Debido a COVID-19 y la interrupción del servicio de correo internacional,
hemos suspendido temporalmente nuestro "Servicio de Libros Impresos Gratis".
hemos suspendido temporalmente nuestro "Servicio de Libros Impresos Gratis".
A la luz de esta situación no podemos enviarle los libros por correo en este momento.
Oren para que esta pandemia termine pronto y por la reanudación del servicio postal.
Oren para que esta pandemia termine pronto y por la reanudación del servicio postal.
Tema 1 : Nacer de Nuevo del agua y el Espíritu
1-8. کیہ اَپنےپاپاں دا اِقرار کرنا اوہناں نُوں دُور کرسکدا اے؟
بالکل نئیں ۔ اِقرار دے راہیں پاپ دُور نئیں ہوندے، سگوں پانی تے رُوح دی خوشخبری اُتے ایمان لیان دے راہیں دُور ہوندے نیں۔ ساڈے پاپ صِرف یسوُع دے بپتسمہ تے خون اُتے ایمان لیان دے راہیں دُور ہوسکدے نیں،جِنھے سانُوں سارے پاپاں توں پاک کیتا اے ۔ایہہ یسوُع دی رُوحانی مکتی دی خوشخبری اے جِنھے یردن وِچ اپنے بپتسمہ دے سبب ساڈے سارے پاپ دُورکردِتے ۔
پاپاں دااِقرار کرنا صِرف کسے داخُدادی شریعت دااحساس کرن دا ثبوت اے، پر مکتی سانُوں صرف اوسے ویلے دِتی جاندی اے جد اَسیں یسوُع دے بپتسمہ تے خون اُتے ایمان لیاندے آں۔
بپتسمہ داپانی تےمسیِح داخون اَسمانی سچ نیں جِنھاں نے سارے اِنساناں نُوں پاپ چھُڈایا ، تے
ساڈی مکتی دا اِنحصارپاپاں دااِقرارکرن وِچ نئیں ،سگوں ایہہ ایمان رکھن اُتے ہے پئی یسوُع نے اِنسان ذات دے سارے پاپاں نُوں اپنے بپتسمہ دے راہیں چُک لیا۔ یسوُع دی مصلُوبیّت اوہناں سارے پاپاں دی سزاسی ، جیہڑے اوس نے ساڈے پاپیاں توں دُور کر دِتے۔
ایس لئی ، ساڈی سچی مکتی یسوُع دے یردن وِچ بپتسمہ لین تے صلیب اُتے خون وگان وِچ اے ۔ ساڈے سارے پاپاں توں پاک ہون دی وجہ ایہہ ہے پئی اَسیں یسوُع اُتے ایمان لیائے،جِنھے ساڈے سارے پاپاں نُوں دھودِتا۔
اجہیے لوک جیہڑے ایہہ منادی کردے نیں پئی اَسیں اپنے پاپاں دا اِقرار کرن دے سبب مکتی حاصل کرسکدے آں،اوہ خُدادی سچی مکتی نُوں پراں سُٹ رہے نیں۔
ایویں ،سانوں لازمی طورتے یسوُع دے بپتسمہ تے خون ،یعنی خُدادی مکتی اُتے ایمان رکھنا چاہی دااے۔ کدی ایہہ نہ آکھو پئی اِنسانی پیِڑھی دے پاپ دی معافی خُدا دے حضُور اِقرار کرن نال ہو سکدی اے ۔
ایہہ جان رکھو پئی ساڈے پاپ سانُوں دوزخ وِچ سُٹ دین گے ،پر یسوُع،اوہدے بپتسمہ تے خون اُتے ایمان لیان دے راہیں سارےپاپ دُھل سکدے نیں ،جیہڑاسانُوں مکتی بخشداتے سانُوں خُدادے حضُور راستباز ٹھہرن دی اِجاز ت دیندااے۔ساڈے پاپاں نُوں دھوسکدااے۔ اپنے سارے پاپاں توں مکتی حاصل کرن دا ایہہ واحد طریقہ اے۔ آؤسب ایس گل نال اَگاہی حاصل کرئیے پئی سانُوں سب نُوں سچیائی دے کلام ، یعنی یسوُع دے بپتسمہ تے خون اُتے ایمان لیان دے راہیں اِکوواری سارے پاپاں توں رہائی ملی اے (۱۔یوحنا۵:۴۔۸)۔
ہرواری اِقرارکرن نال پاپ نئیں مٹ دے۔جے تُسیں اِقرار کرن تے اِنحصار کردے او ،تے تُہاڈا آخردوزخ ہووے گا۔ آؤسچی خوشخبری اُتے ایمان رکھیے تاں پئی ساڈے دِل وِچ پائے جان والے پاپ دُھل سکن ۔اپنے دِل توں ایمان لیاؤ،نہ پئی ایویں عقل نال ، تے ہمیش لئی اپنے پاپاں توں رہا ہو جاوو۔
- Antes de
- Después
Copyright © 2021 by The New Life Mission