Search
English
English
Due to COVID-19 and disruption to international mail service
we have temporally suspended our ‘Free Print Book service’.
In the light of this situation we are not able to mail you the books at this time.
Pray that this pandemic will end soon and the resumption of the postal service.

Sermons

مضمون 11: خیمۂ اِجتماع

[11-1] خیمۂ اِجتماع وچ وکھائی گئی گنہگاراں دی نجات <خروج۲۷:۹۔ ۲۱>

خیمۂاِجتماع وچ وکھائی گئی گنہگاراں دی نجات
>خروج۲۷:۹۔ ۲۱>
” فیر تُو مسکن لئی صحن بناویں۔اوس صحن دے جنوبی پاسے لئی مہین اُنے ہوئے کتان دے پردے ہون جیہڑے رَلا کے سو ہتھ لمے ہون ۔ایہہ سارے اکو ای پاسے ہون ۔تے اوہناں لئی ویہہ ستون بنن تے ستوناں لئی پِتل دے ویہہ ای خانے بنن تے ایہناں ستوناں دے کُنڈے تے پٹیاں چاندی دیاں ہون ۔ ایسے طرح شمالی پاسے لئی پردے سارے رَلا کے لمائی وچ سو ہتھ ہون ۔ اوہناں لئی وی ویہہ ای ستون تے ستوناں دے لئی ویہہ ای پِتل دے خانے بنن تے ستوناں دے کُنڈے تے پٹیاں چاندی دیاں ہون۔تے صحن دے لہندے پاسے دی چوڑائی وچ پنجاہ ہتھ دے پردے ہون ۔ اوہناں لئی دس ستون تے ستوناں لئی دس ای خانے بنن ۔تے چڑھدے پاسے صحن ہوئے ۔ تےصحن دےپھاٹک دے اک پاسے لئی پندراں ہتھ دے پردے ہون جنہاں لئی تَرے ستون تے ستوناں لئی  تَرے ای خانے بنن ۔ تے دوجے پاسے لئی وی پندراں ہتھ دے پردے تے تَرے ستون تے تَرے ای خانے بنن ۔ تے صحن دے پھاٹک لئی ویہہ ہتھ دا اک پردہ ہوئے جیہڑا اسمانی ۔ ارغوانی تے لال رنگ دے کپڑیاں تے مہین اُنے ہوئے کتان دا بنیا ہویا ہوئے تے اوس اُتے ول بوٹیاں دی کڈھائی  ہوئے ۔ اوہدے ستون چار تے ستوناں دے خانے وی چار ای ہون ۔ تے صحن دے آلے دوالے سارے ستون چاندی دیاں پٹیاں نال جوڑے گئے ہون تےاوہناں دے کُنڈے چاندی دے تے اوہناں دے خانے پِتل دے ہون ۔ صحن دی لمائی سو ہتھ تے چوڑائی ہر تھاں پنجاہ ہتھ تے قنات دی اُچیائی پنج ہتھ ہوئے ۔ پردے باریک اُنے ہوئے  کتان دے تے ستوناں دے خانے پِتل دے ہون ۔ مسکن دے طرح طرح دے کم دے سارے سامان تے اوتھوں دیاں میخاں تے صحن دیاں میخاں ایہہ سارے پَتل دے ہون ۔ تے تُوں بنی اسرائیل نوں حکم دیویں پئی اوہ تیرے کول کُٹ کے کڈھیا ہویا زیتون دا خالص تیل  چانن کرن لئی لیاؤن تاں پئی دیوا سدا بلدا رہوے ۔ خیمۂ اِجتماع وچ اوس پردے دے باہر جیہڑا شہادت دے صندوق دے اگے ہوئے گا ہارون تے اوہدے پُتر شام توں صبح تیک دیوے نوں خُداوند دے اگے سوار کے رکھن ۔ اِنج کرن والی رسم بنی اسرائیل واسطے اک پیڑھی توں لَے کے دوجی پیڑھی تیک  سدا قیم رہوے گی ۔ “
 
 
خیمۂ اِجتماع دے مستطیل نما صحن دی واڑ دی کاچھ  لمائی وچ سو ہتھ سی ۔ پاک کتاب وچ ، اک ہتھ کسے دی ارک توں لَے کے اوہدی اُنگل دی چُنج تیک کھلری ہوئی لمائی وانگرمقرر کیتا گیا سی ، یعنی اج دی کاچھ مطابق تقریبا ً ۴۵سینٹی میٹر۔ایسے طرح ، خیمۂ اِجتماع دے صحن دی واڑ سوہتھ لمی سی دا مطلب ہیگا اے پئی تقریباً ۴۵ میٹرسی ، تے پئی ایہدی چوڑائی ۵۰ ہتھ سی دا مطلب ہیگا اے پئی تقریباً ۵.۲۲میٹرچوڑی سی ۔ ایس لئی  ایہہ اوس گھر دی کاچھ سی جِہدے وچ خُدا پرانے عہد نامے دے زمانے وچ اسرائیل دے لوکاں وچکار رہندا سی ۔
 
 
خیمۂ اِجتماع دےباہر والے صحن  دے آلے دوالے اک واڑ سی
 
خیمۂ اِجتماع دے ویہڑےدےستون
 
کیہ تُسیں کسے ویلے خیمۂ اِجتماع دا نمونہ کسے تصویر یا پینٹنگ وچ ویکھ چُکے او ؟ تفصیل نال بولدے ہویاں ، خیمۂ اِجتماع ایہدے صحن تے خیمۂ اِجتماع آپ ،خُدا دے گھر وچ ونڈیاگیا سی ۔ خُدا دے ایس گھر ، خیمۂ اِجتماع وچ ، اک  نکی جِہی ساخت ہیگی سی جِہدا ناں ہیکل سی ۔ ہیکل چار وکھ وکھ غلافاں نال کجی ہوئی سی : ودھیا مہین  اُنے ہوئے کتان تے اسمانی ، ارغوانی تے لال دھاگے دا اک پردہ ؛دوجا بکریاں دی پشم دا ؛یعنی لیلیاں دی لال رنگیاں ہویاں کھلاں ؛ تے تخس دیاں کھلاں دا اک پردہ ۔
خیمۂ اِجتماع دے صحن دے چڑھدے پاسے اُتے ، اسمانی ، ارغوانی تے لال دھاگےتے ودھیا مہین وٹے ہوئے کتان نال اُنیا ہویا اوہدا پھاٹک ہیگا سی ۔ ایس پھاٹک وچوں لنگھدیاں ای ، اسیں سوختنی قربانی دی قربان گاہ تے حوض ویکھاں گے ۔  حوض کولوں لنگھدیاں ہویاں ، فیر اسیں اپنے آپ خیمۂ اِجتماع نوں ویکھاں گے ۔ خیمۂ اِجتماع پاک تھاں تے  بوہتی پاک تھاں وچ ونڈیا گیا سی ، جتھے خُدا دے عہد دا صندوق ہیگا سی ۔ خیمۂ اِجتماع دے صحن دی واڑ ۶۰ ستوناں دے ودھیا چٹے کتانی پردیاں نال بنائی گئی سی ۔ دوجے پاسے ، خیمۂ اِجتماع آپ ،۴۸تختیاں تے ۹ ستوناں نال بنایا گیا سی ۔سانوں گھٹوگھٹ ایہہ سمجھن دے لائق ہون دے سلسلے وچ خُدا سانوں ایہہ بناؤن دےراہیں کیہ آکھدا پیا اے خیمۂ اِجتماع دے باہر والے گُناں دا اک عام خیال رکھن دی لوڑ اے ۔ 
خُدا  ۴۸ تختاں نال بنائے گئے خیمۂ اِجتماع دے اندر رہندا سی ۔خُدا نے اسرائیل دے لوکاں اُتے دن دے ویلے بدل دے ستون تے رات دے ویلے خیمۂ اِجتماع دے اُتے یعنی اگ نال اپنے ہون نوں ظاہر کیتا ۔ تے قربان گاہ دے اندر ، جتھے خُدا آپ رہندا سی ، خُدا دے جلال نے اوس تھاں نوں  بھر دتا ۔ ہیکل وچ، اوتھے  چڑھاوے دیاں روٹیاں دی میز ،چراغدان تے بخور دی قربانگاہ ہیگی سی ، تے بوہت پاک تھاں وچ ، عہد دا صندوں تے سرپوش سی ۔ ایہہ اسرائیل دےعام  لوکاں لئی منع کیتیاں ہویاں تھاواں سن؛ صرف کاہن تے وڈے کاہن خیمۂ اِجتماع دے نظام دے مطابق ایہناں تھاں وچ جا سکدے سن ۔ ایہہ لکھیا ہویا اے ، ”جد ایہہ شیواں ایس طرح بن گئیاں تاں پہلوں خیمے وچ تاں کاہن ہر ویلے داخل ہوندے تے عبادت دا کم پورا کردے نیں ۔ پر دوجے وچ صرف وڈا کاہن ای سارے سال وچ اک واری جاندا اے تے بغیر لہو دے نئیں جاندا جنہوں اپنے واسطے تے اُمت دی بھُل چُک واسطے چڑھاؤندا اے“(عبرانیوں   ۹: ۶۔۷)۔ ایہہ سانوں دسدا اےپئی اج دے زمانے وچ ، صرف اوہ جیہڑے سونے دا ایمان رکھدے نیں یعنی جیہڑے پانی تے رُوح دی خوشخبری اُتے ایمان رکھدے نیں اپنی زندگیاں خُدادے نال جد پئی اوہدی سیوا کردے ہویاں بسر کر سکدے نیں ۔
نذ ر دیاں روٹیاں دی میز اُتے رکھی ہوئی روٹی دا کیہ مطلب اے ؟ ایہدا مطلب  خُدا دا کلام اے ۔ فیر بخور دی قربانگاہ دا کیہ مطلب اے؟ ایہہ سانوں دعاواں دے بارے وچ دسدی اے ۔ بوہت پاک تھاں دے اندر عہد دا صندوق سی، تے سرپوش کھرے سونے نال بنیا ہویا ،جیہڑا صندوق دے اُتے رکھیا گیا سی ۔ کروبیوں نے اپنے پَر اُتے کھلارے ہوئے سن  ، اپنے پراں نال سرپوش نوں کج دیاں ہویاں تے  سر پوش  ول اوہناں دا اک دوجے ول مُنھ سی ۔ ایہہ سرپوش سی ، اوہ تھاں جتھے خُدا دا رحم ڈوہلیا جاندا سی ۔ عہد دے صندوق دے اندر ، پتھر دیاں دو تختیاں جنہاں اُتے دس حکم کھُرچ کے لکھے گئے سن ، ہارون دا پھُٹیا ہویا سوٹا تے مَن نال بھریا ہویا اک مرتبان رکھیا ہویاسی ۔ صندوق اک سونے دے پردے (سرپوش )نال کجیا ہویا سی تے اوہدے اُتے اُتے کروبی سرپوش ول ہیٹھاں ویکھدے پئے سن ۔
 
 
اوہ جنہاں نیں پاپ توں معافی  پائی کتھے رہندے نیں ؟
 
تھاں جتھے اوہ جنہاں نیں پاپ توں معافی پائی رہندے نیں ہیکل دے اندر اے۔ہیکل ۴۸ تختاں نال بنائی گئی سی ، جنہاں وچوں ساریاں اُتے سونا چڑھیا ہویا سی ۔ ایہدے بارے وچ سوچو۔ جد تُسیں سونے دی کندھ ویکھدے پئے او جیہڑا صرف تھوڑا جیہا نئیں، سگوں ۴۸ سونے دے تختیاں دا اے ، کنے چمکارے نال ایہہ چمکے گا ؟  جویں ہیکل دا اندر والا پاسا تے ایہدے استعمال دیاں شیواں ایسے طرح کھرے سونے نال بنیاں ہویاں سن ، اوہ ودھیا طریقے نال چمکدیاں سن۔
خیمۂ اِجتماع دے باہر والے صحن وچ سوختنی قربانی دی قربانگاہ تے حوض سارے پِتل دے بنے ہوئے سن، تے صحن دی واڑ اُتے چاندی چڑھی ہوئی سی تے ودھیا چٹے کتان دے نال ستوناں دیاں بنیاں ہویاں سن ۔ ایہدے اُلٹ ، ہیکل دے اندر ساریاں شیواں سونے دیاں بنیاں ہویاں سن؛ چراغدان سونے نال مڑھیا ہویا سی تے ایسے طرح نذر دی روٹی دی میز سی ۔ جویں ہیکل وچ ساریاں شیواں تے ایہدی تِن پاسے دیاں کندھاں ایسے طرح کھرے سونے دیاں بنیاں  ہویاں سن ، ہیکل دا اندر والا حصہ ہمیش سونے دے لشکاریاں نال ودھیا طریقے نال چمکدا سی ۔
یعنی ہیکل دا اندر والا حصہ ایس طرح سونے دیاں لشکاریاں نال ودھیاں طریقے نال چمکدا سی سانوں دسدا اے پئی مکتی یافتہ پاک لوک اپنے ایمان دیاں مہنگیاں زندگیاں خُدا دی کلیسیا دے اندر بسر کردے نیں ۔ پاک لوک جیہڑے پانی تے رُوح دی خوشخبری اُتے اپنے ایمان رکھ کے زندہ رہندے نیں قربانگاہ وچ ہون والے  کھرے سونے وانگر نیں ۔ زندگی جیہڑے ایہو جیہے پاک لوک ہیکل وچ بسر کردے نیں برکت والی زندگی اے جیہڑی کلیسیا وچ رہندی اے ،خُدا دے کلا م نال ودھدی پھُلدی اے ، دعا منگدی تے اوہدی وڈیائی  کردی اے ، تے خُدا دے تخت دے اگے جاندی اے تے ہر دیہاڑے اوس فضل دے کپڑے پاؤندی اے ، ایہہ سارا کُجھ کلیسیا دے سببوں اے ۔ ایہہ پاک لوکاں وچ ایمان دی زندگی اے ۔ تہانوں لازمی ایہنوں اپنے دلاں وچ رکھنا چاہی دا اےپئی صرف راستباز جیہڑے پانی تے رُوح دی خوشخبری دے سببوں مکتی یافتہ ہوگئے نیں ہیکل وچ ایمان دی ایہہ مہنگی زندگی  بسر کر سکدے نیں ۔
 
 
خُدا نے واضح طوراُتے ہیکل نوں اندر والے تے باہر والے حصے وچ  ونڈیا
 
جویں بوہتیاں گھراں دیاں واڑاں ہوندیاں نیں ، خیمۂ اِجتماع دا صحن وی  ۶۰ ستوناں نال بنیاں ہویاں تے ودھیا چٹے کتان دے پردیاں نال کجی ہوئی اک واڑ رکھداسی ۔ صحن دے چڑھدے پاسے ،اسمانی، ارغوانی، تے لال دھاگے تے ودھیا مہین کتان نال اُنیا ہویا اک پردہ ساریاں دے ویکھن لئی لایا گیا سی ، ایہہ کاچھ وچ ایسے طرح ۹میٹر چوڑاسی ۔  
خیمۂ اِجتماع  دا مطالعہ کردے ہویاں ، سانوں  لازمی خاص کرکے احساس کرنا چاہی دا اے کھرا ایمان کیہ اے جیہڑا خُدا ساڈے توں چاؤہندا اے،مکتی یافتہ دا ایمان کیہڑی قسم دا ایمان اے، تے، خیمۂ اِجتماع لئی ورتیاں گئیاں شیواں دے سبب سانوں لازمی ویکھنا چاہی دا اے ، ساڈا خُداوند سانوں کویں بچا چُکیا اے ۔ سکھن لئی ہیکل دے اندرموجود سونے جیہا تے ودھیا ایمان کیہ اے ، سانوں لازمی پہلوں سنبھل کے حوض نوں ، سوختنی قربانی دی قربانگاہ تے واڑ جیہڑی خیمۂ اِجتماع دے باہر والے صحن وچ لائی گئی سی ، تے اوہناں لئی ورتیاں گئیاں ساریاں شیواں نوں ویکھنا چاہی دا اے۔ اِنج کرن دے راہیں ، سانوں پتہ لگدا اے کس قِسم دے ایمان نال اسیں ودھیا طریقے نال چمکدے ہوئے سونے تے لشکارے ماردی ہوئی ہیکل وچ جا سکدے آں۔
خیمۂ اِجتماع دے باہر والے صحن وچ کیہ سی ؟ اوتھے حوض تے سوختنی قربانی دی قربانگاہ سی ۔ تے ایہہ لکڑدے۶۰ ستوناں نال گھری ہوئی سی تے ایہناں ستوناں اُتے ودھیاکتان دے پردے صحن دی واڑ وانگر لائے گئے سن۔ایس واڑ دے ستون کِکر دی لکڑ نال  بنائے گئے سن ، جیہڑے، اپنی سختی دے ہوندے ہویاں ، بوہت ہولے سن ۔ ایس لکڑ نال بنائے گئے ستون اُچیائی وچ تقریباً ۲.25 میٹر سن ، یعنی عام  اُچیائی نال بوہتے لوکاں لئی باہر والے صحن دی واڑ دے باہر والے پاسیوں خیمۂ اِجتماع دے اندر والے پاسے جھاتی پاؤن لئی ایہنوں اوکھا بناؤندے ہویاں۔ پر جے کوئی شے جان بُجھ کے اُتے چڑھن لئی  رکھی گئی سی ، فیر کوئی صحن دے اندر سوکھے طریقے نال ویکھ سکدا سی ،پر ایہو جیہی مدد دے بغیر ،اندر پاسے جھاتی پاؤنا اوکھا سی ۔ ایہہ سانوں دسدا اے پئی ساڈیاں بندیاں دیاں  کیتیاں ہویاں کوششاں دے سببوں ،اسیں کدی وی خُدا دی بادشاہت وچ جا نئیں سکدے ۔
باہر والے صحن دے لکڑ دے ستوناں دے ہیٹھا ں والے سریاں اُتے ، پِتل دے خانے رکھےگئےسن،تے اوہناں دے سرے چاندی دے پتراں نال کجے گئے سن ۔ جویں ستون اپنے آپ اُتے کھلو نئیں سکدے سن ، چاندی دیاں پٹیاں نے پکیائی نال ملے ہوئے ستوناں نوں اک دوجے دےنال پھڑیا ہویاسی ۔ تے ستوناں نوں دوجیاں پاسیاں وچ پکے ہوکے مدد دین لئی ، چاندی دے کُنڈے ستوناں دے چاندی دے غلاف وچ لائے گئے سن جیہڑے پِتل دیاں میخاں نال رسیاں نال بنھے گئے سن(خروج۳۵ : ۱۸)۔
 
 

خیمۂ اِجتماع دے صحن دے پھاٹک لئی کیہڑیاں شیواں ورتیاں گئیاں سن؟

ویہڑے دا بوھا خیمۂ اِجتماع دے صحن دے پھاٹک لئی  ورتیاں گئیاں شیواں اسمانی ، ارغوانی تے لال دھاگہ تے ودھیا مہین وٹیا ہویا کتان سی ۔ پھاٹک دی اُچیائی  ۲.25 میٹرسی تے ایہدی چوڑائی تقریباً ۹ میٹرسی ۔ ایہہ اسمانی ، ارغوانی تے لال دھاگے تے ودھیا مہین کتان دا وٹیا ہویا اک پردہ سی ، جیہڑا چونہہ ستوناں اُتے لمکدا سی ۔ ایسے طرح ، جد کدی کوئی خیمۂ اِجتماع دے صحن وچ جان دی کوشش کر دا سی ، اوہ سوکھے طریقے نال ایہدا پھاٹک لبھ سکدا سی ۔
خیمۂ اِجتماع دے پھاٹک لئی  ورتے گئے اسمانی ، ارغوانی تے لال دھاگے تے ودھیا مہین وٹے ہوئے کتان دیاں شیواں ظاہر کردیاں نیں پئی  خُدا سانوں اپنے بیٹے یِسُوعؔ دے چار کماں دے راہیں ساڈے سارے پاپاں توں بچائے گا ۔ لکڑدے سارے ۶۰ ستون تے  خیمۂ اِجتماع دے صحن دی واڑ دے ودھیا کتان وی صاف طور نال ظاہر کردے نیں کیہڑے طریقے دے راہیں خُدا تہانوں تے مینوں ساڈے پاپاں توں اپنے پُتر یِسُوعؔ دے سببوں بچائے گا ۔
دوجے پاسے ، خیمۂ اِجتماع دے باہر والے صحن دے پھاٹک دے راہیں ، خُدا ساڈے اُتے واضح طریقے نال مکتی دا بھیت ظاہر کردا پیا اے ۔ آؤ اسیں اک واری فیر خیمۂ اِجتماع دے صحن  دے پھاٹک لئی ورتیاں  گئیاں شیواں ول دھیان کرئیے: اسمانی ، ارغوانی تے لال دھاگے تے ودھیا وٹیاہویامہین کتان۔ایہہ چار دھاگےیِسُوعؔ اُتے ایمان رکھن دے راہیں مکتی یافتہ ہون واسطے ساڈے لئی بوہت ضروری نیں ۔ جے ایہہ شیواں خاص نئیں سن ، پاک کتاب اوہناں نوں بوہت چوکھی تفصیل نال  نہ دسدی ۔
خیمۂ اِجتماع دے صحن دے پھاٹک لئی ورتیاں گئیاں ساریاں شیواں خاص کر کے تہانوں تے مینوں بچاؤن لئی خُدا لئی ضروری سن ۔ پر،سچیائی پئی  پھاٹک اسمانی ، ارغوانی تے لال دھاگے تے ودھیا وٹےہوئے کتان نال اُنیا ہویا سی بغیر ناکامی دے پاپیاں نوں بچاؤن لئی خُدا دے واسطے بوہت چوکھا خاص اے، ایس لئی پئی ایہہ چار دھاگے خُدا دی کامل مکتی دا خاص مکاشفہ سن ۔ ایس لئی خُدا نے ایس طرح ایہدا پکاارادہ بنایا۔ ایس لئی خُدا نے سینا دے پہاڑ اُتے موسیٰ نوں خیمۂ اِجتماع دا نمونہ وکھایا، تے اوہنوں بالکل ایس  منصوبے مطابق خیمۂ اِجتماع دے صحن دا پھاٹک بناؤن دا حکم دتا ۔
 
 

اسمانی ، ارغوانی ، لال دھاگے تے ودھیا مہین وٹےہوئے کتان دا کیہ مطلب اے ؟

 
پاک تھاں دا پھاٹک اسمانی ، ارغوانی تے لال دھاگے تے ودھیا وٹےہوئے کتان دے اُنے ہوئے اک پردے نال بنیا ہویا سی ، تے پاک تھاں تے بوہتی پاک تھاں دے وچکار دا پردہ وی ایہناں چاراں دھاگیاں دے اُنے جان نال بنیا ہویا سی ۔ صرف ایہو ای نئیں ، سگوں وڈے کاہن دا افود تے سینہ بند وی اسمانی ، ارغوانی ،تےلال دھاگے تے ودھیا وٹےہوئے کتان نال بنے ہوئے سن ۔ فیر ، اسمانی ، ارغوانی تے لال دھاگے تے مہین  وٹےہوئے کتان سانوں کیہ دسدے نیں ؟ ایہہ اسمانی ، ارغوانی تے لال دھاگے تے مہین  وٹےہوئے کتان، جیہڑے ساڈے خُداوند لئی سانوں بچاؤن واسطے خاص کر کے لوڑی دے سن ، سانوں خاص کر کے کیہ دسدے نیں ؟ سانوں ایس معاملے دا نیڑے ہوکے معائنہ کرن لئی لازمی پکا یقین رکھنا چاہی دا اے ۔
سب توں پہلوں ، اسمانی دھاگہ سانوں یِسُوعؔ مسیح دے بپتسمہ دے بارے دسدا اے ۔ اوہ جیہڑے بپتسمہ دی لوڑ نوں نئیں جان دے اوہناں نوں نئیں پتہ پئی اسمانی دھاگہ یِسُوعؔ مسیح دے بپتسمے دا حوالہ دیندا اے ۔ ایسے طرح ، اوہ جیہڑے نویں سریوں نئیں جمے بوہتے ویلے دعویٰ کردے نیں پئی اسمانی دھاگے دا مطلب اے،” یِسُوعؔ مسیح آپ ای خُدا اے ، تے اوہ اک بندے دے بدن وچ ایس زمین اُتے آیا ۔“ دوجے پاسے ، دوجے دعویٰ کردے نیں ، ”اسمانی دھاگے دا صرف مطلب کلام اے ۔ “ پر، پاک کتاب سانوں دسدی اے پئی اسمانی دھاگے دا مطلب ”یِسُوعؔ دا بپتسمہ اے جیہدے راہیں اوہنے زمین اُتے آؤن دے بعد اپنے آپ اُتے جگ دے پاپاں نوں قبول کیتا ۔ “پاک کتاب سانوں ویروے نال دسدی اے پئی اسمانی دھاگہ پانی دے بپتسمے بارے دسدا اے جیہڑا یِسُوعؔ نے یوحنا بپتسمہ دین والے کولوں لیا ۔ خیمۂ اِجتماع بارے کلام نوں پڑھدے ہویاں ،مَیں احساس کیتا پئی ، ”آہا ، خُدا سانوں یِسُوعؔ دے بپتسمے وچ ساڈے ایمان دی لوڑ نوں سانوں وکھاؤنا چاؤہندا اے ۔ “
وڈے کاہن دا پایا ہویا جُبہ جد پئی قربانیاں چڑھاؤندیاں ہویا ں وی اسمانی دھاگے دا اُنیا ہویاسی ۔ عمامے اُتے سونے دی اک انگشتری لمکدی سی جیہڑی وڈا کاہن اپنے سر اُتے پاؤنداسی ، تے فیتہ جیہڑا عمامہ دی انگشتری نوں بنھ دا سی وی اسمانی سی۔تے سونے دی ایس انگشتری اُتے محاورہ ،”خُداوند لئی مقدس“چھاپیاگیاسی۔ اسیں ویکھ سکدے آں پئی اسمانی فیتہ جیہڑا وڈے کاہن دے عمامے اُتے سونے دی انگشتری نوں بنھ دا سی واضح طریقے نال یِسُوعؔ دے بپتسمے نوں  ظاہر کردا اے جیہڑا خُداوند نوں پاکیزگی دیندا اے ۔
ایس طریقے نال ، اسمانی فیتے دے راہیں جیہڑا عمامے لئی سونے دی انگشتری نوں نبھ دا سی ،خُدا ساڈے نال ساڈی کھری مکتی بارے بولدا اے ۔ دوجے اکھراں وچ ، سِرےداپتھر جیہڑا سانوں پاکیزگی دیندااے اسمانی اے ،تے ایہہ یِسُوعؔ دا بپتسمہ اے ۔ بھاویں اسمانی رنگ کئی واری سانوں نیلا اسمان یاد کراؤندا اے ، اسمانی رنگ صرف خُدا بارے نئیں دسدا اے ۔اسمانی ، ارغوانی ،تےلال دھاگے تے ودھیا وٹےہوئے کتان توں ، اسمانی دھاگے دا خاص مطلب یِسُوعؔ مسیح دا بپتسمہ اے ۔ دوجےطریقےنال ، اسمانی دھاگہ سانوں دسدا اے پئی یِسُوعؔ مسیح نے بپتسمہ یافتہ ہون دے راہیں ایس دنیا دے سارے پاپیاں دے پاپ لَے لئے(متی  ۳ : ۱۵)۔جے یِسُوعؔ نے بپتسمہ لین دے راہیں ہر کسے دے پاپاں نوں نئیں چُکیا سی ، اسیں ایماندار ”خُداوند لئی مقدس “ ہون دے لائق نئیں ہوواں گے ۔ جےایہہ بپتسمہ لئی نئیں سی جیہڑا یِسُوعؔ نے لیا سی ، اسیں کدی وی خُدا دے اگے پاکیزگی دے کپڑے نئیں پا سکدے ساں ۔
کیہ تُسیں خیمۂ اِجتماع دے صحن دے پھاٹک نوں اسمانی دھاگے نال موسیٰ نوں وکھائے گئے نمونے دے مطابق اُنن لئی خُدا دے حکم دے روحانی مطلب نوں  جان دے او ؟ صحن دا پھاٹک خیمۂ اِجتماع ول اگوائی کردے ہویاں جتھے خُدا رہندا سی یِسُوعؔ مسیح بارے دسدا اے ۔ کوئی اسمانی بادشاہی وچ جانئیں سکدا ،پر یِسُوعؔ مسیح دے راہیں ۔ صحن دا پھاٹک ، جیہڑا یِسُوعؔ بارے دسدااے اسمانی ، ارغوانی ،تےلال دھاگے تے ودھیا وٹےہوئے مہین کتان نال اُنیا ہویا سی ، واضح طریقے نال ایس لئی پئی خُدا سچ نوں ظاہر کرنا چاؤہنداسی جیہڑا سانوں ساڈی مکتی تیک اگوائی کردا اے ۔ ارغوانی دھاگہ پاک رُوح بارے دسدا اے ،سانوں دسدیاں ہویاں، ”یِسُوعؔ بادشاہواں دا بادشاہ اے ۔“ لال دھاگہ لہو بارے دسدا اے جیہڑا یِسُوعؔ نے سولی اُتے وگایا سی ۔ اسمانی دھاگہ جویں ہُنے دسیا گیا بپتسمے بارے دسدا اے جیہڑا یِسُوعؔ نے یوحنا بپتسمہ دین والے کولوں لیا سی ۔
ایس لئی اسمانی ، ارغوانی تے لال دھاگے سانوں یِسُوعؔ مسیح دے بپتسمے ، خُدا دا بدن لَے کے آؤنا ، تے اوہدی صلیبی  موت بارے دسدے نیں ۔ ایہناں تِناں دھاگیاں وچ وکھائے گئے یِسُوعؔ دے کم سانوں ایمان دیندے نیں جیہڑے سانوں پاکیزگی وچ یہوواہ دے اگے جان دے لائق کردا اے ۔ یعنی یِسُوعؔ ، آپ ای خُدا ، ایس زمین اُتے اک بندے دے بدن وچ آیا ، بپتسمہ لین دے راہیں اپنے آپ دے پِنڈے اُتے پاپیاں دے پاپاں نوں چُک لیا ،تےفدیہ وانگر اپنا لہو وگاؤن دے راہیں سارے پاپاں دی سزا تے لعنتاں نوں  چُک لیا — ایہہ اسمانی ، ارغوانی تے لال دھاگےدا کھرا رُوحانی بھیت اے ۔
خورے تُسیں ایس طرح حالے تیک اسمانی دھاگے دے بارے صرف خُدا یا اوہدے کلام نوں ظاہر کرن دے طریقے نال سوچ چُکے سو۔ پر ہُن تہانوں لازمی واضح طریقے نال جاننا چاہی دا اے پئی اسمانی دھاگہ اصل وچ یِسُوعؔ مسیح دے بپتسمے بارے دسدا اے ۔ بپتسمہ جیہدے راہیں یِسُوعؔ نے ساڈے سارے پاپاں نوں قبول کیتا جیہڑے اوہدے اُتے  لدے گئے سن ، بوہت خاص اے تے اوہدے کماں وچوں کڈھیا نئیں جا سکدا ؛ جویں پئی ، پُرانے عہد نامے دے خیمۂ اِجتماع توں، خُدا سانوں ایہدے خاص ہون بارے دسدا پیا اے ۔
 
 

بپتسمہ وسیلہ سی جیہدے راہیں یِسُوعؔ نے ساڈیاں پاپاں نوں چُک لیا سی

 بپتسمہ وسیلہ سی جیہدے راہیں یِسُوعؔ نے ساڈیاں پاپاں نوں چُک لیا سی
خیمۂ اِجتماع دی واڑ دے ستون کِکر دی لکڑ نال بنائے گئے سن ۔ ایہناں ستوناں دی نیہہ  اُتے  پِتل.
دے خانے رکھے گئے سن تے چاندی دے پَتر اوہناں دیاں سِریاں اُتے چڑھائے گئے سن ۔ ایہہ سانوں پہلوں دسدا اے پئی پاپیاں نوں لازمی اوہناں دیاں  پاپاں دی سزا ملنی چاہی دی اے ۔ صرف اوہ جیہڑے اک واری اپنے پاپاں دی سزا پا چُکے نیں مکتی یافتہ ہو سکدے نیں ۔ اوہ جیہڑے حالے تیک سزا نئیں پا چُکے تے ایس لئی مکتی یافتہ نئیں ہیگے بچ نئیں سکدے سگوں اپنے پاپاں لئی ہمیش دی سزا نوں جرن واسطے لعنتی ہون گے جد اوہ خُدا دے اگے جاندے نیں ۔ 
جویں ایہہ لکھیا ہویا اے ، ”کیوں جوگُناہ دی مزدُوری موت اے “(رومیوں  ۶ : ۲۳)پاپی بالکل لازمی طور اُتے  اپنیاں پاپاں لئی خُدا دی ڈراؤنی سزادے ہیٹھ آؤن گے ۔ ایس لئی پاپیاں نوں لازمی اپنیاں پاپاں لئی اک واری خُدا دے ہتھوں سزا پاؤنی چاہی دی اے تے فیر اوہدے فضل دے کپڑے پاکے دوبارہ زندہ رہنا چاہی دا اے ۔ ایہہ نویں سریوں جمنا اے ۔اسمانی دھاگے دا ایمان ، پئی یِسُوعؔ مسیح نے بپتسمہ لے کے ساڈیاں ساریاں  پاپاں نوں اپنے آپ اُتے چُک لیا تے لال دھاگے دا ایمان ، یعنی یِسُوعؔ  سولی اُتے دُکھ جرکے ساریاں پاپیاں نوں چھڈا چُکیا اے — ایس ایمان توں علاوہ کوئی دوجا نئیں ہیگا جیہڑا ساڈیاں پاپاں لئی سانوں اکو ای واری ماردا اے تے نویں سریوں پیدا کردا اے ۔ تہانوں لازمی احساس کرنا چاہی دا اے پئی اوہناں نوں صرف ہمیش دی تباہی اُڈیکدی اے جیہڑے اپنی بے ایمانی دے سبب ایمان وچ عدالت دے راہیں لنگھ نئیں سکدے ۔  
یِسُوعؔ دا بپتسمہ وسیلہ سی جیہدے سبب مسیح نے سانوں ساڈیاں پاپاں توں بچاؤن لئی ساڈیاں ساریاں پاپاں نوں چُک لیا ۔ یِسُوعؔ نے اپنے آپ اُتےساڈیاں ساریاں پاپاں نوں چُکن دے سلسلے وچ یوحنا بپتسمہ دین والے کولوں بپتسمہ لیا سی ۔ یِسُوعؔ آپ ای خُدا اے تے فیر سانوں بچاؤن لئی ، اوہ اِک بندے دے بدن وچ ایس زمین اُتے آیا ، یوحنا بپتسمہ دین والے کولوں ، لوکاں دے نمائندے کولوں ، بپتسمہ لین دے سبب اپنے آپ اُتے پاپیاں دیاں ساریاں پاپاں نوں چُک لیا تے سولی اُتے اپنے آپ نوں دین تے پانی تے لہو وگاؤن دے راہیں پاپیاں دی خاطر فدیےدےطور سزا جری ۔ خیمۂ اِجتماع دے برانڈے دا پھاٹک سانوں کماں دے بارے واضح تفصیل نال دسدا پیا اے جیہڑے یِسُوعؔ نے ساڈے مکتی داتاوانگر پورے کیتے ۔ خیمۂ اِجتماع دےبرانڈے دے پھاٹک دے راہیں ، خُداسانوں صاف طریقے نال دسدا پیا اے پئی یِسُوعؔ پاپیاں دا مکتی داتا بن گیا اے ۔
مہین وٹیا ہویاکتان پُرانے تے نویں عہد نامیاں دے کلام بارے دسدا اے ،جیہڑا پئی بوہتا تفصیل نال دسیا گیا اے ، تے اک دوجے نال رَلدا مِلدا اے ۔کنی پیچیدگی نال ایہہ مہین وٹیا ہویا کتان بناؤن لئی ہر اِک لڑ اُنیا گیا ہوئے گا ؟ ایس مہین وٹے ہوئے کتان  دے راہیں خُدا سانوں تفصیل نال دسداپیا اے پئی اوہ سانوں کویں بچا چُکیا اے ۔
جد اسیں قالیناں نوں ویکھدے آں ، اسیں ویکھدے آں پئی اوہ وکھ وکھ دھاگیاں نوں اُنن دے سبب اُنے ہوئے نیں ۔ایسے طرح خُدا نے اسرائیلیاں نوں مہین وٹے ہوئے کتان  اُتے ،اسمانی ، ارغوانی تے لال دھاگے نوں اُنن دے راہیں خیمۂ اِجتماع دے برانڈے دے پھاٹک نوں بناؤن لئی آکھیا ۔ ایہہ سانوں دسدا اے پئی یِسُوعؔ جیہڑا ساڈے کول پانی (بپتسمہ )،لہو(سولی )تے پاک رُوح (یِسُوعؔ خُدا اے)دے راہیں آیا ، جیہڑے خُدا دے پیچیدہ کلام وچ لُکے ہوئے نیں ،ساڈی مکتی دے اصل پھاٹک نیں ۔ یِسُوعؔ مسیح اُتے پکا ایمان رکھن دے راہیں جیہڑا خُدا دے پیچیدہ کلام وچ ظاہر کیتا گیا اے تے اوہدی محبت دے کپڑے پاؤن دے راہیں ،ہُن اسیں کامل طریقے نال  ایمان رکھ کے مکتی یافتہ ہوگئے آں ۔
یِسُوعؔ مسیح نے سانوں اتفاقیہ نئیں بچایا ۔ اسیں ایہہ ویکھ سکدے آں جد اسیں خیمۂ اِجتماع ول دھیان کردے آں ۔ یِسُوعؔ پاپیاں نوں خاص کر کے بچا چُکیا اے ۔ اسیں احساس کر سکدے آں کنے ودھیا طریقے نال  اوہ سانوں بچا چُکیا اے جد اسیں صرف واڑ دے ستوناں ول  دھیان کردے آں ۔ کیوں ، سارے عدداں وچوں ،واڑ دے ستوناں دا عدد  ۶۰ اے ؟ ایس لئی پئی ۶ دا عدد بندے بارے دسدااے ، جد پئی    ۳  دا عددخُدا بارے دسدا اے ۔ مُکاشفہ   ۱۳ وچ ، ۶۶۶ دا نشان ظاہر ہوندا اے ، تے خُدا سانوں دسدا اے پئی ایہہ عدد پشُو دا عدد اے تے  پئی سیانا ایس عدد دے بھیت نوں جان دا اے ۔ ایس لئی عدد ۶۶۶ دا مطلب ہیگا اے پئی بندہ خُدا وانگر عمل کردا اے ۔ لوکاں دی تمنا کیہ اے ؟ کیہ ایہہ اک کامل اسمانی لوکاں وانگر بننا نئیں ہیگا ؟ جے اسیں سچ مُچ اسمانی لوکاں وانگر بننا چاہندے آں ، فیر سانوں لازمی یِسُوعؔ اُتے ایمان رکھن دے راہیں تے خُدا دے پُتر بن کے نویں سریوں جمنا چاہی دا اے ۔  ۶۰ ستون ایس حصے بارےواضح طوراُتے دسدے نیں ۔
پر ، ایمان رکھن دی بجائے ، لوک گھمنڈ کردے نیں ، اپنے آپ دیاں کوششاں دےراہیں خُدائی کماں وچ حصہ لین والے ہون لئی پاپی عمل دی کوشش کردے پئے نیں ۔ ایہدے علاوہ کوئی دوجا سبب نئیں ہیگا کیوں لوک سارے کلا م نوں بندے دی تمنا تے اپنے بندے دے بنائے ہوئے غلط ایمان دے خیالاں دے مطابق دوبارہ تشریح کردے نیں ۔ ایس لئی پئی اوہ ایمان نئیں رکھدے سگوں صرف تمنا جیہڑی خُدا دے خلاف کھلوندی اے ۔ بدن دی ایس تمنا دے سبب جیہڑی اوہناں دی ذات دے راہیں کامل ہون دی تے اپنے بدن دی کاملیت تیک پوہنچن لئی کوشش کردی اے ، اوہ خُدا دےکلام توں بوہت چوکھے دُور ہوندیاں ہویاں مک جاندے نیں ۔
 
 
خیمۂ اِجتماع دیاں ساریاں شیواں وچ  ظاہر کِیتا گیا مکتی دا کلام
 
ایس لئی پئی نے پاپیاں نوں بچاؤنا تے اوہناں نوں ہیکل وچ کھچنا اے ، خیمۂ اِجتماع دیاں ساریاں شیواں تے سامان  خاص سن ۔ سوختنی قربانی دی قربانگاہ  خاص سی ، حوض خاص سی تے ستون ، پِتل دے خانے ، چاندی دے پَتر، کنڈے تے چاندی دیاں  پٹّیاں وی ساریاں خاص سن ۔ ایہہ ساریاں شیواں سامان نیں جیہڑا ہیکل دے باہرہیگا اے ، تے اوہناں دیاں شیواں ساریاں اِک پاپی نوں اِک راستباز بناؤن لئی خاص سن ۔   
ایہہ ساریاں شیواں پاپیاں نوں خُدا دی بادشاہی وچ جان تے زندہ رہن دے لائق کرن لئی  خاص سن ، پر اوہناں وچکار بوہت خاص اسمانی دھاگہ (یِسُوعؔ دا بپتسمہ )سی۔ اسمانی ،ارغوانی تے لال رنگ دے دھاگے خیمۂ اِجتماع دے برانڈے دا پھاٹک بناؤن لئی  ورتے گئے سن ۔ ایہہ دھاگےیِسُوعؔ دیاں تِناں کماں بارے دسدے نیں جیہڑے ساڈی لوڑ نیں جد اسیں خُدا اُتے ایمان رکھدے آں ۔ پہلاں ،یِسُوعؔ ایس زمین اُتے آیا تے اپنے بپتسمے نال اپنے آپ اُتے ساڈیاں ساریاں پاپاں نوں چُک لیا؛ دوجا ، یِسُوعؔ خُدا اے (روح)؛تے تیجا ، یِسُوعؔ ساریاں پاپاں دی سزا جرن لئی سولی اُتے مر گیا جیہڑے اوہنے یردن دے دریا اُتے یوحنا دے راہیں اپنے آپ اُتے قبول کیتے سن ۔ ایہہ کھرے ایمان دی ٹھیک ترتیب اے جیہڑی پاپیاں لئی مکتی یافتہ ہون تے راستباز بنن لئی ضروری اے ۔
جد اسیں پاک کتاب پڑھدے آں ، اسیں احساس کر سکدے آں ساڈا خُداوند صرف کناں پیچیدہ اے ۔ اسیں صاف طریقے نال لبھ سکدے آں پئی اوہ جیہڑا سانوں اینے واضح طریقے نال بچا چُکیا اے ، مہین وٹے ہوئے کتان وانگر ، آپ ای خُدا توں علاوہ کوئی دوجا نئیں ہیگا ۔ ایس توں علاوہ  ، خُدا نے مہین کتان   اُتے اسرائیلیاں نوں اسمانی ، ارغوانی ، تے لال دھاگے  نوں اُنن دے راہیں خیمۂ اِجتماع دے برانڈے دا پھاٹک بناؤن لئی آکھیا جیہڑا  پئی  ۹ میٹرچَوڑاسی ۔ ایسے طرح ، خُدا نے  پک کیتاپئی کوئی وی خیمۂ اِجتماع وَل ویکھدیاں  ہویاں، بھاویں  بوہت دُوروں ، خیمۂ اِجتماع دے برانڈے دے پھاٹک دی بوہت سوکھے طریقے نال  پچھان کر سکدا سی ۔
خیمۂ اِجتماع دے برانڈے دیاں ستوناں دے اُتے مہین چٹے کتان دے لمکدے ہوئے پَردے  خُدا دی پاکیزگی نوں ظاہر کردے نیں ۔ ایسے طرح ، اسیں احساس کر  سکدے آں پئی پاپی خیمۂ اِجتماع تیک پوہنچن دی  ہمت  نئیں کرسکدے ، تے پئی اوہ صرف ایہدے برانڈے وچ جا سکدے نیں جد اوہ یِسُوعؔ دیاں اسمانی ، ارغوانی ، تے لال دھاگے  نال اُنیاں گئیاں  خیمۂ اِجتماع دے برانڈے دے  پھاٹک وچ ظاہر کیتیاں گئیاں خدمتاں اُتے  ایمان رکھن دے راہیں مکتی یافتہ  ہوندے نیں ۔ ایس طریقے نال ، خُدا پاپیاں نوں جانن دے لائق کرچُکیا اے پئی یِسُوعؔ مسیح  اوہناں دیاں ساریاں پاپاں نوں مکا چُکیا اے تے اوہناں نوں پانی ، لہو تے پاک رُوح  دے سبب بچا چُکیا اے ۔
صرف ایہو ای نئیں ، سگوں ساریاں شیواں دا سامان  جیہڑا خیمۂ اِجتماع نوں بناؤندا اے ، ایہدے برانڈے دے پھاٹک نوں  نال رَلاؤندیاں ہویاں ، خُدا دے خاص پیچیدہ کلام نوں وی پاپیاں نوں راستباز بناؤن لئی سانوں وکھاؤندا اے ۔ ایس لئی پئی خُدا نے اسرائیلیاں  نوں ہر کسے دے لبھن لئی خیمۂ اِجتماع دے برانڈے دا پھاٹک بوہت وڈا بناؤن لئی آکھیا، تے ایس لئی پئی  ایہہ پھاٹک مہین کتان اُتے اسمانی ، ارغوانی ، تے لال دھاگے نوں پیچیدہ طریقے نال اُنن دے راہیں  بنایا گیا سی ، خُدا نے ساریاں نوں خاص کلام نوں صاف طریقے نال سمجھن دے لائق کیتا  جیہڑا پاپیاں نوں راستباز بنا سکدا اے ۔ 
خیمۂ اِجتماع دے برانڈے دا پھاٹک سانوں دسدا اے پئی  خُدا سانوں ، پاپ توں اسمانی دھاگے (یِسُوعؔ دے بپتسمے )،لال دھاگے (صلیبی لہو )تے ارغوانی دھاگے (یِسُوعؔ خُدااے)دے راہیں کامل طریقے نال بچا چُکیا اے ، جیہڑے کِکر دی لکڑ وانگر سخت سن ۔ خُدا مقرر کر چُکیا اے صرف اوہ جیہڑے اوس اُتے سچے دلوں ایمان رکھدے نیں ہیکل وچ ، خُدا دے گھر وچ جا سکدے نیں ۔ 
  
 
یِسُوعؔ مسیح سانوں ایس اشارے دے راہیں فرماؤندا پیا اے
 
خُدا سانوں دسدا اے پئی سانوں سب توں پہلوں لازمی ساڈیاں ساریاں پاپاں توں یِسُوعؔ دے بپتسمے دے راہیں دھویا جانا چاہی دا اے تاں پئی سونے ورگی ، ودھیا  طریقے نال چمکدی ہوئی ایمان دی زندگی بسر کرئیے۔ ایس لئی پئی خُدا نے خود آپ موسیٰ نوں خیمۂ اِجتماع دا نمونہ وکھایا ، فیر موسیٰ دی راہیں ایہنوں بنوایا،تے ایس خیمۂ اِجتماع دے طریقے دے راہیں اسرائیل دے لوکاں نوں پاپ توں معافی پاؤن دے لائق بنایا ۔ آؤ اِک واری فیر ایمان وَل دھیان کرئیے جیہڑا سانوں خیمۂ اِجتماع دے برانڈے تے ہیکل وچ لَے گیا ۔ خیمۂ اِجتماع دے صحن دے راہیں ، خُدا ساڈے نال سچیائی اُتے ساڈے ایمان دے بارے وچ بولنا جاری رکھدا اے پئی یِسُوعؔ سانوں پانی ، لہو تے پاک رُوح دے راہیں بچا چُکیا اے ۔ برانڈے دے پھاٹک اُتے ایمان،پئی ایہہ اسمانی ،ارغوانی تے لال دھاگے نال اُنیا ہویا سی ، قربانی دے    لیلےاُتے وڈے کاہن دے ہتھاں دے رکھے جان وچ تے قربانی دے اوس    لیلے دے لہو وگاؤن وچ تے ایمان جیہدے نال وڈا کاہن اپنے ہتھ تے پَیر حوض وچ  دھوندا سی — ایہہ ساریاں شیواں جانن دی اجازت دیندیا ں نیں پئی  صرف ساڈا پانی تے رُوح دی خوشخبری اُتے ایمان کھرے سونے دا ایما  ن ا ے جیہڑا سانوں ہیکل وچ جان تے جلال وچ اوتھے رہن دے لائق کردا اے ۔
خیمۂ اِجتماع دے راہیں ، خُدا سانوں ساریاں نوں مکتی دا فضل تے اوہدی برکت پاؤن دی اجازت دے چُکیا اے ۔ خیمۂ اِجتماع دے راہیں ، اسیں برکتاں نوں پچھان سکدے آں جیہڑیاں خُدا ساڈے واسطے گھل چُکیا اے ۔ اسیں احساس کر سکدے  آں تے مکتی دے فضل اُتے ایمان رکھ سکدے آں جیہڑا سانوں خُدا دے فضل دے تخت دے اگے جان دے لائق کر چُکیا اے تے اک ای وار سارے مکتی یافتہ ہو سکدے آں۔ کیہ تُسیں ایس بارے احساس کر سکدے او ؟ خیمۂ اِجتماع دے راہیں، اسیں صرف ویکھ سکدے آں ساڈا خُداوند اینے ودھیا طریقے نال تہانوں تے مینوں بچا چُکیا اے ، کنی پیچیدگی نال اوہنے ساڈی مکتی دا ارادہ بنایا تے کنے کامل طریقے نال اوہنے ایہنوں ایس ارادے مطابق پورا کیتا تے سانوں پاپیاں نوں راستباز بنا چُکیا اے ۔
کیہ تُسیں ، کسے اتفاق دے راہیں ، ایس سارے ویلے تیک صرف   کچا جیہا یِسُوعؔ اُتے ایمان رکھ چُکے او ؟ کیہ تُسیں ایمان رکھیا پئی اسمانی رنگ دا مطلب صرف اسمان اے ؟ کیہ تُسیں صرف ارغوانی تے لال رنگاں دے ایمان توں خبردار سو، پئی یِسُوعؔ مسیح ، بادشاہواں دا بادشاہ ، ایس زمین اُتے آیا تے سولی اُتے سانوں بچایا، تے کیہ تُسیں ایہدے مطابق ایمان رکھدے او ؟ جے ایسے طرح اے ، ہُن سچے ایمان نوں لبھن دا ویلا اے ۔ مَیں آس رکھداہاں پئی  تُسیں سارے سچے دلوں یِسُوعؔ دے بپتسمے ، اسمانی رنگ دے ایمان نوں جانو گے تے ایہدے بعد احساس کروگے تے ناپی نا جان والی مکتی دے فضل اُتے ایمان رکھو گے جیہڑا خُدا تہانوں دے چُکیا اے ۔
خُدا سانوں صرف لہو تے پاک رُوح دے راہیں نئیں بچا چُکیا اے ۔ کیوں ؟ ایس لئی پئی خُدا ساڈے نال صاف صاف اسمانی ، ارغوانی تے لال رنگاں دے بارے گل کردا اے ، تے ایہناں تِناں دھاگیاں دے راہیں اوہ سانوں ٹھیک طریقے نال دسدا پیا اے کویں یِسُوعؔ سانوں بچا چُکیا اے ۔ خیمۂ اِجتماع دے راہیں ، ساڈا خُدا سانوں تفصیل نال یِسُوعؔ دے مکتی دے کم وکھا چُکیا اے ۔ موسیٰ دے راہیں خیمۂ اِجتماع نوں بناؤن لئی دسن دے بعد ، ایس خیمۂ اِجتماع دے راہیں خُدا نے وعدہ کیتا پئی اوہ سانوں ایس طریقے نال بچائے گا۔ جویں وعدہ کیتا گیا ، یِسُوعؔ مسیح اِک بندے دے بدن وچ آیا تے یردن دے دریادے پانی (اسمانی رنگ )وچ بپتسمہ لین دے راہیں اپنے آپ اُتے ساڈے پاپاں  نوں چُک لیا ۔ اوہدے بپتسمے دے راہیں ،یِسُوعؔ پاپیاں نوں ساریاں پاپاں توں سچ مُچ بچا چُکیا اے ۔ کنی پیچیدہ ، کنی بالکل ٹھیک ،تے کنی بھروسے والی  فیر ساڈی مکتی اے !
جد اسیں پاک تھاں اُتےجاندے آں ، اسیں چراغدان، نذر دیاں  روٹیاں دی میز تے بخور دی قربانگاہ ویکھ سکدے آں ۔ بوہتی پاک تھاں اُتے جان توں پہلوں ، اسیں ایس تھاں اُتے تھوڑے چر لئی جیہڑا سونے دے لشکارے نال چمکدااے ، ساڈے دل دی تسلی لئی کلام دی روٹی نال ودھدے پھُلدے ہویاں زندہ رہن لئی آؤندے آں ۔ ایہہ کنی وڈی برکت اے ؟ خُدا دی بادشاہی وچ جان توں پہلوں ، اسیں اوہناں وانگر اوہدی کلیسیا وچ زندہ رہندے آں جیہڑے پانی تے رُوح دی خوشخبری دے راہیں نویں سریوں جمن دے راہیں سارے دے سارے مکتی یافتہ ہو گئےنیں۔ خُدا دی کلیسیا جیہڑی سانوں زندگی دی روٹی دیندی اے پاک تھاں اے ۔
پاک تھاں اُتے —جیہڑی پئی ، خُدا دی کلیسیا اے—اوتھے چراغدان، نذر دیاں روٹیاں دی میز تے بخور دی قربانگاہ سی ۔ چراغدان، ایہدیاں ڈنڈیاں ، ٹہنیاں ، پیالیاں ،گہنے دیاں ناباں ، تے پھُلاں نوں کھرے سونے دے اِک قنطار نوں  کُٹن دے سبب اِکو اِک حصے وچ بنایا گیا سی ۔ چراغدان جیہڑا ایس طریقے نال کھرے سونے دے اِک قنطار نوں  کُٹن دے سبب بنایا گیا سی سانوں دسدااے پئی سانوں راستبازاں نوں لازمی خُدا دی کلیسیا نال رِل مِل کے رہنا چاہی دا اے ۔
نذر دیاں روٹیاں دی میز اُتے ،بے خمیری روٹیاں رکھیاں گئیاں سن ،خُدا دے کھرے کلام دی روٹی نوں ظاہر کردیاں ہویاں جیہڑی ایس دُنیا دی بدی تے گندیاں تعلیماں توں پاک اے اشارہ کردیاں نیں ۔ خُدا دی ہیکل —جیہڑی پئی خُدا دی کلیسیا اے—خُدا دے ایس کھرے کلام دی منادی کردی اے جیہڑا کسے خمیردے بغیر اے،تے خُدا دے اگے بدی کرن توں بغیر کھرے ایمان دے راہیں زندہ رہندی اے ۔
بوہتی پاک تھاں دے پردے دے اگے ، بخور دی قربانگاہ رکھی گئی سی ۔بخور دی قربانگاہ جگہ سی جتھے خُدا دے اگے دعاواں منگیاں جاندیاں سن ۔ ہیکل وچ سامان دے سبب ، خُدا سانوں دسدا پیا اے پئی جد اسیں اوہدے اگے جاندے آں ، سانوں لازمی رَل مِل کے ، اوہدے کھرے کلام اُتے ایمان تے دعاواں رکھنیاں چاہی دیاں نیں ۔ صرف راستباز دعا منگ سکدا اے ، ایس لئی پئی خُدا صرف راستباز دیاں دعاواں سُن دا اے (یسعیاہ ۵۹:۱۔۲، یعقوب ۵:۱۶)۔تے سارے اوہنوں نئیں مل سکدے ایس لئی پئی صرف اوہ خُدا اگے جوش خروش نال دعا منگدے نیں ۔
ایسے طرح ، پا ک تھاں سانوں دسدا اے ساڈے لئی خُدا دی کلیسیا وچ مکتی یافتہ ہونا کناں جلال بھریا اے ۔ خیمۂ اِجتماع لئی ورتیاں گئیاں خاص شیواں — اسمانی دھاگہ (یِسُوعؔ نے بپتسمہ لیا)،لال دھاگہ (اپنے بپتسمے دے سبب اپنے آپ اُتے ساڈیاں ساریاں پاپاں نوں لیندے ہویاں یِسُوعؔ سولی اُتے مرگیا تے ساڈیاں پاپاں دی سزاجری )،تے ارغوانی دھاگہ (یِسُوعؔ خُدا اے ) —ایمان دا حوالہ دیندے نیں جیہڑا اسیں رکھن توں بالکل وی ناکام نئیں ہو سکدے آں ۔ ایہہ تِن خاص جُز ساڈے ایمان دی کاملیت نیں، جد اسیں ایمان رکھدے آں پئی یِسُوعؔ خُدا دا پُتر اے تے آپ ای کماں دے سببوں خُدا اے ، یعنی اوہ سانوں بچا چُکیا اے ،فیر اسیں سونے وانگر چمکدے ہوئے پاک تھاں اُتے جا سکدے آں ، جتھے خُدا رہندا اے ۔ جے اسیں یِسُوعؔ دیاں کماں اُتے ایمان نئیں رکھدے جیہڑے ایہناں تِناں دھاگیاں وچ وکھائے گئے نیں ، فیر اسی کدی پاک تھاں اُتے جا نئیں سکدے ، کوئی معنی نئیں رکھدا اسیں کنے سچے دلوں یِسُوعؔ اُتے ایمان رکھدے آں ۔ سارے مسیحی بوہتی پاک تھاں اُتے جا نئیں سکدے ۔
 
 
اوہ جیہڑے خیمۂ اِجتماع دےبرانڈےوچ غلط ایمان نال ٹھہردے نیں
 
اج بوہتے مسیحی ہیگے نیں جیہڑے پاک تھاں اُتے جان دے لائق نئیں ہیگے ایتھوں تیک پئی جویں اوہ اپنے ایمان دا اقرار کردے نیں، دوجیاں اکھراں وچ ، بوہتے لوک ہیگے نیں جیہڑے اپنے انھے ایمان نال مکتی یافتہ ہون دی کوشش کردے نیں ۔ اوہناں دے علاوہ دوجے نئیں ہیگے جیہڑے سوچدے نیں پئی اوہ صرف یِسُوعؔ مسیح دے لہو اُتے ایمان رکھن دے سبب مکتی یافتہ ہو سکدے نیں ،تے پئی اوہ آپ خُدا تے بادشاہواں دا بادشاہ اے ، خاص کر کے ایہو جیہے لوک نیں ۔ اوہ سوکھے طریقے نال  یِسُوعؔ اُتے ایمان رکھدے  نیں ۔صرف  یِسُوعؔ دے لہو اُتے ایمان رکھنا ، اوہ سوختنی قربانی دی قربانگاہ دے اگے کھلوندے نیں تے انھے وا  دعا منگدے نیں ، ”اے خُداوند ، مَیں اَج وی حالے تیک اِک پاپی آں۔ مینوں معاف کردے ، اے خُداوند۔ سولی اُتے چڑھن تے میری تھاں اُتے مرن لئی اَے خُداوند، مَیں  تینوں اپنی ساری شکرگزاری دیندا ہاں ۔ آہو ، اَے خُداوند، مَیں تیرے نال محبت کردا ہاں ! “
سرگی ویلے اِنج کرن دے بعد اوہ اپنیاں کماں وچ واپس چلے جاندے نیں ،تے فیر شام ویلے دوبارہ سوختنی قربانی دی قربانگاہ دے کول  واپس آؤندے نیں  تے ڈٹ کے اوہو ای دعا منگدے نیں ۔ لوک جیہڑے ہرسویرے تے شامی سوختنی قربانی دی قربانگاہ دے چکر  لاؤندے نیں، تے ہر مہینے نویں  سریوں نئیں جم سکدے ، سگوں اپنے دلی خیالاں دے مطابق  ایمان رکھن دی غلطی وچ ڈِگ پیندے نیں ۔
اوہ سوختنی قربانی دی قربانگاہ اُتےقانون والی قربانی لال انگاریاں نال بالدے ہویاں رکھدے نیں تے اپنی قربانی اَگ دے راہیں دیندے نیں ۔ ایس لئی پئی گوشت اوتھے انگاریاں وچ سڑ جاندا اے ، سڑدے ہوئے گوشت دی بو کھلر جاندی اے  تے کالاتے چٹا دھوں اُٹھدا رہندا اے ۔ سوختنی قربانی دی قربانگاہ  ایہو جیہی تھاں نئیں ہیگی جتھے اسیں اپنیاں پاپاں نوں مکاؤن لئی خُدا کولوں منگدیاں ہویاں رَولا پاؤندے آں ، پر اصل وچ، ایہہ اِک تھاں اے جیہڑی سانوں دوزخ دی ڈاہڈی  اَگ یاد کراؤندی اے ۔
پر ، لوک ہر سویرےتے شامی ایس تھاں جاندے نیں تے آکھدے نیں ، ” اَے خُداوند، مَیں پاپ کیتااے ، مہربانی کر کے میرے پاپاں نوں معاف کردے ۔“ فیر اوہ واپس گھر جاندے نیں ، اپنے آپ وچ تسلی پاؤندے جویں جے اوہ اصل وچ اپنیاں پاپاں توں معاف  ہوگئے سن ۔ اوہ ایتھوں تیک پئی  اینے خوش ہو سکدے نیں جویں گاؤن لئی، ” ♫مَیں معافی پا چُکیا ہاں ،♪ تُسیں معاف کیتے گئے او ، ♫ اسیں سارے معاف کیتے گئے آں ۔ “ پر ایہو جیہا ں سوچاں صرف پھوکیاں نیں ۔ بوہت چھیتی ، اوہ فیر پاپ کردے نیں تے اپنے آپ نوں اک واری فیر سوختنی قربانی دی قربانگاہ دے اگے کھلوتے ہویاں ، اقرار کردیاں ہویاں پاؤندے نیں ، ”اَے خُداوند، مَیں پاپی آں ۔“اوہ لوک جیہڑے ہر دن سوختنی قربانی دی قربانگاہ وَل آؤندے جاندے نیں ، ایس توں ہٹ کے یِسُوعؔ اُتے ایمان رکھن دا اقرار کردے نیں ، حالے تیک پاپی نیں ۔ایہو جیہے لوک کدی وی خُدا دی پاک بادشاہی وچ جا نئیں  سکدے ۔
فیر ، کیہڑا سارے دا سارا پاپ توں معافی پا سکدا تے خُدا دی پاک تھاں اُتے جا سکدا اے ؟ ایہہ اوہ نیں جیہڑے جان دے تے اسمانی ، ارغوانی تے لال دھاگے اُتے خُدا ولوں مقرر کیتے گئے بھیت اُتے ایمان رکھدے نیں ۔ جیہڑے ایس اُتے ایمان رکھدے نیں یِسُوعؔ دی موت اُتے اپنے ایمان دے راہیں سوختنی قربانی دی قربانگاہ توں لنگھ سکدے نیں جنہیں اپنے اُتے لدے گئیاں اوہناں دیاں ساریاں  پاپاں نوں قبول کیتا ، اپنے ہتھ تے پیَر حوض اُتےدھو سکدے تے اپنے آپ نوں یادکرا سکدے نیں پئی اوہناں دے سارے پاپ اوہدے بپتسمے دے راہیں یِسُوعؔ اُتے لدے گئے سن ،تے فیر خُدا دی پاک تھاں اُتےجا سکدے نیں ۔ اوہ جیہڑے پانی تے رُوح دی خوشخبری اُتے ایمان  رکھدے نیں تے پاپ توں  معافی پا چُکے نیں اپنے ایمان دے راہیں اسمانی بادشاہی وچ جاندے نیں ، ایس لئی پئی اوہناں دا ایمان خُدا ولوں قبول کیتا جاندا اے ۔
میَں آس رکھدا ہاں پئی تُسیں سارے احساس کرو گے تے ایمان رکھو گے پئی اسمانی دھاگے دا مطلب پاک کتاب دے مطابق یِسُوعؔ دا بپتسمہ اے ۔ بوہت سارے لوک ہیگے نیں جیہڑے اَج یِسُوعؔ اُتے ایمان رکھن دا اقرار کردے نیں ،پر تھوڑے ای پانی (اسمانی دھاگے )یعنی یِسُوعؔ دے بپتسمے اُتے ایمان رکھن لئی آؤندے نیں ۔ ایہہ بوہت دکھ والی گل اے ۔ ایہہ بوہت دکھی کرن والی گل اے پئی بوہتے لوک اپنے مسیحی عقیدے نال بپتسمے دے بوہت خاص ایمان نوں چھڈ دیندے نیں ،ایتھوں تیک پئی جد یِسُوعؔ صرف ایس زمین اُتے خُدا وانگر نئیں آیا تے صرف سولی اُتے مَرگیا ۔ مَیں آس رکھدا  تے دعا منگداہاں پئی بھاویں ہُن ، تُسیں سارے جانوگے تے اسمانی ، ارغوانی ، تے لال دھاگے دے عقیدے اُتے ایمان رکھو گے ، تے ایہدے بعد اوہ لوک بن جاؤ گے جیہڑے خُدا دی بادشاہی وچ جاندے نیں ۔
 
 
سانوں لازمی خیمۂ اِجتماع دے آسمانی، ارغوانی تےلال  دھاگیاں وچ وکھائے  گئےخُداوند اُتے ایمان رکھنا چاہی دا اے، ایہہ خاص شے اے  جنہےسانوں بچا یااے
 
ساڈا خُداوند تہانوں تے مینوں بچا چُکیا اے ۔ جد اسیں خیمۂ اِجتماع اُتے دھیان کردے آں ، سانوں پتہ لگدا اے ، پئی خُداوند کنے ودھیاطریقے نال سانوں بچا چُکیا اے ۔ اسیں ایہدے لئی اوہدا بوہت چوکھا شکر ادانئیں کرسکدے ۔ اسیں کنےشکر گزار  ہیگے آں پئی خُداوند سانوں اسمانی ، ارغوانی ، تے لال دھاگیاں دے سببوں بچا چُکیا اے، تے پئی اوہ سانوں ایمان وی دے چُکیا اے جیہڑا ایہناں اسمانی ، ارغوانی ، تے لال دھاگیاں اُتےایمان رکھدا اے !
 پاپی کدی وی خُدا دے فضل دے کپڑے پاؤن توں بغیر تے اوہناں دیاں پاپاں دی اوہدی ڈاہڈی سزا نوں جریوں  بغیر پاک تھاں اُتےجا نئیں سکدے ۔ کویں کوئی جنہے اپنے پاپاں لئی  سزانئیں جری کدی خیمۂ اِجتماع دا پھاٹک کھول سکدا اے تے پاک تھاں اُتے جاسکدا اے ؟ اوہ نئیں کرسکدے ! جد ایہو جیہے  لوک  پاک تھاں اُتے  جاندے نیں، اوہ روشنی دے لشکارے نال انھے ہون لئی لعنتی ہو جان گے ۔ ”واہ ، ایتھے بوہت چوکھی روشنی اے ! اوہ ہو، کویں میَں کوئی شے ویکھ نئیں سکدا ؟ جد مَیں باہر ساں ، مَیں سوچیا مَیں پاک تھاں اُتے ہر شے ویکھ سکدا ساں جے مَیں صرف ایس تھاں اُتے چلا جاندا ۔ کیوں مَیں بالکل کوئی شے نئیں ویکھ سکدا تے کیوں ایتھے بوہت چوکھا ہنیرا اے ؟ مَیں چنگی طرح ویکھ سکدا ساں جد مَیں پاک تھاں توں باہر ساں۔ ۔ ۔مینوں دسیاگیا سی پئی پاک تھاں چمکیلا اے ؛ کویں ہویا ایہہ ایتھے  ہنیرااے ؟ “اوہ ویکھ نئیں سکدے ایس لئی پئی اوہ روحانی طریقے نال انھے ہو گئے نیں ، ایس لئی پئی اوہ اسمانی ، ارغوانی ، تے لال دھاگےدا ایمان نئیں رکھدے۔ ایسے طرح ، پاپی کدی وی پاک   تھاں اُتے جا نئیں سکدے ۔
ساڈا خُداوند سانوں پاک تھاں اُتے انھے نہ ہون دی ، سگوں ہمیش لئی پاک تھاں اُتے زندہ رہن دی برکت پاؤن دے لائق کر چُکیا اے ۔اسمانی ، ارغوانی ، دھاگےتے مہین وٹے ہوئے کتان دے کپڑے جیہڑےخیمۂ اِجتماع دے ہر چوتھے حصے وچ ہیگا سن،دے راہیں ، خُدا سانوں ساڈی مکتی دا بالکل ٹھیک  طریقہ دس چُکیا اے ،تے نبوت دے ایس کلام دے مطابق ، اوہ سانوں بِنا شک ساڈیاں ساریاں پاپاں توں چھڈا چُکیا اے ۔
ساڈا خُداوند سانوں پانی ،لہو تے پاک رُوح (۱۔یوحنا ۵:۴۔۸)دے راہیں بچا چُکیا اے ، تاں پئی اسیں انھے نہ ہو جائیے سگوں اوہدے ہمیش تیک چمکدے ہوئے فضل وچ زندہ رہیے۔ اوہ سانوں اسمانی ، ارغوانی ، تے لال دھاگےتےمہین وٹے ہوئے کتان دے راہیں بچا چُکیا اے ۔ ساڈے خُداوند نے خُدادے پیچیدہ کلام نال ساڈے نال وعدہ کیتا ،تے اوہ سانوں دس چُکیا اے پئی اوہ ایہہ وعدہ پورا کرکےسانوں بچا چُکیا اے ۔
کیہ تُسیں ایمان رکھدے او پئی تُسیں تے مَیں اسمانی ، ارغوانی ، تے لال دھاگےتے مہین وٹے ہوئے کتان وچ وکھائے گئے یِسُوعؔ دے خاص کماں دے راہیں بچائے گئے آں ؟ آہو! کیہ اسیں صرف  اتفاقیہ بچائے گئے آں ؟ نئیں ! اسیں اسمانی ، ارغوانی ، تے لال دھاگےاُتے ایمان رکھن دے بغیر مکتی یافتہ نئیں ہو سکدے آں ۔
اسمانی دھاگہ خُدا بارے نئیں دسدا اے ۔ ایہہ یِسُوعؔ دے بپتسمے بارے دسدا اے جِہدے نال اوہنے یردن دے دریا اُتے دُنیا دے ہر پاپی دیاں ساریاں پاپاں نوں چُک لیا ۔
اتفاقیہ ، اسمانی دھاگے ، یِسُوعؔ دے بپتسمےاُتے ایمان رکھیوں بغیر سوختنی قربانی دی قربانگاہ دے اگے کھلونا سوکھا اے ۔ لوک خورے ایتھوں تیک پئی سوختنی قربانی دی قربانگاہ توں اگانہہ حوض تیک پوہنچ سکدے نیں ، پر اوہ پاک تھاں اُتے جا نئیں سکدے جتھے خُدا رہندا اے ۔اوہ جیہڑے خیمۂ اِجتماع دا پھاٹک کھول سکدے نیں تے پاک تھاں اُتے  جا سکدے نیں  صرف خُدا دے اصل پُتر نیں جیہڑے پانی تے رُوح دی خوشخبری اُتے کامل طریقے نال ایمان رکھن دے راہیں  پاپ توں معافی پا چُکے نیں ۔ پر پاپی ، کوئی معنی نئیں رکھدا، اوہ کون نیں ، کدی پاک تھاں اُتے جا نئیں سکدے ۔ فیر ،سانوں ساڈی مکتی تیک اَپڑن لئی کتھوں تیک جانا پوے گا ؟ اسیں مکتی یافتہ نئیں ہیگے جد اسیں صرف  خیمۂ اِجتماع دے برانڈے وچ  جاندے آں ، سگوں جد اسیں پاک تھاں اُتے جاندے آں جتھے خُدا اے ۔
 
 
خیمۂ اِجتماع دے اندر ایمان تےخیمۂ اِجتماع دے باہر ایمان وچکار فرق
 
خیمۂ اِجتماع دے باہر والے برانڈےوچ سوختنی قربانی دی قربانگا ہ تے حوض سارے  پِتل  نال بنے سن تے واڑ لکڑ، چاندی تے پِتل نال بنی ہوئی سی ۔ پر جد اسیں  خیمۂ اِجتماع وچ جاندے آں ، شیواں ساریاں دیاں ساریاں وکھ نیں ۔ خیمۂ اِجتماع دی اک خاص چنگیائی ایہہ ہیگی اے پئی ایہہ اِک ”سونے دا گھر“ اے ۔ تِناں پاسیاں دیاں کندھاں کِکر دی لکڑ دے ۴۸ تختیاں نال بنائیاں گئیاں سن ، ساریاں اُتے سونا چڑھیا سی ۔نذر دیاں روٹیاں دی میز تے بخور دی قربانگاہ وی کِکر نال بنائی گئی سی تے سونا چڑھایا گیا سی ، تے چراغدان سونے دے اِک قنطار نوں کُٹ کے بنایا گیا سی ۔ ایسے طرح ، پاک تھاں دے اندرسارا سامان کھرے سونے نال  بنایا گیا یا سونا چڑھایا گیا سی ۔
دوجے پاسے ، تختیاں دے ہیٹھاں خانے کیہڑی شے نال بنے سن ؟ اوہ جاندی نال بنے سن ۔ جد پئی   خیمۂ اِجتماع دے برانڈے دی واڑ دیاں ستوناں لئی خانے پِتل نال بنائے گئے سن ، خیمۂ اِجتماع دے تختیاں لئی خانے چاندی نال بنائے گئے سن ۔تے جد پئی صحن دی واڑدے ستون لکڑ نال بنائے گئے سن ، خیمۂ اِجتماع دے تختے  سونا چڑھی ہوئی کِکر دی لکڑ نال بنائے گئے سن ۔ پر خیمۂ اِجتماع دے  پھاٹک دے پنج ستوناں لئی  خانے پِتل نال  بنائے گئے سن ۔
بھاویں خیمۂ اِجتماع دیاں تختیاں لئی  خانے چاندی نال بنائے گئے سن ، خیمۂ اِجتماع دے پھاٹک دے ستوناں لئی خانے پِتل وچ ڈھالے گئے سن ۔ ایہدا کیہ  مطلب اے ؟ ایہدا مطلب اے پئی جیہڑا وی خُدا دےاگے آؤندا اےاوہنوں لازمی اپنیاں پاپاں دی سزا ملنی چاہی دی اے ۔فیر ، کویں اسیں خُدا دے اگے جا سکدے آں  جد اسیں سزا پاؤندےتے موت دے حوالےکیتےجاندے آں ؟جے اسیں آپ ای مردے آں ، اسیں خُدا دے اگے جان دے لائق  نئیں ہوواں گے ۔
خیمۂ اِجتماع دے پھاٹک دیاں پنج ستوناں دیاں خانیاں لئی  ورتے گئے پِتل دے راہیں ، ایس لئی خُدا سانوں دسدا پیا اے پئی بھاویں سانوں  ساڈیاں پاپاں دی سزا ملنی چاہی دی سی ، یِسُوعؔ نے اپنے بپتسمے دےرا ہیں  اپنے آپ اُتے ساڈیاں ساریاں پاپاں نوں چُک لیا تے ساڈے بدلے ایہناں پاپاں دی سزا جری ۔ اسیں اوہ ساں جنہاں نیں اپنیاں  پاپاں لئی  لعنتی ہونا سی ۔ پر کسے دوجے نے ساڈے بدلے ساڈیاں ساریاں پاپاں دی ایس لعنت نوں چُک لیا ۔ ساڈی تھاں اُتے ، کوئی دوجا ساڈے لئی مر گیا ۔ اوہ جیہڑا فدیے وانگر لعنتی بنیا تے ساڈے بدلے مَریا یِسُوعؔ مسیح دے علاوہ کوئی دوجا نئیں ہیگا ۔
ایمان جیہڑا اسمانی دھاگے دے راہیں وکھایا گیا اے اوہ ایما ن اے جیہڑایقین رکھدا اے پئی یِسُوعؔ مسیح نے اپنے بپتسمے دے راہیں اوس  اُتے لدے گئے ساڈیاں ساریاں پاپاں نوں قبول کیتا تے اِنج سانوں ساریاں پاپاں توں معاف کر چُکیا اے ۔ جویں خُدا نے اوہدے بپتسمے دے راہیں اوس اُتے لدے گئے ساڈیاں ساریاں پاپاں دی لعنت تے ملامت لئی یِسُوعؔ مسیح دی زندگی نوں لیا تے ایس طرح ساڈیاں ساریاں پاپاں نوں حل کر چُکیا اے ، اسیں اپنیاں پاپاں دی کسے سزا نوں ہور نئیں جردے پئے ۔ لال دھاگے دے راہیں وکھایا گیا ایمان لہو اُتے ایمان اے جیہڑا یِسُوعؔ نے سولی اُتے وگایا ۔ ایہہ ایمان یقین رکھدا اے پئی یِسُوعؔ مسیح نے فدیہ دے کے ساڈیاں پاپاں دی سزا نوں جر لیا جِنہوں اسیں آپ ای جرنا سی ۔
صرف اوہ جِنہاں نیں اوہدے بپتسمے اُتے ایمان رکھن دے راہیں یِسُوعؔ اُتے اوہناں دیاں ساریاں پاپاں  نوں لدیا تے لہو اُتے ایمان رکھن دے راہیں اوہناں دیاں ساریاں پاپاں دی سزا پا چُکے نیں جیہڑا یِسُوعؔ نے ایہناں ساریاں پاپاں دے سببوں اپنے بدن دی موت نال سولی اُتے وگایا ، پاک تھاں اُتے جا سکدے نیں ۔ ایس لئی خیمۂ اِجتماع دے پھاٹک دے خانے پِتل نال بنائے گئے سن ۔ ایسے طرح ، سانوں لازمی مسیح دے لہو اُتے ایمان رکھنا چاہی دا اے جنہے اپنے بپتسمے دےراہیں اپنے آپ اُتے ساڈے سارے پاپ چُک لَئے تے ساڈے بدلے سزا جری ۔
خُدا مقررکرچُکیا اے پئی صرف اوہ جیہڑے ایس سچیائی اُتے ایمان رکھدے نیں پئی یِسُوعؔ مسیح جیہڑا اوہناں نوں بچا چُکیا اے آپ ای خُدا اے (ارغوانی دھاگہ)، یِسُوعؔ دے بپتسمے نال (اسمانی دھاگہ)تے سچیائی  پئی یِسُوعؔ اوہناں دی بدلے اوہناں دیاں پاپاں لئی فدیہ دین لئی لعنتی بنیا (لال دھاگہ) پاک تھاں اُتےجان دے لائق ہون گے ۔ خُدا صرف اوہناں نوں اجازت دے چُکیا اے جیہڑے یِسُوعؔ اُتے ایمان رکھن دے راہیں اپنیاں ساریاں پاپاں لئی اِک واری سزا پا چُکے نیں ، تے جیہڑے ایمان رکھدے نیں پئی یِسُوعؔ  اوہناں دیاں ساریاں پاپاں توں اوہناں نوں ، پاک تھاں اُتے جان لئی بچا چُکیا اے ۔
خیمۂ اِجتماع دے پھاٹک دیاں ستوناں دے خانے پِتل وچ ڈھالے گئے سن ۔ پِتل دے خانے روحانی مطلب رکھدے نیں پئی خُدا پاپیاں نوں جیہڑے آدم دی نسل وچوں پیدا ہوئے نیں اپنے رہن دے پاک تھاں اُتے جان لئی اجازت دے چُکیا اے ۔ صرف جد اوہ ، کوئی معنی نئیں رکھد اوہ کون نیں ، اسمانی دھاگے (یِسُوعؔ دے بپتسمے )، لال دھاگے (یِسُوعؔ دی پاپیاں دے بدلے فدیے دی سزا )تے ارغوانی دھاگے (یِسُوعؔ آپ ای خُدا اے ) اُتے ایمان رکھدے نیں ۔ یعنی پھاٹک دیاں ستوناں دے پنج خانے سارے پِتل نال بنے سن سانوں خُدا دی خوشخبری دے بارے دسدے نیں ، جیہڑی رومیوں ۶:۲۳ وچ  ایس طرح لکھی ہوئی اے ،  ” کیوں جو گناہ دی مزدُوری موت اے ۔ پر خُدا دی بخشش ساڈے خُداوند یِسُوعؔ مسیح وچ ہمیشہ دی زندگی اے ۔ “ یِسُوعؔ پانی ، لہو تے روح نال ساڈیاں ساریاں پاپاں نوں معاف کر چُکیا اے ۔
 
 
سانوں لازمی رَدّنا نئیں چاہی دا سگوں کلام تے خُدا اُتے ایمان رکھنا چاہی دا اے
 
یِسُوعؔ اُتے ایمان رکھن دا مطلب ایہہ نئیں ہیگا پئی تُسیں  غیر شرطی طریقے نال مکتی یافتہ ہوندے او ۔ نہ  ای تہاڈے گرجے جاکے اکٹھے ہون دا مطلب اے پئی تُسیں غیر شرطی طریقے نال  نویں سریوں جم پئے او ۔ ساڈا خُداوند  یوحنا   ۳ وچ آکھدا اے پئی  صرف اوہ جیہڑے پانی تے رُوح نال نویں سریوں جمے نیں ویکھ تے خُدا دی بادشاہی وچ جا سکدے نیں ۔ یِسُوعؔ نے فیصلہ کردیاں ہویاں نیکُدیمس، یہودیاں دے اِک آگو تے خُدا دے اِک وفادار ایماندار نوں دسیا ، ” تُو یہودیاں دا استاد ایں تے حالے تیک نئیں جان دا کویں نویں سریوں  جمنا اے؟ صرف جد کوئی پانی تے روح نال نویں سریوں جمدا اے اوہ خُدا دی بادشاہی نوں ویکھ تے اوس وچ جا سکدا اے ۔ “ لوک جیہڑے یِسُوعؔ اُتے ایمان رکھدے نیں صرف نویں سریوں جم سکدے نیں جد اوہ اسمانی دھاگے (یِسُوعؔ نے اِکو واری اپنے آپ اُتے ساڈیاں ساریاں پاپاں نوں چُک لیا جد اوہنے بپتسمہ لیا)، لال دھاگے (یِسُوعؔ ساڈے پاپاں لئی مر گیا )تے ارغوانی دھاگے (یِسُوعؔ مکتی داتا ، آپ ای خُدا ، تےخُدا دا پُتر اے)دا ایمان رکھدے نیں ۔ ایسے طرح ، خیمۂ اِجتماع دے ہر چوتھےحصے وچ ہون والے اسمانی ، ارغوانی تے لال دھاگے دے راہیں ، سارے پاپیاں نوں لازمی ایمان رکھنا چاہی دا اے پئی یِسُوعؔ پاپیاں دا مکتی داتا اے ۔
ایہہ ایس سببوں اے بوہت سارے لوک  ایس سچیائی اُتے ایمان رکھیوں اَڈ یِسُوعؔ اُتے ایمان رکھدے نیں  پئی اوہ نہ نویں سریوں جمن دے لائق نیں نہ ای نویں سریوں  جمن دا کلام جان دے نیں ۔ ساڈا خُداوند سانوں صاف طریقے نال  دس چُکیا اے پئی ایتھوں تیک پئی جے اسیں یِسُوعؔ اُتے ایمان رکھن لئی اقرار کردے آں ، جے اسیں نویں سریوں  نئیں جم دے ، فیر اسیں کدی پاک تھاں ، باپ دی بادشاہی وچ جا نئیں سکدے ، نہ ای ایمان دی اِک ٹھیک زندگی بسر سکدے آں ۔
ساڈے بندیاں دے بنائے ہوئے خیالاں وچ ،اسیں خورے حیران ہو سکدے آں  ایہہ کناں چنگا ہوئے گا جے سارے مسیحی نویں سریوں جمن لئی پسند کیتے جاندےکوئی معنی نئیں رکھدا اوہ کویں ایمان رکھدے نیں ۔ کیہ ایہہ اِنج نئیں ہیگا ؟ جے اسیں صرف یِسُوعؔ دے ناں نوں پکارن دے سبب تے اوس اُتے ایمان نوں صرف اکھراں وچ ایتھوں تیک پئی تفصیلاں نوں جانیوں اَڈ اوہنے ساریاں لوکاں نوں بچاؤن لئی کیہ کیتا اقرار کردیاں ہویاں مکتی یافتہ ہوسکدے ساں ، لوک  ایہنوں حیران کرن والے طریقے وانگر یِسُوعؔ اُتے ایمان رکھن لئی سوکھا سمجھن گے ۔ اسیں خورے اوہدا شُکر ادا کر سکدے آں جد کدی اسیں اِک نویں مسیحی نال ملدے آں ، گاؤندیاں ہویاں، ” ♫مَیں معاف کیتا گیاہاں ؛  ♪تُسیں معاف کیتے گئے او؛♫ اسیں سارے معاف کیتے گئےآں ۔“ ”ایس لئی پئی بوہت سارےایماندار ہیگے نیں ، گواہی دی خاص گل کیہ اے ؟شیواں صرف ودھیانیں جویں اوہ نیں ۔ کیہ ایہہ صرف حیران کرن والی گل نئیں ہیگی ؟ “جے بِنا شک ایہہ صورتِ حال سی ، لوک بوہت سوکھے طریقے نال مکتی دے بارے سوچن گے ، ایس لئی پئی جیہڑا وی خُداوند دے ناں نوں پکاردا اے مکتی یافتہ ہو سکدا اے تے اوہ مکتی پاؤن گے ایتھوں تیک پئی جے اوہ زندہ رہندے نیں جیہڑے وی راہ دی اوہ آس رکھدے نیں ۔ پر خُدا نے سانوں دسیا اسیں کدی ایہو جیہے انھے ایمان نال نویں سریوں جم نئیں سکدے ۔ ایہدے اُلٹ ،اوہنے سانوں دسیا پئی اوہ جیہڑے ایتھوں تیک پئی پانی تے رُوح دی خوشخبری نوں جانیوں اَڈ مکتی یافتہ ہون دا دعویٰ کردے نیں سارے بدکاری  کردے پئے نیں ۔
 
 
جیہڑا نویں سریوں جم دا اے تہاڈی رُوح اے ، تہاڈا بدن نئیں
 
یِسُوعؔ اِک بندہ بن گیا ،ایس زمین اُتے آیا تے سانوں پانی تے رُوح دی خوشخبری  دے راہیں بچا چُکیا اے ۔ یوسف، یِسُوعؔ دا انسانی باپ ، اِک ترکھان سی (متی ۱۳:۵۵)تے یِسُوعؔ نے ایس ترکھان باپ دے راہیں ، آپ خود اپنی زندگی دے پہلے   ۲۹ ورہیاں لئی  اِک ترکھان وانگر کم کردیاں ہویاں اپنے خنوادے دی سیوا کیتی ۔ پر جد اوہ ۳۰ ورہیاں دا ہوگیا ، اوہنے اپنے اسمانی کم شروع کرنے سن ، یعنی ، لوکاں وچ خدمتاں کرنیاں سن ۔
جویں یِسُوعؔ اِنج دونویں اسمانی تے بندیاں والیاں عادتاں رکھدا سی ،اسیں نویں سریوں جمے ہوئے راستباز وی دو وکھ وکھ عادتاں رکھدے آں ۔ اسیں دونویں بدن تے رُوح رکھدے آں ۔ پر ، جد کوئی یِسُوعؔ اُتے ایمان رکھن دا اقرار کردا اے ایتھوں تیک پئی جویں اوہدی روح نویں سریوں نئیں جمی ، فیر ایہہ بندہ نویں سریوں نئیں جمیا اے―یعنی ، اوہ نویں سریوں جمی ہوئی روح  نئیں رکھدا  اے ۔جے کوئی اپنی روح وچ نویں سریوں جمن توں اَڈ یِسُوعؔ اُتے ایمان رکھن دی کوشش کردا اے ، فیر ایہو جیہا بندہ صرف اوہ اے جیہڑا نیکُدیمس وانگر بدن نال نویں سریوں جمن دی  کوشش کردا پیا اے ،تے کدی وی کوئی  ایہو جیہا بندہ نئیں ہیگا جیہڑا نویں سریوں جمدا اے ۔ بھاویں یِسُوعؔ  اپنے آپ وچ  آپ ای خُدا سی ، اوہ فیر وی  اِک بندے دے کمزوریاں بھرے ہوئے بدن وچ وی نئیں سی ۔ ایسے طرح ، جد اسیں آکھدے آں پئی اسیں نویں سریو ں جم پئے آں ، ایہدا مطلب ہیگا اے پئی ساڈیاں روحاں نویں سریوں جم پئیاں نیں ، ساڈے بدن نئیں ۔
جے اوہ سارے جیہڑے یِسُوعؔ اُتے کسے وی طرح ایمان رکھن دا اقرار کردے نیں اصل وچ نویں سریوں جم پئے  سن تاں ، مَیں اک خیرات دین والے  پادری وانگر پچھانے جان دی کوشش کر چُکیا ہوندا ۔ کیوں ؟ ایس لئی پئی مَیں اوہناں لوکاں توں ایناں پریشان نہ ہوندا جیہڑے سچیائی اُتے ایمان نئیں رکھدے ، تے ایس لئی میَں اپنیاں پیغاماں وچ ایناں سچ بولن والا نا بن گیا ہوندا  آس رکھدیاں ہویاں پئی اوہ سچیائی نوں جانن لئی آؤن گے ۔ مَیں اک تمیز والا ، نیک ، خیرات کرن والا ، نرم تے ہس مُکھ پادری وانگر جانیاگیا ہوندا ، وضاحت کردیاں ہویاں  پئی کویں لوک  اپنے بدن ولوں پاک بن سکدے نیں ۔ لازمی ، مَیں اپنی شکل نوں ایس طرح سوہنا بنا سکدا ہاں ، پر میَں ایس طرح کدی نئیں کراں گا ۔ ایہہ ایس سببوں نئیں ہیگا پئی میَں تہاڈے دلاں وچ  چنگا بنن دا گُن نئیں جان دا ، ”ایہہ پادری اصل وچ پاک تے یِسُوعؔ دے رحم پسند روپ نال رَلدا مِلدا اے ۔ “ ایہہ  ایس سببوں اے اِک بندے دا  بدن بدل نئیں سکدا اے تے تھوڑا مہربان ، سخی ، تے بدن وَلوں رحم  پسند ہون دے سبب  ایہہ مطلب نئیں ہیگا اے پئی ایہہ بندہ نویں سریوں جمیا ہویا اِک راستباز اے ۔ کوئی بدن وَلوں نویں سریوں جم نئیں سکدا اے ۔ ایہہ روح اے ، جِنہوں لازمی خُدا دے کلام اُتے ایمان رکھن دے سببوں نویں سریوں جمنا چاہی دا اے ۔
جد تُسیں یِسُوعؔ اُتے ایمان رکھدے او ، تہانوں لازمی سچیائی دا پتہ ہونا چاہی دا اے ۔”تے تُسی سچیائی نوں جانو گےتے سچیائی تُہانوں ازادکرےگی۔“(یوحنا ۸:۳۲)۔صرف خُدا دا سچ سانوں نویں سریوں پیدا کردا ، ساڈیاں روحاں نوں پاپ دی قید توں چھڈاؤندا تے سانوں راستباز وانگر نویں سریوں پیدا کردا اے ۔ صرف جد اسیں جان دے ، ایمان رکھدے تے سچے دلوں پاک کتاب دی منادی کردے آں اسیں پاک تھاں اُتے جا سکدے آں تے اپنے کھرے ایمان دی زندگیاں بسر کر سکدے آں ، ایسے طرح بوہتی پاک تھاں دے سرپوش اُتے جا سکدے آں ۔ پانی تے رُوح دی خوشخبری جیہڑی ساڈیاں روحاں نوں نویں سریوں  پیدا کردی اے سچیائی اے، تے ایسے اُتے ساڈا ایمان سانوں ساڈیاں ساریاں پاپاں توں معاف کر چُکیا اے تے خُدا نال ایمان دی بادشاہی  وچ زندہ رہن لئی سانوں اجاز ت دیندا اے ۔پانی تے رُوح دی خوشخبری جیہڑی ساڈیاں دلاں وچ ہیگی اے سانوں خوشی وچ خُداوند نال روحانی تے لشکارے ماردی ہوئی بادشاہی  وچ خُدا دے نویں سریوں جمے ہوئے پُتراں وانگر زندہ رہن دے لائق بناؤندی اے ۔ 
یِسُوعؔ اُتے انھے وا ایمان رکھنا ٹھیک نئیں ہیگا ۔ اِک بندے دی اکھ نال ویکھدیاں ہویاں ، میرے وچ بوہت کمیاں نیں ۔مَیں ایہہ صرف  اپنی جیبھ نال نئیں آکھدا  پیا ، سگوں جدکدی مَیں کوئی کم کردا ہاں ، مَیں  اصل وچ احساس کردا  ہاں پئی میرے وچ بوہت کمیاں نیں ۔ مثال طور نال ، جد مَیں اِک پاک کتاب  دے کیمپ لئی تیاری کردا پیاہاں تاں پئی  شامل ہون والے پاک لوک تے نویں آؤن والے اَرام نال کلام سُنن ، اپنے دلاں وچ خُدا دے فضل دے راہیں  اثر لین ، نویں سریوں جمن دی برکت پاؤن ،تے دوآں اپنے بدناں تے دلاں و چ  آرام لین دے بعد واپس جان ، مینوں اِنج لگدا اے پئی بوہتیاں شیواں ہیگیاں نیں پئی جِنہاں دے بارے سوچن تے پہلوں توں تیار کرن وچ مَیں ناکام ہوگیا۔ شیواں جِنہاں توں صرف تھوڑا جیہا بوہتا دھیان تے احتیاط کرن دے راہیں سوکھے طریقے نال نبڑیا جا سکدااےسدا ظاہر ہوندیاں نیں جد تیاری دا ویلا مُک جاندا اے تے کیمپ تقریباً شروع ہون والا ہوندا اے ۔ مَیں اپنے آپ اُتے حیران ہوندا ہاں مَیں کیوں پہلوں ایہوجیہاں شیواں دے بارے وچ نئیں سوچیا تے اوہناں نوں پہلوں توں تیار کیتا ، جد جے مَیں اپنی پاک کتاب دی کیمپ دی منصوبہ بندی دے بارے وچ تھوڑا جیہا ہور دھیان دیندا تے احتیاط کردا ، پاک لوک تے نویں لوک چنگی طرح کلام نوں سُن چُکے ہوندے ، مکتی یافتہ  ہوندے تے اِک چنگا ویلا بسر کردے ۔ ایتھوں تیک پئی جد وی ، مَیں سارا دن کم کردا ہاں ، میرے حصے دے کم دے گھاٹے دے سبب ، بوہت چوکھے ویلے ہیگے نیں جد  نتیجے میری کوششاں نال نئیں مِلدے ۔مَیں آپ ای چنگی طرح سچیائی نوں جان دا ہاں پئی میرے وچ حالے تیک  بوہت کمیاں نیں۔
” کیوں مَیں ایہہ نہیں کر سکدا ؟ کیوں مَیں ایس بارے نئیں سوچیا ؟ سارا کجھ جیہڑا مَیں کرنا اے صرف مَیں تھوڑی چوکھی احتیاط کرنی اے تے حالے تیک کیوں ایہہ ہیگا اے پئی مَیں ایہہ نئیں کر سکدا ہاں ؟“جد مَیں اصل وچ خوشخبری دی خدمت کردا پیاہاں ، مَیں بوہت واری اپنیاں کمیاں بارے سوچدا ہاں ۔ سومَیں اپنے آپ نوں پچھان دا تے مَن دا ہاں ، ”ایہہ ہے مَیں کون آں  ۔ ایہہ ہے مَیں کِناں ادھورا ہاں ۔ “ مَیں ایہہ صرف  اپنی جیبھ نال صرف نئیں  آکھدا پیا تے مَیں فروتن ہون دا فریب نئیں کردا پیا ، سگوں مَیں ، اصل  وچ کوئی ایہو جیہا ہیگا واں جیہڑا ایتھوں تیک پئی نکیاں معاملیاں دے ڈِھلیاں سِراں نوں ٹھیک طریقے نال بنھ نئیں سکدا سگوں تقریباً بے چجا چلدا اے ۔ اپنے آپ نوں ویکھدیاں ہویاں ،مَیں اصل وچ اپنی بوہت چوکھیاں کمیاں نوں محسوس کردا ہاں ۔
 
 

اسیں اسمانی دھاگے دے ایمان دے سبب پاکیزگی پاؤندے آں

 
 جد لوک اپنے آپ بارے سوچدے نیں ، اوہ ایس طرح محسو س کردے نیں اوہ کوئی غلطیاں کیتیوں اَڈ ہر کم چنگی طرح کر سکدے نیں ۔ پر جد اصل وچ اوہ اِک کم نال نبڑ دے نیں ، اوہناں دا سچا اپنا آپ تے کمیاں صاف طریقے نال ظاہر ہو جاندیاں نیں ۔ اوہ سمجھدے نیں پئی اوہ اصل وچ ادھورے نیں تے پئی اوہ بچ نئیں سکدے سگوں پاپ کردے تے غلطیاں کردے نیں ۔ جد لوک ایہہ وی ، سوچدے نیں پئی اوہ ٹھیک کردے پئے نیں ، اوہ سوچدے ہویاں اپنے آپ نوں دھوکہ دیندے نیں اوہناں دا ایمان کِناں چنگا اے دے سبب پئی اوہ خُدا دی بادشاہی وچ جاندےپئے نیں ۔
پر بدن کدی بدل دا نئیں ۔ غلطیوں اَڈ کوئی بدن نئیں ہیگا تے ایہہ ہمیشہ غلط کردا اے تے اپنیاں کمیاں نوں ظاہر کردا اے ۔ جے ، کسے اتفاق نال ، تُسیں سوچدے او پئی تُسیں  کجھ چنگیاں کماں دے سبب ساڈے خُداوند دی بادشاہی وچ جا سکدے او جیہڑا تہاڈے بدن نے کیتا اے ،تہانوں لازمی احساس کرنا چاہی دا اے پئی کوئی معنی نہیں رکھدا ایہہ کیہ اے یعنی تہاڈا بدن چنگی طرح کر چُکیا اے ، ایہہ خُدا دے اگے بالکل بے فائدہ اے ۔ اِکو شے جیہڑی سانوں خُداوند دی بادشاہی وچ  جان دے لائق بناؤندی اے ساڈا سچیائی دے کلام اُتے یعنی اسمانی ، ارغوانی تے لال دھاگے اُتے  ایمان اے جیہدے راہیں خُداوندسانوں بچاچُکیا اے ۔ایس لئی پئی ساڈا خُداوند سانوں اسمانی ، ارغوانی تے لال دھاگے دے  راہیں بچا چُکیا اے ، اسیں صرف ایس اُتے ایمان رکھن دے راہیں پاک تھاں اُتے  جا سکدے آں۔
جے خُدا سانوں اسمانی ، ارغوانی تے لال دھاگے دے راہیں نئیں بچا چُکیا سی ، اسیں کدی وی پاک تھاں اُتے جان دے لائق نہ ہوندے ۔ کوئی معنی نہیں رکھدا ساڈا ایمان خورے کِناں پکا اے ، اسیں ایس وچ جا نئیں سکدے ۔ کیوں؟ ایس لئی پئی جے ایہہ صورت ِ حال سی ، ایہدا مطلب ہوندا پئی ساڈے بدن دا ایمان لازمی ساڈے لئی ایس وچ جان دے لائق ہون دے واسطے ہر دیہاڑے چنگا ہونا چاہی دا اے  ۔جے اسیں صرف خُدا دی بادشاہی وچ  جا سکدے آں جد ساڈا ایمان ہر دیہاڑے لئی بوہت چنگا اے ، کویں اسیں ، جیہڑے ایناں ماڑا بدن رکھدے آں ، کدی اپنے ایمان نوں ہر دیہاڑے چنگا بنا سکدے آں تے ایس  وچ  جان دے لائق  ہو سکدے آں ؟ جد ساڈ ے راہیں ساڈے واسطے پاپ دی معافی  پاؤن لئی کوئی طریقہ نئیں ہیگا اے ، تے جد اسیں ہر دیہاڑے  پاپ کردے آں تاں واپس پرتن دا کوئی ایمان نئیں رکھدے ، اسیں کویں خُدا دی بادشاہی وچ  جان لئی  ٹھیک طریقے نال ساڈا چنگاایمان کدی رکھ سکدے آں ؟ ساڈیاں بدناں نوں  پاک بدن ہونا اے جیہڑے شروع کرن نال کسے وی طرح پاپ نئیں کردے ، یا سانوں اپنیاں توبہ دیاں دعاواں تے روزے ہر دیہاڑےپیش کرنے پین گے ، پر کیہدا بدن ہمیشہ پاک اے تے کیہڑا اِنج ہمیشہ کر سکدا اے ؟
جے خُدا سانوں اسمانی ، ارغوانی تے لال دھاگے دے راہیں بچا نئیں چُکیا سی ، ساڈے وچکار کوئی نئیں ہوئے گا جیہڑا اسمانی بادشاہی وچ جان دے لائق ہوئے گا ۔ اسیں ایہو جیہے ہیگے آں پئی ساڈا ایمان خورے اِک گھڑی لئی چنگا ہوسکدا اے پر اگلی ای گھڑی غائب ہو جاندا اے ۔ جد ساڈا ایمان فیر صرف گھڑی مُڑی غائب ہون لئی  چنگا بن جاندا اے ، اسیں پریشان ہو جاندے آں کیہ اسیں  اصل وچ ایمان رکھدے آں یا نئیں ،تے ایتھوں تیک پئی ایمان نوں گواؤندیاں ہویاں مُک جاندے آں جیہڑا اسیں پہلوں رکھدے ساں ۔ اخیریں ،اسیں ایتھوں تیک پئی یِسُوعؔ اُتے پہلوں ایمان رکھن دے بعد بوہتے پاپی بن جاندے آں ۔پر یِسُوعؔ   سانوں کامل طریقے نال ،ادھورے پاپیاں نوں ، اوہدے اسمانی ،ارغوانی، تےلال دھاگےتےمہین وٹے ہوئے کتان وچ ظاہر کیتے گئےمکتی دے منصوبے مطابق بچا چُکیا اے ۔ اوہ سانوں ساڈیاں پاپاں دی معافی دے چُکیا اے ۔
صرف جد اسیں ایہہ ثبوت رکھدے آں اسیں وڈے کاہن وانگر ساڈےعمامے لئی سونے دی ، ”خُداوند  لئی مقدس“ انگشتری پا سکدے نیں (خروج ۲۸:۳۶۔۳۸)۔ فیر اسیں اپنی کہانت نوں پورا کرسکدے آں ۔ اوہ جیہڑے ”خُداوند لئی مقدس“ نیں  لوکاں نوں اپنی گواہی دے سکدے نیں جد پئی اوہ اوہدے اپنے کاہناں وانگر سیوا کردے نیں اوہ نیں جیہڑے اپنیاں دلاں وچ ثبوت رکھدےنیں پئی اوہ پانی تے روح دی خوشخبری دے راہیں پاپ توں معافی پا چُکے نیں ۔
وڈے کاہن دےعمامے نال سونے دی انگشتری بنھی گئی سی تےایس سونے دی انگشتری  نوں عمامے نال جنہے بنھیا اِک اسمانی رنگ دا فیتہ سی ۔ فیر، کیوں خُدا آکھیا پئی ایہہ عمامہ اوس اسمانی رنگ دے فیتے نال بنھیا جانا چاہی دا اے ؟ ساڈے خُداوند لئی سانوں بچاؤن واسطے جیہڑا بوہت خاص سی اسمانی دھاگہ سی تے ایہہ اسمانی دھاگہ بپتسمے دا حوالہ دیندا اے جیہڑا یِسُوعؔ نے اپنے آپ اُتے ساڈیاں ساریاں پاپاں نوں چُکن لئی لیا سی ۔ کیہ خُداوند ساڈے پاپاں نوں اپنے بپتسمے دے راہیں نویں عہد نامے وچ اپنے آپ اُتے اوہناں نوں چُکن دے راہیں مکا نئیں چُکیا سی ، ایہو ای شکل پُرانے عہد نامے دے ہتھاں دے رکھے جان وچ سی ، اسیں یہوواہ کولوں پاکیزگی نہیں لے سکدے کوئی معنی نہیں رکھدا اسیں کنی چنگی طرح یِسُوعؔ اُتے ایمان رکھدے آں ۔  ایس لئی سونے دی انگشتری عمامےنال اِک اسمانی رنگ دے فیتے نال بنھی گئی سی ۔ تے کوئی وی جیہڑا وڈے کاہن نوں سونے دی انگشتری نال جیہدے وچ  ”خُداوند لئی مقدس“ چھاپیا گیا سی دے نال ویکھدا اے اپنے آپ نوں یاد کراسکدا اے پئی اوہناں نوں لازمی اپنے پاپاں دی معافی پاؤن دے راہیں خُدا دے اَگے پاک ہونا چاہی دا اے ۔ تے ایہہ لوکاں  نوں سوچن دے لائق کردی اے کویں اوہ خُدا دے اَگے پا ک ہو سکدے نیں ۔
سانوں ،وی ، لازمی فیر  دوبارہ یاد کرنا چاہی دا اے اسیں کویں راستباز بن گئے آں ۔ اسیں کویں راستباز بن گئے آں ؟ آؤاسیں  متی ۳:۱۵پڑھیے ۔ ”تے یِسُوعؔ اوہنوں(یوحنا) جواب دتا ۔ حالی تےہون دے کیوں جو سانوں چاہی دا اے  پئی ایسے طرح ساری راستبازی نُوں پورا کرئیے ۔تداوس ہون دتا۔“ یِسُوعؔ نے بپتسمہ لین دے سبب سانوں ساریاں نُوں ساڈیاں پاپاں توں  بچایا اے ۔ ایس لئی پئی یِسُوعؔ نے اپنے بپتسمے نال اپنے آپ اُتے ساڈیاں پاپاں نُوں  چُک لیا ، اوہ جیہڑے ایس اُتے  ایمان رکھدے نیں بے پاپ نیں ۔ کیہ یِسُوعؔ نے بپتسمہ نئیں لیا سی ، کویں اسیں ایتھوں تیک پئی  آکھن دی ہمت کر سکد ے آں پئی اسیں بے پاپ آں ؟ کیہ تُسیں صرف یِسُوعؔ اُتے اپنے ایمان دے اقرار دے راہیں ، یعنی صلیبی موت اُتے تہاڈیاں اکھاں وچ  تہاڈے سچے دلوں ہنجوآں نال پاپ توں معافی پائی ؟ بوہت سارےلوک ہیگے نیں جِنہاں نُوں یِسُوعؔ دی موت دے سبب دُکھی ہونا اوکھا لگدا اے ، کوئی بندہ جِیہدے نال اوہ کوئی میل جول نئیں رکھدے  یا، اپنے دادے دادی دی موت بارے ، تنگیاں جیہڑیاں اوہ رکھدے سن جد اوہ بیمار ہوگئے ، یا  اپنے ذاتی لنگھے ویلے دیاں تنگیاں تے پیڑاں سوچن دے راہیں اَتھروُ وگاؤن دی کوشش کردے نیں ۔بھانویں تُسیں ایس طرح رون دا بہانہ کردے او ، یا تُسیں سچ مُچ یِسُوعؔ دے سولی اُتے مرن دے سبب  دُکھی جے ، ایس توں ہٹ کے تہاڈے پاپ کدی وی ایس طریقے نال  مکائے نئیں جاسکدے ۔
جویں ”خُداوند لئی مقدس “ نال چھاپی گئی سونے دی انگشتری وڈے کاہن دے  عمامے  اُتے اِک اسمانی رنگ دے فیتے نال بنھی جاندی سی ، کیہ ساڈیاں پاپاں نُوں مکاؤندا تے سانوں پاک بناؤندا اے یِسُوعؔ دا بپتسمہ اے ۔ ساڈیاں  دلاں نیں پاپ توں معافی  پائی ایس لئی پئی یِسُوعؔ نے اپنے بپتسمے نال اپنے آپ اُتے ساڈیاں ساریاں پاپاں نُوں چُک لیا ، ایس لئی پئی یہوواہ نے اوس اُتے ساڈیاں ساریاں پاپاں دا بھار لدیا تے ایس لئی پئی دُنیا دے سارے پاپ اوہدے بپتسمے دے راہیں یِسُوعؔ اُتے لددِتے گئے سن ۔ کوئی معنی نہیں رکھدا ساڈے دل کنِے جذبیاں توں خالی ہو سکدے نیں تے کوئی معنی نئیں رکھدا اسیں اپنے چنگیاں کماں وچ کنِے اَدھورے ہو سکدے آں ، اسیں راستباز بن گئے آں  تے پاک کتاب وچ  لکھے ہوئے اسمانی دھاگے دے  کلام دے سبب  کامل طریقے نال بچائے گئے آں ۔ جد اسیں اپنے بدن نوں ویکھدے آں ،  اسیں عزت والے نئیں ہوسکدے ، پر ایس لئی پئی ساڈیاں دلاں وچ اسمانی ، ارغوانی تےلال دھاگے دا ایمان اے—یعنی ، ایس لئی پئی اسیں پانی تے روح  دی کامل خوشخبری رکھدے آں جیہڑی سانوں  دسدی اے پئی یِسُوعؔ نے بپتسمے دے سبب  اپنے آپ اُتے ساڈے سارے پاپ چُک لَئے تے سولی اُتے ساڈی سزا جری — اسیں دلیر ہوکے تے نڈر ہوکے خوشخبری دے بارے بول سکدے آں ۔ ایس لئی پئی اسیں پانی تے رُوح دی خوشخبری رکھدے آں یعنی اسیں اپنے ایمان دے راہیں راستبازوانگر زندہ رہ سکدے آں تے ایس راستباز ایمان دی  لوکاں تیک  منادی کر سکدے آں ۔
اسیں اپنے خُداوند دے فضل لئی  چوکھی شکر گزاری ادا نئیں کرسکدے ۔ ایس لئی پئی ساڈی مکتی اتفاق نال نئیں ملی ،اسیں ایہدے لئی ایتھوں تیک پئی بوہتے شکر گزار آں ۔ مکتی جیہڑی سانوں ملی کوئی   معمولی شے نئیں ہیگی پئی  صرف ہر کوئی لے سکدا اے ایتھوں تیک پئی  جے اوہ ٹھیک طریقے نال ایمان نئیں رکھدا اے۔ کسے دا اپنی مَن مرضی نال  خُداوند نُوں پکارنا ، اِنج آکھدیاں ہویاں ، ”اےخُداوندا، اےخُداوندا“دا مطلب ایہہ نئیں ہیگا پئی ہر کوئی جیہڑا اِنج کردا اے مکتی یافتہ ہو سکدا اے ۔ ایس لئی پئی اسیں اپنیاں دلاں وچ ثبوت رکھدے آں پئی ساڈے پاپ پانی تےروح دی خوشخبری دے راہیں غائب ہو گئے نیں ،یعنی خُداوند سانوں  خاص طریقے نال اسمانی ، ارغوانی، تےلال دھاگے تےمہین وٹےہوئےکتان نال بچا چکیااے ، اسیں ایس وڈی مکتی لئی بوہت شکرگزار آں ۔
پاک کتاب سانوں دسدی اسے پئی ہر کوئی جیہڑایِسُوعؔ مسیح خُدا دےپُتراُتے ایمان رکھدا اے اپنے دل وچ گواہی رکھدا اے (۱۔ یوحنا ۵:۱۰)۔ جے ساڈیاں دلاں وچ کوئی گواہی نئیں ہیگی ۔ اسیں خُدا نوں جھوٹھا بناواں گے ،تے ایس طرح سانوں ساریاں نُوں لازمی اپنیاں دلاں وچ فیصلہ کرن والا ثبوت رکھنا چاہی دا اے ۔ ایسے طرح ، پِچھاں ہٹن دا  کوئی سبب  نئیں ہیگاجے کئی لوک تہانوں للکاردے تے مطالبہ کردے نیں ، ”مینوں ثبوت وکھاؤ پئی تُسیں مکتی یافتہ ہو گئے او ۔ تُسیں آکھدے او پئی جد لوک پاپ توں معافی پاؤندے نیں، اوہ پاک روح  انعام وانگر پاؤندے نیں تے پئی مکتی دا اِک کھرا ثبوت ہیگا اے ۔ مینوں ایہہ ثبوت  وکھاؤ۔“تُسیں ہیٹھ لکھے ہوئے وانگر دلیری نال ایہہ ثبوت وکھا سکدے او : ”مَیں اپنے آپ وچ پانی تے روح دی خوشخبری رکھدا ہاں جِہدے نال یِسُوعؔ مینوں مکمل طور اُتے بچا چُکیا اے ۔ ایس لئی پئی مَیں اوہدے راہیں  سارے دا سارا بچایا گیا ہاں ، مَیں کوئی پاپ نئیں رکھدا ہاں۔“
جے تسیں اپنیاں دلاں وچ اپنی مکتی دا ثبوت نہیں رکھدے ، فیر تُسیں مکتی یافتہ نہیں ہیگے ۔کوئی معنی نئیں رکھدا لوک کنِی جوش نال یِسُوعؔ اُتے ایمان رکھ سکدے نیں ، ایہہ آپ ای اوہناں دی مکتی  نُوں مقرر نئیں کردا ۔ ایہہ صرف  بے  ثواب محبت اے ۔ ایہہ اِک محبت اے  جیہڑی تعلق نہیں رکھدی دوجا بندہ خورے کویں محسوس کر سکدا اے ۔ جد کوئی جیہدے نال اسیں محبت نئیں کر سکدے اِک  پھڑ پھڑاندا دل رکھدا اے ، ساڈے توں کسے شے دی آس رکھدا ، محبت محسوس کردا ،تے ساڈے ول ویکھدا اے جویں جے اوہ محبت کیتے جان لئی مردا پیا اے ، ایہدا مطلب نئیں ہیگا سانوں ایس بندے نال  جواب وچ محبت کرنی اے ۔ ایسے طرح ، خُدا اوہناں نُوں اپنیاں بانہواں وچ قبول نئیں کردا جیہڑے اپنیاں  پاپاں دی معافی  پا نئیں چُکے صرف کیوں جو اوہناں دے دل اوس لئی  ہونکے بھردے پئےنیں ۔ خُدا لئی ایہہ پاپیاں دی بے ثواب محبت توں علاوہ کوئی دوجی شےنئیں ہیگی ۔
جد اسیں خُدا نال محبت کردے آں ، سانوں لازمی سچ مُچ اوہدے کلام اُتے ایمان رکھن دے راہیں اوس نال محبت رکھنی چاہی دی اے ۔ اوس لئی ساڈی محبت لازمی  اِک  پاسے دی نئیں ہونی چاہی دی ۔ سانوں لازمی  اوہنوں اوس نال ساڈی محبت دَسنی چاہی دی اے، تے سانوں لازمی اوس نال سانوں محبت کرن توں پہلوں لبھنا چاہی دا اے  کیہ وہ سچ مُچ ساڈے نال محبت رکھدا اے یا نئیں ۔ جے اسیں اپنی ساری محبت دوجے بندے نو ں دیندے آں جیہڑا اصل وچ ساڈے نال محبت نئیں رکھدا ، سارے جیہڑے اسیں مُک جاندے آں اِک ٹُٹے ہوئے دل نال  اے ۔
ساڈا خُداوند سانوں ساڈے پاپاں توں مکتی دے جلال والے کپڑے پوا چُکیا اے تاں پئی اسیں اوہناں لئی  لعنتی نہ ٹھہرائے جائیے ۔ اوہ سانوں خُدا دی بادشاہی وچ  جان تے خُدا نال  زندہ رہن دی اجازت دے چُکیا اے ،تے اوہ سانوں انعام دے چُکیا اے جیہڑا سانوں خُدا دے فضل دے راہیں پاپ توں معافی پاؤن دے  لائق کردا اے ۔ خُدا دی مکتی ساڈے کول اسمانی بے گنت روحانی برکتاں لیاچُکی اے ۔دوجیاں اکھراں وچ ، ایہہ مکتی  اکلی جیہڑی خُدا نے سانوں دتی اے ، سانوں اوس توں ایہہ ساریاں برکتاں  پاؤن دے لائق کر چُکی اے ۔
 
 
مکتی جیہڑی یِسُوعؔ آپ  ای ساڈے کول لیا چُکیا اے
 
ساڈا خُداوند سانوں اسمانی ، ارغوانی تے لال دھاگے دے راہیں بچا چُکیا اے ۔ اوہ سانوں  تِن وکھ وکھ دھاگیاں نال بنائی گئی مکتی دے چُکیا اے ۔ اسمانی ، ارغوانی تے لال دھاگےدی ایہہ مکتی خُدا ولوں دتے گئے مکتی دے انعام توں علاوہ  کوئی دوجی نئیں ہیگی۔ ایہہ مکتی  دا اوہ انعام اے جیہڑا سانوں پاک تھاں اُتے جان تے زندہ رہن دے لائق کردا اے ۔
پانی تے روح دی خوشخبری تہانوں تے مینوں  راستباز بنا چُکی اے ۔ ایہنے سانوں  خُدا دی کلیسیا وچ آؤن تے کھرے طریقے والی اِک زندگی گزارن دی اجازت دتی اے ۔تے سچی خوشخبری نے سانوں خُدا دے روحانی کلام وچوں کھان تے اوہدے فضل نوں  پاؤن دے لائق وی کیتا ۔ ایہہ سانوں خُدا دے فضل دے تخت دے اگے جان تے دعا منگن دے لائق وی کر چُکی اے، تے اِنج سانوں  ایمان دے چُکی اے جیہدے نال اسیں خُدا دے راہیں بوہت چوکھے گھلے گئے فضل نوں اپنا سمجھ سکدے آں ۔ صرف ساڈی مکتی  دے راہیں ، خُدا ایہو جیہاں برکتاں نوں ساڈیاں بنا چُکیا اے ۔ایس لئی مکتی اینی مہنگی اے ۔
یِسُوعؔ نے سانوں ساڈے ایمان دے گھر چٹان اُتے بناؤن لئی آکھیا (متی ۷:۲۴)۔ایہہ  چٹان پانی تے روح دی خوشخبری دے راہیں ملن والی ساڈی مکتی توں علاوہ کوئی ہور نئیں اے ۔ ایسے طرح ، سانوں ساریاں نوں لازمی ساڈے ایمان دیاں زندگیاں مکتی یافتہ ہون دے راہیں بسرکرنیاں چاہی دیاں نیں ― مکتی یافتہ ہون دے راہیں راستباز بننا چاہی دا اے ، مکتی یافتہ ہون دے راہیں ہمیش دی زندگی دی خوشی مناؤنی چاہی دی اے، تے مکتی یافتہ ہون دے  راہیں اسمان اُتے جانا چاہی دا اے ۔ 
ایس دُنیا دا اخیری ویلا ساڈےنیڑے ہیگااے ۔ ایس لئی ، ایس  زمانے وچ ، لوک ٹھیک کلام دے راہیں مکتی یافتہ ہون دا  ایتھوں تیک پئی بوہت سبب رکھدے نیں ۔ کئی لوک  ہیگے نیں جیہڑے آکھدے نیں پئی کوئی صرف اسمانی، ارغوانی تے لال دھاگے دے ایمان نوں جانیوں اَڈ بےچجے طریقے نال یِسُوعؔ اُتے ایمان رکھن دے راہیں مکتی یافتہ ہوسکدا اے، تے پئی ایمان دی زندگی بارے گل کرن دی لوڑ نئیں ہیگی ، ایس لئی پئی ایہہ ایس طریقے نال مکتی یافتہ ہون لئی بوہت اے ۔
پر ، ایہہ سبب پئی کیوں مَیں گھڑی مُڑی آکھدا ہاں پئی صرف اوہ جیہڑے  اپنیاں دلاں وچ پاپ توں معافی  پا چُکے نیں اپنے ایمان دیاں زندگیاں بسرکر سکدے نیں جیہڑیاں خُدا  قبول کردا اے ۔ ایس لئی پئی ہر پاک بندے دا دل جِنہے پاپ توں معافی پائی  پاک ہیکل اے جِتھے پاک روح رہندا اے ، نویں سریوں جمن والے پاک لوکاں نوں لازمی ایس پاکیزگی  نوں پلیدنا کرن دے سلسلے وچ ایمان دی زندگی بسر کرنی چاہی دی اے ۔
راستباز کویں اپنیاں  زندگیاں بسرکردے نیں سارے دا سارا اِک وکھری تھاں وچ اے  یعنی پاپی کویں بسر کردے نیں ۔ خُدا دی نگاہ وچ ، پاپی کویں زندگی بسر  کردے نیں ساری دی ساری اوہدے معیار توں ہیٹھاں ایں ۔ اوہناں دیاں زندگیاں صرف ریاکاری نال بھریاں ہویاں نیں ۔ اوہ شریعت دے مطابق زندگی بسرکرن دی بوہت اوکھی کوشش کردے نیں ۔ اوہ اپنے دلی معیار مقررکردےنیں اوہناں نوں کویں چلنا چاہی دا اے ، اوہناں نوں کویں اپنیاں زندگیاں بسر کرنیاں چاہی دیاں نیں ، اوہناں نوں کویں گل بات کرنی چاہی دی اے تے اوہناں نوں کویں ہسنا چاہی دا اے ۔
پر ایہہ ایمان دی  زندگی توں بوہت دُور گئی ہوئی اے جیہڑی راستبازبسرکردااے ۔ خُدا راستبازنوں تفصیل نال دسدا اے ، ” تُوں خُداوند اپنے خُدانال  اپنے سارے دِل تے طاقت نال محبت رکھ تے اپنے گوانڈھی نال  ایہو جیہی  محبت رکھ جویں تُوں اپنے ذاتی بدن نال محبت رکھدا ایں۔“ایہہ زندگی دا طریقہ اے جیہڑا خُدا راستباز نوں دے چُکیا اے  ۔ ایہہ  ساڈے راستبازاں لئی اپنے سچے دلوں  خُدا نال محبت کرن تے اپنے ساری طاقت تے دلوں  اوہدی مرضی نوں منن دے راہیں  اپنیاں زندگیا ں بسر کرنا ٹھیک اے ۔ اپنے گوانڈھیاں نوں بچاؤن لئی  ،سانوں لازمی اوہدیاں کماں وچ بوہت چوکھا  پیسہ لاؤنا چاہی دا اے ۔ ایہہ مسیحیاں دی زندگی اے ۔
جے اسیں اک معیار اُتے قیم رہندے آں جتھے اسیں سوچدے آں پئی سارا جیہڑا تعلق رکھدا اے ایہہ ہیگا اے پئی  اسیں اپنے آپ پاپ نئیں کردے ، فیر اسیں نویں سریوں  جمے ہوئے  مسیحیاں دی وفادار زندگی دی پیروی نئیں کرسکدے ۔ میرے  نویں سریوں جمن توں پہلوں ، میَں اِک  تھوڑے دل والے پریسبٹیرین فرقے وچ ایمان  دی اک شریعی  زندگی بسر کر چُکیا  ساں ۔تے جِتھوں تیک شریعت دی زندگی دا تعلق اے ، مَیں  ایہنوں کامل طریقے نال قیم رکھن دی  کوشش کیتی ۔  اَج کل ، لوک ایس طرح بوہت نہ کرن وَل دھیان دیندے نیں ، پر  ایس لئی پئی مَیں  اپنی راستباز زندگی بوہت چر توں گزار چُکیا ہاں ، مَیں اپنی ہر دیہاڑے دی زندگی وچ شریعت نوں قیم  رکھن لئی بوہت ہوشیار ساں ۔ مَیں اینے کامل طریقے نال شریعت دا  منن والا ساں پئی مَیں کدی خُداوند دے دن کم نئیں کیتا ، جویں   شریعت حکم دیندی اے پئی سبت نُوں یاد تے پاک رکھیا جاناچاہی دا اے ، بوہت چوکھی حد تیک یعنی مَیں ایتھوں تیک پئی اتوار دے دن کسے کار دی سواری نہ کیتی ۔ جے مَیں تہاڈے کولوں زندگی بسر کرن بارے پچھنا سی جویں مَیں کیتا ، سچ مُچ کوئی نہ ہوئے گا جیہڑا ایہو جیہی شریعی زندگی بسرکرسکدا اے ۔ ایس طرح میری زندگی میرے نویں سریوں جمن توں پہلوں شریعی رہ چُکی سی ۔ پر ،کوئی معنی نئیں رکھدا کنِی پاکیزگی نال مَیں اپنے مذہبی دن بسر کر چُکیا ساں ، یعنی ایہو جیہی زندگی دا خُدا دی مرضی نال کوئی تعلق نئیں سی تے ساری دی ساری کسے کم دی نئیں سی ۔
پڑھن والیو، کیہ تُسیں ، اسمانی، ارغوانی، تے لال دھاگیاں والا ایمان رکھدے او؟ایس لئی پئی یِسُوعؔ دی مکتی  ایہناں تِناں دھاگیاں نال اے ، اسیں اپنے ایمان دے راہیں پاک  تھاں اُتے  جا سکدے آں ۔ ساڈی مکتی  تقریباً   ۲۰۰۰ء  ورہے پہلوں پوری کیتی گئی سی ۔ یِسُوعؔ مسیح نے ، ایتھوں تیک پئی ساڈے اوہنوں جانن توں پہلوں ، بپتسمہ لین  دے سبب اپنے آپ  اُتے ساڈیاں ساریاں پاپاں نوں پہلوں ای چُک لیا تے سولی اُتے مرن دے سبب ساڈے پاپاں دی سزا نوں جریا ۔
 
 
پا پ توں مکتی یِسُوعؔ مسیح دے راہیں مقرر کیتی گئی اے
 
جد اوہ جیہڑے نویں سریوں نئیں جمے خیمۂ اِجتماع وچ  جاندے نیں ، او ہ ایہدے برانڈے دے  پھاٹک توں اندر نئیں جاندے ، سگوں اوہ غیر قانونی طریقے نال واڑ دے اُتوں چڑھدے نیں ۔ اوہ آکھدے نیں ، ”واڑ دا مہین کتان اینا چٹا کیوں اے ؟ ایہہ بوہت مشکل اے ۔اوہناں نوں ایہنوں کجھ لال تے اسمانی رنگ نال رنگنا چاہی دا اے ۔ایہہ ہیگا اے جیہڑااَج کل چنگا بانا اے ۔ پر ایہہ واڑ اینی بوہتی چٹی اے ! ایہہ بوہت چوکھی  چُبھدی اے ۔تے ایہہ کیوں اینی اُچی اے؟ ایہہ ۲.25 میٹرتوں بوہتی اُچی اے ۔ میرا اپنا قد ایتھوں تیک پئی ۲ میٹرتوں بوہتا نئیں اَپڑدا؛مَیں کویں اندر جا سکدا ہاں جد واڑ اینی اُچی اے ؟ جی آہو، مَیں اِک پوڑی لا کے اُتے چڑھ سکدا ہاں !“
ایہو جیہے لوک اپنیاں چنگیاں کماں نال  اندر جان دی کوشش کردے پئے نیں ۔ اوہ خیمۂ اِجتماع دے برانڈے دی واڑ اُتے اپنیاں چڑھاویاں ، خیراتی کماں تے صبر نال چڑھدے نیں تے اوہ ایہہ آکھدیاں ہویاں واڑ اُتوں چھال ماردے نیں ، ”مَیں لازمی کسے وی طریقے نال ۲.25 میٹر  اُتو ں چھال مار سکداہاں ۔“سو خیمۂ اِجتماع دے برانڈے وچ  چھال مارن دے بعد ، اوہ واپس ویکھدے نیں تے سوختنی قربانی دی قربانگاہ  ویکھدے نیں ۔ فیر اوہ اپنیاں اکھاں قربانگاہ توں ہٹاؤندے نیں تے پاک تھاں  وَل ویکھدے نیں، تے پہلی شے جیہڑی اوہ ویکھدے نیں ایہدے اگے پیا ہویاحوض اے ۔
خیمۂ اِجتماع دے برانڈےدی واڑ دیاں ستوناں دی اُچیائی ۲.25 میٹر اے،پر ستوناں دی اُچیائی تے پاک  تھاں دے پھاٹک دا پردہ جتھے خُدا رہندا اے ۴.5 میٹر اے۔ لوک اپنی مرضی نال خیمۂ اِجتماع دے برانڈےوچ جا سکدے نیں جے اوہناں دا ارادہ پکا ہوئے۔ پر ایتھوں تیک پئی جے اوہ ۲.25 میٹراُچی واڑ اُتوں چھال ماردے نیں تے خیمۂ اِجتماع دےبرانڈےوچ جاندے نیں ، جد اوہ اندر جان دی کوشش کردے نیں جتھےخُدا رہندا اے ، اوہ ۴.5میٹر اُچیاں ستوناں تے پاک تھاں دے پھاٹک دے اِک پردے نوں ویکھن گے ۔ لوک اپنے آپ دی کوشش نال ۲.25  میٹراُتوں چھال مار سکدے نیں ۔ پراوہ خُدا ولوں  مقرر کیتے گئے ۴.5میٹر اُتوں نئیں چھال مار سکدے ۔ ایہہ اوہناں دی حد اے ۔
ایہدا مطلب اے پئی جد پہلوں اسیں یِسُوعؔ اُتے ایمان رکھدے آں ، اسیں صرف اِک دین وانگر ایمان رکھ سکدے آں۔ کئی لوک اپنی دلی مرضی مطابق یِسُوعؔ اُتے اپنے مکتی داتا وانگر ایمان وی رکھ سکدےنیں، تے ایمان رکھ سکدےنیں پئی مکتی داتا صرف چار  وڈیاں  سیانیاں وچوں اِک اے ۔ ایس توں ہٹ کے لوک کویں ایمان رکھدے نیں،اوہ اپنا  ذاتی ایمان رکھ سکدے نیں جیہڑا وی راہ اوہ چُن دے نیں ، پر اوہ  ایسے ایمان دے راہیں سچ مُچ نویں سریوں نئیں جم سکدے ۔
سچ مُچ نویں سریوں جمن لئی ، اوہناں نُوں لازمی اپنے ایمان دے راہیں اسمانی، ارغوانی تے لال دھاگے دے پھاٹک دے راہیں لنگھنا چاہی دا اے  ۔اسیں خُدا دے اگے ایمان رکھن دے راہیں نویں سریوں جم دے آں پئی یِسُوعؔ ساڈا مکتی داتا تے سچیائی دا پھاٹک اے، تے پئی اوہ سانوں پانی ، لہو تے روح دے راہیں بچا چُکیا اے ۔ ایمان جیہڑا یِسُوعؔ دیاں  کماں اُتے  ایمان رکھدا اے جیہڑا تِناں  دھاگیاں وچ وکھایا گیا اے  اوہ پانی ، لہو تے روح دےایمان دے علاوہ کوئی دوجا نئیں ہیگا ۔ لوک کسے دوجی شے  اُتے ایمان رکھن لئی  اَزاد نیں ، پر حتمی طور اُتے کوئی پکا ثبوت  نئیں ہیگا پئی اوہ مکتی یافتہ تے ایس طرح ایمان رکھن دے راہیں  ودھیا  طریقے نال برکت یافتہ ہو سکدے نیں ۔صرف پانی تے رُوح دی خوشخبری  اُتے ساڈے ایمان نال  اسیں خُدا دے من پسند تے وڈے فضل تے خُدا دی مکتی دیاں  برکتاں پا سکدے آں ۔پانی تے رُوح دی خوشخبری اُتے ایس  ایمان دا مقصد سانوں خُدا دے فضل دے کپڑے پاؤنا اے ۔
کیہ تُسیں خیمۂ اِجتماع نُوں صرف اِک مستطیل شکل دے برانڈے،یعنی ایس وچ اِک کھلوتے گھروانگر سوچ دے  او؟ ایہہ تہاڈے ایمان لئی کوئی فائدہ نئیں لیا سکدا ۔ خیمۂ اِجتماع سانوں پکے ایمان دے بارے وچ دسدا پیا اے تے سانوں  لازمی ٹھیک طرح جاننا چاہی دا اے ایہہ ایمان کیہ اے ۔
خیمۂ اِجتماع نوں ٹھیک طرح  نا جان دیاں ہویاں ، تُسیں خورے سوچ سکدے او پئی خیمۂ اِجتماع دی اُچیائی تقریباً ایہدی واڑ دی اُچیائی یعنی،۲.25 میٹراے ۔ پر ایہہ ٹھیک نئیں ہیگا ایتھوں تیک پئی جے اسیں برانڈے اندر نئیں جانا سی سگوں واڑ دے باہروں خیمۂ اِجتماع نوں ویکھنا سی ، اسیں  ویکھن دے لائق ہوواں گے پئی خیمۂ اِجتماع ایہدی واڑ توں دو حصے بوہتااُچا اے ۔ بھاویں اسیں خیمۂ اِجتماع دی نیِہ  نوں ویکھن دے لائق نئیں ہوواں گے ، اسیں فیر وی ایہدا پھاٹک ٹھیک طریقے نال ویکھاں گے یعنی ، سانوں دَسدیاں ہویاں پئی خیمۂ اِجتماع ایہدے برانڈے دی واڑ توں بوہتا اُچا کھلوتا ہویا اے ۔
اوہ جیہڑے یِسُوعؔ اُتے ٹھیک ایمان رکھن دے راہیں اپنیاں پاپاں دی  معافی پاچُکے نیں  تے اِنج خیمۂ اِجتماع دے برانڈےدے پھاٹک وچ جا چُکے نیں نُوں لازمی سوختنی قربانی دی قربانگاہ تے حوض اُتے اپنے ٹھیک ایمان دی جانچ کرنی چاہی دی اے ، تے فیر پاک تھاں اُتے جانا چاہی دا اے ۔پاک تھاں اُتے جان لئی ،ناکامی توں اَڈ لازمی خودی توں انکارہونا چاہی دا اے ۔ پاک تھاں دے اندر والا سامان لازمی  پاک تھاں دے  باہر والے سارے سامان توں فرق محسوس کیتا جاناچاہی دا اے ۔
کیہ تہانوں پتہ اے شیطان سب توں بوہتا  کیہدے توں نفرت کردا اے ؟ اوہ بوہت نفرت کردا اے پئی پاک  تھاں دے باہر والے تے اندر والے پاسے دے وچکار اک حد بندی دی لکیر کھچی  گئی اے ۔ ایس لئی پئی خُدا اوہناں وچکارکم کردا اے جیہڑے پاک تھاں دے  اندر والے تے باہروالے پاسے نُوں ونڈدے نیں ، شیطان نفرت کردا اے پئی ایہو جیہی لکیر کھچی گئی اے تے لوکاں نُوں ایہہ لکیر کھچن توں  روکن دی کوشش کردا اے ۔پر ایہہ یاد رکھو : خُدا صاف طریقے نال  اوہناں دے راہیں  کم کردا اے جیہڑے ایمان دی ایہہ حد بندی دی لکیر کھِچدے نیں ۔ خُدا ایہو جیہے لوکاں توں  خوش اے جیہڑے ایہہ صاف ونڈ ن والی لکیر کھِچدے نیں ، تے اوہ اوہناں اُتے اپنیاں  برکتاں گھلدا اے ایس طرح اوہ  اپنے ودھیا ایمان دے نال  پاک تھاں دے اندر زندہ رہ سکدے نیں ۔
ایمان رکھو پئی خیمۂ اِجتماع دے باہر والے برانڈے وچ سارے بھانڈے تے اوہناں لئی ورتیاگیا سارا سامان خُدا ولوں تیار ہویا تے پہلوں توں  ترتیب دِتا گیا اے تاں پئی  لوک اپنیاں  پاپاں دی معافی نُوں پا سکن ۔ تے جد تُسیں ایس اُتے ایمان  رکھن دے راہیں پاک تھاں اُتے جاندے او ، خُدا ایتھوں تیک پئی تہاڈے لئی  بوہتا فضل تے برکتاں گھلے گا ۔ 
 
 
سرپوش اوہ تھاں اے جتھے مکتی دا فضل  ملدا اے
 
سرپوش اوہ تھاں اے جتھے مکتی دا فضل  ملدا اے 
بوہت پاک تھاں اُتے دو کروبی اپنیاں پراں نوں کھلاریاں ہویاں اُتاں توں ہیٹھلے پاسے ویکھدے سن جِنہاں عہد دے صندوق نُوں کجیا ہویا سی ۔ دوکروبیاں دےوچکار خالی تھاں سرپوش اکھواؤندی اے ۔ سرپوش اوہ جگہ   اے جتھے خُداساڈے  اُتے اپنا فضل گھلدا اے ۔عہد دے صندوق دا غلاف  لہو نال رنگیا ہویا سی جویں وڈا کاہن ست واری ایس سرپوش اُتے اسرائیل دے لوکاں لئی  دِتی گئی قربانی دا لہو تراؤنکدا سی ۔ ایس طرح  خُدا سرپوش اُتے اُترداسی تے اسرائیل دے لوکاں اُتے اپنا فضل گھلداسی ۔ اوہناں لئی جیہڑے ایس اُتے ایمان  رکھدے نیں، خُدا دیاں برکتاں ، رکھوالی تے اگوائی شروع  ہو  جاندیاں نیں ۔ اودوں توں ، اوہ خُدا دے سچے لوک بن جاندے نیں تے  پاک تھاں اُتے جان دے لائق نیں  ۔
ایس دُنیا دے بوہت سارے مسیحیاں وچکار ، کئی لوک ہیگے نیں جِنہاں دا ایمان اوہناں نُوں پاک تھاں اُتے  جان دی اجازت دے چُکیا اے ، جد پئی دوجے ایہو جیہا ایمان نئیں رکھدے جیہدے نال اوہ پاک تھاں اُتے  جا سکدے نیں ۔تُسیں کس طرح دا ایمان  رکھدے او ؟ سانوں ایمان دی ضرورت اے جیہڑا مکتی دی صاف لکیر کھچ سکدا اے تے خُدا دے پاک  تھاں اُتے جا سکدا اے ، ایس لئی پئی صرف اِنج کرن دے راہیں  اسیں خُدا ولوں  وڈیاں برکتاں پا سکدے آں ۔
پر ایس طرح دا ایمان  رکھنا ایناں سوکھا نئیں ہیگا ۔ ایس لئی پئی شیطان نفرت کردا اے جد لوک مکتی دی ایہہ صاف لکیر کھِچدے نیں ، اوہ ہرویلے ایس لکیر نُوں مٹاؤن دی کوشش کردا اے ۔ ”تہانوں ایس طریقے نال ایمان  رکھن دی ضرورت نئیں ہیگی ۔ ہر کوئی ایس طرح ایمان نئیں   رکھدااے ، سو تُسیں کیوں ایہنوں ایناں خاص جان دے او تے  آپ ای  گھڑی مُڑی دُہراندے او؟ایہنوں ایویں ای سمجھو؛زمانے نال چلو۔“ ایہہ گلاں کردیاں ہویاں ، شیطان مکتی دی ایس صاف  لکیر نوں مکاؤن دی کوشش کردا اے ۔ شیطان ساڈے بدن دیاں  کمیاں وی ظاہر کردا اے تے اوہناں نوں مصیبتاں بناؤن دی کوشش کردا اے ۔ کیہ تُسیں اوہ ہوووگے جیہڑے سانوں خُدا توں وکھ کردیاں ہویاں شیطان دے دھوکے والےبول سُن دے او ؟ یا کیہ تُسیں اپنے آپ نُوں  ہر روز اپنی مکتی داچیتا کرا کے اپنیاں زندگیاں گزاروگے ، یعنی کلیسیا نال  اکٹھے ہوندیاں ہویاں ، خُدا دے کلام نوں مَن دیاں ہویاں ، دعاکرن والی زندگی گزاردیاں ہویاں ،تے فضل پاؤندیاں ہویاں جیہڑا خُدا تہاڈے اُتے گھلدا اے ؟
اصل وچ، اوہ جیہڑے پاپ توں معافی پا چُکے نیں اوہ اپنی مکتی دے بارے جِنی واری سوچ سکدے نیں غور کرنا پسند کردے نیں ۔ اوہ پانی تے رُوح دی خوشخبری وَل گھڑی مُڑی دھیان کرنا پسندکردے نیں ۔ خوش خبری  بارے غور تے فکر کرنا تہاڈے لئی چنگا تے ضروری اے ۔ کیہ تسیں ایہدے وانگر نئیں ہیگے ؟  ” گوش، کیہ ایہہ فیر اوہو ای کہانی اے، جد اسیں مکتی یافتہ ہوگئے آں ؟ کہانی دا مواد تے خلاصہ وکھ وکھ ہو سکدے نیں ، پر ایہہ فیر اوہو ای پرانی کہانی اے ۔ مَیں ایس توں بوہت چوکھا تھکداپیا ہاں !“
کیہ کوئی ہیگا اے جیہڑا ایہہ آکھدا پیا اے ؟ مینوں دُکھ ہوئے گا جے مینوں  ہر روز اپنے آپ بارے وچ اوہو ای کہانی دَسنی سی ، پر جد پاک کتاب سانوں دسدی اے پئی سانوں ہر روزاپنی  مکتی دے بارے وچ غورتے فکر کرنی چاہی دی اے ، مَیں کیہ کرسکدا ہاں ؟ جددونویں پرانا تے نواں عہد نامہ ساڈے نال پانی تے روح دی خوشخبری بارےگل کردے نیں ، خُدا دے اگے جیہڑی بدی اے اوہ لوکاں لئی اصل وچ ایس توں علاوہ  کسے دوجی شے دی منادی کرنا اے ۔ پاک کتاب دا سارا کلام پانی تے روح دی خوشخبری دے بارے  گل کردا اے ۔ ”مکتی ، ایمان دی زندگی ، ایمان ، روحانی زندگی ، شیطان دے  خلاف لڑنا ، اسمان ، جلال ، فضل ، برکت ، جیوں اُٹھنا ، ہمیش دی زندگی ، آس ، تے پاک رُوح “—پاک لوکاں دے ایہہ سارےبنیادی نظریےایس کھری خوشخبری نال میل جول رکھدے نیں ۔ ایہناں توں علاوہ کسے دوجی شے دے بارے  گل کرنا بِدعت تے جھوٹھیاں تعلیماں دے علاوہ کوئی دوجا نئیں ہیگا ۔ جیہڑا رَلدامِلدا نظر آؤندا اے پر وچوں وکھرا اے جھوٹھی تعلیم توں علاوہ کوئی دوجا نئیں ہیگا ۔ خوشخبریاں جیہڑیاں باہروں رَلدیاں مِلدیاں نظر آؤندیاں نیں تے اندروں پانی تے روح دی خوشخبری توں وکھریاں نیں صرف جھوٹھیاں دیناں دیاں جھوٹھیاں خوشخبریاں نیں ۔
ایہہ کِناں حیران کرن والا اے پئی خُدا دی کلیسیا ہر روز خُدا دا کلام سناؤندی اے ،یعنی جھوٹھیاں دیناں دے دھوکے والے بول نئیں ؟ ایہہ برکت ہیگی اے پئی اسیں خُد ادی کلیسیا نال اکٹھے آں ، خُدا دے کھرے کلام نُوں سُن دے تے ایمان رکھدے آں ۔ سداپانی تے روح دی خوشخبری دی منادی کردیاں ہویاں ، خُدا دی کلیسیا پاک لوکاں نوں ایس لائق بناؤندی اے پئی اوہ ہر روز خُدا دے فضل دے بارے سوچن ، اوس توں دعا منگن تے اوہدی وڈیائی  کرن تے اِک ایہو جیہی زندگی گزارن جیہڑی بدی پِچھے نئیں چلدی ۔ کیہ تُسیں خوش نئیں ہیگے پئی تُسیں اِک واری فیر  سُن چُکے تے سچیائی دے کلام اُتے ایمان رکھ چُکے او جیہڑا تہانوں پاپ توں معافی  پاؤن دی اجازت دیندا اے ؟ مَیں وی بوہت خوش آں ۔
جے مینوں ایس پانی تے روح دی خوشخبری توں علاوہ کسے دوجی شے دی منادی کرن لئی مجبور کیتاجاناسی  ، میَں ڈاہڈا  دُکھ جردا ۔جے مَیں مکتی دا کلام نہ سناؤن سگوں کئی دوجیاں بندیاں دیاں بنائیاں ہوئیاں  تعلیماں لئی مجبور کیتا جاندا ، مَیں بھجنا  چاہواں گا ۔بِنا شک ، اِنج نئیں ہیگا ، ایس لئی پئی میَں کوئی دوجی گل نئیں کرنی اے ۔ دوجے انسانی معاملے بوہت چوکھے نیں جِنہاں بارے مَیں  بو ل سکدا  ہاں ، پر ایہہ سارے گئے گواتے نیں تے ساڈے وچوں اوہناں لئی جیہڑے نویں سریوں جم پئے نیں ، ایہہ صرف گندے خمیر دیاں تعلیماں نیں ۔
صرف پانی تے روح دی ایہہ خوشخبری جِہدے راہیں یِسُوعؔ ، آپ خُدا، سانو ں بچا چُکیا اے  خُدا  دا قیمتی کلام اے جیہڑا ایہدی  مٹھاس دیندا اے ایتھوں تیک پئی جویں اسیں ایہنوں فیر گھڑی مُڑی چبدے آں ۔ بوہت چوکھیاں دوجیاں کہانیاں ہیگیاں نیں جیہڑیاں مَیں تہانوں دَس سکدا ہاں ، پر مَیں ایہنوں سب توں بوہتا پسند کردا ہاں جد مَیں پانی تے روح دی خوشخبری دے بارے گل کردا پیاہاں جیہڑی سانوں بچاؤندی اے  ۔ فیر مَیں سب توں بوہتا  سواد لیندا ہاں ۔ مَیں بوہت خوش ہاں جد مَیں ایس مکتی بارے گل کردا پیا ہاں ایس لئی پئی جد مَیں پرانیاں گلاں نُوں یاد کرسکدا ہاں ، اپنے دل نُوں چیتا کرا سکدا ہاں کویں خُداوندنے مینوں بچایا اے ، اوہدا اِک واری فیر شکر اَدا کر سکدا ہاں تے مکتی دی روٹی  وچوں فیر کھا سکدا ہاں ۔
میرا پکا یقین اے  پئی تسیں وی ایہنوں سب توں بوہتا پسند کردے او جد تُسیں مکتی دا ایہہ کلام  سُن دے او ۔ خورے تُسیں  گلہ کرو پئی ایہہ ہر روز اوہو ای کہانی اے ، پر وِچلی ڈونگھیائی وچ ، تُسیں سوچدے او ، ”ہُن مَیں ایہنوں فیر سنیا ، ایہہ ایتھوں تیک پئی بوہتی ٹھیک اے ۔ پہلوں ، ایہہ بوہتی  وڈی نئیں سی ، پر جد مَیں ایہنوں سُن دا رہندا ہاں ، مَیں ویکھ سکدا ہاں پئی کوئی دوجی کہانی نئیں ہیگی اے جیہڑی سنن وچ اینی قیمتی اے جِنی پئی ایہہ اِکو کہانی ۔ مَیں سوچیا اَج دی کہانی خورے کجھ خاص ہوسکدی سی ، پر نتیجہ مینوں دسدا اے پئی ایہہ فیر اوہو ای کہانی سی ۔ پر فیر وی ، مَیں خوش ہاں ۔ “ مینوں پکا یقین  اے پئی کویں تہاڈا دل محسوس کردا اے ۔
بھراؤ تے بھینو، مَیں ایتھے جیہڑی منادی کردا پیاہاں یِسُوعؔ دا کلام اے ۔ مناداں نُوں لازمی یِسُوعؔ دے کلام دی منادی کرنی چاہی دی اے ۔ پانی تے رُوح دے لکھے ہوئے کلام دے راہیں یِسُوعؔ نے جو کجھ کیتا اے ایہدی منادی کرن توں علاوہ کوئی دوجی شے نئیں ہیگی جیہڑی خُدا دی کلیسیا کردی پئی اے ۔ ہن اسیں کلیسیا وچ اپنے ایمان دیاں زندگیاں گزاردے  پئے آں ۔ پاک تھاں اُتے  جاندیاں ہویاں ،سونے دے اِک قنطار نُوں کُٹن دے راہیں ست ٹہنیاں نال بنائے گئے چراغدان دے ہیٹھ روشن ہوندیاں ہویاں ، کھرے سونے دے گھر وچ روٹی کھاندیاں ہویاں ، بخور دی قربانگاہ اُتے دعا منگدیاں ہویاں ، خُدا دی ہیکل وچ جاندیاں  ہویاں، اوہدی بھگتی کردیاں ہویاں،تے سونے دے گھر وچ رہندیاں ہویاں—ایہناں توں علاوہ کوئی دوجیاں ساڈے ایمان دیاں زندگیاں نئیں ہیگیاں ۔
تُسیں تے مَیں ہُن خُدا ولوں دِتے گئے ایمان دیاں زندگیاں گزاردے پئے آں ۔ پاپ توں معافی پاؤندے ہویاں تے ایمان دیاں زندگیاں گزاردے ہویاں ایہہ ہیگی اے خُدا دے سونے دے گھر اندر ساری زندگی کیہ اے ۔ ” ایس لئی اسی ہمت نئیں ہاردے سگوں بھاویں ساڈی ظاہری انسانیت برباد ہوندی  اے ۔ فیر وی ساڈی اندرلی انسانیت دِنوں دِن نویں ہوندی جاندی اے ۔“(۲۔ کرنتھیوں ۴:۱۶)۔خیمۂ اِجتماع وچ ظاہر کیتے گئے اسمانی، ارغوانی، تےلال  دھاگے تےمہین وٹے ہوئےکتان اُتے ،ساڈے ایمان نال ، ساڈیاں جاناں سونے نال چمکدے ہوئے خُدا دے گھر وچ زندہ رہندیاں پئیاں نیں ۔  
مَیں خُدا نُوں سدالئی  سانوں ساڈیاں ساریاں پاپاں تے لعنت  توں بچاؤن واسطے اوہدا شکر ادا کردا ہاں ۔ ہیلیلویاہ!