- All e-books and audiobooks on The New Life Mission website are free
- Explore multilingual sermons in global languages
- Two new revised editions in English have been released
- Check out our website translated into 27 languages
Due to COVID-19 and disruption to international mail service
we have temporally suspended our ‘Free Print Book service’.
In the light of this situation we are not able to mail you the books at this time.
Pray that this pandemic will end soon and the resumption of the postal service.
Pray that this pandemic will end soon and the resumption of the postal service.
ISAMBILISHO 8: UMUPASHI WA MUSHILO
[8-11] Ukusunga Umweo Obe Uwaisulamo no Mupashi wa Mushilo (Abena Efese 5:6-18)
(Abena Efese 5:6-18)
“Mwileka umo amilufye ku fyebo fya fye; pantu ifi fintu fileto bukali bwa kwa Lesa pa bana ba bucintomfwa. E ico mwi ampana nabo. Pantu mwali imfifi kale, lelo nomba muli ulubuto muli Shikulu; endeni nga bana ba lubuto (pantu ifisabo fya lubuto busuma bonse no bulungami ne cine), esheni ukwishibe fintu ifitemuna Shikulu. Kabili mwiba ne senge nabo mu milimo iishitwala iya mfifi; lelo ukwebaula kwena mwebaule. Pantu ificitwa kuli abo mu bumfisolo ca nsoni ukufilanda; lelo fyonse ifi pa kwebaulwa filengo kumoneka ku lubuto pantu conse icilengo kumoneka lubuto. E ico casoswa aciti, Shibuka, we ulele, no kubuka ku bafwa, elyo Kristu akabalikila pali iwe. E ico cenjeleni pa kwenda kwenu, te kwenda nga batumpa iyo, kano nga bamano; mube ababomfye nshita ico ishi nshiku sha bubifi. Pamulandu wa ici mwiba abashashilimuka, lelo abeluka icabo ku kufwaya kwa kwa Shikulu. Kabili mwikolwa mwanganshi, pantu ekwiposaika; lelo isulenimo umupashi.”
“Mwileka umo amilufye ku fyebo fya fye; pantu ifi fintu fileto bukali bwa kwa Lesa pa bana ba bucintomfwa. E ico mwi ampana nabo. Pantu mwali imfifi kale, lelo nomba muli ulubuto muli Shikulu; endeni nga bana ba lubuto (pantu ifisabo fya lubuto busuma bonse no bulungami ne cine), esheni ukwishibe fintu ifitemuna Shikulu. Kabili mwiba ne senge nabo mu milimo iishitwala iya mfifi; lelo ukwebaula kwena mwebaule. Pantu ificitwa kuli abo mu bumfisolo ca nsoni ukufilanda; lelo fyonse ifi pa kwebaulwa filengo kumoneka ku lubuto pantu conse icilengo kumoneka lubuto. E ico casoswa aciti, Shibuka, we ulele, no kubuka ku bafwa, elyo Kristu akabalikila pali iwe. E ico cenjeleni pa kwenda kwenu, te kwenda nga batumpa iyo, kano nga bamano; mube ababomfye nshita ico ishi nshiku sha bubifi. Pamulandu wa ici mwiba abashashilimuka, lelo abeluka icabo ku kufwaya kwa kwa Shikulu. Kabili mwikolwa mwanganshi, pantu ekwiposaika; lelo isulenimo umupashi.”
Cinshi tulingile ukucita pakuti tutwalilile ukulenge myeo shesu ishaisulamo no Mupashi wa Mushilo?
Tulingile twaipata fwebene, no kusende Capindama, no kukana amatontonkanyo yesu aya bipa, ukuipelesha fwebene ku kubile mbilansuma.
Pakuti tu “twalilile no mweo uwaisulamo no Mupashi wa Mushilo, tulingile ukuipelesha fwebene ku kubile mbilansuma. Ukwikalila umweo uwaisulamo Umupashi wa Mushilo, tulingile ica ntanshi ukupokelela ipalo ililenga Mupashi wa Mushilo ukwikala mu mitima yesu. Ukupokelela ukwisushiwamo na Mupashi wa Mushilo tulingile ukukwata icitetekelo ca musangoyu, icili, tufwile ukutetekela mu mbilansuma ya menshi no Mupashi iyo Lesa atupele. Pa kukwata ici citetekelo, tukapokelela ipalo ililenga Mupashi wa Mushilo ukwikala muli ifwe.
Bushe balya abakwato kwisushiwamo na Mupashi wa Mushilo balafwaya umweo uwaisulamo Umupashi wa Mushilo? Mu cishinka nabo balakabila. Lelo cinshi cilengo kutila bambi baleko kwikala ubwikashi bwa uyu musango? Umulandu wakutila amafya yabo abene yalatangilila Imilimo ya kwa Lesa, icilepilibula ukutila te kuti bende Nankwe. Ukutwalilila umweo uwaisulamo Umupashi wa Mushilo, tulingile ukusambilila no kutetekela mu mashiwi ya kwa Lesa. Ica ntanshi, natuloleshe mu Cipingo ukuti tusange bushe mweo wa musango shani ne citetekelo ico tufwile ukuba naco.
Mulandunshi abantu bambi bafililwa ukwikala umweo uwaisulamo Umupashi wa Mushilo?
Ica ntanshi, kuti twasosa ukutila ni pamulandu wa kutila te kuti baikane abene. Icipingo citila ukuti ni abo fye abaikana abene ebangenda na Shikulu. Pantu ukusanga umweo uwaisulamo Umupashi wa Mushilo te kuti cicitike ukupitila mu maka ya buntunse, onse umuntu alingile ukukwate citetekelo ca kwisushiwamo na Mupashi wa Mushilo pa kuti aikane umwine. Nangula kuli balya abakwato kwisushiwamo na Mupashi wa Mushilo, ta cayanguka kuli bene ukuikana abene ukwabulo kukwata isubilo pa Bufumu bwa kwa Lesa. E fyo pa mweo uwaisulamo Umupashi wa Mushilo, tulingile ukupyungila imbilansuma ya menshi no Mupashi. E lyo fye umuntu engakwanisho kuikana umwine no kwikala ngo mubomfi wa bulungami.
Muli Mateo 16:24-26 yitila, “E lyo Yesu atile ku basambi Bakwe, ‘Umuntu nga afwayo kunkonka pa numa, aikanye, asende ne Capindama cakwe, no kunkonka; pantu uufwayo kupususho mweo wakwe akaulufya, kabili uulufyo mweo wakwe pa mulandu wa Ine akausanga. Pantu umuntu cikamwafwa shani, nga anonke calo conse ca pano isonde, no kuposo mweo wakwe?”
Umulandu uo abantu bambi abafyalwa libili bafililwa ukwisulamo Umupashi wamushilo wakutila balifilwa ukuikanya kulunkumbwa lwa bumubili bwabo. Nangu bantu abakwato kwisushiwamo na Mupashi wa Mushilo kuti bakonka Mupashi wa Mushilo lilya fye nga baikanya kulukumbwa lwa mubili wabo. Kwalibe fintu ifingi ifya kuma umweo wa bumubili ifyo tulingile ukuikanya pakuti tukonke Shikulu. Shikulu atile, “Aikanye, asende ne Capindama cakwe, no kunkonka.”
Ukwangwo mubili ni mfwa, lelo ukwangwo Mupashi mweo no mutende. Abantu abakabila ukwendela mu Mupashi bafwile ukukana umweo wa bumubili. Ni abo fye abafwaya ukuipelesha ebengakwanisha ukwikalilila umweo uwaisulamo Umupashi wa Mushilo. Ici e cine ca kwisulamo Umupashi wa Mushilo.
Cinshi mulefwayo kukonka, Shikulu nangula isonde? Caba ku busalo bwenu, umweo uwaisulamo Umupashi wa Mushilo nangula umweo wa lunkumbwa ukabo wenu. Nga icine cine mulefwaya ukwikala umweo uwaisulamo Umupashi wa Mushilo, ubusalo bwenu. Lesa alitupususha Ukufuma ku membu shesu shonse kabili no kutupela icabupe ca kwisushiwamo na Mupashi wa Mushilo. Lelo cili kuli imwe bene ukusala nga mwalaikala umweo uwaisulamo Umupashi wa Mushilo. Mu mashiwi yambi, umweo uwaisulamo Umupashi wa Mushilo taulinglwa libela nangu ukupokwa na Lesa. Umweo uwaisulamo Umupashi wa Mushilo washintilila fye pa kufwaya kwesu abatetekela mu mbilansuma iyayemba ya menshi no Mupashi.
Mufwile ukukwata ukufwaya ukwikala umweo uwaisulamo Umupashi wa Mushilo
Nga cakutila na mu kwata ukufwaya ukwikala umweo uwaisulamo Umupashi wa Mushilo, Lesa akamisuminisha. Akamyafwilisha no ku mipala. Lelo nga cakutila ta mulefwaya, mufwile ukuleka ukwikala umweo uwaisulamo Umupashi wa Mushilo.
Kuti mwapokelela ukwisushiwamo na Mupashi wa Mushilo ukupitila fye mu citetekelo mu mbilansuma ya menshi no Mupashi te ku ku kufwaya kwenu iyo. Lelo ukwikala no kutwalilila umweo uwaisulamo Umupashi wa Mushilo, cabela ku kufwaya kwenu mwe bene.
E ico, nga mulefwaya umweo uwaisulamo Umupashi wa Mushilo, mulingile ukucencenta ukufwaya kwenu mwe bene no kulombo bwafwilisho bwa kwa Lesa. Nga icine cine tulefwaya imyeo ishaisulamo Umupashi wa Mushilo, Lesa akatupala no kufikilisha ukufwaya kwesu. Lelo pa kutila tukumanishe, tulingile ukuikanya ku lunkumbwa lwa bumubili.
Ica bubili, ukwikala umweo uwaisulamo Umupashi wa Mushilo, tulingile ukusende fya pindama fyesu. Tulingile ukwikala no kwenda ku kufwaya kwa kwa Lesa nangula mu nshita sha shupa. Umu emo calola ukwikala umweo walungama uwaisulamo Umupashi wa Mushilo.
Ica butatu, Shikulu atile, “Pantu uufwayo kupususho mweo wakwe akaulufya, kabili uulufyo mweo wakwe pa mulandu wa Ine akausanga. Pantu umuntu cikamwafwa shani, nga anonke calo conse ca pano isonde, kuposo mweo mweo wakwe?” Ici cipilibula ukukonka Shikulu cikankala ku myeo yesu. Icine cine, ngatwamukonka, umupashi wesu no mubili fikanonka lelo nga tatulemukonka kabili twasala ukwikala imyeo shesu pa lwesu, umupashi wesu no mubili fikonaika.
Cinshi ta mungakwatila imyeo ishaisulamo Umupashi wa Mushilo? Umulandu wakutila tatuikanya kumatontonkanyo yesu, ayali ulunkumbwa lwa bumubili. Nga twakonka Yesu, Umupashi ulakoselesha ubuntu bwesu bwa mu kati kabili e ico kuti atutungulula no mupatikisha ukalamba.
Mu bena Efese 5:11-13 yitila, “Kabili mwiba ne senge nabo mu milimo iishitwala iya mfifi; lelo ukwebaula kwena mwebaule. Pantu ificitwa kuli abo mu bumfisolo ca nsoni ukufilanda; lelo fyonse ifi pa kwebaulwa filengo kumoneka ku lubuto, pantu conse icilengo kumoneka lubuto.” Abena Kristu ta bafwile ukuba ne senge mu milimo iishitwala iya mfifi. Lelo nga twaibimba mu milimo iishitwala iya mfifi, Lesa Aletwebo kwebaula. Tufwile twalengwe nsoni ne milimo yesu iya mfifi, pantu ca muselu no kufilandapo ifyo fintu ificitwa nabo mu bumfisolo. Lelo fyonse ifi pa kwebaulwa filengo kumoneka ku lubuto.
Ni nani uwingebaula no kulandapo pali ifyo fintu fyonse ifya nsoni? Nga cakutila abantu bambi, indume shenu nangula inkashi shenu kabili na babomfi ba kwa Lesa tabafyebawile, imwe mufwile ukuyebaula pa lwenu. Calisoswo kutila ifintu fyonse ifyebaulwa filengo kumoneka ku lubuto. E ico tulingile ukusumina imbela shesu isha bipa ukukanaba ulubuto, kabili no kutungululwa kuli Mupashi wa Mushilo ukwebaula Imilimo iyabulo kutwala iya mfifi pa lwesu nangula ukupitila mu ntungulushi yesu.
Pano isonde, ifintu fyonse ifyebaulwa fipwa fye ilyo fyakalipilwa lelo mwi isonde lya kwa Lesa, ifintu fyonse ifyaebaulwa filalengwa ukumoneka ku lubuto, pantu conse icilengo kumoneka lubuto. Pantu twabo kutali mu kupwililika, tulacite membu ishingi ukwabula no kwishiba pano isonde. Lelo nga twabiko lubuto lwa cebo ca kwa Lesa pali fwe bene, tulatampo kwishiba imembu shimo shimo kabili no kushisumina. Kabili e fyo twisa mukupelo kutotela kwa pe kuli Lesa.
Pantu Yesu alisendele imembu shesu shonse ne fya amampulu, kabili no bulungami bonse ubwa kwa Lesa bwalifikilishiwe ilyo abatishiwe mu mu Mana wa Yordani, tulakwanisho kulangwa ku lubuto ukupitila mu bulungami bwa kwa Lesa. Imintapendwa sha membu isho umuntunse acitile shalibikilwe pali Yesu ilyo Yohane Amubatishe. Mwana wa Mpanga wa kwa Lesa uwasendele imembu sha ba pano isonde, no kufwa pa Capindama ukupingulwa palisho, kabili alibukile kubafwa. Yesu alyelela imembu shamuntunse nelyo atile, “Nacipwa” (Yohane 19:30), abantunse bonse balipusuka. Tulasangululwa ukupitila mu citetekelo cesu mu fyo Yesu Kristu acitile. Pantu imembu shesu shalyelelwa, kuti twaisa mu lubuto libili no kukonka Lesa mu bulungami.
Lesa atwebo kubomfye nshita
Paulo atile nga tulefwayo kwikala umweo uwaisulamo Umupashi wa Mushilo, tulingile ukubomfye nshita. Mu bena Efese 5:16-17 yitila, “Mube ababomfye nshita ico ishi nshiku sha bubifi. Pamulandu wa ici mwiba abashashilimuka, lelo abeluka icabo ku kufwaya kwa kwa Shikulu.” Nga tulefwayo kwikala umweo uwaisulamo Umupashi wa Mushilo, tulingile ukuba ababomfye nshita kabili no kukanaba abashilimuka. Tufwile ukumfwikisha ukufwaya kwa kwa Shikulu no kucita. Tulingile ukusala icili icikankala: umweo wa bucishinka ku mubili wesu nangula ukuipelesha kuli Lesa.
Panuma ilyo twafyalwa libili, Mupashi wa Mushilo wikala mu kati kesu. Nga twapokelela ukwisushiwamo na Mupashi wa Mushilo, cilepilibula ukuti Imfumu yesu ni Shikulwifwe kabili ni Mfumu. Wene eka Mupusushi wesu kabili tulingile ukusumina Wene ukuba Lesa wesu. Wene ni Shikulu wesu. E wambumbile, no kwelele membu shandi shonse no ku mpala. Kabili ni Mfumu iya kwata ubutungulushi pa mweo wandi ne mfwa, amapalo nangula ifitipu. Tulingile ukusumina ukutila Shikulu ni Lesa wamilalo Umwine kabili ni Lesa eco tufwile ukumubela mu myeo shesu shonse.
Natumone ifyo casoswa mu bena Filipi 2:5-11. “Muli imwe mube ukwangwa ukwali na muli Kristu Yesu. Wene, pa kuba mu cipasho ca Kwa Lesa, tatontonkenye ukuti ukulingana Na Lesa cintu ca kusompola; lelo aisangwile uwa fye, pa kubule cipasho ca busha, pa kufyalwa mu cipasho ca buntunse. No kusangwa mu mibele ya buntunse, aipetamike no kubo wa kunakila ukufika na ku mfwa, awe ukufika ku mfwa ya pa Capindama. E ico na Lesa amusansabike, no kumupele shina ilyacila amashina yonse; ukuti kwi shina lya kwa Yesu ikufi lyonse likafukame, ilya mu mulu ne lya pano nse ne lya pa nshi ya calo, no lulimi lonse lukasose, ukuti, Yesu Kristu e Shikulu; kube ubukata kuli Lesa Shifwe.”
Paulo atile, “Muli imwe mube ukwangwa.” Asosele ici ukutila wali umutima wa kwa Yesu Kristu. Ico Paulo atile “Ukwangwa” kwa kwa Yesu, uwali ni Lesa Kabumba kabili alishile pano isonde ukupususha abantu Bakwe Ukufuma ku membu shabo ukulingana no kufwaya kwa kwa Wishi. Shikulu aishile pano isonde no kusenda imembu shonse isha ba pano isonde ukupitila mu lubatisho Lwakwe kuli Yohane. Kabili ilyo afwile pa Capindama, imembu sha ba pano isonde shalifwile pamo Nankwe. Kabili alibukile ku bafwa pa bushiku bwalenga citatu no kuba Umupusushi wesu.
Umulandu uo Yesu Kristu, Kabumba, aishile pano isonde wali ukupususha ifwe. Alangile icitemwiko Cakwe kuli ifwe ukupitila mu lubatisho Lwakwe na mu mulopa pa Capindama. Ifilengwa fyonse filingile ukufukama pa cinso Cakwe no kumutotela pa citemwiko Cakwe icatupele ukwelelwa kwa membu shesu pakuipetamika Wene nge cibumbwa nangula Ali ni Kabumba. E mulandu wine ifilengwa fyonse fifwile ukusumina ukutila Wene Mupusushi wabo uwa cine. Alitulengele ukulumbula ukutila Wene te Shikulu fye wa wafibumbwa fyonse lelo kabili Shikulu wa bulungami ubukalamba kuli ifwe.
Ifwe, abatetekela muli Lesa kabili abakwata no kwisushiwamo na Mupashi wa Mushilo, tufwile twatetekela ukuti ‘Lesa e Mfumu yandi ya cishinka kuli ine’ no ku kwata ukutemwa kwa kwa Yesu Kristu mu mutima wesu. Tulingile ukukwata icitetekelo ukutila Shikulwifwe te ifwe abene lelo ni Yesu Kristu, uwabumbile no kupususha ifwe Ukufuma ku membu shesu shonse. Kabili tulingile ukukwata icitetekelo ica kuti Wene ni Shikulwifwe uutulenga ukwikala abapalwa no mweo upya kabili no kuteyanya ifintu fyonse kuli ifwe no kutubombela ifwe.
Kwaliba abantu abengi abashifwaya ukucinja ba shikulu babo panuma bafyalwa libili. Kwaliba abengi abakwato kwisushiwamo na Mupashi wa mushilo lelo balapampamina ukutila ni bashikulu pa lwabo abene. Umweo wa kwisulamo Umupashi wa Mushilo mweo wa kunkonka Lesa. Uyu mweo te kuti usangwe mu bushiku bumo lelo nilyo fye twatetekela ukutila Yesu ni Shikulwifwe wa myeo shesu kabili ukuti Ewatubumbile pamo ne fibumbwa fimbi mu myulu. Tulekabilia ukukwata icitetekelo ukutila twinge pyungila Yesu Shikulwifwe, kabili Lesa wesu, uwatupususha Ukufuma ku membu shesu no kutupela umweo wa muyayaya mu Bufumu bwa mu Mulu.
Tufwile ukutwale cine mu matontonkanyo yesu. Abantu abengi balekala imyeo nga bashikulu wabo abene. Balaicingilila no kwikalilila ukuiteke myeo shabo beka. Lelo nomba e nshita iya kwalula bashikulu. Nomba na tuba abaishiba Lesa, kabili pamo pene na Shikulwifwe uufwaika ni Yehoba.
Ifwe bonse twalikwata Ulubembu mu mitima yesu kabili tulingile ukusekwa ukuya kugehena pa fyesu. Lelo twalisanga Lesa ukupitila mu citetekelo cesu mu mbilansuma ya menshi no Mupashi. Lesa alitutemwa ica kutila Alishile pano isonde, no kusende membu shesu shonse pa kubatishiwa kuli Yohane na pa kufwa pa Capindama ukuba Umupusushi wesu wa cishinka. Kabili ukupitila mu citetekelo cesu muli Lesa, twalikakulwa Ukufuma ku membu shesu shonse. Mu mashiwi yambi, twalipokelele ukwisushiwamo na Mupashi wa Mushilo.
Icipingo citila, “Umuntu nga abulwo Mupashi wa kwa Kristu, wene te mwina mwakwe iyo,” (Abena Roma 8:9). Lintu twapokelele ubulubushi Bwakwe, ubuli, ukwisushiwamo na mupashi wa Mushilo, twalisaba abana ba kwa Lesa. Mupashi wa Mushilo ni Lesa kuli ifwe kabili tufwile ukwendela mu bulungami bwa kwa Lesa mu fipope fya Mupashi wa Mushilo. Pa kwikalefi, tulingile ukuleka ukuiteka fwebene. Panuma ya kukumanya Yesu no kukakulwa kuli Wene, tufwile nomba Ukumulengo kuba Shikulwifwe eka fye.
Tufwile twalekelako ubufumu bwa mu mitima shesu kuli Yesu
Te kuti tukonke Shikulu nga tulaibika fwe bene ukuteka imyeo shesu. Ilyo Lesa akatutuma ukumupyungila, tukatila ee ukwabula no kwikata ku cani nga ta tuli bashikulwifwe ku myeo fwebene. Pantu, kuti twasoso kutila“mulandunshi ndecitila ici kuli imwe? Umuntu uuli shikulu ku mwine eka akakana ukucita ifyo Lesa alefwaya wene ukucita, ukutontonkanya,“afwile ukundomba ulusa ukuti ningacita ifyo Alefwaya ine ukucita. Ku muntu wamusangoyo, ifipope fya kwa Lesa tafili nangu cimo lelo mashiwi ayakuicusha fye.
Eco ukwisulamo Umupashi wa Mushilo, tulingile ukunakila ifipope Fyakwe. Te kuti tube nga amaombe ayo ayasendwa ukuya mukwipaiwa. Lelo tulingile ukuipelesha ukukonka Lesa. Tufwile ukukonka Lesa, kapususha wesu, uututungulula mu nshila ya bulungami. Lesa ni shikulu, uwatupala ne pusukilo. Nga cakutila twamupyungila nga Shikulwifwe no kusunga amafunde Yakwe, kuti twaisulamo Umupashi wa Mushilo. Nga cakutila imwe naba mu lupwa lwenu mwalekelako ubufumu bwenu kuli Yesu no kumubika pamulu wa fintu fyonse, mukakwata ukusenaminwa na mapalo mu myeo shenu.
Kuti nalimo mwalimonapo ifikope ifya umuntu uuli mu bwato pa mulamba uuli ne cimwela cikalamba kabili Yesu na iminina kunuma yakwe. Ilyo camoneka ukutila tulepwisha amafya yesu mu myeo yesu kabili no kucita umulimo wa kwa Shikulu, ni Shikulwifwe Yesu Kristu uuletungulula ifwe kabili no kwikata amaboko yesu. Ni Lesa wa Milalo uulelolekesha pa myeo yesu. Alitupuswishe. Alatucingilila ukufuma kuli Satana, no kututungulula ifwe no ku kwata insambu mu myeo yesu.
Pantu alisaba Shikulwifwe, Wene kuti akwanisha ukutulolekesha no kutupala. Lelo ngatatuleishiba Wene ukuba Shikulwifwe, te kuti acite ulubali Lwakwe. Nge fyo aba Lesa wa buntunse, tatupatikisha iyo ukunakila ukufwaya Kwakwe. Nangula ni Lesa wa Milalo, Tacita ifintu kuli ifwe ukwabula ifwe ukuipelesha ukumupyungila nga Shikulwifwe no kulombo bwafwilisho.
Bikeni ifintu fyonse pali Wene
Bikeni ifintu fyonse pali Wene ukutila Engafikilisha ica kupapusha pali ifwe. Mupyungileni no kusumina ukutila Wene ni Shikulwifwe. Pantu twalibo kutali ku kupwililika, tulingile ukubika ifintu fyonse pali Wene no kubika umulimo onse pali Wene. Nga twabika indupwa shesu, ne myeo yesu ya cilabushiku kabili ne fintu fyonse pali Wene, tukapokelela amano Ukufuma kuli Lesa no kuba abakukwanisha ukwikala nge fyo Afwaya, ukukwanisha amafya yonse ne citetekelo na maka ayo Lesa atupela.
Amafya yesu elo yalaba aya kwa Shikulwifwe, icilepilibula ukutila nga cakutila tulekonka fye Yesu Lesa wa Milalo, akatucitilo mulimo. Tukakwanisha ukwikala umweo waisulamo Umupashi wa Mushilo no kwanga umutende uwikala muli Wene. Nga abena Kristu bacishinka, tulingile ukufukama pa cinso ca kwa Lesa, no kusumina kabili no kupyungila Wene Shikulwifwe.
Natumone ifyo casoswa mu bena Filipi 3:3 pa lwa citetekelo ico tufwile ukukwata ukuti twikale umweo waisulamo Umupashi wa Mushilo. “Pantu ifwe tuli abena kusembululwa kwine kwine, fwe bapepela Lesa mu Mupashi, abasekelela muli Kristu Yesu, kabili tasubila mu fya mubili.” Ico cilepilibula pa ‘kusembululwa’ apa cakutila ni balya abashinshimuna Lesa mu Mupashi, no kwanga muli Kristu Yesu, kabili no kukana kwata isubilo mu fya mubili.
Ukwikala nga bakusembululwa cipilibula ukuputulwako ku lubembu mu mitima yesu no kushibika pali Yesu Kristu, uwabatishiwe kuli Yohane. Abo abatungululwa kuli Mupashi wa Mushilo basungila imyeo shabo ku Mupashi. Balapyungila Lesa no kwanga muli Kristu Yesu ukutila,“Yesu na ntungulula ukwikala umweo wa cindama. Alindengelo kubo mulungami kabili uwapalwa. Alimpele ukusenaminwa konse uko nalefwaya ku kumupyungila. Tulekabilwa ukwikala nga ifi. Uyu e mweo uwaisulamo Umupashi wa Mushilo. Paulo atile, “E ico nga mulelya nalimo mulenwa, nalimo conse ico mulecita, citeni fyonse ku kucindika Lesa” (1 Abena Korinti 10:31).
Mu bena Filipi 3:13-14 yitila, “Mwe babwananyina, ine ne mwine nshilingo kuti nimpoke ci cintu, lelo ncite cintu cimo, pa kulaba ifya kunuma, no kusupile fya ku ntanshi, nkonkelela ukulola ku buyo, ku mwala wa bwite bwa mu mulu bwa kwa Lesa muli Kristu Yesu.” Lesa atwebo kulaba ifyo fintu ifya kunuma, no kusupile fya ku ntanshi. Tufwile ukukonkela ukulola ku buyo. Tacili na mulandu pa milimo yesu iya bulungami nangula buncita tubi, tulingile ukulaba ifya kunuma no kwesha ukusupila ifya ntanshi nkonkela ukulola ku buyo, ku mwala wa bwite bwesu. Uyu mwala wa kupyungila ukufwaya Kwakwe ukwaiminina pali Yesu Kristu pa kutetekela muli Wene.
Twabo kutali no kupwililika, eco kuti twapona ilyo twaeshiwa muli bumubili. Eco pakulolesha kuli Lesa na pa kukwate citetekelo, kuti twaebaulwa ubunake bwesu bonse pamo na mampulu. Lintu Yesu Kristu abatishiwe kuli Yohane no kufwa pa Capindama, imembu shesu shonse shali bikilwe pali Wene. Lintu aishileba Umupusushi ukupitila mu kubuka Kwakwe kubafwa, twalipelwa umweo upya ukutotela kube ku citetekelo cesu muli Wene. Eco, tulingile ukwebaulwa ifyo fintu fyonse ifili kunuma yesu, loleni kufintu ifyo ifili ku ntanshi kabili mukonke ukulingana no mwala wesu.
Ukwikalilila umweo uwaisulamo Umupashi wa Mushilo
Tulingile ukusupila ifya ku ntanshi kabili no kulolesha ku mwala wa pa mulu. Ndesubila kuti mwalabako ifya kunuma nga cakutila fimipela cisendo. Kwalibe fintu ifingi ifishingacitwa pamulandu wa bunake bwesu, lelo tafilesakamika pantu icikankala caba ku ntanshi. Nga ifyo ku ntanshi kwaba ukukankala, tulingile ukulekelako ubufumo bwesu kuli Yesu Kristu ukupitila mu citetekelo kabili no kutungululwa Nankwe. Tulingile ukumulenga ukusala ifyo tuli no kwikala ku ntanshi kabili no kucita ifitemuna Wene.
Tulingile ukwikala nge fyo abasambi baikele
Kuti twaikala umweo uwaisulamo Umupashi wa Mushilo lilya fye nga twaba abashipa mu citetekelo cesu mu mukulekelelwa kwa membu. Ici cikankala sana. Natuloleshe muli 2 Timote 2:1-10. “E ico, we mwana wandi, kosa mu kusenaminwa kwa muli Kristu Yesu; kabili ifintu ifyo waumfwile kuli ine mu nte ishingi, ufipele ku Bantu ba cishinka abengasambilisha na bambi. Culila pamo nababiyo, nge cita cisuma ca kwa Kristu Yesu. Uwa mulalo nangu umo takobwa mu mitabotabo ya bwikalo buno, e kuti atemune uwamulembele mu mulalo. Awe no muntu nga atangana na babiye tafwikwa mwala, kano atangana na bo umwabela Amalango. Umulimi uucucutika afwile ukubalilapo ukulyako ifisabo. Tontonkanya ico ndesosa; pantu Shikulu akakupela umucetekanya mu fintu fyonse. Ibukisha Yesu Kristu uwabuka ku bafwa, uwa mu bufyashi bwa Kwa Dabidi umwabele mbila nsuma yandi; iyo nculilamo ukufika Na kunfifungilo, kwati ndi ncitatubi. (Lelo icebo ca kwa Lesa tacakakwa.) E ico nshipikishisha pa mulandu wa basalwa, ukuti nabo bamone ipusukilo muli Kristu Yesu pamo no bukata bwa muyayaya.”
Nge fyo Paulo asosele kuli Timote, Mupashi wa Mushilo utila kuli ifwe, “Kosa mu kusenaminwa kwa muli Kristu Yesu; kabili ifintu ifyo waumfwile kuli ine mu nte ishingi, ufipele ku Bantu muli bucishinka abengasambilisha na bambi.”
“Kosa mu kusenaminwa kwa muli Kristu Yesu.” Pa kuba aba kosa mu kusenaminwa apa cipilibulo kutila tulingile ukukosha icitetekelo cesu mu mbilansuma ya menshi no mupashi pa kutetekela muli Wene kabili nokwikatilila pali Wene. Yesu Kristu aishile pano isonde mu kusumina imembu shesu shonse ukupitila mu lubatisho Lwakwe, no kufwa pa Capindama, kabili alibukile ku bafwa. no kubo Mupusushi wesu. Ici cilepilibula ukutila tulingile ukuba aba kosa mu kusenaminwa kwa kwa Lesa kabili no kuba abatotela kuli Wene. Lesa alitupususha kabili e ico tulingile ukupokelela ipusukilo ukupitila mu citetekelo nge ca bupe ca kwa Lesa. Ili e pusukilo lya kulekelelwa kwa membu. Tacikwete ulubali na mapepo ya lucelo aya kulapila nangula ukusonka indalama mu kukula ulukuta. Ifi fyonse fintu filonaula pa kupokelela ipususkilo.
Ipusukilo lyesu ukupitila mu ukwelelwa kwa membu cipilibula ukutila Yesu Kristu, tacili na mulandu Imilimo yesu, alibatishiwe ukusenda imembu shesu shonse, elyo no kutanikwa pa Capindama ukufute membu shesu shonse. Bashimapepo baleelwa ku membu shabo pa kutetekela mu mbilansuma iyi iya cine, ukuba ababomfi. Onse uutetekela muli Yesu Kristu muli uyu musango no mutima wakwe onse alapokelela ukulekelelwa kwa membu. Nomba kuti twakwate subilo mu kusenaminwa kwa kwe ukwepusukilo no ku kosha icitetekelo cesu.
Nga cakutila tulefwaya umweo waisulamo Umupashi wa Mushilo, tulingile ukuba aba kosa mu citetekelo cesu mu mbilansuma ya menshi no Mupashi. Kwalibe ncende shimo mu mitima yesu uko tufilwa ukupima, kabili uko twakwata ica kaniko mu bunake. E mulandu wine tulingile ukuba aba kosa mu kusenaminwa kwe pusukilo. Cila nshita ukufilwa kwesu kulamonekela, tulingile ukutontonkanya pa citetekelo cesu pa kusosa kuli fwebene,“Lesa alimpususha ukupitila mu mbilansuma ya menshi no Mupashi. Yesu alindekelele membu shandi shonse ukupitila mu menshi no Mupashi. Tulaba abalungami pa kutetekela muli iyi mbilansuma kabili no kuikoselesha fwebene pa kukwata ukwisushiwamo na mupashi wa Mushilo. Twalipusushiwe ukufuma ku membu shesu shonse no kuba aba kosa pa kutetekela mu mbilansuma ya menshi no mupashi. Tulaba abantu abapalwa ukupitila mu citetekelo cesu.
Paulo atile, “E ico nga mulelya nalimo mulenwa, nalimo conse ico mulecita, citeni fyonse ku kucindika Lesa” (1 Abena Korinti 10:31). Ici cikankala sana. Cipilibulo kutila tulingile ukutontonkanyapo pa myeo shesu kuli Lesa. “Nga mulelya nalimo mulenwa.” Tulingile ukulya, no kunwa kabili no kuba aba kosa ukuti Lesa acite umulimo Wakwe. Tulingile ukulya ifintu fisuma icitetekelo cesu ukuti cishipe pakutila tubile mbilansuma.
“Uwa mulola nangu umo takobwa mu mitabotabo ya bwikalo buno, e kuti atemune uwamulembele mu mulalo” (2 Timote 2:4). Mufwile ukwikala umweo uwaisulamo Umupashi wa Mushilo pakutila tubile imbila nsuma. Kuti twaikala imyeo ya bucishinka nga twaikala umweo wa kubile mbilansuma. Bonse abekala umweo wa bucishinka nge fi balisulamo Umupashi wa Mushilo. Bonse tufwile twalwisha imyeo yesu ukwisulamo umupashi wa Mushilo. Nangula ifya musangulo, ifyo mwasangile ukupitila mu kubombesha kwenu, kufwile kwabomfishiwa mu kubile mbilansuma.
Nga mulefwaya ukutwalilila ukwisulamo Umupashi wa Mushilo, mufwile ukuipelesha mwebene kuli Shikulu, no kubapa bupyungishi Bwakwe, bomfyeni indalama shenu ku mbilansuma no kwakana mu nsansa shenu na mu bulanda na Lesa. Nga tulefwaya ukwikala umweo uyu, tulingile ukwikalila mu citetekelo no kufwaisha ukwa kosa ukubombela imbilansuma.
Abantu abengi balikala umweo wa bo beka ukufika na pali nomba. Balibika amalinga no kunonka ifipe pa lwabo beka pa kuiteka abene beka. Eco, nomba tulingile ukwikalila Lesa. Tulingile ukusenda Lesa ukuba Shikulwifwe. Shikulu atila, “Uwa mulola nangu umo takobwa mu mitabotabo ya bwikalo buno, e kuti atemune uwamulembele mu mulalo.” Ukwikala umweo wa mulalo musuma cipilibula ukukonka ifipope. Shikulu alapwisha amafya yesu, no kutucingilila kabili no kututungulula nga tulekalila Wene ngo wa mulalo Wakwe uwa bucishinka. Alatwebo kufwaya ica ntanshi Ubufumu bwa kwa Lesa no bulungami Bwakwe (Mateo 6:33).
Takwaba icilubo mu cebo ca kwa Lesa. Nga twamukonka, tuli no kumona bucine bwa cebo Cakwe. Lelo ibukisheni ukutila ica ntanshi mulingile ukukwata ukwisushiwamo na Mupashi wa Mushilo mu mutima wenu. Umuntu uwabulo kwisushiwamo na Mupashi wa Mushilo te kuti aipele umwine kuli Lesa. Eco, umuntu uwa kwata ukwisushiwamo na Mupashi wa Mushilo kuti aipelesha umwine kuli Lesa kabili no kumona umupwilapo wa Mupashi wa Mushilo no kukwata insansa no mutende mu mutima wakwe.
Ukwisushiwamo na Mupashi wa Mushilo ku kabo kwa cine nga cakutila mwaumfwikisha imbilansuma ya menshi no Mupashi. Nga cakutila mulefwaya ukukwata ukwisushiwamo na Mupashi wa Mushilo no kwikala umweo uwa palwa, mulingile ukubombela Lesa ukube Mfumu no kwikalila ubusuma bwa Bufumu Bwakwe. Elyo mukesulamo Umupashi wa Mushilo kabili no mutima wenu ukaba no mweo wa bunonshi ukatwalilila ilyo mulesenda amapalo ya kuba abana ba mu bufumu bwa kwa Lesa.
Niimpela kale imbila ukutila abantu abapokelela ipusukilo Ukufuma ku membu no kwisushiwamo no Mupashi wa Mushilo pa kutetekela muli Shikulu balingile ukwikalilila umweo uwaisulamo Umupashi wa Mushilo. Nindondolola umweo uwaisulamo Umupashi wa Mushilo kabili ne fyo uyu mweo unga twalilila. Kabili ni ndondolola ukutila ni ku citetekelo uko mufwile ukuipela mwebene kuli Yehoba kabili ni ku kutetekela uko mufwile ukumupyungila no kutwalilila no mweo uwaisulamo Umupashi wa Mushilo.
Libili, ku muntu uukwete ukwisushiwamo no Mupashi wa Mushilo, ukufyalwa libili te pela. Alingile ukutwalilila ukwikalilila umweo uwaisulamo Umupashi wa Mushilo. Tulingile ukwishiba kabili no kutetekela ukuti imipashi yesu ne mibili yingapalwa fye nga twaikalo mweo uyo.
Uyu mweo taucitika fye mu bwina mpomfu iyo. Ucitika fye ilyo mwatetekela muli Shikulu nga Katungulula wenu kabili no kubika Wene pa ntanshi ya fintu fyonse mu mitima yesu. Lesa alitupususha kabili alipela akale ifwe umweo uwaisulamo Umupashi wa Mushilo, umweo uwa kupyungila imbila nsuma. Kabili alitupela no mulimo Wakwe ne cifulo ukubombo mulimo Wakwe ukutila twingatwalilila no mweo uwaisulamo Umupashi wa Mushilo.
Mufwile mwaipelesha mwebene kuli Wene kabili no kwikala no mweo kuli Wene. Mupyungile pa kubile mbilansuma. Umutima wenu elyo ukaba uwaisulamo Umupashi wa Mushilo, ne nsansa kabili no kusenaminwa ku kupongoloka Ukufuma muli imwe. Pa bushiku bwa kubwelela Bwakwe, mukapalwa sana, no kuitakisha pa kwiminina pa cinso ca kwa Lesa no kunonka icilambu Cakwe. Imwe na ine tulingile ukukumbwa umweo uwaisulamo Umupashi wa Mushilo. Tulingile ukulwisha ukuti twikale umweo uyu ukupitila mu citetekelo. Ifi e fyo umweo uwaisulamo Umupashi wa Mushilo wikalilila.
Bushe mwalikana ubufumu bwa mu mitima yenu ukutila mwingekala umweo uwaisulamo Umupashi wa Mushilo? Ndesubila imwe mukamusuminisha ukutungulula icifulo ca ntanshi mu mutima wenu. Mulingile ukukwata ukufwaisha kwa kwikala umweo uwaisulamo Umupashi wa Mushilo. E lyo engamipala ukuti mwingekala umweo uwaisulamo Umupashi wa Mushilo.
