All e-books and audiobooks on The New Life Mission website are free
Explore multilingual sermons in global languages
Two new revised editions in English have been released
Check out our website translated into 27 languages

English

Sermons

Sermons

ISAMBILISHO 7: IFILUBO IFYABA MUMA SAMBILISHO YAKULINGWA KABELA KABILI NO KUSALWA KUSUMA

[7-1] Ubufi Ubwashintilila pe Sambililo lya ku Lingilwa Kabela no Kusalwa Kusuma (Abena Roma 8:28-30)

(Abena Roma 8:28-30)

“Awe twaishibo ukuti abatemwa Lesa, abaitwo mwabela ukupanga kwakwe, ifintu fyonse fibombelako capamo kukuletako ubusuma pakuti abo aishibile libela, no kulinga abalingile libela ukuti bakabe abapalana ne cipasho ca Mwana wakwe, ukuti wene akabe ibeli muli ba munina abengi. Na abo alingile libela, bene abetile no kwita; na abo aitile, bene abalungamike noku ba lungamika; naabo alungamike, bene abachindamike nokuba cindamika.”

Bushe lesa muchishinka asalile fye bamo pali ifwe?
Awe. Atusalile ifwe bonse muli yesu Kristu.

Amasambilisho ya bukapepa aya kulingilwa kabela no kusalwa kusuma, ayo yaba yamo ayashntilila pali bu kapepa aya panga isambilisho ilya bena Kristu, lyalitungulula abengi abafwaya ukutetekela muli Yesu ukukana umfwa icebo cakwa Lesa. Ilisambilisho ilya lubana lyali lenga icimfulunganya ici kalamba.
Ifyo amasambilisho ya bukapepa aya bufi yalanda pakulingilwa kabela cakutila Lesa asala abo atemwa lelo aseka abo tatemwa. Ici cilepilibula ukuti bamo aba salwa bali fyalwa libili ku menshi no mupashi nokupokelelwa mumulu ilyo bambi abashasalwa bakalola ku gehena.
Nga cakutila Lesa asalako fwe bamo pali ifwe teti tuyafwe lelo ku cucutika neli pusho “Bushe nalisalwa pe pusukilo?” Nga cakutila tatwasalilwe, kuti caba icafye pali ifwe ukutetekela muli Yesu. Elyo ili sambilisho lyali lenga abantu ukusakamana sana nga cakutila bali salwa kuli Lesa ukucila necitetekelo palwaciko.
Nga twatetekela ifi kuti twakakulwa shani ku kutwishika no kutetekela fye muli Lesa? Bushe kuti twaishiba shani ukuti Lesa icine cine alitusala? Kuti aba fye Lesa kuli abo asala, nangula atila bushe, “Lesa nalimo waba Yuda mwa? Bushe te Lesa wabena fyalo pamo? Kwena wabena fyalo pamo.” (Abena Roma 3:29).
Pantu abantu abengi tabomfwa ubupilibulo bwa ku lingilwa kabela noku salwa kusuma, balatina ukonaika nangu balitetekela muli Yesu.
Abena Efese1:3-5 itila, “Abe uwa palwa kabili wishi wakwa shikulwifwe Yesu kristu, uwa palila ifwe mwi palo lyonse ilya bumupashi mu myulu muli kristu, nge fyo atusalile muli wene ilyo pano isonde pali tapala lengwa ukuti tube abamushilo kabili ababula akalema kucinso cakwe. Atulingile kabela mukutemwa ukuba abana bamwine muli Kristu, umwabela uku bekwa kwa kupanga kwakwe.”
Eico tulingile uku pitulukamo mwi tontonkanyo lya masambilisho aya bukapepa aya kulingilwa kabela noku salwa kusuma. Paku bala tulingile ukumfwikisha ifyo Icipingo ciilanda palwa kulingilwa kabela noku salwa kusuma noku kosha icisumino cesu mwipuskilo ukupitila mu menshi no mupashi.
Bushe Abena Roma batwebe nshi? Aba sambilila ifya bukapepa bamo balikosha isambilisho “lyakusala fye bamo.” Bushe amasambilisho aya bukapepa ni Lesa nomba? Ama sambilisho aya bukapepa nipa lwa yako te Lesa.
Nangu ilyo isonde talila bumbwa, Lesa asalile umutundu wa muntu onse muli Yesu Kristu noku kupanga mumano Yakwe ukutulenga ifwe abalungami. Yesu alitutemwa ifwe apabula nangu cimo. Twimulenga wene uwa kapatulula Lesa. Abatetekela bakwata icitetekelo umwabela amatontonkanyo yabo lelo abatetekela ba bika uku shintilila ici tetekelo cabo mucebo cakwa Lesa icalembwa.

UKUSALWA KUSUMA MU CIPINGO CAKELE

Bushe amasambilisho yakusalwa ukwabula nangu cimo ya cine?
Awe. Imfumu yesu te Lesa uwa kwata amano aya cepesha. Lesa asalile ababembu bonse muli Yesu, tasalile fye abanono.

Mu Kutendeka 25:21-26, tubelenga palwa bana babili aba kwa Isaki, Esau na Yakobo. Lesa asalile Yakobo ilyo abana babili aba kwa Isaki bacili bali munda muli baninabo.
Abo aba shumfwa icebo cakwa Lesa basenda ici nge shintililo lye sambilisho ulya kusalwa kwa bamo. Ici cimo noku sankanya umulungu watulubi mubwina kristu.
Nga twatetekela ukuti Lesa asala ifwe pe shintililo “lya kusalwa kwa bamo” kabili te muli Yesu Kristu, ninshi cimo cine tule shinshimuna imilungu ya bufi no tulubi. Lesa te mulungu wa bufi. Nga twali nokutetekela mu milungu ya bufi, ifwe kuti twakana ubu pekanyo bwakwa Lesa pali ba Ifwe no ku ponena muciteyo cakwa Satana.
Nga cakutila abantu tabalenakila ukufwaya kwakwa Lesa, ninshi tabacilile ishi nama ishilola ku konaika. Apo fwe batetekela tatuli nama tulingile ukuba ba katetekela ba cine aba belenga no kutetekela mu cine ica lembwa mu Cipingo. Ukwabula ukutontonkanya paku bala icine ica lembwa mu Cipingo ku itwala we mwine weka kuli Satana.
Ukukwata icitetekelo ca cine, tulingile pa kubala twatontonkanya ica lembwa mu Cipingo noku konka icetetekelo ca abo aba fyalwa libili muli Kristu.
Isambilisho lya kwa Kelvin likonkomesha pa bulubushi ubwa cimpelesha. Ici cilola mu kutila ukutemwa kwakwa Lesa no bulushi bwa mfumu ta bwa kuma bamo. Bushe ici kuti caba ica cine?
Icipingo citila, “Lesa afwaya abantu bonse uku pusuka” (1 Timote 2:4). Nge palo lya bulubushi liya fye kuli bamo, abengi abatetekela kuti baleka ukutetekela muli Yesu. Elo, ninani winga fwaya ukutetekela muli Lesa uwa cepesha amano?
Tulingile uku kwata ukwishiba ukuti Lesa wesu amano tayacepa. Ni Lesa uwa cine, uwa kutemwa, no Mulinganya. Tulingile ukutetekela muli Yesu ne mbilansuma ya kufyalwa libili ku menshi no mupashi kabili efyo twapusuka ukufuma ku membu shesu shonse. Yesu ni Kapususha wa bantu bonse aba fyalwa ku mbilasuma ya menshi no mupashi.
Uku lingana ne sambilisho lyakwa Kelvin, nga kwali abantu 10, bamo nga balipusuka kuli Lesa elyo abashala kuti bashala balepya mu mulilo waku gehena. Ubu bufi.
Ta cilepanga amano ukusosa ukuti Lesa ali temwapo bamo noku sula bambi. Elenganyeni ukuti Lesa ali kuno ilelo. Nga afwaile uku sala abo abaikele ku kulyo, Libe alepinga mu mano Yakwe ukutuma abo bonse abaikele kukuso ku gehena, bushe kuti twabika Ena nga Lesa?
Bushe abo asulile teti bemye amashiwi yabo pamulu mu kwilishanya? Ifi bumbwa fyonse kuti fya lalila, “Bushe Lesa ninshi abela uwa kapatulula?” uku sala kwa bamo kwa bufi pantu Lesa asalile umutundu wa muntu onse muli Kristu Yesu.
Eico uuli onse uwa itwa na Lesa mwishina ilya kwa Kristu ali salwa. Nomba, ninani Lesa eta? Eta aba bembu, te balungami. Lesa teta abo aba ibika abene nga balungami.
Ipalo lyakwa lesa ilya bulubushi lya ba bembu kabili nabalya abasekwa ku gehena. Uku sala kupilibula Lesa eta aba bembu pakuti aba lenge abana bakwe abalungami.

LESA WA MULINGANYA

Bushe Lesa atemwa fye aba salwa abanono?

Awe. Imfumu tayacepa mumano. Lesa wamu Linganya.

Lesa wa Mulinganya. Te Lesa uwa temwa fye ukusala bamo. Aitile aba bembu bonse mwi nshina lyakwa Kristu. Ukwabula ipusukilo ukupitila mu bulubushi bwa kwa Yesu Kristu no kwelelwa kwa membu, kuti aishiba shani ukutemwa Kwakwe ne pusukilo? Mwilenga Ena Lesa ukuba nga ushakwata umulinganya.
Esha uku fwaya icibulile ilyo wa belenga Abane Efese 1:3-5. “Abe uwapalwa Lesa kabili wishi Wakwa Shikulwifwe Yesu Kristu, uwa palila ifwe mwi palo lyonse ilya bu mupashi mu m Myulu muli kristu, ngefyo atusalile muli wene ilyo pano isonde tapalalengwa, ukuti tube aba mushilo kabili aba bula akalema ku cinso cakwe. Atulingile kabela mu kutemwa mukuba abana ba Ena umwine muli Yesu Kristu, umwabela ukubekwa kwaku panga kwakwe.” Cinshi cibulilepo? Ishiwi ili bulilepo ni “muli Yesu Kristu.”
Ukusalako bamo mwi sambilisho lya kwa Kelvin talya palana na ma shiwi ya mu Cipingo. Icipingo citila, “Atusalile ifwe muli yesu Kristu ilyo pano isonde pali ta palalengwa.”
Lesa asalile umutundu wa muntu onse muli Kristu uku fyalwa libili ku menshi no mupashi. Abo aba teti ba yafwe lelo kufyalwa ababembu kuti balubulwa kulu bembu noku ba abana ba kwe. Ali lundako umutundu wa muntu onse kumulongo uwa abo aba kapusuka noku basala muli Yesu Kristu.
Pantu abengi abaishiba ifya bukapepa abakonkomesha pakusala fye bamo, basosa ukuti bamo fye ebasalwa, abantu abengi balikatwa mu cisumino cacimfululu mukupwililika namasambilisho ayashumfwika bwino. Aba bakapepa ba bufi basosa ukuti Lesa asala bamo no kusuula bambi ukupitila mu kusalako bambi, libe icine ca cebo Cakwe cakuti Lesa asala ababembu bonse muli Yesu. Abantu abengi baponena mukwikatwa mu masambilisho ya bufi ukuikumika kufisumino ifya kupapusha.

Ishiba ukuti nga ta waishiba ati Lesa afwaile uku pususha umutundu wa muntu onse muli Yesu Kristu kabili no kuti ukwelelwa kwa membu kwalola ku uuli onse uwatetekela muli Yesu. Mu kuciteci, kuti twapusuka ukufuma ku membu shesu shonse, no kuba abana bakwa Lesa, ukuba abantu abalungami, ukukwata umweo wa muyayaya, no kwishiba ukuti Lesa wa Mulinganya.

UKUSALWA KUSUMA MWILYASHI LYA KWA YAKOBO NA ESAU

Bushe ni bani Lesa asala? Bushe ni abofye abo abasalwa?

Awe. Lesa asalile umutundu wa muntu onse muli Kristu. Eico, uwatetekela muli kristu noku kana kwata ulubembu ukupitila mu lubatisho lwa kwa Yesu alisalwa.

Mu Kutendeka 25:19-28, Esau na Yakobo ba lelwishanya bonse munda ya baninabo ba Rebeka. Lesa Mu Kutendeka 25:23 “Nao Yehoba atile kuli wene: mwifumo muli inko shibili, inko shibili isha bantu shikapatukana pakutula munda yobe; uluko lumo lukatalila paluko lubiye, kabili umu kalamba aka bombela umwaice.”
Aba bembu bapilibula aya amashiwi mwi sambilisho lya bukapepa ilya ku lingilwa kabela no kusalwa kusuma, ukusha abengi abatetekela muli Yesu uku fulugana no kutwishika nga ba lisalwa nangula iyo! Ilyo baibika abene beka ukusalwa, ba tontonkanya ukuti bali pusuka no kutendwa uku fyalwa libili ku menshi no mu Mupashi.
Itontokanyo lya kusalwa fye kwa bamo lyali pilibula abantu abengi abo abatetekela muli Yesu uku batalusha kubulushi no kusekwa ku gehena. Na cilenga Lesa uku moneka uwabula umulinganya.
Pantu abengi aba sambilila ifya bukapepa bafunda isambilisho ilishili telya cine ifitoloka mu matontonkanyo yabo abene, abengi aba tetekela muli Yesu balaba aba bulo kucingililwa ku kusakamana nga cakutila balisalwa, nangu ubulubushi bwabo bwalingilwe kabela.
Kuli Yakobo na Esau, nani uo Lesa asalile? Asalile Yakobo muli Yesu Kristu. Mu Bena Roma 9:10-11, calisoswa ukuti Lesa aitile Yakobo mucifulo cakwa munina nangula ba imitwe ku mwaume umo, ilyo ta balafyalwa, nelyo ta balacitapo icintu cimo icisuma nangu icibi.
Uku fwaya kwakwa Lesa kwali kusala Yakobo, tepamulandu wa milimo yakwe lelo nipamulandu wa kusala kwakwe. Icipingo naco citweba ukuti Yesu nao ashile mukwita aba bembu, tebalya fye abekala ubwikashi ubwaololoka.
Abantu bonse, no bufyashi bwakwa Adamu, ba fyalwa aba bembu. Davidi atile ali mubembu ukufuma panshita ali munda ya banina kabili ukuti afyelwe mu mampulu. “Moneni, mumampulu emo na papilwe, na mu lubembu emo mayo anjimitile” (Amalumbo 51:5).
Abantu bonse ba fyalwa nga ababembu pa mulandu wa membu shafikolwe fyabo. Eico uuli onse uwa fyalwa muli lino isonde alesa mukuba umu bembu, acita ngo mubembu, nokutwala ifi sabo fya lubembu.
Umwana ushila citapo ulubembu ululi lonse ali ba kale umu bembu pantu afyelwe no lubuto lwa lubembu ali kwata amatontokanyo aya bipa, ubu cende, ubu lalelale no kwipaya mu mutima wakwe. Afyelwe ne membu shafikolwe fyakwe. Abantu bonse ba bembu nangu ilyo ta balafyalwa.
Umulandu Lesa atulengele ifwe aba naka ulinge fi. Umutundu wa muntu bu bumbo bwakwa Lesa, lelo Imfumu ya likwete amapange ya kutupanga ifwe ukuba abana bakwe ku kupususha ifwe ukufuma ku lubembu. Eca lengele asuminishe Adamu ukubembuka.
Ilyo twaishileba ababembu nga ifya fuminemo, Lesa atumine Yesu kuli lino isonde, uku suminsha Umwana Wakwe uwa fyelwe fye eka ukusenda imembu shonse isha mutundu wa muntu ukupitila mu lubatisho Lwakwe.
Ubu fwayo bwakwa Lesa bwali kulubula umutundu wa muntu ukupitila mu lubatisho Lwakwe no mulopa Wakwe Pacapindama no kubapela amaka aya kuba abana bakwe mu kutetekela muli Yesu. Asuminishe Adamu ukubembuka pabulayo bwaku samba ulubembu lonse muli Kristu.
Aba bembu abatetekela mwi sambilisho lya bufi batila, “lolesha kuli Yakobo na Esau asalilepo umo no kusula umbi apa bula nangu cimo.” Lesa ta tusalile apabula nangu cimo, lelo asalile ifwe muli Yesu Kristu. Tulingile uku lolekesha mu mashiwi ya mu Cipingo. Abena Roma 9:10-12 itila, “Awe te ici ceka lelo Rebeka nao pakuba ne fumo ku mwaume umo wine, Isaki shi few (ilyo abana bacili ta balafyalwa, kabili ta balacita icisuma nangu icibi, cakuti uku panga kwakwa Lesa ukwa kusala ku pampamikwe, tepamulandu wa milimo lelo pa mulandu wabwite bwakwe) wene aebelwe ati umukalamba aka bombela umwaice.”
Lesa asalile Yakobo muli Yesu. Yakobo ali cilangilo ca babembu abashacindama no kubulisha ubulungami bwabo abene. Efese 1:4 itila, Lesa atusala muli Ena.
Ninani uo Lesa eta? Aitile Yakobo pantu ali shibe ukuti ali mu bembu kabili usha lungama kuli Lesa kabili ashintilile pali Lesa. Aitile Yakobo mwi shina lya mwana wakwe Yesu no kumulubula ne mbilasuma ya menshi no mulopa noku mupanga umwana Wakwe. Eco, Lesa aitile Yakobo no kumupala no bulubushi.
Aitile ababembu no kubalenga aba lungami ukupitila mu bulubushi muli Yesu. Aya emapange yakwa Lesa.

ISAMBILISHO LYA BUFI PAKUSALWA KWABAMO

Bushe ninshi Lesa atemwene Yakobo?

Pantu Yakobo alishibe ukukana lungama kwakwe.

Nomba line nali belengele ibuku ilya shintilile pelyashi lyaku salwa kwa bamo. Umu lumendo alilotele. Umwanakashi umukote amonekele mu ciloto no kweba umu lumendo ukwisa pa ncende imo, kabili alile. Elyo umwanakashi umukote amwebele ukuti alisalwa na Lesa.
Aipwishe umukote umwanakashi ukuti Lesa amu sala shani libe tatetekela muli Lesa? Amwebele ukuti Lesa amusalile fye nangu takwete icitetekelo.
Ici tecacine. Bushe kuti Lesa aseka fye shani abantu bamo ku gehena no kusala bambi pe pusukilo? Lesa asala bonse muli Kristu.
Isambilisho lya kusala pafya bukapepa ili fumyako Yesu lya bufi. Tecine, lelo abengi aba fya bukapepa bakomaila ukuti Lesa asalako fye bamo pali ifwe. Ico tecacine. Lesa afwaya uku pususha bonse muli Kristu. Nibalya fye aba shatetekela mu bulubushi bwa menshi no Mupashi muli Yesu eba shakapusuka.
Lesa alingile kabela umutundu wa muntu onse pe pusukilo ukupitila mu Mwana Wakwe, Yesu, nokufwaya ukubalenga abana Bakwe lintu isonde talilalengwa. Apingile ukupususha umutundu wa muntu ukufuma kumembu shonse ishe sonde ukupitila mu bulubushi bwakwa Yesu Kristu. Ici ecine nge fyo calembwa mu Cipingo.
Abalungami aba fyalwa nakabili muli Kristu ebasalwa. Lelo aba fya bukapepa bakomaila ukuti Lesa asalafye ifwe bamo. Batila, ica ku mwenako, cakuti bakapepa ba ci budda baba pali abo Lesa tasalile. Lelo Lesa nabo ali basalile muli Yesu.
Nga cakutila Lesa asalako fye bamo ukwabula Yesu, teti tukabile ukushimikila imbilasuma. Nga Lesa apingile ukusalako bamo ukwabula Yesu, ababembu teti bakabile ukutetekela muli Yesu. Nomba bushe kuti amashiwi Yakwe aya kutemwa, icine no kukakulwa kuti fyafikilishiwa?
Bushe kuti kwaba umulandu ku babomfi bakwa Lesa ukushimika imbilansuma muli lino isonde? Bushe cilapanga amano ukuti Lesa asalako fye bamo abalubulwa na basekwa ukwabula Yesu?
Umulandu Lesa asalile Yakobo muli Yesu, umulundu atemwene Yakobo noku pata Esau wakuti alishibe libe tabalabako ukuti yakobo akatetekela muli Yesu na Esau takatetekele muli Wene.
Kwaliba ababembu abengi mwi sonde abatetekela muli Yesu. Bamo baba nga Esau kabili bambi baba nga Yakobo.
Ninshi Lesa atemwene Yakobo? Yakobo tali umulungami kabili alishibe ukukana cindama kwakwe. Eico alisumine ukuti mubembu kuli Lesa noku lomba Ukusenaminwa Kwakwe. Eca lengele Lesa apusushe Yakobo.
Lelo Esau ashintilile sana palwakwe umwine ukucila Imfumu kabili takwete insala pa kusenaminwa kwakwa Lesa, eco Lesa asosele ukuti alitemwa Yakobo no ku pata Esau. Ici ecebo cacine.
Lesa ifwe bonse atulingile kabela ne pusukilo muli Yesu. Ababembu bonse ifyo balingile ukucita kutetekela muli Yesu. Elyo icine no Mulinganya ifyakwa Lesa finga bikwa mu mitima yabo. Fwebabembu tapali efyo twingacita lelo kutetekela ne mitima yesu yonse mukuba aba pusushiwa ukupitila muli Yesu. Efyo tulingile ukucita kutetekela mu bulubushi ukupitila muli Yesu.

ISAMBILISHO ILYA KUSHISHIWA KWA CILANSHITA ILYABUFI

Bushe cacine ukuti umubembu kuti aba umulungami cilanshta?
Awe.Teti cicitike.Umuku umo epela, Lesa alengele ababembu abalungami Kabili ukwabula akalema ukupitila mu bulubushi bwa lubatisho Lwakwe ne mfwa Yakwe pa Capindama.

Satan alabepa ababembu ne sambilisho ilya ku sangululwa cilanshita pakuti be pusuka ku membu shabo. Ukusangululwa kwa cilanshita cipilibula ukuti ababembu baba aba mushilo lyonse panuma batetekela muli Yesu.
Isambilisho liya ngefi. Ababembu teti babe abalungami pa mukumo epela lelo bapusuka fye ukufuma ku lubembu lwa cishinte ilyo batetekela muli Yesu. Imembu bacita shisambwa ukupitila mu mapepo yaku lapila cilabushiku kabili abantu ba sangululwa cilanshita.
Ubucenjeshi bwaili isambilisho kusangululwa kwa cilanshita. Cumfwika ici kalamba ukuti umo kuti atetekela muli Yesu nokuba umwina Kristu uwashila cilanshita. Ili sambilisho lyalibepa abena Kristu abengi pamyaka iyingi, ukubalenga ukumfwa aba cingililwa. Emulandu wine kwabela abengi aba itunga ukuba abashila ukucila abena Kristu abene mu bwina Kristu.
Batontonkanya ukuti ubushiku bumo baka cinjishiwa noku kana bembuka nakabili. Lelo bekala ubwikashi bwa bo nga ababembu kabili bakapingulwa nga ababembu kuli Lesa panuma bafwa.
Belenga icebo ca cine mu Cipingo. Abena Roma 8:30, “Na abo alingile libela, bene abetile nokwita; na abo aitile, bene aba lungamike no kulungamika; na abo alungamike, bene aba cindamike no kucindamika.”
Kabili mucikomo 29, “Pakuti abo aishibile libela, no kulinga aba lingile libela ukuti bakabe abapalana ne cipasho ca mwana wakwe, ukuti wene akabe ibeli muli bamunina abengi.” Pakubala mukwangufyanya cimoneka kwati kwaliba ifya ku konka kukuba umulungami. Lelo icebo citweba ukuti ubulungami bu pelwa umukumo epela.
“Nabo aitile bene aba lungamike.” Yesu aitile ababembu noku ba lenga aba lungami ukupitila mu lubatisho Lwakwe ku Yordani ne mfwa Yakwe pa Capindama.
Eico umo uwatetekela mu bulubushi muli Yesu alaba uwa cindamikwa umwana wakwa Lesa. Kusenaminwa kwakwa Lesa ukulubula ababembu noku ba cindamika mwi nshina Lyakwe.
Ifi efyo Lesa aletweba. Lelo abena Kristu bambi ba tweba ukulolesha ku Bena Roma 8:30 “kwaliba ifya ku konka pakuba aba sangululwa. Bushe kuti capilubula ukuti tucinja lyonse?” Ifi efyo babepa. Beba abantu ifya ku ntanshi ukuti umubembu akaba mulungami mu nshita.
Lelo Icipingo citweba tefya ku ntashi, lelo fyaku numa ukuti twalilengwa abalungami umukumo epela. Paliba ubupusano ubwine pakati ke tontonkanyo lyaku ntanshi nelya kunuma.
Tulingile fye ukutetekela mu Cipingo. Ukulingana nefyo calembwa, kuti twaba abana ba kwa Lesa umukumo epela. Calipusana fye ukutali ne sambilisho lya kusangululwa cilanshita.
Isambilisho lyaku sangululwa cilanshita litila ukuti ulubembu lwa cishinte elwelelwa ilyo twatetekele muli Yesu. Ifi fitulanga ukuti tulingile ukwikala ubwikashi bwa bukapepa noku lalapila pa membu cilabushiku, pakuti ilyo twaiminina kuli Lesa tukaba aba lungami.
Pantu abantu abengi batetekela muli ili sambilisho, bakashala fye aba bembu nangu panuma batampa ukutetekela muli Yesu. Ili isambilisho ilya bufi ilyaku sangululwa cilanshita lifuma ku bufi.
Icipingo cila tweba ukuti tuba abalungami kabili abana bakwa Lesa ku citetekelo. Ngefyo utwana twisa mwi sonde, kabili abana bakwa Lesa besa mukuba abasangululwa ilyo bailuka bwangu no kutetekela mu bulubushi bwa kwa Yesu. Lisambilisho lya bufi ilya kusangululwa cilanshita ili fuma kubufi.

UKUKAKULWA UKWAPWILILIKA UKUFUMA KU MEMBU SHONSE.

Bushe finshi tulingile ukucita paku sangululwa ukwa pwililika?
Tulingile ukutetekela mu bulubushi bwa menshi no Mupashi.

Abena Roma 8:1-2 itila, “Eico takuli nomba ukusekwa kubali muli Kristu Yesu; pantu imbela ya bumupashi bwa mweo uwaba muli Kristu Yesu yandubwile kumbela ya lubembu kabili iya mfwa.” Ici ci tweba ukuti Lesa alengele bonse aba bembu aba lungami noku bakakula bonse abaleisa kuli Yesu ukufuma kwi funde lya lubembu ne mfwa.
Icipingo citweba palwa bulubushi ubwapwililika muba Hebere 9:12. “Apa bula umulopa wa mbushi no wabana ba ng’ombe, kano umulopa Wakwe umwine, aingilemo fye limo umwashila, no kumone cilubula ca muyayaya.” Icipilibula ukuti ifwe fwe batetekela muli Yesu twali lubulwa no kusuminishiwa mu Mulu.
Twaumfwile no kutetekela mu mbilansuma ya bulubushi iya menshi no Mupashi muli Kristu Yesu no kwelelwa imembu shesu shonse. Lelo ababembu abatetekela kuti baelelwa fye ku lubembu lwa cishinte teti bapusuke icine cine. Pakuti bashishiwe pa membu isho bacita panuma batetekela muli Yesu, bomfwa ukuti bafwile ukulalapila cilabushiku.
Icitetekelo cabo ica bufi cibatungulula ku gehena. Icisumino cabo icalubana cibalenga ukulapila cilabushiku pakuti benga ikakula abene beka ukufuma ku mampululu yabo yonse. Ico teci tetekelo cacine icitupususha ukufuma ku gehena.
Nga balitetekele muli Yesu no kulubulwa pa mukumo inshita yonse, kuti baba abalungami kabili abana bakwa Lesa. Ukulubulwa kwa cine kulenga abatetekela baba abalungami no kucinja mubana bakwa Lesa umuku umo epela.
Nangula aba tetekela bali kakulwa ukufuma ku membu shonse ishe sonde, imibili yabo taicinja mpaka no bushiku bwa kufwa. Lelo imitima yabo yalingila mu bulungami bwakwa Lesa. Tatufwile ukukana ukumfwa ici icishinka.
Icipingo citweba ukuti twali sugululwa no kuba abalungami ilyo twatetekele mu mbilansuma.
Natuloleshe mu Bahebere 10:9-14 ukumona imbilansuma ya cine. “Elyo ati, Moneni naisa kuku cita ukufwaya Kwenu. Afumya icantashi ukuti emike icalenga fibili. Ni kukufwaya uku eko twashishiwa mu kuti Yesu Kristu atulile umubili wakwe limo epela. Kabili shimapepo onse eminina akasuba nakasuba aletula ilingi amalambo yamo yene, aya shinga fumya imembu nakalya. Lelo wene, ilyo atulile ilambo limo ilya pa membu, aikala pe kukwakulyo kwakwa Lesa. Alepemba basuke abalwani bakwe abacite icakubikapo amakasa yakwe. Pantu ku cakuninika cimo alenga abashishiwa abapwililila ukupwililila kwape.”
“Ni ku kufwaya uku eko twashishiwa, mukuti Yesu Kristu atulile umubili uwakwe limo epela.” Ishiba ukuti calilembwa mufya ino nshita tefyaku ntashi.
Uku sangululwa umupwilapo, ifwe bonse tulingile ukutetekela mu bulubushi bwa menshi no Mupashi ubo Yesu atupele.

YESU APELE UBULUSHI BWA MUYAYAYA UMUKUMO EPELA

Bushe ninshi umuntu alingile uku sangalala inshita yonse? (1 Tesalonika 5:16).
Pantu Yesu alisendele imembu shonse, teti aya fwe lelo kuba uwaicefwa kuli Ena noku tasha apakalamba paku senaminwa kwakwe.

Nga twatetekela mu bulubushi ubwa muyayaya ubwakwa Yesu, tulaba aba lungami pamukumo. Icipingo citila, “Beni aba sangalala inshita yonse, pepeni noku kana leka, muli fyonse toteleni.” (1 Tesalonika 5:16-18)
Sangalaleni lyonse. Bushe kuti twasangalala shani inshita yonse? Abo aba pokelela ubulubushi bwa muyayaya umukumo epela ebenga sangalala ukutwalila. Pantu bali kakulwa ku lubembu, bali bafye bwino mukwishiba ukuti Yesu alisenda imembu shabo mu Yordani. Bali icefya kuli Ena no kutasha apakalamba pa kusenaminwa kwakwe kabili kuti ba sangalala ukwabula ukuleka.
“Balishuka abalekelelwe fya bupulumushi fyabo, na bo imembu shafimbwapo” (Abena Roma 4:7). Ici tacilepilibula ukuti imembu shesu shalifimbwapo nangula icishinka shicili shilemoneka mu mitima yesu. Mu mitima yesu mwalibuta. Yesu alisamba umupwilapo imembu shesu shonse no kutupususha umukumo panshita yonse.
Ubulubushi bwa muyayaya bulola mu cipingo cipya. Ilyo Yesu abatishiwe, atile, “Leka cibe ifi nomba, pantu efyo catuyana ukufisho bulungami bonse” (Mateo 3:15).
Ngefyo imbushi nangu impanga shalesenda imembu sha bantu ukupitila mukushimpapo amaboko mu Cipingo cakale, Yesu alisendele imembu shonse ishe sonde noku butisha umutundu wamuntu mukuyana kabili ne nshila iya linga.
“Efyo catuyano kufisho ubulugami bonse.” Efyo asosele Yesu, Yesu alibatishiwe munshila iyayana noku shi senda pamwine eka imembu shonse isha mutundu wamuntu, efyo atupususha.
Muli mateo 3:15 cali lembwa ukuti Yesu alisendele imembu shonse ishe sonde. Umulinganya Wakwa Lesa walipwililike. Tatulingile ukwesha ukumfwa fye ubulubushi bwa muyaya. Tulingile ukucisenda nge cebo cakwe icakutukakula. “Iye ukushuka umuntu uwo bwalekelelwa ubupulumushi bwakwe, uwo lwafimbwapo ulubembu lwakwe” (Amalumbo 32:1).
Imembu shonse isha mutima no mubili, Yesu alisamba ilyo abatishiwe kuli Yohane kabatisha ku mumana wa Yordani. Ali pingwilwe pa membu tucita muli lino isonde ilya onaika kabili ilya bipisha. Panuma asenda imembu shonse, alifwile pa Capindama.
Uuli onse uletetekela muli ubu ubulubushi bwa lubembu kuti aba umu lungami kabili uwabula akalema umukumo epela. Pantu Yesu aikala umuyayaya, onse uletetekela mubu lubulushi muli Kristu akashala umu lungami.
Kuti twaiminina nomba kuli Lesa ne cikoseleshi no kutila, “Muli shani, Mwemfumu? Nalitetekela mu Mwana Wenu uwafyalwa eka, Yesu Kristu naine ndi mwana wenu. Natotele, Tata. Nototela pa kumpokele ngo mwana wene. Ifi tekupitila mu milimo yandi, lelo kupitila fye mu citetekelo candi mu kufyalwa libili ku menshi no Mupashi muli Yesu. Mwalimpuswishe ukufuma ku membu shonse isha lino isonde. Natetekele ifyo mwasosele,” “Pantu efyo catuyano kufisha ubulungami bonse” (Mateo 3:15). Ukupitila mu lubatisho Lwakwa Yesu ne Capindama, naba umwana wenu. Pali ico ndetasha apakalamba kuli imwe.”
Bushe walibika imembu shobe shonse pali Yesu? Bushe imembu shobe shonse shalisendwele na Ena? Icipingo citweba ukuti kutasha ulubatisho Lwakwa Yesu ne mfwa Yakwe Pacapindama, aba bembu kuti basangululwa pa kutetekela muli ifi.

ISENGE LYABA PAKATI KA LUBATISHO LWAKWA YESU NO BULUBUSHI

Bushe lisenge nshi ilya ba pakati ka lubatisho lwakwa Yesu no bulubushi?
Ulubatisho Lwakwa Yesu cipasho cabulubushi bwa sesemenwe ukupitila ku kubikwapo kwa maboko mu Cipingo cakale.

Elanganya umuntu aleikala ngo umubembu nangu alitetekela muli Yesu kabili alepepa na mulukuta, “Mwe Lesa, napapata njeleleni na pa membu na citile umulungu wa fumineko. Njeleleni imembu sha nshiku shitatu ishapita. Mwe mfumu njeleleni na pa membu shalelo. Nalitetekela muli Yesu.”
Natucibike ukuti uyu muntu aelelwa pa membu shakwe isha cilabushiku kuli lilya ipepo. Lelo panuma, abwekela ku bwikashi bwakwe ubwa cila bushiku noku bembuka na kabili. Elyo, akaba umubembu na kabili.
Yesu aishileba Umwana wa Mpanga wakwa Lesa uwa sendele imembu shaba bembu bonse ukupitila mu lubatisho Lwakwe no kubalubula pa kutanikwa Pacapindama. Pakutila kube ukulubulwa, aba bembu balingile ukutetetekela muli ifi pakulubulwa.
Ulubembu lonse lwali sendelwe na Yesu ilyo abatishiwe kuli Yohane ka Batisha, efyo ekufikilisha ubulungami. Imembu shonse ishe sonde shali sambwa. Onse uletetekela muli ici cine ali kakulwa. Nge fyo calembwa muli Mateo 3:13-17, “Pantu efyo.” Yesu abatishiwe kuli Yohane ka Batisha no kumulenga Kapususha wa batetetekela bonse.
Imbilansuma ya cine itweba ukuti Yesu asendele imembu shonse ishe sonde umukumo epela. Lelo amasambilisho ya bukapepa ayabufi ya tweba ukuti tulubulwa cilabushiku. Ni cisa ico tulingile ukutetekelapo? Bushe twali lubulwa umukumo epela, nangu tulubulwa cilabushiku?
Cifwile caba ukuti Yesu ali tukakula umukumo epela. Icisumino cacine citetetekelo mu bulubushi bwa kumenshi no Mupashi umukumo epela. Abo abatetekela ukuti tufwile ukulubulwa cilabushiku tabaka kakulwe.
Bafwile ukwishiba ukuti ubulubushi bwa cine bwisa ukufuma ku kutetekela ukuti Yesu alitukakula umukumo epela ukupitila mu lubatisho Lwakwe ne mfwa pa Capindama. Ifyo tulingile ukucita kupela ama totelo kuli Lesa no ku kutetekela mu mbilansuma ya cine.
Lelo balya abaluba mu citetekelo cabo basosa ukuti twakakulwa fye kulu bembu lwa cishinte, ukuti tulingile uku lubulwa cilabushiku ukufuma ku membu tucita, kabili ukuti tulaba lyonse abalungami cilabushiku. Ifi fyali lubana.
Ulubatisho Lwakwa Yesu ne mfwa Yakwe Pacapindama fyali pwilishishe ubwelelo bwa lubembu umukumo epela. Ici cacine. Imembu shesu shabikilwe pali Yesu ukupitila muli Yohane Kabatisha kabili Yesu ali fwile pa Capindama pakuti ifwe tupusuke .
Ukusosa ukutila “njeleleni” panuma yaku bembuka tacayana nomu linganya wa Kwa Lesa. Ifunde Lyakwa Lesa litila icilambu calu bembu ni mfwa. Tulingile ukwishiba ukuti Lesa wamu Linganya kabili wa Mushilo.
Abo abapepa kuli Lesa, “Napapata, mu njeleleko” panuma yaku bembuka tabaishiba Umulinganya wakwa Lesa. Bapepa pakwelelwa, lelo kulufyanya fye kampingu wabo. Bushe cili ica lungama ukuti umo ale bembuka cilabushiku noku wa minisha kampingu wa umbi ukula bwekeshapo ukulapila pa bulubushi bwakwe? Inshila fye iyaku kakulwa ni mu kutetekela mu lubatisho Lwakwa Yesu no mulopa Wakwe Pacapindama. Tulingile uku citetekela mumitima yesu. Enshila fye twinga taluka kubu pingushi bwakwa Lesa.
Natutontonkanyepo sana palwa ku kakulwa ukufuma ku lubembu. Aba Hebere 9:22 itila, “Nakabili kuti twatila, kumalango fyonse fisangululwa ku mulopa, kabili ukwabulo kusumo mulopa takuli ukulekelelwo lubembu.”
Ukulingana Kwi funde ilya Mulinganya ilya kwa Lesa, imembu shilingile ukusangululwa no mulopa, kabili ukwabula ukusuma umulopa takwaba ukulelekelelwa. Ili Lifunde lya Mulinganya ilya kwa Lesa. Ukwabula ukulipila icilambu ca lubembu, teti kube uku lekelelwa.
Ifunde lya Kwa Lesa lyaulinganya. Yesu ali batishiwe kuli Yohane Kabatisha no kusuma umulopa pa Capindama muku kakula ifwe fweba bembu. Alisendele amampulu yesu yonse ukupitila mu lubatisho Lwakwe no kusumya umulopa Pacapindama ukulipila imembu shesu shonse. Alilipile icilambu calubembu pali ifwe.

Bushe ubulubushi bwapelwe umukumo epela, nangu cilabushiku?

Umukumo fye epela. Yesu asendele imembu sha babembu bonse ukupitila mu lubatisho Lwakwe.

Muli mateo 3:15, ilyo Yesu abatishiwe mu nshila iyayana, ali sambile ulubembu lonse ukupitila mu lubatisho Lwakwe noku fwa pa capindama ukutukakula ukufuma ku membu she sonde.
Ukulomba ubwelelo cilabushiku kuti caba cimo cine no kulomba Ena ukusenda imembu shesu no kufwa nakabili. Tulingile uku mfwikisha icine mwi Funde lyakwa Lesa ilya Mulinganya. Yesu talingile ukufwa kabili nakabili pa kutukakula ku membu shesu.
Lesa acibika icabula mano kuli abo abatetekela muli Yesu no kulomba kabili nakabili pabwelelo bwa membu bacita. “Abo bapuba abasha kwata mano! Balomba Yesu, umwana wandi, ukubatishiwa nakabili noku fwa nakabili pacapindama! Balitetekela mubulushi muli Yesu kabili bacili baita abene beka aba bembu! Nkabapingula ne Funde lyandi ilya Mulinganya no ku batuma bonse mu cilindi icilepya no mulilo. Bushe kuti waipelesha ukwipaya umwana obe uwafyalwa fye eka imikwibili? Ululelomba ine ukwipaya umwana wandi nakabili pamulandu wa membu shobe ucita. Nali ipaya kale umwana wandi ne mwine ku kumipususha umuku umo ukufuma kumembu shonse ishe sonde. Eco mwi imya ubukali bwandi mu kulomba ukumyelela imembu shenu mucita libili libili, cetekeleni fye mu mbilansuma ya bulubushi iya menshi no Mupashi.”
Yesu eba abo abashala ababembu, ukuti bafwile ukuya kulukuta uko imbilansuma yacine ibilwa, ukusha icisumino cabo ica bufi noku pokelela ubulubushi noku cimfya ubufi kucitetekelo.
Nomba enshita yobe iya kupusuka noku tetekela mumutima obe. Bushe nautetekela?

ICITUMBUKAMO MUCITETEKELO ICISHILI MU CINE, LELO MU MILIMO

Bushe ninshi abena Kristu abengi bafililwa ukutwalila mubwikashi bwa cishinka?

Pantu ba shintilila pamilimo yabo abene.

Nangu aba bembu batetekela muli Yesu lelo tabakakulwa kuti ba bengeshima pamyaka 3-5. Balomfwa bwino pakutendeka, lelo icitetekelo cabo cila shima munshita. Nga wa tetekela muli Yesu ukupitila mumilimo yobe, ukumfwa bwino ukobe kukaluba, nakwena.
Impofu teti shimone. Eico shishintilila pamano yambi noku fusha amano yakwishiba muli iyi inshila. Ilyo baumfwa ifilamba filepona balacisenda mukuluba ngecilangililo cakwelelwa. Ukwelelwa kwa cine tekukumfwa.
Impofu ku mupashi bala fwaya ukunonka nakabili ukutemwa kwabo ukwa pakubala ukusangwa apafye ukukumana kwaku puputulwa, lelo teti babweshe ukumfwa. Ukulekelelwa kwa membu cintu cimo icashupa uku kwata. Nga balikwete ukutetekela ukufuma kukutendeka ukulelekelelwa no kusenaminwa kwakwe nga kulasanika no kubengeshima apakalamba mukuya kwanshiku.
Lelo ukulekelelwa kwa bufi kusanika fye pakutendeka no kulufya ulubuto ukufuma apopene. Akalubuto akakumfwa bwino mukwangufyana kalaluba. Pantu impofu ku mupashi shila filwa ukukutika ku mbilansuma ukufuma pakutendeka.
Bakalemba bamuli bucaibela na Bafarise basenda ifipingo mumaboko yabo, no kusungilila ipepo lya mfumu nefyo abatumwa basuminemo, noku pepa cilanshita. Balasumbulwa mulukuta no kuyumfwa ukukalamba lelo imembu shabo shila fulilako kabili ku mpela balatamfiwa kuli Lesa. Kunse ba fimbwa nefya buta ifya bukapepa ubwakosa lelo mukati ka mano yabo mwalibola no lubembu. Ifi efitumbukamo mukutetekela mubufi lelo ni muli bukapepa ubwa nshintila pamilimo.

TUBA ABALUNGAMI KUCITETEKELO

Bushe ubulubushi bwa lubembu lonse muli lino isonde bwa lifikilishiwa kale?

Ee. Bwalifikilishiwe ukupitila mulubitisho Lwakwa Yesu ne mfwa Yakwe pa Capindama.

Natubelelnge nomba Aba Hebere 10:16-18. “Ici ecipingo nkapingana nabo ilyo shilya nshiku shi kapita: nkabika ifi pope fyandi mu mitima yabo, no kufilemba mu matontonkanyo yabo, elyo alundako, ati, ne membu shabo ne fya bupulumushi fyabo nshakafibukishe kabili iyo. Awe uko ifi fyalekelelwa takuli kabili ukutulila imembu.”
Nomba ukuti twalilubulwa ukupitila mu menshi ya lubatisho Lwakwa Yesu no mulopa Wakwe pacapindama, tatule kabila uku konsola pa lubembu, kuti ca umfwika iceni ilyo mule cumfwa pakubala. Lelo cili mukulingana na mashiwi ya cipingo. Bushe ayo amashiwi ya mutundu wamuntu? Icipingo eca kushintililapo kabili emulingo waku piminako fyonse.
“Ilyo shilya nshiku shikapita. Nkabika ifipope mu mitima yabo noku filemba mumatontonkanyo yabo,” Bushe mumfwa shani panuma yakwelelwa? Nomba umutima obe walikakulwa kulubembu, ule yuumfwa uwa angukilwa. Waliba umuntu umulungami kabili kuti wa ikala mulubuto.
Kabili Imfumu yatile Mu Bahebere 10:17 “Ne membu shabo nefya bupulumushi fyabo nshaka fibukishe kabili iyo.” Atweba ukuti takebukishe membu ne ficitwa fya bumpula mafunde ifya ba lubulwa. Ninshi? Pantu Yesu alibatishiwe mu “nshila iyayana,” pantu efyo panuma yaku senda ulubembu lonse, Yesu alipingwilwe mulubali lwa abo abatetekela muli Ena.
Nomba ukuti alilipila pa membu shesu shonse kuti twashibukisha lelo tatulingile ukumfwa uku shininwa pali shena. Teti tufwe pa membu shesu pantu Yesu alisamba ulubembu lonse noku suma umulopa pa capindama pali ifwe.
Aba Hebere 10:18 itila, “Awe uku ifi fyalekelelwa, takuli kabili ukutule imembu.” Ici cipilibula ukuti ali futa imembu shonse ishe sonde. Kabili cipilubula nabo abafyalwa nakabili muli Yesu tabafwile ukupanga nakabili ifya kutula fyonse palubembu.
“Mwe Lesa, napapata. Njeleleni umulandu natetekelela muli Yesu kabili ndeikala mubulanda bwakuti shi lalubulwa. Ndi mwina Kristu, lelo amano yandi yali bola nolu bembu.” Tatufwile ukupepa nge fi.
Ababembu bacita ulubembu ukwabula ukulwishiba. Tabaishiba ifyo ulubembu lwaba pantu taba ishiba Ifunde lyakwa Lesa ilya cine. Baishiba fye ukuti tabalingile uku bembuka muli kampingu wabo lelo tabaishiba ifyo caba ukubembuka kuli Lesa. Lesa atusontelela ukuti ulubembu kukana tetekela muli Yesu.
Muli Yohane 16:9 atile bushe ukubembuka cinshi kuli Lesa. “Ulwalubembu lwena, ico tabantetekela.” Lubembu kuli Lesa ku kanatetekela muli Ena. Yohane 16:10 itila ubulungami ifyo bwaba. “Ulwa bulungami na bo ico ndeya kuli Tata, na imwe tamwakamone kabili.” Muma shiwi yambi, Yesu alikakula kale lino isonde ukufuma kulu bembu lonse, kabili efyo talingile ukutu kakula nakabili no lubatisho lwa cibili ne mfwa Yakwe Pacapindama.
Aitile abo abatetekela mu bulubushi no kubasangulula kabili no kubalenga abalungami. Ubulubushi muli lino isonde bwalipwilike ukupitila mulu batisho Lwakwe ne mfwa pacapindama. Takuli ubulubushi bumbi ubulefwaikwa uku kakula ababembu.
“Nangu lishina limbi takuli mwisamba lyamulu ilya pelwa mu bantu, umo tuli no kupusukila.” (Imilimo yaba Tumwa 4:12). Yesu ali batishiwe kuli Yohane Kabatisha, noku sumya umulopa Pacapindama noku kakula ababembu bonse. Tetekela ifi mu mutima obe no kupusuka. Yesu ali misangulula kumenshi no Mupashi.
Yesu ali pyangile imembu shesu shonse isha ku mubili ukupitila ku menshi no Mupashi. Twapusuka ne citetekelo. Nga twatetekela mu cine, nga twatetekela mumbilansuma ukupitila muli Yesu Kristu, tuba abalungami umukumo epela. Ulubatisho lwakwa yesu ne mfwa Yakwe Pacapindama ifi fibili fipanga icine.

IFIKOMO IFYO ABABEMBU BA BOMFYA NGE CUBO CABO

Bushe kuti twalubulwa icine cine ku kuyebelela imembu shesu, nangula twalilubulwa kale?

Lesa apele ubulubushi ukufuma ku lubembu umukumo epela.

1 Yohane 1:9 itila, “Nga tuyebelele imembu shesu, wene wa cishinka kabili mulungami kuti atulekelela imembu shesu no kutusangulula ku kuulungana konse.”
Kuti cabe icisuma nga tulefwaya fye ukuyebelela imembu shesu kukwelelwa. Ne fi mu mano, bamo aba fya bukapepa baishile ne pange ilikalamba pe sambilisho ilipya. Bala komaila ukuti inshita yonse umo nga yebelela ku membu shakwe kuti aelelwa. Bushe tabalecangusha? Lelo Yesu talandilipo ukuti tukala elelwa lyonse lelo tuyebelela fye fwe bene kuli Lesa.
Bushe icine kuti twa elelwa mu kuyebelela imembu shesu, nangu twalilubulwa kale? Nicisa watetekela? Abantu aba suminisha aya masambilisho yabufi batetekela ukuti balelelwa inshita yonse bala yebelela imembu shabo, lelo mu cishinka, ulubembu lulashala mu mitima yabo pantu tabaishiba amashiwi ya cine aya bulubushi. Tacipanga amano ukuti ababembu abatetekela muli Yesu balelelwa ilyo lyonse bapepa pa bwelelo bwa membu ba cita.
Pali uyu umulandu, tulingile ukukutika amashiwi Yakwe pa bulubushi no kupatulula pakati ka cine no bufi, nangu twingebwa ifyamusango shani.
Ababembu tabo mfwikisha 1 Yohane 1:9. Balatontonkanya mu kulubana cikuma pa bwelelo bwa membu sha lyonse. Natubelenge amafundisho bwino bwino. “Nga tuyebelele imembu shesu, wene wa cishinka kabili mulungami ukuti atulekelele imembu, no kutusangulula ku kuulungana konse;” bushe uletontonkanya ukuti twalipusuka fye ukufuma kulubembu lwa cishinte kabili no kuti tufwile ukuyebelela imembu shesu tucita pali ena ukuba uwa cishinka kabili umulungami nokubelela? Aya ma tontonkanyo fye ayalubana ayo ayafuma kubunake bwa mubili wesu.
Twiluka ukuti ubu bufi ilyo twatetekela mu lubatisho no mulopa Wakwa Yesu. Ulubembu lonse lwali sambwa kale ukupitila mu lubatisho no mulopa pa Capindama.
Ukutetekela ukulingana no Mupashi no kutetekela ukulingana na matontokanyo ayalubana fyali pusana sana. Bonse abatetekela ukulingana na matontonkanyo yabo bomfwa ukukabila ukwakusambwa imembu shabo cilabushiku, lelo balya abatetekela mu bulubushi bwa menshi no mulopa balishiba ukuti bali kakulwa umukumo epela ukupitila mu lubatisho no mulopa Wakwa Yesu Kristu.
Abo abatetekela ukuti balingile ukuyebelela cilabushiku ukuba aba lubulwa mu cishinka bacita ulubembu ulwakukana tetekela mubulushi ukupitla mu lubatisho no mulopa wakwa Yesu.
Bushe walilubulwa umukumo epela ukupitila mu lubatisho no mulopa ifya kwa Yesu? Abo aba sha lubulwa besha ukunonka ipusukilo ku kuyebelela imembu cilabushiku. Ici cicili cilasha ubwafya pafyo benga cita palwa membu bakalacita na kuntanshi.
Kuti baesha ukuyebelela mukutangilila pamembu shabo isha kuntashi. Lelo muku cita ifyo balalanga uku bulisha icisumino muli Yesu. Aba bantu ni mpofu mu mbilansuma ya bulubushi. Yesu alitukakula ukufuma kulu bembu umuku umo epela mu lubatisho no mulopa, ukusenda ubupingushi umwine eka. Twakakulwa fye mukutetekela muli Ena.
Nga ule tontonkanya ati ufwile ukuyebelela imembu shobe ishaku ntashi pakupusuka, tawapusana ukufuma kubashatetekela aba sha ishiba nangu cimo pa kufyalwa libili ku menshi no Mupashi. Ababembu teti balubulwe mu kuyebelela cilabushiku.
Eico nga wa yebelela mu cishinka, “ukuti ndi mubembu uushi lalubulwa,” kabili nomba nga wa umfwa no kutetekela mu mbilasuma ya lubatisho Lwakwe ne mfwa pa Capindama, Lesa akakukakula ukufuma ku membu shobe shonse.
Lelo nga tautetekela mu mbilansuma ya bulubushi kabili noku fisama fye panshi yepepo lya ku lapila, ukakumanya ubu pingushi ubwabipisha ilyo Yesu akesa nakabili kuli lino isonde nga kapingula wa Mulingaya.
Abo aba shatetekela mu mbilansuma ya bulubushi bwa menshi no Mupashi bakapingulwa. Nga balefisama kunuma ya kuyebelela kwabo, bakakumanya ubupingushi. Eco, wilolela pa bushiku bwa bupingushi. Nomba tetekela mu mbilansuma iya palwa iya menshi no Mupashi.

UKUYEBELELA UKWA LINGA NE CIETETEKELO CACINE

Bushe ukuyebelela kwa linga ukwa mubembu cinshi?

Ukuyebelela ukuti acili no lubembu kabili akaya ku gehena kano atetekela mu mbilansuma ya cine.

Lesa ali tulubula umukumo epela. Ubwikashi bwa cine ica ku mwenako ukulangilila ifyo nde esha ukulanda. Natwelenganye ukuti inengu ya ku North korea ya isa ku South Korea. Yamona ifyo twaya pantashi mu bunonshi, ya iluka ukuti yalibepwa, kabili ya sala uku ipela.
Panuma yaya kuncende ya ba kapokola iya mupepi, kuti ya yebelela nge fi, ukutila, “ndi nengu ukufuma ku north,” nangu “naishile ku South ukwipaya uyu no yu, noku pokolola ifi na filya, kabili nali tobawile ne fi, lelo na ipela nemwine. Eico nshili nengu na kabili.”
Bushe uku kuyebelela kwa cine? Nga lefwaya ukuyebelela, nga alandile ukuti “ndi nengu.” Ukukulondolola kwa anguka kulelanga fyonse: ukuti muntu umubi kabili alingilwe noku pingulwa. Nobu ubulondoloshi ubwa anguka, nangu umulimo atuminwe wingaba shani, kuti aelelwa.
Nga filya, umubembu ayebelela kuli Lesa, “Ndi mubembu ushila lubulwa. Ndelolela ukuposwa ku gehena noku pingulwa. Napapata mpususheni” No kutetekela muli Yesu, akalubulwa. Yesu alibatishiwe no kusumya umulopa pali ifwe kabili ifyo tulingile ukucita kutetekela mwi pusukilo ukupitila muli Ena no kupusuka.
Ukusokolola 2:17 itila, “Nkamupele libwe ilyabuta apa lembwa ishina ili pya ili sha ishibikwa kumuntu kano uwa lipokelela.” Icipingo citila ukuti kano fye uyo ulepokelela imbilansuma ya cine eukeshiba ishina Lyakwa Yesu. Kano fye uyo uwalubulwa umukumo epela ewishiba inkama yakuba umulungami.
Abo aba sha ishiba bakashala ababembu nangu benga pepa amapepo yakulapila cilabushiku. Uku yebelela takulepilibula ukupepa pa bwelelo cilabushiku. Nangu cakuti umo aliba umwina Kristu pa myaka 10, kuti ashala fye umubembu nangula engalomba kuli Lesa pabwelelo cilabushiku. Teti abe umwana wakwa Lesa.
Pa kupusuka balingile uku yebelela ukuti ba bembu no kutetekela mu bulubushi bwa kwa Yesu. Ici ecitetekelo cacine.

UKUTANTIKA IMEMBU SHA UMO TEFYO 1 YOHANE1:9 ITWEBA PALWA KU YEBELELA

Bushe tulingile uku yebelela imembu shesu cilabushiku, nangu inshinta imofye pakupusuka?
Inshita imo fye.

Bushe kuti umupupu nakepaya bayebelela paficitwa fyabo no kulubulwa? Ababembu tabalubulwa muku yebelela fye imembu shabo. Kuti ba lubulwa fye ukupitila mu mbilansuma iya palwa iyaku fyalwa libili kumenshi no Mupashi muli Yesu. Bamo abena Kristu abaluba bapanga uku yebelela ngefi.
“Mwe Lesa, Nindaka na umo nakabili ilelo. Ni membuka. Ni mbepa umo. Nindiba fimo.”
Nga ba twalila nge fyo Lesa kuti alanda ati, "Ikala tondolo, wemu bembu! Nomba cinshi?"
"Napapata aku kutikeni kuli ine. Lesa, Mwatwebele ukuyebelela imembu shesu. Nalomba uluse lwenu."
Ukupepa kwa ifi teko Lesa alefwaya ukumfwa. Alefwaya ukumfwa amapepo ya abo abatetekela mu bulubushi bwa menshi no Mupashi: Abo aba sumina imembu shabo no kutetekela mu mbilansuma iyaku fyalwa libili icine icine.
Augustino atile ukuti ali lapila pakonka kwibele lya banina. Atontonkenye uku yebelela kwaifi kuti kwa mutungulula kubu Fumu bwa mu Mulu. Kuti twaseka muli ifi. Pantu uku yebelela kwa membu kwa ifi teti kubombe.
Lesa atila, "ikala tondolo njeba fye nga uli mubembu.Nga wali bembuka, nomba leka ukulandapo. Wali tetekela ubufi mpaka nelelo, eico lelo kabiye kulukuta uko icine cifundwa. Tetekela mumbilansuma ya bulubushi munshila iya linga noku lubulwa. Nga tefyo, nkesa kupingula.
Amapepo ya kulapila pabwelelo kabili ne fintu fimbi mukupusaka ukupila mu kuyebelela citulanga icitetekelo ica luba ne cisumino ica bufi.
Chalembwa muli 1 Yohane 1:9 ukuti nga twa sumina imembu shesu shone, imbilansuma ya menshi no mulopa ilatukakula ku lubembu lwesu lonse.

"FUMA KULI INE"

Bushe cipilibulenshi bumpula mafunde?

Cipilibula ukutetekela muli Yesu no lubembu mu mutima.

Abena Kristu aba bembu bakwata icitetekelo ica lubana, bacita bumpula mafunde kuli Yesu. "Abengi muli bulya bushiku bakatila kuli ine, mwe Shikulu, mwe Shikulu, bushe tatwasesemene mwi shina lyenu, bushe tatwacitile ifya maka ifingi mwi shina lyenu? Kabili ilyo nkasosa kuli bene nkatila, Nshamwishiba nakalya; fumeni apa mweba cita amampulu!" (Mateo 7:22-23)
Elanganyeni ukuti umo uwatetekela mu cishili ica cine afwa, no kwisa mukwiminina kuli Lesa, no kutila, "Muli shani, mwe Mfumu? Mwa lemoneka abasuma elyo na letontonkanya pali imwe panshi palya, ilelo mwa moneka abasuma sana kuno. Natotela, mwe Mfumu. Mwali mpususha. Ndetetekela ukuti mwalandolesha ngo wabula ulubembu nangula nalikwata ulubembu mu mutima wandi. Naishile kuno apo mwalindaile ukunsenda ku Mulu. Nomba nalaya kulya amaluba yabalwile sana. Shaleni bwino kabili nde subila ukumimona mupepi."
Atampa ukuya kwibala, lelo Yesu amwiminika.
"Lolela! Natumone nga cakutila uyumuntu nakwata ulubembu mu mutima wakwe. Bushe ulimubembu?"
"Ee nalikwata ulubembu. Nomba bushe shatetekele muli imwe?"
"Bushe walikwata ulubembu nangula wa tetekele muli ine?"
"Mu cishinka, Nalikwata ulubembu."
"Atishani? Bushe walikwata ulubembu? Ndetelako Ibuku lya Mweo. Kabili ne Buku lya Milimo, pamo. Loleshapo ishina lyakwe.”
Bushe libuku nshi ishina lyakwe lilimo. "Ukushininkisha, ishana lyakwe lili mwi Buku lya Milimo.” "Nomba, londolola imembu wacitile pa calo."
Umuntu afilwa, lelo Lesa amupatikisha ukwisula akanwa noku lumbula imembu shakwe.
"Ee, nalicita shilya nashilya imembu..."
“Nalubana teti esale akanwa kakwe." cisuma, fyafula! “Alicita ifingi ifya ku mu suminisha ku gehena. Nacila pakulingwa! Mutumeni ku ncende ilya ilepya."
Tatumwe ku ncende uko ama luba yabalwilile sana, lelo ku ncende iyi swile no mulilo ne libwe lya mingu. Ale sumanya ameno ilyo alesendwa ku gehena.
"Natetekela muli Imwe, na lesesema mwi shina Lyenu, na leshimikila mwishina Lyenu, na shitishe ing`anda yandi kuku bombela Imwe, nalyafwile abana banshiwa, nali shipikishe mwishina Lyenu, na lepepa kuma tundaca, na letensha na balwele...ninjinga ukuya ku Mulu."
Alasumanya ameno apakalamba ukuti ayapwishe apabula nangu cimo. Ilyo afika ku gehena, amona bonse abena Kristu aba shaishibe ubupilibulo bwa bulubushi bwa cine muli Kristu. Abo aba shaishibe imbilansuma ya bulubushi balakanwa na Ena.

IMEMBU SHABA KATETEKELA BABUFI SHALEMBWA MWI BUKU LYA MILIMO

Bushe nimwisa emo imembu shonse isha babembu sha lembwa?

Shalembwa mu mitima yabo na mwi Buku ilya milimo.

Nangu twali tetekela muli Yesu nangu iyo, Lesa alonaula abo aba kwata ulubembu mu mitima yabo. Nangu asanga aka lubembu akanono mu mitima yaumo, uyo muntu alisekwa ku gehena pabushiku bwa bupingushi. Lesa apatikisha ababembu abashila lubulwa ukuyebelela ukuti tabala kakulwa nga bale fwaya ukusanga ubulubushi.
Imembu sha mubembu sha lembwa mu mutima wakwe. Abo aba fyalwa libili ku menshi no Mupashi kuti baibukisha ulubembu lwabo, lelo lwalifutwa mu mitima yabo. Bena balungami.
Lelo abo aba shila fyalwa balikwata ulubembu mu mitima yabo. Eico babembu kuli Lesa. Ilyo bafukama ukupepa, imembu shabo shilaba patula ukufuma kuli Lesa no kubacinga ukumfwa amapepo yabo. Bapepa pali ifi nafilya, lelo imembu shabo shile kalila. Ba lekelela fye ukuyebelela imembu shabo, no kulapila pa bu pulumushi bacitile amyaka 10 iyapita, 11 iyapita, nangu imyaka 20 iyapita.
Bushe icine ba lingile ukulapila kabili na kabili? Ninshi bacitilefi? Tabafwaya ukucita ici, lelo lyonse elyo batampa ukupepa, balebukisha ukutila bali lufyana kucinso cakwa Lesa. Eico balomfwa ukuti bafwile ukukonsola pa membu shabo ilyo tabalapepa no mukosha.
Lesa alembele imembu shabo na ka lembelo ka cela pafipampa fya mitima yabo pakuti imembu shabo shika futwa. Eci lenga, bonfwe ukuyebelela imembu shabo cilanshita ilyo ba isa kuli Lesa. Eico abo abatetekela fye mu mbilansuma isha pwililika pali Yesu balingile ukwikala ubulanda nga ababembu no kupelela ku gehena.
Muli Yeremia 17:1, cali lembwa, "Ulubembu lwakwa Yuda lwalembwa kuka lembelo ka cela, kunsongo ya daimonde, lwabaswa pacipampa ca mitima yobo, napa nsengo shafipailo fyabo."
Yuda lishina lya ku mukowa waku bufumu bwa bantu ba israele. Icipingo cai katilila Yuda ukwiminako umutndu wa muntu onse, eico Yuda cipilibula abantu bonse.
Ulubembu lwakwa Yuda lwa lembwa naka lembelo ka cela no kubaswa ku nsongo ya daimonde iyinga putula ukupita mu cela. Daimonde cintu cimo ica kosesha mwi sonde. Nakalembelo ka cela ne nsongo ya daimonede imembu shesu eko shalembelwa.
Ilyo shalembwa, teti shifutike. Tasha katale futika kano twatetekela mu cine ca menshi no Mupashi.
Tacikwete incito ukulubulwa muma tontonkanyo yabo, ukutetekela mwi sambilisho lya bena Kristu, kwi bukisha ifya buka pepa, no kwipelesha abene beka kulukuta ngo ulubembu nalushala mu mitima yabo.
Ngefyo imembu teti shifutike ukwabula ulubatisho lwakwa Yesu, ababembu ba twalila uku shibukisha, ukutila" Mwe Mfumu, ndi mu bembu," Ilyo lyonse balepepa. Ba cili naba kwata ulubembu mu mitima yabo lelo ubwingi bengesha ukukwata isenge na Lesa, ukukwata imilimo ishingi mulukuta, no kusoma ifya bukapepa ne sambilisho.
Eco balaya ku mpili, ukwesha apafye ukulanda mundimi noku fwaya ifimonwa ifyaku bilimuka kwa mulilo, lelo fyonse tafikwete incito. Nga ulubembu nalushala mu mutima obe, tawakakwatepo umutende.
Ulubembu lwesu, ngefyo lwa lembwa muli Yeremia 17:1, lwa baswa ku nsengo shafi pailo fyesu. Mu Mulu, mwaliba Ibuku lya Mweo ne Buku Lya Milimo. Imembu sha babembu sha lembwa mwi Buku lya Milimo kabili efyo abantu teti ba fulumuke amampulu yabo. Lesa alayalemba mwi Buku ya Milimo napafi pampa fya ba kapingu besu no kushilanga kuli ifwe ukupitila mwi funde Lyakwe.
Tulingile ukufuta ifi ifya lembwa mu kutetekela mu lubatisho lwakwa Yesu Kristu no mulopa asumishe pali ifwe no kupusaka. Elyo twingaba aba ipekanya ku mweo wa muyayaya, na ma shina yesu yenga lembwa mwi Buku lya Mweo.

BUSHE ISHINA LYOBE EMO LILI MWI BUKU LYA MWEO?

Bushe ni bani ama shina ya tantikwa mwi Buku lya Mweo?

Ma shina ya abo aba sha kwata ulubembu mu mitima yobo eya tantikwa mulya.

Cikankala uku kwata ishina lyobe mwi Buku lya Mweo. Nga cakutila ishina lyobe talya tantikwamo, ninshi wingatetekelela muli Yesu? Uku ba uwa lubulwa icine cine, ulingile ukutetekela mu kufyalwa libili ku menshi no Mupashi.
Yesu aishile kuli lino isonde, ali batishiwe ilyo ali ne mwaka 30 uku samba imembu shonse ishe sonde, noku fwa pa Capindama ukutukakula. Nge fyo ca lembwa muli Mateo 3:15, Yesu ali "pantu efyo" batishiwe noku tanikwa Pacapindama. Tulingile ukutetekela ifi mu ku lenga ama shina yesu uku lembwa mwi Buku ya Mweo.
Ilyo abuntu bafwa no kwiminina kuli Lesa, Lesa atila, "Mona nga ca kuti ishina lya uyu muntu nga ali mwi Buku lya Mweo." "Emo lili, Mwe Mfumu." "Ee, waliculile no kuponya ifilamba pa calo pali Ine, nomba nala cilenga ukuti tawakatale au citeci nakabili."
Lesa alafwika umuntu waifyo icilongwe ca bulungami nga icilambu. "Natotela, Mwe Mfumu. Ndi uwa kutasha apa kalamba umuyayaya." "Bamalaika, mu fwikeni icilongwe uyu umuntu." "Mwe Mfumu, na fifula ifi fine mwa mpususha. Icilongwe calakula sana kuli ine. Natotela. nde tasha apakalamba ukuti mwali mpususha. Na ci ndinga fye ukwikala mu ceni Cenu."
"Bamalaika, fukameni panshi noku senda uyu mwana wandi uwa kulenga 10,000 panuma yenu.
"Bamalaika ba asuka emukwai.”
"Napapata nina panuma yandi."
"Cilifye bwino. Bushe nde cita ifi bwino? Natuleya.” "Malaika atampula bwino.”
"Bushe kuti wafwaya twendeko?"
“Yangu, ifyo kwa wama kuno. Bushe iyi ncende yakula shani?"
"Nali shunguluka imyaka ne myaka, lelo nshilati sange impela."
"Bushe ca cine? Nde kufinya. Kuti wambika panshi nomba."
"Tatupwa amaka kuno."
"Natotela, lelo nde fwaya ukwiminina panshi ya bu Fumu bwa mu Mulu. Nomba bali kwisa abalungami bonse ababalilepo ukufika pali ine?"
"Bali kulya."
"Na tuleyako."
Aleleluya! Ba kumbatana noku mwentula no kwikala ne nsasa panuma.
Nomba elenganyeni ukuti umuntu uwa tetekela muli Yesu lelo acili mu bembu afwa no kwiminina kuli Lesa. Nao aletila ali tetekela muli Yesu noku sumina ukuti mu bembu.
Lesa asosa,
"Mona ishana lya uyu muntu nga lyali lembwe mwi Buku lya Mweo."
"Tali limo mwi Buku, mwe Mfumu."
"Kanshi lolesha mwi Buku lya Milimo."
"Ishina lyakwe ne membu emo fili umu."
"Mutume uyu umuntu ku cende uko takale sakamana pa mutengo wa mafuta, no kumuleka ukwikala umuyayaya kulya."
"Yangu, mwe Mfumu, lufyengo..."
Alanda ati lufyengo. Ninshi enga tuminwa ku gehena nangula alitetekele muli Yesu namaka yonse?
Umulandu wakuti ali bepelwe kuli Satan kabili aumfwile imbilansuma isha pwililika ku cine. Nga tatumfwile ubupilibulo ubwa bulubushi bwakwa Yesu, tukapelela ku gehena, naifwe bene.
Uyu muntu alitetekele muli Yesu, lelo alibepelwe na Satan noku tontonkanya ukuba umu bembu. Nga cakutila ali umfwile imbilansuma ya cine, nga alilwike ukuti ici sumino cakwe cali lubene. Lelo ali fililwe ukutetekela pa mulandu wa buntuse bwakwe ubwai katilile icisumino cakwe ica bufi.
Nga ulefwaya ukuya ku bu Fumu bwa mu Mulu, ufwile ukutetekela mu ku fyalwa libili ku menshi no Mupashi. Nge fyo calembwa muli Mateo 3:15, "pantu efyo" Yesu alisendele imembu shonse ishe sonde. Ufwile ukutetekela mwi pusukilo lya menshi no mulopa.

Bushe mashina ya banani ayalembwa mwi Buku lya Milimo?

Mashina ya abo abakwata ulubembu mumitima yabo eya lembwa mulya.

Nga wasala ukutetekela ifili fyonse, ngo umuntu uwaba-bwino uushikana ubwipusho bwa muntu umbi, ukapelela ku gehena. Kwaliba abantu abengi ababa-bwino ku gehena, lelo mu Mulu, mwaliba ababulwi abacine abalwile pafyo batetekelamo.
Abo aba ba mu Mulu balishibe ukuti bali babembu abalelola ku gehena noku tasha apakalamba ukutetekela ukuti imembu shabo shalisambwa ukupitila mu lubatisho no mulopa wakwa Yesu.
Cali soswa ukuti kwaliba imipili yamatwi notunwa mu Mulu. Pantu abantu abengi batetekela mu bulubushi bwakwa Yesu namatwi fye no tunwa twabo, Lesa akaposa imibili yabo mu mulilo uleyaka uwasalufa.
Elenganya ukuti umo uwatetekela muli Yesu uucili no lubembu mu mutima wakwe aiminina kuli Lesa noku tila, "Mwe mfumu, abantu balenjita umu lungami pantu natetekele muli Yesu, nangula nalikwete ulubembu mu mutima wandi. Natetekele ukuti Naimwe bene mwa lambona ngo uwabula ulubembu. Efyo ine na sambilile kabili efyo natetekele. Ngefyo abantu abengi batetekela. Cisumino cimo ica ololoka ba sumino eko nafuma."
Imfumu yaasuka. "Teti njelele abo abakwata ulubembu mu mitima yabo. Nalisamba kale imembu shobe shonse ne palo lwaku fyalwa libili ku menshi no Mupashi. Lelo wali kene ukutetekelamo. Bamalaika! Muposeni uyu umuntu ushakwata amano mu mulilo waku gehena."
Uuli onse uletetekela muli Yesu lelo acili aletontonkanya ukuti ali kwata ulubembu mu mutima wakwe akapelela ku gehena. Kutika ku mbilansuma ya cine iya bulubushi noku kakulwa ukufuma ku lubembu lonse. Nga teifyo, ukapelela mukupya ku gehena.
Ukulanda ukuti tauli ne membu ilyo naukwata ulubembu ku mutima kubepa Lesa. Kuti twamona ubupusano ubukalamba ubwaba pakati kaba bembu naba lungami ku mpela. Ukeiluka umulandu nde ku papatila ukuba uwa lubulwa.
Ukamona ubupusano pakati ka abo abatetekela mu bulubushi ubwa pwililika (Ulubatisho lwakwa Yesu ne mfwa Yakwe pa Capindama) Na balya abashatetekela ilyo ukeminina pamu sebo uwapatula ku Mulu naku gehena. Ci kapanga ubupusano ubukulu. Bamo bakengila mubu Fumu bwaku Mulu lelo bambi bakaya ku gehena.
Bushe wa litetekela muli Yesu lelo ucilinaushala umubembu? Kanshi ulingile ukwiluka ukuti mfwile uku fyalwa libili kumenshi no Mupashi. Lesa atuma balya abakwata ulubembu mu mitima yabo ku gehena. Ni abo fye abatetekela mubwelelo ubwapwililika ubwa lubembu ebe nge ngila mu bu Fumu bwa Mulu.
Cicite nomba line. Nga waci fu myapo, limbi inshita kuti yapwa. Ipekanishishe calimo. Ilyo taulapelela ku gehena, tetekela mu bulubushi bwa menshi no Mupashi no kuba uwasangululwa.
Ubukata bube kuli Yesu Imfumu yesu! Twamutasha paku senaminwa Kwakwe mukutu panga fwe babembu abalungami. Aleluya!

YESU: BUKOTA BWABA LUNGAMI

Bushe imembu shesu kuti shafumishiwapo kwipepo lyaku lapila?

Awe, teti cicitike. Iyo ni nshila imo iyo Satana atu bepelamo.

Natubelenge 1 Yohane 2:1-2. “Mwetwana twandi, ndembele kuli imwe ifi fintu, ukuti mwi bembuka. Lelo ngo muntu abembuka, natukwata ubukota kuli Shifwe, Yesu Kristu umulungami. Kabili wene cikonsolwelo capa membu shesu, kabili tecapa membu shesu sheka lelo capa membu shaba pano isonde lyonse.”
Bushe na umona ifi lembelwe apa? Bushe kwaliba uuli onse utetekela lelo acili nakwata ulubembu mu mutima wakwe? Nga nau kwata ulubembu mu mutima obe lelo ulueba Lesa ukuti ta wakwata, ulemubepa. Kabili uleibepa, nawe mwine.
Lelo nga mwa umfwikisha Yesu icine cine noku tetekela ifwo acitile ukusamba imembu shonse ku Yodani, uka kakulwa umupwilapo ku lubembu. Kuti watila nomba, "Mwe Mfumu, nali fyelwa libili ku menshi no Mupashi muli Imwe. Shakwata ulubembu. Kuti naiminina kuli Imwe ukwabula insoni."
Elyo Imfumu ikasuka. "Ee, walungika. Nge fyo Abrahamu atetekele muli Ine no kutetekela umwine ukuba umulungami, naiwe wine uli mulungami pantu nalisamba kale imembu shobe shonse."
Lelo ukulolesha umuntu uucili nakwata ulubembu mu mutima wakwe nangula ali tetekela muli Yesu. Atila, "Pantu nali tetekela muli Yesu, nkaya ku Mulu nangula nalikwata aka lubembu akanono mu mutima wandi."
Alefwaisha sana ukusuminishiwa ku Mulu ukuti engesha ukukana ilyo naiminina kucipuna ca bupingushi, lelo akapelela fye ku gehena. Ninsh? Taishibe ipalo lya mbilansuma iyaku fyalwa libili ku menshi no Mupashi.
Uuli onse alingile ukusumina ukuti mubembu mu nshita ya nshiku shakwe pacalo. "Ndi mu bembu. Nkaya ku gehena. Napapata mpususheni." Umu bembu talubulwa na mapepo yaku lapila. Lelo, alingile ukusumina no kupokelela ubulubushi bwa menshi no Mupashi ukuba uwa kakulwa. Kuti aba fye umulungami ukupitila mu bulubushi bwa menshi no Mupashi.
Imbilansuma ya bufi iikomaila ukuti lubembu fye lwa cishinte ulwa elelwa muli Yesu kabili tufwile uku lapila ku membu tucita paku kwata ipusukilo. Ici citutungulula fye ku gehena. Eco abatetekela abengi baiposa fye abene ku gehena mukutetekela fye iyi imbilansuma yabufi noyu musango wali salangana ukucilamo muli shino nshiku.
Bushe kuti wa isha nga wali ponena mu mbilansuma yabufi? Bushe kuti waba fye uwa nkongole nangu panuma yaku lipila inkongole shonse? Tontonkanyapo. Nga ucili uleibika wemwine umubembu ilyo wali tetekela muli Yesu, bushe kuti ca soswa ukuti wali tetekela muli ena bwino? Bushe niwe katetekela kabili umubembu, nangu uli katetekela kabili umuntu umulungami?
Kuti waisalila we mwine. Kuti limbi watetekela ukuti imembu shobe shonse shali elelwa, nangu kuti watetekela ukuti ulingile uku lapila cila bushiku pa bupulumushi bobe. Ukusala kobe ekwinga lenga iwe ukuya ku Mulu nangu ku gehena. Ulingile ukumfwa kuli kashimikila ule kweba imbilansuma iya cine.
Abo abatetekela mu mbilansuma ya bufi bacili balepepa pakwelelwa imembu shabo palucelo lyonse ilyo bakumana, nalyonse elyo balongana pali citatu, napali cisano ubushiku bala pepa uku samfiwa imembu shabo.
"Mwe Mfumu, ni mbembuka. Ni membuka uno umulungu." efyo ba sosa. Elyo be bukisha imembu ya mwaka iya pita noku pepa kabili pa bwelelo Bwakwe. Uko kusebanya imbilansuma iya palwa iya kufyalwa libili ku menshi no Mupashi.
Imembu shesu shifwilwe ukulipilwa no mulopa. Aba Hebere 9:22 itila, “Kabili ukwabula ukusumya umulopa takuli uku lekelelwa ulubembu.” Nga ule tontonkanya wali kwata ulubembu, ninshi ule mulomba uku sumya umulopa pali iwe nakabili? Abo aba shatetekela mu bulubushi ubwa pwililila bali shininwa muku pilibula ubu lubushi bwa kwa Yesu mubufi. Mu cishinka bakomaila ukuti Yesu tatu kakula umuku umo epela kabili ukutila wabufi.
Pakulubulwa muli Yesu, ulingile ukutetekela mu cine ca bulubushi bwa menshi no Mupashi. Bushe kuti waelelwa ku membu imyanda, amakana, neminta pendwa ya mapepo? Imbilansuma yacine ilatulubula umukumo epela. Ba umu lungami, no kuya kubu Fumu bwa ku Mulu, nokwikala ubwikashi bwa bulungami inshita yonse.
“♪Nde ikala ubwikashi ubupya muli Yesu. Ifya kale na fipita kabili nimba icilengwa icipya. Inshita iya onawilwe iyakale naipita. Yangu Yesu e mweo wandi uwa cine. Ndei kala umweo upya muli Yesu. ♪”
Wikala umweo upya muli Yesu. Nangula cakutila taulemoneka bwino ngefyo wingafwaya ukuba, nangu uli mwipi sana, nangu wainako fye panono pakati, abo aba palwa ne mbilansuma yaku fyalwa libili ku menshi no Mupashi bekala ubwikashi ubwa nsasa. Cinshi cinga ku sakamika ukuti umona obe tawaba bwino, nangu wali ipipako panono? Pantu tatwapwililika twapusuka fye mu kutetekela muku fyalwa libili ku menshi no Mupashi muli Yesu. Abo aba cilumba bakapelela ku gehena.
Natotela, mwe Mfumu. Nakulatwalilila ukutasha Imfumu. Pantu twali tetekela muku fyalwa libili ku menshi no Mupashi, tuka pokelelwa ku Mulu.

UBUFI BUTUTUNGULULA KU GEHENA

Bushe ninani uukapokelela icilongwe cabu lungami ku mpela?
Ni uyo uwa cimfya ubufi.

Ubufi butweba ukuti tulingile ukulapila cilabushiku pakuti twelelwe, lelo imbilansuma ya menshi no Mupashi itweba ukuti twali elelwa umupwilapo kabili ifyo tufwile ukucita kutetekela ifi.
Bushe icine ni cisa? Bushe tulingile ukulapila cilabushiku ukwelelwa? Nangu cili fye bwino ukutetekela ukuti Yesu alitukakwile ilyo abatishiwe mu nshila iyalinga ku kusenda imembu shonse? Icine cakuti Yesu ali sendele imembu shesu shonse umukumo epela mu nshila iyayana iyatupela ipusukilo.
Tulingile uku cimfya ubufi mubulwi bwaku mupashi. Abantu abengi bakonka ubufi. “Nakuli malaika walukuta lwaku pegamo lemba, "Auti efyo asosa uuli nolupanga ulwatwila kubili kubili: naishiba ukowaikala ukuli ici puna cabufumu ica kwa Satana” (Ukusokolola 2:12-13).
“Uwacimfya nkampelapo mana uwafiswa, noku mupela ilibwe ilya buta apalembwa ishina lipya ilisha ishibikwa ku muntu kano uwalipokelela” (Ukusokolola 2:17).
Uko imipashi ishakowela ishingi shikala no bufi ubwiminina nokwi pasha ku cine, Satana amoneka nga malaika walubuto. Lesa teti afwe uuli onse uwa umfwa no kwishiba icine cepusukilo ya menshi no Mupashi lelo tatetekele ifi. Umuntu waifi icine cine akapelela ku gehena.
Uuli onse alingile ukusala umwine nga kutetekela mwi pusukilo lyakwa Yesu. Tapali uwinga ku fukamina, uku kulomba ukutetekela nangu ukukakulwa.
Nga ule fwaya ukupusuka ukufuma kulu bembu, tetekela kwipusukilo lya menshi no Mupashi. Nga ule umfwa ukutasha paku temwa kwakwe mwi pusukilo no kusenaminwa Kwakwe no kutupususha ifwe, lyena tetekela. Nga uli mubembu ukaya ku gehena, lyena tatetekela mu menshi no Mupashi, ulubatisho lwakwa Yesu nemfwa Yakwe pa Capindama. Lyena ukaba umulungami.
Nga uletontonkanya tauli mubembu, taulingile ukulubulwa mukutetekela muli Yesu. Aba bembu fye eba kakulwa ukufuma ku membu shonse ku kutetekela mu mbilansuma ya kufyalwa libili iya menshi no Mupashi. Yesu nikapususha waba bembu kabili ka koselesha wabali mu bwafya. Ni ka Bumba. Kabili Ewaishiba uku Temwa.
Nde ku koselesha ukutetekela mu mbilansuma yaku fyalwa libili ku menshi no Mupashi. Tetekela muli ici. Kuti washininkisha ukuti Yesu akaba kapususha, umunobe, kacema kabili Lesa kuli iwe. Aba bembu balingile ukutetekela muli Yesu. Nga taulefwaya ukupelela ku gehena, ufwile wa citetekela. Lesa tatupapata ukutetekela mu mbilansuma yepusukilo.
Bushe ule fwaya uku suminishiwa ku Mulu? Nomba tetekela mu mbilansuma iya kufyalwa libili ku menshi no Mupashi. Yesu atile, "Nine nshila, icine, no mweo. Tetekela muli ine." Bushe ulelanda ukuti ulefwaya ukuposwa mu gehena? Elo kanshi witetekela. Aletila alipekanya kale incende mu gehena iyobe.
Lesa tapapata. Kashitisha apokelela abantu ukwabula akapatulula muku fwaya uku shitisha ifipe fyakwe, lelo Lesa apela ubu Fumu bwa ku Mulu ubwa bupe kuli abo fye aba lubulwa. Lesa wa Mulinganya.
Abantu balanda ukuti impela ye sonde ili mupepi. Ee, Na ine efyo nde tontonkanya. Kabili bupuba ukukana tetekela mu mbilansuma ya cine iya menshi no Mupashi.
Tetekela mwi pusukilo ilya palwa ilya ku fyalwa libili ku menshi no Mupashi. Natuye bonse ku Bufumu bwa mu Mulu. Bushe tamwa ye naine mukwikala ku ncende ukwaba Yesu?

Bushe uli mubembu nangu umuntu umulungami?

Umuntu umulungami ushakwata ulubembu mu mutima wakwe.

Natubelenge mu bena Roma 8:1-2. “Eico takuli nomba ukusekwa kubali muli Kristu, pantu imbela yabu Mupashi bwa mweo uwaba muli Kristu Yesu yandubwile ku mbela yalu bembu kabili iya mfwa.”
Yesu asendele imembu shonse ukupitila mu lubatisho Lwakwe ne mfwa Yakwe Pacapindama. Ali pususha aba bembu bonse abalingile ukupingulwa pa membu shabo.
Ipusukilo lyakwa Lesa lya senda ifintu fibili. Cimo lifunde kabili cimbi kutemwa Kwakwe. Ifunde litusambilisha ukuti tuli babembu. Uku konka ne funde, icilambu calubembu ni mfwa. Teti tupusuke kwi funde. Litusambilisha fye imbela ya lubembu lwesu no konaika. Litulenga fye ifwe ukwishiba ukuti tuli babembu.
Ukulipila icilambu calubembu, Yesu ali shile kuli lino isonde, ukusenda imembu shesu shonse no kushilipilila no mweo Wakwe ukutupususha ukufuma ku bupingushi. Kutemwa kwakwa Lesa ukwa tupususha ifwe ukufuma ku lubembu lonse.
Tufwile uku cinfya ubufi. Lesa apela ipalo yaku fyalwa libili ku menshi no Mupashi kuli abo aba cimfya ubufi.
Twa pusukila mu kutetekela muli Yesu. Ku kutetekela mumashiwi Yakwe, tusanga ubulungami no kumfwa icine. Tetekeleni mucine caku fyalwa libili ku menshi no Mupashi mu mitima yenu, kabili mu kapusuka.

LIST Download FREE eBook & AudioBook