- All e-books and audiobooks on The New Life Mission website are free
- Explore multilingual sermons in global languages
- Two new revised editions in English have been released
- Check out our website translated into 27 languages
ISAMBILISHO 8: UMUPASHI WA MUSHILO
[8-13] Imilimo ne fya Bupe Ifya Mupashi wa Mushilo (Yohane 16:5-11)
(Yohane 16:5-11)
“Lelo nomba ndeya ku wantumine. Kabili takuli pali imwe uulenjipusha, ati, ‘Uleya kwi?’ Lelo ubulanda bwaisa mu mitima yenu, ico nalende fi fintu kuli imwe. Lelo Ine ndemwebe ca cine cine, nati, Camuwamino kuti ine nje. Pantu nga nshiile, Ubukota ta bwakese kuli imwe; lelo nga naya, nkabutuma kuli imwe. Kabili ulya ilyo akesa, akashinina aba pano isonde ulwa lubembu, no lwa bulungami, no lwa bupingushi: ulwa lubembu lwena, ico tabantetekela; ulwa bulungami na bo, ico ndeya kuli Tata, na imwe twamwakamone kabili; ulwa bupingushi na bo, ico kateka wa pano isonde napingulwa.”
“Lelo nomba ndeya ku wantumine. Kabili takuli pali imwe uulenjipusha, ati, ‘Uleya kwi?’ Lelo ubulanda bwaisa mu mitima yenu, ico nalende fi fintu kuli imwe. Lelo Ine ndemwebe ca cine cine, nati, Camuwamino kuti ine nje. Pantu nga nshiile, Ubukota ta bwakese kuli imwe; lelo nga naya, nkabutuma kuli imwe. Kabili ulya ilyo akesa, akashinina aba pano isonde ulwa lubembu, no lwa bulungami, no lwa bupingushi: ulwa lubembu lwena, ico tabantetekela; ulwa bulungami na bo, ico ndeya kuli Tata, na imwe twamwakamone kabili; ulwa bupingushi na bo, ico kateka wa pano isonde napingulwa.”
Bushe Imilimo ya Mupashi wa Mushilo ni yisa?
Alashinina aba pano isonde ulwa lubembu, no lwa bulungami, no lwa bupingushi.
Mu Kutendeka 1:2 calembwa aciti, “Pano isonde pali icimfulumfulu kabili apashaba kantu; pali ne mfifi pa mulu we tenga: lelo Umupashi wa kwa Lesa waleshunda pa mulu wa menshi.” Kuti twamona Ukufuma pamalembo aya ukuti Mupashi wa Mushilo tekala mu mitima iyaisulamo icimfulunganya no lubembu, lelo ekala fye mu mitima ya abo abatetekela mu mbilansuma iyayemba. Lelo, abantu abengi mu cimfulunganya no kubulilwa kwabo kwaponene mu fitetekelo ifya bufi, ukusosa ukuti balefwaya ukupokelelela ukwisushiwamo na Mupashi wa Mushilo ilyo bacilli na bakwata Ulubembu mu mitima yabo.
Umupashi uupokelelwa mu kupimpa ukwacila mucipimo te Mupashi usuma. Umulimo wa kwa Satana utusha pali bampula mafunde abapimpa, kabili abantu abapimpa mukwangufyanya balaponena mu fiteyo fyakwe kabili na mu maka. Lelo Mupashi wa Mushilo Muntu Lesa uwakwatisha amano, kabili alikwata ifyo afwaya. Abombele na Lesa Tata kabili no Mwana Wakwe Yesu Kristu pa kubumba ili sonde.
Umupashi wa Mushilo ulashinina isonde ulwa lubembu
Bushe umulimo wa kubalilapo uwa Mupashi wa Mushilo ni wisa? Alashinina aba pano isonde ulwa lubembu. Abantu abashininwa kuli Wene ni balya abashisumina imbilansuma iyayemba iya lubatisho lwa kwa Yesu kuli Yohane kabili no mulopa Wakwe pa Capindama. Alashinina ababembu bonse kabili ne membu shonse isha balya abashitetekela mu mbilansuma iyayemba iya menshi no Mupashi.
Ulashinina aba pano isonde ulwa bulungami bwakwa Lesa
Bushe icintu calenga bubili ca musango shani ico Mupashi wa Mushilo acita? Alabelo bunte ku bulungami bwa kwa Lesa kabili no kucimfya kwa kwa Yesu mu kupususha ababembu Ukufuma ku membu shabo. Yohane 16:10 yitila, “Ulwa bulungami na bo, ico ndeya kuli Tata, na imwe twamwakamone kabili.” Tulingile ukwishiba ifyo ubulungami bwa kwa Lesa mu Cipingo bupilibula. Bupilibula icine ica kutila Yesu asendele imembu shonse isha ba pano isonde ukupitila mu lubatisho Lwakwe kuli Yohane kabili no kutila onse uutetekela muli Wene engabo mulungami ukupitila mu kusenaminwa kwa kwa Lesa. Yesu alibatishiwe kuli Yohane Kabatisha no kusumina imembu shonse isha ba pano isonde, no kusumyo mulopa Wakwe pa Capindama, kabili alibukile ku ba fwa no kubo Mupusushi wa babembu bonse. Iyi e mbilansuma iyayemba iyo Lesa atupele. Yesu alisendele imembu shonse isha ba pano isonde ukupitila mu menshi no mulopa ukulingana no kufwaya kwa kwa Lesa kabili aishileba Shikulu wa myeo yesu.
Mupashi wa Mushilo alafwalisha abantu ukutetekela mu mbilansuma ya lubatisho lwa kwa Yesu kuli Yohane na mu mulopa Wakwe pa Capindama, efyo abafwilisha ukwelelwa ku membu shabo. Mulingile ukwishiba kutila Imilimo ya kwa Lesa muli Bulesa Butatu yali palana. Mupashi wa Mushilo ubombela imbilansuma iyayemba, ukulenga abantu ukutetekela mu citemwiko ca kwa Lesa. Kabili alatupela imbilansuma ya cine iya menshi no Mupashi ukube ya cine.
Ulashinina aba pano isonde ulwa bupingushi
Bushe umulimo walenga butatu uwa Mupashi wa Mushilo ni wisa? Alonaula Imilimo ya kwa Satana. Satana alatepelesha mu matontonkanyo ya bantu, ati,“kuti mwatetekela muli Yesu, lelo mutontonkanyefye ubwina Kristu ukuba nga bukapepa ubuli bonse pano isonde. Satana alesha ukucinga abantu ukukana tetekela mu lubatisho lwa kwa Yesu na mu mulopa Wakwe pa Capindama ukutila baleko kukwata ukwelelwa kwa membu shabo nangula bengatetekela muli Yesu. Pantu Satana alabwesho bwina Kristu ku kuba nga bukapepa, “ubuli bonse” abantu abengi balaponenamo mu bufi bwa kwa Satana ukutila umulandu wakutetekela muli Yesu ni pamulandu wa kuba abantu abasuma. Lelo umulandu wa cine uwa kutetekela muli Yesu kufyalwa libili nga abantu abalungami.
Tamufwile ukukwata icitetekelo ca bufi. Icitetekelo ca bufi te kuti cimilenge ukuba abashishiwa nangula mwingatetekela shani muli Yesu. Nga mwalikwata icitetekelo cabufi, twamwakeshibe nangu ukumona Yesu bwino bwino pamulandu wabufi bwa kwa Satana Umupashi wa Mushilo ulaba icikatilo ce pusukilo kuli abo abapusushiwa pa kutetekela mu mbilansuma iyayemba iya menshi no Mupashi. Ifisumino fyonse fya abo abakwata Ulubembu mu mitima yabo fya fye.
Mupashi wa Mushilo ulabelo bunte ku cine ca mbilansuma iyayemba. Yesu alibatishiwe ukusenda imembu shonse isha ba pano isonde kabili Alitanikwe ukulipila icilambu ca lubembu. Mupashi wa Mushilo ulabela ubunte kuli ici icine. Mupashi wa Mushilo alapanda amano abantu bonse aba pano isonde ukwelelwa ku membu shabo shonse pa kutetekela mu mbilansuma ya cine. Lelo, tufwile ukukwata mu matontonkanyo yesu ukutila Mupashi wa Mushilo alashinina no kupingula abo abashisende mbilansuma iyayemba mu mitima yabo.
Uuli onse afwile ukukwata icitetekelo ica palwa
Bushe icitetekelo ica palwa ni cisa? Citetekelo ico icitungulula ifwe ku kupokelela ukwisushiwamo na Mupashi wa Mushilo ukupitila mu kwelelwa kwa membu. Lelo, tumwena abena Kristu abengi pe sonde lyonse abo abacili no lubembu mu mitima yabo, nangula balikatilile ifisumino fyabo muli Yesu pa nshite iitali. Ilyo bakokola mu citetekelo muli Yesu, elintu babembukilako. Ubwafya bukalamba ububacinga ukukana lubulwa ku membu shabo bwa kutila batontonkanyo kutila ukulandila mu ndimi no kumone fimonwa e shininkisho ilya kutila balipokelela Mupashi wa Mushilo. Tabaishiba pa lwa bupingushi bwa kwa Lesa pa membu shabo.
Abantu abengi pano isonde balafilwa ukulekanya umulimo wa Mupashi wa Mushilo no mulimo wa kwa Satana. Umulimo wa kwa Satana utungulula abantu mu cimfulunganya pa kubapela ifitetekelo fya bufi kabili elyo no kubatungulwila ku bonaushi. Ifi e fyo Satana esho kufikilisha pa kwalukila Lesa. Satana alenga abantu ukuponena mu buntungulushi bwa fitetekelo fya bufi kabili no kubasendela mu fisungusho ne fipapwa pa kubalenga ukutontonkanya ukutila ifi fintu fyalibe fikankala ukucila ukupokelela ukwisushiwamo na Mupashi wa Mushilo ukupitila mu citetekelo mu mbilansuma iyayemba.
Eco Mupashi wa Mushilo asuminishisha abantu ukumona isonde lya kwa Lesa ukupitila mu Cebo. Ukupitila mu Mupashi wa Mushilo, balesa mukwishiba no kutetekela ukutila Lesa abumbile umuntu, no kutila Lesa alibatemwa, kabili no kutila Lesa alefwaya ukubapususha. Ipange Lyakwe pa babembu yali lya kutila Yesu Kristu akabapususha Ukufuma ku membu shabo ukupitila mu mbilansuma ya menshi no Mupashi kabili no kubasuntinkanya ukwikala mu citemwiko Cakwe ku citetekelo.
1 Petro 3:21 yitila, “Ayo icipasho ca yako lubatisho, cilepususha na imwe lelo.” Kabili, 1 Petro 1:23 yitila, “Mwafyalwa cipya cipya, te ku lubuto ulubola lelo ku lushibola, ku cebo ca kwa Lesa ica mweo, icaikalilila.”
Umulimo wa Mupashi wa Mushilo wa kubalikila umuntu pa cine ulwa lubembu, no lwa bulungami, kabili no lwa bupingushi, kabili no kubalenga ukutetekela ifyo ifya cine. Mupashi wa Mushilo ulabasuminisha ukwishiba pa lwa bupingushi bwa kwa Lesa no kusosa kuti bakakulwa Ukufuma ku membu shabo pa kutetekela mu mbilansuma ya lubatisho lwa kwa Yesu na mu mulopa Wakwe pa Capindama. Mupashi wa Mushilo ulabapela ubwishibilo ukutila aba muli bena ilyo bakwata icitetekelo mu mbilansuma ya menshi no Mupashi.
Pali nomba natulolekeshapo pa milimo ya Mupashi wa Mushilo. Abantu bonse pano isonde kuti bakwata ukwisushiwamo na Mupashi wa Mushilo kabili ne citemwiko ca kwa Lesa ilyo fye nga baelelewa ku membu shabo pa kutetekela mu mbilansuma iyayemba iya menshi no Mupashi iya kwa Yesu.
Ubuntu bwa Mupashi wa Mushilo
Mupashi wa mushilo ni Lesa Uwapulamo. Alikwata imbela ya buntunse, ishapala, buka mpingu, imyumfwile, kabili no kukabila. Pantu Mupashi wa Mushilo alikwata bukampingu, Upenenga fyonse ne ifyashika fya kwa Lesa (1 Abena Korinti 2:10) kabili ne mitima ya bantu.
Pantu Mupashi wa Mushilo Alikwata imyumfwile, alatemunwa na abo abatetekela mu Cebo ca kwa Lesa, lelo alasusha abashili ne citetekelo. Kabili, abalungami kuti baumfwa ukutemwa kwa kwa Lesa ukupitila mu Mupashi wa Mushilo.
Mupashi wa Mushilo kabili etwa “Ubukota.” Ici cilepilibulo kutila Mupashi wa Mushilo alafwalisha abalungami mu mafya, kabili no kuleta ukucimfya kuli bene, ukulwishanya na balwani babo. Alikwata kampingu, ne myumfwile, kabili no kukabila nge fyo ifwe abantunse tucita, kabili ekala muli abo abatetekela mu mbilansuma ya menshi no Mupashi.
Umulimo wa Mupashi wa Mushilo wabe fi
Mupashi wa Mushilo alasuminisha abantu ukwishibe cine ca kwelelwa kwa membu kabili no kwikala mu mitima ya batetekela. Umulimo Wakwe kubelo bunte ku cine ca kutila Yesu alisendele imembu shonse isha bantunse ukupitila mu lubatisho Lwakwe na mu mulopa Wakwe (1 Yohane 5:6-8). Kabili alakosha aba bomfi Bakwe na bashila mu bwafya ubuli bonse kabili alabakosha ukwimanina libili. Wene alabapepelako ilyo tabeshibe ifyo bafwile ukupepelapo (Abena Roma 8:26). Kabili alapela ukutusha ku balungami mu lukuta lwa kwa Lesa no kubatungulula ku bwingi bwa mashiwi Yakwe (Amalumbo 23).
Umulimo wa mupashi wa mushilo uwasuntinkana ne Cipingo
Umupashi wa Mushilo utungulula abalungami ku kwishiba no kutetekela mu cine mu mitima yabo kabili no kuushimikila ku bantu bambi. “Amalembo yonse yantu yaputwamo kuli Lesa, kabili ya mulimo ku kusambilisha, ku kwebaula, ku kulungika, ku kufunda kwa mu bulungami” (2 Timote 3:16).
“Fwayeni mwi buku lya kwa Yehoba, no kubelenga: tacakabulilepo nangu cimo, takwakabe icabule cibiye; pantu akanwa ka kwa Yehoba e kasosa, no Mupashi Wakwe e wafilonganya” (Esaya 34:16).
“Pakwishibila kabela ici, ica kuti Ukusesema konse ukwalembwa takwaba ukwa kwilwila; pantu ku kufwaya kwa buntu takwaletwa kusesema nangu limo lelo ni pakobelwa ku mupashi wa Mushilo epo abantu ba Mushilo balandile.” (2 Petro 1:20-21).
Umupashi wa Mushilo waputilemo mu babomfi ba kwa Lesa ukulemba icebo ca kwa Lesa ukutila twinga kwato kubelenga. Aleshibisha abantu imbilansuma ya menshi no Mupashi kabili no kututungulwila ku kubile mbilansuma kwi sonde. Eico nangula abalungami benga cula amesho ayengi mu myeo yabo, balilinga ukucimfya ukutasha kube ku maka ya Mupashi wa Mushilo.
Ifyabupe ne fisabo Ifya Mupashi wa Mushilo
Ifyabupe fya Mupashi wa Mushilo fipilibula amaka yantu apela ku bashila ku kubile mbilansuma iya yebmba iya kwa Lesa ku banabo. Abashila ico balaipelesha ku mulimo wa kwa Lesa ne fyabupe abapela, Mupashi wa Mushilo alabafwilisha ukupelo bukata kuli Shikulu. “Awe kuli onse kwapelwo kumoneka kwa ca Mupashi ku kwafwana”(1 Abena Korinti 12:7).
Umulandu wa fyabupe fya Mupashi wa Mushilo wali wakuteyanya abashila ne citetekelo kabili no kubafwilisha ukubutuka ulubilo ulwali pantanshi yabo (Abena Efese 4:11-12). Mupashi wa Mushilo alapela ukukumanisha ku babomfi ba kwa Lesa na bashila ku kubafwilisha mu kusabankanye mbilansuma. Ulukuta lwa kwa Lesa kulongana kwa bashila abashishiwa muli Kristu Yesu (1 Abena Korinti 1:2).
Umwina Kristu onse uwapokelela mupashi wa Mushilo alingile ukwikala ukulingana ne cifulo kabili ne milimo intu apelwe, pantu Yesu Kristu e mutwe wa lukuta. Mupashi wa Mushilo ulapela ukwiluka kwa muli bumupashi na maka ku bashishila ukutila bengabombela Ubufumu bwa kwa Lesa. Alacita fyonse ukutila engalanga ubukata bwa mbilansuma iyo Lesa atupele. Alando kwebati, “E ico nga mulelya nalimo mulenwa, nalimo conse ico mulecita, citeni fyonse ku kucindika Lesa” (1 Abena Korinti 10:31).
Ifyabupe ifyalekana lekana ifya Mupashi wa Mushilo
Kwalibe fyabupe ifili 12 ifya Mupashi wa Mushilo. Kuti twamona mu Cipingo ukutila ifi fyabupe filamoneka munshile shingi ku Bantu abapusana. Ubwingi bwa fyabupe fimonekela mu bena Roma 12:6-8, 1 Abena Korinti 12:8-10, kabili na mu bena Efese 4:11. Ifili mwisamba e fyabupe fya bu Mupashi ifili pabula ifyalandwa 1 Abena Korinti icipandwa12.
1) Icebo ca kwishiba: Ici cilapela ukuputwamo kwa bumupashi ku kumfwikisha imbilansuma ya menshi no Mupashi kabili no kutusuminisha ukubile iyi mbilansuma iyayemba.
2) Icebo ca mano: Ici cilapela amaka ya kupwisha amafya yonse ayo ayesa mu mweo wa balungami ukupitila mu cebo ica lembwa ca kwa Lesa.
3) Icitetekelo: Mupashi wa Mushilo alapela icitetekelo ica kosa ne subilo ku bashila ukutila bengacita ifisungusho fya kupususha imyeo ukufuma ku membu shabo na kuli Satana. Umuntu umulungami kuti aelelwa imembu shakwe no kundapa ubulwele bwabo bwa muli bumupashi ukupitila mu maka ya citetekelo.
4) Ukundapa: Mupashi wa mushilo alapela amaka ya kundapa abalungami ukupitila mu citetekelo cabo mu cebo ca kwa Lesa.
5) Ukutukute fisunguko: Ici ca bupe cimo icipapusha sana ico icisuminisha abashila ukubombo mulimo wa kwa Lesa pa kutetekela mu cebo ca kwa Lesa. Icisungusho cintu cimo icicitika mu maka ayaibela ukupitila mu citetekelo, ukucila pa bwishibilo bwa buntunse na pa Malango ya pano nse.
6) Ukusesema: Pali iyi nshita, ni balya fye abatetekelamo no kubela icebo ca kwa Lesa ebenga sesema ukulingana ne fyo calembwa. Amashiwi ya muntu umbi uwakwata ifisumino ifishashintilila mu fyalembwa mu Cipingo te kuti kube ukusesema kwa cine. Ababomfi ba kwa Lesa, abakwato kwisushiwamo na Mupashi wa Mushilo, balashimikila icebo ca kwa Lesa kabili e fyo baikoselesha no kubelenga ukubombo mulimo Wakwe ukupitila mu lukuta, uuli umubili wa kwa Lesa. Mupashi wa Mushilo apele aya maka ku babomfi ba kwa Lesa kabili na ku bashila.
7) Ukupima imipashi: Aya maka ya kwishiba nga cakutila nalimo umuntu alyelelwa imembu shakwe. Calyanguka kulifwe ukuloba kuli Satana nga cakutila tatukwete ici ica bupe. Pantu isonde lyaliba pa butungulushi bwa kwa Satana, kuti twakwata fye ici cabupe pa kutetekela mu mbilansuma iyayemba iyo Lesa atupele kabili e fyo twingacimfya amesho, na bunkole kabili ne fibi fyonse fya pano isonde. Umuntu umulungami alapokelela ici cabupe pa kutetekela mu mbilansuma ya cine. Nomba kuti aishiba nga cakutila umuntu alikwata ulubembu mu mutima wakwe.
8) Ukulandila mundimi: Icipingo ciletweba pa lwa kulandila mu ndimi: “Ningatemweo kulandila mu mucetekanya ifyebo fisano ifingasambilisha na bambi, ukucilo kulandila mu lulimi lumbi ifyebo amakana ikumi” (1 Abena Korinti 14:19). Alingile ukwishiba ukutila cikankala sana ukumfwikisha icebo ca kwa Lesa ica cine ukucila ukulandila mu lulimi lumbi ulo no mwine tengomfwa. Alingile ukutalukako ku kulandila mu ndimi shimbi.
9) Ukwilule ndimi: Ici cabupe capelwe ku basambi ukubasuminisha ukubile mbilansuma mu nshita ya lukuta lwa ntanshi. Shino nshiku Umupashi wa Mushilo ulasabankanye mbilansuma ukupitila mu bupyungishi bwa kwilula imbila mu fitundu ifingi. Takuli no kukabila uwakwilula ilyo umuntu uleshimikila imbilansuma kuti alanda ifitundu fyonse. Lelo, ilyo twasangana na malinga ya fitundu, Lesa lyonse alasuminisha ifwe abelula ukufikilisho mulimo Wakwe. Lesa tabomba mu cimfulumfulu nangula mukutalikishanya. Mupashi wa Mushilo abombela mu mbilansuma iyayemba kabili alatungulula abashila ukupilibula imbilansuma mu fitundu ifingi.
Bushe ifisabo ifya Mupashi wa mushilo ni fisa?
Ukulingana ne fisabo fya Mupashi wa Mushilo, Icipingo citwebo kutila, “Lelo ifisabo fya Mupashi kutemwa, ukusekelela, umutende, ukutekanya, icongwe, ubusuma, icishinka, ukunakilila, ukuteko mutima; takuli mbela ya kupinkana na bacite fi” (Abena Galatia 5:22-23).
1) Ukutemwa: Ukutemwa kwa cine kwa balungami ukupususha ababembu bonse Ukufuma ku membu shabo shonse pa kubile mbinsuma iyayemba iya menshi no mupashi. Pantu abantu abalungami balikwata imbilansuma iyayemba iyo iyili kutemwa kwa cine ukwa kwa Yesu, balabile mbilansuma ya kutemwa ukwa cine kabili no kukwata ukutemwa kwa cine ku myeo shimbi.
2) Ukusekelela: Uku e kusekelela ukushinga londololwa ukufuma panshi ya mitima yesu lintu twafyalwa libili. Umuntu mulungami uwaelelwa ku membu shakwe shonse alikwata ukusekelela mu mutima wakwe (Abena Filipi 4:4). Pantu kwalibo ukusekelela mu mitima ya balungami, balikwata amaka aya kwakana ukusekelela kwabo na bantu bambi.
3) Umutende: Uyu e mutima wa bukota uupelwa ku muntu umulungami uwaelelwa ku membu shakwe pa kukwata icitetekelo mu mbilansuma ya menshi no Mupashi. Mupashi wa Mushilo alalenga abalungami ukubile mbilansuma iyayemba iya mutende. Abantu abaumfwa iyi mbilansuma iyayemba iya mutende kuti batungulula na banabo ukucimfye membu sha pano isonde kabili no kukwata icitetekelo ca shipa ne subilo mu cabupe ce pusukilo. Abantu abalungami abalengo mutende pakati pali Lesa na bantunse betwa abana ba kwa Lesa (Mateo 5:9) kabili no kutungulula abanabo ku kupokelela ubwelelo bwa membu (Amapinda 12:20). Mupashi wa Mushilo alenga abalungami ukwikala imyeo sha bulungami kabili no kupalako na banabo no mutende pa kusabankanye mbilansuma iyayemba.
4) Ukutekanya: Ifisabo fya kutekanya fyaba mu mitima ya balungami, abalubulwa ku membu shabo pa kutetekela mu mbilansuma ya cine. Kuti twakwata ici cisabo pa kukwate senge na Mupashi wa Mushilo. Mwaliba umutima wa kutekanya no wa kulolela Mu balungami.
5) Uluse: Lesa alitumfwilile uluse lintu twaiswilemo imembu no kutulubula Ukufuma ku membu shesu shonse ukupitila mu lubatisho lwa kwa Yesu na mulopa Wakwe pa Capindama. Kuti twatemwa no kukwata uluse pa Bantu bambi pantu Yesu alitukwatile uluse no kufute membu shesu shonse, kabili na pamulandu twalitetekele muli Wene no kupokelela ukusenaminwa Kwakwe. Abalungami balikwata imitima yabo iyaisulamo uluse ne fisabo fya mbilansuma iyayemba.
6) Ubusuma: Ubusuma apa cilepilibula “ubulumba.” Abantu abalungami balikwato busuma ne citetekelo muli Shikulu mu mitima yabo.
7) Bucinshinka: Bucishinka cipilibula umutima uwaisulamo icitetekelo muli Lesa. Bucishinka mu bashila bwisa Ukufuma ku kubo wanakila kuli Yesu.
8) Icongwe: Ici cilepilibula ukukwata amaka aya kumfwikisha bambi no kubekatilila mu mutima wesu. Abalungami balikwata imitima ya kutemwa abalwani babo no kubapepelako ubulubushi bwabo.
9) Ukuteka umutima: Ukuteko mutima maka aya kuitungulula wemwine, ukutalukako kukucita ifibi, lelo kwikala umweo wa kuikanya kabili no kuiteka.
Ukwisushiwamo no Mupashi wa Mushilo
Bushe ifitumbukamo pa kwisushiwamo no Mupashi wa Mushilo ninshi? Ukupokelela ili palo cilasuminisha abashila ukwikala nga abasambi ba kwa Yesu, ukuisuntinkanya abene ku lukuta lwa kwa Lesa. Mupashi wa Mushilo ulalenga abalungami ukube fibombelo fya bulungami no kuipelesha abene ku kufikilisha ubufwayo bwa kwa Kristu. Ukufwaya kwa balungami kulatungululwa no kufwaya kwa kwa Shikulu, kabili na mukuipelesha balapela fyonse ifyo bakwata kuli Wene. Mupashi wa Mushilo ulalenga abalungami ukwikala imyeo isha kuipelesha ku kucimfya imembu sha pano isonde no kucimfya, no kusekelela kabili ne kushipa, te ku bupina bwa kuli bumupashi iyo, nangula ukucimfiwa (Abena Roma icipandwa 7).
“Lelo mukapokelela amaka ilyo ukesa Mupashi wa Mushilo pali imwe; kabili mukabe nte shandi mu Yerusalemu, na monse mu Yudea na Samaria, no kufika ku mpela ya pano nse” (Imilimo ya Batumwa 1:8). Ukwisulwamo na mupashi wa Mushilo kulatungulula abalungami ukubile mbilansuma.
Shikulu alipele icilangililo ica maka ya citetekelo kuli abo umo Mupashi wa Mushilo wikala. Kabili Lesa apele insambu sha kuba abana Bakwe kuli abo imembu shabo shalyelelwa ku citetekelo cabo mu mbilansuma iyayemba iya kwa Yesu (Yohane 1:12). Abantu abalungami abo ababa abana ba kwa Lesa ukupitila mu citetekelo kuti bashimikile mbilansuma iyayemba pano nse.
Abantu abalungami balikwata amaka ya kucimfya Satana ukupitila mu mbilansuma ya bwelelo bwa membu. Kabili balikwata amaka aya kundapa amalwele ya kuli bumupashi (Marko 16:18), no kunyanta amaka ya kwa Satana (Luka 10:19), kabili no kwingila mu Bufumu bwa ku Mulu (Ukusokolola 22:14). Abantu abalungami bekala na maka yamo yene nga ya shamfumu pa kutetekela mu mashiwi ya kwa Lesa aya bulayo (2 Abena Korinti 6:17-18).
Mupashi wa Mushilo ulenga abantu ukukana ulunkumbwa lwabo lonse ulwa pano isonde. Kabili alatungulula ifwe ku kubile mbilansuma ya cine (Abena Galatia 5:6).
Mupashi wa Mushilo ulalenga abalungami ukubelenga no kutetekela mu mbilansuma kabili no kuishimikila kuli bambi (1 Timote 4:13).
Mupashi wa Mushilo ulalonganika abalungami pa lukuta lwa kwa Lesa cilabushiku (Abahebere 10:25).
Mupashi wa Mushilo ulenga abalungami ukuyebelela imembu shabo (1 Yohane 1:9) pakutila alenge imitima yabo ukumoneka ku lubuto lwa cine (Abena Efese 5:13).
Mupashi wa Mushilo ulatungulula abalungami mu nshila iyisuma mu myeo yabo (Amalumbo 23).
Mupashi wa Mushilo uleba abalungami ukukana kanya ifyabupe Fyakwe (1 Abena Tesalonika 5:19).
Mupashi wa Mushilo ulacite milimo ikalamba ukupitila mu mbilansuma iyakupapusha (Marko 16:17-18).
Mupashi wa Mushilo ulatungulula abalungami ukwikala nga abasambi ba kwa Shikulu pa kubasuntinkanya ca pamo mu lukuta lwa kwa Lesa. Alatungulula abalungami ukwikala imyeo sha bumupashi isha kubile mbilansuma no kwisushiwamo no Mupashi wa Mushilo. Uyu e mulimo wa Mupashi wa Mushilo ukupitila mu mbilansuma (1 Petro 2:9).
Alabomba mu mitima ya bashila pali ino nshita. Halleluya!
Copyright © 2021 by The New Life Mission
