- All e-books and audiobooks on The New Life Mission website are free
- Explore multilingual sermons in global languages
- Two new revised editions in English have been released
- Check out our website translated into 27 languages
ISAMBILISHO 8: UMUPASHI WA MUSHILO
[8-14] Bushe Ukulapila kwa Cine Nikwisa Ukututungulula ku Kupokelela Umupashi Wa Mushilo? (Imilimo ya Batumwa 2:38)
(Imilimo ya Batumwa 2:38)
“Awe Petro atile kuli bene,‘Lapileni, no kubatishiwa onse wa muli imwe mwi shina lya kwa Yesu Kristu ku kulekelelwe membu shenu, e lyo mukapokelele ca bupe Umupashi wa Mushilo.”
“Awe Petro atile kuli bene,‘Lapileni, no kubatishiwa onse wa muli imwe mwi shina lya kwa Yesu Kristu ku kulekelelwe membu shenu, e lyo mukapokelele ca bupe Umupashi wa Mushilo.”
Bushe ukulapila kwa Cine ukufwaikwa pa kupokelela Umupashi wa Mushilo ni kwisa?
Kubwelela ku mbilansuma ya menshi no Mupashi no kutetekela mu lubatisho lwa kwa Yesu na mu mulopa Wakwe pa Capindama.
Icipingo citila mu Milimo ya Batumwa 2 ukutila ubushimikilo bwa kwa Petro bwa seseshe abantu apakalamba kabili no kubelenga ukupilibuka Ukufuma ku membu shabo. Cabapitile ku mutima kabili basosele na kuli Petro na batumwa babiye, “Tulecita shani? Awe Petro atile kuli bene, “Lapileni, no kubatishiwa onse wa muli imwe mwi shina lya kwa Yesu Kristu ku kulekelelwe membu shenu, e lyo mukapokelele ca bupe Umupashi wa Mushilo” (Imilimo ya Batumwa 2:38).
Isambilisho lya kwa Petro lilelanga bwino bwino ukutila icitetekelo mu mbilansuma iyayemba iya menshi no mupashi yaliba iikankala ku kupokelela Umupashi wa Mushilo kabili ilatulanga ifyo ukulapila kwa cine kwaba. Tulingile ukwishiba ukutila kuti twapokelela Mupashi wa Mushilo pamo pene no kulekelelwa imembu pa kulolekesha bwino bwino pa Malembo no kutetekelamo mu mbilansuma iya yemba iya menshi no Mupashi.
Icintu ca kubalilapo ico tufwile ukukwata pakutila twisushiwemo no Mupashi wa Mushilo cisumino mu kulapila ukwalingana ne Cipingo. Lelo, tulingile ukuba abailuka ukuleka ukwilula uku ukulapila nge cintu icakulanguluka. Ukulapila apa cilepilibula icitetekelo muli Yesu Kristu. Kuti twamona mu Cipingo ukutila abantu balangulwike pa kutanika Shikulu. Balangulwike ilyo baleipusha Petro pa fyo balingile ukucita kabili balisumine imembu shabo nelyo Petro talabeba ukulapila. Kuti twamona pali ici ukutila ukulapila kuntu Petro alelandapo takwali ukwakulanguluka pa lubembu nangula ukusumina, lelo ukusenda Yesu Kristu mu mutima wa muntu ngo Mupusushi wakwe kabili no kukwata icitetekelo mu mbilansuma iyayemba intu atupele. Iyi embela ya kulapila kwa cine.
Ukutemwa kwa Yesu Kristu kwaishile kuli ifwe ilyo takwali no kulanguluka ukuli konse pa membu sha mu mitima yesu. Ici cilepilibulo kutila Yesu alisendele imembu shesu shonse lintu abatishiwe mu mu Mana wa Yordani, afwile pa Capindama, kabili elyo abukile ku bafwa. Muli iyi nshila, Alisangulwile imembu shesu shonse pamo na mampulu.
Ukulapila kwa cine cipilibula ukutetekela mu cine ici. Bushe mulatontonkanyo kutila imembu shesu shonse shikafumapo umuyayaya, nga twalanguluka pa membu shesu no kulombo bwelelo? Uku tekulapila kwa cine. Ukulapila kwa cine cipilibula ukupokelela ukulekelelwa imembu shesu pa kutetekela mu mbilansuma ya lubatisho lwa kwa Yesu no mulopa Wakwe. Icipingo cisosa kutila tulingile ukulekelelwa imembu pa kulapila. Cimo cine fye, tulingile ukutetekela mu mbilansuma ya lubatisho lwa kwa Yesu na mu mulopa Wakwe pakutila twingapokelela ukwelelwa kwa membu shesu shonse umupwilapo.
Petro alebatisha “mwishina lya kwa Yesu Kristu” kuli abo abaletetekela muli Yesu. Yesu alibatishiwe ukusenda imembu sha bantunse bonse. Ulubatisho Lwakwe ne mfwa pa Capindama kwali ukufikilisha kwa mbilansuma iyo iyilenga abena kutetekela ukupokelela ukwisushiwamo no Mupashi wa Mushilo (Mateo 3:15-17). Umuntunse kuti asangululwa pa kutetekela mu lubatisho lwa kwa Yesu na mu mulopa Wakwe pa capindama. Mu kwipifya, abo abapokelela ukulekelelwe kwa membu pa kutetekela mu mbilansuma balipokelela umupashi wa Mushilo.
Bushe ipepo kuti lyaleta ukwisushiwamo no Mupashi wa Mushilo?
Abantu te kuti bapokelele ukwelelwa kwa membu no kwisushiwamo no Mupashi wa Mushilo nangula bengapepa shani ukuti bapokelele. Pakutila mupokelele ukwisushiwamo no Mupashi wa Mushilo, cikankala sana ukutetekela mu mbilansuma iyayemba iyafikilishiwe mu lubatisho lwa kwa Yesu na mu mulopa Wakwe pa Capindama. Umupashi wa Mushilo wa kwa Lesa ulapelwa fye kuli abo imembu shabo sha sambwa umupwilapo.
Icitetekelo mu mbilansuma cipilibula ukwishiba Yesu Kristu ngo Mupusushi wa cine. Imilimo ya Batumwa 2:38 yitila, “Lapileni, no kubatishiwa onse wa muli imwe mwi shina lya kwa Yesu Kristu ku kulekelelwe membu shenu, e lyo mukapokelele ca bupe Umupashi wa Mushilo.” Umutumwa Petro asosele ukutila ukwisushiwamo no mupashi wa Mushilo kulapelwa kuli abo abaelelwa imembu shabo ukupitila mu citetekelo ca kulapila kwa cine.Ukwelelwa kwa membu no kupokelela ukwisushiwamo no Mupashi wa Mushilo fyendela ca pamo.
Icipingo citila, “Lapileni, no kubatishiwa onse wa muli imwe mwi shina lya kwa Yesu Kristu ku kulekelelwe membu shenu, e lyo mukapokelele ca bupe Umupashi wa Mushilo. Pantu icalailwe cili kuli imwe, na ku bana benu, kabili kuli bonse aba kutali, kuli bonse abo Lesa wesu aketa bese kuli wene” (Imilimo ya Batumwa 2:38-39).
Umuntu kuti apokelela Mupashi wa Mushilo lilya fye ngo mutima wakwe wa shishiwa kabili wabo wabulo lubembu. E ico, tulingile ukutetekela mu mbilansuma iyo Yesu atupele. Tulingile ukushishiwa panuma ilyo twaelelwa imembu shesu pa kutetekela mu mbilansuma iisuma iisosa ukuti imembu shonse isha ba pano isonde shalisambilwe ilyo Yesu Kristu abatishiwe. E lyo fye twingapokelela Mupashi wa Mushilo. Kufwaya kwa kwa Lesa ukutila Mupashi wa Mushilo wingekala mu bantu. “Pantu uku e kufwaya kwa kwa Lesa, ukushishiwa kwenu” (Abena Tesalonika 4:3).
Ukwelelwa kwa membu ukwa cine kulapelwa te ku maka ya bantu iyo, nangula mu malambo nangula pa kucita ubusuma, lelo kupitila fye mu kutetekela mu mbilansuma iyayemba iyo Lesa, Bulesa Butatu Bwamushilo, yafikilishiwe ukupitila muli Yohane Kabatisha. Lesa, bu Lesa butatu, apela ukwisushiwamo no Mupashi wa Mushilo kuli abo abaleelelwa pa kutetekela mu mbilansuma iyayemba.
Ibumba lya bantu lyali laswa ku mutima ilintu baumfwile ifyo Petro alandile pa Bushiku bwa Pentekoste. Babilikishe kuli wene, “Tulecita shani?” (Imilimo ya Batumwa 2:37) Ici cilelango kutila balipilibwike amatontonkanyo yabo no kutetekela muli Yesu ngo Mupusushi wabo. Kabili balipusushiwe Ukufuma ku membu shabo pa kutetekela mu kulapila kwa cine ukwashimikilwe na Petro. Ukwelelwa kwa membu kwapelwe ku bantunse bonse ukulingana ne citetekelo cabo mu mbilansuma iyayemba iya lubatisho lwa kwa Yesu na mu mulopa Wakwe pa Capindama.
Umulandu wa lubatisho lwa kwa Yesu wali kusuminisha Wene ukusenda imembu sha ba pano isonde. Icisumino muli ici cikankala sana pa kuti umo engapokelela Mupashi wa Mushilo. Lesa apela ukwisushiwamo na Mupashi wa Mushilo kuli abo abatetekela mu mbilansuma ya cine iyashintilila pa lubatisho lwa kwa Yesu. “Ilyo abatishiwe, aninine apo pene Ukufuma ku menshi; kabili moneni, umulu wamucenamina, amona no Mupashi wa kwa Lesa uleika nge nkunda, no kwisa pali Wene” (Mateo 3:16). Ukwisa kwa Mupashi wa Mushilo pa Bushiku bwa Pentekoste kwali kwata ubwampano ne citetekelo ca batumwa mu mbilansuma: Ulubatisho lwa kwa Yesu, ne mfwa Yakwe pacapindama kabili no kubuka Kwakwe ku bafwa.
Imilimo ya Batumwa sosa kutila abantu balebatishiwa mwishina lya kwa Yesu no kupokelela Mupashi wa Mushilo. Tulingile ukutetekela ukutila ukupokelela ukwisushiwamo no Mupashi wa Mushilo cabupe icisuma Ukufuma kuli Lesa. Pakutila tupokelele icabupe ca Mupashi wa Mushilo, imembu shesu shonse shilingile ukusambwa ukupitila mu citetekelo mu lubatisho lwa kwa Yesu na mumfwa Yakwe pa Capindama.
Ukulingana ne Milimo ya Batumwa, bonse abo abaumfwile isambilisho lyan kwa Petro, umo atile, “Muitule ku nkulo iyi iyapondama” (Imilimo ya Batumwa 2:40), balyumfwile ukukansha kwakwe kabili balibatishiwe. Ico tulesambilila Ukufuma mu Cipingo ca kutila abatumwa mu nshiku sha lukuta lwa ntanshi balepokelela Mupashi wa Mushilo pe shintililo lya citetekelo cabo mu lubatisho lwa kwa Yesu Kristu na mu mulopa Wakwe pa Capindama. Ici cintu cimo icifwaikwa sana pa kupokelela Mupashi wa Mushilo. Icisumino mu lubatisho lwa kwa Yesu na mu mulopa Wakwe pa Capindama fikankala sana ngo muntu alefwaya ukwelelwa ku membu.
Icisumino icitutungulula ku kupokelela Mupashi wa Mushilo ukupitila mu kulapila kwa cine
Natuloleshe pa Milimo ya Batumwa 3:19. “E ico lapileni, kabili pilibukeni ku kupashilwe membu shenu, ukuti kukese inshita sha kupuputula Ukufuma ku cinso ca kwa Shikulu.” Bushe kuti twalondolola shani ukulapila? Natutontonkanyepo libili.
Mu Cipingo, ukulapila cipilibula ukubwelela ku cisumino mu bulubushi. Muli shilya nshiku, abantu balecita nge fyo balefwaya no kushinshimuna ifintu ifyo Lesa abumbile. Lelo balisaishibo kutila Yesu Kristu alibapususha Ukufuma ku membu shabo na menshi no mulopa Wakwe, balisapilibuka. Uku e kulapila kwa mu cipingo. Ukulapila kwa cine kubwelela ku mbilansuma iyayemba iya menshi no Mupashi.
Bushe ukulapila kwa cine ukufwaikwa pa kupokelela Mupashi wa Mushilo kwa musango shani? Kutetekela mu lubatisho lwa kwa Yesu na mu mulopa Wakwe pa Capindama. “Kukese inshita sha kupuputula Ukufuma ku cinso ca kwa Shikulu.” Nga abantu bakwata ici cisumino, balelelwa ku membu shabo no kupokelela Umupashi wa Mushilo. Pantu Yesu alishisha ababembu bonse pano isonde ukupitila mu lubatisho Lwakwe na mu mulopa pa Capindama, tulingile ukutetekela mu mbilansuma iyayemba iyi, no kusango bulubushi kabili no kupokelela Mupashi wa Mushilo.
Pakutila umuntu atetekele muli Yesu no kupokelela ukwisushiwamo no Mupashi wa Mushilo, Ulubembu lwa umo lulingile ukubikwa pali Yesu ukupitila mu citetekelo mu lubatisho Lwakwe na mu mfwa pa Capindama. Tufwile ukutetekela ukutila Yesu alisendele imembu shesu shonse no kufwa pa Capindama pakutila engapingulwa pa membu shesu. Ici e citetekelo icalungikwa kabili no kulapila kwa cine, ukusuminisha ifwe ukukwato kwisushiwamo no Mupashi wa Mushilo.
Mupashi wa Mushilo ulesa pali abo abaelelwa imembu shabo shonse. Mulandunshi Lesa apelela Umupashi wa Mushilo nge cabupe kuli abo abakwato bulubushi? Pantu Mupashi wa Mushilo, pakubo washila, alafwaya ukwikala muli bene no ku bakakatika nga bana Bakwe.
Mupashi wa Mushilo ni Lesa. Wishi, Umwana, no Mupashi wa Mushilo ni Lesa umo. Baba batatu, lelo baba ni Lesa umo kuli abo abatetekela muli Yesu. Wishi alikwete amapange ya kutupususha Ukufuma ku membu shesu kabili eco Yesu Umwana aishile pano isonde, no kubatishiwa kuli Yohane pakutila asende imembu shonse isha ba pano isonde, no kufwa pa Capindama, kabili alibukile ku bafwa pa bushiku bwalenga citatu no kuninina ku mulu. Mupashi wa Mushilo alatutungulula ifwe ukutetekela muli iyi mbilansuma lyayemba pa kubelo bunte ku lubatisho lwa kwa Yesu no mulopa Wakwe pa Capindama.
Lesa alakakatika balya abapusushiwa ukupitila muli Mupashi wa Mushilo. Shikulu alapela Mupashi wa Mushilo kuli abo abatetekela mu mbilansuma yakutila Yesu alisendele imembu sha ba pano isonde. Lesa alabapela Mupashi wa Mushilo ngo bulayo ukubakakatika nga bana Bakwe. Mupashi wa Mushilo e cilangililo ca kulekelesha kwi pusukilo Ukufuma ku lubembu kuli abo abatetekela mu mbilansuma iyayemba.
Abo abakwata Umupashi wa Mushilo bana ba kwa Shikulu. Balya abakwato kwisushiwamo no Mupashi wa Mushilo lyonse fye balomfwa ukupuputulwa. Balikwata icisumino ica shipa mu mashiwi ya kwa Lesa, mu lubatisho lwa kwa Yesu na mu mulopa pa Capindama. Icine cine baliba abansansa. Balya abalapila mu nshila iyisuma tabakwata Ulubembu mu mitima yabo kabili balikwata ukwisushiwamo no Mupashi wa Mushilo.
Icipingo cisosa kutila kwaliba ukulapila ukuleta ukwelelwa imembu. Bushe mwalitala pitamo mu kulapila kwa musangoyu? Nga cakutila mwalapila no no ku kwata icisumino ca cine, na imwe bene kuti mwapokelela imbilansuma iyayemba. Ndemikoselesha ukutila mulapile imembu shenu no kupokelela Umupashi wa Mushilo. Bushe muli abaiteyanya ukulapila no kutetekela mu mbilansuma iyayemba iyitungulula ku kwisushiwamo no Mupashi wa Mushilo?
Copyright © 2021 by The New Life Mission
