Debido a COVID-19 y la interrupción del servicio de correo internacional,
hemos suspendido temporalmente nuestro "Servicio de Libros Impresos Gratis".
hemos suspendido temporalmente nuestro "Servicio de Libros Impresos Gratis".
A la luz de esta situación no podemos enviarle los libros por correo en este momento.
Oren para que esta pandemia termine pronto y por la reanudación del servicio postal.
Oren para que esta pandemia termine pronto y por la reanudación del servicio postal.
مضمون 8: پاک رُوح
[8-14] سچی توبہ کیہ ہیگی اےجیہڑی ساڈی پاک رُوح پاؤن وچ اَگوائی کردی اے ؟ <اعمال ۲: ۳۸>
>اعمال ۲: ۳۸>
” پطرس نے اوہناں نوں آکھیاپئی توبہ کرو تے تہاڈے وچوں ہر کوئی اپنے پاپاں توں معافی پاؤن لئی یسوع مسیح دے ناں اُتے بپتسمہ لوے تاں تسیں پاک رُوح دا انعام لووگے۔ “
پاک رُوح پاؤن لئی لازمی سچی توبہ کیہڑی ہیگی اے؟
ایہہ پانی تے رُوح دی سوہنی خوشخبری وَل پرتنا تے یسوع دے بپتسمے تے اوہدے صلیبی لہو اُتے ایمان رکھنا اے۔
پاک کتاب اعمال ۲ باب وچ آکھدی اے پئی پطرس دے پیغام نے لوکاں دے دلاں اُتے واوا اثر کیتا تے اوہناں لئی اوہناں دے پاپاں توں بچن دا سبب بنیا۔ اوہناں دے دلاں اُتے سٹ لگی تے پطرس تے دوجے رسولاں نوں اوہناں نیں پُچھیا ، ” اسیں کیہ کریے؟ “ فیر پطرس نے جواب دِتا ، ” توبہ کرو تے تہاڈے وچوں ہر کوئی اپنے پاپاں توں معافی پاؤن لئی یسوع مسیح دے ناں اُتے بپتسمہ لوے تاں تسیں پاک رُوح دا انعام لووگے۔ “ (اعمال ۲:۳۸)۔
پطرس دا پیغام سانوں کھول کے دَسدااے پئی پاک رُوح پاؤن لئی پانی تے رُوح دی سوہنی خوشخبری اُتے ایمان لیاؤن دی بوہت لوڑ ہیگی اے تے ایہہ سانوں ایہہ وی وکھاؤندااے پئی سچی توبہ کیہڑی ہیگی اے۔ سانوں ایہہ جانن دی لوڑ ہیگی اے پئی اسیں پاک کتاب اُتے ڈوہنگھا دھیان پاکے تے پانی تے رُوح دی سوہنی خوشخبری اُتے ایمان رکھ کے پاپاں توں معافی پاؤن دے نال نال پاک رُوح وی پا سکدے آں ۔
پہلا کم جیہڑا سانوں پاک رُوح دی بھرپوری پاؤن لئی کرن دی لوڑ ہیگی اے ، پاک کتاب مطابق
توبہ دا عقیدہ ہیگااے ۔فیر وی ، سانوں ایس توبہ بارے پچھتاؤندے ہویاں دسنانئیں چاہی دااے ۔ ایتھے توبہ دا مطلب یسوع مسیح اُتے ایمان رکھنا ہیگااے ۔ سانوں پاک کتاب وچ دِسدا اے پئی لوک پہلاں ای خُداوند نوں سولی اُتے چاڑھن بعدوں پچھتائے سَن ۔اوہناں نیں پچھتاؤندیاں ہویاں پطرس نوں پُچھیا پئی اوہناں نوں کیہ کرن دی لوڑی ہیگی اے ۔ تے ایتھوں تیک پئی پطرس دےاوہناں نوں توبہ لئی آکھن توں پہلاں اوہناں نے اپنے پاپاں دا اقرار کر لیا سی ۔ سانوں ایتھے پتہ لگدااے پئی توبہ جیہدے بارے پطرس نے گل کیتی سی ،پاپاں اُتے پچھتاؤنا یاں ایناں نوں مننا نئیں سی ،سگوں کسے بندے دا اپنے دلوں یسوع مسیح نوں اپنا مکتی داتا جاننا تے سوہنی خوشخبری اُتے ایمان رکھناسی ،جیہڑی اوہنے سانوں دِتی اے ۔ایہہ توبہ دی خاص طاقت ہیگی سی ۔
یسوع مسیح دی محبت ساڈے دلاں وچ ساڈے اپنےپاپاں دے پچھتاوے آؤن توں پہلاں آئی سی ۔ ایہدا مطلب ہیگااے پئی یسوع نے ساڈے پاپاں نوں چُک لیا سی جدوں اوہنے یردن دے دریا اُتے بپتسمہ لیا ،سولی اُتے مرگیا تے فیر مویاں وچوں جی اُٹھیا سی۔ایس طریقے نال ، اوہنے سانوں ساڈے پاپاں تے بدکاریاں توں صاف کردِتاسی ۔
سچی توبہ دا مطلب ایس سچیائی اُتے ایمان رکھنا ایں ۔ کیہ تسیں سوچدے او ساڈے پاپ سدا لئی چلے جان گے ، بڑے سوکھے طریقے نال جے اسیں اپنے پاپاں اُتے پچھتاؤندے آں تے معافی منگدے آں ؟ ایہہ سچی توبہ نئیں ہیگی ۔ سچی توبہ دا مطلب یسوع دے بپتسمہ تے اوہدے لہو دی سوہنی خوشخبری اُتے ایمان رکھن دےراہیں اپنے پاپاں توں معافی پاؤنا ایں ۔ پاک کتاب دَسدی اے پئی سانوں توبہ دے راہیں اپنے پاپاں توں معافی پاؤنی چاہی دی اے ۔ایسے طرحاں سانوں اپنے پاپاں دی مکمل معافی پاؤن لئی یسوع دے بپتسمہ تے اوہدے لہو دی خوشخبری اُتے ایمان رکھنا چاہی دااے ۔
پطرس نے اوہناں نوں” یسوع مسیح دے ناں نال “ بپتسمہ دِتا ۔ جنہاں نے یسوع اُتے ایمان رکھیا سی ۔یسوع نے ساری انسانی پیڑھی دے پاپاں نوں چُکن لئی بپتسمہ لیاسی ۔ اوہدا بپتسمہ تے سولی اُتے مرنا سوہنی خوشخبری دا پورا ہونا سی جیہڑے ایمانداراں نوں پاک رُوح دی بھرپوری پاؤن دے لائق کردے نیں (متی ۳ : ۱۵ ۔ ۱۷)۔انسانی پیڑھی یسوع مسیح دے بپتسمہ تے اوہدے صلیبی لہو اُتے ایمان رکھ کے پا ک ہو سکدے نیں ۔نکی گل ، اوہ جنہاں نیں خوشخبری اُتے ایمان رکھ کے پاپاں توں معافی پائی اے ، پاک رُوح وی پا سکدے نیں ۔
کیہ دُعا کریاں پاک رُوح دی بھرپوری مل سکدی اے ؟
لوک پاپاں دی معافی تے پاک رُوح دی بھرپوری نئیں پا سکدے ،کوئی فرق نئیں پیندا بھاویں اوہ اینوں پاؤن لئی کنیاں وڈیاں دعاواں منگ دے نیں۔ پاک رُوح دی بھرپوری پاؤن لئی سوہنی خوشخبری اُتے ایمان رکھنا ،جیہڑی یسوع دے بپتسمہ تے اوہدی صلیبی لہو نال مکمل ہوئی سی ، بوہت ضروری اے۔ خُدا دا پاک رُوح صرف اوہناں نوں ملدااے جنہاں دے پاپ دھوتے گئے نیں۔
خوشخبری اُتے ایمان دا مطلب ، یسوع مسیح نوں سچا مکتی داتا مننا اے۔ اعمال ۲ :۳۸ آکھدا اے” توبہ کرو تے تہاڈے وچوں ہر کوئی اپنے پاپاں توں معافی پاؤن لئی یسوع مسیح دے ناں اُتے بپتسمہ لوے تاں تسیں پاک رُوح دا انعام لووگے۔ “ پطرس رسول نے آکھیا پاک رُوح دی بھرپوری اوہناں نوں دتی جاندی اے جیہڑے ٹھیک توبہ کر کے ایمان دے راہیں اپنے پاپاں توں معافی پاؤندے نیں۔ پاپاں دی معافی تے پاک رُوح دی بھرپوری پاؤنا بوہت لوڑی دا ہیگا اے ۔
پاک کتاب آکھدی اے ،” توبہ کرو تے تہاڈے وچوں ہر کوئی اپنے پاپاں توں معافی پاؤن لئی یسوع مسیح دے ناں اُتے بپتسمہ لوے تاں تسیں پاک رُوح دا انعام لووگے۔ایس لئی پئی ایہہ وعدہ تہاڈے تے تہاڈی نسل تے اوہناں دُور دے لوکاں نال وی اے جنہاں نوں خُداوند ساڈا خُدا اپنے کول سدے گا۔ “ (اعمال ۲:۳۸ ۔ ۳۹)۔
کوئی بندہ ایس شرط نال پاک رُوح پا سکدا اے پئی اوہدا دل پاک تے پاپ توں اَڈ ہیگااے ۔ ایس لئی سانوں خوشخبری اُتے ایمان رکھنا چاہی دااے جیہڑی یسوع مسیح نے سانوں دتی ۔ سانوں لازمی حیران کرن والی خوشخبری اُتے ایمان رکھن دے راہیں ،جیہڑی آکھدی اے ،جگ دے سارے پاپ دھوتے گئے سَن ،جدوں یسوع مسیح نے بپتسمہ لیا سی ،سانوں پاپاں توں معافی پاؤن دے بعد پاک بننا چاہی دااے ۔ صرف فیر ای اسیں پاک رُوح پا سکدے آں ۔ ایہہ خُدا دی مرضی ہیگی اے پئی پاک رُوح بندیاں وچ رہندااے ۔ ” کیوں جے خُدادی مرضی ایہہ ہیگی اے پئی تسیں پاک بنو ۔ “ (۱ ۔ تھسلنیکیوں ۴:۳)۔
سچی معافی لوکاں دیاں ہمتاں ، چڑھاویاں یاں دلوں نیک بنن دے راہیں نئیں ملدی ، سگوں صرف سوہنی خوشخبری اُتے ایمان رکھن نال مطلب اے خُدا ، پاک ثالوث ،اوہناں نوں پاک رُوح دی بھرپوری دیندااے جیہڑے سوہنی خوشخبری اُتے ایمان رکھن راہیں معاف ہوندے نیں ۔
پطرس نے پنتی کوست دیہاڑے اُتے جو کُجھ آکھیا،اوہنوں سُن کے لوکاں دی بھیڑ دے دل ٹُٹ
گئے۔اوہ روئے ، ” اسیں کیہ کریے؟ “ (اعمال ۲:۳۷)۔ایہہ اشارہ سی پئی اوہناں نیں اپنے ذہن بدل لَیے سَن تے ہُن یسوع اُتے اپنے مکتی داتا وانگر ایمان رکھدے سَن ۔ اوہ پطرس ولوں منادی کیتی جان والی سچی توبہ اُتے ایمان رکھ کے اپنے پاپاں توں بچائے گئے سَن ۔پاپا ں توں معافی یسوع دے بپتسمہ تے اوہدے صلیبی لہو دی سوہنی خوشخبری اُتے اوہناں دے ایمان دے راہیں ساری انسانی پیڑھی نوں دتی گئی سی۔
یسوع دے بپتسمہ دا مطلب اوہنوں جگ دے پاپاں نوں سہن دی اجازت دینا سی ۔ایہدے اُتے یقین ، ایمان پاک رُوح پاؤن لئی بوہت ضروری ہیگااے ۔ خُدااوہناں نوں پاک رُوح دی بھرپوری دیندااے جیہڑے یسوع دے بپتسمہ اُتے قائم سچیائی دی خوشخبری اُتے ایمان رکھدے نیں ۔ ” تے یسوع بپتسمہ لَے کے اوسے ویلے پانی کولوں اُتے گیا تے ویکھو اوہدے لئی اَسمان کُھل گیا تے اوہنے خُدا دے رُوح نوں کبوتر وانگر اُتردیاں تے اپنے اُتے آؤندیاں ویکھیا “(متی ۳:۱۶)۔ پنتی کوست دیہاڑے اُتے پاک رُوح دا آؤنا سوہنی خوشخبری اُتے رسولاں دے پکے ایمان دا سبب ہیگا اے۔ مطلب اے یسوع دا بپتسمہ، سولی اُتے اوہدی موت تے اوہدے جی اُٹھن اُتے ۔
اعمال دی کتاب آکھدی اے پئی لوکاں نیں یسوع دے ناں دا بپتسمہ لیا پاک رُوح پایا سی ۔ سانوں ایمان رکھنا چاہی دااے پئی پاک رُوح بھرپوری پاؤنا خُدا ولوں بڑا وڈاا نعام ہیگااے ۔ پاک رُوح دا انعام پاؤن دے سلسلے وچ ، ساڈے سارے پاپاں نوں یسوع دے بپتسمہ تے اوہدی صلیبی موت اُتے ایمان رکھن دے راہیں دھویا جانااے ۔
اعمال دی کتاب دے مطابق ، اوہناں ساریاں نیں ،جنہاں نیں پطرس دا پیغام سُنیا سی ،جیہدے وچ اوہنے آکھیا سی ، ” اپنے آپ نوں ایس وگڑی نسل توں بچاوو “(اعمال ۲:۴۰) ، اوہدی نصیحت نوں سُن کے اوہدے اُتے دھیان دتا تے بپتسمہ لیا سی ۔ اسیں پاک کتاب وچوں کیہ سکھدے آں ،ایہہ پئی مُدھلی کلیسیادے دناں وچ رسولاں نے پاک رُوح نوں یسوع مسیح دے بپتسمے تے اوہدے صلیبی لہو اُتے اپنے رکھن دے راہیں پایا ۔ ایہہ پاک رُوح پاؤن لئی بڑا ضروری ہیگا اے ۔ جے کوئی بندہ پاپاں دی معافی لبھدااے تاں اوہدے لئی یسوع دے بپتسمے تے اوہدے صلیبی لہو اُتے ایمان رکھنا بڑاضروری ہیگااے۔
عقیدہ جیہڑا ساڈی سچی توبہ نال پاک رُوح پاؤن وچ اَگوائی کردااے
آؤ اسیں اعمال ۳:۱۹ نوں ویکھیے ، ” سو توبہ کرو تے واپس پرت آوو تاں پئی تہاڈے پاپ مکائے جان تے ایسے طرحاں خُداوند ولوں برکت والے دیہاڑے آؤن گے۔“سانوں توبہ بارے کویں گل کرنی چاہی دی اے ؟آوو اسیں فیر ایہدے بارے وچ سوچیے ۔
پاک کتاب وچ ، توبہ دا مطلب مکتی بارے اک عقیدے ول پرت آؤنا اے ۔ اوہناں دیہاڑیاں وچ ،لوکاں نیں اُنج ای کیتا جویں اوہناں دی مرضی ہیگی سی تےاوہناں شیواں دی پوجا کیتی جیہڑیاں خُدا نے بنائیاں سَن ۔ پر اوہناں دی فکر کرن دے بعد یسوع مسیح نے اوہناں نوں اوہناں دے پاپاں توں ،پانی تے اپنے لہو نال بچایا سی ۔ اوہ نویں ہوگئے ۔ایہہ پاک کتاب مطابق توبہ ہیگی اے ۔ سچی توبہ پانی تے رُوح دی سوہنی خوشخبری ول پرتنا اے۔
پاک رُوح پاؤن لئی ،کیہ سچی توبہ دی لوڑ ہیگی اے ؟ ایہہ یسوع دے بپتسمہ تے سولی اُتے اوہدے لہو اُتے ایمان رکھنا اے۔” ایسے طرحاں خُداوند ولوں برکت والے دیہاڑے آؤن گے۔“ جیہڑے لوک ایہہ ایمان رکھدے نیں ،اوہ اپنے پاپاں توں معافی پاؤندے نیں تے پاک رُوح پاؤندے نیں ۔ کیوں جے یسوع نے جگ دے سارے پاپیاں نوں اپنے بپتسمہ تے صلیبی لہو نال پاک کیتا اے ،سانوں لازمی طور اُتے ایس سوہنی خوشخبری اُتے ایمان رکھنا چاہی دااے ،مطلب اے مکتی تے پاک رُوح پاؤنا چاہی دااے ۔
یسوع اُتے ایمان رکھن تے پاک رُوح دی بھرپوری پاؤن لئی ،کسے دے پاپ لازمی طور اُتے اوہدے بپتسمہ تے صلیبی موت اُتے ایمان رکھن نال یسوع اُتے لدے جاندے نیں ۔ سانوں ایمان رکھنا چاہی دااے پئی یسوع نے ساڈے سارے چُک لَے سَن تے ساڈے پاپاں دے دُکھڑے اُٹھان لئی سولی اُتے چڑھ گیا سی ۔ایہہ ٹھیک ایمان تے سچی توبہ ہیگی اے ، جیہڑی سانوں پاک رُوح دی بھرپوری پاؤن دے لائق بناؤندی اے ۔
پاک رُوح اوہناں اُتے آؤندااے جیہڑے اپنے سارے پاپاں توں معافی پاؤندے نیں ۔کیوں خُدا اوہناں نوں اک انعام وانگر پاک رُوح دیندااے جیہڑے مکتی پاؤندے نیں ؟ کیوں جے پاک رُوح، پاک ہون دے سبب ،اوہناں وچ رہنا تے اوہناں اُتے اپنے پُتراں وانگر نشانی لاؤنا چاؤہندا اے ۔
پاک رُوح خُدا ہیگااے ۔باپ ، پُتر تے پاک رُوح اک خُدا اے ۔ اوہ ۳ ہستیاں ہیگیاں نیں ۔ پر اوہ
اوہناں لئی اک خُدا ہیگا اے جیہڑے یسوع اُتے ایمان رکھدے نیں۔باپ سانوں پاپاں توں بچاؤن دا اک ارادہ رکھداسی تے ایسے طرحاں یسوع مطلب اے ،پُتر ایس جگ وچ آیا ،جگ دے پاپاں نوں اپنے اُتے چُکن لئی یوحنا کولوں بپتسمہ لیا ، سولی اُتے مرگیا ،تیجے دیہاڑے فیر مویاں وچوں جی اُٹھیا تے اَسمان اُتےچُک لیا گیا ۔ پاک رُوح یسوع د ے بپتسمے تے اوہدے صلیبی لہو دی گواہی دے کے ، ساڈی سوہنی خوشخبری اُتے ایمان رکھن وچ اَگوائی کردااے ۔
خُدا اوہناں اُتے نشانی لاؤندااے جیہڑے پاک رُوح دے راہیں مکتی یافتہ ہوگئے نیں ۔ خُدا اوہناں نوں پاک رُوح دیندااے جیہڑے خوشخبری اُتے ایمان رکھدے نیں پئی یسوع نے جگ دے پاپاں نوں چُک لیاسی ۔خُدا اوہناں نوں پاک رُوح اپنے پُتراں وانگر نشانی لاؤن لئی اک ضمانتی وانگر دیندااے ۔ پاک رُوح اوہناں لئی پاپ توں مکتی دا مکمل ثبوت ہیگااے جیہڑے سوہنی خوش خبری اُتے ایمان رکھدے نیں۔
اوہ جنہاں نوں پاک رُوح ملیا اے خُداوند دے پُتر ہیگے نیں ۔ اوہ جیہڑے پاک رُوح دی بھرپوری پاؤندے نیں ،ہمیشہ تازہ دَم رہندے نیں ۔اوہ خُدا دے کلام اُتے ، یسوع دے بپتسمے تےاوہدے صلیبی لہو اُتے اک پکا ایمان رکھدے نیں ۔اوہ سچ مُچ خوش ہیگے نیں ۔ اوہ جیہڑے چنگے طریقے نال توبہ کردے نیں ،اپنے دلاں وچ کوئی پاپ نئیں رکھدے تےپاک رُوح دی بھرپوری پاؤندے نیں ۔
پاک کتاب آکھدی اے پئی توبہ ہیگی اے جیہڑی پاپ توں معافی دِلاؤندی اے ۔کیہ تسیں ایہو جیہی توبہ کیتی اے ؟ جے تسیں توبہ کردے او تے پکاایمان رکھدے او ، تسیں وی سوہنی خوش خبری پا سکدے او ۔ میَں تہانوں پاپاں توں توبہ کرن تے پاک رُوح پاؤن دی نصیحت کردا ہاں ۔ کیہ تسیں توبہ کرن تے سوہنی خوشخبری اُتےایمان رکھن لئی تیار ہیگے او، جیہڑی پاک رُوح دی بھرپوری پاؤن وچ اَگوائی کردی اے ؟
Copyright © 2021 by The New Life Mission