපයක් සිදු කළ හැකිද? අප කරන සියලු පාප ලෝකයේ පාපවලට ඇතුළත් වේ.
තමන් වහන්සේ බෞතීස්ම කරන මෙන් යේසුස් වහන්සේ ජොහාන්තුමාට පැවසූ විට, ඔහු නියම වශයෙන් අදහස් කළේ එයයි. තමන්වහන්සේ අපගේ සියලු පාප ඉවත් කළ බවට යේසුස් වහන්සේම සාක්ෂි දැරූ සේක. දෙවියන් වහන්සේ තම සේවකයා යේසුස් වහන්සේ ඉදිරියට යවා, ඔහු විසින් යේසුස් වහන්සේව බෞතීස්ම කරවන ලදී. මනුෂ්ය වර්ගයාගේ නියෝජිතයා වන ස්නාවක ජොහාන්තුමන් විසින් බෞතීස්ම කරනු ලැබීමෙන්, බෞතීස්ම වීමට තමන්වහන්සේගේ හිස ඔහු ඉදිරියේ පහත් කිරීමෙන්, යේසුස් ක්රිස්තුස් වහන්සේ සියලු මනුෂ්ය වර්ගයාගේ සියලු පාප ඉවත් කළ සේක.
වයස අවුරුදු 20 සිට 30 දක්වා, 30 සිට 40 දක්වා සහ යනාදී වශයෙන් අපගේ සියලු පාප සහ අපගේ දරුවන්ගේ පාප පවා, යේසුස් වහන්සේ තමන් වහන්සේගේ බෞතීස්මයෙන් ඉවත් කළ ලෝකයේ පාපවලට ඇතුළත් වුණි.
මේ ලෝකයේ ඔවුන්ගේ පාපය පවතින බව කාට නම් කිව හැකිද? යේසුස් ක්රිස්තුස් වහන්සේ ලෝකයේ පාප ඉවත් කළ අතර, උන්වහන්සේගේ බෞතීස්මය සහ උන්වහන්සේගේ අඟනා රුධිරය වැගිරවීම, එනම්, අපගේ පාපවලට සමාව දීමට යේසුස් වහන්සේ කළ ක්රියාව පිළිබඳ සැකයේ සෙවණැල්ලකින් තොරව, අපගේ හදවත් තුළ අප එය විශ්වාස කරන විට අප සැමට ගැලවීම ලැබිය හැකිය.
බොහෝ මිනිසුන් ජීවත් වන්නේ ඔවුන්ගේ කැළඹිලි සහිත ජීවිත ඔවුන්ගේම සිතුවිලි වලින් ඔතාගෙන, ඔවුන්ගේ ජීවිත එතරම්ම වැදගත් යැයි සිතා, ඔවුන්ගේ ජීවිත ගැන කතා කරමිනි. එනමුත් දුෂ්කර ජීවිත ගත කළ බොහෝ දෙනෙක් සිටිති. බොහෝ අය කැලඹිලි සහගත ජීවිත ගත කර ඇත. නැවත ඉපදීමට පෙර මම ද එවැනි ජීවිතයක් ගත කළෙමි. යේසුස් ක්රිස්තුස් වහන්සේගේ බෞතීස්මය සහ උන්වහන්සේගේ රුධිරයෙහි සමාව දීමේ ශුභාරංචිය තේරුම් ගැනීමට හෝ පිළිගැනීමට ඔබට නොහැකි වන්නේ කෙසේද?
පාපිෂ්ඨයන්ගේ ගැලවීම සම්පූර්ණ කොට ඇත
යේසුස් වහන්සේ පේතෘස්ගේ
දෙපා සේදූයේ මන්ද?
මන්ද යත්, තමන් වහන්සේගේ බෞතීස්මය ඔස්සේ
පේතෘස්ගේ සියලු අනාගත පාප උන්වහන්සේ දැනටමත්
සෝදා ඇති හෙයින්, එම කරුණ කෙරෙහි පේතෘස් තුළ
දැඩි විශ්වාසයක් ඇති කර ගැනීමට උන්වහන්සේට
අවශ්ය වූ හෙයිනි.
අපි දැන් යොහන් 19 කියවමු.“ 17උන්වහන්සේම කුරුසිය උසුලාගෙන, හෙබ්රෙව් භාෂාවෙන් ගොල්ගොතායයි කියනලද ඉස්කබල ස්ථානයට පිටත්ව ගියසේක. 18එහිදී ඔව්හු උන්වහන්සේව කුරුසියෙහි ඇණගැසුවෝය; මැද්දේ උන්වහන්සේද උන්වහන්සේ සමග දෙපැත්තේ තවත් දෙදෙනෙක්ද කුරුසිවල ඇණගැසුවෝය. 19තවද පිලාත් නාම පත්රයක්ද ලියා කුරුසිය මත්තෙහි තැබීය. යුදෙව්වරුන්ගේ රජවූ නාසරිය යේසුස් කියා එහි ලියා තිබුණේය. 20යේසුස්වහන්සේ කුරුසියෙහි ඇණගසනු ලැබූ ස්ථානය නුවරට සමීපවූ බැවින්, යුදෙව්වරුන්ගෙන් බොහෝ දෙනෙක් එය කියෙවුවෝය. හෙබ්රෙව් ලතින් ග්රීක් යන භාෂාවලින් එය ලියා තිබුණේය” (යොහන් 19:17-20).
දයාබර මිත්රවරුනි, යේසුස් ක්රිස්තුස් වහන්සේ ලෝකයේ සියලු පාපවලට මුහුණ දුන් අතර, පිලාත්ගේ මළුවෙහි කුරුසිපත් වීමට නියම විය. දැන් අපි මෙම දර්ශනය පිළිබඳ එක්ව සිතමු.
28 වන පදයෙහි, “මින් මතු, යේසුස් වහන්සේ, සියලු දෑ දැන් සපුරාගත් බව දැන, ශුද්ධ වූ ලියවිල්ල සපිරෙනු ඇත,” ශුද්ධ වූ ලියවිල්ල සපුරාලීමට යේසුස් වහන්සේ අපගේ සියලු පාප ඉවත් කළ සේක. “28ඉන්පසු යේසුස්වහන්සේ සියල්ල තීන්දුවී තිබෙන බව දැන: මට පිපාසයයි කීසේක. 29එහි කාඩියෙන් පිරුණු භාජනයක් තබා තිබුණේය. එබැවින් ඔව්හු කාඩි පොවාපු මූදුහත්තක් හිසොප් දණ්ඩක ගසා, උන්වහන්සේගේ මුඛයට ළංකළෝය. 30යේසුස්වහන්සේ කාඩි ගත් පසු: තීන්දුවුණේය කියා හිස නමා, තමන් ආත්මය භාරදුන්සේක” (යොහන් 19:28-30).
“එය අවසන්” කියා යේසුස් වහන්සේ පැවසූ සේක. ඉන්පසුව කුරුසියේ මිය ගිය සේක. තෙදිනකට පසු, ඔහු මළවුන්ගෙන් උත්ථාන වී ස්වර්ගයට තෙක් ගමන් කළ සේක.
ස්නාවක ජොහාන්තුමා විසින් යේසුස් වහන්සේගේ බෞතීස්මය සිදු කිරීම සහ කුරුසය මත උන්වහන්සේගේ මරණය එකිනෙක සමඟ අත්යවශ්යයෙන්ම බැඳී ඇත. එකක් අනෙක නොමැතිව පැවතීමට හේතුවක් නැත. එබැවින්, ස්වාමීන් වන යේසුස් වහන්සේගේ සමා කිරීමේ ශුභාරංචියෙන් අපව ගලවා ගැනීම පිළිබඳව අප උන්වහන්සේට ප්රශංසා කරමු.
මනුෂ්ය වර්ගයාගේ මාංසය සැමවිටම මාංසයේ අවශ්යතා අනුගමනය කරයි, එබැවින් අපට අපගේ මාංසය සමඟ පාප කිරීම හැර අන් කිසිවක් කළ නොහැකි ය. අපගේ මාංසයේ පාපවලින් අපව ගලවා ගැනීම සඳහා යේසුස් ක්රිස්තුස් වහන්සේ උන්වහන්සේගේ බෞතීස්මය හා රුධිරය අපට ලබා දුන් සේක. උන්වහන්සේගේ ශුභාරංචියෙන් අපගේ මාංසයේ පාපවලින් අපව උන්වහන්සේ ගලවා ගත් සේක.
සම්පූර්ණ පාප සමාව ඇති අයට ඕනෑම වේලාවක, බෙත්ලෙහෙමේ උපත ලැබූ, යොර්දානයේ බෞතීස්ම වූ, කුරුසයේ මියගිය හා තුන්වන දින යළි උත්ථාන වූ යේසුස් වහන්සේව විශ්වාස කිරීමෙන් ස්වර්ග රාජ්යයට ඇතුළු විය හැකිය. අපි සමිඳාණන් වහන්සේට ප්රශංසා කර අතර, උන්වහන්සේගේ නාමය සඳහටම මහිමයට පත් කරමු.
ජොහාන්ගේ අවසාන පරිච්ඡේදයේ දී, යේසුස් වහන්සේ මළවුන්ගෙන් උත්ථාන වීමෙන් පසු ගලීලයට ගිය සේක. ඔහු පේතෘස් ළඟට ගොස්, “යෝනාගේ පුත් සීමොන්, මේවාට වඩා ඔබ මට ප්රේම කරන්නේ ද?” යැයි පැවසූ සේක. එවිට පේතෘස් උන්වහන්සේට “එසේය, ස්වාමීනි; මම ඔබ වහන්සේට ආදරේ බව ඔබවහන්සේ දන්නා සේක.” යැයි පිළිතුරු දුන්නේ ය. එවිට යේසුස් වහන්සේ ඔහුට කතා කොට, “ මගේ බැටළු පැටවුන් පෝෂණය කරන්න.” යැයි වදාළ සේක.
යේසුස් වහන්සේගේ බෞතීස්මය සහ උන්වහන්සේගේ රුධිරය පිළිබඳ ශුභාරංචිය, පාප සමාව යන සියල්ල පේතෘස් වටහා ගත්තේ ය. ඔහුගේ සියලු පාපවලට සමාව ලබා දුන් ජලයේ සහ රුධිරයේ ශුභාරංචිය කෙරෙහි දැන් විශ්වාසය තැබීමෙන් සහ යේසුස් වහන්සේ ඔහුගේ පාද සෝදා හැරියේ මන්දැයි යන්න වටහා ගැනීම තුළින්, යේසුස් වහන්සේ කෙරෙහි ඔහුගේ ඇදහිල්ල වඩාත් ශක්තිමත් විය.
යොහන් 21:15 අපි යළිත් කියවමු. “15මෙසේ ඔවුන් කෑ පසු යේසුස්වහන්සේ සීමොන් පේත්රැස්ට කථාකොට: යොහන්ගේ පුත්රවූ සීමොන්, මොවුන්ට වඩා නුඹ මට ප්රේමකරනවාදැයි ඇසූසේක. ඔහු: එසේය, ස්වාමිනි, මා ඔබට ආදරේ ඇති බව ඔබ දන්නාසේකැයි උන්වහන්සේට කීවේය. උන්වහන්සේ: මාගේ බැටළුපැටවුන් පෝෂණයකරපන්නැයි ඔහුට කීසේක”. පේතෘස් දෙවියන් වහන්සේගේ ධර්මිෂ්ඨ හා පරිපූර්ණ සේවකයා බවට පත් වූ හෙයින් සහ පේතෘස් සම්පූර්ණ ගැලවීම ලද උන්වහන්සේගේ ගෝලයා වන හෙයින්, ඔහුට බැටළු පැටවුන් භාර දීමට උන්වහන්සේට හැකි වූ සේක.
පේතෘස් තම දෛනික පාප හේතුවෙන් නැවත පාපිෂ්ඨයෙකු බවට පත් වූයේ නම්, පාපවලට සමාව ලබාගැනීමේ ශුභාරංචිය දේශනා කරන ලෙස යේසුස් වහන්සේ ඔහුට නොපවසනු ඇත. මන්ද යත්, අනෙක් ගෝලයන් ඇතුළු ඔහුට සෑම දිනකම මාංසයේ පාප කිරීම විනා කළ හැකි අන් දෙයක් නොතිබූ බැවිනි. කෙසේවෙතත්, පාපවලට සමාව ලබාගැනීමේ ශුභාරංචිය වන යේසුස් වහන්සේගේ බෞතීස්මය සහ කුරුසයේ උන්වහන්සේගේ රුධිරය ඔවුන් විශ්වාස කළ හෙයින්, ඔවුන්ගේ සියලු පාප මකා දැමූ ශුභාරංචිය දේශනා කරන ලෙස යේසුස් වහන්සේ ඔවුන්ට පැවසූ සේක.
“ස්වාමීනී, මා ඔබවහන්සේට ප්රේම කරන බව ඔබවහන්සේ දන්නා සේක”
ඔබ යළිත් පාප කළ විට, ඔබ යළිත්
පාපිෂ්ඨයෙකු බවට පත් වනු ඇති ද?
නැත. යේසුස් වහන්සේ දැනටමත් යෝර්දාන්හිදී
මගේ සියලු අනාගත පාප දුරු කොට හැරිය සේක.
යේසුස් වහන්සේ පේතෘස්ට පැවසූ වචන ගැන අපි සිතා බලමු. “යෝනාගේ පුත් සීමොන්, ඔබ මේවාට වඩා මට ප්රේම කරන්නේ ද?” “එසේය, ස්වාමීනි; මම ඔබට ආදරේ බැව් ඔබවහන්සේ දන්නා සේක.” එය සියලු පාපවලට සමාව ලබාගැනීමේ ශුභාරංචිය කෙරෙහි ඇති ඇදහිල්ලෙනි පැන නැඟුණු හෙයින්, උන්වහන්සේගේ ප්රේමය පිළිබඳ පාපොච්චාරණය සත්යයක් විය.
යේසුස් වහන්සේ පාප සමා කිරීමේ ශුභාරංචිය පේතෘස්ට සහ අනෙක් ගෝලයන්ට ඔවුන්ගේ පාද සේදීමෙන් ඉගැන්වූයේ නැත්නම්, ඔවුන්ගේ ප්රේමය ඒ ආකාරයෙන් පාපොච්චාරණය කිරීමට ඔවුන්ට නොහැකි වනු ඇත.
ඒ වෙනුවට, යේසුස් වහන්සේ ඔවුන් වෙත පැමිණ, “මේ අයට වඩා ඔබ මට ප්රේම කරනවාද?” යැයි ඇසූ විට, “ස්වාමීනි, මම හුදෙක් අසම්පූර්ණ පුද්ගලයෙක්මි. මම මේ දේවල් වලට වඩා ඔබට ආදරය කළ නොහැකි පාපිෂ්ඨයෙක්මි. කරුණාකර මා හට තනිව සිටීමට ඉඩ හරින්න.”, යැයි පේතෘස් පවසන්නට ඇත. එමෙන්ම, පේතෘස් තමන්ව යේසුස් වහන්සේගෙන් සඟවා ගනිමින් පලා යන්නට ඇත.
එනමුත් අපි දැන් පීටර්ගේ පිළිතුරු ගැන සිතමු. මුළු මානව සංහතියම ගලවා ගත් යේසුස් වහන්සේගේ බෞතීස්මය සහ උන්වහන්සේගේ රුධිරය නම් පාප සමාව පිළිබඳ ශුභාරංචියෙන් ඔහු ආශීර්වාද ලද්දේය.
එබැවින්, “එසේය, ස්වාමීනි; මම ඔබවහන්සේට ආදරේ බැව් ඔබවහන්සේ දන්නා සේක.” යැයි පේතෘස්ට කීමට හැකි විය. ප්රේමයේ මෙම පාපොච්චාරණය පැමිණියේ යේසුස් වහන්සේගේ සමා කිරීම පිළිබඳ ශුභාරංචිය කෙරෙහි ඔහු තුළ තිබූ ඇදහිල්ලෙනි. යේසුස් වහන්සේ ලෝකයේ සියලු පාප ඉවත් කළ පාප ඉවත් කිරීමේ සැබෑ ශුභාරංචිය පේතෘස් විශ්වාස කළේය. මිනිසුන් ඔවුන්ගේ මාංශයේ ඌණතාවයන් හා දුර්වලතා හේතුවෙන් කිරීමට බැඳී සිටි අනාගතයේ සියලු පාප මෙයට ඇතුළත් විය.
පේතෘස් පාප සමාව පිළිබඳ ශුභාරංචිය තදින් විශ්වාස කළ අතර, යේසුස් වහන්සේ දෙවියන් වහන්සේගේ බැටළුපැටවාණන් බව ද ඔහු විශ්වාස කළ හෙයින්, පැකිලීමකින් තොරව ස්වාමින් වහන්සේට පිළිතුරු දීමට ඔහුට හැකි විය. යේසුස් වහන්සේගේ ගැලවීම ලැබුණේ පාප සමාව කිරීමේ ශුභාරංචියෙන් වන අතර, මේ අනුව, පේතෘස් ඔහුගේ දෛනික සියලු පාපෙවලින්ද ගැලවී ඇත. පේතෘස් ලෝකයේ සියලු පාප සමනය කිරීමේ ශුභාරංචිය තුළින් ගැලවීම පිළිබඳ විශ්වාස කළේය .
ඔබත් පේතෘස් වගේද? තමන්වහන්සේගේ ශුභාරංචිය, තමන්වහන්සේගේ බෞතීස්මයෙන් හා රුධිරයෙන් අපගේ සියලු පාප ඉවත් කළ යේසුස් වහන්සේ කෙරෙහි ඔබට ප්රේම කළ හැකි ද? එමෙන්ම, විශ්වාසය තැබිය හැකිද? ඔබට උන්වහන්සේව විශ්වාස කිරීමට හෝ ප්රේම කිරීමට නොහැකි වන්නේ කෙසේද? වෙනත් කිසිදු මාර්ගයක් නැත.
යේසුස් වහන්සේ අතීතයේ හෝ වර්තමානයේ කළ පාප පමණක් ඉවත් කර, අනාගතයේ පාප පමණක් අප වෙත භාර දී ඇත්නම්, අපට දැන් මෙන් උන්වහන්සේට ප්රශංසා කිරීමට නොහැකි වනු ඇත. මෙයට අමතරව, අපි සියල්ලෝම නිරයට යනු ඇත්තෙමු. එබැවින්, පාප සමාව පිළිබඳ ශුභාරංචිය විශ්වාස කිරීමෙන් අපව ගලවා ගත් බව අප සියල්ලන්ම කියා සිටිය යුතුය.
මාංසය සැමවිටම පාපයට ගොදුරු වී තිබෙන බැවින් අපි නිරන්තරයෙන් පාප කරන්නෙමු. එහෙයින්, බෞතීස්මයේ ශුභාරංචිය සහ යේසුස් වහන්සේගේ රුධිරය අපව ගලවා ගත් බව යන යේසුස් වහන්සේ අපට දී ඇති බහුල පාපවලට සමාව ලබා දීමේ ශුභාරංචිය විශ්වාස කිරීමෙන් අප ගැලවීම ලබා ගත් බව අප පාපොච්ඡාරණය කළ යුතුය.
යේසුස් වහන්සේගේ බෞතීස්මය හා රුධිරය වන පාපවලට සමාව ලබා ගැනීමේ ශුභාරංචිය අප විශ්වාස නොකළේ නම්, කිසිම ඇදහිලිවන්තයෙකු ඔහුගේ / ඇයගේ ජීවිත කාලය පුරාම කළ පාපවලින් නොගැලවෙනු ඇත. ඊට අමතරව, අපගේ ජීවිත කාලය පුරාම පාපොච්චාරණය කිරීමෙන් හා සෑම වරකම පසුතැවිලි වීමෙන් අපව මුදවා ගනු ලැබුවහොත්, ධර්මිෂ් සිටීමට අප වඩාත් මැලි වනු ඇති අතර, අපගේ හදවත් තුළ සැමවිටම පාපයක් තිබෙනු ඇත.
මෙය එසේ වූයේ නම්, අපි නැවත පාපිෂ්ඨයෙකු බවට පත් වනු ඇති අතර යේසුස් වහන්සේට ප්රේම කිරීම හෝ උන්වහන්සේ වෙත ළඟා වීම සිදු නොකරනු ඇත්තෙමු. එවිට, අපට යේසුස් වහන්සේගේ ගැලවීම විශ්වාස කිරීමටත්, අපගේ ජීවිතයන්හි අවසානය දක්වා උන්වහන්සේව අනුගමනය කිරීමටත් අපට නොහැකි වනු ඇත.
යේසුස් වහන්සේ අපට පාප සමාව පිළිබඳ ශුභාරංචිය ලබා දුන් අතර, එහි ඇදහිලිවන්තයන්ව ගලවා ගත් සේක. උන්වහන්සේ පරිපූර්ණ ගැලවුම්කරුවා බවට පත් වී ඇති අතර, අප උන්වහන්සේට සැබවින්ම ප්රේම කරනු ඇති පරිදි, අපගේ දෛනික පාප සියල්ලම උන්වහන්සේ සෝදා හළ සේක.
ඇදහිලිවන්තයන් වන අප, අපගේ පාප සමාව වන යේසුස් වහන්සේගේ බෞතීස්මය සහ රුධිරය පිළිබඳ ශුභාරංචියට ප්රේම කිරීම විනා කළ හැකි අන් යමක් නොමැත. සියලු ඇදහිලිවන්තයන්ට යේසුස් වහන්සේට සඳහටම ප්රේම කළ හැකි අතර, යේසුස් වහන්සේ අපට දී තිබෙන පාපයන් සමා කිරීමේ ශුභාරංචිය තුළින් ගැලවීමෙහි ප්රේමයේ වහලුන් බවට පත්විය හැකිය.
දයාබර ආදරණීයයෙනි! යේසුස් වහන්සේ සුළු පාපයක් පවා ඉතිරි කර දමා ගොස් ඇත්නම්, ඔබට යේසුස් වහන්සේව විශ්වාස කිරීමට නොහැකි වනු ඇත, එසේම පාප සමාව පිළිබඳ ශුභාරංචිය සඳහා සාක්ෂිකරුවෙකු වීමට ද ඔබට නොහැකි වනු ඇත. ඔබට දෙවියන් වහන්සේගේ සේවකයා ලෙස වැඩ කිරීමට නොහැකි වනු ඇත.
එහෙත්, ඔබ පාප සමාව පිළිබඳ ශුභාරංචිය විශ්වාස කරන්නේ නම්, ඔබගේ සියලු පාපවලින් ඔබට ඔබව ගලවා ගත හැකිය. ඔබ යේසුස් වහන්සේගේ වචනයෙහි සටහන් කර ඇති පාප සමාව පිළිබඳ සැබෑ ශුභාරංචිය අවබෝධ කරගත් විට, ඔබගේ සියලු පාපවලින් ගැලවීමට උන්වහන්සේ ඔබට ඉඩ ලබා දෙන සේක.
ඇදහිලිවන්තයන් වන අප, අපගේ පාප සමාව වන යේසුස් වහන්සේගේ බෞතීස්මය සහ රුධිරය පිළිබඳ ශුභාරංචියට ප්රේම කිරීම විනා කළ හැකි අන් යමක් නොමැත. සියලු ඇදහිලිවන්තයන්ට යේසුස් වහන්සේට සඳහටම ප්රේම කළ හැකි අතර, යේසුස් වහන්සේ අපට දී තිබෙන පාපයන් සමා කිරීමේ ශුභාරංචිය තුළින් ගැලවීමෙහි ප්රේමයේ වහලුන් බවට පත්විය හැකිය.
දයාබර ආදරණීයයෙනි! යේසුස් වහන්සේ සුළු පාපයක් පවා ඉතිරි කර දමා ගොස් ඇත්නම්, ඔබට යේසුස් වහන්සේව විශ්වාස කිරීමට නොහැකි වනු ඇත, එසේම පාප සමාව පිළිබඳ ශුභාරංචිය සඳහා සාක්ෂිකරුවෙකු වීමට ද ඔබට නොහැකි වනු ඇත. ඔබට දෙවියන් වහන්සේගේ සේවකයා ලෙස වැඩ කිරීමට නොහැකි වනු ඇත.
එහෙත්, ඔබ පාප සමාව පිළිබඳ ශුභාරංචිය විශ්වාස කරන්නේ නම්, ඔබගේ සියලු පාපවලින් ඔබට ඔබව ගලවා ගත හැකිය. ඔබ යේසුස් වහන්සේගේ වචනයෙහි සටහන් කර ඇති පාප සමාව පිළිබඳ සැබෑ ශුභාරංචිය අවබෝධ කරගත් විට, ඔබගේ සියලු පාපවලින් ගැලවීමට උන්වහන්සේ ඔබට ඉඩ ලබා දෙන සේක.
“ඔබ මේවාට වඩා මට ප්රේම කරන්නෙහිද?”
අන් සෑම දෙයකටම වඩා අප යේසුස්
වහන්සේට ප්රේම කිරීමට හේතු වී
ඇත්තේ කුමක්ද?
අපගේ සියලු පාපයන්, අනාගත පාප පවා සෝදා හළ උන්වහන්සේගේ බෞතීස්මය ඔස්සේ
උන්වහන්සේ අප වෙත දැක් වූ ප්රේමයයි
දෙවියන් වහන්සේ තමන් වහන්සේගේ බැටළු පැටවුන් පාප සමාව පිළිබඳ ශුභාරංචිය මුළුමනින්ම විශ්වාස කළ තමන් වහන්සේගේ සේවකයන්ට භාර දුන් සේක. “යෝනාගේ පුත් සීමොන්, මේවාට වඩා ඔබ මට ප්රේම කරන්නේ ද?” යැයි යේසුස් වහන්සේ තෙවරක් ඇසූ සේක. “එසේය, ස්වාමීනි, මම ඔබට ප්රේම කරන බව ඔබවහන්සේ දන්නා සේක.”, යැයි ඒ සෑම අවස්ථාවක දී ම පිළිතුරු පේතෘස් පිළිතුරු දුන්නේය. දැන් අපි පේතෘස්ගේ පිළිතුරු පිළිබඳ සිතා බලමු. මෙය ඔහුගේ කැමැත්ත ප්රකාශ කිරීමක් නොව, පාප සමාව පිළිබඳ ශුභාරංචිය කෙරෙහි ඔහු තුළ තිබූ විශ්වාසය බව අපට පෙනේ.
අප යමෙකුට ආදරය කරන විට සහ එම ප්රේමය අපගේ කැමැත්ත මත පදනම් වී ඇත්නම්, අප දුර්වල වූ විට එය බිඳ වැටිය හැකිය. එනමුත් එම ප්රේමය රඳා පවතින්නේ දෙවියන් වහන්සේගේ ප්රේමයේ ශක්තිය මත නම්, එය සඳහටම රඳා පවතිනු ඇත. දෙවියන් වහන්සේගේ ප්රේමය, එනම්, අපගේ සියලු පාපවලට බහුල සමාව ලබා ගැනීම, යේසුස් වහන්සේගේ හා ආත්මයාණන්ගේ බෞතීස්මයෙහි ජලයේ ගැලවීම ඒ හා සමාන ය.
පාප සමාව පිළිබඳ ශුභාරංචිය කෙරෙහි අපගේ ඇදහිල්ල, ස්වාමීන් වහන්සේ උදෙසා අපගේ ප්රේමයට හා ක්රියාවලට පදනම බවට පත් විය යුතුය. අප උන්වහන්සේට ප්රේම කළේ අපගේ කැමැත්තෙන් පමණක් නම්, අප හෙට දිනයේ දී පැකිලී, අවසානයේ දී අපගේ අයුතුකම්වලට අපටම වෛර කරනු ඇත්තෙමු. කෙසේ වෙතත්, යේසුස් වහන්සේ අපගේ සියලු පාප සෝදා හළ සේක. එනම්, මුල් පාපය, අතීතයේ අපගේ දෛනික පාප, වර්තමානයේ සහ අනාගතයේ පාප සහ අපගේ මුළු ජීවිත කාලය පුරාම කළ සියලු පාප. උන්වහන්සේගේ ගැලවීමෙන් උන්වහන්සේ කිසිවෙකු අත්නොහැරිය සේක.
මේ සියල්ල සත්යය යි. අපගේ ප්රේමය හා ඇදහිල්ල අපගේ අභිමතයන් හා යෝජනා මත රඳා පවතී නම්, අපගේ ඇදහිල්ලෙන් අප අසමත් වනු ඇත. එනමුත් අපගේ ප්රේමය හා ඇදහිල්ල රඳා පවතින්නේ යේසුස් වහන්සේ අපට දී ඇති සමා කිරීම පිළිබඳ ශුභාරංචිය මත බැවින්, අපි දැනටමත් දෙවියන් වහන්සේගේ දරුවන්, ධර්මිෂ්ඨයෝ වෙමු. ජලයේ හා ආත්මයේ ගැලවීම ගැන අප විශ්වාස කරන බැවින්, අපි පාපයෙන් තොරවූවන් වෙමු.
අපගේ ගැලවීම පැමිණියේ අප තුළ ඇති දේව භක්තියේ ස්වරූපයෙන් නොව, දෙවියන් වහන්සේට ඇති ප්රේමයෙන් සහ අපගේ පාප සමනය කිරීමෙන් සැබෑ ගැලවීමේ නියමය හෙයින් යන කරුණ හේතුවෙන්, අප ජීවිතයේ කෙතරම් අසම්පූර්ණ හෝ දුර්වල වුවත් ධර්මිෂ්ඨබවින් යුත් අය වෙති. අපි ස්වර්ග රාජ්යයට ඇතුළු වී සදාකාලයටම දෙවියන් වහන්සේට ප්රශංසා කරන්නෙමු. ඔබ මෙය විශ්වාස කරනවාද?
“ප්රේමය යනු අප දෙවියන් වහන්සේට ප්රේම කිරීම නොව, උන්වහන්සේ අපට ප්රේම කර උන්වහන්සේගේ පුත්රයා අපගේ පාපවලට සමාව ලබා දීමට එවීම යි.” යනුවෙන් 1 යොහන් 4:10 හි සඳහන් වේ. යේසුස් වහන්සේ අපව ජලයෙන් හා ආත්මයෙන් ගලවාගත් සේක, එබැවින් අප යේසුස් වහන්සේගේ බෞතීස්මය සහ උන්වහන්සේගේ රුධිරය නම් වූ සමාව පිළිබඳ ශුභාරංචිය කෙරෙහි විශ්වාසය තැබිය යුතුය.
පාප සමාව පිළිබඳ ශුභාරංචියෙන් දෙවියන් වහන්සේ අපව ගලවා නොගත්තේ නම්, අප කෙතරම් උනන්දුවෙන් විශ්වාස කළත් අපට ගැලවීම ලැබිය නොහැකිය. එනමුත් යේසුස් වහන්සේ අපගේ හදවත් තුළ සහ අපගේ මාංසයත් සමඟ අප කරන සියලු පාප සෝදා හළ සේක.
අප ධර්මිෂ්ඨවීමට නම්, පාප සමාව ලබාගැනීමේ ශුභාරංචිය වන ජලයේ හා ආත්මයේ වචන කෙරෙහි තබන විශ්වාසය ඔස්සේ අපගේ ගැලවීම් ගැන අප නිසැක විය යුතුය. ලෝකයේ සියලු පාප සමා කිරීමේ ශුභාරංචිය සෑදී ඇත්තේ යේසුස් වහන්සේගේ බෞතීස්මය සහ උන්වහන්සේගේ රුධිරයෙනි. සමාව දීමේ ශුභාරංචිය නම් සැබෑ ඇදහිල්ලේ සන්තුෂ්ටිය, ගැලවීමේ සැබෑ පදනම සහ දේවරාජ්යයට ඇතුල් වීමේ යතුර යි.
අපට අපගේ ස්වකීය කැමැත්තන්හි ඇදහිල්ල බැහැර කිරීමට සිදු වේ
සත්ය ඇදහිල්ල පැමිණෙන්නේ
කොහි සිටද?
එය පැමිණෙනුයේ අපගේ සියලු අනාගත පාප සෝදා
හළ ස්වාමීන් වහන්සේගේ ප්රේමයෙනි.
අයෙකුගේ ස්වකැමැත්තෙන් උපන් භක්තිය හෝ ආදරය සැබෑ ආදරය හෝ සැබෑ භක්තිය නොවේ. මේ ලෝකයේ යහපත් කැමැත්තෙන් යේසුස් වහන්සේව අදහන බොහෝ දෙනෙකු සිටින අතර, පසුව ඔවුහු හදවත් තුළ ඇති පාපයේ වේදනාව හේතුවෙන් ඔවුන්ගේ ඇදහිලි විශ්වාසයන් සියල්ල එකට අත්හරිති.
එනමුත්, නොවැදගත් අයුක්තියන් පමණක් නොව, නොදැනුවත්කම හේතුවෙන් සිදුකරන මහා පාප පවා යනාදී වශයෙන් ලෝකයේ සියලු පාප යේසුස් වහන්සේ සෝදා හළ බව අප වටහා ගත යුතුය.
යොහන් 13 හි, තමන්වහන්සේගේ ශ්රාවකයන් හට තමන්වහන්සේගේ ගැලවීම කෙතරම් ආලිංගික හා සදාකාලිකව ඵලදායී ද යන්න ඉගැන්වීම සඳහා, යේසුස් වහන්සේ කුරුසිපත් වීමට ප්රථම, තම ශ්රාවකයන්ව එක්රැස් කළ සේක. උන්වහන්සේ සිය ශ්රාවකයන් සමඟ රාත්රී භෝජන සංග්රහයක යෙදී සිටිය දී, උන්වහන්සේගේ බහුල ගැලවීමේ සත්යය ඔවුන්ගේ හදවත් තුළට කැටයම් කිරීම සඳහා උන්වහන්සේ නැඟිට ඔවුන්ගේ පාද සේදූ සේක. යේසුස් වහන්සේ තමන්වහන්සේගේ ශ්රාවකයන්ගේ පාද සේදීමෙන් ඉගැන්වූ සමාව පිළිබඳ ශුභාරංචිය අප සැවොම දැන සිටිය අතර, ඒ කෙරෙහි විශ්වාසය තැබිය යුතුය.
එනමුත් පේතෘස් පළමුව යේසුස් වහන්සේට තම දෙපා සේදීමට ඉඩ දීමට තරයේ ප්රතික්ෂේප කළේය. “ඔබ කිසි විටෙකත් මාගේ පාද නොසේදිය යුතුයි!” මෙය ඔහුගේ ස්වඅභිමතයෙන් උපන් ඇදහිල්ලේ ප්රකාශනය විය. එනමුත් යේසුස් වහන්සේ ඔහුට, `` මා කරන්නේ කුමක් දැ යි ඔබට දැන් වැටහෙන්නේ නැත, එනමුත් ඔබ මෙයින් මතු එය දැන ගනු ඇත.” යැයි පැවසූ සේක.
දැන්, ජලයේ හා ආත්මයේ ශුභාරංචිය සමඟ, අපට අවබෝධ කර ගැනීමට නොහැකිව තිබූ බයිබලයේ වචන තේරුම් ගත හැකිය. පාපිෂ්ඨයෙකුට ඔහුගේ / ඇයගේ මුළු හදවතින්ම විශ්වාස කිරීමෙන් ධර්මිෂ්ඨබවට පත් වීමට ඉඩ සලසන ජලයේ හා ආත්මයේ ශුභාරංචිය, පාප සමා කිරීම, එය සත්යයේ වචනයයි.
පේතෘස් යේසුස් වහන්සේව මුණගැසීමට පෙර සිදු කළ මෙන් අනෙක් ශ්රාවකයන් සමඟ මසුන් ඇල්ලීමට ගියේය. ඉන්පසු යේසුස් වහන්සේ ඔවුන් ඉදිරියෙහි පෙනී සිටිමින් ඔවුන්ට හට හඬගැසුවේය. යේසුස් වහන්සේ ඔවුන් වෙනුවෙන් උදේ ආහාරය පිළියෙළ කර තිබූ අතර, උදේ ආහාරය ගනිමින් සිටිය දී යේසුස් වහන්සේ පෙර පැවසූ වචනවල තේරුම පේතෘස්ට වැටහිණි. “මම කරන්නේ කුමක්දැයි ඔබට දැන් තේරෙන්නේ නැත, නමුත් ඔබ මෙයින් පසුව දැන ගනු ඇත.” ඔහුගේ දෙපා සේදීමෙන් යේසුස් වහන්සේ සැබවින්ම අදහස් කළේ කුමක්ද කියා ඔහු අවසානයේ තේරුම් ගෙන ඇත.
සමිඳාණන් වහන්සේ අනාගතයේ දී මා කරනු ඇති පාප ඇතුළු මගේ දුර්වලකම් නිසා මා කරන සියලු පාප සෝදා හළ සේක.” පේතෘස් ස්වඅභිමතය හා ස්වඅධිෂ්ඨානයෙන් උපන් ඇදහිල්ල අත්හැර, පාප සමා කිරීමේ ශුභාරංචිය වන යේසුස් වහන්සේගේ බෞතීස්මය හා රුධිරය පිළිබඳව ස්ථිරව සිටීමට ඇරඹුවේ ය.
උදේ ආහාරයෙන් පසු යේසුස් වහන්සේ පේතෘස්ගෙන් ඇසුවේ “ඔබ මේවාට වඩා මට ප්රේම කරනවා ද?” යන්නයි. දැන්, යේසුස් වහන්සේගේ ප්රේමය කෙරෙහි ඇදහිල්ලෙන් ශක්තිමත් වූ පේතෘස් මෙසේ පාපොච්චාරණය කළේය. “එසේය, ස්වාමීනි; මම ඔබට ආදරේ බව ඔබවහන්සේ දන්නා සේක. ” පේතෘස්ට එලෙස පිළිතුරු දිය හැකි වූයේ, “මෙයින් පසුව ඔබ දැනගනු ඇත.” කියා යේසුස් වහන්සේ පැවසූ විට, උන්වහන්සේ අදහස් කළේ කුමක්ද කියා ඔහු තේරුම් ගෙන තිබූ හෙයිනි. ඔහුගේ සැබෑ ඇදහිල්ල, එනම් යේසුස් වහන්සේගේ බෞතීස්මය හා රුධිරය පිළිබඳ ඇදහිල්ල, පාප සමාව පිළිබඳ ශුභාරංචිය පාපොච්චාරණය කිරීමට ඔහුට හැකි විය.
ඉන් අනතුරුව, ඔහු දෙවියන් වහන්සේගේ සත්ය දේවගැතියෙකු බවට පත් වූයේය
එම අත්දැකීමෙන් පසු, පේතෘස් සහ අනෙක් ශ්රාවකයෝ ඔවුන්ගේ අවසන් හුස්ම ගන්නා තෙක් ශුභාරංචිය දේශනා කළහ. කිතුනුවන්ට අනුකම්පා විරහිතව පීඩා කළ පාවුල් පවා, රෝම අධිරාජ්යයේ එම දුෂ්කර කාලවලදී ශුභාරංචියට සාක්ෂි දැරුවේය.
ඔබට දෙවියන් වහන්සේගේ සත්ය
දේවගැතියෙකු බවට පත් විය
හැක්කේ කෙසේද?
සියලු පාප සඳහා උන්වහන්සේගේ සදාකාලික
පාප සමාව කෙරෙහි විශ්වාසය තැබීමෙන්
යේසුස් වහන්සේගේ ශ්රාවකයන් දොළොස්දෙනා අතර, යූදස් යේසුස් වහන්සේව විකුණා පසුව ගෙල වැලලා ගත්තේය. ඔහුගේ ස්ථානය ගත්තේ ප්රේරිත පාවුල්ය. ශ්රාවකයන් තමන් අතර මතියස්ව තෝරාගෙන තිබුණත්, දෙවියන් වහන්සේ විසින් තෝරාගනු ලැබුවේ පාවුල් ය. එබැවින් පාවුල් යේසුස් වහන්සේගේ දූතයා බවට පත්වී අනෙක් ශ්රාවකයන් සමඟ පාප සමාව පිළිබඳ ශුභාරංචිය දේශනා කළේය.
යේසුස් වහන්සේගේ ශ්රාවකයන්ගෙන් බොහෝ දෙනෙක් දිවි පිදූවන් ලෙස මිය ගියහ. ඔවුන්ට මරණ තර්ජන එල්ල වූ විට පවා, ඔවුන් ඔවුන්ගේ විශ්වාසයන් ප්රතික්ෂේප නොකළ අතර, මුල් ශුභාරංචිය නොකඩවා දේශනා කළහ.
ඔවුන් මේ ආකාරයට දේශනා කර තිබෙන්නට ඇත. “යේසුස් ක්රිස්තුස් වහන්සේ උන්වහන්සේගේ බෞතීස්මයෙන් හා රුධිරයෙන් ඔබේ මාංශයේ සියලු පාප සෝදා හළ සේක, එනම් පාප සමාව පිළිබඳ උන්වහන්සේගේ ශුභාරංචියත් සමඟිනි. යේසුස් වහන්සේ යොර්දාන්හි උන්වහන්සේගේ බෞතීස්ම වීමත් සමඟ ඔබගේ පාප ඉවත් කර, කුරුසයේ ඔබ වෙනුවෙන් විනිශ්චය ලබා විඳ දරා ගත් සේක. යේසුස් වහන්සේගේ බෞතීස්මය සහ කුරුසයේ උන්වහන්සේගේ රුධිරය පිළිබඳ ශුභාරංචිය කෙරෙහි විශ්වාසය තබෙ ගැලවීම ලබා ගන්න. ”
මුල් ශුභාරංචියට සවන් දී එය විශ්වාස කිරීම මඟින්, නොඅනුමානයෙන් බොහෝ දෙනෙකුගේ ගැලවීම විය. එය යේසුස් වහන්සේගේ බෞතීස්මය, උන්වහන්සේගේ රුධිරය හා ආත්මයෙහි ශුභාරංචිය කෙරෙහි තැබූ ඇදහිල්ලේ බලය විය.
“යේසුස් වහන්සේ දෙවියන් වහන්සේ හා ගැලවුම්කරුවාණෝය.” යැයි පවසමින් ශ්රාවකයෝ ජලයේ හා ආත්මයේ ශුභාරංචිය දේශනා කළහ. යේසුස් වහන්සේගේ බෞතීස්මය හා රුධිරය පිළිබඳ ශුභාරංචිය අපගේ ගැලවීම ලෙස ඔබටත් මටත් දැන් ඇසීමට හැකි වී ඇත්තේ ඔවුන් ජලය සහ ආත්මයෙහි ශුභාරංචියට සාක්ෂි දරා ඇති බැවින් වන අතර, අපට පාපයෙන් ගැලවීමට එලෙස හැකි වනු ඇත. දෙවියන් වහන්සේගේ අසීමිත ප්රේමය සහ යේසුස් වහන්සේගේ සම්පූර්ණ ගැලවීම හේතුවෙන්, අපි සියල්ලෝම යේසුස් වහන්සේගේ ශ්රාවකයන් බවට පත්ව ඇත්තෙමු.
ඔබ සියලු දෙනා විශ්වාස කරනවාද? යේසුස් වහන්සේ අපට කෙතරම් ප්රේම කළේ ද කිවහොත්, උන්වහන්සේ අපට ජලයේ හා ආත්මයේ ශුභාරංචිය, පාප සමාව ලබා දුන් අතර,අප යේසුස් වහන්සේගේ ධර්මිෂ්ඨයන් බවට පත්ව ඇත්තෙමු. සමාව දීමේ සැබෑ ශුභාරංචිය ඉගැන්වීම සඳහා, යේසුස් වහන්සේ සිය ශ්රාවකයන්ගේ පාද සේදූ සේක.
අපගේ ජීවිත කාලය පුරාම අප කරන සියලු පාපද ඇතුළුව ලෝකයේ සියලු පාප උන්වහන්සේ බෞතීස්ම වී කුරුසයේ රුධිරය ගැලූ විට සම්පූර්ණයෙන්ම සෝදා හරිනු ලැබූ බව ඔවුන්ටත් අපටත් ඉගැන්වීමට යේසුස් වහන්සේ සිය ගෝලයන්ගේ දෙපා සේදූ සේක. යේසුස් වහන්සේගේ ප්රේමය හා සමාව දීමේ ශුභාරංචිය සඳහා අපි උන්වහන්සේට ස්තූතිවන්ත වෙමු.
ශ්රාවකයන්ගේ දෙපා සේදීමෙන් යේසුස් වහන්සේ අපට කරුණු දෙකක් ඉගැන්වූ සේක. පළමුවෙන්ම, අපගේ සියලු පාප සමනය කිරීමේ ශුභාරංචිය වන යේසුස් වහන්සේගේ බෞතීස්මය සහ උන්වහන්සේගේ රුධිරය මඟින් අපගේ සියලු පාප සෝදා හරිනු ලැබූ බව, එනම් “මා කරන දෙය ඔබට දැන් වැටහෙන්නේ නැත, නමුත් මෙයින් පසුව ඔබ දැනගනු ඇත” යනුවෙන් උන්වහන්සේ පවසා ඇති ලෙසම ඔවුන්ට එය ඉගැන්වීමට ය.
දෙවන ඉගැන්වීම නම්, පාපිෂ්ඨයන්ව ගලවා ගෙන ඔවුන්ව ධර්මිෂ්ඨයන් බවට පත් කිරීමට යේසුස් වහන්සේ යටහත් පහත්ව ක්රියා කළ ආකාරයටම, නැවත ඉපදුණු අපි සමා කිරීම පිළිබඳ ශුභාරංචිය අන්යයන්ට දේශනා කිරීමෙන් සේවය කළ යුතුය. පළමුවෙන් පැමිණි අප පසුව පැමිණෙන අයට සේවය කිරීම අපට සුදුසු ය.
පාස්කු මංගල්ය දිනයේදී යේසුස් වහන්සේ ශ්රාවකයන්ගේ පාද සේදීමට හේතු වූ කරුණු ද්විත්ත්වය පැහැදිලි වන අතර, ඒවා තවමත් උන්වහන්සේගේ දේවගැති සභාව තුළ පවතී.
ශ්රාවකයෙකුට කිසි විටෙකත් තම ගුරුවරයාට වඩා උසස් විය නොහැක. එබැවින්, අප ලෝකයට ශුභාරංචිය දේශනා කරන අතර, එය යේසුස් වහන්සේ සේවය කරන සේවයක් සේ එම සේවයෙහි යෙදෙන්නෙමු. මින් පෙර ගැලවීම ලැබූ අප, අපට පසුව පැමිණෙන අයට සේවය කළ යුතුය. මෙය ඉගැන්වීම සඳහා යේසුස් වහන්සේ ශ්රායකයන්ගේ පාද සේදූ සේක. ඊට අමතරව, උන්වහන්සේ පේතෘස්ගේ පාද සේදීමෙන්, අප නැවත කිසි දිනෙක යක්ෂයාට නොරැවටෙනු ඇති පරිදි උන්වහන්සේ පරිපූර්ණ ගැලවුම්කරුවා යන වග අපට පෙන්වා දුන් සේක.
පාප සමාව, ජලය සහ ආත්මය පිළිබඳ ශුභාරංචිය විශ්වාස කිරීමෙන් ඔබ සැමට ගැලවීම ලැබිය හැකිය. යේසුස් වහන්සේ තමන්වහන්සේගේ බෞතීස්මය, කුරුසිපත් වීම හා යළි උත්ථාන වීම තුළින් අපගේ සියලු පාප සෝදා හළ සේක. ලෝකයේ පාපවලින් සඳහටම ගැලවිය හැක්කේ උන්වහන්සේගේ ශුභාරංචිය විශ්වාස කරන අයට පමණි.
අපගේ සියලු දෛනික පාප සෝදා හළ ශුභාරංචිය කෙරෙහි විශ්වාසය තබන්න
සමා කිරීම පිළිබඳ ශුභාරංචිය වන ජලයේ සහ ආත්මයෙහි වචන විශ්වාස කිරීමෙන් අපට යක්ෂයාගේ මුලා කිරීම් කපා දැමිය හැකිය. මිනිසුන් පහසුවෙන් යක්ෂයා විසින් රවටනු ලැබෙන අතර, යක්ෂයා දිගින් දිගටම ඔවුන්ගේ කනට කොඳුරයි. මිනිසුන්ගේ මාංසය නිරන්තරයෙන් ලෝකය තුළ පාප සිදු කරන බව දැන, ඔවුන් කවදා හෝ පාපයක් නොමැතිව සිටිය හැක්කේ කෙසේද? සියලු මිනිස්සු පාපිෂ්ඨයෝ වෙති.
කෙසේවෙතත්, අපි පිළිතුර දනිමු. “යේසුස් වහන්සේ අපගේ මාංසයේ සියලු පාපයන් උන්වහන්සේගේ බෞතීස්මයත් සමඟ ඉවත් කළ බව දැන, ඇදහිලිවන්තයෙකුට පාපයත් සමඟ සිටිය හැකි වන්නේ කෙසේද? යේසුස් වහන්සේ පාපයේ සියලු බැළය සම්පූර්ණයෙන් ගෙවූ සේක, එබැවින් අපට ගෙවීමට ඉතිරිව ඇත්තේ කුමන බැළයක් ද? ”
අපි ජලයේ සහ රුධිරයේ ශුභාරංචිය විශ්වාස නොකරන්නේ නම්, යක්ෂයාගේ වචන සාධාරණ බව පෙනේ. එනමුත්, අපගේ පාර්ශ්වයෙන් ශුභාරංචිය අපට තිබේ නම්, අපට දේවවචනයේ සත්යය කෙරෙහි නොසැලෙන විශ්වාසයන් තිබිය හැකිය.
ජලය හා රුධිරයෙන් නැවත ඉපදීම පිළිබඳ ශුභාරංචිය කෙරෙහි අපට විශ්වාසයක් තිබිය යුතුය. සැබෑ ඇදහිල්ල නම් යේසුස් වහන්සේගේ බෞතීස්මය පිළිබඳ ශුභාරංචිය, කුරුසයේ උන්වහන්සේගේ රුධිරය, උන්වහන්සේගේ මරණය සහ උන්වහන්සේගේ යළි උත්ථාන වීම විශ්වාස කිරීමයි.
ශුද්ධ මණ්ඩපයේ ආකෘතියක පින්තූරයක් ඔබ කෙදිනක හෝ දැක තිබේද? එය කුඩා කූඩාරම් නිවසකි. නිවස කොටස් දෙකකට බෙදා ඇති අතර, පිටත කොටස ශුද්ධ ස්ථානය වන අතර, අභ්යන්තර කොටස දයාවන්ත ආසනය ස්ථානගත කර ඇති අතිශුද්ධ සිද්ධස්ථානයයි.
ශුද්ධ මණ්ඩපයේ පිටත මළුවෙහි සමස්තයක් ලෙස කුළුණු 60 ක් පිහිටා ඇති අතර, ශුද්ධස්ථානයේ පුවරු 48 ක් ඇත. දෙවියන් වහන්සේගේ වචනවල අර්ථය වටහා ගැනීම සඳහා අප ශුද්ධ මණ්ඩපය අපගේ මනසෙහි නිරූපණය කළ යුතුය.
දේවස්ථාන මණ්ඩපයේ දොරටුව සාදන ලද්දේ කුමකින් ද?
දේවස්ථාන මණ්ඩපයේ දොරටුව
සාදන ලද්දේ කුමකින් ද?
නිල්, දම් සහ තද රත් පැහැති නූල් සහ
අනර්ඝ රෙදිවලින් වියන ලද තිරයකිනි.
මණ්ඩප මළුවේ දොරටුවෙහි නික්මයාම 27: 16 හි විස්තර කර ඇත, “මළුවෙහි දොරටුව සඳහා රියන් විස්සක් දිග, නිල් සහ දම් පාට සහ තද රතු පැහැති නූල් වලින් වියන ලද තිරයක් තිබෙන අතර, රෙදි වියන්නෙකු විසින් සාදන ලද සිනිඳු ලිනන් නූලක් තිබෙනු ඇත. එහි කුළුණු හතරක් සහ සොකට් හතරක් තිබිය යුතුය.” මණ්ඩප මළුවෙහි ද්වාරය සඳහා භාවිතා කරන ලද ද්රව්ය නිල්, දම් සහ තද රතු පැහැති නූල් සහ සිනිඳු හණ නූල් විය. එය ඉතා සියුම් ලෙස වියා තිබුණු අතර, ඉතා වර්ණවත් විය.
සෑම අයෙකුටම පිවිසීමේ දොරටුව පහසුවෙන් සොයා ගැනීමට හැකි වන පරිදි ද්වාරය නිල්, දම් සහ තද රතු පැහැති නූල්වලින් වර්ණවත් ලෙස විවීමට දෙවියන් වහන්සේ මෝසෙස්ට අණ කර තිබුණි. නිල්, දම්, තද රතු පැහැති නූල් සහ සිනිඳු හණ නූල්වලින් වියන ලද ද්වාරය කුළුණු හතරක් මත එල්ලා තිබුණි.
දෙවියන් වහන්සේ ලෙස උන්වහන්සේ තුළත්, උන්වහන්සේගේ පුත්රයාණන් වන යේසුස් වහන්සේගේ බෞතීස්මය හා රුධිරය තුළත් විශ්වාසය තැබූ සියල්ලන්ම උන්වහන්සේ විසින් ගලවා ගනු ලබන, දෙවියන් වහන්සේගේ ගැලවීමේ සැලැස්මෙහි පිටපත මෙම ද්රව්ය හතර මඟින් සංකේතවත් කෙරේ.
ශුද්ධ මණ්ඩපය ගොඩනැගීම සඳහා භාවිතා කරන සෑම ද්රව්යයකටම නිශ්චිත අර්ථයක් ඇති අතර, එය දෙවියන් වහන්සේගේ වචනය සහ යේසුස් වහන්සේ තුළින් මනුෂ්ය වර්ගයා ගලවා ගැනීමේ උන්වහන්සේගේ සැලසුම් නියෝජනය කරයි.
දැන්, ශුද්ධ මණ්ඩපයේ මළුවෙහි ද්වාරය සඳහා විවිධ ද්රව්ය කීයක් භාවිතා කර තිබේ ද? විවිධ ද්රව්ය හතරක් භාවිතා කරන ලදී. එනම්, නිල්, දම්, තද රතු පැහැති නූල් සහ සිහින් හණ නූල් ය. නැවත ඉපදීමේ ශුභාරංචිය පිළිබඳ අපගේ ඇදහිල්ල ශක්තිමත් කිරීමට මෙම අයිතම හතරම ඉතා වැදගත් වේ. එය වැදගත් නොවූයේ නම්, මෙම තොරතුරු එතරම් විස්තර සහිතව බයිබලයේ සටහන් නොවනු ඇත.
ශුද්ධ මණ්ඩප මළුවෙහි දොරටුව සඳහා භාවිතා කරන ලද සියලු ද්රව්යයන් අපගේ ගැලවීමට සුවිශේෂ අර්ථයන් දක්වයි. එබැවින්, දෙවියන් වහන්සේ මෙම දේවල් මෝසෙස්ට හෙළි කළ අතර, ඔහුට පැවසූ ලෙසම සිදු කරන මෙන් පැවසූ සේක.
දෙවියන් වහන්සේගේ ශුභාරංචිය තුළ නිල්, දම් සහ තද රත් පැහැ නූලෙන් අදහස් කරන්නේ කුමක්ද?
යුදෙව් දේවස්ථානයට භාවිත කරන ලද
සියලු ද්රව්යයවලින් සංකේතවත් වන්නේ
කුමක්ද?
යේසුස් වහන්සේගේ බෞතීස්මය
සහ රුධිරය ඔස්සේ ගැලවීම
ශුද්ධ වූ මණ්ඩපයේ ඇතුළත, නිල්, දම් සහ තද රතු පැහැති නූල් මෙන්ම, සිනිඳු හණ නූල් ශුද්ධ ස්ථානය සහ අතිශුද්ධස්ථානය අතර එල්ලා තිබූ වැස්ම සඳහා නැවත භාවිතා කර තිබුණි. උත්තම පූජකයාගේ සිවුරු සඳහා ද එම ද්රව්යම භාවිතා කර තිබුණු අතර, එම පූජකයාට වසරකට වරක් අතිශුද්ධස්ථානයට ඇතුළු වීමට හැකියාව සතු විය.
නිල් පැහැති නූල් යේසුස් වහන්සේගේ බෞතීස්මය සංකේතවත් කරයි. 1 පේතෘස් 3: 21 හි, “බෞතීස්මය නම් අපව ගලවා ගන්නා ප්රතිවිරෝධකයක් ද ඇත.” යැයි පැවසෙයි. යේසුස් වහන්සේගේ බෞතීස්මය පේතෘස් විසින් සනාථ කළ අතර, එම ශ්ලෝකයේ සඳහන් පරිදි පාප සමාවෙහි ලබා ගැනීමේ ගැලවීමේ ප්රතිරෝධය ලෙස ලෝකයේ පාප සියල්ලම උන්වහන්සේ භාර ගත් සේක. අපගේ සියලු පාප යේසුස් වහන්සේගේ බෞතීස්මය ඔස්සේ උන්වහන්සේට භාර කෙරිණි. එබැවින්, ගැලවීම යන වචනයෙහි වඩාත් වැදගත්ම අංගය වන්නේ යේසුස් වහන්සේගේ බෞතීස්මය නිරූපණය කරන නිල් පැහැති නූල ය.
තද රත් පැහැති නූල මඟින් යේසුස් වහන්සේගේ රුධිරය සංකේතවත් කරන අතර, දම් පැහැති නූල මඟින් උන්වහන්සේගේ දේවත්වය, එනම් රජු සහ දෙවියන් වහන්සේ ලෙස යේසුස් වහන්සේගේ තත්ත්වය සංකේතවත් කරයි. යේසුස් වහන්සේ සහ උන්වහන්සේගේ ගැලවීම කෙරෙහි අපගේ ඇදහිලි සඳහා නූල් වර්ණ තුන අවශ්ය විය.
උත්තම පූජකයා විසින් පැළඳ සිටි අලංකාර පිටත වස්ත්රය එෆෝඩ් ලෙස හැඳින්වූ අතර, එෆොඩ් සිවුර ද සම්පූර්ණයෙන්ම නිල් පැහැයෙන් යුත් විය. උත්තම පූජකයා ඔහුගේ හිස මත ජඨාවක් පැළඳ සිටි අතර, එහි පිරිසිදු රන් තහඩුවක් මත ‘සමිඳාණන් වහන්සේට ශුද්ධ ය.’ යැයි කැටයම් කොට තිබිණි. එම තහඩුව ද නිල් පැහැති ලණුවකින් ජඨාවට සවි කර තිබුණි.
නිල් පැහැ නූලෙන් නියෝජිත සත්යය
නිල් පැහැ නූලෙන් නියෝජනය
කරන්නේ කුමක්ද?
යේසුස් වහන්සේගේ බෞතීස්මය
මම බයිබලයේ නිල් පැහැති නූල්වල අර්ථය සොයා බැලුවෙමි. නිල් පැහැය ගැන බයිබලය පවසන්නේ කුමක්ද? නිල්, දම් සහ තද රතු පැහැති නූල් අතර නිල් පැහැති නූල් අප තේරුම් ගත යුතුය.
නිල් පැහැති නූල් නිරූපණය කරන්නේ ‘ජලය’ යි, එනම් යේසුස් වහන්සේගේ බෞතීස්මයයි. ලෝකයේ සියලු පාප භාර ගැනීම සඳහා යේසුස් ක්රිස්තුස් වහන්සේ බෞතීස්ම කරනු ලැබුවේ ස්නාවක ජොහාන්තුමන් විසිනි. (මතෙව් 3:15).
යේසුස් වහන්සේ උන්වහන්සේගේ බෞතීස්මයෙන් ලෝකයේ සියලු පාප ඉවත් නොකළේ නම්, අපට දෙවියන් වහන්සේ ඉදිරියෙහි පාපයෙන් පිරිසිදු වීමට ඉඩක් නොලැබෙනු ඇත. එබැවින්, යේසුස් ක්රිස්තුස් වහන්සේ හට මෙලොවට පැමිණ, ලෝකයේ සියලු පාප ඉවත් කිරීමට යොර්දාන් නදියේ දී ස්නාවක ජොහාන්තුමන්ගේ දෑතින් බෞතීස්ම වීමට සිදු වූ සේක.
ශුද්ධ මණ්ඩප මළුවේ දොරටුවේ නිල් පැහැති නූල් තිබිය යුතු වීමට හේතුව වූයේ යේසුස් වහන්සේගේ බෞතීස්මය නොමැතිව අපට අපගේ පාපයෙන් පිරිසිදු වීමට නොහැකි වීමයි.
තද රත් පැහැති නූලෙන් යේසුස් වහන්සේගේ මරණය, උන්වහන්සේගේ රුධිරය නියෝජනය කරයි. දම් පැහැය යනු යේසුස්ගේ ඊශ්වරත්වයයි, එලෙස, “ රජවරුන්ගේ රජ සහ ස්වාමිවරුන්ගේ ස්වාමියා වශයෙන් එකම බලසම්පන්නයා ලෙස ” (1 තිමෝති 6:15) යේසුස් වහන්සේගේ තත්ත්වය යි.
සත්යය නම් තද රතු පැහැති නූල් මඟින් සියලු මනුෂ්ය වර්ගයා වෙනුවෙන් පාපයේ බැළය ගෙවීමට කුරුසය මත රුධිරය හෙලූ ක්රිස්තුස් වහන්සේගේ රුධිරය සංකේතවත් කෙරෙන බවයි. යේසුස් ක්රිස්තුස් වහන්සේ මාංශයෙන්- මේ ලෝකයට පැමිණියේ උන්වහන්සේගේ බෞතීස්මය තුළින් මනුෂ්ය වර්ගයාගේ සියලු පාපයන් උන් වහන්සේ වෙතට ගෙන ඒම සඳහාය. තවද,තමන්වහන්සේව කුරුසය මත පූජා කිරීමෙන් පාපයේ සියලු බැළය උන්වහන්සේ ගෙවා දැමූ සේක. පැරණි තෙස්තමේන්තුවෙහි ශුද්ධ මණ්ඩපය සඳහා භාවිතා කරන ලද නූල්වල වර්ණ මගින් පුරෝකථනය කරනු ලබන පාප සමාව පිළිබඳ සැබෑ ශුභාරංචිය වන්නේ යේසුස් වහන්සේගේ බෞතීස්මය හා රුධිරය යි.
මණ්ඩපයේ කුළුණු ඇකේෂියා ලී වලින් ද, සොකට් ලෝකඩයෙන් ද සාදා තිබුණු අතර, ලෝකඩ සොකට් රිදී පටිවලින් ආවරණය කර තිබිණි.
සියලු පාපිෂ්ඨයන් ඔවුන්ගේ පාප වෙනුවෙන් විනිශ්චය කරනු ලැබුවේ පාපයේ බැළය මරණය වන හෙයිනි. අළුත් ජීවිතයක් උපයා ගැනීම සඳහා යමෙකු දෙවියන් වහන්සේගෙන් ආශීර්වාද ලැබීමට පෙර, ඔහුට / ඇයට පැරණි තෙස්තමේන්තුවේ දිනවල ඔහුගේ / ඇයගේ පාප වෙනුවෙන් පූජාවක් ඔප්පු කිරීමට සිදු විය.
කෙසේවෙතත්, ශුද්ධ වූ මණ්ඩපයේ නිල් පැහැති නූල්වලින් නිරූපණය වන නව තෙස්තමේන්තුවේ යේසුස් වහන්සේගේ බෞතීස්මය මඟින් අපගේ සියලු පාප අත්පත් කර ගෙන තිබුණි. යේසුස් වහන්සේ අපගේ පාප කුරුසය වෙත ගෙන ගොස්, රුධිරය වගුරා, ඔවුන් වෙනුවෙන් විනිශ්චය ලැබූ අතර, එලෙස කිරීමෙන් සමාව පිළිබඳ ශුභාරංචිය කෙරෙහි විශ්වාසය තබන අප සියල්ලන්ම උන්වහන්සේ ගලවා ගත් සේක. උන්වහන්සේ රජවරුන්ගේ රජු සහ ශුද්ධ වූ දෙවියන් වහන්සේ වන සේක.
ආදරණීය කිතුනුවනි, යේසුස් වහන්සේගේ බෞතීස්මය වූයේ අපගේ සියලු පාප ඉවත් කර අපව ගලවා ගත් යේසුස් වහන්සේගේ ගැලවීමයි. දෙවියන් වහන්සේ වන යේසුස් වහන්සේ මාංශයෙන් (දම් පැහැති නූල්) ලෝකයට භට සේක. උන්වහන්සේ ලෝකයේ සියලු පාප (නිල් පැහැති නූල්) බාර ගැනීමට බෞතීස්ම වූ සේක; උන්වහන්සේ අප වෙනුවට (තද රතු පැහැති නූල්) විනිශ්චය පිළිගැනීමට කුරුසිපත් වී, කුරුසය මත රුධිරය වැගිරූ සේක. යේසුස් වහන්සේගේ බෞතීස්මය නිසැකවම අපට උගන්වන්නේ උන්වහන්සේ සියලු මනුෂ්ය වර්ගයාගේ සැබෑ ගැලවුම්කරුවා බවට පත්ව ඇති බවය.
ශුද්ධ මණ්ඩපයේ ද්වාරය සඳහා භාවිතා කළ වර්ණවලින් ද අපට එය දැක ගත හැකිය.
නිල්, දම් සහ තද රතු පැහැති සිනිඳු හණ නූල්වලින් ද්වාර රෙදිකඩ අලංකාර මැහුම් ගෙතුම් කලාවකින් හැඩ කරන ලද්දේ දෙවියන් වහන්සේගේ ගැලවීමේ සත්යය අපට පැහැදිලිව පැවසීමට ය. මෙහි ඇති සිනිඳු හණ නූල්වලින් අදහස් වන්නේ උන්වහන්සේ අපගේ පාපවලින් ව්යතිරේකයකින් තොරව අප සියල්ලන්ම අපගේ පාපවලින් ගලවා ගත් බවයි. පාප සමා කිරීමේ ගැලවීම සඳහා එය සැබවින්ම අත්යවශ්ය විය.
යේසුස් ක්රිස්තුස් වහන්සේ පාපිෂ්ඨයන් වන අපව සැලසුම් කිරීමකින් තොරව, අහම්බයෙන් බේරාගත්තේ නැති බව ශුද්ධ වූ මණ්ඩපයේ ද්වාරය සඳහා භාවිතා කළ එම ද්රව්යවලින්ම අපට දැක ගත හැකිය. මානව වර්ගයාගේ ගැලවීම සම්පූර්ණයෙන්ම සපුරාලීම පිණිස උන්වහන්සේ දෙවියන් වහන්සේගේ ප්රවේශම්කාරී සවිස්තරාත්මක සැලැස්මට අවනත වෙමින්, බෞතීස්ම වී, කුරුසිපත් වී,මළවුන්ගෙන් උත්ථාන වූ සේක. ශුභාරංචියේ ද්රව්යවන නිල්, දම් සහ තද රතු පැහැති නූල්වලින් යේසුස් වහන්සේ තමන් වහන්සේගේ ගැලවීම විශ්වාස කළ සියල්ලන් බේරා ගත් සේක.
පැරණි තෙස්තමේන්තුවේ ලෝකඩ ලේවරය නව තෙස්තමේන්තුවේ බෞතීස්මයේ සෙවණැල්ලක් විය
ශුද්ධ වූ ස්ථානයට ඇතුළු වීමට ප්රථම
පූජකතුමන්ලා තම දෑත් සහ
දෙපා සෝදන්නේ මන්ද?
මන්ද යත්, ඔවුනට දෙවියන් වහන්සේ ඉදිරියේ
පාපයෙන් තොරව සිට ගැනීමට
සිදු වූ හෙයිනි
ලේවර් ද ලෝකඩයෙන් සාදා තිබුණි. යේසුස් වහන්සේ අප වෙනුවෙන් විඳි විනිශ්චය ලෝකඩ මඟින් නියෝජනය කෙරේ. ජල ද්රෝණිය ශුභාරංචියේ වචනය සංකේතවත් කළ අතර, එයින් කියැවෙන්නේ අපගේ සියලු අපරාධයන් සෝදා ඉවත් කෙරුණු බවයි.
දෛනික පාප සේදීම සිදු කළ ආකාරය එයින් අපට පෙන්වයි. සියලු මනුෂ්ය වර්ගයාගේ දෛනික පාප යේසුස් වහන්සේගේ බෞතීස්මයේ වචන කෙරෙහි තබන විශ්වාසය ඔස්සේ සෝදා හැරිය හැකිය.
දවන පූජාසනයෙහි අල්තාරය විනිශ්චය නියෝජනය කරයි. නිල් පැහැති යේසුස් වහන්සේගේ ජලය පාපවලට සමාව ලබාගැනීමේ ශුභාරංචිය වන අතර, වෙනත් වචනවලින් කිවහොත්, ස්නාවක ජොහාන්තුමන් විසින් සිදු කරන ලද යේසුස් වහන්සේගේ බෞතීස්මය වේ. (මතෙව් 3:15, 1 යොහන් 5: 5-10). එය පාප සමාව තුළින් ගැලවීමේ ශුභාරංචිය සඳහා සාක්ෂියේ වදන වේ.
යොහන් 5 හි, මෙසේ සඳහන් කර ඇත, “එමෙන්ම, ලෝකය දිනා ඇති අපගේ ජයග්රහණය මෙයයි—අපගේ ඇදහිල්ල. පෘථිවියෙහි සාක්ෂ්ය දරන තිදෙනෙකු සිටියි. එනම්, ආත්මය, ජලය සහ රුධිරයයි. එමෙන්ම, මෙම ත්රිත්ත්වය එකක් මෙන් එකඟ වෙයි.” දෙවියන් වහන්සේගේ පුත්රයා කෙරෙහි විශ්වාසය තබන යම් පුද්ගලයෙකු හට ඔහු තුළ ජලය, රුධිරය සහ ආත්මය කෙරෙහි විශ්වාසය ඇත.
පාප සමා කිරීමේ ශුභාරංචිය කෙරෙහි අප තබන ඇදහිල්ල කරණකොටගෙන පාපයෙන් විශුද්ධ වී, ශුද්ධ මණ්ඩපයට ඇතුළු වීමට දෙවියන් වහන්සේ අපට ඉඩ හැරිය සේක. එබැවින්, අපට දැන් ඇදහිල්ලෙන් ජීවත් විය හැකි අතර, දෙවියන් වහන්සේගේ වචනවලින් පෝෂණය විය හැකිය, උන්වහන්සේගෙන් ආශීර්වාද ලැබිය හැකිය, ධාර්මික ජීවිතයක් ගත කළ හැකිය. දෙවියන් වහන්සේගේ ජනයා බවට පත්වීම යනු පාප සමාව පිළිබඳ ශුභාරංචිය කෙරෙහි විශ්වාසය තබමින් ගැලවීම ලබා ගැනීම සහ ශුද්ධ මණ්ඩපය තුළ ජීවත් වීම ය.
ශුද්ධ වූ මණ්ඩපයේ ද්වාරයෙහි නිල්, දම් සහ තද රතු පැහැති නූල්වල අර්ථය ගැන නොසිතමින්, හුදෙක් එය ඇදහීම පමණක් ප්රමාණවත් බව අද බොහෝදෙනා පවසති. යමෙක් මේ දේවල් ගැන නොදැන යේසුස් වහන්සේව විශ්වාස කළේ නම්, ඔහුගේ / ඇයගේ ඇදහිල්ල සත්ය නොවන්නේ ඔහුගේ / ඇයගේ හදවතේ තවමත් පාපයක් පවතින බැවිනි. පාප සමා කිරීමේ ශුභාරංචිය, ජලය, රුධිරය හා ආත්මය තුළින් නැවත ඉපදීමේ සත්යය පිළිබඳ අවිශ්වාසය හේතුවෙන් එවැනි පුද්ගලයෙකුට ඔහුගේ / ඇයගේ හදවත තුළ තවමත් පාපයක් තිබෙනු ඇත.
යමෙකු නොදන්නා කෙනෙකු ඇගයීමට යමෙකුගෙන් ඉල්ලා සිටියේ නම් සහ සවන්දෙන්නා සතුටු කිරීම සඳහා ඔහු / ඇය මෙසේ පැවසූයේ නම්, “ඔව්, මම මෙම පුද්ගලයා විශ්වාස කරමි. ඇත්ත වශයෙන්ම,මා ඔහුව කවදාවත් මුණගැසී නැත, නමුත්, කෙසේවෙතත් මම ඔහුව විශ්වාස කරමි.” සවන්දෙන්නා මෙසේ ඇසීමෙන් තුටු වනු ඇතැයි ඔබ සිතනවාද? ඇතැම් විට ඔබගෙන් සමහරෙක් මානව කටයුතුවලදී එලෙස හැසිරෙනු ඇත, නමුත් දෙවියන් වහන්සේ අපෙන් බලාපොරොත්තු වන ආකාරයේ විශ්වාසය මෙය නොවේ.
දෙවියන් වහන්සේට අවශ්ය වන්නේ අප පාප සමාව පිළිබඳ ශුභාරංචිය වන, එනම් නිල් (යේසුස් වහන්සේගේ බෞතීස්මය), දම් (යේසුස් වහන්සේගේ දේවත්වය) සහ තද රතු පැහැය (යේසුස් වහන්සේගේ රුධිරය) යන නූල් තුළින් සංකේතවත් වන යේසුස් වහන්සේගේ ගැලවීම කෙරෙහි විශ්වාස කිරීම ය. යේසුස් වහන්සේ කෙරෙහි ඇදහිල්ල තැබීමට පෙර, උන්වහන්සේ අපව සියලු පාපවලින් ගලවා ගත් ආකාරය අප දැන ගත යුතුය.
අප යේසුස් වහන්සේව අදහන විට, ජලය (යේසුස් වහන්සේගේ බෞතීස්මය), රුධිරය (උන්වහන්සේගේ මරණය) සහ ආත්මය (යේසුස් වහන්සේ දෙවියන් වහන්සේ වීම) යන කාරණා තුළින් අපගේ සියලු පාපවලින් උන් වහන්සේ අපව ගලවා ගත්තේ කෙසේදැයි අප දැනගත යුතුය.
අප සැබවින්ම තේරුම් ගන්නා විට, අපට සත්ය සහ සම්පූර්ණ ඇදහිලි අත්විඳිය හැකිය. මෙම සත්යය නොදැන අපගේ ඇදහිලි කිසි විටෙකත් සම්පූර්ණ නොවේ. සැබෑ ඇදහිල්ල ලැබෙන්නේ යේසුස් වහන්සේගේ ගැලවීම පිළිබඳ සාක්ෂිය, සමා කිරීමේ ශුභාරංචිය සහ යේසුස් වහන්සේ මනුෂ්ය වර්ගයාගේ සැබෑ ගැලවුම්කරුවා වීම යන කරුණු අවබෝධ කර ගැනීම තුළින් පමණි.
එසේනම්, යේසුස් වහන්සේව අපහාසයට ලක් කරන ඇදහිල්ල කුමන ස්වරූපයක් ගනු ඇති ද? අපි දැන් විමසා බලමු.
යේසුස් වහන්සේව අපහාසයට ලක් කරන ඇදහිල්ල
ඇදහීම සඳහා වඩාත් අවශ්ය වන්නේ
කුමක්ද?
යේසුස් වහන්සේගේ බෞතීස්මය පිළිබඳ
නිරවද්ය දැනුම
යේසුස් වහන්සේව අත්තනෝමතික ලෙස විශ්වාස කිරීම උන් වහන්සේට සරදම් කිරීමක් බව ඔබ තේරුම් ගත යුතු වේ. “මට එය විශ්වාස කිරීම අපහසුය, එනමුත් උන්වහන්සේ දෙවියන් වහන්සේ හා දෙවියන් වහන්සේගේ පුත්රයාණෝ වන හෙයින්, මට කෙසේ හෝ උන්වහන්සේව විශ්වාස කිරීමට සිදුවනු ඇත.” යැයි ඔබ සිතන්නේ නම්, ඔබ යේසුස් වහන්සේව අපහාසයට ලක් කරයි. ඔබට සැබවින්ම නැවත ඉපදීමට අවශ්ය නම්, පාප සමා කිරීමේ ශුභාරංචිය වන යේසුස් වහන්සේගේ බෞතීස්මය හා රුධිරය කෙරෙහි ඔබ විශ්වාසය තැබිය යුතුය.
පාප සමා කිරීමේ ශුභාරංචිය නොදැන, යේසුස් වහන්සේව විශ්වාස කිරීම, යේසුස් වහන්සේව විශ්වාස නොකිරීමට වඩා නරක ය. යේසුස් වහන්සේගේ රුධිරයෙහි පමණක් ශුභාරංචිය දේශනා කිරීම යනු සත්යය නොදැන නිෂ්ඵල ලෙස ක්රියා කිරීමකි.
අත්තනෝමතික ලෙස උන්වහන්සේව විශ්වාස කිරීම පිළිබඳ හෝ කිසිදු හේතුවකින් තොරව උන්වහන්සේ කෙරෙහි ඇදහිල්ල තැබීම පිළිබඳ කිසිවෙකු තැන තැන ගොස් දේශනා කරනු දැකීමට යේසුස් වහන්සේට අවශ්ය නොවන සේක. පාප සමා කිරීමේ ශුභාරංචිය දැන ගැනීම ඔස්සේ අප උන්වහන්සේව විශ්වාස කරනු දැකීම උන්වහන්සේට අවශ්ය වන සේක.
අප යේසුස් වහන්සේව අදහන විට, පාප සමා කිරීමේ ශුභාරංචිය වන්නේ බෞතීස්මය සහ යේසුස් වහන්සේගේ රුධිරය බව අප පිළිගත යුතු වේ. අපි යේසුස් වහන්සේව අදහන විට, පාප සමාව පිළිබඳ ශුභාරංචිය උන්වහන්සේගේ වචනය තුළින් අප වටහා ගත යුතු අතර, උන් වහන්සේ අපගේ සියලු පාප සෝදා හළ ආකාරය නිශ්චිත වශයෙන් අප දැන සිටිය යුතුය.
ශුද්ධ මණ්ඩපයට පිවිසෙන ද්වාරයෙහි නිල්, දම් සහ තද රතු පැහැති නූල්වලින් අදහස් වන්නේ කුමක්ද යන්නත් අප දැන සිටිය යුතුය. එවිට, සදාකාලිකව පවතින සැබෑ ඇදහිල්ල අපට ලබා ගත හැකිය.
නිල්, දම් සහ තද රතු පැහැති නූල් වටහා ගැනීම, එනම් යේසුස් වහන්සේ කෙරෙහි විශ්වාස කිරීමකින් තොරව අපට කිසි දිනක යළිත් ඉපදිය නොහැකිය
ශුද්ධ වූ ස්ථානයට ඇතුළු වීමට
ප්රථම පූජකතුමන්ලා කරන්නේ
කුමක්ද?
ඔවුහු ලෝකඩ ලෙවරයෙන් එන ජලයෙන්
ඔවුන්ගේ දෑත් සහ දෙපා සේදූහ.
අපගේ ස්වාමීන් වන යේසුස් වහන්සේ අපව ගලවාගත් සේක. සමිඳාණන් වහන්සේ අපව කෙතරම් හොඳින් ගලවා ඇත්දැයි බැලූ විට, අප උන්වහන්සේ හට ප්රශංසා කිරීම විනා වෙනත් කළ හැකි යමක් නොමැත. අප ශුද්ධ මණ්ඩපය දෙස බැලිය යුතුය. ශුද්ධ වූ මණ්ඩපයේ නිල්, දම් සහ තද රතු පැහැති නූල් ඔස්සේ උන්වහන්සේ පාප සමා කිරීමේ ශුභාරංචියේ වචන අපට ලබා දී, ඒවාත් සමඟ අපව බේරා ගත් සේක. අපි සමිඳාණන් වහන්සේට ස්තූතිවන්ත වන අතර, උන්වහන්සේ හට ප්රශංසා කරමු.
දරුණු විනිශ්චයකට මුහුණ නොදෙමින් පාපිෂ්ඨයන්ට ශුද්ධ ස්ථානයට ඇතුළු වීමට නොහැකි විය. ඔහුගේ / ඇයගේ පාප සඳහා විනිශ්චයට ලක් නොවී අයෙකුට ශුද්ධස්ථානයට ඇතුළු විය හැකි වන්නේ කෙසේද? මෙය කළ නොහැකි වනු ඇත. එවැනි අයෙකු තහනම් ස්ථානයට ඇතුළු වුවහොත්, ඔහු / ඇය එම ස්ථානයේ දී ම මරා දමනු ඇත. එය සදාකාලික නිරයට පැමිණවීමක් වනු ඇත. පාපිෂ්ඨයෙකුට කිසි විටෙකත් ශුද්ධ ස්ථානයට ඇතුළු වී ජීවත් වීමට බලාපොරොත්තු විය නොහැකිය.
ශුද්ධ වූ මණ්ඩපයට යන ද්වාරයෙහි සඟවා තිබූ රහස තුළින් අපගේ ස්වාමීන්වහන්සේ අපව ගලවාගත් සේක. නිල්, දම් සහ තද රතු පැහැති නූල් සහ සිනිඳු හණ නූල්වලින් උන්වහන්සේ අපව ගලවා සේක. මෙම කරුණු තුළින් උන්වහන්සේ තමන්වහන්සේගේ ගැලවීමේ රහස අපට පැවසූ සේක.
ඔබත් මමත් ඒ ආකාරයෙන් ගැලවූයේ ද? නිල්, දම් සහ තද රතු පැහැති නූල්වල වදන් අප විශ්වාස නොකරන්නේ නම්, පාප සමා කිරීමේ ශුභාරංචිය තුළින් ගැලවීමක් ලැබිය නොහැකිය. නීල වර්ණය දෙවියන් වහන්සේ නියෝජනය නොකරයි; එය යේසුස් වහන්සේගේ බෞතීස්මය හැරුණුකොට අන් කිසිවක් සංකේතවත් නොකරයි. අපගේ සියලු පාප ඉවත් කළේ යේසුස් වහන්සේගේ බෞතීස්මයයි.
අයෙකුට නිල් පැහැති නූල් විශ්වාස නොකර දවන පූජාසනය දක්වා ඇතුළු විය හැකිය. කෙසේවෙතත්, දෙවියන් වහන්සේ වාසය කරන ශුද්ධ ස්ථානයට ඔහුට ඇතුළු විය නොහැකිය.
එමනිසා, අපි ශුද්ධ මණ්ඩපයට පිවිසෙන දොරටුවට ඇතුළු වීමට පෙර, නිල් පැහැති නූල් (යේසුස් වහන්සේගේ බෞතීස්මය), තද රතු පැහැති නූල් (කුරුසය මත උන්වහන්සේගේ රුධිරය) සහ දම් පැහැති නූල් (යේසුස් වහන්සේ දෙවියන් වහන්සේ හා දෙවියන් වහන්සේගේ පුත්රයාණෝ වීම) යන කරුණු අප විශ්වාස කළ යුතුය. අප ඒවා විශ්වාස කරන විට පමණක් අපව දෙවියන් වහන්සේ විසින් පිළිගනු ලබන අතර, අතිශුද්ධස්ථානයේ වැස්ම හරහා ඇතුළු වීමට අපට ඉඩ දෙනු ලැබේ.
ඇතැම් පුද්ගලයෝ මණ්ඩපයේ පිටත මළුව තුළට ඇතුළු වී ඔවුන් ඇතුළෙහි යැයි සිතති. නමුත් මෙය ගැලවීම නොවේ. ගැලවීම සඳහා අප කොපමණ දුරක් යා යුතුද? අතිශුද්ධස්ථානයට ඇතුළු වීමට අපට හැකියාව තිබිය යුතුය.
අතිශුද්ධස්ථානයට ඇතුළු වීමට නම්, අපට ලෝකඩ ද්රෝණිය පසු කිරීමට සිදු වේ. ලෝකඩ ද්රෝණියෙන් යේසුස් වහන්සේගේ බෞතීස්මය නිරූපණය වන අතර, අපගේ දෛනික පාප සියල්ලම යේසුස් වහන්සේගේ බෞතීස්මයෙන් සෝදා හැර, ශුද්ධ ස්ථානයට ඇතුළු වීමට අප විශුද්ධව සිටිය යුතු වේ.
පැරණි තෙස්තමේන්තුවෙහි පූජකයන්ට ඔවුන් ඇතුළු වීමට පෙර ඔවුන්ව සෝදා ගැනීමට සිදු වූ අතර, නව තෙස්තමේන්තුවෙහි යේසුස් වහන්සේ සිය ශ්රාවතයන්ගේ පාද සේදුවේ ඔවුන්ගේ ජීවිත කාලය පුරාම සිදු වූ වැරදි සෝදා ඉවත් කිරීම සංකේතවත් කිරීම පිණිස ය.
දෙවියන් වහන්සේගේ නියමය මෙසේ පවසයි, “පාපයේ බැළය මරණයයි, එනමුත් දෙවියන් වහන්සේගේ ත්යාගය අපගේ ස්වාමීන් වන යේසුස් ක්රිස්තුස් වහන්සේ තුළ සදාකාලික ජීවනයයි.” (රෝම 6:23). දෙවියන් වහන්සේ මිනිසාගේ පාප ව්යතිරේකයකින් තොරව විනිශ්චය කරන සේක, එනමුත් උන්වහන්සේ ඒවා තම පුත්රයා වෙතට ගෙන ගොස්, ඒ වෙනුවට තම පුත්රයාණන්ව විනිශ්චයට ලක් කළ සේක. මෙය දෙවියන් වහන්සේගේ ප්රේමයයි, උන්වහන්සේගේ ගැලවීමයි. සැබෑ ගැලවීම අපට ලබා ගත හැකි වන්නේ යේසුස් වහන්සේගේ බෞතීස්මය, රුධිරය, මරණය සහ යේසුස් වහන්සේගේ යළි උත්ථානය අඩංගු පාප සමාව පිළිබඳ ශුභාරංචිය විශ්වාස කරන විට පමණි.
යළිත් ඉපදෙනු පිණිස, පාප උදෙසා සමාවෙහි ශුභාරංචිය වන, බයිබලය හා සම්බන්ධ සත්යයට අයෙකු කිසිදා අවමන් නොකළ යුතුය
අපට කිරීමට ඉතිරිව ඇති
එකම කාරණය කුමක්ද?
එනම්, දෙවියන් වහන්සේගේ වචන වන
ශුභාරංචිය කෙරෙහි විශ්වාසය
තැබීමය.
මම කිසිදිනක අන්අයට නින්දා නොකරමි. යම්කිසි පුද්ගලයෙකු මට හුරු නැති දෙයක් පිළිබඳ කතා කරන විට, මම ඔහුගෙන් / ඇයගෙන් එය මට පැහැදිලි කරන ලෙස ආචාරශීලීව ඉල්ලා සිටිමි. එනමුත් මම ශුද්ධ වූ මණ්ඩපයේ ඇඟවීම් පිළිබඳ විමසූ විට, කිසිවෙකුට ඒ පිළිබඳව මට පැවසිය නොහැකිය.
එවිට මට කුමක් කළ හැකිද? මට යළිත් වරක් බයිබලය වෙත යාමට සිදු විය. බයිබලයෙහි ශුද්ධ මණ්ඩපය පිළිබඳ සඳහන් වන්නේ කිනම් ස්ථානයේ ද? එය නික්මයාම යන්නෙහි විස්තරාත්මකව පැහැදිලි කර ඇත. යමෙකු මෙම පොත පොත ප්රවේශමෙන් කියවන්නේ නම්, දෙවියන් වහන්සේගේ ලිඛිත වචන තුළින් අයෙකුට එහි අර්ථය වටහා ගත හැකිය.
දයාබර මිත්රවරුනි, නොසැලකිලිමත් ලෙස යේසුස් වහන්සේව විශ්වාස කිරීමෙන් ඔබට ගැලවීම ලබා ගත නොහැකිය. නිතිපතා කිතුණු පල්ලියට යාමෙන් පමණක් ඔබට නැවත ඉපදීමට නොහැකිය. යේසුස් වහන්සේ නිකොදේමුස්ට පැවසූ දේ අපි දනිමු. “නිසැකවම, මම ඔබට පවසමි, යමෙකු ජලයෙන් හා ආත්මයෙන් ඉපදුණහොත් මිස, ඔහුට දෙවියන් වහන්සේගේ රාජ්යයට ඇතුළු විය නොහැකිය. ඔබ ඊශ්රායලයේ ගුරුවරයා ද, මේ දේවල් පිළිබඳ නොදන්නේ ද?” (යොහන් 3: 5, 10)
යේසුස් වහන්සේව විශ්වාස කරන සියල්ලන්ටම නිල් පැහැති නූල් (ලෝකයේ සියලුම පාප යේසුස් වහන්සේ බෞතීස්ම වන විට උන්වහන්සේ වෙත භාර කරන ලදී), තද රතු පැහැති නූල් (අපගේ සියලු පාප උදෙසා යේසුස් වහන්සේගේ මරණය) සහ දම් පැහැති නූල් (යේසුස් වහන්සේ ගැලවුම්කරුවාණෝ ය, දෙවියන් වහන්සේ ය, එමෙන්ම, දෙවියන් වහන්සේගේ පුත්රයාණෝ ය) යන්න විශ්වාස කිරීමට සිදු වේ.
ලෝකයේ සියලුම පාපිෂ්ඨයන්ගේ ගැලවුම්කරුවා යේසුස් වහන්සේ බව අපට විශ්වාස කිරීමට සිදු වේ. මෙම ඇදහිල්ල නොමැතිව යමෙකුට කිසිදාක නැවත ඉපදීමට නොහැකිය, එමෙන්ම, දේවරාජ්යයේ ශුද්ධ ස්ථානයට ඇතුළු වීමට ද නොහැකිය. එය නොමැතිව අයෙකුට මේ ලෝකයේ විශ්වාසවන්තව ජීවත් වීමට පවා නොහැකිය.
යේසුස් වහන්සේ කෙරෙහි ඇදහිල්ලෙන් පමණක් යමෙකුට නැවත ඉපදීමට හැකි නම් එය ඉතා පහසු නොවන්නේ ද? —ඔව්— ♫ ♫“ඔබ ගැල වී ඇත. මා ගැලවී ඇත. අප සියල්ලන්ම ගැලවී ඇත.♫ ”කෙතරම් ප්රියජනක ද! නමුත් සැබවින්ම ‘නැවත ඉපදීම’ නොලබා යේසුස් වහන්සේව විශ්වාස කරන බොහෝ දෙනෙක් සිටිති.
අප බයිබලයේ සත්යය දැන සිටිය යුතු අතර, යේසුස් වහන්සේ කෙරෙහි ඇදහිල්ල ද තැබිය යුතුය. ශුද්ධ වූ මණ්ඩපයට ඇතුළු වී ඇදහිල්ලෙහි රාජ්යය වන දෙවියන් වහන්සේ සමඟ සිටීම උදෙසා, බයිබලයෙහි පාප සමා කිරීමේ ශුභාරංචිය සහ නිල්, දම් සහ තද රතු පැහැති නූල්වල අර්ථය අප තේරුම් ගත යුතුය. ඇදහිල්ලේ මණ්ඩපය තුළ, යේසුස් වහන්සේ අපව තමන් වහන්සේගේ රාජ්යයට ගෙන ඒමට නැවත පැමිණෙන තෙක් අපට සතුටින් ජීවත් විය හැකිය. යේසුස් වහන්සේව නිවැරදි ආකාරයෙන් විශ්වාස කිරීම අපට අත්යවශ්ය වේ.
මුල් ශුභාරංචිය නිල් නූල්වලින් පාරිශුද්ධත්වය උපදවයි
යේසුස් වහන්සේගේ කුරුසයට අමතරව,
අපගේ ගැලවීම සඳහා අත්හළ නොහැකි
කොන්දේසිය කුමක්ද?
යේසුස් වහන්සේගේ බෞතීස්මය
මිනිසුන් සිතන්නේ වැරදි නොකර පරිපූර්ණව ජීවත් විය හැකි බවයි. කෙසේවෙතත්, ඔවුන් යහපත කිරීමට උත්සාහ කිරීම දුෂ්කර වන තරමට, ඔවුන්ගේ අඩුපාඩු වැඩි වැඩියෙන් මෙන්ම, ඉක්මනින් ඔවුන්ම සොයා ගනු ඇත. මිනිසුන් එතරම් අසම්පූර්ණ වන බැවින්, ඔවුන්ට පාප නොකර සිටීමට නොහැකි ය. කෙසේවෙතත්, පාප සමාව පිළිබඳ ශුභාරංචිය වන නිල්, දම් සහ තද රතු පැහැති නූල්වලින් යේසුස් වහන්සේ අපව ගලවා ගත් හෙයින්, අපට පාපයෙන් විශුද්ධ වී දෙවියන් වහන්සේගේ ශුද්ධස්ථානයට ඇතුළු විය හැකිය.
දෙවියන් වහන්සේ අපව නිල්, දම් සහ තද රතු පැහැති නූල්වලින් ගලවා නොගත්තේ නම්, අපට කිසි විටෙකත් තනියම ශුද්ධ ස්ථානයට ඇතුළු වීමට නොහැකි වනු ඇත. මේ සඳහා හේතුව කුමක්ද? ඔවුන්ගේ මාංශයෙන් පරිපූර්ණව ජීවත්වන අයට පමණක් ශුද්ධස්ථානයට ඇතුළු විය හැකි වූයේ නම්, සුදුසුකම් ඇති කිසිවෙකු නොසිටිනු ඇත. යමෙකු සැබෑ ශුභාරංචිය නොදැන යේසුස් වහන්සේව විශ්වාස කරන විට, යමෙකු ඔහුගේ / ඇයගේ හදවතට තවත් පාප එකතු කර ගනියි.
යේසුස් වහන්සේ අපව ගලවාගත්තේ උන්වහන්සේගේ ප්රවේශම් සහගත ලෙස සැලසුම් කරන ලද ගැලවීමෙනි; එනම්, නිල්, දම් සහ තද රතු පැහැති නූල් සහ සිහින් හණ නූල්වලින් සංකේතවත් වන ගැලවීමෙනි. උන්වහන්සේ අපගේ සියලු පාප සෝදා හළ සේක. ඔබ මෙය විශ්වාස කරනවා ද? —එසේය— ශුභාරංචිය පිළිබඳ සත්යය ඔබේ හදවතේ තිබේද? එමෙන්ම, ඔබ ඊට සාක්ෂ්ය දරන්නේ ද? —එසේය—
ඔබ ශුභාරංචියට සාක්ෂ්ය දරන විට පමණක්, ‘සමිඳාණන් වහන්සේට ශුද්ධත්වය’ යැයි කියන රන් තහඩුව ඔබේ නළල මත තබා ‘රාජකීය පූජක තන්ත්රයට’ සම්බන්ධ විය හැකිය. (1 පේත්රැස් 2: 9). එවිට පමණක් මිනිසුන් ඉදිරියෙහි සිට ඔබ දෙවියන් වහන්සේගේ සේවකයෙකු බවත් රාජකීය පූජකයෙකු ලෙස වැඩ කරන බවත් ඔවුන්ට පැවසිය හැකිය.
උත්තම පූජකයාගේ ජඨාවෙහි රන් තහඩුවක් ඇති අතර, රන් තහඩුව නිල් ලණුවකින් සවි කර ඇත. ඇයි නිල් පැහැය? මන්ද යත්, සමාව දීමේ ශුභාරංචියෙන් යේසුස් වහන්සේ අපව ගලවා ගෙන, අපගේ සියලු පාප ඉවත් කර, බෞතීස්මයෙන් අපව පාප රහිත බවට පත් කළ හෙයිනි. නව තෙස්තමේන්තුවෙහි බෞතීස්මය පැරණි තෙස්තමේන්තුවෙහි අත් තැබීමට සමාන ය.
අපි යේසුස් වහන්සේ කෙරෙහි කෙතරම් කඩිසරව හා විශ්වාසවන්තව ඇදහුව ද, නිල්, දම් සහ තද රතු පැහැති නූල්වල රහස් වචන හඳුනා නොගෙන, ‘ස්වාමින් වහන්සේට ශුද්ධත්වය’ යනුවෙන් කැටයම් කර ඇති තහඩුව උපයා ගැනීමට අපට නොහැකි වනු ඇත.
ෙඅපි ධර්මිෂ්ඨ වූයේ කෙසේද? එය මතෙව් 3: 15 හි ලියා ඇත, “මක්නිසාද යත්, සියලු ධර්මිෂ්ඨකම් ඉටු කිරීම අපට එබැවින් සුදුසු වන හෙයිනි.” යේසුස් වහන්සේ බෞතීස්ම වී ලෝකයේ සියලු පාපවලින් අපව ගලවාගත් සේක. උන්වහන්සේගේ බෞතීස්මයෙන් උන්වහන්සේ අපගේ සියලු පාප ඉවත් කළ අතර, ඇදහිලිවන්තයන් වන අපි ධර්මිෂ්ඨයෝ වී ඇත්තෙමු.
යේසුස්ගේ වහන්සේගේ බෞතීස්මය නොතිබුණේ නම් අප පාපයෙන් තොර යැයි පවසන්නේ කෙසේද? අපි යේසුස් වහන්සේව විශ්වාස කළ ද, කුරුසයෙහි උන්වහන්සේගේ මරණය ගැන සිතමින් කෑ ගැසුවද, මේ ලෝකයේ සියලු කඳුළුවලට පවා අපගේ සියලු පාප සෝදා හැරිය නොහැකිය. නැත. අප කොතරම් හඬා වැලපුණ ද, පශ්චත්තාප වූව ද, අපගේ පාප අප තුළ රැඳී පවතිනු ඇත.
‘සමිඳාණන් වහන්සේට ශුද්ධත්වය.’ උන්වහන්සේ බෞතීස්මයෙන් හා රුධිරයෙන් අපගේ සියලු පාප ඉවත් කළ බැවින්, පාපිෂ්ඨයන් වන අප කළ සියලු පාපයන් යේසුස් වහන්සේ වෙත ගෙන යාමට සමිඳාණන් වහන්සේ ඉඩ ලබා දුන් සේක. එමෙන්ම, ගැලවීමේ වචනය බයිබලයෙහි සටහන් වී ඇති හෙයින්, අපගේ සියලු අපරාධයන් සහ දුර්වලතා නොතකා, අපගේ ඇදහිල්ල තුළින් අපි ධර්මිෂ්ඨත්වයට පත්ව ඇත්තෙමු.
එබැවින් අපට දැන් දෙවියන් වහන්සේ ඉදිරියෙහි පෙනී සිටිය හැකිය. අපට දැන් ධර්මිෂ්ඨයන් ලෙස ජීවත් වී ලෝකයට ශුභාරංචිය දේශනා කළ හැකිය. “මා ගැලවී ඇත. ඔබ ගැලවී ඇත. අප සියල්ලන්ම ගැලවී ඇත.” දෙවියන් වහන්සේගේ දයානුකම්පිත සැලැස්මට අනුව අප ගැලවී ඇත.
පාප සමා කිරීමේ ශුභාරංචියේ වචනය ඔබේ හදවත තුළ නොමැති, ඔබ කෙතරම් උත්සාහ කළ ද ගැලවීමක් නැත. එය නිෂ්ඵල ආදරය පිළිබඳ පැවසෙන ජනප්රිය කොරියානු ගීතයකට සමානය. “♫අහෝ, මා ඇය දකින සෑම අවස්ථාවකම, මා ඇය අසල සිටින සෑම අවස්ථාවකම හේතුවක් නොමැතිවම මගේ හදවත ඉක්මනින් ස්පන්දනය වේ. මම අනවශ්ය ප්රේමයකින් සිටිනවා විය යුතුය. ♫”මගේ හදවත ඉක්මනින් ස්පන්දනය වේ, නමුත් ඇගේ හදවත එසේ නොවේ. මගේ ආදරය මා මට පෙරළා ලැබෙන්නේ නැත. අවාසනාවකට මෙන්, බොහෝ කිතුනුවන්ට තවමත් දෙවියන් වහන්සේ කෙරෙහි නිෂ්ඵල නොවන ප්රේමයක් නොමැත.
බොහෝ මිනිසුන් සඳහා ගැලවීම විවිධාකාරයෙන් ලැබෙනු ඇතැයි මිනිසුන් සිතීමට නැඹුරු වේ. “එය බෞතීස්මය පිළිබඳ ශුභාරංචිය තුළින් පමණක් පැමිණිය යුත්තේ ඇයි?” කියා ඔවුහු අසති. එනමුත් එය යේසුස් වහන්සේගේ බෞතීස්මයේ ශුභාරංචිය නොවූයේ නම්, එය කිසි විටෙකත් සම්පූර්ණ ගැලවීම බවට පත් වීමට නොහැකි වනු ඇත. දෙවියන් වහන්සේ ඉදිරියෙහි අපට ධර්මිෂ්ඨවීමට ඇති එකම ක්රමය එයයි. මන්ද යත්, අපගේ සියලු පාපවලින් අපව සම්පූර්ණයෙන්ම පවිත්ර කළ හැකි එකම ක්රමය වන්නේ එය යි.
යේසුස් වහන්සේ අපට දුන් නිල් පැහැති නූලෙහි ගැලවීම යනු කුමක්ද?
අපව ධාර්මිෂ්ඨබවට
පත් කර ඇත්තේ කුමකින්ද?
නිල්, දම් සහ රත් පැහැ නූලෙහි ශුභාරංචිය
නිල්, දම් සහ තද රතු පැහැති නූල්වල ශුභාරංචිය තුළින් ගැලවීම දෙවියන් වහන්සේ සියලු මනුෂ්ය වර්ගයාට දුන් ත්යාගය යි. මෙම ත්යාගය මඟින් ශුද්ධ වූ මණ්ඩපයට ඇතුළු වී අපට සාමයෙන් ජීවත් වීමට හැකියාව ලබා දී ඇත. එය අපව ධර්මිෂ්ඨත්වයට පත් කර ඇති අතර, දේව සභාව තුළ ජීවත් වීමට සහ දේව සභාව ඔස්සේ ශුද්ධ ලියවිල්ලෙන් පුහුණු වීමට අපට හැකියාව ලබා දී ඇත.
අපි දෙවියන් වහන්සේ ඉදිරියෙහි යාච්ඥා කිරීමට යන සෑම අවස්ථාවකදී ම, ශුභාරංචිය උන්වහන්සේගේ ප්රේමයෙන් අපට ආශීර්වාද කරයි. ගැලවීම අපට එතරම්ම වටින්නේ එබැවිනි. යේසුස් වහන්සේ අපට පවසන්නේ ඇදහිලි මන්දිරයක් ‘පර්වතය මත’ ගොඩනඟන්න කියා ය. පර්වතය යනු උන්වහන්සේගේ බෞතීස්මයෙහි ශුභාරංචියයි. අප සියල්ලන්ම ගැලවීම ලැබිය යුතුය, ගැලවීමත් සමඟ ජීවත් විය යුතුය, ස්වර්ගයට යා යුතුය, සදාකාල ජීවනය උපයා ගත යුතුය, එමෙන්ම, දෙවියන් වහන්සේගේ දරුවන් බවට පත් විය යුතුය.
හිතවත් මිත්රවරුනි, පාප සමා කිරීමේ ශුභාරංචිය හේතුවෙන්, අපට ශුද්ධ මණ්ඩපයට ඇදහිල්ලෙන් ඇතුළු විය හැකිය. අපගේ සියලු පාපයන් (යේසුස් වහන්සේගේ බෞතීස්මය) සෝදා හැරෙන බැවින් සහ කුරුසයෙහි විනිශ්චය හේතුවෙන්, අපි යේසුස් වහන්සේගේ බෞතීස්මය පිළිබඳ ශුභාරංචිය කෙරෙහි විශ්වාසය තැබීම මඟින් ගැලවීම ලබා ඇත්තෙමු.
අපගේ සියලු පාපවලට බහුල සමාව ලබාගැනීම, බෞතීස්මය සහ යේසුස්ගේ රුධිරය, අපගේ සියලු පාප සෝදා දැමූ ශුභාරංචිය යි. ඔබ මෙය විශ්වාස කරනවාද? සැබෑ ශුභාරංචිය නම් අපගේ පාප සියල්ලම මුළුමනින්ම සෝදා දැමූ පාප සමා කිරීමේ ස්වර්ගීය ශුභාරංචියයි.
පාප සමා කිරීමේ ශුභාරංචිය විශ්වාස කිරීමෙන් අපි නැවත ඉපදී ඇත්තෙමු. පාප සමා කිරීමේ ශුභාරංචිය යේසුස් වහන්සේ අපට ලබා දී ඇති අතර, එය විසින් අපගේ දෛනික පාප සහ සියලු අනාගත පාප පවා සෝදා හැර දමන ලදී. සමිඳාණන් වහන්සේට ප්රශංසා කරන්න. සමිදාණන්ට ප්රශංසා වේවා!
ජලයේ හා ආත්මයේ ශුභාරංචිය (ජලයේ හා රුධිරයේ ශුභාරංචිය) යනු යේසුස් ක්රිස්තුස් විසින් ඉටු කරන ලද සහ දේශනා කරන ලද සැබෑ ශුභාරංචියයි. මෙම පොත ලියා ඇත්තේ යේසුස් වහන්සේගේ ශුභාරංචියේ රහස, ජලයේ හා ආත්මයෙහි ශුභාරංචිය හෙළි කිරීමට ය.
බොහෝ පුද්ගලයන් සම්පූර්ණ සත්යය නොදැන යේසුස් වහන්සේව විශ්වාස කරන හෙයින්, ක්රිස්තියානි දේවධර්ම ලෝකයෙහි (ඊනියා දාර්ශනික දේවධර්මය යනුවෙන් හැඳින්වෙන) මූලධර්මවාදීන් හෝ ආගමික බහුත්වවාදීන් ලෙස ඔවුහු දැන් පුරසාරම් දොඩති. කෙටියෙන් පවසතොත්, ඔවුහු මිථ්යාදෘෂ්ටියෙහි හා ව්යාකූලත්වයේ ජීවත් වෙති. එබැවින්, අප ආපසු ගොස් සැබෑ ශුභාරංචිය විශ්වාස කළ යුතුය. එය තවමත් බොහෝ සෙයින් ප්රමාද නැත. ජලයෙන් හා ආත්මයෙන් නැවත ඉපදීම පිළිබඳ ශුභාරංචිය ගැන ගැටලු ඇති අය සඳහා මම දෙවන ග්රන්ථයෙහි වඩාත් විස්තරාත්මකව විග්රහයකට යමි.
Copyright © 2021 by The New Life Mission
