" Freely you have received, freely give " (Matthew 10:8)

HOME  |  SITEMAP  |  CONTACT US  |  HELP    
 



 Free eBook Version of Madi edition 15

 

Paulo C. Jong `a Bugu Usile ta driba nzedi Ozo Endri si ri idri ri `i 4 :
Ofu Atijo Yohana a sile ri `i (II)

  • Electronic Book Format : MS Reader
  • Current Downloads : 2
  • About this book
  • Table of Contents
 

Idoka

Paulo C. Jong `a Bugu Usile ta driba nzedi Ozo Endri si ri idri ri `i 4 : Ofu Atijo Yohana a sile ri `i (II)

Lejo rusidi ri'a ehwi'i

Jo gba nyi Kristo `ba loku ri `i, kole nyini ta le Rubanga dri ri idri nza rere. `Ba Yesu ni nika ote vua ani igenika aini Aridipi dru ra ri `bati kole koniki ta le Rubanga dri ri idri ote vua koraki ta a lebe aia enzi dri e`bu ekodi ofu loso eyidri vua Endri dri risi ri idri. Anyiba engwiki a`i `ba anda ofu loso loku di `bati dri ri `i ausini a`diki lini esu le Rubanga dri ri idri duwi. Ofu loso loku di `ia, le Rubanga dri ri ite`deru tau pelere. Jo oniki ta Rubanga nidri ote vua oniki ani le ni ote ri, kole ta ama nile ote rii kenga le okpo tro Rubanga dri rite`de`di amani ofu loso eyidri vua Endri dri risi ri iga. Jo dini ku ri ama hwa alusa `bazi `bati ria dri ni se le loku Rubanga dri ri iga kpe.
Majugo Yoana ohwe sadini ojo Yesu Kristo ni, emu`di eyisi, ari si, vua Endri Ole risi rii, Aridipi `i vua ani anangasi Rubanga. Sadini Yoana a hwele ri ka ta driba nze lebe enzi dri esule, eyisi, ari si, vua Endri Ole risi ri idri.
Kendre ana rusika le`jo Rubanga dri ri `ia ra ri ani, eyi di ka ta driba nze batisimu Yesu dri ana esule Yoana ni batisimu hwe`di ridri ri idri, vua ari driaru ri ka ta driba nze lamgba ana esule Kuruce dri enzi amadri risi ri idri. Ziniga idi, anda ama lari dri ri ite`deru tau rii Endri Ole risi, eyi si vua ari si (1 Yohana 5:8). Ebu eyidri, ari dri, vua Endri Ole ridri rii Rubanga ide ni layu hwejo enzi `ba cidru ni enzi aia idele risi.

Enga Jo madi lejo di sidi ri dri

Ta ride`di loso rere vua kole oniki ote rii Yesu esu batisimu Yoana ni batisimu hwe`di ridri A`bu Jurudano a ausini ani kodu dru enzi amadri rii ana ru ga pi ani koca dru drare Kuruce dri kuku si. Ki le`jo ni, ndi endru sa `ba amgbu oni ta tadi idri ku. Diani disi, kole dria oniki ote rii ra Yesu a batisimu dri rii ausini ani kodu enzi `ba cidru dri vudri dia rii pi ani koca driso drare Kuruce dri ku ku `i. Ama Yesu Kristo ni, emu`di ofu loso eyidri vua Endri dri risi ri nika ote vua ama ani igenika amani Aridipi dru ra si, kole duba enzi amadri rii cidru konga pi.


 
Free Christian eBooks
    eBook List
    Madi edition 15
 
  • About this book
  •  
  • Table of Contents
  •     What is eBook?
     
  • About eBook
  •  
  • How to read an eBook?
  •  
  • FAQ
  •  
  • Download Help
  •     eBook Readers
     
  • MS Reader 2.0
  •  
  • Acrobat Reader 4.0
  •  
    Partner's Zone

    register as a coworker
    Bookmark
       
    Copyright © 2001 - 2019 The New Life Mission. All Rights Reserved.