Debido a COVID-19 y la interrupción del servicio de correo internacional,
hemos suspendido temporalmente nuestro "Servicio de Libros Impresos Gratis".
hemos suspendido temporalmente nuestro "Servicio de Libros Impresos Gratis".
A la luz de esta situación no podemos enviarle los libros por correo en este momento.
Oren para que esta pandemia termine pronto y por la reanudación del servicio postal.
Oren para que esta pandemia termine pronto y por la reanudación del servicio postal.
Tema 1 : Nacer de Nuevo del agua y el Espíritu
1-6. کیہ توبہ دِیاں دُعاواں ساڈے پاپ دھوسکدیاں نیں ؟
توبہ دِیاں دُعاواں کدی وی ساڈے پاپ نئیں دھوسکدیاں کیوں جے مکتی کدی وی ساڈے ذاتی
کماں دے راہیں حاصل نئیں ہو سکدی ۔ بے شک، اپنے پاپاں توں مکمل تے پکے طورتے مکتی حاصل کرن لئی سانُوں یسوُع دے بپتسمہ تے خون اُتے ایمان لیانا ایں ، تے ایہہ پئی یسوُع خُدااے ۔سچی مکتی اوہناں نُوں بخشی جاندی اے جیہڑے ایمان رکھدے نیں پئی سانُوں نویں حیاتی بخشن لئی یسوُع نے بپتسمہ لین تے صلیب اُتے خون وگان دے راہیں ساڈے پاپاں نُوں دھودِتا ۔
فیر کیہ ساڈے روز مرّہ دے پاپ توبہ دِیاں دُعا واں دے راہیں دُھل سکدے نیں؟ نئیں ۔ اَسیں اپنی حیاتی وِچ جِنہے پاپ کردے آں اوہناں نُوں دو ہزاروَرہے پہلاں ای اوس ویلے دھودِتا گیا سی جد یسوُع نیں اپنے بپتسمہ دے راہیں اوہناں نُوں اپنے اُتے چُک لیا۔اَسیں یسوُع دے بپتسمہ تے صلیب اُتے اوس دے خون وگان دے راہیں مستقل طور تے پاک کر دِتے گئے آں۔اوہ ایمانداراں لئی قربانی دا برّہ بن گیا جِس نے ساڈے سارے پاپاں نُوں دھودِتا تے اپنے بپتسمہ تے سولی اُتے خون وگان دے راہیں ایہناں پاپاں دی قیمت اداکردِتی ۔
ایتھوں تیک پئی یسوُع اُتے ایمان لیان توں بعدساڈے کولوں جیہڑے پاپ ہوجاندے نیں اوہناں نُوں وی مکتی دے بپتسمہ دے چشمے وِچ دھودِتاگیا ، یعنی خلاصی دی سچیائی ؛یسوُع پہلے ای ساڈا مکتی داتا بن چُکیا اے تے اپنی موت دے دِن تیک اَسیں جِنہے وی پاپ کردے آں اوہ سب اوس نے پہلے ای چُک لئے سَن۔ یسوُع ایس دُنیا وِچ آیا تے اوس نیں بپتسمہ لیا ، ” ایسے طرحاں“ (متی۳:۱۵)،ساڈے پاپاں نُوں چُکن دے راہیں ساری راستبازی نُوں پوراکیتا۔ خُدادے پُتر نے بپتسمہ لین دے راہیں ساڈے پاپاں دی سزا نُوں چُک لیا ۔
یسوُع دے بپتسمہ توں مُراد اے ” دھویاجانا “کیوں جے جدوں یسوُع نے بپتسمہ لیا تے ساڈےسارے پاپ اوہدے اُتے لد دِتے گئے ،تےاَسیں مکمل طورتے اپنے پاپاں توں دُھلے ہوئے آں تے اوہ سانُوں ساڈے سارے پاپاں تو ں رہاکرچُکیااے۔
بپتسمہ داایہہ وی مطلب اے ’ غوطہ لینا،دفن ہونا۔ ‘ کیوں جے ساڈے سارے پاپ یسوُع اُتے منتقل ہوگئے نیں ۔اوہنوں ساڈے پاپیاں لئی مرنا پیا۔اوہ لوک جیہڑے ایمان رکھدے نیں پئی سارے پاپ اوس دے بپتسمہ دے راہیں یسوُع اُتے منتقل ہوگئےسَن ، ہمیش لئی بے پاپ بن جاندے نیں ۔
سچا ایمان اپنے سارے دِل نال ایمان رکھنا ایں پئی ساڈے سارے پاپ ، ایتھوں تیک پئی اوہ پاپ وی جیہڑے اَسیں ہُن تیک تے مستقبل وِچ کرنے نیں، گھٹوگھٹ دوہزاروَرہے پہلاں یسوُع اُتے منتقل ہوگئے سَن جدوں اوس نے یوحنا کولوں بپتسمہ لیا،تے ’ ایسے طرحاں ‘ خُدادی راستبازی پوری کردِتی ۔
جے اوہنے اپنے بپتسمہ نال بڑاچِرپہلاں ساڈے پاپ معاف نہ کیتے ہوندے تے ہُن ساڈے لئی اپنے پاپاں تو ں پاک ہون دی کوئی صورت باقی نہ ہوندی ۔ یاد رکھو پئی یسوُع نے بوہت عرصہ پہلے ساڈے سارے پاپاں نُوں دھودِتاسی۔
اَج سچے ایمان تے رُوحانی مکتی توں مُراد یسوُع دے حضُور اپنے پاپاں نُوں ایہہ یقین کرن لئی لیانا ایں پئی اوہ پہلے ای دُھل چُکے نیں، ایہہ آکھدیاں ہویاں ، ْ توں ایہہ پاپ وی دھو چُکیاایں، کیہ تُوں اِنج نئیں کیتا؟ ‘ ایس دا مطلب اوس اُتے ایمان لیانا تے اوس دا شکر ادا کرنا وی اے۔ایسے لئی اوہ زمین اُتے آیا ، اوہنے بپتسمہ لیا، سولی اُتے جان قربان کیتی ، فیر تِن دَن بعد مویاں وِچوں جی اُٹھیا؛تے ایویں ساڈا مکتی داتا بن گیا ۔
مبارک ہین اوہ لوک جیہڑے یسوُع دے بپتسمہ اُ تے ایمان رکھن دے راہیں اپنے پاپاں توں دُھل چُکے نیں ،جِنہے ساڈے سارے پاپاں نُوں دھودِتا۔ایہہ روز مرّہ دے پاپاں توں پاک ہون دی سچیائی اے۔ سچاایمان یسوُع اُتے یقین کرنا ایں جِنہے اپنے بپتسمہ دے راہیں دُنیا دے سارے پاپ چُک لئے ۔
- Antes de
- Después
Copyright © 2021 by The New Life Mission