Search
Español
Español
Debido a COVID-19 y la interrupción del servicio de correo internacional,
hemos suspendido temporalmente nuestro "Servicio de Libros Impresos Gratis".
A la luz de esta situación no podemos enviarle los libros por correo en este momento.
Oren para que esta pandemia termine pronto y por la reanudación del servicio postal.

Preguntas Frecuentes sobre la Fe Cristiana

Tema 4 : PF de los lectores de Nuestros Libros

4-5. کیہ اوہ جنہےمکتی پائی ، ہمیش لئی مکتی پائی اے؟

چنگا ، تُسیں جان سکدے او پئی ساڈی مکتی پانی تے رُوح دی خوشخبری اُتےساڈے ایمان نال آؤندی اے۔ دوجے اکھراں وچ ، جدوں اسیں یسوع دے بپتسمے تے اوھدی سولی اُتے ایمان رکھدے آں ، تاں اسیں نویں سریوں  جم  کے راستباز بن سکدے آں۔
سب توں بوھتی خاص گل ایہہ ہیگی اے پئی اسیں اپنے دل وچ سچیائی اُتےایمان رکھدے آں یا نہیں ، جویں پئی  لکھیا اے ، " کیوں جو راستبازی لئی دِلوں اِیمان لیاوی دا اے۔ تے نجات لئی مُنھ توں اِقرار کری دا اے۔" (رومیوں 10: 10)۔ تے جدوں اسیں صاف دل نال سچی خوشخبری اُتے اپنے ایمان دا اقرار کردے آں فیر پاک رُوح  ساڈے دل وچ رھندا اے۔  تے اوہ اوسے ویلے توں ساڈی راکھی کردا اے۔
تے ، تُسیں اپنی مکتی اوس ویلے تیک نئیں گوا سکدے جدوں تیک پئی  تُسیں سچی خوشخبری توں مُکر دے نئیں جے۔ پر، جے کوئی ، جیہڑا نویں سریوں جمیا اے ، کسے طرحاں خوشخبری نوں ردّ کردا اے ، تاں ایس طرحاں اوہ "موت دا سبب بنن والا پاپ"  کردا اے(1 یوحنا 5: 16)۔ سچ مُچ نویں سریوں جمن  والے پاک لوکاں لئی اِیس خوشخبری نوں ردّ کرنا اوکھا ہووے گا ، ایس لئی پئی ایہہ چکر وچ پین والی گل اے ۔
پر، بائبل آکھدی اے پئی آخری دناں وچ اِیمان نال ایہو جیہا دھوکہ ہووے گا (2 تھِسّلُنیکیوں 2: 3)۔ تے ، متّی 13: 3-9 دسدا اے پئی  ، " تے تمثِیلاں دے دے کے اوس اوہناں نُوں بُہت سارِیاں گلّاں دسیاں۔ پئی ویکھو اِک بِیجن والا بی بِیجن نُوں نِکلیا۔ تے اوہدے بِیجدیاں بِیجدیاں کُجھ دانے راہ دے کنڈھے ڈِگّ پئے۔ تے پنچھی آ کے اوہناں نُوں چُگ گئے۔ تے ہور کُجھ پتّھراں والی زمین اُتّے ڈِگّ پئے جِتّھے اوہناں نُوں بُہت مِٹّی نا مِلی تے بُہتی مِٹّی نا مِلن کر کے اوہ چھیتی اُگ تے پئے۔ پر جدوں دُھپ چڑھی اوہ جُھلس گئے۔ تے جڑ نا ہون دے سبّب کر کے سُک گئے۔ تے ہور کُجھ ملہیاں وِچ ڈِگّے۔ تے ملہیاں نیں وَدّھ کے اوہناں نُوں دَبا لیا۔ تے ہور کُجھ چنگی زمین اُتّے ڈِگّے تے پَھل دِتّا۔ کُجھ سَو گُنا کُجھ سَٹّھ گُنا۔ کُجھ تَرِیہہ گُنا۔ جِہدے کنّ ہون سو سُنے۔"
ایہہ حوالہ سانوں دسدا اے پئی اوہ لوک جیہڑے اخیر تیک پانی تے رُوح دی خوشخبری اُتوں اپنا ایمان گوا چکے نیں ، بھاویں انہاں نیں پہلوں ای سُنیاتے ایہدے اُتے ایمان رکھیا ،اخیریں اپنی مکتی توں پِچھاں رہ جان گے۔ بائبل آکھدی اے ، " پر جیہڑا اخِیر توڑی قیم رہے گا سو ای نجات پائے گا۔" (متی 24: 13)۔ جدوں  تیک اسیں اصل خوشخبری نوں جگ دی سب توں  مہنگی شے سمجھدے آں تے اسیں کسے وی شے دی قربانی اُتےاخیر تیک خوشخبری اُتے اپنے ایمان نوں سانبھدے آں اودوں تیک ساڈی مکتی نہ مُکے گی۔ مہربانی کر کے ، حزقی ایل 33: 12-16 وچوں حوالہ پڑھو۔
لہذا ، تہاڈی مکتی اوس ویلے تیک اثر وکھاؤندی اے جدوں تیک پئی اصل خوشخبری اُتے ایمان رکھدے او۔ ایسے لئی خداوند خدا فرماؤندا اے ، " راستباز اِیمان توں جیوے گا۔" (رومیوں 1: 17 ، حبقُوق 2: 4)۔ میَں آس رکھدا ھاں پئی تُسیں میرےجواب توں تسلی پاوو گے ، پانی تے رُوح دی خوشخبری اُتےپکے ھو کے قیم رہوو گے۔