- All e-books and audiobooks on The New Life Mission website are free
- Explore multilingual sermons in global languages
- Two new revised editions in English have been released
- Check out our website translated into 27 languages
ISAMBILISHO 8: UMUPASHI WA MUSHILO
[8-15] Kuti Mwapokelela Umupashi wa Mushilo no kwikala Nankwe Lilya Fye Mwaishiba Icine (Yohane 8:31-36)
( Yohane 8:31-36)
“Eico Yesu atile ku ba Yuda abatetekele, ‘Nga imwe mwaikalilila mu cebo candi, muli ba sambi bandi cine cine; Kabili mukeshibe cine ne cine cikamulenga abantungwa.’ Balimwaswike, abati, ‘Tuli bufyashi bwa kwa Abrahamu kabili tatwatala atutekwo busha ku muntu nangu umo. Uleti shani iwe, ‘Mukaba abantungwa’?’ Yesu alibaswike, ati, Ndemwebe cine cine, nati, umuntu onse uucito lubembu musha (wa lubembu). Lelo umusha tekalilila mu ŋanda pe; umwana e wikalilila pe. Eico ngo Mwana amulenga abantungwa, mukaba abantungwa cine cine.”
“Eico Yesu atile ku ba Yuda abatetekele, ‘Nga imwe mwaikalilila mu cebo candi, muli ba sambi bandi cine cine; Kabili mukeshibe cine ne cine cikamulenga abantungwa.’ Balimwaswike, abati, ‘Tuli bufyashi bwa kwa Abrahamu kabili tatwatala atutekwo busha ku muntu nangu umo. Uleti shani iwe, ‘Mukaba abantungwa’?’ Yesu alibaswike, ati, Ndemwebe cine cine, nati, umuntu onse uucito lubembu musha (wa lubembu). Lelo umusha tekalilila mu ŋanda pe; umwana e wikalilila pe. Eico ngo Mwana amulenga abantungwa, mukaba abantungwa cine cine.”
Cinshi tulingile ukucita pakutila tupokelele ukwisushiwamo no mupashi wa Mushilo?
Tulingile ukutetekela mu mbilansuma iyayemba iya menshi no Mupashi kabili no kwikalilila ku citetekelo.
Bushe mwalishibe cine ifyo caba? Yesu atile, “Nine icine” (Yohane 14:6). Eco pakwishiba Yesu e kwishiba icine. Bushe Umupashi wa Mushilo ulekala muli imwe ukutotela kube ku cisumino cenu mu mbilansuma? Mulingile ukwishibo kutila Ulubatisho lwa kwa Yesu no mulopa Wakwe pa Capindama e fya iminina pa ntendekelo ya mbilansuma kabili mutetekelemo.
Abantu shino nshiku ilingi line balabomfya amashiwi ya kuti‘ukufyalwa libili.“Abantu bafwile ukufyalwa libili. Ifikansa filingile ukufyalwa libili. Bukapepa bufwile ukufyalwa libili. Balabomfya amalembo nga cimo ‘icabuyantanshi. Lelo, ukufyalwa libili tacipilibula ubuyantanshi ubwa bumubili. Ukufyalwa libili cipilibula ukupokelela ukwisushiwamo no Mupashi wa Mushilo pa kumfwa no kutetekela mu mbilansuma iyayemba iya menshi no Mupashi.
Bushe mashiwi nshi aya cine ayatusuminisha ukufyalwa libili?
Mulandunshi umuntu afwile ukufyalwa libili? Umuntu tapwililika eco afwile ukupokelela ukwisushiwamo no Mupashi wa Mushilo mukutila enga fyalwa libili ngo mwana wa kwa Lesa. Kuti twamona abantu abengi abatetekela muli Yesu lelo tabakwata ukwisushiwamo no Mupashi wa Mushilo. Nikodemo ali nintungulushi ya Bayuda. Nikodemo, uulemonekela muli Yohane icipandwa 3, ali nintungulushi ya Ciyuda uwaleesho kusunga Amalango ayapelwe na Lesa. Lelo, alebomba nge ntungulushi ya bukapepa bwa bantu, ukwabulo kwishiba pa lwa kwisushiwamo no Mupashi wa Mushilo.
Pakutila tupokelele ukwisushiwamo no Mupashi wa Mushilo, tulingile ukutetekela mu mbilansuma iyayemba iya menshi no Mupashi wa Mushilo kabili no kwikalila ku citetekelo. Umuntu kuti apokelela ukwisushiwamo no Mupashi wa Mushilo lilya fye nga atetekela mu mashiwi ya cine mu mbilansuma iyayemba iya menshi no Mupashi wa Mushilo. Yesu atile, “Nga mwebele ifyapano nse kabili tamutetekele, kuti mwatetekela shani nga namwebe fya mu mulu?” (Yohane 3:12).
Imbilansuma iyayemba iya menshi no mupashi yaba nge fi. Shikulwifwe alifyelwe pano nse, no kubatishiwa kuli Yohane pa mushinku wa myaka 30, no kufwa pa Capindama panuma ya myaka shitatu, alibukile kabili no kulubula ifwe ukufuma ku membu shesu shonse. Alisabo Mupusushi kuli abo abatetekelo kutila Yesu alibatishiwe kuli Yohane no kubuka kubafwa. Alipela ukulekelelwa kwa membu no kwisushiwamo no Mupashi wa Mushilo kuli abo abatetekele mu mbilansuma iyayemba iyi.
Abo abacili na bakwata Ulubembu mu mitima yabo balingile ukwelelwa imembu shabo pa kutetekela mu lubatisho lwa kwa Yesu na mu mulopa Wakwe. Umuntu te kuti aleke ukubembuka pa cinso ca kwa Lesa kabili eco afwile ukupusushiwa pa kusumina Yesu ngo Mupusushi wakwe. Yesu alisambe membu shonse isha ba pano isonde ne mbilansuma iyayemba iya menshi no Mupashi. Ababembu bonse kuti bapusushiwa pa kukutikako no kutetekela imbilansuma ya menshi no Mupashi. Abo abatetekela muli iyi mbilansuma balipalwa no kwisushiwamo no Mupashi wa Mushilo.
“Kabili filya Mose atumpwile insoka mu matololo, e fyo Umwana wa muntu ali no kutumpulwa” (Yohane 3:14). Mu Cipingo ca Kale, nangula abantu ba kwa Israele balebembuka, balesumwa ku nsoka sha busungu mu matololo, kabili balefwa, abengi balikwanishe ukuba no mweo pa kulolesha pa nsoka ya mukuba iya bikilwe pa mulu.
Cimo cine fye, twalikwata ukwisushiwamo no Mupashi wa Mushilo. Yesu alapela ukwisushiwamo no Mupashi wa Mushilo kuli abo abatetekela mu mbilansuma iyayemba. Satana alatulesha ukukana ishiba imbilansuma iya yemba ya menshi no Mupashi kabili alesha ukutucinga ku kukanapokelela Umupashi wa cine. Eco, Lesa alitupala no kwelelwa kwa membu no kwisushiwamo no Mupashi wa Mushilo ukupitila mu citetekelo cesu mu mbilansuma ya lubatisho lwa kwa Yesu na mu mulopa Wakwe.
Na imwe bene kuti mwapokelela ukwisushiwamo no Mupashi wa Mushilo nga cakutila muletetekela muli iyi mbilansuma iyayemba. Bushe mulesuminisha iyi mbilansuma iyayemba ukube ya cine ku cinso ca kwa Lesa? Bushe muletetekelo kutila kuti mwapokelela ukwisushiwamo no Mupashi wa Mushilo pakutetekela muli ci, imbilansuma ya cine?
Shikulu alitwebele ukwishibe cine icitupususha Ukufuma ku membu shesu shonse. “Kabili mukeshibe cine, ne cine cikamulenga abantungwa” (Yohane 8:32). Bushe mwalishibe cine ca mbilansuma iyayemba iitupususha ifwe kabili no kutupala no kwisushiwamo no mupashi wa Mushilo? Nga cakutila mulesumina iyi mbilansuma, icine cine mukapokelela ukwisushiwamo no Mupashi wa Mushilo.
Copyright © 2021 by The New Life Mission
