- All e-books and audiobooks on The New Life Mission website are free
- Explore multilingual sermons in global languages
- Two new revised editions in English have been released
- Check out our website translated into 27 languages
ISAMBILISHO 8: UMUPASHI WA MUSHILO
[8-20] Abo Abakwata Ubwishibilo bwa Kwisushiwamo no Mupashi wa Mushilo Balatungulula Abanabo Ukupokelela Umupashi wa Mushilo (Yohane 20:21-23)
(Yohane 20:21-23)
“Elyo Yesu atile kuli benekabili, ‘Umutende ube na imwe! Ifyo Tata atumine ine, e fyo na ine ndetuma imwe.’ Kabili ilyo asosele ici, abaputile umupu, no kutila kuli bene, ‘Pokeleleni Umupashi wa Mushilo. Nga mwalekelela imembu sha bamo, ninshi shalekelelwa kuli bene; nga mwaikasha isha bamo, ninshi shaikashiwa.”
“Elyo Yesu atile kuli benekabili, ‘Umutende ube na imwe! Ifyo Tata atumine ine, e fyo na ine ndetuma imwe.’ Kabili ilyo asosele ici, abaputile umupu, no kutila kuli bene, ‘Pokeleleni Umupashi wa Mushilo. Nga mwalekelela imembu sha bamo, ninshi shalekelelwa kuli bene; nga mwaikasha isha bamo, ninshi shaikashiwa.”
Ni nsambu sha musango shani isho Shikulu apele ku bulungami?
Abapele amaka iya kwelela imembu ishili shonse ukupitila mu mbilansuma ya menshi no Mupashi.
Muli Yohane 20 e musangwa ukubuka kwa kwa Yesu. Shikulwifwe alibukile libili ukufuma ku bafwa kabili no kweba abasambi Bakwe, “Pokeleleni Umupashi wa Mushilo.” Abasambi ba kwa Yesu balipokelele ukwisushiwamo no mupashi wa Mushilo nge ca bupe ukufuma kuli Wene. Yesu apele ukwisushiwamo no Mupashi wa Mushilo no mweo wa muyayaya kuli abo abatetekela ukuti Ulubatisho Lwakwe no mulopa fyalisambile imembu shabo shonse. Icipingo citila Ulubatisho lwa kwa Yesu cipasho ce pusukilo, ico icilepilibula ukuti Ulubatisho Lwakwe lwalipususha abantunse bonse ukufuma ku membu shabo (1 Petro 3:21).
Mulandunshi Yesu Abatishiwile?
Mulandunshi Yesu Abatishiwile kuli Yohane? Ubwasuko kuli ili lipusho kuti lyamoneka bwino bwino ku fyo Yesu alandile muli mateo 3:15, “Pantu e fyo catuyano kufisho bulungami bonse.” Apa, “efyo” cilepilibula ukutila Yesu alisendele imembu shonse isha ba pa no isonde lintu Abatishiwe. Ulubatisho Lwakwe lwacitike mu nshila imo yine ngo kushimpa kwa maboko fintu kwaleba mu nshita ya Cipingo ca Kale. Icalinga ca lubatisho lwa kwa Yesu cali ukuyase membu sha ba pano isonde pali Yesu.
Bushe cipilibulenshi “ubulungami bonse? bushe ishiwi lya kutila “catuyano” lipilibulenshi?“Ubulungami bonse cipilibula ukutila caliyene kuli Yesu ukusenda imembu sha ba pano isonde ukupitila mu lubatisho Lwakwe. Kabili catuyano cipilibula ukutila ifi fyonse fyali e nshila fye iyalungama mu menso ya kwa Lesa.
Yesu alisendele imembu shonse isha bantunse ukupitila mu lubatisho Lwakwe no kushifuta kuli abo bonse abatetekela muli Wene. Yesu alibatishiwe no kutanikwa mu bupingushi bwa membu shabo. Iyi e mbilansuma ya kulekelelwa imembu. Ubulungami bwa kwa Lesa bwelelo bwa membu ubwa futile imembu shonse sha babembu.
Nga cakutila abantu baishiba inkama ya lubatisho lwa kwa Yesu nge fyo calembwa muli mateo 3:13-17, bakalekelelwa imembu shabo no kupokelela Umupashi wa Mushilo. Ifyo Yesu Acitile mu bupyungishi Bwakwe ubwapalwalala—Ulubatisho Lwakwe, ukutanikwa no kubuka—kwali ukupela ifwe inshila ya bulungami kwi pusukilo, nge fyo ca soselwe kabela na Lesa. Muli iyi nshila, Yesu Alisabo Mupusushi wa cine ku babembu bonse. Imbilansuma ya lubatisho Lwakwe no mulopa e pusukilo line, ilya sambile imembu shesu shonse.
Abantu kuti bapokelela Umupashi wa Mushilo lilya fye nga baishiba no kutetekela mu mbilansuma ya lubatisho lwa kwa Yesu no mulopa. Pantu ulubatisho lwa kwa Yesu lwalisendele imembu shonse isha ba pano isonde, imembu shesu nasho shali bikilwe pali Wene. Imfwa Yakwe pa Capindama mu lubali lwa bantunse yali ni mfwa yandi, kabili ukubuka Kwakwe kwali ukubuka kwandi. Nge fi, Ulubatisho lwa kwa Yesu no mulopa pa Capindama ni mbilansuma ya kulekelelwa imembu no kupokelela Umupashi wa Mushilo.
Ndesubila mulesambilila umulandu wa lubatisho lwa kwa Yesu no kukwata icitetekelo mu mbilansuma. E lyo, imembu shenu shinga futwa kabili mukapokelele Umupashi wa Mushilo. Mulandunshi Yesu Abatishiwile? Kwali ukusenda imembu shonse isha ba pano isonde. “Pantu e fyo catuyano kufisho bulungami bonse” (mateo 3:15). Amen, Hallelujah!
Ilelo, bambi batetekelo kutila ukulandila mu ndimi cilangililo ca kupokelela Umupashi wa Mushilo. Lelo, icilangililo ca cine citetekelo mu mbilansuma iya yemba iya lembwa mu mitima ya abo abapokelela Mupashi wa Mushilo mu cine.
Shikulu alipela insambu sha kwelela imembu ku bantu abalungami
Shikulu apele abasambi Bakwe insambu sha kwelela imembu, ukuti, “Nga mwalekelela imembu sha bamo, ninshi shalekelelwa kuli bene; nga mwaikasha isha bamo, ninshi shaikashiwa” (Yohane 20:23). Ici cilepilibula ukutila elyo abasambi baleshimikile mbilansuma ya menshi no mupashi, imembu sha bonse abalekutika no kutetekela shale elelwa. Lelo, ici tacilepilibulo kutila baleelela imembu sha uuli onse, tacili na mulandu icisumino cabo mu mbilansuma ya menshi no Mupashi.
Abasambi ba kwa Yesu balikwata insambu isha kwelela imembu isha uuli onse ukupitila mu mbilansuma ya menshi no Mupashi. E ico, nga basambilisha ifya lembwa, tulingile ukutetekelamo. Mulingile ukutetekela ukutila Yesu Kristu alimipele imbilansuma ya menshi no Mupashi ukuti afute membu shenu shonse. E lyo fye mwingalekelelwa imembu no kupokelela ukwisushiwamo no Mupashi wa Mushilo. Yesu kabili apele ifwe amaka ya kupususha abantu bonse ukufuma ku membu shabo pa kubile mbilansuma ya menshi no Mupashi.
Amaka yakwa kateka wa mwisonde
Akale, uko naleikala, twalenina saca mu nshila iishapangwa bwino. Abantu baleikila pa nshita imbi no kusunka ukuninika ulupili. Ubushiku bumo kateka wa calo ca Korea alishile ku kusefya kwa kwisula ing’anda ya malaiti muli ilya yine nshila. Abantu bapokelele kateka mikupyanga pa musebo no kulabika ifimuti mu nshila ilyo baumfwile imbila. Ilyo ubushiku bwafikile, ifitukutuku ifyatangile ukutungulule nshila kabili kunuma yabo ekwa ishile icimbayambaya cakwa kateka. Icintu bwingi calishile ukumuposha ne nsalu sha buteko mu minwe yabo. Calisosselwe ukuti kateka atile,“uyu musebo tauli bwino iyo, ulefwaikwa ukuwamya.” Panuma ya nshiku shinono, umusebo walisa wamishiwa namanenekela.
Cinshi cacitike apa? Amashiwi fye yamo ukufuma kuli kateka yalengele ifintu ukucinja mu musebo uwaonawike. Ukusosa kwa kwa kateka kwali kwata amaka yakalamba. Lelo, twalishiba bwini bwino ukutila imbilansuma ya menshi no Mupashi iyapelwe kuli ifwe na Kristu yali kwatishapo amaka. Tulingile ukutetekela ukutila iyi mbilansuma yali kwata amaka yakutulenga abantungwa ukufuma ku membu shesu shonse mu mweo wesu onse.
Insambu sha cine isha kwelela imembu
“Nga mwalekelela imembu sha bamo, ninshi shalekelelwa kuli bene; nga mwaikasha isha bamo, ninshi shaikashiwa.” Abasambi ba kwa Yesu balebile mbilansuma ukuti imembu shabo shonse shali lekelelwe. Baleeba abantu,“Yesu alifuta imembu shonse isha ba pano isonde mu lubatisho Lwakwe no mulopa. Tapali icakusakamika. Nangula ubuyo bwenu kubembuka ku ntanshi, Yesu alisendele akale imembu shenu isha cilabushiku no kusumo mulopa pamulandu wa imwe pa Capindama panuma ilyo Abatishiwe kuli Yohane. Yesu alimipususha! Mulingile mwacitetekela!
Ababembu balipelwe ubulubushi pa kumfwa no kiutetekela imbilansuma ya menshi no mupashi ukupitila mu basambi ba kwa yesu. Yesu alipela abasambi Bakwe insambu ukulekelela imembu ukupitila mu mbilansuma ya menshi no Mupashi. Pamulandu abasambi ba kwa Yesu baleshimikila imbilansuma ya menshi no Mupashi ku bantu bonse aba pano isonde, abatetekela balepokelela ukulekelelwa kwa lubembu. Yesu alibapele ici ca bupe pamo pene ne nsambu ukulekelela ulubembu.
Abantu abengi balibelenga amabuku ayo nalembapo kunuma, kabili balipusuka ukufuma ku membu shabo panuma ya kuyabelenga. Bambi balesumina ukwiluka kwabo ukutila umulandu Yesu Afwile pa Capindama wali pamulandu wa lubatisho Lwakwe ukusenda imembu shonse isha ba pano isonde, ukulumbula, “Alashilwe pa fya bupulumushi fyesu, kabili afwantilwe pa mampulu yesu” (Esaya 53:5).
Panuma ya kubuka Kwakwe, Yesu atile ku basambi Bakwe, “Pokeleleni Umupashi wa Mushilo. Nga mwalekelela imembu sha bamo, ninshi shalekelelwa kuli bene; nga mwaikasha isha bamo, ninshi shaikashiwa” (Yohane 20:22-23). Yesu alibapele insambu ukulekelela imembu sha bantu.
Twali abakakwa ne cimfulunganya, ukubulilwa ne membu ilintu tatulatetekela muli ici cine. Lelo, nomba pakuti natukwata icitetekelo mu lubatisho lwa kwa Yesu no mulopa, kabili tuli abantungwa ku membu, ifwe bene tulingile ukubile mbilansuma ku bantu bambi. Ukutwalilila, Shikulwifwe apele abasambi Bakwe umutende. Shikulwifwe kabili atupele umutende ne palo lya Mupashi wa Mushilo. Pakuti tupokelele umutende no Mupashi wa Mushilo ukufuma kuli Lesa, tulingile ukupokelela ukulekelelwa kwa membu pa kutetekela mu lubatisho lwa kwa Yesu no mulopa Wakwe pa Capindama.
Icitulenga abantungwa ukufuma ku membu citetekelo mu mbilansuma ya menshi no Mupashi. Ici citetekelo ca bumupashi icitupela amapalo ya ku mulu. Lelo mu citetekelo ica ibela ica shintilila pa matontonkanyo ya muntu cilamutungulula kubonaushi. Tulingile ukusenda ubulubushi pa kutetekela mu mbilansuma ya menshi no Mupashi kabili efyo twalapokelela Umupashi wa Mushilo. Pakutila tukwate icitetekelo ca musangoyu, tufwile ukukana amatontonkanyo ya buntunse no kupilibula icitetekelo cesu ku mbilansuma ya menshi no Mupashi.
Pakutila umuntu akweta icitetekelo icifwaikwa pa kupokelela Mupashi wa Mushilo, alingile ukupokelela imbilansuma ukuti Yesu Alibatishiwe no kutanikwa pamulandu wesu. Shikulu alitupela no kulekelelwa kwa membu, umutende no kwisushiwamo no Mupashi wa Mushilo pantu twalitetela mumbilansuma ya menshi no Mupashi. Alipele abasambi Bakwe ukwisushiwamo no Mupashi wa Mushilo kabili ne nsambu ishakulekelela imembu sha onse uwatetekele mu mbilansuma ya menshi no Mupashi.
Na ifwe twalipokelele Mupashi wa Mushilo pa kutetekela muli iyi mbilansuma. Imbilansuma ya menshi no Mupashi yalyafwilisha abengi sana ukucita fimo fine. Ilyo tuleshimikila imbilansuma ku benamupalamano besu na kwi sonde, abo abacisenda pa mutima wabo balapelwa Umupashi wa Mushilo. Nga cakutila imbilansuma iyo tulebila ta yingalenga abantu ukupokelela Mupashi wa Mushilo, te mbilansuma ya cine. Ku lubali lumbi, nga cakutila imbilansuma kuti yamitungulula ukupokelela Mupashi wa Mushilo, ninshi iyo mbilansuma ya cishinka.
Tulingile ukuba abatotela kabili abapalwa pa kukwata iyi mbilansuma. Imbilansunma iyi iya shimikilwa kuli imwe na ine yalipwililika kabili yilasumbula. Lelo ica mupamba, calikosa ukusango muntu uwaishiba no kutetekela muli iyi mbilansuma shino nshiku. Eico tulingile ukushimikila imbilansuma pe sonde lyonse. Tulingile ukwafwilishako abantu ukupokelela Umupashi wa Mushilo.
Abo ababepwa na Satana mu kukana imbilansuma ya menshi no Mupashi
Tuleafwilisha na balya abatetekela akale muli Yesu. Abengi muli bene bacilli tabalapokelela Mupashi wa Mushilo nangula balatetekela muli Yesu. Eco tulabafwilisha pa kubile mbilansuma kabili efyo tubafwa no kupokelela Umupashi wa Mushilo.
Ngo muntu talapokelela Mupashi wa Mushilo nangula alatetekela muli Yesu, ninshi palibo bwafya mu cisumino cakwe. Ni abo fye abapokelela Mupashi wa Mushilo ukupitila mu cisumino cabo muli Yesu ebengaba abantu abakwata icitetekelo ca cine. Eico tulingile bonse ukusunga icitetekelo icitutungulula ku kupokelela Mupashi wa Mushilo. Tulingile ukwishibe mbilansuma ya menshi no Mupashi, pantu icine fye ca iyi mbilansuma e citulenga ukupokelela Umupashi wa Mushilo.
Tulashimikila imbilansuma ya menshi no Mupashi ukuti bambi bengapokelela Umupashi wa Mushilo. Lelo, abo abashimikile mbilansuma balikakwa ku kusangana na mafia ayengi. Abena Kristu bambi batontonkanyo kutila kuti bapokelela Umupashi wa Mushilo pa kucite Milimo yabo pa nshita iyitali. Balikwata ifya kucitika fya fulungana ifyo ifishili ifyalola ukupokelela Mupashi wa Mushilo. Inshite yingi na bulilambo bulafwaikwa ku kubabalikila ne mbilansuma ya menshi no Mupashi.
Ninani uushingatetekela mu mbilansuma ya menshi no Mupashi nga abali bonse batontonkanya kutila umo kuti apokelela Mupashi wa muashilo ukupitila mu citetekelo muli iyi mbilansuma? Satana alibepa abantu abengi ne mbilansuma iyapusana lintu imbilansuma ya cine tayilati yise. Aba bantu bamusango uyu balapapa pa fingi ifiliko ku kutetekela ilyo baitunga akale ukutetekela mu mbilansuma ya kwa Yesu. Eico balesa mukukana imbilansuma ya menshi no Mupashi.
Abantu abengi pali buno bushiku ne nkulo tabasumina ukufikapo imbilansuma iya Cine iya menshi no Mupashi, pantu Satana alibalenga akale ukube mpofu. Pamulandu wa ici, batontonkanyo kutila ukutetekela muli Yesu mulimo uwayanguka. Lelo, pakwisa mu kumfwikisha icine ca mbilansuma tacili naco icayanguka. Imbilansuma ya cine iya menshi no Mupashi yalicingiwa necipembe ca mbilansuma ya bufi.
Abantu batontonkanyo kutila ulionse kuti aingila mu Bufumu bwa ku Mulu nga baleya ku lukuta no kusumina ukutila balatetekela muli Yesu. Abengi batetekela ukutila ukwisushiwamo no Mupashi wa Mushilo kulapelwa ukupitila mu Milimo yabo, ifyapala ukupepa no kufunga. Lelo, ifisumino fya musangoyu fyabo kutali ku cine icakupokelela Umupashi wa Mushilo. Batontonkanyo kutila ukulandila mu ndimi ne fisungusho fimbi fishibilo fya kupokelela Mupashi wa Mushilo.
Eico tabomfwikisho kutila pakuti umo apokelele Mupashi wa Mushilo, cikankala sana ukutetekela mu mbilansuma ya cine ya menshi no Mupashi. Lelo, icipingo citila umo kuti apokelela Mupashi wa Mushilo lilya fye nga atetekela mu cebo ca kwa Lesa. Lesa alifimba inkama ya kupokelela Umupashi wa Mushilo mu mashiwi Yakwe.
Abo abafwayo kwisushiwamo no Mupashi wa Mushilo
Ubushiku bumo naile ku Taiwan na ba bomfi besu bambi. Abantu kulya balitulombele amabuku pa lwa Mupashi wa Mushilo. Icintu cimo cine calicitike na ku Japan na Russia. Umulandu abantu abengi balefwaya amabuku pa lwa kwisushiwamo no Mupashi wakutila abantu ba nshino nshiku balakabila sana ukupokelela ukwisushiwamo no mupashi wa Mushilo. Abantu abengi balatetekela muli Yesu kabili ne nshita shimo tabeshiba nga cakutila icine cine balipokelela Mupashi wa Mushilo, pantu tabakwata ukwisushiwamo no Mupashi wa mushillo.
Kwaliba abantu abengi abatetekela muli Yesu no kulando kuti balipokelela Mupashi wa Mushilo. Lelo, abantu abakwato kupokelela Mupashi wa Mushilo umuyayaya banono. Abantu abengi tabakwanisha ukucita ifi nangula icitetekelo cabo caba muli Yesu, kabili e mulandu wine balakabila ukucite fi nomba line.
Pa kati ka bena Kristu ba pano isonde, kwaliba abantu abengi abatontonkanya ukuti balikwata ukufwa Mupashi wa Mushilo. Bambi nabo batila balikumanya Yesu mu filoto fyabo, kabili bambi balando kwebati balikwata Umupashi wa Mushilo muli bene pantu balitamfyapo ingulu. Ukuba nge fi, kwaliba abantu abengi abo ifitetekelo fyabo fya shintilila pa fya kumfwa fya muntu. Lelo, telingi abantu bamusangoyu mucine bapokelela ukwisushiwamo no Mupashi wa Mushilo ukupitila mu citetekelo ca mbilansuma ya menshi no Mupashi.
Ubushiku bumo nalitontonkenyepo munshila imbi ukutila takwali amabuku pano isonde pa lwa kusanga ukupokelela ukwisushiwamo no Mupashi wa Mushilo ukupitila mu citetekelo mu mbilansuma ya menshi no Mupashi. Abantu abengi balalandapo pa fyo baishiba no Mupashi wa Mushilo, lelo ninshi takwabela amabuku pa lwa kwisushiwamo no Mupashi wa Mushilo? Aya mabuku calyafya ukuyasanga, nangula mungafwailisha ukutali kabili na konse mwi sonde lyonse.
Abo abalanda umushiyene ukuti balipokelela Umupashi wa Mushilo basoso kutila balikumanya Yesu na menso yabo kabili balitala monapo na mu Bufumu bwa ku Mulu na gehena. Balapampamina ukutila Yesu atile,“na wisa ilintu inshita yobe tayilafika. Nausha umulimo uo taulapwisha pe sonde lyobe, eco angufyanya bwekela uko wafuma. Ifi fintu te kuti fileke ukusangwa. Lelo, Yesu uyo bakumenye kuti aba ni Yesu wa cine? Bushe Yesu kuti abakumanya ilyo bacilli no lubembu mu mitima yabo? Bushe Yesu alekala mu mubembu?
Cacine ukutila abengi abena Kristu ilelo tabakwata ukwisushiwamo no Mupashi wa Mushilo nangula balatwalilila ukukwata icitetekelo cabo muli Yesu. E ico ifwe, abo abakwata Umupashi wa Mushilo mu kati kesu, tulingile ukusabankanye mbilansuma iyo iyikatungulula bambi ukupokelela ici ca bupe. Umuntu onse alekabila ukupokelela Umupashi wa Mushilo, kabili pakuti bacite ifi, icitetekelo mu mbilansuma ya menshi no Mupashi caliba cikankala. Pantu kutetekela fye mu mbilansuma e lyo umuntu engapokelela Umupashi wa Mushilo. Ukupitila mu mbilansuma ya cine iyo twaishiba bonse, kuti twapokelela ica bupe ca Mupashi wa Mushilo ukufuma kuli Lesa.
Bonse tulingile ukutotela no kulumbanya Shikulu pa kutupela imbilansuma ya menshi no Mupashi. Nalikwate congwe ca Mupashi wa Mushilo ilyo aishile pali ine ukulemba ili buku. Ilyo ili buku lya lembwa, abantu abengi bakesa pokelela ukwisushiwamo no Mupashi wa Mushilo ukupitila mu citetekelo cabo mu mbilansuma ya menshi no Mupashi. “Bushe mwapokelele Mupashi wa Mushilo pa kutetekela?” (Imilimo ya Batumwa 19:2) E fyo atile Paulo ku bali no kuba abasambi ba ku Efese.
Bonse tulingile ukupokelela Umupashi wa Mushilo. Abena Kristu isonde lyonse balakabila sana ukupokelela Umupashi wa Mushilo pali iyi nshita ya cimfulunganya isonde lyonse. Nde shimikila inshila ya mucipingo iya kupokelelamo Umupashi wa Mushilo, nge fyo Umupashi wa Mushilo antungulula ukucita. Ukwikala ubumi ubwafikapo, mulingile mwatetekela mu cine ca kwisushiwamo no Mupashi wa Mushilo. Pantu ili lishuko lyenu ilya kulekelesha ukupokelela Mupashi wa Mushilo mu mutima wenu.
Ndi uwakoseleshiwa ukusabankanye mbilansuma iyafwilisha abali bonse ukupokelela Mupashi wa Mushilo pantu yesu Kristu alimpele imbilansuma ya menshi no Mupashi kabili no kumpela ne ca bupe ca Mupashi wa Mushilo.
Abena Fyalo nabo bafwile ukukwata icitetekelo mu mbilansuma ya menshi no Mupashi
Icipingo cisosa pa fyo abasambi ba kwa Yesu balengele bambi ukupokelela ukwisushiwamo no Mupashi wa Mushilo. Nangula Abena Fyalo balingile ukukwata icitetekelo cimo cine nga ica basambi pakuti bapokelele Umupashi wa Mushilo. Ukutwalilila, Abena Fyalo balekabila ukukwate citetekelo mu mbilansuma ya menshi no Mupashi, ico abasambi bakwete, pakuti bakengile mwi sonde lya kwa Lesa. E ico, ifwe, Abena Fyalo, tufwile naifwe ukutetekela mu mbilansuma ya cine pakuti tupokelele Mupashi wa Mushilo. Lesa atumine Petro kuli Korneli, uwali Umwina Fyalo, pakuti engabalikilwa ne mbilansuma ya menshi no Mupashi, iyili ikankala ku kupokelela Umupashi wa Mushilo.
Aba yuda abatetekele balipapile sana pa kumfwo kuti ica bupe ca Mupashi wa Mushilo calipongolwekele pa Bena Fyalo. Lintu Petro abwekele ku lukuta lwa ku Yerusalemu panuma ya kushimikila imbilansuma ya menshi no Mupashi, abo abali abasembululwa balemususha. “Waingile ku bantu abashasembululwa no kulya na bo!” (Imilimo ya Batumwa 11:3) Lelo Petro alilondolwele ifintu fyonse kuli bena ukufuma mu kutendeka.
Ukulondolola kwakwe kwalilembwa bwino bwino mu Milimo ya Batumwa 11:5-17. “Ine nali mu mushi wa Yopa ndepepa, kabili mu tulo tukalamba namwene icimonwa, icipe cileika kwati cisalu cikalamba cileishiwa ukufuma mu mulu naciikatwa ku fifutu fine, caishile na kuli ine. Pa kutontapo amenso nalolekesha, no kumone nama sha molu yane isha pano nse, fiswango, ne fikulika, ne fyuni fya mu mulu. Awe naumfwile ne shiwi lilesosa kuli ine, aliti, ‘Petro, ima, ipaya no kulya.’ Lelo natile, ‘Iyo, mwe Shikulu, ico teco; pantu tacatala aciingila mu kanwa kandi icinangwa nangu icakowela.’ Awe ishiwi lyanjaswike mu mulu umuku uwalenga ibili, aliti, ‘Ifyo Lesa asangulwile, iwe witila finangwa.’ Awe ici cacitike imiku itatu: e lyo fyonse fyalikulilwe fyaninine kabili mu mulu. Kabili moneni, apo pene paiminine abaume batatu pa ŋanda umo twali, abatuminwe kuli ine ukufuma ku Kaisarea. Awe Umupashi wanjebele ukuya na bo; kabili twaingile mu ŋanda ya muntu ulya. Na o atwebele ifyo amwene malaika naiminina mu ŋanda yakwe, no kutila kuli wene, Tuma ku Yopa ku kuleta Simone uwitwa Petro; e ukalanda kuli iwe ifyebo ifya kupusukilamo iwe na mu ŋanda yobe bonse. Nomba ine pa kutaliko kulanda, Umupashi wa Mushilo wawile pali abo, filya fine wawile pali ifwe pa kutendeka. Awe naibukishe ishiwi lya kwa Shikulu, ifyo atile, yoahenwene abatishishe ku menshi; lelo imwe mukabatishiwa ku Mupashi wa Mushilo. E ico, apo Lesa abapele ica bupe icilingene ne co apele na kuli ifwe pa kutetekela pe shina lya kwa Shikulu Yesu Kristu, nali ani ine? Bushe nali na maka ya kulesha Lesa, mwa?”
Petro atile ukuti taile fye ku bashasembululwa no kulya na bo, kabili alibebele imbilansuma ukutotela ku butungulushi bwa Mupashi wa Mushilo. Lintu baumfwile ifi ifintu baikele tondolo, kabili bacindike Lesa, uwapele ukulapila no mweo kuli bonse—Korneli, na ba ng`anda yakwe bonse kabili na banankwe.
Imbilansuma ya batumwa pa kupokelela Mupashi wa Mushilo
Bushe umulimo ukalamba uwa batumwa ni wisa?
Ukushimikile mbilansuma ya menshi no Mupashi pakuti bene bapokelele Mupashi wa Mushilo.
Bushe abatumwa cine cine balebile mbilansuma ya menshi no Mupashi ifyo? Tulingile ica ntanshi ukushininkisha nga cakutila Umutumwa Petro alitetekele mu mbilansuma ya menshi no Mupashi. Mu Cipingo, Petro atile, “Ayo icipasho ca yako lubatisho” (1 Petro 3:21). Umutumwa Petro icine cine alitetekelo kutila Yesu alipususha ababembu bonse ukufuma ku membu shabo lintu Abatishiwe no kufwa pa capindama. Kabili alitetekele ukuti lintu Yesu Abatishiwe (mateo 3:15), imembu shonse shali bikilwe pali Wene, ukuti Alitanikwe kabili panuma no kubuka ukupususha ifwe bonse.
Shino nshiku kwaliba abantu abakwate citetekelo cimo cine nge ca kwa Petro. Abo abashimikile mbilansuma ya menshi no Mupashi e bo abashimikila imbilansuma nga filya Petro acitile. Ici icine cilamonekela pa kusuminisha bakomfwa ukupokelela ukwisushiwamo no Mupashi wa Mushilo.
Nga ifyo abantu abengi bapokelele Mupashi wa Mushilo lintu Petro ashimikile mbilansuma ya menshi no Mupashi, na ifwe tulemona abantu baletetekela mu mbilansuma kabili no kupokelela Umupashi wa Mushilo lintu twashimikila icine cimo cine. Umuntu tapokelela Mupashi wa Mushilo pakutetekela fye mukushipwililika ukutila umuntu akaya ku mulu nga atetekela fye muli Yesu nga Ifumu yakwe, lelo ni pakutetekela mu mbilansuma ya menshi no Mupashi.
Petro limo amwene Abena Fyalo nge fishishi ifyenda pa nshi. Ukulingana na malango, bali nga inama isha kowela ilintu Yesu talabatishiwa, no kufwa pa Capindama kabili no kubuka. Eico, nangula Abena Fyalo kuti bapalwa no kwisushiwamo no Mupashi wa Mushilo pa kutetekela mu mbilansuma ya menshi no Mupashi. Eco ishiwi lya tile kuli Petro, aliti, “Ifyo Lesa abutisha, iwe wiita finangwa” (Imilimo ya Batumwa 10:15).
Ifwe, nga Abena Fyalo, tatwalekwanisho kupokelela Mupashi wa Mushilo lelo kuti twakwato kwisushiwamo no mupashi wa Mushilo pa ku kwata icitetekelo mu mbilansuma ya menshi no Mupashi. Nga twabile mbilansuma mukutekanya ku bantu abaisulamo na matontonkanyo yabo abene, ilingi tulabamona ukwisa mu kutetekela mu mbilansuma kabili na mukulekelesha balapokelela Umupashi wa Mushilo. Lelo naifwe kuti twabamona ukwilandila ukuti tabakwata Ulubembu mu mitima yabo lintu baisa mu kutetekela mu lubatisho lwa kwa Yesu no mulopa. E lyo fye Mupashi wa Mushilo wingekala muli bena.
Icalinga cesu mu kubile mbilansuma te pa kulenga fye bambi ukumfwikisha, lelo kubatungulula ku kupokelela Mupashi wa Mushilo. Icishinka ca kutila abo abatetekela mu mbilansuma iyo tushimikila balaelelwa kumembu shabo shonse e cintu icikankala. Kabili ne cishinka ca kutila balapokelela ukwisushiwamo no Mupashi wa Mushilo pa nshita imo yine ecaba ne cikankala sana. Tatushimikila fye ku bantu aba mwi sonde imbilansuma, lelo tulasenda no lutampulo ukucilapo kabili ukubatungulula ukupokelela Mupashi wa Mushilo pa nshita imo yine.
Tulingile ukubile mbilansuma ya menshi no Mupashi muli iyi inshila kuli balya abaleikabila. Nga cakutila twalilekele lilya twashimikila panono imbilansuma, ubupilibulo bwa kubomba kwesu bukaloba. Tulingile ukwishiba ukuti iyi mbilansuma ilatungulula abantu ukukwata ukwisushiwamo no Mupashi wa Mushilo. Lintu twashimikile mbilansuma pa kukwate ci mu matontonkanyo yesu, ulubingu bwa Mupashi wa Mushilo bu kasabankana ngo mulilo wa mumpanga pe sonde lyonse.
Lintu kasabankanya atetekela ukuti iyi mbilansuma kuti yatungulula abantu bape sonde ukupokelela Mupashi wa Mushilo, alesa mu kumfwa no kushibo kutila ubupyungishi bwakwe tabuli fye ubwa kupapatila abantu ukutetekela muli Yesu Kristu, lelo kubafwilisha ukupokelela ukwisushiwamo no Mupashi wa Mushilo. Eico cikankala sana kuli ifwe ukubile mbilansuma ya menshi no Mupashi pali iyi nshita.
Umo alefwaika fye ukumfwa na matwi yakwe kabili no kutetekela no mutima wakwe mu mbilansuma iyo tubila pakuti apokelele Mupashi wa Mushilo. Ukuwaminikisha, imbilansuma iyo tuleshimikila yalikwatisha amaka pa myeo sha bantu. Amaka ya mbilansuma ni nsambu kabili ipalo ilyapelwa na Lesa.
Petro ali ni kashimikila wa ba Yuda, ilyo Paulo ali wa ku Bena Fyalo. Ilyo Petro alepepa pa mulu ya ng`anda, amwene Umulu waisuka kabili ne cipe icapala icisalu icikalamba nacikakwa mumbali shine caleika pali ena. Muli cena mwali imitundu yonse iya nama ishi tashasangululwa isho Icipingo catile shali kanishiwe ukulya.
Petro tatalile lyapo icinangwa nangula icakowela. Lelo, Lesa amwebele ukwipaya no kufilya. Petro alikene, ati, “Iyo, mwe Shikulu, ico teco; pantu tacatala aciingila mu kanwa kandi icinangwa nangu icakowela!” Kabili ishiwi lyatile kuli wene, “Ifyo Lesa asangulwile, iwe witila finangwa.” Bushe ici cilelangenshi? Lesa aletila ukuti Yesu alisambile imembu shonse isha ba pano isonde, nangula Abena Fyalo, lintu abatishiwe kabili nokufwa pa Capindama.
Ubupilibulo wa muli bumupashi ubwa kwa Lesa pa kumusuminisha ukwipaya no kulya inama ishi shasangululwa kwali ukusambilisha Petro ukuti Abena Fyalo nabo kuti baba abana ba kwa Lesa pa kutetekela ukutila Yesu alituminwe pano isonde, ukubatishiwa ukusende membu shesu shonse no kutanikwa pa Capindama no kupingulwa pali shena.
Petro ali acili alekonka ifipope fya malango mu lubali lwa kufimona na mensho ya bumupashi ya citetekelo, nangula panuma ilyo apokelele Mupashi. Lelo Petro alilapile no kutetekela ukutila Lesa alisambile akale kumo ne membu sha Bena Fyalo. Petro aishile ishiba ubunonshi bwa mbilansuma iya yemba umwashika. Amwene Mupashi wa Mushilo ulewila pali bakomfwa lintu aleshimikila amashiwi ya kwa Lesa.
Bushe kuti twaishiba shani nga cakutila bakashimikila balelo balikwato kupokelela Umupashi wa Mushilo nangula iyo? Caba pa kutila nga balisumina imbilansuma ya menshi no Mupashi. Umuntu uutetekela mu mbilansuma iya yemba nge fyo yaba elyo kashimikila ashimikila amashiwi ya kwa Lesa alapokelela ukwisushiwamo no Mupashi wa Mushilo. Mupashi wa Mushilo uwikala mu mutima wakwa kashimikila na o ulesa mukwikala muli ena. Kashimikila na komfwa bakesa mu kukwate senge umo no mubiye nge fibusa fya kubwaice. Bakamona icitemwiko ca kwa Lesa ukwikala muli bene. Kashimikila akamona komfwa ukuba umo wa bantu ba kwa Lesa pa kusumina imbilansuma ya menshi no Mupashi.
Elyo twabile mbilansuma, kuti twamona Mupashi wa Mushilo aleikila pa batetekela palya pene fye batetekela imbilansuma ya menshi no Mupashi. Ici tacicitika pa ceka ukufuma kwi pusukilo. E mulandu wine tulingile ukubila imbilansuma ya menshi no Mupashi. Imbilansuma iyo tushimikila ni imo iyo iyitungulula bambi ukupokelela Mupashi wa Mushilo.
Abo abakwata ukwisushiwamo no Mupashi wa Mushilo bana ba kwa Lesa. Imbilansuma ya menshi no Mupashi te fundisho lya cilonganino iyo, kabili e ico elyo twashimikila ici kuli bambi, balesa mu kukwate citetekelo, no kupokelela Umupashi wa Mushilo kabili no kuba abana bakwa Lesa. Lipalo ilikalamba sana ili! Iyi ni mbilansuma iya kupapusha! Kabili ifyo ya wamisha imilimo yakwe yaba! Abo abashimikile mbilansuma ya menshi no Mupashi balafwilisha ukukula Ubufumu bwa kwa Lesa. Tatushimikila fye imbilansuma, lelo balapokelela Mupashi wa Mushilo.
Abantu bambi batontonkanyo kutila ukutetekela muli Yesu cintu cimbi kabili no kupokelela Umupashi wa Mushilo ukube cintu cimbi. E ico, Abena Kristu bacilli balalomba Mupashi wa Mushilo. Lelo, Icipingo citila ukutila Mupashi wa Mushilo alesa pali abo ilyo baumfwa kabili nokutetekela mbilansuma iya shimikilwa na babomfi Bakwe. Abantu isonde lyonse balakabila Umupashi wa Mushilo. Imbilansuma iyo tushimikila ilabatungulula ukukumanisha ukufwaya kwabo. E mulandu wine natukwata umulimo wa kusabankanye mbilansuma kwi sonde lyonse. Tuli bana ba kwa Tata kabili ne mpyani Shakwe, abali abacishinka ku Bwite Bukalamba.
Tulingile ukubile mbilansuma ne citetekelo ilyo tulesunga mumatontonkanyo ukutila umulimo wesu kusuminisha abantu ukupokelela Umupashi wa Mushilo. Imbilansuma ya menshi no Mupashi cintu ico bakashimikila balingile ukutetekelamo ilyo tabala shimikila kuli bambi. E lyo bakomfwa babo bakapokelela Mupashi wa Mushilo ukupitila mu citetekelo cabo mu mbilansuma. Muli iyi nshila, kuti twaputa umweo wa muyayaya muli bonse abo abatetekela mu mbilansuma. Icalinga cesu kubalenga ukuba abalubulwa ukufuma ku maka ya mfifi kabili ukubaleta mu Bufumu bwakwa Lesa. Bakashimikila bafumya ababembu abalola kumfwa ku maka yamfifi nokubatwala mu bu Fumu bwa Mwana wakwa Lesa. Mulimo uukankala sana ukupilibula ababembu ukuba abana ba kwa Lesa.
Abantu abengi tabaishiba imfungulo ya kupokelelamo Mupashi wa Mushilo kabili balesha ukumupokelela na maka yabo beka. Lelo, ici cikamoneko kuba ica fye. Citetekelo fye mu mbiolansuma e cifwaikwa, pantu icitetekelo cikakula umuntu ukufuma ku membu shonse.
Bushe mwapokelele shani Mupashi wa Mushilo? Kupitila mwi pepo? Nangula limbi ukupitila mu kushimpwapo amaboko? Nakalya, iyo te nshila iyo. Tulapokelela Mupashi wa Mushilo lilya fye nga twatetekela mu mbilansuma ya menshi no Mupashi. Tulingile ukupepa no kushimikile mbilansuma ukuti abantu bonse aba pano isonde bengapokelela Mupashi wa Mushilo.
Ishiwi“umutumwa lipilibula“uwatumwa na Lesa.” Bushe abatumwa bacitenshi? Balashimikile mbilansuma ya menshi no Mupashi ukuti abantu bengapokelela Mupashi wa Mushilo. Bushe tamwingatemwa ukusendako lubali muli uyu mulimo pamo na ifwe? Bonse tulingile ukukwata ukwisushiwamo no Mupashi wa Mushilo kabili noku ushimikila ku bantu bambi. Hallelujah! Cindikeni ifyo caba icine ca mbilansuma iyo Shikulu atupele ukupokelela Umupashi wa Mushilo!
Copyright © 2021 by The New Life Mission
