- All e-books and audiobooks on The New Life Mission website are free
- Explore multilingual sermons in global languages
- Two new revised editions in English have been released
- Check out our website translated into 27 languages
ISAMBILISHO 8: UMUPASHI WA MUSHILO
[8-16] Umulimo wa Bonse Abo Abapokelela Umupashi wa Mushilo (Esaya 61:1-11)
(Esaya 61:1-11)
“Umupashi wa kwa Shikulu Yehoba waba pali ine, pa kuti Yehoba ansubile ku kubile mbila nsuma ku balanda; antuma ku kukakililako abafunaike misana, ku kubilisha kuli bankole ukulubuka, na ku bakakwa ukwiswilwa; ku kubilisho mwaka wa luse lwa kwa Yehoba, no bushiku bwa cilandushi ca kwa Lesa wesu; ku kusansamusha bonse abalosha, ku kufumba abalosha ba mu Sione, ku kupela kuli bene umwala pe punda lya mito, amafuta yakusekelela pa mafuta lya kulosha, umwingila wa kutasha pe punda lya mutima wa kutusuka; no kuleka betwe imioke ya bulungami, iyalimbwa kuli Yehoba, ku kuleka acindamikwe. Bakakule fibolya fya muyayaya, no kwimya apapomoke ntanshi; bakalenga cipya cipya imishi ya mapopa, iyabe yapomoka ku nkulo ne nkulo. Abeni bakema no kucema mikuni yenu, na bambi bakaba aba kumilimino umushili, kabili aba kumilimina myanagashi; lelo imwe muketwa ba kwa Yehoba, bakasosela Bashimapepo imwe, abati, ni Bakapyunga ba kwa Lesa wesu; mukalalye fyuma fya nko, no kuitakishisha mu bukata bwa shiko. Pe punda lya nsoni shenu ne cakaniko ca miku ibili, pe punda lya musalula mukasekelela mu cikwatwa cenu; e ico mu calo cenu mukakwate cakaniko ca miku ibili, ukusekelela kwa muyayaya kukaba kuli imwe. Pantu ine Yehoba natemwo bupingushi, napato kwiba bupondamishi; e ico nkapele cilambu cabo mu cishinka, nkapinga kuli bene ne cipingo ca muyayaya. Mu nko ubufyashi bwabo bukeshibwa, na bafuma mu nda shabo bakeshibwa mu kati ka bantu na bantu; bonse ababamona bakasumino kuti bene bufyashi ubo Yehoba apala. Ukusekelela nkasekelela muli Yehoba, umweo wandi ukalayangila muli Lesa wandi; pantu amfwika amalaya ye pusukilo, amfimba tambatamba wa bulungami, ifyo shibwinga afwalo mwala uwayemba, ifyo nabwinga aseme fisamo fyakwe. Pantu ifyo umushili ufumyo mumeno, ifyo ibala lilenge fyabyalwamo ukupuka, e fyo Shikulu Yehoba akalengo bulungami no kutasha ukupuka ku mulola wa nko shonse.”
“Umupashi wa kwa Shikulu Yehoba waba pali ine, pa kuti Yehoba ansubile ku kubile mbila nsuma ku balanda; antuma ku kukakililako abafunaike misana, ku kubilisha kuli bankole ukulubuka, na ku bakakwa ukwiswilwa; ku kubilisho mwaka wa luse lwa kwa Yehoba, no bushiku bwa cilandushi ca kwa Lesa wesu; ku kusansamusha bonse abalosha, ku kufumba abalosha ba mu Sione, ku kupela kuli bene umwala pe punda lya mito, amafuta yakusekelela pa mafuta lya kulosha, umwingila wa kutasha pe punda lya mutima wa kutusuka; no kuleka betwe imioke ya bulungami, iyalimbwa kuli Yehoba, ku kuleka acindamikwe. Bakakule fibolya fya muyayaya, no kwimya apapomoke ntanshi; bakalenga cipya cipya imishi ya mapopa, iyabe yapomoka ku nkulo ne nkulo. Abeni bakema no kucema mikuni yenu, na bambi bakaba aba kumilimino umushili, kabili aba kumilimina myanagashi; lelo imwe muketwa ba kwa Yehoba, bakasosela Bashimapepo imwe, abati, ni Bakapyunga ba kwa Lesa wesu; mukalalye fyuma fya nko, no kuitakishisha mu bukata bwa shiko. Pe punda lya nsoni shenu ne cakaniko ca miku ibili, pe punda lya musalula mukasekelela mu cikwatwa cenu; e ico mu calo cenu mukakwate cakaniko ca miku ibili, ukusekelela kwa muyayaya kukaba kuli imwe. Pantu ine Yehoba natemwo bupingushi, napato kwiba bupondamishi; e ico nkapele cilambu cabo mu cishinka, nkapinga kuli bene ne cipingo ca muyayaya. Mu nko ubufyashi bwabo bukeshibwa, na bafuma mu nda shabo bakeshibwa mu kati ka bantu na bantu; bonse ababamona bakasumino kuti bene bufyashi ubo Yehoba apala. Ukusekelela nkasekelela muli Yehoba, umweo wandi ukalayangila muli Lesa wandi; pantu amfwika amalaya ye pusukilo, amfimba tambatamba wa bulungami, ifyo shibwinga afwalo mwala uwayemba, ifyo nabwinga aseme fisamo fyakwe. Pantu ifyo umushili ufumyo mumeno, ifyo ibala lilenge fyabyalwamo ukupuka, e fyo Shikulu Yehoba akalengo bulungami no kutasha ukupuka ku mulola wa nko shonse.”
Bushe umulimo wa abo abapokelela Mupashi wa Mushilo ni wisa?
Kubile mbilansuma ya menshi no Mupashi ku bantu bonse aba pe sonde.
Bushe cintu ca musango shani ico umuntu uwapokelela Mupashi wa Mushilo afwile ukucita? Afwile ukubile mbilansuma ya menshi no Mupashi ku bantu bonse. Lesa alipela imbilansuma iya yemba iya kufyalwa libili ku menshi no Mupashi kuli abo abaisushiwamo no Mupashi wa Mushilo. Abo abaelelwa ku membu shabo pa cinso ca kwa Lesa balapokelela Mupashi wa Mushilo. Nomba cinshi mulentonkanya pakuti Lesa abapele ca bupe ca Mupashi wa Mushilo kuli bene?
Pakubapela icikatilo ca kulekelesha ukutila Alibalenga ukuba abana Bakwe, alabapela ica bupe ca Mupashi wa Mushilo. Kabili alakabila ukubafwa ukucimfya Satana. Alalenga balya abaelelwa ku membu shabo na baisushiwamo no Mupashi wa Mushilo ukucite fi:
Alabalenga ukubila ilandwe ilisuma ku babusu
Bushe imbilansuma ni yisa ku babusu? Ni mbilansuma ya amenshi no Mupashi. Lesa aebele abo abaisushiwemo Umupashi wa Mushilo ukubile mbilansuma iya yemba ku babusu. Balya abapokelela Mupashi wa Mushilo, pantu balikwate subilo lya mu Mulu, tabasendwa ne fintu fya pa calo.
Lesa apele imbilansuma ya menshi no Mupashi ku babusu no kubelela imembu shabo. e lyo ali bapele ukwisushiwamo no Mupashi wa Mushilo kuli bene no kubalenga ukuba mwisonde lya muyayaya. Lesa atumine abalungami ukubile mbilansuma ya menshi no Mupashi ku babusu. Kabili atile kuli bene ukusabankanye cisumino muli Lesa na Yesu. Umulandu wakuti Lesa apele ifwe umu Mupashi wa Mushilo wali wakubila imbila iya yemba mukufusha kubabusu mwi sonde lyonse.
Alatutuma uku undapa abatobeka imitima
Bushe Shikulwifwe ondapa shani amano yesu? Ondapa imitima iya tobeka ne mbilansuma ya menshi no Mupashi. Kwaliba bantu abengi abatobeka imitima. Kuli bene, umweo tawabo ukankala, kabili no bulungami bwabo bwalyonaika. Balikwata imyeo ishaicefya ne sha kalipwa pamulandu wa membu shabo. E ico, lyonse balacushiwa no kutwishika kwabo pa lwa mweo. Abantu bonse balakabila ukwikalila mu kusenaminwa kabili no kufwaya ukusefya pa fyuma mu mubili wabo na mu mweo, lelo ici tacicitika ica anguka munshila imo yine nga ilyo abantu baibiwa ifipe fyabo fyonse kubapupu.
Cimocine fye, abo abali no lubembu mu mutima wabo lyonse balebilwa ubulungami bwabo bonse, na pakulekelesha, kuya ku gehena pamulandu wa membu shabo. Emulandu wine Shikulu, yakweta ubulanda ku batobeka imitima, atweba ukubile mbilansuma iya yemba kuli bene. Bushe ni kumashiwi yesa ayo Lesa abondapa nayo? Acitile ifi ne mbilansuma iya yemba iya menshi no Mupashi. Alyundapa abatobeka imitima kabili no kubapela umweo wa muyayaya.
Alabilisha kuli bankole ukulubuka ku membu
Alapela ubuntungwa kuli bankole. Bushe ici cilepilibulenshi? Cilepilibulo kutila Lesa alilengo buntungwa imyeo sha bantu ukufuma ku membu shonse isha pano isonde. Alipelo yu mulimo fye kuli balya abapokelela Mupashi wa Mushilo, kabili kuti balubula na bambi Ukufuma ku membu shabo.
Umuntu alikwata umubili no mweo. No mubili wakwe no mweo filekala, pakube fya kakwa kwi tipu lya lubembu na malango. Tapali ico engacita lelo ukwikala fye bunkole mu lubembu, tacili na mulandu nga alatetekela nangula tatetekela muli Lesa. Uwafyalwa no lubembu, te kuti aleke lelo kubembuka fye. E fyo, alungamikwa ku kwikala bunkole ku lubembu umweo wakwe onse. Alekala muli iyinshila no kulungamikilwa ku bonaushi ku mpela.
E mulandu wine alekala uyu mweo uushingalekwa ilyo ailimba mukuyumfwilo bulanda ukulingana no bunake bwakwe ubwa mulenga ukuba pali ici cifulo. Lesa atumine Mupashi wa Mushilo kuli abo teti kano ukubembuka kabili abalungamikwa ukufwa, ukuti bengabila imbilansuma iya yemba ku banabo abali mulubembu, kabili no kupela bankole ubuntungwa Ukufuma ku membu shabo shonse.
Alasansamusha bonse abaloosha
Cinshi ico Lesa apela kuli abo abaloosha? Abapela imbilansuma ya kwelelwa, Lesa asansamusha abantu bonse ba pano isonde abo abaloosha. Atumine Yesu kristu pano isonde ukwelela umuntunse imembu shakwe. Kabili no kuyase membu shonse isha ba pano isonde pali Wene, no kumulenga ukubatishiwa kuli Yohane no kufwa pa Capindama. Efyo Lesa atusangulwile ku membu shesu. Efyo Lesa apususha ifwe ukufuma ku membu shonse sha pano isonde.
Shikulwifwe alasansamusha bonse abaloosha pakubeshibisha pa lwa mbilansuma iya yemba iya menshi no Mupashi. Pa kucite fi, alabapala abo abacucutika ku citetekelo icishapwililika. Alabatungulula abo fye abakwata Umupashi wa Mushilo ku kubile mbilansuma iya yemba, no kundapa abatobeka imitima no kulengo buntungwa bankole ku lubembu.
Ico twabelako muli lino isonde kwelelwa kuli Shikulu kabili no kubila imbilansuma iya yemba kuli abo abakakwa ku lubembu na bakabila ukusansamushiwa ukuti balengwe abantungwa ku lubembu. Lesa aletwebo kutila nangula imyeo shesu shingabe shipi, tashabe shabule ncito iyo. Ukuti Lesa alipekanya ukulekelelwa kwa membu na mapalo ayakupapusha aya bantunse ayashininkisha ici cishinka.
Shikulwifwe alipela kuli bonse abo abaloosha icilongwe ica bukata. Ici cilepilibula ukutila ababembu balielelwa ku membu shabo ukutotela kube ku lubatisho lwa kwa Yesu kabili kuti baingila mu Bufumu bwa mu Mulu. Nga cakutila umo aelelwa kumembu shakwe, alapuputulwa mu matontonkanyo yakwe no kutasha pali ili palo. Shikulwifwe alamufwika icilongwe ca bukata. Aapele ababembu imbilansuma ya menshi no Mupashi no kulenga balya abatetekelamo ukuba abana Bakwe. Abo abatetekela muli iyi mbilansuma iya yemba balalengwo kumfwe nsansa mulubali lwa bulanda.
Nge fyo abantu bonse bafyalwa no kufwa no kulosha, ukusansamuka nako kucitikafye pa kashita, kabili na matontonkanyo yabo yalesula no bulanda. Lelo, Lesa alibakumenye no kubalenga ukufyalwa libili ne subilo kabili no kukabila. Cimo cine, abo abafyalwa libili pa kutetekela mu mbilansuma iya yemba balekala umweo upya kabili balikwata umulimo uupya. Mu kulundapo, kuti bakwanisha ukucita ifyo Lesa alefwaya, kabili uku kubile mbilansuma ya menshi no Mupashi ku babembu bonse aba pe sonde, no kutanfya ubulanda bonse ukufuma mu mitima yabo kabili no kubasuminisha ukwanga no kukwate nsansa.
Abo abaelelwa ku membu shabo na Lesa balapela ubucindami kuli Ena. Aebele abalungami ukubile mbilansuma iya yemba. Abebele ukushimikila ifyo aba, ne mbilansuma iyo atupele, kabili ne fyo Ubufumu bwa mu Mulu bwa cindama ubo ateyanyishe ifwe. Kuti twamona ubukata bwa kwa Lesa muli abo abaelelwa na Ena. Abo abalelosha mu mweo wabo onse ilintu tabalati besulwemo no mupashi wa Mushilo nomba babekelwa mu kusansamuka, abo abali abakakwa mu lubembu nomba bomfwa ubusuma bwa buntungwa, kabili na abo abaleikala umweo wa bonaushi nomba bekala umweo wa bulungami. Ifi fyonse filango bukata bwa kwa Lesa. Lesa apashenye abalungami kwati balya aba kule fibolya fya kale, no kwimya apapomweke ntanshi, no kulenga cipya cipya imishi ya mapopa.
Mucishinka fye, iyi mbilansuma iya yemba iya menshi no Mupashi yali imbilansuma iyashimikilwe na Batumwa muli shilya nshiku sha lukuta lwa ntanshi. Yesu alituminwe pano isonde pa myaka amakana yabili ayapitapo. Imbilansuma ya menshi no Mupashi yali shimikilwe pano isonde ukufika na pa AD 300. imbilansuma ileshimikilwa na bulungami ilelo ni mbilansuma imo ine iya Mupashi wa Mushilo, iyo Abatumwa baleshimikila pali ilya nshita. Lelo, mu nshiku sha ntanshi ya myanda shine uwa Buteko bwa ciRoma, lintu Roma yapangile Ubwina Kristu ukuba bukapepa bwa buteko bonse kabili no kupela abekala calo ubuntungwa bwa kupepa, imbilansuma ya lubatisho lwa kwa Yesu yalyonawike kabili panono panono yaliluba. Cali ni panuma ya ici, ilyo ubwina Kristu nga bukapepa ubwaimikwe bwaishileba ubwanonka, ica kutila bonse abaleshimikila imbilansuma ya cine yalishima.
Mulandunshi icitetekelo ca abo abatetekele no kushimikila Ubwina Kristu bwa cine ne mbilansuma ya cine yaishile cinja? Panuma ilyo Ubwina Kristu bwaishileba bukapepa bwa Buteko bwa ciRoma, Abena Kristu baishile lubulwa ku fintu ifingi ifyo balekanyishiwa ukucita kabili baishile tampo kukwata ishuko nga fye abekala calo ba Ciroma. Abena Kristu nomba batampile ukuupana na bekala calo ba Ciroma, kabili batampile no kwibimba mu mibombele ya buteko. Pamulandu we shuko ili. Icitetekelo cabo calisapwa amaka Ukufuma ku citetekelo ca kututubuka kuli bukapepa bwa fye. Ukufuma apo pene, imbilansuma iya yemba ya menshi no Mupashi yalisaluba, kabili no bwina Kristu ubwa shibantukila e bwatendeke ukubako.
Lesa aletweba ifwe abena Kristu bakulekelesha pa nshita iyinono i Yakwe ukubwela ukubile mbilansuma Iya yemba ya menshi no Mupashi iyo iyaposelwe ku bonaushi pa nshita ntali, kabili e fyo apususha abantunse Ukufuma ku membu shabo. Akapuputula imbilansuma iya menshi no Mupashi iyo iyaleshimikilwa mu nshiku sha Batumwa. Imbilansuma mu nshiku sha Batumwa yali ni mbilansuma iyayemba iya lubatisho lwa kwa Yesu no mulopa Wakwe pa Capindama. Aletwita ukuba abantu abalekula imishi sha mapopa. Atulengele ukusambilila no kutetekela mu mbilansuma ya menshi no Mupashi, kabili atulengele ukuba abalimi be bala Lyakwe.
Lesa atupele umulimo umo wine uyo acitile ukupitila na mu Batumwa. Amilengele imwe na ine ukubile mbilansuma ya cine iya menshi no Mupashi. “Umupashi wa kwa Shikulu Yehoba waba pali ine, pa kuti Yehoba ansubile ku kubile mbila nsuma ku balanda.” Lesa alengele abo abapokelela akale Mupashi wa Mushilo ukubile mbilansuma kabili no kutupelo Mupashi wa Mushilo.
Lesa atufwikile icilongwe ca maluba, afumishepo ubulanda bonse, kabili no kutufwika imwingila wa malumbo pali ifwe noku lenga insasa muli ifwe. Abo abapokelela Mupashi wa Mushilo mu mitima yabo balabyala imbuto sha iyi mbilansuma iya yemba kuli bambi ukumupokelela. Kabili e lyo bakasumina imbilansuma iyapelwa na Shikulu wesu, no kwelelwa, kabili pakulekelesha no kupokelela Mupashi wa Mushilo.
Tuli ababomfi ba kwa Lesa. Imwe na ine twalipalwa no bucindami bwa Bufumu bwa mu Mulu. Lelo, Lesa alengele abo abashakwata Mupashi wa Mushilo ukube mpofu ukuti baleke ukwishiba, ukumona, nangula ukukana umfwikisha iyi mbilansuma iya yemba. Kuti bakwanisha ukulenga bambi ukutetekela muli Yesu kwi shina fye, lelo te kuti babalenge ukupokelela Mupashi wa Mushilo.
Shikulu alicita ifintu ifingi sana ngefi ukupitila muli abo abakwata Mupashi wa Mushilo. Abalengele ukubile mbilansuma iya yemba ku babusu no kundapa abatobeka imitima ne mbilansuma ya menshi no Mupashi. Kabili alipalamike bankole ku membu no buntungwa bwa cine bwe pusukilo kabili no kubasansamusha bonse abo abalelosha ne mbilansuma ya menshi no Mupashi. Abalengele abantungwa abo abali abakakwa mu lubembu pamulandu wa bunake bwabo, no kupalamika bene no kutemwa kabili ne subilo elyo Aninine ku Mulu.
Pakukonka ici, Mupashi wa Mushilo uwikala muli ifwe atulengele ukubile mbilansuma ya menshi no Mupashi ku bantu bonse. Yesu Kristu aebele abo abaelelwe ku membu kabili abakwata Umupashi wa Mushilo muli bene ukupususha ababembu bonse Ukufuma ku membu shabo. Shikulu alipela amaka kuli abo abaisushiwamo Umupashi wa Mushilo ukulalolesha pa fyo apanga. Alengele bonse abantu abalungami ukubombo mulimo Wakwe. Tuli ababomfi Bakwe, abo abasalilwe ukuba abakusunge bala Lyakwe, ulukuta lwa kwa Lesa. Tuli ababomfi Bakwe. Lesa alitupela aya amapalo aya wamisha.
Tuleluka ubunake bwesu elyo twalolesha bumubili wesu, lelo pamulandu Lesa alabombela muli ifwe, tulatetekela muli Wene kabili twaliba ababomfi Bakwe ku citetekelo. Tuletetekela ukutila Lesa ali no kucita Imilimo ikalamba iyingi ukupitila muli ifwe kabili no kusabankanya ubu Fumu Bwakwe pali ifwe.
Lesa asalile ukukula apapomweke ntanshi ya mbilansuma mu mishi ya mapopa. Alaile ukutila akemya apapomweke ntanshi, no kukule mishi ya mapopa. Ndetetekela kukabo kupuputulwa kwa mbilansuma libili pe sonde lyonse!
Ici eco te kufwaya kwandi. Ndetetekelamo pantu Lesa atile e fyo cikaba. Shikulwifwe alengele abo abakwata Mupashi wa Mushilo ukubile mbilansuma iya yemba kwi sonde lyonse. Atumine Umwana Wakwe pano isonde no kufikilishe mbilansuma, kabili ndetetekela ukufwaya Kwakwe kulefikilishiwa nakabili ukupitila muli ifwe abakwato Mupashi wa Mushilo. Abo abatetekela muli iyi mbilansuma iya yemba bakamona ubukata bwa kwa Lesa. Hallelujah!
Copyright © 2021 by The New Life Mission
