Due to COVID-19 and disruption to international mail service
we have temporally suspended our ‘Free Print Book service’.
we have temporally suspended our ‘Free Print Book service’.
In the light of this situation we are not able to mail you the books at this time.
Pray that this pandemic will end soon and the resumption of the postal service.
Pray that this pandemic will end soon and the resumption of the postal service.
Subject 4: FAQ from the Readers of Our Books
4-1. تُسیں اپنی کتاب وچ لکھیا اے پئی اسیں یسوع دے بپتسمے تے اوھدے سولی اُتے خون وگاؤن اُتے ایمان رکھ کے اپنے پاپاں توں اکو ای وار تے ہمیش لئی معافی پا سکدے آں۔ فیر ،تُسیں خُداوند دی دُعا وچ ،ایس حوالے دی تشریح کویں کرسکدے او ، "تے ساڈیاں قصوراں نُوں بخش دےجیویں اساں اپنے قصورواراں نُوں بخش دِتّا اے" ؟
تُسیں جیہڑے جملے دا حوالہ دتا اے اوہ پانی تے رُوح دی خوشخبری دے خلاف دِسدا اے۔ پر،تُسیں ایمان رکھ سکدے او پئی بائبل کامل ھیگی اے ، تے ایہدے وچ کوئی فرق نئیں اے۔
فیر ، کیہ پانی تے رُوح دی خوشخبری غلط اے؟ نئیں ، بالکل نئیں!
سارے کلام دے راھیں ، خدا سانوں وکھاؤندا اے پئی ایہہ خوشخبری اکلی کھری تے کامل خوشخبری اے۔
پرانا تے نواں عہد نامہ رَلدے نیں ۔ پرانے عہد نامے وچ قربانی دا بندوبست بالکل یسوع مسیح دی ھمیش دی قربانی وانگر اے ۔ قربانی دے نظام وچ ، اک جائز قربانی نوں تِن خاص شرطاں دی لوڑ اے: 1) بے پاپ قربانی دا پسو، 2) اوھدے اُتے ھتھاں دا رکھیا جانا، 3) خون (موت نال کفارہ)
تے یسوع مسیح ، جگ دے سارے پاپاں نوں قبول کرن لئی ، کنواری مریم دے راھیں ، اک بے پاپ انسان وانگر، سارے لوکاں دے نمائندے ، یوحنا بپتسمہ دین والے دے راھیں بپتسمہ لین دے سبب ایس دھرتی اُتے آیا ۔ فیر ، اوہ ساڈے سارے پاپاں سمیت سولی اُتے چڑھ گیا ،تے اوھنوں مرن تیک سولی اُتےرکھیا گیا۔ پر اوہ تیجے دیہاڑے دوبارہ جیوں اُٹھیا۔ ھُن اسیں اپنے سارے پاپاں (لنگھےھوئے ، حالیہ تے آؤن والے) توں ایس سچیائی اُتے ایمان رکھ کے معاف ہوگئے آں جیہڑی خُداوند نے کامل کیتی اے۔
فیر ، ایس حوالے دے بارے کیہ خیال اے پئی " تے ساڈیاں قصوراں نُوں بخش دےجیویں اساں اپنے قصورواراں نُوں بخش دِتّا اے" ؟
ایہدا مطلب ایہہ ہیگا اے پئی خدا چاؤھندا اے پئی اسیں اک دوجے دی غلطیاں نوں معاف کرئیے۔ بھاویں اسیں نویں سریوں جمے آں ، حالے وی اپنے بدن وچ ماڑے آں ، تے بوہت ساریاں غلطیاں کردے آں۔ جے اسیں اک دوجے نوں اپنیاں خطاواں کرن اُتے سزا تے لعن طعن کردے آں تاں فیر ایتھوں تیک پئی کھری خوشخبری دی طاقت مُک جاوے گی ، تے نویں سریوں جمن والیاں دا میل جول مُک جاوے گا۔
تہانوں پتہ ھونا چاھی دا اے پئی اکھر `قصوراں` نوں ` قرضیاں` وچ ٹھیک کرنا چاہی دا اے۔ اصل وچ ، نیو کنگ جیمز ورژن وچ ایہہ لکھیا اے: " تے ساڈیاں قرضیاں نُوں بخش دےجیویں اساں اپنے قرضداراں نُوں بخش دِتّا اے۔" (متی 6: 12)۔
متّی وچ ، خُداوند دی دُعا بالکل ایسے طرحاں دیاں تعلیماں پچھے لاؤندی اے : "ایس لئی پئی جے تُسیں بندیاں دے قصور معاف کرو گے تاں تُہاڈا اسمانی باپ وی تہانوں معاف کریگا۔ تے جے تُسیں بندیاں دے قصور معاف نہ کرو گے تاں تُہاڈا باپ وی تُہاڈے قصور معاف نہ کریگا"
خُداوند یسوع نےسانوں خداوند دی دُعا ہردیہاڑے صرف اینوں پڑھن لئی نئیں دتی سی۔ ایہہ دُعا دے خاص مضموناں دا اک اکٹھ اے جنہوں سانوں اپنی ھر دیہاڑے دی ایمان دی حیاتی وچ یاد رکھنا چاہی دا اے۔
مہربانی کر کے متّی18: 21-35 نوں پڑھو ، فیر تُسیں ایس گل نوں سمجھو گے پئی معاف نہ کرن والے نوکر لئی خدا دی کیہ مرضی اے:
" تَد پطرس نیں کول آن کے اوہنوں آکھیا خُداوندا میرا بھرا کِنی واری میری تقصِیر کر دا جاوے تے مَیں اوہنوں مُعاف کراں؟ سَتّ واری تِیکر؟ یِسُوع اوہنوں آکھیا مَیں سَتّ واری تِیکر نئیں آکھدا پر ستہراں دی سَتّ واری تِیکر۔ کیوں جو اسمان دی بادشاہی اِک بادشاہ وانگُوں اے جیہڑا اپنے نَوکراں توں لیکھا لینا چاہندا سی۔ جد لیکھا لین لگّا اِک نُوں اوہدے کول لے آندا جیہڑا دَس ہزار توڑیاں دا قرضئی سی۔ پر دین نُوں اوہدے پلّے کُجھ نئیں سی۔ اوہدے مالک حُکم دِتّا پئی اوہ تے اوہدی بیوی تے اوہدے بال بچّے تے سبھ جو کُجھ اوہدا ہوئے ویچیا جائے تے قرض بھر لیا جائے۔ تَد اوس نوکر نے پَیرِیں پَے کے مَتّھا ٹیکیا تے آکھیا خُداوندا مَینُوں مُہلت دے تے مَیں تیرا سبھ کُجھ بھر دیاں گا۔ اوس نوکر دے مالک نُوں رَحم آیا تے اوس اوہنوں چھڈ دِتّا تے قرض وی اوہنوں بخش دِتّا۔ پر جد اوہ نوکر باہر نِکلیا تے اوہدے نال دیاں نَوکراں وِچوں اِک اوہنوں لَبّھ پیا جیہڑا اوہدا سَو دینار دا قرضدار سی۔ اوس اوہنوں پھڑ کے اوہدا سَنگھ گُھٹیا تے آکھیا دے جو تُوں میرا دینا اے۔ تَد اوہدے نال دے نوکر پَیرِیں پَے کے اوہدی مِنّت کِیتی پئی مَینُوں مُہلت دے مَیں تیرا قرض دیاں گا۔ پر اوس نا مَنّیا سگوں جا کے اوہنوں قید وِچ پا دِتّا جد تِیکر اوہ قرض نا لاہ دے۔ سو جد اوہدے نال دیاں نَوکراں ایہہ حال ویکھیا تَد اوہناں بڑا غم کھادا تے جا کے اپنے مالک اگّے ساری حِقیقت دسی۔ تَد اوہدے مالک اوہنوں اپنے کول سَدّ کے آکھیا اَے شرِیر نوکر مَیں تینُوں اوہ قرض سارا چھڈ دِتّا۔ جد تُوں میری مِنّت کِیتی۔ایہہ تینُوں نئیں سی چاہیدا پئی جیویں مَیں تیرے اُتّے رَحم کِیتا اینج ای تُوں وی اپنے نال دے نوکر اُتّے رَحم کر دا؟سو اوہدے مالک غُصّے ہو کے اوہنوں دُکھ دین والیاں دے حوالے کِیتا جِنّاں چِر اوہ سارا قرض بھر نا دے۔ ایسے طرح میرا اسمانی باپ تُہاڈے نال وی کرے گا۔ جے تُسی سبھ اپنے اپنے بھراواں نُوں اپنے دِلوں مُعاف نا کرو۔"
اِیہدا مطلب ایہہ ہیگا اے پئی سانوں ہمیش اپنے بھراواں نوں معاف کرنا چاہی دا اے جدوں اوہ ساڈے خلاف غلطی کردے نیں ایس لئی پئی خداوند نے پہلوں ای ساڈےسارے لنگھے ھوئے ویلے تے حالیہ تے آؤن والیاں دناں دے پاپاں نوں اک ای وار اپنے بپتسمے تے صلیب دے راھیں معاف کردتا۔ ایس لئی ،جےاسیں اپنے بھراواں نوں معاف نئیں کردے آں ایتھوں تیک پئی جے خداوند نے پہلوں ای اوھناں دے سارے پاپ معاف کردتے نیں ، تاں اوہ ساڈے معاف نہ کرن والے دِل دے سبب ساڈے توں ناراض ہووے گا تے ساڈے بھراواں دے خلاف ساڈے پاپاں نوں معاف نئیں کرے گا۔ صرف جدوں اسیں ایہہ ایمان رکھدے ہوئیاں پئی خُدا سانوں ساریاں نوں پہلوں ای یسوع دے بپتسمے تے صلیب دے راھیں معاف کر چکیا اے اپنے بھراواں نوں معاف کردے آں تاں، اوہ ساڈے توں بوہت خوش ہووےگا۔
ایس لئی پیراگراف دی تشریح ایسے طرحاں کیتی جاسکدی اے ۔ "اےخُداوند ،اسیں اپنے بھراواں نوں معاف کردے آں ایس لئی پئی توں پہلوں ای ساڈےسارے پاپ معاف کردتے نیں۔ ایس لئی ، مہربانی کرکے ساڈے پاپاں اُتے ناراض نہ ہو۔" یسوع نے ایس بیان اُتے ایسے طرح آکھیا پئی اوہ پہلوں ای جگ دے سارے پاپاں نوں دھو چُکیا اے۔ جیہڑابندہ ایس طرحاں دا ایمان رکھدا اے وہ اپنے خلاف غلطی کرن اُتے اپنے بھراواں نوں معاف کرسکدا اے۔
Copyright © 2021 by The New Life Mission