Due to COVID-19 and disruption to international mail service
we have temporally suspended our ‘Free Print Book service’.
we have temporally suspended our ‘Free Print Book service’.
In the light of this situation we are not able to mail you the books at this time.
Pray that this pandemic will end soon and the resumption of the postal service.
Pray that this pandemic will end soon and the resumption of the postal service.
مضمون 9: رومیوں (رومیوں دی کتاب اُتے تفسیر)
[1-4باب] راستبازایمان دے راہیں جیوندااے <رومیوں ۱:۱۷ ۔ ۱۸>
>رومیوں ۱:۱۷ ۔ ۱۸>
”ایس لئی پئی اوہدے وچ خُدا دی راستبازی ایمان نال تے ایمان لئی ظاہر ہوندی اے جویں لکھیا اے پئی راستبازایمان نال جیوندا رہوےگا۔کیوں جے خُدا دا غصہ اوہناں بندیاں دی ساری بے دینی تے بدی اُتے اَسمان اُتوں وکھالی دیندا اے جیہڑے سچ نوں بدی ہیٹھاں دباکے رکھدے نیں ۔“
لازمی ہیگا اے پئی اسیں ایمان وچ جیوندے رہیے
اِنج لکھیااے ، ” راستبازایمان نال جیوندا رہوےگا۔“ کیہ اسیں ایمان دے راہیں جیوندے آں یاں نئیں ؟ اوہ رستہ جیہدے وچ راستباز جیوندااے صرف ایمان دا رستہ ہیگااے ۔ ایمان راستباز نوں جیوندا رہن دی اجازت دیندااے۔جدوں اسیں خُدا اُتے ایمان رکھدے آں تاں اسیں سارے کم کر سکدے تے جیوندے رہ سکدے آں ۔ راستباز صرف ایمان نال جیوندااے ۔اَکھر’ صرف ‘ دا مطلب ہیگااے پئی راستباز توں ہٹ کے کوئی وی ایمان نال جیوندا نئیں رہ سکدا ۔فیر ، پاپیاں دے بارے کیہ ہیگااے ؟ پاپی ایمان دے راہیں اپنی جندڑی نئیں گزارسکدے ۔ کیہ ہُن تسیں ایمان نال جیوندے او؟ لازمی ہیگا اے پئی اسیں ایمان نال جیوندے رہیے ۔
سچے ایمان نوں جانن لئی بوہتا چِر لگ سکدااے ۔لازمی ہیگا اے پئی اسیں ایس گل نوں پچھانیے پئی جدوں اسیں خُدا اُتے ایمان رکھدے آں تاں اسیں جیوندے آں تے جدوں اسیں خُدا اُتے ایمان نئیں رکھدے تاں اسیں موئے آں ۔ لازمی ہیگا اے پئی اسیں جانیے پئی ایمان نال جیوندے رہنا راستباز دا نصیب اے ۔
پرندیاں دے پر ہوندے نیں ، پر جے اوہ اوہناں نوں نہ ورتن ، تاں دھرتی اُتے سجے کھبے
پھرن والے جانور اوہناں نوں پھڑ لین گے تے مارن دین گے ۔ایس طرحاں، راستباز دا نصیب ایمان دے راہیں جیوندے رہن وچ ہیگااے ۔ خُدا نے راستباز نوں ایمان وچ جیون دا مقدر دتا اے ۔جے اوہ ایمان وچ جیون وچ نکمے رہن تاں ، اوہناں دے اندر مر جان گے ۔
اک مسیحی دی حیاتی تے حق دا رستہ ایمان نال شروع ہوندے نیں ۔کویں راستباز ایس لائق ہوندااے پئی اوہ پانی تے پاک رُوح دے راہیں جمن دے بعد معاشرے وچ دوجے راستباز نوں جان سکے ؟ سانوں پتہ ہونا چاہی دااے پئی ایمان وچ جیونا ،ساڈے کول صرف اِکو راہ ہیگااے ۔
کیہ تسیں راستباز دی ایس جندڑی نوں سمجھدے او ؟ ایمان توں اَڈ، اسیں مرے ہوئے آں تے مشکلاں نال نبڑن لئی ساڈے کول کوئی طاقت نئیں ہیگی اے ۔جے اک بندہ ، ایمان وچ نئیں جیونداتے نہ ای ایمان نوں ورتدااے ،تاں اوہ مشکلاں وچ ڈگیا رہندااے ،تے فیر اخیریں مر جاوےگا ۔ جدوں کوئی خُدا اُتے ایمان لیاؤندااے تے من دا اے پئی ، ” خُداوند میَں تیرے اُتے ایمان لیاؤندا ہاں ، “ تاں فیر جے اوہ لائق نئیں تے ماڑااے تاں وی خُدا اُتے ایمان لیاؤن دے راہیں جیوندا رہ سکدااے ۔کیوں جے اوہ خُداوند اُتے ایمان لَے آیا اے ایس لئی وہ جیوندا رہ سکدااے ۔ جناں بوہتا اوہ اوہدے اُتے ایمان رکھدااے ،اوناں ای بوتاخُدا اوس بندے دی تے اوہدے کماں وچ مدد کردااے ۔
جدوں اسیں اپنیاں حداں نوں محسوس کردے آں ، تاں اسیں ایمان ول آؤندے آں
میَں ایہہ آس رکھدا ہاں پئی تسیں ایہہ سوچوپئی کیہ تسیں ایمان وچ جیوندے او یاں نئیں ۔ اک بندہ نویں سریوں جمن دے بعدجھٹ پٹ ایمان دے راہیں نئیں جیوندا ۔ پہلوں پہلوں اوہ حالات راہیں جیوندااے ،سو اوہ سکھ نئیں سکدا پئی کویں ایمان وچ جیونااے۔کیوں؟ کیوں جے ایس دھرتی اُتے ہر بندہ اپنے ہتھاں تے پیراں راہیں کُجھ کماؤن دے سبب جیوندااے ، خُدا اُتے ایمان لیاؤن وچ ایہدی لوڑ نئیں ہیگی ۔ پر جدوں اسیں حیرانی نال محسوس کردے آں پئی اسیں صرف اپنی بدنی طاقت تے ہتھ پیر مار کے جیوندے رہ سکدے آں۔تاں سانوں پتہ لگدا اے پئی اسیں جیوندے نئیں رہ سکدے۔فیر کویں اسیں حیاتی پا سکدے آں ؟لازمی ہیگا اے پئی اسیں ایمان وچ رہیے۔ اسیں اوس ویلے تیک اصل وچ جیوندے
نئیں رہ سکدے،جدوں تیک اسیں ایمان وچ نہ آئیے تے خُدا اُتے یقین نہ رکھیے ۔
لازمی ہیگا اے پئی اسیں ایمان وچ جیوندے رہیے ،ایتھوں تیک پئی نکے نکے کماں وچ وی ، اِنج آکھنا چاہی دااے پئی ، ” خُداوندا ! میَں تیرے اُتے ایمان رکھدا ہاں ، مہربانی نال میری مدد کر ۔ “جدوں اسیں نکیاں معاملیاں دے راہیں خُدا اُتے ایہہ آکھدیاں ہوئیاں ایمان رکھدے آں ، ” خُداوندا! میَں تیرے اُتے ایمان رکھدا ہاں ،میرا ایمان ہیگا اے پئی تُوں میری مدد کرداایں ۔میَں تیرے اُتے یقین رکھدا ہاں ۔ “ اسیں ثابت کردے ہاں پئی اسیں نکیاں معاملیاں وچ وی ایمان رکھدیاں ہوئیاں جیوندے رہ سکدے آں ۔
اسیں ہو ر بوہتے تگڑے ہو سکدے ہاں تے جدوں اسیں صرف ایمان رکھیے تاں اسیں اپنی ساریاں دل دیاں آساں پوریاں کر سکدے ہاں ۔ پر ،جدوں اسیں خُدا اُتے ایمان نئیں رکھدے ،تاں اسیں ایہہ سوچ دے ای نئیں پئی خُدا اِنج کرے گا ، ایس لئی اسیں گواچ جاندے آں کیوں جے اسیں ایمان دا تجربہ نئیں رکھدے ۔ بھاویں ایہہ مشکل ایمان راہیں سوکھے طریقے نال مک سکدی اے ،تاں وی اسیں ایہنوں اپنے طریقے نال حل نئیں کر سکدے ۔ ایمان وچ جیوندے رہنا ساریاں حالتاں وچ چنگا ہیگااے ایس لئی سانوں سکھن دی لوڑی ہیگی اے پئی کویں ایمان دے راہیں جیوندے رہیے ۔
پُرانے عہد نامے وچ لوک ایمان دے راہیں جیوندے سَن تے نویں عہد نامے دے لوکاں لئی وی اِنج ای اے پئی اوہ ایمان دے راہیں مکتی پاؤن ۔ کویں اسیں اپنی مکتی اُتے آس رکھ سکدے آں؟ جو کُجھ یسوع مسیح نے کیتا ،کیہ اسیں اوہدے اُتے ایمان لیاؤن دے راہیں راستباز بن گئے آں ؟آہو ، اسیں راستبازبن گئے آں ۔ جدوں اسیں خُدا اُتے ایمان لیاؤن دے راہیں حیاتی بسر کردے آں ،تاں خُدا ساڈی مدد کردااے ۔ سب توں پہلاں ، خُدا اُتے ایمان رکھو تے جیہڑی شے دی تہانوں لوڑ ہیگی اے ،اوہدے لئی خُدا کولوں پُچھوتے فیر خُدا ساڈی مدد کردااے ۔جویں پئی خُدا مکتی دیندااے ، بالکل اوسے طرحاں خُدا دوجیاں شیواں وی دیندااے ۔ ایمان ساڈیاں حیاتیاں دے سارے حصیاں وچ ہیگااے ۔ایہو جندڑی ہیگی اے ۔راستبازلئی جندڑی ای ایمان ہیگی اے ۔ ایمان جندڑی ہیگی اے ۔ ایہہ بالکل اِنج ہیگا اے جویں پئی بدن وچ لہو ۔ جدوں اک نویں سریوں جمن والا بندہ ایمان توں سکھنا اے تاں اوہدی رُوح وی اوسے طرحاں مر جاوے گی جویں پئی اک بندے دے بدن وچوں لہو کڈھ لیا جاوے تاں اوہ مر جاندااے ۔ سانوں خُدا اُتے ایمان لیاؤنا تے اقرار کرنا چاہی دااے ، ” اےخُدا،میَں تیرے اُتے ایمان رکھدا ہاں ،میرا ایمان ہیگا اے پئی تُوں میری مدد کرداایں تے میریاں ساریاں مشکلاں نوں مکاؤنداایں ۔ “
ایہوای اوہ ایمان ہیگااے ،جیہڑا اپنیاں لوڑاں توں پہلاں خُدا دی بادشاہی نوں لبھدااے تے یقین رکھدا اے پئی خُدا لازمی طور اُتے ساڈیاں دعاواں دا جواب دیوے گا ۔سانوں ایمان دے راہیں جیوندے رہنا چاہی دااے ۔ راستباز صرف ایمان رکھیاں ای جیوندارہ سکدااے ۔ جیہڑا کُجھ بدن وچ رہندیاں ہوئیاں ایس جگ وچ ،ساڈے کول ہیگااے ،اوہ سارااِک دن مک جاوے گا ۔ تے ساڈے لازمی طور اُتے اک دن ایہو جیہے خطریاں بھرے حال ہون گے ۔او س ویلے اوہ شے جیہدی سانوں بوہت لوڑہیگی اے ، اوہ ایمان ہیگااے ، پئی خُدانے سانوں مکتی دتی ، ساڈی مدد کیتی تے ایہہ ایمان لیاؤنا پئی اوہ نیک ہیگااے ۔
ہور اگانہہ ،سانوں ایہہ ایمان رکھن دی وی لوڑ ہیگی اے پئی اسیں جیہڑی وی دعا کردے آں تے لبھدے آں ،جے تاں ایہہ خُدا دے اگے چنگا ہیگااے تاں اوہ سب کُجھ خُدا سانوں دیندا اے ۔جدوں ساڈے بدن دی دولت برباد ہو جاندی اے تاں ایمان سانوں اوہدے فضل ہیٹھاں حیاتی بسر کرن د ی توفیق دیندااے ۔ خُدا اُتے ایمان لیاؤنا ساڈے لئی اوہ سب کُجھ بناؤن لئی ،جیہدی اسیں خُدا اُتے آس رکھدے آں ،اک جیوندی جاگدی طاقت بن دی اے ۔
لازمی ہیگااے پئی اسیں نکیاں کماں وچ وی ایمان نوں ورتیے
سانوں کویں جیوندے رہنا چاہی دااے ؟ سانوں اِنج دعا کرن دی لوڑ ہیگی اے۔” یا خُدایا، میرا تیرا اُتے ایمان ہیگااے ۔ میَں ایس گل وچ تے اوس وچ ماڑا ہیگاواں ،ایس لئی خُداوندا میری مدد کر۔ “ میَں اپنیاں بوہتیاں کمزوریاں بارے گل نئیں کردا۔آؤ اسیں اِنج آکھدے ہوئیاں ، ایمان رکھ کے جیوندے رہیے ، ” مینوں میری ہر دیہاڑے دی حیاتی وچ ایہدی تے اوس شے دی لوڑ ہیگی اے ۔ خُداوندا مہربانی کر کے میری مدد کر ۔ میرا ایہہ ایمان ہیگا اے پئی تُوں میرے لئی ضرور اِنج ای کریں گا ۔ “ اک بندہ جیہڑا ایمان وچ جیوندااے ،اوہنوں چاہی دااے پئی اوہ ہر دیہاڑے دے ایناں نکیاں کماں توں شروع کر کے خُداوند نوں لبھنا شروع کردیوے ۔مثال طور اُتے ، ” خُداوندا میرے کول دند صاف کرن والی پیسٹ نئیں ہیگی ،مہربانی کر کے مینوں دند صاف کرن والی پیسٹ دے دے ۔ میَں تیرے اُتے یقین رکھدا ہاں ۔ “ ایس لئی اسیں ایہدا تجربہ کردےآں پئی ،جدوں ساڈا یقین اوہدے اُتے ہیگااے تاں خُدا
سانوں جواب دیندااے ۔
کاہدے سبب اک پاپی حیاتی بسرکردااے ؟پاپی اپنی بدنی طاقت اُتے یقین رکھ کے جیوندے نیں ،پرراستباز ایمان رکھن دے سبب جیوندااے۔جدوں سانوں پتہ ہیگااے پئی راستبازایمان دے سبب جیوندااے تاں اسیں ایمان نوں اپنی حیاتیاں وچ ورت سکدے آں ۔ اسیں اوس طاقت نال جیہڑی ساڈے وچ ہیگی اے جیوندے نئیں رہندے ،سگوں ایمان دے سبب ۔ کیہ تہانوں اِنج نظر آؤندااے؟ ” راستباز ایمان وچ جیوندارہوےگا ۔ “ راستبازدی جیہڑی خاص لوڑ ہیگی اے ،اوہ ایمان ہیگااے،پر اسیں صرف ایمان نوں اوس ویلے ورتدے آں جدوں ساڈیاں دوجیاں آساں مُک جاندیاں نئیں۔
اسیں ایمان ول اوس ویلے پاسا موڑدے آں ،جدوں اسیں اپنی طاقت تے ہتھ پیرمارنے چھڈ دیندے آں ۔ پر سانوں جانن دی لوڑ ہیگی اے پئی ایمان وچ حیاتی بسر کرنا ،اک سچ ہیگااے تے ایہہ خُدا دا حکم ہیگااے، جیہدی بنیاد اوہدے وعدے اُتے ہیگی اے ،جیہدی ساڈی حیاتیاں وچ بوہت لوڑ ہیگی اے ۔ ایمان دے سبب جیوندے رہوو۔خُدا اُتے ایمان لیاوو تے اوہنوں لبھو ۔فیر سانوں اوہ سب کُجھ مل سکدااے ،جیہدی سانوں لوڑ ہیگی اے ۔ سانوں اپنے نکے نکے کماں وچ سکھنا چاہی دااے پئی کویں ایمان وچ جیونا چاہی دااے ،فیر ہولی ہولی ساڈاایمان ہو ر بوہتا پکا ہوندا جاوے گا۔
داؤد نے جاتی جولیت نوں ایمان نال ای اک پتھر تے غلیل نال ماریا سی ۔ اوہنے جاتی جولیت نوں ایس ایمان نال ماریاں پئی خُدا اوہدے نال ہیگاسی ،اوہنے ایہہ سوچیا پئی اوہدا یقین خُداوند اُتے ہیگا اے تے اوہنوں مارن وچ خُدا دی مرضی ہیگی سی ۔ فیر اوہنے جاتی جولیت نوں آکھیا ، ” تے داؤد نے اوس فلستی نوں آکھیا پئی تُوں تلوار،بالا تےبرچھی لَے کے میرے کول آؤنداایں ،پر میَں فوجاں دے رب دے ناں نال جیہڑااسرائیل دیاں فوجاں دا خُدا ہیگااے ،جیہدی تُوں بے عزتی کیتی اے ،تیرے کول آؤنداہاں ۔“ (۱ ۔سموئیل ۱۷:۴۵)۔ ایمان دے راہیں ای جدوں ابرہام نوں سدیا گیا ، تاں اوہ اپنی جائیدا د نوں چھڈ کے اوس پاسےٹُر پیا جنہوں اوہ جان دا نئیں سی ۔
راستبازایمان رکھ کے جیوندارہوے گا۔ایتھے ایسے طرحاں دیاں کئی ہو ر مثالاں مل جاندیاں نیں پئی اسیں انجیل اُتے ’ایمان رکھ کے جیوندے رہواں گے ۔ ‘ فیر وی ، کنے لوکاں نوں ایہہ پتہ اے پئی ایمان دی حیاتی ای راستبازدی حیاتی ہیگی اے، تے ایہو ای مسیحیاں دی حیاتی ہیگی اے ؟ میَں اِنج نئیں آکھدا پئی اسیں اپنی ساری بدنی طاقت تے جائیداد نوں جیہدے نال ساڈی دنیاوی جندڑی چلدی اے ، نوں یکدم چھڈ دینا چاہی دااے۔ میَں صرف تہانوں نصیحت کردا ہاں پئی کسے دھرتی دی شے اُتے ایمان دے راہیں جیون دے ایمان نوں یکدم چھڈ دیوو۔ فیر ،کاہدے اُتے ایمان رکھیے؟ خُدا اُتے ۔جدوں اسیں خُدا نو ں لبھدے تے اوہد ے اُتے ایمان رکھدے آں تاں خُدا ساڈے لئی اوہ کم کردا اے ،جنہاں دی سانوں لوڑ ہوندی اے ۔ ایمان رکھو پئی اوہ ساڈیاں دعاواں دا جواب دیندا اے تے ایمان رکھو پئی اوہ کلیسیا دا مُڈھ ہیگا اے ۔ کلیسیا وچ مِل جاوو تے خُداوند دی خدمت کرو۔کیہ تسیں ایمان رکھدے او؟ اسیں ایمان نال جیوندےآں کیوں جے اسیں وکھ وکھ طور اُتے راستبازہیگے آں۔
سانوں اوہ ساریاں دنیاوی شیواں چھڈ دینیاں چاہی دیاں نیں جنہاں اُتے اسیں دلوں ایمان رکھدے آں ۔ لازمی ہیگا اے پئی اسیں خُدا اُتے ایمان رکھیے ،تےاوہنوں لبھیے تے اوہنوں ایمان راہیں پائیے۔ لازمی ہیگا اے پئی اسیں ایمان نال جیوندے رہیے تے ایہدا تجربہ کریے ۔ فیر ، اسیں خُداوند دے نال بادشاہی کر سکاں گے تے جگ دے لوک ساڈا مذاق نئیں اُڈاؤن گے ۔خُداوند فرماؤندااے ،” تُوں میرے ویریاں دے ساہمنے میرے اگے کھاناکھان دا لیڑا وچھاؤندا اے “ (زبور ۲۳: ۵)۔وڈا انعام پاؤن لئی خُدا اگے مبارک بننا اے ۔ ایہہ حال دی ترقی دے مطابق جیوندے رہن دے سبب نئیں سگوں ایمان دے سبب ہیگااے ۔
کیہ تسیں کدی ایمان راہیں جیوندے رہے او؟ بوہتے لوکاں نوں ایمان نال جیون دا کدی تجربہ ہویاای نئیں ،پر ایہو جیہے لوک وی ہیگے نیں جیہڑے جدوں وی دعا کردے نیں ،تاں خُدادے کماں دا تجربہ کردے نیں ۔ سانوں ایس تجربے وچ اگانہہ ودھنا چاہی دااے ،نہ پئی صرف اِکو ای واری تجربہ کرنا چاہی دااے ۔ بوہتی وار کرن دی لوڑ ہیگی اے ۔ایہہ اوہ طریقہ ہیگااے جیہدے نال راستبازجیوندا رہوے گا ۔ سانوں جگ دیاں دنیاوی شیواں اُتے بھروسہ نئیں کرنا چاہی دا،سگوں خُدا اُتے ایمان رکھنا چاہی دااے ۔ ایہوای راستباز دی جندڑی ہیگی اے ۔ سانوں اِنج ای جیوندے رہنا چاہی دااے ۔ صرف ایمان دے راہیں اسیں جیوندے رہ سکدے تے خُدا کولوں ساریاں برکتاں پا سکدے آں ۔
سانوں خُدادے اگے سب توں بوہتی،ایمان لیاؤن دی لوڑہیگی اے
ایمان لیاؤنا بوہت اوکھا کم تاں لگدااے پر اصل وچ ایہہ بوہت سوکھا کم ہیگا اے ۔ خُدا اُتے یقین رکھن توں اَڈ کسے ہو ر شے دی لوڑ نئیں ہیگی اے ۔ اسیں صرف خُدا اُتے ایمان رکھدے آں ۔ لوک سوچدے نیں پئی ایمان لیاؤنا بوہت اوکھا کم ہیگااے ، پر اصل وچ ایہہ کوئی اوکھا کم نئیں ہیگا۔میَں اپنے باپ نوں” باپ “سدنا ہاں تے یقین رکھدا ہاں پئی اوہ میرا باپ ہیگااے ،ایس لئی پئی اوہ سچ مُچ میرا باپ ہیگااے ۔ پر اوہداباپ ہونا میرے دلی یقین اُتے نئیں ہیگا ۔خُدا اُتے ایمان ایسے گل توں شروع ہوندااے ۔ میَں خُدا اُتے یقین رکھدا ہاں ،کاہدے لئی ؟ ایس لئی پئی خُدا سدا راستباز لئی تیار رہندا اے ، اوہناں نال محبت رکھدا تے اوہناں دا باپ تے مکتی داتا بنیا اے ۔دوجی گل، ایہہ ہیگی اے پئی جے اسیں خُدا اُتے ایمان رکھدے ہاں ،تاں اسیں اوہنوں اپنیاں لوڑاں دسدے آں بالکل اوسے طرحاں جویں پئی اک بچہ اپنے باپ نوں اپنیاں لوڑاں دسدا اے ۔ اخیریں ، خُدا باپ ساڈی سُن دا تے سانوں جواب دیندا اے پئی سانوں کیہ چاہی دااے ۔ خُدا اُتے ایمان رکھن دی بنیاد تے شروع ایناں سوکھا یقین ہیگا اے ۔
اسیں ایمان لیاؤن دے راہیں حیاتی پا لئی اے کیوں جے خُداوند ساڈاخُدا الفا تے اومیگا، شروع تے اخیر ہیگااے ۔ ساڈے ساریاں دیاں جندڑیاں ایمان راہیں ہیگیاں نیں ۔ اسیں ایمان دے راہیں مکتی پائی اے تے اوہ (خُدا ) ایمان دے راہیں ساڈی فکر کردااے ۔ایہہ ایمان ای ہیگااے جیہڑا سانوں ایہہ آکھن دے لائق بناؤندااے ، ” خُداوند میَں تیرے اُتے ایمان رکھدا ہاں ،مینوں سنبھال تے میری مدد تے حفاظت کر ۔“جدوں اسیں ماڑے ہوئیے تے شیطان دیاں دھمکیاں توں ڈرئیے تاں سانوں کیہ کرن دی لوڑہیگی اے ؟ اسیں خُدا اُتے ایہہ آکھدیاں ہویاں ایمان لیاندااے ، ” اے خُداوند میَں تیرے اُتے ایمان رکھدا ہاں ۔“ ساڈا سوچنا غلط وی ہو سکدااے تے نتیجے طور اُتے ہو سکدا اے پئی اسیں شیطان دے جال وچ پھس جائیے تے ہار جائیے ۔ ایس معاملے وچ ، کیوں جے اسیں اِنج آکھدیاں ہوئیاں ایمان لیاؤندے تے دعا کردے ہاں پئی ، ” خُداوند مہربانی کر کے مینوں سنبھال ،مینوں یقین ہیگا اے پئی تُوں مینوں لازمی طور اُتے سنبھالیں گا۔ “تے کیوں جے خُداوند ساڈا باپ ہیگا اے ایس اوہ لازمی طور اُتے سانوں سنبھالدااے ۔خُدا ہر طریقے نال ساڈی راکھی کردااے ، جے اسیں بے چجی دعا وی کر لیندے آں ،تاں وی خُدا ہر طریقے نال ساڈی راکھی کردااے ، کیوں جے اوہ بوہت چنگا سانوں جان دا اے ۔سب توں خاص شے ایمان ہیگااے ۔ایہہ بوہت سوکھا ہیگا اے ۔ صرف خُدا دے دتے ہوئے ایمان اُتے چلیے تے فیر خُدا تہاڈی ایمان نال ایمان لئی اَگوائی کرےگا ۔ جے اسیں ایمان نئیں رکھدے، تاں سب کُجھ کسے کم دا نئیں ہیگااے،بھاویں خُدا ہیگااے ۔جے اسیں خُدا اُتے ایمان رکھیے تاں اسیں ایمان نال جیوندے آں ۔
ایمان نال تے ایمان لئی
رومیوں ۱:۱۷دسدااے ، ”ایس لئی پئی اوہدے وچ خُدا دی راستبازی ایمان نال تے ایمان لئی ظاہر ہوندی اے۔ “ جدو ں اسیں اپنے ایمان نوں سدا جاری رکھدے آں، تاں اسیں ایمان نال جیون والے لوک اکھواندے آں ۔میَں چاؤہندا ہاں پئی تسیں اینوں سمجھو۔ جے اسیں خُدا اُتے ایمان نئیں رکھدے تاں خُدا ساڈے لئی کوئی نئیں ہیگااے ،بھاویں جےاوہ سچ مُچ ہیگااے ۔ جدوں تسیں سچے دلوں ایمان لیاوو پئی خُداوند جیونداخُدا ہیگااے تے تہانوں اوہنے مکتی دتی اے تاں تسیں ایس ایمان دے راہیں ایمان تیک اپڑ سکدے او۔
جدوں تسیں اک ایماندار بن جاندے او ، تاں ایمان دے راہیں خُدا دیاں ساریاں شیواں وی تہاڈیاں ہو جاندیاں نیں ۔ پاک بائبل رومیوں ۱ : ۱۷ وچ جو کُجھ تہانوں دسدی اے اوہ ایہہ ہیگا اے پئی ایمان دا شروع تے مکا ایمان ہیگا اے، ” ایس لئی پئی اوہدے وچ خُدا دی راستبازی ایمان نال تے ایمان لئی ظاہر ہوندی اے۔ “ ایس لئی ، جے اسیں خُدا اُتے ایہہ ایمان رکھیے پئی خُدا نے سانوں مکتی دتی اے تاں اسیں وی مکتی یافتہ تے ایمان دے لوک بن سکدے آں ۔ پر جے اسیں ایمان نہ لیائیے تاں اسیں ایمان دے پُتر نئیں بن سکدے ۔جدوں اسیں مثال طور اُتے اوہدے اُتے ایمان لیاکے ایناں شیواں نوں لبھدے آں جنہاں دی سانوں لوڑ ہیگی اے تاں خُدا سانوں ضرور جواب دیندااے ۔
پولُس رسول رومیوں ۱:۱۷ وچ جیہڑے موضوع اُتے گل کردااے ، بھاویں ایہہ جملہ نکا ہیگااے تاں وی بوہت مطلب دااے ۔کیہ تسیں جان دے تے سمجھدے او پئی راستباز کویں جیوندااے ؟ ” راستباز ایمان رکھ کے جیوندارہوےگا ۔ “ ایمان پاپیاں لئی بوہت لوڑی دی نئیں سگوں راستباز لئی لوڑی دااے ۔
اوہ خاص گل جیہدے اُتے پاپیاں نوں ایمان لیاؤن دی لوڑ ہیگی اے ،اوہ ایہہ ہیگی اے پئی یسوع اوہناں دا مکتی داتا ہیگااے ۔ ایس لئی ، اسیں ،نویں سریوں جمن والے مسیحی ،اپنیاں جندڑیاں وچ ایمان لیاسکدے آں۔کیہ جدوں اسیں جیوندے آں تاں سانوں صرف اک یاں دوشیواں دی ای لوڑہیگی اے ؟ نئیں ۔ایتھے بوہت سارے کم ہیگے نیں جیہڑے کرن والے نیں ،بھاویں اوہ عام ہون یاں خاص ۔ راستباز اپنے ساریاں کماں وچ اپنے ایمان دے راہیں جیوندارہوےگا ۔کیہ تہانوں ایہدی سمجھ آؤندی پئی اے ؟ لازمی ہیگااے پئی اسیں ایمان رکھ کے جیوندے رہیے ۔اسیں ایمان رکھ کے مکتی پائی تے ایمان دے راہیں ہر خطرے توں بچائے گئے آں ۔ جدوں اسیں ایمان نال دعا کردے آں،تاں خُدا سانوں ضرور جواب دیندااے ۔ بھاویں جے اسیں ماڑے ہیگے آں ،تاں وی سانوں ایمان نال جیوندے رہنا چاہی دااے تے دعا کرنی چاہی دی اے۔ ویاہ توں لَے کے انجیل دی منادی تیک ،ساریاں کماں وچ سانوں ایمان دی لوڑ ہیگی اے ۔جدوں اسیں کسے کول خوشخبری لَے کے جاندے آں ، تاں ایمان ساڈی اَگوائی کردااے پئی ایس طرحاں دعا کریے ۔ ” اے خُدا، میَں ایمان رکھدا ہاں پئی تُوں ایس رُوح نوں مکتی دتی اے “ سانوں ہر کم ایمان نال کرنا چاہی دااے ۔
اسیں ایمان دے اَڈ خوشخبری دی منادی نئیں کرسکدے ۔اسیں صرف ایمان دے راہیں ای ایس خوشخبری دی منادی کر سکدے آں۔ جدوں اسیں ایمان دے راہیں خوشخبری دی منادی کردے آں تاں بوہت سارے لوک مکتی پاؤندے نیں ۔کیہ تسیں کدی ایمان دی جندڑی دا تجربہ کیتا اے ؟ لوک ایس گل توں بےخبرے نیں اوہ تاں ایمان توں اَڈ ای جندڑی بسر کردے پئے نیں جد پئی اوہناں نوں ایمان وچ جیون دی لوڑی ہیگی اے ۔ایس لئی ، جدوں اوہناں اُتے مشکلاں آوندیاں نیں تاں اوہ پتھراں نوں ٹکراں ماردے نیں ۔تے جدوں اوہ اپنی ساری طاقت لا کے ویکھدے نیں تاں فیر اوہ کوئی ہور راہ لبھدے نیں تے ایس طرحاں اخیریں اوہ سدا ماڑے ای رہندے نیں ۔ اوہ ایمان اُتے یقین نئیں رکھدے تے اوہدی مرضی توں اَڈ جیوندے نیں ۔ جویں پئی ایہو جیہے بندے آکھدے نیں ، ” کیوں جے میَں اپنی مرضی نال نئیں جیونداایس لئی میَں مرنئیں سکدا۔ “
پر راستباز اپنیاں ایمان بھریاں جندڑیاں بوہت بھروسے والیاں تے سدھیاں گزاردے نیں : اوہ یقین رکھدے ،بھالدے تے جواب پا لیندے نیں ۔جے اسیں ایمان نئیں رکھدے تاں نکمے خیال تے بے اعتقادی (خُدا دا منکر ہونا)آجاندی اے ۔ فیر ، اسیں کلیسیا نال چل نئیں سکدے ۔کویں اسیں خُداوند نال ایمان رکھیوں بغیر چل سکدے آں ؟ کیہ اسیں بدن اُتے ایمان رکھ سکدے آں ؟ کدی نئیں ۔ اسیں کویں ایمان رکھ سکدے آں؟ جے اسیں خُدا اُتے یقین نئیں رکھدے تاں اسیں ایمان توں سکھنے آں ۔ اسیں کلیسیا نال اوس ویلے ای چل سکدے آں جدوں اسیں ایمان نال جیوندے آں تے ایمان نال جیوندے رہنا ایمان دے سبب توں اے ۔ کیہ تہانوں اِنج لگدااے ؟ کیہ تسیں خُدا اُتے ایمان رکھدے او ؟ فیر ڈھونڈو پئی تہانوں کیہڑی شے دی لوڑ ہیگی اے ۔خُدا اُتے ایمان رکھو ، تاں فیر سب کُجھ ٹھیک ہو جاوے گا ۔ساڈا مسئلہ ایہہ ہیگا اے پئی اسیں ایہدی پرواہ ای نئیں کردے پئی سانوں ایمان نال جیوندے رہنا چاہی دااے ۔
میَں خُدا دا شکر ادا کرداہاں جنہے ساڈی مدد تے اَگوائی کیتی پئی اسیں اپنی حیاتی دے اخیری دیہاڑے ایمان وچ رہندیاں گزارسکیے ۔
Copyright © 2021 by The New Life Mission