- All e-books and audiobooks on The New Life Mission website are free
- Explore multilingual sermons in global languages
- Two new revised editions in English have been released
- Check out our website translated into 27 languages
ISAMBILISHO 3: IMBILANSUMA YA MENSHI NO MUPASHI
[3-9] Natucite Ukufwaya Kwa Kwa Tata ne Citetekelo (Mateo 7:21-23)
(Mateo 7:21-23)
“Te onse uutila kuli ine, Shikulu, Shikulu, akengila mu bufumu bwa mu mulu iyo; kano uucite cifwaya Tata wa mu Mulu. Abengi muli bulya bushiku bakatila kuli ine, Mwe Shikulu, mwe Shikulu, bushe ta twasesemene mwi shina lyenu? Bushe ta twafumishe ifiwa mwi shina lyenu? Bushe ta twacitile ifya Maka ifingi mwishina lyenu? Kabili elyo nkasosa kuli bene, nkatila, Shamwishiba nakalya; fumeni apa, mwe bacita amampulu.”
“Te onse uutila kuli ine, Shikulu, Shikulu, akengila mu bufumu bwa mu mulu iyo; kano uucite cifwaya Tata wa mu Mulu. Abengi muli bulya bushiku bakatila kuli ine, Mwe Shikulu, mwe Shikulu, bushe ta twasesemene mwi shina lyenu? Bushe ta twafumishe ifiwa mwi shina lyenu? Bushe ta twacitile ifya Maka ifingi mwishina lyenu? Kabili elyo nkasosa kuli bene, nkatila, Shamwishiba nakalya; fumeni apa, mwe bacita amampulu.”
LIMBI NINEBO...
Bushe onse utila `Shikulu,’ Shikulu akengila mubufumu bwa mu Mulu?
Awe. Nibalyafye aba cita ubufwayo bwakwa Lesa
Yesu Kristu atile, "Teonse utila kuli ine, `Shikulu, Shikulu,` akengila mu bufumu bwa mu Mulu, lelo Kano uucita icifwaya Tata wamu Mulu." Aya mashiwi yalileta umwenso mu mitima ya bena Kristu abengi, ukubalenga uku bombesha na maka ukucita ici fwaya Lesa.
Abena Kristu abengi ba tontonkanya ukuti eco benga fwaya ukucita kutetekela muli Yesu pakwingila mubufumu bwa Ku Mulu, lelo muli Mateo 7:21 itweba ukuti te onse utila kuli ine, `Shikulu, Shikulu` akengila mu bufumu bwa mu Mulu.
Abengi aba belenga ici cikomo balasakamikwa "Limbi ni nebo." Balesha ukuishinina abene beka, "Awe, Yesu afwile alosheshe ku bashatetekela." Lelo itontonkanyo lishala mu mano yabo kabili no kulaba sonsomba abene.
Eco, baiminina pacikomo icibelengwa, "Kono uucita ici fwaya Tata mu Mulu." Beminina pali aya amashiwi, "Uucita ici fwaya Tata" no kutontonkanya ukuti bacite ici mukutuula ice kumi muli bucishinka, ukupepa ku matundaca, ukushimikila, ukucita imilimo iisuma, no kukana bembuka...kabili baleesha na maka. Cilandenga ukumfwa ubulanda nga naba mona.
Abantu abengi balacite filubo pantu taishiba ici cikomo. Eico kuti natemwa ukulondolola ici cikomo bwino bwino pakutila bonse twingeshiba ubufwayo bwakwa Lesa no kwikalilamo.
Icantanshi, tufwile ukwishiba ukuti ubufwayo bwakwa Lesa bwa Mwana ukusende membu sha bantu bonse no kutaluka bonse ukufuma ku lubembu.
Mu bena Efese 1:5, calilembwa, "Lesa atulingile kabela mukutemwa kukuba abana ba Mwine muli Yesu Kristu, umwabela ukubekwa kwa ku panga kwakwe."
Mu mashiwi yambi, uku fwaya kwakwe nifwebo ukwishiba imbilansuma ya cine ukuti Yesu Kristu alisamba imembu shesu shonse, efyo asuminisha ifwe uku fyalwa libili. Alefwaya ifwe ku fyalwa libili ku menshi no Mupashi mukupela imembu shesu shonse Pa Mwana Wakwe, Yesu. Ubu ebufwayo bwakwa Lesa.
PAKULANDAFYE, "SHIKULU! SHIKULU!"
Bushe cinshi tufwile ukwishiba ilyo twatetekela Yesu?
Bufwayo bwakwa Tata
“Te onse uutila kuli ine, `Shikulu, Shikulu,` akengila mu bufumu bwa mu Mulu iyo, kano uucita icifwaya Tata wa mu Mulu” (Mateo 7:21).
Tufwile ukwishiba ubufwayo bwakwa Tata mu nshila shibili icatanshi, tulingile ukwishiba ukuti ubufwayo bwakwe kupokelela ubwelelo pa membu shesu no kuba abafyalwa libili ku menshi no Mupashi. Icabubili, tulingile ukubomba kushintilila pali ici citetekelo.
Bufwayo bwakwe ukufuta imembu sha bantu bonse pano calo. Satana aletele ukupona kwa cikolwe cesu Adamu ukupitila mu lubembu. Lelo ubufwayo bwakwa Tata ku fumyapo imembu shonse isha muntu. Tulingile ukwishiba ukuti tebufwayo bwakwa Tata pali ifwe ukutula icekumi muli bucishinka no kutuula amapepo ku matundaca, lelo kutu pususha ifwe bonse ukufuma ku lubembu. Bufwayo bwakwe ukupususha ifwe bonse ukufuma muku nwina muli bemba wa lubembu.
Icipingo cisosa ukuti teonse uutila `Shikulu, Shikulu` akengila mu bufumu waku Mulu. Ici cilepilibula ukuti tatulingilefye ukutetekela muli Yesu, lelo kwishiba ifyo Tata alefwaya pali ifwe. Kufwaya kwakwe ukutupususha ukufuma ku lubembu no bupingushi bwa gehena, ukwishiba ukuti ukutena kwakwa Adamu na Eva kupilibula teti tuyafwe lelo kwikala mu lubembu.
UBUFWAYO BWAKWA LESA
Bushe ubufwayo bwakwa Lesa ninshi?
kutupanga abana bakwe kutukakula ukufuma ku lubembu
Mateo 3:15 itila, "Pantu efyo catuyano kufisho bulungami bonse." Efyo cali ku fisha amapange yakwa Lesa ukuti Yesu aishile kuli ino isonde ukupususha ifwe bonse ukufuma ku lubembu. Ubufwayo bwakwa Lesa bwali fikilishiwe ilyo Yesu abatishiwe kuli Yohane Kabatisha.
Alefwaya ukupususha no kutulenga abana bakwe. Mukucite ici, umwana wakwe alingile uku senda imembu shesu shonse. Bwali bufwayo bwakwe uku panga abantu bonse abana bakwe. Eco atumine umwana wakwe fye ukusenda imembu sha bantu bonse abaponene mu maka yakwa satana. Bwali bufwayo bwakwe uku tuma umwana Wakwe pa bantu bonse fye pakuti bengaba abana Bakwe.
Ilyo Yesu abatishiwe no kufwa pa Capindama, ubufwayo wakwa Lesa bwali fikilishiwe. Kabili ubufwayo bwakwe pali ifwe kutetekela ukuti imembu shesu shonse shabikilwe pali Yesu ilyo abatishiwe no kusenda ubupingushi pa bupulumushi bwesu bonse ukupitila mu mfwa yakwe pa Capindama.
"Pantu Lesa atemenwe abapano sonde ukutemwa kwa kuti apele umwana wakwe uwafyalwa fye eka" (Yohane 3:16). Lesa apususha abantu bakwe ukufuma ku lubembu. Ukucita ici, icintu ca kubalililapo ico Yesu acitile mu mulimo wakwe uwa palwalala uwakubatishiwa kuli Yohane Kabatisha.
"Lelo Yesu alyaswike ati, `Leka cibe ifi nomba pantu efyo catuyano kufisho bulungami bonse.` elyo amusuminishe" (Mateo 3:15). Bwali bufwayo bwakwa Lesa ukuti Yesu aishile kuli lino isonde, asendele imembu shone ishe sonde ukupitila mu lubatisho Lwakwe, ukufwa pa Capindama, kabili alibukile ku bafwa.
Tulingile ukwishiba ici bwino bwino. Pantu abantu abengi ba belenga Mateo 7:21 no kutontonkanya ukuti ubufwayo pali ifwe ku bombela Shikulu, ukufikafye na kumfwa, ukutuula ififwaikwa fyesu ifye sonde kukuula inkuta.
Mwe bena Kristu banandi, ifwe fweba tetekela muli Yesu icakubalilapo tulingile ukwishiba ubufwayo bwakwa Lesa elyo no kubucita. Cilubo iwe ngatauleitula wemwine weka ukwishiba ubufwayo bwakwe.
Abantu ba laipusha abene beka cinshi cimbi icingabapo kwikala mu citetekelo mu kunta shabo isha cine. Lelo ine nemwine nalisoma isambilisho iyakwa Calvin mulukuta lwa Presbyterian kabili na kulile na bamayo aba sendele ngo mwana abali bakapepa nga shimapepo uwakokola. Nasambilile "mulukuta ulwali ngo lwa cine."
Umutumwa Paulo asosele ukuti kuti ayuumfwa pakutila afumine mumukowa wa kwa Benjamini no ku soma ifunde kuli Gamaliel, uyo wali kasambilisha mukalamba (Rabi). Ilyo Paulo talafyalwa libili, ali mushila yakuya mu kwikata aba tetekele muli Yesu. Lelo alisangile icitetekelo muli Yesu pa musebo ku kuya Damaseke no kuba umulungami ukupitila mwipalo lyakufyalwa libili lya menshi no Mupashi.
TULINGILE UKWISHIBA UBUFWAYO BWAKWA LESA ILYO TATULA CITA.
Bushe finshi fifwaika ilyo tatula tetekela muli Yesu?
Tufwile icakubalipo ukwishiba ubufwayo bwakwe.
Ukushishiwa kwesu bufwayo bwakwa Lesa. "Pantu uku ekufwaya kwakwa Lesa, ukushishiwa kwenu: mutaluke kubulalele" (1 Tesalonika 4:3). Twaishaba ukuti ubufwayo bwakwa Lesa uwakuti twalishishiwa umupwilapo ukupitila mu menshi no Mupashi no kwikala mu citetekelo mu bwikashi bwesu bonse.
Nga kwaliba uli onse uwatetekela muli Yesu lelo acili nakwata ulubembu mu mutima wakwe, taleikala ukulingana no bufwayo bwakwa Lesa. Ukukonka ubufwayo bwakwa Lesa kuti twaba abashishiwa kupitila mu mwipusukilo ili sangwa muli Yesu. Ukwishiba ifi ekucita ubufwayo bwakwa Lesa.
Nga na kwipusha, "bushe ucili na ukwata ulubembu mu mutima obe nangula walitetekela muli Yesu?" Kabili ubwasuko bobe nga ni emukwai, ninshi taulati wishibe bwino bwino ubufwayo bwakwa Lesa. Bufwayo bwakwa Lesa ubwakuti tulingile ukwishiba no kupusuka ukufuma ku membu shesu shonse ukupitila mu citetekelo mu menshi no Mupashi.
Inshita imo kwali muntu uwakwete abana baume abanakila. Bushiku bumo aitile kumukalamba, uwanakiile sana no kutila, "We mwana, kabiye ku mushi ukupitila mwibala...?"
Ilyo talapwisha ukulanda, umwana ati "Ee Tata," aya no kuya. Talolele ukwishiba ifyo alingile ukuyacita. Ailefye.
Bawishi bamwita, "We mwana, cilifye bwii kabili cisuma ukuti waliba uwanakila lelo uli ngile ukwishiba ifyo ndefwaya ucite."
Lelo umwana atile, "cilifye bwino, tata .Nalaminakila. Ninani uwinga minakila ukucila ine?"
Lelo mu cine abwela ukwabula nangu cimo. Tacitile icalefwaya wishi ukwabula ukwishiba ico alefwaya. Anakile fye muli bumpofu.
Kuti twaba nga ena ngatatwishibe Yesu Kristu. Abengi balaipelesha abene beka, ukukonka amasambilisho aya fya bukapepa, ukutula icekumi muli bucishinka, ukupepa ubushiku bonse, ukufunga...fyonse ukwabula ukwishiba ubufwayo bwakwa Lesa.
Ilyo bafwa no lubembu mu mitima yabo, balabwekeshiwa ku mpongolo yamu Mulu. Bali cincila ukucita ubufwayo bwakwa Lesa lelo tabaishiba ifyo Lesa afwaya.
Bushe cipilibula nshi ukucita amampulu?
Kutetekela muli Yesu ngo mubembu ilyo tatwashiba imbilansuma ya menshi no mupashi
"Abengi muli bulya bushiku bakatila kuli ine, mwe Shikulu, mwe Shikulu, bushe tatwa sesemene mwi shina lyenu? Bushe tatafumishe ifiwa mwi shina lyenu? Bushe tatwacitile ifya maka ifingi mwishina lyenu? Kabili elyo nkasosa kuli bene, nkatila, nshamwishiba nakalya; fumeni apa, mwebacita amampulu (Mateo7:22-23).
Kwaliba ifintu ifyo Lesa afwaya ifwe ukucita kabili kwaliba icitetekelo ico afwaya kuli ifwe. Alefwaya ifwe ukutetekela ukuti Yesu alisendele imembu shesu shonse. Abengi balasesema, balantamfya ingulu, nokucita ifisungusho mwi shina lyakwe ukwabula ukwishiba icine ca menshi no Mupashi.
Ukucita ifisungusho cipilibula ukukula inkuta ishingi, ukushitisha ifikwatwa fya umo fyonse ukusonka ku lukuta, kuipelesha umweo kuli shikulu pafintu fyabo.
Ukusesema mwishina lyakwe cipilibula ukube ntungulushi. Aba bantu baba nga Bafarisee abaitakisha ukwikala ukulingana nefunde ilyo balakalifya Yesu. Ifi fikuma kubaitungula ukuba abena Kristu ba cine.
Ukutamfya ingulu ukubomfya amaka. Kwaliba na balomfwa bwino mu citetekelo cabo, lelo Shikulu akabeba ku mpela ukuti tabeshiba. Akabepusha ninshi benga mwishibila ilyo tabeshiba.
Shikulu atila, "kabili elyo nkalasosa kuli bene nkatila, `Nshamwishiba; nakalya fumeni apa, mwebacita amampulu!`` Pali bulya bushiku, Icina bwingi ca bantu cikalila kuli Ena, "mwe Shikulu, nalitetekela. Nalitetekela ukuti nimwebo kapususha wandi." Bakalanda balimutemwa nelyo mu mumitima yabo balino lubembu. Shikulu akabeta bakacita wama mpulu( ababembu abashakakulwa) kabili akabeba fumeni apa.
Pali bulya bushiku, abo abafwile ukwabula ukufyalwa libili bakalalika kuli Yesu. "Nalesesema, nali kuliile nkuta ishingi kabili natumine ba mission abali 50 mwishina lyenu."
Lelo Yesu akatila kuli abo aba bembu, "Nshamwishiba; fumeni apa, mwe bacita amampulu!"
"Mu lepilibulenshi? Bushe tamwishibe ukuti nalesesema mwishina lyenu? Nalibombele mulukuta pa myaka iingi...nalisambilishe bambi ukutetekela muli imwe. Ninshi teti mu njishibile?"
Akasuka, "nshakwishibe. iwe uleitunga ukunjishiba lelo no lubembu mu mutima obe, fuma apa!"
Ni bumpula mafunde kuli Lesa ukutetekela muli ena no lubembu mu mutima waumo nangu ukukana tetekela ukulingana ne funde lyakwe ilye pusukilo. Nibumpula mafunde ukukana ishiba ubufwayo bwakwe. Nibumpula mafunde ukwe sha ukukana ishiba ipalo lyakufyalwa libili ku menshi ni Mupashi. Kabili nibumpula mafunde ukumukonka ukwabula ukunakika ukufwaya kwakwe. Bumpula mafunde lumembu.
UBUFWAYO BWAKA LESA MU CIPINGO
Bushe nibanani abana bakwa Lesa?
Abalungami abasha kwata ulubembu
Kufwaya kwakwe ifwe kutetekela mu mbilansuma ya kufyalwa libili ku menshi no Mupashi. Imbilansuma ya cine itukoselesha ukufyalwa na kabili. Kabili kufwaya kwakwe ukuti twingekala mu mbilansuma nga bana bakwe. Tulingile ukwishiba ubufwayo bwa kwa Lesa, lelo abengi tabaishiba imbilansuma ya kufyalwa libili ku menshi no Mupashi
Ilyo naipusha abantu ninshi batetekela muli Yesu, abengi batila batetekela muli Yesu pakuti bapusuke ukufuma ku membu shabo.
Naipusha, "nomba, walikwata ulubembu mu mitima obe?"
Batila, "nalikwata."
"Nomba walipusuka nangu iyo?"
"Emukwai nali pusuka."
"Bushe umubembu uwakwata ulubembu mu mutima wakwe kuti aingila mu bufumu bwa mu Mulu?"
"Awe, teti."
"Nomba, uleya mubufumu bwa mu Mulu nangu mu mulilo wa gehena?"
Batila baleya kubufumu bwa mu Mulu, lelo kuti baya? Bakaya ku gehena
Bambi batontonkanya ukuti pantu balitetekela muli Yesu kuti baingila mu bufumu bwa mu Mulu nangu cakutila balikwata ulubembu mu mutima wabo kabili ukuti kufwayo kwakwa Lesa pali bena ukucita ifi. Lelo Lesa tapokelela aba membu mu bufumu bwa mu Mulu.
Abo abatetekela mwipalo yakufyalwa libili ku menshi no Mupashi ebaba abana Bakwe. Nikubukata bwesu ukuba abana Bakwe. Abana Bakwe balungami.
Ilyo Lesa atwita abalungami bushe alabika umubembu ukuba umulungami Lesa teti abepe. Eco ukwabula ena, uli mubembu nangu umuntu umulungami. Teti `kube ukwabulo ukukwata ulubembu.` Etafye abo abatetekela mu mbilansuma ukuba abashishiwa.
Bushe kuti twabashani abana bakwa Lesa?
Ukupokelela imbilansuma ya menshi no mulopa
Pantu Lesa abikile imembu shonse ishe sonde pa mwana wakwe, umwana wakwe nao alingilwe ukupingulwa pa Capindama. Lesa tabepa. atile, "Icilambo ca lubembu nimfwa (Abena Roma 6:23). Elyo umwana wakwe afwile, imfifi ya ponene pa calo pama ola yatatu.
"Yesu akutile ishiwi likalamba eli, eli, lamasaba katani ekutila (Lesa wandi, Lesa wandi, cinshi ico mwadekeleshesha?)" (Mateo 27:46).
Yesu alisendele imembu shonse ishe sonde ukupitila mu lubatisho lwakwe ukupususha bantu bonse ukufuma ku membu shabo. Asendele imembu sha bantunse ukwishiba ukuti alino kutanikwa noku lekeleshiwa na Lesa, wishi. Eco Lesa apingwile umwana Wakwe pa membu asendele ku Yordani no kufumyako icinso cakwe pa mwana wakwe pa ma ola yatatu.
"Lelo abo bene abamusekele abatetekela ishina lyakwe abapele amaka ayakuba abana bakwa Lesa" (Johane 1:12).
Bushe muli bana bakwa Lesa? Twalifyalwa libili pantu twalipokelela imbilansuma ya menshi no Mupashi. Abo abafyalwa libili ku menshi no Mupashi balungami. Nomba bonse twaliba abalungami.
"Lesa nga ba mwina mwesu nani enga pinkana na ifwe?" (Abana Roma 8:31). Ilyo muntu mulungami aita umwine eka mulungami ku cinso cakwa Lesa na bantu, abo abashalubulwa balamupingula. Eco umutumwa Paulo asosele, "Nani akaseba abasalwa bakwa Lesa? Bushe ni Lesa uulungamika " (Abena Roma 8:33). Lesa alikumuna imembu shesu shonse ukupitila muli Yesu no kutwita abashishiwa, abalungami, kabili abana bakwe. Alitupele sambu isha kuba abana Ba kwa Lesa ababukata.
Abo abafyalwa libili ku menshi no Mupashi bana bakwe bale kala nakwe umuyayaya. Tefibumbwafye muli ino sonde lelo bana bakwa Lesa abamu Mulu.
Nomba ukuti bana balungami bakwa Lesa, takuli uwingaba seba nokubapingula nangu ukubapatulula ukufuma kuli Lesa.
Tulingile ukwishiba imbilansuma ya menshi no Mupashi pakuti tutetekele muli Yesu. Tulingile ukwishiba icipingo. ecifwaikwa ukuti twingeshiba no kutetekela ubufwayo bwakwa Lesa pakuti twingakwanisha ukusenda ukulingana no bufwayo bwakwe.
KUFWAYA KWAKWA LESA UKUTI ABABEMBU BA FYALWE LIBILI KU MENSHI NO MUPASHI
Bushe mulandushi Lesa atumine umwana kwakwe mucipasho ca muntu umubembu?
Pakuti imembu shonse shibikwe pali ena
Bufwayo bwakwa Lesa ukuti twaba abalubulwa no ku fyalwa libili ku menshi no Mupashi. "Pantu uku ekufwaya kwakwa Lesa, ukushishiwa kwenu (1 Tesalonika 4:3).
Bwali bufwayo bwakwa Lesa ukutuma umwana wakwe pakuti imembu shonse shinga bikwa pali ena kabili ukuti twingapusuka. Ili e funde Mupashi ilya tusuminisha ukufyalwa libili ku menshi no Mupashi. Lyalitukakula ukufuma ku membu shonse.
Twalilubulwa. Nomba kuti mwaishiba bonse ubufwayo bwakwa Lesa? Bufwayo bwakwe ukutulubula ifwe bonse. Talefwaya ifwe ukumfwana ne sonde lelo kutetekelalafye mumashiwi yakwe no kumushishimuna eka.
Kabili bufwayo bwakwa Lesa ukuti abo abafyalwa libili bengalondola imbilansuma kabili nokwikala mu lukuta, ukwipelesha kumulimo uwakuleta imyeo kuli Lesa.
Tulabembuka tepamulandu tulafwaya, lelo nipamulandu twali ba abanaka lelo Yesu alisenda isho imembu. Lesa abikile imembu shonse ishe sonde pali Yesu ukupitila muli Yohane Kabatisha. Atumine unwana wakwe pali ubo bulayo no kumulenga ukubatishiwa kuli Yohane. Twapusuka mukutetekela muli ifi. Ubu ebufwayo wakwa Lesa.
BUFWAYO BWAKWA LESA PALI IFWE UKUTETEKELA MULI YESU UO ATUMINE
Bushe mulandushi Yesu ashile muci pasho ca muntu umubembu?
Kusenda imembu shamutundu wa muntu
Icipingo citila Ubufwayo wakwa Lesa kutetekelala muli ena eo atuma. "Eco batile kuli wene, nga kanshi kuti twacita shani kuti tubombe imilimo yakwa Lesa? Yesu alyaswike kuli bene nokutila ati uyu emulimo wakwa Lesa, kuti mutetekela uyo atumine. Eico batile kuli wene nga kanshi cishibilo mulecita imwe cinshi, icakuti tumone kabili tumitetekele? Cinshi mulebomba? Bashifwe balile mana mumatololo; ifyo calembwa, aciti, abapele umukate wamu Mulu kuti balye" (Yohane 6:28-31).
Abantu ba ebele Yesu ukuti Lesa alipele Mose ici shibilo ilyo ali munshila kuya ku kenani, ukupela abena Israele mana wamu Mulu muli ifi balitetekele muli Lesa (Yohane 6:32-39). Abantu baipwishe Yesu, "kuti twacita shani pakuti tu bombe umulimo yakwa Lesa?"
Yesu aaswike ati bailingila kutetekelala muli Ena kukubomba umulimo wakwa Lesa. Nga tuli abakucita umulimo wakwa Lesa, tulingile ukutetekela mu milimo yakwa Yesu Kristu. Ubufwayo bwakwa Lesa pali ifwe te kutetekela fye no kushimikila imbilansuma lelo kwi kalililamo.
Lesa atwebele, "Eco kabiyane, kalengeni abankosho shonse ukuba abasmbi uleba batisha mwinshina yakwa Tata nelya mwana ne lya Mupashi wamushilo muleba sambilisha ukubaka fyonse ifyo namwebele." (Mateo 28:18-20).
Yesu alatweba bwino bwino uku batishiwa mwishina lyakwa Tata nelya Mwana nelya Mupashi. Fyonse efyo acitile pali Wishi no Mupashi fisangwa mu lubatisho lwakwe. Elyo twa umfwikisha ico, kuti twa tetekela muli Lesa no kumona fyonse Yesu acitile muli lino sonde nefyo Mupashi ubelelo ubunte kuli ico. Yesu atuminwe na Lesa ukubelo ubunte ku mbilansuma ya menshi no Mupashi. Eco nga twatetekela mucebo cakwa Lesa no mubomfi wakwe elyo twinga pusuka.
UKUCITA UMULIMO WAKWA LESA
Bushe twikalile nshi?
Kucita ubufwayo bwakwa Lesa no kusabakanya imbilansuma isonde lyonse
Nga tulibakucita umulimo wakwa Lesa, tufwile ica kubalipo twatetekela mu mbilansuma ya lubatisho lwakwe Yesu nefwa Yakwe pa Capindama. Mulimo wakwa Lesa ukutetekela muli Ene Lesa atuma. Pakuti tutetekele muli Yesu, tulingile uku balilapo ukutetekelala ukuti ali tupususha na menshi no Mulopa.
Ubufwayo bwakwa Lesa bwali pwililika muli ifwe ilyo twatetekela muli Yesu no kushimikila imbilansuma. Muli iyi nshila tulacita umulimo wakwa Lesa. Alitweba ukuti ni abofye abatetekela mwipalo yakufyalwa libili Ilya menshi no Mupashi ebenge ngila mu Bufumu bwa mu Mulu.
Natusende icende shesu mu Bufumu bwa mu Mulu ne cine ici fwaika. Ukwishiba icine cabufwayo bwakwa Lesa, ukwishiba no kutetekela ukuti imembu shesu shonse shalibikilwe pali Yesu mulubatisho lwakwe. Ukwikala mu kukusha Ufumu Bwakwe. Mu kulekelesha, shimikila imbilansuma paka no bushiku wafwa.
Mwebena Kristu banadi! Abo abatetekela mu mbilansuma ya menshi no Mupashi ebengacita umulimo wakwa Lesa. Ukutetekela muli Ena uo Lesa atuma. Mulimo wakwa Lesa ukutetekela uo Lesa atuma. Kucita ubufwayo bakwe ukutetekela ukuti Imembu shonse Sha bikilwe pali Ena ou Lesa atuma kabili ukuti Yesu kristu nikapususha.
Umulimo wa kukakula umuntu ukufuma ku lubembu walipwililike elyo Yesu abatishiwe ku Yordani no kufwila ifwe bonse pa Capindama. Umulimo wa cibili uwakwa Lesa kutetekela muli Ena uo Lesa atuma, ukutetekela muli Kapususha uyo uwa sendele imembu shonse ishe sonde, no kushimikila imbilansuma mwi sonde lyonse.
Nomba ifwe fweba fyalwa libili tulingile ukwikala no kushimikila imbilansuma ukufika na kumpela ye sonde.
Bushe abantu ba ifi baya kwisa abo abatetekela muli Yesu ukwabula ukwishiba ubufwayo bwakwa Lesa?
Baya ku gehena
Baya ku gehena
"Abengi muli bulya bushiku bakatila kuli Ine, mwe Shikulu, mwe Shikulu, bushe tatwa sesemene mwi shina lyenu? Bushe tatwa fumishe ifiwa mwishina lyenu? Bushe tatwa citile ifya maka ifingi mwishina lyenu? Kabili elyo nkasosa kuli bene, nkatila, nshamwishiba nakalya; fumeni apa mwebacita amampulu" (Mateo 7:22-23).
Aya ama lembo yala tweba bwino bwino efyo aba bembu baba kucinso cakwa Lesa kabili nefyo bakacita ba mampulu baba.
Kwaliba abengi aba shafyalwa libili pali abo abatila `Mwe Mfumu, Mwe Mfumu.` Balaba mubukali pantu bacili nabakwata ulubembu mu mitima yabo. Eco balilila kuli Lesa, ukwita, `Mwe Mfumu, Mwe Mfumu.` mulubali lwakwi lishanya, amapepo aya moneka aya cine mu kushinshimuna.
Batetekela ukuti baka mpingu babo baka butishiwa nga balebilikisha mwipepo, lelo calishupa pantu ulubembu lwali shala mu mitima yabo. Balapepa mu mpili, ukulila mu bukali, kwati Lesa abo kutali. Nga tatukwete icitetekelo ica pwililika, kuti twaisanga ukulapunda `Mwe Mfumu, Mwe Mfumu` lyonse.
Munkuta shimbi umo ifilonganino ifi shafyalwa libili, bapepa no kumfwa bwino sana icakuti na pupiti ya tobaika.
Lelo kuti twamona Mucipingo ukuti tebonse abeita `Shikulu, Shikulu, abake ngila mu bu Fumu bwa mu Mulu. Ni abo fye abatetekela mu mbilansuma ya menshi no Mupashi e ba kwata icitetekelo iciba tungulula ukucita umulimo wakwa Lesa.
Icipingo citweba ukuti kucita ama mpulu ikwita pe shina lyakwe no lubembu mu mutima wa umo. Bushe wali yapo kumpili kumapepo yaku kumana? Bana makombe bamo abakote balalila no kulila, ukwita pe shina lyakwe pantu taba mukumanya Yesu mucine nangu ukupokelela umupashi mu mitima yabo, nangu ukuba uwa fwalwa libili ku menshi no Mupashi. Baleta ishina lyakwe mukwangufyana pantu bali ikalila mu mwenso ukuti bakaya ku gehena.
Nga cakutila umo na ipelesha umweo wakwe uku bombela ulukuta nga mishoni, nangu kapyunga nga alisulilwe kumfumu. Ukulekeleshiwa no mu fyashi nangu umwina mwankwe kuti caba icalinga uku toba umutima wa umo, lelo ukulekeleshiwa na Lesa, Imfumu ya sha Mfumu, Kapingula wa myeo shesu kuti twaya kwisa? Nde subila ifi teti ficitike kuli umo uwa muli imwe. Napapata kutikeni no kutetekela mumbilansuma ya menshi no Mupashi. Bufwayo bwakwa Lesa pali ifwe uku fyalwa libili no kwikala mu mbilansuma ya menshi no Mupashi.
Ifwe fwe bena kristu fwebatetekela icine cine mu mbilansuma ya menshi no Mupashi no kufumya ukukoseleshiwa ukufuma kucine ca Cipingo. Elyo fye twinga pusuka uku fuma ku bupingushi bwakwa Lesa.
Aya ama lembo yala tweba bwino bwino efyo aba bembu baba kucinso cakwa Lesa kabili nefyo bakacita ba mampulu baba.
Kwaliba abengi aba shafyalwa libili pali abo abatila `Mwe Mfumu, Mwe Mfumu.` Balaba mubukali pantu bacili nabakwata ulubembu mu mitima yabo. Eco balilila kuli Lesa, ukwita, `Mwe Mfumu, Mwe Mfumu.` mulubali lwakwi lishanya, amapepo aya moneka aya cine mu kushinshimuna.
Batetekela ukuti baka mpingu babo baka butishiwa nga balebilikisha mwipepo, lelo calishupa pantu ulubembu lwali shala mu mitima yabo. Balapepa mu mpili, ukulila mu bukali, kwati Lesa abo kutali. Nga tatukwete icitetekelo ica pwililika, kuti twaisanga ukulapunda `Mwe Mfumu, Mwe Mfumu` lyonse.
Munkuta shimbi umo ifilonganino ifi shafyalwa libili, bapepa no kumfwa bwino sana icakuti na pupiti ya tobaika.
Lelo kuti twamona Mucipingo ukuti tebonse abeita `Shikulu, Shikulu, abake ngila mu bu Fumu bwa mu Mulu. Ni abo fye abatetekela mu mbilansuma ya menshi no Mupashi e ba kwata icitetekelo iciba tungulula ukucita umulimo wakwa Lesa.
Icipingo citweba ukuti kucita ama mpulu ikwita pe shina lyakwe no lubembu mu mutima wa umo. Bushe wali yapo kumpili kumapepo yaku kumana? Bana makombe bamo abakote balalila no kulila, ukwita pe shina lyakwe pantu taba mukumanya Yesu mucine nangu ukupokelela umupashi mu mitima yabo, nangu ukuba uwa fwalwa libili ku menshi no Mupashi. Baleta ishina lyakwe mukwangufyana pantu bali ikalila mu mwenso ukuti bakaya ku gehena.
Nga cakutila umo na ipelesha umweo wakwe uku bombela ulukuta nga mishoni, nangu kapyunga nga alisulilwe kumfumu. Ukulekeleshiwa no mu fyashi nangu umwina mwankwe kuti caba icalinga uku toba umutima wa umo, lelo ukulekeleshiwa na Lesa, Imfumu ya sha Mfumu, Kapingula wa myeo shesu kuti twaya kwisa? Nde subila ifi teti ficitike kuli umo uwa muli imwe. Napapata kutikeni no kutetekela mumbilansuma ya menshi no Mupashi. Bufwayo bwakwa Lesa pali ifwe uku fyalwa libili no kwikala mu mbilansuma ya menshi no Mupashi.
Ifwe fwe bena kristu fwebatetekela icine cine mu mbilansuma ya menshi no Mupashi no kufumya ukukoseleshiwa ukufuma kucine ca Cipingo. Elyo fye twinga pusuka uku fuma ku bupingushi bwakwa Lesa.
Copyright © 2021 by The New Life Mission
