Due to COVID-19 and disruption to international mail service
we have temporally suspended our ‘Free Print Book service’.
we have temporally suspended our ‘Free Print Book service’.
In the light of this situation we are not able to mail you the books at this time.
Pray that this pandemic will end soon and the resumption of the postal service.
Pray that this pandemic will end soon and the resumption of the postal service.
خیمۂ اِجتماع دے ویہڑےدابوھا
Related sermons
· خیمۂ اجتماع دے برانڈے دے پھاٹک دا رنگ <خروج ۲۷:۹۔۱۹>
>خروج ۲۷:۹۔۱۹>
”فیر تُو مسکن لئی صحن بناویں۔اوس صحن دے جنوبی پاسے لئی مہین اُنے ہوئے کتان دے پردے ہون جیہڑے رَلا کے سو ہتھ لمے ہون ۔ایہہ سارے اکو ای پاسے ہون ۔تے اوہناں لئی ویہہ ستون بنن تے ستوناں لئی پِتل دے ویہہ ای خانے بنن تے ایہناں ستوناں دے کُنڈے تے پٹیاں چاندی دیاں ہون ۔ ایسے طرح شمالی پاسے لئی پردے سارے رَلا کے لمائی وچ سو ہتھ ہون ۔ اوہناں لئی وی ویہہ ای ستون تے ستوناں دے لئی ویہہ ای پِتل دے خانے بنن تے ستوناں دے کُنڈے تے پٹیاں چاندی دیاں ہون۔تے صحن دے لہندے پاسے دی چوڑائی وچ پنجاہ ہتھ دے پردے ہون ۔ اوہناں لئی دس ستون تے ستوناں لئی دس ای خانے بنن ۔تے چڑھدے پاسے صحن ہوئے ۔ تےصحن دےپھاٹک دے اک پاسے لئی پندراں ہتھ دے پردے ہون جنہاں لئی تَرے ستون تے ستوناں لئی تَرے ای خانے بنن ۔ تے دوجے پاسے لئی وی پندراں ہتھ دے پردے تے تَرے ستون تے تَرے ای خانے بنن ۔ تے صحن دے پھاٹک لئی ویہہ ہتھ دا اک پردہ ہوئے جیہڑا اسمانی ۔ ارغوانی تے لال رنگ دے کپڑیاں تے مہین اُنے ہوئے کتان دا بنیا ہویا ہوئے تے اوس اُتے ول بوٹیاں دی کڈھائی ہوئے ۔ اوہدے ستون چار تے ستوناں دے خانے وی چار ای ہون ۔ تے صحن دے آلے دوالے سارے ستون چاندی دیاں پٹیاں نال جوڑے گئے ہون تےاوہناں دے کُنڈے چاندی دے تے اوہناں دے خانے پِتل دے ہون ۔ صحن دی لمائی سو ہتھ تے چوڑائی ہر تھاں پنجاہ ہتھ تے قنات دی اُچیائی پنج ہتھ ہوئے ۔ پردے باریک اُنے ہوئے کتان دے تے ستوناں دے خانے پِتل دے ہون ۔ مسکن دے طرح طرح دے کم دے سارے سامان تے اوتھوں دیاں میخاں تے صحن دیاں میخاں ایہہ سارے پَتل دے ہون ۔ “
میرا ،وی، ایس توں تھوڑے چرلئی دل ٹُٹ گیا سی ۔ ایس لئی پئی مَیں خاص کر کے سچیائی نوں جانن دے راہیں نویں سریوں جمیا ساں تے خاص کر کے مینوں اپنیاں کماں لئی اک ہتھیار وانگر ورتن لئی خُدا دا شکر ادا کرداں ہاں تے ایس لئی پئی میرا دل خُدا دی سچیائی نوں چار چوفیرے ودھاؤن دی تمنا رکھدا اے ، جدوں مَیں بوہت ساریاں لوکاں نوں جھوٹھ توں دھوکہ کھا کے اپنیاں دینی زندگیاں گزاردیاں ہویاں ویکھیا ، مَیں بچ نا سکیا سگوں بوہت دُکھی ہو گیا ۔
اخیریں ، جیہڑی گل صاف اے ، اوہ ایہہ ہیگی اےپئی پاک رُوح میرے دل وچ اے تے ایہہ پئی میریاں کمیاں دے ہوندیاں ہویاں میرا دل وچ کوئی پاپ نئیں ہیگا ۔ ایس لئی ، میرے دل وچ شکر گزاری ہیگی اے ، تے مینوں ایہہ خوشخبری سناؤندیاں کوئی شر م نئیں آؤندی جیہدے اُتے مَیں ایمان رکھدا ہاں ۔ جد مَیں ساری دُنیادے لوکاں تیک ایس خوشخبری دی منادی کردا ہاں ، جے اوہ سچیائی دے ایس کلام نوں سُن دے تے ایس اُتے ایمان رکھدے نیں ، اوہ وی خُدا تے لوکاں اگے شرمندیاں نئیں ہوسکدے ، ایس لئی پئی جد او ہ ایس سچیائی اُتے ایمان رکھدےنیں ، اوہ سارے اصل وچ خُدا دے پُتر بن جاندے نیں ۔
تُسیں وی لازمی ایمان دے راہیں ایہو ای برکتاں پا سکدے جے ۔ بھاویں تُسیں خُدائی تعلیم نوں نئیں پڑھیا اے ، جے تُسیں صرف پانی تے رُوح دی ایس خوشخبری دی سچیائی اُتے ایمان رکھدے او تُسیں اپنیاں پاپاں توں معافی پاوو گے ، خُدا د ے پُتر بنو گے ، تے اپنیاں دلاں وچ پاک رُوح نوں پاووگے ۔تے پاک رُوح نال ،تُسیں وی خُدا دیاں خادماں نال چل سکدے او ۔ ایہہ صاف سچیائی اے ، تے ایس طرح ایمان رکھنا سچا ایمان اے ۔ بھاویں مَیں اک دُ نیا وچ رہندا پیا ہاں جیہڑی جھوٹھ نال بھری ہوئی اے ، ایس لئی پئی میرے دل وچ ایہہ سچا ایمان اے ، مَیں ایس ویلے تیک سچیائی دی خوشخبری دی منادی کرن نوں قیم رکھن دے لائق رہ چُکیا ہاں ۔
جدوں توں مَیں خیمۂ اجتماع دے موضوع اُتے کلام دی منادی کرنی شروع کیتی ، مَیں بوہت صاف طریقے نال جھوٹھیاں دیاں ترکیباں دےبارے وچ جاننا پایا ، تے ایس طرح مَیں سچ دی جھوٹھ نال جانچ کیتی ۔ ایہو ای سبب اے پئی مَیں خیمۂ اجتماع دی ایس سچیائی دی گواہی دیندا پیاہاں ۔ ایہہ میرے لئی بوہت چوکھی خوشی لیاؤندی اے پئی خیمۂ اجتماع دے راہیں اصل سچیائی نوں ودھاؤن نال ، لوک سچ تے جھوٹھ وچکار جانچ کرن دے لائق ہو جاندے نیں ۔
خیمۂ اجتماع بارے ایس کتاب نوں لکھن وچ ، میرے لئی بوہت اوکھا کم ایہدیاں رمزاں نوں پیش کرن دی کوشش کرنا سی ۔ مَیں اصل لکھائیاں نوں ویکھدیاں ہویاں، ایس معاملے اُتے بوہت چوکھا دھیان کر چُکیا ہاں ، تاں پئی ایس گل نوں یقین والی بنایا جا سکے پئی خیمۂ اجتماع نال جُڑے ہوئے اوکھیاں اکھراں دے جواب کسے طرح دیاں غلط علماں دا سبب نئیں بنن گئیاں ، تے نا ای پڑھن والے ایہنوں غلط طریقے نال لین گے ۔ خیمۂ اجتماع دے بارے میری اپنی سُدھ بُدھ دے علم دے ہوندیاں ہویاں ، ایس لئی پئی خیمۂ اجتماع دے اکٹھ تے ایہدے لُکے ہوئے روحانی مطلب اوہناں لئی کھولے جانے سن جنہاں دی تعلیم بوہت گھٹ اے ، مَیں ایس کم دے بارے کسے حدتیک فکر مند ساں ، بے یقینا ساں کنے ٹھیک تے لازمی طریقے نال مَیں خیمۂ اجتماع دی اہمیت دی حقیقی طوراُتے وضاحت کر سکدا ساں ۔
لازمی ، ایہہ چنگا ہوندا ، جےلوک ایہنوں سُن دیاں ای سمجھ سکدے ہون تے ایمان رکھ سکدے ہون ۔ پر روم اکو دن وچ بنایا نئیں گیا سی ؛ ایسے طرح ، تے جویں پئی ساریاں معاملیاں وچ ، سچ تے سچے ایمان دی منادی اکو دن وچ پورے نئیں ہوندے، سگوں ایہہ ہولی ہولی حاصل کیتے جاندے نیں ، جویں اسیں بنیادی نکتے نوں ہولی ہولی ڈوہنگھ تیک جاندے آں ۔ ایس لئی مَیں خاص کر کے شروع توں ای بوہت ڈوہنگھ تیکر کھوجن دے بارے فکر مند ساں ، ایس لئی پئی ہر کوئی فیر ایہنوں سمجھن دے لائق نئیں ہوئے گا، تے ایہہ اوکھیاں کماں وچوں اک سی جہدا مَیں ایس کتاب نوں لکھن وچ سامناکیتا ۔
بہرحال، خُدا دی مدد نال ، کتاب اخیریں بوہت چوکھی پریشانی دے بغیر پوری ہو گئی اے ۔ آکھن دی ضرورت نئیں ، مَیں ایس لئی بوہت چوکھا خوش تے شکر گزار ہاں ۔ ایس کتاب دے راہیں ، تے سچ نوں جھوٹھ نال جانچن دے راہیں ، مَیں ضرور ظاہر کراں گا صرف کنے قیمتی طریقے نال ، کھول کے ، تے شک توں اڈ اج دے پانی تے روح دی خوشخبری دے ایماندار بچائے گئے نیں ، تے ایہدے اُلٹ ، دوجیاں دینی تے فضول خوشخبریاں دیاں ایمانداراں دا ایمان پانی تے روح دی خوشخبری توں علاوہ اصل وچ کِنج دا اے ۔ ایس لئی مَیں خُدا دا شکر گزار ہاں ، سب توں ودھ کے ، مینوں میریاں پاپاں توں بچاؤن لئی۔
اج ، بوہت سارے صرف ناں دے مناد ہیگے نیں ، جیہڑے شرطوں اڈ طریقے نال دعویٰ کردے نیں پئی اوہ بے پاپ نیں صرف ایس لئی پئی اوہ یِسُوعؔ اُتے ایمان رکھدے نیں ۔ اوہناں دے دل ہر طرح دیاں جھوٹھے تے فریبی ایمان نال بھرے ہوئے نیں ۔ جد پئی خیمۂ اجتماع بارے پڑھدیاں ہویاں ، مَیں ایتھوں تیک پئی بوہت خاص کر کے احساس کر چُکیا ہاں پئی صرف اوہناں دا ایمان اصل وچ فضول تے جھوٹھا اے ، تے ایس احساس دے سببوں مَیں اپنی مکتی لئی اپنے سچے دلوں خُدا دا ایتھوں تیک پئی بوہتا شکر ادا کردا ہاں ۔
خیمۂ اجتماع دے برانڈے دا پھاٹک تے واڑ
خاص حوالے توں اسیں سچیائی لبھ سکدے آں پئی خیمۂ اجتماع دے مستطیل نما برانڈے دی لمبائی ۴۵ میٹر تے اوہدی چوڑائی ۵.۲۲ میٹر(۷۵ فٹ)سی ، جویں اک ہتھ ۴۵.۰میٹر (۵.۱ فٹ) دے برابر لمبائی دی اک اکائی اے ؛ یعنی خیمۂ اجتماع دا برانڈہ سارے پاسیوں ۶۰ ستوناں نال گھریاہویا سی ، ہر ستون دی اُچیائی۲۵.۲میٹر(۵.۷ فٹ)سی ؛ ایہدے چڑھدے پاسے پھاٹک سی ،جیہڑا کاچھ وچ ۹ میٹر چوڑا سی ؛تے ایہہ پئی باقی ساری واڑ تقریبا ً ۱۳۵ میٹر(۱۲۳ گز )وچوں ۱۲۶ میٹر (۱۱۵گز) مہین چٹے کتانی کپڑیاں دیاں پردیاں نال گھری ہوئی سی ۔
خیمۂ اجتماع دے برانڈے دا پھاٹک اسمانی ، ارغوانی تے لال دھاگے تے مہین وٹے ہوئے کتان نال اُنیا ہویا سی ، تے ایہدی کاچھ چوڑائی وچ ۹ میٹر تے اُچیائی وچ ۲۵.۲میٹر(۵.۷ فٹ)سی ۔ دوجیاں اکھراں وچ ، ایہہ چار وکھ وکھ دھاگے کاچھ وچ ۹ میٹر (۳۰فٹ)تے ۲۵.۲ میٹر (۵.۷ فٹ) دا اک پردہ بناؤن لئی اُنے گئے سن ۔ پہلوں اسمانی دھاگہ مہین چٹے کتان وچ پوری لمبائی تے چوڑائی وچ اُنیا گیا سی ، تے فیر ارغوانی دھاگہ ۲۵.۲میٹراُچیائی وچ اُنیا گیا سی تے فیر لال دھاگہ ۲۵.۲میٹر(۵.۷ فٹ)اُچیائی وچ اُنیا گیا سی ، ایہدے بعدوں چٹے دھاگے نال اُندیاں ہویاں ، اک پکا تے بوہت موٹا پردہ بناؤندیاں ہویاں ، ایہہ اک قالین وانگر اُنیا ہویا سی جیہڑا ۲۵.۲میٹر(۵.۷ فٹ)اُچا سی۔ ایس طریقے نال ، اک پردہ کاچھ وچ ۲۵.۲میٹر (۵.۷ فٹ) اُچا تے ۹ میٹر (۳۰فٹ)چوڑا اُنیا ہویا ایہدے چڑھدے پاسےخیمۂ اجتماع دے برانڈے وچ چار ستوناں اُتے رکھیا گیا سی ۔
ایس طرح خیمۂ اجتماع دے برانڈے وچ جان لئی ، لوکاں نوں قالین وانگر پردہ اُتاں کھچنا پیندا سی ۔ دوجیاں بوہتیاں پھاٹکاں وانگر ، خیمۂ اجتماع دا پھاٹک لکڑ دا نئیں سی ۔بھاویں ایہدےستون لکڑنال بنائے گئے سن ، پھاٹک جیہڑا ایہناں ستوناں اُتے لمکایا گیا سی آسمانی، ارغوانی تے لال دھاگے تے مہین وٹے ہوئے کتان دا اُنیا ہویا اک پردہ سی ۔
تُسیں خورے پہلوں ای پھردیاں ہویاں کسے سرکش شو وچ گئے ہوووگے ، تے ویکھیاہوئے گا پئی سرکس دا خیمہ کویں بنایا جاندا اے ۔ ایہدا پھاٹک بوہتی وار موٹیاں دھاگیاں نال بنایا جاندا اے ۔ خیمۂ اجتماع دے برانڈےداپھاٹک کُجھ ایس قِسم دیاں پھاٹکاں نال رَلد ا مِلدا سی ۔ ایس لئی پئی ایہہ موٹیاں دھاگیاں نال بنایا گیا سی ، ایہہ کھچن یا دھکن نال نئیں کھولیا جاندا سی ، جویں پکیا ں پھاٹکاں وچ سی ، سگوں ایہہ ایہدی بجائے اندر جان لئی اُتاں نوں چُکیا جاندا سی۔ ایہہ صورتِ حال نا صرف خیمۂ اجتماع دے برانڈے دے پھاٹک لئی سی ، سگوں خیمۂ اجتماع دے اندر پاک تھاں تے بوہتی پاک تھاں دیاں پھاٹکا ں لئی وی سی ۔
کیوں خُدا نے اسرائیلیاں نوں خیمۂ اجتماع دے برانڈے ،پاک تھاں ، تے بوہتی پاک تھاں دیاں ساریاں تِناں پھاٹکاں نوں اسمانی ، ارغوانی تے لال دھاگے تے مہین وٹے ہوئے کتان نال اُنن دے راہیں بناؤن دا حکم دتا ؟ سانوں صاف طریقے نال لبھن دی ضرورت اے ایس حکم پِچھے خُدا دی مرضی کیہ سی ۔ عبرانیاں دی کتاب سانوں دسدی اے پئی پُرانے عہد نامیاں دیاں ساریاں چنگیاں شیواں آؤن والے اک اصلی جوہر دا پرچھاواں سن ، یعنی ، یِسُوعؔ مسیح (عبرانیوں ۱۰ : ۱)۔
ایسے طرح ، خیمۂ اجتماع دے برانڈے دا پھاٹک پیچیدگی نال یِسُوعؔ مسیح دے بپتسمے نال ، اوہدی سولی اُتے موت نال ، اوہدی اپنی پچھان نال میل جول رکھدااے ، ایس طرح ، جد اسیں پُرانے عہد نامے نوں اوکھا سمجھدے آں ، اسیں ایس سُدھ بُدھ تیک نویں عہد نامے اُتے دھیان کرن دے راہیں اَپڑ سکدے آں ۔ اصلی جوہر نوں ویکھیوں بغیر ، ایہدے پرچھاویں دا اندازہ لاؤنا اوکھا اے ، پر جد اسیں ویکھدے آں کیہ یا کیہڑا پرچھاواں بناؤندا پیا اے ، اسیں احساس کرسکدے آں پئی ایہہ سارا کیہدے بارے وچ اے ۔ سانوں ساریاں نوں لازمی صاف طور اُتے احساس کرنا چاہی دا اے پاپیاں دا مکتی داتا کون اے جنہوں خُدا اصل وچ پُرانے عہد نامے نال تیار کرچُکیا اے ، اوہنوں خیمۂ اجتماع دے اصل جوہر وانگر جانیے تے ایمان رکھیے پئی اوہدے کم سانوں ساڈیاں ساریاں پاپاں توں بچا چُکے نیں ۔
فیر ، خیمۂ اجتماع دا اصلی جوہر کون اے ، اِکو اِک جیہڑا پاپیاں دا مکتی داتا بن گیا اے ؟ ایہہ یِسُوعؔ مسیح توں علاوہ کوئی دوجا نئیں ہیگا۔ جد اسیں پڑچول کردے آں کویں یِسُوعؔ مسیح ساڈا مکتی داتا ایس زمین اُتے آیا تے اوہ سانوں ساڈیاں پاپاں توں بچا چُکیا اے ، فیر اسیں اصل سچیائی لبھ سکدے آں پئی اوہ پاپیاں نوں آسمانی، ارغوانی تے لال دھاگے دے راہیں بچا چُکیا اے ۔
یِسُوعؔ دی پاپیاں دی مکتی نوں سمجھن لئی ، خیمۂ اجتماع دے برانڈے دے پھاٹک دیاں رنگاں وچ وکھائے گئے سچ نوں جاننا تے سمجھنا سب توں بوہتا ضروری اے ۔ جد خیمۂ اجتماع بارے پُچھ گِچھ کردے پئے آں ، پہلی شے جیہدا سانوں لازمی احساس کرنا چاہی دا اے ایہہ ہیگی اے پئی ایہدے برانڈے دا پھاٹک چونہہ دھاگیاں نال اُنیا ہویا سی ۔ تے جد اسیں ایس پھاٹک دے بھیت نوں حل کردے آں ، فیر اسیں یِسُوعؔ مسیح دیاں ساریاں کماں بارے بوہت چنگی طرح جان سکدے آں ۔ ایہناں چونہہ دھاگیاں نال اُنے گئے پردے دے پھاٹک اُتے دھیان کرن دے راہیں ، اسیں ایہہ وی صاف طریقے نال سمجھ سکدے آں صرف کویں سانوں لازمی یِسُوعؔ نوں جاننا تے ایمان رکھنا چاہی دا اے تے بالکل کیہڑی قِسم دا ایمان غلط ایمان اے ۔
خیمۂ اجتماع دا باہرلا پھاٹک اصل وچ سانوں اک بھیڈاں دا واڑہ یا د کراؤندا اے ۔ یِسُوعؔ ساڈا مسیحا ، اصل وچ خُدا دے بھیڈاں دے واڑے دا پھاٹک اے ، تے ودھیا ایالی و ی بن گیا اے (یوحنا ۱۰ : ۱ ۔ ۱۵)۔ جد اسیں برانڈے دے دوالے ستوناں دے بارے سوچدے آں ، سانوں اصل وچ مسیحا دے بارے یاد کرایا جاندا اے ، جیہڑا اپنیاں بھیڈاں دا ، نویں سریوں جمے ہوئے پاک لوکاں دا پھاٹک تے ودھیا ایالی بن گیا اے ۔
ایالی اصل وچ اپنیاں بھیڈاں دی راکھی لئی بھیڈاں دے واڑے دے آلے دوالے ستون لا چُکیا اے تے اوتھے اک پھاٹک بنا چُکیاا اے ،تے ایس پھاٹک دے راہیں اوہ اپنیاں بھیڈاں دی راکھی کردا پیا اے ۔ ایس پھاٹک دے راہیں ایالی اپنیاں بھیڈاں نال نیڑے دا میل جول رکھدا اے تے اوہناں دی راکھی کردا اے ۔ اصل گل اے ، اوہ سارے جیہڑے اوہدیاں بھیڈاں نئیں ہیگیاں ایس پھاٹک دے راہیں اندر جان دی اجازت نئیں پاؤندے ۔ ایالی ،بھیڈ تے بھیڑیے وچکار فرق دسدا اے ۔ ایہو ای سبب اے پئی بھیڈاں نوں ایالی دی ضرورت اے ۔
فیر وی ایہہ ہو سکدا اے پئی ایہناں بھیڈاں وچکار کئی ہون جیہڑیاں ایالی پِچھے چلن توں مکردیاں ہون ۔ ایہو جیہاں بھیڈاں موت دے راہ اُتے جا سکدیاں نیں ۔ اِنج سوچدیاں ہویاں پئی ایہہ اک سوہنا تے چنگا راہ اے جد پئی ایہہ ، اصل وچ ، اک فریبی تے خطرے والا راہ اے ، ایس لئی پئی اوہناں نیں ایالی دی اواز نوں نئیں سُنیا اے تے اوہدے راہیں اگوائی پاؤن توں مکر گئیاں نیں ۔ ایہہ بھیڈاں اصل وچ اپنیاں زندگیاں بچا سکدیاں نیں تے ایالی راہیں چنگی پالنا پا سکدیاں نیں تے اپنیاں زندگیاں اوہدے سببوں سوہنے طریقے نال گزار سکدیاں نیں ۔ اصل وچ ، ساڈا ایالی یِسُوعؔ مسیح اے، جیہڑا ساڈا مسیحا بن گیا اے ۔
یِسُوعؔ مسیح نے سانوں خیمۂ اجتماع دے پھاٹک دیاں چارے رنگاں نوں وکھایا
پردہ جیہڑا خیمۂ اجتماع دے پھاٹک وانگر لایا گیا سی ، اسمانی ، ارغوانی تے لال دھاگے تے مہین وٹے ہوئے کتان نال اُنیا گیا سی ۔ ایہہ چار فرق فر ق رنگاں دا دھاگہ خیمۂ اجتماع پھاٹک بناؤن لئی ورتیا گیا سی ۔ اوہ چونہہ خدمتاں نوں ظاہر کدے نیں پئی مسیحا ، ایس زمین اُتے آ کے ، گواچیاں ہویاں بھیڈا ں نوں بچاؤن لئی اوہناں نوں پوریاں کرے گا— یعنی ، ساری زمین اُتے روحانی اسرائیلی—اوہناں دیاں پاپاں توں تے اوہناں نوں خُدا دے بے پاپ لوک بناؤن لئی ۔
جے سانوں اصل وچ پتہ اے کیہڑا ساڈا مسیحا اے جیہڑا ساڈے کول اپنیاں چونہہ خدمتاں نال آیا اے ، فیر کھلی سچیائی ایہہ ہیگی اے پئی اسیں ایس ایمان دے راہیں اپنیاں ساریاں پاپاں نوں دھو چُکے آں ، تے اپنیاں باقی زندگیاں پانی تے روح دی خوشخبری دی منادی کرن لئی حاضر کر چُکے آں، تے ایس اصل ایمان دے راہیں اسمان اُتے جاواں گے ۔ ایس لئی ، ہر کسے نوں لازمی اصل وچ سچیائی دا کلام جاننا چاہی دا اے پئی مسیحا ساڈے کول اسمانی ، ارغوانی تے لال دھاگےدے راہیں آ چُکیا اے تے سانوں ساڈیاں ساریاں پاپاں
توں بچا چُکیا اے ۔
کیہ تُسیں مسیحا دیاں چونہہ خدمتاں اُتے ایمان رکھن دے راہیں اپنیاں پاپاں توں معافی پاؤنا چاؤہندے او ؟ آؤ اسیں فیر خیمۂ اجتماع دے بارے وچ سکھیے ۔ اوہ جیہڑے ایہہ چار خدمتاں جان دے نیں اصل وچ اسمانی ، ارغوانی تے لال دھاگے تے مہین وٹے ہوئے کتان نال اُنی ہوئی پاپ توں معافی پاؤن دےراہیں راستباز بن جان گے ۔
اسرائیلیاں نوں خیمۂ اجتماع دے چار فرق فرق رنگاں دیاں دھاگیاں نال اُنے گئے پھاٹک نوں ویکھدیاں ہویاں ،اصل وچ ایمان رکھنا سی پئی مسیحا سچ مُچ آؤن والے زمانے وچ آئے گا تے ایہہ چارخدمتاں پوریاں کرے گا ۔
سچ جیہدے اُتے ہر پاپی نوں لازمی ایمان رکھنا چاہی دا اے
جے اسیں خیمۂ اجتماع دے برانڈے دے چٹے کتان نوں لمکدیاں ہویاں ویکھ چُکے ساں تاں، اسیں صرف اصل وچ خُدا کناں پاک اے دا احساس کرن دے راہیں مکتی داتا لئی اپنی ضرورت نوں پچھان جاواں گے ۔ ہر کوئی جیہڑا خُدا دی پاکیزگی نوں جانن لئی آیا ، اصل وچ ، بچ نا سکیا سگوں ایہہ کہندیاں ہویاں ، اقرار کیتا ، ”اے خُدا ،مَیں پچھاندا ہاں پئی مَیں اپنیاں پاپاں دے سببوں دوزخ جان دے لائق آں ، ایس لئی پئی مَیں صرف پاپ دا اک بوہت وڈا ڈھیر آں ۔ “ چٹے کتان نوں برانڈے دیاں ستوناں اُتے لمکدیاں ہویاں ویکھ کے ، ایس لئی پئی ایہدی ستھرائی تے وڈیائی اینی وڈی ہوئے گی ، لوک اپنیاں دلاں وچ پائے جان والیاں پاپاں نوں پچھانن گے تے احساس کرن گے پئی اوہ کامل طریقے نال خُدا نال رہن لئی ٹھیک نئیں ہیگے ۔ جد کدی اوہ لوک جنہاں دے دل سِدھے نئیں ہیگے خُدا دے اگے جان دی کوشش کردے نیں ، اوہناں دے پاپ سدا ظاہر ہوندے نیں ۔ ایس طرح ، خُدا دے اگے جان لئی بے دل ہوگئے نیں ، ایس لئی پئی اوہ ڈردے نیں پئی اوہناں دے پاپ ظاہر کیتے جان گے ۔
پر جد ایہو جیہے پاپی لوک احساس کردے نیں پئی اوہناں دا مکتی داتا اوہناں دے پاپ دا مسئلہ اپنے اسمانی ، تے لال دھاگےنال حل کر چُکیا اے ، اوہ خُدا دے اگے بھروسے نال مکتی دی اک وڈی کامل ایمانی تے اپنیاں دلاں وچ آس رکھ کے جا سکدے نیں ۔
خیمۂ اجتماع دے پھاٹک وچ وکھایاگیا چونہہ پاسیاں والا سچ سانوں دسدا اے پئی مسیحا اک بندے دے بدن وچ ایس زمین اُتے آیا ، یوحنا کولوں لَئے گئے بپتسمے نال اپنے آپ اُتے دُنیادیاں ساریاں پاپاں نوں چُک لیا ، تے سولی اُتے اپنا لہو وگایا ۔ اوہ جیہڑے پانی تے روح دی خوشخبری دےراہیں ٹھیک طریقے نال جان دے تے خیمۂ اجتماع دے برانڈے دے پھاٹک دے چونہہ رنگاں دے سچ اُتے ایمان رکھدے نیں فیر پاپ دی سدا دی معافی پا سکدے نیں ۔ یِسُوعؔ دا بپتسمہ تے اوہدا سولی اُتے مرنا ، سچیائی پئی مسیح کامل طریقے نال اپنے بپتسمے تے اپنے صلیبی لہو نال سانوں ساڈیاں ساریاں پاپاں توں بچا چُکیا اے ، خیمۂ اجتماع دے برانڈے دے پھاٹک دیاں چونہہ رنگاں وانگر مکتی اے ۔
اسمانی ، ارغوانی تے لال دھاگہ تے مہین وٹیا ہویا کتان اصل وچ سانوں مسیحا دی خدمت وکھاندے نیں جیہڑا پاپیاں نوں اوہناں دیاں ساریاں پاپاں توں مکتی دے چُکیا اے ، مکتی دا سچ جیہڑا خُدا نے لوکاں نوں دتا اے ایہناں اسمانی ، ارغوانی تے لال دھاگے تے مہین وٹے ہوئے کتان وچ وکھا گیا اے ۔ اصل وچ ، اوہ جیہڑے اپنیاں دلاں وچ پاپ رکھدے نیں پانی تے روح دی خوشخبری وچ وکھائے گئے مکتی دے سچ اُتے ایمان رکھن دے راہیں اپنیاں ساریاں پاپاں توں معاف کیتے جاندے نیں ۔
ایس دُنیا وچ بے گنت دین نکل پئے نیں ۔ ایہہ سارے دُنیاوی دین اپنے ذاتی خیالاں نال بنائے گئے اپنے ذاتی خُدائی خیال دے نتیجے تیک ، ساریاں لوکاں دی پاکیزگی تیک پوہنچاؤن دی کوشش کردیاں ہویاں اَپڑ گئے نیں ۔ پر ایتھوں تیک پئی اِکو اِک بندہ وی کدی ایہناں دُنیاوی دیناں دے سببوں اپنیاں پاپاں نوں نئیں دھو چُکیا ۔ ایہدا سبب ایہہ ہیگا اے پئی اوہ اپنیاں دلی خیالاں نال اپنی مکتی دیاں طریقیاں نوں بنا چُکے سن تے ایمان رکھ چُکے سن ، ایہہ احساس کیتیوں اڈ پئی اوہ صرف پاپ نال بھرے ہوئے نیں ۔ ایس لئی پئی ہر کوئی پاپ دا اک وڈا ڈھیر اے جیہڑا اپنے آپ توں کدی وی پاک نئیں بن سکدا اے ، کوئی معنی نئیں رکھدا کوئی اپنی بنیادی پاپ دی عادت توں مکتی پاؤن لئی کنی چوکھی کوشش کردا اے ، کوئی ایہنوں کدی پا نئیں سکدا اے ۔ایس لئی ہر کسے نوں حتمی طور اُتے مکتی داتا دی ضرورت اے جیہڑا اوہنوں پاپ توں چھڈا سکدا اے—یعنی، کیوں ہر کسے نوں یِسُوعؔ دی ضرورت اے ۔ تہانوں لازمی احساس کرنا چاہی دا اے لوکاں کول یِسُوعؔ مسیح توں ہٹ کے کوئی سچا مکتی داتا نئیں ہیگا ۔
ایس لئی پئی خُدا دی شریعت پاپیاں نوں خُدا دے گھر وچ جان دی اجازت نئیں دیندی ۔ سانوں لازمی جاننا تے ایمان رکھنا چاہی دا اے پئی مسیحا سچ مُچ ساڈیاں ساریاں پاپاں نوں مکا چُکیا اے ۔
خوشخبری جیہڑی لوکاں دیاں پاپاں نوں اِکو ای واری سدا لئی معاف کر چُکی اے پانی تے روح دی خوشخبری توں علاوہ کوئی دوجی نئیں ہیگی ۔ کسے دا دُنیا دیاں دیناں دیاں خُدائی تعلیماں اُتے ایمان رکھنا صرف اوہنوں اوہدیاں پاپاں دے سببوں بوہت وڈیاں مشکلاں ول لَے جائے گا ، ایس لئی پئی ساڈا پاک خُدا ناکامیوں بغیر ، پاپیاں دی ہر بدکاری دی سزا دیندا اے ۔
اسمانی ، ارغوانی تے لال دھاگے تے مہین وٹے ہوئے کتان دے راہیں ظاہر کیتا گیا سچ نویں عہد نامے دے زمانے وچ پانی تے روح دی خوشخبری دے راہیں پورا کیتا گیا سی ۔ کیہ تُسیں کدی کسے نوں دعویٰ کردیاں ہویاں سنیا اے پئی خیمۂ اجتماع دے برانڈے دا پھاٹک صرف لال دھاگے یاصرف ارغوانی تے لال دھاگے نال بنا یا گیا سی ؟ جے اِنج اے ، تہانوں لازمی ہُن احساس کرنا چاہی دا اے ، ہُنے توں ای پئی خیمۂ اجتماع دا پھاٹک اصل وچ اسمانی ، ارغوانی تے لال دھاگے تے مہین وٹے ہوئے کتان نال اُنیا گیا سی ۔ خُدا نے صاف طریقے نال اسرائیلیا ں نوں خیمۂ اجتماع دے برانڈے دا پھاٹک اُنن والے دے راہیں ، اسمانی ، ارغوانی تے لال دھاگے تے مہین وٹے ہوئے کتان نال اُنے گئے اک پردے نال بناؤن دا حکم دتا ۔
فیر وی ایس لئی پئی بوہت سارے لوک غلطی نال سوچ چُکے نیں پئی خیمۂ اجتماع دے برانڈے دا پھاٹک صرف لال دھاگے نال اُنیا گیا سی ، اوہ ساڈے خُداوند دیاں چار سچیاں خدمتاں دے بھیت نوں حل نئیں کر سکے ۔ ایس لئی پئی اوہ اپنیاں دلاں وچ پاپ رکھدے سن ایتھوں تیک پئی جد اوہ یِسُوعؔ اُتے ایمان رکھدے سن ۔ ہُن سمجھ لوو و پئی مسیح نے اسمانی ، ارغوانی تے لال دھاگے تے مہین وٹے ہوئے کتان دیاں اپنیاں خدمتاں دے راہیں تہاڈیاں ساریاں پاپاں نوں چُک لیا ، تے ایس سچیائی اُتے ایمان رکھو ۔ ایہناں اسمانی ، ارغوانی تے لال دھاگے تے مہین وٹے ہوئے کتان دےراہیں پورا کیتا گیا مکتی دا کم سچ مُچ تہانوں تہاڈیاں ساریاں پاپاں توں کامل طریقے نال بچا چُکیا اے ۔ تہانوں لازمی احساس کرنا چاہی دا اے پئی یِسُوعؔ نے ایہناں چونہہ خدمتاں نال تہاڈیاں ساریاں پاپاں نوں چُک لیا ۔ دوجیاں اکھراں وچ ، پاپ توں معافی دا اپنا ذاتی معیار مقرر کرنا جد پئی ایس سچیائی نوں نا جاننا ، بالکل غلط اے ۔
کئی لوک ،ایتھوں تیک پئی اوہ ایہنوں نئیں جان دے پئی خیمۂ اجتماع دے برانڈے دے پھاٹک لئی ورتے گئے اسمانی ، ارغوانی تے لال دھاگےدا کیہ مطلب اے ، اوہ غلطی نال دعویٰ کردے نیں پئی کوئی شرطوں اڈ صرف یِسُوعؔ اُتے مکتی داتا وانگر ایمان رکھن دے راہیں مکتی یافتہ ہو سکدا اے۔ اصل وچ ، جد اسیں مسیحی طبقیاں دیاں آگُوآں نال یِسُوعؔ دیاں چونہہ خدمتاں دے بارے وچ پُچھدے آں تاں ، سانوں پتہ لگدا اے پئی اوہناں وچوں بوہت سارے اوہناں بارے نئیں جان دے ۔ اوہ کہندے نیں پئی اوہ صرف لال دھاگے دی خدمت اُتے ایمان رکھدے نیں ۔ جے اوہ اک ہور شے اُتے ایمان رکھدے نیں تاں ، اوہ خورے کہہ سکدے نیں پئی اوہ ارغوانی دھاگے دی خدمت اُتے وی ایمان رکھدے نیں ۔پر ، ساڈے خُداوند نے اصل وچ اسمانی ، ارغوانی تے لال دھاگے تے مہین وٹے ہوئے کتان نال لوکاں دی مکتی لئی ساریاں کماں نوں پورا کیتا ۔ ایس طرح ، سانوں لازمی ایمان رکھنا چاہی دا اے ساڈے خُداوند نے ساڈے بدلے مکتی دیاں اپنیاں چار خدمتاں پوریاں کیتیاں نیں ۔ جیہڑا وی اک دل رکھدا اے جیہڑا خیمۂ اجتماع دے پھاٹک دے اسمانی ، ارغوانی تے لال دھاگے تے مہین وٹے ہوئے کتان وچ وکھائے گئے سچ نوں جانن دی تمنا رکھدا اے اصل وچ ایہنوں جان سکدا تے ایس اُتے ایما ن رکھ سکدا اے ۔
”مینوں کویں اسمانی ، ارغوانی تے لال دھاگے تے مہین وٹے ہوئے کتان دے سچے مطلب نوں سمجھنا چاہی دا اے ؟“جے تُسیں ایہناں دھاگیاں تے کتان دی سچیائی نوں لبھن بارے کسے توں ایہہ سوال پُچھدے او ، تاں تہانوں جواب وچ ڈانٹیا جا سکدا اے ، ”تہانوں لازمی پاک کتاب نوں اینی ڈوہنگھیائی تے تفصیل نال جانن دی کوشش نئیں کرنی چاہی دی ؛تہانوں ایہدانقصان ہو سکدا اے، “ تے تہاڈی دلچسپی نوں ردّ کیتا جا سکدا اے ۔ مایوس ہو کے ، بوہت سارے لوک خورے اودوں اسمانی ، ارغوانی تے لال دھاگے تے مہین وٹے ہوئے کتان بارے اپنی دلچسپی مکا سکدے نیں ۔ تے تُسیں کدی وی مسیحا نال نئیں ملو گے ، جیہڑا ایس پھاٹک دے راہیں کھُل کے ظاہر ہویا اے ۔
اوہ جیہڑے اسمانی ، ارغوانی تے لال دھاگے تے مہین وٹے ہوئے کتان دے خاص کم دا احساس کیتیوں اڈ مسیحا نال ملن دی کوشش کردے نیں ، سچیائی دے اک معاملے وانگر ، صرف دین پرست نیں جیہڑے مسیحیت اُتے دُنیا دیاں دیناں وانگر ایمان رکھدے نیں ۔ خُدا دے گھر وچ جان لئی ، سانوں لازمی ٹھیک طریقے نال خیمۂ اجتماع دے برانڈے دے پھاٹک لئی ورتے گئے اسمانی ، ارغوانی تے لال دھاگے تے مہین وٹے ہوئے کتان وچ وکھائےگئے خُدا دی مکتی دیاں چونہہ خدمتاں دے سچ نوں جاننا چاہی دا اے ۔ اوہ جیہڑے ایس سچیائی نوں جان گئے نیں اوہناں نوں لازمی احساس کرنا چاہی دا اے پئی خُداوند نے اوہناں نوں نویں عہد نامے دے زمانے وچ پانی تے روح دی خوشخبری نال پورا کیتا ۔
خُدا نے موسیٰ نوں خیمۂ اجتماع دے برانڈے دے پھاٹک نوں اسمانی ، ارغوانی تے لال دھاگے تے مہین وٹے ہوئے کتان نال اُنن دا حکم دتا ۔ فیر، ایہدا رُوحانی مطلب کیہ اے ؟ خیمۂ اجتماع دے برانڈے دے پھاٹک لئی ورتے گئے اسمانی ، ارغوانی تے لال دھاگے تے مہین وٹے ہوئے کتان دا ہر رنگ یِسُوعؔ دا کم اے جیہڑا اوہنے ساڈیاں پاپاں نوں مکاؤن لئی ساڈے لئی کیتا ۔ ایہہ دھاگے تے کتان ایس لئی اک دوجے نال پیچیدگی نال میل جول رکھدے نیں ۔ ایس طرح ، اوہ جیہڑے دھیان کردے تےپانی تے روح دی خوشخبری اُتے ایمان رکھدے نیں اوہ یِسُوعؔ دیاں چونہہ خدمتاں نال اپنے پاپ دی سدا دی معافی اُتے ایمان رکھ سکدے نیں ۔
ایہدے ہوندیاں ہویاں ، اسمانی ، ارغوانی تے لال دھاگیاں وچ وکھا ئے گئے مکتی دے سچ نوں جانن دی کوشش نا کرنا تے ردّ کرنا ،ا یس لئی ، اوہناں دیاں سوچاں نیں جیہڑے مسیح اُتے بالکل دھیان نئیں کردے تے اوہدے خلاف کھلو نا اوہدا ویری بنن دے وانگر اے ۔ اصل وچ ، بوہت سارے لوک اسمانی ، ارغوانی تے لال دھاگے تے مہین وٹے ہوئے کتان وچ وکھائے گئے سچ نال میل جول نئیں رکھدے ، تے مسیحیت نوں دُنیادیاں بوہت ساریاں دیناں وانگر بدل دے پئے نیں ۔ جے ایہہ لوک یِسُوعؔ دیاں چونہہ خدمتاں نوں بے پرواہی نال ویکھدے نیں ، فیر ایہہ پکی گل اے پئی اوہ دُنیا دے دین پرستاں دے نتیجے نیں جیہڑے مسیح دے خلاف کھلوندے نیں ۔ پر ، خوش نصیبی نال ، ساڈے لئی حالے تیک آس ہیگی اے، ایس لئی پئی ایس دُنیا وچ بوہت سارے لوک حالے تیک پانی تے روح دی خوشخبری نوں لبھدے پئے نیں ۔
جدلوک خیمۂ اجتماع دے برانڈے دے پھاٹک دے راہیں وکھائے گئے پاپ توں معافی دے رُوحانی سچ نوں جان دے نیں ، اوہ اسمان دیاں ساریاں رُوحانی برکتاں پا سکدے نیں ۔ ایس لئی پئی ایہہ ایمان اصل وچ ضرورت دا ایمان اے جیہڑا کسے نوں لازمی جانن تے مسیحا نال ملن لئی رکھنا چاہی دااے ، سانوں لازمی ایس اُتے نا صرف اِکو واری سگوں ہمیش لئی ٹھہرنا چاہی دا اے ۔ جے تُسیں سچ مُچ اک مسیحی جے تاں ، تہانوں لازمی ایس سچیائی اُتے دھیان دینا چاہی دا اے ۔
جیہڑا وی خُدا دے گھر وچ جانا چاؤہندا اے اوہنوں لازمی اسمانی ، ارغوانی تے لال دھاگے تے مہین وٹے ہوئے کتان وچ وکھائے گئے سچ نوں کھوجنا چاہی دا اے تے ایہدے مطابق خُدا دی وڈیائی کرنی چاہی دی اے ۔
مسیحا جیہڑا پیشین گوئیاں پوریاں کرن والے وانگر آیا
خُدا نے اپنے کلام نال پیشین گوئی کیتی پئی مسیحا اک کواری دے بدن وچوں جمے گا ۔ یسعیاہ ۷ : ۱۴ فرماندا اے ،”پرخُداوند آپ تہانوں اِک نشان وکھاوے گا ۔ ویکھو اِک کواری آس نال ہوئے گی تے پُتر جمے گا تے اوہ اوہدا ناں عِمّانُوایل رکھے گی ۔“دوجے پاسے ، میکاہ ۵ : ۲ بیان کردا اے پئی مسیحا بیت لحم وچ جمے گا : ”پر اے بیت لحم اِفراتاہ بھاویں تُوں یہوداہ دیاں ہزاراں وچ شامل ہون لئی نِکا ایں تاں وی تیرے وچوں اِک بندہ نکلے گا تے میرے اگے اسرائیل دا بادشاہ ہوئے گا تے اوہد ی جڑ لنگھیا ہویا زمانہ آہو پرانیاں زمانیاں وچوں اے۔“ مسیحا سچ مُچ ایس زمین اُتے آیا بالکل جویں پُرانے عہد نامے دے کلام دے راہیں پیشین گوئی کیتی گئی سی ۔ اوہ خُدا دے کلام دے مطابق پیشین گوئیاں پوریاں کردیاں ہویاں ایس زمین اُتے اِک بندے دے بدن وچ آیا ۔
فیر ، لوکاں دی تاریخ دے کیہڑے نکتےاُتےمسیحا آیا ؟ کدوں یِسُوعؔ مسیح ایس زمین اُتے آیا ؟اوہ رومی شہنشاہ اَو گُوستُس (۲۷ء ورہے مسیح توں پہلوں توں لَے کے ۱۴ء ورہے مسیح توں بعد)دی بادشاہی وچکار ایس زمین اُتے آیا ۔ یِسُوعؔ تہانوں تے مینوں یوحنا کولوں اپنا بپتسمہ لین تے سولی اُتے چڑھن تے سولی اُتے لہو وگاؤن دے راہیں ساڈیاں ساریاں پاپاں تے سزا توں چھڈاؤن لئی ایس زمین اُتے آیا ۔
یِسُوعؔ لوکاں دے مکتی داتا وانگر آیا جد اسرائیل رومی بادشاہی دی اک آبادی بن گیا سی تے جد اَو گُوستُس ایہدا بادشاہ بن کے بادشاہی کردا پیا سی ۔ ایس لئی پئی اسرائیل اک رومی آبادی سی ، ایہنوں رومیاں دے حکم مننے پیندے سن ۔ اوس ویلے ، بادشاہ اَو گُوستُس ساری رومی بادشاہی وچ ہر کسے نوں اپنیاں پئو دادیاں دیاں پِنڈا ں وچ جا ن تے لوکاں دی گنتی لئی ناں لکھواؤن دا حکم کر چُکیا سی ۔ اَو گُوستُس دے حکم نوں من دیاں ہویاں ، ایہہ لوکاں دی گنتی چھیتی نال شروع ہوگئی ۔ ایس لئی پئی لوکاں دی گنتی دا مقصد بادشاہی وچ رہن والے ہر بندے نوں گننا سی ، تے اسرائیل وچ رہن والیاں نوں نال رَلاؤندیاں ہویاں ،ساریاں اسرائیلیاں نوں وی اپنیاں پئو دادیاں دیاں پِنڈاں ول جانا پیا ۔ ایس ویلے توں ، یِسُوعؔ مسیح پہلوں ای لوکاں دی تاریخ وچ کم کردا پیا سی ۔
پُرانے عہد نامے دے کلام دے پورے ہون ول ویکھو !
اوس ویلے ، یہوداہ دی دھرتی اُتے ، مسیحا پہلوں ای کواری دے ٹِہڈوں جم پیا سی ۔ ایس مریم دی منگنی یوسف نال ہوئی سی ۔ دونویں مریم تے یوسف یہوداہ دے قبیلے وچوں سن ، بالکل جویں خُدا نے وعدہ کیتا سی پئی اسرائیل دیاں باراں قبیلیاں وچوں ، صرف یہوداہ دے قبیلے وچوں بادشاہ جم دے رہن گے ۔
ایس لئی ، جد رومی بادشاہ اَوگُوستُس نے لوکاں دی گنتی کراؤن لئی حکم جاری کیتا ، یہوداہ دے قبیلے دی ، مریم ،پہلوں ای اپنے ٹِہڈ وچ اک بچہ رکھدی سی ۔ جد اوہدا ویلا نیڑےآگیا تے اوہ جمن دے نیڑے سی ، بادشاہ دے حکم دے سببوں ، اوہنوں یوسف دے پئو دادے دے پِنڈ جانا تے لوکاں دی گنتی وچ ناں لکھاؤنا سی ۔ ایس لئی مریم یوسف نال بیت لحم جان لگی ایتھوں تیک پئی اوس توں لگدا سی پئی اوہ کسے وی ویلے بچہ جم سکدی سی ۔ جد مریم نوں بچہ جمن دی پیِڑ ہوئی ، اوہناں نوں اوس لئی اک کمرہ لبھنا پیا ، پر اوہناں نوں شہر وچ کوئی تھاں نا ملی ۔ ایس لئی اوہناں نیں کوئی وی تھاں جیہڑی اوہناں نوں ملی سی ورتنی پئی ، ایتھوں تیک پئی اوہ اِک طویلے وچ اَپڑ گئے ۔ تے مریم نے اپنے بچے یِسُوعؔ نوں طویلے وچ جمیا ۔
۱ ورہا مسیح دے بعد وچ ، یِسُوعؔ جمیا تے اِک کھُرلی وچ رکھیا گیا ، اپنی مرضی دا مالک خُدا اِک بندے دے بدن وچ ایس زمین اُتے آیا ۔ جتھے کدی پشُو رہندے سن ، اوتھے لوکاں دا مکتی داتا آیا ۔ ایہدا مطلب ہیگا اے پئی یِسُوعؔ ساڈا مکتی داتا بنن لئی ایس بوہت گئی گواتی تھاں اُتے جمیا سی ، تے ایہہ ساریاں شیواں خُدا دے راہیں ایتھوں تیک پئی دُنیا بناؤن توں پہلوں مقرر کیتیاں گئیاں سن تے ایہناں دا منصوبہ بنایا گیا سی ۔بھاویں لوک جان سکدے نیں پئی یہوواہ خُدا دُنیا دی تاریخ نوں حرکت دیندا اے ، کوئی وی احساس نئیں کر سکدا سی پئی خُداآپ اصل وچ اوہناں نوں بچاؤن لئی ایس زمین اُتے آئے گا ۔ ایس لئی ، خُدا نے ہر کسے نوں احساس کرن لئی ایہہ سوکھا بنایا پئی اوہ اپنے آپ نوں نیواں کرن دے راہیں اک بندے دے عاجز بدن وچ ایس زمین اُتے جم کے ساریاں لوکاں نوں اوہناں دیاں پاپاں توں چھڈاؤن لئی اوہنوں بچائے گا ۔
فیر، کیوں یِسُوعؔ ، ساریاں تھاواں وچوں ، بیت لحم وچ جمیا سی ؟ اسیں خورے حیران وی ہو سکدے آں اوہنوں کیوں اک طویلے وچ جمنا پیا سی، تے کیوں،ساریاں زمانیاں وچوں جد اسرائیل روم دے ہیٹھ ایہدی آبادی دےطوراُتے ایہدی حکومت ہیٹھ سی ؟ پر سانوں چھیتی نال پتہ لگ سکدا اے پئی ایہہ سارے کم اوہدی لمی سوچ نال ہوئے جنہاں دا احتیاط نال اوہدیاں لوکاں نوں اوہناں دیاں پاپاں توں چھڈاؤن لئی خاکہ بنا یاگیا ۔
جد یوسف تےمریم نے اپنے پئو دادیاں دے شہروچ لوکاں دی گنتی لئی ناں لکھوائے ، اوہناں نوں ثابت کردیاں ہویاں ثبوت دینا سی پئی اوہ سچ مُچ ایس شہر دے سن ، تے اپنی ٹھیک پچھان دےکاغذ دینے سن۔ اوہ لوکاں دی گنتی لئی ناں لکھوا سکدے سن صرف جد اوہ ثابت کرن لئی ضروری ثبوت دے سکدے سن پئی اوہناں دے پئو دادے سچ مُچ نسلاں توں بیت لحم وچ رہندے سن ۔ سو اوہناں نیں ظاہر کرنا سی پئی اوہناں دے پئو دادے کون سن تے اوہ کیہڑیاں خنوادیاں وچوں سن ، تے لوکاں دی گنتی وچ اپنے خنوادے دے نسب نامے دی ایہو جیہا ں ساریاں تفصیلاں لکھواؤنیاں سن ۔ ایس لئی پئی اوہناں وچوں کُجھ وی ودھایا ،یا گھٹ نئیں ہو سکدا سی ،تاریخی طریقے نال ، یوسف تےمریم دی ٹھیک پچھان لکھواؤن دے راہیں ، خُدا نے پک کیتا پئی دُنیا دی تاریخ وی یِسُوعؔ دے جمن دی گواہی دیوے گی (متی ۱ : ۱ ۔ ۱۶،لوقا ۳ : ۲۳ ۔ ۳۸)۔ ایہہ سارے خُدا دے کم سن جیہڑے اوہنے پُرانے عہد نامے دے کلام دیاں پیشین گوئیاں نوں پوریاں کرن لئی کیتے سن ۔
میکاہ ۵: ۲ بیان کردا اے”پر اے بیت لحم اِفراتاہ بھاویں تُوں یہوداہ دیاں ہزاراں وچ شامل ہون لئی نِکا ایں تاں وی تیرے وچوں اِک بندہ نکلے گا تے میرے اگے اسرائیل دا بادشاہ ہوئے گا تے اوہد ی جڑ لنگھیا ہویا زمانہ آہو پرانیاں زمانیاں وچوں اے۔“ ایہہ پئی جم دا دن آگیا تے مکتی داتا بیت لحم دے نبُوّتی شہر وچ جمیا، مختصر ، یوسف تےمریم نوں اصل شہر وچ پوہنچاؤن دا ایہہ مطلب ہیگا اے پئی خُدا نے اپنیاں نبیاں دیاں پیشین گوئیاں نوں پوریاں کرن لئی ایہہ کم کیتا ۔ ایہہ ساریاں لوکاں دیاں ساریاں پاپاں نوں مکاؤن دے بارے یقینی طور اُتے خُدا دی منصوبہ بندی دی کامیابی اے ۔ یعنی یِسُوعؔ نے بیت لحم دے نکے جیہے شہر وچ جمنا سی ایہہ پُرانے عہد نامے دے نبُوّت دے کلام نوں پوریاں کرنا سی ۔
یِسُوعؔ مسیح دے بیت لحم دے نکے جیہے شہر وچ جمن توں سینکڑے ورہیاں پہلوں ، خُدا پہلوں ای اپنے نبی میکاہ دے راہیں جویں اُتے دسیا گیا (میکاہ ۵ : ۲)وچ اپنا پیشین گوئی دا کلام دے چُکیا سی ۔ ایسے طرح ، یسعیاہ نبی وی تقریباً ۷۰۰ء ورہے پہلوں ساڈے خُداوند دے آؤن توں پہلوں پیشین گوئی کر چُکیا سی پئی کویں مسیحا پاپیاں دا مکتی داتا بنن لئی اپنیاں لوکاں کول آئے گا (یسعیاہ۵۳)۔ جویں پئی یِسُوعؔ مسیح سچ مُچ بیت لحم وچ جمیا بالکل جویں میکاہ نبی دے راہیں خُدا نے پیشین گوئی کیتی سی ، اوہ سدا اپنا سارا نبُوّت دا کلام پورا کردا اے ۔
ایہہ پیشین گوئی اک تاریخی سچیائی وانگر پوری کیتی گئی سی جد مریم تے یوسف لوکاں دے ناں لکھن وچ ناں لکھواؤن لئی اپنےوڈیریاں دے پئو دادیاں دے شہر وچ گئے سن ۔ خُدا نے ایس کم نوں پکیاں بناؤندیاں ہویاں اپنا کلام پورا کیتا پئی بچے دے جمن دا ویلا اودوں آئے گا جد مریم بیت لحم اَپڑے گی ، تاں پئی اوہدے کول ایس شہر وچ جمن توں علاوہ کوئی چناؤنہ ہوئے ۔
ایتھے ، سانوں پتہ لگدا اے پئی ساڈا خُدا اوہ خُدا اے جیہڑا ساڈے نال اپنا نبُوّت دا کلام فرماندا اے تے اِنج سارا کلام ایہدے مطابق پورا کردا اے ۔ ایس توں ، سانوں پتہ لگدا اے پئی خیمۂ اجتماع دے برانڈے دے پھاٹک لئی ورتیا گیا ”مہین وٹیا ہویا کتان“ خُدا دے کلام دے ودھیا ہون تے کاملیت نوں ظاہر کردا اے ۔ خُدا ایتھوں تیک پئی دُنیابناؤن توں پہلوں خاص کر کے ساریاں لوکاں دی مکتی دا منصوبہ بناچُکیا سی ، تے اوہ ایہنوں اپنے نبُوّتی کلام دے مطابق ناکامیوں اڈ پورا کر چُکیا اے ۔
ایس لئی اسیں احساس کر سکدے آں پئی پُرانے عہد نامے دا کلام لازمی خُدا دا کلام اے ، تے ایہہ پئی نویں عہد نامے دا کلام وی خُدادا کلام اے ۔ اسیں ایہہ وی احساس کر سکدے آں ، تے ایسے طرح ایمان رکھ سکدے آں ، پئی خُدا سچ مُچ بادشاہی کردا تے ساری دُنیا تے ایس زمین دی ساری تاریخ نوں حرکت دیندا اے ۔ دوجیاں اکھراں وچ ، سانوں پتہ لگدا اے بالکل جویں خُدا نے ساری دُنیا نوں بنایا ،اوہ سانوں وکھا چُکیا اے پئی اوہ ساریاں لوکاں اُتے ، ساریاں تاریخاں اُتے ، تے ہر کسے دی کامل طریقے نال ساریاں حالتاں اُتے بادشاہی کردا اے ۔ ایس لئی خُدا سانوں وکھاؤندا اے پئی کوئی وی شے کسے دی اپنی مرضی دے مطابق لئی نئیں جا سکدی اے ، بھاویں اوہ کُجھ وی ہوئے ،جد تیک پئی اوہ ایہدی اجازت نئیں دیندا ۔
جد بچہ یِسُوعؔ جمیا تے ایس دُنیا وچ آیا ، اوہ بچ نا سکیا سگوں پشُوآں دےآرام دی تھاں اُتے جمیا ، ایس لئی پئی سراں وچ کوئی تھاں نئیں سی ۔ تے اوہ اپنے آپ سچ مُچ بیت لحم دے شہر وچ جمیا سی ۔ سانوں لازمی سمجھنا چاہی دا اے پئی ایہہ سارا اوہدی وفاداری دے مطابق خُدا دی نبُوّت دی لمی سوچ دا حیران کرن والا کم سی ۔
ایس لئی ، سانوں لازمی ایمان رکھنا چاہی دا اے پئی اِکو جیہڑا ایس دُنیا دی تاریخ نوں حرکت دیندا اے ساڈا خُدا ، مکتی داتا اے جیہڑا سانوں ساڈیاں پاپاں توں چھڈا چُکیا اے ۔ ایہہ سچیائی خُدا دا کلام اے جیہڑا سانوں وکھاؤندا اے اوہ ساڈے ساریاں اُتے بادشاہی کردا اے ، ایس لئی پئی خُدا ساڈے ساریاں دا خُداوند اے ۔
ایس طرح ہُن ایہہ ثابت ہو گیا اے پئی بیت لحم دے نکے جیہے شہر وچ یِسُوعؔ دا جمنا اِک حادثاتی واقعہ نئیں سی ، نا ای کوئی ایہو جیہی شے جیہڑی پاک کتاب دے کلام وچ جوڑ توڑ کرن دے راہیں من مرضی نال کھوجی گئی سی ۔ایہہ خُدا نے اپنے آپ آکھیا ، تے ایہہ خُدا نے اپنے آپ یِسُوعؔ دے راہیں پورا وی کیتا سی ۔
سانوں لازمی ایہنوں جاننا تے ایس اُتے ایمان رکھنا چاہی دا اے ۔ سانوں لازمی ایہنوں اپنیاں دلاں وچ لینا تے ایمان رکھنا چاہی دا اے پئی ساڈے مسیحا دی مکتی اوہ سچیائی اے جیہڑی اسمانی ، ارغوانی تے لال دھاگے تے مہین وٹے ہوئے کتان دے راہیں پوری کیتی گئی اے ۔ خُدا سانوں وکھا چُکیا اے پئی پاپاں توں معافی ، وی ایہو جیہی شے نئیں ہیگی جیہڑی حادثاتی طریقے نال مل جاندی اے ، سگوں ایہہ خُدا دے فضل وچ تیار کیتی گئی یِسُوعؔ دیاں چونہہ خدمتاں دے راہیں ملدی اے ۔
ہور اگے ، ایس توں ایہہ وی پتہ لگدا اے پئی مسیحیت صرف بوہت سارے دُنیا دیاں دیناں وانگر نئیں اے ۔ دُنیا دے دین دا بناؤن والا صرف اِک فناہ ہو ن والا اے پر مسیحیت نوں بناؤن والا ساڈا مکتی داتا یِسُوعؔ اے ، تے خُدا سانوں وکھا چُکیا اے پئی مسیحیت دی سچیائی حقیقت توں شروع ہوندا اے پئی ساڈا ایہہ مکتی داتا آپ ای خُدا اے ۔ دوجیاں اکھراں وچ ، خُدا سانوں گواہی دیندا پیا اے پئی مسیحیت جیہدے اُتے اسیں ایمان رکھدے آں صرف اِک دُنیا دا دین نئیں ہیگا ۔ دوجیاں ساریاں زمینی دیناں توں بالکل فرق ، مسیحیت خُدا ولوں دتے گئے سارے فضل اُتے بنائی گئی اے ۔ جویں رومیوں ۱۱: ۳۶ وچ ایہہ لکھیا ہویا اے ، ” کیوں جو اوسے توں تے اوسے دی راہیں تے اوسے لئی ساریاں شیواں ہویاں نیں ۔اوہدی وڈیائی سداتیکرہوئے، “ اوہنے سانوں اپنا اِکو اِک پُتر ساڈے مکتی داتا وانگر دتا ، ساڈیاں پاپاں دی معافی لئی پانی تے روح دی خوش خبری ، پاک رُوح دی بھرپوری تے اسمانی بادشاہی دتی ۔ ایس لئی ، سانوں ساریاں نوں اپنیاں دلاں وچ جاننا تے ایمان رکھنا چاہی دا اے پئی سانوں اپنیاں سچیاں دلاں نال خُدا تے اوہدے کلام توں ڈرنا تے آکھا مننا چاہی دا اے ۔
ایس زمین اُتے مسیحا دا جمنا ایتھوں تیک پئی دُنیا بناؤن توں پہلوں خُدا باپ ولوں مقرر کیتے گئے مکتی
دے منصوبے مطابق سی ۔ ساڈی مکتی دا ایہدے اندر کامل طریقے نال منصوبہ بنایا گیا سی ۔ خُدا سانوں صاف طریقے نال احساس کرن دی اجازت دے چُکیا اے پئی ایہہ سچیائی اسمانی ، ارغوانی تے لال دھاگے تے مہین وٹے ہوئے کتان دا اصلی جوہر اے ۔ ایس لئی ، سانوں لازمی مکتی دا احساس کرنا چاہی دا اے جیہڑی ساڈے کول ساڈیاں پاپاں دی معافی وانگر پانی تے روح دی خوشخبری دے راہیں آچُکی اے ، تے ایسے طرح ایمان رکھنا چاہی دا اے ۔ ایہہ ایس ایمان دے راہیں ہیگا اے پئی تُسیں تے مَیں اپنیاں ساریاں پاپاں توں مکتی یافتہ ہو سکدے آں ۔سانوں لازمی ایمان رکھنا چاہی دا اے پئی ایہہ چونہہ رنگا ں دا سچ وی پانی تے روح دے کلام دی خوشخبری اُتے ساڈے ایمان دے راہیں مکمل ہوندااے ۔
یِسُوعؔ مسیح ، مکتی داتا جیہڑا سانوں اپنے اسمانی ، ارغوانی تے لال دھاگے تے مہین وٹے ہوئے کتان نال بچا چُکیا اے
کم جنہاں دے راہیں یِسُوعؔ مسیح نے پاپیاں نوں اوہناں دیاں پاپاں توں بچایا چار پاسیاں والے نیں : اسمانی دھاگہ(یِسُوعؔ دابپتسمہ)؛ارغوانی دھاگہ(یِسُوعؔ بادشاہواں دے بادشاہ وانگر—دوجیاں اکھراں وچ ،آپ ای خُدا اے)؛لال دھاگہ(یِسُوعؔ دا لہو)؛تے مہین وٹیا ہویا کتان(پُرانے تے نویں عہد نامے دے تفصیلی کلام دے راہیں ساریاں پاپیاں دی اوہناں دیاں پاپاں توں مکتی دا پورا ہونا)۔ مختصر یِسُوعؔ اسمانی دھاگے، ارغوانی دھاگے ، لال دھاگے تے مہین وٹے ہوئے کتان نال مکتی داتا بن گیا اے ۔
سانوں لازمی احساس کرنا چاہی دا اے پئی جد تیک اسیں ایمان نئیں رکھدے پئی یِسُوعؔ جیہڑا ساڈے کول پانی تے لہو دے راہیں آیا ، اوہنے سانوں ساڈیاں پاپاں توں اسمانی دھاگے(یِسُوعؔ دےبپتسمہ)؛ارغوانی دھاگے(یِسُوعؔ خُدا اے)،لال دھاگے(یِسُوعؔ دا لہو)، تے مہین وٹے ہوئےکتان(یِسُوعؔ جنہے نویاں تے پُرانیاں عہد نامیاں دے کلام دے نال مکتی پوری کیتی )نال بچایا اے ، اسیں کدی اپنیاں پاپاں تے ایہناں پاپاں دی سزا توں چھُٹ نئیں سکدے ۔ ایس طرح سانوں ساڈیاں پاپاں تے سزا توں بچائیوں بغیر ، ساڈا خُداوند کامل مکتی داتا نئیں بن سکدا سی ۔
سانوں لازمی روحانی طریقے نال سبب دا احساس کرنا چاہی دا اے کیوں خیمۂ اجتماع دے برانڈے دے پھاٹک دا پردہ اسمانی ، ارغوانی تے لال دھاگے تے مہین وٹے ہوئے کتان نال اُنیا گیا سی ۔ خیمۂ اجتماع دے برانڈے دا پھاٹک ایہناں اسمانی ، ارغوانی تے لال دھاگے تے مہین وٹے ہوئے کتان نال بنایا گیا سی تاں پئی ہر کوئی پھاٹک نوں صاف طریقے نال پچھان سکے تے ایہنوں سوکھے طریقے نال لبھ سکے ۔ ایس پھاٹک دے راہیں ، خُدا نے ہر کسے نوں اپنے چمکیلے گھر وچ جان دی اجازت دتی ۔
خیمۂ اجتماع آپ ای خُدا دا چمکیلا گھر اے ۔ کوئی وی جیہڑا خُدا دے گھر وچ جان دی تمنا رکھدا سی اِنج خیمۂ اجتماع دے برانڈے دے پھاٹک تے واڑ وچ کھائے گئے مکتی دے سچ دا احساس کیتیوں بغیر نئیں کر سکدا سی ۔ خُدا نے آکھیا پئی اوہ جیہڑے خیمۂ اجتماع دے اُتے لمکدے ہوئے چٹے کتان دے پردے دے پاکیزگی نوں ردّ کردے پئے نیں ، خیمۂ اجتماع دے پھاٹک وچوں نئیں لنگھدے ، سگوں کسے دوجے راہوں چڑھدے نیں ، سارے چور تے ڈاکو نیں ۔ مکتی دا پھاٹک یِسُوعؔ مسیح بارے دسدا اے (یوحنا ۱۰)۔
جد پاک کتاب کہندی اے پئی ایہہ پھاٹک اسمانی ، ارغوانی تے لال دھاگے تے مہین وٹے ہوئے کتان نال اُنیا گیا سی ، خُداسانوں ، اپنے پُرانے تے نویں عہدنامیاں دے سچے کلام دے راہیں ، صاف طریقے نال وکھاؤندا پیا اے پئی یِسُوعؔ مسیح خُدا دے پُتر وانگر ایس زمین اُتے آیا ، یوحنا کولوں بپتسمہ لیا ، سولی اُتے مر گیا ، فیر مویاں وچوں جی اُٹھیا تے اِنج ساڈا مسیحا بن گیا اے ۔ ایس طرح اسیں اسمانی ، ارغوانی ،لال دھاگے تے مہین وٹے ہوئے کتان دا بھیت لبھ سکدے آں ۔ سانوں لازمی ایمان رکھنا چاہی دا اے پئی خُدا سانوں ایمان رکھن دی اجازت دے چُکیا اے پئی یِسُوعؔ مسیح خُدا دا پُتر اے جیہڑا سانوں ایس دُنیادیاں پاپاں دی سزا توں بچاؤن لئی آیا ، تے ایہہ پئی اوہ مکتی داتا اے جیہڑا ہُن نویں تے پُرانے عہدنامیاں دے کلام دے راہیں ساریاں لوکاں دی مکتی نوں پورا کر چُکیا اے ۔
سانوں اصل وچ لازمی احساس کرن دے لائق ہونا چاہی دا اے خیمۂ اجتماع دے برانڈے دا پھاٹک کیوں ایہناں اسمانی ، ارغوانی تے لال دھاگیاں تے مہین وٹے ہوئے کتان نال اُنیا گیا سی ۔ اسمانی دھاگہ سانوں کیہ دسدا اے ؟ تے ارغوانی دھاگہ ، لال دھاگہ تے مہین وٹے ہوئے کتان سانوں کیہ دسدے نیں ؟ جد اسیں خُدا دے منصوبے نوں سمجھدے آں ، اسیں ایہہ وی احساس کرسکدے آں پئی اسمانی ، ارغوانی تےلال دھاگے تے مہین وٹے ہوئے کتان دے کم سارے خُدا دے ساڈے لئی مکتی دا منصوبہ تے سدا دی زندگی دا سچ نیں ، تے اِنج اسیں پاپ توں معافی اُتے اپنے ایمان دے راہیں اوہدی بادشاہی وچ جا سکدے آں ۔
جد اسیں کہندے آں پئی اسیں جان دے تے اسمانی ، ارغوانی تے لال دھاگےاُتے ایمان رکھدے آں ، ایہدا مطلب اے پئی اسیں چنگی طرح سبب کیوں یِسُوعؔ نے یوحنا بپتسمہ دین والے کولوں بپتسمہ لیا تے سولی اُتے اپنا لہو وگایا ، مسیحا کون اے ، پُرانے عہد نامے دے قربانی دے طریقے دے سارے بھیت ، تے نویں عہد نامے دی پانی تے روح دی خوشخبری نوں جان دے آں ۔ مختصر ، خیمۂ اجتماع دے برانڈے دے پھاٹک وچ وکھایا گیا سچ ساریاں ایمانداراں لئی ضروری اے جیہڑےسدا لئی مکتی یافتہ ہون لئی صاف دلوں سچ نوں کھوج دے نیں ۔
خورے ایہہ نظر آئے پئی بوہت سارے لوک خیمۂ اجتماع دے بارے وچ چنگے تعلیم والے نیں ،پر اصل وچ ،ایہہ اصل صورتِ حال نئیں اے ۔ لوک اصل وچ بالکل نئیں جان دے پئی خیمۂ اجتماع دے برانڈے دے پھاٹک اسمانی ، ارغوانی تے لال دھاگے نال اُنن دا کیہ مطلب اے ۔ ایس لئی پئی ایہناں اسمانی ، ارغوانی تے لال دھاگے تے مہین وٹے ہوئے کتان دا بھیت سمجھنا اوکھا اے ، بوہت سارے لوک اوہناں نوں سکھن تے سمجھن لئی اک سچی تمنا رکھدے نیں ۔ پر، ایس لئی پئی ایہہ بھیت صرف ہر کسے دے راہیں سمجھیا نئیں جا سکدا ، اوہناں وچوں بوہت سارے اپنے ذاتی مشوریاں نال بنائےغلط طریقے نال تشریح کردیاں ہویاں مک جاندے نیں ۔ اصل وچ ، بوہت ساریاں دینی آگُوآں نیں ایس سچ دی غلط تشریح کیتی اے تے غلط سمجھ رکھدے نیں جویں اوہ محسوس کردے سن ، تے ایہنوں صرف اپنی ذاتی دینی مقصد لئی ورت چُکے نیں ۔ پر خُدا مسیحیاں نوں ہور ایہناں جھوٹھیاں توں دھوکہ کھاندے رہن دی اجازت نئیں دے سکدا سی ۔ ایس طرح اوہنے صاف طریقے نال خیمۂ اجتماع دے برانڈے دے پھاٹک لئی ورتے گئے اسمانی ، ارغوانی تے لال دھاگے تے مہین وٹے ہوئے کتان دے سچ دے مطلب دی وضاحت کرنی سی تے ایس طرح اوہناں نوں اوہناں دیاں پاپاں توں بچاؤنا سی ۔
۱۔یوحنا ۵ :۶ ۔۸ وچوں نواں عہد نامہ دسدا اے ، ”ایہہ اوہ اے جیہڑا پانی تے لہودوہاں دی راہیں آیا سی یعنی یِسُوعؔ مسیح نِراپانی دے راہیں نئیں ۔ سگوں پانی تے لہودوآں دی راہیں ۔تے رُوح ای گواہی دین والا اے ۔کیوں جو رُوح سچیائی اے ۔ تے گواہی دین والے تَرے نیں رُوح تے پانی تے لہوتے ایہہ تَرے اِکو گل وچ رَلدے نیں۔ “ایہہ حوالہ صاف طریقے نال دسدا اے ساڈا خُداوند ایس زمین اُتے اک بندے دے بدن وچ آیا، اپنے بپتسمےنال ساڈیاں پاپاں نوں چُک لیا تے اپنا لہو وگاؤن دے راہیں سانوں بچا لیا۔ ایس لئی خیمۂ اجتماع دے برانڈے دا پھاٹک سارا اسمانی ، ارغوانی تے لال دھاگے تے مہین وٹے ہوئے کتان نال اُنیا گیا سی ۔
پہلا، اسمانی دھاگہ سانوں کیہ وکھاؤندا اے؟ ایہہ سانوں یِسُوعؔ اُتے سچیائی دا اک حصہ وکھاؤندا اے ، جیہڑا ایس زمین اُتے آکے تے یوحنا کولوں اپنا بپتسمہ لین دے راہیں دُنیا دیاں پاپاں نوں چُک کے پاپیاں دا اصلی مسیحا بن گیا ۔ اصل وچ ، ایہہ بپتسمہ جیہڑا یِسُوعؔ نے یردن دے دریا اُتے یوحنا کولوں لیا سدا لئی اِکو ای واری دُنیا دیاں ساریاں پاپاں نوں چُکن دا یِسُوعؔ دا سچ اے ۔ یِسُوعؔ نے اصل وچ یوحنا بپتسمہ دین والے ، ساریاں لوکاں دے نمائندے کولوں بپتسمہ لین دے راہیں اپنے موہڈے اُتے دُنیا دیاں ساریاں پاپاں نوں چُک لیا ۔ایس لئی پئی ایس طرح ساریاں لوکاں دے پاپ مسیح دے اپنے سِر اُتے لدے گئے سن ، اوہ جیہڑے ایس سچیائی اُتے ایمان رکھدے نیں اپنیاں دلاں وچ کوئی پاپ نئیں رکھدے ۔
دوجا، خیمۂ اجتماع دے برانڈے دے پھاٹک وچ اُنے گئے ارغوانی دھاگے دا کیہ اصلی مطلب اے ؟ ایہہ سانوں دسدا اے پئی یِسُوعؔ اصل وچ بادشاہواں دا بادشاہ اے ۔اصل وچ ، یِسُوعؔ نے دُنیا نوں بنایا ، آپ ای بناؤن والا اے ، اک بندہ نئیں ، تے اصلی مسیحا اے جیہڑا ایس زمین اُتے آیا ۔ اوہ مسیحا ، اصل وچ اک بندے دے بدن وانگر پہلوں ای ایس زمین اُتے آیا ۔ تے بپتسمے دے راہیں جیہڑا اوہنے یوحنا کولوں لیا ، تے اپنے مرن تیک قربانی تے جی اُٹھن نال اپنے آپ اُتے دُنیادیاں ساریاں پاپاں نوں چُکن دے راہیں ، یِسُوعؔ اپنیاں ساریاں لوکاں نوں ،جیہڑے پچھان گئے نیں ، ڈردے نیں تے اپنے مسیحا اُتے ایمان رکھدے نیں ، اوہناں دیاں ساریاں پاپاں تے اوہناں دے پاپ دی عدالت توں بچا چُکیا اے ۔
یِسُوعؔ اصل وچ ، ساڈا اپنی مرضی دا مالک خُدا تے اپنی مرضی دا مسیحا اے ۔ اوہ اپنی مرضی دا مالک مکتی داتا اے ۔ ایس لئی پئی یِسُوعؔ نے دُنیا دیاں ساڈیاں ساریاں پاپاں نوں اپنےآپ اپنے بپتسمے نال چُک لیا، لہو وگاؤن تے سولی اُتے مرن تے اپنی موت بعدوں جی اُٹھن د ے راہیں ، اوہنے نا صرف ساڈیاں ساریاں پاپاں نوں دھو دتا ، سگوں اوہ ساڈے بدلے فدیہ دین لئی پاپ دی سزا وی لَے چُکیا اے ۔
تریجا ، لال دھاگہ لہو بارے دسدا اے جیہڑا یِسُوعؔ نے سولی اُتے وگایا ، تے ایہدا مطلب ہیگا اے پئی مسیح ساڈے وچوں اوہناں نوں نویں زندگی دے چُکیا اے جیہڑے ایمان رکھدے نیں ۔ لال دھاگے دا ایہہ سچ سانوں دسدا اے پئی یِسُوعؔ مسیح نے ناصرف یوحنا کولوں لَئے گئے اپنے بپتسمے نال اپنے آپ اُتے دُنیادیاں پاپاں نوں چُکن دے راہیں ساڈیاں اپنیاں پاپاں دی سزا لَے لئی ، سگوں اوہنے اوہناں نوں زندگی دین والا ایمان دین دے راہیں ایمانداراں نوں اک نویں زندگی وی دتی جیہڑے پاپ وچ مرگئے سن ۔ اوہناں لوکاں نوں جیہڑے اوہدے بپتسمے اُتے تے لہو اُتے جیہڑے اوہنے وگایا ایمان رکھدے نیں ، یِسُوعؔ سچ مُچ نویں زندگی دے چُکیا اے ۔
فیر ،مہین وٹے ہوئے کتان دا کیہ مطلب اے ؟ ایہہ دسدا اے پئی نویں عہد نامے نال ، خُدا نے پُرانے عہد نامے وچ لکھیا ہویا اپنی مکتی دا وعدہ پورا کیتا ۔ تے ایہہ سانوں دسدا اے پئی جد یِسُوعؔ نے اپنے بپتسمے نال اپنے آپ اُتے دُنیادیاں ساریاں پاپاں نوں چُک لیا تے نویں عہد نامے وچ سولی اُتے ساڈیاں پاپاں لئی دکھ جرے ، اوہنے مکتی پوری کیتی جیہدا خُدا اسرائیلیاں نال تے ساڈے نال اپنے عہد دے کلام نال وعدہ کیتا سی ۔
یہوواہ خُدا نے یسعیاہ ۱: ۱۸ وچ فرمایا، ”ہُن خُداوند فرماندا اے آؤ اسیں رَل کے بحث کرئیے ۔ بھاویں تہاڈے پاپ قِرمزی ہون او ہ برف وانگر چٹے ہو جان گے تے بھاویں اوہ ارغوانی ہون تاں وی اُنّ وانگر سُتھرے ہوجان گے ۔ “پُرانے عہد نامے دا قربانی دا طریقہ حکم دیندا پیا اے خیمۂ اجتماع وچ کویں قربانیاں چڑھائیاں جاندیاں نیں ، جنہاں دے بعد اسرائیلیاں دے پاپ ہتھ رکھے جان نال قربانی دے لیلے اُتے لدے جاندے سن ، ایہہ وعدہ سی جیہڑا خُدا نے اسرائیلیاں تے ساڈے نال کیتا ۔ ایہہ خُدادے وعدے دا مُکاشفہ سی پئی اوہ دُنیا دیاں ساریاں لوکاں نوں اوہناں دیاں ہر دن دیاں پاپاں تے ورہے دیاں پاپاں توں آؤن والیاں دناں وچ خُدا دے لیلے دے راہیں بچائے گا ۔
ایہہ مسیحا دے آؤن دے وعدے دی نشانی وی سی ۔ سو نویں عہد نامے دے زمانے وچ ، جد یِسُوعؔ مسیح نے پُرانے عہد نامے دے طریقے مطابق اپنا بپتسمہ لَے کے سدا لئی اِکو ای واری اپنے آپ اُتے دُنیا دیاں ساریاں پاپاں نوں چُک لیا ، ایہہ خُدا دے وعدے دا پورا ہونا سی ۔سانوں اپنے وعدے دا سارا کلام دین دے بعد ،خُدا سانوں وکھا چُکیا اے پئی اوہ اوہناں ساریاں نوں اصل وچ پورا کر چُکیا اے ، بالکل جویں اوہ وعدہ کر چُکیا سی ۔ بپتسمہ جیہڑا یِسُوعؔ نے لیا ایس سچیائی نوں ظاہر کردا اے ، پئی عہد دا خُدا اپنیاں ساریاں عہداں نوں پورا کر چُکیا اے ۔
یِسُوعؔ مسیح جیہڑا پانی ، لہو تے رُوح دے راہیں آیا
یِسُوعؔ نے یوحنا کولوں کیوں بپتسمہ لیا سی ؟ سبب ساریاں لوکاں دیاں ساریاں پاپاں نوں اپنے آپ اُتے لینا، تے ساڈے بدلے پاپ د ی سزا نوں جرنا سی ۔ ساریاں لوکاں دیاں ساریاں پاپاں نوں مکاؤن لئی تے ساڈا سچا مکتی داتا بنن لئی ،یِسُوعؔ نے یوحنا بپتسمہ دین والے کولوں بپتسمہ لیا ، سولی اُتے چڑھیا تے لہو وگایا تے ایس اُتے مرگیا ۔ اِنج کر کے اوہنے نا صرف ساڈے سارے پاپاں دھو دتے ، سگوں اوہنے ساڈے بدلے ایہناں پاپاں دی ساری سزا وی جری ، تے اِنج ساڈا سدا دا مکتی داتا بن گیا اے ۔ ساڈے سارے پاپ یِسُوعؔ اُتے لد دتے گئے جد اوہنے یوحنا کولوں بپتسمہ لیا ،تے اوہ دُنیادیاں ایہناں پاپاں نوں سولی اُتے چُک کے لَے گیا ۔ ایس لئی پئی مسیح نے اپنے بپتسمے نال ساڈے سارے پاپ چُک لَئے ،تے ایس لئی پئی دُنیادیاں ایہناں پاپاں نوں سولی اُتے لَے گیا ،اوہ سولی اُتے چڑھ سکدا سی ، اپنا لہو وگا سکدا سی تے ساڈے بدلے مر سکدا سی ۔
یسعیاہ ۵۳:۵کہندا اے ،”ایتھوں تیک پئی اوہ ساڈیاں غلطیاں دے سبب زخمی کیتا گیا تے ساڈی بدکاری دے سببوں پھیہا گیا ۔ ساڈی ای بھلیائی لئی اوہدے اُتے سیاست ہوئی تاں پئی اوہدے کُٹ کھان نال اسیں شفا پائیے۔“ساڈے خُداوند دے بپتسمے دے راہیں ،ساڈے نسلی پاپ جیہڑے سانوں ساڈے سانجھے پئو دادے آدم ولوں مالکی وچ ملے سن تے ساڈے اپنے اصلی پاپ جیہڑے اسیں اپنیاں ساریاں زندگیاں وچ کردے آں سارے اوہدے اُتے لدے گئے سن۔ تے اوہ ایہناں ساریاں پاپاں لئی دکھی ہویا سی ۔ ایس طرح ساڈے کول پانی تے لہو دے راہیں آ کے ، ساڈا خُداوند ساڈیاں ساریا ں پاپاں نوں مکا چُکیا اے (۱۔یوحنا ۵ :۵ ۔۸)۔
فیر ، ایہہ یِسُوعؔ مسیح ، ساڈا مکتی داتا تے مسیحا کون اے جنہے ساڈیاں ساریاں پاپاں دی فکر کیتی تے اوہناں ساریاں نوں مکایا؟ پیدا ئش ۱ : ۱ دسدی اے ، ”خُدا نے شروع وچ دھرتی تے اسمان نوں بنایا ۔“ایہہ اپنی مرضی دا مالک خُدا کون سی جنہے اپنے کلام نال دُنیا نوں بنایا ؟ اوہ پاپیاں دے مسیحا توں علاوہ کوئی دوجا نئیں سی ، اوہ جیہڑا تہانوں تے مینوں دُنیا دیاں ساریاں پاپاں توں بچاؤن لئی اپنے بپتسمے دے پانی دے راہیں آیا ، اِکو اِک جیہڑا مکتی داتا وانگر جنہے دُنیادیاں ساریاں پاپاں لئی دکھ جرن لئی سولی اُتے لہو وگایا ۔ پانی ، لہو تے رُوح دے راہیں ،یِسُوعؔ سانوں ساڈیاں پاپاں تے سزا توں چھڈا چُکیا اے ۔ ساڈا خُداوند ساڈے کول ساڈے بدلے ساڈیاں ساریاں پاپاں نوں چُکن تے ایہناں پاپاں دی سزا جرن لئی ساڈے مکتی داتا وانگر آیا ۔
اصل وچ ، یِسُوعؔ مسیح خُدا دا پُتر آپ ای خُدا اے ، ایس لئی پئی مسیحا اصل وچ ساڈا خُدا اے ۔ ”یِسُوعؔ“ناں دا مطلب اے ” مکتی داتا جیہڑا اپنے لوکاں نوں اوہناں دے گُناہاں توں بچائے گا “(متی ۱ : ۲۱)۔ دوجے پاسے یونانی وچ ”مسیح“، ”باسیلیوس“ دا مطلب اے”بادشاہواں دا بادشاہ“ یِسُوعؔ دُنیا بناؤن والا اے جنہے ساری دُنیانوں بنایا ، ساریاں دا اپنی مرضی دا مالک بادشاہ ، پاپیاں دا مکتی داتا تے بادشاہواں دا بادشاہ جیہڑا شیطان دی عدالت کردا اے ۔
ایس اپنی مرضی دے مالک خُدا نے اصل وچ بندے نوں اپنے آپ دے روپ وانگر بنایا۔ جویں اسیں اوہدے اپنے بنائے لوک ، پاپ وچ ڈِگ پئے تے اپنیاں کمیاں دے سببوں برباد ہون دے حقدار بن گئے ، ایس بادشاہواں دےبادشاہ نے سانوں ساڈیاں پاپاں توں بچاؤن دا وعدہ کیتا تے ایس وعدے نوں پورا کرن لئی اوہ ساڈے کول آیا ۔تے سانوں خُدا دے کامل تے بے پاپ لوک بناؤن لئی ،ساڈا خُداوند اپنے آپ پانی ، لہو تے رُوح دے راہیں ساڈے کول آیا ۔
مسیحا جیہڑا دُنیا بناؤن والا اے ، اصل وچ ساڈیاں ساریاں پاپاں نوں مکاؤن لئی ایس زمین اُتے اک بندے دے بدن وچ آیا ، تے یردن دے دریااُتے یوحنا کولوں بپتسمہ لین دے راہیں اپنے آپ اُتے ساڈیاں ساریاں پاپاں نوں چُک لیا ۔ تے سولی اُتے مرن دے راہیں ، اوہ ساڈے بدلے ساڈیاں ساریاں پاپاں لئی دکھی ہویا ۔ ایس لئی پئی یِسُوعؔ اصل وچ ساڈے لئی اصلی مسیحا سی ، ایس لئی پئی اوہ ساڈا مکتی داتا تے ساڈی زندگی دا خُداوند اے ، اسیں اوس اُتے ایمان رکھن دے راہیں نویں تے سدا دی زندگی پا سکدے آں ۔ ایس لئی مسیحا سچ مُچ ساڈا خُدا بن گیا اے ۔ ایہہ ہے کیوں خیمۂ اجتماع دا پھاٹک اسمانی ، ارغوانی تے لال دھاگے نال اُنیا ہویا سی ، ایس لئی پئی ایہہ پانی تے رُوح دابھیت سی جیہڑا سانوں ساڈیاں ساریاں پاپاں تے ساڈیاں پاپاں دی عدالت توں چھڈاؤندا اے ۔
سچ پئی خُداوند اصل وچ سانوں ساڈیاں پاپاں توں بچا چُکیا اے اوکھی گل نئیں ہیگی ۔ ساڈے خُداوند نے ساڈے نال اپنی مکتی دا کچا وعدہ نئیں کیتا ، ایہنوں بے دلی نال پورا نئیں کیتا ، تے اوہناں دے ایمان نوں منظور نئیں کر سکدا جیہڑے اوس اُتے من مرضی نال ایمان رکھدے نیں ، اوہدی پکی سچیائی توں علاوہ پئی اوہ سانوں اصل وچ اپنے پانی تے لہو دے راہیں بچا چُکیا اے ۔ ایس لئی ساڈے خُداوند نے اوہناں نوں آکھیا جیہڑے اوس اُتے صرف ناں دا ایمان رکھدے نیں ، ”نا ہر کوئی جیہڑا مینوں اے خُداوند اےخُداوند! آکھدااےاسمان دی بادشاہی وچ وڑے گا پر اوہ جیہڑا میرے باپ دی وج اسمان اُتے اے مرضی پوری کردااے ۔ “(متی ۷ : ۲۱)۔
جھوٹھے اُستاد زوردیندے نیں پئی اوہنا ں نیں اصل وچ یِسُوعؔ دے ناں وچ لوکاں نوں پاک رُوح پاؤن دے لائق کیتا ، اوہدے ناں نال بدرُوحاں نوں کڈھیا ، تے اوہدے ناں نال بوہت سارے معجزے کیتے ۔ پر خُدا اوہناں نوں متی ۷ : ۲۳ وچ کہہ چُکیا اے ، ”تے مَیں اوہناں نوں تد صاف آکھاں گا پئی مَیں کدی تُہانوں نئیں جانیا ۔ اَے شریعت توڑن والیو میتھوں دُراڈے ہوجاؤ۔“ ایہہ سانوں دسدی اے پئی مسیحیا ں وچکار ، اصل وچ بوہت سارے ہیگے نیں جیہڑے حالے تیک پاپی نیں ، جیہڑے عدالت دے دن اپنیاں پاپاں دی سزا پاؤن گے ، تے فیر دوزخ وچ سُٹ دتے جان گے ۔
اصل وچ ، بوہت سارے مسیحی ہیگے نیں جیہڑے کھُل کے اقرار کردے نیں ، ”یِسُوعؔ ساڈا مکتی داتااے۔ یِسُوعؔ سانوں کامل طریقے نال ساڈیاں ساریاں پاپاں توں بچا چُکیا اے ۔ “ پر ایہو جیہے دعوےٰکرن دے باوجود ، اوہ اصل وچ ایتھوں تیک پئی سکھن دی کوشش نئیں کردے پئی مسیحا نے سچ مُچ اپنے بپتسمے نال اوہناں دیاں پاپاں نوں چُکیا ، تے ایہہ پئی اوہنے سچ مُچ سولی اُتے اپنا لہو وگاؤن دے راہیں اوہناں دیاں پاپاں نوں تے ایہناں پاپاں دی سزا نوں جریا ۔ ایہہ سارے لوک خُدا دے اگے جان گے جد پئی اوہ حالے وی پاپی نیں ، ایس لئی پئی اوہ صرف ناں دا ایمان رکھدے نیں ، گو اوہ صرف دُنیا دےبوہت ساریاں دیناں وچوں اِک اُتے عمل کردے پئے سن ۔
ایسے طرح ، ایس لئی پئی اوہ سچیائی دے مطابق ایمان نئیں رکھدے جیہڑا ساڈا خُداوند فر چُکیا اے ، ” تے تُسی سچیائی نُوں جانو گے تے سچیائی تُہانوں اَزاد کرے گی،“ اوہ خُداوند ولوں قبول نئیں کیتے گئے ۔ بھاویں لوک یِسُوعؔ اُتے ایمان رکھدے نیں یا نئیں ، اوہ جیہڑے اپنیاں دلاں وچ پاپ رکھدے نیں خُدا دی بادشاہی وچ جا نئیں سکدے ، جتھے کوئی پاپ نئیں ہیگا ، ایس لئی پئی اوہ ایس وچ جان دے حقدار نئیں ہیگے ۔ ایس لئی ، اوہناں نوں ایس گل اُتے بھروسہ رکھنا پوے گا پئی ایس زمین اُتے رہندیاں ہویاں صرف اسمانی ، ارغوانی تے لال دھاگے دی سچیائی اُتےایمان رکھن دے راہیں ای اسمان اُتے جان دے لائق ہو سکدے نیں ۔ خیمۂ اجتماع دے برانڈے دے پھاٹک نوں ایہناں اسمانی ، ارغوانی تے لال دھاگے تے مہین وٹے ہوئے کتان نال ایہدے پردے نوں اُنن دے راہیں بناؤنا مسیحا دی لمی سوچ سی ۔ اوہ لوک جیہڑے پاپ دے سببوں دوزخ ول جاندے پئے نیں اوہناں نوں ایس اُتے ایمان رکھنا چاہی دا اے ۔
ایس لئی پئی ایہہ لوک سچیائی نوں نئیں جان دے ، تے ایس لئی پئی اوہ یِسُوعؔ اُتے اپنی ذاتی کوشش نال پائے گئے اپنی غلط علم نال ایمان رکھدے نیں ، اوہ فیر وی پاپی نیں ، اوہ حالے تیک پاپ رکھدے نیں ایس لئی پئی اوہ ، خیمۂ اجتماع دے سامان وچ لُکے ہوئے سچ دے مطابق ایمان رکھن دی بجائے ، اپنے مکتی داتادے بارے وچ اپنے ذاتی خیال دے مطابق سوچ چُکے نیں تے ایہناں خیالاں نال بنائے ہوئے مکتی دے اپنے ذاتی خُدائی نظریے بنا چُکے نیں ، ایمان رکھدیاں ہویاں پئی مکتی خُدا دے اگے توبہ دیاں دعاواں کرن دے راہیں اوہناں دیاں اپنیاں کوششاں نال تے ہولی ہولی اپنی پاکیزگی تیک اَپڑن دی کوشش کریاں ملدی اے ۔
ایس دُنیا وچ بوہت سارےلوک ہیگے نیں جیہڑے اپنے مکتی داتا وانگر یِسُوعؔ اُتے ایمان رکھن دا دعویٰ کردے نیں ، تے حالے تیک اصل وچ یِسُوعؔ دے بپتسمے تے اوہدے لہو اُتے ایمان نئیں رکھدے ۔ ایس دُنیا وچ بوہت سارے ہیگے نیں جیہڑے ، اصل وچ ، اسمانی ، ارغوانی تے لال دھاگے اُتے اپنی مکتی لئی ایمان رکھن دے بجائے ، سوچدے نیں پئی اوہ صرف ، یِسُوعؔ دے لہو اُتے ایمان رکھن دے راہیں خُدا دی پاک بادشاہی وچ جا سکدے نیں ، بھاویں اوہ حالے وی پاپی ای رہندے نیں ۔
پُرانے تے نویں عہد نامے دا میل جول
خُدا سانوں یسعیاہ ۳۴: ۱۶وچ دسدا اے پئی خُدا دا ہر کلام اپنے نال دا جوڑا رکھدا اے ۔ دوجیاں اکھراں وچ ، خُدا دا سارا کلام اک جوڑا رکھدا اے ۔ خُدا نے ساڈے ویکھن تے سمجھن لئی آکھیا کیہ اوہدا پُرانے عہد نامے دا کلام اوہدے نویں عہد نامے دے کلام نال ملدا اے یا نئیں ۔ پُرانے عہد نامے وچ جو کُجھ لکھیا اے ایہدے نال دا کلام نویں عہد نامے وچ ہیگا اے ۔ مثال اے پئی ، جتھے اسرائیلی پُرانے عہد نامے وچ ہتھاں دے رکھے جان نال قربانی دے اِک لیلے اُتے اپنیاں پاپاں نوں لددے سن ، نویں عہد نامے وچ ایہہ دُنیا دیاں ساڈیاں ساریاں پاپاں نوں چُکن لئی یِسُوعؔ مسیح دے بپتسمہ لین نال رَلدا اے ، تے ایس طرح ساڈے سارے پاپ اوہدے اُتے لد دتے گئے سن ۔
اپنے پانی تے لہو دے نال ، یِسُوعؔ ایس زمین اُتے قربانی دے لیلے تے پاپیاں دے مکتی داتا وانگر آیا ۔ جے اوہنے اپنا بپتسمہ لَے کے دُنیادیاں پاپاں نوں نا چُکیا ہوندا ، تاں سولی اُتے اوہدے مرن دی بالکل کوئی ضرورت نئیں ہونی سی ۔ ساڈا خُداوندصاف طریقے نال اسمانی ، ارغوانی تے لال دھاگے نال ساڈیاں ساریاں پاپاں نوں مکا چُکیا اے ۔ ایہہ، وی، اوہدے کلام نال خُداولوں وعدہ کیتا گیا سی ، جتھے ساڈا خُداوند ساڈے کول ایس کلام دے راہیں آیا تے ساڈیاں قرمزی پاپیاں نوں ، اوہناں نوں برف وانگر چٹیاں کردیاں ہویاں دھو دتا ۔
حقیقت وچ ، ایس سچیائی دا احساس کرن توں پہلوں ، اسیں بِنا شک نا مکن والیاں پاپاں نال بوہت چوکھے برباد ہوندے پئے ساں ۔ ایس لئی ساڈے کول خُدا دے اگے فخر کرن لئی کُجھ نئیں ہیگا ۔ ناصرف اسیں خُدا دے اگے فخر کرن لئی کوئی شے رکھدے آں ، سگوں اسیں اوہدے اگے یقین بھرے ہون لئی اخیریں کُجھ نئیں رکھدے آں ۔ دوجیاں اکھراں وچ ، کُجھ نئیں ہیگا اے جیہڑا ایتھوں تیک پئی سانوں ساڈے ہوشیار ہون دا فریب کرن دی اجازت دیوے گا ۔ خُدا دے اگے ، اسیں سارا جیہڑا آکھ سکدے آں اوہ ایہہ ہیگا اے ، ”آہو،تُسیں ٹھیک او ۔“
جے خُدا کہندا اے ،”تُسیں بدکاراں دی اولاد جے ، یعنی دوزخ دے لائق او۔“
”آہو،تُسیں ٹھیک او ؛ مہربانی کر کے مینوں بچاؤ۔“
”مَیں تہانوں ایس طریقے نال ،پانی ، لہو تے رُوح دے نال بچا چُکیا ہاں ۔“
”آہو،اے خُداوند ! مَیں ایمان رکھدا ہاں !“
اسیں ہر ویلے صرف ”آہو“ کہہ سکدے آں۔ خُدا دے اگے کھلوندیاں ہویاں ، اسیں اوہنوں نئیں کہہ سکدے ، ”مَیں ایہہ تے اوہ کیتا ؛ مَیں اپنی کلیسیا دی چنگی طرح سیوا کیتی ؛ مَیں سچ مُچ سچے دلوں یِسُوعؔ اُتے ایمان رکھیا ؛ مَیں اڑی نال اپنے ایمان دی راکھی کیتی جیہدے بارے کوئی دوجا سوچ وی نئیں سکدا ! “
کویں خُداوند نے سچ مُچ ساڈیاں ساریاں پاپاں نوں مکایا ؟ اوہنے سانوں وکھایا اے پئی اوہ اوہناں نوں اسمانی ، ارغوانی تے لال دھاگےتے پُرانے تے نویں عہد نامیاں دے نال مکا چُکیا اے ۔ پُرانے عہد نامے وچ ، اوہنے اسمانی ، ارغوانی تے لال دھاگےنال ساڈیاں پاپاں نوں مکایا ، جد پئی نویں عہد نامے وچ ، یِسُوعؔ اک بندے دے بدن وچ ایس زمین اُتے آؤن ، یوحنا کولوں لَے گئے اپنے بپتسمے نال اپنے آپ اُتے ساڈیاں پاپاں نوں چُکن تے ساڈیاں ساریاں پاپاں دی تے ایہناں پاپاں دی سولی اُتے اپنا لہو وگاؤن دے نال فکر کر کے ساڈا مکتی داتا بن گیا ۔ بپتسمہ لَے کے ،ساڈے خُداوند نے اِکو ای واری سدا لئی دُنیادیاں ساریاں پاپاں نوں چُک لیا (متی ۳ : ۱۵)۔ ساڈے سارے دُنیا دے پاپ یِسُوعؔ دے موھڈے اُتے لدے گئے ۔ایس طرح اپنے بپتسمہ نال دُنیا دے ساڈے ساریاں پاپاں نوں چُکن دے بعد ،اوہ ایہناں پاپاں نوں سولی اُتے لَے گیا ، سولی اُتے چڑھ گیا ، اپنا لہو وگایا ، سولی اُتے مرگیا ،فیر مویاں وچوں جی اُٹھیا تے اِنج سچ مُچ ساڈیاں ساریاں پاپاں نوں مکا دتا ۔ ایس طرح یِسُوعؔ مسیح ساڈا لازمی مکتی داتا بن گیا اے ۔
خُدا دی راستبازی جیہڑی سانوں ملی اے اوہ یِسُوعؔ مسیح اُتے ایمان رکھ کے ملی ہوئی راستبازی اے جیہڑا ایس زمین اُتے پانی ، لہو تے رُوح نال آیا ۔ ایہہ خُدا کولوں لئی گئی اصل مکتی اے ، کوئی شے ایہو جیہی نئیں جیہڑی اسیں اپنیاں کماں نال پائی ۔ کُجھ نئیں ہیگا اے جیہدے بارے اسیں خُدا دے اگے شیخی مار سکدے آں ۔
حقیقت وچ ، اسیں یِسُوعؔ اُتے ایمان رکھ کے اپنیاں ساریاں پاپاں توں مکتی یافتہ ہوئے آں جیہڑا ساڈا لازمی مکتی داتا بن گیا اے ۔ اسیں جیہڑے پاپی ساں ، دوجیاں اکھراں وچ ، اصل وچ یِسُوعؔ دے بپتسمے تے لہو اُتے جیہڑا اوہنے ساڈے لئی وگایا ، ایمان رکھ کے پاپ توں معافی پائی ۔ جے یِسُوعؔ دی مکتی دے کم دا اِنج حساب ہونا سی ، آکھنا ، پئی ساڈی تقریباً ۷۰فیصد نجات اے تے باقی ۳۰ فیصد پاپ نا کر کے ساڈیاں اپنیاں کوششاں نال پائی جانی سی ، یعنی ساڈے ہولی ہولی پاک ہون نال تے ساڈی مکتی ہولی ہولی مکمل ہون نال ، سانوں لفظی طور اُتے ساری رات بوہتی دعا کرنی پوے گی ، ہر دن اپنیاں توبہ دیاں دعاواں کرن وچ گزارن ، لوکاں نال بھلیائی دے کم کردیاں ہویاں یا دوجے پاسے ہر شے تے جو کُجھ وی ہو سکے کرن دی کوشش کرنی پینی سی !
پر پولُس رسول نے رومیوں وچ آکھیا ، ”ہائے مَیں تےبڑا اوکھا آں ۔ایس موت دے بدن توں مینوں کون چھڈاوے گا؟ مَیں اپنے خُداوند یِسُوعؔ مسیح دے راہیں خُدا دا شکرکرناآں۔سو ہُن اوہناں اُتے کُجھ وی سزا دا حکم نئیں ۔جیہڑے مسیح یِسُوعؔ وچ نیں۔ “(رومیوں ۷ : ۲۴ ؛۸ :۱)۔بالکل جویں پولُس نے ایس طرح اقرار کیتا ، سانوں وی لازمی یِسُوعؔ مسیح اُتے ایمان رکھنا چاہی دا اے جویں اوہنے رکھیا۔ پاک کتاب سانوں دسدی اے پئی یِسُوعؔ مسیح نے سانوں کامل طریقے نال ، ۱۰۰ فیصد ، موت دے ایس بدن توں بچا یا اے ۔ فیر ، کون سوکھےجیہے ای سانوں سزا دے سکدا اے ؟ کوئی وی سانوں سزا نئیں دے سکدا ، ایس لئی پئی یِسُوعؔ مسیح پہلوں ای سانوں ، ساڈیاں اپنی کمیاں توں قطع نظر،۱۰۰ فیصد بچا چُکیا اے ۔
تُسیں تے مَیں وی سارے رُوحانی فریسی ساں
تہاڈےوچوں کئی خورے جان چُکے نیں تے یِسُوعؔ اُتے اک لمے چر توں تھوڑ ا بوہت ایمان رکھ چُکے نیں۔ دوجیاں اکھراں وچ ، تُسیں ایتھوں تیک پئی پانی تے روح دی خوشخبری دے ملن توں پہلوں یِسُوعؔ اُتے اپنے مکتی داتا وانگر ایمان رکھ چُکے سو ۔ مَیں آپ وی ، نویں سریوں جمیوں بغیر ، دساں ورہیاں لئی مسیحی رہ چُکیا ساں ۔
جد اسیں پہلوں یِسُوعؔ اُتے اپنے مکتی داتا وانگر ایمان رکھیا ، ایہہ اک نروئے کرن والا تجربہ سی ۔ ایہہ مُڈھ ایناں نرویا سی پئی اسیں سوچیا پئی اسیں صرف شرطوں اڈ طریقے نال یِسُوعؔ اُتے اپنے مکتی داتا وانگر ایمان رکھ کے مکتی یافتہ ہو جاواں گے ، ایتھوں تیک پئی جے اسیں اسمانی ، ارغوانی تے لال دھاگے دے سچ توں اوپرے رہندے آں ۔
جد مَیں پہلی واری یِسُوعؔ اُتے ایمان رکھیا ، میرا دل اصل وچ خوشی نال بھر گیا ۔ سو مَیں بوہت چوکھی خوشی منائی جد مَیں یِسُوعؔ اُتے پہلی واری ایمان رکھیا ، پر پنج ورہیاں پِچھوں ، مَیں اپنے آپ اُتے دھیان کرن لئی آیا ، تے مَیں ویکھیا پئی مَیں اپنے کیتیاں ہویاں پاپاں نال بوہت چوکھا بنھیا ہویا ساں تے پچھانن لئی آیاپئی مَیں حالے تیک مکت نیں ساں ۔ کیہ تُسیں سوچدے او پئی مَیں اپنی مُڈھلی مسیحی زندگی دیاں اوہناں پنج ورہیاں وچ پاپ کیتے ، یا کسے وی طرح نئیں کیتے ؟ بھاویں تُسیں جان دے او یا نئیں ، جواب بالکل صاف اے: لازمی مَیں کیتے ۔ ایہناں دناں وچ ، جد مَیں سچ نوں نئیں جان دا ساں ، ہر ویلے جد مَیں پاپ کیتا دکھ جریا ، تے ایس دُکھ توں بچن لئی مینوں ، بوہتی وار ایتھوں تیک پئی تِناں دناں لئی روزہ رکھ کے توبہ دیاں دعاواں کرنیاں پئیاں سن ۔ فیر میرے دل دا بھار تھوڑا جیہا گھٹ دا ہویا نظر آؤندا ، مینوں خُدا دی وڈیائی کرن لئی اجازت دیندیاں ہویاں ، ” ♫حیران کرن والا فضل ! ♫کنی سُر والی اواز اے ، جنہے میرے جیہے لیکھاں مارے نوں بچایا! ♪“ پر ایہدے بعد ، لازمی مَیں فیر وی پاپ کراں گا ۔ ایس لئی پئی مَیں اینیاں چوکھیاں کمیاں رکھدا ساں تے عیباں بھریاساں ، مَیں ہر روز پاپ کیتا ،ایتھوں تیک پئی مَیں اِنج کرکے اپنے آپ توں نفرت کیتی ۔ اک واری وی مَیں اپنےپاپ دےساریاںمسئلے نوں سوکھے طریقے نال حل نا کر سکیا ۔
ایہناں حالا ں وچ ، پنج توں بوہتے ورہے لنگھ گئے تے جد مَیں ایس طرح تقریباً دس ورہے تیک اک مسیحی رہ چُکیا ساں ، اچانک ، جان کے دکھی ہویا صرف کنے سارے پاپ مَیں اوہناں ساریاں ورہیاں وچ کیتے سن ۔ اپنے آپ نوں ہر روز اینے وڈے پاپ کردیاں ویکھ کے ، مَیں دلوں دکھی تے بالکل مایوس ہو گیا ۔ تے جد مَیں شریعت دے اگے کھلوتا ، مینوں ایہہ وی پتہ لگیا پئی مَیں سچ مُچ کناں پاپی ساں ۔ میرے لئی خُدا دے اگے کھلونا بوہت اوکھا ہو گیا ۔ تے مَیں اک پاپی ہوندیاں ہویاں مک گیا جیہڑا ایتھوں تیک پئی ، صاف دلوں یِسُوعؔ نوں چنگی طرح جانن تے اوس اُتے ایمان رکھن دا دعویٰ نئیں کر سکداسی ۔ سو میرے اک مسیحی وانگر دسویں ورہے وچ ، مَیں بچ نا سکیا سگوں اپنے آپ وچ اپنے پاپی ہون دا اقرار کیتا ۔
جد مَیں پہلوں یِسُوعؔ اُتے ایمان رکھیا ، مَیں اصل وچ سوچیا پئی مَیں اک چنگا مسیحی ساں ، پر جویں ای ویلا لنگھیا ، مَیں بوہتا بوہتا احساس کیتا پئی مَیں اصل وچ خُدا دے اگے فخر کرن لئی کُجھ نئیں رکھدا ساں ۔ مینوں سمجھ لگی ، ” مَیں اصل وچ اک فریسی آں ۔ فریسی صرف پاک کتاب وچ ای نئیں ہیگے ، ایس لئی پئی مَیں آپ ای اج دا اک فریسی آں!“
فریسی اوس طرح دے لوک نیں جیہڑے ، اپنے وکھالے دی پاکیزگی وچ رہندے نیں ۔ ہر اتوار نوں گرجے لئی اپنے راہ اُتے اپنے آلے دوالےپھڑی ہوئی بائبل نال اوہ اپنے نال دے مسیحیاں نال رَولا پاؤندے نیں ، ”سرگی دا سلام ! ہیلیلویاہ!“تے جد اوہ پرستش کردے ہوندےنیں ، ہر واری اوہ کسے نوں سولی بارے وچ گل کردیاں ہویاں سُن دے نیں تاں ، اوہ رون لگدے نیں۔ مَیں آپ وی ، یِسُوعؔ دے لہو بارے سوچدیاں ہویاں ، بوہت سارے ہنجو ڈوہلے ، مَیں سوچدا ساں ایہہ ہیگا اے پئی ودھیا پرستش لئی ایہہ سارا کیہ سی ۔ پر جد پئی ایس دُنیا وچ رہندیاں ہویاں ہر کوئی اخیریں اپنے آپ بارے جان دے اے ، پاپ دے بعد پاپ کردا اے ۔ سو لوک اک واری فیر توبہ دیاں دعاواں داسہارالیندے نیں ۔ اوہ تھوڑے چر لئی اصل وچ چنگا محسوس کر سکدے نیں ، پر چھیتی نال یا بعدوں، اوہ سارے ایہناں توبہ دیاں دعاواں وچوں نکل جان گے ، ایس لئی پئی اوتھے صرف بوہت سارے پاپ راہ وچ نیں جیہڑے اوہناں نیں کیتے سن ۔ کئی لوک ایتھوں تیک پئی اوپریاں بولیاں بولدے نیں تے بعدوں سُفنے ویکھدے نیں ۔ پر اوہ سارے فضول نیں ۔ کوئی معنی نئیں رکھدا کس قِسم دی کوشش اوہ کر چُکے نیں ، ایہہ اوہناں دیاں دلاں وچ اوہناں دیاں پاپاں دے مسئلے نوں حل کرن لئی اوہناں دے کسے کم دی نئیں ۔
جے اوہ اخیریں ایہہ سمجھ لین پئی اوہ خُدا دے اگے صرف نکمی مخلوق نیں تے پچھان دے نیں پئی اوہ اپنیاں پاپاں دے سببوں دوزخ جان دے حقدار نیں ، ایتھوں تیک پئی جے ایہہ احساس دیر نال ہوندا اے ، فیروی ایہہ اک خوش نصیبی دا نتیجہ ہوئے گا ۔ اصل وچ ، جنے چر توں اسیں یِسُوعؔ اُتے ایمان رکھیا اے ، اوہناں بوہتا اسیں احساس کردے آں صرف کنے دکھی پاپی اسیں اصل وچ رہ چُکےآں ۔پر فریسی ایہنوں لکاؤن وچ چنگے نیں ۔ اوہ اپنیاں دلاں دیاں پاپاں نوں لکاؤن وچ تے فریب کرن وچ اینے چنگے نیں پئی اوہ ایتھوں تیک پئی اپنے آلے دوالے والیاں توں اپنی پاکیزگی لئی منظور کیتے جاندےنیں ۔
ایس دُنیا دے دین پرست اک دوجے دی بوہت عزت کردے نیں ۔ پر ایس گل توں ہٹ کے پئی اوہ کنی چوکھی عزت تے منظوری دوجیاں کولوں پاؤندے نیں ، جد اوہ خُدا دے اگے کھلوندے نیں ، تاں اوہ صرف پاپ دا اک بوہت وڈا ڈھیر نیں۔ جد اسیں سچیائی نوں نئیں جان دے ساں ، اسیں، وی دل نال اپنیاں توبہ دیاں دعاواں کردے ساں۔ پر تھوڑے چر بعد اسیں تھک گئے ،تے اسیں ایس طرح دعا منگدیاں ہویاں مک گئے ، ”اے خُداوند ، اوہ کر جیہڑا تُوں کرنا چاؤہندا ایں ۔ مَیں بوہت سارے پاپ رکھدا ہاں ۔ مَیں ہُن فیر پاپ کر چُکیا ہا ں۔ ہُن میرے لئی ایتھوں تیک پئی تینوں ایہدے بارے دسنا بوہت شرم والی گل بن گئی اے ۔“ بھاویں ایہہ بوہت شرم والی راہ اے ، ایس لئی پئی سانوں دسیا گیا سی خُدا خُوش ہوئے گا جد کدی اسیں اپنیاں پاپاں دا اقرار کردے آں ، تے ایہہ پئی اوہ اپنی راستبازی نال ساڈیاں پاپاں نوں معاف کرے گا تے ساری بدکاری توں پاک کرے گا ، اسیں اوہدے اگے دعا منگدے رہے ، ” اے خُداوند ، مَیں پاپ کیتا اے ۔ اے خُداوند،مہربانی کر کے مینوں معاف کردے! “تے فیر وی ساڈے پاپ ، ایتھوں تیک پئی ،اودوں تیک ساڈے دلاں وچ باقی سن۔
جد کدی لوک خُدا دے اگے دعا وچ اپنیاں سِراں نوں نواؤندے نیں ، اوہناں دی دل اوہناں نوں اوہناں دے پاپ چیتے کراؤندے نیں تے اوہناں دے دل ٹُٹ جاندے نیں ۔ ساڈے ضمیر ساڈیاں دلاں نوں ایہہ دس کے دکھی کردے نیں ، ”اینیاں ساریاں کیتیاں ہویاں پاپاں نال ، تُسیں خُدا اگے ایتھوں
تیک پئی دعا منگن دی ہمت کویں کردے او ؟“
سو، تھوڑے چر مگروں ، ایس لئی پئی ساڈے کول کُجھ ہور کہن لئی نئیں ہیگا ، اسیں صرف رولا پاؤندیاں ہویاں مک گئے ، ” اے خُداوند ، اے خُداوند !“بوہت ہور بوہت چوکھا ، اسیں اپنے آپ نوں اک پہاڑ اُتے جاندیاں ہویاں تے خُداونددے ناں نوں پکاردیاں ہویاں پاؤندے ۔ لوکاں دے دھیان نوں اپنے ول لاؤن دی شرمندگی توں بچن لئی ، اسیں ڈوہنگھی رات نوں اک پہاڑ اُتے چڑھدے ، اوتھے کسے غار وچ وڑدے ، تے خُداوند دے ناں نوں پکاردے ۔ پر ایہہ ، وی ، ساڈے اپنے آپ لئی صرف اک سوکھی شے سی ، تے اِنج ساڈے پاپ ساڈے نال فیر وی قیم رہے ۔
اسیں اپنے ضمیر نوں مطمئن کرن دی وی کوشش کیتی ،اپنے آپ نوں ایہہ دسدیاں ہویاں پئی اسیں ہُن پاپی نئیں ہیگے ، ”خُدا ایناں ترس والا اے پئی اوہ میریاں پاپاں نوں مکا چُکیا اے ۔ مَیں تِناں دناں لئی روزہ رکھیا تے دعا منگ چُکیاں ہاں ۔ ہور کیہ اے، میرے خیال وچ ، مَیں اینے بوہتے پاپ نئیں کیتے ۔ کیہ ساڈا ترس بھریا خُدا مینوں معاف نئیں کرے گا ؟ “
پر کیہ اسیں اصل وچ اپنے آپ نوں دھوکہ دے سکدے آں ، بھاویں جے اسیں اوہدے ترس لئی خُدا دی وڈیائی کرئیے؟ اسیں کویں کدی اپنیاں دلاں نوں دھوکہ دے سکدے آں جد اسیں خُدا دے اگے پاپی رہندے آں ؟ اسیں کدی اِنج نئیں کر سکدے ساں ! ایس گل نال کوئی فرق نئیں پیندا پئی اسیں اپنی کلیسیا دی اگوائی دیاں عُہدیاں اُتےکنے ای اُچے چڑھ گئے ہوئیے ، تے کوئی معنی نئیں رکھدا ساڈی دوجیاں نیں کنی بوہتی تعریف کیتی ، جد تیک اسیں آپ وچ پاپ کردے رہواں گے، اسیں کدی ایہناں پاپاں توں چھُٹ نئیں سکدے ساں ، تے اِنج اخیریں فریبیاں وانگر مک گئے ۔
پاپ دیاں تمناواں ساڈیاں دلاں وچ اُٹھدیاں رہیاں ۔ بھاویں اسیں کئی واری سولی اُتے یِسُوعؔ دے لہو بارے بولے ، بھاویں اسیں سولی اُتے اوہدے لہو دے بارے سوچ کے صرف بوہت سارے ہنجو وگائے تے بھاویں اسیں چنگے مسیحی ساں ، اسیں فیر وی پاپی ای رہے جد تیک اسیں پانی تے روح دی خوشخبری نال نا ملے ۔ مسیحیت دیاں ساریاں رسماں دے مطابق رہن دے باوجود اسیں فیر وی پاپ رکھدے ساں ۔ ایہہ فریسیاں دا دین سی ۔ ایس زمین اُتے حالے تیک بوہت سارے لوک ہیگے نیں جیہڑے اِنج دا ایمان رکھدے نیں ، تے اوہ ایتھوں تیک پئی ساڈے مسیحی طبقیاں وچ پائے جاندےنیں ۔
پانی تے روح دی خوشخبری اُتے ایمان رکھن نال ساڈے سارے پاپ غائب ہوگئے
پانی تے روح دی خوشخبری نوں جانن توں پہلوں تے ایس خوشخبری اُتے ایمان رکھن توں پہلوں ، اسیں سارے اپنیاں دلاں وچ پاپ رکھدے ساں ۔ اسمانی ، ارغوانی تے لال دھاگے تے مہین وٹے ہوئے کتان دے ایس سچ اُتے ساڈے ایمان رکھن توں پہلوں ، ساڈے ضمیر پاپی سن ۔ ساری ایمانداری نال ، اسیں سارے خُدا دے اگے پاپی ساں ، اسیں سارے اپنیاں پاپاں دے سببوں دوزخ جان دے حقدار ساں ، ایس لئی پئی پاک کتاب سانوں دسدی اے پئی ، ”پاپ دی مزدوری موت اے ۔“ایس طرح اسیں اپنیاں پاپاں دے سببوں ڈاہڈے دکھ وچ ساں ۔ تے اسیں اپنیاں پاپاں لئی اپنے اُتے خُدا دی سزا دے سببوں دونویں بدنی تے رُوحانی طریقے نال دوزخ دے حقدار ساں ۔
اسیں بوہت ساریاں لوکاں نوں مسیحیت وچ لیا چُکے تے اوہناں نوں سکھا چُکے ساں ۔ پراسیں کم کر چُکے ساں جد اسیں ایتھوں تیک پئی اپنے آپ دے ضمیر نوں پاک کرن دے لائق نئیں ساں ۔ اسیں ایہدا خُدا دے اگے انکار نئیں کر سکدے ساں ۔ اسیں خُدا دے اگے پچھانیا پئی ساڈے دل پاپی نیں تے ایہہ پئی اسیں دوزخ جان دے حقدار ہاں ۔
مَیں سدا اک گُنجلاں والا سوال رکھدا ساں : ”کیوں ساڈے خُداوند نے بپتسمہ لیا جد اوہ ایس زمین اُتے آیا؟“ مَیں جاننا چاہندا ساں یِسُوعؔ نے کیوں بپتسمہ لیا سی ۔ کیوں، تے کیہڑیاں کماں لئی یِسُوعؔ نوں بپتسمہ لینا پیا؟ مَیں ساڈےاپنے پانی دے بپتسمے نوں یِسُوعؔ اُتے ساڈے ایمان دے نشان وانگر سمجھ سکداساں ، پر مَیں اخیریں سمجھ نئیں سکدا ساں کیوں یِسُوعؔ نوں یوحنا کولوں بپتسمہ لینا پیا سی ۔ کیوں اوہنے بپتسمہ لیا ؟ کیوں ؟
سو مَیں مسیحی طبقیاں وچوں کئی آگُوآں نوں پُچھیا ، ”پادری صاحب ، میرا اک سوال اے ۔ جے مَیں پُچھاں تاں کیہ تُسیں جواب دیووگے ؟“اوہناں نیں مینوں اگے وھدن لئی آکھیا ،تاں مَیں اوہدے کولوں پُچھیا ۔ ”ایہہ پاک کتاب دے بارے وچ اے ۔ ایہہ صاف اے پئی یِسُوعؔ نے نویں عہد نامے وچ یوحنا کولوں بپتسمہ لیا ۔ پر میرا پکا یقین نئیں اوہنے کیوں بپتسمہ لیا سی ۔کیہ تہانوں پتہ اے کیوں ، پادری صاحب؟ “ فیر اوہ ہسدیاں ہویاں بولے ”کیہ تینوں ایہہ وی نئیں پتہ ؟ ایہہ اوہ گل اے جیہڑی ایتھوں تیک پئی سنڈے سکول وچ ساڈیاں نیانیا ں نوں وی پتہ اے !ایہہ ٹھیک مقدس متناں وچ تے ایسے طرح پاک کتاب دے ترجمیاں وچ ہیگا اے ۔ کیہ یِسُوعؔ مسیح نے ساڈے لئی مثال، اک نمونے وانگر تے سانوں اپنی عاجزی وکھاؤن لئی ساڈی اگوائی واسطے بپتسمہ نئیں لیا سی ؟ “سومَیں آکھیا ، ”پرپادری صاحب ، جے جواب ایناں سوکھا سی ، ایتھوں تیک پئی ساڈے سنڈے سکول دے نیانے سچ مُچ ایہنوں جان دے ہون گے ۔مَیں دونویں ایہدا اصل متن وچ تے تاریخی طریقے نا ل معائنہ کر چُکیا ہاں ،پر اوہدے بپتسمے دا ایہہ مطلب نئیں سی ۔ کیہ کوئی سبب نئیں ہیگا کیوں یِسُوعؔ نے اصل وچ یوحنا کولوں بپتسمہ لیا سی ؟ “
مَیں پُچھدا رہیا۔ مَیں مسیحی بنن دے بعد ٹھیک جواب لئی پُچھ گِچھ شروع کیتی ۔ میرے کول ایس سوال دے جواب دی کھوج وچ ورہے لنگھاؤن دے سوا کوئی چارہ نئیں سی ۔ مَیں ایس سوال بارے ساریاں اُستاداں دیاں کماں نوں ویکھیا ۔ بھاویں مَیں اِنج ہر شے نوں کھوجیا ، پُچھیا تے پُچھ گِچھ کیتی ،مینوں کدھرے وی ایہو جیہی کوئی شے نئیں ملی جنہے صاف طریقے نال تے اکٹھیا ں کر کے یِسُوعؔ دے بپتسمے دی وضاحت کیتی ہوئے ۔ مَیں پورے جواب نوں لبھن لئی ہتھ پیر مار چُکیا ساں جد تیک خُداوند نے مینوں اسمانی ، ارغوانی تے لال دھاگے تے مہین وٹے ہوئے کتان وچ وکھائی گئی پانی تے روح دی خوشخبری دی روشنی دتی ۔
جد مَیں یِسُوعؔ دے بپتسمہ دی گُنجلاں والی گل وچ پھسیا ہویا ساں ، فیر مینوں متی ۳ : ۱۳ ۔۱۷ نوں غور نال پڑھن دا اک موقع ملیا : ”تد یِسُوعؔ گلیل توں یردن دے کنڈھے یوحنا کول آیا پئی اوہدے ہتھوں بپتسمہ لَئے پر یوحنا اوہنوں ایہہ آکھ کے روکیا پئی مینوں تیھوں بپتسمہ لین دی لوڑ اےتےتُوں میرے کول آیا نیں ؟ تے یِسُوعؔ اوہنوں جواب دتا ۔ حالی تے ہون دے کیوں جو سانوں چاہیدا اے پئی ایسے طرح ساری راستبازی نوں پورا کرئیے ۔ تد اوس ہون دتا ۔ تے یِسُوعؔ بپتسمہ لے کے جھٹ پانیوں باہر نکل آیا۔تے ویکھو اسمان اوہدے لئی کھُل گیا تے اوس خُدا دے رُوح نوں کبوتر وانگوں اُتردیاں تے اپنے اُتے آؤندیاں ویکھیا ۔ تے ویکھو اسماناں توں اک اواز آئی پئی ایہہ میرا پیارا پُتر اے جس توں مَیں بڑا خوش آں ۔ “
ایس کلام نوں پڑھ کے ، مَیں اخیریں احساس کیتا ، ”چنگا تاں ایہہ ہیگا ! سبب کیوں یِسُوعؔ نے بپتسمہ لیا سی ایس لئی پئی اوہ پُرانے عہد نامے دا قربانی دا لیلا سی ! ایہہ اسمانی ، ارغوانی تے لال دھاگے تے مہین وٹے ہوئے کتان وچ لُکیا ہویا اوہدا مکتی دا سچ اے ! “
یوحنا بپتسمہ دین والااصل وچ ایلیاہ سی جنہوں خُدا پُرانے عہد نامے وچ گھلن دا وعدہ کر چُکیا سی ۔ خُدا نے ملاکی ۴ :۵ وچ آکھیا پئی اوہ کچہری دے دن توں پہلوں ایلیاہ نوں گھلے گا ،تے متی ۱۱ : ۱۴ سانوں دسدا اے پئی ایہہ ایلیاہ جنہوں اوہنے ساڈے کول گھلن دا وعدہ کیا یوحنا بپتسمہ دین والے توں علاوہ کوئی دوجا نئیں ہیگا ۔ سو مینوں ایلیاہ دے بارے وچ پتہ لگیا ،پرمیری حالے تیک تسلی نئیں ہوئی سی پئی یِسُوعؔ نوں یوحنا بپتسمہ دین والے کولوں کیوں بپتسمہ لینا پیا سی ۔ فیر مَیں۳ :۱۳ ۔۱۷ اُتے واپس گیا تے حوالے نوں فیر دھیان نال پڑھیا، ” حالی تے ہون دے کیوں جو سانوں چاہیدا اے پئی ایسے طرح ساری راستبازی نوں پورا کرئیے ۔ ۔ ۔تے یِسُوعؔ بپتسمہ لے کے جھٹ پانیوں باہر نکل آیا ۔ ۔ ۔ ایہہ میرا پیارا پُتر اے جس توں مَیں بڑا خوش آں ۔ “ فیر میرے شک مک گئے ۔ ” ساری راستبازی نوں پورا کرن لئی “ اوہنے سچ مُچ اپنا بپتسمہ لیا ۔ یِسُوعؔ نے لازمی اپنے بپتسمہ نال ساریاں لوکاں نوں بچاؤن لئی اپنا راستباز کم پورا کیتا سی ۔
بپتسمہ اوسے طرح اے جویں پُرانے عہد نامے وچ ہتھاں دا رکھیا جانا اے ، جویں جد خیمۂ اجتماع دے قربانی دے طریقے دے مطابق پشُوآں دیاں قربانیاں دیاں سِراں اُتے ہتھاں نوں رکھیا جاندا سی ۔ پاپیاں لئی سوختنی قربانی دی قربانگاہ دے اگے ایہناں پشُوآں دیاں قربانیاں نوں اگے لیاؤن واسطے ، اوہناں اُتے اپنے ہتھ رکھن لئی تے اِنج اپنیاں پاپاں دا اقرار کرن تے اپنے قربانی دے پشُو اُتے اوہناں نوں لد ن لئی ؛ ایس لئی پئی وڈے کاہن نوں اسرائیلیاں دے ساریاں پاپاں دا اقرار کرنا تے اسرائیلیاں تےاپنے آپ لئی قربانی دیاں پشُوآں اُتے اوہناں نوں لدنا سی ؛ تے یِسُوعؔ لئی نویں عہد نامے دے زمانے وچ یوحنا بپتسمہ دین والے کولوں بپتسمہ لینا سی — ایہہ ساریاں شیواں اک دوجے نال ملدیاں نیں ۔ مَیں اخیریں احساس کیتا پئی یِسُوعؔ نے اِنج اپنا بپتسمہ (ہتھاں دے رکھے جان نوں)دُنیا دیاں ساریاں پاپاں نوں اپنےآپ اُتے لین دے سلسلے وچ تے ہر اک دے پاپاں نوں مکاؤن لئی لیا سی ۔
سو مَیں اصلی پاک کتاب دی لکھائی نوں ویکھیا ۔ مَیں ویکھیا جملہ ” حالی تے ہون دے کیوں جو سانوں چاہیدا اے پئی ایسے طرح ساری راستبازی نوں پورا کرئیے“ یونانی وچ کویں لکھیا ہویا اے :
“ Ἄφες ἄρτι, οὕτως γὰρ πρέπον ἐστὶν ἡμῖν πληρῶσαι πᾶσαν δικαιοσύνην.”
ایس جملے وچ ، ” پئی ایسے طرح“تے ”راستبازی“ یونانی وچ “hoo’-tos gar (οὕτως γὰρ)” تے “dikaiosune (δικαιοσύνην)” دے برابر نیں۔ پہلے دا مطلب اے ”ایسے طرح“ ”جائز طریقے نال“ ”صرف ایس طریقے نال “ ”بوہت ودھیا“ یا ”ایس چج نال۔ “ تے اخیری کیتی ہوئی گل دا مطلب اے ، ”راستبازی،جائز سبب یا خُدا لئی منن دے لائق انصاف “
ایہنے سانوں دسیا پئی یِسُوعؔ نے پاپیاں نوں اوہناں دیاں پاپاں توں بچایا ۔ ایہنے سانوں دسیا پئی یِسُوعؔ نے بپتسمہ لین تے اپنا لہو وگا کے خُدا دی راستبازی پوری کیتی ۔ دوجیاں اکھراں وچ ، ایہدا مطلب ہیگا اے پئی اوہنے اپنے بپتسمے نال ساڈیاں ساریاں پاپاں نوں چُک لیا ۔ اِنج ساڈے سارے مسئلے حل ہوگئے ، ایس لئی پئی ہُن اسیں سچے مطلب دا احساس کیتا جیہڑا ساڈے لئی اینے بوہتے گنجل تے گواچن دا سبب بن گیا سی ۔ ایس لئی پئی اپنے بپتسمے نال ساڈے سارے پاپ یِسُوعؔ نے چُک لَئے یعنی اوہ سولی اُتے گیا ایہناں پاپاں دی سزا لئی اوس اُتے مرگیا ۔ ایہہ پانی تے روح دی خوشخبری وچ پایا جان والا سچ سی ۔
دوجیاں اکھراں وچ، اسیں، نویں سریوں جمے ہوئے سمجھ گئے پئی بپتسمہ جیہڑا یِسُوعؔ نے یوحنا کولوں لیا ساڈی مکتی لئی ناگزیر شے سی ، تے ایہہ پئی ایس بپتسمہ نال اوہنے اِکو ای واری اپنے آپ اُتے دُنیا دیاں ساریاں پاپاں نوں چُک لیا ۔ تہانوں وی اوسے سچ دا پانی تے روح دی خوشخبری وچ احساس کرنا اے ۔ صرف فیر تہاڈیاں زندگیاں چمک سکدیاں نیں ۔
اصل وچ ، اسیں اوس دن نوں کدی نئیں بُھل سکدے جد یِسُوعؔ نے یوحنا کولوں بپتسمہ لیا ۔ اسیں کدی اوہ دن نئیں بھُل سکدے جد اسیں احساس کیتا پئی ساڈے سارے پاپ اصل وچ یِسُوعؔ اُتے لد دتے گئے سن ۔ اسیں تبدیلیاں ویکھ چُکے آں جیہڑیاں ساڈیاں دلاں وچ ایس سچ دے احساس نال واقع ہوئیاں ۔ اوہ ساڈیاں دلاں وچ اک ندی دیاں لہراں دے کھلرن وانگر کھلردیاں نیں ۔ ہنیرے نوں وِنہدیاں ہویاں ،سرگی ویلے دی چمکیلی روشنی ساڈے وچ آئی ، جِہدے نال سانوں مکتی دی سچیائی دا پتہ لگیا ۔
بپتسمہ نےجیہڑا یِسُوعؔ نے لیا اوہدے اُتے دُنیادیاں پاپاں نوں لدیا
متی ۳ :۱۳۔۱۷پڑھن دے بعدوں ، مَیں بوہت چر لئی اِک وی اکھر نا بول سکیا ۔ بھاویں مَیں اصل وچ پاپی ساں ، یِسُوعؔ نے اپنا بپتسمہ لیا تے آکھیا ،” حالی تے ہون دے کیوں جو سانوں چاہیدا اے پئی ایسے طرح ساری راستبازی نوں پورا کرئیے، “ ایس لئی ،کیوں اوہنوں سولی اُتے اپنا لہو وگاؤنا پیا سی (لال دھاگہ)دا سبب یِسُوعؔ دا بپتسمہ(اسمانی دھاگہ)سی ۔ ایہہ یِسُوعؔ آپ ای خُدا سی (ارغوانی دھاگہ )تے پُرانیاں تے نویں عہد نامیاں دے کلام نال (مہین وٹے ہوئے کتان)اوہ سانوں مکتی دا اصلی سچ سکھا چُکیا اے ۔ دوجیاں اکھراں وچ ، یِسُوعؔ نے ساڈیاں ساریاں پاپاں نوں چُک لیا ۔
”فیر کیہ اسیں حالے تیک پاپ رکھدے آں یا نئیں ؟جد یِسُوعؔ نے یوحنا بپتسمہ دین والے کولوں بپتسمہ لیا ہر کسے دے پاپ اوہدے اُتے لدے گئے سن ۔ کیہ ساڈے اپنے پاپ وی اِنج ای اوہدے اُتے لد ے گئے سن ؟ کیہ دُنیا دے پاپ اوس ویلے اوہدے اُتے لدے گئے سن ؟ کیہ وہ پاپ وی جیہڑے اسیں پہلوں ای رکھدے ساں جد اسی اپنی ماں دے ٹِہڈ وچ ساں دُنیا دے پاپ نیں یاں نئیں ؟ اوہناں پاپاں دے بارے کیہ خیال اے جیہڑے اسیں کیتے جد اسیں صرف اک ورہے دی عمر دے ساں ؟ کیہ اوہ وی دُنیا دے پاپ نئیں ہیگے ۔ اوہناں پاپاں دے بارے کیہ خیال اے جیہڑے اسیں اپنے نیانے ہوندیاں ہویاں کیتے ؟ کیہ اوہ وی دُنیا دیاں پاپاں نال تعلق نئیں رکھدے ؟ “
سانوں اپنے آپ کولوں ایہہ سوال پُچھنے ہون گے تاں پئی ایہہ پک کیتا جاسکے پئی ساڈیاں بنیاداں ٹھیک نیں ۔ ایسے طرح ، ایمان ایس گل نو ں پکیاں کرنا اے پئی اسیں خُدا دےکلام نال ٹھیک تھاں اُتے کھلوتے آں ۔ پاپ جیہڑے اسیں اپنے نکے ہوندیاں کیتے اصل وچ دُنیا دے پاپ نیں ، جویں پئی پاپ جیہڑے اسیں اپنے مُنڈے ہوندیاں ہویاں کیتے اوہ وی دُنیا دے پاپ نیں ۔ اوہ سارے پاپ جیہڑے اسیں اپنی ساری عمر وچ کردے آں ، ساڈی جوانی وچ ظاہر نئیں ہیگے ، دُنیا دے پاپ نیں ۔ دُنیا دے ایہو جیہے سارے پاپ پہلوں ای یِسُوعؔ اُتے لد دتے گئے سن ۔ کیہ اوہ نئیں لدے گئے سن ؟ بِنا شک اوہ لدے گئے سن ! ایہہ لکھیا ہویا اے پئی ساڈے خُداوند نے نا صرف ساڈیاں پاپاں نوں چُک لیا ،سگوں ساریاں لوکاں وچوں ہر کسے تے ساریاں دیاں پاپاں نوں چُک لیا ۔ سو اسیں احساس کیتا ، ”ساڈے سارے پاپ سچ مُچ یِسُوعؔ اُتے لدے گئے سن ۔ فیر کیہ اسیں فیر وی پاپ رکھدے آں ؟ نئیں ، اسیں اپنے اندر ہور کوئی پاپ باقی نئیں رکھدے !“
ایہدا سبب ایہہ ہیگا اے ایس لئی پئی یِسُوعؔ نے اصل وچ یوحناکولوں بپتسمہ لیا یوحنا بپتسمہ دین والے نے گواہی دتی ، ”ویکھو خُدا دا برّہ جیہڑا دُنیا دا گُناہ چُک لے جاندااے “(یوحنا ۱ :۲۹) یِسُوعؔ نے ہر بندے دیاں ساریاں پاپاں نوں چُک لیا جیہڑے کدی لوکاں دے بالکل مُڈھ توں لے کے ایہدے مکن تیک زندہ سن تے سدا زندہ رہن گے ۔ اوہ سارے پاپ جیہڑے کسے نے ساری زندگی وچ کیتے ، تے ایتھوں تیک پئی ہر نیانیاں دے پاپ ، سارے یِسُوعؔ دے راہیں چُک لَئے گئے سن ۔ کوئی معنی نئیں رکھدا ایہہ دُنیا کنے چر تیک رہندی اے ، بھاویں ہزاراں ورہیاں لئی یا ایتھوں تیک پئی ارباں ورہیاں لئی ، ساڈے خُداوند نے اپنے بپتسمے نال ساریاں لوکاں دیاں پاپاں نوں چُک لیا ، ایہناں پاپاں نوں اپنے موہڈے اُتے سولی تیک لے گیا ، سولی اُتے مریا ، تے اِنج ساڈے بدلے پاپ دی ساری سزا جری — ایہو ای اسیں احساس کیتا ۔
جویں اسیں، نویں سریوں جمیاں نیں ، اصل وچ احساس کیتا پئی یِسُوعؔ فیر مویاں وچوں جی اُٹھیا تے ایس سببوں ساڈا مکتی داتا بن گیا ، تے جویں اسیں ایس اُتے ایمان رکھیا ساڈیاں ساریاں سوالاں دے جواب مل گئے ۔
بپتسمے نال جیہڑے اوہنے اِنج لیا تے سولی اُتے لہو وگا کے ، ساڈا خُداوند نے ساڈیاں ساریاں پاپاں دی فکر کیتی ۔ ایس لئی پاک کتاب خیمۂ اجتماع دے برانڈے دے پھاٹک اُتےاسمانی ، ارغوانی تے لال دھاگے تے مہین وٹے ہوئے کتان دے بارے گل کردی اے ، تے کیوں ایہہ سانوں ۱۔ یوحنا ۵ : ۴ ۔۶ وچ دسدی اے پئی یِسُوعؔ ساڈے کول نا صرف پانی دے راہیں ، سگوں پانی تے لہو دے راہیں آیا ۔ ایس طرح اسیں احساس کیتا ، ”سو ایہہ ہے کیوں پاک کتاب سانوں دسدی اے پئی مکتی داتا یِسُوعؔ نے خُدا دی ساری راستبازی اپنا بپتسمہ لے کے پوری کیتی ۔ ایہہ سچ اے ! پر ، مسیحی آگُوآں نیں سانوں ایہہ سچ نئیں سکھایا ایس لئی پئی اوہ سارے ایہنوں نئیں جان دے سن!“
اسیں بے پاپ بن جاندے آں صرف جد خُدا دااسمانی ، ارغوانی تے لال دھاگے تے مہین وٹے ہوئے کتان دا سچ سانوں دسدا اے پئی اسیں بے پاپ آں ۔کوئی کسے دوجے بندے دی مکتی دی حامی نئیں بھر سکدا ۔ دوجیاں کولوں تعریف کراؤن دا کوئی فائدہ نئیں اے ۔ لوک سانوں کہہ سکدے سن — پئی اسیں بوہت چنگے مسیحی آں ، یا ایتھوں تیک پئی سانوں A+ دا درجہ دیندیاں ہویاں — کیہ ایہہ کدی پاپ توں ساڈی مکتی دا سبب بن سکدا اے ؟ اسیں بے پاپ نئیں ہیگے جد لوک سانوں منظور کردے نیں ، سگوں صرف جد خُدا دا کلام سانوں دسدا اے پئی مسیح نے ساڈیاں ساریاں پاپاں نوں اسمانی ، ارغوانی تے لال دھاگے تے مہین وٹے ہوئے کتان نال مکا دتا سی ۔
خُدا دا کلام سانوں دسدااے پئی یِسُوعؔ نے نا صرف میریاں پاپاں نوں ، سگوں تہاڈیاں پاپاں نوں وی مکایا ۔ ایہہ سانوں دسدااے پئی ایس لئی پئی یِسُوعؔ مسیح مسیحا ساریاں لوکاں دیاں ساریاں پاپاں نوں مکا چُکیا اے ، اسیں سارے پاپ توں معافی پاواں گے جے اسیں صرف ایمان رکھاں گے ۔ ایہہ ہے کویں اسیں خیمۂ اجتماع دے برانڈے دے پھاٹک وچ پانی تے روح دی خوشخبری نال پاپ توں معافی پا کے جاسکدے آں ۔
کامل ایمان کیہ اے
خیمۂ اجتماع دے برانڈے دا پھاٹک اسمانی ، ارغوانی تے لال دھاگے تے مہین وٹے ہوئے کتان نال اُنیا گیا سی ۔ ہر کسے نوں ایہہ پکا ایمان رکھنا چاہی دا جیہڑا ایمان رکھدا اے پئی ساڈا خُداوند ایس زمین اُتے آیا تے اِنج سانوں ساڈیاں ساریاں پاپاں توں بچایا ۔ جد اسیں ایمان رکھدے آں پئی خُداوند ایس زمین اُتے اک بندے دا بدن لے کے جمیا سی ، یوحنا کولوں بپتسمہ لیا ، سولی اُتے مرگیا ، فیر مویاں وچوں جی اُٹھیا تے اِنج ساڈا مکتی داتا بن گیا ، اسیں سارے خُدا دے پُتر بن سکدے آں ۔ بھاویں ساڈے چنگے کم مَٹھے پے جاندے نیں ، تے بھاویں ساڈا بدن ماڑا اے ، اسمانی ، ارغوانی تے لال دھاگے تے مہین وٹے ہوئے کتان اُتے اپنیاں دلاں وچ ایمان رکھ کے اسیں بے پاپ بن گئے آں ۔ ایس لئی ، راستباز بننا صرف ایمان دے راہیں سوکھا اے ۔ اسمانی ، ارغوانی تے لال دھاگے تے مہین وٹے ہوئے کتان دے راہیں ظاہر کیتی گئی مکتی اُتے ایمان رکھ کے اسیں خُدا دی راستبازی دے کپڑے پا چُکے آں ۔ خاص تے نکی گل ، پانی تے روح دی خوشخبری اُتے ایمان رکھ کے ، اسیں خُدا دے پُتر بن گئے آں ۔
تہاڈے وچوں کئی خورے حالے تیک ایہنوں کامل طریقے نال نا سمجھن ۔ جے اِنج اے ، اوہ سارا جیہڑا تُسیں کرنا اے صرف ایس کتاب نوں غور نال پڑھنا یا خُدا دی کلیسیا وچ جاندیاں رہنا اے ۔ حالے تیک اسیں خیمۂ اجتماع دیاں عام شیواں بارے گل بات کیتی اے ، پر اِ ک واری جد تُسیں تفصیلی وضاحتاں پڑھن لگ پوووگے ، تُسیں سارے خیمۂ اجتماع دی ساری سُدھ بُدھ تیک اَپڑن دے لائق ہوووگے ۔ ایہہ ایناں سوکھا اے پئی ایتھوں تیک پئی اک نیانا ایہنوں چھیتی نال سمجھ سکدا اے ۔
جے لوکاں نے یِسُوعؔ دے بارے اپنے گئے گواتے علم اُتے اپنے ایمان دی نیہ رکھنی سی ، اوہ کدی اپنیاں پاپاں توں مکتی یافتہ نئیں ہون گے ، کوئی معنی نئیں رکھدا کنے چر توں اوہ یِسُوعؔ اُتے ایمان رکھ دےہون ، آؤن والیاں اک ہزار ورہیاں یا دس ہزار ورہیاں تیک ، اوہ فیر وی ہر دن پاپ رکھن گے ۔ اوہ فیر ہر روز رولا پاؤن گے، ایس لئی پئی اوہ اپنیاں پاپاں دی لعنت توں بچ نئیں سکدے ۔ جد شیواں اوہناں لئی ٹھیک ہونا شروع ہوندیاں نیں ، تاں ایہہ لوک سمجھدے نیں پئی خُدا اوہناں دی مدد کردا پیا اے ۔ پر جد شیواں بوہتیاں خراب ہوندیاں نیں ،تاں اوہ حیران ہوندے نیں ، ”کیہ ایہدا سبب ایہہ ہیگااے پئی ایس لئی پئی مَیں دہ یکی نئیں دتی ؟ یا ایہدا سبب ایہہ ہیگا اے پئی ایس لئی پئی مَیں پِچھلے اتوار گرجے نئیں گیا ساں ؟ مَیں پاپ کیتا اے تے ٹھیک طریقے نال خُدا دی خدمت کرن وچ ناکام ہوگیا واں ، تے مینوں لگدا اے پئی اوہ اصل وچ مینوں ایہناں دی سزا دینداپیا اے ۔ “ ایس طریقے نال ، اوہ شریعت وچ پھس کے مردیاں ہویاں مک جاندے نیں ، ایس لئی پئی پاک کتاب سانوں دسدی اے پئی ، ” شریعت قہر پیدا کردی اے “(رومیوں ۴ : ۱۵)۔
اصل وچ ایمان رکھن لئی جیہڑا پئی مکمل اے ، سانوں لازمی ٹھیک طریقے نال جاننا تے یِسُوعؔ مسیح دیاں چونہہ خدمتاں اُتے ایمان رکھنا چاہی دا اے جیہڑا ساڈے کول اسمانی ، ارغوانی تے لال دھاگے تے مہین وٹے ہوئے کتان دے راہیں آیا ۔ سانوں لازمی یِسُوعؔ مسیح دے راہیں دتے گئے سچ دا احساس کرنا چاہی دا اے۔ صرف جد اسیں ایس چونہہ رُخاں والے سچ دی اک صاف سُدھ بُدھ رکھدے تے ایس اُتے ایمان رکھدے آں ، اسیں ایمان رکھ سکدے آں جیہڑا خُدا دے اگے مکمل اے ، تے اسیں اصل وچ اوہدے کامل پُتر بن سکدے آں ۔ ایس لئی پئی اسیں یِسُوعؔ دیاں ایہناں چونہہ خدمتاں اُتے ایمان رکھ کے بے پاپ بن گئے آں ، اسیں سدا بے پاپ راستباز آں ، ایتھوں تیک پئی پاپ دی پھاہی وچوں اپنے آپ نوں چھڈاؤن لئی اپنےآپ دے ہتھ پیر مارن توں اڈ ؛ اسیں ایمان نال بے پاپ لوک آں ، ایتھوں تیک پئی ساڈے اپنے کم کرن دے حوصلے نوں صرف کیتیوں بغیر؛اسیں خُدا دے کامل پُتر آں جنہاں دےسارے پاپ برف وانگر چٹے کر کے دھوتے گئے سن، ایتھوں تیک پئی ساڈے چنگیاں کماں یا کوشش دے بغیر ۔
ماپیاں دی راکھی اکھاں دے اگے سکون نال کھیڈدیاں ہویاں تے ارام کردیاں ہویاں اک نیانے وانگر ، ایس سچیائی اُتے ایمان رکھ کے ، اسیں اصل وچ خُدا باپ دیاں ترس بھریاں اکھاں اگے اپنیاں دلاں وچ ارام تے سکون رکھدےآں ۔ ایتھوں تیک پئی بھاویں تہاڈے کم بھیڑے ہو سکدے نیں ، سارا کُجھ جیہڑا تُسیں کرنا اے خُداوند دیاں کماں اُتے ایمان رکھنا اے ، ایس لئی پئی جنے بوہتے تُسیں ادھورے او ، اونی بوہتی اپنے خُداوند دی محبت محسوس کرو گے ۔
کیہ تُسیں اپنیاں پاپاں توں معافی پاؤن لئی روندے پئے او ، حالے تیک ایمان رکھن دے لائق نئیں جے جیہڑا اسمانی ، ارغوانی تے لال دھاگے تے مہین وٹے ہوئے کتان اُتے ایمان رکھدا اے ؟ ہُن اوہ جیہڑے ایس سچیائی نوں جان دے نیں اوہناں نوں پاپ توں معافی پاؤن لئی رونا نئیں اے ، سگوں صرف چُپ کر کے ایمان رکھنا اے ۔ اوہ جیہڑے ایمان رکھ کے خُدا دے پُتر بن گئے نیں اوہ لوک نیں جیہڑے سچ مُچ جان دے تے یِسُوعؔ مسیح اُتے ایمان رکھدے نیں ، اوہ جیہڑے ساڈے کول پانی ،لہو تے رُوح دے راہیں آیا ۔ اوہ خُدا دی سیوا اپنے خُدا دیاں حیران کرن والیاں کماں نال نئیں کردے ، سگوں اوہ اوہدے نال محبت کردے تے ایمان نال پہلوں اوہدی سیوا کردے نیں ۔ ایس لئی پئی اسیں ایمان رکھدے آں ، خُدا سانوں اپنی سیوا کرن دی عزت دیندا اے تے ساڈے نال ٹُردا اے ۔ ایس لئی پئی اسیں اوس اُتے ایمان رکھدے آں ، اوہ ساڈی مدد کردا اے ۔ تے ایس لئی پئی اسیں یِسُوعؔ اُتے ایمان رکھدے آں جیہڑا سانوں بپتسمے تے لہو نال بچا چُکیا اے جیہدے اُتے اسیں ایمان رکھدے آں ، اسیں خُدادے خادم بن گئے آں جیہڑے اوہدیاں راستباز کماں دی خدمت کردے آں ۔
سانوں ساریاں نوں ہُن لازمی سچ دا احساس کرنا چاہی دا اے پئی ، سانوں پاپ توں حتمی معافی دی مکتی دین دے سلسلے وچ ، ایہنوں اسمانی ، ارغوانی تے لال دھاگے تے مہین وٹے ہوئے کتان نال اُن کے خُدا نے خیمۂ اجتماع دے باہرلے برانڈے وچ ساڈی مکتی دا پھاٹک بنایا ۔ پاک کتاب سانوں دسدی اے پئی یِسُوعؔ ساڈے کول پانی ، لہو تے رُوح دے راہیں آیا ، تے ایہہ پئی اوہ سانوں ساڈیاں پاپاں توں پُرانے عہد نامے وچ خیمۂ اجتماع دے برانڈے دے پھاٹک دے اسمانی ، ارغوانی تے لال دھاگے تے مہین وٹے ہوئے کتان نال بچا چُکیا اے ۔ ساڈا خُداوند پاپ توں ساڈی مکتی دا پھاٹک بن گیا اے ۔ سانوں مسیحا دیاں ایہناں چونہہ کماں اُتے ایمان رکھنا چاہی دا اے ، تے یقین کرنا چاہی دا اے ، جیہڑےسانوں اصل وچ تے عملی طوراُتے ساڈیاں ساریاں پاپاں توں چھڈا چُکے نیں ۔
بپتسمہ جیہڑا یِسُوعؔ نےیوحنا کولوں لیاخیمۂ اجتماع دے برانڈے دے پھاٹک وچ وکھائے گئے اسمانی دھاگے دا اصلی جوہر اے
آؤ اسیں فیر متی ۳ : ۱۳ ۔ ۱۷ ول پرتیے ”تد یِسُوعؔ گلیل توں یردن دے کنڈھے یوحنا کول آیا پئی اوہدے ہتھوں بپتسمہ لَئے۔ پر یوحنا اوہنوں ایہہ آکھ کے روکیا پئی مینوں تیتھوں بپتسمہ لین دی لوڑ اےتےتُوں میرے کول آیا ایں ؟ تے یِسُوعؔ اوہنوں جواب دتا ۔ حالی تے ہون دے کیوں جو سانوں چاہیدا اے پئی ایسے طرح ساری راستبازی نوں پورا کرئیے ۔ تد اوس ہون دتا ۔ تے یِسُوعؔ بپتسمہ لے کے جھٹ پانیوں باہر نکل آیا۔تے ویکھو اسمان اوہدے لئی کھُل گیا تے اوس خُدا دے رُوح نوں کبوتر وانگوں اُتردیاں تے اپنے اُتے آؤندیاں ویکھیا ۔ تے ویکھو اسماناں توں اک اواز آئی پئی ایہہ میرا پیارا پُتر اے جس توں مَیں بڑا خوش آں ۔ “ تد ، جد یِسُوعؔ نے بپتسمہ لیا سی ، اوہنوں کواری مریم توں جمیوں تیہہ ورہے لنگھ گئے سن ۔ ایتھے اکھر، ”تد“ اوس ویلے ول اشارہ کردا اے جد دونویں یوحنا بپتسمہ دین والا تے یِسُوعؔ ۳۰ ورہیاں دے ہو گئے سن ۔
یوحنا بپتسمہ دین والا ، یِسُوعؔ توں ۶ مہینے پہلوں جمیا سی ، اوہ ایس زمین اُتے لوکاں دا نمائندہ سی جیہڑا اوہناں نوں توبہ دا بپتسمہ دیندا پیا سی (۳ : ۱۱ ،۱۱:۱۱) ۔جد یِسُوعؔ ۳۰ ورہیاں دا ہوگیا ، اوہ ایس یوحنا کول ، جیہڑا یردن دے دریا اُتے لوکاں نوں بپتسمہ دیندا پیا سی ، بپتسمہ لین لئی آیا۔ پر یوحنا بپتسمہ دین والے نے اوہنوں ، ایہہ آکھ کے ، روکن دی کوشش کیتی ، ”مینوں تیتھوں بپتسمہ لین دی لوڑ اےتےتُوں میرے کول آیا ایں ؟“ فیر یِسُوعؔ نے جواب دتا ، ”حالی تے ہون دے کیوں جو سانوں چاہیدا اے پئی ایسے طرح ساری راستبازی نوں پورا کرئیے ۔ “ فیر یوحنا نے ہون دتا تے یِسُوعؔ نے اوہدے کولوں بپتسمہ لیا ۔پاک کتاب ایہہ وی دسدی اے پئی جد یِسُوعؔ نے اِنج بپتسمہ لیا ، اسمان اوہدے لئی کُھل گیا ،تے ایہدے وچوں ، ایہہ آکھدیاں ہویاں ، اک اواز آئی، ”ایہہ میرا پیارا پُتر اے جس توں مَیں بڑا خوش آں ۔“
ایتھے متی ۳ : ۱۵ وچ یِسُوعؔ سانوں سبب دسدا اے اوہنے کیوں یوحنا کولوں بپتسمہ لیا ۔ ایہہ سچ خیمۂ اجتماع دے برانڈے دےاسمانی دھاگے ول اشارہ کردا اے؛ ”حالی تے ہون دے کیوں جو سانوں چاہیدا اے پئی ایسے طرح ساری راستبازی نوں پورا کرئیے ۔“ یوحنا کولوں لَئے گئے یِسُوعؔ دے بپتسمہ دا مقصد خیمۂ اجتماع دے اسمانی ، ارغوانی تے لال دھاگےوچ ظاہر کیتے گئے اوہدیاں کماں نال پاپیاں دیاں بدیاں نوں معاف کرنا سی —” کیوں جو]اوہنا ں نوں[ایسے طرح ساری راستبازی پوری کرنا جائز]سی[۔“
ایہہ پئی یِسُوعؔ مسیح یوحنا بپتسمہ دین والے کولوں بپتسمہ لَے کے اپنے آپ اُتے ہر کسے دیاں پاپاں نوں چُکے گا ایہہ خُدا دی راستباز محبت تے سارے پاپیاں دی مکتی دے اوہدےکم دی تکمیل سی ۔ جویں یوحنا ۳ :۱۶ فرماندا اے ، ” کیوں جو خُدا دُنیا نوں اجیہا پیا ر کیتا پئی اوس اپنا اکلوتا پُتر بخشیا تاں جو جیہڑا اوہدے اُتے ایمان لیاوے اوہ ہلاک ناہوئے سگوں اوہنوں سدا دی زندگی ملے۔ “ یِسُوعؔ نے سانوں دُنیا دیاں پاپاں توں بچاؤن لئی بپتسمہ لیا ، تاں پئی اسیں اپنیاں پاپاں دے سببوں لعنتی نا ٹھہرائے جائیے ۔ ایہہ ہے کیوں یِسُوعؔ نے خُدا دی ساری راستبازی تے یوحنا کولوں بپتسمہ لَے کے اپنے آپ اُتے ساریاں لوکاں دیاں پاپاں نوں چُک لیا ، ایس لئی پئی اوہناں لئی ایہہ ایسے طرح ساری راستبازی پوری کرنا ٹھیک سی ۔
”خُدا دی ساری راستبازی “ کیہ اے ؟ اُتلا حوالہ سانوں دسدا اے پئی ایسے سببوں یِسُوعؔ نے یوحنا بپتسمہ دین والے کولوں بپتسمہ لیا سی باپ دی ساری راستبازی نوں پورا کرنا سی ۔
ایتھے ، سانوں ٹھیک طریقے نال کھوجن دی ضرورت اے اصل وچ خُدا دی ساری راستبازی کیہ اے ۔ ”ساری راستبازی “ سچیائی ول اشارہ کردی اے پئی یِسُوعؔ مسیح نے یوحنا کولوں بپتسمہ لے کے اپنے آپ اُتے ساریاں لوکاں دیاں ساریاں پاپاں نوں چُک لیا ۔ اپنے بپتسمہ نال ، اوہنے ، اِکو ای واری اپنے آپ اُتے دُنیا دیاں ساریاں پاپاں نوں چُک لیا ۔ ایس لئی پئی اوہدے جمن دا مقصد اِکو ای واری دُنیا دیاں ساریاں پاپاں نوں مکاؤنا سی ، بپتسمہ جیہڑا یِسُوعؔ نے یوحنا کولوں لیا صاف طریقے نال راست سی ۔ خُدا دی ساری راستبازی پوری کرن دا مطلب خُدا دیاں راستباز کماں نوں پورا کرنا سی جیہڑے دُنیا دیاں ساریاں پاپاں نوں مکاؤندے نیں — یعنی ،ایہہ مکتی نوں پورا کرنا سی ۔
یِسُوعؔ دا بپتسمہ ناگزیر طریقہ سی جیہدے راہیں خُدا سانوں ساڈیاں پاپاں تو ں چھڈائے گا ۔ خُدا نے پُرانے عہد نامے وچ ساڈیاں پاپاں نوں مکاؤن لئی ایہہ مقرر کیتا ، اوہ یوحنا بپتسمہ دین والے نوں لوکاں دے نمائندہ بناکے کھلارے گا ، اوہدے ہتھوں اپنے پُتر یِسُوعؔ مسیح نوں بپتسمہ دواوے گا ، تے اِنج اپنے پُتر اُتے ساڈے سارے پاپ لد دیوے گا ۔ ایہہ خُدا دے فضل دے کم توں علاوہ کوئی دوجا نئیں سی ۔ کیوں جو خُدا نے ساڈے نال اینی محبت رکھی ، خُدا نے سانوں اپنے ذاتی پُتر بناؤن تے ساڈیاں پاپاں نوں مکاؤن دے راستباز کم نوں پورا کرن لئی یِسُوعؔ نوں یوحنا کولوں بپتسمہ دوایا ۔ ایس لئی خُدا نے آکھیا ، جد یِسُوعؔ بپتسمہ لَے چُکیا تے پانی وچوں اُتے آیا ، ” ایہہ میرا پیارا پُتر اے جس توں مَیں بڑا خوش آں ۔ “ دوجیاں اکھراں وچ ، خُدا باپ نے آکھیا ، ”اپنے بپتسمے نال ،میرا پُتراپنے آپ اُتے تہاڈیاں ساریاں پاپاں نوں اُٹھا چُکیا اے ۔ “
دوجیاں اکھراں وچ ، یِسُوعؔ مسیح ایس زمین اُتے آیا ، تے یوحنا کولوں بپتسمہ لین دے ایس طریقے نال ، اوہنے اِکو ای واری ساڈے سارے پاپ بوہت ودھیا طریقے نال چُک لَئے ، تے اِنج ساڈے پاپ مکاؤن لئی قربانی دا لیلا بن گیا ۔
ایہہ سی کیوں جو خُدا دے پُتر نے ساڈے بدلے بپتسمہ لیا ، تے اوہنے ایس طرح اپنے آپ اُتے ساڈیا ں ساریاں پاپاں نوں قبول کیتا ، یعنی اوہ ایہناں پاپاں نوں سولی اُتے لے گیا ، سولی اُتے مرگیا تے اپنا مہنگا لہو وگایا ، تے اِنج ساڈیاں ساریاں دا مکتی داتا بن گیا ۔ دوجیاں اکھراں وچ ، جیہڑے ایمان رکھدے نیں ، یِسُوعؔ سانوں ساڈیاں پاپاں لئی بپتسمہ لین ، سولی اُتے اپنے لہو نال اپنے آپ نوں قربان کرن ، تے فیر مویاں وچوں جی اُٹھن نال بچا چُکیا اے ۔ تے مویاں وچوں جی اُٹھن تے اپنیاں مکتی دیاں کماں نوں پورا کرن دے بعدوں ، اوہ ہُن خُدا دے تخت دے سجے پاسے بیٹھا اے ، تے جد اوہدا ویلا آئے گا ، اوہ لازمی اوہ واپس آئے گا ۔ ایہہ سچ پانی تے روح دی خوشخبری تے مکتی دا مرکز اے ۔
خیمۂ اجتماع دے برانڈے دے پھاٹک اُتے ، خروج ۲۷ : ۱۶ وچ لکھیا ہویا اے ، ” تے برانڈے دےپھاٹک لئی ویہہ ہتھاں دا اک پردہ ہوئے جیہڑا اسمانی ، ارغوانی تے لال رنگ دیاں کپڑیاں تے مہین وٹے ہوئے کتان دا بنیا ہویا ہوئے تے اوس اُتے ول بوٹے کڈھے ہون ۔ اوہدے ستون چارتے ستوناں دے خانے وی چار ای ہون ۔“سو خیمۂ اجتماع دے برانڈے دا پھاٹک ایہناں اسمانی ، ارغوانی تے لال دھاگے تے مہین وٹے ہوئے کتان نال اُنیا ہویا سی ۔ ایہہ سانوں سچ دسدا اے پئی اسیں مکتی دے انعام اُتے ایمان رکھ کے اسمانی بادشاہی وچ وڑدے آں ۔
اسمانی دھاگہ خیمۂ اجتماع دےبرانڈے دا پھاٹک وچ اُنیا گیا سی سچیائی بارے دسدا ا پئی ساڈے سارے پاپ یِسُوعؔ اُتے لدے گئے جد اوہ ایس زمین اُتے آیا تے بپتسمہ لیا ۔
ارغوانی دھاگہ سانوں دسدااے پئی یِسُوعؔ مسیح ، جنہے ساڈیاں پاپاں لئی بپتسمہ لیا ، بنیادی طور اُتے
آپ ای دُنیا بناؤن والا سی جنہے ساری دُنیا تے ایس وچ رہندی ہوئی ہر اک شے بنائی ، یعنی تہاڈا تے میرا خُداوند ۔ ارغوانی بادشاہواں دا رنگ اے (یوحنا ۱۹ :۲ ۔ ۳) تے ایس لئی ایہہ سانوں دسدا اے پئی یِسُوعؔ مسیح بادشاہواں دا بادشاہ تے ساریاں دا خُداوند اے ۔ اکھر ”مسیح“دا مطلب اے ”مسح کیتا ہویا “تے صرف بادشاہ ، کاہن یا نبی مسیح کیتے جاسکدے سن ۔ ایسے طرح ، بھاویں یِسُوعؔ مسیح اک بندے دے بدن وچ ایس زمین اُتے آیا ، اوہدی خاص پچھان اصل وچ بادشاہواں دا بادشاہ وانگر سی ۔ دوجیاں اکھراں وچ ، یِسُوعؔ خُداوند تے دُنیا بناؤن والا سی جنہے ساری دُنیا بنائی ۔ یِسُوعؔ آپ اپنی مرضی دا مالک خُدا تے خُدا باپ دا اِکو اِک پُتر سی ۔
لال دھاگہ جیہڑا خیمۂ اجتماع دے پھاٹک وچ اُنیا گیا سی قربانی بارے دسدا اے جیہڑی ایس بادشاہواں دا بادشاہ نے دتی جد اک بندے دے بدن وچ ایس زمین اُتے آؤن تے اپنے بپتسمہ نال اپنے آپ اُتے ساڈیاں پاپاں نوں لین دے بعدوں ، اوہ سولی اُتے چڑھیا تے سولی اُتے اپنا لہو وگایا ۔ یِسُوعؔ مسیح نے ساڈے بدلے ساڈیاں پاپاں دا مُل ، بپتسمہ لین ، اپنا مہنگا لہو وگاؤن تے ایس طرح ساڈے بدلے اپنے آپ نوں قربان کر کے ، اُتاریا ۔ ایہہ لال دھاگہ یِسُوعؔ مسیح دی قربانی دے لہو نوں ظاہر کردا اے ۔
اخیریں، مہین وٹیا ہویا کتان خُدا دے پُرانے تے نویں عہد نامیاں دے پیچیدہ کلام بارے دسدا اے ۔ پاک کتاب سانوں پُرانے تے نویں عہد نامیاں دے کلام دے راہیں ساڈی مکتی بارے دسدی اے ۔ پُرانے عہد نامے وچ خُدا نے وعدہ کیتا پئی اوہ ساڈے کول پاپیاں دے مکتی داتا وانگر آئے گا ، تے نویں عہد نامے وچ ، بالکل جویں اوہنے وعدہ کیتا سی ، یِسُوعؔ مسیح ، آپ ای خُدا ، سچ مُچ ایس زمین اُتے آیا ، بپتسمہ لیا تے سولی اُتے اپنا لہو وگایا —سارا اپنے آپ نوں ساڈیاں پاپاں لئی قربانی لئی دے دتا ۔
اسمانی دھاگے نال ، خُدا نے کلام نوں ظاہر کیتا پئی یِسُوعؔ مسیح سانوں ساڈیاں پاپاں توں بچاؤن لئی تے اپنے بپتسمے نال اپنے آپ اُتے ساڈیاں ایہناں پاپاں نوں چُکن لئی ایس زمین اُتے آیا ؛تے ارغوانی دھاگے نال ، اوہنے وکھایا پئی ایہہ اِکو جنہے بپتسمہ لیا اصل وچ آپ ای خُدا سی ۔ تے لال دھاگے نال ، خُدا نے وکھایا پئی اوہ تہانوں تے مینوں ساڈے مکتی داتا وانگر ایس زمین اُتے آؤن ، بپتسمہ لین ، سولی اُتے دُنیادیاں پاپاں نوں لے جان ، تے اپنا مہنگا لہو وگا کے ساڈیاں پاپاں توں بچا چُکیا اے ۔
یعنی ایہہ مکتی پُرانے عہد نامے وچ وعدہ کیتے گئے خُدا دے کلام نال ملی، دوجے پاسے ، مہین وٹے ہوئے کتان نال وکھائی گئی سی ۔ایس لئی پئی خیمۂ اجتماع دے برانڈے دا پھاٹک ایہناں اسمانی ، ارغوانی تے لال دھاگے تے مہین وٹے ہوئے کتان نال اُنیا گیا سی ۔ جد اسیں خیمۂ اجتماع دےبرانڈے دےپھاٹک اُتے دھیان کردے آں ، ایہہ پھاٹک ظاہر کردا تے سانوں صاف طریقے نال وکھاؤندا اے ، صرف کویں خُدا سانوں ساڈیاں پاپاں توں بچا چُکیا تے سانوں اپنے لوک بنا چُکیا اے ؛ ایس طرح ، سانوں ساریاں نوں لازمی خیمۂ اجتماع دے برانڈے دے پھاٹک لئی ورتے گئے چونہہ دھاگیاں دے روحانی مطلب اُتے ایمان رکھنا چاہی دا اے ۔
خیمۂ اجتماع دےبرانڈے دے پھاٹک دیاں رنگاں بارے بولدیاں ہویاں ، پاک کتاب پہلوں ایہدے اسمانی دھاگے دی گل کردی اے اسیں بوہتی وار ارغوانی، اسمانی تے لال دھاگے دی ترتیب بارے سوچدے آں ، پر پاک کتاب اصل وچ اسمانی ، ارغوانی تے لال دھاگے دی ترتیب وچ فہرست بناؤندی اے ۔ایہہ ساڈے اُتے اسمانی دھاگے دی اہمیت نوں ظاہر کردا اے ۔ جد پئی یِسُوعؔ بِنا شک ایس زمین اُتے ساڈے مکتی داتا وانگر آیا ، جے اوہنے یوحنا کولوں بپتسمہ نا لیا ہوندا ، اسیں اپنیاں پاپاں توں پاک ہون دے لائق نئیں ہوواں گے ۔ ایس لئی یِسُوعؔ نے سانوں دُنیادیاں پاپاں توں بچاؤن لئی ،یوحنا کولوں بپتسمہ لیا تے سولی اُتے مویا ، ایہہ سارا باپ دی مرضی دی فرمانبرداری وچ سی ۔
یِسُوعؔ ساری دُنیا دا خُداوند اے جنہے ساریاں شیواں پیدا کیتیاں ، تے اوہ ساڈا خُدا اے ، اوہ آپ ای خُدا اے جیہڑا سانوں ایس زمین اُتے جمن دے لائق کر چُکیا اے ، جیہڑا سانوں نویں زندگی دے چُکیا اے ، تے جیہڑ ا ساڈیاں زندگیاں اُتے بادشاہی کردا اے ۔ اوہنے سانوں ساڈیاں پاپاں توں بچاؤن لئی ، ساریاں لوکاں دے نمائندے کولوں بپتسمہ لینا سی تے اِنج اپنے آپ اُتے ساڈیاں ساریاں پاپاں نوں چُکنا سی ۔ دوجیاں اکھراں وچ ، ایہہ یوحنا کولوں بپتسمہ لین دے راہیں ہیگا اے پئی یِسُوعؔ مسیح ساڈا سچا مکتی داتا بن گیا اے ۔
ایہہ سانوں ساڈیاں پاپاں توں چھڈاؤن لئی سی پئی یِسُوعؔ مسیح ایس زمین اُتے آیا ، تے ایہہ پئی اپنے آپ اُتے ساڈیاں ساریاں پاپاں نوں چُکنا سی پئی اوہنے بپتسمہ لیا ۔ جے پہلوں اوہدا بپتسمہ نا ہوندا تاں مسیح کدی وی سولی اُتے چڑھن دے لائق نا ہوندا ۔ ایس لئی خیمۂ اجتماع دےبرانڈے دا پھاٹک سانوں صاف طریقے نال وکھاؤندا پیا اے صرف کنے ودھیاطریقے نال یِسُوعؔ مسیح سانوں ساڈیاں پاپاں توں بچا چُکیا اے —یعنی، اوہدی مکتی دا ٹھیک طریقہ ۔
خیمۂ اجتماع دے برانڈے دے پھاٹک دے رنگ سانوں دسدے نیں پئی یِسُوعؔ مسیح ایس زمین
اُتے آئے گا یوحنا کولوں لَئے گئے اپنے بپتسمے نال اپنے آپ اُتے ساریاں لوکاں دیاں ساریاں پاپاں نوں چُکے گا تے سولی اُتے چڑھے گا — یعنی ، دوجیاں اکھراں وچ ، اوہ آپ ساڈیاں ساریاں پاپاں دی فکر کرے گا ۔ جد یِسُوعؔ نے بپتسمہ لیا اسمان دا پھاٹک کھُل گیا تے خُدا باپ نے فرمایا ،”ایہہ میرا پیارا پُتر اے جس توں مَیں بڑا خوش آں ۔“ یِسُوعؔ مسیح ساڈا مسیحا تے مکتی داتا اے ، پر اوہ خُدا دا پُتر ، اصل دُنیا بناؤن والا خُدا وی اے جنہے اپنے مُنھ دے کلام نال ساری دُنیا نوں بنایا ۔ پاک خُدا ہوندیاں ہویاں ، اوہدے لئی ساڈاسچا مکتی داتا بنن دے سلسلے وچ یِسُوعؔ بپتسمہ لَے کے ساڈیاں ساریاں پاپاں نوں چُک سکدا سی ۔
یِسُوعؔ مسیح جنہے ساری دُنیا بنائی تے ایہدے اُتے راج کردا اے سانوں ساڈیاں پاپاں توں صاف مکتی وکھا چُکیا اے ۔ ایس لئی پئی یِسُوعؔ مسیح ساڈیاں پاپاں نوں مکاؤن لئی ، ایس زمین اُتے آیا ، اپنے بپتسمے نال اپنے آپ اُتے اِنج سارے پاپ چُک لَئے تے سولی اُتے مرگیا یعنی تُسیں تے مَیں سچ مُچ مکتی یافتہ ہوگئے آں ۔ یِسُوعؔ مسیح دُنیا بناؤن والا اے جیہڑا ساڈی زندگی تے موت اُتے راج کردا اے ، جنہے ساری دُنیا پیدا کیتی ، تے جیہڑا ساڈیاں پئو دادیاں تے ساریاں لوکاں نوں ایس زمین اُتے لیایا ۔ اوہ اسمانی ، ارغوانی تے لال دھاگے تے مہین وٹے ہوئے کتان دا اصلی جوہر سی ۔
خُدا آپ ای پاپیاں دی قربانی دے لیلے وانگر ایس زمین اُتے آیا ۔ یِسُوعؔ جیہڑا سانوں بچا چُکیا اے ۔ ایہہ اپنی مرضی دا مالک خُدا تے ترس بھریا خُدا سی ۔ ایس لئی پئی یِسُوعؔ مسیح نے اپنے بپتسمے نال اپنے آپ اُتے ساریاں پاپاں نوں چُک لیا یعنی اوہنے خُدا دی ساری راستبازی پوری کیتی ، تے ایس لئی پئی اوہ سولی تیک دُنیا دیاں پاپاں نوں لَے گیا ، سولی اُتے چڑھیا تے اپنا مہنگا لہو وگایا ۔ بالکل جویں ایہہ خیمۂ اجتماع دےبرانڈے وچ وکھایا گیا اے ، یِسُوعؔ مسیح ساڈے سارے پاپ مکاؤن لئی ساڈا اپنا قربانی دا لیلہ بن گیا ۔
ایہو ای سبب اے پئی نا صرف خیمۂ اجتماع دے برانڈے دا پھاٹک، سگوں پا ک تھاں دا پھاٹک ، بوہتی پاک تھاں دا پھاٹک ، تے ایتھوں تیک پئی خُدا دے گھر دا پردہ وی سارے اسمانی ، ارغوانی تے لال دھاگے تے مہین وٹے ہوئے کتان نال اُنے ہوئے سن ۔ ایس لئی پئی یِسُوعؔ مسیح نے تہاڈے لئی بپتسمہ لیا یعنی تُسیں تے مَیں ایس اُتے ایمان رکھ کے اپنیاں ساریاں پاپاں توں پاک ہو گئے آں ۔ یِسُوعؔ نے ساری راستبازی پوری کرن لئی بپتسمہ لیا تے ایہہ راستبازی اپنے بپتسمے دے راہیں اپنے آپ اُتے ساریاں لوکاں دیاں پاپاں نوں چُک کے پوری کیتی گئی سی ۔ ایس لئی سانوں لازمی کیہ کرنا چاہی دا اے احساس کرنا اے پئی ساڈیاں زندگیاں دے سارے پاپ وی اوس ویلے یِسُوعؔ اُتے لد دتے گئے تے ایسے طرح ایمان رکھئیے ۔
پر، بوہت سارے مسیحی ہیگے نیں جیہڑے اوس اُتے من مرضی تے بے پرواہی نال ایمان رکھدےنیں ۔ اوہ اپنے ذاتی بدکاری دے دینی ایمان نوں چھڈن لئی ، بالکل مُڈھوں خُدا نوں للکاردیاں ہویاں بوہت اڑیل نیں ۔ سانوں اوس اُتے مکتی دے راہ دے مطابق ایمان رکھنا اے جیہڑا اوہ سانوں دے چُکیا اے ۔ یِسُوعؔ نے آکھیا ، ” مَیں ای راہ تےسچیائی تے زندگی آں “(یوحنا ۱۴ : ۶)۔ اوہ سانوں دسدا پیا اے ، ” مَیں راہ آں ، جیہڑا تہانوں اسمان تیک لَے جاندا اے ۔ مَیں ایالی ، راہ تے سچیائی آں ۔ مَیں بِنا شک زندگی آں جیہڑی تہانوں بچاؤندی اے۔ “سانوں ساڈیاں پاپاں توں بچا کے ، یِسُوعؔ مسیح ساڈے لئی نویں زندگی دا خُداوند بن گیا اے ۔
جد اسیں یِسُوعؔ اُتے ایمان رکھدے آں ، سانوں کویں سمجھنا تے او س اُتے ایمان رکھنا چاہی دا اے
اسیں اپنیاں ساریاں پاپاں توں صرف ٹھیک راہ اُتے ایمان رکھ کے مکتی یافتہ ہو سکدے آں ایہہ پئی اوہ ایس زمین اُتے آیا تے سانوں بچا چُکیا اے ۔ اکھر ”ایمان“ ایہدے جیہے مطلب نوں رَلاؤندا اے جویں پئی مثال اے ، ”انحصارکرنا “ ”کسے شے نوں پھڑنا “ ”بھروسہ کرنا ۔ “ وڈیرے بوہتا اپنیاں نیانیاں اُتے بھروسہ کردے نیں جد اوہ بوہت بُڈھے ہو جاندے نیں ، ایس لئی پئی اوہناں لئی اپنے آپ رہنا بوہت اوکھا ہوندا اے ۔ ایسے سببوں اسیں خُدا اُتے اپنے آپ بھروسہ کر کے زندہ رہندے آں ، ایس لئی پئی اسیں سوکھے جیہے اپنیاں پاپاں نوں اپنی کوشش نال مکا نئیں سکدے ۔ ایتھوں تیک پئی جے اسیں اپنے آپ پاپ نا کرن دی کوشش کردے آں ، فیر وی اسیں اپنیاں زندگیاں سدا پاپ کردیاں ہویاں بسر کردے آں ۔ ایہہ ایس لئی پئی اسیں اپنے آپ نوں اپنیاں پاپاں توں چھڈا نئیں سکدے ۔ ایس لئی اسیں خُدا اُتے ایمان رکھدےآں تے یِسُوعؔ مسیح اُتے اپنے مکتی داتا وانگر ایمان رکھ کے پئی اوہ ساڈے لئی کیہ کر چُکیا اے اپنا بھروسہ رکھدے آں ۔
ایس لئی پئی جد اسیں یِسُوعؔ اُتے ایمان رکھدے آں تے اپنی مکتی لبھدے آں ، سانوں لازمی پہلوں جاننا چاہی دا اے پئی کیہڑی قِسم دا ایمان ٹھیک ایمان اے ۔ تقریباً ۲۰۰۰ مسیحی ورہے پہلوں یِسُوعؔ تہانوں تے مینوں — بِنا شک ، ہر کسے نوں تے ایس دُنیا دیاں لوکاں وچوں ساریاں نوں — ساڈیاں پاپاں توں بچاؤن لئی ایس زمین اُتے آیا ۔ ۳۰ ورہیاں دا ہو کے ، فیر اوہنے یوحنا بپتسمہ دین والے کولوں بپتسمہ لیا تے اِنج اپنے آپ اُتے دُنیا دیاں ساریاں پاپاں نوں چُک لیا ۔ سانوں ساریاں نوں لازمی ایس سچیائی اُتے ایمان رکھنا چاہی دا اے ۔ سانوں لازمی ایمان رکھنا چاہی دا اے پئی جد یِسُوعؔ نے نا صرف تہاڈیاں تے میریاں پاپاں نوں قبول کیتا سگوں دُنیادیاں ساریاں پاپاں نوں اپنے بپتسمے نال اپنے آپ اُتے قبول کیتا ، ہر پاپ ، لنگھے ہوئے زمانے ، اج دے زمانے تے ایتھوں تیک پئی آؤن والے زمانےدےسارے یِسُوعؔ مسیح نے پہلوں ای چُک لَئے سن ۔
پر، بوہت سارے لوک حالے تیک ایس سچ نوں ردّ کردے پئےنیں پئی ناصرف دُنیا دے سارے پاپ سگوں اوہناں دے اپنے پاپ وی یِسُوعؔ اُتے لدے گئے جد اوہنے بپتسمہ لیا سی تے صرف صلیبی لہو اُتے ایمان رکھدے رہندے نیں ۔ ایس لئی پئی اوہناں وچوں کوئی وی سوکھے جیہاں پچھان نئیں سکدا کیہڑا ایمان ٹھیک اے ، ایتھوں تیک پئی اوہ سارےویکھدے نیں پئی خیمۂ اجتماع دے سارے پھاٹک اسمانی ، ارغوانی تے لال دھاگے تے مہین وٹے ہوئے کتان نال اُنے ہوئے سن ۔
جد یِسُوعؔ مسیح سانوں بچاؤن لئی ایس زمین اُتے آیا ، اوہنے سانوں اک بِنا سوچیاں سمجھیاں طریقے نال نئیں بچایا ۔ ایس لئی پئی اوہنے اصل وچ اپنے بپتسمہ نال اپنے آپ اُتے ساڈیاں ساریاں پاپاں نوں چُک لیا تے اپنے سولی اُتے مرن نال ساڈیاں پاپاں دی ساری سزا جری یعنی تُسیں تے مَیں سارے دے سارے مکتی یافتہ ہو گئے آں ۔ اِنج یِسُوعؔ مسیح ساری دُنیا نوں بچا چُکیا اے ۔ ایس لئی پئی ساڈے خُداوند نے آکھیا ، ”تے جیہڑا میرے کول آؤندا اےاوہنوں مَیں کدے وی باہر نا کڈھاں گا ۔“(یوحنا ۶ : ۳۷)۔
جد اسیں کہندے آں پئی اسیں یِسُوعؔ اُتے ایمان رکھدے آں ، اسیں صرف اوہدےکردار اُتے ایمان نئیں رکھدے ، نا ای صرف اوہدی ساری طاقت اُتے۔سگوں اسیں ایمان رکھ کے بچائے گئے آں پئی مسیح ، ایس سچیائی دے ہوندیاں ہویاں پئی اوہ خُدا اے ، ایس زمین اُتے آیا ، اپنے بپتسمے نال اپنے آپ اُتے تہاڈیاں تے میریاں ساریاں پاپاں نوں چُک لیا ، تے ساڈے بدلے سولی اُتے قربان ہویا ۔ جد اسیں خیمۂ اجتماع وچ وکھائی گئی مکتی اُتے دھیان کردے آں ، ایہہ شیشے وانگر ساڈے لئی صاف بن جاندی اے صرف بالکل ٹھیک ایمان کیہ اے جیہڑا سانوں لازمی رکھنا چاہی دا اے جد اسیں یِسُوعؔ اُتے ایمان رکھن دا اقرار کردے آں ۔
اج بوہت سارے لوک ہیگے نیں جیہڑے صر ف صلیبی لہو اُتے ایمان رکھدے نیں ، لگاتار گاؤندیاں ہویاں ، ” ♫کیہ تُسیں پاپ دے بھار توں چھُٹ جاووگے ؟ لہو وچ طاقت اے ،لہو وچ طاقت اے ♫،“تےاپنے سچے دلوں ،انھے وا ،رولا پاؤندے نیں ،”اے خُدا ! مَیں ایمان رکھدا ہاں ! “ کوئی معنی نئیں رکھدا اوہ کنے جوش نال یِسُوعؔ اُتے ایمان رکھدے نیں ، اوہ کدی صرف اِکو صلیبی لہو اُتے ایمان رکھ کے اپنیاں پاپاں توں نئیں چھُٹ سکدے ۔
ایس لئی پئی اسیں ایہو جیہے آں پئی اسیں کدی وی اپنیاں ساریاں زندگیاں وچ اپنیاں پاپاں توں چھُٹ نئیں سکدے ، سانوں لازمی مکتی داتا دی ضرورت اے ، تے ایہہ مکتی داتایِسُوعؔ مسیح توں ہٹ کے کوئی دوجا نئیں ہیگا ۔ یِسُوعؔ مسیح جیہڑا تہانوں تے مینوں چھڈاؤن لئی آیا مکتی داتا ،بادشاہواں دا بادشاہ ، ساری دُنیا بناؤن والا اے جنہے ساری دُنیا تے ایس وچ ہر شے نوں بنایا ، تے ساڈیاں زندگیاں دا خُداوند اے ، اوہ ایس زمین اُتے آیا ، اپنے بپتسمے نال اپنے آپ اُتے ساڈیاں پاپاں نوں چُک لیا ، تے سولی اُتے مر کے سانوں ساڈیاں پاپاں توں پاک کر دتا ۔ دوجیاں اکھراں وچ ، اسیں یِسُوعؔ مسیح اُتے ایمان رکھ کے مکتی یافتہ ہوئے آں ، جنہے اپنے بپتسمے تے سولی نال ، ساڈے مکتی داتا وانگر ساڈیاں پاپاں دی ساری سزا جری ۔ ایہہ خیمۂ اجتماع دے برانڈے دا پھاٹک سانوں صاف تے خاص کر کے وکھاؤندا پیا اے ۔
لوک جیہڑے یِسُوعؔ اُتے صرف دینی طریقے نال ایمان رکھدے نیں
اج کل لوک دعویٰ کردے نیں پئی اوہ اِکو صرف صلیبی لہو اُتے ایمان رکھ کے مکتی یافتہ ہوسکدے نیں ۔ ایہو جیہے پھوکے دعوے کرنا اوہناں دے دینی ایمان دےاِک وکھالے توں بوہتا کجھ نئیں اے ۔ ایہہ لوک کہندے نیں ، ”جد مَیں اپنیاں ساریاں توبہ دیاں دعاواں خُدا اگے کیتیاں ، پاک رُوح نےمیرے دل وچ میرے نال گل کیتی ، ’ میریا پُترا ، مَیں تیریاں پاپاں نوں معاف کیتا اے ‘ مَیں کناں شکرگزار ساں جد مَیں اوہدی اواز سُنی ! “ اوہ ایہہ کہندیاں ہویاں اِنج دعوے کردے نیں پئی ایہو جیہے عقیدے اوہناں دے ایمان دی گواہی نیں ۔
پر ساڈی مکتی ،ساڈیاں اپنیاں جذباتی سوچاں نال نئیں ملدی ۔ سگوں ، اسیں اپنی شخصیت دیاں ساریاں جہتاں:علم ، جذبے تے پکے ارادے نال بچائے جاندے آں ۔ دوجیاں اکھراں وچ ، پہلوں ایہہ جان کے پئی کویں خُدا ساڈا مکتی داتا سانوں بچا چُکیا اے ، تے ایہدے اُتے رکھن دےراہیں ۔ پر دیناں بارے کیہ خیال اے ؟ اوہ کیہ نیں ؟ دین بندیاں دے بنائے ہوئے لوکاں دے اپنیا ں خیالاں نال بنائے گئے اداریاں توں بوہتا کجھ نئیں نیں ۔
بوہت چر پہلوں ، میرے خنوادے وچ ، میری ماں نائن سی ۔مَیں اوہدی مدد کردا ہوندا ساں ، سارے کھانا بناؤن والے مکان وچ اوہدا کہنا من دیاں ہویاں ،پُچھدے ہویاں اوہنوں کیہڑی شے چاہی دی سی —پاک کتاب وچوں دی کُجھ یعقوب دی قِسم وانگر ۔ جدمیری ماں کھانا بناؤن والے مکان وچ کھانا تیار کرن وچ لگی ہوندی سی ، مَیں کھانے والے کمرے وچ میز نوں سجاؤن وچ لگا ہوندا سا ۔ میری ماں تے مَیں اک ودھیا میل جول رکھدے ساں ۔ سرگی ویلے اُٹھ کے اسیں اگ بالدے، میز تیار کردے ، تے کھانے دے بعدوں ، اک جھاڑو نال کھانا بناؤن والے مکان دے فرش نوں صاف کردے ۔ ایس جھاڑو نال صبح دے سارے کم کار مک جاندے سن ۔
اوہناں دیاں وچ کوریاوچ ایہہ کوئی اچرج کم نئیں سی ۔ پر بوہتی دلچسپی والی گل ایہہ سی پئی ایہہ خاص جھاڑو جیہڑا کھانا بناؤن والے مکان دا فرش صاف کرن لئی ورتیا جاندا سی اچانک اک دیوتا وچ بدل جائے گا جیہڑا ظاہری طریقے نال سانوں اوہ ہر شے دیوے گا جیہڑی اسیں منگاں گے ۔ دوجیاں اکھراں وچ ، بوہت سارے لوک ہیگے سن ، جیہڑے سچ مُچ ایس بُسے ہوئے جھاڑو اگے دعاواں منگ دے سن ۔ ایہوجیہے عقل دے گھاٹے ساڈیاں زندگیاں وچ بوہت سن ؛ ناصرف ایہہ ، سگوں جد کدی خنوادے وچ یا گوانڈیاں وچ کُجھ بے نصیبی ہوندی ، اسیں جادو ٹونے لئی کسی شمان نوں بلاؤندے ہوندے ساں ۔ ایس لئی پئی اوس ویلے لوک ہمہ اوست عقیدے رکھدے سن تے ایمان رکھدے سن پئی دیوتا ہر تھاں سن ، نا صرف ایہہ جھاڑو جیہڑا زمین صاف کرن لئی ورتیا جاندا سی اک دیوتا بن سکدا سی ، سگوں وڈیریاں دیاں تختیاں وی جنہاں اُتے اوہناں دیاں پئو دادیاں دے ناں لکھے ہوئے سن ، پہاڑ اُتے اک وڈی چٹان ، یا عملی طریقے نال ہر دوجی شے جیہڑی اوہناں دیاں اکھاں نیں ویکھی اک دیوتا بن سکدی سی ۔
اج کل ، ویلا لنگھن دے نال نال لوک اِنج دی جہالت وچوں ہولی ہولی باہر آگئے نیں ، پر او س ویلے ، ایہہ واقع ہون والی اک عام شے سی پئی صرف کوئی وی شے اک دیوتا بن جائے گی ۔ ایس لئی اوس ویلے دیاں بوہت چلن والیاں کاروباراں وچوں اک جادوگری ای سی ۔ مینوں نا سمجھ وچ آؤن والے منتر پھوکھن والے جادو ٹونا کرن والے جادوگر یاد نیں ۔ مَیں جادوگر دے جادو دے طریقے اُتے اک منتر گاؤندیاں ہویاں نقل کردا ہوندا ساں ، اِنج آکھدیاں ہویاں ، ”ابراکڈبرا ، ابراکڈبرا ، دن دی لو ہو جائے ، دن دی لو ہو جائے ،ہر شے میری اے جد دن دی لو ہوجائے گی ۔جذبے دی کمی دے سبب کدو دا بیرل ٹُٹ گیا سی ۔ ابراکڈبرا ۔“ یقیناً، مینوں کوئی پتہ نئیں سی اوہناں دا کیہ مطلب سی ۔
جدایہو جیہی جادوگری گوانڈیاں دیاں گھراں وچ کیتی جاندی سی ، ساریاں پِنڈاں وچوں سارے اوہنوں رَل کے ویکھن لئی اکٹھے ہو جاندے سن ۔ ایہو جیہے اک ویلے دا چیتا مینوں آیا جد اک مرے ہوئے سُور دے سِر وچ کسے اشارے توں اڈ ہسدیاں ہویاں چُنجاں دھکیاں گئیاں سن ۔ کنیاں بوہتیاں چُنجاں دھکیاں جاندیاں سن جادوگردیاں منتراں تے اوہدی طاقت دا پتہ کردیاں سن ۔ ایہہ جادوگری ساری رات جد تیک صبح دی لو نانکلدی ہوندی رہندی سی ۔
میریاں پرانیاں جانن والیاں وچوں اک بندہ ایہو جیہا وی سی جیہڑا اک کواری روح نوں اپنے قبضے وچ رکھن دا دعویٰ کردا سی ۔ اوہ دعویٰ کردا ہوندا سی پئی اوہ بوہت چوکھیاں ساریاں بدروحاں نوں کڈھ سکدا سی ، ایس لئی پئی اوہ اک کواری روح نوں اپنے قبضے وچ رکھدا سی — کواریاں روحانی لازمی دوجیاں توں بوہتیاں تگڑیاں ہوندیاں سن ۔ اوہنے آکھیا پئی جے اوہ اک بوہتی تگڑی بدروح نوں کڈھدیاں ہویاں مک جائے گا ، اوہ ایس بدروح نوں کڈھن دے بجائے آپ ای اپنی سنگھی نَپ سکدا سی ، پر ایہدے باوجود اوہنے دعویٰ کیتا پئی اوہ ساریاں جادوآں والیاں بدروحاں کڈھ سکدا سی ۔ اوہ اک جادوگر سی ۔
اوہ اپنا بوہتا ویلا عام طریقے نال بالکل کسے دوجے وانگر گزاردا سی ۔ پر جد کدی کوئی اوہنوں اوہداجادوٹونا کرن لئی کہندا ، اوہ اک جادوگر دے روپ والے اپنے کپڑے بدلدا تے اپنا جادوٹونے والا کم کردا ، ایہدا سبب ایہہ ہیگا اے پئی لوکاں دیاں دلاں اُتے ایہو جیہاں وہم بھریاں گلاں نیں قبضہ کیتا ہویا اے پئی اوہ اِنج دیاں پُرانیاں دیناں نوں من دے نیں جنہاں دا خُدا دے کلام نال کوئی میل جول نئیں ہیگا تے ساریاں اِنج دیاں کملیاں وانگر شرم والیاں شیواں اُتے یقین کر لیندے نیں ۔
دوجیاں اکھراں وچ ،لوکا ں نیں اپنے ذاتی دین بنائے نیں ۔ جویں اُتلی کہانی وچ ، اوہناں نیں اپنے دلوں دیوتے بنائے نیں ، ایس لئی پئی لوکاں دی اِنج دی عادت اے ،ایتھو ں تیک پئی جویں مسیحی ،جد اوہ دسے جاندے نیں پئی یِسُوعؔ اوہناں لئی سولی اُتے چڑھیا اوہ سوکھے طریقے نال ایس اُتے اپنیاں جذبیاں نال مغلوب ہوسکدے نیں تے مسلّط ہو کے مک جاندے نیں تے اوہدے اُتے انھے وا ایمان رکھدے نیں ۔ تے جد اوہناں نوں دسیا جاندا اے پئی یِسُوعؔ خُدادا پُتر خالق اے جنہے ساری دُنیا نوں بنایا ، اوہ صرف ایہدے نال محبت کردے نیں ، تے اک واری فیر شرطوں اڈ طریقے نال ایمان رکھدے نیں ۔ اوہ ایہہ سُن کے وی محبت کردے نیں ، ” مَیں ای راہ تےسچیائی تے زندگی آں ۔ کوئی میتھوں اڈ باپ دے کول نئیں آؤندا۔“ تے ،فیر دوبارہ ، ایس اُتے کسے اصل سُدھ بُدھ تو ں بغیر شرطوں اڈ ایمان رکھدے نیں ۔ ایس لئی پئی خُدا دے مُنھ دی کوئی گل غلط نئیں ہیگی ، ایتھوں تیک پئی جد اوہ پہلی واری خُدا دا چنگا کلام سُن دے نیں ، اوہ ساراجیہڑااوہ کہندے نیں ایہہ ہیگا اے پئی اوہ صرف یِسُوعؔ نال محبت رکھدے نیں ۔
پر یِسُوعؔ اوہناں لوکاں دی عدالت کرن لئی آئے گا جنہاں دے دل یِسُوعؔ اُتے اپنے ایمان دا اقرار کرن دے باوجود حالے تیک پاپی ای نیں ۔ اوہ اوہناں نوں نال لے جان لئی وی آئے گا جیہڑے پانی تے رُوح دی خوشخبری اُتے ایمان رکھدے نیں ۔ بوہتے لوک جیہڑے پانی تے رُوح دی خوشخبری دے سچ نوں نئیں جان دے تے یِسُوعؔ اُتےصرف اپنے ذاتی خیالاں والا ایمان رکھدے نیں ، اپنیاں دینی زندگیاں دے شروع ہون دے تقریباً دساں ورہیاں وچ اخیریں سوچن گے پئی اوہ سچ مُچ پاپی نیں جیہڑے خُدا دی شریعت مطابق زندہ رہن دے لائق نئیں ہیگے ۔
مَیں وی ، یِسُوعؔ اُتے انھے وا ایمان رکھدا سا ں ۔ مَیں ہر ویلے وڈیائی دے گیت گاؤندا ہوندا ساں ، سوکھے جیہے یِسُوعؔ نال ملن دے بعد خوشی نال بھریا ہویا ساں ۔ پر یِسُوعؔ نوں جانن دے بعدوں مَیں شریعت نوں جانیا،تے شریعت نوں جانن دے بعد ، مَیں اپنیاں پاپاں نوں جانیا ، اپنیاں پاپاں نوں جانن دے بعد ،فیر مینوں پتہ لگیا پئی پاپ دی سدا سزا ملے گی ، تے نتیجے طور اُتے ، پاپ دے دکھ آئے ۔
پاپ دے ایہہ دکھ دُور کرن لئی ، ایس لئی مَیں اپنیاں توبہ دیاں سچے دلوں دعاواں کرداساں ۔ پر، ایہو جیہا ایمان صرف شکی لوکاں وانگر سی ۔جیہدے نال لوک ساریاں شیواں دی برکت پاؤن لئی دعا منگدے سن ۔ ایس لئی پئی میرا دل خُدا دے کلام وچ لکھی ہوئی شریعت نوں جانن دے بعد بوہت دکھی ہوگیا تے میریاں پاپاں بارے احساس کیتا ، مَیں سوچیا مَیں اپنیاں توبہ دیاں دعاواں کرنیاں سن ، تے اِنج دیاں توبہ دیاں دعاواں میرے لئی کُجھ جذباتی سکون لیاؤن ۔ پر پاپ فیر وی میرے دل وچ موجود رہیا ،تے ایہہ جان کے پئی میری روح حالے تیک پاپ دی قیدی سی ، مَیں دکھی ساں ۔
ایس طرح ، ایہہ ایس لئی نئیں سی پئی مَیں اپنیاں پاپاں وچ پھسیا ہویاساں پئی مَیں ایمان رکھن تے یِسُوعؔ نال محبت کرن لئی آیا ، سگوں ایہہ ایس لئی سی ایس لئی پئی مَیں یِسُوعؔ اُتے ایمان رکھیا سی پئی مینوں اپنیاں پاپاں دا احساس ہویا ، تے ایہہ اِنج اپنیاں پاپاں نوں جانن دے بعد سی پئی دکھ میرے تیک آیا ۔ ” مَیں لازمی بوہت پہلوں یِسُوعؔ اُتے ایمان رکھیا سی ،“ مَیں ایتھوں تیک پئی سوچیا تے ایتھوں تیک پئی پچھتاؤندا ہویاں ختم ہو گیا پئی مَیں اپنی جوانی وچ کنی چھیتی یِسُوعؔ نوں جانیا تے ایمان رکھیا ۔ فیروی مَیں یِسُوعؔ اُتے ایمان رکھن نوں روک نا سکیا ۔تے ایس طرح پاپ دے ایس بندھن نوں توڑن لئی ، مَیں اپنیاں توبہ دیاں دعاواں کیتیاں ، پر کوئی فائدہ نئیں ہویا ، ایس لئی پئی ایہہ دعاواں بنیادی طور اُتے مسئلے نوں حل کرن لئی کُجھ نا کردیاں سن ۔
بوہتے لوک ایس گل بارے نئیں جان دے پئی اوہناں نیں کیہ پاپ کیتا اے ایتھوں تیک پئی جویں اوہ اوہناں نوں کردے پئے نیں ، پر جدوں اوہ گرجے جانا شروع کرد ےنیں ، اوہ شریعت دے بارے سُن دے نیں تے اپنیاں پاپاں دا احساس کردے نیں تے ایس لئی اپنیاں پاپاں وچ پھس جاندے نیں ۔ فیر اوہ اپنیاں پاپاں دا مسئلہ اپنیاں جذباتی توبہ دیاں دعاواں منگن دے راہیں حل کرن دی کوشش کردے نیں ، پر جناں بوہتا ویلا لنگھدا اے ، اوہ بوہتا احساس کردے نیں پئی اوہ اپنیاں پاپاں وچ پھسے ہوئے نیں تے اوہناں نوں لازمی اوہناں توں معافی ملنی چاہی دی اے ۔
ایس توں کوئی فرق نئیں پیندا پئی اوہ کنیاں بوہتیاں اپنیاں توبہ دیاں دعاواں منگدے نیں ، جنی بوہتی اوہ دعا منگدے نیں ،اوہنا بوہتا اوہ احساس کردے نیں پئی اوہناں دے پاپ مکائے جان توں بوہت دُور نیں تے ایتھوں تیک اوہ بوہت واضح طریقے نال ظاہر ہوندے نیں تے اوہناں نوں ایتھوں تیک پئی اپنے بوہتے ہونا یاد کراؤندے نیں ۔ ایس گل توں اگے ایہو جیہے لوکاں دیاں دینی زندگیاں دکھ والی پیِڑ وچ بدل جاندیاں نیں تے اوہ دکھ جردے رہندے نیں ۔ اوہ حیران ہوندے نیں ، ” مَیں ایناں چنگا محسوس کیتا جد مَیں پہلی واری ایمان رکھیا سی ، پر کیوں ہُن مَیں پنج یا دس ورہے لنگھن دے بعد ایناں بوہت بھیڑا محسوس کردا ہاں ؟ مَیں کیوں بوہت دکھی آں؟ “اوہ احساس کردے نیں پئی ایتھوں تیک پئی اوہناں دی مکتی دا سارا ایمان ، جیہڑا ایناں پکا ہو گیا سی جد اوہناں نیں پہلی واری ایمان رکھیا سی ، ہور نئیں ہیگا اے ۔ ایہہ سوچدیاں ہویاں پئی اوہ یِسُوعؔ اُتے ایمان رکھن دے بعد پاپی بن گئے ، اوہ ساریاں قِسماں دیاں خُدائی خیالاں نوں اپنیاں عقیدیاں مطابق کرن دی کوشش کردے نیں ، تے اخیریں ایہو جیہے دین پرست بن جاندے نیں ۔
ایہہ ایس لئی اے پئی ایہہ لوک سچیائی نوں نئیں جان دے پئی یِسُوعؔ نے اوہناں نوں اپنے اسمانی ، ارغوانی تے لال دھاگے تے مہین وٹے ہوئے کتان نال اوہناں دیاں پاپاں توں بچایا اے پئی اخیریں اوہ صرف دین پرست بن جاندے نیں ۔ بھاویں اوہ یِسُوعؔ اُتے ایمان رکھن دا اقرار کردے نیں ، اوہ فیر وی دکھ جردے نیں ، ایس لئی پئی اوہناں دیاں دلاں وچ کوئی سکون نئیں ہیگا ۔ ایہو جیہے لوک کوئی دوجا معبود بناؤن دا سہارا وی نئیں لَے سکدے نیں، ایس لئی پئی جے اوہ کوشش وی کردے نیں تاں ، اوہناں نوں پہلوں ای پتہ اے پئی خُدا دی ذات توں علاوہ کسے دوجی شے اُتے ایمان رکھنا بُت پرستی کرنا اے ۔ ایس لئی پئی اوہ صاف طریقے نال جان دے نئیں پئی صرف یِسُوعؔ خُدا دا پُتر اے ، پئی اوہ اِکو آپ ای خُدا اے ، تے ایہہ پئی اوہ اِکو اوہناں دا مکتی داتا اے ، اوہ ایتھوں تیک پئی کسے دوجے خُدا اُتے ایمان نئیں رکھ سکدے ۔ تے فیر وی ایس لئی پئی اوہ سچیائی نوں نئیں جان دے، اوہ دکھاں وچ ، سدا اپنیاں پاپاں دے سببوں پریشانی وی رہندے نیں ۔
ایس لئی اوہناں نوں لازمی یِسُوعؔ مسیح نوں جاننا تے ایمان رکھنا چاہی دا اے جیہڑا اسمانی ، ارغوانی تے لال دھاگے تے مہین وٹے ہوئے کتان نال آیا ۔ ایہہ مسیحی جیہڑے دین پرست بن گئے نیں اوہناں نوں وی پتہ اے پئی یِسُوعؔ بادشاہ اے ، پئی اوہنے سولی اُتے اپنا لہو وگایا ، تے ایہہ پئی پاک کتاب دا کلام خُدا دا کلام اے ۔
پر، جیہدا اوہناں نوں نئیں پتہ اوہ ایہہ ہیگا اے پئی یِسُوعؔ نے اپنے بپتسمے نال نا صرف اوہناں دیاں پاپاں نوں سگوں دُنیا دیاں ساریاں پاپاں نوں وی اپنے اُتے چُک لیا ، تے ایس جہالت دے سببوں اوہ اپنے ایمان دا اقرار کردیاں ہویاں وی پاپیاں وانگر زندگی گزاردے پئے نیں ، تے کیوں اوہ ساریاں پاپیاں لئی وکھ کیتی گئی تھاں اُتے جا کے مک جان گے ۔ ایس لئی پئی ایہو جیہاں دین پرستاں نوں کوئی پتہ نئیں ہیگا پئی کنے ودھیا طریقے نال یِسُوعؔ نے اوہناں دیاں پاپاں دی فکر کیتی ، اوہ جد وی ودھدے نیں تاں اپنیاں دلی جذبیاں اُتے ایمان رکھدے نیں ۔ نتیجے طور نال ، اصل سچیائی نئیں جان دے پئی اوہ کیہ ایمان رکھدے نیں ، جویں کوئی انھے ہاتھی نوں اوہدے پِنڈے نوں ہتھ لا کے پچھانن دی کوشش کردیا پیا اے ۔ ایہو ای سبب اے پئی اوہ ایس گل نوں بالکل نئیں جان دے پئی اوہناں دے ایمان وچ کیہ خرابی اے ، تے ایہو ای سبب اے پئی اوہ اک واری فیر پریشانی وچ پھسے نیں ۔
ساڈے نال کیہ ہوئے گا جے اسیں اسمانی دھاگے دے سچ اُتے ایمان نئیں رکھدے ؟
کیہ ہوندا جے اسیں یِسُوعؔ اُتے اپنے مکتی داتا وانگر جد پئی خیمۂ اجتماع دے برانڈے دے پھاٹک وچوں اسمانی دھاگے نوں چھڈدیاں ہویاں ایمان رکھیا سی ؟ جد خُدا نے خیمۂ اجتماع دے برانڈے دے پھاٹک نوں اسمانی ، ارغوانی تے لال دھاگے تے مہین وٹے ہوئے کتان نال ایہنوں اُنن دے راہیں بناؤن دا حکم دتا تاں ، اوہنے کیہ آکھیا ہوندا جے موسیٰ ایہدی بجائے ، اسرائیلیاں نوں صرف ارغوانی تے لال دھاگے تے مہین وٹے ہوئے کتان نال پھاٹک بناؤن لئی کہندا ، تے اسرائیلی بِنا شک ایس طریقے نال پھاٹک مکمل کر چُکے ہوندے ؟ کیہ خُدا ایہنوں اپنےخیمۂ اجتماع دے پھاٹک وانگر منظور کر لیندا ؟ اوہ ایہنوں کدی ایس طرح منظور نا کردا ۔ ایس لئی پئی خُدا نے اسرائیلیاں نوں خیمۂ اجتماع داپھاٹک چونہہ وکھ وکھ رنگاں دیاں دھاگیاں نال بناؤن لئی آکھیا ، جے ایہہ اوہدے مطابق نا بنایا گیا ہوندا ، ایہہ کدی خیمۂ اجتماع دے پھاٹک وانگر نئیں اکھوایا جاسکدا سی ۔ چونہہ دھاگیاں وچوں اِک اکلا وی کدی نئیں چھڈیاجا سکدا ۔
خیمۂ اجتماع دےبرانڈے دے پھاٹک نوں اسمانی ، ارغوانی تے لال دھاگے تے مہین وٹے ہوئے کتان نال اُنیا جاندا سی ۔ایس لئی پئی یِسُوعؔ ،آپ ای خُدا ، اک بندے دے بدن وچ ساڈے مکتی داتا وانگر ایس زمین اُتے آیا ،اپنے آ پ اُتے دُنیادیاں ساریاں پاپاں نوں چُک لیا ،سولی اُتے مرگیا ،مویاں وچوں جی اُٹھیا تے اِنج ساڈیاں پاپاں نوں برف جیہی چٹیائی وانگر دھو چُکیا اے ،ایہہ بھروسہ کر کے تے ایس یِسُوعؔ مسیح اُتے ایمان رکھ کے ہیگا اے پئی اسیں اپنیاں پاپاں توں چھڈائے گئے آں ۔ خیمۂ اجتماع دے پھاٹک دے رنگ سانوں دسدے نیں کویں سانوں اپنیاں پاپاں توں مکتی یافتہ ہون لئی یِسُوعؔ اُتے ایمان رکھنا اے ۔ اوہ جیہڑےخیمۂ اجتماع دے پھاٹک وچ وکھائے گئے سچ اُتے ایمان رکھدے نیں اوہ ساریاں اپنیاں پاپاں توں مکتی یافتہ ہو گئے نیں ۔ اوہ سارے اپنیاں پاپاں توں معافی پا چُکے نیں ، یعنی برف وانگر چٹے نیں ۔ یِسُوعؔ مسیح تہاڈے تے میرے پاپ، سانوں برف وانگر چٹیائی وچ بدلدیاں ہویاں دھو چُکیا اے ۔ یِسُوعؔ مسیح تہاڈا تے میرا اصلی مکتی داتا بن گیا اے ۔
ایہہ اوہو ای سچیائی اے جیہڑی خیمۂ اجتماع دے پھاٹک وچ ظاہر ہوندی اے ۔ فیر وی اج بوہتے لوک ہیگے نیں جیہڑے اسمانی دھاگے دے لُکے ہوئے مطلب اُتے ایمان نئیں رکھدے ، ایتھوں تیک پئی اوہ ارغوانی تے لال دھاگے تے مہین وٹے ہوئے کتان اُتے ایمان رکھن دا اقرار کردے نیں ۔
ایس کتاب لئی مُڈھلی پچھان کر لئی ، مَیں اک واری اک مسیحی کتاباں دی دُکان اُتے گیا ۔ اوتھے مَیں کئی بوہت مشہو ر مسیحی آگُوآں دیاں لکھیاں ہوئیاں خیمۂ اجتماع بارے کُجھ کتاباں ویکھیاں ۔ پر ، کئیاں نیں ایتھوں تیک پئی خیمۂ اجتماع دےبرانڈے دے پھاٹک بارے گل نا کیتی ، جد پئی دوجیاں نیں ایہو جیہے پھوکے دعوے کیتے جویں ہیٹھا ں لکھے نیں : ”خیمۂ اجتماع دے برانڈے دے اسمانی ، ارغوانی تے لال دھاگے تے مہین وٹے ہوئے کتان سانوں کیہ دسدے نیں ؟ نیلا اسمانی رنگ اے تے ایس لئی ایہہ سانوں دسدا اے پئی یِسُوعؔ خُدا اے ۔ لال مہنگے لہو بارے دسدا اے جیہڑا یِسُوعؔ نے سولی اُتے وگایا ، جد اوہ ایس زمین اُتے آیا ۔ ارغوانی رنگ سانوں دسدااے پئی اوہ بادشاہ اے“
اِنج دی تشریح اصل نشان توں بوہت دُور اے ، ایہہ پئی ، یِسُوعؔ خُدا اے سانوں ارغوانی دھاگے دے راہیں دسیا گیا اے ۔ جد خُدا سانوں پہلوں ای ارغوانی دھاگے دے راہیں دس چُکیا اے پئی یِسُوعؔ بادشاہواں دا بادشاہ اے تے خُداوند اں دا خُداوند ، کیوں اوہ ایہنوں فیر اسمانی دھاگے نال دوبارہ دُہرائے گا ؟ ایس لئی پئی ایہہ لوک اسمانی دھاگے دے بھیت نوں نئیں جان دے یعنی اوہ ایہدی چنگے طریقے نال تشریح کرن وچ ناکام ہو گئے نیں ۔
ایس لئی پئی اوہ صرف صلیبی لہو نوں جان دے نیں ، اوہ لال دھاگے بارے بوہت چوکھی گل کردے نیں ۔ جد اسیں اوہناں دیاں خیمۂ اجتماع دے پھاٹک دیاں تصویراں ویکھدے آں تاں ، اسیں ویکھدےآں پئی ایس اُتے چٹا تے لال رنگ ودھایا ہویااے ۔ جد پئی اسمانی ، ارغوانی تے لال دھاگے تے مہین وٹے ہوئے کتان دیاں چونہہ رنگاں نوں لازمی خیمۂ اجتماع دےبرانڈے دے پھاٹک وچ صاف طریقے نال وکھایا جانا چاہی دا اے ، اوہناں دیاں تصویراں صرف لال تے چٹے دھاگے نوں وکھاؤندیاں نیں ، کُجھ ارغوانی دھاگے نال ، پر اسمانی رنگ دا کوئی دھاگہ نئیں ہیگا ۔
ایس دُنیا وچ ہُن بوہت سارے لوک ہیگے نیں جیہڑے ایتھوں تیک پئی اسمانی دھاگے دے سچ دا احساس کیتیوں اڈ ایہو جیہے کچے ایمان دے بارے گل کردے نیں ۔ اج دے زمانے وچ بوہت سارے ہیگے نیں جیہڑے دعویٰ کردے نیں پئی اوہ صرف اِکو یِسُوعؔ دے صلیبی لہو اُتے ایمان رکھن دے راہیں مکتی یافتہ ہو سکدے نیں ، ایتھوں تیک پئی اوہ ایہہ وی نئیں جان دے پئی یِسُوعؔ نے ساڈی سزا جرن لئی اِکو ای واری اپنے بپتسمے نال اپنے آپ اُتے ساڈیاں دُنیادیاں پاپاں نوں چُک لیا ۔ ایہو جیہے لوکاں دے دل سدا پاپی رہندے نیں ۔ اج لئی ، کل لئی ، تے اگانہہ تیک— اصل وچ ،جد تیک اوہ مردے نیں — ایہو جیہے لوک دُکھ وچ رہندے نیں ایس لئی پئی اوہ اپنی بدکاری توں چھُٹ نئیں سکدے ۔ سو کئی لوک اقرار کردے نیں پئی ، ”مَیں خُدا دے اگے مرن تیک اک پاپی آں ۔ “ پر کیہ ایہہ سچ مُچ ٹھیک ایمان اے ، پئی اوہ اپنے مرن تیک پاپیاں وانگر رہن گے ، ایتھوں تیک پئی اوہ یِسُوعؔ اُتے ایمان رکھدے نیں ۔
یِسُوعؔ اُتے ایمان رکھن دے بعد ، فیر اسیں کدوں ٹھیک طریقے نال راستباز بن دے آں ۔ کیہ اسمان اوہناں لئی مخصوص نئیں ہیگا جیہڑے یِسُوعؔ دے بپتسمے تے لہو اُتے ایمان رکھ کے بے پاپ بن گئے نیں ؟ اسمان اصل وچ راستبازاں لئی تھاں اے ، پاپیاں لئی نئیں ، صرف راستباز جیہڑے یقین کر کے اپنیاں پاپاں توں بچائے گئے نیں ، تے جیہڑے بے پاپ بن گئے نیں اسمان اُتے جاسکدے نیں ۔
اوہ لوک جیہڑے مرن تیک اپنے آپ نوں پاپی من دے نیں ایتھوں تیک پئی اوہ یِسُوعؔ اُتے ایمان رکھدے نیں اپنی مکتی دا کوئی کامل بھروسہ نئیں رکھدے ۔ کوئی معنی نئیں رکھدا کنی واری اوہ اوس اُتے اپنے ایمان دا اقرار کر چُکے نیں ، ایس لئی پئی اوہ اسمانی ، ارغوانی تے لال دھاگے تے مہین وٹے ہوئے کتان نوں نئیں جان دے ۔ ایتھوں تیک جویں اوہ یِسُوعؔ اُتے ایمان رکھدے نیں تے اوس اگے دعا منگدے نیں ، اوہ پکا ایمان نئیں رکھدے پئی اوہناں دیاں دعاواں دا جواب دتا جائے گا ۔ بھاویں اوہ یِسُوعؔ اُتے ایمان رکھدے نیں ، اوہناں دی یِسُوعؔ ولوں نا مدد کیتی جاندی اے تے نا ای محبت کیتی جاندی اے ۔ اوہ خورے محبت محسوس کرن جد اوہ اپنا جوش وکھاؤندے نیں ، پر جد اوہ اپنے جوش ولوں مَٹھے پے جاندے نیں ، اوہ محسوس کردے نیں جویں اوہ خُدا ولوں چھڈے گئے نیں ،جویں جے اوہ خُدا ولوں نفرت کیتے گئے نیں ۔ اوہ سوچدے نیں پئی خُدا اوہناں نال محبت رکھدا اے تے اوہناں نوں برکت دیندا اے صرف جد اوہ اپنے ہدیے تے خلوص اوہنوں دیندے نیں ، تے ایہہ پئی اوہ اوہناں نال ہور محبت نئیں کردا جد اوہ اوہنوں اپنے ہدیے دین وچ ناکام ہو جاندے نیں ۔ جد اوہ کسے اوکھے ویلے وچ پھس جاندے نیں ،اوہ سوچدے نیں پئی خُدا اوہناں نال نفرت کردا اے ، ایہناں نوں سمجھ نئیں آؤندی کیوں اوہناں اُتے اینے مندے ویلے آؤندے نیں ، تے اخیریں اپنے وچارے ہون دی اوہدے اُتے توہمت لاؤندیاں ہویاں مک جاندے نیں تے اوس اُتے ہور ایمان نئیں رکھدے ۔
اخیر وچ ، ایہو جیہا ں لوکاں تے خُدا وچکار بھروسہ ٹُٹ جاندا اے ۔ ایس لئی پئی اوہناں دا ایمان اوہناں دیاں دلی خیالاں تے جذبیاں دی اک پیدا وار اے ، ایہہ بوہت من مرضی ، آپ بنایا تے غلط اے ۔ جد اسیں خُدا کول جاندے آں ، سانوں لازمی اپنیاں جذبیاں نوں اک پاسے رکھنا چاہی دا اے ۔ جد اسیں خُدا دے کول جاندے آں ، سانوں لازمی صرف اپنے ایمان نال جانا چاہی دا اے جیہڑا صاف طریقے نال سچیائی اُتے ایمان رکھدا اے پئی یِسُوعؔ مسیح ،سانوں جیہڑے اپنیاں پاپاں دے سببوں دوزخ وچ جان دے حقدار ساں ، اپنے بپتسمے تے لہو نال بچا چُکیا اے ۔ خُدا دے کلام تے شریعت دے اگے ، پانی تے رُوح دی خوشخبری دے اگے تے اپنیاں دلاں نال وی ، سانوں لازمی صاف طریقے نال پچھاننا چاہی دا اے پئی اسیں اوہ آں جیہڑے بچ نئیں سکدے ساں سگوں بغیر کسے چارے دے دوزخ جان دے حقدار ساں ۔ صرف جد اسیں جان دے ، سِکھدے ، ایمان رکھدے تے بھروسہ رکھدے آں یعنی اسیں اصل وچ کیہ پاپی بندے آں تے کویں خُدا سانوں ساڈیاں پاپاں توں بچا چُکیا اے اسیں سارے پچھان سکدے آں پئی یِسُوعؔ مسیح پہلوں ای ساڈا سچا مکتی داتا بن گیا اے ۔
صرف سچے ایمان نال اسیں مکتی دا انعام پاسکدے آں
ایس لئی ، تہانوں تے مینوں لازمی احساس کرنا چاہی دا اے پئی اسیں اپنیاں پاپاں توں اسمانی ، ارغوانی تے لال دھاگے تے مہین وٹے ہوئے کتان اُتے ایمان رکھ کے بچائے گئے آں ، اپنیاں چنگیاں کماں نال نئیں ۔ تے سانوں لازمی جاننا تے ایمان رکھنا چاہی دا اےپئی سانوں ساڈیاں پاپاں توں بچاؤن لئی یِسُوعؔ مسیح صاف طریقے نال ایس چونہہ پاسیاں دے سچ نال ساڈے کول آیا ۔ اوہنے پُرانے عہد نامے وچ مسیحا وانگر آؤن دا وعدہ کیتا سی تے ایس وعدے دے مطابق ، اوہ سچ مُچ ایس زمین اُتے آیا ،تے اپنے بپتسمے نال ، ساڈیاں پاپاں نوں تے اِکو ای واری اپنے آپ اُتے ساریاں لوکاں دیاں پاپاں نوں چُک لیا ، فیر اوہ دُنیا دیاں ایہناں پاپاں نوں سولی اُتے لے گیا، سولی چڑھیا ، اپنا مہنگا لہو وگایا ، تے ایہہ اُچی بول کے مر گیا ، ”پورا ہویا“(یوحنا ۱۹ :۳۰)۔ فیر تِناں دناں بعدوں مویاں وچوں جی اُٹھ کے ، اوہنے ہور چالیاں دِنا ں لئی گواہی دتی تے واپسی دا وعدہ کردیاں ہویاں خُدا دے تخت دے سجے ہتھ اُتے بہہ گیا ۔ سانوں لازمی ایہناں اُتے ایمان رکھنا چاہی دا اے۔
”مَیں تہانوں پکے یقین نال اپنی اسمانی ، ارغوانی تے لال دھاگے تے مہین وٹے ہوئے کتان دیاں خدمتاں نال بچا چُکیا ہاں ۔ تے مَیں اوہناں نوں لین لئی واپس آواں گا جیہڑے مکتی دے ایس سچ اُتے ایمان رکھدے نیں ۔ مَیں اوہناں نوں خُدا دے پُتر بنن دا وی حق دیواں گا ۔ اوہناں لئی جیہڑے اپنیاں دلاں وچ ایس سچیائی اُتے ایمان رکھد ے نیں ، مَیں اوہناں دیاں پاپاں نوں صاف کراں تے اوہناں نوں برف وانگر چٹے بناواں گا ، مَیں اوہناں نوں پاک رُوح دیواں گا تے مَیں اوہناں نوں اپنے سکے پُتر بناواں گا ۔ “ایہہ ہےساڈا خُداوند سانوں کیہ کہہ چُکیا اے ۔
سانوں لازمی ایس کلام اُتے ایمان رکھنا چاہی دا اے ۔ ساڈا خُداوند پہلوں ای ایہناں وعدیاں نوں پورا کر چُکیا اے تے اوہ سچ مُچ ایس زمین اُتے اوہناں دیاں زندگیاں وچ کم کردا پیا اے ۔ اوہناں دی راکھی کردا اے جیہڑے ایس سچیائی اُتے ایمان رکھدے نیں تے اوہناں دی گواہی دیندے نیں ۔ایس طرح اسیں اپنے خُداوند دے بپتسمے تے لہو دیاں کماں دے راہیں بچائے گئے آں ، فضل وچ رہ کے ، راکھی ، تے خُدا دی محبت تے راستباز دیا ں زندگیاں جیوندے آں ۔ ایس لئی پئی اوہ سانوں بچا چُکیا اے یعنی اسیں ایمان رکھ کے اپنیاں پاپا ں توں چھڈائے گئے آں ۔
جد ایہہ خیمۂ اجتماع بارے کتاب ساری دُنیا دیاں ساریاں بولیا ں وچ ترجمہ کیتی جائے گی ، مَیں بھروسہ کردا ہاں پئی ساری دُنیا دے لوک سچیائی اُتے اپنے ایمان دے راہیں اپنیاں پاپاں توں مکتی یافتہ ہون گے ۔ اوہ جیہڑے دعویٰ کردے نیں پئی پاپ توں معافی صرف یِسُوعؔ دے لہو نال ملدی اے ہور ایہو جیہے دعوے کرن دے لائق نئیں ہون گے سگوں ایہدی بجائے احساس کرن گے پئی اوہناں دے دعوے صرف بوہت جھوٹھے سن ۔ اوہ ہور کسے جھوٹھی شے نوں پھڑن تے دعویٰ کرن دے لائق نئیں ہون گے پئی ایہہ مکتی اے ۔ اوہ کدی کہن دے لائق نئیں ہون گے پئی اوہ صرف یِسُوعؔ دے لہو اُتے ایمان رکھ کے مکتی یافتہ ہو سکدے نیں ۔
خیمۂ اجتماع دےبرانڈے دے پھاٹک وچ پانی تے رُوح دی خوشخبری،اسمانی ، ارغوانی تے لال دھاگے تے مہین وٹے ہوئے کتان دی مکتی دا صاف کلام ہیگا اے ۔ ایس لئی پئی ایہہ پُرانے عہد نامے وچ خُدا دا وعدہ کیتا ہویا تے نبُوّتی کلام اے ، تے ایس لئی پئی خُدا نویں عہد نامے وچ اوہدے بپتسمے تے سولی اُتے مرن نال ساریاں پاپاں توں مکتی نوں پورا کر کے ایہہ وعدہ پورا کر چُکیا اے ، جے اسیں صرف خوشی تے شکر گزاری نال مکتی دے ایس انعام اُتے ایمان رکھدے آں ، اسیں سارے پاپ دی سدا دی معافی پا سکدے آں ۔
ایہہ خُدا دا کلام اے جیہڑا بوہت سوکھا تے کامل اے ، پر ایہہ اوہ سچیائی وی اے جنہوں ساری دُنیا دے علم دے باوجود وی سمجھیا نئیں جاسکدا اے ، جے تُسیں اوہدے کلام اُتے سچا ایمان نئیں رکھدے ۔ ایس لئی سانوں لازمی اوہدے کلام اُتے ایمان رکھنا چاہی دا اے جویں ایہہ ہیگا اے ۔ ایس لئی پئی ایہہ اک ایہو جیہی مہنگی سچیائی اے جنہوں اسیں جانیوں بغیر سدا نئیں رہ سکدے، تہانوں تے مینوں لازمی پکے یقین نال پانی تے رُوح دی خوشخبری اُتے ایمان رکھنا چاہی دا اے ۔ سانوں ازادی نال تے سوکھے طریقے نال خیمۂ اجتماع وچ کھائے گئے اسمانی ، ارغوانی تے لال دھاگے تے مہین وٹے ہوئے کتان دا سچ سکھان دے راہیں ، خُدا سانوں ساڈے ایمان نال مکتی دا ایہہ سدادا انعام رکھن دی اجازت دے چُکیا اے ۔
تہانوں تے مینوں اِکو جیہا ، جیہڑے ایس سچیائی اُتے ایمان رکھد ے آں، سانوں ساریاں نوں اوہدے سچ دی محبت لئی خُدا نوں اپنی شکرگزاری دینی چاہی دا اے ۔ پر بوہت سارے ہیگے نیں جیہڑے اسمانی ، ارغوانی تے لال دھاگے دے اصلی سچ نوں نئیں جان دے تے سکھاؤندے پئے نیں تے لوکاں نوں اپنیاں جھوٹھیاں راہواں اُتے لے جاندے پئے نیں۔ اوہناں تیک وی ، اسیں سچیائی نوں ودھاؤنا چاؤہندے آں ۔ اوہناں لوکاں لئی جنہاں دے دل سچیائی نوں نا جانن دے سبب دکھی نیں ، اسیں پانی تے رُوح دی سچیائی دی ایہہ خوشخبری ودھاؤندے آں ، چاؤہندے آں پئی اوہ اپنیاں پاپاں توں چھُٹ کے مکتی دے پھاٹک وچ وڑن ۔ جد اسیں خیمۂ اجتماع دے سچ دی منادی کردے آں ، اوہ جیہڑے ایس اُتےایمان رکھدے نیں مکتی یافتہ ہون گے ،پر اوہ جیہڑے ایمان نئیں رکھدے اپنیاں پاپاں دی سزا جرن گے ۔ جے اسیں یِسُوعؔ اُتے ایمان رکھن دا فیصلہ کرچُکے آں ، سانوں لازمی اسمانی ، ارغوانی تے لال دھاگے د ے سچ نوں جان دیاں ہویاں اوس اُتے ایمان رکھنا چاہی دا اے ۔
کوئی مُڈھوں اسمانی ، ارغوانی تے لال دھاگے دا سچ نئیں جاندا اے ۔ خُدا نے سانوں آکھیا ، ”تے تُسی سچیائی نوں جانو گے تے سچیائی تُہانوں اَزاد کرے گی ۔“(یوحنا ۸ :۳۲)۔ سچیائی کیہ اے ؟ سچیائی سچی خوشخبری اے(افسیوں ۱: ۱۳)،یعنی ، اسمانی ، ارغوانی تے لال دھاگے وچ وکھائی گئی پانی تے رُوح دی خوشخبری ۔ اسمانی ، ارغوانی تے لال دھاگے نوں ٹھیک طریقے نال جان دیاں ہویاں تے اوہناں اُتے ایمان رکھنا سچیائی اُتے ٹھیک ایمان اے ۔
خُدا نے کیوں آکھیا پئی سچیائی سانوں ازاد کرے گی ؟ تُسیں کویں اپنیاں پاپاں توں مکتی یافتہ ہوئے او ۔ اسمانی ، ارغوانی تے لال دھاگے اُتے ایمان رکھ کے ، کیہ تُسیں نا صرف اپنیاں ساریاں پاپاں توں مکتی یافتہ ہو گئے او سگوں تہاڈے دل وی پاک رُوح نال بھرے ہوئے نیں ؟ دونویں تہاڈیاں دلاں تے ضمیراں توں ، کیہ صاف طریقے نال تہاڈے پاپ مک گئے نیں ؟ کیہ تُسیں سچ مُچ ایمان رکھدے او تے کیہ تُسیں سچ مُچ اپنے سچے دلوں اقرار کر سکدے او پئی خُدا سچ مُچ تہاڈا باپ اے ؟ ایس لئی پئی خُدا صرف اوہناں نوں اپنیاں پُتراں وانگر پچھان دا اے جیہڑے بے پاپ نیں ، اوہ صرف اوہناں دا ایمان منطور کردا اے جیہڑےخیمۂ اجتماع دےبرانڈے دے پھاٹک وچ اُنے گئے اسمانی ، ارغوانی تے لال دھاگے تے مہین وٹے ہوئے کتان نوں جان دے تے ایمان رکھدے نیں ۔ پاپی خُدا دے پُتر نئیں ہیگے ؛ صرف نویں سریوں جمے ہوئے جیہڑے پانی تے رُوح دی خوشخبری اُتے اِکو خوشخبری اُتے جیہڑی خُدا نے سانوں دتی اے اُتے ایمان رکھدے نیں ، خُدا دے پُتر نیں ۔
بھاویں ایس دُنیا وچ رہندیاں ہویاں سانوں بوہت ساریاں مشکلاں ، مصیبتاں تے تنگیاں جرنیاں پیندیاں نیں ، ایس لئی پئی خُدا ساڈے نال رہندا اے، اسیں خوش آں ۔ بھاویں اسیں ادھورے آں ، اسیں اپنیاں برکتاں والیاں زندگیاں گزاردے آں ، خُدا دی راستبازی اُتے ایمان رکھدیاں ہویاں تے اسمانی ، ارغوانی تے لال دھاگے دی خوشخبری دی ساری دُنیا وچ منادی کردے پئے آں، اوہ خوشخبری جیہڑی ساڈے اُتے خُدا دی راستبازی نوں ورساؤندی اے ۔
سب توں بوہتا مَیں خُدا دا ، اسمانی ، ارغوانی تے لال دھاگے لئی شکرگزار ہاں ۔ جد مَیں پہلی واری یِسُوعؔ اُتے ایمان رکھیا ،ایس توں علاوہ مَیں بوہت سچے دلوں ایمان رکھیا میرا دل فیر وی پاپی سی ، تے مَیں ایہدے سببوں بوہت چوکھا دکھی ساں ۔ کوئی معنی نئیں رکھدا بوہت سچے دلوں مَیں یِسُوعؔ اُتے ایمان رکھن دا اقرار کر چُکیا ساں ، پاپ صاف طریقے نال میرے ضمیر وچ ہیگا سی ۔ کوئی بندہ اپنے ضمیر نوں ویکھ کے ایہہ جان سکدا اے پئی اوہ خُدا دے اگے پاپی ہیگا اے یا نئیں ۔ دوجیاں اکھراں وچ ، اوہ جیہڑے حالے تیک اپنیاں ضمیراں اُتے لکھے ہوئے پاپ رکھدے نیں اوہ نیں جیہڑے حالے تیک اپنی پاپ توں معافی پاؤن دے لائق نئیں ہوئے ۔ جے اوہناں دے ضمیر ایتھوں تیک پئی ساریاں پاپاں دی رتی وی رکھدے نیں ، ایہہ ثبوت اے پئی اوہناں نیں پاپ توں معافی نئیں پائی اے ۔
پر، جد مَیں سچ نوں نئیں جانیا سی جیہڑا میریاں پاپاں دیا ں ساریاں مسئلیاں نوں حل کرے گا ، ایتھوں تیک پئی اوہناں ساریاں دے بوہت نکے نوں ، تے جد اک نتیجے طور نال ساریاں قِسماں دے سوال تے حیرانیاں میرے دل وچ آئیاں ، خُدا مینوں اپنے اسمانی ، ارغوانی تے لال دھاگے دے کلام نال ملیا ۔
ایہہ کلام متی دی انجیل دے حوالے وچ ہیگا اے جنہوں اسیں پڑھ چُکے آں ۔ متی ۳ :۱۳۔ ۱۷ نوں پڑھدیاں ہویاں ، مَیں ایس حوالے اُتے آیا ، ” حالی تے ہون دے کیوں جو سانوں چاہیدا اے پئی ایسے طرح ساری راستبازی نوں پورا کرئیے ۔ “(متی۳ :۱۵)۔ فیر مَیں احساس کیتا تے ایمان رکھیا پئی جد یِسُوعؔ نے بپتسمہ لیا تے پانی توں اُتے آیا ، خُدا نے اوہدی راستبازی دی گواہی دتی تے ساری راستبازی پوری ہو گئی ایس لئی پئی سارے پاپ یِسُوعؔ دے ایس بپتسمے نال مکائے گئے سن ۔
جد یِسُوعؔ مسیح نے یوحنا کولوں بپتسمہ لیا ، میرے سارے پاپ صاف طریقے نال اوہدے اُتے لدے گئے ، تے اِکو ای واری اوہ سولی اُتے سارے حل کر دتےگئے سن ۔ اوسے ویلے مَیں احساس کیتا تے سبب اُتے ایمان رکھیا یِسُوعؔ نے کیوں بپتسمہ لیا ، میریاں پاپاں دے بارے سارے نا حل کیتے ہوئے مسئلے تے سوالاں دا جواب مل گیا ، ایس لئی پئی میرے سارے پاپ اِکو ای ویلے میرے نالوں وڈھے گئے سن ۔ مَیں پاپ توں معافی دی ایس سچیائی لئی بوہت شکرگزار ساں ، ایس سچیائی لئی پئی مَیں پانی تے رُوح دی خوشخبری ،خُدا دے سچے کلام نوں جانن تے ایمان رکھ کے پاپ دی ایس معافی نوں پایا ۔
خُداوند میرے کول اپنے لکھے ہوئے کلام نال آیا ، تے مَیں پانی تے رُوح دے ایس کلا م نال ، ایہدے اُتے اپنے سچے دلوں ایمان رکھ کے اپنیاں پاپاں توں معافی پائی ۔ فیر توں اگے ، پُرانے تے نویں عہد نامیاں دے کلام دے راہیں ، مَیں بوہت ساریاں لوکاں تیک اسمانی ، ارغوانی تے لال دھاگے دی خوشخبری دی گواہی دے چُکیا ہاں تے ایتھوں تیک پئی ہُن، مَیں ایہہ ساریاں سچیائیاں تے مکتی دا بھیت ودھاؤن نوں جاری رکھیا اے ۔ سچی خوشخبری ساریاں لوکاں دیاں دلی خیالاں ، خُدائی نظریاں ، یا جذباتی تجربیاں نال بنی ہوئی کوئی شے نئیں ہیگی ۔
اسمانی ، ارغوانی تے لال دھاگے تے مہین وٹے ہوئے کتان نال ساڈا خُداوند ساڈیاں پاپاں نوں مکا چُکیا اے ۔ اسمانی ، ارغوانی تے لال دھاگے نال ، ہر کوئی دُنیا وچوں صاف طریقے نال مکتی دے سچ نوں پچھانن لئی آئے گا تے ایہہ منے گا پئی ایہہ سچیائی پانی تے رُوح دی خوشخبری توں علاوہ کوئی دوجی نئیں ہیگی ۔ ایہہ اوہ سچیائی وی اے جیہڑی ایس اخیری زمانے وچ بوہت ضروری اے ۔ بے گنت لوک ایس سچیائی اُتے ایمان رکھن لئی آؤن گے ۔
اج دا زمانہ ایہو جیہا زمانہ اے جتھے لوکاں دی راستبازی ساری وکھ ہو کے ٹُٹ دی پئی اے تے اوہناں دی بدی ودھی ہوئی اے ۔ جد آلے دوالے دے حالات وِگڑدے نیں تاں ، لوک ایہناں ساریاں بدکاریاں نوں باہر سُٹ دیندے نیں جیہڑیاں بنیادی طور اُتے اوہناں وچ وسیاں ہویاں سن ۔ ایہدے باجود ، ساڈا خُداوند تہانوں تے مینوں اسمانی ، ارغوانی تے لال دھاگے دی خوشخبری نال ساڈیاں پاپاں توں بچا چُکیا اے ۔ ایہہ برکت کنی شکرگزار تے اَنمُلی اے؟ مَیں ساڈے خُدا دا ایس صاف مکتی لئی شکر ادا کردا ہاں ، ایس لئی پئی مَیں خوشی تے مسرت نال بھریاہاں۔
دُنیا ہُن خُدا ولوں پیشن گوئی دے اخیری ویلے ول ودھدی پئی اے تے ایس زمانے وچ وڑ گئی اے ۔ ایہو جیہاں ویلیاں وچ ، جد تھوڑے تے صرف تھوڑے لوک ہیگے نیں جیہڑے سچے دلوں خُدا دی خدمت کردے نیں ، تے جد ایتھوں تیک پئی ایمانداراں دا ایمان مَٹھا پے گیا اے ، جے تُسیں پانی تے رُوح دی سچیائی توں علاوہ کسے دوجی شے لئی ، اپنے آپ نوں حاضر رکھن دی کوشش کردے او تاں ، تُسیں صرف اپنے دل وچ پھٹ لے کے مک جاؤ گے ۔ جد خُدا اُتے ایمان رکھدیاں ہویاں ، جے تُسیں اسمانی ، ارغوانی تے لال دھاگے دی خوشخبری اُتے ایمان نئیں رکھدے ، تُسیں صرف مایوس ہوووگے ، ایس لئی پئی ایہہ تہاڈیاں دلاں وچ کوئی خاص مطلب والی شے نئیں چھڈے گی نا ای کوئی خاص پھل پیدا کرے گی ۔
ایس لئی پئی خیمۂ اجتماع دیاں چونہہ رنگاں دی خوشخبری دی سچیائی —اسمانی ، ارغوانی تے لال دھاگے تے مہین وٹے ہوئے کتان دی سچیائی— صاف سچیائی اے ، ایہہ اِکو، ایس پاپی دُنیا لئی ودھیا خوشخبری اے ۔ ایہہ پئی اسیں اپنیاں زندگیاں خیمۂ اجتماع وچ وکھائے گئے سچ نوں جانن تے ایمان رکھن دے راہیں اپنیاں پاپاں توں معافی پاؤن دے بعد گزاردے آں ایہہ اک سدا رہن والی برکت ، اک اَنمُلا انعام تے ساڈے لئی وڈی خوشی اے ۔
ایس لئی پئی جیہڑے خیمۂ اجتماع دے پھاٹک وچ وکھائے گئے اسمانی ، ارغوانی تے لال دھاگے تے مہین وٹے ہوئے کتان دے سچ نوں جان دے تے ایمان رکھدے نیں سچ دی خدمت کردے پئے نیں ، جھوٹھ دی نئیں ، اوہناں دیاں دلاں وچ سدا تیک اک وڈی خوشی ہیگی اے ۔
کیہ تُسیں وی خیمۂ اجتماع دے برانڈے دے پھاٹک وچ وکھائے گئے ایس سچ نوں جان دے تے ایمان رکھدےاو تہانوں لازمی ایہنوں جاننا چاہی دا اے ، تے تہانوں لازمی ایس اُتے ایمان رکھنا چاہی دا اے ۔
Copyright © 2021 by The New Life Mission