All e-books and audiobooks on The New Life Mission website are free
Explore multilingual sermons in global languages
Two new revised editions in English have been released
Check out our website translated into 27 languages

English

Sermons

Sermons

ISAMBILISHO 3: IMBILANSUMA YA MENSHI NO MUPASHI

[3-6] Ukusembululwa Kwa Cine Ukwa ku Mupashi (Ukufuma 12:43-49)

(Ukufuma 12:43-49)

“Kabili Yehoba atile kuli Mose na Aarone, Ici cipope ca ca kucilila: elyako umbi umbi nangu umo; lelo umusha wa muntu no muntu onse, uwanonkelwa mu ndalama, nga wamusembulula, e lyo kuti alyako. Uwa kulinda fye no wa cilambu bekalyako. Mu ŋanda imo e mo cikaliwe; wikafumyako umunofu mu ŋanda ukuutwala kunse; kabili wikatobapo ifupa. Ulukuta lonse lwa kwa Israele lukacicita. Nga alebela kuli iwe umulebeshi uwafwayo kucita ica kucilila kuli Yehoba, ukasembulule abaume bakwe bonse; e lyo akapalamine ku kucita, kabili akaba ngo mwana calo; lelo uushasembululwa ekalyako nangu umo. Kukaba amalango yamo yene ku mwana calo na ku mulebeshi uulebela mu kati ka imwe.”

Cipope nshi icikankala pa bena Israele ukuba abana ba kwa Lesa mu Cipingo Cakale?

Balingile ukusembululwa.

Amashiwi ya kwa Lesa monse mu Cipingo Cakale ne Cipingo Cipya yakankala kabili yasuma kuli fwe batetekela muli Lesa. Teti tupuse nangu limo ilembo kuli ayo amashiwi pantu amashiwi yakwa Lesa, emashiwi yamweo.
Amalembo yalelo yatweba ukuti uuli onse ulefwaya ukucita icakucilila alingile pakubala ukusembululwa. Tulingile twatontonkaya umulandu Lesa aletwebela ifi. Umo nga tasembulwilwe teti acite icakucilila.
Nga tuli bakutetekela muli Yesu, tulingile ukumfwikisha ico Lesa atupelele ifi ifyakukonka. Ukusembululwa kuputulako inkanda ya kumpela iya mwaume. Ninshi lesa aebele Abrahamu no mukowa wakwe ukuba abasembululwa? Umulandu wakuti alibalaile ukuti ni abofye abaputulwako imembu shabo ebengaba abantu bakwe.
Ecalengele aleeba abantu ba Israele mu Cipingo Cakale ukusembululwa. Ukuba abantu ba kwa Lesa, abantu ba Israele balingile ukusembululwa. Cali cipope, icashintilile pa kusalwa, kabili aishileba Lesa wabo abaputula imembu shabo ne citetekelo ukupitila mukusembululwa. Mukulandapofye, mu Cipingo cipya, alaba Lesa wa abo abaputulwa ulubembu ne citetekelo.

ICA KUCILILA

Bushe ica Kucilila cali ninshi?

Bwali bushiku bwa bena Israele kukwibukisha no kutasha Lesa pakufumya mu Egupti

Ubushiku bwa cindamisha ubwakutusha pa bantu ba Israele bwali bwa Cakucilila. Bwali ebushiku bwakwibukisha no kutasha Lesa pa kufuma mu Egupti umo abena Israele baikele nga abasha ukulungana na pa myaka 400. Lesa aliletele ifinkunka ifikalamba ifili 10 mukusesha umutima wa kwa Farao uwakosa. Ni pabupilibulo ubu ukuti atungulwile abantu ba Israele kunse ya Egupti ukuya ku ncende ya Kenaani.
Abantu ba Israele balipuswike ukufuma kumfwa ya mabeli, icinkunka cakulekelesha, ukupitila mu mulopa wa mwana wa mpanga no kusembululwa. Eico, Lesa alibebele ukucita Icakucilila inkulo yabo yonse nge cibukisho ca luse Lwakwe.

BUSHE FINSHI ABENA ISRAELE BALI NO KUCITA PA KUTI BA CITE ICAKUCILILA?

Bushe finshi abena israele bali nokucita pakuti bacite Icakucilila?

Bali no kusembululwa.

Tulingile ukwishiba ukuti pakuti tucite Icakucilila ku mupashi, tulingile ukusembululwa mu mitima yesu. Nangu bantu ba Israele balingile ukusembululwa ku kubaka Icakucilila.
Cali lembwa mu Kufuma 12:43-49. “Ici cipope ca ca kucilila: ekalyako umbi umbi nangu umo; lelo umusha wa muntu no muntu onse, uwanonkelwa mu ndalama, nga wamusembulula, elyo kuti alyako. Uwa kulinda fye no wa cilambu bekalyako. Mu ŋanda imo emo ciliwe; wikafumyako umunofu mu ŋanda ukuutwala kunse; kabili wikatobapo ifupa. Ulukuta lonse lwa kwa Israele lukacicita. Nga alebela kuli iwe umulebeshi uwafwaya ukucita Icakucilila kuli Yehoba, ukusembululwe abaume bakwe bonse; elyo akapalamine ku kucita, kabili akaba ngo mwana calo; lelo uushasembululwa ekalyako nangu umo. Kukaba amalango yamo yene ku mwana calo na ku mulebeshi uulebela mu kati ka imwe.” E fyo aebele abena Israele ukusunga Icakucilila panuma ilyo basembululwe.
Ni banani abasuminishiwe ukulyako inama ya mwana wa mpanga wa Cakucilila? Ni abo fye abasembulwilwe ebengacita ica Cakucilila.
Umwana wa mpanga uwa Cakucilila, nge fyo bonse twaishiba, ni Yesu Kristu uwasendele imembu ishe sonde.
Nomba, ukusembululwa mu Cipingo ca Kale na mu Cipingo Cipya cinshi? Ukusembululwa cipilibula ukuputulako inkanda ya kuntanshi. Yesu Kristu nao alisembulwilwe pa nshiku cine konse konse panuma afyelwe muli lino isonde. Lesa apele icipope cakuti bonse abalesangwa mu lutambi lwa Cakucilila balingile ukusembululwa, no kucilenga apabuta tutu uli onse ushisembulwilwe teti asangwe ku Cakucilila.
Eico, bonse balingile ukusembululwa ngefyo Lesa abikile. Nga watetekela muli Yesu, ulingile ukwishiba ubupilibulo bwa kusembululwa mu Cipingo Cipya.

BUSHE LWALI LUTAMBI NSHI ULWA KUSEMBULULWA ULO LESA AEBELE ABRAHAMU UKUCITA?

Bushe Abrahamu no lupwa lwakwe babele shani abana ba kwa Lesa?

Mu kusembululwa

Mu Kutendeka, Lesa amoneke kuli Abrahamu no kupanga icipangano na ena no lupwa lwakwe. Mu cipandwa 15, Lesa alaile ukuti ulupwa lwa kwa Abrahamu lukafula nge ntanda mu mulu kabili atile akabapela incende ya Kenani nge cakaniko cabo.
Mu cipandwa 17, Aebele Abrahamu ukuti nga cakutila ena no lupwa lwakwe baingila mu cipangano cakwe no kusembululwa, Akaba Lesa wabo kabili bakaba abantu Bakwe. Cali cipangano ca kwa Lesa na Abrahamu kabili no lupwa lwakwe. Lesa alaile ukutila ilyo batetekele mu cipangano Cakwe no kusembululwa, cilepilibula baishileba abantu bakwe kabili na ena aishileba Lesa wabo.
Ukutendeka 17:7-8 itila, “Kabili nkapampamika icipingo candi pakati ka ine na iwe, no bufyashi bobe. Ubukakukonkapo ku nkulo sha buko ku kuba icipingo ca muyayaya, ku kuba Lesa obe, kabili uwa bufyashi bobe ubukakukonkapo. Kabili nkapela kuli iwe, na ku bufyashi bobe ubukakukonkapo, icalo ici ca kulebelamo kobe, icalo conse ca Kenaani, ku kube caiminina umuyayaya; na kulaba Lesa wabo.”
Ukusembululwa kwali cishibilo ca cipangano ca kwa Lesa na Abrahamu kabili no lupwa lwakwe.

BUSHE CIPILIBULE NSHI INSHILA YA KUSEMBULULWA KU MUPASHI?

Bushe ukusembululwa kwa ku mupashi cinshi?

Kuputulako imembu shonse mu mitima yesu ku kutetekela mu lubatisho lwa kwa Yesu.

Pantu Abrahamu atetekele mu cebo ca kwa Lesa, Lesa amulengele ukuba umulungami kabili no kumulenga ukuba umwana Wakwe. Ukusembululwa kwali icishibilo ca cipangano pakati ka kwa Lesa na Abrahamu.
“Icipingo candi ico wakulabaka, Ica pa kati ka ine na imwe no bufyashi bobe ubukakukonkapo, icishibilo ca ciko nici; ukusembululwa umwaume onse uwamuli imwe” (Ukutendeka 17:10).
Ukusembululwa kupilibula ukuputulako inkanda ya ku ntanshi: ku mupashi, cilanga kabili ukuyasa imembu shesu shonse pali Yesu ukupitila mu citetekelo cesu mu lubatisho Lwakwe. Twalisembululwa ku mupashi ilyo twaputula imembu shesu shonse pa kusumina ipusukilo lya lubatisho lwa kwa Yesu. Ukusembululwa mu Cipingo Cipya ku putulako imembu shonse ukupitila mu lubatisho lwa kwa Yesu.
Eico ukusembululwa mu Cipingo ca Kale lubatisho lwa kwa Yesu mu Cipingo Cipya, kabili fyonse fipangano fya kwa Lesa, ifitulenga ifwe ukuba abantu Bakwe. Eico ukusembululwa mu Cipingo ca Kale no lubatisho lwa kwa Yesu mu Cipingo Cipya cintu cimo cine kabili fyabafye fimo fine.
Nge fyo ulupwa lwa kwa Abrahamu baishileba abantu ba kwa Lesa ilyo baputwileko inkanda ya kuntanshi iyabo, tulaba abana ba kwa Lesa ilyo twaputulako ulubembu lonse ukufuma mu mitima yesu. Tucita ifi pa kutetekela ukuti tamwaba ulubembu mwi sonde pantu Yesu alisenda ulubembu lonse ilyo abatishiwe na Yohane Kabatisha.
Ulubatisho lwa kwa Yesu lulenga ababembu bonse abalungami pa kuputulako imembu shabo. Nge fyo akapimfya ka nkanda kalefumishiwako mu nshila ya kusembululwa, efyo imembu sha mutundu wamuntunse shaputulwako ukufuma mu mitima ya bantu bonse ilyo Yesu abatishiwe na Yohane Kabatisha mu Yordani. Bonse abatetekela ifi kuti basembululwa ku mupashi no kuba abantu ba kwa Lesa, abalungami.

ICITETEKELO CA BUFI ICILENGA ABANTU ABENE UKUIPUTULAKO UKUFUMA KULI LESA

Bushe cinshi calengele abena Israele ukuiputulako abene beka ukufuma kuli Lesa?

Ukukanasembululwa.

Lesa aebele Abrahamu ukuti uuli onse umwaume uusha sembululwa alingile ukuputulwako ukufuma ku bantu Bakwe. Nomba, ukusembululwa cinshi? Kabili ukusembululwa kwa ku mupashi cinshi? Nga cakutila ukusembululwa kwa ku mubili kuputulako akakanda akanono ukufuma kuciputulwa ca mubili, elyo ukusembululwa kwa ku mupashi kuputulako ulubembu lonse ukufuma mu mitima yesu no kubika pali Yesu ukupitila mu lubatisho Lwakwe.
Ulubatisho lwa kwa Yesu kusembululwa kwa ku mupashi ukwa mutundu wamuntu, uko imembu she sonde shaputwilweko kuli ifwe no kubikwa pali Yesu. Umulandu Yesu abatishiwe kuli Yohane Kabatisha wali wakupususha umutundu wamuntunse onse ukupitila ku kusembululwa kwa ku mupashi, ukwasendele ulubembu lonse.
Imembu shonse isha mutundu wamuntu shalibikilwe pali Yesu. Lesa, mukuba Lesa wa kwa Abrahamu, Lesa wa kwa Isaki, Lesa wa kwa Yakobo, na Lesa wa lupwa lwabo lonse, alipangile icipangano na Abrahamu kabili no lupwa lwakwe lonse no kubalenga ukuputulwako inkanda yabo iyakuntanshi. Efyo Aishileba Lesa, Kapususha kuli bonse abo abaputulwako imembu shabo ukupitila mu kusembululwa.
Kusembululwa nshi ukuputulako ulubembu? Cipangano ca kwa Lesa na Abrahamu kabili na bonse abo abafyalwa libili pakutetekela mu lubatisho lwa kwa Yesu ne mfwa Yakwe pa Capindama nge pusukilo lyabo. Muli iyi nshila, Alitupele nsambu shakuba abantu Bakwe. Eico ni Lesa wa abo abasembululwa.
Lesa alandile kuli Abrahamu. “Uwaba ne nshiku cine konse konse akasembululwe, umwaume onse uwa muli imwe ku nkulo shenu, no ushaba wa mu bufyashi bobe uwa fyalilwa mu ŋanda na pamo uwanonkelwa musha silfere kuli umbi umbi onse. Ukusembululwa akasembululwe uwa fyaliwa mu ŋanda yobe no wa nonkelwa mu fya silfere shobe: ne cipingo candi ca kulaba mu mibili yenu icipingo ca muyayaya. Kabili umwaume uushasembululwa, uo tasembulwilwe umubili wa nkanda yakwe iya pa mpela, akasukulwe uyo muntu ku bantu bakwe; na fulunganya icipingo candi” (Ukutendeka 17:12-14).
Uuli onse ulefwaya ukwisa muli Yesu ukwabula ukusembululwa kwa ku mupashi akaputulwako ukufuma ku bantu bakwe. Ukusembululwa kwa ku mupashi lubatisho lwa kwa Yesu mu Cipingo Cipya, ukupitilila umo imembu shonse ishe sonde shabikilwe pali ena.
Uuli onse uletetekela muli Yesu afwile no kutetekela na mu kusembululwa kwa Cipingo ca Kale no lubatisho lwa kwa Yesu mu Cipingo Cipya, pakuti bengapokelela Umupashi, ukupusuka ukufuma ku lubembu, no kuba umwana wakwa Lesa. Kuli ifwe fyebatetekela muli Yesu, ukusembululwa mu Cipingo ca Kale no lubatisho lwa kwa Yesu mu Cipingo Cipya cimo cine.
Nga twafilwa ukwishiba ubupilibulo bwa cine ubwa kusembululwa nangu twafilwa ukupokelela mu mitima shesu ipusukilo ukupitila mu kusembululwa kwa ku mupashi uko ukutusuminisha ukufyalwa libili, icitetekelo cesu kuti caba apafye. Kuti twatontonkanyapo ukuti tuli abacishinka kuli Lesa, lelo cilifye kwati twakuula ing’anda iya citetekelo cesu pa mucanga.
Lesa aleeba abo bonse abatetekela muli Ena ukuba abasembululwa, ukutetekela mu bulubushi kupitila mu lubatisho lwa kwa Yesu, ukusembululwa kwa ku mupashi. Ukwabula ukusembululwa, teti tube abantu Bakwe. Ukwabula ukusembululwa, kuti twafumishiwako kwi bumba lya bantu Bakwe. Eko Lesa abikile uli onse, nangu ashitilwe ne ndalama nangu alimwene, alingile ukusembululwa ilyo talasangwa ku mutebeto wa Cakucilila.
Nangu umwana calo uwafyalwa mu Israele aleputulwako ukufuma ku bantu bakwe nga cakutila tabasembululwa. Icipangano ca kwa Lesa na bantu ba Israele cifwile ukuba na kuli abo abatetekela muli Yesu.
Mu Kufuma icipandwa 12, abantu ba Israele abalile inama ya Cakucilila ne miti ishalula bali nokuba kale abasembululwa. Insambu shakulya inama ya Cakucilila shapelwe fye kuli abo abasembululwa.
Cikankala kuli ifwe ukwishiba ukuti ilyo abantu ba Israele balelya inama iya Cakucilila no kubika umulopa wa mwana wa mpanga pa filu fya pa mwinshi na pamwalo wa ng’anda shabo, balisembulwilwe kale.
Ukusala kwa kwa Lesa, nga cakuti umuntu tasembululwa, alingile ukuputulwako ukufuma ku bantu bakwe nokulufya insambu shakuba umo pa bana ba kwa Lesa. Icilepilibula ulubembu lwa kukana tetekela ukusembululwa kwa ku mupashi ulutungulula abantu mu konaika. Ni abo fye abasembululwa ku mupashi ukupitila mu lubatisho lwa kwa Yesu ebengapusuka.
“Kwaliba ne cipasho icilepususha ifwe nomba, icileitwa ulubatisho” (1 Petro 3:21). Bushe ulatetekela icine cine ukuti imembu shobe shonse shabikilwe pali Yesu ukupitila mu lubatisho mu Yordani? Nga cakutila ulomfwa no kutetekela mu cine, ulubatisho lwa kwa Yesu no mulopa Wakwe, ukeluka ukuti walisembululwa ku mupashi no kuba umuntu umulungami. Kabili ukakwata ne citetekelo mu Mupashi wa cine ukuti umulopa wa kwa Yesu pa Capindama kuti waba uwabula ubupilibulo ukwabula ulubatisho Lwakwe.
Nga uli nokutetekela mu Capindama ca kwa Yesu ukwabula ukusembululwa ku mupashi ukupitila mu citetekelo mu lubatisho lwa kwa Yesu, kuti waisanga we mwine nautamfiwa ukufuma ku luse lwa kwa Lesa. Kuti waisanga ukuti ucili no lubembu mu mutima obe.
Tulingile ukutetekela mu cine cakuti ubulubushi bwa kwa Lesa bwatampile no lubatisho lwa kwa Yesu Kristu kabili bwapwililike no mulopa Wakwe pa Capindama. Mu kucita ifi, tufwile ukusenda mu mutima wesu amashiwi ya cine, ulubatisho lwa kwa Yesu no mulopa Wakwe nga ipusukilo lyesu.
Neci citetekelo, kuti twakakulwa ukufuma ku maka ya mfifi no kuba abana ba lubuto. Ici citetekelo ku mupashi ukwakanya abo abafyalwa libili icine cine ukufuma ku mabumba ya batetekelafye.
Imfumu yesu, Yesu, atweba ifwe ukwikala muli Ena. Alisamba kale imembu she sonde no lubatisho Lwakwe kabili no mulopa Wakwe. Eico, ukukwata icishibilo ukuba abantu ba kwa Lesa, tulingile ukutetekela mu lubatisho lwa kwa Yesu. Nga twafilwa ukucita ico, tukaputulwako ukufuma kuli Ena.
Ipusukilo lya bulubushi te cimbi ukucila ulubatisho lwa kwa Yesu mu Cipingo Cipya no kusembululwa mu Cipingo Cakale. Ipusukilo lisa mukuba ilyapwililikafye ilyo twakwata icitetekelo muli fyonse ulubatisho lwa kwa Yesu (ukusembululwa kwa ku mupashi) no mulopa Wakwe pa Capindama (umulopa welambo ne Cakucilila).
Ukusembululwa kwa ku mubili mu Cipingo Cakale kwalisuntinkana ku lubatisho lwa kwa Yesu Kristu mu Cipingo Cipya. Esaya 34:16 itweba ukuti yonse amashiwi mu Cipingo yalikwata ayabiye. “Fwayeni mwi buku lya kwa Yehoba no kubelenga: tacakabulile nangu cimo, takwakabe ica bula icibiye; pantu akanwa ka kwa Yehoba ekasosa no Mupashi; Wakwe ewafilonganya.”
Icebo conse mu Cipingo ca Kale calisuntinkana ku Cipingo Cipya. Takwaba icebo ca kwa Lesa icabulisha icibiye.

BUSHE INGA BALYA ABAPUMBUKILA UKUTETEKELA MU NSHILA IISHAYANA?

Bushe nibanani abakaya ku gehena Pa batetekela mwi sonde?

Ni abo abashatetekela mu kusembululwa kwa ku mupashi.

Ilelo kwaliba abengi abatetekela fye mu mulopa wa mwana wa mpanga wa Cakucilila. Balepusha, “Ulepilibula inshi, ukusembululwa? Cilekumafye ku Bayuda mu Cipingo Cakale. Tatulingile ukuputulako inkanda yesu iya kuntanshi mu Cipingo Cipya.”
Ee ici cine. Nshilepingula ukuti kuti twasembululwa ku mubili. Umutumwa Paulo alondolwele bwino bwino, kabili ukusembululwa kwa ku mutima eko ndelosha nomba.
Nshilemyeba ukusembululwa ku mubili. Ukusembululwa kwa ku mubili takwakwata ubupilibulo kuli ifwe, lelo tulingile ukwisa kuli Yesu no kusembululwa ku mupashi pa kutetekela mu lubatisho lwa kwa Yesu pakuti tupusuke ukufuma ku membu shesu shonse.
Pakuti umo afyalwe libili, alingile ukuba uwasembululwa ku mupashi. Uuli onse uutetekela muli Yesu afwile ukusembululwa ku mupashi. Enshilafye twingaputwilako imembu, enshila twingabelamo abalungami. Ni panuma ya kusembululwafye ku mupashi epo tuba abapwililika ababula ulubembu. Eico tulingile ukucipokelela mu mitima yesu ukusembululwa kwa ku mupashi mu kutetekela mu lubatisho lwa kwa Yesu.
Umutumwa Paulo nao atetekele mu bucindami bwa kusembululwa ku mupashi. Atile, “Ukusembululwa kwine kwa ku mutima” (Abena Roma 2:29). Bonse ifye tulingile ukusembululwa ku mupashi ukuba abakakulwa ku lubembu.
Bushe imembu shobe icine shalibikwa pali Yesu panuma ya kuputulwako ukufuma kuli iwe? Nangu ni mu Cipingo Cipya, abo abatetekela muli Yesu balingile ukusembululwa mu mitima yabo pakutetekela mu lubatisho lwa kwa Yesu.
Umutumwa Paulo acilengele apabuta mu makalata yakwe. Lesa alipususha umuntundu wa muntu ukufuma ku lubembu lwe sonde, abalengele abantu Bakwe. Abantu ba Israele bali abantu ba kwa Lesa pa kufumyako inkanda shabo ishakuntanshi kabili tulaba abana ba kwa Lesa ilyo twabika imembu shesu pali Yesu mu kutetekela mu lubatisho Lwakwe.
Lesa alatupokelela ifwe nga abantu Bakwe ilyo amona icitetekelo cesu mu lubatisho lwa kwa Yesu no mulopa Wakwe pa Capindama. Ici citetekelo citulenga ukusembululwa ku mupashi no kutungulula kwi pusukilo lyesu.

IPUSUKILO LYABELAKO ABABEMBUUKUPITILA MU LUBATISHO LWA KWA YESU NO MULOPA WAKWE

Bushe ipusukilo lyapwililike shani na Yesu?

Ukupitila mu lubatisho Lwakwe ne mfwa pa Capindama.

Ipusukilo lya kwa Yesu Kristu apwishishe ukupitila mu menshi mu lubatisho Lwakwe no mulopa Wakwe pa Capindama lyali lya babembu. Umulopa wa Mwana wa Mpanga wali bupingushi, no lubatisho lwa kwa Yesu lwali kusembululwa kwa ku mupashi ulwabikile membu shesu shonse pali Ene.
Inkuta sha bena Kristu ilelo tetishisange ulubuto lwa ici cisumino ca kusembululwa ku mupashi. Nangula ukusembululwa kwa mu Cipingo Cakale kupilibula ifinono kuli ifwe muli shino nshiku, ulubatisho lwa kwa Yesu talufwile ukusulwa.
Nalimyebele ukuti imembu shenu shonse shalisendelwe mu lubatisho lwa kwa Yesu, kabili ulubatisho lwalipususha imwe ukufuma ku membu shenu shonse. Bushe mwalitetekela? Nga mwasula ulubatisho lwa kwa Yesu, ta mwakeshibe mbilansuma yaku fyalwa libili, imbilansuma ya bulubushi ubwa pwililika ukupitila mu lubatisho lwa kwa Yesu.
Kuti twasula shani ulubatisho lwa kwa Yesu, ukusembululwa kwa kwa Mupashi uko Lesa atweba? Nga twabelenga Icipingo, kuti twamona ukuti ukusembululwa no mulopa wa Mwana wa Mpanga wa Cakucilila fyalipalana. Iyi ni nkama ya kusembululwa kwa ku mupashi, ulubatisho lwa kwa Yesu.
Imbilansuma Yohane abilile te imbi ukucila ulubatisho lwa kwa Yesu no mulopa Wakwe pa Capindama. Atile muli 1 Yohane 5:6, “Wene ewaishile mu menshi no mulopa; mu menshi yeka iyo, lelo mu menshi no mulopa.”
Asosele ukuti Yesu aishile ku menshi, umulopa, kabili no Mupashi. Ku menshi yeka iyo, kabili ku mulopa weka iyo, lelo ku menshi, umulopa no Mupashi fyonse pamo. Ifi fitatu, ulubatisho lwa kwa Yesu, umulopa wa kwa Yesu pa Capindama, no kubuka Kwakwe ukufuma kubafwa fya cimo, icishininkisho ce pusukilo lyesu.

BUSHE NINSHI ICIPINGO CILANDA PA LUBATISHO LWA KWA YESU NO MULOPA WAKWE?

Bushe abantu ba Israele balepusuka fye ukupitila mu mulopa wa mwana wa mpanga pa Cakucilila?

Nakalya. Bali abasembululwa kale ilyo ta basunga Icakucilila.

Ulubatisho lwa kwa Yesu no mulopa Wakwe efitusuminisha ifwe ukufyalwa libili ku menshi no Mupashi. Ukufuma icipandwa 12 itila, “Ibulileni umwana wapanga, mubulilepo umulo nokubika pa filu fibili ifya pamwinshi na pa mwalo wa ng’anda shenu. Ilyo namona umulopa nkamilila.”
Mukwishiba ifi, bushe nacanguka ukupusuka ku membu shesu ukutetekela fye mu mulopa wa mwana wampanga wa Cakucilila? Lelo ninshi ulubatisho lwa kwa Yesu lulandilwapo sana mu Cipingo Cipya? Abatumwa batile, “Mwalishikilwe pamo nankwe mu lubatisho” (Abena kolose 2:12). “Pantu imwe bonse ababatishiwa muli Kristu, na mufwala Kristu” (Galatia 3:27). “…icilepusha ifwe icitwa ulubatisho” (1 Petro 3:21).
Abatumwa Petro na Paulo na bonse bambi abasambi bakwa Yesu Kristu balandile pa lubatisho lwa kwa Yesu. Lubatisho lwa kwa Yesu ku Yordani elo baleloshako, kabili citetekelo mu lubatisho lwa kwa Yesu no mulopa Wakwe pa Capindama ecine ca kufyalwa libili ku menshi na ku Mupashi.
Ukukweba icine, natetelele muli Yesu, lelo ni mu mulopafye, ukucila pa myaka 10 ukwabula ukwishiba ulubatisho lwa kwa Yesu. Lelo uku ukwishiba pali ici takwasendele imembu mu mutima wandi, nalitetekele muli Yesu no mutima wandi onse. Lelo umutima waliswile no lubembu.
Panuma ya myaka 10, nasangile ubupilibulo bwa kusembululwa ku mupashi (ulubatisho lwa kwa Yesu) kabili nali fyelwe libili. Elyo nomba nailwike icine: ukusembululwa mu Cipingo Cakale kupilibula ulubatisho lwa kwa Yesu mu Cipingo Cipya. Nalitetekele ici kabili ndecicita.
“Mu Cipingo Cipya, bushe citetekelo ica yana ukutetekela muli fyonse fibili mu mulopa wa kwa Yesu no lubatisho Lwakwe? Bushe icitetekelo candi naciyana ukukonka ne Cipingo?” Panuma na fyelwe libili, nalisungwike pali ifi fintu.
Nangu naletetekele mu mashiwi ya lubatisho lwa kwa Yesu no mulopa Wakwe, amepusho yalishele mu mano yandi. “Bushe nacilinga ukutetekela mu cine icakuti imembu shandi shonse shalibikilwe pali Yesu ilyo abatishiwe nangu nacilinga ukutetekela ukuti Yesu atupuswishe fye ukupitila mu mfwa pa Capindama. Bushe te fingi ukutetekela fye ati Yesu ni Lesa kabili Kapususha?” Nalitontonkenye ukucilamo ilyo nabelengele Ukufuma icipandwa 12.
Abantu abengi ilelo babelenga Ukufuma icipandwa 12 kabili tabatontonkanya imiku ibili ukulondolola ukuti Yesu afwile pa Capindama nga Kapususha wabo. Batontonkanya ukuti nacilinga ukutetekela mu mulopa wa kwa Kristu kabili balapela no bunte ku cine cakushininwa kwabo. Kuti batetekela ukwabula umwenso no kusosa ukutila Imfumu ni Kristu kabili Mwana wa kwa Lesa lelo bacilli babembu. Batontonkanya ukuti nga batetekela ukuti Yesu ni Kapususha, bakapusuka nangu nabakwanta ulubembu mu mitima yabo.
Icitetekelo ca musangoyu tecitetekelo ca cine. Ici citetekelo ceka teti cibafwe ukufyalwa libili. Lubatisho fye no mulopa wa kwa Yesu efilenga ifwe abalungami.
Nomba, bushe Ukufuma icipandwa 12 mu cishinka cipulibula inshi? Naloleshe mu Cipingo, ukutontonkanya, “Bushe kwaliba ubwafya ubuli bonse ukutetekela fye mu mulopa wa kwa Yesu ilyo tusule ulubatisho Lwakwe?” Nangula nshilapwa ukubelenga Ukufuma, nasangile icine cakuti ipusukilo talyaba fye mu mulopa wa kwa Kristu lelo na mu lubatisho Lwakwe. Ukupitila mu Cipingo, nashininkisha ukuti twalisembululwa mu mitima yesu ukupitila mu lubatisho lwa kwa Yesu pamopene no mulopa Wakwe pa Capindama.

Bushe cinshi abena Kristu abengi bacili babembu?

Pantu tabatetekela mu lubatisho lwa kwa Yesu.

Nalilwike mu Kufuma 12:47-49 ukuti ilyo umo talasuminishiwa ukulya inama ya Cakucilila, alingile ukusembululwa. Nipamulandu wakuti Lesa asosa mu cikomo 49, “Kukaba amalango yamo yene ku mwana calo na ku mulebeshi uulelebela mu kati ka imwe.”
Eico, uuli onse uushasembulwilwe talelyako inama ya Cakucilila. Ici e cine na sanga. Cimo cine, ilyo twatetekela muli Yesu nga Kapususha wesu, tufwile icakubalilapo twapokelela icishinka ukuti imembu shesu shalibikilwe pali Yesu ukupitila mu lubatisho Lwakwe ku Yordani kabili no kupokelela icishinka cakutila Yesu Kristu afwilile pa Capindama pali ishi membu.
Ilyo nalilwike ukuti Yesu afwile pa Capindama kukupingulwa pa membu asendele ukupitila mu lubatisho Lwakwe, kabili nailwike ubupilibulo bwa kusembululwa ku mupashi ukwapususha ifwe ukufuma ku membu shonse no bupulumushi bwe sonde.
Pali ilya nshita, nalilwike ukuti imembu shandi shonse shaliya. Umutima wandi waishileba nga imfula iyabuta, kabili nomba nalisenda mumutima wandi mbilansuma ya menshi, umulopa no Mupashi.
Nalilwike ukuti kwaliba ifintu fibili ifitupususha, ukusembululwa no mulopa wa mwana wampanga mu Cipingo Cakale no kupela imembu pali Ena ukupitila mu lubatisho lwa kwa Yesu no mulopa pa Capindama mu Cipingo Cipya. Ukusembululwa mu Cipingo Cakale no lubatisho lwa kwa Yesu mu Cipingo Cipya fili cimo kabili fimo fine.
Yesu Kristu alipingwilwe te pakutila alipangile ulubembu Umwine Eka, lelo pantu alisendele imembu she sonde ukupitila mu lubatisho. Bonse abatetekela ukuti Yohane Kabatisha, nga umwiminishi wa mutundu wa mutu, abatishe Yesu no kubika imembu she sonde pali Yesu kabili no kutetekela muli fyonse ulubatisho lwa kwa Yesu no mulopa Wakwe pa Capindama.
Ninshi abantu abengi bakanina ulubatisho Lwakwe nangula lulondololwa sana ukubwekeshiwapo mu Cipingo? Pakucita ifi bacili babembu nangu balitetekela muli Yesu. Kuti batetekela muli Yesu lelo bacili baliputulwako kuli Lesa. Babembu ababulanda abakaya ku gehena nangula bengatetekela muli Yesu.
Bushe kuti baba shani ababembu nga balitetekele muli Yesu? Ninshi bekalila nga ababembu? Ninshi baleila munshila ya bonaushi? Cabulanda sana. Bakatwalilila ukushala ababembu pantu tabatetekela mu cishinka cakuti imembu shonse ishe sonde shalibikilwe pali Yesu Kristu, uwaletele ipusukilo lya muyayaya ku bantu bonse ukupitila mu lubatisho Lwakwe ulwa ku mupashi.
Abantu batontonkanya ukuti balilubulwa pa kutetekela mu mulopa wa kwa Yesu, lelo icitetekelo ca musangoyu tacibalenga ukupwililika. Ninshi? Pantu balifilwa ukupela imembu shabo pali Yesu!
Kuti twapusuka fye pa kutetekela mu menshi (ulubatisho lwa kwa Yesu) no mulopa Wakwe munshila iyo Lesa abikileko: ipusukilo lya kusembululwa kwa ku mupashi. Nomba, elyo twingaba, abana ba kwa Lesa abacine.
Tulingile ukuipusha fwebene. “Nga tuletetekela fye mu mulopa wa kwa Yesu nga ukusembululwa kwa ku mupashi, bushe imembu shesu kuti shasambwa umupwilapo?” Tulingile ukulolekesha mukati ka mitima yesu sana no kufwaya ubwasuko.
Mu Cipingo Cakale, abantu balepusuka ukupitila mu kusembululwa no mulopa wa mwana wampanga ngefyo twawinine ipusukilo ukupitila mu lubatisho lwa kwa Yesu no mulopa Wakwe pa Capindama. Muli iyi nshila twalipuswike ukufuma kubupingushi bwa kwa Lesa no kufuma ku calo ca lubembu. Bonse abatetekela balaba abana ba kwa Lesa na Lesa alaba wishibo.
Umuntu uwapusuka kabili alaba umo pa ba kwa Lesa pa kutetekela muli ifi fintu fibili: ukusembululwa no mulopa wa mwana wa mpanga uwacaucilila, ichakumwenako, ulubatisho lwa kwa Yesu no mulopa Wakwe. Ici ecine ukukonka na Yesu. Ubu ebupilibulo bwa kufyalwa libili ku menshi, umulopa no Mupashi.

BUSHE UBULUBUSHI BWA MENSHI NO MUPASHI UBWA LUMBULWA MU CIPINGO NINSHI?

Bushe ababembu kuti baba abalungami mu kutetekela mu mulopa wa kwa Yesu?

Nakalya.

Yesu ashile icipuna Cakwe icabufumu mu mulu no kwikila pano isonde. Alibatishiwe kuli Yohane kabatisha pamushinku uwa 30 ukusenda imembu shonse ishe sonde.
Umulopa wa kwa Yesu pa Capindama wali kusekwa Kwakwe pa membu sha babembu bonse mwi isonde. Yesu Kristu aishile nga Kapususha kuli lino isonde no kupususha ababembu bonse ukufuma ku membu shabo ukupitila mu menshi no mulopa.
Bushe twafyala libili ku mulopa weka? Awe. Twapusuka ukufuma ku lubembu ku lubatisho lwa kwa Yesu no mulopa Wakwe. Ndefwaya ukwipushako ilipusho kuli abo abatetekela fye mu mulopa wa kwa Yesu. “Bushe ababembu kuti baba abalungami mu kutetekela fye mu mulopa wa kwa Kristu, nangu kupitila muli fyonse ulubatisho Lwakwe no mulopa Wakwe pa Capindama? Bushe ni mu cisumino ukuti twabika imembu shonse pali Yesu ukupitila mu lubatisho Lwakwe no mulopa nangu ni mukupitila fye mu mulopa? Icine ni cisa, namipusha?”
Ukufyalwa libili icine cine ku menshi no Mupashi, tulingile ukufikilisha ifikonkelepo. Tufwile ukutetekela ukuti Yesu aishile pano isonde mu mubili, ukuti asendele pa Mwine Eka imembu shonse ishe sonde ku Yordani no lubatisho Lwakwe kabili Alipingwilwe pa membu shesu shonse pa Capindama. Pakutetekela muli Yesu Kristu, Kapususha wesu uwa cine, muli iyi nshila, kuti twafyalwa libili icine cine.
Namipusha nakabili. Bushe icitetekelo calondolola shani mu Cipingo? Bushe citetekelo mu mulopa wa kwa Yesu? nangu ni muli fyonse ulubatisho lwa kwa Yesu no mulopa Wakwe?
Icitetekelo mu mulopa wa kwa Yesu cabe nga ifi. Yesu alipingulwa no kusekwa pa membu shonse ishe sonde. Alipuminwe no kucenwa pa membu shesu, mwapuswike ukufuma ku bupingushi bwa bipisha. Lelo ici te cine icapwililika. Ilyo tatulapokelela ili sambilisho, tulingile ukwipushapo icintu cimo. Bushe ninshi alingile ukutanikwa pa Capindama?
Icipingo calondolola bwino bwino ukuti icilambu ca lubembu ni mfwa. Yesu tapangilepo ulubembu ululi lonse muli lino isonde. Aishile mu mubili wa muntu ukupitila mu mubili wa kwa Maria, lelo Aishile mu cipasho ca bantu Bakwe nga Umwana wa kwa Lesa Uwamushilo kabili Kapususha wa babembu. Ecalengele abatishiwe kuli Yohane Kabatisha ilyo talafwa pa Capindama. Ilyo abatishiwe, asendele imembu shonse ishesu pa Mwine Eka. Eifyo, ukwabula ulubatisho, teti apingulwe ukusumwa umulopa pa Capindama.

INSHILA YA MALAMBO MU CIPINGO CA KALE

Bushe fikankala nshi balekonka mukutuula ilambo?

(1). Inama ya mweo iyabula akalema

(2). Ukubikwapo iminwe

(3). Umulopa waciko

Natuloleshe pali ici cine ukupitila mu nshila ya malambo aye Hema ilya Shila. Mu Cipingo ca Kale, nangu mubembu nangu ni shimapepo mukalamba alebika amaboko yakwe pe lambo lya mwana wa mpanga nangu imbushi ukupela ulubembu lwakwe umwine nangu imembu sha bena Israele pa mutwe waciko. Ifya kutuula ilyo fyalepelwa no kutuula pa cipailo. Icipingo ca Kale cali cipasho ca Cipingo Cipya, na Yesu Kristu lyali lilambo lya Mwana wampanga Lesa Alaile ukutuma.
Bushe ni lilali bonse imwe mwapele imembu shenu shonse pali Yesu? Ndefwaya mutontonkanyepo no kwasuka ili lipusho. Mu Cipingo ca Kale, abena Israele tabaleipaya inama sha malambo ukwabula ukubikapo iminwe (ukubikapo imwinwe kupilibula ukubika ulubembu pa capalubembu). Ilyo icapalubembu caletwa pa nthashi ya cipailo, ukubikwapo iminwe ekwalecitwa pakubala pakuti imembu shipelwe pa nama shamalambo.
“Ashimpepo iminwe yakwe pa mutwe wa ca kuninika” (Ubwina Lebi 1:4). Calilembwa mu Bwina Lebi ukuti ifyakutula fyonse fyalefwaikwa ukubikwapo iminwe. Pa kubikwa iminwe pa mutwe wa ca kutuula, abantu ba Israele balepeela imembu shabo pali cena, kabili no kutuula umulopa waciko mu citetekelo kuli Lesa, ukuti bapusuke ukufuma ku membu shabo. Abena Israele nabo balipuswike ku citetekelo munshita ya Cipingo ca Kale.
Ilyo icakuninika calepelwa kuli Lesa, umubembu ali no kubika iminwe shakwe pa mutwe waciko mukupela imembu shamubembu. Icakutula elyo caleipaiwa mu lubali lwa mubembu. Umulopa walashingwa pa nsengo shine isha cipailo no waleshalako walepongolwelwa pa mushili panshi ya cipailo. Ifi efyo ababembu balelubulwa.
Mu Cipingo Cipya ababembu kuti balubulwa ku membu shabo shonse ukupitila mu citetekelo cabo mu menshi no mulopa ifya kwa Yesu. 1 Yohane 5:1-10 isosa ukuti umubembu alilubulwa ilyo atetekela mu lubatisho lwa kwa Yesu no mulopa wa mwana wa mpanga (Icapindama).
Eico umubembu uli onse kuti alubulwa nga cakutila natetekela muli fyonse ulubatisho lwa kwa Yesu no mulopa Wakwe pa Capindama. Ulubatisho lwa kwa Yesu no mulopa Wakwe, fyonse pamo no Mupashi wa Mushilo, fikankala mu kufyalwa libili ku menshi no Mupashi.
Mwe batemwikwa, bushe kuti mwalubulwa fye mu kutetekela mu mulopa wa kwa Yesu Kristu? Abo abatontonkanya ukuti kuti bafyalwa libili pakutetekela fye mu mulopa pa Capindama bacili no lubembu mu mitima yabo. Lelo kuti twapusuka ukufuma ku membu shesu shonse pa kutetekela mu lubatisho lwa kwa Yesu nga ukusembululwa kwa ku mupashi kwa Cipingo Cipya, uko pali ino nshita cili cimo cine kukusembululwa kwalondololwa mu Cipingo ca Kale.
Ifilonganino fyonse fyalikwata amasambilisho ya fiko. Twalishiba ukuti bali no kuya ku gehena kanofye baleka ifisumino basuminamo ifyabufi. Ulukuta lwa Presibyterian lukonkomehsa pesambililo lyakulingilwa kabela; Ulukuta lwa Methodist lupatikisha abanthu mu kusala kwabo, icakumwenako ubuntunse; ulukuta lwa Baptist, lubatisho; no lukuta lwa ba Holiness, ubwikashi, ubwamushilo; fyonse ifi fyalifuma ku mashiwi ya cine.
Lelo amashiwi ya cine mu cipingo yalanda shani pa kufyalwa libili? Icipingo cisosa icine cisangwa mu lubatisho lwa kwa Yesu no mulopa. Uuli onse uwatetekela no kukonka icebo ca kwa Lesa no kukwata icitetekelo mu kufyalwa libili ku menshi no Mupashi akasanga ubulubushi.

BUSHE INKAMA YA LUBATISHO LWA KWA YESU NINSHI?

Bushe ukusembululwa kwa ku mupashi mu Cipingo Cipya cinshi?

Lubatisho lwa kwa Yesu.

Ulubatisho lwa kwa Yesu lwali kusembululwa kwa ku mupashi mu Cipingo Cakale, Lesa asosele ukuti onse ushasembululwa afwile ukuputulwako ku bantu Bakwe.
Tulingile ukwishiba no kutetekela ukuti ukusembululwa kwaku mupashi mu cipingo cipya mucine lubatisho lwa Kwa Yesu. Pantu Yesu alibatishiwe kuli Yohane kabatisha pakutendeka umulimo wakwe uwapalwala, kuti twasembululwa kumupashi pakutetekela mu lubatisho Lwakwe. Tulingile ukutekanya ukutontonkanya umulandu ico Yesu Ali no kubatishiwa kuli Yohane kabatisha.
“Elyo Yesu afumine kugalili, aile ku yordani kuli Yohane, ku kubatishiwa kuli wene. Apana amukane ine ndekabila ukubatishiwa kuli imwe, naimwe bushe mwaisa kuli ine lelo? Lelo Yesu Ali yaswike ati, leka cibefi nomba; pantu efyo catuyana ukufikilisha ubulungami bonse elyo amusuminishe” (Mateyo 3:13-15).
Yesu alibatishiwe kuli Yohane kabatisha ku yordani, “umumana wamfwa.” Yohane kabatisha abikile iminwe yakwe pa mutwe wakwa Yesu alibile onse mu menshi. Iyi enshila iyawama iya kubatishiwa (ulubatisho: ukwibishiwa mu menshi). Mukutila Yesu asende imembu shonse ishe sonde, Alingile ukubatishiwa mu nshila imo ine, ukubikapo Kwa minwe ukuli cimo cine na mu cipingo cakale.
Ulubatisho lwakwa Yesu kusembululwa Kwa ku mupashi kuli abo abatetekela muli Yesu. “Pantu efyo catuyana ukufishya ubulungami” (Mateyo 3:15). Cali ngile ukuti Yesu asende imembu shonse ishe sonde kabili Aliba Lesa wesu kabili kapususha. Efyo, calingile, ngefyo cale mbelwe, ukuti afwile pa capindama ne membu shesu shonse pa mutwe wakwe.
Ulubatisho lwakwa Yesu lwalikwata amaka ayakulenga ababembu ukufyalwa libili. Ninkama yambilansuma ya menshi no mupashi.
Icakubalilapo cakuti Yesu acitile umulimo wakwe uwapa lwalala kukupususha ababembu ukufuma ku membu shonse ishabo wali wakubatishiwa na Yohane kabatisha. Ulubayisho “Cipilibula ukusambwa, ukushikwa, ukubikwapo.”
Ukubatishiwa mu nshila yalefwaya Lesa, Yesu asendele imembu shonse pamwine eka.
“Moneni! Umwana wapanga wakwa Lesa, ulesenda ulubembu lwa pano isonde!” (Yohane 1:29). Ulubatisho lwakwa Yesu lupilibula ukuti abantu bonse abamwisonde abatetekela muli Yesu balisembululwa kumupashi.
Panuma, aile kucapindama ngo mwana wa mpanga uwa Kwa Lesa uwasendele imembu shonse ishe sonde nokupokelela ubumpingushi pa babembu bonse. Eifyo, apususha umutundu wa muntu onse ukufuma kulibembu.
Eicho abo bonse abaletetekela mu lubatisho lwa Kwa Yesu Kristu, ukusembululwa kwa mu cipingo cakale, no mulopa wakwe pa capindama nge pusukilo lyabo balapusuka ukufuma ku membu shabo shonse. Yesu kristu alipususha ababembu bonse nolubatisho lwakwe kabili no mulopa wakwe. Ici ecine cakusembululwa kwa ku mupashi.

BUSHE IPUSUKILO NIKU MULOPA WEKA? NAKALYA, TEFYO.

Ni kunshi Yesu aishile pano isonde?

Ku menshi no mulopa

1 Yohane 5:4-8, “Pantu fyonse ifya fyalwa kuli lesa ficimfya ifyapano isonde. No kucimfya ukucimfya fyapano isonde-icitetekelo cesu. Kabili uucimfya isonde niani, Kano uutetekela ukuti Yesu mwana wakwa Lesa?Yesu kristu, wene ewa ishile ku menshi no mulopa-mu menshi yeka iyo; lelo mu menshi na mu mulopa. Umupashi ushimika ubunte, umupashi ecine. Kwaliba ifintu fitatu ifishimika ubunte kumulu: Lesa Tata, Ishiwi, no Mupashi wa Mushilo; nefi fitatu fyaba umo. Kabili kwaba fitatu ifishimika ubunte pano calo: Umupashi, amenshi, kabili no mulopa; nefi fitatu fisuminisha nga cimo.”
Mwe bena kristu banandi, bunte nshi mwakwata pali wene nga kapususha wenu? Tecimbi ukucila icitetekelo mu mwana wakwa Lesa uwaishile ku menshi no mulopa.
Kucimfyanshi ukucimfya isonde? Tepali cimbi ukucila amaka ya citetekelo mu menshi no mulopa. Ni Yesu kristu uwa ishile ku menshi no mulopa. Kabili Mupashi eushimika bunte, pantu Umupashi ecine.
Kwaliba ifintu fitatu ifipela ubunte pano calo; Amenshi, Umulopa no Mupashi. Nefi fitatu filasuminisha cimo.Yesu aishile pano isonde mu mubili, alibatishiwe no kufwa pacapindama ukupusushya ifwe ukufuma mukusekwa Kwa muyayaya. Icishininkisho cakuti Lesa, Kabumba, aishile ba kapususha wa babembu bonse mu mbilansuma ya Menshi no Mupashi iyi tumpusisha ifwe bonse.
Cishinka cesu cakuti Yesu, uwaishile pano isonde ngo Mupashi mu mubili, alibatishiwe mu yordani ukusenda pamwine eka imembu shesu shonse, nokusumya Umulopa pacapindama mukupokelela ubumpingushi pa membu shesu. Elyo apususha bonse abatetekela muli ena. Iyi embilansuma iya cine iya Menshi no Mupashi.

BUSHE AMENSHI NO MUPASHI IFIBELA UBUNTE KWIPUSUKILO LYA KWA LESA FINSHI?

Cipasho nshi cakusembululwa Ica londololwa mu cipingo cakale?
Ulubatisho lwakwa Yesu

Amenshi yalepilibula ulubatisho lwakwa Yesu kristu. Mu cipingo cakale ulubatisho lwakwa Yesu, lwalepilibula ukusembululwa. Icipasho ca kusembululwa mu cipingo cakale lubabatisho lwakwa Yesu mu cipingo cipya. Icishininkisho cakuti imembu shonse ishe sonde shalibikilwe Pali Yesu caba mulubatisho lwakwa Yesu.
Uuli onse uwatetekela muli ici cine kuti aiminina kuli Lesa no kusosa nakapingu musuma, “Nimwebo kapususha wandi, mwemfumu yandi Pantu nalitetekela mulubatisho lwenu mu mulopa wenu, imbilansuna ya Menshi no Mupashi. Eico, nshakwata ulubembu. Ndimwana wakwa Lesa kabili muli kapususha wandi.” Kuti twalubulwa ifi necitetekelo cacine. Umulandu twingalandila ifi nipamulandu wacitetekelo mu lubatisho lwakwa Yesu no mulopa wakwe.
Icebo icitushininkisha ukufyalwa libili? lubatisho lwakwa Yesu no mulopa wakwe pa Capindama, ubuli bunte bwepusukilo mu mitima yesu. Nimbilansuma ya kufyalwa kumenshi no mulopa.
Mwebena Kristu, ndemipusha nakabili, “Bushe umubembu kuti apusuka fye ukupitila mu cisumino fye mu mulopa wakwa kristu?” Awe. Ipusukilo tecisumino fye mu mfwa Yakwe pa Capindama cilifye ukupitila mu cisumino muli fyonse Amenshi no Mulopa-imbilansuna ya Menshi no Mupashi-pakuti ababembu benga fyalwa libili. Lekeni nomba tumone mu cipingo, ico icilanda pa menshi nangu mumashiwi yambi ulubatisho lwakwa Yesu.
1 Petro3:21-22 itila, “Kuli icipasho icilepusha ifwe nomba, icitwa ulubatisho (tekusamba fye ifiko kumubili, lelo kulomba kampingu musuma Kuli Lesa), ukupitila muku buka kwakwa Yesu kristu, uuli kukwakulyo kwa Kwa Lesa, nao pakuya mu mulu, bamalaika, naba lupaka naba maka balengwe ukulamba kuli wene.”
Umutumwa Petro abele ubunte ukuti ulubatisho lwakwa Yesu lwali cipasho icilepusha ifwe, kabili cali cishininkisho cepusukilo ukufuma ku lubembu. Ulubatisho lwakwa Yesu lwali palana no kusembululwa mu Cipingo Cakale, ngefyo abantu ba israele batetekele mucebo cakwa Lesa no kuputulwako inkanda shabo ishakuntashi ukuba abana bakwa Lesa mu nshita yacipingo Cakale, ulubatisho lwakwa Yesu lulatupususha ifwe ukufuma ku membu shonse ishesu mu nshita yacipingo Cipya.
Eico ukusembululwa mu Cipingo Cakale no ulubatisho lwakwa Yesu mu Cipingo Cipya cimo kabili fimo fine. Bushe nomba ukuti mwalitetekela ulubatisho lwakwa Yesu. Mu cine cimo cine nokusembululwa? Ngefyo calembwa muli 1 Petro3:21, Kuli icipasho icilepususha ifwe nomba, icitwa ulubatisho. Bushe kuti watalikana ne cebo icalembwa ica Kwa Lesa?
Bushe ninshi cabela ukuti ifwe, abekala muli lino isonde, twingakakulwa ku lubembu? Cilifye Pantu Yesu Ali batishiwe ukufikilisha ubulungami bonse ukuti ipusukilo ukufuma ku lubembu isangwe kuli ifwe. Mateyo 3:15 itila, “Pantu efyo catuyana ukufishya ubulungami bonse.”
Pantu imembu shonse ishe sonde shalibikilwe Pali Yesu, bonse abaletetekela muli ena nomba tabakwete ulubembu. Kuti twaba abalungami ku kupokelela icine ica kuti imembu shonse ishesu sha bikilwe pali Yesu ukupitila mu lubatisho Lwakwe. Yesu kristu asendele imembu shesu shonse pamwine eka no kufwa pa Capindama mukutupususha ifwe ukufuma ku bupingushi bonse.
Mwebanandi, ifintu fibili ifipususha ababembu ukufuma ku membu shabo Menshi no Mulopa. Ena kusenda imembu shesu kabili ena kufwa pali ifwe pa Capindama, ifintu fibili ifikulu ifyo Yesu acitile pali ifwe mu myaka itatu mu mulimo wakwe uwapalwalala muli ino isonde.
Yohane 1:29 itila, “Moneni! Umwana wapanga uwakwa Lesa, uulesenda ulubembu lwa pano isonde!” Yesu kristu alibatishiwe ukusenda ulubembu lwa pano isonde no kufwa pa Capindama pakukonsola pabulubushi bwesu. Yesu umwana wakwa Lesa, kabili nga kabumba, afikilishe icipangano cakusembululwa eco Lesa apangile mu Cipingo Cakale pakusenda imembu she sonde.
Uulionse uletetekela mu mutima wakwe mu imbilansuna ya lubatisho Lwakwe Yesu, amenshi no mulopa akafyalwa libili ku menshi no mupashi. Kabili imfumu ikaba kapususha wa abo bonse abaletetekela. Natotela mwe mfumu, aleluya! Yesu alifikilisha ipusukilo yesu ngefyo Lesa alaile, kabili alitupususha ukufuma ku membu shonse ishe sonde.

TEKUFUMYA IFIKO KUMUBILI

Bushe umubili ulaba uwa sangulwa ne nshita?

Awe, umubili utwalilila ukufushya ulubembu mpaka no bushiku twafwa.

1 Petro 3:21 itila, “Kwaliba icipasho icitupususha ifwe, Icitwa ulubatisho (te kusamba fye ifiko fya ku mubili, lelo kulomba kampingu musuma kuli Lesa), ukubuka kwa kwa Yesu Kristu.”
Ilyo umo aisa mukutetekela muli Yesu kristu nga kapususha wakwe, ta cilepilibula aleka ukupanga imembu kumubili. Kuti twatwalila ukubembuka, lelo kutetekela mulubatisho lwa kwa Yesu, kuti twapela imembu shesu shonse ishe sonde pali Yesu, uwashilipile no mulopa Wakwe pa Capindama. Pakutetekela muli ifi fintu fibili ngefikankala mwipusukilo lyesu, twalipusuka ku membu.
Ukufyalwa libili Cipilibula ukupokelela Yesu mu mtima yesu ngakapususha wa muntu onse. Ukwelelwa kwa membu kulafikilishiwa nako mumitima yesu. Elyo twatetekela mulubatisho lwakwa Yesu no mulopa Wakwe pa Capindama, Imitima yesu ila fyalwa libili, lelo tutwalilila ukucita ulubembu no bupulumushi ne mubili yesu. Lelo imembu shesu shonse mu mubili shalyelelwa akale.
Ulubatisho lwakwa Yesu bunte kuli abo bonse abapusuka. Tatwakwata ulubembu elyo twatetekela ukwelelwa kwa membu ukupitila mu lubatisho lwakwa kristu. Twafyalwa libili elyo twasenda mu mtima Yesu icine ce pusukilo ukupitila mu lubatisho lwakwa yesu no kuba abalungami ukupitila mu mbilansuma ya Menshi no Mupashi.
Ici citetekelo cakwa Abrahamu mu Cipingo Cakale, icitetekelo cakuba umulungami ico umutumwi Paulo alelandapo, ne cipasho ce pusukilo ico umutumwi Petro apele ubunte.
Ngefyo Abrahamu aumfwile no kutetekela mu cebo ca kwa Lesa no kuba umulungami, tulapusuka elyo twatetekela mulubatisho lwakwa Yesu ne fwa yakwe pa Capindama.
Yohane 1:12 itila, “Lelo abo bene abumusekelele, abatetekele ishina lyakwe, abapele amaka ayakuba abana bakwa Lesa, nakuli abo abasumina mwishina Lyakwe.” Bushe mulemusumina Yesu Kristu, uyo uwatupususha ku membu ishesu ukupitila mu lubatisho lwakwe no mulopa, ngakapususha obe? Tufwile ukupokelela ipusukilo ilyapelwa kuli ifwe ukupitila mu menshi no mulopa ifya mwana wakwa Lesa.
Bushe ipusukilo mulopa wakwa Yesu kristu fye? Awe. Nikumenshi no mulopa wakwa Yesu. Mu Cipingo, calilondololwa bwino bwino ukuti ipusukilo talyabafwe mu mulopa wakwa Yesu fye weka. Ni kulubatisho lwakwa Yesu no mulopa wakwe.
Ulubatisho Lwakwa Yesu kusembululwa kwa ku mupashi mu Cipingo Cipya. Cine cepusukilo ico ica putulako imembu shonse ishesu ukufuma kuli ifwe. Icishinka cakuti alipingwilwe pa membu she sonde Cipilibula ukuti apingwilwe pali ifwe, imwe naine.
Ukupokelela kwa mbilansuma ya kwelelwa kwa membu, ulubatisho Lwakwa Yesu no mulopa, twalikakulwa ukufuma ku bupingushi pa membu shesu shonse. Ne citetekelo cesu, twalipusuka ukufuma ku membu shesu tupanga muli lino isonde. Ilyo twasenda ulubatisho Lwakwa Yesu no mulopa nge pusukilo yesu, imembu shonse mu mitima shalasambwa. Bushe muletetekela no kuba ici ica cine? Ndesubila mu cine ukuti bonse mukatetekele mu mbilansuma ya menshi no Mupashi.Tetekela no kunonka umweo wa muyayaya.
Umutumwa Paulo asosele ukuti, “No kusembululwa ukwine kwa ku mtima” (Abena Roma 2:29). Bushe tusembululwa shani ku mutima? Kuti twasembululwa kumupashi ilyo twatetekela mu kwisa kwa Yesu muli lino isonde mu mubili, mu lubatisho Lwakwe ukusenda imembu shonse ishe sonde, mu fwa Yakwe pa Capindama pa membu shesu, no kubuka Kwakwe ukufuma ku bafwa.
Umutumwa Paulo asosele ukuti ukusembululwa nikulya ukwaku mutima. Ukusembululwa kwa ku mtima kupilibula ukutetekela mulubatisho lwakwa Yesu no mulopa Wakwe. Nga ulefyaya ukusembululwa mu mutima obe, ulingile ukusenda mumutima obe imbilansuna ya lubatisho Lwakwa Yesu no mulopa. Elyo, kabili fye wingaba icine cine umwana wakwa Lesa.

BUSHE YOHANE KABATISHA ATUMINWE NA LESA?

Bushe Yohane kabatisha ali ninani?
Ali mwiminishi wa mutundu wa muntu kabili shimapepo mukalamba uwakulekelesha ukulingana no bukonkani bwa kwa Aarone.

Apa, tulefwaya ukwipusha ali ninani Yohane kabatisha uwabatishe Yesu kristu. Yohane kabatisha ali mwiminishi wa mutundu wa muntu onse. Mateyo 11:11-14 atile, “Ndemyeba icine cine, nati, mubafyalwa kubanakashi tamwaiminine uwacila pali Yohane kabatisha; lelo uwacepesha mu bufumu bwa mu mulu mukalamba Kuli wene. Ukufuma pa nshiku sha kwa Yohane ukufika pali nomba ubufumu bwa mu mulu bwapatikishiwa, aba mupatikisha babupoka ku maka. Pantu bakasesema bonse na malango fyabusesemene ukufika pali Yohane. Kabili nga mulefyaya ukucunfwa wene, e eliya uyo batila akesa.”
Mwebena kristu, Yesu asosele ukuti takwaba umo umukalamba ukucila pali Yohane kabatisha pabafyalwa kubanakashi. Nokufyalwa kwakwa Yohane kabatisha, munshita ya Cipangano ca kubalilapo ica Kwa Lesa, inshita ya Cipingo Cakale yalipwile. Pantu Yesu uwali no kufikilisha Icipangano ca kwa Lesa ali isa mukulekelesha.
Ali ninani nomba, uwali no kufikilisha Icipangano ca cakwa Lesa? Yesu kristu na Yohane kabatisha. Yohane kabatisha abikile imembu shonse ishe sonde pali Yesu. Ninani uwali shimapepo mukalamba mu Cipingo Cakale? Ninani ulupwa lwakwa Aarone? Yesu kristu umwine abele ubunte ukutila, tapali umbi ukucila pali Yohane kabatisha. Yohane kabatisha ali mwiminishi wa mutundu wa muntu, mukalamba ukucila paba fyalwa kubanakashi.
Natutontonkanye pa fishinka twakwata pali bonse. Mose, Abrahamu, isaki na Yakobo bonse bafyelwe ku mwanakashi. Lelo pa bantu mu Cipingo Cakale ne Cipingo Cipya, ninani uwali mukalamba ku bafyalwa kubanakashi? Ni Yohane kabatisha.
Yohane kabatisha, ngakasesema wakulekelesha uwa Cipingo Cakale kabili lupwa lwa kwa Aarone, uwabatishe umwana wa mpanga wa kwa Lesa mu Cipingo Cipya mu nshila imo iyo Aarone alebika iminwe yakwe pe ilambo yakutula pa bushiku bwakukonsolwela mu Cipingo Cakale. Abatishe Yesu kabili alibikile imembu shonse ishe sonde pali Yesu. Ali mubomfyi wa kwa Lesa. Afikilishe ukusembululwa kwa ku mupashi mumutima ya mutundu wa muntu ku kubatisha Yesu Kristu.
Pamo no lubatisho Lwakwa Yesu, tufwile ukutetekela mu mulopa Wakwe ngo bunte kwipusukilo lyesu. Yesu kristu alisendele imembu shonse ishe sonde ukupitila mu lubatisho Lwakwe no kupingulwa palishena. Kabili icintu fye ifwe twingacita mukwanguka kutetekelafye. Bufwayo Bwakwa Lesa ukuti tutetekele mufyo Yesu acitile.
Ilyo wasenda mu mtima obe imbilansuna yakufyalwa libili ku menshi no Mupashi, kuti wa isaba ulupwa lwakwa Abrahamu kabili umwana wakwa Lesa. Kwaba abanonofye ababa muli Yesu ilyo kwaba abengi abashila musumina mumutima yabo.
Akasuba kali mupepi no kuwa kabili ne mfifi ili pano. Tetekela mulubatisho Lwakwa Yesu no kumusuminisha ukwingila mumutima obe. Icitetekelo mulubatisho Lwakwa Yesu no mulopa Wakwe icikalenga ukupalwa ne pusukilo lya mupashi.
Sungeni mumano fyonse ukuti ukusubwa kwa ku mupashi kwise ilyo mwacetekela mu mbilansuma ye pusukilo, mbilansuma ya lubatisho Lwakwa Yesu no mulopa Wakwe. Ndefwaya imwe ukwishiba ukuti mwapekanya inyali ya ku mupashi (Ulukuta) na mafuta (Umupashi wa Mushilo) abakashana aba Mano (Mateyo 25:4) pakutetekela mu mbilansuma ya lubatisho lwakwa Yesu no mulopa Wakwe. Bonse abatetekela muli Yesu baya ku lukuta no Mupashi mumitima yabo.

NIBANANI YESU ABATISHIWILE?

Nipali cinshi Yesu abatishiwile?
Ukusamba imembu shonse Ishamutundu wa muntu.

“Ine ndekabila ulubatishiwa kuli imwe, naimwe bushe mwaisa kuli ine? lelo Yesu alyaswike ati, leka cibefi, nomba pantu ifyo catuyana ukufishya ubulungami bonse” (Mateyo 3:14-15).
Yesu alibatishiwe ku ukusamba imembu shonse Isha mutundu wa muntu.Yesu kristu mwana wakwa Lesa kabili kapususha wesu. Nikabumba uwapangile ifwe. Yesu Kristu aishile ku kufwaya Kwakwa Lesa, Tata, ukutulenga abantu Bakwe.
Nipali nani bakasesema balandapo mu Cipingo Cakale? balelanda pali Yesu Kristu. Bakasesema bonse ba mu Cipingo Cakale balelanda pali Yesu ukwisa pali lino isonde mu kusenda imembu shesu shonse nokutukakula ukufuma ku membu umuyayaya.
Yesu aishile pano isonde ngefyo asesemenwe mu Cipingo Cakale no kusenda imembu shonse Isha mutundu wa muntu ukufuma kuli Adamu na Eva ukufika ku muntu uwakulekelesha pa calo.
Nomba, senda mumutima obe ipusukilo ukupitila mu lubatisho Lwakwa Yesu no mulopa. Bushe ucili uletwishika ukuti ici cishinka? Bushe mucili namukwata ulubembu mumitima yenu? “Pantu ifyo catuyana ukufikilisha ubulungami bonse.” Yesu alibatishiwe kuli Yohane kabatisha ukufikilisha ubulungami bonse.
Ishiwi “Ulubatisho” iline lilepilibula “ukusambwa.” Yesu alibatishiwe kuli Yohane kabatisha munshila ya kubikwapo iminwe ukwalondololwa mu Cipingo Cakale.
Panuma yakusenda imembu shonse Isha mutundu wa muntu, aibile umwine mu menshi mu Yordani. Umumana upilibula ifwa no bupingushi paba bembu. Ukwibishiwa kwa kwa Yesu mu menshi kwimininako ifwa pa Capindama. Ukufuma Kwakwe mu menshi kwimininako ukututubuka. Yesu alitutubwike pa nshiku shalenga shitatu panuma yakufwa pa Capindama.
Yesu ni Lesa wesu kabili kapususha. Icishinka cakuti Yesu aishile mu lino isonde ku kubatishiwa, ukusuma Umulopa kumfwa pa Capindama, alitutubwike pa nshiku bwalenga shitatu, kabili aikala kukuboko ukwa kulyo ukwa kwa Lesa, cishininkisho apabuta ukuti alipususha umutundu wa muntu ukufuma ku fwa. Bushe mwalitetekela mucishinka ici cine?
Ulubatisho lwakwa Yesu kusembululwa ku mupashi kwa Cipingo Cipya. “Ukusembululwa nikulya ukwaku mtima.” Ukusembululwa Kwa ku mtima kwapwililike ilyo twatetekela mulubatisho Lwakwa Yesu, icine ca kupela imembu shonse pali Yesu. Kusembululwa kwa mtima kwishiba ulubatisho Lwakwa Yesu ukupitila mufyo twapele imembu shesu pali Yesu.
Bushe walisembululwa mumutima obe? Nga walitetekela mukusembululwa kwa mtima, imembu shonse shikasambwa umuku umo empela. Palwa ici Yesu afikilishe ubulungami bonse necine cepusukilo kubabembu bonse.
Mwebena Kristu, sendeni ici icishininkisho cepusukilo mumitima yenu na mumano yenu. Ici ecine. Ilyo mwasenda mumutima wenu ipusukilo Yakwa Yesu, mukakakulwa ku membu shenu shonse. “Lelo abo bene abamusekelele, batetekela ishina Lyakwe abapele amaka ayakuba abana bakwa Lesa” (Yohane 1:12).
Bushe mulemona nomba umulandu Yesu aishile muli lino isonde mukubatishiwa? Muletetekela nomba? Yesu alibatishiwe ukusenda imembu shonse Isha mutundu wa muntu. Lwali lubatisho lwa kusembululwa. Ulubatisho Lwakwa Yesu lutupela ukusembululwa kwa ku mupashi.Ecalenga umutumwa Paulo atweba ukusembululwa mu mitima yesu. Yesu apabuuta tutu alipususha ifwe no lubatisho Lwakwe no mulopa tapali ifyo twingacita lelo kucetekela mu mitima yesu. Kuti twasosa, “ee Amen.” Ku cebo ca kwa Lesa mumitima yesu.Bushe tecacine ici? Bushe muletetekelamo?

BUSHE WALIPOKELELA ICI CINE MU MUTIMA OBE?

Cinshi tulingile ukucita ilyo tatula shinshimuna Yesu?
Tulingile twasenda mumitima yesu icine ca menshi no mulopa.

Mupepi ne myaka 2000 yapita apo Yesu aishile kuli lino isonde. Ubu bushiku ne nshita yakusenaminwa kwa kwa Lesa, tufwile ukusenda icine mumitima yesu, amenshi no mulopa ifyakwa Yesu. Tapali fimbi efyo twingacita.
"Ukusembululwa nikulya ukwaku mtima." Tulingile ukusembululwa ukupitila mu citetekelo mu mitima yesu. Kuti twapusuka ukupitila pa citetekelo. Mu Cipingo Cakale, abena Israele balepusuka ukupitila mu ku sembululwa no mulopa uwa cakucilila uyo uwabikwa pafibi napafibumba fyamayanda.
Bonse abatetekela mulubatisho Lwakwa Yesu no mulopa Wakwe nge pusukilo lyabo tabatina ubumpingushi bwakwa Lesa pantu bakabacilila. Lelo ubumpingushi bwakwa Lesa bukaponena bonse abo abashasenda icine mumitima yabo. Kwaliba abengi aba tetekela muli Yesu apafye kabili efyo bicili abasha ba membu shabo.
Bushe bafika shani aba? Cinshi baleculila kulubembu? Nipamulandu tabaishiba ifyacine ca lubatisho Lwakwa Yesu no mulopa. Batetekelafye mu mulopa Wakwa Yesu, ukushako nangu kusula ulubatisho Lwakwe.
Bushe ipusukilo kuti lyakwatwa ukupitila mu cisumino mu mulopa wakwa Yesu fye? Bushe Icipingo citweba ati ifi efyo? Bushe finshi ifyo Icipingo Cakale ne Cipingo Cipya filanda pali ici? Ukulingana ne Cipingo, temulopa fye wa mwana wapanga wakwa Lesa lelo na kulubatisho Lwakwe Yesu ukuti ipusukilo lipwililike (1Yohane 5:3-6).
Bushe mwalitetekela mu mulopa wakwa Yesu weka? Bonse abatetekela bafwile ukukwata ulubembu mumitima yabo. Bafwile ukucimfya icitetekelo cabo icishalungama no kubwelela ku mbilansuma iya cine.
Bonse abashatetekela bafwile ukwishiba nomba ukuti balilufishiwa ukwabula ukwishiba, ukuti Yesu alisenda ulubembu lonse ku Yordani ukupitila mu lubatisho Lwakwe. Bafwile ukusumina ukuti baliluba ukusula ukupokelela ulubatisho Lwakwa Yesu. Bafwile ukusenda mumitima yabo ukuti Yesu alisenda imembu shonse ishe sonde ukupitila mu lubatisho Lwakwe. Ipusukilo lisangwafye ilyo twatetekela muli fyonse ulubatisho Lwakwa Yesu ne Capindama Cakwe. Mumashiwi yambi, ukupitila fye mu mbilansuma iya menshi no Mupashi emo twinganonkela umweo wa muyayaya.
Mwe Benakristu, mulekalafye ukufika nanomba ukushintilila paci sumino ca mulopa Wakwa Yesu? uyu nga emulandu, mwalikwata ulubembu mumitima yenu. Nga mwabebuka nishi mwalikwata ulubembu mumitima wenu. Muletontonkanya ukuti mwalikakulwa ku lubembu elyo ngamwaikala kwi funde lya kuli Lesa, nico icumfwika fye ukufuma kufyo mumfwa. Uku kushininwa takucitwa ne cebo cakwa Lesa.

TAILAPWA INSHITA

Bushe nikwisa icine citulenga abantungwa?
Ukufuma kwi funde lya lubembu ne fwa.

Tailapwa inshita. Ifyo mufwile ukucita ukutetekela ulubatisho Lwakwa Yesu no mulopa, kabili kusembululwa mumitima yesu no kuba abakakulwa ku lubembu lonse. Ukuba uwakakulwa ku lubembu lonse Cipilibula ukuti naupusuka pa ku kutetekela mu mbilansuma ya lubatisho lwakwa Yesu no mulopa Wakwe.
Bushe ulefyaisha ukutetekela mu lubatisho Lwakwa Yesu no mulopa Wakwe pe pusukilo ukufuma ku membu shobe? Ilyo watetekela muli ifi, ukusambilila ifyo ipusukilo lyaba. Kupokelela umutende mumano yobe. Kabili ilyo, kabili nomba fye, wingaba umulungami. Tekupitira mu milimo yobe, lelo kupitira mu citetekelo cobe muli Lesa. Ngacakweba ati umo pali imwe acili aletetekela no kushintilila fye pa mulopa Wakwa Yesu pepusukilo, kuti nakabili kumipatikisha ukutetekela fyonse mu lubatisho Lwakwa Yesu no mulopa Wakwe.
Mwebena kristu, ipusukilo lya mpwililika ku mutundu wa muntu ukufuma kulubembu yalifikilishiwa ukupitila mu mbilansuma iya lubatisho Lwakwa Yesu no mulopa Wakwe Umupashi ni Lesa.Lesa aishile kuli lino isonde mu mubili wa muntunse.
Lesa atile ukupitila muli bakasesema ukuti tufwile ukumwita ishina Lyakwe Yesu, pantu ali no kupususha abantu bakwe ukufuma ku membu shabo. Lesa atile, “Umukashana ushabala upwa akemita, nokufyala umwana umwaume, kabili ishina Lyakwe likenikwa Immanuele icalola ukuti Lesa aba naifwe,” (Mateyo 1:23).
Lesa aishile kuli lino isonde ku kupususha aba membu. Alibatishiwe ukusenda imembu shonse ishe sonde kabili efyo apususha aba membu bonse. Ici ecine kabili ipusukilo ya menshi no mulopa. Ndipano kukumweba ici. Bushe twapusukilafye ku mulopa Wakwa Yesu? Teifyo Iyo. Twapusukila kulubatisho Lwakwa Yesu no mulopa Wakwe pa Capindama.
Kwaliba abangi bakasesema wabufi naba caibela ilelo abashatetekela mu lubatisho Lwakwa Yesu. Yesu atile, “Kabili mukeshiba icine, necine cikamulenga abantungwa” (Yohane 8:32).
Tufwile twaishiba icine. Tufwile twaishiba ico Yesu alandile pa lubatisho Lwakwe, kabili nefyo tungatetekelamo. Tufwile twaishiba ico Lesa aebele abantu ba israele ukusembululwa Icipingo Cakale kabili necalengele ukulanda pa mulopa wa mwana wapanga uwacakucilila.
Ilyo twaishiba lubali lwelyashi, teti twishibe icine. Yesu alyaswike “Ndekweba icine cine, nati, ngo muntu tafyelwe ku menshi no Mupashi, teti engile mu bufumu bwa kwa Lesa” (Yohane 3:5).

ULUBATISHIWA MULI KRISTU

Bushe kuti twasuntika shani nemfwa yakwa Kristu?
Ukupela imembu shesu shonse pali Yesu ukupitila mu lubatisho lwakwe.

Icipingo cipela ubunte kunkama ye pusukilo.Bushe nikumulopafye wa kwa Yesu? Awe. Nikumulopa Wakwe no lubatisho Lwakwe fyonse pamo.Umutumwa Paulo alelanda pali ifi lyonse Mubena Roma 6 nakabili nenkalata shimbi ishingi.
Natubelenge Abena Roma 6:3-8. “Bushe tamwaishiba ukuti fwebonse abatishiwe muli Kristu Yesu twabatishiwe mumfwa Yakwe? Eco twashikilwe pamo nankwe mulubatisho mumfwa yakwe, ukuti ico kristu abushiwe mu bafwa kubukata bwakwa wishi, ifyo fine naifwe twende mu musango upya wa mweo. Pantu ngatwaba aba lundwa kuli wene mumi palamine yamfwa yakwe, tukaba abalundwa kuli wene namupalamine yakubuka Kwakwe, pakwishibeci, ukuti ubuntu bwesu bwakale bwatanikilwe pamo nankwe ukuti mubili walubembu ufubalishiwe, twiba mubusha kabili kulubembu iyo; pantu uwafwa nalunga mikwa naupwa umulandu wa lubembu. Awe nga twafwile nankwe Kristu, twatetekela ukuti tukaba no mweo pamo nankwe.”
Natuloleshe pacikomo 5. Ciletila “Pantu nga twaba abalundwa kuli wene, tukaba abalundwa kuli wene mu mipalamine yakubuka kwakwe.”
Imfwa Yakwe yali nimfwa yesu pantu imembu shonse ishesu shalibikilwe pali ena mu lubatisho Lwakwe. Eco ulubatisho Lwakwa Yesu lwalikatana no mulopa Wakwe ne mfwa.
Icitetekelo cesu mu lubatisho Lwakwa Yesu no mulopa Wakwe ulatusuminisha ukwikatana na Yesu. “Icilambu ca lubembu ni fwa” (Abena Roma 6:23). Eico imfwa yakwa Yesu pa Capindama yali ni fwa yesu. Abatishiwe pakusenda imembu shesu shonse pamwine eka. Ukutetekela muli ici cine ukwikatana na Yesu Kristu kapususha wesu.

TATUFWILE UKUTETEKELA MULI YESU NGE NSHILA YABAKAPEPAFYE MU MWEO

Bushe Cipilibule nshi ukuba uwacishinka no mulungami?
cipilibula ukuti Yesu alisamba imembu shesu umuku umo epela, kabili alipususha uyo uletetekela mu cine.

Abantu abengi batetekela muli Yesu nge nshila yabukapepa mu mweo, eico baya ku lukuta no kulila na menso yabo ukupepa no ku lapila. Balalumbula imembu shabo nokulomba ubwelelo cilabushiku. Balapepa, “Yesu, nalishiba no kutetekela ukuti mwali mfwilile pa Capindama pali ine. Na tetekela.”
Apabuta tutu, tabomfwa amalembo aya. “Nga tuyebele imembu shesu wene wacishinka kabili mulungami akuti atulekele membu no kutusangulula kukulungama konse” (1 Yohane 1:9). Basosa ukutila balingile ukwelelwa pa membu shabo cilabushiku ukupitila mu kuyebelela kwa lubembu. Lelo ulubembu mwilembo lyapamulu tachilepilibula ubupulumushi tucita cilabushiku. Efyo ilembo lipilibula nifi tulelelwa pa membu shesu umuku umofye epela ilyo twalumbula ati tatulapusuka.
“Moneni ukutetekela kufuma kucumfwika necumfwika ku cebo ca kwa Lesa” (Abena Roma 10:17). “Kabili mukeshibe cine, ne cine cikamilenga abantungwa,” (Yohane 8:32).
Mwebena Kristu, icine cabafye apabuta. Nga mwatetekela ukuti Yesu alifwile pa Capindama ukwabula ukusenda imembu ukupitila mu lubatisho Lwakwe mu Yordani, icitetekelo cenu cafye. Nga cakutila umwina Kristu alefwaya ukupusuka ku membu shakwe shonse afwile ukutetekela ukutila imembu shakwe shalibikilwe pali Yesu ukupitila pa lubatisho Lwakwe pa Yordani umuku umo epela kabili ukuti alisendele ubupingushi pa Capindama pa membu shesu shonse. Mu mashiwi yambi, tulingile ukutetekela muli fyonse ulubatisho Lwa kwa Yesu no mulopa Wakwe.
“Nepusukilo talili muli umbi nakalya, nangu lishina limbi mwisamba lya myulu lyapelwe kubantu umo tulinokupusukila” (Imilimo ya Batumwa 4:12). Yesu kristu asendele imembu ishesu shonse nokuba kapususha. Yesu aishile ku menshi no mulopa ku kupususha ifwe ukufuma ku kusekwa kwa muyayaya. “Pantu ku mtima wamuntu atetekela no kulungamikwa, kabili kukanwa eko alumbula no kupusuka” (Abena Roma 10:10). Bushe uli umubembu nangu umuntu umulungami?
Abena Galatia 3:27 itila, “Pantu imwe bonse ababatishiwa muli Kristu namufwala Kristu.” Ici cikomo citweba icine cakuti Yesu atanikwe panuma yakusenda imembu shonse ishe sonde ukupitila mu lubatisho Lwakwe. Alibukile ukufuma ku ba fwa panshiku bwalenga shitatu kabili nomba naikala kukulyo kwa kwa Lesa. Aishile ba imfumu yepusukilo pali abo abaletetekela muli ena.
Ngacakutila Yesu tabatishiwe, nga tasumine umulopa pa Capindama pali ifwe, nga tali kapususha wesu. Kuti twapusuka fye ilyo twasumina mu mbilansuma ya menshi no Mupashi.

NANGU UMWANA WA KWA MOSE

Bushe ninshi Lesa alefwaila ukwipaila Mose mu nshila ya kuya ku Egupti?

Pantu tasembulwile abana bakwa.

Mwebatemwikwa, muleufwa kunkama ya bulubushi bwa membu shenu ukupitila mu menshi no mulopa uwa Yesu. Lipalo ilisuma sana ukumfwa amashiwi yakwa Lesa.
Bushe mulopa fye Wakwa Yesu Kristu? Munshita ya Cipingo Cakale, abantu baishile ba ulupwa lwakwa Abrahamu ukupitila mu ku sembululwa no mulopa umwana wa mpanga icakucilila. Nomba twaba abantu aba kwa Lesa pakutetekela mu lubatisho Lwakwa Yesu no mulopa Wakwe. Lesa aletulanga icishininkisho pali ici mu Cipingo Cakale ukupitila muli Mose.
Ukupusushya abantu ba israele, Lesa asosele kuli Mose nokumweba ukufunya abantu bakwe ukufuma mu Egupti. Mose ninsambu sha kwa wishi fyala Yetro, aishile icende ya midiani ukulola kwi egupti no mukashi wakwe na nabana bakwe. Ilyo abikile abana bakwe pali punda, imfumu Ali mukumenye pando pakwe nokufwaya ukumwipaya.
Lelo umukashi wakwe uwamano sipora alishibe umulandu pali ici. Abulile ilibwe ilyatwa no kupulako inkanda yakuntashi iya mwana wakwe aikumushe kumakasa yakwe Mose nokusosa ukutila, “ulishibwinga wa mulopa kuli ine!” Eico Lesa amulekele ukuya. Iyi yali ninshila iyakulanda ukuti mucine ali no kwipaya uli onse, nangu umwana wakwa Mose, ngacakutila tasembulwile. Kubantu ba Israele, ukusembululwa kwali cishibilo ca Cipangano Cakwa Lesa. Balishibe ukutila Lesa kuti aputulako ukufuma ku bantu bakwe, nangu mwana wa ntungulushi, ngashele uwabula ukusembululwa. Eico, pakuti eputulako umwana wakwe, Lesa asokele Mose muli iyi nshila.
Icipingo citila umulandu nshi afunishe inkanda ya mwana Wakwe no kubika pamakasa yakwa Mose nokitila “Uli shibwinga wa mulopa!” Kwali ukusuminisha ifunde lya kwa Lesa pa kusembululwa (Ukufuma 4:26).
Uulionse ushasembululwa pakati ka bena Israele aleputulwako ukufuma ku bantu bakwe. Kanofye abo abalesembululwa ebalesuminishiwa ku kulya inama ya mwana wa mpanga iya cakucilila no kuilunda ku milimo nga bantu bakwa Lesa.

Umutumwi Paulo ali umu Hebere. Alisembulwile panshiku cine konse konse panuma yakufyalwa kwakwe, alisambilile kuli kafundisha mukalamba,camaliel, kabili aliumfwikisha bwino ico Yesu bamubatishe ku yordani kabili nefyo ali no kutanikwa. Eco umutumwi Paulo alembele pa lubatisho Lwakwa Yesu munkalata yonse ayakwe.
Umutumwa Paulo alanda sana napa mulopa Wakwa Yesu lyonse fye ngo kupwishisha kwe pusukilo lyesu. Umulopa walifye wakulwisha ubulubushi bwakwe ilyo ukusembululwa kwacine kwa mupashi kwali lubatisho Lwakwa Yesu. Taukwete incito ukushintilila pa mulopa Wakwa Yesu ukwabula ulubatisho.
Umutumwa Paulo alandile lyonse pa Capindama ca kwa Yesu. Ninshi calebela ifi pantu? cishininkisho cakulekelesha icepusukilo. Nga cakutila Yesu alisendele imembu she sonde pamwine eke lelo afilwa ukuswa pa Capindama ukupokelela ubumpingushi pali ifwe, teti tube abapusuka umupwilapo. Ecalenga umutumwa Paulo alelanda pa Capindama lyonse. Icapindama lutapulo ulwakulekelesha kwipusukilo lyesu.
Nga cakutila icine cepusukilo capelwa ukufika kuli ino inkulo ukwabula ubufi nga kwaba abantu abengi ababula ulubembu. Lelo icabulanda, icine calilufishiwa panshita iyitali kabili abantu mulopa pa Capindama ukwabula ukwishiba ubupilibulo ubwa cine ubwa lubatisho Lwakwe.
Pantu bakwata icitetekelo mucipapa fye icabula nangu cimo Ica mbilansuma, bakashalafye abamembu nangu batetekela shani muli imyaka ishingi muli Yesu. Bakashalafye abamembu panuma yamyaka 10, nangula pa myaka 50 mubwikashi bwa kupepa.

BUNTE BWANDI

Bushe Lesa alibika aba membu abalungami?
Awe, Abalungami ni abo abakakulwa ku lubembu, ababika imembu shonse Ishabo pali Yesu ukupitila mu lubatisho lwakwe.

Natampile ukutetekela muli Yesu ilyo nakwete imyaka 20 ilyo inshita tailafika. Nshakwatapo ubwishibilo pafyo ulubembu lwali ulo napangile mu bwikashi bwandi pantu nshaishibe ifunde ilyakukonka Lesa. Naleikala munshila ukwabula ukwishiba bwino Lesa ukufikafye napali ilye nshita.
Nalisalwala icacine. Icakuti naletontonkanya ukuti nalafwa. Eco, nasalile ukuti ndingilefye ukulubulwa ku membu shandi shonse ilyo nshilafwa. Pantu naliumfwile ukuti Yesu afwilile ababembu nga ine, nasalile ukutetekela muli wene. Mu kutendeka, naliswile ne nsansa nokutasha ukukalamba.
Lelo ukumfwa kwatapile ukupwa panuma yanshita iyinono. Panuma ya myaka ishinono, nshakwanishe lelo kulacitafye imembu ishipya cilabushiku. Nalisaba umubembu umwine mwine. Panuma ya myaka 10, nalifye umubembu, mu cine umubembu uwabipisha ukucila napakubala. Natetekele muli Yesu pa myaka 10, kabili mucishinka cakuti nalisaba umubembu uuteti acinge. Nali muli fyonse uwatetekela kabili umubembu.
Nangula naleimba, “♪Ukulosha teti kumpusushe! nangula ningasamba icinso chandi nefilamba, ico tacafumishepo umwenso, eico nshasambilwe ku membu Isha imyaka! Ukulosha teti kumpusushe! ♪” Nalelila cilanshita nabembuka.
“Mwe Lesa, napapata ngeleleni pali ulubembu lumo. Ngeleleni nakabili, ifi kabili nshakabembukepo.” Panuma nabembuka, nalepepa inshiku shitatu. Naleikomena mumbali yamuputule wang`anda nokupepa limbi nde funga pa nshiku shitatu. Pantu kampingu wandi alifininwe, nalelila nokulomba ubwelelo bwakwa Lesa. Pa bushiku bwalenga shitatu, naleumfwako bwino nokutontonkanya ukuti nabwelela ku ceni Cakwe.
“Kabili, ninsamba imembu shandi. Alleluya!" Eco nafuma no kwikala bwino pakashita akanono. Panono fye nabembuka kabili nokulubana kwandi kwali kula. Nalebwekeshepo fye fimo fine kabili na kabili. Caleumfwika bwino ukutetekela muli Yesu pa kutendeka, lelo ilyo natetekela pa nshita iyitali, ilyo imembu shandi shalefulilakofye kwati lukungu lwa mu putule wa nga`nda iyi shi bomfishiwa.
Panuma ya myaka 10, nalisaba umubembu ukucila nefyo natampile. “Ninshi natetekele bwangu muli Yesu mu bwikashi bwandi? Nga cali yangukako nga natetekele muli Yesu nga nafika imyaka 80, ilyo nshila fwa. Nga, shailwike ku lubembu no kukabila ukulapitila cilabushiku.” Natontonkenye ukuti ndingile ukwikala nokufwaya kwa kwa Lesa, lelo caliafishe. Naliumfwile kwati nitampa ukufulungana!
Natampile ukufwaya no kufwaya ifipya pali Lesa, naposele inshita iyikalamba ukusambilila ifyabukapepa. Lelo panuma ya myaka ishinono, umutima wandi walisaba uwabula ukukwata nangu cimo umupwilapo. Ilyo nayamba ukubelenga ama buku yabalepepa, natemenwe ukusosa ndefwaya ukwikala nga Damieni, wamushilo ukukana lala pa busanshi ubusuma. Nalaile ukukana isekesha nemwine, lelo kupelesha nemwine umupwilapo ku balekabila.
Ilyo nalebelenga pa bwikashi ubwauyu washila, nalaile ukwikala nga ena. Nalyeseshe ukwikala ubwikashi ubwaku ikanya nemwine. Nalefukama apa kosa no kupepa pa ma ola ayengi pa nshita imo. Elyo, naleumfwa amapepo yandi ukukwata ubupilibulo ubukalamba no kumfwa bwino nemwine panuma ya ifyo.
Lelo panuma ya myaka 10, nshatwalilile. Efyo napepele kuli Lesa. “Mwe Lesa mwe baba mu mulu, napapata mpususheni. Natetekela muli imwe no mtima wandi onse. Ningishiba ukuti teti pilibuke mu kuipelesha kwand kuli imwe nangula umo engabika umwele pa mu koshi wandi. Lelo nangula na tetekela muli imwe no mtima wandi onse, ninshi ndeumfwila uwa bula nangu kamo mukati? ninshi nabela uwalubana? Ninshi ndebela umubembu ukucilapo? Nshaletontonkanya sana pa lubembu pakubala. Naishile tetekela muli imwe nomba ndesakamana ukuba umubembu uwabipisha panuma yakukwata icitetekelo muli imwe pamyaka. Cinshi cishupile kuli ine?”
Cali nipali iyi nshita naishile ishiba umulandu. Nali tetekele muli Lesa ukwabula ukupusuka ukufuma ku membu shandi. Nshaishibe icine pali Ilya nshita, kabili cali fye kukuntwala ine ku kufulungana.
No lubembu mu mtima wandi, kuti naeba shani palwa bulubushi bwa kusenaminwa kwa kwa Lesa? Kuti naeba shani bambi ukutetekela muli Yesu? nalipepele imiku ne miku. “Mwe Lesa, nombaline nalapwisha ukufuma kumasambililo yabu kapepa kabili nokusubwa nga kampyunga. Lelo nga cakutila naba kapyunga necisendo calubembu, kuti naeba shani abamembu bambi palwa bulubushi? Ndi mubembu nemwine kabili ilyo nabelenga amakalata ya mutumwa Paulo nsanga ukuti nga cakutila uulionse takwete Umupashi wakwa kristu, temwana wakwa Lesa. Lelo nangula ningafwailisha shani, Umupashi tauli muli ine. Naleumfwa ukuti emouli pakutendeka, lelo waliluba. Finshi fyacitika? Napapata sendeni umulandu, mwe mfumu.”
Mu cishinka, umulandu wali wakuti naleibepa nemwine mukutontonkanya nalilubulwa ukupitila mu cisumino icayanguka muli Yesu. Nalecula pali ifi panshita itali.
Lesa alaile ukwisokolola umwine kuli balya aba mufwaya. Alinkumenye mucine icakwe pakulekelesha. Nalifye umubembu pa myaka 10 panuma na tetekela muli Yesu. Lelo ilyo nasambilile inkama ya lubatisho Lwakwe Yesu kristu no mulopa Wakwe, ilyo naishile sanga ubupilibulo bwa kusembululwa mu Cipingo Cakale kabili no kusembululwa kwa ku mupashi mu Cipingo Cipya, ilyo nailwike no kutetekela munkama yepusukilo ukupitila mu lubatisho Lwakwa Kristu, ukucula kwandi konse kwali pwile. Umweo wandi waishile ba uwabuta nga imfula iyabuta.
Cikaba fimo fine kuli iwe. Nga watetekela mu mbilansuma ya lubatisho Lwakwa Yesu no mulopa Wakwe, naiwe wine ukuba uwabula ulubembu. Kuti waba ushapwililika, lelo ukuba umulungami. Nga mwasenda ici cine mu mumutima wenu no ku cilenga ukwishibikwa kuli bambi, nabo bakapusuka no ku lumbanya Lesa, ukupunda “Alleluya!”
Ndefwaya ukutasha indume ne nkashi aba lubulwa. Ndetasha Yesu pakutupususha ifwe ukufuma ku membu shonse ishe shesu. Alleluya! Twalubulwa ne nsansa ku membu shonse ishesu.
Lipalo ilikalamba sana ukuti teti tube abakulondolola insansa shesu shonse nama shiwi fye. Natwimbe ulwimbo capamo. “♪Ishina lakwe lyaba ilyankama, pantu tatulasokolola iyi nkama ku cibumbwa conse. Ali poselwe nga amabwe bakakula ba kene, lelo ishina lyakwe lyaba ilibwe ilisuma ilikatami mumutima wandi.♪”

ULUBATISHO LWA KWA YESU NO MULOPA WAKWE FINGI PA BWINGI KU KUPUSUSHA ABAMEMBU BONSE UKUFUMA KU MEMBU SHABO

Bushe cinshi icifunya ulubembu lonse mu mitima yesu?
Lubatisho lwa kwa Yesu.

Yesu Kristu alisamba imembu shesu shonse ishe sonde ukupitila mu lubatisho no mulopa. Alitusembululwa ku mupashi no kutulenga abantu bakwe.Ni Lesa uwabafyalwa libili.
Kwaliba ubumpingushi lyonse pa lubembu. Lelo Yesu alibatishiwe no kupingulwa pa Capindama ukutupususha. No mulopa Wakwe, alitupususha ifwe bonse kabili alibukile pa nshiku shalenga shitatu. Ni Lesa Tata uwabushishe Yesu ukufuma kumfwa.
Ubwikashi bwa kwa Yesu ebwikashi bwesu kabili cishibilo ca kubako kwesu nga bana ba kwa Lesa. Ulubatisho lwakwe lwa sendele imembu shesu shonse kabili Umulopa wakwa Yesu pa Capindama cishininkisho ukuti alisendele ubumpingushi palubali lwesu.
Mwe banandi, mwali kwata icishininkisho ca lubatisho Lwakwa Yesu no mulopa wakwe mumitima yenu? Ndemipusha nakabili. Bushe ipusukilo lyesu lisafye ukupitila mu mulopa wakwa Yesu? Awe. Lisa ukupitila mu lubatisho Lwakwa Yesu no mulopa Wakwe fyonse pamo.

BUSHE CAIBELA NINANI?

Bushe caibela ninani?
Ni uyo uiseka umwine, kukufilwa ukutetekela mu lubatisho lwakwa Yesu.

Mwe banandi, bushe mucili umubembu libe mulelumbula icitetekelo muli Yesu cilabushiku mu mweo wenu? Ngacakutila uli mubembu nangula watetekela muli Yesu, ninshi uli caibela. Bucaibela kukana tetekela mu cine cakwa Lesa. Tito3:10-11 ilanda pali caibela, “Umuntu uwaba caibela umukane ilyo wamusoka umuku wa ntanshi no muku wa cibili, pakwishiba ukuti uwabefi ali sanguka no kubembuka, ninshi aleiseka.”
Uuiseka umwine Umuntu atila, “mwe Lesa! ndi mubembu. Nalitetekela muli imwe, lelo nchili umubembu. Nangula Umuntu ulionse engalanda shani, ndi mubembu nalishiba ici ukuba icine.”
Lesa atile kuli ine, “Ucili umubembu kabili taulaba umwana wandi? Kanshi, Niwebo caibela, kabili ukaposwa mu mulilo ku gehena.”
Nga watetekela muli Yesu ukwabula ukutetekela mu mbilansuma ya lubatisho Lwakwa Yesu mumutima obe, no kuiseka wemwine ngo mubembu no kulumbula kuli Lesa ukuti mupashi obe uli no lubembu, nishi uli caibela kuli Lesa.

BUSHE ABATETEKELA ICINE NIBANANI?

Bushe bukambone bwa kwa Lesa cinshi palwe pusukilo?
Amenshi, Umulopa no Mupashi.

Abo abaletetekela mu mbilansuma ya lubatisho Lwakwa Yesu no mulopa Wakwe baba bantu abakwa, Lesa kabili abo bonse abo imembu shabo shasambwa ba lungami. Kuti waba shani umubembu libe walitetekela muli Yesu? Umubembu tekuti engile mu bufumu bwa kwa Lesa.
Abo ababa abalungami pa kutetekela muli Yesu bali kwata bukambone mumitima. Ubunte bwa lubatisho no mulopa wakwe. Umulimo we pusukilo ilyo Yesu acitile muli lino isonde.
Eico, ulionse uwakana ukutetekela mu mbilansuma ya lubatisho ukupitila umo Yesu asendele imembu shesu shonse akaputulwako kuli Lesa.
Mwendume ne nkashi mu citetekelo, bushe mulepokelela mumitima yenu mbilansuma ya kuti ipusukilo lya ba membu talyabafye pa mulopa Wakwa Yesu weka, lelo na menshi ayo yali lubatisho Lwakwa Yesu?
Onse uwatetekela mu mulimo Yesu acitile muli lino isonde, kabili onse uwapokelela amenshi, Umulopa no Mupashi, akapusuka ukufuma ku lubembu lonse. Ici ecine kabili emano yambilansuma iya menshi, mulopa no Mupashi.
Yesu alitubutisha umupwilapo ku membu shonse ukupitila mu lubatisho Lwakwe pakuti umutundu wa muntu wingapusuka ukupitila muli ine. Nomba, nga watetekela icine cine muli Yesu, teti ube umubembu.
Yesu abushishe ifwe ukufuma ku fwa. Apuswishe imyeo yonse iyafumine kabili nokuba ukutali ukufuma kuli Lesa kuwila kuba cenjeshi bakwa ciwa. Yesu alefwaya ukusunga imyeo iyaluba. Lesa abombele ukupitila muli Yesu ne mbilansuma ya menshi, no mulopa kabili no Mupashi. Ali twita ifwe kabili kuti twalubulwa no kupusuka kuli ena.
Bushe muletetekela mu cine icafikapo? Ndemyeba ukuti ipusukilo talyabafye mu mulopa, lelo muli fyonse ulubatisho Lwakwa Yesu no mulopa wakwe pa Capindama.Bonse abatila balipusuka mu mulopa fye weka bafwile ukwiluka ukuti balikwata ulubembu mumitima yabo.
Bonse twaletontonkanya ukuti califye bwino pa kutetekela fye mu mulopa Wakwa Yesu. Twaletontonkanye fi pakubala, nomba tufwile twailuka ukuti tefyo twapusuka. Twalipusuka no kufyalwa libili pa kutetekela muli Yesu kristu, uwaishile ku menshi, Umulopa kabili no Mupashi.
Umubembu onse kuti afyalwa libili ukupitila mu citetekelo mu lubatisho lwakwa Yesu no mulopa Wakwe (1Yohane 5:5-10). Iseni tulumbanye Lesa. Alleluya!

LIST Download FREE eBook & AudioBook