- All e-books and audiobooks on The New Life Mission website are free
- Explore multilingual sermons in global languages
- Two new revised editions in English have been released
- Check out our website translated into 27 languages
Թեմա 3: Ջրի և Հոգու Ավետարանը
[3-9] Եկեք Հավատքով Կատարենք Հայր Աստծո Կամքը (Մաթևոս 7:21-23)
«Ոչ թե ամեն ինձ Տեր, Տեր ասողը կմտնե երկնքի արքայությունը. այլ նա որ կատարում է իմ Հոր կամքը, որ երկնքումն է: Շատերը կասեն ինձ այն օրը, Տեր, Տեր, չէ՞ որ քո անունովը մարգարեացանք, և քո անունովը դևեր հանեցինք, և քո անունովը շատ զորություններ գործեցինք: Եվ ես այն ժամանակ պարզ կասեմ նրանց, թե Երբեք ձեզ չեմ ճանաչել. ինձանից դեն գնացեք, ով անօրենություն գործողներ»:
Միգուցե Ես Մեկն Եմ
Մի՞թե ամեն Տեր, Տեր ասողը կմտնի երկնքի արքայություն
Ոչ: Ով որ կատարում է Հոր կամքը, նա կմտնի երկինք
Ոչ: Ով որ կատարում է Հոր կամքը, նա կմտնի երկինք
Հիսուս Քրիստոսն ասում է. «Ոչ թե ամեն ինձ Տեր, Տեր ասողը կմտնե երկնքի արքայությունը. այլ նա որ կատարում է իմ Հոր կամքը, որ երկնքումն է»: Այս խոսքերը վախ են ներշնչում շատ քրիստոնյաների սրտում` ստիպելով նրանց շատ չարչարվել Հոր կամքը կատարելու համար:
Շատ քրիստոնյաներ կարծում են, որ պետք է հավատալ միայն Հիսուսին և կմտնեն երկնային արքայություն, բայց Մաթևոս 7:21 ասում է, որ ոչ բոլոր Հիսուսին «Տեր, Տեր» ասողները կմտնեն երկինք:
Ովքեր կարդում են այս տողերը, ակամայից մտածում են. «Միգուցե ես մեկն եմ»: Նրանք համոզում են իրենք իրենց. «Երևի Հիսուսը նկատի ուներ անհավատաներին»: Բայց մտքերը շարունակաբար տանջում են նրանց:
Եվ նրանք կենտրոնանում են այս հատվածի միայն հետագա նախադասության վրա, որն ասում է. «այլ նա որ կատարում է իմ Հոր կամքը, որ երկնքումն է»: Նրանք կառչում են այս խոսքերից. «որ կատարում է իմ Հոր կամքը» և կարծում են, որ կարող են սա կատարել` մշտապես եկեղեցուն տալով տասանորդ, առավոտ շուտ աղոթելով, քարոզելով, բարի գործեր կատարելով և մեղքեր չգործելով: Նրանք շատ են չարչարվում, որը նույնիսկ խղճահարություն է առաջացնում:
Շատերը սխալներ են թույլ տալիս, որովհետև չեն հասկանում այս հատվածի իմաստը: Դրա համար ուզում եմ բացատրել այս հատվածը, որպեսզի բոլորս հասկանանք, թե որն է Աստծո կամքը և ապրենք դրանով:
Առաջին, մենք պետք է գիտենանք, որ Աստծո կամքն այն էր, որ Իր Որդին վերցներ բոլորի մեղքերը և ազատեր մեզ այդ մեղքի լծից:
Եփեսացիս 1:5. «Մեզ առաջուց սահմանելով, որ իրան որդեգիր լինենք Հիսուս Քրիստոսի ձեռովն` իր կամքի հաճության պես»:
Այլ կերպ ասած, Նրա մտադրությունը բոլորիս համար այն էր, որ գիտենանք ճշմարիտ ավետարանը, որ Հիսուս Քրիստոսը մաքրել է մեր բոլոր մեղքերը և մեզ տվել վերստին ծնվելու հնարավորություն: Նա ուզում է, որ մենք վերստին ծնվենք ջրից և Հոգուց` մեր բոլոր մեղքերը փոխանցելով Աստծո Որդուն` Հիսուսին: Սա է Աստծո կամքը:
Լոկ Խոսքեր. «Տեր, Տեր»
Հիսուսին հավատալու համար ի՞նչ է պետք գիտենալ
Հոր կամքը
Հոր կամքը
«Ոչ թե ամեն ինձ Տեր, Տեր ասողը կմտնե երկնքի արքայությունը. այլ նա որ կատարում է իմ Հոր կամքը, որ երկնքումն է» (Մաթևոս 7:21):
Մենք պետք է հասկանանք Հոր կամքը: Նախ, պետք է գիտենանք, որ Հոր կամքն էր, որ մենք ստացանք մեղքերի թողություն և վերստին ծնվեցինք ջրից և Հոգուց: Երկրորդ, պետք է ապրենք այդ հավատքին համեմատ:
Նրա կամքն է, որ մաքրվեն աշխարհի բոլոր մարդկանց մեղքերը: Սատանան առաջին մարդկանց անկումը տարածեց մեղքի միջոցով: Բայց Հոր կամքն է մաքրել բոլորի մեղքերը: Մենք պետք է հասկանանք, որ Հոր կամքն այն չէ, որ մենք անընդհատ տանք տասանորդ և առավոտ շուտ աղոթենք, այլ մեզ փրկելն էր: Նրա կամքն էր, որ մեզ փրկի մեղքի ծովում խեղդվելուց:
Աստվածաշունչն ասում է, որ ոչ բոլորը, որ ասում են. «Տեր, Տեր», կարող են մտնել երկնքի արքայություն: Սա նշանակում է, որ միայն Հիսուսին հավատալը բավական չէ, այլ պետք է գիտենալ, թե ինչ է ուզում Հայրը մեզանից: Նրա կամքն է, որ փրկի մեզ մեր բոլոր մեղքերից և հավիտենական դատաստանից` գիտենալով, որ Ադամից և Եվայից եկած ժառանգությունը ցույց է տալիս, որ մենք չենք կարող մեղք չգործել:
Աստծո Կամքը
Ո՞րն է Աստծո կամքը
Դարձնել մեզ Իր զավակներն`ազատելով մեղքերից
Դարձնել մեզ Իր զավակներն`ազատելով մեղքերից
Մաթևոս 3:15. «Որովհետև այսպես է վայելում մեզ, որ ամեն արդարություն կատարենք»: Այսպես պետք է իրականանար Աստծո ծրագիրը, որ Հիսուսը գար աշխարհ և փրկեր մարդկանց: Աստծո կամքն իրականացավ, երբ Հիսուսը մկրտվեց Հովհաննես Մկրտչի կողմից:
Նա ուզում էր փրկել մեզ և դարձնել մեզ Իր զավակները: Դա անելու համար, Նա պետք է վերցներ մեր բոլոր մեղքերը: Նրա կամքն էր, որ բոլորը դառնան Իր զավակները: Եվ Նա ուղարկեց Իր Որդուն, որ փրկեր բոլոր նրանց, ովքեր ընկել էին սատանայի ծուղակը: Նրա կամքն էր, որ Իր Որդու կյանքը մատուցեր մարդկանց մեղքերի քավության համար, և նրանք դառնային Իր արդարացած զավակները:
Երբ Հիսուսը մկրտվեց և մահացավ Խաչի վրա, իրականացավ Աստծո կամքը: Նրա կամքն է նաև, որ մենք հավատանք, որ մեր բոլոր մեղքերը փոխանցվել են Հիսուսին Իր մկրտության ժամանակ, իսկ Խաչի վրա կրած Իր մահով` Նա կրել է այդ մեղքերի դատապատիժը մեր անօրենությունների փոխարեն:
«Որովհետև Աստված այնպես սիրեց աշխարհքը, որ իր միածին Որդին տվավ. որ ամեն նրան հավատացողը չկորչի, այլ հավիտենական կյանք ունենա» (Հովհաննու 3:16): Աստված փրկեց Իր ժողովրդին մեղքի ծանր բեռից: Եվ Իր հասարակական ծառայության մեջ առաջին բանը, որ արեց Հիսուսը, դա մկրտվելն էր Հովհաննես Մկրտչի կողմից:
«Եվ Հիսուսը պատասխան տվավ և ասեց նրան. Թույլ տուր հիմա, որովհետև այսպես է վայելում մեզ, որ ամեն արդարություն կատարենք: Այն ժամանակ թույլ տվավ նրան» (Մաթևոս 3:15): Դա Աստծո կամքն էր, որ Հիսուսը գար աշխարհ, վերցներ մարդկանց մեղքերն Իր մկրտության միջոցով, մահանար Խաչի վրա և հարություն առներ:
Մենք պետք է անպատճառ իմանանք սա: Շատ մարդիկ կարդում են Մաթևոս 7:21 և կարծում, որ Աստծո կամքն այն է, որ ծառայենք Իրեն, նույնիսկ մահվան գնով` մեր ամեն ունեցվածքը և կարողությունը տալով եկեղեցաշենքերի և հոգևոր գործի համար:
Սիրելի քրիստոնյաներ, մենք` հավատացյալներս, պետք է գիտենանք, թե որն է Աստծո կամքը և հետո ապրենք դրանով: Սխալ է, երբ մարդիկ նվիրվում են եկեղեցուն, առանց գիտենալու Նրա կամքը:
Մարդիկ հարց են տալիս իրենք իրենց, թե ուրիշ ինչ պետք է անել իրենց ուղղափառ եկեղեցու ծառայություններից բացի: Բայց ես Երեցական Եկեղեցում ուսանել եմ Կալվինիզմ և մեծացել եմ ինձ որդեգրած կրոնավոր մոր մոտ: Ես սովորել եմ այսպես ասած ուղղափառ եկեղեցում:
Պողոս առաքյալն ասում էր, որ ինքը հպարտանում էր Բենյամինի ցեղից լինելու համար և Օրենքը սովորել էր Գամաղիելի մոտ, որն այդ ժամանակների մեծագույն ռաբբիներից էր: Նախքան Պողոսը վերստին կծնվեր, ձերբակալում էր Հիսուսին հավատացողներին: Բայց Դամասկոսի ճանապարհին նա հանդիպեց ու ճանաչեց Հիսուսին և արդարացավ` ջրից և Հոգուց վերստին ծնվելու օրհնության շնորհիվ:
Մենք Պետք է Իմանանք Աստծո Կամքը, Նախքան Այն Կատարելը
Ի՞նչն է անհրաժեշտ նախքան Հիսուսին հավատալը
Պետք է գիտենալ Նրա կամքը
Պետք է գիտենալ Նրա կամքը
Մեր սրբացումը, դա Աստծո կամքն է: «Որովհետև սա է Աստծո կամքը` ձեր սրբությունը. որ դուք ետ կենաք պոռնկությունից» (1 Թեսաղոնիկեցիս 4:3): Մենք գիտենք, որ Աստծո կամքն է մեզ կատարելապես սրբացնելը ջրի և Հոգու միջոցով և այդ հավատքով ապրելը:
Եթե կա մեկը, որ հավատում է Հիսուսին, բայց դեռ մեղք ունի իր սրտում, ուրեմն չի ապրում Նրա կամքի համեմատ: Նրա կամքը պահանջում է, որ մենք Հիսուսի փրկության միջոցով ձեռք բերենք սրբություն:
Երբ հացնում եմ ձեզ. «Դուք դեռ ունե՞ք մեղքեր, չնայած նրան, որ հավատում եք Հիսուսին», և դուք պատասխանում եք` այո, ապա անկասկած դուք պետք է ծանոթանաք Աստծո կամքի հետ: Աստծո կամքն այն է, որ մենք սրբանանք և փրկվենք մեր բոլոր մեղքերից` հավատալով ջրին և Հոգուն:
Մի մարդ կար, որ ուներ հնազանդ որդիներ: Եվ մի օր կանչում է մեծ որդուն, որն ամենահնազանդն էր եղբայրների մեջ, և ասում. «Որդիս, դաշտի միջով գնա գյուղ»:
Նախքան նա կավարտեր իր խոսքը, որդին ասում է. «Այո, հայր» և գնում է: Նա չսպասեց, որ իմանա, թե ինչ է անելու, ուղղակի գնում է:
Հայրը կանչում է նրա ետևից. «Որդիս, շատ լավ է, որ դու այսքան հնազանդ ես, բայց լավ կլինի, որ մինչև վերջ լսես ինձ»:
Որդին պատասխանում է. «Այո, հայր իմ, ես կլսեմ քեզ: Ո՞վ կարող է ինձանից շատ հնազանդ լինել քեզ»:
Բայց նա վերադառնում է դատարկաձեռն: Նա չէր կարող անել հոր կամքը, քանի որ չգիտեր, թե ինչ էր պետք իր հորը: Նա կուրորեն հնազանդվում էր իր հորը:
Մենք կարող ենք նմանվել այս որդուն, եթե լավ չճանաչենք Հիսուս Քրիստոսին: Շատերը նվիրվում են Հիսուսին, հետևում աստվածաբանական վարդապետություններին, տալիս տասանորդ և մշտապես ծոմապահությամբ աղոթում, առանց գիտենալու Աստծո կամքը:
Երբ նրանք մահանան, հայտնվելու են դժոխքի դարպասների առջև: Նրանք այնքան շատ են ձգտում անել Աստծո կամքը, բայց իրականում չգիտեն, թե որն է այդ կամքը:
Ի՞նչ է անիրավությունը
Հավատալ Հիսուս Քրիստոսին, առանց իմանալու ջրի և Հոգու ավետարանը
Հավատալ Հիսուս Քրիստոսին, առանց իմանալու ջրի և Հոգու ավետարանը
«Շատերը կասեն ինձ այն օրը, Տեր, Տեր, չէ՞ որ քո անունովը մարգարեացանք, և քո անունովը դևեր հանեցինք, և քո անունովը շատ զորություններ գործեցինք: Եվ ես այն ժամանակ պարզ կասեմ նրանց, թե Երբեք ձեզ չեմ ճանաչել. ինձանից դեն գնացեք, ով անօրենություն գործողներ» (Մաթևոս 7:22-23):
Կան բաներ, որ Աստված ուզում է, որ անենք, և բաներ, որ պետք է հավատանք, ինչպես նաև բաներ, որ պետք է ունենանք: Նա ուզում է հավատանք, որ Հիսուսը վերցրել է մեր բոլոր մեղքերը: Շատերը մարգարեանում են, հանում դևեր և հրաշքներ գործում Նրա անունով, առանց գիտենալու ջրի և Հոգու ճշմարտությունը:
Հրաշքներ գործել, նշանակում է եկեղեցիներ կառուցել, վաճառել ունեցվածքը և նվիրել եկեղեցուն, կյանքը նվիրել Տիրոջը:
Մարգարեանալ Նրա անունով, նշանակում է լինել առաջնորդ: Այս մարդիկ նմանվում են փարիսեցիներին, որոնք պարծենում էին օրենքով ապրելու համար, բայց անարգում էին Հիսուսին: Սա նաև նմանվում է այսպես ասած ուղղափառ քրիստոնյա լինելուն:
Դևեր հանելը նշանակում է ցուցադրել զորություն: Նրանք այնքան եռանդուն են իրենց հավատքի մեջ, բայց Տերը ասելու է նրանց, որ չի ճանաչում նրանց: Նա հարցնելու է նրանց, թե որտեղից են ճանաչում Իրեն, եթե Ինքը չի ճանաչում նրանց:
Տերն ասում է. «Եվ ես այն ժամանակ պարզ կասեմ նրանց, թե Երբեք ձեզ չեմ ճանաչել. ինձանից դեն գնացեք, ով անօրենություն գործողներ»: Այդ օրը մարդկանց ամբոխը կանչելու է. «Տեր, հավատում ենք քեզ, դու մեր Փրկիչն ես»: Նրանք ասելու են, որ սիրում են Նրան, բայց դեռ մեղքեր ունեն իրենց սրտում: Տերը անվանելու է նրանց անօրենություն գործողներ (մեղավորներ, որ փրկված չեն) և ասելու է նրանց հեռանալ Իրենից:
Այդ օրը վերստին ծնունդ չունեցած մարդիկ, որ մահացել էին, ասելու են. «Մենք մարգարեացանք, կառուցեցինք եկեղեցիներ և 50 միսիոներներ ուղարկեցինք Քո անունով»:
Բայց Հիսուսն ասելու է այդ մեղավորներին. «Երբեք ձեզ չեմ ճանաչել. ինձանից դեն գնացեք, ով անօրենություն գործողներ»:
«Ի՞նչ նկատի ունես: Դու գիտես, որ մենք մարգարեացանք Քո անունով, երկար տարիներ ծառայել ենք եկեղեցու մեջ: Մյուսներին քաջալերել ենք հավատալ Քեզ: Ինչպե՞ս կարող էիր մեզ չճանաչել»:
Նա պատասխանելու է. «Ես ձեզ երբեք չեմ ճանաչել: Դուք մեղքեր ունեք ձեր սրտում և ասում եք, թե ճանաչում եք Ինձ, հեռացեք Ինձանից»:
Աստծո առաջ անօրենություն կլինի հավատալ Նրան, բայց մեղքեր ունենալ սրտում կամ չհավատալ Նրա փրկության օրենքի համեմատ: Նաև անօրենություն կլինի Աստծո կամքը չգիտենալը: Անօրենություն կլինի Նրա կամքը կատարելը, առանց իմանալու այն և կամ առանց իմանալու ջրից և Հոգուց վերստին ծնվելու օրհնության մասին: Անօրենություն կլինի հետևելը Հիսուսին, առանց Նրա կամքին հնազանդվելը: Անօրենությունը մեղք է:
Կան բաներ, որ Աստված ուզում է, որ անենք, և բաներ, որ պետք է հավատանք, ինչպես նաև բաներ, որ պետք է ունենանք: Նա ուզում է հավատանք, որ Հիսուսը վերցրել է մեր բոլոր մեղքերը: Շատերը մարգարեանում են, հանում դևեր և հրաշքներ գործում Նրա անունով, առանց գիտենալու ջրի և Հոգու ճշմարտությունը:
Հրաշքներ գործել, նշանակում է եկեղեցիներ կառուցել, վաճառել ունեցվածքը և նվիրել եկեղեցուն, կյանքը նվիրել Տիրոջը:
Մարգարեանալ Նրա անունով, նշանակում է լինել առաջնորդ: Այս մարդիկ նմանվում են փարիսեցիներին, որոնք պարծենում էին օրենքով ապրելու համար, բայց անարգում էին Հիսուսին: Սա նաև նմանվում է այսպես ասած ուղղափառ քրիստոնյա լինելուն:
Դևեր հանելը նշանակում է ցուցադրել զորություն: Նրանք այնքան եռանդուն են իրենց հավատքի մեջ, բայց Տերը ասելու է նրանց, որ չի ճանաչում նրանց: Նա հարցնելու է նրանց, թե որտեղից են ճանաչում Իրեն, եթե Ինքը չի ճանաչում նրանց:
Տերն ասում է. «Եվ ես այն ժամանակ պարզ կասեմ նրանց, թե Երբեք ձեզ չեմ ճանաչել. ինձանից դեն գնացեք, ով անօրենություն գործողներ»: Այդ օրը մարդկանց ամբոխը կանչելու է. «Տեր, հավատում ենք քեզ, դու մեր Փրկիչն ես»: Նրանք ասելու են, որ սիրում են Նրան, բայց դեռ մեղքեր ունեն իրենց սրտում: Տերը անվանելու է նրանց անօրենություն գործողներ (մեղավորներ, որ փրկված չեն) և ասելու է նրանց հեռանալ Իրենից:
Այդ օրը վերստին ծնունդ չունեցած մարդիկ, որ մահացել էին, ասելու են. «Մենք մարգարեացանք, կառուցեցինք եկեղեցիներ և 50 միսիոներներ ուղարկեցինք Քո անունով»:
Բայց Հիսուսն ասելու է այդ մեղավորներին. «Երբեք ձեզ չեմ ճանաչել. ինձանից դեն գնացեք, ով անօրենություն գործողներ»:
«Ի՞նչ նկատի ունես: Դու գիտես, որ մենք մարգարեացանք Քո անունով, երկար տարիներ ծառայել ենք եկեղեցու մեջ: Մյուսներին քաջալերել ենք հավատալ Քեզ: Ինչպե՞ս կարող էիր մեզ չճանաչել»:
Նա պատասխանելու է. «Ես ձեզ երբեք չեմ ճանաչել: Դուք մեղքեր ունեք ձեր սրտում և ասում եք, թե ճանաչում եք Ինձ, հեռացեք Ինձանից»:
Աստծո առաջ անօրենություն կլինի հավատալ Նրան, բայց մեղքեր ունենալ սրտում կամ չհավատալ Նրա փրկության օրենքի համեմատ: Նաև անօրենություն կլինի Աստծո կամքը չգիտենալը: Անօրենություն կլինի Նրա կամքը կատարելը, առանց իմանալու այն և կամ առանց իմանալու ջրից և Հոգուց վերստին ծնվելու օրհնության մասին: Անօրենություն կլինի հետևելը Հիսուսին, առանց Նրա կամքին հնազանդվելը: Անօրենությունը մեղք է:
Աստծո Կամքը Աստվածաշնչում
Ովքե՞ր են Աստծո զավաները
Արդարները, որ մեղքեր չունեն
Արդարները, որ մեղքեր չունեն
Նրա կամքն է, որ հավատանք ջրից և Հոգուց վերստին ծնվելու ավետարանին: Ճշմարիտ ավետարանը նպաստում է մեր վերստին ծնունդին: Նրա կամքն է, որ մենք ապրենք ավետարանի համար որպես Նրա զավակները: Մենք պետք է գիտենանք Աստծո կամքը, բայց շատերը չգիտեն ջրից և Հոգուց վերստին ծնվելու ավետարանը:
Երբ հարցնում եմ մարդկանց, թե ինչու են հավատում Հիսուսին, շատերը պատասխանում են, որ հավատում են Հիսուսին փրկվելու համար:
-Իսկ մեղքեր ունե՞ք,-հարցնում եմ ես:
-Իհարկե, -պատասխանում են նրանք:
-Եվ ինչ է, փրկվա՞ծ եք:
-Իհարկե:
-Իսկ կարո՞ղ է մեղավորը մտնել երկնային արքայություն, եթե մեղքեր ունի սրտում:
-Ոչ, երբեք:
-Եվ դուք ո՞ւր եք պատրաստվում գնալ, դրա՞խտ:
Նրանք ասում են, որ գնալու են երկնային թագավորություն, բայց մի՞թե դա հնարավոր է, եթե ունես մեղքեր:
Ոմանք կարծում են, որ հավատալով Հիսուսին, կարող են մտնել երկնային արքայություն, նույնիսկ եթե նրանք ունենան մեղքեր: Բայց Աստված չի ընդունում մեղավորներին:
Ո՞րն է Աստծո կամքը: Աստվածաշունչն ասում է, որ Աստծո կամքը այն է, որ հավատանք Նրա Որդուն, հավատանք Հիսուսի մկրտության և արյան միջոցով փրկության օրհնությանը:
Ովքեր հավատում են ջրից և Հոգուց վերստին ծնվելու օրհնությանը, դառնում են Նրա զավակները: Մենք փառավորվում ենք, երբ դառնում ենք Նրա զավակները: Նրա զավակներն արդար են:
Երբ Աստված համարում է մեզ արդար, մի՞թե մեղավորներին տեսնում է արդարացած: Աստված երբեք չի ստում: Աստծո առաջ մենք կամ մեղավոր ենք, կամ արդար: Հնարավոր չէ լինել «գրեթե արդար»: Նա արդարացած է համարում միայն նրանց, ովքեր հավատում են ջրի և Հոգու ավետարանին:
Ինչպե՞ս կարող ենք դառնալ Աստծո զավակը
Ընդունելով ջրի և արյան ավետարանը
Քանի որ Աստված փոխանցեց մարդկանց բոլոր մեղքերն Իր Որդուն, նույնիսկ Իր Որդին դատապարտվեց Խաչի վրա: Աստված երբեք չի ստում: «Մեղքի վարձքը մահն է» (Հռոմեացիս 6:23): Երբ Նրա Որդին մահացավ, խավար տիրեց երկրում մոտ երեք ժամ:
«Հիսուսը մեծ ձայնով աղաղակեց և ասեց. Էլի, Էլի լամա սաբաքթանի. այսինքն. իմ Աստված, իմ Աստված, ինչո՞ւ թողեցիր ինձ» (Մաթևոս 27:46):
Հիսուսն Իր մկրտությամբ վերցրեց աշխարհի բոլոր մեղքերը, որ փրկեր մարդկանց: Նա վերցրեց մարդկանց մեղքերը` գիտենալով, որ խաչվելու է, և Աստված լքելու է Իրեն: Աստված Հիսուսի վրա դրեց այն մեղքերի դատաստանը, որը Նա վերցրել էր Հորդանան գետում, և երեք ժամ Իր երեսը դարձրեց Հիսուսից:
«Բայց որոնք որ նրան ընդունեցին, իշխանություն տվավ նրանց Աստծո որդիներ լինելու` նրանց, որ նրա անունին հավատում են» (Հովհաննու 1:12):
Դուք Աստծո զավա՞կ եք: Մենք վերստին ծնված ենք, որովհետև ընդունեցինք ջրից և Հոգուց վերստին ծնվելու ավետարանը: Ովքեր վերստին ծնված են ջրից և Հոգուց, արդարացած են իրենց մեղքերից:
«Եթե Աստված մեր կողմն է` ո՞վ է մեզ հակառակ» (Հռոմեացիս 8:12): Երբ արդարն իրեն անվանում է արդարացած, մյուսները փորձում են դատել նրան: Պողոս առաքյալն ասում է. «Ո՞վ է որ Աստծո ընտրվածների դեմ մեղադիր լինի. Աստված է որ արդարացնում է» (Հռոմեացիս 8:33): Աստված Հիսուսի միջոցով վերցրեց մեր մեղքերը և սրբացրեց մեզ, արդարացրեց ու դարձրեց Իր զավակները: Նա իրավունք տվեց մեզ դառնալու Նրա փառավորյալ երեխաները:
Ովքեր վերստին ծնված են ջրից և Հոգուց, Աստծո զավակներն են: Նրանք ապրում են Նրա հետ հավիտյան: Նրանք այլևս պարզապես ստեղծագործություն չեն, այլ` Աստծո զավակներ, որ պատկանում են երկնքին:
Հիմա, որ նրանք Աստծո արդար զավակներն են, չկա ոչ մեկը, որ մեղադրի նրանց, դատի նրանց կամ բաժանի Աստծուց:
Մենք պետք է ճանաչենք ջրից և Հոգուց վերստին ծնվելու ավետարանը, որ հավատանք Հիսուսին: Մենք պետք է գիտենանք Աստվածաշունչը: Շատ էական է, որ գիտենանք և հավատանք Աստծո կամքին, որպեսզի հետևենք դրան:
Աստծո Կամքն է, Որ Մեղավորները Վերստին Ծնվեն Ջրից և Հոգուց
Ինչո՞ւ Աստված ուղարկեց Իր Որդուն մեղավոր մարդու կերպարանքով
Որ նրան փոխանցվեր աշխարհի բոլոր մեղքը
Որ նրան փոխանցվեր աշխարհի բոլոր մեղքը
Աստծո կամքն է, որ մենք արդարանանք և վերստին ծնվենք ջրից և Հոգուց: «Որովհետև սա է Աստծո կամքը` ձեր սրբությունը» (1 Թեսաղոնիկեցիս 4:3):
Աստծո կամքն էր, որ Իր Որդին գար աշխարհ և բոլոր մեղքերը փոխանցվեին Նրան և մենք կարողանայինք փրկվել: Սա Հոգու օրենքն է, որ թույլ է տալիս մեզ վերստին ծնվել ջրից և Հոգուց: Այն ազատում է մեզ մեղքից:
Մենք փրկված ենք: Հիմա հասկանում եք, թե ո՞րն է Աստծո կամքը: Նրա կամքը մեզ փրկելն է: Նա չի ուզում, որ մենք փոխզիջման գնանք աշխարհի հետ, այլ ուզում է, որ հավատանք Իր Խոսքին և պաշտենք Աստծուն:
Աստծո կամքն է նաև այն, որ վերստին ծնվածները վկայեն ավետարանը և ապրեն եկեղեցում` նվիրելով իրենց մարդկանց դարձի բերելուն:
Մենք մեղանչում ենք ոչ թե մեր կամքով, այլ որովհետև տկար ենք: Բայց Հիսուսը վերցրեց այդ մեղքերը: Աստված աշխարհի բոլոր մեղքերը փոխանցեց Նրան Հովհաննես Մկրտչի միջոցով: Նա Իր Որդին ուղարկեց այն նպատակով, որ Հովհաննես Մկրտիչը մկրտեր Նրան: Մենք փրկված ենք այս հավատքով: Սա Աստծո կամքն է:
Աստծո Կամքն է, Որ Մենք Հավատանք Հիսուսին
Ինչո՞ւ Հիսուսն եկավ մեղավոր մարդու կերպարանքով
Վերցնելու մարդկանց մեղքերը
Վերցնելու մարդկանց մեղքերը
Աստվածաշունչն ասում է, որ Աստծո կամքը Նրան հավատալն է, որին ուղարկեց Աստված: «Արդ նրան ասեցին. Ի՞նչ անենք, որ Աստծո գործերը գործենք: Հիսուսն էլ պատասխանեց և նրանց ասեց. Սա է Աստծո գործը, որ հավատաք նրան, որին նա ուղարկեց: Եվ նրան ասեցին. Ապա դու ի՞նչ նշան ես անում, որ տեսնենք և հավատանք, ի՞նչ ես գործում: Մեր հայրերը անապատումը մանանան կերան. ինչպես գրված է թե Երկնքիցը հաց տվավ նրանց ուտելու» (Հովհաննու 6:28-31):
Մարդիկ ասում են Հիսուսին, որ Աստված Մովսեսին նշան տվեց, երբ նրանք ուղևորվում էին դեպի Քանան` տալով նրանց մանանա, և Իսրայել ժողովուրդը հավատաց Աստծուն (Հովհաննու 6:32-39): Մարդիկ հարցնում էին. «Ի՞նչ անենք, որ Աստծո գործերը գործենք»:
Հիսուսը պատասխանում է, որ նրանք պետք է հավատան Իրեն: Եթե մենք ուզում ենք անել Աստծո գործը, ապա պետք է հավատանք Հիսուս Քրիստոսի գործերին: Աստծո կամքն է, որ ոչ միայն հավատանք և քարոզենք ավետարանը, այլ ապրենք այն:
Աստծո պատվերն է. «Ուրեմն գնացեք բոլոր ազգերը աշակերտեցեք, նրանց մկրտելով Հոր և Որդու և Սուրբ Հոգու անունովը. նրանց սովորեցնելով, որ ամեն ինչ որ ձեզ պատվիրեցի` պահեն. և ահա ես ձեզ հետ եմ ամեն օր մինչև աշխարհքի վերջը» (Մաթևոս 28:19-20):
Հիսուսը հստակորեն ասում է մկրտվել Հոր, Որդու և Սուրբ Հոգու անունով: Հոր և Հոգու գործը ամփոփված է Հիսուսի մկրտության մեջ: Երբ հասկանում ենք սա, կարողանում ենք հավատալ Աստծուն և տեսնել Հիսուսի բոլոր գործերն այս աշխարհում, և թե ինչպես է Հոգին վկայում դրանք:
Հիսուսն ուղարկվեց Աստծուց` վկայելու ջրի և Հոգու ավետարանը: Դրա համար միայն Աստծո Խոսքին և Իր ծառային հավատալու միջոցով կարող ենք փրկվել:
Կատարել Աստծո Գործը
Ո՞րն է մեր կյանքի նպատակը
Կատարել Աստծո կամքը` տարածելով ավետարանն աշխարհով մեկ
Կատարել Աստծո կամքը` տարածելով ավետարանն աշխարհով մեկ
Եթե ուզում ենք անել Աստծո կամքը, նախ պետք է հավատանք Հիսուսի մկրտության և Խաչի մահի ավետարանին: Աստծո գործն այն է, որ հավատանք Նրան, որին Աստված ուղարկեց: Հիսուսին հավատալու համար նախ պետք է հավատանք, որ Նա փրկել է մեզ ջրի և արյան շնորհիվ:
Աստծո կամքը կատարվում է մեզանում, երբ հավատում ենք Հիսուսին և քարոզում ավետարանը: Այսպես մենք կատարում ենք Աստծո կամքը: Նա ասել է, որ միայն ջրից և Հոգուց վերստին ծնվելու օրհնությանը հավատացողները կարող են մտնել երկնային արքայություն:
Եկեք բոլորս մեր տեղն ունենանք երկնային տաճարում` ճանաչելով Աստծո կամքը, գիտենալով և հավատալով, որ մեր բոլոր մեղքերը փոխանցվել են Հիսուսին Իր մկրտության միջոցով, ապրելով Նրա թագավորության տարածման համար և քարոզելով ավետարանը մինչև մեր կյանքի վերջը:
Սիրելի քրիստոնյաներ, ովքեր հավատում են ջրի և Հոգու ավետարանին, կատարում են Աստծո գործը: Աստծո գործը կատարելը այն է, որ հավատանք Նրան, որին Աստված ուղարկեց: Մենք պետք է հավատանք, որ մեր բոլոր մեղքերը փոխանցվել են Նրան, որին ուղարկեց Աստված, և որ Հիսուս Քրիստոսը մեր Փրկիչն է:
Մարդկանց մեղքերից ազատագրվելն իրականացավ Հիսուսի մկրտության միջոցով Հովհաննես Մկրտչի կողմից Հորդանան գետում: Աստծո գործի երկրորդ մասն այն է, որ հավատանք Նրան, ում Աստված ուղարկեց, Փրկչին, որը վերցրեց աշխարհի մեղքերը, և քարոզել ավետարանն աշխարհով մեկ:
Հիմա վերստին ծնվածներս պետք է ապրենք և քարոզենք ավետարանը մինչ աշխարհի վերջը:
Ո՞ւր են գնում այն մարդիկ, ովքեր հավատում են Հիսուսին, բայց չգիտեն, թե որն է Աստծո կամքը
Նրանք գնում են դժոխք
Նրանք գնում են դժոխք
«Շատերը կասեն ինձ այն օրը, Տեր, Տեր, չէ՞ որ քո անունովը մարգարեացանք, և քո անունովը դևեր հանեցինք, և քո անունովը շատ զորություններ գործեցինք: Եվ ես այն ժամանակ պարզ կասեմ նրանց, թե Երբեք ձեզ չեմ ճանաչել. ինձանից դեն գնացեք, ով անօրենություն գործողներ» (Մաթևոս 7:22-23):
Այս հատվածը մեզ սովորեցնում է, թե ովքեր են մեղավորներն ու անօրեններն Աստծո առաջ:
Այնքան շատ քրիստոնյաներ կան, որ ասում են «Տեր, Տեր», բայց վերստին ծնված չեն: Նրանք դեռ տառապանքի ու դժվարությունների մեջ են, որովհետև դեռ մեղքեր ունեն իրենց սրտում: Եվ իրենց դժվարության մեջ կանչում են Աստծուն. «Տեր, Տեր»:
Նրանք հավատում են, որ իրենց խիղճը հանգստանում է, եթե նրանք աղոթքով ու աղաչանքով դիմեն Աստծուն, բայց դա անհնար է, քանի որ մեղքը չի մաքրվում նրանց սրտից: Նրանք աղոթում են սարերում առանձնացած կարծես Աստված շատ հեռու է մեզանից: Երբ չունենք կատարյալ հավատք, հակված ենք ավելի շատ ասելու «Տեր, Տեր»:
Որոշ եկեղեցիներում, որտեղ չկան վերստին ծնվածներ, աղոթում են այնպիսի մեծ եռանդով, որ բեմը կարծես փուլ է գալիս:
Բայց Աստվածաշնչում կարող ենք տեսնել, որ ոչ բոլոր «Տեր, Տեր» ասողներն են մտնում երկնային արքայություն: Միայն ջրի և Հոգու ավետարանին հավատացողներն ունեն հավատք, որը կարող է առաջնորդել կատարելու Աստծո գործը:
Աստվածաշունչն ասում է, որ մեղավոր սրտով Աստծո անունը կանչելն անօրենություն է: Երբևէ ներկա եղե՞լ եք աղոթաժողովներին սարերի վրա: Կին սարկավագները լացում ու լացում են` կանչելով Աստծո անունը, որովհետև նրանք ճշմարտությամբ չեն հանդիպել Հիսուսին, և ոչ էլ ընդունել Հոգին իրենց սրտերում, ոչ էլ վերստին ծնվել ջրից ու Հոգուց: Նրանք կանչում են Նրա անունը, որովհետև վախենում են, որ կարող է ընկնեն դժոխք:
Ենթադրենք, որ մեկն իր կյանքը նվիրել է եկեղեցական ծառայությանը, բայց Աստված չի ընդունում նրան: Եթե մեկին լքում են ծնողները կամ կողակիցը, արդեն սա բավական է դառնում, որ կոտրվի նրա սիրտը, պատկերացնում եք, թե ի՞նչ տեղի կունենա, եթե մարդուն լքում է Աստված, թագավորների Թագավորը, դատավորների Դատավորը: Ո՞ւր կգնա այդ մարդը մահից հետո:
Հույս ունեմ, որ ոչ մեկիդ սա չի պատահի: Խնդրում եմ լսեք ինձ և հավատացեք ջրի և Հոգու ավետարանին: Աստծո կամքն է, որ վերստին ծնվենք և ապրենք ջրի և Հոգու ավետարանով:
Մենք, քրիստոնյաներս պետք է հավատանք ջրի և Հոգու ավետարանին և զորություն ստանանք աստվածաշնչյան ճշմարտություններից: Միայն այդ ժամանակ կարող ենք խուսափել Աստծո դատաստանից:
Copyright © 2021 by The New Life Mission
