- All e-books and audiobooks on The New Life Mission website are free
- Explore multilingual sermons in global languages
- Two new revised editions in English have been released
- Check out our website translated into 27 languages
ISAMBILISHO 8: UMUPASHI WA MUSHILO
[8-7] Imbilansuma Iyayemba Iyimisuminisha Ukukwata Umupashi wa Mushilo Ukwikala mu Mutima Wenu (Esaya 9:6-7)
(Esaya 9:6-7)
“Pantu umwana nafyalilwa kuli ifwe, umwana mwaume napelwa kuli ifwe; bukateka bukaba pakubeya kwakwe, ne shina lyakwe akenikwa, Kabilo wacipesha amano, Mulungu impalume; Wishi Wanshita pe, cilolo wamutende. ku kukula kwa bukateka bwakwe, na kumutende, takwakabe mpela, pacipuna ca kwa dabidi, napabufumu bwakwe, ku kucipampamika no kucitungilila ku bupingushi kabili kubulungami, ukutula pali nomba ukufika nakumuyayaya. Ukucincila kwakwa Yehoba wamilalo ku kacite ci.”
“Pantu umwana nafyalilwa kuli ifwe, umwana mwaume napelwa kuli ifwe; bukateka bukaba pakubeya kwakwe, ne shina lyakwe akenikwa, Kabilo wacipesha amano, Mulungu impalume; Wishi Wanshita pe, cilolo wamutende. ku kukula kwa bukateka bwakwe, na kumutende, takwakabe mpela, pacipuna ca kwa dabidi, napabufumu bwakwe, ku kucipampamika no kucitungilila ku bupingushi kabili kubulungami, ukutula pali nomba ukufika nakumuyayaya. Ukucincila kwakwa Yehoba wamilalo ku kacite ci.”
Cinshi cilenga Mupashi wa Mushilo ukwikala mu batetekela?
Imbilansuma iya yemba iya menshi no Mupashi.
Pakuti tupokelele Mupashi wa Mushilo, tufwile ukukwata icitetekelo mu mbilansuma ya menshi no Mupashi. Shikulwifwe ainikwa wacipesha amano, Mupanda mano, Mulungu impalume. Shikulwifwe aipashenye Umwine nge nshila ya kuya ku Mulu. Yesu Kristu apalamike umuntu onse ne ca bupe ca mbilansuma iya yemba.
Lelo, pano isonde, paliba abantu abengi abacili baleikala mu mfimfi. Balesho kubutuka ukufuma mu mfifi lelo pamulandu wakutila tabaishiba imbilansuma iya yemba, teti bakwanishe ukufulumuka ku membu shabo. Lelo balapwa mu fitetekelo fyabo mu mu masambilisho aya bufi. Mukupusana, kuli abo aba fwaisha icine, bakakumanya imbilansuma iya yemba iya kabili no kwikalila ubwikashi bwabo bonse ubwafikilishiwa na mapalo ya kwa Lesa. Ndetetekela ukutila ili lipalo ilisuma ilya kwa Lesa ili nsuminisha ine ukubafwilisha ukusanga imbilansuma iya yemba no ku basangulula ku membu shabo.
E ico ubuntungwa ku lubembu te kuti cibe ica yanguka nga ta cali lipalo Lyakwe. Nga twalikumanya Shikulu no kupokelela Mupashi wa Mushilo ninshi twalipalwa sana. Ukulanguluka, abantu abengi tabailuka ukutila ipalo lya kwa Lesa lisa ukufuma ku citetekelo mu mbilansuma Iya yemba iyi.
Ipalo lya kwa Lesa lisa pakutetekela mu mbilansuma iya yemba iya pelwe kuli ifwe na Yesu Kristu, Umwana Wakwe uwafyelwe fye eka. Yesu ewu tupususha ifwe ukufuma ku membu isha pano isonde kabili no kutupala no luse Lwakwe. Tapaba nangu umo uwingatupususha ku membu shesu no kutwafwilisha ukufuta imilandu shaba mu mitima shesu. Ninani uwingaipususha umwine ukufuma ku membu shakwe kabili na kubukali bwa mfwa ya muyayaya?
Lesa alatweba, “Kuli inshila iyawama ku cinso ca muntu, lelo ku mpela ya iko ni nshila sha mfwa” (Amapinda 16:25). Abantu balapanga bukapepa bwabo beka no kwitungulula abene beka ku bonaushi ne mfwa. Bukapepa ubwingi bulailumba ukutila balakonkomesha pa bulungami no kulanga inshila shabo beka mukupususha abantu ukufuma ku membu shabo lelo ni mbilansuma fye ya menshi no Mupashi, iyo Shikulwifwe atupele, iyi ngapususha ifwe ukufuma ku membu shesu shonse. Ni Yesu fye e mupusushi uwingapususha ababembu ukufuma ku membu.
Muli Yohane 14:6, Shikulwifwe atile, “Ni’ ne nshila ne cine no mweo.” Apelo mubili Wakwe no mulopa kuli abo abali mu nshila shabo ku mfwa. Kabili aliipasha umwine nge nshila ku mweo wa cine. Lesa atila ukuti nga umo tatetekele mu mbilansuma yakwa Yesu, teti engile mu Bufumu bwa mu Mulu.
Tulingile ukutetekela mu mbilansuma ya menshi no Mupashi, no kwelelwa ku membu shesu kabili no kutetekela ukutila Wene Mupusushi wesu pakuti tukengile mu Bufumu bwa mu Mulu.
Limo mu Israele wa kale!
“Nomba mu nshiku sha kwa Ahas mwana Yotamu, mwana Usia, imfumu ya bena Yuda, Resini imfumu ya bena Aramu na Peka mwana Remalia imfumu ya bena Israele, baninine Yerusalemu muku kucitako ubulwi, lelo bafililwe ukulwako” (Esaya 7:1).
Israele cali icalo cimo pa kutendeka. Lelo, Israele yalyakanike pa bili ku kapinda kakukulyo na ku kapinda kakukuso. Itempele lya kwa Lesa lyali mu Yerusalemu ku Yudea yakukapinda kakukulyo, uko Rehoboamu, umwana wa Mfumu Solomone, aleteka. Panuma, Yeroboamu, umo umu bomfi wakwa Solomon, aimike icalo cimbi ku kapinda ka kukuso kabili eco Israele yaakanike. Ukufuma pali iyo nshita, icitetekelo muli Lesa calisapwa amaka. Ukupwa amaka kwa citetekelo e kwaishileba intendekelo ya bukapepa bwa bucaibela bwa shino nshiku. Yeroboamu ewali intendekelo ya bucaibela. Ali cijinshe amalango ya kwa Lesa pantu alefwaya ukusunga ubufumu bwakwe kabili e ico, aishileba wishi wa bacaibela. Apangile bukapepa ubwaibelako ku Bantu bakwe mu Israele, ubufumu bwa ku kapinda kakukuso kabili alefwaya no kupoka Yuda, ubufumu bwa ku kapinda kakukulyo. Imyaka mupepi na 200 shalipitilepo, lelo ubulwani ubwalipo pa mabufumu yabili tabwacinjishe.
Eco, Lesa alandile ukupitila muli Esaya, “Pamulandu wakuti Aramu na Efraimu na mwana Remalia bapanda amano pali iwe ku kucito bubi, abati, Natunine tuye muli Yuda, no kumulungulusha, tuicitilemo icipongolo, no kucita mwana Tebeali ukube mfumu mu kati ka uko; lelo e fyo Shikulu Yehoba asosa: Tacakeminine, kabili tacakabe; pantu umutwe wa kwa Aramu ni Damaseke, no mutwe wa kwa Damaseke ni Reisini. (Kwashala imyaka amakumi mutanda na isano, e lyo Efraimu akafwantaulwa no kuleko kubo luko lwa Bantu.) No mutwe wa kwa Efraimu ni Samaria, no mutwe wa Samaria ni Mwana Remalia. Nga tamutile ca cishinka, ninshi tamwakapampamikwe” (Esaya 7:5-9).
Pali ilya nshita, Lesa aliseseme ukupitila muli Esaya ku mfumu Ahas, lelo imfumu tayakwete icitetekelo muli Wene. Ahas tasakamene sana ukuti te kuti acite ubulwi na bashilika ba kwa Syria, lelo mukumfwa ukuti ba lasanswa kuli Syria na Israele mu kwikatishanya capamo, aletutuma ku mwenso. Lelo umubomfi wa kwa Lesa, Esaya, alishile no kumweba, “ukwabula ukucila pa myaka 65, Israele wa ku kapinda kakukuso akonaulwa. Kabili no bubi ubo ishi mfumu shibili shipangile ta bwakacitike.”
Umubomfi wa kwa Lesa aebele imfumu Ahasi ukufwaya icishibilo ukufuma kuli Lesa. “Lombe cishibilo kuli Yehoba Lesa obe; lenga cishike ku mbo, napamo lenga cisansuke mu mulu” (Esaya 7:11). “E lyo atile, Shiumfweni mwe ba ŋanda ya kwa Dabid; bushe cacepa kuli imwe ukutendusha abantu, apo mutendusha na Lesa wandi pamo? E ico Shikulu umwine akamupe cishibilo. Moneni, umukashana akemita, akafyalo mwana mwaume, no kumwinike shina Imanuele” (Esaya 7:13-14). Ubu bwali ubusesemo Bwakwe: ukuti Akapususha abantu Bakwe ukufuma ku membu shabo.
Bushe umulwani wa kwa Lesa ninani?
Umulwani wa bantunse lubembu kabili ulubembu lwatendeke ukufumina kuli Satana. Kabili ninani utupususha ukufuma ku membu shesu? Umupusushi te umbi iyo ukucila pali Yesu Kristu, Umwana wa kwa Lesa. Umuntu alikwata ubunake ubwaishibikwa bwa mu mubili kabili e ico taleka lelo alabembuka. Aba panshi ya maka ya kwa Satana. Abantu abengi bacilli balaya ku babuka no kwesha ukwikala imyeo shabo nga aba bakasesema ba bufi babeba. Ici cilangililo icakuti baliba mutungulushi bwa kwa Satana.
Shikulu apele Esaya icishibilo ce pusukilo, ukuti umukashana akemita no kufyalo Mwana Mwaume kabili ishina lyakwe Imanuele. Lyali lipange ya kwa Lesa ukutuma Yesu mu cipasho ca mubili wa lubembu uwa muntunse no kumulenga ukupususha ababembu kuli bunkole bwa kwa Satana. Ukulingana no busesemo, Yesu aishile pano isonde ngo muntunse ukufyalwa ku mukashana Maria.
Acibo kuti Yesu taishile kuli ifwe, nga tucili tulekala mu buteko bwa kwa Satana. Lelo Yesu aishile pano isonde no kubatishiwa kuli Yohane kabili no kufwa pa Capindama mukuti atupele imbilansuma iya yemba iyingapususha ababembu bonse ukufma ku membu shabo. E ico, abantu abengi balitetekele mu mbilansuma iya yemba, no kupokelela ukwelelwa kwa membu shabo kabili no kuba abana ba kwa Lesa.
Nangu shino nshiku, abantu abengi ababukapepa balatalika nga cakutila Yesu Kristu ni Lesa nangu umuntu. Ababukapepa ba kale batilo kuti “Yesu ni Lesa, lelo ababukapepa bupya balakana pa kutalika ukutila Yesu ali umwana wa kwa Yosefe wa mumbali. Ici ci sana!
Bambi babukapepa Bupya batila ukuti tebengatetekela ukuti Yesu alikwete amaka ya kwenda pa menshi. Batila, “Yesu aendele pakalupili akanono akali ukutali kabili abasambi Bakwe, pa ku mumona ukutali, batontonkenyo kutila aleenda pa menshi.” Ilelo Bashing’anga abasangwa mwisukulu lya Fyacipingo Cipya te Bantu bakalamba muli bukapepa. Abengi muli bene balasala ukutetekela fye ifyo baumfwa bwino mu Cipingo.
Ukupela icilangililo cimbi, Icipingo calando kwebati Yesu ali lishile abantu 5000 ne sabi shibili ne mikate isano. Lelo twishika pa cisungusho ici. Bacilondolola muli iyi nshila. Abantu balekonka Yesu kabili balyumfwile insala kufwa. Eco Yesu aipwishe abasambi Bakwe ukukolonganya icakulya ca sheleko. Elo akamwana kamo kamupele icakulya, kabili na bonse abakalamba baliketwe no kusenda icakulya cabo. Eco panuma bakolongenye capamo icakulya no kulya, baiswishe ifyakubikamo ikumi na fibili fyalishelepo. Aba Bantu ba fyabukapepa balefwaya fye ukulenga amashiwi ya kwa Lesa ukusuntinkana no kumfwikisha kwabo ukwapelebela.
Ukutetekela mu cine ca kwa Lesa ku kwata fye icitetekelo mu mbilansuma iya yemba Lesa atupele. Icitetekelo ta cilepilibula ukutetekela icintu cimo pamulandu fye cilemoneka ukupanga amano lelo kukana ukutetekela mu cintu cimbi pantu tacilingile. Nangula kuti twacumfwa nangu iyo, tulingile ukutetekela Wene no kupokelela amashiwi Yakwe nga ifyo yalembwa.
Icishinka cakutila Yesu aishile kuli ifwe ngo Mwana wa wa muntu cilepilibula ukuti Alituminwe ukupususha ifwe ukufuma ku membu shesu shonse. Yesu, uuli ni Lesa, aishile pano calo ukutupususha. Esaya aliseseme ukutila Akesa kuli ifwe ngo Mwana wa Muntu, ukufyalwa ku mukashana nacisungu.
Mukutendeka 3:15, Yehoba Lesa atile ku nsoka, “Ndebika no bulwani pa kati ka iwe no mwanakashi, kabili pa kati ka bufyashi bobe no bufyashi bwakwe: bwene bwakulakulasa ku mutwe, nobe wakulabulasa ku citende.” Ici cilepilibulo kutila Lesa alipangile ukutuma Yesu, mu cipasho ngo muntu, ukubo Mupusushi wesu ukupususha abantunse ku membu shabo.
Mu Cipingo, calilembwa, “We mfwa we, kuli kwi ukucimfya kobe? We mfwa we, luli kwi ulubola lobe? Awe, ulubola lwa mfwa lubembu, na maka ya lubembu Malango” (1 Abena Korinti 15:55-56). Ulubola lwa mfwa lubembu. Nga umuntu abembuka, imfwa ilamulenga ukubo musha wa luko. Lelo Shikulu alilaile,“ubufyashi bwa mwanakashi bwakulakulasa ku mutwe. Ici cilepilibula Yesu akonaula ulubola lwa lubembu ulo Satana aletele.
Yesu aishile pano isonde, alibatishiwe ukusenda imembu shonse isha pano isonde kabili alitanikwe no kupingulwa palisho. Alibapususha ukufuma ku membu shabo bonse abo abatetekela mu mbilansuma iya yemba. Lintu Adamu na Eva babembwike, Lesa alaile ukupususha umuntunse ukufuma ku maka ya kwa Satana. Mu calo ca ino nshita, umulwani wa kwa Lesa ni abo abashitetekela mu mbilansuma iya yemba.
Mulandunshi Yesu afyelwe pano isonde?
Lesa atupele amalango ne mbilansuma iya yemba ukutupususha ifwe ku membu shesu. Mu malango ya kwa Lesa, abantu baishileba ababembu pa cinso Cakwe. Cimo cine, amalango yapelwe ukutila abantu bengeshiba imembu shabo. Lintu baishileba bunkole ku lubembu na ku malango yene, Shikulwifwe alishile pano isonde ukufikilisha ubulungami ubwalefwaika ubwa malango.
Yesu afyelwe mu malango. Afyelwe mu nshiku sha malango. Umulandu abantu balefwaya amalango wali ukutila balefwaya ukwishiba imembu shabo pakuti bapokelele ukwelelwa kwa membu isho. Abantu balawashe fiko ukufuma ku fyakufwala lilya fye nga baishiba ukuti na filamba. Cimo cine fye, pakuti beshibe imembu shabo, abantu balingile ukwishiba amalango ya kwa Lesa. Nga tapali amalango, nga takwabo kwishiba imembu, kabili na Yesu nga taishile pano isonde.
Nga waishiba amalango ya kwa Lesa, ninshi na mukwata ishuko lya ku mukumanya. Twalishibe pa lwa malango kabili eco twasambilile pa lwa membu shesu. Ni lilya fye twaishibe imembu shesu elyo Yesu aletele mbilansuma iya yemba ukuti ifwe tutetekelemo. Nga Lesa tatupele amalango, nga ta twaba ababembu kabili no bupingushi nga ta bwabako. Pantu e fyo, Lesa atupele amalango no kutuletela imbilansuma iya yemba ukupususha ababembu bonse ukufuma ku membu shabo shonse.
Amalango ayafwile ya bapo pakati ka kwa Kabumba no bubumbo Bwakwe lifunde lye pusukilo ilya kwa Lesa. Aya malango ya citemwiko. Lesa aebele umuntu “Lelo umuti wa kulengo kwishibo busuma no bubi te kuti ulyeko” (Ukutendeka 2:17). Aya e malango eyo Lesa atupele ifwe, kabili na malango yaishileba ishintililo ya citemwiko muli ico Lesa ali tupuswisha ku membu shesu shonse. Amalango ye pusukilo yalikwete intendekelo yaluko ku kwelelwa kwa membu shesu. Lesa aletwebo kutila ni Kabumba wesu kabili ne fintu fyaishile bako ukulingana no kufwaya Kwakwe. Ici cilepilibula ukutila Lesa Aba ifyo aba kabili no kutila abantu bafwile ukutetekela mu malango ye pusukilo aya fikilishgiwe ukupitila mu mbilansuma iya yemba.
Lesa musuma kabili wacine. Icitemwiko ca kwa Lesa pali cino calo ca Mulengele ukupela ilambo Umwana Wakwe uwa fyalwa fye eka, uwaishileba Kapususha wa babembu bonse. Nga Lesa alitubumbile kabili no kukana tupela imbilansuma iya yemba ukutupususha ku membu shesu, nga twaliilishenye kuli Wene. Lelo Lesa alefwaya ukupususha ifwe ukufuma ku bonaushi bwesu kabili eico abikile ifunde lye pusukilo. Pamulandu we funde, twalekwanisho kwishibe membu shesu kabili na ku kushilolesha, tulamba ukutetekela mu mbilansuma ya kwa Yesu. Lintu twatobe cebo ca kwa Lesa, tulaluka babembu pantanshi ya malango, kabili panuma ifwe ababembu twafukama ukupapatila uluse Lwakwe ukuti atwelele membu pa cinso ca kwa Lesa.
Yesu afyelwe ku mwanakashi kabili aishile pano isonde ukupususha umubantunse ukufuma ku membu. Yesu alishile pano isonde ngo muntu ukwisa fikilisha amapange ya kwa Lesa pali ifwe. Tulatetekela mu mbilansuma iya yemba iya Yakwe. E ico, tulelumba Shikulu.
Bambi balailishanya,“mulandunshi Lesa andengeli uwanakuka icakuti nda ponena mu lubembu mukwangufyanya kabili nali cula sana pa fya bupulumushi fyandi? Lelo Lesa talefwya ukuti ifwe tulecula. Asuminishe ifwe ukucula pamulandu ta twali abacumfwila ku mbilansuma ya kwa Yesu. Lesa alitupele fyonse fibili ukucula kabili ne mbilansuma ukutila twinge kwata amaka yamo yene nga Wene nga abana Bakwe. Aya yali amapange Yakwe.
Lelo ingulu shitila,“Nakalya! Nakalya! Lesa wamupatikisha! Twalilileni no kwikala ifyo mulefwaya mwebene. Beni abantungwa! Ilengeleni ishuko lyenu ukupitila mu maka yenu! ingulu nasho shilesha ukucinga icisumino ca muntunse muli Lesa. Lelo abo abasala ukwikala ukwabula Lesa ficingo ku mapange Yakwe pe pusukilo. Yesu aishile pano isonde no kwita abo abali mu maka ya kwa Satana ukuti benga kana imembu shabo. Tatufwile ukwikala ukwabula Lesa.
Umuntu afyalwa umubembu ulelola ku Gehena
Tapabe cine pano calo ico icishinga cinja. Lelo imbilansuma ya kwa Yesu e cine ici shicinja. E ico, abantu kuti bashintilila pali ico icine no kulubulwa ku maka ya kwa satana. Umuntunse apyene imembu ukufuma kuli Adamu na Eva kabili ukwabula Yesu ukwisa po nga twalonaukwa mu mulilo wa gehena. Lelo, ukutotela kube kwi lambo Lyakwe, umuntu alipala na maka aya kuba umwana wa kwa Lesa. “Lelo takwakabe ukufita ku calo icily mu mpatapata” (Esaya 9:1). Lesa atumine Umwana Wakwe pano isonde no kucindamika abo abatetekela mwipusukilo ilisuma.
“Abantu abaleenda mu mfifi, nabamono lubuto lukalamba; abekashi bamu calo ca kufita kwa mfwa, ulubuto nalubalikila pali bene”(Easaya 9:2). Ilelo, ici cebo cileisa ukuba icine kuli imwe na ine. Pa kutetekela mu mbilansuma, twalipalwa no mweo wa muyayaya, uo tatwinga kwata pano calo. Yesu Kristu apuswishe abantunse ukufuma ku membu shonse isha pano isonde kabili na kuli abo abatetekela mu mbilansuma iya yemba, abapela umweo wa muyayaya no Bufumu bwa mu Mulu.
Abalike ulubuto ulusuma ulwa mbilansuma pali abo abashakwete subilo
Umuntu, nga fufefufe, efyo ekala pano isonde pakashita lelo nomba line alaleko kumoneka. Umweo wakwe waba kwati ifyani ne miti ifimena pamyaka. Icani cilesa mukwata umweo libili pa myeshi ishinono mu mwaka kabili cilaleko kumoneka ukulingana no Bupekanyo bwa kwa Lesa. Fyonse fya fye m umweo shesu ukuba ifyabulo bupilibulo kwati ifi ifyani. Lelo Lesa atuapele imbilansuma iya yemba ku myeo shesu ishanaka kabili no bulungami Bwakwe, atulengele ukuba abana Bakwe. Luse ulwakupapusha ulu lwaba! Imyeo shesu ishabulo bupilibulo shaishileba imyeo sha muyayaya ukutotela ku citemwiko ca kwa Lesa kabili twalipalwa ne nsambu sha kuba abana Bakwe.
Uku e kuyebelela kwa mweo uwa uwapalilwe no kusenaminwa kwa kwa Lesa pa kutetekela mu mbilansuma.
Nafyelwe mu lupwa ulushaletetekela muli Lesa. E ico nakushiwe ukutontonkanya ukuti cali cisuma bamayo ukulapepa imilungu yaku myulu napa calo pa bwikashi busuma bwa lupwa lwandi ulucelo lyonse no musambilo wa menshi kuntanshi yabo. Lintu nalekula, nshaishibe ubukankala bwandi nangula efyo nabelako, ukwandengele ukutetekela ukutila tacansakamike ukuba no mweo nangu ukufwa. Pantu nshaishibe ubucindami bwandi, naleikala neka.
Uyu mweo walinasha kabili nabutukile ukupa. Ubwikashi bwandi mu cupo bwali ubusuma. Tapali ico nalekabila, eco naikele umweo uwatondolo kabili na mu mutende. Elyo nali kwete umwana kabili ukufuma pali ilya nshita nasangile icitemwiko ica tampile ukumonekela muli ine. Natampile ukulufya ifyakukabila fyandi lelo naletina ukulufya balya abali mupepi na ine.
E fyo, natampile ukufwaya fwaya Lesa. Nshali uwakosa kabili ushalinga kabili eco, nalekabila umuntu uwa pwililika ukusakamana no kulolesha pa batemwikwa bandi. Eico nalitampile ukulaya ku lukuta lumo lelo icitetekelo candi cali icapusanako kuli cilia ica ba mayo lintu balepepa pantanshi ya yambale ya menshi—ipepo lyandi lyaimanine fye pafintu ifi shale umfwika bwino bwino no mwenso no kusubila.
Ubushiku bumo, nailesangwako ku musankano uunono uwacitike pa lukuta lwa mupepi kabili ilyo nalepepa, ifilamba fyatampile ukulukuta mu menso yandi. Nalisebene kabili no kwesho kuleka ukulila, lelo ifilamba fyatwalilile fye ukulukuta. Abantu abanshingulwike ba shimpile amaboko yabo pa mutwe wandi no kuntasha apakalamba pa kupokelela Mupashi wa Mushilo. Lelo nalifulungana. Nshali uwakwato bwampano ne cebo cakwa Lesa kabili icitetekelo candi muli Wene tacali ica pwililika, eco nshakwete ici cetekelo ukutila aya maka yali aya Mupashi wa Mushilo.
Ulukuta ulo naleyako lwaleampana nekuta isha mapepo yacipente, kabili abengi balekwata ifya kumfwa umfwa nga ine kabili umuntu onse alelandila na mudimi. Ubushiku bumo, balinjitileko ku musonkano wa kupuputulwa kuli Shimapepo uo abantu batile ali isushiwamo na Mupashi wa Mushilo. Shimapepo alekolonganya abantu abengi pa lukuta no kutila kuti aposha ubulwele bwa fifine ubwa muntu pantu yali maka yakwe ya bumupashi ayalacita ifyo. Lelo, naishibe ukuti ubu ubulwele bwa fifine bwale undapwa ukwabula ukuposa inshita ku fipatala, eco nalefwaishisha sana ukwishiba ifyo apokelele Mupashi wa Mushilo. Lelo ilyo Shimapepo amoneke mukukwanisha ukwesha ukuposha, atampile uku ilumba ukutila wene kuti aeba ifya kuntanshi nga umwana we sukulu kuti aya kwi sukulu lya masambililo ya pa mulu nangula iyo. Abantu abengi balumbile amaka yakwe nga nalimo yali maka ya kwa Lesa.
Lelo nshamumfwikishe. Kabili teti ndande ukuti amaka yonse ayakwete uyu Shimapepo, yafumine kuli Mupashi wa Mushilo. Nshatontonkenye ukuti cali icikankala ukuti wene alekwanisha ukuposha amalwele yafifine no kumona ifya kuntanshi fya muntu ifya mashindano. Eico, nshasendele ifisungusho fyakwe ifyale moneka ukuba imilimo isha Mupashi wa Mushilo.
Amaka ne citemwiko ca kwa Lesa ifyo naishibe mu matontonkanyo yandi fyali puseneko kufyo na mwene. Pamulandu waico, nalilekele ukuya kuli lulya ulukuta kabili no kusula abantu abaletetekela mu maka yakwa Shimapepo. Panuma na tendeke ukuya ku lukuta ulwa tondolo, ulo nasalile pantu natetekele ukutila lwa shintilile pa cebo ca kwa Lesa. Nasambilile pa lwa malango kabili ukupitila muli lyena nali ushalungama. Lesa aishileba ishintililo lyandi pa mwenso wandi kabili nasambilile ukuti nshingamoneka uwacindama pa cinso Cakwe kabili no kutila Umupashi Wakwe wamoneke ukunkana.
Muli Esaya 59:1-2 calilembwa, ati, “Moneni, ukuboko kwa kwa Yehoba takwaipipa ku kupususha, kabili ukutwi kwakwe takwakoma ku kuumfwa. Lelo amampulu yenu e yapatulanya pa kati ka imwe na Lesa wenu; imembu shenu e shafise cinso cakwe kuli imwe, ku kuleka abulo kuumfwa.” Ici camoneke uku kumya ubwafya bwandi. Cali icakosa kuli ine ukubo mwana Wakwe no kupokelela Mupashi wa Mushilo pantu ifintu fyonse nalecita nangu ukutontonkanya fyali ifya lubembu.
Naletina Lesa kabili eco nalesalika amapepo ya kulapila mukukanaleka. Takwali uwanjebele ukucite fi, lelo nalefwaya ukwimanina no bucindami pa cinso ca kwa Lesa. Pamulandu nali umubembu, nalepepa sana amapepo ayengi uya kulapila. Lelo aya mapepo yalifililwe ukunsamba imembu shandi. Ico nacitile cali ukulanga Wene amatontonkanyo yandi na bucishinka ukuti imembu shandi shali muli ine. Ukufumapo, natampile ukulailishanya kuli Lesa. Nalekabila ukuba uwapwililika pa cinso Cakwe lelo nshali uwapwililika munshila iyayana, eico ukwilishanya kwandi ne membu fya kolongene pamo.
Pali iyi nshita ya cimfulunganya ca bukapepa, batata balikwete ubulwele bwa stroke. Baliculile pa nshiku 40 mu cipatala ilintu tabalati bafwe. Lelo nshakwanishe ukupepela batata. Nali umubembu, eco natontonkenye ukutila nga nalipepele batata, ubulwele bwabo nga bwalitwalilile. Nali no bulanda pa kukana kwata icitetekelo icalinga kabili nalafwaisha ukukonka Lesa lelo nalefilwa, eco nalitwalilile ukulailishanya kabili na pakulekelesha nalifumine pa cinso Cakwe. Umweo wandi wa bukapepa e fyo wapwile ifi. Natontonkenyo kutila nga nalitetekele muli Wene, Umupashi Wakwe ukekala muli ine kabili nkasango mutende, lelo te fyo caishileba. Ukufumapo, umweo wandi waishileba uwabulo bupilibulo kabili naikalile mu mwenso na mu bulanda.
Lelo Shikulu tandekeleshe. Andengele ukukumanya uwashila uwapokelele Mupashi wa Mushilo mucine ukupitila mu cebo ca kwa Lesa. Nasambilile kuli uyu muntu ukuti Yesu alisendele membu shesu ukupitila mu lubatisho Lwakwe kuli Yohane kabili ukuti alipingulwa palishena pa Capindama. E ico, imembu shonse sha pano isonde, pamo ne shandi, shali elelwa shonse. Lintu naumfwile no kumfwikisha ici, nalimweno kutila imembu shandi shonse shalibutishiwe. Lesa alingafwilishe ukupokelelela ukwelelwa kwa membu shandi, no kumpela ipalo lya Mupashi wa Mushilo kabili no kumpela umweo wa mutende. Muli tondolo Ali ntungulwile, no kumpela ukumfwikisha ukwine ukwa busuma no bubi kabili no kunjisushamo na maka aya kucimfya amatunko ya pano isonde. Alinjaswike amapepo yandi no kungafwilisha ukwikala ubwikashi bwa bulungami kabili no mweo uwalinga. Icine cine ndetotela Lesa pakumpela Mupashi wa Mushilo.”
Ifwe bonse twalipalwa no kusenaminwa kwa kwa Shikulu kabili twalilingo kupokelela Mupashi wa Mushilo. Ndetotela Shikulu pa kutupela ifwe imbilansuma iya yemba. Lesa alipala abalungami neshi nsansa. Imitima sha balungami shalibe sha kutemwa. Shikulu alipela ifwe insansa sha pe. Twalishiba ifyo ipusukilo lyabe lyawama ilya kwa Lesa, icitemwiko no kusenaminwa fyaba kabili tuli abakutotela palifyena. Shikulu alitupele insansa ukupitila mu mbilansuma iya yemba iyaku Mulu. Ici cintu cimo icishingashitwa ne ndalama. Lesa atumine Mupashi wa Mushilo kuli ifwe ne mbilansuma utulenga ifwe ukusefya na baololoka. Imbilansuma iya yemba e yilenga imyeo shesu ukube shapalwa. Shikulu alitupele imbilansuma iya yemba kabili Wene wa nsansa ukuti abalungami balenonka umweo uwapalwa.
Nge fyo calembwa muli luka, Maria atile, “Ico icebo conse icifuma kuli Lesa tacakabulwe amaka. Awe Maria atile, Moneni ndi musha wa kwa Shikulu; cimponene umwabele shiwi lyobe” (Luka 1:37-38). Lintu Maria atetekele mu cebo ca kwa Lesa, nge fyo casoselwe kuli malaika Wakwe, Yesu alimitwe. Cimocine, ukupitila mu citetekelo cabo, abalungami balemita imbilansuma iya yemba mu mitima yabo.
“Pantu namufunaule koli lya cisendo cabo, ne nkonto ya pa kubeya kwabo, ne cipompolo ca ucikilisha, nga mu bushiku bwa kulwa na Midiani” (Esaya 9:4). Satana ewalengele fyonse amasakamiko, amalwele, no kutitikishiwa mu myeo shesu lelo tuli ababunake ku kumucimfya. Lelo Lesa alitutemwa kabili eco alwishenye na Satana no ku mucimfya.
“Pantu umwana nafyalilwa kuli ifwe, umwana mwaume napelwa kuli ifwe, bukateka bukaba pakubeya kwakwe, ne shina lyakwe akenikwa. Kabilo wacipesha amano, Mulungu impalume; Wishi Wanshita pe, cilolo wamutende. ku kukula kwa bukateka bwakwe, na kumutende, takwakabe mpela, pacipuna ca kwa dabidi, napabufumu bwakwe, ku kucipampamika no kucitungilila ku bupingushi kabili kubulungami, ukutula pali nomba ukufika nakumuyayaya. Ukucincila kwakwa Yehoba wa milalo kukacite ci”(Esaya 9:6-7).
Lesa alaile ukucindamika ifwe nga abana Bakwe ukupitila mu mbilansuma iya yemba yintu Yesu aletele. Alicimfishe Satana ukulingana no bulayo Bwakwe kabili no kutukakula ukufuma ku maka ya kwa Satana.
Shikulu aishile pano calo kabili na maka Yakwe alaile ukufumyapo imfifi ya lubembu. Eco naifwe tulingile ukwita Shikulwifwe, uwacipesha amano. Alitucitila ifintu ifya cipesha amano. Ubusalo bwa kwa Lesa ukwisa pano isonde ngo Mwana wa Muntu cali ica cipeshamano. “Shi endeni, tukalulushanye, e fyasosa Yehoba: imembu shenu nelyo shaba nge fyakashika ce, kuti shabuta nge mfula yabuta; nelyo shakashikisha nge nsalu isha kashika ce, shikabe shabuta nga’ masako ya mpanga” (Esaya 1:18).
Shikulu alaile ukutupususha ukufuma ku membu shesu no kutupela ukwelelwa kwa membu ukwa pe. Yesu alepashiwa ku Uwacipesha amano kabili, nge fyo fine, Alicita imilimo ya kupapusha kuli ifwe. “Ishina Lyakwe akenikwa Mulungu impalume; Wishi Wanshita pe, cilolo wamutende.”Lesa, nga Wishi wanshita, apangile ipusukilo lyesu ne mbilansuma iya yemba kabili alifikilishe ipange Lyakwe ukupususha ifwe umuyayaya ukufuma ku membu shesu.
Pakuti ubuwelewele bwakwa Lesa bwa mano ukucila amuntu. Yali amano Yakwe pali Yesu ukubatishiwa kuli Yoahne no kufwa pa Capindama ukuti apusushe ifwe ku membu shesu shonse. Uyu mulimo uwakupapusha untu acitile kuli ifwe, lelo lifunde yakutemwa iyatupususha ifwe ukufuma ku membu shesu shonse. Ifunde lya kutemwa ni mbilansuma ya cine iyitutungulula ku kupokelela Mupashi wa Mushilo ukupitila mu menshi no mulopa wakwe.
Shikulu aletila muli Esaya 53:10, “Lelo Yehoba atemenwe ukumufwante cibi, amulengo bucushi.”Yesu alengelo mweo Wakwe ukube ca pa lubembu mukuti acite ukufwaya kwa kwa Lesa. Alibikile imembu sha pano isonde pa Mwana Wakwe, Yesu Kristu, kabili no kumulengo kucula ukumfwa ubukali bwa kutanikwa ukuti Apingulwe palisho. Iyi e mbilansuma iyayemba iyapususha abantunse ukufuma ku membu shabo umuku umo epela. Yesu epelo mweo Wakwe pamulandu wa ifwe, no kulipila icilambu ca membu no kutupala ne pusukilo.
Inshila yamalambo ya kwa Lesa
Bushe ni membu shinga isho Yesu asendele ukupitila mu lubatisho Lwakwe kuli Yohane?
Isha kale, ne sha nomba, kabili ne membu sha kuntanshi ukufuma mu kutendeka ukufika na ku mpela.
Icipingo cilanda pa ca lubembu ica lengele ukwelelwa kwa membu kwa cilabushiku. Umubembu aleleta icitekwa icabula akalema noku shimpapo amaboko yakwe pa mutwe wa citekwa mukuti ayase pali cene imembu shakwe. Elyo aleipaya ilambo no kupela umulopa wa ciko kuli shiampepo. Kabili na Shimapepo alebula umulopa umbi wa citekwa no kubika pa nsengo sha cipailo ca cakuninika no kupongolola uwashala panshi pa cipailo.
Muli iyinshila, elelwa ku membu sha cilabushiku. Ukushimpa kwa maboko yali nshila iyo umubembu aleyase membu shakwe pe lambo. Abo abalepalamika amalambo ukulingana ne nshila yamalambo balepokelela ukwelelwa kwa membu shabo. Inshila yamalambo yali ni nshila twalekonsola pa membu shesu munshita ilintu Yesu talati asende imembu shonse.
Lesa nao alisalile Ubushiku bwa Kukonsolwela ukuti abantu ba kwa Israele bengapanga ukukonsolwela pa membu shabo pa mwaka. Ukutula kwale citika pa bushiku bwalenga ikumi mu mweshi walenga cine lubali. Lesa asalile Aarone, Shimapepo mukalamba, ukuba uwaleyase imembu sha cila mwaka sha bena Israele bonse pali sawe. Ulutambi lwalecitika ukulingana na mapange ya kwa Lesa. Ukwelelwa kwa membu kwafumine mu mano Yakwe no kutemwa pa bantunse. Aya e maka Yakwe.
“Insengwa sha pa cipailo ca ca kuninika” shimininako “Amabuku ya pa Bupingushi (Ukusokolola 20:12), umo imembu sha bantunse shalembwa. Umulandu uo Shimapepo alebikila umulopa wacalubembu pa nsengo sha cipailo pa ca cakuninika kwali ukufuta amashina ne fyabupulumushi fyabo ifyalembelwe mwi Buku lya Bupingushi. Umulopa e mweo wa ca mubili conse. Ilambo lyalesenda imembu sha bena Israele kabili na sawe yaleipaiwa ukulipila icilambu ca lubembu. Lesa abalengele ukwipaya icitekwa ukupokela ubupingushi pa membu shabo. Ici cali icilangililo ca mano no kutemwa Cakwe pali ifwe.
Yesu Kristu aishile pano isonde nge ca pa lubembu ukuti afikilishe imapange ya kwa Lesa. Yesu alisendele imembu sha pano isonde ukupitila muli bulilambo Bwakwe. Nga twalolesha pa mashiwi ya bulayo ubu, kuti twamona ukuti, “Lelo Yehoba atemenwe ukumufwante cibi, amulengo bucushi” nangula “Alisendele imembu sha pano isonde.”
“Pantu umwana nafyalilwa kuli ifwe, umwana mwaume napelwa kuli ifwe; bukateka bukaba pakubeya kwakwe, ne shina lyakwe akenikwa, Kabilo wacipesha amano, Mulungu impalume; Wishi Wanshita pe, cilolo wamutende. ku kukula kwa bukateka bwakwe, na kumutende, takwakabe mpela, pacipuna ca kwa dabidi, napabufumu bwakwe, ku kucipampamika no kucitungilila ku bupingushi kabili kubulungami, ukutula pali nomba ukufika nakumuyayaya. Ukucincila kwakwa Yehoba kuka cite ici” (Esaya 9:6-7).
Ubulayo bwa kupapusha ne cipesha amano bwali ubwakuti Yesu akesa mukucita ukufwaya bwa kwa Lesa no kupela aba kutetekela bonse umutende pa kusende membu sha pano isonde. Ubulayo bwa kwa Lesa bwali ubulayo bwa kutemwa, umo apangile ukuleto mutende ku bantunse bonse. Ifi e fyo Lesa atulaile, kabili ifi e fyo acitile.
Muli Mateo 1:18 yitila, “Awe ukufyalwa kwa kwa Yesu Kristu kwali ifi: Nyina Maria akobekelwe kuli Yosefe, lelo ilintu bacilli tabalapalamana asangilwe ali ne fumo ilyafuma ku Mupashi wa Mushilo.” Yesu cipilibula Kapususha, uyo ukapususha abantu Bakwe ukufuma ku membu shabo. “Kristu” cipilibula Imfumu iya Subwa, Imfumu. Yesu takwete imembu, kabili Wene ni Mfumu yesu na Kapususha uwafyelwe ku mukashana ukuti apusushe abantu Bakwe ukufuma ku membu shabo.
“Kabili akafyalo mwana mwaume, na iwe ukamwineke shina lyakwe Yesu; pantu wene e ukapususha abantu Bakwe ku membu shabo.’ Awe ici conse caishileba ukuti cifishiwe icasosele Shikulu muli bakasesema” (Mateo 1:21-22).
Yesu alisendele imembu shonse isha pano isonde ukupitila mu lubatisho Lwakwe
Cali lembwa muli Mateo 3:13-16, “E lyo Yesu afumine ku Galili, aile ku Yordani kuli Yohane, ku kubaishiwa kuli wene. Lelo Yohane apana amukanye, ati, ‘Ine ndekabilo kubatishiwa kuli imwe, na imwe bushe mwaisa kuli ine?’ Lelo Yesu alyaswike, ati, ‘Leka cibe ifi nomba; pantu e fyo catuyano kufisho bulungami bonse.’ E lyo amusuminishe. Na Yesu, ilyo abatishiwe, aninine apo pene ukufuma ku menshi; kabili moneni, umulu wamucenamina, amona no Mupashi wa kwa Lesa uleika nge nkunda, no kwisa pali wene.”
Yohane Kabatisha alemoneka pa malembo aya. Mulandunshi Yesu abatishiwe kuli Yohane? Yesu alingile ukubatishiwa ukuti asende imembu shonse sha pano isonde, kabili ukushisenda ukulingana ne pange ya kwa Lesa.
“Bukateka bukaba pakubeya kwakwe”(Esaya 9:6). Apa “bukateka” cilkepilibula ukutila Yesu e ukwete insambu na maka ngo Mwine wa Myulu, nge Mfumu ya pano isonde. Ishi e nsambu ishapelwa fye kuli Yesu Kristu. Yesu alicitile icintu ica cipesha amano kukusenda imembu sha bantunse shonse ici icakupapusha pakuti Wene abatishiwe kuli Yohane. Ico Yesu alepilibula pakusosa ati, “Pantu e fyo catuyano kufisho bulungami bonse” cali icakutila ukusenda imembu shonse isha pano isonde cali icayana kabili icalinga.
Abena Roma 1:17 yitila, “Pantu ukulungama kwa kwa Lesa e mo kwasokololwa ukufuma ku kutetekela no kuya ku kutetekela.”Ubulungami bwa kwa Lesa bwasokololwa mu mbilansuma. Bushe imbilansuma iya cine iya menshi no Mupashi yilasokolola ubulungami bwa kwa Lesa? Emukwayi! Imbilansuma ya cine ya kutila Yesu Kristu asendele imembu shonse isha pano isonde ukupitila mu lubatisho Lwakwe na mu kutanikwa. Imbilansuma ya menshi no Mupashi ni mbilansuma iyayemba umo ubulungami bwa kwa Lesa bwasokololwa. Bushe Yesu asendele shani imembu sha pano isonde? Asendele imembu shonse isha pano isonde lintu Yohane amubatishe mumu Mana wa Yordani.
“Ubulungami bonse” mu ci Giriki ni “δικαιοσύνη”. Ici cilepilibula ukutila Yesu alisendele imembu shonse isha bantunse mu nshila iya lungama kabili iyisuma. Cilepilibula ukutila ukusangululwa imembu sha pano isonde na Yesu kwali ukwalungama kabili ukwabololoke. Yesu alingile ukubatishiwa kuli Yohane pakuti afute imembu sha pano isonde.
Lesa alishibe ukutila ulubatisho lwa kwa Yesu lwali ulukankala mu kuleta umutende ku bantunse. Yesu nga taishileba umupusushi wesu, acibo kuti tabatishiwe kuli Yohane no kusumo mulopa Wakwe pa Capindama. Yesu apyungile nge ca pa lubembu pa kusenda imembu shonse isha pano isonde.
Lesa aletila muli Esaya 53:6, “Ifwe bonse twalubantile nge mpanga, twayalukile umuntu no muntu ku nshila shakwe, na o Yehoba aponeshe pali wene amampulu ya fwe bonse.” Yesu alisumine imembu shonse isha pano isonde mukuti acite ukufwaya kwa kwa Lesa. E mulandu wine uo Yesu aishilile nge ca palubembu mu mubili wa muntu kabili alibatishiwe na kuli Yohane.
Yesu alisumine imembu shonse isha bantunse no kupingulwa palisho ukutila engafikilisha ukufwaya kwa kwa Lesa kabili no kulanga ukutemwa Kakwe ukwabulo mupaka. Lintu Yesu atumpwike ukufuma mu menshi panuma ya lubatisho Lwakwe, Lesa atile, “Uyu Mwana wandi uwatemwikwa, uo mbekelwamo”(Mateo 3:17).
Umwana alifyelwe kuli ifwe
“Pantu umwana nafyalilwa kuli ifwe, umwana mwaume napelwa kuli ifwe; bukateka bukaba pakubeya kwakwe, ne shina lyakwe akenikwa, Kabilo wacipesha amano, Mulungu impalume; Wishi Wanshita pe, cilolo wamutende” (Esaya 9:6). Yesu Mwana wa kwa Lesa. Yesu ni Lesa wa bubumbo uwabumbile imyulu shonse. Te Mwana fye uwa kwa Lesa impalume, Wene libili ni Kabumba kabili ne Mfumu ya Mutende. Yesu ni Lesa uwapele insansa ku bantunse.
Yesu ni Lesa wa cine. Alisendele imembu shesu shonse, no kutupususha, kabili atupele umutende. Bushe mucili ulubembu muno isonde? Nakalya, takwaba ulubembu. Umulandu twingasosa ne subilo ukuti tamwaba lubembu wakutila tulatetekela mu mbilansuma iyayemba, iyitila Yesu alisambile imembu shonse isha pano isonde ukupitila mu lubatisho Lwakwe no mulopa pa Capindama. Yesu tabepele kuli ifwe. Yesu alilipile icilambo ca lubembu no lubatisho Lwakwe na mu mulopa. Alengele umuntu onse uwatetekele muli ici alaba umwana Wakwe kabili apele umutende kuli ifwe bonse. Atulengele ukwikala nga abana Bakwe abashishiwa mu citetekelo umuyayaya. Ndelumbanya Shikulu no kumupela ukutotela.
Yesu ni Lesa wa cine. Alisendele imembu shesu shonse, no kutupususha, kabili atupele umutende. Bushe mucili ulubembu muno isonde? Nakalya, takwaba ulubembu. Umulandu twingasosa ne subilo ukuti tamwaba lubembu wakutila tulatetekela mu mbilansuma iyayemba, iyitila Yesu alisambile imembu shonse isha pano isonde ukupitila mu lubatisho Lwakwe no mulopa pa Capindama. Yesu tabepele kuli ifwe. Yesu alilipile icilambo ca lubembu no lubatisho Lwakwe na mu mulopa. Alengele umuntu onse uwatetekele muli ici alaba umwana Wakwe kabili apele umutende kuli ifwe bonse. Atulengele ukwikala nga abana Bakwe abashishiwa mu citetekelo umuyayaya. Ndelumbanya Shikulu no kumupela ukutotela.
Moneni! Umwana wa Mpanga wa kwa Lesa, uulesenda ulubembu lwa ba pano isonde!
Yohane 1:29 yitila, “Ubwakonkapo amwene Yesu aleisa kuli wene, kabili atile, Moneni! Umwana wa Mpanga wa kwa Lesa, uulesendo lubembu lwa ba pano isonde!” Yesu Kristu amoneke libili ku cinso ca kwa Yohane Kabatisha ubushiku bwakonkelepo panuma lintu asendele imembu shonse isha ba pano isonde ukupitila mu lubatisho Lakwe. Yohane Kabatisha alebelo bunte kuli Yesu pakusosa ukuti, “Moneni! Umwana wa Mpanga wa kwa Lesa, uulesendo lubembu lwa ba pano isonde!” Nakabili alebelo bunte muli Yohane 1:35-36, “Ubwakonkapo kabili Yohane aliiminine, na babili aba mu basambi bakwe; na o pakulolesha Yesu aleenda, atile, Moneni, Umwana wa Mpanga wa kwa Lesa!”
Yesu ali ni Mesiya uwaishile ngo Mwana wa Mpanga wa kwa Lesa, nge fyo Lesa alaile mu Cipingo ca Kale. Mesiya Yesu Kristu aishile kuli ifwe nga Uwacipesha amano, Lesa Impalume, kabili no kubatishiwa ukupususha ifwe ukufmaku membu shesu shonse. Umwana alifyelwe kuli ifwe. Alisumine imembu shonse isha ba pano isonde ukupitila mu lubatisho Lwakwe kuli Yohane, no kulipila icilambu ca lubembu, kabili no kuba Cilolo wa Mutende uuletupela umutende no kulekelelwa kwa membu shesu shonse. “Moneni! Umwana wa Mpanga wa kwa Lesa, uulesendo lubembu lwa ba pano isonde!”
Abantu tabakwete ubusalo bumbi lelo fye ukufwa pa membu shabo. Abantunse balelungama ku kucita imembu ishabulwa ukupendwa pamulandu wa mibele bwa lubembu kabili elo no kusekwa ku gehena. Baitumpile mu mweo wa bonaushi; tapali nangu umo muli bene uwalingile ukulota nangula ukwingila mu Bufumu bwa kwa Lesa pamulandu wa bunake bwabo. Yesu akristu, uuli Lesa wesu, alisumine imembu shabo shonse lintu abatishiwe kuli Yohane mumu Mana wa Yordani kabili Alitanikwe mu bupingushi pa fya bupulumushi fyabo. Pa mfwa Yakwe, Kristu atile, “Nacipwa” (Yohane 19:30). Uku e kwali ukubilikisha kwa nte Yakwe ku cishinka cakutila Yesu apuswishe abantunse bonse ukufuma ku membu shabo na ku mfwa, kabili no kutila akakwile onse uutetekela mu mbilansuma iyayemba.
“Moneni! Umwana wa Mpanga wa kwa Lesa, uulesendo lubembu lwa ba pano isonde.” Bushe mwalishiba uko imembu shonse isha ba pano isonde shaba? Bushe tashaba mu mubili wa kwa Yesu Kristu? Bushe shaba kwi amampulu ayatucefya pano isonde? Yonse yali bikilwe pali Yesu Kristu. Bushe imembu shesu shonse shaba kwi? Shaba mu mubili wa Uyo uwakwata bukateka pakubeya Kwakwe; shaba mu mubili wa Lesa Imp alume.
Yesu ali ni Mesiya uwaishile ngo Mwana wa Mpanga wa kwa Lesa, nge fyo Lesa alaile mu Cipingo ca Kale. Mesiya Yesu Kristu aishile kuli ifwe nga Uwacipesha amano, Lesa Impalume, kabili no kubatishiwa ukupususha ifwe ukufmaku membu shesu shonse. Umwana alifyelwe kuli ifwe. Alisumine imembu shonse isha ba pano isonde ukupitila mu lubatisho Lwakwe kuli Yohane, no kulipila icilambu ca lubembu, kabili no kuba Cilolo wa Mutende uuletupela umutende no kulekelelwa kwa membu shesu shonse. “Moneni! Umwana wa Mpanga wa kwa Lesa, uulesendo lubembu lwa ba pano isonde!”
Abantu tabakwete ubusalo bumbi lelo fye ukufwa pa membu shabo. Abantunse balelungama ku kucita imembu ishabulwa ukupendwa pamulandu wa mibele bwa lubembu kabili elo no kusekwa ku gehena. Baitumpile mu mweo wa bonaushi; tapali nangu umo muli bene uwalingile ukulota nangula ukwingila mu Bufumu bwa kwa Lesa pamulandu wa bunake bwabo. Yesu akristu, uuli Lesa wesu, alisumine imembu shabo shonse lintu abatishiwe kuli Yohane mumu Mana wa Yordani kabili Alitanikwe mu bupingushi pa fya bupulumushi fyabo. Pa mfwa Yakwe, Kristu atile, “Nacipwa” (Yohane 19:30). Uku e kwali ukubilikisha kwa nte Yakwe ku cishinka cakutila Yesu apuswishe abantunse bonse ukufuma ku membu shabo na ku mfwa, kabili no kutila akakwile onse uutetekela mu mbilansuma iyayemba.
“Moneni! Umwana wa Mpanga wa kwa Lesa, uulesendo lubembu lwa ba pano isonde.” Bushe mwalishiba uko imembu shonse isha ba pano isonde shaba? Bushe tashaba mu mubili wa kwa Yesu Kristu? Bushe shaba kwi amampulu ayatucefya pano isonde? Yonse yali bikilwe pali Yesu Kristu. Bushe imembu shesu shonse shaba kwi? Shaba mu mubili wa Uyo uwakwata bukateka pakubeya Kwakwe; shaba mu mubili wa Lesa Imp alume.
Imembu shonse ukufuma pa kufyalwa ukufika na kunshishi!
Tulabembuka mu mweo wesu onse. Twalibembwike ukufuma ilyo twafyelwe ukufika ilyo twakumenye imyaka 20. Bushe isho membu twacitile pa myaka 20 shaya kwi? Shalibikilwe mu mubili wa kwa Yesu Kristu. Imembu shintu tucita pa kati ka myaka 21 na 40 nasho shalibikilwe pali Yesu. Tacili na mulandu ubwingi bwa myaka umuntu aikala, imembu shintu acita ukufuma mu kutendeka kwa mweo wakwe ukufika na kumpela shali bikilwe pali Yesu Kristu. Imembu shonse isho abantunse bacitile, ukutendeka ukufuma pali Adamu ukufika na ku muntu uwakulekelesha pano calo, shali pyanishiwe pali Yesu. Ne membu kumo sha bana besu na beshikulu nasho shali bikilwe pali Yesu. Imembu shonse shali bikilwe pali Yesu pa nshita Alebatishiwa.
Bushe kucili imembu pano isonde? Nakalya. Takwaba na ulwashalako. Takwaba ulubembu ulwashalako pano isonde pantu tutetekela mu mbilansuma iyayemba iyo Yesu Kristu atupele. Bushe mwalikwata imembu mu mutima wenu? Nakalya. Amene! Tutetekela mu mbilansuma iyayemba iyitila ukuti Yesu Kristu alitupususha ukufuma ku membu shesu shonse. Tulelumbanya Yesu Impalume pa kucita uyu mulimo wa cipesha amano kuli ifwe.
Yesu Kristu abwekeshepo imyeo ishalubile kuli ifwe. Nomba tuletetekela mu mbilansuma iyayemba ukutila kuti twakwanisha ukwikala na Lesa. Nangu abantu abali abalwani ba kwa Lesa—ababembu abashakweto busalo bumbi lelo ukufisama mu mpanga ya mfifi—nomba kuti bapusuka ukufuma ku membu shabo pa kutetekela mu mbilansuma iyayemba.
Imbilansuma iyayemba iitusambilisha ukutila Shikulu alisangulula imembu shesu shonse tutu lintu abatishiwe kuli Yohane, no kutanikwa kabili no kubuka ku bafwa. Tulaba abana ba kwa Lesa abashishiwa pa kutetekela mu mbilansuma ya kwa Yesu. Yesu apalamike umubili Wakwe umwine nge ca pa lubembu pa membu shesu. Wene, Umwana wa kwa Lesa Impalume, uushatala bembukapo pano isonde, alisendele imembu shonse isha ba pano isonde kabili no kupususha onse uutetekela muli Wene. Esaya 53:5 yitila, “Lelo alashilwe pa fya bupulumushi fyesu, kabili afwantilwe pa mampulu yesu.”
Yesu asendele imembu shonse isha ba pano isonde, ukusanshako ulubembu lwa kutendeka ne membu shesu tucita kabili tashileko nangu bumo ubupulumushi. Alilipile icilambu ca membu ne mfwa Yakwe pa Capindama kabili apopene no kutupususha ukufuma ku membu shesu shonse. Abo abatetekela mu mbilansuma iyayemba ta bafwa ku Mupashi. Nomba twalikwata umweo upya kabili uwa muyayaya, pantu Yesu alilipile icilambu conse pa membu shesu. Tulaba abana ba kwa Lesa pa kutetekela mu mbilansuma iyayemba iya kwa Yesu Kristu.
Bushe mulatetekela muli Yesu Kristu ngo Mwana wa kwa Lesa? Bushe na kabili mulatetekela ukutila Wene Mupusushi wenu? Ndatetekela. Yesu Kristu mweo kuli ifwe. Twalisango mweo upya ukupitila muli Wene. Twalilungamikwe ukufwa pamulandu wa membu shesu na mampulu. Lelo Yesu alilipile icilambu ca lubembu ukupitila mu lubatisho Lwakwe ne mfwa ya pa Capindama. Alitukakwile ifwe kuli bunkole bwa lubembu, na ku maka ya mfwa, kabili na kwi senge lya kwa Satana.
Shikulu ni Lesa uwatupususha ifwe ku membu shesu kabili alisaba Umupusushi wa muntu onse uutetekela muli Yesu. Lintu twalolesha muli Abahebere 10:10-12, 14 na 18, kuti twamona ukutila Shikulu alitushisha icakutila takwaba libili ukukabila ukulekelelwa ku membu. Kuti twaingila mu Bufumu bwa kwa Lesa pa kutetekela muli Yesu. Twalilungamikwe ukufwa pa membu shesu na mampulu, lelo nomba kuti twaingila mu Mulu no kunonko mweo wa muyayaya pa kutetekela mu lubatisho lwa kwa Yesu na mu mulopa.
“Umucemi musuma atulile mpanga umweo wakwe” (Yohane 10:11). Shikulwifwe aishile pano isonde ukuti apusushe ifwe ukufuma ku membu sha pano isonde ukupitila mu lubatisho Lwakwe, na mumfwa Yakwe pa Capindama, kabili no kubuka Kwakwe kubafwa. Kabili alapela ukwisushiwa na Mupashi wa Mushilo kuli abo abapokelela ukulekelelwa kwa membu shabo pa kutetekela muli ici cine. Namitotela, Shikulu. Imbilansuma Yenu ni mbilansuma iyayemba, iyingapela abatetekela ukwisushiwamo na Mupashi wa Mushilo. Halleluya! Ndelumbanya Shikulu.
Copyright © 2021 by The New Life Mission
