Debido a COVID-19 y la interrupción del servicio de correo internacional,
hemos suspendido temporalmente nuestro "Servicio de Libros Impresos Gratis".
hemos suspendido temporalmente nuestro "Servicio de Libros Impresos Gratis".
A la luz de esta situación no podemos enviarle los libros por correo en este momento.
Oren para que esta pandemia termine pronto y por la reanudación del servicio postal.
Oren para que esta pandemia termine pronto y por la reanudación del servicio postal.
ဘာသာရပ် ၃ - ရေနှင့်ဝိညာဉ်တော်သတင်းကောင်း
[3-1] ထာဝရကယ်တင်ခြင်း (ရှင်ယောဟန်ခရစ်ဝင် 8:1-12)
(ရှင်ယောဟန်ခရစ်ဝင် 8:1-12)
“ယေရှုမူကား သံလွင်တောင်သို့ ကြွတော်မူ၏။ အရုဏ်တက်ချိန်၌ ဗိမာန်တော်သို့ နောက်တစ်ဖန်ကြွတော်မူရာ လူအပေါင်းတို့သည် အထံတော်သို့ရောက်လာကြသဖြင့် ကိုယ်တော်သည် ထိုင်၍သူတို့အား သွန်သင်တော်မူ၏။ ထိုအခါ ကျမ်းပြုဆရာတို့နှင့်ဖာရိရှဲတို့သည် အိမ်ထောင်ရေးဖောက်ပြန်မှုကိုကျူးလွန်သည့်အတွက် အဖမ်းခံရသောမိန်းမတစ်ယောက်ကိုခေါ်ဆောင်လာ၍ အလယ်၌ထားပြီးလျှင် ‘ဆရာ၊ ဤမိန်းမသည် အိမ်ထောင်ရေးဖောက်ပြန်မှုကို ကျူးလွန်နေစဉ်၌ပင် အဖမ်းခံရပါသည်။ မောရှေသည် ဤသို့သောမိန်းမမျိုးကို ခဲနှင့်ပေါက်သတ်ရန် ပညတ်တရား၌ အကျွန်ုပ်တို့အား ပညတ်ထားပါသည်။ ဆရာကား မည်သို့ဆိုမည်နည်း’ ဟု ကိုယ်တော်အား လျှောက်ကြ၏။ သူတို့သည် ကိုယ်တော်ကို စွပ်စွဲခွင့်ရရှိရန် ကိုယ်တော်ကိုစမ်းသပ်လိုသဖြင့် ဤသို့လျှောက်ထားကြခြင်းဖြစ်၏။ သို့ရာတွင် ယေရှုသည်ငုံ့၍ လက်ညှိုးတော်ဖြင့် မြေပေါ်၌ရေးလျက်နေတော်မူ၏။ ထိုသူတို့အထပ်ထပ်မေးမြန်းကြသောအခါ ယေရှုသည် ကိုယ်ကိုမတ်၍ ‘သင်တို့တွင် အပြစ်ကင်းသောသူသည် သူ့ကို ခဲနှင့်အဦးဆုံးပေါက်စေ’ ဟု မိန့်တော်မူပြီးလျှင် တစ်ဖန်ငုံ့လျက် မြေပေါ်တွင် ဆက်၍ရေးတော်မူ၏။ သူတို့သည် ထိုစကားကိုကြားရသောအခါ အသက်ကြီးသောသူတို့မှစ၍ တစ်ယောက်ပြီးတစ်ယောက်ထွက်သွားကြသဖြင့် ယေရှုတစ်ပါးတည်းသာ အလယ်၌ရှိနေသောထိုမိန်းမနှင့် ကျန်ရစ်ခဲ့၏။ ထိုအခါ ယေရှုသည် ကိုယ်ကိုမတ်တော်မူ၍ ‘အသင်မိန်းမ၊ ထိုသူတို့အဘယ်မှာရှိကြသနည်း။ သင့်ကိုပြစ်ဒဏ်စီရင်သူ တစ်ယောက်မျှမရှိသလော’ ဟု မေးတော်မူလျှင် ထိုမိန်းမက ‘တစ်ယောက်မျှမရှိပါ သခင်ဘုရား’ ဟု လျှောက်လေ၏။ ယေရှုကလည်း ‘ငါသည်လည်း သင့်ကိုပြစ်ဒဏ်မစီရင်။ သွားလော့။ ယခုမှစ၍ နောက်တစ်ဖန်အပြစ်မပြုနှင့်’ ဟု မိန့်တော်မူ၏။ တစ်ဖန် ယေရှုသည် လူတို့အားမြွက်ဆိုတော်မူ၍ ‘ငါသည် ဤလောက၏အလင်းဖြစ်၏။ ငါ့နောက်သို့လိုက်သောသူသည် မည်သည့်အခါမျှ မှောင်မိုက်၌သွားလာခြင်းမရှိဘဲ အသက်၏အလင်းကိုရရှိမည်’ ဟု မိန့်တော်မူ၏။”
| သခင်ယေရှုသည် အပြစ်မည်မျှ ဖယ်ရှားပေးတော်မူခဲ့သနည်း |
| လောကအပြစ်များအားလုံး |
ယေရှုသည် ကျွန်ုပ်တို့အား ထာဝရကယ်တင်ခြင်းကို ပေးတော်မူခဲ့ပါသည်။ ဤလောကတွင် ယေရှုကို ကယ်တင်ရှင်အဖြစ် ယုံကြည်လျှင် ရွေးနှုတ်ခြင်းမခံရနိုင်သော သူတစ်ဦးတစ်ယောက်မျှ မရှိပါ။ ကိုယ်တော်သည် ကျွန်ုပ်တို့အားလုံးကို ရွေးနှုတ်တော်မူခဲ့ပါသည်။ အပြစ်ကြောင့် ဝေဒနာခံစားနေရသော အပြစ်သားတစ်ဦးရှိပါက ထိုသူသည် ယေရှုက ဗတ္တိဇံအားဖြင့် အပြစ်အားလုံးမှ မည်သို့ကယ်တင်ပေးခဲ့ကြောင်းကို နားမလည်သေးသောကြောင့် ဖြစ်ပါသည်။
ကျွန်ုပ်တို့အားလုံးသည် ကယ်တင်ခြင်း၏နက်နဲသောအရာကို သိရှိ၍ ယုံကြည်ရန် လိုအပ်ပါသည်။ ယေရှုသည် ဗတ္တိဇံအားဖြင့် ကျွန်ုပ်တို့၏အပြစ်အားလုံးကို ယူဆောင်တော်မူခဲ့ပြီး လက်ဝါးကပ်တိုင်ပေါ်တွင် အသေခံတော်မူခြင်းအားဖြင့် ကျွန်ုပ်တို့၏အပြစ်အတွက် တရားစီရင်ခြင်းကို ခံယူတော်မူခဲ့ပါသည်။
သင်တို့သည် ရေနှင့်သန့်ရှင်းသောဝိညာဉ်တော်၏ ကယ်တင်ခြင်း၊ တနည်းအားဖြင့် အပြစ်အားလုံးမှ ထာဝရကယ်တင်ခြင်းကို ယုံကြည်ရမည်။ သင်တို့သည် သင်တို့အား ဖြောင့်မတ်သောသူများဖြစ်စေတော်မူသော ထာဝရဘုရား၏ ကြီးမားသောမေတ္တာတော်ကို ယုံကြည်ရမည်။ ယော်ဒန်မြစ်နှင့် လက်ဝါးကပ်တိုင်ပေါ်တွင် သင်တို့၏ကယ်တင်ခြင်းအတွက် ကိုယ်တော်ပြုတော်မူခဲ့သောအရာကို ယုံကြည်ကြလော့။
ထို့ပြင် ယေရှုသည် ကျွန်ုပ်တို့၏ ဝှက်ထားသောအပြစ်များကိုလည်း အကုန်သိရှိတော်မူပါသည်။ အချို့သောသူများသည် အပြစ်နှင့်ပတ်သက်၍ အထင်မှားနေကြပါသည်။ သူတို့သည် အချို့သောအပြစ်များကို ရွေးနှုတ်၍မရနိုင်ဟု ထင်မှတ်ကြပါသည်။ ယေရှုသည် အပြစ်အားလုံးကို တစ်ခုမကျန် ရွေးနှုတ်တော်မူခဲ့ပါသည်။
ဤလောကတွင် ကိုယ်တော်ဖယ်ရှားတော်မမူသော အပြစ်ဟူ၍ မရှိပါ။ သခင်ဘုရားသည် ဤလောကရှိ အပြစ်အားလုံးကို အစားထိုး ဖြေရှင်းပေးခဲ့ပြီးဖြစ်သောကြောင့် အပြစ်သားဟူ၍ မရှိတော့ပါ။ သင်တို့၏အပြစ်အားလုံးနှင့် အနာဂတ်အပြစ်များပင် အပြစ်ဖြေရာယဇ်ပြုတော်မူခဲ့သော ဧဝံဂေလိတရားကို သိရှိပါသလား။ ထိုတရားကို ယုံကြည်၍ ကယ်တင်ခြင်းခံကြပါ။ ထို့နောက် ဘုရားသခင်၏ဘုန်းတော်သို့ ပြန်လည်ရောက်ရှိကြပါ။
အိမ်ထောင်ရေးဖောက်ပြန်မှုဖြင့် အဖမ်းခံရသော မိန်းမ
| လောက၌ လူမည်မျှသည် အိမ်ထောင်ရေးဖောက်ပြန် ခဲ့ကြသနည်း |
| လူသားအားလုံး |
ယောဟန်ခရစ်ဝင်ကျမ်း အခန်း 8 တွင် အိမ်ထောင်ရေးဖောက်ပြန်မှုဖြင့် ဖမ်းမိသော အမျိုးသမီးတစ်ဦးရှိသည်။ သခင်ယေရှုအားဖြင့် သူမကို မည်သို့ကယ်တင်ခဲ့သည်ကို ကျွန်ုပ်တို့မြင်ရသည်။ သူမရရှိခဲ့တဲ့ ကျေးဇူးကို ဝေမျှချင်ပါတယ်။ လူသားအားလုံးသည် ၎င်းတို့၏ ဘဝတစ်လျှောက်လုံး အိမ်ထောင်ရေးဖောက်ပြန်သည်ဟု ဆိုခြင်းသည် ချဲ့ကားပြောဆိုခြင်းမဟုတ်ပါ။ လူသား အားလုံးသည် အိမ်ထောင်ရေးဖောက်ပြန်မှုကျူးလွန်ကြသည်။
ထိုသို့မပြသလိုဖြစ်နေလျှင် ၎င်းမှာ ကျွန်ုပ်တို့သည် အလွန်မကြာခဏ ထိုသို့ပြုလုပ်နေသောကြောင့် ထိုသို့မဟုတ်သကဲ့သို့ ထင်ရခြင်းသာဖြစ်သည်။ အ ဘယ်ကြောင့်နည်း။ ကျွန်ုပ်တို့သည် မိမိအသက်တာများ၌ အိမ်ထောင် ရေးဖောက်ပြန်မှုများစွာဖြင့် အသက်ရှင်ကြသည်။
ယောဟန် ၈ တွင် ဖော်ပြထားသောအမျိုးသမီးကို ကြည့်သော အခါ ကျွန်ုပ်တို့အကြားမှာ အိမ်ထောင်ရေးဖောက် ပြန်မှုအပြစ်မကျူး လွန်သောသူ တစ်စုံတစ်ဉီးရှိ/မရှိဟု ကျွန်တော် တွေးမိသည်။ အိမ် ထောင်ရေးဖောက်ပြန်မှုဖြင့် အဖမ်းခံရသောမိန်းမကဲ့သို့ အိမ်ထောင် ရေးဖောက်ပြန်မှုအပြစ်မကျူးလွန်သူ တစ်စုံတစ်ဉီးမျှ မရှိပေ။ ကျွန်ုပ် တို့အားလုံးသည် အိမ်ထောင်ရေးဖောက်ပြန်မှုအပြစ် ကျူးလွန်ကြ သော်လည်းကျွန်ုပ်တို့သည်မကျူးလွန်သကဲ့သို့ဟန်ဆောင်ကြသည်။
ကျွန်ုပ်မှားယွင်းသည်ဟု သင်ထင်ပါသလား။ မဟုတ်ပါ၊ ထိုသို့မဟုတ်ပါ။ ကိုယ့်အထဲမှာ သေသေချာချာကြည့်တယ်။ ကမ္ဘာပေါ်ရှိလူတိုင်း လုပ်ဖူးသည်။ သူတို့သည် လမ်းပေါ်ရှိ အမျိုးသမီးများကို ကြည့်သည့်အခါတိုင်း၊ နေရာတိုင်းတွင် ၎င်းတို့၏ အတွေးနှင့် အပြုအမူများဖြင့် အိမ်ထောင်ရေးဖောက်ပြန်ကြသည်။
သူတို့သည် မိမိတို့ထိုသို့ပြုမူနေကြောင်းကို သတိမပြုမိကြခြင်းသာ ဖြစ်သည်။ တစ်သက်တာလုံး မရေတွက်နိုင်သော တရားနှင့်မညီမေထုန်ပြုခြင်းများကို ကျူးလွန်ခဲ့ကြောင်းကို သေသည့်နေ့အထိ မသိရှိသူများစွာ ရှိပါသည်။ ဖမ်းဆီးခံရသူများသာမက တစ်ကြိမ်တစ်ခါမျှ မဖမ်းဆီးခံရသော ကျွန်ုပ်တို့အားလုံးသည်လည်း ထိုနည်းတူပင် ဖြစ်ပါသည်။ လူတိုင်းသည် ၎င်းတို့၏ နှလုံးသားနှင့် လုပ်ဆောင်ချက်များတွင် ပြုလုပ်ကြသည်။ ဤသည်မှာ ကျွန်ုပ်တို့ဘဝ၏ တစ်စိတ်တစ်ပိုင်း မဟုတ်ပါလော။
စိတ်ဆိုးနေပါသလား။ ဤသည်မှာ အမှန်တရားဖြစ်ပါသည်။ ရှက်စရာကောင်းသောကြောင့် ဖုံးကွယ်ထားခြင်းသာ ဖြစ်ပါသည်။ ဤနေ့ရက်များတွင် လူများသည် အချိန်တိုင်း အိမ်ထောင်ဖောက်ပြန်မှုအပြစ် ကျူးလွန်ကြသော်လည်း သူတို့သည် ကျူးလွန်နေကြသည်ဟု နားမလည်ခြင်းမှာ အမှန်ပင် ဖြစ်လေသည်။
လူများသည် မိမိဝိညာဉ်များ၌လည်း အိမ်ထောင်ရေးဖောက်ပြန်မှုအပြစ်ကျူးလွန်ကြသည်။ ဘုရားသခင်ဖန်ဆင်းထားသော ကျွန်ုပ်တို့သည် ကျွန်ုပ်တို့၏စိတ်ဝိညာဉ်သည် အိမ်ထောင်ရေးဖောက်ပြန်နေကြောင်းကိုပင် သတိမပြုမိဘဲ ဤကမ္ဘာမြေပေါ်တွင် နေထိုင်ကြသည်။ အခြားဘုရားများကို ဝတ်ပြုခြင်းသည် ဝိညာဉ်ရေးအိမ်ထောင်ရေးဖောက်ပြန်မှုကိုကျူးလွန်ခြင်းဖြစ်သည်။ အဘယ်ကြောင့်ဆိုသော် သခင်သည် လူသား၏ တစ်ဦးတည်းသောခင်ပွန်းဖြစ်တော်မူ၏။
အိမ်ထောင်ရေးဖောက်ပြန်မှုဖြင့် ဖမ်းဆီးခံရသော အမျိုးသမီးသည်လည်း ကျွန်ုပ်တို့ကဲ့သို့ပင် လူသားတစ်ဦးဖြစ်ပြီး၊ ကယ်တင်ခြင်းခံရသော ကျွန်ုပ်တို့ကဲ့သို့ပင် ဘုရားသခင်၏ကျေးဇူးတော်ကို ခံစားရပါသည်။ သို့သော် သူတော်ကောင်းဟန်ဆောင်သော ဖာရိရှဲများသည် သူမအား သူတို့အလယ်တွင် ထားရှိပြီး တရားသူကြီးကဲ့သို့ လက်ညှိုးထိုးကာ ကျောက်ခဲဖြင့် ပစ်ပေါက်ရန် ကြိုးစားခဲ့ကြသည်။ သူတို့သည် မိမိတို့ကိုယ်တိုင် အိမ်ထောင်ရေးဖောက်ပြန်မှု မကျူးလွန်ဖူးသကဲ့သို့၊ မိမိတို့ကိုယ်တိုင် သန့်စင်သကဲ့သို့ သူမအား လှောင်ပြောင်ပြီး စီရင်ရန် ကြိုးစားခဲ့ကြသည်။
ညီအစ်ကို မောင်နှမ ခရစ်ယာန်များခင်ဗျား၊ မိမိကိုယ်ကို အပြစ်၏အစုအပုံဟု သိရှိသူသည် ထာဝရဘုရား၏ရှေ့မှောက်တွင် သူတစ်ပါးကို မစီရင်တတ်ပါ။ ထိုသို့မဟုတ်ဘဲ သူတို့သည် မိမိကိုယ်တိုင်လည်း တစ်သက်လုံး အိမ်ထောင်ရေးဖောက်ပြန်မှုကို ကျူးလွန်ခဲ့ကြောင်း သိရှိသောကြောင့် ကျွန်ုပ်တို့အားလုံးကို ရွေးနှုတ်တော်မူသော ထာဝရဘုရား၏ကျေးဇူးတော်ကို ခံယူကြပါသည်။ မိမိကိုယ်ကို တစ်သက်လုံး အိမ်ထောင်ရေးဖောက်ပြန်မှုကို ကျူးလွန်ခဲ့သော အပြစ်သားဟု သိမြင်သူသာလျှင် ထာဝရဘုရား၏ရှေ့မှောက်တွင် ကယ်တင်ခြင်းခံရရန် ထိုက်တန်သူဖြစ်ပါသည်။
မည်သူသည် ဘုရား၏ကျေးဇူးတော်ကို ရရှိသနည်း
တရားနှင့်မညီမေထုန်ပြုခြင်းကို မကျူးလွန်ဘဲ သန့်ရှင်းစွာ နေထိုင်သူသည် ဘုရားသခင်၏ကျေးဇူးတော်ကို ခံစားရသလား၊ သို့မဟုတ် မိမိကိုယ်ကို အပြစ်များလှသည်ဟု ဝန်ခံသော မထိုက်တန်သူသည် ဘုရားသခင်၏ကျေးဇူးတော်ကို ခံစားရသလား။ မိမိကိုယ်ကို အပြစ်များလှသည်ဟု ဝန်ခံသူသည် ဘုရားသခင်၏ရွေးနှုတ်ခြင်း ကျေးဇူးတော်ကို ကြွယ်ဝစွာ ခံရသူဖြစ်သည်။ မိမိကိုယ်ကို မကူညီနိုင်သူများ၊ အားနည်း၍ အကူအညီမဲ့သူများသည် ရွေးနှုတ်ခြင်းကို ခံစားရကြသည်။ ထိုသူတို့သည် ဘုရားသခင်၏ကျေးဇူးတော်ထဲတွင် ရှိနေသူများ ဖြစ်ကြသည်။
| ဘုရားသခင်၏ကျေးဇူးတော်ကို မည်သူလက်ခံသနည်း။ |
| မထိုက်တန်သောသူများ |
မိမိ၌အပြစ်မရှိဟု ထင်မြင်သူများသည် ရွေးနှုတ်ခြင်းခံရနိုင်မည် မဟုတ်ပါ။ ရွေးနှုတ်ရန် မရှိသောသူသည် ကိုယ်တော်၏ရွေးနှုတ်ခြင်းကျေးဇူးတော်ကို မည်သို့ခံယူနိုင်မည်နည်း။
ကျမ်းတတ်ပုဂ္ဂိုလ်များနှင့် ဖာရိရှဲများသည် အိမ်ထောင်ရေး ဖောက်ပြန်မှုအပြစ်ကျူးလွန်၍ အဖမ်းခံရသူ အမျိုးသမီးကို သခင် ယေရှုရှေ့၌ ဖမ်းဆီးချုပ်နှောင်၍ သူတို့အလယ်၌ထားကာ “မောရှေသည် ဤသို့သောမိန်းမမျိုးကို ခဲနှင့်ပေါက်သတ်ရန် ပညတ်တရား၌ အကျွန်ုပ်တို့အား ပညတ်ထားပါသည်။ ဆရာကား မည်သို့ဆိုမည်နည်းဟု ကိုယ်တော်အား လျှောက်ကြ၏” ဟု လျှောက်ခဲ့ကြသည်။ သူတို့သည် မိန်းမကို ကိုယ်တော့်ရှေ့၌ ဘာကြောင့် ခေါ်ဆောင်ကြကာ ကိုယ် တော့်ကို စုံစမ်းခဲ့ကြသနည်း။
သူတို့ကိုယ်တိုင်လည်း အိမ်ထောင်ရေးဖောက်ပြန်မှုအပြစ်ကို အကြိမ်ကြိမ်ကျူးလွန်ခဲ့သော်လည်း၊ ယေရှုမှတစ်ဆင့် ထိုအမျိုးသမီးကို တရားစီရင်၍ သတ်ဖြတ်ရန် ကြိုးပမ်းခဲ့ကြပြီး၊ ထိုတာဝန်ကို ယေရှုအပေါ် ပုံချလိုသောကြောင့် ဖြစ်ပါသည်။
ယေရှုသည် သူတို့၏စိတ်နှလုံးကို သိမြင်တော်မူ၍ ထိုအမျိုးသမီးအကြောင်းကိုလည်း အကုန်သိတော်မူ၏။ ထို့ကြောင့် သခင်ဘုရားက “သင်တို့တွင် အပြစ်ကင်းသောသူသည် သူ့ကို ခဲနှင့်အဦးဆုံးပေါက်စေ” ဟု မိန့်တော်မူ၏။ ထိုအခါ ကျမ်းပြုဆရာများနှင့် ဖာရိရှဲတို့သည် အသက်အကြီးဆုံးသူမှစ၍ နောက်ဆုံးလူအထိ တစ်ယောက်ပြီးတစ်ယောက် ထွက်သွားကြသဖြင့် ယေရှုနှင့် ထိုအမျိုးသမီးသာ ကျန်ရစ်ခဲ့ကြသည်။
ထွက်ခွါသွားသောသူများသည် ကျမ်းတတ် ပုဂ္ဂိုလ်များနှင့်ဖါရိရှဲ များ၊ ဘာသာရေးခေါင်းဆောင်များဖြစ်ကြသည်။ သူတို့သည် အိမ်ထောင်ရေးဖောက်ပြန်မှုကျူးလွန်နေစဉ် ဖမ်းဆီးခံရသော အမျိုးသမီးအား မိမိတို့ကိုယ်ကို အပြစ်ကင်းစင်သူများကဲ့သို့ ပြု၍ တရားစီရင်ရန် ကြိုးပမ်းခဲ့ကြသည်။
သခင်ယေရှုက ဤလောက၌ ကိုယ်တော်၏မေတ္တာတော်ကို ကြွေးကြော်တော်မူခဲ့သည်။ ကိုယ်တော်သည် မေတ္တာတော် ၏အရှင် ဖြစ်တော်မူသည်။ သခင်ယေရှုသည် လူများကို အစားအစာ ပေး တော်မူသည်၊ သေသောသူများကို ပြန်ရှင်စေတော်မူခဲ့သည်၊ မုဆိုးမ၏သားကို အသက်ပြန်ရှင်စေတော်မူခဲ့၏၊ လာဇလုကိုလည်း အသက်ပြန်ရှင်စေတော်မူခဲ့သည်၊ နူနာများကို လည်း ကျန်းမာစေတော်မူခဲ့သည်၊ ဆင်းရဲသားများအတွက် အံ့ဖွယ်နိမိတ်လက္ခဏာများကို ပြုတော်မူခဲ့၏။ ထို့ပြင် အပြစ်သားအပေါင်းတို့၏ အပြစ်အလုံးစုံကို ယူဆောင်တော်မူ၍ ကယ်တင်ခြင်းကို ပေးသနားတော်မူခဲ့ပါသည်။
ယေရှုသည် ကျွန်ုပ်တို့ကို ချစ်တော်မူ၏။ ကိုယ်တော်သည် အရာခပ်သိမ်းကို တတ်နိုင်တော်မူသော အနန္တတန်ခိုးရှင် ဖြစ်သော်လည်း၊ ဖာရိရှဲများနှင့် ကျမ်းပြုဆရာတို့သည် ကိုယ်တော်ကို သူတို့၏ရန်သူအဖြစ် သတ်မှတ်ခဲ့ကြသည်။ ထို့ကြောင့် သူတို့သည် ထိုအမျိုးသမီးကို ကိုယ်တော့်ထံသို့ ခေါ်ဆောင်လာ၍ ယေရှုကို စုံစမ်းခဲ့ကြသည်။
သူတို့က “မောရှေသည် ဤသို့သောမိန်းမမျိုးကို ခဲနှင့်ပေါက်သတ်ရန် ပညတ်တရား၌ အကျွန်ုပ်တို့အား ပညတ်ထားပါသည်။ ဆရာကား မည်သို့ဆိုမည်နည်း ဟု ကိုယ်တော်အား လျှောက်ကြ၏” ဟု လျှောက်ခဲ့ကြသည်။ ကိုယ်တော် သည် သူမကို ကျောက်ခဲဖြင့် ပစ်သတ်ရန် မိန့်တော်မူလိမ့်မည်ဟု သူတို့တွေးခဲ့ကြသည်။ အဘယ်ကြောင့်နည်း။ အကယ်၍ ကျွန်ုပ်တို့သည် ဘုရားသခင်က မောရှေအား ပေးအပ်တော်မူသော ပညတ်တရားနှင့်အညီတရားစီရင်ခြင်းခံရကြမည်ဆိုလျှင် အိမ်ထောင် ရေးဖောက် ပြန်မှုအပြစ်ကျူးလွန်သောသူများအားလုံးကို ခြွင်းချက် မရှိ ကျောက် ခဲဖြင့် ပစ်သတ်ရကြမည် ဖြစ်သည်။
အားလုံးသည် ကျောက်ခဲဖြင့် ပစ်သတ်ခြင်းခံရကြ၍ အားလုံး သည် အပ္ပါယ်ငရဲသို့သွားရန် ဉီးတည်နေကြသည်။ အပြစ်၏အခမှာ သေခြင်း ဖြစ်သည်။ သို့သော်၊ သခင် ယေရှုက သူမကို ကျောက်ခဲဖြင့် ပစ်သတ်ရန် မိန့်တော်မမူခဲ့ပေ။ ကိုယ်တော်က “သင်တို့တွင် အပြစ်ကင်းသောသူသည် သူ့ကို ခဲနှင့်အဦးဆုံးပေါက်စေ” ဟု မိန့်တော်မူခဲ့သည်။
| ထာဝရဘုရားသည် ကျွန်ုပ်တို့အား ပညတ်တော် ၆၁၃ ချက်ကို အဘယ်ကြောင့် ပေးအပ်တော်မူခဲ့သနည်း။ |
| ကျွန်ုပ်တို့သည် အပြစ်သားများဖြစ်ကြောင်း သိမြင်လာစေရန်ဖြစ်သည်။ |
မောရှေ၏ ပညတ်တရားသည် အမျက်ကို ယူဆောင်လာသည်။ ဘုရားသခင်သည် သန့်ရှင်းတော်မူ၍ ကိုယ်တော်၏မောရှေ၏ ပညတ်တရားသည်လည်း သန့်ရှင်းသည်။ ဤသန့်ရှင်းသောမောရှေ၏ ပညတ်တရားသည် ပညတ်ချက် ၆၁၃ ချက်အဖြစ် ကျွန်ုပ်တို့ထံ ရောက်လာခဲ့သည်။ ဘုရားသခင်သည် ကျွန်ုပ်တို့အား မောရှေ၏ ပညတ်တရား အချက် ၆၁၃ ကို ပေးအပ်တော်မူခဲ့သည်။ ထိုသို့ပေးအပ်တော်မူခဲ့သည့် အကြောင်းရင်းမှာ ကျွန်ုပ်တို့သည် အပြစ်သားများဖြစ်ကြောင်း၊ မပြည့်စုံသော သတ္တဝါများဖြစ်ကြောင်း သိမြင်လာစေရန် ဖြစ်သည်။ ဤသည်က ကျွန်ုပ်တို့အား ရွေးနှုတ်ခြင်းခံရရန် ဘုရားသခင်၏ကျေးဇူးတော်ကို မျှော်ကြည့်ရမည်ဖြစ်ကြောင်း သွန်သင်ပေးသည်။ ကျွန်ုပ်တို့သည် ဤအရာကို မသိဘဲ မောရှေ၏ ပညတ်တရား၌ ရေးထားသောအရာများကိုသာ တွေးခဲ့ကြလျှင် အန္တရာယ်ရှိသည်။ အိမ်ထောင်ရေးဖောက်ပြန်မှုအပြစ်ကျူးလွန်မှုကြောင့် အဖမ်းခံရသူ မိန်းမကဲ့သို့ ကျွန်ုပ်တို့သည်လည်း ကျောက်ခဲဖြင့်အသတ်ခံရကြမည် ဖြစ်သည်။
ကိုယ်တော်၏မောရှေ၏ ပညတ်တရား၏အမှန်တရားကို မသိခဲ့သော ကျမ်းပြုဆရာများနှင့် ဖာရိရှဲများသည် ထိုအမျိုးသမီးနှင့် ကျွန်ုပ်တို့ကိုပါ ကျောက်ခဲဖြင့် ပစ်သတ်နိုင်သည်ဟု ထင်မှတ်ခဲ့ကြပုံရသည်။ အကူအညီမဲ့သော အမျိုးသမီးတစ်ဦးအား မည်သူက ကျောက်ခဲဖြင့် ပစ်နိုင်မည်နည်း။ သူမသည် ထိုအမှုကျူးလွန်နေစဉ် ဖမ်းဆီးခံခဲ့ရသည် ဆိုပါစေ၊ ဤလောကတွင် မည်သူမျှ သူမအား ကျောက်ခဲဖြင့် ပစ်နိုင်မည် မဟုတ်ပေ။
အကယ်၍ ထိုအမျိုးသမီးနှင့် ကျွန်ုပ်တို့တစ်ဦးချင်းစီသည် မောရှေ၏ ပညတ်တော်အရသာ တရားစီရင်ခြင်းခံရမည်ဆိုပါက ထိုအမျိုးသမီးသာမက ကျွန်ုပ်တို့ပါ ကြောက်မက်ဖွယ်ကောင်းသော တရားစီရင်ခြင်းကို ခံရမည်ဖြစ်သည်။ သို့သော် ယေရှုသည် အပြစ်သားများဖြစ်သော ကျွန်ုပ်တို့အား ကျွန်ုပ်တို့၏အပြစ်များနှင့် တရားမျှတသော တရားစီရင်ခြင်းမှ ကယ်တင်တော်မူခဲ့သည်။ ကျွန်ုပ်တို့၏ အပြစ်အားလုံးနှင့်အတူ အကယ်၍ မောရှေ၏ ပညတ်တော်ကို တိကျစွာ စာလုံးအတိုင်း အသုံးချမည်ဆိုပါက ကျွန်ုပ်တို့အထဲမှ မည်သူသည် အသက်ရှင်ကျန်ရစ်နိုင်မည်နည်း။ ငါတို့အားလုံး နောက်ဆုံးတော့ ငရဲကို ရောက်သွားလိမ့်မယ်။
သို့သော် ကျမ်းပြုဆရာများနှင့် ဖာရိရှဲများသည် မောရှေ၏ ပညတ်တော်ကို ရေးသားထားသည့်အတိုင်းသာ သိရှိခဲ့ကြသည်။ အကယ်၍ ဘုရားသခင်၏ပညတ်တော်ကို မှန်ကန်စွာ အသုံးချမည်ဆိုပါက၊ သူတို့သည် သူတို့အပြစ်စီရင်ခဲ့သူများနည်းတူ သေဖို့ရန် သေချာပေါက် ဖြစ်လိမ့်မည်။ အမှန်တကယ်တွင် မောရှေ၏ ပညတ်တော်သည် လူသားများက မိမိတို့၏အပြစ်ကို သိမြင်နိုင်စေရန် လူသားများအား ပေးအပ်ထားခြင်းဖြစ်သော်လည်း၊ သူတို့သည် ထိုအရာကို မှားယွင်းစွာ နားလည်ပြီး မှားယွင်းစွာ အသုံးချခဲ့သောကြောင့် ဒုက္ခရောက်ရခြင်း ဖြစ်သည်။
ယနေ့ခေတ် ဖာရိရှဲများသည် ကျမ်းစာထဲမှ ဖာရိရှဲများကဲ့သို့ပင် ပညတ်တော်ကို ရေးသားထားသည့်အတိုင်းသာ သိရှိကြသည်။ သူတို့သည် ဘုရားသခင်၏ကျေးဇူးတော်၊ ဖြောင့်မတ်ခြင်းနှင့် သမ္မာတရားကို နားလည်သဘောပေါက်သင့်ကြသည်။ သူတို့သည် ကယ်တင်ခြင်းခံရရန်အတွက် ကယ်တင်ခြင်း၏ဧဝံဂေလိတရားကို သင်ယူရန် လိုအပ်သည်။
ဖာရိရှဲများက “မောရှေသည် ဤသို့သောမိန်းမမျိုးကို ခဲနှင့်ပေါက်သတ်ရန် ပညတ်တရား၌ အကျွန်ုပ်တို့အား ပညတ်ထားပါသည်။ ဆရာကား မည်သို့ဆိုမည်နည်း ဟု ကိုယ်တော်အား လျှောက်ကြ၏” ဟု ပြောခဲ့ကြသည်။ သူတို့သည် ယုံကြည်မှုအပြည့်ဖြင့် ကျောက်ခဲများကို ကိုင်၍ မေးမြန်းခဲ့ကြသည်။ သခင်ယေရှုသည် ထိုအကြောင်းကို တစ်စုံတစ်ရာပြောမည်မဟုတ်ကြောင်း သူတို့သေချာသိခဲ့သည်။ သူတို့သည် ယေရှုက ထောင်ချောက်ထဲသို့ ကျရောက်စေရန် စောင့်မျှော်နေခဲ့ကြသည်။
သခင်ယေရှုသည် မောရှေ၏ ပညတ်တရားနှင့်အညီ တရားစီရင်တော်မူခဲ့ လျှင် သူတို့သည်လည် ကိုယ်တော့်ကို ကျောက် ဖြင့်ပစ်သတ်ကြလိမ့် မည်။ သူတို့၏ရည်ရွယ်ချက်မှာ ထိုနှစ်ဦးစလုံးကို ကျောက်ခဲဖြင့် ပစ်သတ်ရန် ဖြစ်သည်။ အကယ်၍ ယေရှုက ထိုအမျိုးသမီးကို ကျောက်ခဲဖြင့် မပစ်ရန် မိန့်တော်မူခဲ့လျှင်၊ သူတို့သည် ယေရှုက ဘုရားသခင်က မောရှေအား ပေးအပ်တော်မူသော ပညတ်တရားကို မထီမဲ့မြင်ပြုသည်ဟု ပြောဆိုကာ ဘုရားကို ပြစ်မှားသည့်အတွက် ကျောက်ခဲဖြင့် ပစ်ခတ်ကြလိမ့်မည်။ မည်မျှ ကြောက်မက်ဖွယ်ကောင်းသော ပရိယာယ်ပါလဲ။
သို့သော် ယေရှုသည် ခါးကိုင်း၍ လက်ညှိုးဖြင့် မြေပေါ်တွင် ရေးသားတော်မူ၏။ ထို့နောက် သူတို့က ယေရှုအား ဆက်လက်မေးမြန်းကြသည်။ “ကိုယ်တော် ဘာကို မိန့်ဆိုပါသနည်း။ မြေပေါ်တွင် ဘာကို ရေးနေပါသနည်း။ ကျွန်ုပ်တို့၏မေးခွန်းကိုသာ ဖြေကြားပေးပါ။ ကိုယ်တော် ဘာကို မိန့်ဆိုပါသနည်း။” သူတို့သည် လက်ညှိုးဖြင့် ယေရှုကို ညွှန်ပြ၍ ဆက်လက်နှောင့်ယှက်နေကြသည်။
ယေရှုသည် ထိုင်ရာမှထ၍ သူတို့အား သင်တို့တွင် အပြစ်ကင်းသောသူသည် ဦးစွာကျောက်ခဲဖြင့် ပစ်လော့ ဟု မိန့်တော်မူ၏။ ထို့နောက် ခါးကိုင်း၍ မြေပေါ်တွင် ဆက်လက်ရေးသားတော်မူ၏။ ထိုအခါ ထိုစကားကို ကြားသောသူတို့သည် မိမိတို့၏သတိစိတ်ကြောင့် အသက်အကြီးဆုံးသူမှစ၍ နောက်ဆုံးလူအထိ တစ်ယောက်ပြီးတစ်ယောက် ထွက်သွားကြ၏။ ယေရှုသည် တစ်ဦးတည်း ကျန်ရစ်တော်မူ၍ ထိုအမျိုးသမီးသည် ကိုယ်တော်၏ရှေ့တွင် ရပ်နေ၏။
“သင်တို့တွင် အပြစ်ကင်းသောသူသည် သူ့ကို ခဲနှင့်အဦးဆုံးပေါက်စေ”
| အပြစ်သည် မည်သည့်နေရာတွင် မှတ်တမ်းတင်ထားပါသနည်း။ |
| ကျွန်ုပ်တို့၏ စိတ်နှလုံးသင်ပုန်းနှင့် အကျင့်စာအုပ်တွင် ဖြစ်သည်။ |
ယေရှုက “သင်တို့တွင် အပြစ်ကင်းသောသူသည် သူ့ကို ခဲနှင့်အဦးဆုံးပေါက်စေ” ဟု မိန့်တော်မူပြီး ဆက်လက်၍ မြေပေါ်တွင် စာရေးတော်မူ၏။ ထိုအခါ သူတို့သည် အသက်အကြီးဆုံးသူများမှစ၍ တစ်ယောက်ချင်းစီ ထွက်သွားကြ၏။ အပြစ်ပိုများသော အသက်ကြီးသော ဖာရိရှဲများသည် ဦးစွာထွက်သွားကြ၏။ ထို့နောက် လူငယ်များလည်း ထွက်သွားကြ၏။ ယေရှုသည် ကျွန်ုပ်တို့အလယ်တွင် ရပ်နေပြီး ကျွန်ုပ်တို့သည် ထိုအမျိုးသမီး၏ပတ်လည်တွင် ရပ်နေသည်ဟု ယူဆကြည့်ပါစို့။ အကယ်၍ ယေရှုက ကျွန်ုပ်တို့အထဲမှ အပြစ်ကင်းသောသူသည် ဦးစွာကျောက်ခဲဖြင့် ပစ်ရန် မိန့်တော်မူခဲ့လျှင် သင်တို့ မည်သို့ပြုမူမည်နည်း။
ယေရှုသည် မြေပေါ်တွင် ဘာကို ရေးနေတော်မူခဲ့သနည်း။ ကျွန်ုပ်တို့ကို ဖန်ဆင်းတော်မူသော ဘုရားသခင်သည် ကျွန်ုပ်တို့၏အပြစ်များကို နေရာနှစ်ခုတွင် မှတ်တမ်းတင်ထားတော်မူသည်။
ပထမအနေဖြင့်၊ ကိုယ်တော်သည် ကျွန်ုပ်တို့၏အပြစ်များကို ကျွန်ုပ်တို့၏စိတ်နှလုံးသင်ပုန်းပေါ်တွင် မှတ်တမ်းတင်ထားတော်မူသည်။
“ယုဒအမျိုး၏အပြစ်ကို သူတို့၏နှလုံးသားပြင်၊ သူတို့၏ယဇ်ပလ္လင်ဦးချိုများပေါ်တွင် သံကညစ်ဖြင့် ရေးထိုးထား၏။ စိန်ချွန်ဖြင့် ရေးထွင်းထား၏” (ယေရမိအနာဂတ္တိကျမ်း 17:1)။
ဘုရားသခင်သည် ယုဒမှတစ်ဆင့် ကျွန်ုပ်တို့အား မိန့်တော်မူသည်။ လူသားတို့၏အပြစ်များသည် စိန်ထိပ်ဖျားဖြင့် ထွင်းထားသည်။ ၎င်းတို့သည် ကျွန်ုပ်တို့၏စိတ်နှလုံးသင်ပုန်းပေါ်တွင် မှတ်တမ်းတင်ထားသည်။ ယေရှုသည် ကိုယ်ကိုညွှတ်၍ လူသားတို့သည် အပြစ်သားများဖြစ်ကြောင်း မြေပေါ်တွင် ရေးသားတော်မူခဲ့သည်။
ဘုရားသခင်သည် ကျွန်ုပ်တို့ အပြစ်ကျူးလွန်ကြောင်း သိတော်မူ၍ ထိုအပြစ်များကို ကျွန်ုပ်တို့၏ စိတ်နှလုံးသင်ပုန်းပေါ်တွင် ရေးသွင်းတော်မူသည်။ ပထမဦးစွာ၊ ကျွန်ုပ်တို့သည် မောရှေ၏ ပညတ်တရားရှေ့တွင် အားနည်းသဖြင့် ကျူးလွန်သော အပြစ်များ၊ တနည်းအားဖြင့် ကျွန်ုပ်တို့၏ အပြစ်များကို မှတ်တမ်းတင်တော်မူသည်။ ထိုအပြစ်များသည် ကျွန်ုပ်တို့၏ စိတ်နှလုံးထဲတွင် မှတ်တမ်းတင်ထားသောကြောင့် ကျွန်ုပ်တို့သည် မောရှေ၏ ပညတ်တရားကို မြင်သောအခါ မိမိတို့သည် အပြစ်သားများဖြစ်ကြောင်း သိမြင်လာကြသည်။ ဘုရားသခင်သည် ကျွန်ုပ်တို့၏စိတ်နှလုံးနှင့် သိတရားထဲတွင် အပြစ်ကို မှတ်တမ်းတင်ထားသောကြောင့်၊ ကျွန်ုပ်တို့သည် ကိုယ်တော်၏ရှေ့မှောက်တွင် အပြစ်သားများဖြစ်ကြောင်း သိရှိကြပါသည်။
ထို့နောက် ယေရှုသည် ဒုတိယအကြိမ် ကိုယ်ကိုညွှတ်၍ မြေပေါ်တွင် ရေးသားတော်မူခဲ့သည်။ ကျမ်းစာက ကျွန်ုပ်တို့၏ အပြစ်အားလုံးသည် ဘုရားသခင့်ရှေ့မှောက်ရှိ အကျင့်စာအုပ်တွင် မှတ်တမ်းတင်ထားကြောင်း ဖော်ပြထားသည် (ဗျာဒိတ်ကျမ်း 20:12)။ စာအုပ်တွင် လူ၏အမည်နှင့် အပြစ်များကို မှတ်တမ်းတင်ထားသည်။ ၎င်းတို့ကို လူသားများ၏နှလုံးသားကျောက်ပြား ပေါ်တွင်လည်း မှတ်တမ်းတင်ထားခဲ့သည်။ ကျွန်ုပ်တို့၏ အပြစ်များကို အကျင့်စာအုပ်နှင့် ကျွန်ုပ်တို့၏ စိတ်နှလုံးသင်ပုန်းပေါ်တွင် နှစ်ကြိမ်တိုင်တိုင် မှတ်တမ်းတင်ထားသည်။
အပြစ်များသည် အသက်အရွယ်ကြီးငယ်မရွေး လူတိုင်း၏ စိတ်နှလုံးသင်ပုန်းပေါ်တွင် မှတ်တမ်းတင်ထားသည်။ ထို့ကြောင့် သူတို့သည် ယေရှု၏ရှေ့မှောက်တွင် မိမိတို့၏အပြစ်နှင့်ပတ်သက်၍ ဘာမျှ ပြောစရာမရှိခဲ့ကြပေ။ ထိုအမျိုးသမီးအား ကျောက်ခဲဖြင့် ပစ်သတ်ရန် ကြိုးစားနေသူများသည် ကိုယ်တော်၏စကားများရှေ့တွင် ဘာမျှမတတ်နိုင်ခဲ့ကြပေ။
| နေရာနှစ်ခုတွင် မှတ်တမ်းတင်ထားသော ကျွန်ုပ်တို့၏အပြစ်များကို မည်သည့်အချိန်တွင် ဖျက်ပစ်မည်နည်း။ |
| ယေရှု၏ ရေနှင့်သွေးဖြင့် အပြစ်ဖြေခြင်းကို စိတ်နှလုံးထဲ လက်ခံသောအခါ ဖြစ်သည်။ |
သို့သော်လည်းသင်သည်ကိုယ်တော်၏ကယ်တင်ခြင်းကိုလက်ခံ ရရှိသောအခါလုပ်ဆောင်ချက်များစာအုပ်၌သင်၏အပြစ်များအားလုံး ကို ဖျက်ခဲ့ပြီး သင်၏နာမည်ကို အသက်စာစောင်တွင် စာရင်းပြုစု လိမ့်မည်။ အသက်စာစောင်တွင် ထင်ရှားသောနာမည်ပိုင်ဆိုင်သူများ သာလျှင် ကောင်းကင်နိုင်ငံသို့ သွားရောက်သည်။ သူတို့၏ကောင်းသောအကျင့်များ၊ ဘုရားသခင်၏နိုင်ငံတော်နှင့် ကိုယ်တော်၏ဖြောင့်မတ်ခြင်းအတွက် ဤလောကတွင် သူတို့ပြုလုပ်ခဲ့သောအရာများသည်လည်း အသက်စာစောင်တွင် မှတ်တမ်းတင်ထားသည်။ သူတို့သည် ကောင်းကင်နိုင်ငံတော်သို့ လက်ခံခြင်းခံရကြသည်။ အပြစ်တရားမှ ကယ်တင်ခြင်းခံရသူများသည် ထာဝရနိုင်ငံတော်သို့ ဝင်ရောက်ကြသည်။
လူတိုင်း၏အပြစ်များကို နေရာနှစ်ခုတွင် မှတ်တမ်းတင်ထားသည်။ ထို့ကြောင့် မည်သူမျှ ဘုရားသခင်ကို လှည့်စားနိုင်မည် မဟုတ်ပေ။ စိတ်နှလုံးထဲတွင် အပြစ်မကျူးလွန်ဖူးသူ တစ်ယောက်မျှ မရှိသကဲ့သို့ စိတ်နှလုံးထဲတွင် အိမ်ထောင်ရေးဖောက်ပြန်မှုကိုကျူးလွန်ခြင်း မရှိသူ တစ်ယောက်မျှ မရှိပေ။ ကျွန်ုပ်တို့အားလုံးသည် အပြစ်သားများဖြစ်ကြပြီး အားလုံးသည် မပြည့်စုံကြပေ။
ယေရှု၏ကယ်တင်ခြင်းကို စိတ်နှလုံးထဲ လက်မခံသေးသူများသည် မိမိတို့၏အပြစ်ကြောင့် ဝေဒနာခံစားရမည်သာ ဖြစ်သည်။ သူတို့မှာ ယုံကြည်မှုမရှိဘူး။ သူတို့သည် အပြစ်ကြောင့် ဘုရားသခင်ကို ကြောက်ရွံ့ကြပြီး လူတို့ရှေ့မှောက်တွင်လည်း ကြောက်ရွံ့ကြသည်။ သို့သော် ရေနှင့်သန့်ရှင်းသောဝိညာဉ်တော်၏ ကယ်တင်ခြင်းဧဝံဂေလိတရားကို စိတ်နှလုံးထဲ လက်ခံသောအခိုက်အတန့်တွင် စိတ်နှလုံးပြားနှင့် အကျင့်စာအုပ်တွင် မှတ်တမ်းတင်ထားသော အပြစ်အားလုံးသည် သန့်စင်စွာ ဖျက်ပစ်ခြင်းခံရသည်။ သူတို့သည် သူတို့၏ အပြစ်အားလုံးမှ ကယ်တင်ခြင်းသို့ ရောက်ခဲ့ကြသည်။
ကောင်းကင်ဘုံတွင် အသက်စာစောင် ရှိပါသည်။ ရေနှင့်သန့်ရှင်းသောဝိညာဉ်တော်၏ ရွေးနှုတ်ခြင်းကို ယုံကြည်သူများ၏ အမည်များသည် ဤစာအုပ်တွင် မှတ်တမ်းတင်ထားပြီး ကောင်းကင်နိုင်ငံတော်သို့ ဝင်စားရကြမည် ဖြစ်သည်။ သူတို့သည် ကောင်းကင်နိုင်ငံတော်သို့ ဝင်စားရခြင်းမှာ ဤလောကတွင် အပြစ်မကျူးလွန်ခဲ့သောကြောင့် မဟုတ်ဘဲ၊ ရေနှင့်သန့်ရှင်းသောဝိညာဉ်တော်၏ ကယ်တင်ခြင်းကို ယုံကြည်ခြင်းအားဖြင့် အပြစ်အားလုံးမှ ကယ်တင်ခြင်းခံရသောကြောင့် ဖြစ်သည်။ ဤသည်မှာ “ယုံကြည်ခြင်း တရား” (ရောမဩဝါဒစာ 3:27) ပင် ဖြစ်သည်။
မိတ်ဆွေခရစ်ယာန်များခင်ဗျား၊ ကျမ်းတတ်ပုဂ္ဂိုလ်များနှင့် ဖာရိ ရှဲများသည် အိမ်ထောင်ရေးဖောက်ပြန်ခြင်းအပြစ်ကျူးလွန်၍ အဖမ်း ခံရသော မိန်းမကဲ့သို့ အပြစ်သားများဖြစ်ကြသည်။
အမှန်တကယ်တော့၊ သူတို့သည် အပြစ်သားမဟုတ်ဟု ဟန်ဆောင်၍ လှည့်ဖြားခဲ့သောကြောင့် ပို၍များသော အပြစ်များကို ကျူးလွန်ခဲ့ကြပါသည်။ ဘာသာရေးခေါင်းဆောင်များသည် တရားဝင်ခွင့်ပြုချက်ရထားသော သူခိုးများ ဖြစ်ကြပါသည်။ သူတို့သည် ဝိညာဉ်သူခိုးနှင့် အသက်၏သူခိုးများဖြစ်သည်။ သူတို့သည် မိမိတို့ကိုယ်တိုင် ရွေးနှုတ်ခြင်းမခံရသေးသော်လည်း အခြားသူများကို ယုံကြည်စိတ်ချစွာ သွန်သင်ရန် ရဲရင့်ခဲ့ကြပါသည်။
မောရှေ၏ ပညတ်တော်အရ အပြစ်မရှိသူတစ်စုံတစ်ဉီးမျှ မရှိပေ။ သို့သော် လူတစ်ဉီးသည် အပြစ်မကျူးလွန်သော ကြောင့်မဟုတ်ဘဲ သူသည် အပြစ်များအားလုံးမှ ရွေးနှုတ်ခြင်းခံရသောကြောင့် ဖြောင့်မတ်သူ ဖြစ်လာနိုင်သည်။ ဤသို့သောပုဂ္ဂိုလ်တစ်ဉီးသည် အ သက်စာအုပ် တွင် မှတ်တမ်းတင်ခြင်းခံရသည်။ အရေးကြီးသောအရာမှာ လူတစ် ဉီး၏နာမည်သည် အသက်စာအုပ်တွင် မှတ်တမ်းတင်ခြင်းရှိ/မရှိ ဖြစ်သည်။ လူများသည် မိမိဘဝများအားလုံးတွင် အပြစ်ကျူးလွန် ခြင်းမရှိဘဲ အသက်မရှင်နိုင်ကြသောကြောင့် သူတို့သည် ရွေးနှုတ်ခြင်းခံရရန် လိုအပ်ပါသည်။
သင် သည် ကောင်းကင်နိုင်ငံတော်တွင် လက်ခံခြင်းရှိ/မရှိသည် စစ်မှန် သောသတင်းကောင်းကို ယုံကြည်ခြင်းရှိ/မရှိပေါ်တွင် မူတည် သည်။ သင်သည် ဘုရားသခင်၏ ကျေးဇူးတော်ကို ရရှိခြင်းရှိ/မရှိ သည် သခင်ယေရှု၏ကယ်တင်ခြင်း လက်ခံခြင်းရှိ/မရှိပေါ်တွင် မူ တည်သည်။ ဖမ်းဆီးခြင်းခံရသောမိန်းမအပေါ် မည်သည့်အရာ ဖြစ် ပျက်ခဲ့သနည်း။ သူမသည် မိမိသေဆုံးရတော့မည်ကို သိသောကြောင့် မျက်စိမှိတ်လျက် ထိုနေရာတွင် ရပ်နေခဲ့သည်။ သူမသည် ကြောက်ရွံ့ခြင်းနှင့် နောင်တရခြင်းဖြင့် ငိုကြွေးနေပုံရသည်။ လူများသည် သေခြင်းတရားနှင့် ရင်ဆိုင်ရသောအခါ မိမိကိုယ်ကို ရိုးသားလာကြသည်။
“အို ဘုရားသခင်၊ ကျွန်ုပ်သေဆုံးရမည်မှာ သင့်တော်ပါသည်။ ကျွန်ုပ်၏ဝိညာဉ်ကို ကိုယ်တော်၏လက်တော်ထဲသို့ လက်ခံတော်မူ၍ ကရုဏာထားတော်မူပါ။ ယေရှုဘုရား၊ ကျွန်ုပ်အား သနားတော်မူပါ။” သူမသည် ယေရှုထံတော်မှ ကယ်တင်ခြင်း၏မေတ္တာကို တောင်းခံခဲ့ပါသည်။ “ဘုရားသခင်၊ ကိုယ်တော်သည် ကျွန်ုပ်ကို တရားစီရင်တော်မူလျှင် ကျွန်ုပ်သည် တရားစီရင်ခြင်းခံရမည် ဖြစ်ပြီး၊ ကိုယ်တော်သည် ကျွန်ုပ်၌ အပြစ်မရှိဟု မိန့်တော်မူလျှင် ကျွန်ုပ်သည် အပြစ်ကင်းမဲ့မည် ဖြစ်ပါသည်။ ထိုအရာသည် ကိုယ်တော်၌သာ မူတည်ပါသည်။” သူမသည် ဤအရာများအားလုံးကို ပြောနေပုံရသည်။ အရာခပ်သိမ်းသည် ယေရှု၌ အပ်နှံခြင်းခံခဲ့ရပါသည်။
ယေရှုရှေ့မှောက်သို့ ဆွဲခေါ်ခြင်းခံရသော အမျိုးသမီးသည် “ကျွန်မ မှားယွင်းခဲ့ပါသည်၊ ကျွန်မ၏ အိမ်ထောင်ရေးဖောက်ပြန်မှုကိုကျူးလွန်ခြင်းအတွက် ခွင့်လွှတ်ပါ” ဟု မပြောခဲ့ပါ။ သူမက “ကျွန်မကို အပြစ်များမှ ကယ်တင်တော်မူပါ။ ကိုယ်တော်သည် ကျွန်ုပ်တို့အပြစ်များကို ရွေး နှုတ်တော်မူလျှင် ကျွန်မကယ်တင်ခြင်းခံရလိမ့်မည်။ မဟုတ်လျှင် ကျွန်မသည် အပ္ပါယ်ငရဲသို့ သွားရလိမ့်မည်။ ကျွန်မသည် ကိုယ်တော်၏ကယ်တင်ခြင်းကို လိုအပ်ပါသည်။ ကျွန်မသည် ဘုရားသခင်၏မေတ္တာတော်ကို လိုအပ်ပြီး၊ ကိုယ်တော်သည် ကျွန်မအပေါ် သနားကြင်နာတော်မူရန် လိုအပ်ပါသည်” ဟု ပြောခဲ့သည်။ သူမသည် မျက်စိမှိတ်လျက် မိမိ၏အပြစ်ကို ဖော်ပြဝန်ခံခဲ့သည်။
ထိုအခါ ယေရှုက သူမအား “ထိုသူတို့အဘယ်မှာရှိကြသနည်း။ သင့်ကိုပြစ်ဒဏ်စီရင်သူ တစ်ယောက်မျှမရှိသလော” ဟု မေးတော်မူ၏။ သူမက “သခင်၊ တစ်ယောက်မျှ မရှိပါ” ဟု ပြန်လည်ဖြေကြား၏။
ယေရှုက သူမအား “ငါသည်လည်း သင့်ကိုပြစ်ဒဏ်မစီရင်” ဟု မိန့်တော်မူ၏။ ယေရှုသည် သူမကို အပြစ်မစီရင်ခဲ့ပါ။ အကြောင်းမှာ ကိုယ်တော်သည် ယော်ဒန်မြစ်တွင် ဗတ္တိဇံခံယူခြင်းအားဖြင့် သူမ၏အပြစ်အားလုံးကို ယူဆောင်သွားပြီးဖြစ်၍၊ သူမသည် ကယ်တင်ခြင်းခံရပြီး ဖြစ်သောကြောင့် သူမကို အပြစ်မစီရင်ခဲ့ခြင်း ဖြစ်သည်။ ယခုအခါ ထိုအမျိုးသမီးအစား ယေရှုသည်သာ သူမ၏အပြစ်အတွက် တရားစီရင်ခြင်းကို ခံယူရမည် ဖြစ်သည်။
ယေရှုက “ငါသည်လည်း သင့်ကိုပြစ်ဒဏ်မစီရင်” ဟု မိန့်တော်မူ၏
| သူမသည် ယေရှုထံမှ အပြစ်စီရင်ခြင်း ခံရပါသလား။ |
| မဟုတ်ဘူး |
ဤမိန်းမသည် သခင်ယေရှု၌ ကယ်တင်ခြင်းဖြင့် ကောင်းကြီး မင်္ဂလာခံစားခဲ့ရသည်။ သူမသည် အပြစ်များအားလုံးမှ ရွေးနှုတ်ခြင်း ခံခဲ့ရသည်။ ငါတို့၏သခင် ယေရှုသည် ကိုယ်တော်သည် ငါတို့၏အပြစ်အားလုံးကို ရွေးနှုတ်ခဲ့ပြီး ငါတို့အားလုံးသည် ဖြောင့်မတ်သည်ဟု ငါတို့အား မိန့်တော်မူပါသည်။
ကိုယ်တော်သည် ကျမ်းစာတော်ထဲတွင် ငါတို့အား ထိုသို့ မိန့်တော်မူပါသည်။ ယေရှုသည် ယော်ဒန်မြစ်တွင် ဗတ္တိဇံခံယူခြင်းအားဖြင့် ငါတို့၏အပြစ်များကို ယူဆောင်သွားခဲ့ပြီး၊ ကားတိုင်ပေါ်တွင် ငါတို့၏အပြစ်အတွက် အဖိုးအခပေးရန် အသေခံတော်မူခဲ့ပါသည်။ ကိုယ်တော်သည် ကိုယ်တော်၏ဗတ္တိဇံနှင့် ကားတိုင်ပေါ်မှ တရားစီရင်ခြင်းကို ယုံကြည်သူအပေါင်းတို့အား ကယ်တင်တော်မူခဲ့ကြောင်း ရှင်းလင်းစွာ မိန့်တော်မူပါသည်။ ငါတို့အားလုံးသည် ယေရှု၏ရေးသားထားသော နှုတ်ကပတ်တော်ကို လိုအပ်ပြီး ထိုနှုတ်ကပတ်တော်ကို စွဲကိုင်ထားရမည် ဖြစ်သည်။ ထိုသို့ပြုလျှင် ငါတို့အားလုံးသည် ကယ်တင်ခြင်း၏ကောင်းချီးမင်္ဂလာကို ခံစားရမည် ဖြစ်သည်။
“ဘုရားသခင်၊ ငါသည် သင့်ရှေ့တွင် ကုသိုလ်မရှိပါ။ ငါ့မှာ အရည်အချင်းမရှိဘူး။ ကိုယ်တော်အား ပြသရန် ကျွန်ုပ်၏အပြစ်များမှတစ်ပါး ဘာမျှမရှိပါ။ သို့သော် ယေရှုသည် ကျွန်ုပ်၏ကယ်တင်ရှင်သခင် ဖြစ်တော်မူကြောင်း ကျွန်ုပ်ယုံကြည်ပါသည်။ ကိုယ်တော်သည် ယော်ဒန်မြစ်တွင် ကျွန်ုပ်၏အပြစ်အားလုံးကို ယူဆောင်သွားခဲ့ပြီး ကားတိုင်ပေါ်တွင် ထိုအပြစ်အားလုံးအတွက် အပြစ်ဖြေခြင်းပြုခဲ့ပါသည်။ ကိုယ်တော်သည် ဗတ္တိဇံနှင့် အသွေးတော်အားဖြင့် ကျွန်ုပ်၏အပြစ်အားလုံးကို ဖယ်ရှားပေးခဲ့ပါသည်။ သခင်ဘုရား၊ ကိုယ်တော်ကို ယုံကြည်ပါသည်။”
ဤသည်မှာ သင်တို့ ကယ်တင်ခြင်းခံရသော နည်းလမ်း ဖြစ်ပါသည်။ ယေရှုသည် ငါတို့ကို ‘အပြစ်မစီရင်’ ပါ။ ရေနှင့် သန့်ရှင်းသောဝိညာဉ်တော်၏ ရွေးနှုတ်ခြင်းကို ယုံကြည်သူတို့အား ဘုရားသခင်၏ ဖြောင့်မတ်သော သားသမီးများ ဖြစ်ခွင့်ကို ပေးအပ်တော်မူပါသည်။
ချစ်လှစွာသော မိတ်ဆွေများခင်ဗျား။ ထိုအမျိုးသမီးသည် ကယ်တင်ခြင်းခံရပါပြီ။ အိမ်ထောင်ရေးဖောက်ပြန်မှုဖြင့် ဖမ်းဆီးခံရသော အမျိုးသမီးသည် ယေရှုရှေ့တော်၌ ကယ်တင်ခြင်းကောင်းချီးကို ရရှိခဲ့သည်။ ငါတို့လည်း ထိုကဲ့သို့သော ကောင်းချီးမင်္ဂလာကို ခံစားနိုင်ပါသည်။ မိမိ၏အပြစ်ကို သိမြင်၍ ဘုရားသခင်ထံ သနားခြင်းခံရရန် ဆုတောင်းသူ၊ ယေရှု၌ရှိသော ရေနှင့်သန့်ရှင်းသောဝိညာဉ်တော်၏ ရွေးနှုတ်ခြင်းကို ယုံကြည်သူသည် ဘုရားသခင်ထံမှ ရွေးနှုတ်ခြင်း၏ကောင်းကြီးမင်္ဂလာကို ခံရပါသည်။ ဘုရားသခင်၏ရှေ့တော်၌ မိမိ၏အပြစ်ကို ဝန်ခံသူသည် ရွေးနှုတ်ခြင်းခံရနိုင်ပါသည်။ အပြစ်ကျူးလွန်ပြီး မိမိ၏အပြစ်ကို မသိရှိသူသည် ကယ်တင်ခြင်း၏ကောင်းချီးမင်္ဂလာကို ခံစားရနိုင်မည် မဟုတ်ပါ။
ယေရှုသည် လောကီသားတို့၏ အပြစ်ကို ဆောင်ယူသွားတော်မူ၏ (ရှင်ယောဟန်ခရစ်ဝင် 1:29)။ ဤလောကတွင် မည်သည့်အပြစ်သားမဆို ယေရှုကို ယုံကြည်လျှင် ကယ်တင်ခြင်းခံရနိုင်ပါသည်။ ယေရှုက ထိုအမျိုးသမီးအား “ငါသည်လည်း သင့်ကိုပြစ်ဒဏ်မစီရင်” ဟု မိန့်တော်မူခဲ့သည်။ ကိုယ်တော်သည် သူမကို အပြစ်မစီရင်ဟု မိန့်တော်မူခဲ့ပါသည်။ အဘယ်ကြောင့်ဆိုသော် သူမ၏အပြစ်အားလုံးသည် ကိုယ်တော်ထံသို့ လွှဲပြောင်းသွားပြီးဖြစ်သောကြောင့်ဖြစ်သည်။ ကိုယ်တော်သည် ကျွန်ုပ်တို့၏အပြစ်အားလုံးကို မိမိအပေါ်သို့ ယူဆောင်သွားခဲ့ပြီး၊ ကျွန်ုပ်တို့အစား အပြစ်စီရင်ခြင်းကို ခံယူရမည်ဖြစ်သည်။
ငါတို့သည်လည်း ယေရှုရှေ့မှောက်တွင် ရွေးနှုတ်ခြင်းခံရရန် လိုအပ်ပါသည်
| ဘုရားသခင်၏ မေတ္တာတော်နှင့် ဘုရားသခင်၏ တရားစီရင်ခြင်းတို့အနက် မည်သည်က ပိုကြီးမြတ်ပါသနည်း။ |
| ဘုရားသခင်၏ မေတ္တာတော် |
ကျောက်ခဲကို ကိုင်ထားသော ဖာရိရှဲများနှင့် ယနေ့ခေတ် ဘာသာရေးခေါင်းဆောင်များသည် မောရှေ၏ ပညတ်တရားကို စာလုံးအတိုင်း အဓိပ္ပါယ်ဖွင့်ဆိုကြသည်။ အိမ်ထောင်ရေးဖောက်ပြန်ခြင်းမပြုရန် မောရှေ၏ ပညတ်တော်က ပညတ်ထားသောကြောင့် အပြစ်လုပ်ပါက ကျောက်ခဲနှင့်ပစ်ခံရမည်ဟု ယုံကြည်ကြသည်။ သူတို့သည် အိမ်ထောင်ရေးဖောက်ပြန်ခြင်းမပြုရန် ဟန်ဆောင်သော်လည်း မိန်းမများကို တပ်မက်စွာကြည့်ကြသည်။ သူတို့သည် ရွေးနှုတ်ခြင်းကိုလည်း မခံရနိုင်၊ ကယ်တင်ခြင်းကိုလည်း မခံရနိုင်ပါ။ ဖာရိရှဲများနှင့် ကျမ်းပြုဆရာများသည် ဤလောက၏ ကိုယ်ကျင့်တရားဝါဒီများ ဖြစ်ကြသည်။ သူတို့သည် ယေရှုခေါ်တော်မူသော သူများ မဟုတ်ခဲ့ကြပါ။ ဤသူတို့သည် ယေရှုထံမှ “ငါသည်လည်း သင့်ကိုပြစ်ဒဏ်မစီရင်” ဟူသော စကားတော်ကို မကြားခဲ့ရကြပါ။
အိမ်ထောင်ရေးဖောက်ပြန်မှု အပြစ်ကျူးလွန်သူအမျိုးသမီးသာ လျှင် ထိုဝမ်းမြောက်ကောင်းသောစကားလုံးများကို ကြားခဲ့သည်။ သင်သည် ကိုယ်တော်ရှေ့တော်၌ ရိုးသားပွင့်လင်းလျှင် သင်သည် လည်း သူမကဲ့သို့ ကောင်းကြီးမင်္ဂလာခံစားနိုင်သည်။ “ဘုရားသခင်၊ ကျွန်တော်သည် ဘဝတစ်လျှောက် အိမ်ထောင်ရေးဖောက်ပြန်မှုအ ပြစ်များကို ကျူးလွန်ခဲ့တယ်။ ကျွန်တော်သည် ထိုသို့မကြာခဏပြု သောကြောင့် ထိုအရာကို ကျွန်တော်သတိမချပ်ပါ။ ကျွန်တော်သည် နေ့တိုင်း ကြိမ် ဖန်များစွာ ထိုအပြစ်ကို ကျူးလွန်နေတယ်။”
ကျွန်ုပ်တို့သည် မောရှေ၏ ပညတ်တရားနှင့်သေ၍ ဘုရားသခင်ကို ရိုးသား စွာ မျက်နှာချင်းဆိုင်တွေ့ရမည့်အပြစ်သားများဖြစ် ကြသည်ဟူသော အချက်ကို လက်ခံကြပြီး “ဘုရားသခင်၊ ဒီအရာသည် ကျွန်တော်အ ကြောင်းဖြစ်တယ်။ ကျေးဇူးပြု၍ ကယ်တင်ပါ။” ဘုရားသခင်သည် ကျွန်ုပ်တို့အား ကယ်တင်ခြင်း၏ကောင်းချီးကို ပေးလိမ့်မည်။
ယေရှု၏ မေတ္တာတော်၊ ရေနှင့် သန့်ရှင်းသောဝိညာဉ်တော်၏ မေတ္တာတော်သည် ဘုရားသခင်၏ တရားမျှတသော တရားစီရင်ခြင်းကို အောင်နိုင်ခဲ့ပါသည်။ “ငါသည်လည်း သင့်ကိုပြစ်ဒဏ်မစီရင်။” ကိုယ်တော်သည် ငါတို့ကို အပြစ်မစီရင်ဘဲ “သင်တို့သည် ရွေးနှုတ်ခြင်းခံရပြီ” ဟု မိန့်တော်မူပါသည်။ ငါတို့၏သခင် ယေရှုခရစ်တော်သည် ကရုဏာတော်ရှင် ဘုရားသခင် ဖြစ်တော်မူပါသည်။ ကိုယ်တော်သည် လောကီသားတို့၏ အပြစ်အားလုံးမှ ငါတို့ကို ကယ်တင်တော်မူခဲ့ပါသည်။
ငါတို့၏ ဘုရားသခင်သည် တရားမျှတခြင်း၏ ဘုရားသခင်ဖြစ်သကဲ့သို့ မေတ္တာတော်၏ ဘုရားသခင်လည်း ဖြစ်တော်မူ၏။ ရေနှင့် သန့်ရှင်းသောဝိညာဉ်တော်၏ မေတ္တာတော်သည် ကိုယ်တော်၏ တရားစီရင်ခြင်းထက် များစွာ ပိုမိုကြီးမြတ်ပါသည်။
ကိုယ်တော်၏ မေတ္တာတော်သည် ကိုယ်တော်၏ တရားမျှတခြင်းထက် ပိုမိုကြီးမြတ်ပါသည်
| ကိုယ်တော်သည် ဘာကြောင့် ကျွန်ုပ်တို့အားလုံးကို ကယ်တင်တော်မူခဲ့သနည်း |
| ကိုယ်တော်၏ မေတ္တာတော်သည် ကိုယ်တော်၏ တရားမျှတခြင်းထက် ပိုမိုကြီးမြတ်သောကြောင့် ဖြစ်ပါသည်။ |
အကယ်၍ ဘုရားသခင်သည် တရားမျှတခြင်းကို ပြည့်စုံစေရန် တရားစီရင်ခြင်းကို ပြုတော်မူခဲ့လျှင် အပြစ်သားအားလုံးကို တရားစီရင်၍ ငရဲသို့ ပို့ဆောင်တော်မူခဲ့မည် ဖြစ်သည်။ သို့သော် တရားစီရင်ခြင်းမှ ငါတို့ကို ကယ်တင်တော်မူသော ယေရှု၏ မေတ္တာတော်သည် ပိုမိုကြီးမြတ်သောကြောင့် ဘုရားသခင်သည် မိမိ၏ တစ်ပါးတည်းသော သားတော် ယေရှုကို စေလွှတ်တော်မူခဲ့သည်။ ယေရှုသည် ငါတို့၏ အပြစ်အားလုံးကို ယူဆောင်တော်မူ၍ ငါတို့အားလုံးအတွက် တရားမျှတသော တရားစီရင်ခြင်းကို ခံယူတော်မူခဲ့သည်။ ယခုအခါ ယေရှုကို ကယ်တင်ရှင်အဖြစ် ယုံကြည်သူ မည်သူမဆို ကိုယ်တော်၏ သားသမီးဖြစ်လာ၍ ဖြောင့်မတ်သော သူဖြစ်လာသည်။ ကိုယ်တော်၏ မေတ္တာတော်သည် ကိုယ်တော်၏ တရားမျှတခြင်းထက် ကြီးမြတ်သောကြောင့် ငါတို့အားလုံးကို ရွေးနှုတ်တော်မူခဲ့သည်။
ဘုရားသခင်သည် ငါတို့ကို တရားမျှတခြင်းဖြင့်သာ တရားစီရင်တော်မမူကြောင်း ငါတို့သည် ကျေးဇူးတော်ချီးမွမ်းသင့်ပါသည်။ ယေရှုသည် ကျမ်းပြုဆရာများ၊ ဖာရိရှဲများနှင့် တပည့်တော်များအား မိန့်တော်မူသကဲ့သို့ ဘုရားသခင်သည် ကရုဏာတော်နှင့် ဘုရားသခင်ကို သိကျွမ်းခြင်းကို အလိုရှိတော်မူ၍ ငါတို့၏ ယဇ်ပူဇော်ခြင်းကို အလိုတော်မရှိပါ။ အချို့သောသူတို့သည် နေ့စဉ် နွားသို့မဟုတ် ဆိတ်ကို သတ်၍ ဘုရားသခင့်ရှေ့မှောက်တွင် ပူဇော်ပြီး “အို ဘုရားသခင်၊ ကျွန်ုပ်၏ အပြစ်များကို နေ့စဉ် ခွင့်လွှတ်တော်မူပါ” ဟု ဆုတောင်းကြပါသည်။ ဘုရားသခင်သည် ငါတို့၏ ပူဇော်သက္ကာကို အလိုတော်မရှိဘဲ ရေနှင့် သန့်ရှင်းသောဝိညာဉ်တော်၏ ရွေးနှုတ်ခြင်းအပေါ် ငါတို့၏ ယုံကြည်ခြင်းကို အလိုတော်ရှိပါသည်။ ကိုယ်တော်သည် ငါတို့ ရွေးနှုတ်ခြင်းခံရ၍ ကယ်တင်ခြင်းခံရစေရန် အလိုတော်ရှိပါသည်။ ကိုယ်တော်သည် ငါတို့အား မိမိ၏ မေတ္တာတော်ကို ပေးလိုတော်မူ၍ ငါတို့၏ ယုံကြည်ခြင်းကို လက်ခံလိုတော်မူပါသည်။ သင်တို့အားလုံး ဤအရာကို မြင်နိုင်ကြပါသလား။ ယေရှုသည် ငါတို့အား ကယ်တင်ခြင်းကို ပေးသနားတော်မူပြီ။
ယေရှုသည် အပြစ်ကို မုန်းတီးတော်မူသော်လည်း ဘုရားသခင်၏ ပုံသဏ္ဌာန်တော်နှင့်အညီ ဖန်ဆင်းထားသော လူသားများအပေါ် ပူနွေးသော မေတ္တာတော်ရှိတော်မူပါသည်။ ကိုယ်တော်သည် ထာဝရကာလမှစ၍ ငါတို့ကို ဘုရားသခင်၏ သားသမီးများအဖြစ် သတ်မှတ်ရန် ဆုံးဖြတ်တော်မူခဲ့ပြီး၊ ဗတ္တိဇံနှင့် အသွေးတော်အားဖြင့် ငါတို့၏ အပြစ်အားလုံးကို ဆေးကြောပေးတော်မူခဲ့ပါသည်။ ဘုရားသခင်သည် ငါတို့ကို ရွေးနှုတ်တော်မူရန်၊ ယေရှုဖြင့် ဝတ်ဆင်စေရန်၊ ကိုယ်တော်၏ သားသမီးများဖြစ်စေရန်အတွက် ငါတို့ကို ဖန်ဆင်းတော်မူခဲ့ပါသည်။ ဤသည်မှာ ကိုယ်တော်၏ ဖန်ဆင်းခံများဖြစ်သော ငါတို့အပေါ် ထားရှိသော ကိုယ်တော်၏ မေတ္တာတော် ဖြစ်ပါသည်။
အကယ်၍ ဘုရားသခင်သည် တရားမျှတသော ပညတ်တော်အတိုင်း ငါတို့ကို တရားစီရင်တော်မူမည်ဆိုပါက အပြစ်သားများဖြစ်သော ငါတို့အားလုံး သေဆုံးရမည် ဖြစ်ပါသည်။ သို့သော် ဘုရားသခင်သည် သားတော်၏ ဗတ္တိဇံနှင့် ကားတိုင်ပေါ်မှ တရားစီရင်ခြင်းအားဖြင့် ငါတို့ကို ကယ်တင်တော်မူခဲ့ပါသည်။ သင်သည် ထိုအရာကို ယုံကြည်ပါသလား။ ဓမ္မဟောင်းကျမ်းတွင် ကျွန်ုပ်တို့ စစ်ဆေးကြည့်ကြပါစို့။
အာရုန်သည် ယဇ်ကောင်သိုးပေါ်သို့ သူ၏လက်ကို တင်ခဲ့သည်
| မည်သူသည် ဣသရေလလူမျိုး၏ အပြစ်များကို ကိုယ်စားပြု၍ အသက်ရှင်နေသော ဆိတ်ပေါ်သို့ လွှဲပြောင်းခဲ့သနည်း။ |
| ယဇ်ပုရောဟိတ်မင်း |
ဓမ္မဟောင်းတွင် လက်တင်ခြင်း နှင့် ဓမ္မသစ်ကျမ်းတွင် ဗတ္တိဇံကြောင့် ဤလောက၏ အပြစ်အားလုံးသည် အပြစ်ဖြေခြင်းခံခဲ့ရသည်။ ဓမ္မဟောင်းကျမ်း၌ ဣသရေလလူ မျိုးများ၏ နှစ်စဉ်အပြစ်များအားလုံးကို အပြစ်အနာအဆာမရှိသော အသက်ရှင် သောဆိတ်၏ဉီးခေါင်းပေါ်တွင် လက်များတင်ခဲ့သူယဇ်ပု ရောဟိတ် ကြီးအားဖြင့် ပြစ်ကြွေးကျေးအေးစေခဲ့သည်။
“အာရုန်သည် မိမိလက်နှစ်ဖက်ကို အသက်ရှင်သောဆိတ်သငယ်၏ခေါင်းပေါ်၌ တင်၍ အစ္စရေးအမျိုးသားတို့၏ဒုစရိုက်ရှိသမျှ၊ သူတို့ကျူးလွန်သောအပြစ်ရှိသမျှတို့ကို ဖော်ပြဝန်ခံရမည်။ ထိုအပြစ်တို့ကို ဆိတ်သငယ်၏ခေါင်းပေါ်၌တင်ထားပြီး ထိုဆိတ်သငယ်ကို တာဝန်ရှိသူမှတစ်ဆင့် တောကန္တာရထဲသို့ လွှတ်လိုက်ရမည်” (ဝတ်ပြုရာကျမ်း 16:21)။
ဤသို့ဖြင့် သူတို့သည် ဓမ္မဟောင်းခေတ်ကာလတွင် အပြစ်ဖြေရှင်းခြင်း ပြုလုပ်ခဲ့ကြသည်။ လူတစ်ဉီးသည် နေ့စဉ်အပြစ်များမှ ရွေးနှုတ်ခြင်းခံရ ရန် သိုးတစ်ကောင် အပြစ်အနာအဆာ ကင်းမဲ့သော သိုးတစ်ကောင် သို့မဟုတ်ဆိတ်တစ်ကောင်ကိုတဲတော်သို့ယူဆောင်လာ၍ယဇ်ပလ္လင် ပေါ်တွင် ယဇ်ပူဇော်ရမည် ဖြစ်သည်။ သူသည် ယဇ်ပူဇော်ရာ တိရစ္ဆာန်၏ ခေါင်းပေါ်တွင် လက်ကိုတင်ခဲ့သည်။ ထိုအခါ သူ၏အပြစ်သည် ထိုယဇ်ပူဇော်ရာ တိရစ္ဆာန်ထံသို့ ကူးပြောင်းသွားခဲ့သည်။ ထိုနောက် ယဇ်ပူဇော်ရာ တိရစ္ဆာန်သည် အသတ်ခံရ၍ ယဇ်ပုရောဟိတ်သည် ယဇ်ပလ္လင်၏ဉီးချိုများပေါ်တွင် ၎င်း၏အသွေး ကို ပက်ဖြန်းခဲ့သည်။
ယဇ်ပလ္လင်လေးထောင့်တွင် ဦးချိုများရှိသည်။ ဤဉီးချိုများသည် ဗျာဒိတ် 20:12 တွင် ရေးသားထားသော လုပ်ဆောင်ချက်များ၏စာအုပ်များကို ပုံဆောင်ထားသည်။ ယဇ် ကောင်၏ကျန်သောအသွေးကို မြေကြီးပေါ်တွင်လည်း ပက်ဖြန်းထား ခဲ့သည်။ လူသည် မြေမှုန့်မှ ဖန်ဆင်းခဲ့သောကြောင့် မြေကြီးသည် လူသားများ၏နှလုံးသားကို ကိုယ်စားပြုခဲ့သည်။ ဤသည်မှာ လူတို့သည် ၎င်းတို့၏နေ့စဉ်အပြစ်များအတွက် အပြစ်ဖြေခြင်းကို ခံရသောနည်းဖြစ်သည်။
သို့သော် နေ့စဉ် အပြစ်ဖြေရာယဇ်ကို ပူဇော်နိုင်ခြင်း မရှိခဲ့ပါ။ ထို့ကြောင့်၊ ဘုရားသခင်သည် ကျွန်ုပ်တို့အား တစ်နှစ်တာ၏အပြစ်များအတွက် တစ်နှစ်လျှင် တစ်နှစ်တစ်ကြိမ် အပြစ်ဖြေရန် ခွင့်ပြုခဲ့သည်။ ဤနေ့ရက်သည် သတ္တမလ၏ ဆယ်ရက်မြောက်နေ့ဖြစ်သော အပြစ်ဖြေရာနေ့ ဖြစ်သည်။ ထိုနေ့တွင် ဣသရေလလူမျိုးတို့၏ ကိုယ်စားလှယ်ဖြစ်သော ယဇ်ပုရောဟိတ်မင်းသည် ဆိတ်နှစ်ကောင်ကို ခေါ်ဆောင်လာပြီး ၎င်းတို့အပေါ် လက်တင်၍ လူတို့၏ အပြစ်အားလုံးကို ဆိတ်များထံသို့ လွှဲပြောင်းပေးကာ ဘုရားသခင့်ရှေ့မှောက်တွင် ပူဇော်၍ ဣသရေလလူမျိုးတို့အတွက် အပြစ်ဖြေခြင်းကို ပြုလုပ်ခဲ့သည်။
“အာရုန်သည် မိမိလက်နှစ်ဖက်ကို အသက်ရှင်သောဆိတ် သငယ်၏ခေါင်းပေါ်၌ တင်၍ အစ္စရေးအမျိုးသားတို့၏ဒုစရိုက်ရှိသမျှ၊ သူတို့ကျူးလွန်သောအပြစ်ရှိသမျှတို့ကို ဖော်ပြဝန်ခံရမည်။ ထိုအပြစ်တို့ကို ဆိတ်သငယ်၏ခေါင်းပေါ်၌တင်ထားပြီး” (ဝတ်ပြုရာကျမ်း 16:21)။
ဘုရားသခင်သည် အာရုန်ကို ဣသရေလ၏ ယဇ်ပုရောဟိတ်မင်းအဖြစ် ခန့်အပ်တော်မူခဲ့သည်။ လူတိုင်းက တစ်ဦးချင်းစီ ယဇ်ကောင်အပေါ် လက်တင်ခြင်းအစား၊ ယဇ်ပုရောဟိတ်မင်းသည် ဣသရေလတစ်မျိုးသားလုံး၏ ကိုယ်စားလှယ်အဖြစ် အသက်ရှင်နေသော ဆိတ်၏ခေါင်းပေါ်တွင် လက်တင်၍ တစ်နှစ်တာကာလအတွင်း ကျူးလွန်ခဲ့သော အပြစ်များ ဖယ်ရှားခြင်းခံရသည်။
ထို့နောက် သူသည် ဘုရားသခင့်ရှေ့မှောက်တွင် ဣသရေလ၏ အပြစ်အားလုံးကို ဝန်ချတောင်းပန်ခဲ့သည်။ “အို ဘုရားသခင်၊ ကိုယ်တော်၏ ဣသရေလအမျိုးသားတို့သည် အပြစ်ကျူးလွန်ခဲ့ကြပါပြီ။ အကျွန်ုပ်တို့သည် ရုပ်တုများကို ကိုးကွယ်ခဲ့ကြပါသည်။ ကိုယ်တော်၏ ပညတ်တော်အားလုံးကို ချိုးဖောက်ခဲ့ကြပါသည်။ ကိုယ်တော်၏ နာမတော်ကို အချည်းနှီး ခေါ်ဝေါ်ခဲ့ကြပါသည်။ အခြားရုပ်တုများကို ပြုလုပ်၍ ကိုယ်တော်ထက် ပို၍ချစ်ခဲ့ကြပါသည်။ ဥပုသ်နေ့ကို သန့်ရှင်းစွာ မစောင့်ထိန်းခဲ့ကြပါ။ မိဘများကို မရိုသေခဲ့ကြပါ။ လူသတ်ခြင်း၊ အိမ်ထောင်ရေးဖောက်ပြန်မှုကိုကျူးလွန်ခြင်း၊ ခိုးမှုကျူးလွန်ခြင်း... မနာလိုခြင်းနှင့် ခိုက်ရန်ဖြစ်ပွားခြင်းတို့ကို ပြုမူခဲ့ကြပါသည်။”
သူသည် အပြစ်အားလုံးကို စာရင်းပြုစုခဲ့သည်။ “အို ဘုရားသခင်၊ ဣသရေလလူမျိုးများနှင့် အကျွန်ုပ်သည် ကိုယ်တော်၏ ပညတ်တော်တစ်ခုမျှ မစောင့်ထိန်းနိုင်ခဲ့ကြပါ။ ဤအပြစ်အားလုံးမှ ရွေးနှုတ်ခြင်းခံရရန် အကျွန်ုပ်သည် ဤဆိတ်၏ခေါင်းပေါ်တွင် အကျွန်ုပ်၏လက်ကို တင်၍ ထိုအပြစ်အားလုံးကို ဆိတ်ထံသို့ လွှဲပြောင်းပါမည်။” ယဇ်ပုရောဟိတ်မင်းသည် ဣသရေလလူမျိုးအားလုံးအတွက် ယဇ်ကောင်ပေါ်တွင် လက်တင်၍ အပြစ်အားလုံးကို ယဇ်ကောင်၏ခေါင်းပေါ်သို့ လွှဲပြောင်းခဲ့သည်။ လက်တင်ခြင်းဆိုသည်မှာ ‘လွှဲပြောင်းခြင်း’ ဟု အဓိပ္ပါယ်ရသည် (ဝတ်ပြုရာကျမ်း 1:1-4၊ 16:20-21)။
| ဓမ္မဟောင်းခေတ်တွင် အပြစ်ဖြေခြင်းကို မည်သို့ပြုလုပ်ခဲ့သနည်း။ |
| အပြစ်ဖြေရာယဇ်ကောင်၏ ခေါင်းပေါ်တွင် လက်တင်ခြင်းအားဖြင့် |
ဘုရားသခင်သည်ဣသရေလလူမျိုးများအပေါ် ယဇ်ပူ ဇော်ခြင်း စနစ်ကို ပေးအပ်တော်မူခဲ့သောကြောင့် သူတို့သည် အပြစ် များအား လုံးကို လွှဲပြောင်းပေးနိုင်ကြ၍ ရွေးနှုတ်ခြင်းခံရနိုင်ကြသည်။ ဣသရေလအမျိုးသားတို့၏ အပြစ်အားလုံးအတွက် အပြစ်အနာအဆာကင်းသော အပြစ်ဖြေရာယဇ်ကို ပူဇော်ရမည်ဖြစ်ပြီး ထိုအပြစ်ဖြေရာယဇ်၏ ခေါင်းပေါ်တွင် လက်တင်၍ ထိုအပြစ်ဖြေရာယဇ်သည် လူသားများကိုယ်စား သေဆုံးရမည်ဟု အသေးစိတ် မိန့်မှာတော်မူခဲ့သည်။
အပြစ်ဖြေရာနေ့တွင် အပြစ်ဖြေရာယဇ်ကောင်ကို သတ်၍ ထိုသွေးကို သန့်ရှင်းရာဌာနအတွင်းသို့ ယူဆောင်သွားပြီး ကရုဏာတော်ပလ္လင်ပေါ်တွင် ခုနစ်ကြိမ်တိုင် ဖြန်းခဲ့သည်။ ထိုသို့ဖြင့် ဣသရေလလူမျိုးတို့သည် သတ္တမလ၏ ဆယ်ရက်မြောက်နေ့တွင် တစ်နှစ်တာကာလအတွင်း ကျူးလွန်ခဲ့သော အပြစ်များအတွက် အပြစ်ဖြေခြင်းကို ပြုလုပ်ခဲ့ကြသည်။
ယဇ်ပုရောဟိတ်မင်းသည် ယဇ်ပူဇော်ရန် တစ်ဦးတည်း သန့်ရှင်းရာဌာနထဲသို့ ဝင်သွားပြီး လူများသည် အပြင်တွင် စုဝေးနေကြသည်။ ကရုဏာတော်ပလ္လင်ပေါ်တွင် သွေးဖြန်းချိန်၌ ယဇ်ပုရောဟိတ်မင်း၏ ဧဖုဒ်အင်္ကျီတွင် ဆွဲထားသော ရွှေခေါင်းလောင်းသံကို ခုနစ်ကြိမ်တိုင် ကြားရသည်။ ထိုအခါ ဣသရေလလူမျိုးတို့သည် သူတို့၏အပြစ်အားလုံး ဖယ်ရှားပေးခြင်းခံရသည်ကို ဝမ်းမြောက်ကြလိမ့်မည်။ ရွှေခေါင်းလောင်းသံသည် ဝမ်းမြောက်ဖွယ် သတင်းကောင်း၏ အသံဖြစ်ခဲ့သည်။
ယေရှုသည် လူအချို့ကိုသာ ချစ်တော်မူ၍ သူတို့ကိုသာ ရွေးနှုတ်တော်မူသည်ဟူသော အချက်သည် မှန်ကန်ခြင်း မရှိပါ။ ယေရှုသည် ဗတ္တိဇံအားဖြင့် လောကီသားအပေါင်းတို့၏ အပြစ်ကို တစ်ခါတည်း ယူဆောင်သွားတော်မူခဲ့သည်။ ကိုယ်တော်သည် ကျွန်ုပ် တို့အား ထာဝရအတွက် တစ်ကြိမ်တည်းရွေးနှုတ် တော်မူရန် အလို တော်ရှိခဲ့သည်။ ကျွန်ုပ်တို့အပြစ်များကို နေ့တိုင်းမရွေးနှုတ်နိုင်သော ကြောင့် သူတို့ကို တစ်ကြိမ်တည်း ဖယ်ရှားပေးခဲ့ခြင်း ဖြစ်သည်။
ဓမ္မဟောင်းကျမ်းတွင်၊ လက်တင်ခြင်းနှင့် အပြစ်ဖြေရာယဇ်အားဖြင့် အပြစ်ဖြေခြင်းကို ပြီးမြောက်ခဲ့သည်။ အာရုန် သည် လူများအားလုံးရှေ့၌ အသက်ရှင်သောဆိတ်တစ်ကောင်၏ဉီး ခေါင်းပေါ်တွင် လက်များတင်ခဲ့၍ တစ်နှစ်အတွင်း လူများကျူးလွန်ခဲ့ ကြသော အပြစ်များအားလုံးကို စာရင်းပြုစုခဲ့သည်။ သူသည် ဣသရေ လလူမျိုးများအားလုံး၏ရှေ့တွင် ဆိတ်ပေါ်သို့ အပြစ်များကို လွှဲ ပြောင်းပေးခဲ့သည်။ ဒါဆို လူတွေရဲ့ အပြစ်တွေက ဘယ်မှာလဲ။ ၎င်းတို့အားလုံးသည် ဆိတ်ပေါ်သို့ လွှဲပြောင်း ခဲ့သည်။
ထို့နောက် ဆိတ်သည် ‘သင့်တော်သောလူတစ်ဉီး’ က အဝေးသို့ ဆွဲခေါ်ခြင်းခံရသည်။ ဣသရေလလူမျိုးများ၏အပြစ်များအားလုံးကို ဆောင်ထားသော ဆိတ်သည် ရေမရှိ မြက်ပင်မရှိသောနေရာ သဲကန္တာရသို့ ခေါ်ဆောင်ခြင်းခံခဲ့ရသည်။ ထိုနောက် ဆိတ်သည် ပူလောင်သောနေ ရောင်ခြည်အောက်၌ သဲကန္တာရ၌ လှည့်လည်၍ နောက်ဆုံးတွင် သေ ဆုံးခဲ့သည်။ ဆိတ်သည် ဣသရေလလူမျိုးများ၏အပြစ်များအတွက် အသေခံခဲ့သည်။
ဤသည်မှာ ဘုရားသခင်၏ မေတ္တာတော်၊ ကယ်တင်ခြင်း၏ မေတ္တာတော် ဖြစ်ပါသည်။ ထိုအချိန်တွင် သူတို့သည် တစ်နှစ်တာ၏ အပြစ်များအတွက် အပြစ်ဖြေခြင်းကို ခံနေကြရသည်။ သို့သော် ငါတို့သည် ဓမ္မသစ်ခေတ်တွင် နေထိုင်နေကြပါသည်။ ယေရှု ဤလောကသို့ ကြွလာတော်မူသည်မှာ နှစ်ပေါင်း 2000 ခန့် ရှိပြီဖြစ်သည်။ ကိုယ်တော်သည် ကြွလာ၍ ဓမ္မဟောင်းကျမ်း၏ ပရောဖက်ပြုချက်များကို ပြည့်စုံစေတော်မူခဲ့သည်။ ကိုယ်တော်သည် ကြွလာ၍ ငါတို့၏ အပြစ်အားလုံးကို ရွေးနှုတ်တော်မူခဲ့သည်။
ငါတို့အားလုံးကို ရွေးနှုတ်ရန်အတွက်
| ‘ယေရှု’ ဟူသော အမည်၏ အဓိပ္ပါယ်မှာ အဘယ်နည်း။ |
| မိမိလူမျိုးတို့ကို သူတို့၏အပြစ်မှ ကယ်တင်မည့် ကယ်တင်ရှင် |
ရှင်မဿဲခရစ်ဝင် အခန်းကြီး 1 ကို ဖတ်ကြပါစို့။
‘သို့သော် ဤအကြောင်းကို စဉ်းစားဆင်ခြင်နေစဉ် ထာဝရဘုရား၏ကောင်းကင်တမန်သည် ယောသပ်အား အိပ်မက်ထဲတွင်ထင်ရှား၍ “ဒါဝိဒ်၏သားယောသပ်၊ မာရိအား သင်၏ဇနီးအဖြစ်ယူရမည်ကို မစိုးရိမ်နှင့်။ အကြောင်းမူကား သူ၌တည်နေသောသန္ဓေသည် သန့်ရှင်းသောဝိညာဉ်တော်အားဖြင့်ဖြစ်၏။ သူသည် သားယောက်ျားကို ဖွားမြင်လိမ့်မည်။ ထိုသားသည် မိမိ၏လူမျိုးတော်ကို သူတို့၏အပြစ်များမှ ကယ်တင်မည်ဖြစ်သောကြောင့် သူ၏အမည်ကို ယေရှုဟူ၍မှည့်ခေါ်ရမည်”ဟု မြွက်ဆိုလေ၏’ (ရှင်မဿဲခရစ်ဝင် 1:20-21)။
ကောင်းကင်ဘုံ၌ရှိတော်မူသောခမည်းတော်သည် လောကအ ပြစ်များအားလုံးကို ဆေးကြောပေးရန် ဤလောကသို့ တစ်ပါး တည်းသောသားတော်ကို စေလွှတ်ရန် အပျိုကညာမာရိ၏ကိုယ်ခန္ဂာ ကို ငှါးတော်မူခဲ့သည်။ ကိုယ်တော်သည် ကောင်းကင်တမန်အား မာရိ ထံသို့ စေလွှတ်တော်မူ၍ “သင်သည် သန္ဓေတည်၍ သားယောက်ျားကိုဖွားမြင်လိမ့်မည်။ သူ၏အမည်ကို ယေရှုဟူ၍မှည့်ခေါ်ရမည်” ဟု ပြောခဲ့သည်။ မာရိအားဖြင့် ကြွလာသောသားတော်ကို ကယ်တင်ရှင် ဖြစ်တော်မူလိမ့်မည်ကို ဆိုလိုသည်။ ယေရှုခရစ်တော်ဟူသည် မိမိလူမျိုးတို့ကို ကယ်တင်မည့်သူ၊ တနည်းအားဖြင့် ကယ်တင်ရှင်ဟု အဓိပ္ပါယ်ရသည်။
ယေရှုသည် လောကီသားအပေါင်းတို့၏ အပြစ်အားလုံးကို ယူဆောင်သွားသော လမ်းကြောင်းမှာ ယော်ဒန်မြစ်တွင် ဗတ္တိဇံခံယူခြင်း ဖြစ်ခဲ့သည်။ ကိုယ်တော်သည် ဗတ္တိဇံဆရာယောဟန်ထံမှ ဗတ္တိဇံကို ခံယူတော်မူခဲ့ပြီး လောကီသားအပေါင်းတို့၏ အပြစ်အားလုံးသည် ကိုယ်တော်ထံသို့ လွှဲပြောင်းခြင်းခံခဲ့ရသည်။ ရှင်မဿဲခရစ်ဝင် အခန်းကြီး 3၊ အငယ် 13-17 ကို ဖတ်ကြည့်ကြပါစို့။
‘ထိုကာလတွင် ယေရှုသည် ယောဟန်ထံ၌ဗတ္တိဇံခံရန် ဂါလိလဲနယ်မှ ဂျော်ဒန်မြစ်နားရှိ ယောဟန်ထံသို့ ကြွလာတော်မူ၏။ သို့ရာတွင် ယောဟန်သည် ကိုယ်တော်ကိုတားဆီးလျက် “အကျွန်ုပ်ကသာကိုယ်တော်ထံ၌ ဗတ္တိဇံခံရမည်ဖြစ်ပါလျက်နှင့် ကိုယ်တော်သည် အကျွန်ုပ်ထံသို့ ကြွလာတော်မူပါသလော” ဟု ဆို၏။ ယေရှုကလည်း “ယခုအခါတွင် အခွင့်ပေးလော့။ အကြောင်းမူကား ငါတို့သည် ဖြောင့်မတ်ခြင်းအလုံးစုံကို ဤသို့ပြည့်စုံစေသင့်၏” ဟု မိန့်တော်မူ၏။ အခါ ယောဟန်သည် ကိုယ်တော်ကိုအခွင့်ပေးလေ၏။ ယေရှုသည် ဗတ္တိဇံခံပြီးနောက် ရေထဲမှထွက်လာသည်နှင့် ကောင်းကင်သည်ပွင့်၍ ဘုရားသခင်၏ဝိညာဉ်တော်သည် ချိုးငှက်ကဲ့သို့ဆင်းသက်ကာ မိမိအပေါ်သို့ ကြွလာတော်မူသည်ကို မြင်တော်မူ၏။ ကောင်းကင်မှလည်း “ဤသူကား ငါ၏ချစ်သားပေတည်း။ သူ့ကိုငါနှစ်သက်၏” ဟု အသံတော်ထွက်ပေါ်လာ၏။’
ယေရှုသည် ငါတို့အားလုံးကို အပြစ်အမျိုးမျိုးမှ ရွေးနှုတ်ရန်အတွက် ဗတ္တိဇံဆရာယောဟန်ထံသို့ ကြွသွားတော်မူခဲ့သည်။
ကိုယ်တော် သည် ရေထဲသို့ လျှောက်တော်မူခဲ့၍ ယောဟန်ရှေ့မှာ မိမိခေါင်းကို နှိမ့်ချတော်မူခဲ့သည်။ “ယောဟန်၊ ယခုအခါတွင် အခွင့်ပေးလော့။ အကြောင်းမူကား ငါတို့သည် ဖြောင့်မတ်ခြင်းအလုံးစုံကို ဤသို့ပြည့်စုံစေသင့်၏ ဟု မိန့်တော်မူ၏။ ငါ သည် လောကအပြစ်များအားလုံးကိုယူဆောင်သွား၍ အပြစ်သား များအား လုံးကို အပြစ်များမှ ရွေးနှုတ်ရမည် ဖြစ်သောကြောင့် ဗတ္တိဇံအားဖြင့် အပြစ်များကို ငါ ယူဆောင်ရန် လိုအပ်တယ်။ ယခု ငါ့ကို ဗတ္တိဇံပေး ပါ။ ခွင့်ပြုပါ။”
အကြောင်းမူကား ငါတို့သည် ဖြောင့်မတ်ခြင်းအလုံးစုံကို ဤသို့ပြည့်စုံစေသင့်၏။ သခင်ယေရှုသည် ယောဒန်မြစ်၌ ဗတ္တိဇံယောဟန်အား ဖြင့် ဗတ္တိဇံခံယူတော်မူ၍ ထိုအချိန်တွင် ကျွန်ုပ်တို့အပြစ်များရွေးနှုတ် သော ဘုရားသခင်၏ဖြောင့်မတ်ခြင်းအားလုံးသည် ပြည့်စုံခဲ့သည်။
ဤသို့ဖြင့်ကိုယ်တော်သည်ကျွန်ုပ်တို့အပြစ်များအားလုံးကို ယူဆောင် သွားတော်မူခဲ့သည်။ သင်၏အပြစ်များအားလုံးကို သခင်ယေရှုအပေါ် သို့ လွှဲပြောင်းပေးခဲ့သည်။ သင်သည် ဤအရာကို နားလည်သ ဘောပေါက်သလော။
သခင်ယေရှု၏ဗတ္တိဇံနှင့်သန့်ရှင်းသောဝိညာဉ်တော်၏ ရွေးနှုတ်ခြင်းကို ယုံကြည်၍ ကယ်တင်ခြင်းခံရပါ။
| ဖြောင့်မတ်ခြင်းအားလုံးသည် မည်သို့ ပြည့်စုံခဲ့သနည်း |
| သခင်ယေရှု၏ဗတ္တိဇံ အားဖြင့် ပြည့်စုံခဲ့သည် |
လက်များတင်ခြင်းနှင့် အပြစ်ဖြေရာယဇ်ပူဇော်သက္ကာအားဖြင့် လောကအပြစ်များအားလုံးကို ဆေးကြောပေးလိမ့်မည်ဟု ဘုရားသ ခင်သည် ဣသရေလလူမျိုးများကို ရှေ့ဉီးစွာ ကတိပြုတော်မူခဲ့သည်။ သို့သော် လူအားလုံးသည် ဆိတ်၏ခေါင်းပေါ်တွင် တစ်ဦးချင်းစီ လက်တင်ရန် မဖြစ်နိုင်သောကြောင့် ဘုရားသခင်သည် အာရုန်ကို ယဇ်ပုရောဟိတ်မင်းအဖြစ် သီးသန့်ခန့်အပ်၍ ဣသရေလလူမျိုးတစ်ရပ်လုံးအတွက် ယဇ်ပူဇော်စေတော်မူခဲ့သည်။ ထိုကြောင့် သူသည် အပြစ်ဖြေရာ ယဇ်ကောင်၏ဉီးခေါင်းပေါ် သို့ သူတို့၏နှစ်စဉ်အပြစ်များအားလုံးကို တစ်ကြိမ်တည်းလွှဲပြောင်း ပေးခဲ့သည်။ ဤသည်မှာ ကိုယ်တော်၏ ဉာဏ်ပညာနှင့် ရွေးနှုတ်ခြင်းတန်ခိုးတော် ဖြစ်ပါသည်။ ဘုရားသခင်သည် ဉာဏ်ပညာကြွယ်ဝ၍ အံ့သြဖွယ်ကောင်းသော အရှင်ဖြစ်တော်မူပါသည်။
ဘုရားသခင်သည် ငါတို့၏လောကကို ကယ်တင်ရန် သူ၏သားတော် ယေရှုကို စေလွှတ်တော်မူခဲ့သည်။ ထိုသို့ဖြင့် အပြစ်ဖြေရာယဇ်ကောင်ကို ပြင်ဆင်ပေးခဲ့သည်။ ယခုအခါ လူသားအားလုံး၏ ကိုယ်စားလှယ်တစ်ဦး ရှိရန် လိုအပ်လာပါသည်။ ယခုတွင် လူသားမျိုးနွယ်၏ ကိုယ်စားလှယ်တစ်ဦးသည် ယေရှု၏ခေါင်းပေါ်တွင် လက်တင်၍ လောကီသားအပေါင်းတို့၏ အပြစ်အားလုံးကို ယေရှုထံသို့ လွှဲပြောင်းပေးရန် လိုအပ်ခဲ့သည်။ ထိုကိုယ်စားလှယ်မှာ ဗတ္တိဇံဆရာယောဟန် ဖြစ်သည်။ ရှင်မဿဲခရစ်ဝင် အခန်းကြီး 11၊ အငယ် 11 တွင် ဘုရားသခင်သည် လူသားမျိုးနွယ်၏ ကိုယ်စားလှယ်ကို ယေရှုထက် ဦးစွာ စေလွှတ်တော်မူခဲ့ကြောင်း ဖော်ပြထားသည်။
ထိုသူသည် လူသားမျိုးနွယ်၏ နောက်ဆုံးသော ယဇ်ပုရောဟိတ်မင်းဖြစ်သည့် ဗတ္တိဇံဆရာယောဟန် ဖြစ်ပါသည်။ ရှင်မဿဲခရစ်ဝင် အခန်းကြီး 11၊ အငယ် 11 တွင် “မိန်းမတို့မှ မွေးဖွားလာသောသူတို့တွင် ဗတ္တိဇံဆရာယောဟန်ထက် ကြီးမြတ်သောသူတစ်ယောက်မျှ မပေါ်ထွန်းခဲ့ဖူးပေ” ဟု မှတ်တမ်းတင်ထားသည့်အတိုင်း ဖြစ်သည်။ သူသည် လူသားတို့၏ တစ်ခုတည်းသော ကိုယ်စားလှယ် ဖြစ်သည်။ ဘုရားသခင်သည် ယောဟန်အား ဖန်ဆင်းခံသတ္တဝါအားလုံး၏ ကိုယ်စားလှယ်အဖြစ် စေလွှတ်တော်မူခဲ့ပြီး ယောဟန်သည် ယေရှုအား ဗတ္တိဇံပေး၍ လောကီသားအပေါင်းတို့၏ အပြစ်အားလုံးကို ယေရှုထံသို့ လွှဲပြောင်းပေးစေရန် ဖြစ်သည်။
ယခု ကမ္ဘာပေါ်ရှိ လူဦးရေ 8 ဘီလီယံသည် ယေရှုထံသို့လာ၍ မိမိတို့၏ အပြစ်များကို ယေရှုထံသို့ လွှဲပြောင်းပေးရန် တစ်ဦးချင်းစီ ယေရှု၏ခေါင်းပေါ်တွင် လက်တင်ရမည်ဆိုပါက ယေရှု၏ဦးခေါင်းသည် မည်သို့ဖြစ်မည်နည်း။ ဤလောကရှိ လူဦးရေ သန်း 8000 ကျော်သည် ယေရှုအပေါ် လက်တင်ရမည်ဆိုပါက ထိုမြင်ကွင်းသည် လှပမည်မဟုတ်ပါ။ စိတ်အားထက်သန်သူအချို့သည် ကိုယ်တော်၏ဆံပင်များ ကျွတ်ထွက်သွားသည်အထိ ပြင်းထန်စွာ ဖိနှိပ်နိုင်ပါသည်။ ထို ကြောင့် ဘုရားသခင်သည် မိမိဉာဏ်တော်အားဖြင့် ကျွန်ုပ်တို့ကိုယ် စားပြုဖြစ်ရန် ယောဟန်ကို ခန့်အပ်တော်မူခဲ့၍ သခင်ယေရှုအပေါ်သို့ လောကအ ပြစ်များအားလုံးကို တစ်ကြိမ်တည်းလွှဲပြောင်းစေတော်မူ ခဲ့သည်။
ရှင်မဿဲခရစ်ဝင် အခန်းကြီး 3၊ အငယ် 13 တွင် “ထိုကာလတွင် ယေရှုသည် ယောဟန်ထံ၌ဗတ္တိဇံခံရန် ဂါလိလဲနယ်မှ ဂျော်ဒန်မြစ်နားရှိ ယောဟန်ထံသို့ ကြွလာတော်မူ၏” ဟု မှတ်တမ်းတင်ထားပါသည်။ ဤအချိန်သည် ယေရှု အသက် 30 နှစ် ပြည့်သောအချိန် ဖြစ်ပါသည်။ ယေရှုသည် မွေးဖွားပြီး 8 ရက်အကြာတွင် အရေဖျားလှီးခြင်းကို ခံယူခဲ့သည်။ ထို့နောက် အသက် 30 နှစ် ပြည့်သည်အထိ ယေရှုအကြောင်း မှတ်တမ်းများ လုံးဝနီးပါး မရှိပါ။
ယေရှုသည် ကောင်းကင်ဘုံ၏ယဇ်ပုရောဟိတ်မင်းဖြစ်ရန် အသက် 30 တိုင်အောင် စောင့်ရသည့်အကြောင်းရင်းမှာ ဓမ္မဟောင်းကျမ်းကို ပြည့်စုံစေရန်ဖြစ်သည်။ တရားဟောရာကျမ်းတွင် ဘုရားသခင်သည် မောရှေအား ယဇ်ပုရောဟိတ်မင်းသည် အနည်းဆုံး အသက် 30 နှစ် ပြည့်မှသာ ယဇ်ပုရောဟိတ်မင်း၏ တာဝန်ကို ထမ်းဆောင်နိုင်သည်ဟု မိန့်တော်မူခဲ့သည်။ သခင်ယေရှုသည် ကောင်းကင် ဆိုင်ရာ ယဇ်ပုရောဟိတ်ကြီး ဖြစ်တော်မူခဲ့သည်။ သင်သည် ဤအရာကို ယုံကြည်သလော။
ရှင်မဿဲခရစ်ဝင် 3:13-14 တွင် ‘ထိုကာလတွင် ယေရှုသည် ယောဟန်ထံ၌ဗတ္တိဇံခံရန် ဂါလိလဲနယ်မှ ဂျော်ဒန်မြစ်နားရှိ ယောဟန်ထံသို့ ကြွလာတော်မူ၏။ သို့ရာတွင် ယောဟန်သည် ကိုယ်တော်ကိုတားဆီးလျက် “အကျွန်ုပ်ကသာကိုယ်တော်ထံ၌ ဗတ္တိဇံခံရမည်ဖြစ်ပါလျက်နှင့် ကိုယ်တော်သည် အကျွန်ုပ်ထံသို့ ကြွလာတော်မူပါသလော” ဟု ဆို၏။’ မည်သူသည် လူသားများ ကိုယ် စားပြုသူ ဖြစ်သနည်း။ ဗတ္တိဇံယောဟန် ဖြစ်သည်။ ထို နောက် မည်သူသည် ကောင်းကင်ကိုယ်စားပြုသနည်း။ သခင်ယေရှု ခရစ်တော် ဖြစ်သည်။ ယ်စားပြုသူနှစ်ပါးတို့သည် တွေ့ခဲ့ကြသည်။ ထိုနောက် မည်သူသည် ပို၍ ကြီးမြတ်သနည်း။ ဟုတ်ပါတယ်၊ သူသည် ကောင်းကင်ဘုံ၏ ကိုယ်စားလှယ်ဖြစ်သည်။
ထို့ကြောင့် ထိုအချိန်က ဘာသာရေးခေါင်းဆောင်များအား “မြွေဆိုး၏သားသမီးများ၊ နောင်တရကြလော့” ဟု ဟစ်အော်နေသူသည် ရုတ်တရက် ယေရှု၏ရှေ့မှောက်တွင် နှိမ့်ချလာခဲ့သည်။ ‘သို့ရာတွင် ယောဟန်သည် ကိုယ်တော်ကိုတားဆီးလျက် “အကျွန်ုပ်ကသာကိုယ်တော်ထံ၌ ဗတ္တိဇံခံရမည်ဖြစ်ပါလျက်နှင့် ကိုယ်တော်သည် အကျွန်ုပ်ထံသို့ ကြွလာတော်မူပါသလော” ဟု ဆို၏။’
ဤအချက်တွင် သခင်ယေရှုက “ယခုအခါတွင် အခွင့်ပေးလော့။ အကြောင်းမူကား ငါတို့သည် ဖြောင့်မတ်ခြင်းအလုံးစုံကို ဤသို့ပြည့် စုံစေသင့်၏” ဟု မိန့်တ်ောမူခဲ့သည်။ သခင်ယေရှုသည် ဘုရားသခင်၏ဖြောင့်မတ်ခြင်းကို ပြည့်စုံစေတော်မူရန်အတွက် ဤလောကသို့ ကြွလာတော်မူခဲ့၍ ဗတ္တိဇံယောဟန်ထံမှ ဗတ္တိဇံခံယူတော်မူခြင်းဖြင့် ထိုအရာသည် ပြည့်စုံခဲ့သည်။
‘ထိုအခါ ယောဟန်သည် ကိုယ်တော်ကိုအခွင့်ပေးလေ၏။ ယေရှုသည် ဗတ္တိဇံခံပြီးနောက် ရေထဲမှထွက်လာသည်နှင့် ကောင်းကင်သည်ပွင့်၍ ဘုရားသခင်၏သန့်ရှင်းသောဝိညာဉ်တော်သည် ချိုးငှက်ကဲ့သို့ဆင်းသက်ကာ မိမိအပေါ်သို့ ကြွလာတော်မူသည်ကို မြင်တော်မူ၏။ ကောင်းကင်မှလည်း “ဤသူကား ငါ၏ချစ်သားပေတည်း။ သူ့ကိုငါနှစ်သက်၏” ဟု အသံတော်ထွက်ပေါ်လာ၏။’
ဤသည်မှာ ယေရှု ဗတ္တိဇံခံယူတော်မူစဉ် ဖြစ်ပျက်ခဲ့သော အရာဖြစ်သည်။ ယေရှုသည် ဗတ္တိဇံဆရာယောဟန်ထံမှ ဗတ္တိဇံခံယူ၍ လောကီသားအပေါင်းတို့၏ အပြစ်အားလုံးကို ယူဆောင်တော်မူသောအခါ ကောင်းကင်တံခါးသည် ပွင့်လာခဲ့သည်။
“ဗတ္တိဇံဆရာယောဟန်လက်ထက်မှ ယခုတိုင်အောင် ကောင်းကင်နိုင်ငံတော်သည် အတင်းတိုးဝင်ခြင်းကိုခံရလျက် အတင်းတိုးဝင်သောသူတို့သည် ၎င်းကိုလုယူဝင်စားကြ၏” (ရှင်မဿဲခရစ်ဝင် 11:12)။
ပရောဖက်အပေါင်းတို့နှင့် မောရှေ၏ ပညတ်တော်သည် ဗတ္တိဇံဆရာယောဟန်အထိ ဟောပြောခဲ့ကြသည်။ “ဗတ္တိဇံဆရာယောဟန်လက်ထက်မှ ယခုတိုင်အောင် ကောင်းကင်နိုင်ငံတော်သည် အတင်းတိုးဝင်ခြင်းကိုခံရလျက် အတင်းတိုးဝင်သောသူတို့သည် ၎င်းကိုလုယူဝင်စားကြ၏။” ကိုယ်တော်၏ဗတ္တိဇံကို ယုံ ကြည်သူအားလုံးသည် ခြွင်းချက်မရှိ ကောင်းကင်နိုင်ငံတော်သို့ ဝင် ရောက်နိုင်ကြသည်။
“ငါသည်လည်း သင့်ကိုပြစ်ဒဏ်မစီရင်။”
| သခင်ယေရှုသည် ဘာကြောင့် ကားတိုင်ပေါ်တွင် တရားစီရင်ခြင်း ခံတော်မူခဲ့သနည်း |
| ကိုယ်တော်သည် ကျွန်ုပ်တို့ အပြစ်များကိုယူဆောင်သွားတော် မူခဲ့သောကြောင့် ဖြစ်သည် |
သခင်ယေရှုသည် ဗတ္တိဇံယောဟန်အားဖြင့် ဗတ္တိဇံခံယူတော်မူခဲ့ ၍ လောကအပြစ်များအားလုံးကို ယူဆောင်သွားတော်မူခဲ့သည်။ ထိုနောက် ကိုယ်တော်သည် အိမ်ထောင်ရေးဖောက်ပြန်မှုအပြစ်ကျူး လွန်၍ အဖမ်းခံရသူ အမျိုးသမီးအား “ငါသည်လည်း သင့်ကိုပြစ်ဒဏ်မစီရင်” ဟု မိန့်တော်မူခဲ့သည်။ ယော်ဒန်မြစ်တွင် လောကီသားအပေါင်းတို့၏ အပြစ်အားလုံးကို ယူဆောင်သွားခဲ့ပြီး ထိုအပြစ်ကြောင့် တရားစီရင်ခြင်းကို ခံရမည့်သူမှာ ထိုအမျိုးသမီးမဟုတ်ဘဲ ယေရှုဖြစ်သောကြောင့် ဖြစ်သည်။
ယေရှုသည် လောကီသားအပေါင်းတို့၏ အပြစ်အားလုံးကို ဖယ်ရှားတော်မူခဲ့သည်။ ‘အကြောင်းမှာ အပြစ်၏အခသည် သေခြင်းဖြစ်၏’ (ရောမဩဝါဒစာ 6:23) ဖြစ်သောကြောင့် ယေရှုသည် လက်ဝါးကပ်တိုင်ပေါ်တွင် ခံစားရမည့် ဝေဒနာကို မည်မျှ ကြောက်ရွံ့တော်မူခဲ့ကြောင်း သိနိုင်ပါသည်။ ကိုယ်တော်သည် သံလွင်တောင်ပေါ်တွင် ဤတရားစီရင်ခြင်းကို မိမိထံမှ ဖယ်ရှားပေးရန် ဘုရားသခင်ထံ သုံးကြိမ်တိုင်တိုင် ဆုတောင်းခဲ့သည်။ ယေရှုသည် လူ့ဇာတိကို ခံယူတော်မူခဲ့သောကြောင့် ဝေဒနာကို ကြောက်ရွံ့တော်မူခြင်းမှာ သဘာဝကျပါသည်။ ယေရှုသည် တရားစီရင်ခြင်းကို ပြည့်စုံစေရန် အသွေးတော်ကို သွန်းလောင်းရမည် ဖြစ်သည်။
ဓမ္မဟောင်းကျမ်းမှ အပြစ်ဖြေရာယဇ်ကောင်သည် အပြစ်၏အဖိုးအခကို ပေးဆပ်ရန် အသွေးသွန်းလောင်းရသကဲ့သို့၊ ထိုနည်းတူ ကိုယ်တော်သည်လည်း လက်ဝါးကပ်တိုင်ပေါ်တွင် စတေးခံရန် လိုအပ်ခဲ့ပါသည်။ ကိုယ်တော်သည် လောကီသားအပေါင်းတို့၏ အပြစ်အားလုံးကို ယူဆောင်သွားခဲ့ပြီးဖြစ်၍ ယခုအခါ ငါတို့၏ကယ်တင်ခြင်းအတွက် မိမိအသက်ကို စွန့်လွှတ်ရမည်ဖြစ်သည်။ ကိုယ်တော်သည် ဘုရားသခင့်ရှေ့မှောက်တွင် တရားစီရင်ခြင်းကို ခံရမည်ဖြစ်ကြောင်း ထိုအရှင်သည် သိရှိတော်မူခဲ့သည်။
ယေရှု၏စိတ်နှလုံးထဲတွင် အပြစ်မရှိခဲ့ပါ။ သို့သော် ဗတ္တိဇံအားဖြင့် အပြစ်အားလုံးသည် ယေရှုထံသို့ လွှဲပြောင်းခဲ့သောကြောင့် ဘုရားသခင်သည် ယခုအခါ မိမိ၏သားတော်ကို တရားစီရင်ရန် မဖြစ်မနေ လိုအပ်ခဲ့ပါသည်။ ထို့ကြောင့် ပထမအနေဖြင့် ဘုရားသခင်၏ တရားမျှတမှုသည် ပြည့်စုံခဲ့ပြီး၊ ဒုတိယအနေဖြင့် ကိုယ်တော်သည် ငါတို့၏ကယ်တင်ခြင်းအတွက် မိမိ၏မေတ္တာတော်ကို ပေးသနားတော်မူခဲ့ပါသည်။ ထို့ကြောင့် ယေရှုသည် လက်ဝါးကပ်တိုင်ပေါ်တွင် တရားစီရင်ခြင်းကို ခံယူရန် လိုအပ်ခဲ့ပါသည်။
“ငါသည်လည်း သင့်ကို အပြစ်မစီရင်။ သင့်ကို မစစ်ကြောမစီရင်။” တမင်သက်သက်ဖြစ်စေ မဖြစ်စေ၊ သိသည်ဖြစ်စေ မသိသည်ဖြစ်စေ ငါတို့၏အပြစ်အားလုံးသည် ဘုရားသခင်၏ တရားစီရင်ခြင်းကို ခံရမည်ဖြစ်သည်။
ဘုရားသခင်သည် ငါတို့ကို တရားစီရင်တော်မမူဘဲ ဗတ္တိဇံအားဖြင့် ငါတို့၏အပြစ်အားလုံးကို ယူဆောင်တော်မူသော ယေရှုကို တရားစီရင်တော်မူခဲ့သည်။ ဘုရားသခင်သည် မိမိ၏မေတ္တာတော်နှင့် ကရုဏာတော်ကြောင့် အပြစ်သားများကို တရားစီရင်ရန် အလိုတော်မရှိခဲ့ပါ။ ဗတ္တိဇံနှင့် လက်ဝါးကပ်တိုင်ပေါ်မှ အသွေးတော်သည် ငါတို့အပေါ် ကိုယ်တော်၏ ရွေးနှုတ်ခြင်းမေတ္တာတော် ဖြစ်ခဲ့သည်။ “ဘုရားသခင်သည် မိမိ၏တစ်ပါးတည်းသောသားတော်ကို စွန့်တော်မူသည့်တိုင်အောင် လောကီသားတို့ကိုချစ်တော်မူ၏။ ဤသည်ကား သားတော်ကိုယုံကြည်သောသူတိုင်း မပျက်စီးဘဲ ထာဝရအသက်ကိုရရှိစေရန်ဖြစ်၏” (ရှင်ယောဟန်ခရစ်ဝင် 3:16)။
ဤသည်မှာ ငါတို့သည် ကိုယ်တော်၏မေတ္တာတော်ကို သိရှိနိုင်သော နည်းလမ်းဖြစ်သည်။ သခင်ယေရှုသည် အိမ်ထောင်ရေးဖောက်ပြန်မှုအပြစ်ကျူးလွန်၍အဖမ်းခံရသူ မိန်းမကို အပြစ်မစီရင်ခဲ့ပါ။
သူမသည် အိမ်ထောင်ရေးဖောက်ပြန်မှု အပြစ်ကျူးလွန်၍ အဖမ်းခံရသူအပြစ်သားတစ်ဉီးဖြစ်ခဲ့သည်ဟု သိခဲ့သည်။ သူမသည် သူမ၏ နှလုံးသားထဲတွင် အပြစ်ရှိရုံသာမက သူမ၏ အသားထဲတွင်လည်း အပြစ်ရှိနေပါသည်။ သူမသည် မိမိအပြစ်အတွက် ငြင်းဆိုနိုင်မည် နည်းလမ်းမရှိ ခဲ့ပေ။ သို့သော် ယေရှုသည် သူမ၏အပြစ်အားလုံးကို ယူဆောင်သွားတော်မူကြောင်း ယုံကြည်ခဲ့သောကြောင့် ကယ်တင်ခြင်းကို ရရှိခဲ့သည်။ ငါတို့သည် ယေရှုကို ယုံကြည်လျှင် ကယ်တင်ခြင်းကို ရရှိကြသည်။ ယုံကြည်ပါ။ အဲဒါက ငါတို့ရဲ့ ကိုယ်ကျိုးအတွက်။
| မည်သူများသည် ကောင်းကြီးမင်္ဂလာ အခံရဆုံးဖြစ်ကြသနည်း |
| အပြစ်မရှိသောသူများ |
လူတိုင်းသည် အပြစ်ကျူးလွန်ကြသည်။ လူတိုင်း အိမ်ထောင်ရေးဖောက်ပြန်တယ်။ သို့သော် လူတိုင်းသည် မိမိတို့၏အပြစ်ကြောင့် တရားစီရင်ခြင်းကို ခံရသည်မဟုတ်ပါ။ ငါတို့အားလုံးသည် အပြစ်ကျူးလွန်ခဲ့ကြသည်။ သို့သော် ယေရှုခရစ်တော်၏ ရွေးနှုတ်ခြင်းကို ယုံကြည်သောသူသည် စိတ်နှလုံးထဲတွင် အပြစ်မရှိပါ။ ယေရှု၏ကယ်တင်ခြင်းကို ယုံကြည်သောသူသည် အပျော်ရွှင်ဆုံးသောသူ ဖြစ်သည်။ အပြစ်အားလုံးမှ ကယ်တင်ခြင်းခံရသူ၊ တနည်းအားဖြင့် ယေရှုအားဖြင့် ဖြောင့်မတ်ရာသို့ ရောက်သောသူသည် အကောင်းဆုံးကောင်းချီးမင်္ဂလာခံစားရသူ ဖြစ်သည်။
ရောမဩဝါဒစာ 4:7 တွင် ဝမ်းမြောက်ခြင်းအကြောင်းနှင့်ပတ် သက်၍ ဘုရားသခင်သည် ကျွန်ုပ်တို့အား “တရားမဲ့သောအမှုများကို ခွင့်လွှတ်ခြင်းခံရသောသူ၊ အပြစ်များကို ဖုံးအုပ်ခြင်းခံရသောသူတို့သည် မင်္ဂလာရှိကြ၏။” ကျွန်ုပ်တို့အားလုံးသည် သေသည့်အထိ တိုင်အောင် အပြစ်ကျူးလွန်ကြသည်။ ကျွန်ုပ်တို့သည် ဘုရားသခင်ရှေ့တော်၌ ပညတ်မဲ့ကြ၍ မစုံလင်ကြပေ။ ငါတို့သည် ကိုယ်တော်၏ပညတ်တော်ကို သိလျက်နှင့် အပြစ်ကို ဆက်လက်ကျူးလွန်ကြသည်။ ကျွန်ုပ်တို့သည် အလွန်အားနည်းကြသည်။
သို့သော် ဘုရားသခင်သည် မိမိ၏တပါးတည်းသောသားတော်၏ ဗတ္တိဇံနှင့် အသွေးတော်အားဖြင့် ငါတို့ကို ကယ်တင်တော်မူခဲ့ပြီး၊ သင်တို့နှင့် ငါတို့သည် အပြစ်သားမဟုတ်တော့ကြောင်း၊ ယခုအခါ ငါတို့သည် ဘုရားသခင့်ရှေ့မှောက်တွင် ဖြောင့်မတ်သူများဖြစ်ကြောင်း မိန့်တော်မူခဲ့သည်။ ကိုယ်တော်သည် ငါတို့အား မိမိ၏သားသမီးများဖြစ်ကြောင်း မိန့်တော်မူသည်။
ရေနှင့်သန့်ရှင်းသောဝိညာဉ်တော်သတင်းကောင်းမှာ ထာဝရရွေးနှုတ်ခြင်း သတင်းကောင်း ဖြစ်သည်။ သင်သည် ထိုအရာကို ယုံကြည်သ လော။ ယုံကြည်သူများကို ဘုရားသခင်သည် ဖြောင့်မတ်သူများ၊ ကယ်တင်ခြင်းခံရသူများ၊ မိမိ၏သားသမီးများအဖြစ် ထိုအရှင်သည် အသိအမှတ်ပြုတော်မူသည်။ မည်သူသည် ဤလောက၌ ဝမ်းမြောက် ခြင်းအခံရဆုံးသောသူဖြစ်သနည်း။ ယုံကြည်သူနှင့် စစ်မှန်သောသ တင်းကောင်းကို ယုံကြည်ခြင်းအားဖြင့် ရွေးနှုတ်ခြင်းခံရသောသူ ဖြစ်သည်။ သင်သည် ရွေးနှုတ်ခြင်းခံခဲ့ရပြီလော။
ယေရှုသည် သင့်အပြစ်များကို ယူဆောင်ခြင်းကို ချန်လှပ်ထားခဲ့ပါသလား။ မဟုတ်ပေ။ ကိုယ်တော်သည် ဗတ္တိဇံအားဖြင့် သင်၏အပြစ်အားလုံးကို ယူဆောင်တော်မူခဲ့ပါသည်။ ထိုအရာကို ယုံကြည် ပါ။ ယုံကြည်၍ သင်၏အပြစ်များအားလုံးမှ ရွေးနှုတ် ခြင်းခံယူပါ။
တံမြက်စည်းဖြင့် လှည်းကျင်းသကဲ့သို့
| သခင်ယေရှုသည် အပြစ်မည်မျှ ဖယ်ရှားတော်မူခဲ့သနည်း |
| လောကအပြစ်များ အားလုံး |
ရှင်ယောဟန်ခရစ်ဝင် အခန်းကြီး 1၊ အငယ် 29 ကို ဖတ်ကြည့်ကြပါစို့။ “နောက်တစ်နေ့၌ ယောဟန်သည် မိမိထံသို့ ယေရှုကြွလာတော်မူသည်ကိုမြင်လျှင် ကြည့်လော့။ ဤလောက၏အပြစ်ကိုယူဆောင်သွားသော ဘုရားသခင်၏သိုးသငယ်တော်ပေတည်း” (ရှင်ယောဟန်ခရစ်ဝင် 1:29)။
“ကြည့်လော့။ ဤလောက၏အပြစ်ကိုယူဆောင်သွားသော ဘုရားသခင်၏သိုးသငယ်တော်ပေတည်း။”
ဗတ္တိဇံဆရာယောဟန်သည် ယော်ဒန်မြစ်တွင် လောကီသားအပေါင်းတို့၏ အပြစ်အားလုံးကို ယေရှုထံသို့ လွှဲပြောင်းပေးခဲ့သည်။ နောက်တစ်နေ့တွင် သူသည် ယေရှုသည် လောကီသားတို့၏ အပြစ်ကို ဆောင်သွားသော ဘုရားသခင်၏သိုးသငယ်ဖြစ်ကြောင်း သက်သေခံခဲ့သည်။ ကိုယ်တော်သည် လောကီသားအပေါင်းတို့၏ အပြစ်အားလုံးကို မိမိ၏ပခုံးပေါ်တွင် ထမ်းဆောင်ခဲ့သည်။
လောကအပြစ်များအားလုံးသည် ဖန်ဆင်းခြင်းမှ ကမ္ဘာကုန် ဆုံးသည့်အထိ ဤလောက၌ လူသားများကျူးလွန်ခဲ့သောအပြစ်များ အားလုံးကို ရည်ညွှန်းသည်။ လွန်ခဲ့သော နှစ်ပေါင်း ၂၀၀၀ ခန့်က သခင်ယေရှုသည် လောကအပြစ်များအားလုံးကို ယူဆောင် သွား တော်မူခဲ့၍ ကျွန်ုပ်တို့အား ရွေးနှုတ်တော်မူခဲ့သည်။ ဘုရားသခင်၏သိုးသငယ်တော်အနေဖြင့် ကိုယ်တော်သည် ငါတို့၏အပြစ်အားလုံးကို ယူဆောင်သွားခဲ့ပြီး ငါတို့အတွက် တရားစီရင်ခြင်းကို ခံယူတော်မူခဲ့သည်။
လူသားများ ကျူးလွန်သော အပြစ်အားလုံးသည် ယေရှုထံသို့ လွှဲပြောင်းခြင်းခံခဲ့ရသည်။ ထို့ကြောင့် ကိုယ်တော်သည် လောကီသားအပေါင်းတို့၏ အပြစ်အားလုံးကို ယူဆောင်သွားသော ဘုရားသခင်၏သိုးသငယ်တော် ဖြစ်လာခဲ့သည်။
ယေရှုသည် လောကီသားအပေါင်းတို့၏ အပြစ်သားအားလုံးကို ကယ်တင်မည့် ကယ်တင်ရှင်အဖြစ် ဤလောကသို့ ကြွလာတော်မူခဲ့သည်။ ငါတို့သည် အားနည်းသောကြောင့်၊ ဆိုးညစ်သောကြောင့်၊ မသိနားမလည်သောကြောင့်၊ ပေါ့ပျက်သောကြောင့်၊ မပြည့်စုံသောကြောင့် အပြစ်ကို ကျူးလွန်ကြသည်။ ဤအပြစ်အားလုံးသည် ယေရှုသည် ယော်ဒန်မြစ်တွင် ဗတ္တိဇံခံယူခြင်းအားဖြင့် ကိုယ်တော်၏ဦးခေါင်းပေါ်သို့ လွှဲပြောင်းခဲ့သည်။ ထို့နောက် လက်ဝါးကပ်တိုင်ပေါ်တွင် ခန္ဓာကိုယ်၏သေခြင်းဖြင့် အရာခပ်သိမ်းကို အဆုံးသတ်စေတော်မူခဲ့သည်။ သင်္ဂြိုဟ်ခြင်းခံပြီးနောက် သုံးရက်မြောက်သောနေ့တွင် ရှင်ပြန်ထမြောက်တော်မူခဲ့သည်။
အပြစ်သားအပေါင်းတို့၏ ကယ်တင်ရှင်အဖြစ်၊ အောင်မြင်သူအဖြစ်၊ တရားစီရင်သူအဖြစ် ကိုယ်တော်သည် ယခုအခါ ဘုရားသခင်၏လက်ယာတော်ဘက်တွင် ထိုင်နေတော်မူသည်။ ကိုယ်တော်သည် ငါတို့ကို ထပ်ခါထပ်ခါ ရွေးနှုတ်ရန် မလိုအပ်တော့ပါ၊ ငါတို့ပြုရမည့်အရာမှာ ကယ်တင်ခြင်းခံရရန် ယုံကြည်ရုံသာဖြစ်သည်။ ယုံကြည်သူတို့၌ ထာဝရအသက်ရှိ၍ မယုံကြည်သူတို့၌ ပျက်စီးခြင်းသည် စောင့်ဆိုင်းလျက်ရှိသည်။ အခြားရွေးချယ်စရာတစ်ခုမျှ မရှိပေ။
ယေရှုသည် သင်တို့အားလုံးကို ကယ်တင်တော်မူခဲ့ပြီ။ သင်တို့သည် ဤကမ္ဘာမြေပေါ်တွင် အပျော်ရွှင်ဆုံးသောသူများ ဖြစ်ကြသည်။ သင်တို့၏အားနည်းချက်ကြောင့် နောင်တွင် ကျူးလွန်မိမည့် အပြစ်အားလုံးကို သခင်ဘုရားသည် ယူဆောင်သွားတော်မူခဲ့ပြီ။
သင်၏နှလုံးသား၌ အပြစ်တစ်စုံတစ်ခုမျှ ကျန်သေးသလော။ —မဟုတ်ဘူး။—
ယေရှုသည် အားလုံးကို ယူဆောင်သွားတော်မူခဲ့ပါသလား။ —ဟုတ်ပါသည်။ မှန်ပါသည်။—
လူသားအားလုံးသည် အတူတူပင် ဖြစ်သည်။ မည်သူမျှ အခြားသူထက် ပိုမိုသန့်ရှင်းခြင်း မရှိပါ။ သို့သော် လူအများစုသည် ဟန်ဆောင်သူများဖြစ်သောကြောင့် မိမိတို့သည် အပြစ်သားမဟုတ်ဟု ထင်မှတ်ကြသည်။ သို့သော် အမှန်တကယ်တွင် သူတို့သည်လည်း အပြစ်သားများ ဖြစ်ကြသည်။ ဤလောကသည် အပြစ်ကို ပြုစုပျိုး ထောင်ပေးသော မှန်လုံအိမ်ဖြစ်သည်။
အိမ်အပြင်ထွက်တဲ့အခါ အမျိုးသမီးတွေက အနီရောင်နှုတ်ခမ်းနီကို ၀တ်ကြပြီး မျက်နှာကို လိမ်းကြ၊ ဆံပင်ဆေး၊ အဝတ်ကောင်းလေးတွေ ဝတ်ကြပြီး ဒေါက်မြင့်ဖိနပ်တွေ ၀တ်ကြပါတယ်။ အမျိုးသားများသည်လည်း ဆံသဖန်းဆိုင်သို့သွား၍ ဆံပင်ညှပ်ပြီး၊ ကိုယ်လက်သန့်စင်ရေးပြုလုပ်ကာ၊ သန့်ရှင်းသောရှပ်အင်္ကျီနှင့် ခေတ်ဆန်သောနက်ခ်တိုင်ဝတ်ဆင်၍၊ ဖိနပ်များကိုတိုက်ခြေကြသည်။
သို့သော် အပြင်ပန်းတွင် မင်းသားနှင့် မင်းသမီးကဲ့သို့ ပြင်ဆင်ထားသော်လည်း အတွင်းပိုင်းမှာမူ အညစ်ပတ်ဆုံးသော အမှိုက်ပုံနှင့် တူညီနေပါသည်။
ငွေကြေးသည် လူတို့ကို ပျော်ရွှင်စေပါသလား။ ကျန်းမာရေးသည် လူတို့ကို ပျော်ရွှင်စေပါသလား။ မရှိပါ။ ကယ်တင်ခြင်းသည်သာ လူတို့ကို အမှန်တကယ် ပျော်ရွှင်စေသည်။ လူတစ်ယောက်ဟာ အပြင်မှာ ဘယ်လောက်ပဲ ပျော်ရွှင်နေပါစေ သူ့စိတ်ထဲမှာ အပြစ်ရှိနေရင် သနားစရာကောင်းတဲ့လူပါပဲ။ သူတို့သည် တရားစီရင်ခြင်းကို ကြောက်ရွံ့လျက် နေထိုင်ကြရသည်။
ကယ်တင်ခြင်းခံရသောသူသည် အဝတ်စုတ်ကို ဝတ်ဆင်ထားသော်လည်း ခြင်္သေ့ကဲ့သို့ ရဲရင့်သည်။ သူတို့၏စိတ်နှလုံးထဲတွင် အပြစ်မရှိပါ။ “သခင်ဘုရား၊ ကျေးဇူးတင်ပါသည်။ ကျွန်ုပ်ကဲ့သို့သော အပြစ်သားကို ကယ်တင်တော်မူ၍၊ ကျွန်ုပ်၏အပြစ်အားလုံးကို ဖျောက်ဖျက်ပေးတော်မူခဲ့ပါသည်။ မမြင်ထိုက်မှန်းသိသော်လည်း ကယ်တင်ခြင်းအတွက် ထာဝရဘုရားကို ချီးမွမ်းပါ၏။ ကျွန်ုပ်သည် မိမိ၏အပြစ်မှ ထာဝရကယ်တင်ခြင်း ခံရပါပြီ။ သခင်ဘုရားအား ဘုန်းအသရေ ရှိပါစေသတည်း။”
ကယ်တင်ခြင်းခံရသောသူသည် အမှန်တကယ် ပျော်ရွှင်သောသူ ဖြစ်သည်။ ဘုရားသခင်၏ ရွေးနှုတ်ခြင်းကျေးဇူးတော်ဖြင့် ကောင်းချီးမင်္ဂလာ ခံစားရသောသူသည် အမှန်တကယ် ပျော်ရွှင်သောသူ ဖြစ်သည်။
‘ဤလောက၏အပြစ်ကိုယူဆောင်သွားသော ဘုရားသခင်၏သိုးသငယ်တော်ပေတည်’ ဖြစ် တော်မူသော သခင်ယေ ရှုသည် ကျွန်ုပ်တို့အပစ်များအားလုံးကို ယူဆောင်သွားတော်မူခဲ့ သောကြောင့် ကျွန်ုပ်တို့မှာ အပြစ်မရှိကြပေ။ ကိုယ်တော်သည် ကားတိုင်ပေါ်တွင် ကျွန်ုပ်တို့အတွက် ကယ်တင်ခြင်းအမှုကို ‘ပြီးဆီး’ စေတော်မူခဲ့သည်။ သင်တို့နှင့် ငါ၏အပြစ်အပါအဝင် ငါတို့၏အပြစ်အားလုံးသည် ‘လောကီသားတို့၏အပြစ်’ တွင် ပါဝင်နေသောကြောင့် ငါတို့အားလုံးသည် ကယ်တင်ခြင်းခံရပြီး ဖြစ်သည်။
ဘုရားသခင်၏အလိုတော်အားဖြင့်
| ငါတို့သည် ခရစ်တော်ယေရှု၌ ရှိနေသောအခါ ငါတို့၏စိတ်နှလုံးထဲတွင် အပြစ်ရှိပါသလား။ |
| မရှိပါ၊ အပြစ်မရှိကြပေ။ |
ချစ်လှစွာသောလူတိုင်းး၊ အိမ်ထောင်ရေးဖောက်ပြန်မှုအပြစ်ကျူး လွန်၍ အဖမ်းခံရသောအမျိုးသမီးသည် သခင်ယေရှု၏စကားများကို ယုံကြည်ခဲ့၍ ကယ်တင်ခြင်းခံခဲ့ရသည်။ သူမ၏ ဇာတ်လမ်းကို သမ္မာကျမ်းစာတွင် မှတ်တမ်းတင်ထားရသည့် အကြောင်းရင်းမှာ သူမသည် ကယ်တင်ခြင်းအတွက် ကောင်းချီးခံစားရသောကြောင့် ဖြစ်သည်။ သို့သော် ဟန်ဆောင်သောကျမ်းတတ်ဆရာများနှင့် ဖာရိရှဲများမူကား ယေရှုထံမှ ထွက်ပြေးသွားကြသည်။
သင်သည် သခင်ယေရှုကို ယုံကြည်ကြလျှင် ကောင်းကင်နိုင်ငံ တော်သည် သင့်ကို စောင့်ဆိုင်းသော်လည်း သင်သည် သခင်ယေ ရှုကို စွန့်ပစ်လျှင် အပ္ပါယ်ငရဲသို့ သွားရမည် ဖြစ်သည်။ သင်သည် ကိုယ်တော်၏ပြုတော်မူသောအရာကို ယုံကြည်လျှင် ကောင်းကင် ကဲ့သို့ဖြစ်သော်လည်း သင်သည် ကိုယ်တော်ပြုတော်မူသောအမှုများ ကို မယုံကြည်လျှင် အပ္ပါယ်ငရဲနှင့်တူသည်။ ရွေးနှုတ်ကယ်တင်ခြင်း မှာ လူတစ်ဉီးချင်းစီတိုင်း၏ကြိုးစားအား ထုတ်မှုအပေါ်မမူတည်ဘဲ သခင်ယေရှု၏ကယ်တင်ခြင်းအပေါ်၌သာ မူတည်သည်။
ဟေဗြဲဩဝါဒစာ အခန်းကြီး 10 ကို ဖတ်ကြည့်ကြပါစို့။ ‘မောရှေ၏ပညတ်တရားသည် နောင်လာမည့်ကောင်းသောအရာများ၏အရိပ်မျှသာဖြစ်ပြီး ၎င်းတို့၏ပုံသဏ္ဌာန်အစစ်အမှန်မဟုတ်သောကြောင့် နှစ်စဉ် အမြဲမပြတ်ပူဇော်နေသည့် တူညီသောယဇ်များအားဖြင့် အထံတော်သို့ချဉ်းကပ်သောသူတို့ကို မစုံလင်စေနိုင်ပေ။ အကယ်၍ စုံလင်စေနိုင်ခဲ့လျှင် ဝတ်ပြုသောသူတို့သည် တစ်ခါတည်းနှင့် စင်ကြယ်ခြင်းသို့ရောက်လျက် အပြစ်ရှိသည်ဟူသောအသိစိတ်မရှိတော့သဖြင့် ယဇ်ပူဇော်ခြင်းကိုရပ်တန့်ကြလိမ့်မည်မဟုတ်လော။ သို့သော် ထိုသို့ယဇ်ပူဇော်ခြင်းအားဖြင့် အပြစ်များကိုနှစ်စဉ် ပြန်လည်အောက်မေ့ကြ၏။ အကြောင်းမူကား နွားလားနှင့်ဆိတ်တို့၏သွေးသည် အပြစ်များကိုမဖယ်ရှားနိုင်ပေ။ ထို့ကြောင့် ခရစ်တော်သည် ဤလောကသို့ကြွလာသောအခါ “ကိုယ်တော်သည် ယဇ်ကောင်နှင့်ပူဇော်သက္ကာတို့ကိုအလိုမရှိဘဲ အကျွန်ုပ်အတွက် ကိုယ်ခန္ဓာကိုပြင်ဆင်ထားတော်မူ၏။ ကိုယ်တော်သည် မီးရှို့ရာယဇ်နှင့်အပြစ်ဖြေရာယဇ်တို့ကို နှစ်သက်တော်မမူ။ ထိုအခါ အကျွန်ုပ်က ‘ကျမ်းစာအုပ်၌ အကျွန်ုပ်ကိုရည်ညွှန်း၍ရေးထားသည့်အတိုင်း ကိုယ်တော်၏အလိုတော်ကိုဆောင်ရွက်ရန် အကျွန်ုပ်လာပါ၏ဘုရား’ ဟု လျှောက်လေ၏” ဟူ၍ မိန့်တော်မူ၏။ ပထမအနေဖြင့် “ကိုယ်တော်သည် မောရှေ၏ပညတ်တရားအရပူဇော်သောအရာများတည်းဟူသော ယဇ်ကောင်နှင့်ပူဇော်သက္ကာများ၊ မီးရှို့ရာယဇ်နှင့်အပြစ်ဖြေရာယဇ်များကို အလိုမရှိ။ နှစ်သက်တော်မူခြင်းလည်းမရှိ” ဟု ဆို၏။ ထို့နောက် “ကိုယ်တော်၏အလိုတော်ကိုဆောင်ရွက်ရန် အကျွန်ုပ်လာပါ၏” ဟု ဆို၏။ ဤသို့ဖြင့် ကိုယ်တော်သည် ဒုတိယပူဇော်ခြင်းကိုတည်စေရန် ပထမပူဇော်ခြင်းကို ပယ်ဖျက်တော်မူ၏။ ထိုအလိုတော်နှင့်အညီ ယေရှုခရစ်တော်၏ကိုယ်ခန္ဓာကို တစ်ကြိမ်တည်းနှင့်အပြီး ပူဇော်ခြင်းအားဖြင့် ငါတို့သည် သန့်ရှင်းစေခြင်းခံရကြ၏’ (ဟေဗြဲဩဝါဒစာ 10:1-10)။
“ဘုရားသခင်၏အလိုတော်နှင့်အညီ” ယေရှုသည် ငါတို့၏အပြစ်များကို တစ်ကြိမ်တည်းဖြင့် ဖယ်ရှားရန် မိမိ၏အသက်ကို ပေးဆပ်တော်မူခဲ့ပြီး၊ တစ်ကြိမ်တည်းဖြင့် တရားစီရင်ခြင်းကို ခံယူတော်မူ၍ ရှင်ပြန်ထမြောက်တော်မူခဲ့သည်။
ထို့ကြောင့် ငါတို့သည် သန့်ရှင်းခြင်းသို့ ရောက်ကြပြီ။ “သန့်ရှင်းစေခြင်းခံရကြ၏” (ဟေဗြဲဩဝါဒစာ 10:10) ဟူသော စကားသည် အတိတ်ပြီးပြတ်ကာလဖြင့် ရေးသားထားပါသည်။ ဤသည်မှာ ရွေးနှုတ်ခြင်းအကြောင်းကို ထပ်မံပြောဆိုရန် မလိုအပ်တော့ကြောင်း ဆိုလိုခြင်းဖြစ်သည်။ သင်သည် သန့်ရှင်းခြင်းသို့ ရောက်ပြီးဖြစ်သည်။
“ယဇ်ပုရောဟိတ်အားလုံးသည် နေ့စဉ်ရပ်လျက် ဝတ်ပြုကာ အပြစ်များကိုမဖယ်ရှားနိုင်သည့် တူညီသောယဇ်ကို အကြိမ်ကြိမ်ပူဇော်နေကြ၏။ သို့သော် ခရစ်တော်သည် တစ်ခုတည်းသောယဇ်ကို အပြစ်များအတွက် ထာဝစဉ်ပူဇော်ပြီးလျှင် ထိုအချိန်မှစ၍ ဘုရားသခင်၏လက်ယာတော်ဘက်၌ထိုင်လျက် မိမိ၏ရန်သူတို့သည် မိမိခြေတင်ခုံအဖြစ်ချထားခြင်းခံရသည့်တိုင်အောင် စောင့်ဆိုင်းနေတော်မူ၏။ အကြောင်းမူကား ကိုယ်တော်သည် တစ်ခုတည်းသောပူဇော်သက္ကာအားဖြင့် သန့်ရှင်းစေခြင်းခံရသောသူတို့အား ထာဝစဉ်စုံလင်စေတော်မူ၏” (ဟေဗြဲဩဝါဒစာ 10:11-14)။
သင်တို့အားလုံးသည် ထာဝရသန့်ရှင်းခြင်းသို့ ရောက်ကြပြီ။ မနက်ဖြန် အပြစ်ကျူးလွန်မိလျှင် သင်တို့သည် အပြစ်သားများ ပြန်ဖြစ်သွားမည်လော။ ယေရှုသည် ထိုအပြစ်များကိုပင် ဖယ်ရှားပေးတော်မမူခဲ့သလော။ ဟုတ်ပါသည်၊ ဖယ်ရှားပေးတော်မူခဲ့ပါသည်။ ကိုယ်တော်သည် အနာဂတ်အပြစ် များကိုလည်း ယူဆောင်သွားတော်မူခဲ့သည်။
‘သန့်ရှင်းသောဝိညာဉ်တော်သည်လည်း ငါတို့အားသက်သေခံ၍ “ထာဝရဘုရားက ‘ထိုနေ့ရက်များနောက်တွင် သူတို့နှင့် ငါပြုမည့်ပဋိညာဉ်ကား ဤသို့တည်း။ ငါသည် ငါ၏ပညတ်တရားတို့ကို သူတို့၏စိတ်နှလုံးထဲတွင် ထည့်သွင်း၍ သူတို့၏အသိဉာဏ်ပေါ်မှာ ရေးထားမည်’ဟု မိန့်တော်မူ၏” ဟူ၍ မြွက်ဆိုပြီးနောက် တစ်ဖန် “ငါသည် သူတို့၏အပြစ်များနှင့်တရားမဲ့ခြင်းများကို လုံးဝသတိရတော့မည်မဟုတ်” ဟု မြွက်ဆိုတော်မူ၏။ ထိုသို့ အပြစ်ခွင့်လွှတ်ခြင်းကျေးဇူး (အပြစ်ကို ဖယ်ရှားပေးခြင်း)ရှိသည့်နေရာတွင် အပြစ်အတွက်ပူဇော်သက္ကာမလိုအပ်တော့ပေ’ (ဟေဗြဲဩဝါဒစာ 10:15-18)။
‘ဤအပြစ်များကို လွှတ်တော်မူပြီ’ ဟူသော စကားသည် လောကီသားအပေါင်းတို့၏ အပြစ်အားလုံးကို ဖယ်ရှားပေးတော်မူခဲ့ပြီဟု ဆိုလိုခြင်းဖြစ်သည်။ သခင်ယေရှုသည် ကျွန်ုပ်တို့၏ကယ်တင်ရှင်၊ ကျွန်တော်၏ ကယ်တင်ရှင်နှင့် သင်၏ကယ်တင်ရှင် ဖြစ်တော်မူသည်။ ငါတို့သည် ယေရှုကို ယုံကြည်ခြင်းအားဖြင့် ကယ်တင်ခြင်းသို့ ရောက်ကြပြီ။ ဤအ ရာသည် သခင်ယေရှုအားဖြင့် ကယ်တင်ခြင်းဖြစ်၍ ဘုရားသခင်ထံ တော်မှ အကြီးမားဆုံးသောကျေးဇူးတော်နှင့် ဆုကျေးဇူးတစ်ပါး ဖြစ် သည်။ အပြစ်အားလုံးမှ ရွေးနုတ်ခြင်းခံရသော သင်တို့နှင့် ကျွန်ုပ်သည် အကြီးမားဆုံးသော ကောင်းချီးမင်္ဂလာကို ခံစားရပါပြီ။
ဤဒေသနာကို အီးဘွတ်ခ် ပုံစံဖြင့်လည်း ရရှိနိုင်ပါသည်။ အောက်ပါစာအုပ်အဖုံးကို နှိပ်ပါ။
![သင်သည် ရေနှင့်သန့်ရှင်းသောဝိညာဉ်တော်အားဖြင့် အမှန်တကယ် အသစ်တဖန်မွေးဖွားခြင်း ခံယူခဲ့ပါပြီလား [ပြန်လည်ပြင်ဆင်ထုတ်ဝေခြင်း]](../../upload/book/Burmese1D.jpg)
Copyright © 2021 by The New Life Mission