- All e-books and audiobooks on The New Life Mission website are free
- Explore multilingual sermons in global languages
- Two new revised editions in English have been released
- Check out our website translated into 27 languages
ISAMBILISHO 8: UMUPASHI WA MUSHILO
[8-2] Bushe Umuntu Kuti Ashita Umupashi wa Mushilo ku Maka Yakwe Umwine? (Imilimo ya Batumwa 8:14-24)
(Imilimo ya Batumwa 8:14-24)
“Awe abatumwa abali mu Yerusalemu ilyo baumfwile ukuti abena Samaria na bapokelela icebo ca kwa Lesa, batumineko Petro na Yohane. Ilyo batentemukileko, babalombele ukuti bapokelele Umupashiwa Mushilo. (Pantu lilya wali taulawila nangu ni pali umo; ababatishiwa fye mwi shina lya kwa Shikulu Yesu.) E lyo babikile iminwe pali bene, nabo bapokelele Mupashi wa Mushilo. Lelo Simone pa kumono kuti ni mu kubikapo iminwe ya batumwa e mupelelwo Mupashi wa Mushilo, atweleko indalama ati, Mpeleniko na ine amaka aya, ukuti uyo ningabikapo iminwe apokelele Umupashi wa Mushilo, Lelo Petro atile kuli wene, indalama shobe shiye pamo nobe mu bonaushi, ico utile mu ndalama e mwingamwenwe ca bupe ca kwa Lesa. Muli ici cintu taukwete cakaniko nangu icapendulwa. Pantu umutima obe taulungeme ku cinso ca kwa Lesa. Eico lapila pali ubu bubi bobe, no kulomba kuli Shikulu nga wingalekelelwo kupanga kwa mutima obe. Pantu ndemona uli mu bwanga bwa bululu kabili mu myando ya kuulungana. Kabili Simone alyaswike, ati, ndombeleni ni mwe kuli Shikulu kuti ciisa mponena cimo pali ifyo mwasosa.”
“Awe abatumwa abali mu Yerusalemu ilyo baumfwile ukuti abena Samaria na bapokelela icebo ca kwa Lesa, batumineko Petro na Yohane. Ilyo batentemukileko, babalombele ukuti bapokelele Umupashiwa Mushilo. (Pantu lilya wali taulawila nangu ni pali umo; ababatishiwa fye mwi shina lya kwa Shikulu Yesu.) E lyo babikile iminwe pali bene, nabo bapokelele Mupashi wa Mushilo. Lelo Simone pa kumono kuti ni mu kubikapo iminwe ya batumwa e mupelelwo Mupashi wa Mushilo, atweleko indalama ati, Mpeleniko na ine amaka aya, ukuti uyo ningabikapo iminwe apokelele Umupashi wa Mushilo, Lelo Petro atile kuli wene, indalama shobe shiye pamo nobe mu bonaushi, ico utile mu ndalama e mwingamwenwe ca bupe ca kwa Lesa. Muli ici cintu taukwete cakaniko nangu icapendulwa. Pantu umutima obe taulungeme ku cinso ca kwa Lesa. Eico lapila pali ubu bubi bobe, no kulomba kuli Shikulu nga wingalekelelwo kupanga kwa mutima obe. Pantu ndemona uli mu bwanga bwa bululu kabili mu myando ya kuulungana. Kabili Simone alyaswike, ati, ndombeleni ni mwe kuli Shikulu kuti ciisa mponena cimo pali ifyo mwasosa.”
Bushe umuntu kuti apokelela Umupashi wa Mushilo ukupitila mu kushimpa amaboko?
Nakalya. Alingile ukutetekela mu mbilansuma ya ku menshi no Mupashi.
Ukulolesha pa malembo ayali pa mulu, ndefwaya ukubila imbilansuma nga cakutila“umo kuti apokelela ukwisushiwa na Mupashi wa Mushilo ukupitila ku maka yakwe.” Abatumwa mu lukuta lwa ntanshi bapokelele amaka ukufuma kuli Lesa kabili batuminwe ku ncende isha lekanalekana kuli ena. Kwaliba ifintu ifipapwa ifyalecitika mu Milimo ya Batumwa, cimo pali ifi Mupashi wa Mushilo ukwika pa batetekela ilyo abatumwa bashimpile amaboko yabo pamitwe yabo. Icipingo ciletila, “Lintu abatumwa bashimpile amaboko pali abo abashapokelele Umupashi wa Mushilo nelyo balitetekele muli Yesu lelo balepokelela Umupashi wa Mushilo.”
Nomba bushe balepokelela shani Umupashi wa Mushilo ukupitila mu kushimpa amaboko? Pali ilya nshita amashiwi ya kwa Lesa yali yacili yalelembwa kabili no mulimo ta wapwililike, eco Lesa apele abatumwa amaka ayaibela ukucito mulimo Wakwe. Ali na Batumwa kabili Alicitile ifisungusho ne fipapwa ukupitila muli bene. Yali ni nshita iyaibela, lintu Lesa acitile ifipapwa ne fisungusho ifingamoneka ku Bantunse mukulenga abantu ukutetekela ukuti Yesu Kristu Mwana wa kwa Lesa kabili kapususha. Calefwaikwa kuli Lesa, pamo na Batumwa, ukulanga ku maka umulimo wa mupashi wa Mushilo mukushinkisha ukuti Yesu Kristu ni Lesa kabili Umwana wa kwa Lesa, kabili kapususha. Nga cakutila Umupashi wa Mushilo ngata walebomba ne fipapwa ne fisungusho pa nshita ya lukuta lwa ntanshi, nga tapali uwatetekele ukutila Yesu Mupusushi.
Lelo, tacili icayana kuli ifwe ukupokelela Umupashi wa Mushilo ilelo ukupitila mu fipapwa ne fisungusho, lfimoneka, pantu Icipingo calipwile kale. Lelo, ukwisushiwa kwa Mupashi wa Mushilo utuusha mu citetekelo. Mu mashiwi yambi, ni pa kutetekela mu mbilansuma ya cine. Lesa alapela ukwisushiwa no Mupashi wa Mushilo kuli abo abakwata icitetekelo mu mbilansuma ya cine pacinso cakwa Lesa. Ukwisushiwa no Mupashi wa Mushilo kucitika fye kulyabo abatetekela mu mashiwi ya kwa Lesa, nge fyo cafikilishiwe no kwisa kwa kwa Yesu pano isonde kabili ku lubatisho no mulopa.
Shino nshiku, abengi ba kapyunga basambilisha abatetekela ukuti ifisungusho ifyakupapusha ifimoneka efilangililo fya kwisushiwa no Mupashi wa Mushilo. Kabili balatungulula abena kutetekela ukupokelela Umupashi wa Mushilo munshila imo yine. Balabepa abantu pa kubapela amafundisho ya bufi, ayapala nga ukulanda mu ndimi ukuba icilangililo ca kwisa kwa Mupashi wa Mushilo. Aba bakapyunga baitunga ukuba abatumwa abacita ifipapwa ifikulu ne fisungusho, kabili balongola bakapepa abengi abafwaya ukumona Lesa mu mibili shabo.
Ificitwa ifi na fisabankanyishiwa pe sonde lyonse, kabili abengi muli bene balakonka ifitetekelo fyabo no kupokelela imipashi isha kowela ukupitila mu ficitwa fyabo. Nangula ni lelo line, abantu abaletungululwa kuli aba bakapepa pepa fye batontonkanya kwati kuti balenga abanabo ukupokelela Umupashi wa Mushilo ukupitila mu kushimpa amaboko.
Lelo, nge fyo Simon acitile, baba nga uyu uwafyabuyeye uulemonekela pa malembo. Balikoweshiwa no kuyumfwisha bwino abene na bukaitemwe lelo imilimo shabo shonse shileta fye icimfulunganya pakati ka Bantu. Ifi fisambilisho fyabufi fya taluka ku nshila iya cine iya kupokelela Umupashi wa Mushilo ukufuma kuli Lesa.
Nangula ni lelo line, bakasesema ababufi balacita umulimo wa kwa satana ukupitila muli bukapepa bwabo ubwalubana, ukuitunga ukucita umulimo wa Mupashi wa Mushilo. Abena Kristu bacine bafwile uwikatilila ku Cebo ca kwa Lesa, ubwishibilo umo twingapokelela fye ukwisushiwamo no Mupashi wa Mushilo. Abaita bapente, abakonkomesha pa fimoneka ifya kunse ifya Mupashi wa Mushilo, bafwile batalukako ku fitetekelo fyabo ifyatumpa, no kubwelela ku mashiwi ya kwa Lesa kabili no kutetekela mu cine, icikabalenga ukwisushiwa no Mupashi wa Mushilo.
Simone ali uwafyabuyeye uwaishibikwa ku samaria pali ilya nshita. Panuma ya kumona abasambi ba kwa Yesu balelenga abantu ukupokelela Umupashi wa Mushilo afwaile ukushita Mupashi wa Mushilo ne ndalama. Abantu ba citetekelo ici balaba abasha ba kwa Satana, ababomfishiwa nankwe ukucita umulio wakwe. Simone alefwaya ukupokelela Mupashi wa Mushilo lelo ukufwaya kwakwe kwa bu kwabukaitemwe. Kuti twamona ukutila ici citetekelo te ca cine kuli bumupashi.
Simone aeseshe ukushita Mupashi wa Mushilo ne ndalama fye muli bukaitemwe bwakwe mu maka. Alikalipilwe kumubomfi wa kwa Lesa, Petro, pali uyu mulandu. Nangula cali soselwe ukutila Simone alitetekele muli Yesu, tali umuntu uwapokelele Mupashi wa Mushilo ukupitila mu kulekelelwa kwa membu. Mu mashiwi yambi atontonkenye ukuti kuti apokelela ukwisushiwamo no Mupashi wa Mushilo pa kupela ifintu fye sonde kuli Lesa.
Nangula kunse kwakwe kwamoneke kwati nalimo mwina Kutetekela muli Yesu, amatontonkanyo yakwe mukati ta ya kweto kwampana na mashiwi ya cine aya kwa Yesu. Lelo aliswilemo na bukaitemwe. Petro, uwaishibe amatontonkanyo ya kwa Simone alimukalipile pa kwesho kushita Umupashi wa Mushilo, uuli ca bupe ca kwa Lesa, ne ndalama fye. Aebele Simone ukutila akaonaukwa ne ndalama shakwe.
Shino nshiku, bakasesema ababufi abaisushiwa ne mipashi ya kowela bafwaya ukubepa abantu ukubalenga ukutontonkanya ukuti ifisungusho fyonse ne fipapwa milimo ya Mupashi wa Mushilo. Kuti twamona lyonse abantu abakabila aya maka no kupepa mu kucucutika ukuti bapokelele Umupashi wa Mushilo. Lelo, umo afwile ukukwata mu matontonkanyo ukutila takuli uwingapokelela ukwisushiwa no Mupashi wa Mushilo ukupitila mu mapepo yakwe aya bukaitemwe bwe sonde.
Bushe kabili kwaliba ifya mapepo ya ba pente pa bantu aba mishinguluka? Cenjeleni nabo sana aba abantu, balakumanya abanabo ne citetekelo ca icikabila. Balasosa ukutila kuti batamfye fiwa no kulenga abantu ukupokelela Mupashi wa Mushilo ukupitila mu ku shintapo amabo yabo. Lelo, balesushiwamo amaka ayashili ya Mupashi wa Mushilo, lelo ya mipashi iyakowela. Abo abasuminisha ukuti balipokelela Umupashi wa Mushilo ukupitila mu kushimpa amaboko bonse batungulula abanabo pamo na bene ukupokelela imipashi ya kowela.
Ukwisushiwa kwa cine ukwa mupashi wa mushilo kwisa fye kuli abo abatetekela mu mashiwi ya menshi no Mupashi (1 Yohane 5:3-7). Nangula imbilansuma ya menshi no Mupashi yalilembwa bwino bwino mu Cipingo, pantu abantu abengi bali kwata ulubembu mu mitima yabo, balesha ukukumanya Lesa ukupitila mu maka ayaibela, ne fyakupitamo ifyapala nga ifimonwa, ukulanda mundimi, ifyakumfwa mu mubili kabili na mu kutamfye ngulu. E mulandu wine bakasesema ababufi bakwanisha ukubepa abantu abengi mukutetekela mu maka ya bwina kristu ubwa bufi ubufuma kuli ciwa.
Petro akalipile Simon ukutila“Indalama shobe shiye pamo nobe mu bonaushi, ico utile mu ndalama e mwingamwenwe cabupe ca kwa Lesa. Muli ici cintu taukwete cakaniko nangu icapendulwa. Pantu umutima obe taulungeme ku cinso cakwa Lesa. Pantu ndemona uli mu bwanga bwa bululu kabili mu myando ya kuulungana. Uli mwana wa ngulu.” Tulingile ukutenda no bulanda icishinka cakutila kwaliba bakapyunga bamusangoyu abengi shino nshiku. Kabili abengi bacipente. Balalomba indalama ku mukuni wabo. Tulingile ukutalukako kuli ici citetekelo ca musango uyu no kupokelela ukwisushiwa no Mupashi wa Mushilo pa kutetekela mu mbilansuma ya cine iya menshi no Mupashi (Mateo 3:15, 1 Petro 3:21, Yohane 1:29, Yohane 19:21-23).
Abantu bacipente babomba mu kushimpa amaboko!
Tulingile ukutalukako ku citetekelo ca musangoyu. Abantu shino nshiku balikwata icisumino icafulungana ukutila kuti bapokelela Umupashi wa Mushilo nga cakutila bapokelela ukushimpa kwa maboko ukufuma kuli abo abapokelela amaka. Batontonkanyo ukwebati apo amalembo yatila ati abantu abengi bapokelela Umupashi wa Mushilo ilyo ba pokelele ukushimpwapo kwa maboko ukufuma ku batumwa, ukutila nabo bene kuti baciteco. Eco abantu bamo abaitunga nabo balikwata icisumino icafye ukutila kuti bapela ukwisushiwa no Mupashi wa Mushilo ukupitila mu ku bashimpapo amaboko. Tufwile ukuba abacenjela na bantu bamusango uyu.
Lelo, tufwile ukwishiba kutila icitetekelo cabo calipousanako ne citetekelo ca batumwa mu nshita ya lukuta lwa ntanshi. Shino nshiku ubwafya bwabapo ku bena kristu bambi bwakutila ta bakwata icitetekelo mu mbilansuma ya cine iya menshi no Mupashi. Basosa ukutila balitetekela muli Lesa, lelo tabamupela umucinshi kabili lelo baibepa abene beka no kubepa abanabo. Eico, umubembu te kuti apokelele ukwisushiwamo Umupashi wa Mushilo nangula ukulenga ababiye ukupokelela Mupashi wa Mushilo. Ngacakutila umuntu atila ukuti umupashi walishile pa mu bembu, uyu Mupashi ta wali Mupashi wa Mushilo mu cine, lelo wali mupashi wa kwa satana uwaitungile ukuba Umupashi wa cine.
Abatumwa munshita ya lukuta lwa ntanshi bali bantu abaishibe no kutetekela ukuti yesu ali Umupusushi, uwasendele membu shonse isha bantunse ukupitila mu lubatisho Lwakwe kuli Yohane ne mumfwa Yakwe pa Capindama. Balikwanishe ukupokelela ukwisushiwa no Mupashi wa Mushilo pantu balitetekele mu cine ca lubatisho lwa kwa Yesu no mu mulopa Wakwe pa Capindama. Kabili balishimike imbilansuma iya menshi no Mupashi kuli bambi. E fyo babafwilishe ukupokelela ukwisushiwa no Mupashi wa Mushilo.
Lelo shino nshiku, abena Kristu abengi balipimpa mu fisumino fyabo ifya lubana. Bushe kuti cacitika shino nshiku ku mubembu ukupokelela Umupashi wa mushilo ukupitila mu kushimpa amaboko ukufuma kuli kapyunga umubembu? Ca buwelewele. Kwaliba abantu abatila nangu bacili na bakwata ulubembu mu mutima wabo balipokelela ukwisushiwa no mupashi wa Mushilo. Nangula umuntu alemoneko kuba kacema musuma ku menso ya bantu bakwe, tengalengo muntu uuli onse ukupokelela ukwisushiwa no Mupashi wa Mushilo nga na kwato lubembu mu mutima wakwe.
Nangu cingabefyo, abantu abengi balikwata ifitetekelo ifi ifya bufi. E mulandu wine bakasesema ababufi balekwanisha ukubatungulwila ku gehena. Mufwile ukwishibe cine cakutila abo abasambilisha icitetekelo ca musangoyu ni bakasesema babufi. Aba Bantu abaikatwa akale ne ngulu.
Nga cakutila umuntu abembuka mu mutima wakwe, bushe Mupashi wa Mushilo kuti aikala muli ena? Nomba bushe calyanguka umuntu ku muntu uwa kwata ulubembu mumutima wakwe ukupokelela kwisushiwa na Mupashi wa Mushilo. Nakabili, ubwasuko bwakutila, nakalya. E lyo, bushe cinshi cilenga abantu abacipente shino nshiku ukucita ifipapwa ne fisungusho mu Bwina Kristu ilyo bakwete imembu mu mitima shabo. Imipashi isha kowela ishicite fyo. Umupashi wa Mushilo te kuti wikale mu mubembu. Wene ekala fye mu lyabo abakwete icitetekelo mu mbilansuma ya menshi no Mupashi. Bushe mwali shininkisha ukutila umupashi uwaishile kuli imwe Mupashi wa Mushilo?
Muli Yohane 3:5 Yesu alyaswike, ati, ndekwebe icine cine, nati, ngo muntu tafyelwe ku menshi na ku mupashi, tekuti engile mubufumu bwa kwa Lesa. Ifyapala, ukwisushiwa no Mupashi wa Mushilo kuti kwacitwa pa kutetekela fye mu mbilansuma ya cine iya menshi no Mupashi. Ukulufyanya uko abena kristu bapanga shino nshiku kutetekela ukuti umo kuti apokelela ukwisushiwa kwa Mupashi wa Mushilo ukupitila mu kushimpa amaboko na bakapyunga ababembu. Uku kulufyanya ukwakakata. Shino nshiku, abena Kristu abengi na bakapyunga balikwata icitetekelo no kushininkisha ukuti ukwisushiwa na Mupashi wa Mushilo kwisa pali bena ukupitila mu kushimpa kwa maboko.
Ubwampano bwaba pa kulekelelwa kwa membu ukwa cine no kushimpa kwa maboko
“Ukushimpa kwa amaboko” e nshila iyo umuntu engapela icaba muli ena paco ashimpilepo. Tontonkanyenipo muli iyinshila: nga cakutila twalandila mu ca kulandilamo, amashiwi yalaya mu bunkolanya bwa kukusha amashiwi kabili amashiwi yapita mu ntambo ukuya mu bunkolanya ya kupita amashiwi ukufika ne fya kumfwilako ukuti abantu bonse bomfwe. Cimo cine fye, mu Cipingo ca Kale, ilyo umubembu aleshimpa amaboko pa mutwe wa ca pa lubembu, imembu shakwe shalebikwa pa ca pa lubembu kabili e fyo aleelelwa ku membu. Munshila imo yine amaka ya kwa Lesa yalapita mu Bantu ilyo ababomfi Bakwe baleshimpa amaboko pali bene. Muli iyi nshila, ukushimpa kwa maboko kucitika ku bupilibulo bwa “ukuyasa, ukukuusha.”
Abantu bacipente ta balenga abantu ukupokelela ukwisushiwa kwa mupashi wa Mushilo ukupitila mu kushimpa kwa maboko yabo lelo babalenga ukupokelela imipashi iya kowela. Mulingile ukwibukisho kutila umuntu uukwete amaka ya mipashi ya kowela apela imipashi ya kowela ku Bantu bambi ukupitila mu kushimpa kwa maboko. Lintu umuntu uwaisushiwamo ne ngulu ashimpa amaboko pa mutwe wa mubiye, ingulu muli ena shilakukila muli ulya muntu, pantu satana abombo kupitila mu babembu. Napali uyu mulandu, uuli onse afwile atetekela mu mbilansuma ya menshi no Mupashi nga balefwaya ukwisushiwa no Mupashi wa Mushilo. Satana atungulula abo abacili mu lubembu, ta cili na mulandu nangu balitetekela muli Yesu, nga cakutila bafilwa ukupokelela ukulekelelwa kwa membu.
Nga cakutila umuntu apokelela ukushimpwa kwa maboko ku muntu uwaiswishiwamo ne ne ngulu, ingulu nasho shikesa pali wene kabili akatampo kubomba ifisungusho fya bufi. Tulingile kwishibo kutila ingulu shingila mu muli bambi ukupitila mu kushimpapo amaboko, kabili no kutila ukwisushiwamo Mupashi wa Mushilo kucitika fye ukupitila mu citetekelo mu mbilansuma iya menshi no Mupashi.
Ukushimpa kwa maboko ni nshila iya bikwa na Lesa pa kubika icintu ku cibiye. Lelo satana alalenga abantu abengi ukupokelela imipashi ya kowela ukupitila mu kushimpapo kwa maboko. Icishinka cakutila shino nshiku kuli abantu abengi abaleesho kushita amaka ya Mupashi wa Mushilo ukubomfya indalama kabili caliba bwafya ubukalamba.
Abena Kristu abengi ta bomfwikisha icine ca kwisushiwamo no Mupashi wa Mushilo
Lintu baipushiwa ifyo bengapokelela ukwisushiwamo kwa Mupashi wa Mushilo abantu abengi basuko kutila cabafye icayanguka ukupitila mu mapepo ya kulapila no kufunga. Ici te cine iyo. Bushe Mupashi wa Mushilo esa pali imwe ilyo mwa pepa amapepo ayaibela kuli Lesa? Nakalya. Ukwisushiwa no Mupashi wa Mushilo kwisa fye pali abo abatetekela mu mbilansuma ya menshi no Mupashi.
Pantu Lesa e cine, alibikileko ifunde ilya kupokelela ukwisushiwamo kwa Mupashi wa Mushilo. Bushe Mupashi wa Mushilo kuti aikala mu muntu uukwete ulubembu mu mutima wakwe? Ubwasuko bwa kutila nakalya. Umuntu te kuti apokelele Umupashi wa Mushilo ukupitila mu kushimpapo kwa maboko. Nangula umuntu engasangwako mu kulongana kwa kupuputulwa no kulumbanya Lesa ukuti engapokelela amaka ya Mupashi wa Mushilo, Mupashi wa Mushilo ukamutalukako. Ababembu te kuti bapokelele ukwishushiwamo no Mupashi wa Mushilo. Ababembu kuti bapokelela ukwisushiwamo kwa cine ukwa Mupashi wa Mushilo nge ca bupe, ilyo lyeka nga bapokelela ukulekelelwa kwa membu pa kutetekela mu mbilansuma ya menshi no Mupashi.
Onse uushaishiba imbilansuma ya menshi no Mupashi te kuti apokelele ukwisushiwamo kwa Mupashi wa Mushilo. Shino nshiku imbilansuma ya menshi no Mupashi ilesabankanishiwa ukupitila mu mabuku, na mu kulongana kwa mu lukuta, na mu interneti kabili na mu mabuku ya pa kompyuta isonde lyonse. Eico, onse uulefwaya imbilansuma ya cine kuti atetekelamo no kupokelela ukwisushiwamo kwa Mupashi wa Mushilo. Nga cakutila ta mwapokelela ukwisushiwamo no Mupashi wa Mushilo, mulingile ukwiluka ukuti pa kucite fi mufwile ukutetekela mu mbilansuma ya menshi no Mupashi.
Icilangililo Ca Citetekelo Ca Bufi!
Shino nshiku nga twalolekesha ifishibilo fya Bantu abapokelela imipashi sha bufi, kuti twamona ukubako kwa cine ukwa ngulu. “Ukulongana kwa ku kuputulwa kwa Mupashi wa Mushilo” kulongana kwa Bantu abakabila ukupokelela Umupashi wa Mushilo. Muli uku kulongana tumona abantu baletota amaboko no ku pepa amapepo ya kulapila ilyo balelila kabili no kufunga. Kashimikila alebatungulula amapepo ya kukonkeshapo no kubebo kutila Mupashi wa Mushilo tawakese pali bena kano fye bacite fyo fine. Abantu alyo balebilikisha, “Shikulu!” No kutendeka amapepo ya kupimpa aya bufi.
Bushe aba Bantu kuti bapokelela ukwisushiwamo kwa Mupashi wa Mushilo muli iyinshila? Nakalya. Kuti mwamona abantu balepunda no kupona, kabili no kutuma, ilyo balepanga icongo mu mu ku kumana. Bambi balapona kabili no ku kututuma panshi apa na pa, kabili tula bamona uko balepunda no kulanda mundimi. Umo muli uku kulongana nga amba ukupunda ne cina bwingi nacisendwa ku kumfwa kwa mubili. Bambi balatampa ukupumputa, ukututuma no kulanda mundimi. Abantu basosa ukuti ifi fipapusho ecishibilo cakuti Mupashi wa Mushilo na wisa pali bene. lelo tontonkanyenipo ilyo ingulu yacita mulimo? Bushe uyu mulimo wa mupashi wamushilo? Nakalya.
Satana Alebepa Abena Kristu Abengi
Shino nshiku, abena Kristu abengi bekala ubumi bwa bukapepa pepa fye buntu satana afwaya. Satana alabepa abantu pa kubeba ukutila balingile ukushimpwa amaboko ukufuma kuli Kapyunga wa maka pa kuti bengapokelela Mupashi wa Mushilo. Abengi abena Kristu balicitetekela ukuba isambilisho ilituntulu. Satana nao alalimbamo itontonkanyo mu Bantu ilyakuti bakapokelela Mupashi wa Mushilo nga cakutila ba pepesha ukucishapo. Satana alyesha ukukushe mpendwa ya Bantu aba kwata ici icitetekelo.
Eico abantu abengi tabaishiba, kabili bacilli tabafwaya ukwishiba no kusambilila pa lwa mbilansuma ya menshi no Mupashi. Tufwile ukwesha munshila yonse ukuti tutalukeko ku matontonkanyo ayo Satana eesho kubika mu mitwe shesu kabili no kwishiba no kutetekela mumbilansuma ya menshi no Mupashi. Ukwisushiwa no Mupashi wa Mushilo kwisa fye pali abo abatetekela mu mbilansuma ya menshi no Mupashi. Mufwile ukutetekela mu ici.
Ukuloba kwa bena Kristu pa lwa kwisushiwamo no Mupashi Wa Mushilo
Ica kubalilapo, kwaliba ukukanaumfwikisha ukukalamba mu fisumino fya Bantu abaikatilila ku kongola kwa bwina Kristu. Balesho kupokelela Umupashi wa Mushilo ilyo bacilli no lubembu mu mitima yabo. Balatetekela mukuloba ukuti nangula balikwata ulubembu mu mitima yabo, bakakwato kupokelela ukwisushiwamo na Mupashi wa Mushilo. Lelo, umuntu uwabula icitetekelo icili conse tengapokelela Mupashi wa Mushilo umupwilapo.
Icabubili, calisoswa ukuti ukutalama kwa Bantu e kubacinga ku kupokelela ukwisushiwamo na Mupashi wa Mushilo. E lyo bushe ici cilepilibulo kutila umo kuti apokelela Mupashi wa Mushilo nga taletalama? Bushe kwalibapo Umuntu muli lino isonde ushatalapo nangu panono? Umuntu uwatalama uushingelelwa na Lesa ni uyo uusanshako amatontonkanyo yakwe ku cebo ca kwa Lesa. Abantu abengi balesho kupokelela ukwisushiwamo no Mupashi wa Mushilo ukupitila munshila shabo beka, ukusula icine ca mbilansuma ya menshi no Mupashi. Lelo, ukwisushiwa na Mupashi wa Mushilo kwisa fye kuli abo abatetekela mu mbilansuma ya menshi no Mupashi.
Icalenga butatu, calisoswa ukutila ukwisushiwa na Mupashi wa Mushilo kwisa lilya umuntu ayebelela imembu shakwe shonse pa cinso ca kwa Lesa. Eco balakonkomeshiwa ukuyebelela imembu shabo lintu balefwaya ukupokelela Mupashi wa Mushilo. Lelo mufwile ukwibukisho kutila ukwisushiwamo na Mupashi wa Mushilo takwisa ilyo umuntu ayebelela imembu shakwe. Abena Kristu abengi shino nshiku balakabila ukwisushiwamo na Mupashi wa Mushilo kabili no mupwilapo Wakwe lelo te kuti bapokelele ukwisushiwamo na Mupashi wa Mushilo pantu bacilli na bakwata imembu mu mitima yabo. Umuntu uwakwata icikabila ca musangoyu akekatwa ne ngulu.
Icalenga bune, bambi basoso kutila ukwisushiwamo na Mupashi wa Mushilo kuti kwapelwa ilyo twalomba mukuicefya kuli Lesa ukutupela ipalo. Lelo takwingacitwa ukupitila mukupapatila. Uku kulufyanya mu mitontonkanishe.
Icalenga cisano, bambi baishiba ukwisushiwamo na Mupashi wa Mushilo ukuba na maka ya bumupashi. Ukulandila mu ndimi casendwa ukuba icilangililo ca kwisushiwamo na Mupashi wa Mushilo. Lelo Mupashi wa Mushilo tekala mu mutima wa muntu pantu alatamfye ngulu mwi shina lya kwa Yesu nangula pa kulanda mu ndimi shimbi. Ulubembu lwa kwa Satana. Bushe umuntu uukweto lubembu mu mutima wakwe kuti asosa ukutila alipokelela ukwisushiwamo na Mupashi wa Mushilo pantu naisushiwa na maka ayaibela? Libili nakabili, ubu buwelewele ubucitwa ne ngulu.
Imbilansuma ya menshi no Mupashi yintu Yesu atupele e mbilansuma fye iya cine iyinga tutungulula ku kupokelela ukwisushiwamo na Mupashi wa Mushilo. Nga cakutila mucili muletontonkanyo kutila kuti mwapokelela Mupashi wa Mushilo kabili no kulekelelwa kwa membu shenu ukupitila munshila shimbi, mwaliloba icine cine. Ndesubila ukutila mukailenga abantungwa mwebene ukufuma ku fisumino ifya lubana kabili no kukwata amatontonkanyo ya ku mupashi ne citetekelo ica cine.
Te cakwelenganya ukusoso kutila shino nshiku abena Kristu abengi balisushiwamo ne ngulu. Abena Kristu abengi pano isonde lyonse batungululwa na maka ya ngulu pantu bafwaya ukupokelela ukwisushiwa no Mupashi wa Mushilo ukupitila mu ku kumana kwa kupuputulwa nangu ku kupokelela ukushimpwapo amaboko. Balaya ku Bantu bamo abetwa bakangalila ba mapepo ya mu mayanda, ba dikone bakalamba, bakapuputula, nangu bakakumba abasoswo kutila balipokelela amaka ya Mupashi wa Mushilo. Balaya kuli bene mukusubila ukupokelela Mupashi wa Mushilo ukupitila mu kushimpwapo amaboko. Lelo, takuli nangu umo uwingapokelela ukwisuhiwa mo no Mupashi wa Mushilo ukupitila mu citetekelo ca musangoyu, tacili na mulandu mufyo batetekela muli Yesu. Mu mashiwi yambi, takwaba umbi kano fye Lesa uwingalengo muntu ukupokelela uwkisushiwamo na Mupashi wa Mushilo.
Nga Simone, abantu abengi shino nshiku balesho kushita Mupashi wa Mushilo. Balesho kupokelela Mupashi wa Mushilo pakutetekela mu fisambilisho fya pano isonde, ukukane mbilansuma. Abena Kristu bamo pe sonde lyonse bali minina mu mano. Mupashi wa Mushilo esa fye pali abo abakwata ifyakufwaikwa pa ku Mupokelela.inshila fye ya kupokelela Mupashi wa Mushilo kutetekela mu mbilansuma ya menshi no Mupashi kabili ubu e bwasuko fye ku cine (Imilimo ya Batumwa 2:38).
Ukupokelela Mupashi wa Mushilo ukupitila mu kushimpwapo amaboko kwalecitika fye pa nshita iya iinono munshita ya lukuta lwa ntanshi. Ukufumapo ukwisushiwamo na Mupashi wa Mushilo kwaishile pa Bantu ilyo baishibe no kutetekela mu mbilansuma ya menshi no Mupashi. Eico, ukucila pa mulimo wa Mupashi wa Mushilo uukucitika ukupitila mu citetekelo mu cebo ca kwa Lesa, fyonse fyashala milimo ya ngulu. Lesa aletila ukuti ingulu babomfi ba kwa satana, kabili na Satana alikwato kubomba munshila iyakutila abantu baleko kupokelela ukulekelelwa kwa membu nelyo batetekela muli Yesu. Satana alabepa ku Bantu pa kusoso kutila akabapelo Mupashi wa Mushilo nga cakutila batetekela muli Yesu no kushimpwapo amaboko. Satana alekushe ncende yakwe pe sonde lyonse ukupitila mu bufi bwakwe ubu bwine.
Nomba twalalolekesha pa fishibilo fya abo abaisushiwamo ne ngulu. Icantanshi, lintu twalolekesha bwino bwino ifishibilo fya kwisushiwa ne ngulu muli abantu ababuka, tulemono kutila batendeka no kututuma nge cipumputu, no kumona ifimonwa limo limo no kufwa icitu. E lyo indimi shabo shilaluka mu mashiwi ukufuma mu tunwa twabo ku kusushanya no kufwaya kwabo. Balalanda mu ndimi shimbi.
Bonse bashiŋanga na bena Kristu abaisushiwamo ne ngulu ukupitila mu kushimpwapo amaboko balyampana ca pamo muli uyu musango umo wine. Lintu uwakongola asenda icakulandilamo no kubilikisha, “No mulilo, no mulilo,” icilonganino cilesansamuka no ku kukana iteka. Abantu abalefwaya ukupokelela ukushimpwapo kwa maboko ukufuma kuli wene besa ku ntanshi. Batampa ukupumputa no kulanda mu ndimi. Ifi efishibilo fya kubomba kwa ngulu ishileitungo kubomba umulimo wa Mupashi wa Mushilo.
Abantu abaisushiwamo ne mipashi ya kowela, ishingetwa na ba fyabuyeye kabili na babuka aba muli bukapepa bonse ubwa bututu, balanga fishibilo fimo fine nga abena Kristu abaisushiwamo ne ngulu ukupitila mu kushimpwapo amaboko. Lelo, abantu tabomfwikisha ici, nelyo kwabe fishibilo ifi. Abo abena Kristu baliitumpa mu cimfulumfulu pantu batontonkanyo kutila balipokelela Mupashi wa Mushilo lintu bamona muli bene ifi fishibilo.
Satana abombela ukupitila mu bena Kristu ababa nga bakubuka
Satana alenga abantu abaisushiwa ne ngulu ukupepa amapepo ya busesemo. Balasesema ukutila, “Ukabe ntungulushi isuma. Imintapendwa ya mpanga ikalya pa ntanshi yobe. Lesa akakufunda kuntanshi no ku kulenga ukube ntungulushi iisuma.” Kuli bambi basosa amashiwi yakongola ayapala, “ukaba umubomfi wa kwa Lesa umusuma. Ukaba umusha uwa cindama wa kwa Lesa,” pakutila bakoseleshe abantu ukubakonka no kwikalila nga abasha ba ngulu mu mweo wabo onse.
Ababuka nabo balasesema ifikaba kuntanshi ya Bantu bambi. “Mufwile ukwiluka na menshi ya kuntanshi.” “Mukalapange ndalama ishingi sana.” “Umuntu musuma akamoneka ukufuma ku kabanga no ku myafwilisha.” Ifi e filangililo fya fintu basosa. Icishibilo ca kubalilapo mu muntu uwaisushiwamo ne ngulu ca kutila balalanda ubusesemo bwa bufi.
E lyo nomba balalanda mu ndimi isho na bene teti bomfwe. Balomfwa ukututuma kabili nangu ukumfwa ukufulungana. Nga cakutila mwakumanya uwafya buyeye nangula kabuka, bushe kuti mwasuminisha ukutila batuntulu? Balanda ne cilumba ku Bantu abakalamba pali bena.
Lelo, abantu abakwata ukwishiwamo no Mupashi wa Mushilo ukwa cine bali mupokelela ukupitila mu cine ca mu Cipingo ukutila Yesu alifumishepo imembu shonse isha ba pano isonde ukupitila mu lubatisho Lwakwe ne mfwa Yakwe pa Capindama. Aba Bantu balafwilisha na banabo ukwishiba no kutetekela mu mbilansuma ya menshi no Mupash,i no kubafwilisha ukupokelela ukulekelelwa kwa membu no kwisushiwamo kwa Mupashi wa Mushilo. Abene beka balesha ukwikala mu nshila ya bulungami, kabili no buntu bwabo bumoneka ubusuma ubwa palwa na ku mweo uo Lesa alefwaya. Nomba elyo Lesa alabasula ku kubalesho kuba abasangululwa lintu amatontonkanyo yabo ya bwelela kwi sonde.
Abalungami abapokelela ukulekelelwa kwa membu shonse balipusanako na buntunse bwa abo abaonaulwa ku ngulu. Ubuntunse bwa cine bulesa libili ngo muntu apokelela ukulekelelwa kwa membu no kupokelela ukwisushiwamo no Mupashi wa Mushilo. Mukulundapo, abalungami balasakamana pali fimo ifi citwa ifishiweme. Pa fyo bakabila mu cebo ca kwa Lesa, ukubapepela ukuti bakakulwe, no kuipelesha ku kubafwilisha.
Ku lubali lumbi, kuti twamona ukuti ubuntunse bwa Bantu abaisushiwamo ne ngulu balonaika apakalamba. Satana alabatungulula no kubakakila ku kufwaya kwakwe pantu batontonkanya ukutila ifi fintu ifya kututuma no kulanda mu ndimi fya bupe fya Mupashi wa Mushilo. Lelo, ifi fintu te fya bupe fya Mupashi wa Mushilo nakalya.
Kwaliba bakapyunga abengi sana abakwata cilumba pa maka yabo ifyapala ukusesema mwi shina lya kwa Lesa, na pa kuba abakucita ifipapwa no kulanda mundimi. Lelo nga cakutila bacilli na bakwata ulubembu mu mitima yabo, ekuti amaka yabo cilangililo ku cishinka cakuti balisushiwamo ne ngulu. Eico, te kuti bepele ukupokelela ukwisushiwa na Mupashi wa Mushilo ku banabo, lelo kuti bapela fye kulya ukwa ngulu. Nakabli, pantu satana wabufi, ifisungusho ifyo bacitapo filesa mukupwa pa kashita.
Kwaliba ubupusano ubwa buta tutu pakati ka mulimo wa Muspashi wa Mushilo kabili no mulimo wa ngulu. Nangula cingamoneka kwati nalimo umulimo wa Mupashi wa Mushilo ta upela ifyabupe mu kutendeka, pakuya kwa nshita, amaka ya kwa Lesa yalakula mu mutima wa balungami kwati fye kufuma kwa kasuba ka lucelo.
Abena Kristu sbaisushiwamo ne ngulu
Mulandnshi abantu abengi baisushiwamo ne ngulu nangula balesho kupokelela Umupashi wa Mushilo?
Pantu balapokelela ingulu ukupitila mu kushimpwapo amaboko ukufuma kuli bakasesema babufi.
Mukupapusha, kuti twamona abengi abena kutetekela muli Yesu abo imibili yabo ne myeo yabo yalingwa ukuya kubonaushi pantu balipokelele ingulu ukupitla mukushimpwapo kwa maboko ukufuma kuli bakasesema babufi. Aba Bantu tabakwata ulubali na Lesa pantu icitetekelo cabo ta ca iminina pa mashiwi ya mu Cipingo.Balapamfiwa ukubomfya amaka yabo ukwabula ukwishiba ukuti ukulongana kwabo kulelenga abantu abengi ukuba ababomfi ba kwa Satana. Mulandunshi balebombesha apakalamba mukulanga amaka yabo mu bwina Kristu? Pantu ayo amaka yabo ya lapwa bwangu nga cakutila tabaleyabomfya. E mulandu wine bapamfiwa.
Balatwalilila ukupepesha sana no kucite fisungusho ne fipapwa mwi shina lya kwa Yesu. Abantu abatila, “nalipokelela icabupe ca kushimikila imbilansuma,” balingile ukushimikila imbilansuma ukwabulo kuleka pantu nga tabaleshimikila, insansa shabo mu kucita ubusuma shilaleka ukumoneka. Nga cakutila aba Bantu tabalenakila ku fya bupe fya ngulu ifya kulandila mu ndimi, kundapa, nangula ifya busesemo, mu mashiwi yambi, nga cakutila tabali aba cishinka ku milimo ya kwa Satana, elyo Satana kuti abalengo kuba abalwele ukwabulo mulandu nangu umo. Ca bafye nga kabuka nangula ba uwafya buyeye ifyo asenda ubulwele bwa kubuka ilyo akana umulimo wa kuba umubomfi wa kwa Satana . Emulandu wine babomfya ifya bupe ifyo bapokelela ukufuma kuli Satana lyonse epali balekeleshiwa mu bonaushi panuma ya kubomfya amaka yabo.
Nalishibepo umuntu umo ifi uwali kapepa kabili umwina kutetekela uwafikapo muli Yesu kabili alemoneka kwati nalimo alikwata amaka ayengi sana ukufuma kuli Lesa. Alekoselesha abantu ukupokelela ukwisushiwamo no Mupashi wa Mushilo kabili nokutungulula ukulongana kwa upuputulwa kuntu aletamfye ngulu ukupitila mu kushimpa amaboko, kabili no kucita ifipapwa ifyapala ukulandila mu ndimi no kundapa. Alisaba icintu icamufimbila kabili no kupelwa umucinshi pamulandu wa fipapwa alecita. Imintapendwa ya bena kutetekela abengi balemukonka. Lelo, ukwabulo kupose inshita atampile ukukana Yesu, ati “Yesu Kristu ni kafilwa. Te Mwana wa kwa Lesa iyo.” atipile Yesu Kristu kabili no kulando kutila wene ali ni Lesa. Kabili pakulekelesha alipeye Yesu Kristu mu mutima wakwe kabili na mu mitima ya bena Kristu abengi.
Abantu baifi balakana imbilansuma ya menshi no Mupashi pantu Satana e ntungulushi yabo. Besa mu kukwata ifitetekelo ifya lubana ukutula ku kutetendeka pantu balekwato kubepwa ukuti balikwata amaka yamo yene kwati aya Batumwa, ku kumona amaka yabo, ukulenga abantu ukulandila mu ndimi shimbi kabili no kutamfye ngulu ukupitila mu kushimpa amaboko. Balikwata icitetekelo ica shipa ukuti ukwisushiwa na Mupashi wa Mushilo na kwisa pali bene.
Basambilisha abantu inshila sha kupokelelamo Umupashi wa Mushilo, pa kutontonkanyo kutila calyanguka ukupokelela Mupashi wa Mushilo mu kupepa amapepo ya kulapila. Lelo, iyi inshila ta ya iminina pa mashiwi ya kwa Lesa. Nangula cingaba ifi, basoso kutila ngo mwina kutetekela muli Yesu alandila mu ndimi kabili no kusesema, ekuti ici ecilangililo ca kwisa kwa Mupashi wa Mushilo pali wene. Pantu abantu abengi tabomfwikisha pa kwisushiwa na Mupashi wa Mushilo, batetekelo kutila kuti bapokelela Mupashi wa Mushilo ukupitila mu masambililo na mu kukonka aamafundisho ya bakasesema ba bufi. Ifi e fyo Satana akwanishe ukuukwisusha abena Kristu ne mipashi ya ngulu no kuteka pali aba Bantu. Ishi shonse inshila fiteyo fya kwa Satana.
Abantu abengi balisushiwamo ne ngulu ukupitila mu masambililo ya bakasesema babufi. Abena kutetekela abengi baikala ubumi bwa bukapepa ubwatumpa, lelo abantu abaisushiwamo ne ngulu babomfya amaka ya mipashi iya kowela no kwikala ubumi ubwa kuipelesha muli bukapepa. Bushe maka ya musango shani balanga? Balikwata amaka ya kundapa, no kulandila mu ndimi shimbi kabili no kutungulwila bambi ukuti besushiwe ne ngulu ukupitila mu kushimpwapo amaboko. Tulingile ukwishibo kutila ukushimpa kwa maboko ni nshila ya kupyanishishamo icintu cimo pali bambi kabili no kutila no bufumu bwa ngulu na bukula apakalamba ukupitila muli iyi nshila.
Imipashi ya kowela yibomba ukupitila muli bukaitemwe bwa bantunse!
Satana abombela mu Bantu abapala Simone uuli pa malembo aya pali ili sambilisho. Aba Bantu batila kuti bapokelela Mupashi wa Mushilo ukupitila mu kushimpapo kwa maboko, tacili na mulandu icitetekelo cabo mu mbilansuma ya menshi no Mupashi. Shino nshiku abantu abengi balibepwa kuli Satana, kabili balesha ukupokelela Mupashi wa Mushilo ukupitila mu mapepo ya kulapila, ukufunga, mu kuipelesha nangu mukushimpa kwa maboko. Lelo, balisushiwamo ne ngulu kabili bekalo bumi ubwa tipwa.
Tulingile ukwishiba bwino bwino ukuti ubwina Kristu bwelelo bwafwilisha ingulu ukubombela mu mweo wa muntu uuli onse ukupitila muli iyi nshila iyitwa ‘ukushimpwapo amaboko.’ Aba Bantu abakwate mbela yimo yine ne ya kwa Simone ni bakasesema ba bufi pa cinso ca kwa Lesa. Nangu abatetekela muli Yesu, nga na bakwata ulubembu mu mitima yabo, kuti baisushiwamo ne ngulu. Aba Bantu kuti bacita ifisungusho ukupitila mu kubomba kwa kwa ciwa. Satana alatungulula bantu ukupokelela ukushimpwapo kwa maboko ukufuma ku babomfi bakwe pa kutila abalengo kwisushiwamo ne ngulu no kukula ubufumu bwakwe pe sonde lyonse. Shino inshiku, inkuta sha [2]Pentecostal-Charismatic Movement na shishibikwa ukube nkuta sha bwina Kristu isonde lyonse.
| 2Ubwina Kristu bwa ku bangeleshi bwatendeke ukunenuka pa mulandu wa bunonshi kabili no lunduluka sana mukutendeka kwa myaka mutanda uuli ibili panshita imo yine, pa mulanduyu, abena Kristu abengi abo abalefwayisha inshila ya kupalamina mupepi na Lesa tabaikutishiwe no kuminwa kwa nkuta shabo shipya. Bambi baculile no kubulilwa, nangula ukukula panono panono ukwa kumupashi, kabili bambi balitomposhiwe pa kuleka ukwilule citetekelo cabo mu citemwiko ca kwa Yesu. Abo abetwa Pentekoste Charismatic Movement balimine pali ifi fintu: Abo abaibimbile muli uku kulongana balekabila ifi citwa fya kuipelesha kabili ne fya pala ukulandila mundimi, ukusesema, no kutukuta ifisungasho ne fipapwa, ukukumbwa ifya citike muli Pentekoste wa kubalilapo. Mucikabila cabo, balaipelesha abene ku kwitwa kwa kuteka kwa Mupashi wa Mushilo, lelo ukulanda icishinka pa masambilisho yabo nefyo bacita ta fyashintilila mu Cipingo. Mu fyalo ificili filekula, uku kulongana na kukula sana ukulingana nefya kukabila kwabo. Intungulushi shabo shali nonka abena Kristu abengi mu fyalo ifyo ificili filekula na mapalo ya fyuma pamo pene ne cikabila ca bukapepa. Cimbi icilonganino icipala nga Pentekoste-ipya cene cisoselwe ukuba icilonganino ico icile akana ifisambilisho fimo fine nga ifya ba New Age Movement. |
Ili sonde lileya panono panono ku mpela. Nga cakutila tulekabilo kufyalwa libili mu nshiku sha kulekelesha, tulingile ukwishiba ifyo ciwa abomba kabili no kwiminina ndi ukususha amapange yakwe. Kabili tulingile ukupusushiwa ukufuma ku membu shesu limo epela no kupokelela ukwisushiwa na Mupashi wa Mushilo ukube ca bupe pa kutetekelamu mbilansuma ya menshi no Mupashi. Tulingile ukubwelela ku cine no bwishibilo ubwa fikapo ifyo Umupashi wa kwa Lesa wisa pali ifwe.
Nga ifyo Lesa atile, “Abantu bandi baonaulwa ku kubulo kwishiba” (Hosea 4:6), shino nshiku abantu abengi abafwaisha icine balonaulwa ilintu, bali mu bututu bwabo, abantu ba mapepo ya cipente balabalufya. Abantu batila nangu abetwa inkuta sha Pentecostal Charismatic sha limikwe mu ciswebebe, abantu kuti balongana no kokwine. Mulandunshi cabelefi? Abantu bamapepo ya cipente bakusha inkuta shabo pa kufulunganya abanabo na maka-ayabufi, ukubatungulula ukwisushiwamo-ne ngulu ukupitila mu kushimpwapo amaboko. Cimo pa fikankala fya matalanta yabo cakuti nga bantu baisushiwmo ne ngulu ukupitila mu kushimpa kwa maboko, besa mukutemwa ukwikala ubumi bwa bukapepa.
Icishibilo na cimbi ku Bantu abapepa amapepo ya bupente cakuti balasonka indalama ishingi ku nkuta shabo kabili no kuba abena kutetekela ababufi ku kuitemenwa kwabo. Na bena kristu abengi baliba ne cikabila pa kusabankanya imbilansuma na maka ya ngulu, lelo bakaya ku gehena ukwabulo kwiluka impela yabo. Aba Bantu, abatetekela mu maka ya kwa ciwa ukube cishibilo kwi pusukilo lyabo, bafwailikisha ukuya ku mulu ukwabulo ku twishika. Lelo balikwata ulubembu mu mitima yabo kabili balungama ku konaulwa.
Nga cakutila baipushiwa ilipusho ili, “Bushe mwalikwata ulubembu mu mutima wenu, nangula mwalitetekela muli Lesa?” Icine cine balasuko kutila cali yana kuli bene ukwikala mu lubembu. Batontonkanyo kutila ta cayanguka umuntu ukwikala ukwabulo lubembu mu mutima wakwe, nelyo atetekela muli Yesu.
Abantu batontonkanyo kutila balingile ukwingila mu bufumu bwa mu Mulu, nelyo bakwato lubembu mu mitima yabo, pantu balobomfwa bwino ukutetekela muli Yesu pa kukwata ifishinka ifya maka ya bufi.
Efyo isubilo lya bupuba lyaba! Umulandu pa kushipa kwa cisumino cabo kwa kutila balikwata amaka yamo ayaibela. Balipita mu kulandila mu ndimi, no kupokelela ifimonwa no kundapa abalwele, kabili balatontonkanya no kutetekela ifi fintu ukubo mulimo wa Mupashi wa Mushilo. Eico balayeba abene ukutila balipokelela ubulubushi no Mupashi wa Mushilo ukupitila muli ifi fintu baishiba.
Pantu aba Bantu tabakwato bwishibilo ubwafikapo ku cebo ce pusukilo, Tabakwata isubilo mwi pusukilo lyabo nga cakutila tabalemona amaka ayali yonse pali bene. Eico, aba Bantu balesha sana ukusanga ishininkisho lye pusukilo kabili na panuma besa mukulekelesha ukubomfishiwa na Satana mu mulimo wakwe. Pantu aba Bantu balesha ukusanga amasuko ya kwa Lesa ukupitila mu mapepo ya kulapila nangula mu kuipelesha ukucila ku kutetekela mu mbilansuma ya menshi no Mupashi, besa mu kupokelela imipashi ya kowela mucifulo ca cakupokelela Mupashi wa Mushilo.
Ciwa ashinina bantu pa ku batepelesha mu matwi yabo, “Walibembuka, te fyo fine?” kabili no kubatungulwila ku kuponena mu kuiseka abene. Kwalibako umuntu umo uo naishiba nomba alipokelela ukwelelwa kwa lubembu kabili no Mupashi wa Mushilo. Ici cintu ica citike kuli wene ilyo talati afyalwe libili, ilyo ali umwina kutetekela uwailekelesha muli Yesu. Uyu muntu alelandila na mu ndimi no kucita ifisungusho ifingi. Nangula alebilikisha no kupepa amapepo ya kulapila ukucesha, ne lyo akweete icisumino cakwe muli Yesu, ulubembu mu mutima wakwe lwali twalilile ukumucusha. Uku kwali ekutendeka kwa kutepelesha kwa kwa satana. “Walibembuka, eco cawamapo kuli iwe ukufwa ukucila ukuba no mweo.” Satana ilingi aleiisa kuli wene no kumupelo mulandu, ukumucusha no kumwibukisha imembu shakwe. Satana amutungulwile ku kuiseko mwine kabili no kuipingula umwine. Lelo, ico acitile kwali kuyebelela imembu mu mutima wakwe. Taleilengo kuba umuntungwa ku kutunganya kwa kwa Satana ukufika fye ilyo aishile umfwa no kutetekela mu mbilansuma iya iyayemba.
Mulingile ukwishibo kutila abo abashitetekela mu mbilansuma ya menshi no Mupashi besa mu kuponena mu mu citeyo ca kwa ciwa. Bushe muletontonkanyo kutila onse uushilapokelela ukwelelwa kwa membu alikwata amaka aya kukana ciwa? Onse uushakwata imbilansuma iya cine iya menshi no Mupashi akekatwa no kucushiwa na Satana. Imbilansuma ya kwa Lesa iya menshi no Mupashi yilafwaikwa sana pa kutamfya Satana. Eico, onse uutetekela muli Yesu alingile ukutetekela mu mbilansuma ya menshi no Mupashi, kabili no kushimikila ku Bantu bonse aba pano isonde. Abo abomfwa ifi balingile ukunakila no kutetekelamo.
Inkama ya kwa mpula mafunde ili kale pa mulimo muli lino isonde!
Isonde lyonse nomba nalifimbwa ne ficitwa fya ngulu. Nga tulefwaya ukushimike mbilansuma iyo iiletungulula abantu ku kupokelela Umupashi wa Mushilo, tulingle ukufumyapo ukushika kwa kukana umfwikisha palwa kwisushiwa na Mupashi wa Mushilo.
Ica ntanshi pali fyonse tufwile ukulenga apabuta ukutila bufi ukuti Mupashi wa Mushilo esa ukupitila mu kushimpapo kwa maboko. Tulingile ukubelo bunte bwino bwino ukutila ubwishibilo bwa “kulandila mu ndimi shimbi panuma ya kushimpwapo amaboko, ku kumfwa ukukaba ukupitila mu kulapila no kufunga, kabili na pa kumfwa ifyebo ukufuma kuli Yesu” milimo ya kwa ciwa. Kupitila fye mu citetekelo mu mbilansuma ya menshi no Mupashi elyo abantu benga kakulwa ukufuma ku kubucenjeshi bwa kwa ciwa. Ni mu citetekelo fye emo twingapusukila ukufuma ku membu shesu ukupitila mu mbilansuma ya menshi no Mupashi.
Tulingile ukucimfya ciwa, “wishi wa bufi,” ne mbilansuma ya menshi no Mupashi. Satana alikaka abantu bonse isonde lyonse na bunkole ubwa kuiseka abene, eco tufwilo kubwesha aba Bantu ku cine pa kubalengo kwiluka ukuti ubwishibilo bwabo ne fyo bomfwa bucenjeshi bwa kwa Satana.
Shino nshiku, abantu abapala Simone, uwaeseshe ukushita Mupashi wa Mushilo ne ndalama, balapyunga mu nkuta. Bena ni mpofu ishile tungulula impofu shibiye. Te kuti balange abantu inshila iya lungama iye pusukilo pantu tabaishiba imbilansuma ya menshi no Mupashi, kabili balikwata ulubembu mu mitima yabo. Eco, balenga Satana ukwikala mu mitima ya babakonka pa ku kwata amapepo ya kucesha, ukubilikisha amapepo ya kulapila no kubomfya uku shimpa kwa maboko. Aba Bantu balisushiwamo na ciwa, kabili nga cakutila tulefwaya ukuti ba bweshiwe ku cebo ca kwa Lesa, tulingile ukonaula umulimo wa kwa Satana pa kubasambilisha ubwishilo ubwafikapo bwa mbilansuma ya menshi no Mupashi. Nga cakutila abantu tabaishiba pa lwa nshila sha kwa satana, tabenga kwata ukusala kumbi lelo kucula fye ukwabulo bwafwilisho.
Nge fyo na cisosa, ukucita ifisungusho ifyapala ukulandila mu ndimi kabili no kulanda ubusesemo panuma ya kushimpwapo amaboko fyonse ficitwa fya kwa ciwa. Mu mashiwi yambi, amaka ya Bantu bamapepo ya cipente yamoneka ukupitila mu milimo ya kwa ciwa. Tulingile ukubasambilisha. “Ni ciwa uubombela muli imwe nga cakutila na mukwata ulubembu mu mutima wenu. Nga cakutila muletontonkanyo ukuti Mupashi wa Mushilo wikala muli imwe, nelyo namukwata ulubembu mu mutima wenu, ninshi mwali bepwa.”
Icitetekelo ca Batumwa kabili na bantu abapokelele ukushimpwa kwa maboko mu malembo ya Milimo ya Batumwa 8 fya bikwa mu lubali lumo lwine, pantu bonse babili balishibe pa lwa mbilansuma iya menshi no Mupashi iya kwa Yesu Kristu. Lelo icitetekelo ca Batumwa calipuseneko umupwilapo ku ca bena kristu ilelo abo abatetekela fye ukuti ukushimpwa kwa maboko kuti kwalenga bene ukupokelela Mupashi wa Mushilo.
Bushe umuntu alapokelela Mupashi wa Mushilo ukupitila mu kushimpwapo amaboko ku muntu mubiye uwapokelela ukulekelelwa kwa membu? Nakalya. Icipingo cisosa ukuti Umupashi wa kwa Lesa waleshunda pa mulu wa menshi (Ukutetendekac 1:2). Ici cilepilibulo kutila pakutila umuntu apokelele ukulekelelwa kwa membu na Mupashi wa Mushilo, alingile ukumfwa no kutetekela imbilansuma ya menshi no Mupashi. Lesa alatuma Mupashi wa Mushilo nga icabupe ku mwina Kristu uwafyalwa libili uutetekela mu mbilansuma ya menshi no Mupashi.
Tulingile ukusunga mu mano ukuti kuti caba ukususha imbilansuma ya menshi no Mupashi, iyo Lesa alengele ukutupususha ukufuma kumembu shesu, nga tulesambilisha bantu ukufwaya ukushimpwa kwa maboko pa kuti bapokelele Mupashi wa Mushilo. Pa kutontonkanyo kutila umuntu kuti apela umuntu mubiye Mupashi wa Mushilo cili kwati kususha Lesa, abantu abakwata icitetekelo ca musango ifi mukwa ngufyanya baponena mu fiteyo fya kwa Satana. Ici tacifwile casuminishiwa libili ukucitika.
Imembu shesu shonse shilelelwa ilyo twatetekela mu mbilansuma ya menshi no Mupashi, kabili na Mupashi wa Mushilo ubelo bunte kuli ici. Umo uutetekela mu mbilansuma ya menshi no Mupashi takwete libili imembu mu mutima wakwe. Te pamulandu wakutila tabembuka, lelo ni pamulandu atetekela mu maka ya mbilansuma ya menshi no Mupashi. Imbilansuma ya menshi no Mupashi ibelo bunte ukuti takwata ulubembu mu mutima wakwe, kabili na Mupashi wa Mushilo nao ulabelo bunte. Umo te kuti ete Yesu Umupusushi wakwe ukwabula ukukwata Umupashi wa kwa Lesa mukati muli wene.
Abantu abaisushiwamo ne ngulu tabaishiba pa lwa mbilansuma ya menshi no Mupashi, kabili ta bacipango kube sambilisho lya kulanshanyapo. Kabili tabaishiba ne mbilansuma ya menshi no Mupashi, mukulundapo te kuti bakutuluke cine. Basosa ukuti Mupashi wa Mushilo esa fye ilyo babomba kabili no kushimpa amaboko. Eico, Mupashi wa Mushilo tesa ukupitila mu kushimpa kwa maboko. Mulingile ukwiluka ukutila imibombele ya kwa ciwa nomba naiya pantanshi ukukwata amaka pa Bantu ne nkuta pe sonde lyonse pamo na masambilisho ayabufi. Pamulandu uyu, cikankala sana kupokelela ukwisushiwamo na Mupashi wa Mushilo pa kutetekela mu mbilansuma ya menshi no Mupashi.
Copyright © 2021 by The New Life Mission
