- All e-books and audiobooks on The New Life Mission website are free
- Explore multilingual sermons in global languages
- Two new revised editions in English have been released
- Check out our website translated into 27 languages
ISAMBILISHO 8: UMUPASHI WA MUSHILO
[8-18] Icine Icinga Mitungulula Mukwisushiwamo no Mupashi wa Mushilo (Yoshua 4:23)
“Pa kuti Yehoba Lesa wenu aumishe amenshi ya Yordani ku cinso cenu, mwasuka mwayabuka, ifyo Yehoba Lesa wenu Acitile kuli Bemba Wakashika, uyo aumishe ku cinso cesu, twasukile atwabuka.”
Bushe ifya citike ku Mumana wa Yordani fitusambilishe nshi?
Fitusambilisho kutila Yesu Kristu alufumishepo imfwa iyalelengwa ku lubembu no bupingushi ukufuma ku muntunse.
Nomba kuti natemwo kulanda pa lwa mbilansuma iya yemba ya cine iyo yitulengo kwisushiwamo no Mupashi wa Mushilo. Panuma ya mfwa ya kwa Mose, Lesa asalile Yoshua nge ntungulushi ya bena Israele. Mose ali umwiminishi wa Malango ya mu Cipingo ca Kale. Nga cakutila Mose alyabwike Umumana wa Yordani na bantu ba kwa Israele no kufika mu Kenani, nga tacali icikankala kuli Yoshua ukube ntungulushi ya bantu. Eico, Lesa alengele Mose ukufika pa ncende pantanshi ya calo ca Kenani no ku mulesho kwingilamo.
Shikulwifwe atupele Mose na Yoshua
Mose, umwiminishi wa malango mu Cipingo ca Kale, takwanishe ukwingisha abantu ba kwa Israele mu Kenani. Nga alicitile ifi ilyo aletungululwa na Malango, nga tacali ica kwampana na mapange ye pusukilo lya kwa Lesa. Takuli nangu umo uwingalubulwa ku membu shakwe pantanshi ya malango ya kwa Lesa pantu takuli uwingasunga amalango. Pantu amalango eyalengo kwishibo lubembu (Abena Roma 3:20).
Umulandu uo Lesa apele umuntu Amalango cali cakuti amulenge kwishiba ulubembu, ukulenga malango ukuba kasambilisha wakwe no kumutungulwila kuli Kristu ukuti engalungamikwa ku citetekelo (Abena Galatia 3:24). Pantu Amalango tayali nangu cimo lelo yale tungulula fye u kusanga Yesu, abantu balekabila Yesu, kabili uyu e mulandu Yesu aishile pano isonde. Ifyo Lesa atungulwile Yoshua ukucita kwali ukweba abantu ba kwa Israele ukwabuka Umumana wa Yordani no kwingila mu calo ca Kenani.
Lesa alibatungulwile ukwingila mu calo ca Kenani ne ntungulushi yabo ipya, Yoshua, panuma ya mfwa ya kwa Mose. Yoshua aebele bacilolo ba bantu, ati, “Piteni mukati ka kambi, no kweba abantu, amuti, ‘Ipekanishisheni impao; pantu apo tashilapita inshiku shitatu muleabuka Yordani uyu, ku kwingila ku kukwate calo, ico Yehoba Lesa wenu alemupela ku kucikwata”(Yoshua 1:11).
Lesa aebele Yoshua ukwingila icalo ca kenani panuma ilyo camoneke ukuba ca kosa ukupitila muli Mose. Lesa aebele Yoshua, ati, “Kabili iwe webe bashimapepo abasende cipao ca cipingo, auti, ‘Ilyo mulefika ku mpela ya menshi ya Yordani, mwiminine mu Yordani.’ Na o Yoshua atile ku bana ba kwa Israele, ‘Palamineni kuno, no ku umfwe fyebo fya kwa Yehoba Lesa wenu.’ E lyo Yoshua atile, ‘Muli ici e mo muleishibilo kuti Lesa wa mweo ali mu kati ka imwe, no kuti ukupyanununa akapyanununa ku cinso cenu umwina Kenaani, no mwina Hiti, no mwina Hibi, no mwina Perisi, no mwina Girgashi, no mwina Amore, no mwina Yebusi” (Yoshua 3:8-10).
Panuma ya mfwa ya kwa Mose, Lesa asalile Yoshua intungulushi ya bena Israele no kumwebo kwingila mu calo ca Kenaani pamo na bantu ba kwa Israele. Ishina Yoshua lipilibula “Umupusushi, cimo cine na “Yesu” nangula “Hosea.” Umubomfi wa kwa Lesa, Yoshua aebele bashimapepo ukusende cipao ca Cipingo no kwabuka Umumana wa Yordani ilyo aletungulula abantu. Lintu bashimapepo abalesendele cipao ca Cipingo banyantile amakasa yabo mu menshi (Yordani yilapongoloka na mu mbali na pa nshita ya kusombola), amenshi ayalefuma ku kamulonga ka kwisamba kaliminine kabili kwimanina ukutali ku Adamu, umusumba uuli mupepi na Zaretani. Eco amenshi ayalefuma mwi Bemba lya Arabah, ne Bemba lya Mucele, na sho shali putwike kabili abantu balyabwike mu kulosho musumba wa Yeriko (Yoshua 3:15-16).
Ukupitila muli ici icacitike, Lesa aletusambilisha ukuti alifumishepo umupwilapo imfwa iyalelengwa no lubembu kabili na panuma ubupingushi ukufuma ku bantunse. Mu mashiwi yambi, Yesu Kristu kapususha alisendele membu shonse isha bantunse lintu abatishiwe kuli Yohane Kabatisha kabili alitanikwe. Muli iyi nshila, alipuswishe abantunse ukufuma ku membu shabo pa kubatungulula mu calo ca Kenaani, icimininako Ubufumu bwa ku Mulu.
Umumana wa Yordani ni ncende uko umuntunse asangulwilwe
Ifya citike kunuma pa kwabuka kwa mumana wa Yordani, nge fyo calembwa mu Cipingo ca Kale ne Cipya, fyali ifikankala sana ifyali ukutungulula ipusukilo ukufuma ku fitipu na ku bupingushi ubufuma ku membu sha muntunse.
Umumana wa Yordani walepilibula umumana wa mfwa, kabili e mupaka wa bemba lya Mfwa. Ishiwi Yordani lipilibula “umumana uo uwupongolokela ukuya panshi, ukuya ku mfwa” nangula “ukwibishiwa, ukupatikishiwa, ukutwala panshi, nangula ukufumapo. Ici cilelanga bwino bwino ilyashi lya membu sha bantunse. Muli uyu mumana, Yesu, ukupitila mu lubatisho Lwakwe, alipokelele imembu shonse isha lepongoloka isho ishishingalekwa no muntu uuli onse, kabili panuma alifwile pa Capindama kabili e fyo alisumine no bupingushi mu lubali lwa bantunse pa membu ishi.
Ifwe tuli kwi, aba luko lwa kwa Adamu na Eva, ukulola kwi? Pantu ifibumbwa fyonse filafyalwa no lubembu, balabembuka, kabili nge cilambu ca membu isho, balola ku mfwa. Mwilyashi lyonse lya muntunse, ifibumbwa fyonse filola ku bonaushi ukufuma fye ilyo bafyalwa. Nangula balesho kuikanya ubuntunse bwabo bwa lubembu, te kuti bakwanishe, kabili e mulandu wine balola ku bupingushi bwa kulekelesha pa membu shabo.
Eico, Lesa aliputwile ukupongoloka kwa membu no bupingushi. Lesa atungulwile Yoshua ukutwala abantu ba kwa Israele mu calo ca Kenaani pa kwabuka Umumana wa Yordani. Uku kwali ukufwaya kwa kwa Lesa pali Yoshua. Ili lyashi lilepilibulo kutila pakuti tulubulwe ku membu, tulingile ukulipila icilambu ca membu, icili ni mfwa, kabili ukupitila muli uyu mutengo, tulasangululwa ku membu shesu shonse no kwingila ku Mulu.
Mu Cipingo ca Kale, ukupongoloka kwa mumana kwaleleka kabili no kwalulwa ukubo mushili uwauma lintu bashimapepo abalesenda cipao ca Cipingo bashintile amakasa yabo mu menshi. Ici casuminishe abantu ba kwa Israele ukwabuka umumana. Uku kwali ukulekelelwa kwa membu ukwapelwe fye kuli balya abatetekela mu mbilansuma iya yemba. Yali ni mbilansuma ya menshi no Mupashi iyalipile icilambu ca membu sha bantunse, kabili twalikwata ukupokelela Umupashi wa Mushilo pa kutetekela muli iyi mbilansuma iya yemba.
Cilolo Naamani
Naamani, uulemonekela mu cipandwa 5 iya 2 Ishamfumu, ali ni cilolo wa bashilika ba ku Syria uwapuswishe icalo cakwe ku balwani ba ciko. Kabili alikwete ifibashi uwalungamikwe ku kulufya ifyakwe fyonse pamulandu wa citipu. Lelo panuma alyumfwile ilandwe iya yemba ukutila kuti apusushiwa ku citipu cakwe. Calisoselwe ukuti kuti apola nga cakutila alile mukumona umubomfi wa kwa Lesa uwaleikala mu Israele. Akamubomfi akakashana eka twele iyi ilandwe. Atile, “atile, Iye, Shikulu nga aba ku cinso ca kwa kwa Kasesema uuli ku Samaria! Kuti amupususha ku fibashi fyakwe” (2 Ishamfumu 5:3).
Alitetekele iyi ilandwe no kuya ku Israele. Lintu afikile pa ntanshi ya ng’anda ya kwa Elisha, Elisha alitumine inkombe kuli wene, ati, “Kabiye kowe imiku cine lubali mu Yordani, no mubili obe ulebwelelamo, no kusanguluka,” (2 Ishamfumu 5:10). Pakubo wakulolela ukundapwa kwa cisungusho, Naamani alisafulwa nga nshi kabili asalile ukubwelela ku calo cakwe. Eico, pamulandu wa kulomba kwa mubomfi wakwe, alyumfwilile Elisha no kuya mukwitumpika umubili wakwe onse imiku cine lubali mu Yordani. Kulya, umubili wakwe walisabwelelamo, inkanda yakwe yaishileba nga iya mwana umunono.
Mu nshila imo ine, twalisa mukwishiba ukuti pakuti twelelwe kumembu shesu shonse, tulingile ukukana amatontonkanyo yesu kabili ukusumina ifyalembwa mu Cipingo. E lyo tukapelwa amapalo ayasuma. Onse uulefwaya ukupusushiwa afwile ukunakila amashiwi ya kwa Lesa kabili no kutetekelamo.
Icipingo citilo kuti imembu shonse isha pano isonde shali sambilwe ku mbilansuma ya lubatisho lwa kwa Yesu no mulopa. Tatulingile ukutontonkanya mu musango umo wine nga ulya Naamani uwakene ukunakila. Teti tubutishiwe ku membu shesu ukwabula imbilansuma ya menshi no Mupashi. E ico, pakuti tulekelelwe ku membu shesu shonse, tulingile ukutetekela mu mbilansuma ya menshi no Mupashi. Nga Naamani fintu aishile buta pa kwitumpika umubili wakwe imiku cine lubali mu menshi, tulatetekela ukuti kuti twabutishiwa ku membu shesu pa kutetekela mu mbilansuma iya yemba iya lubatisho lwa kwa Yesu, ukutanikwa kabili ukubuka Kwakwe. Tulingile ukutetekela mu mbilansuma iya yemba fintu yaba.
Icisungusho mu Mumana wa Yordani caimaninako inkulo shonse isha kwa Adamu ne palo ilya putwile ukupongoloka kwa membu shonse kabili no kupwisha ubupingushi. Abantunse bonse balitamfishiwe mwi Bala lya Edeni pantu Adamu na Eva balibembwike panuma ya kutunkwa na Satana. Eico, icacitike pa Yordani cali ni mbilansuma iya yemba iyi tungulula abantunse bonse ukubwelela kwi Bala lya Edeni.
Ica citike pa Mumana wa Yordani
Icipingo cilanda pa lwa mbilansuma iya yemba ya kuti Yesu alisendele membu shonse mu Yordani. “Leka cibe ifi nomba, pantu e fyo catuyano kufisho bulungami bonse” (Mateo 3:15). Icipingo calanda ukuti imembu shonse shali bikilwe pali Yesu lintu abatishiwe mu Mumana wa Yordani. Mu mashiwi yambi, Ulubatisho lwa kwa Yesu lwali icakucitika ica putwile ukupongoloka kwa membu isho isha lengele ubusha abantunse bonse. Ifi e fyo Yesu apwishile Ulubembu kabili panuma atupele ipusukilo no mulopa Wakwe pa Capindama.
Yordani wali mumana wa lubatisho ulwabutishe membu shesu shonse. Twalikwanisha ukufikilisa Amalango ya kwa Lesa, “Icilambu ca lubembu ni mfwa” (Abena Roma 6:23), pantu Yesu alilipile icilambu pa kubatishiwa mu Mumana wa Yordani kabili no kufwa pa Capindama. Iyi e mbilansuma iya yemba iyo Shikulu apele ku bantunse.
Imembu shonse sha bantunse shalitwalilile ukufuma pali Adamu, lelo shalekele nokupwa no lubatisho lwa kwa Yesu mu Mumana wa Yordani kabili na mu mulopa Wakwe pa Capindama. Takwabo lubembu nangu lumo ulwashalako ukutotela kube ku lubatisho lwa kwa Yesu. Ni mbilansuma iyisuma kabili iyapalwa. Ifwe, pakutetekela muli iyi mbilansuma iya yemba, twalipusushiwa ku kupongoloka kwa membu, twalisangululwa ku membu shesu shonse no kuba abashishiwa mwi Funde lya bulubushi bwa kwa Lesa. Nge fi, Ulubatisho lwa kwa Yesu no mulopa pa Capindama ni mbilansuma iyipususha abantunse bonse. Tulingile icine cine ukutetekela muli ci. “Awe conse icishaba ca mu kutetekela ninshi lubembu”(Abena Roma 14:23), e fyo asosa Shikulu. Cimocine, twalipalwa ilyo fye nga twatetekela muli iyi mbilansuma iya yemba.
Bushe mucili na mukwata Ulubembu mu mutima wenu nangula icishinka cakuti imembu shonse shali bikilwe pali Yesu lintu abatishiwe kuli Yohane? Yesu alisendele imembu shonse ishe sonde. Mufwile mwasumina ifya lembwa mu Cipingo. Ni mbilansuma fye ya lubatisho lwa kwa Yesu no mulopa Wakwe pa Capindama e ingafuta Ulubembu lwenu no kumitalusha ku mfwa na kufitipu fyonse. Ukubatisha cipilibula “ukusambwa, ukwibishiwa, ukushikwa, ukuyasapo, kabili ukukukishiwa.”
Abantunse bonse kuti baelelwa ku membu shabo pa kutetekela mu mbilansuma iya yemba iyapelwe na Yesu.e mulandu wine Yesu Ale iita umwine eka ‘inshila ya ku Mulu.’ Kuti twaingila ku Mulu no kukwata umweo wa muyayaya pa kutetekela muli Wene. Wene ni Shikulwifwe, uwatupele ukwisushiwamo no Mupashi wa Mushilo. Twalifumishiwako ku bupingushi bonse bwa membu shesu pa kutetekela mu lubatisho Lwakwe no mulopa.
Icitipu calipwa kabili no mumana walyalwike umushili wauma pantu bashimapepo abalesenda icipao ca Cipingo ilyo banyantile amakasa yabo mu menshi ku citetekelo. Ifi e fyo Lesa apangile, kabili ulubatisho lwa kwa Yesu no mulopa Wakwe fya fikilishe ili pange. Iyi ni mbilansuma iya yemba yaba. Ili lyali ifunde lye pusukilo kabili ukwabula ici ipusukilo lyesu nga talyakwanishiwe. Abo abatetekela muli iyi mbilansuma iya yemba kuti nomba baabuka Umumana wa Yordani no kwingila icalo ca Kenaani. Ukuti amenshi yalikamine umupwilapo cipilibulo kutila imembu shonse isha ba pano isonde shali bikilwe pali Yesu kabili Alipingwilwe pamulandu wa ifwe. Iyi ni mbilansuma iyo itupela ukwisushiwamo no Mupashi wa Mushilo.
Lesa, uwabumbile umuntunse, alishiba ukuti umupimo wa mano ya munthu ya muntu yaba fye pa 110 ukufika pa 130. Eico, tengakosha ici cishinka pa lwa kupokelela Mupashi wa Mushilo. Lesa alifumishepo imembu shabo shonse no lubatisho lwa kwa Yesu na mu mulopa Wakwe pa Capindama. Alicilengele icayanguka ukupokelela Mupashi wa Mushilo pa kutetekela fye mu mbilansuma ya menshi no Mupashi wa mushilo ukuti bonse bengeshiba. Kabili mukesa mukwishiba pa lwa kwisushiwamo no Mupashi wa Mushilo pa kutetekela fye muli iyi mbilansuma iya yemba.
Ukulingana ne fya lembwa mu Cipingo, tatwingapokelela Mupashi wa Mushilo fye pa kupepa mu kulapila. Abantu batontonkanyo kutila Mupashi wa Mushilo cintu cimo icipelwa nga bapepa amapepo ayengi. Lelo, ici te cine. Umupashi wa Mushilo ulapelwa kuli abo abatetekela mu mbilansuma iya yemba, kabili ulafwaikwa ukubalenga ukuba abana ba kwa Lesa. Uku kulando kwebati, ukwisushiwamo na Mupashi wa Mushilo cali cikakatilo cakuti umuntu naba umwana wa kwa Lesa. Lesa alapela Mupashi wa Mushilo kuli abo abatetekela mu mbilansuma iya yemba ukushininkisho kutila baba abana Bakwe.
Nga abantu baletetekela muli Yesu lelo tabeshibe nangula ukutetekela muli iyi mbilansuma, te kuti babe ne cishinikisho mu cishinka ca kutila imembu shabo shonse shali bikilwe pali Wene. E ico, abantu bonse bafwile ukwishiba no kutetekela ukuti Ulubatisho lwa kwa Yesu no mulopa Wakwe pa Capindama ni mbilansuma iya yemba iyafutile membu shabo.
Ni nani uubelo bunte ukutila Yesu alisendele membu shonse isha ba pano isonde? ni Yohane Kabatisha. Ukuti alibatishiwe kuli Yohane no kusende membu shonse isha ba pano isonde e fyo Lesa Shifwe apangile (Ubwina Lebi 4:13-21, 16:1-30). Ni nani uwafikilishe ipange Lyakwe? Ni Yesu. Ni nani uushininkisha ukufikilisha kwa ilipange Yakwe? Ni Mupashi wa Mushilo. Lesa muli Butatu Bwakwe afikilishe ukulekelelwa kwa membu mu lubatisho lwa kwa Yesu na mu mulopa Wakwe pa Capindama ukutulengo kuba abana Bakwe. Umupashi wa Mushilo wikala mukati ka ifwe no kushininkisho kutila twalipusushiwe ukufuma ku membu shesu shonse lintu Yesu Afikilishe ipange ya kwa Lesa.
Bushe ifintu pano isonde filamoneka ukube fya kosa mu mimwene yesu? Kabili amatontonkanyo yenu yafulunganyishiwa shani? Umo te kuti atetekele muli iyi mbilansuma iya yemba kano fye akana amatontonkanyo yakwe umwine. Ifundisho lya Bwina Kristu bwelelo umo abantu abengi batetekelamo bwakuti ‘ulubembu lwa cifyalilwa lwali fumishiwepo, lelo imembu shine shilelwa ilyo umo apepa mu kulapila. Lelo, ici ca ba ukutali ku kube cine icapwililika; ni mbilansuma ya bufi. Nga mwatetekelamo, tamwingomfwikisha icipingo ukutula ku kutendeka ukufika na kumpela, kabili mukuya kwa nshita mukalamona amafya mu kukonka Yesu. E mulandu wine pakati ka bena Kristu paliba abo abatetekela mu mbilansuma isha lekana lekana kabili ne Lesa umbi.
Abantu bambi batila ukutila balapokelela ukwisushiwamo no Mupashi wa Mushilo pa ‘kupepa.’ Cilemoneka ica mano, lelo Icipingo citila ukutila Mupashi wa Mushilo aikile pali Yesu nge nkunda ilyo abatishiwe kabili ilyo afumine mu menshi. Iyi e mbilansuma ya cine kabili na Mupashi wa Mushilo alesa pali abo abatetekela muli iyi mbilansuma.
Mukulundapo, abantu bambi batila balapokelela Mupashi wa Mushilo pakupepa amapepo ya kulapila. Bushe Mupashi wa Mushilo ulapelwa ilyo abantu balepapatila ku kulombo bwelelo? Lesa mulungami. Mupashi wa Mushilo tesa fye pamulandu wakubomfwile ubulanda.tacili namulandu ifyo umo engalila no kupepa, Mupashi wa Mushilo te kuti wise pali bene. Esa pali abo abatetekela ukuti Lesa alifikilishe amapange Yakwe ukubapususha. Mulingile ukusunge ci mu matontonkanyo yenu ukutila tamwingapokelela Mupashi wa Mushilo nangula mwingalila kuli Lesa nangu ukupepa. Umupashi wa Mushilo waliibela ku kufwaya kwa muntu.
Nangula busalo bwa kale ubwa bantunse pano isonde kuti bwa alulwa, lelo imbilansuma iyayemba ne funde lya kwisushiwamo no Mupashi wa Mushilo te kuti fyalulwe; uku e kuti teti fyaluke Nga abantu tabomfwikisha imbilansuma iya yemba, calikosa sana kuli bene ukubwelela ku kucite citetekelo ca cine. Ni pamuland uyu uwakuti abantu abengi balafilwa ukupokelela ukwisushiwamo no Mupashi wa Mushilo. Bushe kuti camukalipa shani imwe nga mwalitetekele muli Yesu lelo mwaisaonaulwa pamulandu wakutila ta mwaishibe ubusuma bwa mbilansuma? Icipingo citilo kutila ku bantu bambi imbilansuma ya kwa Yesu ca kuipununako kabili ilibwe lya cipunwisho.
Nga na mumfwikisha inkama ya lubatisho lwa kwa Yesu kuli Yohane, kuti mwaelelwa ku membu shenu no kwisushiwamo no Mupashi wa Mushilo. Alipususha ababembu bonse pa kubatishiwa, ukufwa pa Capindama kabili nelyo abukile. Ubulubushi ubo Yesu atupele bwali ni nshila iye pusukilo iyilungami. Alisabo Mupusushi wa cine ku babembu bonse, no kushininkisha ukwisushiwamo no Mupashi wa Mushilo.
Ni lilya fye nga mwatetekelamo!
Calilembwa mu Cipingo ca Kale ukutila ilyo bashimapepo bashintile amakasa yabo mu Yordani, umumana walisauma. Ni mucisungusho ukutila amenshi yali lekele ukwenda, lelo ifisungusho ifingi fyali no kukonkanyapo. Icikankala sana cakutila umumana walyalwike umushili wauma. Ici caimanineko ipusukilo lya kwa Lesa, ukwatungulwile kukwelelwa kwa membu ukupitila mu lubatisho lwa kwa Yesu na mu mulopa Wakwe pa Capindama. Umushili wauma waimanineko inshila ukuti imembu shonse isha ba pano isonde shikelelwa ukutotela ku lubatisho lwa kwa Yesu no mulopa Wakwe pa Capindama. Imembu shonse shalifumine kuli Adamu ukuya pa bantunse, lelo ubupingushi bwa citipu bwalipwile mu lubatisho lwa kwa Yesu. Nomba, ico tufwile ukucita kwelelwa ku membu shesu pa kukwata icitetekelo no kupokelela ukwisushiwamo no Mupashi wa Mushilo. Bushe mwalitetekela mu cine cakutila Yesu alisendele imembu shenu shonse ukupitila mu lubatisho Lwakwe mu umana wa Yordani?
Mulingile ukutetekela ukutila Yesu Kristu alibatishiwe ukusende membu shonse isha ba pano isonde. Mukulundapo, mulingile kabili ukwishiba, kumfwikisha no kutetekela ifyo ubukankala bwa lubatisho Lwakwe bwali. Nga cakutila bashimapepo tabaingile mu Yordani, abantu ba kwa Israele nga tabakwanilishe ukwingila mu calo ca Kenaani. Ulutampulo lwa kubalilapo pakwingila mu calo ca kenaani kwali kwabuka kwa Mumana wa Yordani. E ico, ni lilya fye nga twaabuka umumana ne Cipao ca Cipingo e kuti twingengila mu calo ca Kenaani. Ici ciletusambilisha ukutila umo kuti aelelwa ku membu shakwe pa kutetekela mu mbilansuma ya menshi no Mupashi.
Icipingo citila ukuti ulubatisho lwa kwa Yesu lwali umulimo wa kwa Lesa. Ici kabili cacitike mu bwampano na bashimapepo. Nge fyo amenshi ya Mumana wa Yordani yaiminine lintu bashimapepo banyantile amakasa yabo mumenshi, abantu ba pano isonde balapusushiwa ukufuma ku membu shabo ku kutetekela mu mbilansuma iyi.
Ukwisushiwamo no Mupashi wa Mushilo kupelwa pe shintililo lya citetekelo muli iyi mbilansuma iya yemba. Ulubatisho lwa kwa Yesu no mulopa Wakwe pa Capindama kukamitungulula ku kupokelela ukwelelwa kwa membu no Mupashi wa Mushilo. Iyi mbilansuma iya yemba iya menshi no Mupashi yikankala sana pa kupokelela ukwisushiwamo no Mupashi wa Mushilo.
Copyright © 2021 by The New Life Mission
