• All e-books and audiobooks on The New Life Mission website are free
  • Explore multilingual sermons in global languages
  • Two new revised editions in English have been released
  • Check out our website translated into 27 languages
Search
English
English

Sermons

ISAMBILISHO 8: UMUPASHI WA MUSHILO

[8-6] Tetekela Ukuti Umupashi wa Mushilo Wikala Muli Iwe (Mateo 25:1-12)

Tetekela Ukuti Umupashi wa Mushilo Wikala Muli Iwe
(Mateo 25:1-12)
“E lyo ubufumu bwa mu mulu bukapashaniwa ku bakashana ikumi ababulile inyali shabo no kufumina kukuya kumanya shibwinga. Lelo basano pali abo bali abapelwa amano, naba sano abashilimuka pantu abapelwa amano ilyo babulile inyali shabo, tabasendele namafuta; lelo abashilimuka basendele amafuta mumisashi yabo pamo nenyali shabo. Awe shibwinga pakukokola balashipula bonse nokulala tulo. Lelo ubushiku pakati kwali imbila, iya kuti, moneni, shibwinga fumineni ku kumukumanya. Ilyo abakashana balya bonse babukile no kuteyanye shabo. Awe abapelwa amano batile ku bashilimuka, Tupeniko amafuta yenu; pantu inyali shesu shileshibantukila. Lelo abashilimuka balyaswike abati, Epali tayakumene kuli ifwe naimwe kanshi kabiyeni kubashisha, no kuishitila mwebene. lelo ilyo baleya kukushita, shibwinga alishile; abapekaniwe baingile nankwe mumutebeto wa bwinga, kabili kwaliselweko kucibi. Panuma abakashana banabo balishile, abati mweshikulu, mweshikulu, twiswileniko, lelo ilyaswike, ati ndemwebe cine cine, nati nshimwishibe.”
 
 

Ni banani abapashanishiwa ku bakashana abo abakwata ukwisushiwa na Mupashi wa Mushilo? 

 
Bushe Mupashi wa Mushilo wisa pa Bantu ba musango shani?
Wisa pali abo abaelelwa membu shabo pa kutetekela mu lubatisho lwa kwa Yesu na mu mulopa Wakwe.

Pamalembo ayali pa mulu, kuli abakashana basano abapelwa amano kabili na bakashana abashilimuka basano. Abapelwa amano basano balomba abashilimuka basano ukwakana amafuta yabo. Lelo abashilimuka balyaswike abapelwa amano ukuti, “Epali tayakumene kuli ifwe naimwe kanshi kabiyeni kubashisha, no kuishitila mwebene.” Eco, lintu abapelwa amino baile mu kushita amafuta, abashilimuka basano abakwete amafuta ne nyali shabo baile mu mutebeto wa bwinga. Bushe nomba kanshi kuti twateyanya shani amafuta kuli Shikulu? Icintu fye tufwile ukucita ku Mulolela Ena no bwelelo bwa membu mu mitima shesu. 
Kuti twasanga ifitetekelo fibili pakati ka Bantu. Cimo citetekelo ca mu mbilansuma ya kulekelelwa kwa membu. Ici cilatungulula ku kupokelela Mupashi wa Mushilo. Cimbi cakuba fye abacishinka kuli bukapepa bwa umo—ukupusanako nga cakutila Shikulu alibelela imembu shabo nangula iyo. 
Kuli abo abacishinka kufisumino fyabo abene, imbilansuma ilaba icisendo kuli bena. Nga abakashana abapelwa amano abaile mu kushita amafuta lintu shibwinga aleisa, abo abendauka ukufuma mulukuta lumbi ukuya mumbi mu kusubila ukupokelela umupashi wa Mushilo baleibepa abene beka. Aba Bantu tabaishiba icishinka cakutila balingile ukuba ne citetekelo mu mbilansuma iya yemba mu mitima shabo ilyo ubushiku bwa bupingushi tabulaisa. Balakabila ukupokelela Mupashi wa Mushilo pa kutemuna Lesa ne cikabila cabo. Twalalolesha pa kuyebelela kwa kwa dikoni uwaesheshe na maka sana ukuti apokelele Mupashi wa Mushilo. Uku ukuyebelela kwa la myafwilisha imwe. 
“Nacitile ifi lifyonse ukuti mpokelele Mupashi wa Mushilo. Natontonkenyo kutila nga naipelesha nemwine mucitetekelo candi mukushipa, nkapokelela Mupashi wa Mushilo kabili eco napitene ukufuma mu ng’anda ya mapepo imo ukuya muli imbi. Abantu pali imo ing’anda iya sha mapepo balelisha ifilimba ne ngoma ukubo lubali lwa mapepo. Shimapepo uwaletungulula ukulongana aleita abo abalekabila ukupokelela Mupashi wa Mushilo umo na umo kabili ilyo a shempa ulupi pa mpumi ya umo, aletampa ukulandila mu ndimi. Alebutauka na ca kulandilako no kubilikisha ati, “Pokeleni Umulilo, umulilo, umulilo” kabili aleshimpa amaboko yakwe pamitwe sha Bantu, ukubalenga bamo ukulatutuma no kufwe citu. Nalikwete ukutwishika nga cakutila uku ukucita kwali ukwa kupokelela Mupashi wa Mushilo lelo nalibeleshe akale ku kulongana kwa musangoyu. Nangu fyaleba ifi, nshakwanishe ukupokelela Mupashi wa Mushilo. 
Panuma ya ifi ifyakupitamo, naile ku mpili no kwesha ukulila no kupepa ubushiku bonse ilyo njikatilile icimuti. Kabili nalyesheshe ukupepa mu cave lelo tafyabombele na fyena. Ukufumapo, nalyesheshe ukupepa ubushiku bonse pa nshiku 40 lelo nshakwanishe ukupokelela Mupashi wa Mushilo. Elyo ubushiku bumo balinjitileko ku musonkano wa Mupashi wa Mushilo. Umusonkano walecitika kamo fye cila mulungu, kabili casendele imilungu cine lubali. 
Umusonkano wali pa citemwiko ca kwa Lesa, ne Capindama, no kubuka kwa kwa Yesu, no kushimpa amaboko, kabili ne fisabo fya Mupashi, no kukula Kumupashi. Pali lya nshita lintu umusonkano wali mupepi no kupwa, kashimikila muli uyu musonkano alibikile amaboko yakwe pa mutwe wandi no kupepelo Mupashi wa Mushilo, kabili nalicitile ifyo anjebele. Nalitekenye no kwimya amaboko yandi mu mulu no kupundisha “la-la-la-la” futi na futi. Mukupumikisha, ilyo nalepundisha “la-la-la-la, natampile ukulandila mu ndimi bwino sana. Abantu abengi balintashishe pa kupokelela Umupashi wa Mushilo. Lelo lintu nali neka ku ng’anda, nalyumfwile umwenso. Eco, natampile ukubomba ngo mubomfi uwaipele ku musonkano ulya. Natontonkenye ukutila ndingile ukwipelesha ku milimo ishingi nga calinga eco nalyendele icalo conse uku ukucita imilimo yandi. Kabili ilyo nashimpile amaboko yandi pa balwele, ubulwele bwabo bwale moneka kwati nabundapwa, nangu cakutila bwale bwelela mukashita akanono. Kabili elyo nalikwete ifimonwa mu menso yandi no kusango kutila ndesesema. Icakupapusha, ubusesema bwandi bwale fikilishiwa mucishinka. Ukufuama pali ilya nshita, naleitwa ku ncende ishalekana lekana no kusendwo kubo muntu uwaishibikwa sana. Lelo nali ncili no mwenso. Elyo ubushiku bumo, naumfwile ishiwi aiti,“wilaenda ifi mu muncende uku no ku, lelo kabiye ku lupwa lobe ukabafwilishe ukupokelela ipusukilo.” Eico, nshaishibe ifyo ipusukilo lyali. Naishibe fye ifyo bambi banjebele—ukutila nga nshakula bomfya ici ca bupe ca Mupashi wa Mushilo, Akacifumyapo pali ine. Kulubali lumbi, nalikwete umwenso ukubomfya amaka yandi kabili nshaleleka ukucite fyo. 
Ubushiku bumo, naumfwile ukuti ing’anga iyanakashi yalekabilo kutetekla muli Yesu kabili nalile ku kwikumanya ne fibusa fyandi. Tatwamwishibishe libela ukutila tukamutandalila. Lelo iyi ng`nga iyanakashi yaletulolela kunse ya mpongolo yakwe kabili atile, “Nacishibo kutila mwalaisa.” E lyo atampile ukutwitila amenshi ukutila “Tapali ubupusano pakati ka ng’anga sha ku mwela nesha ku kabanga!” aitile ifwe “ing’anga sha kwa Yesu,” ukusonta kuli ifwe no kuti, “Uyu cilumendo aliisulamo mwenso, lelo ulya iyo.” Ifyo iyi ng’anga iya nakashi ya sosele fyaishile kuli ine nge kofi lya mu mutwe. Natampile ukutontonkanya ukuti fyonse nalecita tafyapusana ne fyo ing’anga icita. Tapali ico nacitile ica letele Mupashi wa Mushilo kuli ine pantu nalikwete ulubembu mu mutima wandi.” 
Ukufuma muli uku ukuyebelela, tulesambililo kutila ukupokelela Mupashi wa Mushilo ca cila pa maka yesu. Pantu ici citetekelo tacashintilila pa mbilansuma ya kwa Lesa, abo abekalo mweo wa musangoyu tabakwata amafuta mu nyali shabo. 
Inyali mu Cipingo ipilibula ulukuta kabili amafuta yemininako Mupashi wa Mushilo. Icipingo citila abo abaya ku lukuta, nangu cingaba ulukuta lwa kwa Lesa nangula iyo, ukwabula ukupokelela Mupashi wa Mushilo fipumbu. 
Abapelwa amano balaibika mukutemwisha sana ifyabukapepa bwabo cila bushiku. Bikeni pambali, abapelwa amano balakabilisha ukumfwa kwabo no kupimpa ukwabumpofu pali Lesa. Nga twalisosele ukutila ukumfwa kwesu kwafika pa 20cm kabili no kusendo bushiku bumo ukoca 1cm, ninshi cikasenda fye inshiku 20 ukoca no mulilo ukumfwa kwesu. Ukumfwa ukwafisama kucitetekelo cabo  kulasanga amaka ayapya ukupitila mu mapepo ya lucelo, naya kucesha, no kufunga no kupepa kabili na mu misonkano ya kupuputulwa, lelo ifya kumfwa fyabo filatwalila ukwibikapo mu mweo wabo onse. Balibelesha kuli uwu musango uwa kwibikapo ukumfwa kwabo. 
Ukumfwa kwabo kulakula mwishina lya kwa Yesu. Balaya ku lukuta no kukafya ukumfwa kwabo lelo imitima yabo icili mu cimfulumfulu no kufwailisha ifintu fimbi. Umulandu cabela ifi wakutila icitetekelo cabo catendekela ku fya kumfwa fyabo muli bumubili; e ico, na bakwata ukukabila kwa kulenga imyumfwile yabo ukuba cipya cipya ukutila ulubingu wamulilo wishima. Eco, te kuti bapokelele Mupashi wa Mushilo ne citetekelo ici. Ukukosha imwumfwile yabo teti iba lenge ukupokelela Mupashi wa Mushilo.
Ifwe bonse tulingile ukupekanya icitetekelo ica yana pakuti tupokelele Mupashi wa Mushilo muceni cakwa Lesa. Lelo elo twingaba abalinga ukupokelela Mupashi wa Mushilo.  Bushe kuti twasanga shani icitetekelo icingatulenga ukupokelela Mupashi wa Mushilo? Icishinka cashintilila mu mbilansuma iya yemba iya fikilishiwe no lubatisho lwa kwa Yesu mu Yordani kabili napa kusumyo mulopa Wakwe pa Capindama. 
Lesa aletupashanya nga “We luko lwa lubembu”” (Esaya 1:4). Tulingile ukusumina ici kuli fwebene. Abantu balafyalwa ne membu ishili 12 (Marko 7:21-23). Abantunse te kuti baleke ukubembu ukufuma lilya ba fyalwa ukufika ubushiku bafwa. 
Muli Yohane 1:6-7, cali lembwa aciti, “Kwaishile umuntu, uo Lesa atumine, ishina lyakwe ni Yohane: wene aishile ku kube nte, ukuti ashimike ubunte bwa lubuto ulo, mu kuti muli wene bonse batetekele.” Yohane Kabatisha abatishe Yesu no kuyasa pali Wene imembu shonse isha pano isonde, ukusosa ati, “Moneni! Umwana wa Mpanga wa kwa Lesa ulesendo lubembu lwa ba pano isonde” (Yohane 1:29). Twalipusushiwe ukufuma ku membu shesu shonse ukutotela kube ku lubatisho lwa kwa Yohane pali Yesu Kristu. Acibo kutila Yohane tabatishe Yesu no kubilikisha ukutila Ali Umwana wa Mpanga wa kwa Lesa uwasendele membu isha ba pano isonde, nga tatwaishibe ukuti Yesu alisendele imembu shesu shonse pa Capindama. Nangula nga tatwaishibe inshila iya kupokelelamo Mupashi wa Mushilo. Ukutotela kube ku bunte bwa kwa Yohane, twaishile mu kumfwikisha ukuti Yesu alisendele imembu shesu shonse kabili twalikwanisha ukupokelela Mupashi wa Mushilo. 
       Neci icitetekelo, twaishileba banabwinga abateyanishiwa umupwilapo ukupokelela Yesu, shibwinga. Tuli abakashana abatetekela muli Yesu kabili abateyanishiwa ukupokelela Mupashi wa Mushilo. 
Bushe ulatetekela mu mbilansuma ya menshi no Mupashi no mutima obe onse? Bushe walitetekela ukutila Yesu alisendele membu shobe shonse ukupitila mu lubatisho Lwakwe kuli Yohane? Icipingo citila, “Moneni ukutetekela kufuma ku caumfwika, ne caumfwika cishila mu cebo ca kwa Kristu” (Abena Roma 10:17). Tulingile ukutetekela ukuti Yesu alibatishiwe kuli Yohane kabili alifwile pa Capindama pakuti tupokelele Mupashi wa Mushilo. Tulingile ukwiluka ukutila ukupokelela Mupashi wa Mushilo kuti kwaishila fye pa kutetekela ukutila Yesu aishile pano calo ngo muntu kabili alibatishiwe kuli Yohane, no kuti ali fwile pa Capindama no kubuka ku bafwa. 
Nangu ni lelo line, kwaliba amabumba yabili aya bakatetekela, kwati fye lilya ilyashi lya bakashana ikumi nabo bali mu ma bumba yabili. Bushe iwe waba ku lubali lwisa? Mufwile ukupokelela Mupashi wa Mushilo pa kutetekela mu menshi no Mupashi. Bushe mulaya ku lukuta, lelo mucili mwaisanga mwe bene ukulolela Mupashi wa Mushilo ukwisa kuli imwe? Mulingile ukwishibe nshila ya cine iyo mwinga pokelelamo Mupashi wa Mushilo. 
Bushe kuti twapokelela Mupashi wa Mushilo ne fisumino fya musango shani? Bushe kuti mwapokelela Mupashi wa Mushilo ukupitila mu cikabila ca nsansa ishapulamo isha bu shi ng’anga? Bushe kuti mwapokelela Mupashi wa Mushilo ilyo mulele icitu? Bushe kuti mwapokelela Mupashi wa Mushilo pa kutetekela ukupitila muli bukapepa pepa fye? Bushe mulingile ukupepa kuli Lesa kukwelelwa imembu shenu cilanshita? Icipingo citwebo kuti lintu Yesu abatishiwe kabili no kufuma mu menshi, Umupashi wa kwa Lesa waikile pali Wene nge nkunda. Alibatishiwe mukuti asende imembu shesu shonse, kabili no kutwebo kutila Akatanikwa ukulipila icilambu ca mampulu yesu yonse. 
Yesu abatishiwe kuli Yohane ukuti asende imembu isha pano isonde no kuya pa Capindama ukuti twingapusuka no kupokelela Mupashi wa Mushilo. Ici ecishinka. Yesu alibatishiwe kuli Yohane, no kupingulwa pa membu shesu shonse pa Capindama kabili no kubuka ku bafwa. Tufwile ukutetekela mu lubatisho lwa kwa Yesu kuli Yohane na mu mulopa Wakwe pa Capindama pakuti tupokelele ukwelelwa kwa membu shesu. Kuti twamona ukufuma ku lubatisho lwa kwa Yesu (Mateo 3:13-15) ukutila Mupashi wa Mushilo Esa mu mumutende nge nkunda pali ifwe abasangululwa pa kutetekela mu lubatisho Lwakwe. 
Pa kupokelela Mupashi wa Mushilo, cikankala sana ukutetekela mu lubatisho lwa kwa Yesu kuli Yohane kabili na mu mulopa Wakwe pa Capindama. Mupashi wa Mushilo Esa pa muntu mu mumutende nge nkunda ilyo atetekela mu kwelelwa kwa membu. Abo abapokelela akale Mupashi wa Mushilo balingile ukwishiba ukuti ici calilenga ica anguka ukucitika pa mulandu wa kwelelwa kwa membu ku citetekelo. Mupashi wa Mushilo wikila pali abo abatetekela mu kwelelwa kwa membu no mutima wabo onse. 
Yesu Kristu aishile ngo mukate no mwangashi uwa mweo wa muyayaya (Mateo 26:26-28, Yohane 6:53-56). Lintu afumine mu menshi panuma ya lubatisho Lwakwe, kwafumine ishiwi ukufma ku mulu, ukuti, “Uyu e mwana wandi uwatemwikwa, umo mbekelwa” (Mateo 3:17). 
Calyanguka ukutetekela muli Lesa ukuba Lesa muli butatu. Lesa ni Wishi wa kwa Yesu kabili Yesu Mwana wa kwa Lesa. Umupashi wa Mushilo nao ni Lesa. Lesa muli Butatu ni Lesa Umo kuli ifwe. 
Mufwile ukwishibo kuti ta mwakatale pokelelapo Mupashi wa Mushilo pa kutetekela fye mu Capindama nangu pa kwesha ukwishisha mwebene mu kucita imilimo yabulungami. Kuti mwapokelela fye Mupashi wa Mushilo lilya fye mwatetekela ukuti Yohane abatishe Yesu ukubika Imembu shesu shonse pali Ena, kabili ukutila alitanikwe ukukonsola pa membu shesu shonse. Ifi efyo ca anguka no kutambalala icine ci! Te cintu ica kosa ukupokelela ukwelelwa kwa membu no Mupashi wa Mushilo. 
Lesa asosele kuli ifwe mu mashiwi ayayanguka. Umupimo wa mano ya muntu yaweyawe yafika pa mupimo wa 110 ukushinta pali 120. Imbilansuma Yakwe yalyanguka na Bantu yaweyawe ukumfwikisha. Nangu ku bana abanono pa mushinku wa 4 na 5, imbilansuma iya yemba tayakosa kuli bene ukumfwikisha. Lelo nga Lesa alisosele kuli ifwe pa lwa kwisushiwa na Mupashi wa Mushilo munshila iyakakata, bushe nga twali mu mfwikisha? Lesa wa Mulinganya alitulekelele membu shesu shonse no kutupela Mupashi wa Mushilo nga ica bupe kuli abo abatetekelamo. 
Lesa aletwebo kutila tatwingapokelela Mupashi wa Mushilo ukupitila mu kushimpa kwa maboko nangula amapepo ya kulapila. Mupashi wa Mushilo tesa pamulandu wa kufunga nangula ukwipelesha nangula ukupepa ubushiku bonse mu mpili. Citetekelo ca musango shani icitumbukamo mukupokelela Mupashi wa Mushilo muli ifwe? Citetekelo mu cishinka cakutila Yesu Alishile pano isonde, no kubatishiwa ukusenda imembu shesu shonse, ukufwa pa Capindama, kabili no kututubuka. 
 
 

Bushe icine cine tulingile ukutetekela muli ici?


Mulandunshi tulingile ukupokelela ukwelelwa kwa membu kabili no kupokelela Mupashi wa Mushilo? Pakuti tube abekashi ba Mufumu bwa kwa Lesa, tulekabila umu Mupashi Wakwe. E ico, pakupokelela Mupashi wa Mushilo, tulekabilo kutetekela muli Yesu ngo Mupusushi wesu, mu lubatisho Lwakwe no mulopa, kabili na pakulekelesha, tulingile twaelelwa pa membu shesu. 
Mulandunshi Lesa alapela Mupashi wa Mushilo kuli abo imembu shabo shaelelwa? Umulandu wakutila kubapela icishibilo nga abantu Bakwe. Uku kakatika abo abatetekela muli Yesu ukushintilila pa cebo ca kwa Lesa, Alabapela Mupashi wa Mushilo nge cikatilo. 
Abantu abengi balatwalilila ne fitetekelo fyamusango yu ifya bufi. Calyanguka ukutetekela mu lubatisho lwa kwa Yesu no kupokelela Mupashi wa Mushilo. Calyanguka kuli ifwe abapokelela akale Mupashi wa Mushilo, lelo calikosa kuli abo abashapokelela ukwelelwa kwa membu. Tabaishiba icine kabili lelo bafwailisha munshila shimbi isha kupokelelamo Mupashi wa Mushilo, ishapala ukwilimba abene muli bukapepa ukupitila mukufilwa kwamicitile. Batutu ica kwebati balaba abafulungana ne mbuto isho Satana abyala, kabili no kuponena mu bukonkani bwa bukapepa. 
Mupashi wa Mushilo wikala muli abo abatetekela mu lubatisho lwa kwa Yesu no mulopa Wakwe pa Capindama kabili abapokelela ukwelelwa kwa membu. Ni abofye abatetekela mwipusukilo lya kwa Lesa ebengayebelela,  nshakwata ulubembu.” Ngo muntu tatetekela mu mbilansuma ya menshi no Mupashi, te kuti basose ukutila tabakwato lubembu. Cimo cine, Lesa alipela Mupashi wa Mushilo nge ca bupe ku bana Bakwe abatetekela mu lubatisho lwa kwa Yesu na mu mulopa Wakwe pa Capindama kabili bali pokelela ukwelelwa kwa membu. 
N ’ani uwabelo bunte ukutila ulubatisho no mulopa wa kwa Yesu fyalisendele imembu shesu shonse? Yesu, na basambi Bakwe, kabili na Mupashi wa Mushilo nao abelo bunte. Nani uwapangile ukupususha abantu bonse ukufuma ku membu shabo? Shifwe Uwashila e wacitile ifyo. N’ani wafikilishe amapange? Ni Yesu Kristu. N’ani uwashininkisho kutila amapange yali fikilishiwe? Umupashi wa Mushilo e wacitile. 
Lesa alefwayo kutulenga ukuba abantu Bakwe kabili e ico apangile ukutupususha ukufuma ku membu shesu shonse ukupitila mu lubatisho lwa kwa Yesu no mulopa. E ico, Bulesa Butatu bwatupele ipusukilo kabili no kushininkisha ukwelelwa kwa membu shesu. 
Muli Mateo 3:17, cali lembwa, “Uyu e Mwana wandi uwatemwikwa, umo mbekelwa.” Abo abakwata Mupashi wa Mushilo uwa kwa Lesa Bantu ba kwa Lesa. Bana Bakwe. “Uyu e Mwana wandi uwatemwikwa, umo mbekelwa.” Yesu ni Lesa ukufuma ku kutendeka. Lesa Shifwe atweba ukuti, “Nga mulefwaya ukupokelela ukwelelwa kwa membu shenu, tetekeleni ukutila imembu sha bantunse bonse shali sendelwe na Yesu umuyayaya, Umwana wandi uwafyalwa eka, pokeleleni Mupashi wa Mushilo no kuba abana Bandi.” Abo abatetekela muli ci bakapokelela ukwelelwa kwa membu shabo shonse no kuba abana ba kwa Lesa abaume na banakashi. Alabapela ica bupe ca Mupashi wa Mushilo ukubakakatika nga abana Bakwe. Tulapokelela ukwelelwa kwa membu shesu ilyo fye twatetekela mu lubatisho lwa kwa Yesu na mu mulopa Wakwe capamo. 
Elyo abantu tabale pungule imitima yabo no kukana tetekela mu mbilansuma ya kwelelwa kwa membu, balatendeka ukutetekela ukutila ulubembu lwa cishinte lwaliya kale lelo ukutila bafwile ukulalapila cilanshita ukuti bengelelwa pa membu shabo oshobacita. Nga baponena mu matontonkanyo ya musangoyu, Icipingo cilamoneka icashupa kabili no kufulunganya. E ico, balesa mukukwata ifitetekelo ifya pusana pusana ukucila pa citetekelo ca basambi Bakwe. 
Bambi batila Mupashi wa Mushilo wisa pali bena “ukupitila mu mapepo.” Lelo ici te cine ukulingana ne Cipingo ifyo casosa. Ici kuti ca umfwika ica mano, lelo Icipingo citila ilyo Yesu atumpwike ukufuma mu menshi panuma ya kubatishiwa kuli Yohane, Mupashi wa Mushilo waikile pali Wene nge nkunda. Ico icileshinikisha ukutila nga tulekabila ukupokelela Mupashi wa Mushilo, tulefwaikwa fye ukutetekela ukuti Yesu alishile pano isonde, no kubatishiwa kuli Yohane pakuti asende imembu shonse isha pano isonde, kabili alipingwilwe pa Capindama palisho no kubuka ku bafwa ukubo Mupusushi wesu. 
Bushe Lesa alelanda shani kuli ifwe lintu twatetekela muli ici cine no kupokelela Mupashi wa Mushilo? Atila,“Uli mwana wandi. Uyu e mwana wandi uwatemwikwa, umo mbekelwa.” Lesa akasosa cimo cine kuli abo abatetekela muli Yesu no kwelelwa ku membu shabo sha kuntanshi. Ici cine kubulayo bwa kwa Lesa ukutulenga ifwe abana Bakwe. 
Lelo abantu bacilli balatontonkanya ukutila kwaliba inshila shimbi isha kupokelamo Mupashi wa Mushilo. Bushe muletontonkanyo kutila Mupashi wa Mushilo ukesa pali imwe ukupitila mukubilikisha kwenu na mu maka ya pano calo? Imilimo ya kwa Lesa kulacitwa fye no kufwaya Kwakwe kabili Alapela Mupashi wa Mushilo kuli balya fye abapokelela ukwelelwa kwa membu shabo. Atila, “Nalikwete ukulenga Umwana wandi ukubatishiwa ukutila engasenda imembu shenu shonse no kumulenga ukutanikwa ukupingulwa pali shena. Nasontele Umwana wandi ukuba Kapususha. Nga mwapokelela ukulekelelwa kwa membu uko Umwana wandi afikilishe, elyo nkamitumina Mupashi wa Mushilo.” 
Shifwe alacita ifyo afwaya. Nangula ilyo umuntu aikalila pa makufi yakwe ukucesha no kulabilikisha mpaka amabu yakwe yaba mupepi no kulepuka, Lesa teti amutumine mupashi wamushilo. Akamukalipila fye, no kusosa, “Ucili taulapokelela ukwishiba kwacine no kwikatilila ifiisumino ifyalubana.Mupashi wa Mushilo tawakapelwe kuli imwe nga mucili mulekana icitetekelo ca cine.”
Pano isonde, ubusalo bwa bantunse bulacinja ukulingana ne filecitika, lelo ifunde ilyo Lesa abika ku kwelelwa kwa membu no kupela Mupashi wa Mushilo kulekalilila ukwabulo kucinjishiwa. Nga waponena mu fisumino fya lubana, calikosa ukusanga inshila ya cine na Kabili. Icipingo calando kutila Yesu libwe lya kwipununako kuli abo bonse abashinakila (1 Petro 2:8). 
Abantu abatetekela muli Yesu nelyo tabaishiba ico abatishiwe batetekela fye ku lubali lumo lwa mbilansuma ya bulubushi kabili bakaponena mu gehena. E ico, Pakubala ilyo mwatetekela  muli Yesu mufwile ukwishiba pa lwa lubatisho lwa kwa Yesu no mulopa Wakwe, umusangwa imbilansuma ya kwelelwa kwa membu. Kabili nga mwa pokelela ukwelelwa kwa lubemembu, elyo mukapokelela Mupashi wa Mushilo. 
Natutontonkanyepo pa mweo wa kwa Yesu ilyo ali pano calo. Yesu aishilebo muntu no kusenda imembu shonse isha ba pano isonde ukupitila mu lubatisho Lwakwe. Kabili Alifwile pa Capindama no kupingulwa pa membu shesu mukuti apusushe ifwe ku mulilo wa gehena. Abo abatetekela muli Wene balapokelela Mupashi wa Mushilo nge ca bupe. 
E ico, ifwe bonse tulingile ukukonka inshila ya cine pakuti tupokelele Mupashi wa Mushilo. Icilefwaikwa cakutila tutontonkanye ukulingana na mashiwi ya cine. Lintu twacita ici, Yesu akamisunga no kumipala. Abo abapungula imitima yabo no kutetekela mu mashiwi Yakwe kuti baikalila mu cine pa kwelelwa kwa membu, kabili no kutungululwa na Mupashi wa Mushilo. Eco, kuti batungulula na banabo mu nshila iya lungama ku bwafwilisho bwa Mupashi wa Mushilo. 
Tetekeleni mu bulubushi ubwa fikilishiwe mu lubatisho lwa kwa Yesu na mu mulopa Wakwe. Elyo fye twingamukonka ne citetekelo kabili no kupokelela ipalo lya kwelelwa kwa membu, no mweo wa muyayaya kabili no kwisushiwa na Mupashi wa Mushilo. Yesu ni Shikulu wa kwelelwa kwa membu, uwasendele imembu shonse isha ba pano isonde ukupitila mu lubatisho Lwakwe na mu mfwa ya pa Capindama. Yesu alibutisha imembu shesu shonse no kutupela Mupashi wa Mushilo kuli abo abatetekela mu mbilansuma ya cine. Kuti mwapokelela Mupashi wa Mushilo pa kukwata icitetekelo cacine. 
LIST Download FREE eBook & AudioBook