[11-17] តង្វាយនៃការអត់ទោសបាប ដែលត្រូវបានថ្វាយនៅលើទីសន្តោសប្រោស (និក្ខមនំ ២៥:១០-២២)

ទីសន្តោសប្រោស

១ហត្ថគឺជាប្រវែងលាតពីចុងដៃទៅដល់កែងដៃ។ នៅក្នុងព្រះគម្ពីរ ១ហត្ថមានប្រវែងប្រហែល ៤៥ សង់ទីម៉ែត្រ នៅក្នុងរង្វាស់បច្ចុប្បន្ននេះ។ បណ្តោយរបស់ទីសន្តោសប្រោសគឺ២ហត្ថកន្លះ ដែលស្មើនឹង ១១៣ សង់ទីម៉ែត្រនៅក្នុងរង្វាស់បច្ចុប្បន្ន។ ហើយទទឹងរបស់វាគឺជា១ហត្ថកន្លះ ដែលស្មើនឹង ៦៧.៥ សង់ទីម៉ែត្រ។ នេះផ្តល់ឲ្យយើងនូវគំនិតទូទៅមួយអំពីទំហំនៃទីសន្តោសប្រោស។
ហិបសញ្ញាត្រូវបានធ្វើពីឈើនាងនួន ស្រោបដោយមាសទាំងខាងក្នុង និងខាងក្នុង។ ប៉ុន្តែទីសន្តោសប្រោស ដែលត្រូវបានដាក់ពីលើហិបសញ្ញា ត្រូវបានធ្វើពីមាសសុទ្ធ។ នៅចុងសងខាងរបស់វា គេបានដាក់ចេរូប៊ីនពីរ ដើម្បីស្រដាងស្លាបពីលើគ្របគម្របហិបសញ្ញា ដែលជាទីសន្តោសប្រោសនេះ ហើយចេរូប៊ីនត្រូវបានដាក់ប្រទល់មុខគ្នា។ ទីសន្តោសប្រោសនេះគឺជាកន្លែងដែលព្រះប្រទានព្រះគុណរបស់ទ្រង់ដល់អ្នកដែលចូលទៅចំពោះទ្រង់ ដោយសេចក្តីជំនឿ។ 
កងមាសចំនួនបួនត្រូវបានដាក់ភ្ជាប់នៅគ្រប់ជ្រុងនៃហិបសញ្ញា។ កងមាសចំនួនពីរត្រូវបានដាក់ភ្ជាប់នៅជ្រុងនីមួយៗ ហើយគេបានស៊កឈើស្នែងតាមកងមាសទាំងនោះ ដើម្បីសែងហិបសញ្ញា។ ឈើស្នែងទាំងនេះត្រូវបានធ្វើពីឈើនាងនួន និងស្រោបដោយមាស។ តាមរយៈការស៊កឈើស្នែងតាមកងមាសពីរនៅចុងម្ខាង ហើយកងមាសពីរទៀតនៅចុងម្ខាងទៀត ព្រះចង់ឲ្យប្រាកដថា មនុស្សពីរនាក់អាចលើក និងសែងហិបសញ្ញានេះបាន។ ហើយព្រះអម្ចាស់របស់យើងមានបន្ទូលថា «អញនឹងមកជួបឯងនៅលើទីសន្តោសប្រោសនេះ»។ 
ព្រះបានបង្គាប់ឲ្យពួកអ៊ីស្រាអែលសែងហិបសញ្ញា ជាមួយទីសន្តោសប្រោស ដោយការស៊កឈើស្នែងតាមហិបសញ្ញា។ នេះមានន័យថា ព្រះចង់ឲ្យយើងប្រកាសដំណឹងល្អទៅកាន់លោកិយទាំងមូល។ ហើយវាដូចគ្នានឹងអាសនាតង្វាយដុតដែរ កងមាសត្រូវបានដាក់នៅចុងទាំងសងខាងរបស់វា ឈើស្នែងត្រូវបានស៊កតាមកងមាសទាំងនេះ ហើយមនុស្សពីរនាក់ត្រូវសែងវា។ នេះក៏មានន័យផងដែរថា យើងគួរតែសុំជំនួយពីព្រះ កាលណាយើងប្រឈមនឹងទុក្ខលំបាក ហើយថា យើងគួរតែអធិស្ឋានសម្រាប់ការប្រកាសដំណឹងល្អទៅកាន់គ្រប់ទាំងកន្លែងដែលយើងទៅដល់នៅក្នុងលោកិយទាំងមូលនេះ។ 
នៅក្នុងហិបសញ្ញា គេបានដាក់ប្រដាប់ប្រដាចំនួនបី៖ ចានមាសដាក់នំ ម៉ាន៉ា ដំបងដែលប៉ិចឡើងរបស់អើរ៉ុន និងបន្ទះថ្មនៃសម្ព័ន្ធមេត្រី។ តើប្រដាប់ប្រដាទាំងនេះមានអត្ថន័យយ៉ាងដូចម្តេច? ទីមួយ ចានមាសដាក់នំម៉ាន៉ាមានន័យថា ព្រះយេស៊ូវគ្រីស្ទប្រទានជីវិតថ្មីដល់ពួកអ្នកជឿ។ ទ្រង់បានប្រកាសថា «ខ្ញុំជានំបុ័ងជីវិត អ្នកណាដែលមកឯខ្ញុំ នោះនឹងមិនឃ្លានទៀតឡើយ ហើយអ្នកណាដែលជឿដល់ខ្ញុំ ក៏មិនត្រូវស្រេកដែរ» (យ៉ូហាន ៦:៣៥)។ 
ដំបងដែលប៉ិចឡើងរបស់អើរ៉ុនប្រាប់យើងថា ព្រះយេស៊ូវគ្រីស្ទគឺជាព្រះ អម្ចាស់នៃសេចក្តីរស់ឡើងវិញ ហើយថា ទ្រង់ប្រទានជីវិតអស់កល្បជានិច្ចដល់យើង។ ហើយបន្ទះថ្មនៃសម្ព័ន្ធមេត្រីប្រាប់យើងថា យើងត្រូវប្រឈមនឹងទោសស្លាប់នៅចំពោះក្រិត្យវិន័យ។ ប៉ុន្តែសេចក្តីមេត្តាករុណារបស់ព្រះមានទំហំយ៉ាងធំធេង ដែលគ្របដណ្តប់ទោសនៃអំពើបាបរបស់យើងពីការចោទប្រកាន់របស់ ក្រិត្យវិន័យ។ ទីសន្តោសប្រោសមានទំហំប៉ុនគ្នានឹងគម្របហិបសញ្ញា ដើម្បីកុំឲ្យបណ្តាសានៃក្រិត្យវិន័យអាចចេញមកក្រៅបាន។ ព្រះបានបំពេញសម្រេចទី សន្តោសប្រោស ដោយតង្វាយយញ្ញបូជាដ៏គ្រប់លក្ខណ៍នៃព្រះរាជបុត្រាយេស៊ូវរបស់ទ្រង់។ ដូច្នេះ គ្រប់គ្នាដែលជឿតាមដំណឹងល្អអំពីទឹក និងព្រះវិញ្ញាណ អាចចូលមកយ៉ាងក្លាហាននៅចំពោះបល្ល័ង្កនៃព្រះគុណ ដែលជាទីសន្តោសប្រោសនេះបាន។ 

ប្រព័ន្ធថ្វាយយញ្ញបូជានៅក្នុងព្រះគម្ពីរសញ្ញាចាស់សម្រាប់ សង្រ្គោះពួកមនុស្សមានបាបចេញពីអំពើទុច្ចរិតរបស់ពួកគេ

អំបោះពណ៌ផ្ទៃមេឃពិតជាសំដៅទៅលើបុណ្យជ្រមុជដែលព្រះយេស៊ូវបានទទួល

ព្រះយេស៊ូវគឺជាព្រះអាទិករ និងព្រះអង្គសង្រ្កោះរបស់យើង