- All e-books and audiobooks on The New Life Mission website are free
- Explore multilingual sermons in global languages
- Two new revised editions in English have been released
- Check out our website translated into 27 languages
ISAMBILISHO 8: UMUPASHI WA MUSHILO
[8-19] Imbilansuma Iya Lepwile Icipembe ca mwi Tempele (Mateo 27:45-54)
(Mateo 27:45-54)
“Awe ukufuma pa nshita ya kasuba pa kati kwali imfifi pa calo conse, ukufika ilyo akasuba kasendama. Kabili apepi akasuba kasendama Yesu akutile ishiwi likalamba, ati, ‘Eli, Eli, lama sabaktani (e kutila, Lesa wandi, Lesa wandi, cinshi ico mwandekelesesha?) E lyo bamo pa baiminineko, pa kuumfwa, batile, ‘Uyu aleita Eliya.’ Kabili apo pene umo pali abo alibutwike no kubulo mwepu, aiswishemo mwanganshi uwakantuka, no kuusomeka kwi tete, alamunwesha. Lelo ababiye batile, ‘Leka, tumone nga Eliya aleisa ku kumutula.’ Awe Yesu akutile kabili ishiwi likalamba, alekele umweo. Kabili moneni, icipembe ce tempele ca lepwike pa kati ukutula pa mulu no kufika pa nshi; icalo calitenkene, ne fimabwe fyali lepwike, ne nshishi shaliiswike, ne mibili iingi iya ba mushilo abalele yalibukile; kabili bafumine mu nshishi pa numa ya kubuka Kwakwe, baile mu musumba wa Mushilo no kumoneka ku bengi. Awe mushika wa mwanda na bali Nankwe abalelinda Yesu, pa kumone cinkukuma ne fyalecitika, batinine icibi, abati, ‘Cine cine uyu ali ni Mwana Lesa!”
“Awe ukufuma pa nshita ya kasuba pa kati kwali imfifi pa calo conse, ukufika ilyo akasuba kasendama. Kabili apepi akasuba kasendama Yesu akutile ishiwi likalamba, ati, ‘Eli, Eli, lama sabaktani (e kutila, Lesa wandi, Lesa wandi, cinshi ico mwandekelesesha?) E lyo bamo pa baiminineko, pa kuumfwa, batile, ‘Uyu aleita Eliya.’ Kabili apo pene umo pali abo alibutwike no kubulo mwepu, aiswishemo mwanganshi uwakantuka, no kuusomeka kwi tete, alamunwesha. Lelo ababiye batile, ‘Leka, tumone nga Eliya aleisa ku kumutula.’ Awe Yesu akutile kabili ishiwi likalamba, alekele umweo. Kabili moneni, icipembe ce tempele ca lepwike pa kati ukutula pa mulu no kufika pa nshi; icalo calitenkene, ne fimabwe fyali lepwike, ne nshishi shaliiswike, ne mibili iingi iya ba mushilo abalele yalibukile; kabili bafumine mu nshishi pa numa ya kubuka Kwakwe, baile mu musumba wa Mushilo no kumoneka ku bengi. Awe mushika wa mwanda na bali Nankwe abalelinda Yesu, pa kumone cinkukuma ne fyalecitika, batinine icibi, abati, ‘Cine cine uyu ali ni Mwana Lesa!”
Mulandunshi icipembe ca mwi Tempele lya kwa Lesa calepwike ilyo Yesualekele umweo Wakwe pa Capindama?
Pantu Ubufumu bwa kwa Lesa bwalisa isukila abo abatetekela mu lubatisho Lwakwe na mu kutanikwa.
Pakumfwikisha icine ica mbilansuma iya yemba iyi, umo alingile ica ntanshi ukwishiba no kumfwikisha inshila ya malambo iyalecitwa ku kwelela imembu sha bantu pa ntanshi ya kwa Lesa mu Cipingo ca Kale. Ulingile ukwishiba kabili utetekele mucine ngefi.
Ukulingana na malambo ya kale aya cikonsolwelo, nge fyo calembwa muli Ubwina Lebi 16 mu Cipingo ca Kale, Shimapepo mukalamba aleshinta amaboko yakwe pali sawe wa mweo no kuyasapo imembu shonse isho abantu bacitile pa mwaka onse. E lyo pa kwimaninako abena Israele, icelambo caleipaiwa kabili na Shimapepo mukalamba alesansa umulopa wa ciko pa cipuna caluse. Ici calekonsolwela pa membu shonse isha bena Israele. Cimo cine, ni abo fye abatetekele mu kushinta kwa maboko, no mulopa kabili na mashiwi ya kwa Lesa ebaleingila mwi Tempele lya Mushilo.
Bashimapepo lyonse baleingila mu lubali lwa kubala lwa cihema, ukucita imilimo shabo. Lelo ulubali lwa cibili, Incende iya Shilisha, Shimapepo mukalamba aleingila eka umukumo fye mu mwaka, no mulopa, uyo aletula pa mwine eka kabili na pa membu sha bantu isho balecita mu kukana ishiba (Aba hebere 9:6-7). Nga ififine, nangula Shimapepo mukalamba taleingila mu Ncende iya Shilisha ukwabula umulopa wa malambo ayapekanishiwe ukupitila mu kushimpwapo kwa maboko ku citetekelo.
Nga ifyo casoswa mu Cipingo Cipya, Yesu Kristu alitulilwe pa mulandu wa ifwe
Mu Cipingo Cipya, twalyebwa ukutila umo kuti aingila Ubufumu bwa kwa Lesa ukupitila fye mu cisumino cakwe mu lubatisho lwa kwa Yesu na mu mulopa Wakwe pa Capindama. Ni lilali ilyo icipembe ca mwi Tempele lya kwa Lesa calepwike pa kati ukutula pa mulu ukufika pa nshi? Ni palya Yesu atanikwe panuma elyo aishile pano isonde kabili alibatishiwa kuli Yohane.
Mulandunshi capelwefi? Yesu aishile pano isonde nge lambo, uuli Mwana wa Mpanga wa kwa Lesa, alisendele membu sha ba pano isonde pa kubatishiwa kuli Yohane, kabili alibutishe abantunse ku membu shabo shonse lintu Atanikwe. Ukulepuka kwa cipembe cilangilila ukuti imembu shonse isha bantunse ishatupatwile ifwe ukufuma kuli Lesa shalifutilwe ukupitila mu lubatisho Lwakwe no mulopa pa Capindama.
Yesu Umwine Alitobele icakucingilisha pa kulipila icilambo ca membu, ico icili imfwa. Yesu alibatishiwe no kutanikwa ukusenda imembu sha ba pano isonde. Uyu emulandu icipembe ca mwi Tempele calepwike pakati. Nge fyo bashimapepo baleingila ihema ne cisumino mu kushimpa kwa maboko, nomba ifwe kuti twaingila mu Bufumu bwa mu Mulu ukutotela ku cisumino cesu mu lubatisho lwa kwa Yesu no mulopa.
Lintu Yesu atanikwe, Alikutile ne shiwi likalamba, ati, “Eli, Eli, lama sabaktani?” E kutila, “Lesa wandi, Lesa wandi, cinshi ico mwandekelesesha?” (Mateo 27:46) Lintu Alekele umweo Wakwe, Atile, “Nacipwa!” (Yohane 19:30). Yesu alilekeleshiwe na Wishi pa capindama pa ka shita pantu alisendele membu shonse isha ba pano isonde ukufuma pa lubatisho Lwakwe kuli Yohane mu Mumana wa Yordani.
Alifwile pe pusukilo lya bantunse bonse. Pamulandu wa lubatisho lwa kwa Yesu ne mfwa Yakwe pa Capindama, bonse abakwete icitetekelo muli Wene balipusushiwe. Pamulandu twali fyalwa ababembu no kulungamikwa ku kusekwa, Yesu alibatishiwe ukusenda imembu shesu shonse.
Impongolo ya Bufumu bwa mu Mulu yaliselwe mpaka ilyo Yesu aishile fumyapo imembu shesu shonse. Lintu Yesu abatishiwe kuli Yohane no kufwa pa Capindama, icipembe ca mwi Tempele lya kwa Lesa cali lepwike pa kati ukutula ku mulu ukufika na pa nshi ukutila onse uutetekela mu mbilansuma iya yemba engengila mwi Tempele lya ku mulu lya kwa Lesa.
Ndetotela Shikulu ukuti nalikwata icitetekelo mu mbilansuma ya menshi no Mupashi. Nomba kuti naingila mu Bufumu bwa mu Mulu ukupitila mu cisumino candi mu mbilansuma iya yemba iyo Yesu afikilishe ukupitila mu lubatisho Lwakwe no mulopa. Nga nshakwanishe ukusange pusukilo ukupitila mu maka yandi neka, mu fyo naishiba na mu Milimo yandi.
Ipalo ilitutungulula ukwingila mu Bufumu bwa mu Mulu talisangwa ukupitila mu mapepo aya cipepepe, imisonko nangula mu kwipelesha. Umo kuti apusushiwa ukufuma ku membu shakwe pa kutetekela fye mu lubatisho lwa kwa Yesu na mu mulopa Wakwe pa Capindama. Umo kuti aingila mu Bufumu bwa mu Mulu pa kukwata fye icitetekelo muli iyi mbilansuma iya yemba. Yesu e mpongolo ya ku Mulu. Takuli icisumino cimbi icabe cikankala kuli abo abatetekela muli Yesu. Ukwingila ku Mulu takwakapelwe nge cilambu pa kwipelesha kwa misonko ya muntu iyo, limbi mu maka ya pe sonde nangula mu Milimo iyisuma. Icintu fye icikankala ica cine kubatetekela pa kwingila mu Bufumu bwa mu Mulu citetekelo fye mu mbilansuma ya lubatisho lwa kwa Yesu mu Mumana wa Yordani na mu mulopa Wakwe pa Capindama.
Ukutetekela mu menshi (Ulubatisho lwa kwa Yesu mu Mumana wa Yordani) na mu mulopa Wakwe (Icapindama) fikamitungulula ukwingila mu Bufumu bwa mu Mulu. Umuntu uucili no lubembu mu mutima wakwe, nangula alatetekela muli Yesu, afwile ukutetekela mu cintu cimo: imbilansuma ya menshi no Mupashi. “Kabili mukeshibe cine ne cine cikamulengo kuba bantungwa”(Yohane 8:32).
Tatwishiba inshita yine yine iya kufwa kwesu lelo Yesu Alishiba fyonse. Pantu Alishibe imbela yesu ya lubembu bwino bwino, Alisambile ukufumyapo imembu shesu shonse ukupitila mu lubatisho Lwakwe no mulopa pa Capindama pa myaka amakana yabili ayapitapo.
Tulingile ukutetekela mu mbilansuma iya yemba iyi iyalepwile icipembe ca mwi Tempele lya kwa Lesa
Umupusushi alifyelwe ku kulinacisungu ukupususha abantunse ukufuma ku membu shabo. Cali ni mukupitila mu lubatisho Lwakwe pa mushinku wa 30 mu Mumana wa Yordani, umo Yesu asendele membu shonse isha ba pano isonde. Imembu shonse isha muntuse ishitumbuka mu bunake bwa mibili yakwe na mampulu shalyelelwe ukutotela kuli Yesu. Ulubatisho lwakwe no mulopa e mfungulo ye pusukilo ku bantunse bonse. Yesu Alibatishiwe no kusumo mulopa pa Capindama kabili nomba abo abakwata icitetekelo muli iyi mbilansuma kuti baingila mu Bufumu bwa mu Mulu.
Icipembe ca mwi Tempele lya kwa Lesa calilepwike lintu Yesu alekele umweo Wakwe pa Capindama. Kuti calepuka shani icipembe ca mwi Tempele lya kwa Lesa pakati lintu Yesu Afwile pa Capindama? Umulandu wakutila ipusukilo lya muntunse lyasangilwe na Wene mu mbilansuma iya yemba.
Mu Cipingo ca Kale, tulasambilila pa lwa cihema ca bena Israele. Kulya kusangwa icipailo ca ca kuninika kabili no musambilo wa mukuba. Kabili ukucila pa musambilo wa mukuba, e kwali ihema kabili mu kati mwe hema kunuma kwa cipembe e kwali icipao, ukwalesangwa iceni cakwa Lesa no bukata. Icipembe cali bililwe icakosa icakuti bakabalwe bane nangula benga tinta munshila shine tekuti balepule icipembe. Nangula Imfumu Solomon aishile pyanisha ihema kwi Tempele, umuyano ta wa alwilwe, kabili icipembe eko cali ukucinga inshila ya ku Ncende iya Shilisha. Lelo, calilepwike pa kati ukutula ku mulu ukufika pa nshi lintu Yesu afwile ukusumo mulopa pa Capindama. Ici cilebelo bunte ku cishinka ifyo ubusuma kabili ukulungama imbilansuma iya pwililika iyo iyaishile fikilishiwa no lubatisho lwa kwa Yesu kabili na mu mulopa yaba.
Lesa alipalile abantunse bonse no kwelelwa kwa membu no mweo wa muyayaya, ukuba bakilila ne mbilansuma iya yemba. Yesu, nge lambo, alilipile icilambu ca membu lintu Abatishiwe kuli Yohane na pa kufwa pa Capindama. Icipingo citila, “Icilambu ca lubembu ni mfwa” (Abena Roma 6:23). Nga filya cali mu nshita ya Cipingo ca Kale, umuntu aleingila mwi Tempele lya kwa Lesa no mulopa we lambo kabili no kupokelela icikonsolwelo pa lubembu, eco twalekwanisha ukwisa kuli Lesa na malambo yesu, ayali ni Yesu, kabili no kwelelwa ku bupulumushi bwesu. Ici eca cine. Kabili na mashiwi, “Icilambu ca lubembu ni mfwa” yalatulanga ifyo yalungama imbilansuma iya yemba yaba.
Inshila ya ku Mulu kutetekela mu mbilansuma iya yemba. Ukulepuka kwa cipembe pa kati cimininako ukwisulwa kwa Bufumu bwa kwa Lesa. Lintu twaisa mukwishiba no kutetekela muli iyi mbilansuma, ukutila, Oh, Yesu alisendele imembu shandi shonse. Oh, Yesu alilipile icilambu conse ica membu pa Capindama! Impongolo ya ku Mulu ikesulwa pa ntashi yesu. Ku Mulu nomba kwalisuka kuli abo abasanga ubulubushi ukupitila mu citetekelo cabo mu lubatisho lwa kwa Yesu na mu mulopa Wakwe. Umulopa wa kwa Yesu walipuswishe ababembu ukufuma ku mfwa no lubatisho Lwakwe lwali ni nshila iya kusendelamo imembu sha bantunse bonse.
Icalo calisunkene na mabwe yali lepawike lintu Shikulu alekele umweo Wakwe pa Capindama. Apo pene, umulopa Wakwe waliponene pa mushili no kutendeka ukupongoloka mwisamba. Lintu Yesu afwile pa Capindama, imembu shonse sha bantunse shali fumishiwepo, imbilansuma iya yemba yalifikilishiwe kabili na bonse abatetekela balisakwanisho kwingila mu Bufumu bwa mu Mulu. Ici ecine ca kufyalwa libili.
Kwaliba bakasambilisha abengi abakwata ukufwailisha ukukana ukubako kwa Yesu Kristu ngo muntu. Lelo tabatwalilile mu mafundisho yabo ukukonka ifintu ifingi ifyacitike ifimoneka ifya shininkishe ukubako Kwakwe. Pa kati kabo, abengi balileka no kwambo kutetekela mu mbilansuma ya lubatisho lwa kwa Yesu no mulopa. Baishile iluka ukutila ubunte bwa kwa Yesu bwali ubukalamba ukukana ukubako Kwakwe. Balisumine Yesu ngo Mupusushi wabo lintu baishile mu kwishibo no kutetekela muli iyi mbilansuma, iyili, ukufyalwa Kwakwe, ulubatisho, imfwa, ukubuka, ukuninika no kwisa Kwakwe ukwa cibili.
Tatwamweneko Ulubatisho lwa kwa Yesu. Amenso yesu ta yamwene ifya citikwe pa myaka 2000 isha pitapo. Lelo, ukupitila mufyalembwa, onse kuti akumana ne mbilansuma iyi. Yesu alitobele icakucingilisha ca lubembu pa kati ka kwa Lesa no muntu ukupitila mu lubatisho Lwakwe no mulopa, kabili e fyo icipembe ca mu Bufumu bwa kwa Lesa cali lepwike pa kati ukutula ku mulu ukufika na pa nshi.
Nomba uuli onse uutetekela muli iyi mbilansuma, iya fikilishiwe no lubatisho lwa kwa Yesu no mulopa Wakwe, kuti aingila mu Bufumu bwa ku Mulu. Bushe mwali kwata icitetekelo mu cishinka ca kuti Ulubatisho lwa kwa Yesu no mulopa Wakwe, icileitwa imbilansuma iya yemba, ni mfungulo ya mu Bufumu bwa ku Mulu?
Na ine wine nali umubembu, uwaletetekela Yesu ukubo Mupusushi wandi lelo nshaishibe pa lwa mbilansuma iya yemba. Lelo, ubushiku bumo naishile belenga pa citemwiko Cakwe ici shakwata umupaka mu Cipingo. Naishile ishiba ukutila Alibatishiwe pamulandu waine, no kufwa pa Capindama pa mulandu wa ine kabili alibushiwe pa mulandu wa ine. Yesu alitupususha pa kubatishiwa mu Mumana wa Yordani kabili no kutanikwa ukulipila icilambu ca membu pamulandu wa citemwiko Cakwe pali ifwe. Kuti twakwanisha ukwingila mu Bufumu bwa mu Mulu pa kutetekela muli iyi mbilansuma.
Ubu bulungami bukalamba ubwa kwa Lesa pa muntuse kabili inshila iyaku pangilamo ifya pita. Ubupyungishi Bwakwe bonse—ukufyalwa Kwakwe, Ulubatisho mu Mumana wa Yordani, imfwa pa Capindama, kabili no kubuka—kwali ukupususha ifwe ukufuma ku membu shesu shonse. Twalilungamikwa ku gehena panuma ya mfwa shesu, lelo Yesu alitulangile uluse pa myeo yesu ukufuma ku muyayaya mu gehena no kutupela imbilansuma nga inshila ya kwingililamo mu Bufumu bwa mu Mulu.
Mwebabwananina, lintu Yesu afwile pa Capindama, umushilika alimulashile mu mbafu no mufwi, kabili apo pene umulopa na menshi fyali fumine. Ifi e fyo calembwa mu Cipingo. Ici cilabela ubunte ku mbilansuma ya lubatisho lwa kwa Yesu no mulopa Wakwe.
Bushe mulalolekeshapo ukuti icitetekelo cenu mu mulopa wa kwa Yesu pa Capindama calikumanina ukumilenga abantungwa ukufuma ku membu shenu shonse? Bushe ulubatisho lwa kwa Yesu talwaba ulukankala nangula caba fye icaikumineko kwi pusukilo lyenu? Nga e fyo mutetekela, napapata lapileni. Nomba tulingile ukutetekela mu mbilansuma ya lubatisho lwa kwa Yesu no mulopa kabili ukucishiba ukube cine ca kwa Lesa.
Bushe mulefwaya ukubutishiwa ku membu shenu shonse?
Nga ifyo tulingile ukulipila inkongole shesu ukufuma munkongole, tulingile ukukwata icitetekelo mu mbilansuma iya yemba iya lubatisho lwa kwa Yesu no mulopa mukuti twingabutishiwa ku membu shesu shonse. Tatufwile ukubembuka Ulubembu lwa kukana tetekela mu mbilansuma ya lubatisho lwa kwa Yesu no mulopa. Nangula tatwabikile membu pa lwesu pali Yesu, ndubulwila uwitwa Yohane Kabatisha alitucitile uyu mulimo.
Lintu Yesu afwile pa Capindama, inshshi shimbi mu Yerusalemu shaliswike kabili panuma ya nshiku shitatu Alibukile no kuya ku Galili. Ici cintu cisuma icine cine calicitike, lelo kwali abantu abengi abashatetekelemo.
Shikulwifwe apele Ubufumu bwa ku Mulu kuli ifwe, abalungami, abapokelele ukulekelelwa kwa membu. Twalipusuka no kufyalwa libili, te ku maka yesu nangula Imilimo ya bukapepa yesu, lelo kupitila mu citetekelo cesu mu mbilansuma iya yemba. Iyi mbilansuma te mulumbe iyo. Imembu shonse sha ba pano isonde shali bikilwe pali Yesu ilyo Abatishiwe. Tamwali ulubembu muli Wene, lelo Alingile ukufwa pa Capindama ukukonsolwela imembu shine Asendele pa lubatisho Lwakwe.
Lintu Yesu alekele umweo Wakwe, icalo cali ne cinkukuma kabili na mabwe yalilepawike. Lintu umu Sencurio na balya abali nankwe abalelinda umubili wa kwa Yesu baumfwile ici nkukuma ne fintu ifya citike, baumfwile umwenso icibi, ukubelo bunte, “Icine cine uyu ali Mwana wa kwa Lesa” (Mateo 27:54).
Yosefe uwa fyuma uwa ku Arimathea asendele umubili wa kwa Yesu, ukuufunga mu nsalu iyabuta no kulalika umubili mu nshishi yakwe. Shimapepo mukalamba na Bafarise balicibikile ukucingilila inshishi ukufikila ubushiku bwalenga citatu.
Lelo, Yesu alibukile ukupelo mweo upya kuli abo abatetekela mu mbilansuma iya yemba. Aile ku Galili, uko alaile ukukumanya abasambi Bakwe ilintu talatanikwa. Ifi fintu fyonse—ukufyalwa Kwakwe, Ulubatisho, ukutanikwa, ukubuka no kuninika kabili no kwisa Kwakwe kwa cibili—fyabikilwe abo abatetekela mu mbilansuma iya yemba. Na ine wine naliba kabela wabunte uyo ulebelo bunte ukuti Yesu Mwana wa kwa Lesa uwa mweo kabili Mupusushi wandi.
Ni muli nani umo imbilansuma ya cine ingabililwa?
Bakatetekela mu lubatisho lwa kwa Yesu kabili umulopa babelo bunte ku mbilansuma iya yemba iya cine. Imbilansuma iya yemba ilasabankanyishiwa ukupitila mu bunte bwa bantu abapusuka ku membu shabo shonse. Lintu umuntu alengo muntungwa ukufuma ku membu shakwe pa kutetekela mu mbilansuma, Umupashi wa kwa Lesa ulamba ukumutungulula, kabili alamupilibula nangula ukufwaya kwakwe kwingaba shani. Amashiwi ya kwa Lesa iyaku nonka umweo yalatwalilila ukupilibula umuntu umulungami no kumupela icitetekelo ica kosa. Mukubwela, alesa mu kulumbanya Shikulu. Icebo ca kwa Lesa cikala muli Wene, kabili alamona ubumi ubupya cila bushiku. Ku kumumona fintu alengwo mupya, abantu balabelo bunte, ati,“icine cine uyumuntu nakakulwa. Alisaba umwina Kristu wa cine kabili umwana wa kwa Lesa.”
Nangula ni ciwa alasumina no kunakila ku mbilansuma iya yemba. “Ni ndengwe nsoni! atila. Lelo cishinka ukutila takwaba ulubembu pano isonde. Takwaba uwakwata Ulubembu mu mutima wakwe. Eico ciwa alabomba mu matontonkanyo ya bantu, ukusushe myeo yabo ya bucishinka. Umulimo wa kwa ciwa kulesha bene ukukana pokelela ipalo lya bumupashi ilya mbilansuma.
Satana alicimfishiwe kuli Yesu. Satana alikwanishe ukulenga Yesu ukuti Atanikwe pa kubomfya amatontonkanyo ya bantu. Eco, Yesu alisendele akale imembu sha ba pano isonde lintu abatishiwe, kabili elyo afwile pa Capindama ukulipila icilambu ca membu. Pamulanduyu Alitupuswishe umupwilapo bonse abatetekela mu mbilansuma.
Ciwa takwanishe ukucinga amapange ya kwa Lesa ukupususha abantunse ukufuma ku membu shabo. Yesu alilipile pa membu sha bantunse ukupitila mu lubatisho Lwakwe no mulopa ukufikilisha imbilansuma iya yemba. Nomba takwaba ulubembu pano isonde. Yesu alisendele membu shonse ukupitila mu lubatisho Lwakwe no kupwisha imembu shonse ukupitila mu mfwa Yakwe pa Capindama, ukuti, “Nacipwa!” (Yohane 19:30) Satana alipokelwe amaka aya kususha abo abakwata icitetekelo mu mbilansuma iya yemba. Yesu alicimfishe ciwa ukupitila mu kufyalwa Kwakwe, Ulubatisho, ukutanikwa na mu kubuka ku bafwa.
Bushe mucili no lubembu mu mitima yenu? Nakalya. Abena Kristu kuti basosokutila mukushipa,“nshikwete ulubembu mu mutima wandi” pe shintililo lya citetekelo cabo mu mbilansuma ya cine. Umuntu uutetekela mu mbilansuma iya yemba iya lubatisho lwa kwa Yesu no mulopa takwata Ulubembu nangu lumo mu mutima wakwe.
Nomba imbilansuma iya yemba yalilembwa mu mitima yesu. Nomba tuleminina abantungwa ku bulangulushi ubuli bonse muceni ca kwa Lesa. Bushe imwe bonse mulatetekela ukuti Yesu alisendele imembu shenu shonse ukupitila mu lubatisho Lwakwe mu Mumana wa Yordani? Nga cabe fi, ukutotela kwenu kukalamba kube kuli Lesa no kwanga kukalenga ukwisula. Pa kukwate citetekelo mu mbilansuma iya yemba, twali shishiwa no kulengwa abantungwa ukufuma ku membu shesu shonse pano isonde. Tuletotela Lesa.
“Uwatupokolwele ku lupaka lwa mfifi, no kutupilbwila mu bufumu bwa Mwana Wakwe uwatemwikwa. Muli uyo e mo twakwatilo kulubuka, e kulekelelwe membu” (Abena Kolose 1:13-14). Hallelujah, alumbwe Shikulu.
Yesu aliswile impongolo ye pusukilo ukupitila mu mbilansuma iya yemba. Imwe kabili mulingile ukutoba icakucingilisha mu mutima wenu limo epela na maka ya mbilansuma iya yemba, nge fyo icipembe ca mwi Tempele ca lepwike pa kati. Imbilansuma iya yemba yapangilwe imwe na ine. Kuti twaingila mu Bufumu bwa ku Mulu pa kutetekela muli iyi mbilansuma, kabili e cine fye icitusuminisha ukuba abaisushiwamo no Mupashi wa Mushilo.
Copyright © 2021 by The New Life Mission
