" Freely you have received, freely give " (Matthew 10:8)

HOME  |  SITEMAP  |  CONTACT US  |  HELP    
 



 Free eBook Version of Madi edition 14

 

Paulo C. Jong `a Bugu Usile ta driba nzedi Ozo Endri si ri idri ri `i 3 :
Ofu Atijo Yohana a sile ri `i (I)

  • Electronic Book Format : MS Reader
  • Current Downloads : 4
  • About this book
  • Table of Contents
 

Idoka

Paulo C. Jong 'a Bugu Usile ta driba nzedi Ozo Endri si ri idri ri `i 3 : Ofu Atijo Yohana a sile ri `i (I)

Lejo rusidi ri'a ehwi'i

Majugo Yohana ni dri retu amba Kristo `ba dri ri `bati `i lofo ri `i. Ofu ina ana sile rii cidru ka sadini hwe leti endri dri konyi hwe`di laki Rubanga dri Ekelezia driaru ri `ia ri `bati ni ri idri. Ki le`jo ziti ana sile ria ehwi ni erika ti driba ani nzeka tro amani okpo.
Ovidru ama 1 Yohana 1:8 ni e`bu driso atijoadru rii au ta driba nzejo lokudru ofu Yohana a sile rii ta ziti aaru ria ehwi ni erika ni okpo ni asujo `i: "Ki jo oce ama enzi ako ri, a`di runza amangasi, le`jo anda rii ama asi ga iyo." Le`jo dia ehwi ni erika ni okpo, jo ovidru e`bu a`i `ba ofu loso eyidri vua Endri dri ri igenika ra ri `bati ni `i.
Ovi zikajo erijoadru rii 1 Yohana 1:9 `i, "Ki jo a`i enzi amadri ra, Rubanga ni anda vua igenia wa, ka ama enzi ni ebe ra, ka ama je ta cidru amadri unzi ri `ia pelere." Le`jo ani dii `ba kebua be bebe ani jo enzi `ba ka aia ilegi enzi rujo ri ilegi Rubanga a andraga `i. Ki gba le`jo sile dia ehwi ni kole enzi `ba koru enzi aia idele rii ausini kesukidru lebe aia enzi dri rii Rubanga a andraga `i `i ya? Kusa, dia ehwi ni `ba anda ofu loso eyidri vua Endri dri ri igenika ra ri `bati kolea dubasi koruki enzi aidri rini `i ya? Anyiba igeniki le`jo ani sile dii ovi Endri Ole ria driba ani nzejo amani risi, kendre ma`di Bugu Ole ri sidi, ondi Majugo Yohana a lekaa ri ani.
Ovi zikajo inajoadru anisa ehwi ani erika ni okpo rii 1 Yohana 2:22 `i, "Ma`di Yesu ni Kristo `i ni ga `di mgbe rii, enzo; ani o`ja`bazi Kristo dri `i. Ka Ata isa ga ana Ngwaapi ni gaka ri ani." Le`jo ani di ka ta jo di o`ja`bazi Rubanga dri rii a`di ti `i ya nidri. Le`jo ani sile di kojoa amani o`ja`bazi Rubanga dri rii `ba Yesu ni Rubanga `i ni a`ika ku ri `bati `i. Vua diani di kite`dea `ba di `bati a`i Ata Yesu Kristo dri rii Rubanga ni kuru.
Isujoadru rii 1 Yohana 3:6 `i ojo, "Ma`di remu`di Kristo tro ri ide enzi ku. Ki ma`di enzi i`de`di rii ondre Kristo ni kuru vua oni sa ani ku." Dia, jo ondreki le`jo angwa sile "Ma`di remu`di Kristo tro rii," nidii ni, ama ndrea le`jo dii ohweru `ba anda rujeka enzi aidri ri ia si ra aia ofu loso eyidri vua Endri dri ri igenika si ri `bati ni. `Ba anda ri `bati tee jo a`duta kideru ni sa kaki a`i aidri ri ga kpe a`dusiku igeniki ofu loso loku rii au. Ki `bazi enzi ideka ru aidri risi ku ani aa ya? `Ba cidru ka enzi ide. Ki, a`i `ba ofu loso eyidri vua Endri dri ri igenika ra ri `bati le ka enzi ofu loso loku ri gajo mgbe lediani ledi ide kpe.

Enga Jo madi lejo di sidi ri dri

Ma'di Yesu ni igeni di, Rubanga vua Aridipi, emu ofu loso eyidri Endri drii tro rii emu enzi 'ba cidru ayure aia enzi ni'a rii, esu lari ana enzi cidru si ri ia ra, oko engwi `barangwa Rubanga Ata dri 'i.
Ofu atijo Yohana 'a sile ri ojo Yesu ni, Rubanga rii, emu amadri ofu loso eyidrii Endri drii tro si, disidru ani Ngwaapi Rubanga Ata dri 'i. Bugu ni, leti zi si, nzanza ani kojoa Yesu ni Rubanga (ofu atijoadru Yohana `a sile rii 5:20) ga `i, vua gbadru ka sadini hwe ofu loso eyidri Endri tro ri idri ana joti nzanza 5 ni ga 'i.
Alusa igweki dri'a Yesu Kristo ni Rubanga ni ku vua alusa igweki ana vu isa koka ku.


 
Free Christian eBooks
    eBook List
    Madi edition 14
 
  • About this book
  •  
  • Table of Contents
  •     What is eBook?
     
  • About eBook
  •  
  • How to read an eBook?
  •  
  • FAQ
  •  
  • Download Help
  •     eBook Readers
     
  • MS Reader 2.0
  •  
  • Acrobat Reader 4.0
  •  
    Partner's Zone

    register as a coworker
    Bookmark
       
    Copyright © 2001 - 2019 The New Life Mission. All Rights Reserved.