Debido a COVID-19 y la interrupción del servicio de correo internacional,
hemos suspendido temporalmente nuestro "Servicio de Libros Impresos Gratis".
hemos suspendido temporalmente nuestro "Servicio de Libros Impresos Gratis".
A la luz de esta situación no podemos enviarle los libros por correo en este momento.
Oren para que esta pandemia termine pronto y por la reanudación del servicio postal.
Oren para que esta pandemia termine pronto y por la reanudación del servicio postal.
مضمون 2: شریعت
[2-1] جےاَسیں شریعت دےمطابق کم کردےآں ،تے کیہ ایہہ سانُوں مکتی دے سکدی اے؟ <لوقا ۱۰ : ۲۵ ۔ ۳۰>
<لوقا ۱۰ : ۲۵ ۔ ۳۰>
”ویکھواِک شرع دا عالم اُٹھیاتےایہہ آکھ کے اوہنوں اَزماؤن لگاپئی اَےاُستاد ،میَں کیہ کراں پئی ہمیش دی حیاتی دا وارث بن جاواں؟اوہنے اوہنوں آکھیا پئی توریت وچ کیہ لکھیا اے؟توں کِویں پڑھداایں ؟اوہنے جواب وچ آکھیاپئی خُداوند اپنے خُدا نال اپنے سارے دل تےاپنی ساری جان تےاپنی ساری طاقت تےاَپنی ساری عقل نال محبت رکھ تےاپنے گوانڈھی نال اپنےبرابرمحبت رکھ۔اوہنے اوہنوں آکھیاتُوں ٹھیک جواب دِتا ۔ایہوکرتے تُوں جیویں گا۔پراوہنے اَپنے آپ نُوں راستباز ٹھہران دی غرض نال یسوُع نُوں پُچھیا، فیرمیراگوانڈھی کون ایں ؟یسوُع نے جوا ب وِچ آکھیاپئی اِک بندہ یروشلم توں یریحووَل جانداپیاسی پئی ڈاکوواں وِچ پھس گیا۔اوہناں نے اوہدے لیڑے لاہ لئےتے اوہنوں ماریاوی تے اَدھ مویاچھڈکےنَس گئے۔“
سارےاِنساناں داسب تو ں وڈارَولا کیہ اے؟
اوہ بوہت ساریاں پُٹھیاں سوچاں نال حیاتی بسرکردے نیں
لوقا۱۰ : ۲۸، ” ایہو کرتےتُوں جیویں گا۔ “
لوک بوہت ساری پُٹھیاں سوچاں نال حیاتی بسرکردےنیں ۔اِنج لگدااے پئی اوہ اُچیچے ایس معاملےوچ کمزورنیں ۔اوہ بڑے سیانے نظر آؤندے نیں پراوہ آسانی نال دھوکہ کھاندےنیں تے اپنی بھیڑیاں کرتُوتاں توں بے خبرےرہندےنیں ۔اَسیں اَپنے آپ نُوں جانیوں اَڈای پیداہوئےآں،پراَسیں ہُن وی اِنج حیاتی بسرکردے آں جِویں پئی اَسیں سب کُجھ جان دے آں ۔کیوں جے لوک اَپنے آپ نُوں نئیں جان دے، بائبل مقدّس سانُوں گھڑی مُڑی دَسدی اے پئی اَسیں پاپی آں۔
لوک اپنے ای پاپاں دےموجودہون دے بارے گل کردےنیں ۔اِنج لگدا اے پئی لوک نیکی کرن دےلائق نہیں ،فیروی ،اوہ اَپنے آپ نُوں نیک اَکھوان داشوق رکھدے نیں ۔ اوہ اپنے نیک کماں دی پھُنڈماردے تے نمائش کردے نیں ،بھانویں اوہ اپنےبُلاں نال اپنے آپ نُوں پاپی کہندے نیں ۔
اوہناں نُوں پتہ نہیں پئی اوہناں دے اندر نہ تے نیکی اےتے نہ ای نیک کم کرن دی خُوبی رکھدے،اِنج اوہ دُوجیاں نُوں دھوکہ دین دی کوشش کردے نیں تے ایتھوں تیک پئی کئی وار اَپنے آپ نُوں دھوکہ دیندے نیں ” اَگے ودھو۔اَسیں پُورے دے پُورے بدکار نئیں ہوسکدے۔ساڈے اندرکجھ نیکی موجود اے۔“
نتیجے دے طورتے،اوہ دُوجیاں تے نظرکردےنیں تےاَپنے آپ نُوں ایہہ دَسدے نیں،” آہ کاش پئی اوہ اِنج نہ کردا۔اوہدےلئی ایہوچنگاہونداجے اوہ اِنج نہ کردا ۔ اوہ بوہتا چنگاہوےگاپر شرط اے جے اوہ ایس طرحاں گل کرے۔ میرے خیال اے اوہدے لئی فلاں فلاں طریقے نال خُوشخبری دی منادی کرنا چنگااے۔اوہنے میرے ساہمنے رہائی حاصل کیتی سی،ایس لئی میراخیال اے اوہنوں ہور اوس مکتی یافتہ شخص وانگر عمل کرناچاہی دا ے۔میَں تے حال وچ ای مکتی حاصل کیتی ،پرجےمیَں زیادہ سکھاں تے میَں اوہدےتوں بوہتے چنگےطریقے نال کم کراں گا۔“
اوہ اپنے دل وچ چھریاں تیزکردےنیں جدوی کدی اوہ پھَٹڑ ہوندےنیں ۔” تُسیں تھوڑا صبر کرو۔تُسیں جانوگےپئی میَں تُہاڈےورگا نئیں ۔تُسیں خورے سوچدےاو پئی تُسیں میرے توں اَگانہہ جے،پرتُسیں تھوڑاجیہا صبر کرو۔پاک بائبل وچ لکھیااے پئی جیہڑےاَخیرلےنیں پہلےہوجان گے۔میَں جان داواں پئی ایہہ حوالہ میرے اُتے پُورا ہوندااے۔صبر کرو تے میَں تہانُوں وکھاوا ں گا ۔“ اِنج لوک اَپنے آپ نُوں دھوکہ دیندےنیں ۔
حالاں پئی جے اوہ اوسے کرنی دا پھل پاؤندا، جے اوہ دُوجے بندے وانگر ہوندا اوہ فیر وی
اوہنوں سزا سناؤندااے۔جدوں اوہ منبراُتےکھڑا ہوندااےتےاوہ اچانک اَپنےآپ نُوں بےبسی دی حالت وچ تھتھلاؤندےہویاں محسوس کردااے کیوں جےاوہ اَپنے ودیابانے توں بے خبراے۔جدوں سوال جاوے ،کیہ لوکاں دے کول نیکی کرن دی قابلیت پائی جاندی اےتے بوہت سارےلوکاں داجواب اوہناں دے بُلاں اُتےنہیں ہوندااے۔پر اپنےدِلاں وچ ،اوہ پُٹھی سوچ دےشکار نیں پئی اوہناں دے اندرایہہ قابلیت موجود اے۔ ایویں اوہ مردے دم تیکر پاک پِوتربنن دی حدوں دُونی کوشش کردےنیں ۔
اوہ سوچ دے نیں پئی اوہناں دے دِلاں وِچ’بھلیائی ‘پائی جاندی اےتے یعنی کہ اوہناں دے
من وِچ نیک کم کرن د ی صلاحیت موجوداے۔اوہ ایہہ وی ایمان رکھدے نیں پئی اوہ اَپنے آپ ای بوہت نیک نیں ۔بھاویں اوہ کِنے چِر توں دھرمی نیں ،اُچیچا اوہناں دےوچ کارجیہڑےخُدادی خدمت وِچ بوہت وڈی کامیابی حاصل کرچُکے نیں ،اوہ ایہہ سوچ دے نیں ، ’ میَں خداوند لئی ایرہ وغیرہ کرسکداواں ۔ ‘
پرجے اَسیں خُداوند نُوں اپنی حیاتیاں وِچوں کڈدیندے آں ،تےکیہ اَسیں سچ مُچ بھلیائی کرسکدے آں؟کیہ اِنسان ذات دے اندرنیکی پائی جاندی اے؟کیہ اَسیں اصل وِچ نیک کم کرکے حیاتی لنگھاسکدےآں؟اِنسان ذات دے مَن وِچ نیکی کرن دی قابلیت موجود نئیں ہیگی۔اوہ جد وی اپنےطورتے کوئی کم کرن دی کوشش کردےنیں ،تےاوہناں کولوں پاپ ہوجاندااے۔ کجھ لوک ،مکتی حاصل کرن توں بعد یسوُع نُو ں اِک پاسے دھکا دیندے نیں تےاَپنےآپ ای نیک بنن دی کوشش کردےنیں ۔ ساڈےساریاں دے اندر صرف بدی توں علاوہ کَکھ نئیں پایا جاند ا،ایس طرحاں اَسیں صرف بدی والے کم ای کرسکدے آں ۔اَپنے آپ نال میل رکھدے ہوئے (ایتھوں تائیں پئی اوہ لوک جیہڑے مکتی حاصل کرچکے نیں)،اَسیں صِرف پاپ ای کر سکدے آں ۔ایہو ای ساڈے جثے دی اصل سچیائی اے۔
اَسیں ہمیشہ ای کیہ کردےآں، نیکی یابدی؟
بدی
ساڈی گیتاں دی کتاب وِچ، ’ یسوع دےناں دی وڈیائی ہووے ‘ ایہدےوِچ اِک گیت اے جیہدی شاعری کجھ ایس طرحاں ایں ، ” ♪یسوُع توں اَڈ اَسیں صرف ٹھوکرای کھاندے آں ۔ اَسیں اینے بے قدرے آں، بالکل اوس بحری بیڑےوانگرآں جیہڑا بادبان توں اَڈ سمندرنُوں پار کردااے♪۔“ یسوُع توں اَڈ ا،اَسیں صرف پاپ ای کر سکدے آں کیوں جے اَسیں پاپی مخلوق آں۔اَسیں صرف مکتی حاصل کرن توں بعدای صحیح کم کرن دی صفت رکھ دے آں۔
پولُس رسول نےفرمایا، ” ایویں جس نیکی دا اِرادہ کرداواں اوہ تے نئیں کرداپرجس بدی دا اِرادہ نئیں کردااوہنوں کرلیناواں۔“ (رومیوں۷:۱۹)۔جے کوئی شخص یسوُع دےنال اے ،تے ایہدےنال کوئی فرق نئیں پیندا،پرفیر وی جدوں اوس مرد/ یاں عورت نُوں اوہدے نال کجھ کم کار نئیں،تے اوہ عورت یاں مرد خُدا دےاَگے نیکی کرن دی کوشش کردااے۔فیروی اوہ آدمی جِنی بوہتی کوشش کردا اے،اونی ہی بوہتی اوہ عورت /مرد بدی کردااے۔
حتیٰ کہ داؤدبادشاہ دےمن وچ ایہوای فطرت جمن ویلے پائی جاندی سی ۔ جدوں اوہدا ملک امن تے خوشحالی وچ سی ،تےاِک شام اوہ چھت تے ٹہلن لئی گیا ۔اوتھے ،اوہنے آزمائش بھڑکان والی تصویرویکھی تے اوہ جِنسی سدھروچ ڈِگ پیا۔ اوہ بھلا کِدے وانگر ہوگیاجدوں اوہ خُدا نُوں بھُل گیا تے اوس ویلے اوہ کیہدےوانگرسی ؟اوہ سچ مُچ بدکاربن گیاسی۔اوہنے بت سبع دے نال بدی کیتی تے اوہدے خاوند ،اُوریاہ نُوں مروا دِتا،فیروی اوہ اپنے اندربدی نُوں نہ دیکھ سکیا۔ایہدی بجائے اوہنے اپنے کماں نُوں لُکاؤن لئی بہانےبنائے۔
فیراِک دن ناتن نبی اوہدےکول آیاتےاوہنوں آکھیا، ” کسےشہرچ دوبندےسن۔اِک امیر تےدُوجا غریب سی۔اوس امیردے کول بوہت سارےریوڑتےگلّے سن۔پراوس غریب دےکول بھیڈ دی اِک پَٹھی توں سواکجھ نہیں سی ۔ جنہوں اوہنے خریدکے پالیاسی تےاوہ اوہدےتے اوہدےبالاں دے نال وڈی ہوئی سی ۔اوہ اوہدی روٹی وچوں کھاندی تے اوہدےپیالے وچوں پیندی تے اوہدی چولی وچ سوندی سی ایس لئی اوہ اوہدی دِھی وانگرسی ۔تے اوس امیردےگھر وچ کوئی مسافرآیا۔ایویں اوہنے اوس مسافر لئی جیہڑا اوہدےگھرآیاسی پکان واسطے اپنے ریوڑ تے گلّے وچوں کجھ نہ لیا سگوں اوس غریب دی بھیڈ لے لئی تے اوس شخص لئی جیہڑا اوہدے کول آیا سی،پکائی ۔“(۲ ۔ سموئیل ۱۲ : ۱۔ ۴)۔
داؤدنےآکھیا، ” اوہ بشرجنھےایہہ کم کیتا قتل دے لائق اے! “ اوہداغصہ زورنال بھڑکیا تےاوہنے اِنج آکھیا، ” اوہدے کول اَپنیاں بوہت ساریاں بھیڈاں سن؛لازمی طورتےاوہ ایہناں وچوں اِک لے سکداسی ۔پرایہدی تھاں تے اوہنے اپنے مہمان داکھاناپکان لئی غریب بندے دی کلی کلی بھیڈ لےلئی ۔اوہنوں مارسُٹناچاہی دااے ! “ ایہدے بعدوں ناتن نے اوہنوں دَسیا ،” اوہ شخص توں ایں ۔“ جےاَسیں یسوُع دی پیروی نئیں کردے تے اوہدےنال نئیں رہندے تےبے شک نویں سرے تو ں پیداہوئے لوک وی اِنج دے گندے کم کرسکدےنیں ۔
ایہہ سارے اِنساناں لئی اِکوگل اے،ایتھےتیک پئی ایمانداراں لئی وی ۔اَسیں یسوُع توں اَڈ ہمیشہ ٹھوکرکھاندے تے بدی اُتے چلدےآں۔ایس لئی اَج اَسیں اِک واری فیرشکر گزارآں پئی یسوُع نے ساڈے اندرپائی جان والی بدی توں نظر ہٹاکے سانوں مکتی بخشی ۔ ” ♪میَں صلیب دے پرچھاویں تھلے سُکھ دا ساہ لیناچاہنداواں♪ “ساڈےدل مسیح دی مکتی دےپرچھانویں تھلے سُکھ دا ساہ لیندےنیں ،پرجےاَسیں پرچھانویں نوں چھڈدیندے تے اَپنے آپ اُتے نظر کردے آں تےاَسیں کدی ساہ نئیں لےسکدے۔
خُدا نے شریعت توں پہلا ں سانُوں ایمان دی راستبازی دِتی
سانُوں کیہڑی شَے دی پیروی پہلاں کرنی چاہی دی اے، ایمان یاں شریعت دی ؟
ایمان دی
پولُس رسول نے آکھیا پئی خُدا نے سانُوں ایمان دی راستبازی شروع توں ای بخشی۔ اوہنے ایہہ ایمان آدم تے حوا،قائن تےہابل ،سیت تے حنوک ،نوح ،ابرہام، اضحاق تے اخیر اُتے یعقوب تے اوہدے بارہ پُتراں نُوں بخشیا۔ایتھے تیک پئی شریعت دے اَڈاوہ خُدادےحضورراستبازی دے راہیں راستباز بن گئے،جیہڑی خُدا دے کلام اُتے ایمان لیاؤن دے وسیلے پیدا ہوئی ۔اوہ لوک مبارک سن تےاوہناں نُوں خُدا دے کلام اُتے ایمان لیاؤن دی وجہ توں آرام بخشیاگیا۔
ویلہ لنگن دے نال نال ،یعقوب دی اولادیوسف دی وجہ توں چارسوورہیاں تیک مصر دی غلامی وچ رہی ۔ فیر،خُداموسیٰ دی رہنمائی وچ اوہناں نُوں اوتھوں کڈھ کے کنعان دی دھرتی وچ لیایا۔پرچارسوسال دی غلامی دے وچکار ،اوہ ایمان دی راستبازی نُوں بھُل گئےسن ۔
ایتھوں تیک خُدا نے معجزانہ طورتےبحرِ قلزم پارکرن وچ اوہناں دی رہنمائی کیتی تے اوہناں نُوں بیابان وچ لے آیا۔ جد اوہ سیِنا دے جنگل وچ اَپڑے۔ تے اوہنے کوہِ سیِنا اُتےاوہناں نُوں شریعت دِتی ۔ اوہنے دس حکم تے چھ سو تیرہ تفصیلی شقاں تے مشتمل اوہناں نُوں شریعت دِتی ۔خُدا نے اعلان کیتا، ” میَں تہاڈا خُداوند خُدا، ابرہام تے اضحاق تے یعقوب دا خُدا آں۔موسیٰ کوہِ سیِنا اُتے آ تے میَں تینوں شریعت دیواں گا ۔“ ایہدے بعد،خُدانےاسرائیل نُوں شریعت دِتی ۔
اوہنے اوہناں نُوں شریعت بخشی تاں پئی اوہناں نُوں’ پاپ دی پچھان ہووے‘ (رومیوں ٣ : ٢۰)۔ایہہ ایس لئی بخشی گئی سی تاں پئی اوہ جانن پئی خُدانُوں کیہ پسنداےتےکیہ پسند نہیں، تے اوہناں
اُتے اپنی راستبازی تے پاک ہون نُوں اوہناں وکھاؤناسی۔
چارسوسال تیک مصردی غلامی وچ رہن والے اِسرائیل دے سارے لوکاں نے بحرِ قلزم نُوں پارکیتا۔ اوہناں دی اَبرہام تے اِضحاق تے یعقُوب دے خُدانال کدی ملاقات نہیں ہوئی سی ۔اوہ اوس نُوں نہیں جاندے سن۔
اوہ چارسوسال د ی غلامی دی حیاتی بسرکرن دے سبب ،خُدادی راستبازی نُوں بھُل گئے سن۔ اوس ویلےاوہناں دےکول اَگے لگ کے راہ وکھاؤن والا کوئی نہیں سی ۔یعقُوب تے یُوسف اوہناں دے آگُوسَن۔ پر اوہ مُدتاں پہلےفوت ہوگئے سَن۔اِنج لگدا اےپئی یُوسف اپنے پُتراں ،منّسی تے افرائیم دے
دِلاں وِچ خُدا اُتےایمان رکھن نُوں مُنتقل کرن وِچ ناکام ہوگیا سی ۔
ایس لئی ،اوہناں نُوں فیردوبارہ اَپنے خُدانُوں لبھن تے اوہدےنال ملاقات کرن دی لوڑسی،کیوں جے اوہ خُدا دی راستبازی نُوں بھُل گئےسَن ۔سانُوں ذہن وچ رکھناچاہی دااےپئی خُدا نے اوہناں نُوں پہلے ایمان دی راستبازی بخشی تے فیر اوہناں دےایمان دےبھُل جان توں بعد شریعت دِتی ۔ اوہنے اوہناں نُوں اَپنے کول واپس موڑن واسطے شریعت دِتی ۔
اِسرائیل قوم نُوں بچان لئی تےاوہناں نُوں اپنے لوک بنان لئی ،اوہنےاوہناں نُوں ختنہ کروان داحکم دِتا۔
اوہدااوہناں نُوں بُلان دا سب توں اگیرامقصد ایہہ سی پئی اوہ شریعت قائم کرن دے سبب وجود رکھداسی تے دُوجا ،اوہناں نُوں پتہ لگ جائےپئی اوہ خُدادے حضور پاپی سَن ۔خُدا چاہنداسی پئی اوہ اوہدے حضوروچ آؤن تے قربانی دے راہیں مکتی پاؤن دے سبب اوہدے لوک بن جان،جیہڑی اوہ اوہناں نُوں دےچُکیا سی تےاوہنے اوہناں نُوں اپنے لوک بنا لیا ۔
اِسرائیل دے لوک مسیحا اُتے ایمان رکھن دی وجہ توں جیہڑا آؤن والا سی شریعت دے قربانی دے نظام دے راہیں چھُڈائے جاند ےسَن ۔ دُوجے پاسےقربانیاں دا نظام وقت دے نال نال ٹھنڈاپے چُکیاسی ۔آؤویکھیے اِنج کدو ں ہویاسی ۔
لوقا ۱۰ : ٢۵ وچ ،اِک شرع داعالم جنھےیسوُع دی آزمائش کیتی ظاہرہوندااے۔اوہ شرع دا عالم اِک فریسی سی ۔فریسی حدوں دُونے رِیت پسندلوک سن جیہڑے خُدادےکلام دے مطابق حیاتی گزارن
دی کوشش کردےسَن ۔اوہ پہلوں ملک نُوں بچان تے اوہدے بعدوں خُدا دی شریعت دے مطابق حیاتی گزارن دی کوشش کردےسَن ۔اوسے ای زمانے وِچ ذیلوتیس فرقےدے لوک سَن جیہڑے بے حد شدت پسند سَن تے اوہ اَپنے مقصد نُوں پورا کرن لئی ،یعنی روم توں اِسرائیل دی رہائی واسطےمرجان یامار دین وِچ دھیان رکھدے سَن۔
یسوُع نے کِنّاں لوکاں نُوں مِلنا چاہیا؟
آجڑی توں اَڈ پاپیاں نُوں
کُجھ اَج وی اوہناں وانگر مذہبی ہستیاں بغیر روک ٹوک موجود نیں ۔اوہ سماجی تحریکاں دی ایسے طرحاں دے نعریاں نال رہنمائی کردےنیں ، ’ دُنیادے مظلُوم لوکاں نُوں بچاؤ۔‘ اوہناں دا ایہہ ایمان اے پئی یسوُع مظلُوم تے غریب لوکاں نُوں بچاؤن لئی آیا۔اِنج اوہ سیمنریاں وِچ علمِ الٰہیات دی تعلیم حاصل کرن توں بعد ،سیاست وِچ حصہ لیندے تے سماج دے ہر شعبے وِچ ’مظلُوماں نُوں چھڈان‘ دی کوشش کردےنیں۔
اوہ ایہو جیہے لوک نیں جیہڑے اَڑی کردےنیں ، ” آؤاَسیں سارے پاک تے رحم کرن والی شریعت دے مطابق خُوش باش حیاتی لنگھایے۔ ۔ ۔ ۔شریعت دے مطابق ،یعنی ایہدے کلام دےمطابق حیاتی بسرکرکے وکھایے۔“ پراوہ شریعت دے اصلی مطلب نُوں نئیں سمجھ دے۔اوہ شریعت دے مطابق حرف بہ حرف حیاتی بسرکرن دی کوشش کردےنیں پراوہ شریعت دے اِلٰہی مکاشفے نُوں نئیں پچھان دے۔
ایس لئی، اَسیں آکھ سکدےآں پئی مسیح توں تقریباً چارسو ورہے دے عرصہ پہلاں تیک اِسرائیل وِچ کوئی نبی یاں خُدا دے خادم نہیں سَن ۔ ایس وجہ توں لوک اوہناں بھیڈاں دے اِجڑ وانگر بن گئے جِنھاں داکوئی آجڑی نہیں سی ۔
اوہناں دے کول نہ تے شریعت سی تے نہ ای کوئی سچاآگُوسی۔خُدا نے اَپنےآپ نُوں اوس دَور دےفریبی دھرمی آگُوواں دے راہیں ظاہرنہ کیتا ۔اوہ ملک رومی بادشاہی دی نویں بن چُکیاسی ۔ایویں یسوُع نے اِسرائیل دے اوہناں لوکاں نُوں فرمایا جیہڑے اُجاڑ بیابان وچ اوہدے پِچھےگئے سَن پئی اوہ اوہناں نُوں بھُکھاواپس نئیں گھلّےگا۔اوہنے اوس اِجڑ اُتے ترس کھاہداجیہداکوئی آجڑی نئیں سی کیوں جے
اوس زمانے وِچ بوہت سارے لوک دُکھ سہندے پئےسَن۔
شریعت دے عالم تے دُوجے ایہو جیہے وڈیاں عہدیاں والے اوہ لازمی لوک سَن۔جنھاں دے کول پکیاں سہولتاں سَن،فریسی یہودیاں دے پیڑھی وارپیڑھی نسب نامے وِچ سَن ۔ تےاوہ بڑےای گھمنڈی سَن۔
ایس شرع دے عالم نےلوقا۱۰:٢۵وِچ یسوُع کولوں پُچھیا، ” میَں کیہ کراں پئی ہمیش دی حیاتی داوارث بن جاواں؟ “ اِنج جاپدا اےپئی اِسرائیل دےلوکاں وچ اوس توں چنگا ہورکوئی شخص نہیں سی ۔ ایویں ایس شرع دے عالم نے(جیہڑا،مکتی نئیں پا چُکیاسی)یسوُع نُوں ایہہ آکھ کے للکاریا، ” میَں کیہ کراں پئی ہمیش دی حیاتی داوارث بن جاواں؟ “
ایس شرع دے عالم وِچ ساڈاپرچھانواں پایاجاندااے۔اوہنے یسوُع کولوں پُچھیا، ” میَں کیہ کراں پئی ہمیش دی حیاتی داوارث بن جاواں ؟“ یسوُع نے جواب دِتا، ” توریت وِچ کیہ لکھیا اے؟تُوں کِویں پڑھداایں؟ “
ایہدے بعدوں اوہنے جواب دِتا، ” خُداونداَپنے خُدانال اَپنےسارےدل تےاَپنی ساری جان تےاَپنی ساری طاقت تے اَپنی ساری عقل نال محبت رکھ “ تے ” اَپنے گوانڈھی نال اَپنے برابرمحبت رکھ۔“ یسوُع نے اوہنوں آکھیا، ” تُوں ٹھیک جواب دِتا۔ایہوکر،تےتُوں جیِویں گا۔“
اوہنے اَپنے آپ نُوں بدکاریعنی پاپ دے بھنڈاردےطورتےنہ پچھان دے ہوئیاں جیہڑا کدی نیکی نہیں کرسکدا،یسوُع نُوں للکاریا۔ایس لئی یسوُع نے اوہدے کولوں پُچھیا، ” توریت وِچ کیہ لکھیا اے؟ تُوں کِویں پڑھداایں؟ “
تُسیں کِویں شریعت نُوں پڑھدے او؟
اَسیں پاپی آں جیہڑے کدی شریعت اُتے عمل نئیں کرسکدے
” تُوں کِویں پڑھداایں؟ “ ایس حوالے دے نال، یسوُع پُچھدااےپئی کِویں ،جیہدے وِچ تُسیں تے میَں شامل آں،توریت نُوں جان دے تے سمجھ دے آں۔
جِویں پئی اَج دے زمانےوِچ ،بے شمارلوک کردےنیں ،ایس شرع دے عالم دا وی ایہو ای
خیال سی پئی خُدا نے اوہنوں ایس لئی شریعت دِتی پئی اوہ ایہدے اُ تے عمل کرے۔ایویں اوہنے جواب دِتا، ” خُداونداَپنے خُدانال اَپنےسارےدل تےاَپنی ساری جان تےاَپنی ساری طاقت تے اَپنی ساری عقل نال محبت رکھ تے اَپنے گوانڈھی نال اَپنے برابرمحبت رکھ۔“
شریعت بے عیب سی ۔خُدا نے سانُوں کامل شریعت دِتی ۔اوہنے سانُوں حکم دِتاپئی خُداوند اَپنے خُدانال اَپنےسارےدل تےاَپنی ساری جان تےاَپنی ساری طاقت تے اَپنی ساری عقل نال محبت رکھ تے اَپنے گوانڈھی نال اَپنے برابرمحبت رکھ۔ ساڈے لئی اپنے خُدا نُوں اپنے پورےدل تےاپنی پوری طاقت نال محبت کرنا ٹھیک اے،پرایہہ اِنج دا حکم اے جیہڑا پاک اے،جیہدےاُ تے کدی عمل نئیں ہوسکدا۔
” تُوں کِویں پڑھداایں؟ “ ایہدامطلب اے پئی شریعت سچی تےٹھیک اے۔ فیر وی تُسیں ایہنوں کِویں سمجھدےاو ؟اوس شرع دے عالم داخیال سی پئی خُدا نے اوہنوں ایہہ شریعت ایس لئی دِتی پئی اوہ ایہدے اُتے عمل کرے۔ پرخُدادی شریعت سانُوں ایس لئی بخشی گئی پئی اَسیں اپنی خامیاں نُوں،پورے طور تے اپنی بدیاں نُوں ظاہرکرن دے راہیں جان سکیے ۔” تُسیں پاپ کیتا ،تُسیں خون کیتا پر میَں تہانُوں خون کرن توں منع کیتا سی ۔ تُسیں کیوں میری نافرمانی کیتی ؟ “
شریعت لوکاں دے دِل وِچ پائے جان والے پاپاں نُوں ظاہرکردی اے۔فرض کروایتھے اپنی راہ اُتے میَں کھیت وچ کُجھ پکے ہوئے ہدوانےویکھے۔خُدا نے شریعت دے سبب مینوں خبردار کیتا، ” ایہناں ہدوانیاں نُوں کھان واسطےنہ توڑیں ۔جے تُسیں اِنج کروگےتےمینوں شرمندیاں ہونا پوےگا۔“ ” ٹھیک اے،اَےپئِو۔“ ” ایہہ کھیت فلانے شخص دااے، ایس لئی ،تہانوں اوہناں نُوں بالکل نہیں توڑناچاہی دا۔ “ ” ٹھیک اے،اَےپئِو۔“
اوسے ویلے جدوں اَسیں ایہہ سُنیاپئی سانوں ایہہ ہدوانے نئیں توڑنے چاہی دے،تے اَسیں اوہناں نُوں توڑن دی سدھرمحسوس کردےآں۔جے اَسیں کسے سپرنگ نُوں تھلے نُوں دباؤندے آں تے
اوہ جواب دے طورتےزور دے نال واپس ساڈے وَل آؤندا اے۔لوکاں دے پاپ وی اِنج ای نیں ۔
خُدانے سانوں حکم دِتاپئی اَسیں بدی نہ کریے۔خُدا اِنج فرماسکدااے ایس لئی پئی اوہ پاک ، تےکامل اےتےاِنج کرن دی صفت رکھدااے۔دُوجے پاسے ، اَسیں’ کدی‘ پاپ نئیں روک سکدے تے ’ کدی‘ خالص نیک نئیں بن سکدےآں۔ اَسیں کدی اَپنے دِلاں وچ بھلیائی نئیں رکھدے۔شریعت لفظ ’ کدی‘ نُوں لازمی طور تے قبول کرن دا مطالبہ کردی اے۔کیوں ؟ایس لئی پئی لوکاں دے دِلاں دے اندر جِنسی سدھراں پائیاں جاندیاں نیں ۔اَسیں بالکل بچ نئیں سکدے سگوں اپنی جِنسی سدھراں اُتےعمل کردے آں۔اَسیں ایس لئی زِناکاری کردے آں کیو ں جے زِناکاری ساڈے دِلاں وِچ پائی جاندی اے۔
سانوں بائبل داغورنال مطالعہ کرنا چاہی دااے ۔جدوں میَں پہلی واری کوشش کیتی، تے میَں اِک اِک دی جانچ پڑتال کیتی۔میَں پڑھیا پئی یسوُع میر ی خاطر صلیب اُتے مر گیا ۔ تے میَں اپنے ہنجوواں نُوں روک نہ سکیا۔میَں ایناں بدکارشخص ساں پئی اوہ میری خاطر صلیب اُتے مرگیا ۔ ۔ ۔میرا دل ایس قدردُکھ نال بھرگیا پئی میَں اوہدےاُتے ایمان لے آیا۔ایس ویلے میَں سوچیا ، ’جے میَں ایمان رکھاں گا تےفیر میَں کلام دےٹھیک مطابق ایمان رکھاں گا۔‘
جدوں میَں خروج ٢۰باب نُوں پڑھیاتے اوتھے لکھیا اے، ” میرے باہجوں تیرے لئی کوئی دُوجا خُدا نہ ہووے۔“ میَں ایس حکم دے ٹھیک مطابق توبہ دی دُعامنگی۔میَں ایہہ یاد کرن لئی اپنی یاداشت نُوں چھانیا پئی کیہ اوہدے حضور میرے اندرکدی دُوجا خُدا تے نئیں سی،میَں اوہداناں کدی بےفائدہ تے نئیں لیا،یاں میَں کدی غیر معبود نُوں سجدہ تے نئیں کیتا ۔میَں جانیا پئی اپنے پِئو دادادی عزت وچ ادا کتیاں جان والیاں دھرمی رسماں دے وچکار میَں کئی واری دُوجے معبوداں نُوں سجدہ کیتا۔میَں دُوجے معبوداں نُوں منن داپاپ کرچُکیاساں۔
ایہدے بعدوں میَں توبہ دی دُعامنگی ، ” اَے خُداوند،میَں بُتاں دی پُوجا کیتی ۔مینوں ایہدی سزا سہنی اے۔منت نال میرے پاپ معاف کردے ۔میَں اِنج کدی دوبارہ نئیں کراں گا۔“ ایہدے بعد ،اِنج لگیا پئی اِک پاپ نُوں تے نبیڑ لیا اے۔
ایہدے بعدمیَں فیر یادکرن دی کوشش کیتی پئی میَں اوہداناں بے فائدہ تے نئیں لیا۔فیرمینوں یادآیا پئی شروع وِچ جدوں میَں خُدااُتے ایمان لیایاتے میَں سگریٹ پینداساں ۔میرےبیلیاں نے مینوں دَسیا ،” کیہ تُوں سگریٹ پین دی وجہ توں خُدالئی شرمندگی دا سبب نئیں بنیا؟ اِک مسیحی کِویں سگریٹ پی سکدااے؟ “
ایہہ اوہدے ناں نُوں بےفائدہ ورتن وانگرسی ،بھلااِنج نئیں سی ؟ایس لئی میَں فیردُعا منگی ، ”اَے خُداوندمیَں تیراناں بے فائدہ لیا۔منت نال مینوں معاف کر۔میَں سگریٹ پینا چھڈ دیواں گا۔“ ایویں میَں سگریٹ پینےچھڈن دی کوشش کیتی ،پراِک ورہے تیکرمیَں کدی کدی سگریٹ لا ؤندا رہیا۔ایہہ کم سچ مُچ مشکل سی ۔تقریباًسگریٹ نُوں چھڈنا ناممکن کم سی ۔پرآخرکار میَں سگریٹ نُوں مکمل طورتے چھڈن دا انتظام کرلیا۔ میَں محسوس کیتا پئی اِک ہورپاپ دُورہوگیااے۔
اگلا حکم سی پئی، ” سبت دادن پاک رکھنا۔ “ ایہدا مطلب ایہہ سی پئی اتواردےدن دُوجے کم نہیں کرنے چاہی دے؛مثال طورتے کاروبار یاں روپیہ پیسہ نہیں کمانا۔ ۔ ۔ایس لئی میَں ایس کم نُوں وی روک دِتا۔
ایہدے بعدوں” تُوں اپنے ماں پیودی عزت کر“ دی واری سی ۔ میَں اوہناں دی عزت کرسکداجدوں میَں دُورہوندا ساں ،تے فیر درد دا سرچشمہ موجود ہوندا جدوں میَں لاگے ہوندا”ہائے میر ے خُدایا ،میَں خُدادے حضورپاپ کرچُکیاواں،اَے خُداوند ، منت نال مینوں معاف کر۔“ میَں توبہ دی دُعامنگی ۔
پرمیَں اَپنےوالدین دی کُجھ بوہتی عزت نہ کرسکیا ایس لئی پئی او ہ دونویں اوہدوں مر گئے سَن ۔
میَں کیہ کرسکداسی؟ ” خُداوند ، منت نال مینوں ایس معمولی پاپی نُوں معاف کردے۔ تُوں میرے لئی صلیب اُتےمرگیا۔“ میَں کِنّاں شکرگزارساں!
اِنج ، میَں سو چیا پئی میَں اِک اِک کرکے اپنے پاپاں نُوں دُورکیتاسی۔دُوجے وی حکم موجود سَن جِویں خون نہ کر ، زِنانہ کر، لالچ نہ کر۔ ۔ ۔ ۔اوس دن تیک جدوں تیک میَں نہ جانیا پئی میَں بغیر مزاحمت اِک حکم تے وی پورانہیں اُتریاساں ۔میَں ہر روزساری ساری رات دُعامنگی ۔پرتُسیں جان دے اوپئی توبہ
دی دُعاکرنا سچ مُچ خوشی دی گل نہیں ہیگی ۔ آؤایہدے بارے گل کریے۔
جدوں وی میَں یسوُع دے سوُلی اُتے چڑھن بارے سوچیا، تےمیَں ہمدردی دا اظہار کر سکداسی پئی اوہ کِنّی دُکھ والی موت سی ۔تےاوہ ساڈے لئی مویاجیہڑے اوہدے کلام دے مطابق حیاتی بسر نئیں کر سکدےساں۔ میَں ساری رات ایہہ سوچ کے روندا رہیا پئی اوہنے کس طرح میرے نال محبت رکھی تے مینوں سچی خُوشی دین لئی اوہدی شکرگزاری کیتی ۔
میرے لئی گرجے جانا پہلے ورہے عام طورتےسوکھاسی پراگلےدوورہے میرے لئی توبہ وچ چلدیاں ہویاں ہور بوہتے اوکھےبن گئے ۔کیوں جے مینوں اَپنے ڈُہلن والے ہنجُوواں لئی زیادہ ڈونگھا سوچناپینداسی ایس لئی پئی مَیں ایہنوں چوکھا کیتا ۔
جدوں میرےہنجُو ڈُہلنے رُک گئے،تےمیَں بوہت واراں پہاڑاں اُتےدُعاکرن لئی چلا جانداتے
تِن تِن دِن داروزہ رکھداسی ۔فیراَتھرُودوبارہ وَگنےشروع ہوجاندے ۔میَں اپنے اَتھروُواں وِچ ڈوبیاہویاوسیب وِچ واپس آؤنداتےگرجےوِچ روندا ۔
میرے آنڈگوانڈدے لوک ایہہ کہندے ، ” تُوں پہاڑاں اُتے دُعا کرن دی وجہ توں بوہت
زیادہ پاک ہو گیا ایں ۔“ پر اَتھروُٹھیک موقعے تے ای سُک جاندے۔تیجا ورہا واقعی بہت اوکھاہوگیاسی ۔ میَں اپنےبیلیاں تے سنگی مسیحیاں دے نال کرن والیاں زیادتیاں دے بارےسوچ کے فیر دوبارہ روندا۔ایہدے توں چار ورہے بعد،آنسو فیر سُک گئے ۔ میری اکھیاں وچ ہنجُوواں دی ناڑ اں تے موجودسَن پراوہ کم نہ کردیاں سَن۔
پنج ورہے بعد ،میَں نئیں روسکداسی ،بھانویں میَں بڑی ای کوشش کیتی ۔میرے نک نے وَگنا شروع کردِتا۔ایہدےتوں چندورہےہوربعد ،میَں اَپنے آپ توں باغی ہوگیا ،ایس لئی خُدا نے مینوں دوبارہ بائبل وَل پھیر دِتا۔
شریعت پاپ دی پچھان کرن لئی اے
سانوں شریعت دے بارے لازمی طورتےکیہ اِحساس کرناچاہی دااے؟
اَسیں کدی شریعت اُتے عمل نئیں کرسکدے
رومیوں٣:٢۰ وچ اَسیں پڑھدےآں ، ” شریعت دے راہیں تےپاپ دی پچھان ای ہوندی اے۔“ پہلوں تے میَں ایس آیت نُوں پولُس رسوُل لئی صرف اِک شخصی پیغام دے طور تے خیال کیتا تے صرف اوہناں لفظاں اُتے ایمان رکھن دی کوشش کیتی جنھاں نُوں میَں چنگیاں جانیاں۔پراپنےاَتھروُسُکن توں بعد ، میَں اَپنی ایمان دی دھرمی حیاتی نُوں جاری نہ رکھ سکیا۔
ایس لئی،میَں گھڑی مُڑی پاپ کردا رہیا تے ایہہ جانیا پئی میرے دِل وِچ پاپ موجود سی ۔ تے
نالےشریعت دے مطابق حیاتی بسرکرنا ناممکن سی ۔میَں ایہدے اُتے قائم نئیں رہ سکداسی ،دُوجے پاسے میَں شریعت نُوں چھڈھ وی نئیں سکداسی ۔ ایس لئی پئی میرا ایہہ ایمان سی ،ایہہ ایس لئی بخشی گئی پئی اَسیں ایہدےاُتےعمل کریے۔آخروچ میَں اجیہا شرع داعالم بن گیا جیہڑے بائبل مقدّس وچ نظر آؤندے نیں ۔میرے لئی ایمان دی حیاتی نُوں جاری رکھنا بوہت اوکھا ہوگیا۔
میَں بوہت زیادہ پاپ رکھداسی ،اوسے ویلے شریعت نُوں پڑھدیاں ہوئیاں ،میَں اوہناں پاپاں دا احساس کرناشروع کردِتا جد کدی میَں اپنے دِل وِچ دَس حکماں وچوں کِسے اِک نُوں توڑیا۔ دِل وچ پاپ
کرنا وی پاپ ای اے،تے میَں اِرادے بغیرشریعت اُتے ایمان رکھن والا بن گیاں ساں ۔
جدوں میَں شریعت اُتے عمل کرداتے میَں خوش ہونداسی ۔پرجدوں وی میَں شریعت اُتے عمل نہ کرسکداتے میَں نماناں ، چڑچڑاتےغمگین ہوجاندا۔ آخرکارمیَں ایہدے توں بالکل پریشان ہوگیا۔کِناں چنگاہونداجےمینوں شروع توں ای شریعت داایہہ سچا علم سکھایا جاندا،” نئیں ،نئیں ۔ شریعت دااِک ہورمطلب وی اے۔ایہہ وکھاؤندی اے پئی تُسیں پاپ داڈھیراو،تُسیں پیسے، مخالف جنس تے اوہناںشیواں لئی جیہڑیاں تہانوں سوہنیاں لگدیاں نیں بوہتی محبت رکھ دےاو۔تہاڈٖے کول ایہو جیہاں شیواں نیں جِنہاں نال تُسیں خُدانالوں بوہتی محبت کردے او۔ تُسیں دنیا دی ساری شیواں دے پِچھے نسناچاہندے او۔ شریعت تہانوں عمل کرن لئی نہیں سگوں اَپنے آپ نُوں اپنے دِل وِچ بدی دے نال اِک پاپی دے طورتےپچھانن لئی دِتی گئی اے۔“
جےکسے نےمینوں اوس ویلے ایہہ سچ سکھایاہوندا تے مینوں دَس ورہے تیک وَخت نہ پیندا۔نتیجے طورتے میَں ایس حقیقت تیک اَپڑن توں پہلاں دس ورہے تیک شریعت دے تھلے رہیا۔
چوتھا حکم ایہہ ہےپئی، ” یاد کرکے تُوں سبت دا دن پاک رکھنا ۔ “ یعنی ایہدمطلب ایہہ ہے پئی سانوں سبت دے دن کم نہیں کرناچاہی دا۔اوہ سکھاؤندے نیں پئی سانوں سفر وچ سواری ورتن دی بجائے پیدل ٹُرناچاہی دااے ،تےایس صورت وِچ جے اَسیں اِتوار نُوں لما سفر کردے آں سواری نہیں ورتنی چاہیدی ۔ میَں سوچیا پئی اوتھے پیدل جانابوہتا چنگا تے بوہتا احترام دے لائق سی جِتھے مینوں منادی کرنی سی ۔آخرنُوں میَں وی شریعت دی تے منادی کرنی سی ۔ایویں میَں سوچیا پئی میَں جیہڑی منادی کیتی ایہدے تے مینوں عمل کرنا چاہی دا اے۔ ایہہ کم ایناں اوکھاسی پئی میَں ہمت ہار گیا ۔
جِداں ایتھے لکھیا اے ، ” تُوں کِویں پڑھداایں ؟ “ میَں ایس سوال نُوں نہ سمجھ سکیا تے دس ورہے تیک دُکھ اُٹھاؤندارہیا ۔شرع داعالم وی ایسے طرحاں غلط سمجھیا۔اوہنے ایہہ سوچیا پئی جے اوہنے شریعت دی فرمانبرداری کیتی تے احتیاط نال ایہدے مطابق حیاتی بسرکیتی تے اوہ خُدادے حضورمبارک ہووےگا ۔
پریسوُع نے اوہنوں پُچھیا، ” تُوں کِویں پڑھداایں ؟ “ اوس بندے نے اپنے شرعی ایمان دے مطابق جواب دِتا ۔تےفیر اوہنے اوس بندےنُوں فرمایا،”ہاں تُوں ٹھیک جواب دِتا؛تُوں ایسے طرحاں آکھ رہیاایں جِویں لکھیا ہویااے۔ایہنوں اَزماؤ تے ایہدے اُتے عمل کر۔جےتُوں اِنج کریں گا تےتُوں جیوندارہویں گاپرجےاِنج نہ کریں گا تے مرجاویں گا ۔پاپ دی مزدُوری موت اے۔جےاِنج نہ کریں گا تےتُوں مرجاویں گا۔“ (حیاتی دا اُلٹ موت اے،کیہ اِنج نئیں ہیگا؟)
ایہدے باوجودشرع داعالم فیروی نہ سمجھیا ۔ایہہ شرع داعالم ساڈے یعنی میرے تے تہاڈے
وانگر اے ۔میَں دَس ورہے تیک علمِ اِلٰہیات دامطالعہ کیتا ۔ میَں ہرشَے نُوں اَزمایا ،سب گلاں نُوں پڑھیا تے ہرکم کیتا:روزےرکھے ،خواب ویکھے ،غیرزباناں بولیاں۔ ۔ ۔ ۔میَں دس ورہے تیک بائبل مقدّس دامطالعہ کیتاتےکِسے نامعلوم شَے نُوںمکمل کرن دی آس رکھی۔پررُوحانی طورتے میَں ہُن وی اَنہاشخص ساں۔
ایس لئی اِک پاپی نُوں کسےایہو جیہےشخص نُوں ملناچاہی دااےجیہڑااوہدیاں رُوحانی اَکھاں کھول سکے ،تے اوہ شخص صرف ساڈاخُداوندیسوُع اے۔ اِس صورت وِچ کوئی آدمی ایہہ احساس کرسکدا اے پئی ” آ ہا! اَسیں کدی شریعت اُتے عمل نئیں کرسکدے۔ایس گل دی کوئی قدر نہیں پئی اَسیں شریعت اُتے عمل کرن دی کِنی سخت کوشش کرے آں۔اَسیں صرف مرجاواں گے بھاویں جِنّی مرضی سرکھپائی دی کوشش کریے ۔پریسوُع پانی تے خون دے راہیں سانُوں بچاؤن لئی آیا ۔ہیلیلویاہ ! “ اَسیں پانی تے خون دے راہیں مکتی حاصل کرسکدے آں ۔ایہہ فضل یعنی خُدا دی بخشش اے ۔ایس لئی اَسیں خُدا ونددی تمجیدکردےآں۔
میَں بڑابھاگاں والا ساں پئی میَں شریعت دی مایوسی دی راہ اُتے ڈگری حاصل کیتی ،پرکُجھ لوک اپنی پوری حیاتیاں علمِ اِلٰہیات دی پڑھائی وچ بیکار گنوادیندےنیں تے اپنے مرن دے دن تیک کدی سچیائی نال واقف نئیں ہوندے ۔کجُھ لوک کئی ورہیاں تیک اِک نسل توں دُوجی نسل تیک ایمان رکھن دے باوجود کدی نویں سِرے توں پیدا نئیں ہوندے۔
اَسیں پاپی ہون دی ڈگری حاصل کردے آں جدوں کدی اَسیں احساس کردےآں پئی اَسیں کدی شریعت تے عمل نئیں کرسکدے ،تےایہدے بعدوں یسوُع دے اَگے ہوندے آں تے پانی تے رُوح دی خُوشخبری نُوں سُن دے آں۔جدوں اَسیں یسوُع نُوں مِلدے آں ،تے اَسیں ساری سزاواں تے لعنتاں توں چھُٹ جاندےآں ۔اَسیں بوہت بھیڑے پاپی آں پراَسیں راستباز بن جاندے آں ۔ایس لئی پئی اوہنے سانُوں پانی تے خون دے راہیں مکتی دِتی ۔
یسوُع نے سانُوں دَسیاپئی اَسیں کدی اوہدی مرضی دے مطابق جیوندے نئیں رہ سکدے۔
اوہنے شرع دے عالم نُوں ایہو گل دَسی پراوہ فیر وی نہ سمجھیا ۔ایہدے بعدوں یسوُع نے اوہنوں اِک کہانی سُنائی تاں پئی ایس سچیائی نُوں سمجھن وچ اوہدی مدد کرسکے۔
ایمان دی حیاتی وِچ اِنساناں نُوں کیہڑی شَے سُٹ دی اے؟
پاپ
” اِک بندہ یروشلم توں یریحووَل جارہاسی پئی ڈاکوواں وچ پھس گیا۔ اوہناں نے اوہدے لیڑے لاہ لئےتےاوہنوں ماریاوی تے اَدھ مویاچھڈکےنَس گئے۔“ (لوقا۱۰:۳۰)۔یسوُع نے اوس شرع دے عالم نُوں سچیائی توں جگان لئی ایہہ تمثیل دَسی پئی اوہنے اپنی پوری حیاتی ایس بندے دی طرحاں اوکھی جھلی جِنھوں ڈاکوواں نے ماریاتے اَدھ مویاچھڈ کے نَس گئے۔
اِک بندہ یروشلم توں یریحووَل جارہاسی۔یریحودُنیاوی زمین اےجدپئی یروشلم دامطلب اے،دھرمی شہر؛ایمان داشہر ،شریعت دے مان تران کرن والیاں نال بھریا ہویا شہر اے۔ایہہ کہانی واضح کردی اے پئی جےاَسیں دھرمی طریقے نال مسیح اُتے ایمان رکھدے آں تے تباہ ہوجاواں گے۔
” اِک بندہ یروشلم توں یریحووَل جارہاسی پئی ڈاکوواں وچ پھس گیا۔ اوہناں نے اوہدے لیڑے لاہ لئےتےاوہنوں ماریاوی تے اَدھ مویاچھڈکےنَس گئے۔“ یروشلم اِک وڈاشہر سی جیہدی آبادی بوہت زیادہ سی ۔ اوتھے اِک سردارکاہن ،کاہناں دالشکر۔لاوی تے بوہت ساریاں نامی گرامی دھرمی شخصیتاں رہندیاں سَن ۔بوہت سارے لوک اوتھے شریعت نال چنگی طرحاں واقف سَن ۔ اوتھے اوہناں نے شریعت دے مطابق حیاتی بسرکرن دی کوشش کیتی تے ناکام ہون توں بعد آخرکاریریحووَل چل نکلے۔اوہ دُنیا (یریحو)وِچ ڈِگ پئےتے ڈاکوواں وِچ پھسن توں نہ بچ سکے ۔
یہ آدمی یروشلم توں یریحودی راہ اُتے وی ڈاکوواں وِچ پھس گیا اوہدے لیڑے لاہ لئے گئے۔
’ اوہدے لیڑے لاہ لئے ‘ ایہد ا مطلب اے پئی اوہدی راستبازی اوہدے توں کھولئی گئی۔ ساڈے لئی شریعت دے مطابق جینایاں شریعت دے قاعدے دے مطابق حیاتی جیناناممکن اے ۔ رومیوں۷ : ۱۹ ۔ ٢۰ وِچ پولُس رسوُل نے فرمایا، ” ایویں جیہڑی نیکی داارادہ کرداواں اوہ تے میَں نئیں کردا پرجیہڑی بدی دا ارادہ نئیں کردااوہنوں کر لینداواں۔ایویں جے میَں اوہ کرداواں جیہدا اِرادہ نئیں کردا،تے اوہداکرن والا میَں نہ رہیا سگوں پاپ اے جیہڑا میرے وِچ وَسیا ہویا اے۔“
میَں چاہنداواں پئی نیکی کرداتے اوہدے کلام دے مطابق حیاتی گزاسکدا۔پربندے دے دِل وِچ حرامکاریاں ،چوریاں،خونریزیاں ،زِناکاریاں ،لالچ ،بدیاں ، مکر،گندے چاء، بھیڑیاں اَکھاں ، چُغلی، شیخی تے بیوقوفیاں نیں۔(مرقس۷:٢۱ ۔ ٢۳ )۔
کیوں جے ایہہ گلاں ساڈےدل وچ پائیاں جاندیاں نیں تےاَگڑ پِچھڑ باہر نکلدیاں نیں ، ایس لئی اَسیں اوکردے آں جیہداارادہ نئیں رکھدے تے اوہ نئیں کردے جیہڑا اَسیں کرناچاہندےآں۔اَسیں اپنے دِل وِچ ایہناں بدیاں نُوں گھڑی مُڑی دُہراندے آں ۔ ابلیس نُوں ساڈے کولوں پاپ کروان لئی سانُوں صرف بھوراجیہی تحریک دینی ایں ۔
ساری اِنسانی پیڑھی دے دِل وچ پاپ
کیہ اَسیں شریعت دے مطابق زندہ رہ سکدے آں؟
نئیں
مرقس۷ باب وچ آکھیاگیا اے،” کوئی شَے باہروں بندے وِچ داخل ہوکے اوہنوں ناپاک نئیں کرسکدی پر جیہڑیاں شَیواں بندے وِچوں نکلدیاں نیں اوہوای اوہنوں ناپاک کردیاں نیں ۔“
یسوُع سانوں دَس رہیا اے پئی بندےدے دِل وِچ بھیڑے خیال، حرامکاریاں ،چوریاں،خونریزیاں ،زِناکاریاں ،لالچ ،بدیاں ، مکر،گندے چاء، بھیڑیاں اَکھاں ، چُغلی، شیخی تے بیوقوفی پائے جاندے نیں۔
ساڈے ساریاں دے دِلاں وچ خونریزی پائی جاندی اے ۔کوئی اجیہا شخص نئیں جیہڑا خون نئیں کردا ۔ مانواں اپنے بالاں اُتے غُصے ہوندیاں نیں ،” نئیں ،خبردارایہہ کم نہ کریں۔مردُود میَں تینوں آکھیاسی ایہہ کم نہ کریں۔میَں تینوں گھڑی مُڑی آکھیاسی اِنج نہ کریں۔میَں تینوں ماراں گی جے تُوں دوبارہ ایہہ کیتا ۔میَں آکھیاسی ایہہ نہ کریں۔“ ایہہ خون کرنا ایں۔ تُسیں خورےاپنے بےخیالی دے لفظاں نال اپنے بالاں داخون کرچُکے او۔
لازمی طورتےساڈے بچیاں نُوں زندہ رہنا چاہی دا اے ایس لئی پئی اوہ بڑی تیزی نال ساڈے توں دُور نَس جاندے نیں؛پرجے اَسیں اپنا غصہ اوہناں تے کڈھیے تے خورے اوہ مرجان گے ۔ بوہت واری اَسیں اَپنے آپ کولوں نظراں چھپاندے آں، ” ہائے میرے خُدایا! میَں اِنج کیوں کیتا؟ “ اَسیں اپنے بچیاں نُوں مارن توں بعد اوہناں دے زخماں نُوں ویکھدےتےسوچ دے آں پئی اَسیں اِنج کرن لئی پاگل ہوگئے ساں ۔اَسیں بچ نئیں سکدے سگوں اِنج کیتا کیوں جے ساڈے دِلاں وچ خون کرنا پایا جاندا اے ۔
پر، ’ جے میَں اوہ کرداواں جیہدامیَں اِرادہ نئیں کردا۔ ‘ ایہدا مطلب اے اَسیں ایس لئی بدی کردے آں کیوں جے اَسیں بدکار آں ۔ایس وجہ توں سانُوں پاپ لئی لُبھانا شیطان واسطے بڑاای سوکھااے ۔
اِک مثال اے، پئی اِ ک غیر مکتی یافتہ شخص اے،جیہڑا دَس ورہیاں توں کُلّی وچ بیٹھا ہویا اے۔ اوہدا منہ دیوارولے آ ،تے بڑے وڈے مرے ہوئے کورین راہب سنگ چول دی طرحاں گیان کر رہیا اے۔ ایہہ گل تےٹھیک اےجدوں تیکر اوہ دیوار وَل اَپنا مونہہ کرکے بیٹھا ہویااے، پرکِسے نہ کِسے نُوں اوہدا کھانا لیان تے اوہدی گندگی چُکن دی لوڑ اے ۔
اوہنوں کِسے نہ کِسےنال رابطہ رکھن دی لوڑاے ۔کوئی گل نئیں جے کوئی اوہدا کم کرن والا مرد ہووے ،پرفرض کرو جے اوہدی مددگاراِک سوہنی اَلہڑ مٹیاراے۔جے اچانک اِنج ہو جاوے پئی اوہ اوہنوں ویکھ لئےتے اوہدا سارا اوتھے بیٹھن دا ویلہ بے فائدہ ہوجاوےگا ۔ اوہ سوچ سکدااے ، ” مینوں زناکار ی نہیں کرنی چاہی دی ؛بھاویں ایہہ میرے دِل وِچ موجود سی فیر وی مینوں ایہداخاتمہ کرنا ایں ۔ مینوں ہر صورت وِچ ایہنوں کڈھناں ایں ۔ نئیں!میرے ذہن توں دُورہوجا! “
پراوہداپکااِرادہ اوسے ویلے اُڈ جاندا اے جدوں اوہ اوس عورت نُوں ویکھدااے ۔اوس عورت دے جان توں بعد اوہ اپنے دِل وِچ جھاک دا اے۔ اوہدی ۵ ورہے دی صوفیانہ محنت ،ساری دو کوڈی دی،
سڑ کے سواہ ہوگئی اے ۔
اِبلیس لئی کِسےبندے دی راستبازی کھوہ لینا بوہت آسان اے ۔سب کُجھ جو اِبلیس نُوں کرن دی لوڑ اے ،اوس مرد/عورت نُوں اُنگلی لاؤنی اے۔جدوں کوئی بندہ مخلصی حاصل کیتے اَڈ پاپ توں بچن دی کوشش کردا اے تے اوہ ایہدی بجائے پاپ وچ ڈِگدا ڈھیندا رہندااے۔اوہ ہراتوار نُوں وفاداری نال دہ یکی دے سکدا اے،چالیس دن داروزہ رکھ سکدااے ،سودن تیک تڑکے دِیاں دُعاواں منگ سکدااے ۔ ۔ ۔ ۔پراِبلیس اوس مرد/ عورت نُوں حیاتی وِچ نیک نظر آؤن والے کماں دے نال ورغلاؤنداتے فریب دیندا اے۔
” میَں تینوں کمپنی وچ بڑے چنگے عہدے اُتے لاواں گا۔پرتُوں اِک مسیحی ایں تے تُوں اتوار دے کم نہیں کرسکدا،کیہ تُوں کرسکداایں ؟ایہہ بوہت وڈاعہدہ اے ۔شاید تینوں تِن اتوار کم کرنا پوے تےمہینے وچ اِ ک واری تُوں گرجے وِچ جاسکیں ۔ایس شرط اُتے، تُوں اُچیری عزت نال سوادلویں گا تے تینوں بوہت وڈی تنخواہ دا چیک ملے گا ۔ایس بارے کیہ خیال اے؟ “ شاید ایس گل اُتے۱۰۰وچوں ۱۰۰لوک ای سوداکرلین۔
جے ایہہ حربہ کم نہ وکھاوےتے شیطان دُوجا حربہ لوکاں اُتے آزماؤندااے جیہڑے عورتاں دے معاملے وِچ کمزور ہوندےنیں ۔اِبلیس اوہناں دےسامنے عورت نُوں لے آؤندااے تے اوہ سرتوں لے کے پیراں تیک اوہدی محبت وِچ گرفتارہو کے ، اوہ گھڑی پل دے وِچ ای خُدا نُوں بھُل جاندے نیں ۔ایس طرحاں کِسے آدمی دی راستبازی دے لیڑےلاہ لئےجاندے نیں ۔
جے اَسیں شریعت دے مطابق حیاتی بسرکرن دی کوشش کریےتے آخروِچ ساڈے کول پاپ ،تکلیف تے رُوحانی غربت دے زخماں توں علاوہ کُجھ ہور نئیں ہووےگا،اَسیں ساری راستبازی کھواہ بہیندے آں۔ ” اِک بندہ یروشلم توں یریحووَل جارہاسی پئی ڈاکوواں وچ پھس گیا۔ اوہناں نے اوہدے لیڑے لاہ لئےتےاوہنوں ماریاوی تے اَدھ مویاچھڈکےنَس گئے۔“
ایہدا مطلب ایہہ ہے پئی بھانویں اَسیں پاک خُدادی مرضی دے مطابق جیوندے رہن دے راہیں یروشلم وچ ٹھہرن دی کوشش کرسکدے آں ،اَسیں اپنی کمزوریاں دی وجہ توں ویلے کویلےٹھوکرکھاواں گے تےآخر نُوں بربادہوجاواں گے۔
شایدتُسیں ہُن وی خُدادےحضورتوبہ دی دُعامنگو۔” اے خُداوند میَں پاپ کیتااے ۔ منت نال مینوں معاف کر؛میَں فیرکدی اِنج نئیں کراں گا۔میَں وعدہ کردواں پئی ایہہ واقعی آخری واری ہووے
گا۔“
پراِنج کدی نئیں ہوندا ۔لوک ایس دُنیا وِچ پاپ کیتیوں اَڈ نئیں رہ سکدے ۔ شاید اوہ کدی کدائیں ایس توں بچن دے لائق ہون ،پردوبارہ پاپ نہ کرنا ناممکن ہووےگا۔ ۔ایس لئی اَسیں بچ نئیں سکدےسگوں گھڑی مُڑی پاپ کردے آں ۔”اے خُداوند منت نال مینوں معاف کر۔“ جے ایہو ای سلسلہ جاری رہوےگا تے اوہ گرجےتے اپنی دھرمی حیاتیاں توں دُور بھج جان گے۔اوہ اپنے پاپاں دی وجہ توں ،خُداتوں دُور بھٹکدے تے آخر کارجہنم وچ مک جاندے نیں ۔
یریحووَل جان تو ں دا مطلب اے،بے دین دُنیا وِچ پھس جاناایں ؛یعنی دُنیا دے نیڑے تے یروشلم توں بوہت دُور چلے جاناایں ۔شروع وچ ،یروشلم بوہت لاگےای ہوندا اے، پرجدوں پاپ کرن تے توبہ کرن داسلسلہ دُہرایاجاندا اے ،تے اَسیں اَپنے آپ نُوں یریحو دِیاں گلیاں وِچ کھلوتے ویکھ دے آں یعنی دُنیا وچ بوہت ڈوہنگے طورتےپھسے ہوئے آں۔
کیہڑے لوک مکتی یافتہ ہوسکدے نیں ؟
اوہ لوک جیہڑے اَپنے آپ وِچ راستباز بننا چھڈ دیندے نیں
اوہ بندہ اَپنی یریحودی راہ اُتے کیہڑے لوکاں وِچ پھس گیاسی؟اوہ ڈاکوواں وِچ پھس گیاسی۔اوہ شخص جیہڑابے شک شریعت نُوں نہیں جان دا تے اوہدے مطابق حیاتی بسر نئیں کردا۔اوہ آدمی کِسےآوارہ کُتےنال رَلدی مِلدی حیاتی بسرکردااے ۔اوہ شراباں پی کے ،کِسےوی جگہ تے سوں جاندا اےتےکِتےوی موتردیندااے۔ایہہ کُتااگلےدن جاگداتےفیر پیندااے۔ آوارہ کُتا اَپنے ای منہ دی اُلٹی کھاجاندااے ۔ ایسے ای وجہ تو ں اجیہا شخص کُتا کہلاؤندااے ۔اوہ مرد/عورت پینا نئیں جان داپراُنج ای کردا اے ،تے اگلی صبح توبہ کردااے ،یعنی گھڑی مُڑی اوسے عمل نُوں دُہراندااے۔
ایہہ اوس بندے وانگراے جیہڑا یریحودی راہ اُتے ڈاکوواں وچ پھس گیا ۔اوہنوں زخمی تے اَدھ مویا چھڈ کے نَس گئے۔ایہدامطلب اے پئی اوہدے دِل وِچ صرف پاپ سی ۔ایہو اے پئی اِنسان ذات
کیہ نیں۔
لوکی یسوُع اُتے ایمان رکھدے نیں تے اوسے ای زمانے وِچ یروشلیم ، یعنی دھرمی لوکاں وِچ
شریعت دے مطابق حیاتی بسرکرن دی کوشش کردےنیں ۔پراَپنے دِلاں وِچ صرف پاپ رکھن دےنال پِچھاں چھڈ دِتےجاندےنیں ۔اَپنی مذہبی حیاتی وچ اوہناں دے کول وکھان لئی پاپ دےزخم رہ جاندے نیں ۔جنہاں دے دِلاں وِچ پاپ موجوداے اوہ آخر نُوں جہنم دے وِچ سُٹ دِتے جان گے ۔اوہناں نُوں ایہداعِلم اے ،پراوہ ایہہ نہیں جان دے پئی اوہناں نُوں کیہ کرناچاہی دااے ۔کیہ تُسیں تے میَں وی ایہوجیہے رَلدے مِلدےدھرمی شہروِچ تے نہیں رہ چُکے؟جی ہاں ۔اَسیں سارے اوتھے ای ساں ۔
اوہ شرع داعالم جنہے خُدا دی شریعت نُوں غلط سمجھیا اوہنے ساری حیاتی کوشش کیتی ، پر اوہدا انجام ،زخمی حالت وِچ، جہنم ہویا ۔اوہ ساڈے وچوں یعنی میَں تے تُسیں ای آں۔
صرف یسوُع سانُوں بچاسکدااے۔ساڈے آلےدوالے بوہت ذہین لوک موجودنیں تے جوکجھ اوہناں نُوں پتہ اےاوہدے بارے اوہ صبح شام پھُنڈاں ماردےنیں ۔اوہ خُدا دی شریعت دے مطابق حیاتی بسرکرن داجھوٹا دعویٰ کردےنیں تےاوہ اَپنے آپ نال مخلص نئیں ۔اوہ جھوٹ نُوں جھوٹ نئیں آکھ سکدے ،سگوں دیانتدارنظرآؤن لئی اوہ اَپنی وکھالے دی شکل و صورت نُوں ہمیشہ سوارن وِچ لگے رہندے نیں ۔
اوہناں لوکاں دے وِچ یریحو دی راہ اُتے جان والے پاپی وی ہوندے نیں ،یعنی ایہو جیہے لوک جنہاں نُوں ڈاکو ماردے تےاَدھ مویا چھڈ کے چلے جاندے نیں ۔سانوں جاننا چاہی دا اےپئی اَسیں خُدا
دے حضورکِنّے پھُنڈاں مارن والے آں۔
سانوں اوہدے اَگے اِقرارکرناچاہی دااے، ” اَے خُداوند،جے تُوں مینوں ناں بچاویں تے میَں جہنم چلا جاواں گا۔منت نال مینوں بچا۔بھاویں ہنیری آئے یاں طوفان، جِتھے کِتے تُوں مینوں بھیجناچاویں گا میَں جاواں گا ،پر شرط اے پئی میَں صرف سچی خوشخبری نُوں سُن سکاں۔جے تُوں مینوں کلیاں چھڈدیویں گا تے میَں جہنم وِچ چلاجاواں گا ۔میَں تیری منت کرداواں پئی مینوں بچالے۔“
اوہ لوک جیہڑے جان دے نیں پئی اوہ جہنم دی راہ تے نیں ،تے اَپنی ذاتی راستبازی دا پِچھا کرن دی کوشش چھڈدیندے نیں ،یعنی ایسے ویلے(ہُنے ای) خُداوند اُتے بھروسہ کردے نیں۔اوہ اجیہے لوک نیں جیہڑے بچ سکدے نیں ۔ اَسیں اَپنی ذاتی کوششاں دی وجہ توں کدی مکتی حاصل نئیں کرسکدے ۔
سانُوں لازمی طورتے جانناچاہی دااےپئی اَسیں اوس شخص وانگرآں جیہڑاڈاکوواں وِچ پَھس گیا سی ۔
Copyright © 2021 by The New Life Mission