Search
English
English
Due to COVID-19 and disruption to international mail service
we have temporally suspended our ‘Free Print Book service’.
In the light of this situation we are not able to mail you the books at this time.
Pray that this pandemic will end soon and the resumption of the postal service.

Sermons

مضمون 9: رومیوں (رومیوں دی کتاب اُتے تفسیر)

[4-1 باب] رومیوں۴ باب دا تعارف

 رومیوں۴:۶ ۔ ۸وچ پولُس خُدا دے اگے مبارک لوکاں بارے گل کردااے ۔ خُدا دے اگے مبارک بندہ اوہ ہیگااے جیہدی بدیاں معاف ہوئیاں تے جیہدے پاپ ڈھکے گئے ۔ پولُس منادی کردااے ، ” مبارک اوہ بندہ ہیگااے جیہدے پاپاں دا خُداوند حساب نئیں کرے گا ۔“ ( رومیوں۴:۸)۔
فیر پولُس ابرہام دا اک مبارک بندے وانگر تعارف کراؤندااے ۔ابرہام دے بارے پاک بائبل وچوں اک مثالی بندے وانگر دسدیاں ہوئیاں ،پولُس ایس گل نوں کھول دااے پئی اصلی تے مبارک ایمان کیہڑا ہیگااے ۔ جے ابرہام اپنے کماں نال راستباز بنایا جاندا تاں اوہنے بوہت فخر کرنا سی ،پر اصل وچ اِنج نئیں ہیگا سی ۔خُدا دی اوہ راستبازی جیہڑی اوہنوں ملی سی صرف خُدا دے کلام اُتے ایمان لیاؤن نال سوکھی ہوسکدی سی ۔
پاک بائبل ایس گل ول اشارہ کردی اے پئی اوہ ایمان جیہدے نال کوئی راستباز تے مبارک ہو سکدااے ، اوہ خُدا دے کلام اُتے سدھا سادہ ایمان ہیگااے جویں پئی ابرہام دا ایمان ہیگاسی ۔ ایس باب وچ ، پولُس رسول ایس گل دے بارے بولدااے پئی کویں کوئی اپنے دل وچ خُدا دی راستبازی نوں اوہدے کلام اُتے ایمان لیاؤن نال پاسکدااے ۔
کوئی اک وی نئیں ہیگااے ، جنہیں دھرتی اُتے رہندیاں ہوئیاں بالکل کوئی پاپ نہ کیتا ہووے ۔ اگانہہ ہور ، ساڈے پاپ اوس کالے بدل وانگر بوہت گاڑھے ہیگے نیں جیہڑا اَسمان نوں ڈھک لیندا اے ۔یسعیاہ نبی دی کتاب وچ، ایہہ لکھیا اے پئی ساڈے پاپ تے غلطیاں گاڑھے بدل وانگر ہیگے نیں (یسعیاہ ۴۴:۲۲)۔ایس لئی بندیاں وچوں کوئی وی ایس لائق نئیں ہیگا پئی یسوع مسیح دی راستبازی اُتے ایمان لیاؤن توں اَڈ خُدا دی سزا توں بچ سکے ۔
یسوع نے بپتسمہ لین تے صلیبی لہو دے راہیں خُدا دی راستبازی نوں پورا کیتا ۔ ہر کوئی پاپ کردا اے :نویں سریوں جمن والے تے جیہڑے نویں سریوں نئیں جمے اپنے بدن توں اپنی مرضی توں ہٹ کے پاپ کردے نیں ۔ اگانہہ ہو ر، اسیں پاپ نوں جانن توں اَڈ ای پاپ کردے آں، تے ایس لئی سزا پاؤنا ساڈے لیکھا ں وچ ہیگااے ۔
ہر کسے نوں ایہہ گل ذہن وچ رکھ لینی چاہی دی اے پئی جے کسے بندے وچ بھورا جناں وی پاپ
ہیگااے ،تاں وی اوہ خُدا دے انصاف مطابق مریا ہویا اے ۔بائبل وچ ایہہ آکھیا گیا اے پئی پاپ دا پھل موت ہیگی اے (رومیوں ۶ :۲۳)،تے ایس لئی ، سانوں خُدا دی شریعت  نوں سمجھنا تے ایمان لیاؤنا چاہی دااے ۔ لازمی ہیگا اے پئی جیہڑے پاپ اسیں اپنے کماں تے عقل نال کیتے نیں اوہناں دا مُل اُتاریاجاوے تے جدوں پاپاں دا مُل اُتار دیتا جاوے تاں پاپ دا مسئلہ اپنے آپ مک جاندااے ۔ دوجا پاسا، ایس گل توں ہٹ کے پئی اسیں کنی بوہتی ہمت کردے آں ، جے اسیں حالے تیک  پاپ دا مُل نئیں اُتاریا ،تاں پاپ دی سزا دا مسئلہ اویں دا اویں پیا ہویا اے ۔ کیہ سانوں جانن دی لوڑہیگی اے ،اِنج ہیگااے پئی اک بندہ جیہڑا یسوع اُتے ایمان تاں رکھدااے ، پر پاپاں بھریا ہیگااے ، تا ں ایہو جیہا بندہ اپنے پاپاں دی سزا پاوے گا ۔
اسیں جیہڑے جگ وچ رہندے آں : ہر طرحاں دے وڈے تے نکے ، نظر آؤن والے تے لُکے ہوئے ،جان دے ہوئیاں تے نہ جان دے ہوئیاں کیتے جان والے پاپاں دا ہڑ چڑھیا ہویا اے ۔ اسیں اپنے پاپاں دی گنتی دے سبب خُدا دی شریعت دے مطابق اپنی موت دا اقرار کرن توں ہٹ کے کُجھ نئیں کر سکدے ،   ” ایس لئی پئی پاپ  دا پھل موت ہیگی اے ۔ “
جے کوئی چاؤہندااے پئی اوہدے پاپ ڈھکے جان ، تاں اوہنوں چاہی دااے پئی خُدا دی راست بازی اُتے ایمان لیاکے پاپاں توں معافی پاوے ، جیہڑی پانی ،لہو تے پاک رُوح دے راہیں ملدی اے ۔ ہر کوئی جیہڑا خُدا دی راستبازی  اُتے ایمان لےَ آیا اے اوہ پاپاں دی معافی پاؤن دے لائق ہیگا اے تے پوجا دی قربانی نوں بپتسمہ تے لہو اُتے ایمان لیاؤن دے راہیں چنگی طرحاں اداکرن دی طاقت رکھدااے ۔ ساڈا خُداوند شروع توں سارے جگ دے پاپاں نوں ،جیہدے وچ میرے کالے بدل وانگر پاپ وی ہیگے نیں ، اپنے بپتسمہ ،لہو تے مویاں وچوں جیون دے راہیں اُٹھا چُکیا اے ، ایس لئی سانوں ، خُدا دا شکر ادا کرنا چاہی دااے جنہے سانوں ہمیش دی حیاتی دے دتی اے ۔
جے یسوع مسیح نے سارے پاپ یردن دے دریا اُتے یوحنا کولوں بپتسمہ لین دے راہیں تے  سولی اُتے جان دے کے نہ چُکے ہوندے ، تاں سانوں پاپ دا پھل دوزخ دی موت  وانگر ملنا سی ۔ جے اوہنے ساڈے سارے پاپاں نوں کامل طور اُتے نہ مکایا ہوندا تاں فیر کویں اسیں اوہدی وڈیائی کر سکدے آں ؟ کیہ ایہہ ساڈے لئی ممکن ہو سکدااے پئی جدوں ساڈے دل پاپاں نال بھرے ہوئے ہون تاں فیر کویں اسیں خُداوند پاک خُدا دے اگے آکے اوہدے نام نوں مبارک آکھ سکدے آں ؟ کیہ اسیں سچ مُچ ایہہ آکھدے ہوئیاں اوہدی راستبازی لئی پوجا دی قربانی چڑھا سکدے آں  پئی ،”  اوہنے ساڈے سارےپاپ
مکا دتے نیں ! جدپئی پاپ حالے تیک ساڈے دل وچ ہیگا اے ؟  “  نئیں ۔ 
پر ہُن ،اسیں اوہدی راستبازی وچ اوہدی وڈیائی کرسکدے آں ۔ ایہہ سب ایس لئی سوکھا ہویا کیوں جے اسیں خُدا دی راستبازی دے اوس انعام اُتے ایمان رکھدے آں ، جیہدے نال سانوں  کجیاگیا اے ۔
 
 

پولُس نے فرمایا جو کُجھ خُدا نے کیتا اے اسیں اوہدے اُتےایمان  لیا کے خُدا دی راستبازی نوں پا چُکے آں

 
” ایس لئی اسیں کیہ آکھیے پئی ساڈے بدنی باپ ابرہام نوں کیہ ملیا ؟ ایس لئی پئی جے ابرہام کماں نال راستباز بنایا جاندا تاں اوہدے لئی فخر دی تھاں ہوندی ،پر خُدا دے اگے نئیں ۔پاک کتاب کیہ آکھدی اے ؟ ایہہ پئی ابرہام خُدا اُتے ایمان لیایا تے ایہہ اوہدے لئی راستبازی گنیا گیا ۔ کم کرن والے دی دیہاڑی انعام نئیں سگوں حق سمجھی جاندی اے ۔ پر جیہڑا بندہ کم نئیں کردا سگوں بے دین نوں راستباز بناؤن والے اُتے ایمان لیاؤندااے ،اوہدا ایمان اوہدے لئی راستبازی گنیا جاندااے“  (رومیوں ۴:۱ ۔ ۵)۔ 
ایتھے، پولُس گل کھول دااے پئی ابرہام دی مثال دیندے ہوئیاں کویں راستبازی پاؤنی ایں ۔ ایہو ای ہر کسے لئی چنگا ہیگا اے پئی اوہ اپنے کم دا چنگا پھل پاوے  ۔ پر ،ایہہ مکمل طور اُتے خُدا دا انعام ہیگااے نہ پئی ساڈے کما ں دا پھل ، ایس لئی پئی اسیں نہ تاں کسے نیکی دے راہیں تے نہ ای خُدا دے اگے کامل حیاتی بسر کرن دے سبب راستباز بنے آں سگوں اسیں نویں سریوں جمن دے راہیں راستباز بنائے گئے آں ۔
پولُس رسول نے آکھیا،  ” کم کرن والے دی دیہاڑی انعام نئیں سگوں حق سمجھی جاندی اے ۔ “ ایہہ دسدا اے پئی کویں کوئی پاپی یسوع مسیح دے بپتسمے تے اوہدی قربانی دے لہو راہیں پاپاں توں مکتی پا سکدااے ۔ ایہہ مکتی اوہناں ساریاں نوں جیہڑے خُدا دی راستبازی اُتے ایمان رکھدے نیں پاپاں توں معافی دی مبارک نعمت وانگر دتی گئی اے ۔
ا ک پاپی دی مکتی  آزادنعمت ہیگی اے جیہڑی خُدا دی دے راہیں دتی گئی اے ۔ ہر بندہ جیہڑا پاپی جمیااے اوہدے کول پاپ توں ہٹ کوئی دوجی چنویں شے نئیں ہیگی تے نہ ای خُدا دے اگے  ایہہ اقرار کرن توں ہٹ پئی اوہ اک سچ مُچ پاپی  ہیگااے ، کوئی دوجی چنویں شے نئیں ہیگی اے ۔ ایس طرحاں دے پاپی دے پاپ مک نئیں سکدے ایس لئی صرف اوہ تھوڑیاں جیہیاں ہلاؤن والیاں مسیحی تعلیماں اُتے ایمان لیاؤن دے راہیں بوہت چھیتی توبہ کرن دیاں دعاواں کردے نیں ۔
اک پاپی خُدا دے اگے اپنی راستبازی اُتے فخر نئیں کر سکدا ۔ ” تے اسیں تاں سارے دے سارے ایہو جیہے جویں پلید شے تے ساڈی ساری راستبازی پلید بانے وانگر ہیگی اے ۔ “(یسعیاہ ۶۴:۶)۔ایس لئی، اک پاپی دے کول خُدا دی راستبازی اُتے ایمان لیاؤن توں ہٹ کے دوجی کوئی چنیویں شے نئیں ، جیہڑی ساڈے خُداوند دے یردن دے دریا اُتے بپتسمہ تے اوہدی فتح پاؤن والی صلیبی موت دے راہیں پوری ہوئی سی  ۔ صرف اوس ویلے ای ہر کوئی خُدا دی راستبازی اُتے ایمان لیاؤن دے راہیں اپنے سارے پاپاں توں مکتی پا سکدااے ۔ایس توں ہٹ کے کُجھ نئیں ہیگا اے جیہڑا اک پاپی خُدا دی راستبازی نوں پاؤن لئی کرسکدااے ۔ تسیں صرف خُدا دی راستبازی اُتے ایمان لیاؤن دے راہیں پاپاں دی معافی پا سکدے او ۔
سارے پاپی یسوع مسیح دے بپتسمے تے اوہدے فتح مند صلیبی لہو دے راہیں ایس لائق ہیگے نیں پئی اوہدی راستبازی نوں پا سکن ۔ ایس لئی ،ایہہ خُدا دی راستبازی اُتے ایمان ای ہیگا اے جیہڑا اک پاپی لئی سوکھا کر دااے پئی پاپاں توں مکتی پا سکے ۔ ایہو ای سچیائی ہیگی اے ۔ ایہہ خُدا دی راستبازی دا انعام ہیگااے  ۔
 
 

پولُس رسول پاپیاں نوں اوہناں دے پاپاں توں  مکتی پاؤن بارے گل کردااے

 
پولُس ایہہ ابرہام دی خاص مثال ورتدیاں ہوئیاں کھول کے دسدااے ۔” کم کرن والے دی دیہاڑی انعام نئیں سگوں حق سمجھی جاندی اے ۔ “ پولُس رسول آکھدا پیا اے پئی کوئی کدی وی شریعت دے کماں اُتے عمل کر کے خُدا دی راستبازی نوں نئیں پا سکدا اے ۔ ساڈے کول صرف اِکو ای راہ ہیگااے مطلب اے اوہدے رُوحانی ختنے دے ٹھیک کلام اُتے ایمان لیاؤن دے راہیں ای اسیں خُدا دی راستبازی نوں پا سکدے آں ۔
خُدا دی راستبازی اک سچیائی ہیگی اے جیہڑی بندے دے ہتھ پیر مارن یاں کماں دے راہیں مل نئیں سکدی اے ۔ خُدا دی راستبازی دی نعمت ایہو جیہی سی ،آؤ ہیٹھاں ویکھدے آں : تسیں تے میَں اوہ لوک ہیگے ساں جنہاں نیں ہمیش دی موت لازمی پاؤنی سی ، پر ساڈے مکتی داتا یسوع مسیح نے یردن دے دریا اُتے یوحنا کولوں بپتسمہ لین دےراہیں ساڈے سارے پاپ اپنے اُتے چُک لَے سَن ،فیر اوہنے سارے پاپاں دی سزا سولی اُتے جری ، جتھے اوہنے سارے پاپاں دا مُل اپنے لہو نال اُتاریا ۔ یسوع نے ایس طرحاں خُدا دی ساری راستبازی نوں پورا کیتا ۔ اوہدے سارے چنگے کماں نیں خُدا دی راستبازی نوں پورا کیتا سی ۔جنہے پاپیاں نوں ہمیش دی موت توں بچایا سی ۔
 
 
اوہ جیہڑے خُداوند دے کلام اُتے ایمان لیاؤندے نیں خُدا دی راستبازی نوں پا سکدے نیں !
 
۵ویں آیت دسدی اے ، ”  پر جیہڑا بندہ کم نئیں کردا سگوں بے دین نوں راستباز بناؤن والے اُتے ایمان لیاؤندااے ،اوہدا ایمان اوہدے لئی راستبازی گنیا جاندااے  ۔“
ایس حصے وچ، پولُس خُدا دی راستبازی دے راہ نوں  ”بے دین  “دی اک مثال دے راہیں گل کھولدااے ۔ ’بے دین  ‘  اوہ ہیگے نیں  جیہڑے خُدا کولوں نئیں ڈردے سگوں ساری حیاتی بھیڑیاں کرتُوتاں تے آوارہ پاپ کردے رہندے نیں ۔ خُدا دا کلام ایہہ فرماؤندااے پئی سارے لوک ، ” پاپ دے ڈھیر“ نال جمے سَن ،سچ مُچ ٹھیک ہیگا اے ۔ اگانہہ ہور ،ایہہ وی ٹھیک ہیگا اے پئی انسانی پیڑھی دی عادت ہیگی اے پئی اوہناں کول پاپ توں ہٹ کے کوئی دوجا راہ ای نئیں ہیگااے ،جدوں تیک اوہ خُدا دی ڈراؤن والی سزا نہ پا لین ۔ پر جے خُدا سانوں ، ” بے دین  “ وانگر بلاؤندااے تے بے پاپ وانگر ساڈا ایمان راستبازی وچ گن دا اے ، تاں خُدا دی راستبازی توں ہٹ کے ایہنوں کوئی سوکھا نہ کرسکے گا ؟
ساڈا خُداوند سانوں بے دین   بلاؤندااے : خُداوند نے آپ یردن دے دریا اُتے یوحنا بپتسمہ دین والے کولوں جیہڑا پُرانے عہد نامے دا خیری  وڈاکاہن ہیگا سی ، جگ دے سارے پاپاں نوں اپنے اُتے چُکن لئی بپتسمہ لیا ۔ اوہنے اپنے فتح مند صلیبی لہو نال پاپاں دا مُل اُتاریا تے ایس کلام نوں پورا کیتا پئی ،  ” پاپ دا پھل موت ہیگی اے ۔ “ کیہ تہاڈا یقین ہیگااے پئی یسوع  مسیح نے بپتسمہ لین تے صلیبی لہو دے راہیں ساڈے سارے پاپاں دا مُل خُدا د ی راستبازی نال اُتاریا ؟ خُدا اوہناں دے ایمان نوں جیہڑے اوہدی راستبازی اُتے ایمان رکھدے نیں ،کھاتے وچ لیاؤندااے ۔ ایہہ اڑی یاں ضد نئیں سگوں خُدا دی راستبازی نال راضی
ہون دا اک سچ ہیگااے ۔
ایس لئی اک بندے لئی جیہڑا خُدا د ی راستبازی اُتے ایمان لیاؤندااے ،تاں خُدا باپ اوہدے بارے وچ ایہہ آکھدااے ،  ” تسیں میرے لوک ہیگے او ۔ تسیں میری راستبازی اُتے یقین رکھدے او ۔ ہُن تسیں میرے پُتر ہیگے او ۔ تسیں پاک ہیگے او ۔ کاہدے لئی ؟ ایس لئی پئی میَں اپنے پُتر دے بپتسمے تے لہو دے راہیں تہاڈے سارے پاپ چُک لَے !اوہنے پاپ دا پھل وی جیہڑا پئی موت ہیگااے پا لیا اے ۔ اوہ تہاڈے لئی فیر مویاں وچوں جیوں اُٹھیااے ۔ ایس لئی ، اوہ تہاڈا مکتی داتا تے خُدا ہیگااے ۔کیہ تسیں ایہدے اُتے ایمان رکھدے او ؟ “
” آہو ، میَں ایمان رکھداہاں ۔“  فیر اوہ آکھدرہوے گا ۔  ” میَں تہانوں اپنی راستبازی جیہڑی میرے پُتر دی راستباز موت دے راہیں پوری ہوئی دیواں گا ۔ہُن تسیں میرے پُتر بن گئے او ، میَں تہانوں اپنے پُتر دے پانی تے لہو راہیں چُن لیا اے ۔ “
خُدا دے اگے سارے لوک بے دین ہیگے نیں ۔پر ،ساڈے خُداوند یسوع نے ساڈے بے دیناں دے اوہ پاپ جیہڑے اسیں پہلوں ای کیتے سَن تے اوہ پاپ جیہڑے ساڈے کولوں آؤن والے دناں وچ ہون والے نیں اِکو ای وار یوحنا کولوں بپتسمہ لین دے راہیں اپنے اُتے چُک لَے نیں ۔ اگانہہ ہور ، خُدااوہناں نوں جیہڑے اوہدی راستبازی اُتے ایمان رکھدے نیں ،اپنی راستبازی دے بانے دے لیڑے پواؤندااے تے ایس طرحاں اوہناں نوں اوہناں دے سارے پاپاں توں مکتی دیندااے ۔  ” ایس لئی پئی تسیں سارے اوس ایمان دے راہیں جیہڑا مسیح یسوع وچ ہیگا  اے خُدا دے پُتر ہیگے او ۔ تے تسیں سارے جنیاں نیں مسیح وچ رَلن دا بپتسمہ لیا مسیح نوں لیڑیاں وانگر پالیا اے ۔“(گلتیوں ۳:۲۶ ۔ ۲۷)۔ہُن سوال ایہہ ہیگااے پئی کیہ اسیں خُدا دے کلام اُتے اپنے سچے دل نال ایمان رکھدے آں یاں نئیں ۔ جے اسیں ایمان رکھیے تاں اسیں راستباز گنے جاندے آں ، پر جے اسیں ایمان نہ رکھیے تاں ساڈے کولوں خُدا د ی راستبازی گواچ گئی اے ۔
 
 
ایتھوں تیک پئی بے دین خُدا دی نگاہ وچ ہیگے نیں ۔۔۔
 
ایس  لئی  جیہڑے   خُدا   دے   اگے  بے   دین   ہیگے  نیں ،  اوہنے   اوہناں   نال   وعدہ   کیتا پئی جے
اوہ ایہدے اُتے ایمان لیاؤن پئی  یسوع نے یردن دے دریا اُتے بپتسمہ دے راہیں اِکو ای وار جگ دے پاپاں نوں اپنے اُتے چُک لیا تاں اوہدی راستبازی اوہناں دی ہو جاوے گی ۔اصل وچ خُدا نے ہر اک ایماندار نوں اپنی راستبازی دتی اے ۔ ہر کوئی جیہڑا خُدا د ی راستبازی اُتے ایمان رکھدا اے ،ایس جگ دے سارے پاپاں توں مکتی پاؤندااے ۔ساڈے خُدا باپ نے اوہناں ایمانداراں نوں اپنی راستبازی وچ دسیا اے پئی اوہ اوہدے پُتر ہیگے نیں ۔  ” آہو،ہُن تسیں بے پاپ ہیگے او ۔ میرے سوہنے پُتر یسوع نے تہانوں سارے پاپاں توں مکتی دتی اے ۔ تسیں راستباز ہیگے او ۔ تسیں اپنے سارے پاپاں توں چھڈائے گئے او۔ “
جے اسیں بے دین ہیگے آں ،تاں وی خُدا ساڈے اُتے مہربانی کردااے پئی اسیں راستباز ہیگے آں ۔ خُدا د ی راستبازی ہمیشگی دی ہیگی اے ۔ خُداوند یسوع مسیح نے سچ مُچ سارے لوکاں لئی وڈا کم کیتا اے ۔ ایس جگ دے لوکاں نیں خُدا د ی راستبازی دے راہیں جگ دے سارے پاپاں توں مکتی پائی اے ۔ خُدا نے بے دین لوکاں دیاں  رُوحاں نوں اوہناں دے ایمان اُتے نگا ہ کر کے اپنی راستبازی وچ راستباز گنیا اے ۔ ” مبارک ہیگا اے اوہ بندہ جیہدے پاپاں دا  خُداوند حساب نئیں کرے گا ۔ “ ایس لئی پئی اوہ خُدا د ی راستبازی دی نعمت نوں ایمان دے راہیں پا چُکیا اے ۔
خُدا سانوں  پُچھدااے ،  ”  کیہ تسیں دین والے ہیگے او ؟ “ فیر اسیں ایس سچ نوں من دے آں پئی خُدا دی نگاہ وچ اسیں بے دین ہیگے آں ۔ جدوں سانوں ایس سچ دا پتہ لگدااے تاں ،سانوں خُدادے شکر گزار ہونا چاہی دااے پئی یسوع نے پاپیاں لئی بپتسمہ لیا تے سولی اُتے لہوروڑھیا تے ایہہ خُدا د ی راستبازی ہیگی سی نہ پئی ساڈی اپنی ہمت پئی اوہنے جگ دے پاپاں نوں اپنے اُتے چُک لیا سی ۔ پر ،اسیں اوہ لوک ہیگے آں جیہڑے سوچدے آں پئی شریعت دا آکھا بوہت چنگے طریقے نال من سکدے آں ، اسیں نہ تاں کدی شکرگزار ہوندے تے نہ ای اوہدی راستبازی اُتے ایمان لیا سکدے آں ۔
ہر کوئی جیہڑا خُدا د ی راستبازی اُتے ایمان لیاؤندااے پئی اوہ   ”بے دین نوں راستباز بناؤندااے  “ اوہو ای خُدا د ی راستبازی دی نعمت نوں پاؤندااے ۔ خُدا د ی راستبازی نعمت وانگر اوہناں نوں جیہڑے یسوع مسیح دی مکتی تے سزا اُتے یقین رکھدے نیں ، دتی جاوے گی ، پر جیہڑے خُدا د ی راستبازی اُتے ایمان نئیں رکھدے ، خُدا دیاں ساریاں نعمتاں تے فضل نئیں پا سکن گے ۔
ایتھوں تیک پئی نویں سریوں جمن والے راستباز بندے لئی وی ،اج تے کل ، خُدا د ی راستبازی نوں جیہڑی یسوع نے قائم کیتی، پاؤن دی لوڑ ہیگی اے ، ایس لئی اسیں اوہ  لوک ہیگے آں جیہڑے خُدا د ی راستبازی اُتے ایمان رکھدے آں ،تاں وی جدوں تیک اسیں ایس دھرتی اُتے ہیگے آں ،اسیں پاپ اُتے کامل طور اُتے فتح نئیں پا سکدے ۔ ایس لئی ، سانوں خُدا دی ایس خوشی دی منادی نوں ہر دیہاڑے اپنے ذہن وچ رکھن دی لوڑ ہیگی اے پئی یسوع نے سارے جگ دے پاپاں نوں اپنے بپتسمے تے صلیبی لہو دے راہیں اپنے اُتے چُک لیا سی۔ ہر واری جدوں اسیں خوشی دی منادی سُن دے  آں ،تاں ایہدے نال ساڈیاں رُوحاں تازہ ہوندیاں نیں تے ساڈے دلاں وچ وگدی ہوئی طاقت نوں سہارا دیندی اے ۔ کیہ تسیں ہُن ایس عبارت نوں سمجھدے او ، ” پر جیہڑا بندہ کم نئیں کردا سگوں بے دین نوں راستباز بناؤن والے اُتے ایمان لیاؤندااے ،اوہدا ایمان اوہدے لئی راستبازی گنیا جاندااے  “پا ک کتاب ایس جگ دے سارے لوکاں نوں بلاؤندی اے ۔
پاک بائبل ابرہام دی مثال دے راہیں کھول کے گل کردی اے پئی کویں ہر کوئی خُدا دی راستبازی نوں پا سکدااے ۔ پر، ایہہ وی آکھیا گیا اے پئی اوہ  ” کم کرن والا “ خُدا دی مکتی دا شکر ادا کرن دی تھاں اُتے اوہدا مقابلہ کردااے ۔ اوہ ، ” کم کرن والا “ خُدا دی راستبازی دا یقین نئیں کردا تے ایس طرحاں اوہ خُدا دا شکر گزار نئیں ہوندا ۔ کیہ آیت ۴ ایہہ گل نئیں دسدی پئی اک بندہ جیہڑ ا اپنے چنگے کماں دے راہیں اَسمان وچ جان دی ہمت کردااے اوہنوں خُدا دی راستبازی دی کوئی لوڑ نئیں ہیگی اے ۔
کاہدے لئی ؟ ایس لئی پئی جدوں اوہ اپنے پاک کماں تے توبہ دیاں دعاواں نوں ہر دن پڑھن دے راہیں اپنے پاپاں نوں دھون دی ہمت کردااے ،اوس ویلے توں اوہدے وچ خُدا دی راست بازی نئیں ہیگی اے ۔ ایہو جیہا بندہ کامل طور اُتے خُدا دی راستبازی نوں قبول نئیں کرنا چاؤہندا ،ایس لئی پئی ایہو جیہا بندہ اپنے وکھالے دے نیک کماں نوں اپنی مرضی نال چھڈنا ای نئیں چاؤہندا ۔ ایہدی تھاں اُتے ، اوہ توبہ دیاں دعاواں دے راہیں اپنی رُوح دی مکتی نوں جتن دی ہمت کردااے ،ایتھوں پئی اوہ روزے رکھ کے خُدا دے اگے روندااے ۔ ایس لئی ، خُدا دی راستبازی صرف اوہناں نوں دتی گئی اے جیہڑے اوہدے سچے کلام اُتے سچے دلوں ایمان لیاؤندے نیں ۔
 
 
کم کرن والے دی دیہاڑی انعام نئیں سگوں حق سمجھی جاندی اے !
 
” پر جیہڑا بندہ کم نئیں کردا  سگوں  بے  دین  نوں  راستباز  بناؤن  والے  اُتے  ایمان
لیاؤندااے ،اوہدا ایمان اوہدے لئی راستبازی گنیا جاندااے  “(رومیوں ۴:۵)۔
 اے بھراوو، ایہہ عبارت اوس بندے نال میل رکھدی اے جیہڑا خُدا دا اقرار کردااے تےجیہڑا خُدا اُتے ابرہام وانگر ایمان رکھدااے ۔اسیں مکتی دے خُداوند اُتے ایمان رکھدے آں جنہے بے دین لوکاں نوں مکتی دتی ۔ ایس جگ وچ دو قسماں دے مسیحی ایماندار ہیگے نیں ۔آیت ۴ وچ ، اوہناں وچوں اک بارے گل کیتی گئی اے ،  ” کم کرن والا “ تے ایہو جیہا بندہ خُدا دی مکتی نوں اک نعمت نئیں،سگوں قرض سمجھدااے ۔ایہو جیہے لوک یسوع اُتے ایمان لیاؤن دے بعد اپنے نیک کماں دے سبب خُدا دے اگے اپنی پچھان کراؤنا چاؤہندے نیں ، اوہ خُدا دی راستبازی دی مکتی ول دھیان دین توں مکر دے نیں ۔ تہاڈی قربانی کیہڑی قسم دی ہیگی اے ،کیہ تسیں سوچدے او پئی تہانوں خُدا دی راستبازی پاؤن دی لوڑ ہیگی اے ؟
جے تسیں اپنے کماں دے راہیں خُدا دے اگے قائم رہنا چاؤہندے او ،تاں تسیں خُدا دی راست بازی نوں نہ پاؤن دے سبب صرف اک پاپی ای رہندے او ۔ کیہ تہانوں پتہ ہیگااے پئی دینی پاکیزگی دی تعلیم جنہوں بوہتے مسیحی چنگا سمجھدے نیں ، اوہناں نوں بوہت نیکی دے کماں نوں  کرن دی  ہدایت دیندی اے تے اوہناں نوں خُدا دی راستبازی دی نعمت دا مقابلہ کرن دے راہیں خُدا دے ویری بناؤندی پئی اے ؟ بائبل ایہہ نئیں دسدی پئی اسیں ہولی ہولی خُدا دی راستبازی نوں پاؤندے آں ۔ نہ ای ایہہ آکھدی اے پئی اسیں خُدا دی راستبازی نوں اپنے کماں نال پا سکدے آں ۔
’ بندے دے  کماں ‘ نوں چنگے جانن والے تعلیم دیندے نیں پئی تسیں توبہ دیاں دعاواں دے راہیں پاک بن سکدے او ۔ اوہ آکھدے نیں پئی جے تسیں پاک تے نیکی والی حیاتی بسر کردے او ،تاں تسیں ہو ر بوہتے راستباز بن سکدے او تے ایہہ پئی اوس طرحاں تاں یسوع مسیح نے تہاڈے پاپاں نوں باہر کڈھ دتااے پر جے تسیں اخیری ساہ تیک خُدا دے ڈر وچ حیاتی بسر کردے او ،تاں  تسیں مکتی پا سکدے او ۔
پر ، خُدا دی راستبازی بندیاں دے کماں دا اُلٹ ہیگی اے ۔ جیہڑے خُدا دی راستبازی دا مقابلہ کردے نیں اوہ بدرُوحاں دے بیلی ہیگے نیں ۔ایس لئی پئی ایہو جیہے بندے خُدا دی راستبازی نوں رد کردے نیں تے اوہ خُداونددے اگے پاپاں توں معافی نئیں پا سکدے ۔
اے بھراوو،اسیں ۱۰۰٪ بے دین ہیگے آں ۔ پر ، اصل گل ایہہ ہیگی اے پئی بوہت سارے لوک خُدا دی راستبازی نوں چنگی طرحاں نئیں سمجھدے تے ایس لئی ایمان دے غلط راہ اُتے چلدے پئے نیں ۔ اوس ویلے توں بوہت سارے لوک سوچدے نیں پئی اوہ کسے حد تیک دین دار ہیگے نیں ۔اوہناں دا ایمان ہیگااے پئی اوہناں دے ہر دیہاڑے دے تے آؤن والے دناں دے پاپ ،اوہناں دیاں توبہ دیاں دعاواں دے راہیں معاف ہو سکدے نیں ۔ ایناں لوکاں دا ایمان ہیگااے پئی گھٹ توں گھٹ اوہناں وچ کُجھ دین داری ہیگی اے ۔ ایس لئی اوہ خُدا دی راستبازی اُتے ایمان لیاؤن تے اوہنوں لبھن توں اَڈ اپنےنیک کماں نوں اگے ودھاؤندے نیں ۔
کیہڑی قسم دا بندہ راستباز بن سکدااے ؟ جیہڑے رسمی طریقے نال توبہ دی دعا نئیں پڑھدے اوہ راستباز بن سکدے نیں ۔ ایہدا مطلب ایہہ نئیں ہیگا پئی کسے نوں اقرار کرن دیاں دعاواں دی لوڑ نئیں ہیگی ۔میَں آس رکھدا ہاں پئی تسیں مینوں ایس گل بارے غلط نئیں سمجھو گے ۔ میَں بعد وچ ،  ’ راستبازد ی حیاتی ‘ دے مسئلے بارے گل کراں گا ۔اوہ جیہڑے خُدا دا مقابلہ کردے نیں ،اوہ بوہت وڈے نیک کماں ،روزے دیاں دعاواں یاں پاک حیاتی بسر کرن بارے سوچدے نیں ۔
پر جنہاں نوں پتہ ہیگااے پئی اوہناں دے کم کسے کم دے نئیں ہیگے،صرف اوہو ای پاپیاں دی ایس حالت توں یسوع دی دتی ہوئی پاپاں توں معافی دی نعمت نوں اپنے دلاں وچ پاؤن دے راہیں راستبازبنائے جا سکدے نیں ۔ لازمی ہیگا اے پئی اسیں خُدا دی راستبازی اُتے ایمان رکھیے تے جانیے پئی ساڈے وچ اپنی راستبازی اُتے فخر کرن لئی کُجھ وی نئیں ہیگااے ۔ اوہ سب کُجھ جیہڑا سانوں خُدا دے اگے مننا چاہی دااے ،اوہ ایہہ ہیگااے ،  ” یا خُدایا ! اسیں بوہت پاپ کیتے نیں ۔ اسیں اوہ پاپی ہیگے آں جنہاں کولوں  مرن دیہاڑے تیک  پاپ ہو جاندے نیں ۔ “ صرف ایہو ای شے ہیگی اے جیہدا سانوں ایمانداری نال اقرار کرنا چاہی دا اے ۔تے اوہ دوجی گل جیہدے اُتے سانوں ایمان رکھنا چاہی دااے اوہ ایہہ ہیگی اے پئی یسوع مسیح نے کامل طور اُتے اپنی راستبازی نوں پورا کیتا اے ۔
خُدا دی راستبازی اُتے ایمان لیاؤن دے راہیں ،ہر پاپی اپنے سارے پاپاں توں کامل طور اُتے مکتی پا سکدا ۔اسیں ایمان دے راہیں خُداوند یسوع مسیح دی راستبازی دی تعریف کردے آں ، پئی اسیں پاپاں وچ مرن والے ساں ، پر یسوع دی راستبازی د ےسبب اپنے سارے پاپاں توں چھُٹ   کے  مکتی پاچُکے آں۔
 
 
کیہڑا اصل مبارک بندہ ہیگااے ؟
 
خُدا دے اگے کیہڑا مبارک بندہ ہیگااے ؟ پاک بائبل ایہو جیہے بندے نوں مبارک آکھدی اے
جویں پئی ہیٹھاں دسیا گیا اے ۔  ” مبارک  ہیگے نیں اوہ جنہاں دیاں بدیاں معاف کیتیاں گئیاں تے جنہاں دے پاپ ڈھکے گئے ۔“ ایتھوں تیک پئی بھاویں  کوئی بندہ خُدا دی نگاہ وچ مک جان والا تے ماڑا ہیگااے تے نیکی دے کم کرن دے لائق نئیں ہیگا یاں شریعت دے سارے یاں کُجھ حصیاں اُتے عمل کرن دے لائق نئیں ، تاں وی جے اوہ ایمان لَے آوے تاں اوہ خُدا کولوں پاپاں دی معافی پاوےگا ایس لئی پئی خُدا ایمانداراں دیاں حیاتیاں نوں پاپاں دی معافی دی برکت دیندا اے ،جیہڑے خُدا دی راستبازی اُتے ایمان لیاؤندے نیں ،جنہے یسوع دے بپتسمے تے صلیبی لہو دے راہیں ساڈے سارے پاپاں نوں ساڈے توں دور کردتا اے ۔ ایس قسم دے لوک خُدا دی راستبازی اُتے ایمان رکھدے نیں تے خُدا دے اگے بوہت مبارک ہیگے نیں ، ایس لئی پئی بوہتے سارے لوکاں وچوں صرف تھوڑے جیہے وکھ کیتے ہوئے لوک ہیگے نیں جیہڑے خُدا دیاں خاص برکتاں پاؤندے نیں ۔اسیں خُدا دی راستبازی اُتے ایمان لیاؤن دے راہیں پاپاں توں معافی پا چُکے آں ۔خُدا نے اِنج آکھیا تے اسیں ایمان لَے آئے آں ۔ بھاویں خُدا نے ایس طرحاں دا کُجھ آکھیا اے تاں وی کیہ اسیں اوہد ے کلام وچ کُجھ ودھا سکدے آں ؟ نئیں ، بالکل نئیں ۔
ایس جگ وچ بوہت سارے ایہو جیہے لوک ہیگے نیں جیہڑے حالے تیک اپنے چنگے کماں دے راہیں مکتی پاؤن دی ہمت کردے نیں ،جد پئی اوہ ایس گل دااقرار وی کردے نیں پئی یسوع اوہناں دا مکتی داتا ہیگااے ۔
کیہ خُدا نے پاپاں دی  مکتی توں ودھ کے  کوئی ہو رکم مکمل کیتا اے ،جیہڑا ایہہ آکھدا ہووے پئی یسوع نے یوحنا کولوں بپتسمہ لیا ، سولی اُتے اپنا مہنگالہو روڑھیا تے مرن دے بعد فیر تیجے دیہاڑے مویاں وچو ں جیوں اُٹھیا ؟ نئیں ، ایہدے توں ودھ کے ہور کُجھ نئیں ہیگااے ۔
پر، اج دے مسیحی خُدا دی راستبازی دی ایس گل اُتے ایمان لیاؤن بارے بوہت پریشان نظر آؤندے نیں ۔ اوہناں نوں ایس گل دا پتہ  ہیگااے پئی اوہ یسوع اُتے ایمان لیاؤن دے راہیں مکتی پا سکدے نیں ۔پر دوجے پاسے ، اوہ حالے تیک سوچدے نیں پئی اک وار اوہ یسوع اُتے ایمان رکھنا شروع کر دین تاں اوہناں نوں لازمی مکتی مل جاوے گی پئی اوہ لازمی  ہولی ہولی پاک ہون ، پاک حیاتی بسر کرن ، تے خُدادے کلام نال شریعت اُتے وی عمل کرن ۔ ایس طرحاں دے لوک بوہت پریشانی وچ ہیگے نیں ۔
بھاویں اوہ جو کُجھ وی آکھدے نیں راستباز وانگر نظر آؤندے نیں ، تاں وی ایہہ خُدا دی راست بازی اُتے ایمان لیاؤن دے ایمان توں بوہت دور ہیگے نیں ۔ کویں اک بندہ کامل طور اُتے خُدا اُتے ایمان رکھ سکدا اے ؟ ایہہ اوس ویلے  سوکھاہو سکدااے جدوں اسیں پانی تے پاک رُوح دے کلام اُتے جیہڑا خُدا دی راستبازی نال جُڑیا ہویا اے سیدھا سادہ ایمان رکھدے آں تے ایس طرحاں کر کے ،اپنے سارے پاپاں توں معافی پاؤندے آں۔خُدا دی سچیائی سانوں ایس لائق بناؤندی اے پئی اوہدے بپتسمے تےصلیبی لہو اُتے ایمان لیاکے اپنے سارے پاپاں توں مکتی پائیے ، جیہدے وچ خُدا دی راستبازی کھر ی ظاہر ہوئی اے ۔
سانوں، ہولی ہولی پاکیزگی دی بے ہودہ مسیحی تعلیماں ، شرط توں اَڈ چناؤ،تے صرف نام دی راستبازی یاں جھوٹے ایمان نوں جیہڑا ایہہ آکھدااے سؤر دا گوشت کھانا چھڈ کے ، یاں سبتاں نوں من کے اسیں پاپاں توں معافی پا سکدے آں ، دی تعلیماں نوں باہر سُٹ دینا چاہی دااے ۔ سانوں اوہناں توں وی جیہڑے ایس طرحاں دیاں بے ہودہ گلاں کردے نیں ، اپنے آپ نوں وکھ رکھنا چاہی دا اے ۔ اوہناں دیاں گلاں دا کوئی پکا نتیجہ یاں ٹھیک جواب نئیں ہیگااے ۔
اے بھراوو، کیہ ایہہ ٹھیک ایمان ہیگا اے یاں نئیں پئی اسیں خُدا دی راستبازی اُتے ایمان لیاؤن دے راہیں ، تے کوئی نیک کم کیتیوں اَڈ پاپاں توں معافی پا سکدے آں؟— آہو ،ایہو ای اصل ایمان ہیگااے — کس طرحاں دے کم سانوں خُدا دی راستبازی پاؤن لئی کرنے چاہی دے نیں ؟ کیہ اسیں خُدا دے اگے کوئی بھلیائی دے کم کیتے نیں ؟ —نئیں — کیہ اسیں اپنے آپ وچ ایتھوں تیک پئی اپنے خیالاں وچ کامل ہیگے آں ؟ —نئیں — اسیں نئیں ہیگے آں — فیر ایہدا کیہ مطلب ہیگا اے پئی اسیں ہر طرحاں توں ، جویں اسیں چاؤہندےآں حیاتی بسر کرنی چاہی دی اے  ؟— نئیں — کیہ اسیں شریعت دے راہیں نیکی والی حیاتی بسرکرکے اوہدے پُتر بن سکدے آں ؟— نئیں — ایہدا مطلب ایہہ ہیگااے پئی اسیں صرف اوہدی راستبازی دے سبب پاپاں توں معافی پاؤن دے راہیں تے ٹھیک ایمان دے راہیں پاک رُوح دی نعمت پاؤن دے راہیں خُدا دے پُتر بن سکدے آں ۔
لوکاں لئی مکمل طور اُتے کدی سوکھا ہو نئیں سکدا پئی اوہ مرن دیہاڑے تیک پاک حیاتی بسر کرسکن ۔ پر ،جے اک بندہ کم نئیں کردا ،تاں وی جے اوہ یسوع دی دتی ہوئی راستباز ی اُتے ایمان رکھدا اے ، تاں فیر اوہ ایہو جیہا مبارک بندہ ہیگااے جیہڑا سارے پاپاں دی مکتی پا چُکیا اے ۔ اصل وچ ہر کوئی مکمل طور اُتے اک نیکی والی حیاتی بسر کرن دے لائق نئیں ہیگااے ۔ ایس لئی ، خُدا نوں ساڈے اُتے رحم آیا تے اوہنے یسوع نوں ایس جگ وچ گھلیا تے اوہنوں یوحنا بپتسمہ دین والے کولوں بپتسمہ دلوایا ،تاں پئی اوہ ایس جگ دے پاپاں نوں چُک سکے ۔ فیر یسوع پاپاں نوں چُک کے سولی اُتے مرگیا تے پاپ دے  مسئلے
نوں حل کردتا ۔
اک مشرقی کہاوت ہیگی اے ، جیہڑی اِنج ہیگی اے ،   ” ہر کسے نوں اپنی حیاتی دوجیاں دی بھلیائی لئی قربان کرنی چاہی دی اے ۔“جدوں کوئی بندہ کسے ڈُب دے ہوئے نوں ڈُبن توں بچاؤندااے ، تاں اسیں اوہدی نیک کم کرن والی قربانی دی تعریف کردے آں ۔ اے بھراوو، ڈُب دے ہوئے نوں بچاؤنا ،ایتھوں تیک پئی اک فطری گل ہیگی اے ، تاں وی اسیں اپنی سوچ دا جھکا ایس پاسے بوہتا موڑ لیندے آں  ۔
اک مشہور پرانی مثال ہیگی اے ، جنہوں ’ اینگوا۔اینگبو‘ (ingwa-eungbo) آکھدے نیں ۔ ایہدا مطلب ایہہ ہیگااے پئی جے کوئی نیکی والی حیانی بسر کرے ، تاں فیر اوہ آؤن والے دناں وچ مبارک ہووےگا ، پر جے اوہ بھیڑے کم کردااے تاں اوہ سزاپاوے گا ۔ بھراوو، کیہ کوئی ایہو جیہا بندہ ہیگااے جیہڑا مفت وچ اپنی جان دوجیاں لئی دے دیوے ۔ ایتھوں تیک پئی اک بدنی محبت دے معاملے وچ وی ، بندے تے زنانیاں اک دوجے نال محبت تے فکر کردے نیں کیوں جے ایہدے توں اوہناں نوں سکون ملدااے ۔ بالکل ایسے طرحاں سارے لوک بنیادی طور اُتے اپنی لوڑ واسطے کردے نیں ۔
ایس لئی، خُدافرماؤندااے پئی بندیاں وچ کوئی بھلیائی نئیں ہو سکدی تے سانوں بوہت وکھ سوچ کے ایس گل دا نچوڑ کڈھنا چاہی دااے پئی کیہ اسیں سچ مُچ اوہدی راستبازی اُتے بھروسہ رکھدے آں یاں نئیں ۔ جنہے ایہہ سچ ہیگا اے پئی ساڈے وچوں کسے دے وی نیک کم نئیں ہیگے سَن تاں وی اوہنے ساڈے سارے پاپاں نوں ساڈے توں وکھ کر دتا ۔ سانوں خُدا دی اوس راستبازی اُتے ایمان رکھ کے جیہڑی ساڈے  خُدانے سانوں دتی اے ،اپنے پاپاں توں مکتی پاؤنی چاہی دی اے ۔
 
 
تہانوں اوہناں سارے  پاپاں توں معافی پاؤنی چاہی دی اے  جیہڑے شریعت نوں توڑن نال ہوئے نیں
 
خُدا دے اگے بدکاریاں کیہ ہیگیاں نیں ؟ سارے بھیڑے کم جیہڑے  اسیں خُدا دی نظر وچ کیتے نیں ،بدکاریاں ہیگیاں نیں ۔
کویں میَں تے تسیں خُدا دے اگے اپنے پاپاں نوں ڈھک سکدے آں ؟ کیہ اِک موٹی بُلٹ پروف جیکٹ تہاڈے پاپاں نوں ڈھک سکدی اے ؟ یاں کیہ فیر  ۱  میٹر موٹی لوہے دی زرہ بکتر جیہڑی پئی بوہت پکی دھات  نال بنی ہووے ، خُدا دے اگے ساڈے پاپاں نوں ڈھک سکدی اے ؟ بھراوو، کیہ جدوں کدی وی اسیں نیک کم کردے آں ، تاں کیہ اوہ ساڈیاں اوہناں بدکاریاں  تے کمیاں نوں ڈھک لیندے نیں جیہڑیاں اسیں خُدا دے اگے کیتیاں نیں ؟ نئیں ۔ بندے دے نیک کم اپنی تسلی توں ہٹ کے کُجھ وی نئیں ہیگے ۔ کوئی وی نیک کماں دے راہیں اپنے دل نوں تسلی دین دے راہیں خُدا دی سزا توں بھج نئیں سکدا ۔
” مبار ک اوہ ہیگے نیں ۔۔۔جنہاں دے پاپ ڈھکے گئے نیں ۔“ ایہہ اوہ ہیگا اے جیہڑا بائبل وچ دسیا گیا اے ۔ اے بھراوو ، جے اسیں اپنے پاپاں نوں ڈھکنا چاؤہندے آں ، تاں ایہدا اکلا راہ ایہہ ہیگااے پئی خُدا دی راستبازی اُتے ایمان رکھیے جہدے راہیں اوہنے سانوں مکتی دتی اے ۔ خُدا دی ایس راستبازی وچ یسوع مسیح داآؤنا ، بپتسمہ ، اوہداساڈے پاپاں نوں چُکناتے اوہدا سولی اُتے مرنا ہیگااے ۔ ایس لئی پئی یسوع نے بپتسمے دے راہیں جگ دے پاپاں نوں اپنے اُتے چُک لیا تے اوہنے سولی اُتے سزاجری ۔ ایہو ای خُدا دی راستبازی ہیگی اے ۔ جدوں کوئی اوہدی راست بازی اُتے ایمان رکھدااے تاں اوہدے سارے پاپ ڈھک دتے جاندے نیں ۔
ایتھوں تیک پئی جے کوئی بندہ خُدا دے اگے اپنے کماں نال اپنے پاپاں نوں ڈھکن دی ہمت کردا پیااے ، تاں ایہہ خُدا دے اگے بےکار ہیگااے ۔ ایہہ صرف یسوع دے بپتسمے تے لہو دے سچے کم دے سبب ہیگا اے پئی میرے تے تہاڈے پاپ ڈھکے جا سکدے نیں ۔ اسیں اپنے پاپاں دے سبب سزاپاؤن، مرجان تے خُدا دے وڈے عذاب دے سبب دوزخ وچ سُٹے جان والے ساں ، پر ٹھیک وقت اُتے یسوع ایس جگ وچ آیا تے ساڈے لئی خُدا دی راستبازی نوں یوحنا بپتسمہ دین والے کولوں بپتسمہ پاؤن دے راہیں تے سولی اُتے جان دے کے پورا کر دتا اے ۔ تہانوں ایہدے اُتے ایمان رکھنا چاہی دااے ۔ اسیں خُدا دی راستبازی اُتے ایمان لیاؤن دے راہیں اپنے پاپاں نوں ڈھک سکدے آں ۔ کویں ؟ ایس لئی پئی خُدا دی راستبازی مُڈھو ں ای سارے جگ دے پاپاں لئی انصاف کرن لئی اوہدے بپتسمے تے لہو روڑھن دے راہیں مُل بنائی گئی اے ۔ تسیں تے میَں ایس سچ اُتے ایمان لیاؤن نال اپنے پاپاں نوں ڈھک سکدے آں ۔
کیہڑی طرحاں دا ایمان رکھن والا بندہ مبارک ہیگااے ؟ ایس طرحاں دا ایمان رکھن والا بندہ مبارک ہیگااے۔ ” مبارک ہیگے نیں اوہ جنہاں دیاں بدکاریاں معاف کیتیاں گئیاں تے جنہاں دے پاپ ڈھکے گئے ۔مبارک اوہ بندہ ہیگااے جیہدے پاپاں دا خُداوند حساب نہ کرے گا ۔“ ایہو  جیہاایمان رکھن والا بندہ مبارک تے مسرور ہیگااے۔ کیہ میرا تے تہاڈا ایمان ایسے طرحاں دا ہیگااے ؟ اصل وچ مبارک بندہ اوہ ہیگااے جیہڑا خُدا دے ایس کلام نوں اپنے دل  وچ وسا  چُکیا
اے پئی یسوع مسیح نے سانوں پانی تے رُوح دے راہیں مکتی دتی اے ۔  اک بندہ  جیہڑا  یسوع مسیح نوں اپنے دل وچ اوہدے بپتسمے تے لہو دے راہیں پالینداتے یسوع مسیح وچ رہ کے اپنی حیاتی بسر کردااے تاں اوہ بندہ سچ مُچ اک مبارک بندہ ہیگااے  ۔
اسیں ایمانداراں نیں ایمان دے راہیں خُدا دی اوس اولی محبت  نوں پایا اے ، جیہدے وچ بھورا جنی وی انسانی سوچ یاں کماں والی کوئی گل نئیں ہیگی اے ۔ اصل مبارک بندہ ای صرف ایس ایمان اُتے یقین رکھ سکدا ،ایہنوں اپنے دل وچ وسا سکدا تے اصل خوشخبر ی دی منادی کر سکدا اے ۔
بھراوو، خُدا دے پُتر بنن تے پاپاں توں مکتی پاؤن لئی اپنے کماں دے راہیں اوہدے فضل نوں پاؤن دی ہمت نہ کرو! کیہ تسیں پاک بندے ہیگے او ؟ بھاویں کوئی نیک نئیں ہیگااے تاں وی جے اوہ نیک بنن دی ہمت کردا تے ایہہ سوچدااے پئی اوہ بن سکدا اے تاں ایہہ اپنے آپ نوں پسند کرنا ہیگااے ۔ جے اک غریب بندہ اک ارب پتی کولوں اک بوہت مہنگا انعام پاؤندااے ، تا ں اوہ غریب بندے کول  ”  شکریہ “ اداکرن توں ہٹ کے کُجھ نئیں ہوندااے ۔ خُدا دی راستبازی لئی وی اِنج ای ہیگااے ۔
 رومیوں ۴ باب اوہناں لوکاں بارے گل کردااے جیہڑے خُدا دے راہیں مبارک بنائے گئے سَن ۔ ایہو جیہے لوک خُدا دی راستبازی دے کلام اُتے ایمان لیا کے جیہڑا خُدا دی راستبازی نال جُڑیا ہویا اے ،مکتی پاچُکے نیں ۔
مینوں یقین اے پئی ایہہ نعمت تہاڈی ہووے گی ۔