" Freely you have received, freely give " (Matthew 10:8)

HOME  |  SITEMAP  |  CONTACT US  |  HELP    
 



 Free eBook Version of Madi edition 3

 


Leti Adu-malekpe nyini Endri Ole ri esu 'jo ri 'i

  • Electronic Book Format : MS Reader
  • Current Downloads : 16
  • About this book
  • Table of Contents
 

Idoka

Bugu ekodi ra ovi Endri Ole ria ama aku 'jo ri dri 'i.

Lejo rusidi ri'a ehwi'i

Kristo 'ba 'a, ta ndrele okpo vua ta jore dria 'ru rii "rarika enzi 'a 'i" vua ana "Endri Ole ria oluka 'ba asi 'i". Ru sa, 'ba manyia ru onita lokugo ta eri ledia dri ga rii ni. Enzo 'ako oniki ta ta eri Kristo 'ba lofo ledi idri ku. Unzi rii adu, alu sa amesu tazi Bugu Ole ri 'ia ta driba nzedi amani anda anda ta eri ledi idri rii iyo. 'Ba amgbu lejo Kristo 'ba dri ri usi ka rii obiki ta usile hwe Endri Ole ri drii nzijo oru ri idri ra kusa ta etejo ovi Endri 'a 'ba akujo ri idri ra. Ki 'ai alu alu tesa ojo ta lazi alu ledi idri kuru, "Ma'di 'ai tro rii gbadru ka Endri Ole rii esu ingo ni?" Kusa adusi? Dii anda ako vu undrule-kpe lau okpo ri tro ri 'i adusi oniki ta driaru ku. Kendre ondiku profeta Hosea 'a jokaa ri ani, "Ma 'ba ka riza 'aia ta nika ku si," odu disi, Kristo 'ba dini mbi ri 'a vu koka rii ga ku, ki kaki uraa oli nosi 'ai ka Endri Ole ri esu ra. Kaki uraa 'ai kevu 'ai ka Endri ole ri esu saa 'aia cajo lofo lofo icadi ti dri asi egbwe tro ri iga. Ki ani ta unzi rere ri 'i ku jokaa 'aia 'ai-di oba lindri lindri Kristo 'ba dri di engwi lini mbi ri 'i 'i ni 'i, adusi lini ani ovi ledi ani mbi ledii kenga Sitani dri.Disidru ma'di bugu di sidi ungwele Rev. Paulo C. Jong ole ani konze ta ce rii 'au. Ta ana rile nzele ra rii konzea ndruwa-la, dii ta ziti ta Endri dri ri usika ria ebele angwe oji draa ahwa saa gwada ra ri 'i. Atijoa rii onze ta driba di "oti Endri si rii adu ya ni dri" vua "ovi Endri Ole ria ama akujo ri idri," oko onze ta driba okposi ta 'ai dru eri ledi idri 'i. Diivu oko onze driba lini ziti Endri Ole ri dri ri idri sa tro, engajo "ovi olujo Endri si ri iga" cajo "ovi olujo anda gadi-ndru Endri si ri iga." Ta ni jo nza, ma'di bugu di sidi rii ole nyindre bugu dia drile rubadi Webusaiti ga dii anda anda.

Enga Jo madi lejo di sidi ri dri

'Jo ile nyila bugu tete alu, kovu Bugu Ole rii ra rii, nya lidri kinya 'a Kristo 'ba dri ri 'ia 'au, Ale majo gba nyini asi cidru si bugu dii da rii 'au. Ani ciwidru bugu ani dii kolu nosi erijo bugu ziti amgbu nya lale Kristo 'baa usile ri 'i lofo sa 'i ni wa. Ta driba pelere egbwe ana nzele ovi Endri ole ria ama aku 'jo ri idri ri isa ondi kendre Bugu Ole ri a jokaa ri ani. Kendre ta Rev. Jong 'a usile rii ana rusika ru bugu ''Paul C. Jong 'a bugu usile kristo 'ba ni ri si ana dradinisa amvuka kinya ubi ni ra ri ani," Esu kole molu ma'di tutu 'a rucore ruaru ra ri 'i adusi ma ma'di atijoadru bugu driaru ri ladi ri 'i. Ta ana sile lejo di iga rii pelere, anda, ka Endri ari wa, vua oga 'ai si ndru. Ani tiluza Rubanga dri ledia ana konze lejo ehwi anda dri rii lejo ehwi profeta dri enzo dru Kristo 'ba lofo odu disi ri idujo ri 'i. Ama asiti ni egwe rere lejo cidru ana usile ri si, vua ama tesa baba bajodru ta cidru ana usile ri ni efu 'jo ra.


 
Free Christian eBooks
    eBook List
    Madi edition 3
 
  • About this book
  •  
  • Table of Contents
  •     What is eBook?
     
  • About eBook
  •  
  • How to read an eBook?
  •  
  • FAQ
  •  
  • Download Help
  •     eBook Readers
     
  • MS Reader 2.0
  •  
  • Acrobat Reader 4.0
  •  
    Partner's Zone

    register as a coworker
    Bookmark
       
    Copyright © 2001 - 2019 The New Life Mission. All Rights Reserved.