Due to COVID-19 and disruption to international mail service
we have temporally suspended our ‘Free Print Book service’.
we have temporally suspended our ‘Free Print Book service’.
In the light of this situation we are not able to mail you the books at this time.
Pray that this pandemic will end soon and the resumption of the postal service.
Pray that this pandemic will end soon and the resumption of the postal service.
مضمون 9: رومیوں (رومیوں دی کتاب اُتے تفسیر)
[9-3 باب] کیہ خُدا لئی یعقوب نال محبت کرنا غلط اے ؟ <رومیوں ۹: ۳۰ ۔۳۳>
>رومیوں ۹: ۳۰ ۔۳۳<
” ایس لئی اسیں کیہ آکھیے ؟ ایہہ پئی اوپریاں قوماں نیں جیہڑیاں راستبازی نوں نئیں لبھدیاں سَن راستبازی پائی مطلب اوہ راستبازی جیہڑی ایمان نال اے ۔ پر اسرائیل جیہڑا راستبازی دی شریعت نوں لبھدا سی اوس شریعت تیک نہ اپڑیا ۔ کاہدے لئی ؟ ایس لئی پئی اوہناں نیں ایمان نال نئیں سگوں بھاویں چنگیاں کماں نال اوہنوں لبھیا ۔ اوہناں نیں اوس ٹھیڈا کھان والے پتھر توں ٹھیڈا کھاہدا ۔ ایس لئی لکھیا اے پئی ویکھو میَں صیون وچ ٹھیڈاں لاؤن والا پتھر تے ٹھیڈا کھان والا ٹِلا رکھدا ہاں تے جیہڑا اوہدے اُتے ایمان لیاوے گا اوہ شرمندیاں نہ ہووے گا ۔ “
سانوں ساریاں نوں بلاؤن لئی ساڈے خُداوند نے آکھیا ، ” میَں راستبازاں نوں نئیں سگوں پاپیاں نوں بلاؤن آیا ہاں ۔ “(متی ۹: ۱۳)۔ سانوں احساس کرنا چاہی دا اے پئی اوہ جیہڑے اپنی دلی راستبازی دے پچھے چلدے نیں ، اوہناں نوں مکتی دے انعام دی اجازت نئیں ہیگی اے ، تے ایہدے توں بچن لئی ، ایہدی تھاں اُتے سانوں لازمی طور اُتے خُدا دی راستبازی اُتے ایمان رکھنا چاہی دا اے ۔
رومیوں ۹ : ۱۳ آکھدا اے پئی خُدا نے یعقوب نال محبت کیتی جد پئی اوہنے عیسوتوں نفرت کیتی ۔ اوہناں نوں جیہڑے خُدا دی راستبازی شکر کرکے پاؤندے نیں ، خُدا پاپاں دی معافی دا انعام دے چُکیا اے ، ایسے طرحاں برکت وی جیہڑی اوہناں نوں اوہدے لوک بناؤندی اے ۔ سانوں ساریاں نوں لازمی طور اُتے اوہدی راستبازی دی تعلیم نال خُدا اُتے ایمان چاہی دا اے ۔
سانوں ساریاں نوں خُدا دی راستبازی دا دتا گیا کلام سکھنا تے سمجھنا چاہی دا اے ۔ جدوں کوئی اپنے پاپاں توں مکتی پاؤنا چاؤہندا اے ، کسے نوں لازمی طور اُتے اپنی دلی خامیاں تے کمیاں نوں ایسے طرحاں خُدا دی راستبازی نوں جاننا چاہی دا اے ۔ سانوں لازمی طور اُتے اوہدی راستبازی نوں جاننا تے ایمان رکھن چاہی دا اے ۔ خُدا نے سانوں دسیا پئی صرف اوہ جیہڑے جان دے نیں پئی اوہ دوزخ د ے لائق نیں اوہدی راستبازی دی لوڑرکھدے نیں ۔ ایہہ بوہت خاص ہیگا اے پئی اسیں اپنے دلی پاپاں نوں پچھانیے تے ایہہ احساس کرئیے پئی اپنے پاپاں دے سبب اسیں خُدا دا عذاب لیندے آں ، جیہڑے دوزخ وچ ساڈی سزا نوں نہ بچن دے لائق بناؤن گے ۔
پر اسیں اپنے دلاں وچ پانی تے رُوح دی خوشخبری ، اپنےخُداوند دے بپتسمے ، سولی اُتے اوہدی موت تے اوہدے جیوں اُٹھن دے راہیں پاؤندے آں ، ایس لئی پئی صرف اوہ جیہڑے خُدا دی راستبازی نوں جان دے نیں ، اوہدی راستبازی اُتے ایمان رکھ سکدے نیں ۔ ایس لئی پئی خُدا دا فضل تے محبت ایہو جیہی شے نئیں ہیگی اے جیہڑی توبہ دیاں دعاواں یاں ترس کھان والی حیاتی راہیں ایتھوں تیک پئی مل سکدی اے ، جیہدے وچ بوہتے دینی لوک لگے ہوئے نیں ۔ پر ، خُدا ولوں دتی گئی پاپاں دی معافی اوہناں ساریاں لئی ہیگی اے جیہڑے دلوں تیار ہوندے تےاوہدی راستبازی اُتے ایمان رکھدے نیں ۔
سانوں ساریاں نوں لازمی طور اُتے اپنے دلاں وچ خوشی نال پانی تے رُوح دی خوشخبری اُتے ایمان رکھن لئی تیار ہونا چاہی دا اے ۔ کیہ تُسیں خُدا دی راستبازی پاؤنا چاؤہندے او ؟ فیر خُدا دے اگے منو تے اوہدی شریعت دے راہیں اپنے گئے گواتے ہون نوں پچھانو پئی اپنے پاپاں دے سبب ،تُسیں خُدا دے عذاب دے ہیٹھاں ہیگے او تے پئی تُسیں اوہدی راستبازی دی لوڑ رکھدے او ! جدوں تُسیں پانی تے رُوح دی خوش خبری اُتے ایمان رکھدے تے اوہنوں اپنے دل وچ قبول کردے او ، خُدا دی راستبازی تہاڈی ہو جاوے گی ۔ تہانوں لازمی طور اُتے ایہہ سچیائی جاننی چاہی دی اے ۔
اوہناں دے دل جیہڑے خُدا دی راستبازی اُتے ایمان نئیں رکھدے ڈوہنگے ٹوئے وچ پریشان تے بند نیں
خُدا نے سانوں دسیا پئی ساڈے خیال مُڈھوں پریشان سَن (پیدائش ۱ : ۲)۔کاہدے لئی بندے دے خیال مُڈھوں پریشان سَن ؟ایس لئی پئی بھٹکاؤن والے فرشتے نے جیہڑا خُدا دے خلاف ہو گیا سی لوکاں نوں خُدا دی راستبازی دے کلام اُتے ایمان رکھن توں اوہناں دے دلاں نوں پریشان تے سکھنے کرن دے سبب روکیا ،ایس سبب توں پاپ بندے دے دل وچ آیا (پیدائش ۳ : ۱ ۔ ۸)۔
پاک کلام سانوں دسدا اے پئی خُدا دے راہیں بنایا گیا اک فرشتہ اوہدے خلاف ہو گیا ۔ اوس فرشتے نے اپنے آپ دی طاقت کم کرن دی دانائی نال خُدا دے تخت اُتے فتح پاؤن دی کوشش کیتی ،تے اڑی کرکے ناکام ہون دے بعدوں ، اپنے سہولتاں والے رُتبے توں کڈھیا گیا ۔ اوس بھٹکاؤن والے فرشتے نیں اوس ویلےفریب دتاتے لوکاں نوں دھوکہ دتا،تے اوہناں نوں خُدا دے خلاف کر دتا ۔ ایہہ فرشتہ شیطان اکھواؤندااے ۔ ایہہ گھمنڈی فرشتہ ہُن وی دونویں ایمانداراں تے پاپیاں وچ ہر طرحاں دے گھمنڈ تے اڑی والے کماں نوں اکو جیہا کردا اے ۔ بندے نوں دھوکہ دے کے ،اوہنے خُدا دی راستبازی دے کلام تے اوہدی اختیار دا مقابلہ کیتا۔
شیطان ہمیشہ جھوٹ بولن دا بہانہ کردا اے تاں پئی لوک پانی تے رُوح دی خوشخبری اُتے ایمان دے لائق نہ ہون ۔ ابلیس کولوں دھوکہ کھان دے بعدوں، بوہت سارے بے پھل ہو کے اپنی دلی راستبازی قائم کرن دی کوشش کردے نیں۔ اوہ لوکاں نوں پاپ وچ ڈگن دی اجازت دیندااے تے نتیجے طور اُتے ،اوہناں نوں اوہناں دیاں حیاتیاں پریشانی تے سکھنے دلاں نال بسرکرن دے لائق بناؤندااے ۔
خُدا ولوں دتی گئی پاپاں دی معافی تے راستبازی
لوکاں لئی پاپ توں مکتی ، جیہڑے شیطان دی پاپی ازمائش راہیں پاپ وچ ڈگ پئے نیں ، کسے دی دلی ریجھ یاں اپنی دلی راستبازی اُتے نئیں ہیگی اے ۔ پر، بوہتے بے فائدہ اپنے پاپاں توں بچن دی پریشانی توں جد پئی خُدا دے خلاف اپنے اندر دیاں کمیاں دا احساس کیتیوں اڈ کوشش کردے نیں ۔ خُدا اوہناں نوں جھڑکدا اے جیہڑے اپنی دلی راستبازی لبھدے نیں ، مطلب اے اوہ جیہڑے اپنے چنگے کماں نال خُدا دی راست بازی پاؤن دی کوشش کردے نیں ۔مکتی ایہو جیہے لوکاں لئی نئیں ہیگی اے ؛ صرف اوہناں لئی اے جنہاں نوں پتہ اے پئی اوہ پاپی نیں ۔ تے جیہڑے اصلی پانی تے رُوح دی خوشخبری اُتے ایمان رکھدے نیں ، ایہو جیہاں نوں خُدا نےاپنی راستبازی دی اجازت دتی اے ۔
خُدا دی حاکم مرضی اپنی طاقت وچ بندیاں دے خیالاں توں وکھری اے ۔ پولُس نے سانوں دسیا پئی ایہدے توں ہٹ کے کویں کوئی بندہ دینی رکھ رکھا کلیسیائی میل جول دے نظر آؤن والے وکھالے ، لمیاں رات دیاں دعاواں ، سرگی دیاں دعاواں ، روزے ، چندے ، توبہ دیاں دعاواں وغیرہ وچ اگانہہ ودھ جاندا اے اوہ کدی اپنے دلی پاپاں نوں پاک کرن دے لائق نئیں ہووے گا۔
خُدا سانوں دسدا اے پئی شریعت دے کم سانوں ساڈے پاپاں توں نئیں چھڈا سکدے تےخُدا دی راست بازی نوں ساڈا نئیں بنا سکدے ۔ جویں باب ۹ دیاں آیتاں ۳۲ ۔ ۳۳ آکھدیاں نیں ، ” کاہدے لئی ؟ ایس لئی پئی اوہناں نیں ایمان نال نئیں سگوں بھاویں چنگیاں کماں نال اوہنوں لبھیا ۔ اوہناں نیں اوس ٹھیڈا کھان والے پتھر توں ٹھیڈا کھاہدا ۔ ایس لئی لکھیا اے پئی ویکھو میَں صیون وچ ٹھیڈاں لاؤن والا پتھر تے ٹھیڈا کھان والا ٹِلا رکھدا ہاں تے جیہڑا اوہدے اُتے ایمان لیاوے گا اوہ شرمندیاں نہ ہووے گا ۔ “
ایسے طرحاں ، خُدا دی راستبازی پاؤن لئی ، سانوں لازمی طور اُتے یسوع دے بپتسمےتے اوہدے صلیبی لہو اُتے ایمان رکھنا چاہی دا اے ، جیہدے سبب یسوع خُدا تے لوکاں وچکار قربانی دا میمنا بن گیا ۔ ایس لئی ایہہ خاص کر خطرے والی گل اے پئی تُسیں سمجھو پئی تہانوں لازمی طور اُتے خُدا دی راستبازی پاؤن دے سلسلے وچ اپنی دلی راستبازی نو ں چھڈنا چاہی دا اے ۔سانوں مفت دتی گئی ، خُدا دی راستبازی نوں رد نئیں کرنا چاہی دا ، جدوں اسیں اپنے مکتی داتا وانگر یسوع دا اقرار کردے آں ۔
بھاویں ہُن ، بوہت سارے جیہڑے اپنے مکتی داتا وانگر خُداوند یسوع دا اقرار کردے نیں حالے پاپی ای نیں ایس لئی پئی اوہ خوشخبری اُتے ایمان نئیں رکھدے جیہڑی خُدا دی راستبازی نوں وکھاؤندی اے ۔ لوک اوہدی شریعت دے پچھے چلن دے سبب خُدا دی راستبازی پا نئیں سکدے ۔ اوہ جیہڑے خُدا دی راستبازی دے کلام اُتے ایمان رکھدے نیں ، اوہناں نوں لازمی طور اُتے اپنی دلی راستبازی دی آس نوں چھڈنا چاہی دا اے ۔ تہانوں یاد رکھنا چاہی دا اے پئی یسوع اوہناں لئی ٹھیڈا دین دا پتھر بن گیا جنہاں نیں اپنی مکتی دا تے خُدا دی راستبازی دا اپنے دلی شریعت دے کماں دے سبب پچھا کیتا ۔
پانی تے رُوح دی خوشخبری ، خُدا ولوں سانوں دتی گئی ، سچیائی اے جیہڑی اوہناں نوں چھڈاؤندی اے جیہڑے اپنے مکتی داتا وانگر یسوع مسیح اُتے ایمان رکھدے نیں ، تے پئی لازمی طور اُتے اوہناں دے نال رہنا چاہی دا اے جیہڑے خُدا دی راستبازی پچھے چلدے نیں ۔ مکتی تے ہمیش دی حیاتی لئی کیہ خاص کر لوڑی دا اے ، خُدا دی راستبازی دے کلام اُتے ایمان اے ، جیہڑا یسوع دے بپتسمے تے اوہدے صلیبی لہو دے سبب وکھایا گیا اے ۔ ایہہ کلام ساڈے اُتے ظاہر کردا اے پئی کیہڑےمسیحیاں وچکار پاپاں دی معافی پا نئیں سکدے ، تے ، اوسے ویلے ، ایہہ سانوں سچیائی سکھاؤندا اے پئی اوہ جیہڑے پانی تے رُوح دی خوشخبری اُتے ایمان رکھدے نیں خُدا دی راستبازی پاؤن گے ۔
ایس لئی ، ٹھیک ایمان ، دانائی لبھدا اے پئی خُدا نے شرطوں اڈ طریقے نال لوکاں دے اک خاص جھُنڈ نوں چُکن دا تے اوہناں نوں دوزخ وچ گھلن دا فیصلہ نئیں کیتا ۔ جے خُدانے بنا شک کئیاں نال محبت کیتی جد پئی انھے وا دوجیاں نال نفرت کیتی ، لوک اوہدی راستبازی دی عزت نئیں کرن گے ۔
پانی تے رُوح دی خوشخبری دے سبب ، خُدا نےاوہناں دے پاپاں توں سارے پاپیاں نوں چھڈاؤن لئی مکتی دی راستبازی دی شریعت تیار کیتی اے ، تے سانوں اپنی محبت دے لیڑے پواؤن دی وڈی برکت دتی اے ۔ ہر کسے نوں خُدا دی راستبازی دے راہیں دسی گئی پانی تے رُوح دی خوشخبری دے اگے اپنی دلی راستبازی دُور سُٹنی چاہی دی اے ۔ خُدا نے ساڈے وچوں اپنی راستبازی صرف اوہناں نوں دتی جیہڑے اوہدے اُتے ایمان رکھدے نیں۔
خُدا لوکاں نوں اوہناں دی ذاتی راستبازی دے راہیں اپنے آپ پاپ توں بچن دے لائق ہون دی اجازت نئیں دیندا ۔ خُدا دی راستبازی وانگر پانی تے رُوح دی خوشخبری اُتے ایمان رکھن توں اڈ ، کوئی وی اوہدی راست بازی نوں نئیں پاؤندا ، بھاویں اوہ یسوع اُتے ایمان رکھن دااقرار کردا اے (یوحنا ۳: ۱۔ ۸)۔
بپتسمہ جیہڑا یسوع نے لیا تے لہو جیہڑا اوہنے سولی اُتے وگایا خُدا دی راستبازی بن گئے نیں ۔ ایس سبب توں یسوع اوہناں لئی شرمندگی دی چٹان بن گیا اے جیہڑے اپنی دلی راستبازی پچھے چلدے نیں ۔ ایس لئی یسوع اُتے ایمان رکھن والیاں نوں لازمی طور اُتے احساس کرنا تے سمجھنا چاہی دا اے پئی جدوں اوہ اپنی دلی راستبازی پچھے چلدے پئے نیں ، اوہ خُدا دی راستبازی نوں لتاڑدے پئے نیں ۔ کوئی پاپی خُدا دی راستبازی اُتے ایمان رکھن توں اڈ اسمانی بوہیاں وچ نئیں جا سکدا ۔ اسیں جیہڑے یسوع اُتے ایمان رکھدے آں ، سانوں لازمی طور اُتے خُدا دی راستبازی اُتے ایمان رکھن دے سبب اپنے پاپاں توں معافی پاؤنی چاہی دی اے ۔
یسوع مسیح جیہڑا ایس دھرتی اُتے آیا ، پاپیاں دا مکتی داتا اے تے اپنے آپ خُدا دی اصلی راستبازی ہیگا اے ۔ سانوں لازمی طور اُتے سچ مُچ خُدا دی راستبازی اُتے ایمان رکھنا چاہی دا اے ، جویں یسوع پانی تے رُوح دی خوشخبری دے سبب اپنے کلام نال ساڈے پاپاں نوں معاف کر چُکیا اے ۔ یسوع اُتے ایمان رکھن والیاں نوں لازمی طوراُتے بپتسمے اُتے جیہڑا اوہنے یوحنا کولوں لیا تے اوہدے صلیبی لہو اُتے خُدا دی راستبازی وانگر ایمان رکھنا چاہی دا اے ۔ صرف اوہ جیہڑے پانی تے رُوح دے لکھے ہوئے کلام اُتے ایمان رکھدے نیں ، اسمان اُتے جا سکدے نیں ۔
اسیں عذاب دے بھانڈیاں تے فضل دے بھانڈیاں وچ ونڈے جان لئی آکھے گئے آں
خُدا وند نے آکھیا ، ”تے جے بندے نوں سارا جگ مل جاوے تے اپنی حیاتی دا گھاٹا کھاوے تاں اوہنوں کیہ فائدہ ہووے گا ؟ یاں بندہ اپنی جان دی تھاں اُتے کیہ دیوے گا؟ “(متی ۱۶ : ۲۶)۔ جے کوئی اپنی ہمیش دی حیاتی گواؤندااے ، ایس جگ وچ اوہدے منافعے فضول ہیگے نیں ، سارے فضول نیں بھاویں اوہ جیہڑے وی نیں ۔ ایہہ کسے فائدے دے نئیں بھاویں اوہ جگ اُتے یاں بھاویں سارے جگ اُتے فتح پا چُکیا اے ، جے اوہنے یسوع دے بپتسمے تے اوہدے صلیبی لہو اُتے ایمان رکھن دے راہیں خُدا دی راستبازی نئیں پائی اے ۔
سارا کُجھ فضول اے پئی کنیاں ودھیا خُدائی تعلیماں ودھدیاں نیں ، صرف پانی تے رُوح دی خوشخبری اُتے ایمان رکھن دے راہیں جیہڑی خُدا دی راستبازی نوں پوریاں کردی اے کوئی ایس راستبازی نوں پا سکدا تے ایمان رکھ سکدا اے ۔ یسوع اُتے ایمان رکھن والے اپنے پاپاں توں چھُٹ سکدے نیں صرف جدوں اوہ اوہدے اُتے ایمان رکھن دے سبب خُدا دی راستبازی نوں پاؤندے نیں ۔
اج کل ایہو جیہے ایماندار بوہتے دِسدے نیں جیہڑے خُدا دی راستبازی اُتے ایمان دا اقرار کردے ہویاں ہر مونہہ ہنیرے دی دعائیہ عبادت وچ اپنے اُتے غصے ہوندے نیں ۔ اوہ اصل وچ خُدا دی راستبازی اُتے ایمان نئیں رکھدے ۔ سانوں لازمی طور اُتے احساس کرنا چاہی دا اے پئی ایہو جیہے ایمان نوں اوہ من دے نیں جیہڑے اوہدی راستبازی وچ مکتی اُتے ایمان نئیں رکھدے جیہڑا خُدا نوں خوش نئیں کردا ، سگوں صرف اوہنوں ناراض کردا اے ۔ ایس لئی پئی اوہ خُدا دی راستبازی دے خلاف ہو گئے ، تے
صرف اوہدے ویریاں وانگر قائم رہندے نیں ۔
یوحنا ۳ : ۵ سانوں دسدااے پئی ،”جدوں تیک کوئی بندہ پانی تے رُوح نال نہ جمے اوہ خُدا دی بادشاہی وچ جا نئیں سکدا ۔ “ایہدے سبب توں تہانوں پانی تے رُوح دی خوشخبری اُتے تے خُدا دی راستبازی اُتے ایمان رکھن دے راہیں اپنے سارے پاپ دے مسئلے حل کرنے چاہی دے نیں ۔ پانی تے رُوح دی خوشخبری خُدا دی راستبازی بن گئی اے جیہڑی تہانوں پاپاں دی معافی تے اوہدی راستبازی دے سکدی اے ۔
جے تُسیں ایس طرحاں دا ایمان رکھنا چاؤہندے او جیہڑا تہانوں خُدا دی راستبازی وچ راستباز بناوے گا ، تہانوں لازمی طور اُتے پانی تے رُوح دے کلام پچھے چلنا تے ایمان رکھنا چاہی دا اے جیہڑا ایس راستبازی وچ ہیگا اے ۔ تہانوں لازمی طور اُتے ایہہ وی احساس کرنا چاہی دا اے پئی ، تہاڈے دل نوں خُدا دی راستبازی اُتے ایمان نال بھرن لئی ،تہانوں اپنی دلی راستبازی نوں اک پاسے سُٹن دی لوڑ اے ۔ پولُس دونویں اسرائیلیاں تے اوپریاں قوماں نوں کیہ دسدا پیا اے پئی اوہناں نوں لازمی طور اُتے اپنی دلی راستبازی دیاں آساں چھڈ دینیاں چاہی دیاں نیں جے اوہ خُدا دی راستبازی پاؤنا چاؤہندے نیں ۔
خُدا نے ابرہام نوں خُدا دی راستبازی وچ اوہدے ایمان دے پھل وانگر اپنا پُتر بنا لیا ۔ خُدا دی راستبازی پانی تے رُوح دے وچ وکھالی دیندی اے ۔ کوئی وی جیہڑا راستبازی دے کلام اُتے ایمان رکھدا اے راستباز بندہ بن جاندااے ۔ ربقہ ، اضحاق دی گھروالی ، جوڑے پُتر جم چُکی سی تے ایتھوں تیک پئی اوہناں دے جمن توں پہلوں ، یاں کوئی چنگیائی یاں بریائی کرن توں پہلوں اوہنوں دسیا گیا پئی ،”وڈا نکے دی سیوا کرے گا ۔“ ایس حوالے توں ، کئی لوک نتیجہ کڈھدے نیں پئی خُدا انصاف کرن والا خُدا نئیں ہیگا اے ، تے پئی ایہہ اک غلط نتیجہ ہیگا اے ۔
ایس لئی پئی خُدا پہلوں ای یعقوب تے عیسو دے ایمان دے آؤن والے دناں بارے جان دا سی ، ایتھوں تیک پئی جویں جدوں اوہ حالے تیک ربقہ دی کُکھ وچ سَن ۔ خُدا دی راستبازی دا بھیت پانی تے رُوح دی خوشخبری وچ لُکیا ہویا اے ۔ ایس لئی پئی عیسو ایہو جیہا سی جیہڑے اپنے آپ دے چنگیاں کماں اُتے گھمنڈ کردا سی ، خُدا نے اوہنوں اوہدی راستبازی اُتے ایمان وچ کُجھ نہ کرن وانگر ویکھیا ، ایس سبب توں خُدا نے اوہدے توں نفرت کیتی ۔ دوجے پاسے ، یعقوب ایہو جیہا سی جنہے خُدا دی راستبازی اُتے ایمان رکھیا تے صرف اوہنوں سارا جلال دتا ؛ ایس طرحاں خُدا کُجھ نہ کر سکیا سگوں اوہدے نال محبت کیتی ۔
مطلب اے خُدا نے یعقوب نال محبت تے عیسو توں نفرت کیتی ، ایس لئی صرف سچیائی دی نیہ اُتےاے ۔ خُدا عیسو ورگیاں لوکاں نوں نئیں پسند کردا ، جیہڑے اپنے آپ دی طاقت اُتے خُدا دی راستبازی اُتے ایمان رکھن توں اڈ گھمنڈ کردے نیں ، پر اوہ خوش ہوندااے تے یعقوب ورگیاں لوکاں نال محبت کردااے ، جیہڑے اپنیاں کمیاں جان دے تے صرف اوہدی راستبازی اُتے ایمان رکھدے نیں ۔
لوک اکثر پُچھدیاں ہویاں خُدا دی راستبازی نوں غلط سمجھدے نیں کویں خُدا اضحاق نال ایہو جیہے طریقے نال پیش آسکدا سی ۔ اوہ سوچدے نیں پئی جے خُدا نے کئیاں نال محبت کیتی جد پئی دوجیاں نال نفرت ، لازمی طور اُتے خُدا ٹھیک نئیں ہیگا اے ،تے اوہ خورے بھاویں یسوع اُتے ایمان توں مُکر سکدے نیں ایس لئی پئی اوہ اوہنوں بے انصافی دے خُدا وانگر سمجھدے نیں ۔
پر خُدا کویں بے انصاف ہو سکدا اے ؟ جے کوئی خُدا نوں بے انصاف سمجھدا اے ، ایہہ صرف ایس سچیائی دی نشانی اے پئی خُدا دی راستبازی دی ٹھیک دانائی نئیں رکھدا ۔ ساریاں توں ودھ کے ، ایہہ خاص کر اوہ نیں جیہڑے خُدا دی راستبازی اُتے ایمان نہ رکھن دے راہیں ، اوہدی راستبازی نوں اپنی دلی بندیاں والی راستبازی نال کج دے نیں جیہڑی خُدا دے اگے ڈاہڈا پاپ کردی اے ۔ ہر کسے نوں لازمی طور اُتے خُدا دی راستبازی دے اگے اپنی دلی راستبازی سُٹ دینی چاہی دی اےتے پانی تے رُوح دی خوشخبری دے کلام اُتے ایمان رکھنا چاہی دا اے ۔
مکتی دے کلام اُتے ایمان رکھن دا ایہہ اکو رستہ اے جیہڑاخُدا دی راستبازی وچ ہیگا اے ۔ مطلب اے خُدا بے انصاف اے تہاڈا دلی خیال اے ، جیہڑے خُدا دے خاص ارادے ،اوہدے منصوبے وچ تے پہلوں توں مقرر کرن اُتے ، تہاڈی جہالت وچوں نکلیا اے ۔ خُدا دا ٹھیک منصوبہ ساڈے اگے اوہدی راستبازی نوں وکھاؤنا سی ۔ ایس لئی پئی خُدا جوڑیاں بھراواں دے پہلوں ای آؤن والے دناں بارے جان دا سی ، خُدا نے اوہدے مطابق اپنی راستبازی وچ منصوبہ بنایا تے اوہدے لئی محبت مقررکیتی جنہے ایمان رکھیا ۔
سانوں لازمی طور اُتے اوہدے منصوبے وچ خُدا دی راستبازی نوں سمجھنا تے ایمان رکھنا چاہی دا اے ۔ یعقوب تے عیسو وچوں ، خُدا نے کنہوں بلایا؟ ساڈے خُداوند نے آکھیا پئی اوہ ”راستبازاں نوں نئیں سگوں پاپیاں نوں بلاؤن آیا۔ “دوجے اکھراں وچ ، خُدا دی راستبازی،یعقوب ورگیاں لوکاں نوں بلاؤندی اے ۔ ایس طرحاں عیسو لئی ، نہ صرف اوہنے خُدا دے سچے بلاوے دا جواب نہ دتا ، سگوں اوہنے اپنی دلی راستبازی اُتے وی گھمنڈ کیتا ۔ ایس سببوں عیسو توں نفرت کیتی گئی جد پئی یعقوب ایہو جیہا بن گیا جنہے خُدا
دی راستبازی دے بلاوے دا جواب دتا ۔
پاک کتاب دیاں ایہہ ساریاں سچیائیاں لازمی طور اُتے ایمان وچ سمجھیاں جانیاں چاہی دیاں نیں جیہڑا خُدا دی راستبازی دی محبت نوں جان دا تے ایمان رکھدا اے ۔ جے کوئی خُدا دی راستبازی دی محبت دے ٹھیک علم توں اڈ خُدا دے پہلوں توں مقرر کرن والے کم نوں حل کرن دی کوشش کردا اے ، اوہ وڈے جال وچ ، اپنی دلی بربادی دی اگوائی کردے ہویاں ڈِگ پوے گا ، جیہڑ او ہنے لایا اے ۔
خُدا نےاپنی راستبازی دی محبت وکھاؤن لئی پہلوں توں مقرر کرنا خاص کیتا ۔ یعقوب ایہو جیہا بندہ سی جنہے اپنیاں کمیاں نوں پچھانیا تے خُدا دی راستبازی دے کلام اُتے ایمان رکھیا ۔ مطلب اے خُدا نے یعقوب نال محبت کیتی جد پئی عیسو توں نفرت کیتی ، انصاف ہیگا اے ۔ صرف خُدا دی نگاہ وچ ، ہر کوئی اوہدے عذاب دا حقدار اے ، پر اوہنے ساڈے لئی اوہناں ساریاں لئی اپنی مکتی دے دتی جیہڑے اوہدی راستبازی اُتے ایمان رکھدے نیں ۔ اوہ جنہاں نیں خُدا دے اگے فضل دے لیڑے پائے نیں ، اوہ نیں جیہڑے اپنی راستبازی اُتے گھمنڈ نئیں کردے ، سگوں اپنی مکتی لئی خُدا دی راستبازی اُتے ایمان رکھدے نیں ۔ ایہہ اوہ لوک نیں جیہڑے اقرار کردے نیں ،” میَں اپنے پاپاں دے سبب دوزخ وچ لعنتی بنن دا حقدا ر ہاں ۔ اے خُداوند خُدا ، میرے اُتے ترس کھا ، تے مینوں اپنی راستبازی سکھا ۔ “
خُدا صرف اوہناں نوں پاپاں دی معافی دیندااے جیہڑے اوہدی سچی محبت اُتے ایمان رکھدے نیں ، تے ساڈے لئی اوہدے پُتر بننا خُدا دا ارادہ اے جیہڑا اوہ پہلوں ای ساڈے اُتے ظاہر کر چُکیا اے ۔ تہانوں لازمی طور اُتے یعقوب نال محبت کرن تے عیسو نال نفرت کرن دے خُدا دے ارادے نوں غلط نئیں سمجھنا چاہی دا ۔ جے ، کسے وی طرحاں تُسیں ٹھیک طریقے نال خُدا دی راستبازی نوں نئیں سمجھیا سی ، فیر ایہہ تہاڈے لئی دوبارہ اوہدی راستبازی وچ خُدا دی سچی محبت اُتے ایمان رکھن دا ویلا اے ۔
میَں خُدا دی راستبازی اُتے ایمان رکھدا ہاں ۔ اوہ جیہڑے ٹھیک طریقے نال خُدا دی سچی محبت نوں سمجھ سکدے نیں ، ٹھیک طریقے نال اوہدی راستبازی وچ خُدا دے سچے فضل اُتے ایمان وی رکھ سکدے نیں ۔ پر ایس جگ وچ تھوڑے جیہے خُدا دے راستباز ارادے دی ٹھیک سُدھ بُدھ رکھدے نیں تے اوہدے اُتے ایمان رکھدے نیں ، تے بوہتے خُدا دے بارے وچ اپنی غلط سُدھ بُدھ دے سبب دُکھاں وچ نیں ۔
ایہہ لوک سوچدے نیں پئی کیوں جے خدا دا کلام سانوں دسدااے پئی خُدا نے عیسو توں نفرت
کیتی ، کئی لوک خُدا دے اگے اوہدے راہیں انھے وا نفرت کرن لئی مقررنیں ، جویں پئی اوہدے ولوں نفرت پاؤنا اوہناں دی قِسمت سی ۔ پر ساڈا خُدا ایہو جیہا پتھر دل خُدا نئیں ہیگا اے ۔ خُدا انصاف کرن والا اے جیہڑا اپنی راستبازی وچ ٹھیک تے سچا ہیگا اے ۔ خُدا ساڈے وچوں ہر اک تے ہر کسے نوں اپنا سچا فضل تے محبت دینا چاؤہندااے ۔
خُدا سانوں یسوع مسیح دے راہیں اپنی راستبازی دینا چاؤہندااے ،تے اوہنے اوہناں نوں کجیا جنہاں نیں اوہدے فضل توں اوہدی راستبازی اُتے ایمان رکھیا تے اوہناں نوں پُتر بنایا۔
ایہہ سچیائی متی ۹ : ۱۲ ۔ ۱۳ وچ ، نویں عہد نامے وچ وکھائی گئی اے جتھے یسوع آکھدا اے ، ”صحت منداں نوں ڈاکٹر دی لوڑ نئیں سگوں روگیاں نوں ۔ پر تُسیں جا کے ایہدا مطلب لبھو پئی میَں قربانی نئیں سگوں ترس کھانا پسند کردا ہاں ایس لئی پئی میَں راستبازاں نوں نئیں سگوں پاپیاں نوں بلاؤن آیا ہاں۔ “ اوہ جیہڑے صحت مند نیں اوہناں نوں ڈاکٹر دی لوڑ نئیں ایتھوں تیک پئی اوہناں دے بارے وچ رُکھیاں وانگر سوچ سکدے نیں۔ سگوں جویں لوک ڈاکٹراں دی لوڑ بارے نئیں سوچدے جدوں اوہ صحت مند ہوندے نیں، اوہ اپنے دلاں وچ اوہدے اُتے ایمان رکھن دے راہیں خُدا دی راستبازی پاؤن دی لوڑ بارے نئیں سوچدے ۔ خُدا دی راستبازی نوں نہ جان دے ہویاں ، اوہ اپنی دلی راستبازی پچھے لگن وچ مصروف نیں ۔
پر پاپیاں نوں لازمی طور اُتے اپنی دلی راستبازی چھڈنی چاہی دی اے تے خُدا دی راستبازی اُتے ایمان رکھنا چاہی دا اے ۔ تُسیں خُدا د ے اگے بھاویں یعقوب یاں عیسو ہو سکدے او ۔ تُسیں کیہ ہونا چاؤہندے او ؟ خُدا دا ثواب تے سزا تہاڈے فیصلے اُتےہیگی اے پئی کیہ خُدا دی راستبازی دی مکتی اُتے ایمان رکھنا اے یاں نئیں رکھنا ،اُتے ہووے گی ۔
خُدا بالکل غلط نئیں ہیگا اے
ہر بندہ قدرتی طور تے مُسابقتی شخصیت رکھدا اے ۔ اوہناں وچوں کئی بوہت سیانے تے کامیاب ہو سکدے نیں تے کئی دوجیاں نال بوہت سارے چنگے کم کر سکدے نیں ۔ پرخُدا دی راستبازی دی سُدھ بُدھ تے ایمان توں اَڈ ، اوہ خُدا دی منظوری نئیں پا سکن گے ۔ ہر کوئی تُسیں تے میَں ، ایتھوں تیک پئی اسرائیلیاں نوں خُدا دے اگے دوزخ دا نصیب رکھنا سی ۔ ایہدے ہوندے ہویاں ، اسیں اپنیاں دلی کوششاں ، کماں یاں طاقتاں دے راہیں نئیں ، سگوں صرف خُدا دی اصل راستبازی اُتے اپنے ایمان رکھن دے راہیں راستباز بنائے گئے آں ۔
ایس لئی خُدا نے حصیاں وچ تے ستھرے طریقے نال ہر کسے نوں اپنی سچی محبت دتی اے ، سارے جیہڑے اوہدے اُتے ایمان رکھدے نیں اپنے سارے پاپاں توں چھُٹ سکدے نیں ۔ خُدا بے ترس خُدا نئیں ہیگا اے ، جویں خورے تُسیں اوہدے بارے ہون لئی سو چ سکدے او۔
بھاویں کوئی خُدا دی مکتی دی برکت پاؤندا اے یاں نئیں ، بھروسہ کردی اے پئی کیہ اوہ اوہنوں قبول کرن یاں اوہنوں رد کرن دا فیصلہ کردا اے ۔ ایس لئی کئی لوک عذاب دے بھانڈے بن گئے نیں جد پئی دوجے فضل دے بھانڈے بن گئے نیں ۔ یعقوب ، ایہنوں وکھ طریقے نال رکھدے ہویاں ، فضل دا بھانڈا بن گیا ، جد پئی عیسو عذاب دے بھانڈے وانگر مُک گیا ۔
پر کئی خُدا ئی تعلیم دے ماہر تے جیہڑے پاک رُوح دے اڈ لوک ہیگے نیں بوہتی وار خُدا اُتے توہمت لاؤندے نیں ۔ اوہ آکھدے نیں ، ”ویکھو، کیہ خُدا نے فرعون نوں عذاب دا بھانڈا نئیں بنایا؟ یعقوب تے عیسو نوں ویکھو! ربقہ نوں ویکھو ! ویکھو کمہیار نے کیہ کیتا اے !کیہ خُدا نے مُڈھو ں ای کسے نوں عزت دا بھانڈا نئیں بنایا؟ ایہہ صرف مقدر ہو سکدا اے !“ اوہناں دی دلیل ہیٹھاں لکھی ہوئی وانگر اے : کئی لوک پہلوں ای خُدا دے پُتر بنن لئی چُنے گئے سَن ایتھوں تیک پئی اپنے جمن توں پہلوں ؛ تے ایہو جیہے لوک جیہڑے خُدا دی محبت دے لیڑے پاؤن لئی پہلوں توں مقرر کیتے گئےسَن تے چُنے گئے سارے اوہدے پُتر بن جاندے نیں ، جد پئی دوجے دوزخ لئی قیدی نیں ۔ایہہ ہے کویں خُدا دے چناؤاُتے حملہ ہوندااے ۔ پر خُدا نے اپنی راستبازی ہر کسے نوں دتی ، تے اوہناں نوں مکمل طور تے چُن دا اے جیہڑے اوہدے اُتے ایمان رکھدے نیں ۔
اسیں خُدا دی راستبازی اُتے ایمان رکھن دے راہیں راستباز بنائے گئے ، جدوں ،اصل وچ ، اسیں ایہدے توں پہلوں اوہدے لوک نئیں ساں ۔ خُدا ساڈے ایمان منظور کر سکدا اے ایس لئی پئی اسیں اوہدے کلام دے راہیں پانی تے رُوح دی خوشخبری اُتے ایمان رکھن دے سبب راستباز بن گئے آں ۔ ایہہ خوشخبری دی سچیائی اے جیہڑی خُدا دی حیران کرن والی طاقت وکھاؤندی اے ۔
اصل وچ ، اسیں اپنے اندر خُدا نوں نئیں رکھدے ساں، اوہنوں نئیں جان دے ، تے سارے پاپی ساں ، پر خُدا دی راستبازی اُتے ایمان رکھن دے راہیں اسیں اوہدے لوک بن گئے آں ۔ پانی تے رُوح دی خوشخبری جیہدے اُتے اسیں ایمان رکھدے آں ، ادھوری خوشخبری نئیں ہیگی اے ، سگوں مکمل تے کامل خوشخبری ہیگی اے ۔ سانوں سچیائی دین لئی خُدا دی وڈیائی کرنی چاہی دی اے جیہدے راہیں اسیں اوہدی راستبازی پا سکدے آں ۔
ساڈیاں حیاتیاں دُکھاں بھریاں ہو سکدیاں نیں ، پر سانوں لازمی طور اُتے خُدا دی راستبازی نئیں بھُلنی چاہی دی اے ایس لئی پئی خُدا سانوں اپنی طاقت دی وڈیائی سکھا چُکیا اے ۔ سارے جگ وچ بوہت خوش بندہ اوہ ہیگا جیہڑا خُدا دی راستبازی نوں جان دا اے ۔ ساڈے وچوں اوہناں لئی اوہ جیہڑے خُدا اُتے ایمان رکھدے نیں ، خُدائے ثالُوث فضل دا باپ اے ۔ اوہ ساڈا پاک خُدا اے ۔ اوہنے ساڈے وچوں اوہناں دیاں جاناں وچ خُدا دی راستبازی دا ایمان رکھیا جیہڑے اوہدے اُتے ایمان رکھدے نیں ۔ اسیں خُدا دے پُتر تے اوہدے فضل تے برکتاں پاؤن والے ، ایہہ جانن تے ایس راستبازی اُتے ایمان رکھن دے راہیں بنائے گئے ساں ۔
پر بوہتے لوک حالے تیک چنگے کم کرن لئی اپنے آپ دیاں کوششاں دے راہیں پہلوں ای بنھے ہوئے نیں ۔ چندے دینا ، کلیسیا لئی خوشی خوشی کم کرنا ، دوجیاں نال مقابلے وچ اوہدے لئی وڈے چندے دینا ۔ تُسیں خورے سوچ سکدے اوہ پئی ایہہ سارے چنگے کم نیں ، پر اوہ اکلے کُجھ نہیں کرسکدے تے تہانوں نئیں بچاؤن گے ۔ صرف ایناں کماں اُتے دھیان کرنا اکلا خُدا دی راستبازی اُتے تہاڈے ایمان دا اشارہ نہیں ہیگا اے ، سگوں ایہہ اک اشارہ ہیگا اے پئی تُسیں اپنی دلی راستبازی پچھے چلدے پئے او ، اوہ جیہڑے اپنے آپ دیاں بدنی کوششاں نال پہلوں ای بنھے ہوئے نیں ، خُدا دے خلاف چلدے پئے نیں ۔ ایہہ اوہ ہیگے نیں جیہڑے خُدا دی راستبازی نوں نئیں جان دے تے بدنی ایہو جیہاں شیواں نال پہلوں ای بنھے ہوئے نیں ۔
حوالہ سانوں دسدا اے پئی خُدا دی مکتی اوہناں نوں نئیں دتی جاندی جیہڑے اوہدے لئی نسدے نیں ، سگوں صرف اوہناں نوں جیہڑے اوہدی راستبازی اُتے ایمان رکھدے نیں ۔ ایہہ راستبازی صرف ساڈے ترس کھان والے خُدا اُتے ایمان رکھن دے راہیں مل سکدی اے ۔ ایہہ ساڈے کماں دے راہیں نئیں ملدی پئی اسیں خُدا کولوں محبت پاؤندے آں ، سگوں صرف اوہدی راستبازی اُتے ایمان رکھن دے راہیں اسیں اوہدی ترس کھان والی محبت پاؤندے آں ۔ ایس لئی سچا ایمان کامل طریقے نال بھروسہ رکھدا اے پئی کیہ اسیں خُدا دی راستبازی نوں جان دے آں تے اوہدے اُتے ایمان رکھدےآں یاں نئیں ۔
کیہ اسیں بالکل شروع توں نکما وجود نئیں رکھدے ساں ؟ تے ہُن تیک اسیں خُدا دی راستبازی اُتے اپنے ایمان دے سبب بوہتے چنگے نئیں بن چُکے آں ؟ اسیں اخیرتیک اپنے ایمان قائم رکھ سکدے آں خُدا دی راستبازی اُتے ایمان رکھن دے راہیں تے اپنے آپ دی سچیائی اُتے فخر کردےہویاں اسیں ہُن اوہدے پُتر بن گئے آں ۔
جگ وچ بوہت سارے ہیگے نیں جیہڑے بدی کردے نیں تے دعویٰ کردے نیں پئی کوئی خُدا نئیں ہیگا اے ،پر خُدا نے ساڈے اُتے فضل کیتا سی ایس لئی پئی اسیں اوہدی راستبازی اُتے ایمان رکھیا ۔ اسیں سچ مُچ خُدا دے اگے نیک ہیگے آں تے خُدا اُتے ساڈا فخر بالکل واجبی ہیگا اے ۔ اسیں جدوں پئی ایس دھرتی اُتے ازمائشاں تے دُکھڑے جردے آں ، پر اسیں سارے رُوحانی طریقے نال دولت والے تے خوش رہن والے آں ۔ سانوں ساریاں نوں لازمی طور اُتے خُدا دی راستبازی دے پچھے چلنا چاہی دا اے تے یسوع دی وڈیائی کرنی چاہی دی اے ۔
خُدا نےسارے پاپیاں نوں اپنے اگے اپنے پُتر ، بے پاپ ، راستباز تے کامل بنایا ۔ سانوں لازمی طور اُتے سوچنا چاہی دا اے پئی کناں اُتے خُدا دی راستبازی آؤندی اے ۔ خُدا دی ایس راستبازی نے ساڈیاں ساریاں کمیاں پوریاں کیتیاں نیں تے ساڈے سارے برباد کرن والے پاپاں نوں مکا چُکی اے ۔ کیہ تُسیں ایس سچیائی اُتے ایمان رکھدے او یاں نئیں ، سارے دا سارا تہاڈے اُتے مُک دا اے ۔تُسیں ،وی ، سارے دے سارے خُدا دی راستبازی دے راہیں اپنے پاپاں توں مکتی یافتہ ہو گئے او۔ فیر ، تُسیں کیہ کروں گے ؟ کیہ تُسیں ایمان رکھن لئی اپنے فیصلے نوں کل تیک ڈک لووگے ؟
خُدا کرے خُدا دی راستبازی تہاڈے نال رہوے ۔
Copyright © 2021 by The New Life Mission