Search
Español
Español
Debido a COVID-19 y la interrupción del servicio de correo internacional,
hemos suspendido temporalmente nuestro "Servicio de Libros Impresos Gratis".
A la luz de esta situación no podemos enviarle los libros por correo en este momento.
Oren para que esta pandemia termine pronto y por la reanudación del servicio postal.

Preguntas Frecuentes sobre la Fe Cristiana

Tema 1 : Nacer de Nuevo del agua y el Espíritu

1-29. በኢየሱስ ማመን እንዳዳነኝ እርግጠኛ ነበርሁ። በልቤ ውስጥ ባሉት እምነቶች ሰላም ነበረኝ። አሁን ግን በመልዕክቶችህ ግራ ተጋብቻለሁ። ለመዳን የእርሱን ጥምቀት ከመስቀሉ ጋር አብሬ ማመን አለብኝን?

በኢየሱስ ጥምቀት የማታምን ከሆነ በልብህ ውስጥ ኃጢአት መኖሩ እርግጥ ነው። ሐዋርያው ዮሐንስ እንዲህ ብሎዋል፦ “ኃጢአት የለብንም ብንል ራሳችንን እናስታለን፥ እውነትም በእኛ ውስጥ የለም” (1ኛ ዮሐንስ 1፡8)። በኢየሱስ ጥምቀት ባለማመንህ ምክንያት በእርግጥም ኃጢአት እያለብህ እንኳን ኃጢአት የለብኝም ብትል፣ የራስህን ሕሊና እያታለልህ ነው፣ እውነትም በአንተ ውስጥ እንደሌለ ማስረጃ ነው። የመዳን እርግጠኝነት በልባችን የሚፈጠረው በኢየሱስ ጥምቀትና መስቀል በማመን ከኃጢአቶቻችን ሁሉ ፍጹም መነጻትና የመንፈስ ቅዱስን ስጦታ ስንቀበል ነው።
ሐዋርያው ጳውሎስ እንዲህ አለ፦ “በክርስቶስ ጸጋ እናንተን ከጠራችሁ ከእርሱ ወደ ልዩ ወንጌል እንዲህ ፈጥናችሁ እንዴት እንዳለፋችሁ እደነቃለሁ፤ እርሱ ግን ሌላ ወንጌል አይደለም፥ የሚያናውጡአችሁ የክርስቶስንም ወንጌል ሊያጣምሙ የሚወዱ አንዳንዶች አሉ እንጂ” (ገላትያ 1፡6-7)። ከኃጢአቶቻችን ሁሉ ሊያድነን የሚችለው ሐዋርያት ከኢየሱስ የተቀበሉትና ለሰዎች የሰበኩት የውሃውና የመንፈሱ ወንጌል ብቻ ነው። ሐዋርያት የሰበኩትን የውሃውንና የመንፈሱን ወንጌል ካላመንን በእርግጥም አሁንም ድረስ በውስጣችን ኃጢአት አለብን።
አሁንም ድረስ በውስጣችን ኃጢአት እያለብን በመዳን ማረጋገጫ መኖር የምንችለው እንዴት ነው? ገና ዳግም ያልተወለዱ ክርስቲያኖች በእግዚአብሔር ፊት ጥሩ ሆነው ሲታዩ ስለ መዳናቸው በሙሉ ደስታና እርግጠኝነት እርግጠኞች ይሆናሉ፤ ነገር ግን አንዳንድ ከበድ ያሉ ኃጢአቶችን በሚሠሩበት ጊዜ በልባቸው ውስጥ ባለው የኃጢአት ሸክም የተነሣ እርግጠኝነት አጥተው ይፈራሉ። ይህ ከእግዚአብሔር የመጣ መዳን ሳይሆን፣ በራሳቸው አስተሳሰቦችና ስሜቶች ላይ የተመሠረተ የሐሰት መዳን ነው። ቀስ በቀስ ለመቀደስና በቀላሉ የሚናወጡ መዳኖቻቸውን ለመጠበቅ ሲሉ በየቀኑ የንስሐ ጸሎቶችን ለማድረግ ያዘነብላሉ።
በዚህ የሐሰት መዳን የሚያምኑ ሰዎች እግዚአብሔርን በየቀኑ ይቅርታ በመጠየቅና በምግባሮቻቸውም ሕጉን በመጠበቅ ቅዱስ ሕይወትን የሚኖሩ ከሆኑ በመጨረሻ አንድ ቀን ፈጽመው እንደሚድኑ ያምናሉ። ሆኖም በእርሱ ጥምቀት ላይ ባለ እምነት አማካይነት ኃጢአቶቻቸውን በኢየሱስ ላይ ካላኖሩ አሁንም ድረስ ኃጢአተኞች ናቸው።
እግዚአብሔር ያደረገው መዳን ፍጹም መዳን ነው፣ ይህም ኢየሱስ በዮርዳኖስ ወንዝ በዮሐንስ በተጠመቀው ጥምቀቱ አማካይነት የዓለምን ኃጢአቶች በሙሉ እንደወሰደና በመስቀል ላይ እንደደመሰሳቸው ይነግረናል።
ስለዚህ ሐዋርያው ዮሐንስ እንዲህ አለ፦ “በኃጢአታችን ብንናዘዝ ኃጢአታችንን ይቅር ሊለን (ኃጢአት ሙሉ በሙሉ ጠፍቷል) ከዓመፃም ሁሉ ሊያነጻን የታመነና ጻድቅ ነው” (1ኛ ዮሐንስ 1፡9)። የውሃውና የመንፈሱን ወንጌል ባለማወቃችን የተነሳ ኃጢአቶቻችን በሙሉ ያልታጠቡ ከሆነ፣ አሁንም ድረስ ኃጢአተኞች መሆናችንንና በኃጢአቶቻችን ምክንያት ሲዖል ለመውረድ የታጨን መሆናችንን በጌታ ፊት መናዘዝ አለብን። እውነተኛ የኃጢአት ኑዛዜ ይህ ነው። ኃጢአቱ ምንም ያህል ትንሽ ቢሆንም ኃጢአት ያለ ውሃውና መንፈሱ ወንጌል ሊነጻ አይችልም። በዚህ መንገድ ስንናዘዝ የውሃውና የመንፈሱ ወንጌል ኃጢአቶቻችንን በሙሉ አንድ ጊዜ ያጠራልና ጻድቃን ያደርገናል።
“የተወደደው ሰዓት አሁን ነው” (2ኛ ቆሮንቶስ 6፡2)። የኢየሱስን ጥምቀትና መስቀል ወንጌል የሚሰማና የሚያምን ማንኛውም ሰው ከኃጢአቶቹ ሁሉ ይድናል፣ ጻድቅ ይሆናል፣ እንዲሁም ጌታ በማንኛውም ጊዜ ቢመጣ መንግሥተ ሰማይ ለመግባት ሁሌም ዝግጁ እንደሆነ ጠንካራ እምነት ይኖረዋል። ከእውነተኛው ወንጌል ውጭ በትምህርቶችና በሥነ መለኮቶች የሚያምን ማንኛውም እምነት ከኃጢአቶቻችን ሁሉ ሊያድነን አይችልም። እነዚያ ዲያብሎስ በሰዎች አሳቦች ውስጥ ያስቀመጣቸው ብልጣ ብልጥ ማታለያዎች ናቸው።

ወደ ውሃውና መንፈሱ ወንጌል መመለስና በልባችን ከኃጢአቶች እውነተኛውን መዳን መቀበል አለብን። ይህም ኢየሱስንና ሥራውን መውደድ ነው።