- All e-books and audiobooks on The New Life Mission website are free
- Explore multilingual sermons in global languages
- Two new revised editions in English have been released
- Check out our website translated into 27 languages
ISAMBILISHO 8: UMUPASHI WA MUSHILO
[8-17] Tulingile Ukukwata Icitetekelo ne Subilo mu Mupashi wa Mushilo (Abena Roma 8:16-25)
“E Mupashi wine uleshimikilo bunte pamo ne mitima yesu ukuti tuli ban aba kwa Lesa; kabili nga tuli ban aba kwa Lesa, ninshi tuli impyani sha kwa Lesa, impyani shinankwe sha kwa Kristu; nge cine cine tuleculila pamo nankwe, ukuti no kucindamikwa tukacindamikilwe pamo nankwe. Pantu ndetila ubucushi bwa nshita ino tabuyene ukulingwa ku bukata ubukasokololwa kuli ifwe. Pantu ifibumbwa filolela no kufulukisha ukusokololwa kwa bana ba kwa Lesa. Pantu ifibumbwa fyalengelwe ukulamba ku kuicusha fye, te ku kuitemenwa iyo, lelo pamulandu wa wa filamfishe, pa kucetekelo kwa kuti ifibumbwa nafyo fikalubulwa kubusha bwa kubola no kutwalwa mu buntungwa bwa bukata bwa bana ba kwa Lesa. Pantu twaishibo kuti ifibumbwa fyonse filetetela no kukomene fumo capamo ukufika na kuli nomba; kabili te ici ceka iyo, lelo na ifwe, fwe baba ne fisabo fya ntanshi fya Mupashi, na ifwe bene tuletetela mu nda shesu pa kulolelo bwana, e kulubuka kwa mibili yesu. Pantu ni ku kulolela uku e ko twapusukile. Lelo ica kulolela icamoneka, ninshi te ca kulolela kabili iyo; pantu n’ani alolele co amona. Lelo nga tulolele ico tushamona, tucilindila mu kushipikisha.”
Ino e nshita iyabula isubilo
Mulandunshi abalungami bakwatila isubilo mu Mupashi wa Mushilo?
Ni pamulandu ifwe abena Kristu abafyalwa libili tukakwata umulu upya ne calo nangula abo abashafyalwa libili bakonaulwa ku mpela ya pano isonde.
Bushe kwaliba isubilo lya cine pano isonde? Nakalya, takwaba. Lisangwa fye muli Yesu epela. Ino ni nshita iyabulesubilo. Ifintu fyonse filacinja cilabushiku kabili mukwangufyanya, na bantu baleesha apakalamba sana ukutila bengasuntikana ne fi fintu. Tabalekabila icine ca bumupashi nakalya nangula ukulanguluka pa nsansa sha bumupashi. Lelo baleesha esha ukutalukako ku kufilwa kabili bekala nga ababomfi ba pano isonde.
Incito shipya shilamoneka kabili ne sha kale shilafwa. Cimo cine, abantu nabo balecinja umusango uuli onse. E ico balekale myeo shabo mukapamfiwa kabili na mu masakamiko. Ukwabulo kukokola, isubilo lyabo lya pano isonde lilapwa. Icilenga cakutila bekala imyeo ishabula ukulanguluka pa lwa kuntanshi. Twikala pa calo ica cimfulumfulu.
Tulingile ukusubila pa mweo wa muyayaya mu Mupashi wa Mushilo
Bushe kuti twasanga shani isubilo lya cishinka? Kuti twalisanga pa kutetekela mu mbilansuma ya menshi no Mupashi. Isubilo lya abo abapokelela Mupashi wa Mushilo talyaba pano calo iyo, lelo ku Mulu. Umutumwa Paulo alandile pe subilo ilya cine ilya ku Mulu. Ifwe aba pokelela ukwisushiwa kwa mupashi wa Mushilo tulasubila ifintu fya ku mulu. Tulacite fi pantu tutetekelo kutila Yesu Kristu aishile mu kusenda imembu shesu shonse no kupususha ifwe ababembu ukupitila mu lubatisho Lwakwe kuli Yohane na mu mulopa Wakwe pa Capindama. Shikulu apele isubilo lya ku mulu kuli abo abatetekela mu mbilansuma ya kwelelwa kwa membu.
Abena Roma 8:19-21 yitila, “Pantu ifibumbwa filolela no kufulukisha ukusokololwa kwa bana ba kwa Lesa. Pantu ifibumbwa fyalengelwe ukulamba ku kuicusha fye, te ku kuitemenwa iyo, lelo pamulandu wa filamfishe, pa kucetekelo kwa kuti ifubumbwa nafyo fikalubulwa kubusha bwa kubola no kutwalwa mu buntungwa bwa bukata bwa bana ba kwa Lesa.” Ifibumbwa fyonse fifulukisha ukulubulwa Ukufuma kuli bunkole bwa sha kubola ne mfwa.
Ifintu fyonse pano isonde tafya pwililika, eco balalosha no kulolela pa bana ba kwa Lesa ukusokololwa. Mukulundapo, kabili balakabila ukulengwa abantungwa kubusha bwa kubola kabili no kwikalila umuyayaya. Ifibumbwa fyonse filolela pa bushiku ilyo tabakalebola nangula ukupwa lelo ukwikala muyayaya.
Ubushiku bumo ifibumbwa fyonse ifyalengwa na Lesa fikalengwa cipya cipya. Nangula amaluba ukubonsa no kubola pano isonde, shene shikalabengeshima no kwikala umuyayaya mwi sonde lipya. Ifwe abaisushiwamo no Mupashi wa Mushilo tukamonamo muli ili sonde lipya.
Yesu Kristu alaile ukutila akesa libili, nokubusha balya abaisushiwamo no Mupashi wa Mushilo, ukubapelo mubili upya uo uushi bola no ushifwa kuli umo na umo, no kubapela umweo wa muyayaya. Kabili abalailo kutila bakekala umuyayaya ku Mulu pamo na Lesa. Ifibumbwa fyonse pano isonde filalolela bulya bushiku. Nafyo fi kekala umuyayaya nga naifwe, abana ba kwa Lesa, ilyo bulya bushiku bukesa.
Isonde lino limoneka ukupitila mwi subilo
Bushe ici ciloto cisa mukufikilishiwa lisa ku bulungami? Cikesa mukube ca cishinka lintu Shikulu akabwela. Tulingile ukuba ne subilo lintu tulelolekesha pali lino isonde. Yesu aletila ukutila kukesa mukaba ifipowe, ifikuko, ifikunka, ne nsala kabili ne nkondo mu ncende shimo shimo (Mateo 24:7). Lelo impela tailati ifike. Pa bushiku bwa kulekelesha kwa lino isonde, Shikulwifwe akesa libili, no kulenga cipya cipya ifintu fya pano isonde no kupela umubili wa bumupashi ushifwa kuli ifwe. Ici cilepilibula fyonse ifimena ne nama nafyo fikesa cinjishiwa. Pakutetekela ifi, tulingile ukulolesha isonde ne subilo ilipya.
Pano isonde, nangula ni balya abaisushiwamo no Mupashi wa Mushilo balalosha mukati kabo pamo ne fibumbwa fyonse, ukukabila ukulolela ubukata bwa bulushi bwa mibili yesu nga abana Bakwe. Tulamona isonde ne subilo pantu Shikulu akatulenga ukuba bana Bakwe, abo abashakabole nangula ukufwa lintu akabwela.
Nangula isonde likesaonaulwa pa bushiku bumo, ifintu fyonse fikesa lengwa cipya cipya ilyo Shikulu akesa libili. Tulingile ukwikala ne subilo pakutetekele fyo. Isonde ilya lengwa cipya cipya likaba no kusekelela ukucila ne milumbe yintu mwabelengapo. Tontonkanyenipo ukwikala mwi sonde lya musangoyu pa myaka ikana limo. Kabili tukakwata no mweo wa muyayaya ukuba bana Bakwe lintu tukengila mu Bufumu bwa ku Mulu. Tulingile ukwikala ne subilo ili.
Bushe mulemonapo isubilo pano isonde? Nakalya. Abantubalekala mu nshila iya nsansa, pantu tabakwata isubilo pali cino calo. Lelo Shikulwifwe alipela isubilo ilya ku Mulu kuli abo abaelelwa ku membu shabo na balengwa ukuba abalungami. “Pantu ni ku kulolela uku e ko twapusukile. Lelo ica kulolela icamoneka, ninshi te ca kulolela kabili iyo; pantu n’ani alolele co amona. Lelo nga tulolele ico tushamona, tucilindila mu kushipikisha.” Ici cilepilibulo kutila tulingile ukulolela no kulolela pa kwisa kwa kwa Yesu pantu twalipusushiwe ku cisumino cesu mu mashiwi ya kwa Lesa.
Twalikwata ukwisushiwamo no Mupashi wa Mushilo mu myeo yesu pantu twalipusushiwa Ukufuma ku membu shesu. Uku e kuti, balya abaelelwa na Yesu balikwata Umupashi wa Mushilo mu mitima yabo mu lubali lwa lubembu. Inga imibili yesu? Imibili yesu iya bunake nayo ikatutubuka, kupokelela mweo upya kabili ushifwa. Tukekalilila umuyayaya na Lesa ilyo Yesu akabwela. Ni balya fye abafyalwa libili ebapelwa ishuko lya kucite fi mwisubilo, kabili e ico umupashi wesu ne mibili shikesaba ishapwililika. Imibili yesu ukesaba iya muyayaya kabili ta twakalwalepo. Bumubili bwesu ubwe sonde bwali kwata ubunake, e ico, calishupa ifwe ukwikala umweo uwapwililika. Lelo tukesa ikala umweo uwapwililika. Natuloleshe kuntanshi pa kwisa kwa kwa Shikulu kwa Cibili. Ni balya fye abaisushiwamo no Mupashi wa Mushilo e bengakwate subilo no mweo wa musangoyu.
Isubilo lya bulungami ta lyaba fye ku Mulu iyo lelo lilesa mukufikilishiwa na pano isonde. Icipingo citila ukutila Shikulwifwe akesa libili lintu lino isonde likapona panuma ya Kupakaswa Kukalamba. Icine cine akesa. Lintu aishile umuku wa kubalilapo, alibatishiwe pamulandu wa babembu, no kufwa pa Capindama ukubalengo kuba abalungami, kabili na mukulekelesha aninine ukuya ku Mulu. Ino e nshita ilyo Shikulu ali mupepi no kwisa umuku wa cibili.
Pali iyo nshita akabusha bonse aba shila abalalautulo abo abatetekele muli Yesu kabili abapokelele ukwisushiwamo Mupashi wa Mushilo kabili akabalenga abantungwa kuli bunkole ubwa kubola. Akabapela imibili ipya iya ku mulu isho ishishibola nangula ukulwala. Mukulundapo, bakekatwa mu myulu mu kumukumanya mu mwela kabili akalenga ifintu fyonse ukube fipya.
Panuma ya ifyo, ifwe, pamo na Yesu Shikulwifwe, tukekala no kuteka pamo Nankwe pe sonde lipya pa myaka ikana limo ku kuba nge cilambu pa kupyungila imbilansuma. Uku eku pekanya kwa abo abalingile ukuya ku Mulu. Ili e subilo lya ku Mulu kabili ca cishinka. Pali ilya nshita, ifintu fyonse ifishapwililika fikasaba ifyapwililika, kabili ne fintu ifibola tafyakabolepo libili. Amashiwi, “Cibyalwa mu kubola, cibushiwa mu kukanabola” (1 Abena Korinti 15:42), yakesa mukufikilishiwa pa nshita ukupitila muli Yesu Kristu.
Iseni ifwe abaisushiwamo Umupashi wa Mushilo tukwate isubilo! Mulingile ukwibukisho kutila nangula ifintu fyonse fyanakuka no kufwa, iyi te mpela iyo. Tulingile ukukwata icisumino ca kusubilo kutila Shikulwifwe akesa pange sonde lyonse ilipya nakabili. Tulingile ukwikalila mwi subilo lya mulu upya ne calo cipya. Pakukwate subilo ili, kuti twakwanisha ukubile mbilansuma.
Twalikwato kwisushiwamo Umupashi wa Mushilo pantu twalipusushiwe ukufuma ku membu sha pano isonde. Cimo cine fye, Mupashi wa Mushilo mukati kesu alelolesha kuntanshi pa kwisa kwa kwa Shikulu. Alatupapatilako kuli Lesa Shifwe mulubali lwesu ukwikala ne subilo kabili ne citetekelo ukwabulo kulengwe nsoni mu mitima yesu.
Tulingile ukwikalila mwi subilo mu Mupashi wa Mushilo
Bushe incende ya bulungami yaba kwisa? Yikesa bela mu [5]Kuteka kwe Kana Limo uko Shikulu akesa kula pakulenga ici calo ukube cipya lintu akesa libili kabili no Bufumu bwa mu Mulu. E ico, tulingile ukuteko mutima ukulolela pali bulya Bushiku ukwisa. Tufwile ukutetekelo kutila Shikulwifwe akesa mukulenge mibili yesu ukube sha pwililika ilyo lino isonde likesa pona. Tulingile ukukwata subilo pa bukata ubwa mailo.
| 5 Lintu Shikulu Yesu akesa pano isonde pa nshita Yakwe ya bubili ukulingana no bulayo Bwakwe, Akekila ukufuma ku Mulu, no kubusha abalala muli Kristu mukubalilapo. Pakukonkapo pali ici, akacinja bonse abashila, aba mweo na babukishiwa, mu mibili isha muyayaya ishishibola, kabili akabakumanya bonse abashila mu lwelele ukukumanya Shikulu mu mwela (1 Abena Tesalonika 4:16-17, 1 Abena Korinti 15:51-53). E lyo akalenga ifintu fyonse cipya cipya panuma ya kupongolwela inweno cinelubali ishabukali Bwakwe pa babembu abashele. Akemika Ubufumu Bwakwe pe sonde lipya, kabili akateka imyaka ikana limo pamo na abo abasendeleko ulubali mu kubuka kwa kubalilapo (Ukusokolola 20:4-5). Panuma ya kuteka kwa myaka ikana limo, Akapingula bonse abafwa, no kubaposela muli bemba wa mulilo (Ukusokolola 20:11-15). E lyo akatungulula abantu Bakwe bonse mu Musumba wa ku mulu, Yerusalemu Umupya, kabili akekala pamo nabo umuyayaya (Ukusokolola 21:1-4). |
Pa kukwato kwisushiwamo no Mupashi wa Mushilo, Paulo alikwete subilo limo line ilyo twakwata. Tulekala ne subilo limo line mu matontonkanyo yesu, ukulolela pa Kuteka kwe Kana Limo no Bufumu bwa mu Mulu. Abo abashafyalwa libili bakesa onaulwa no kupwa kwa cino calo, lelo ifwe abena Kristu abafyalwa libili tukakwata umulu upya ne calo cipya. Ili subilo icine cine likesa fikilishiwa. Imibili yesu yikesabe yapwililika kabili tukekalilila no kuteka pamo na Yesu pa myaka ikana limo mwi sonde lipya. Pakulolesha kuntanshi kuli bulya bushiku, kuti twakwate subilo no kwikala ukwabulo mwenso pano isonde.
Iseni tuteke umutima no kulolela. Nangula umweo wesu ulunakuka, isubilo lyesu likesabe lya cine pantu tulatetekela muli Lesa. Abo ababula isubilo tababa nangu cimo ukucila na bafwa kale. Napapata kwateni isubilo no kusungilila ifiloto fyenu pa kutetekela mu mashiwi ya kwa Lesa.
Ngefyo ukwelelwa kwesu kwa membu kwabo kwa cishinka, ukucinjishiwa kwa mibili yesu kukesabo kwa cishinka kabili ca cishinka ku fibumbwa fyonse ukunoka umweo wa muyayaya. Isubilo lyesu nalyo cishinka. Kwateni icitetekelo mufyo mwatetekela. Abo abakwata isubilo kuti baba abayemba kabili abansansa. Abantu balesa mukuba ababule nsansa nga cakutila tabakwete isubilo. Abo ababule filoto nangu fimo tabakwate nsansa. Kuti twaikala umweo uwakusekelela pantu twalikwate subilo pa Kuteka kwe Kana Limo kabili no Bufumu bwa mu Mulu, umulu ne calo cipya.
Abalungami bafwile bakwate subilo no kushimikile subilo ili mu Mupashi wa Mushilo. Tulingile ukukwata subilo ilya kuti imbilansuma yesu isabankanyishiwe pe sonde lyonse. Nga cakutila walikwata icitetekelo ica shipa, ukeluka ukutila isonde te likulu nga nshi. Nangula intendekelo yesu tayali iyi kankala, tukakwanisho kubile mbilansuma pe sonde lyonse nga natukwate subilo no kushipikisha. Nge fyo Paulo acitile, na ifwe tulingile ukutetekela.
Abo abakwata isubilo bena bacishinka mu mulimo wabo mu kubile mbilansuma iya yemba iyi. Tulingile ukusubila mu mbilansuma ukusabankanya muli ino nkulo iyabule subilo. Tulingile ukubile mbilansuma iya yemba ku banakuka, abashakwate subilo, ababusu kabili na kubaicefya. Tulingile ukubalubula ukufuma ku mfifi pa kushimikile subilo pa lwa Bufumu bwa mu Mulu, uko ni balya fye abaelelwa ku membu shabo pa kutetekela mu mbilansuma ya menshi no Mupashi ebangengilamo. Tulingile ukubakansha ukuti bakwate subilo ilya kuti isonde lya kwa Lesa likesa mukupumikisha ngo mupupu panuma ya iyi inshita yaku cucutika.
Mweba bomfi kabili na mwebashila abo abafyalwa libili, napapata bileni iyi mbilansuma ku mpela ya lino isonde, ukutwalilila ukusunge subilo lyenu pa lwa ku Mulu. Tacili na mulandu ifyo lino sonde lilebutukila kumpela, abo abakwate subilo tabonauka iyo pantu balikwata icintu ca muyayaya ukucila umweo wa pano calo. Icine cine balikwata umweo wa cibili uwapelwe kuli bene ukufuma kuli Shikulu.
Copyright © 2021 by The New Life Mission
