Search
Español
Español
Debido a COVID-19 y la interrupción del servicio de correo internacional,
hemos suspendido temporalmente nuestro "Servicio de Libros Impresos Gratis".
A la luz de esta situación no podemos enviarle los libros por correo en este momento.
Oren para que esta pandemia termine pronto y por la reanudación del servicio postal.

Preguntas Frecuentes sobre la Fe Cristiana

Tema 4 : PF de los lectores de Nuestros Libros

4-8. کیہ سچ مُچ دوزخ ہیگی اے؟

جواب "آھو" ہیگا اے۔
کئی ضد کردے نیں پئی خدا دوزخ نئیں بنا سکدا۔ اوہ بحث کردے نیں پئی خدا محبت اے ، تے ایہہ پئی اک محبت کرن والے خدا دے خیال وچ دوزخ نئیں ھوسکدی اے۔ ھوسکدا اے پئی اوہ  اپنے فلسفے دیاں اصطلاحاں سوھنیاں  بناؤندیاں ہوئیاں اِنج کھولن،ایہہ آکھدے ہوئیاں ، "رسولاں دے عقیدے دے ایس اِقرار وچ ، `دوزخ` دے اکھر دا مطلب `عالمِ برزخ، مُردیاں دی جگہ  اے ، عبرانیاں لئی `شِیول` ، یونانیاں  لئی `ہیڈیس` ، لاطینیاں  لئی" اِنفرنو "۔ اِکودَور دے لکھاریاں مطابق ، ایہہ ہیگا اے اوہ جتھے خداوند اپنی موت دے بعد مُردیاں نوں ملن گیا سی۔"
پر ، خداوند یسوع بوھت کھول کے آکھدا اے پئی ہر اک پاپی نوں سزا ملنی چاہی دی اے تے اوھدے پاپ دے سبب اوھنوں دوزخ وچ جانا پیندا اے (متی 18: 9 ، مرقس 9: 43)۔
بنا شک ، خدا باپ نے اپنےپُتر یسوع دے راھیں سانوں اپنی شرطاں توں وکھ محبت دتی۔ پر ، ایس محبت دا مطلب انھی محبت نئیں سگوں حق دی محبت اے (2 تھِسّلُنیکیوں 2: 10)۔ اوہ اپنی مکتی دی سچیائی ،مطلب اے، پانی تے رُوح دی خوشخبری وچ ساڈے نال پیار کردا اے۔ یسوع مسیح نے اپنے بپتسمے تے سولی اُتے مرن نال  ساڈے سارے پاپاں نوں مکا دتا سی۔ تے ھُن اوہ ہر اک نوں ھمیش دی حیاتی دیندا اے جیہڑا ایس سچی خوش خبری وچ یسوع اُتے ایمان رکھدا اے۔ اوھدی شرط توں وکھ محبت آکھدی اے ، " تے تُساں ساریاں بندیاں مسِیح وِچ بپتِسمہ لیا۔ مسِیح نُوں پہن لیا۔ نا کوئی یہُودی رہیا نا یُونانی۔ نا کوئی غلام نا اَزاد نا کوئی جَنا نا زنانی۔ کیوں جو تُسی سارے مسِیح یِسُوع وِچ اِک ہو۔ تے جے تُسی مسِیح دے ہو۔ تے ابرہام دی نسل یعنی وعدے دے سببّوں وارث ہو۔"(گلتیوں 3: 27-29)۔
تہانوں ایس سچیائی ول دھیان دینا پوے گا خدا انصاف نوں پسند کردا اے۔ اوھنے کھلا اعلان کیتا ، " گُناہ دی مزدُوری مَوت اے" (رومیوں 6: 23)۔ تُسیں لازمی طور اُتے جاندے او پئی ایس "موت" دا مطلب دوجی موت ، آگ دے دریا وچ ھمیش دے دکھ نیں (مکاشفہ 20: 14)۔ لوقا 16: 19-31 وچ ، یسوع نےسانوں سکھایا اے پئی ساڈی بدنی موت دے بعد دو قِسماں دی ھمیش دی حیاتی اے: اک اسمان دی اے ، دوجی دوزخ دی آگ وچ ہمیش دے دُکھ نیں ۔ تے مکاشفہ دے باب 20 تا 22 وی پاک لوکاں دی پہلی قیامت ، ہزارورھیاں دی بادشاہی ، اخیری سزا لئی ساریاں پاپیاں دی دوجی قیامت ، تے دو جھُنڈاں دے لوکاں دی ھمیشگی دی منزل - اسمان تے دوزخ بارے ہر شے کھول کے دسدے نیں ۔
اک بندے آدم دے سبب سارے لوک پاپی جمے نیں۔ پر ، خُدا نے جگ نال ایہوجیہی محبت رکھی پئی اوھنے اپنا اِکلا پُتر بخش دتا تاں پئی جیہڑا کوئی وی اوھدے اُتے ایمان لیاوے اوہ برباد نہ ہووے سگوں ہمیش دی حیاتی پاوے۔ پر  ، ناشکریاں لئی ، جیہڑے خدا دی محبت دی سچائی نوں اپنی ضد تے بے پرواہ دلاں نال ردّ کردے نیں ،انصاف کرن والا خدا دوزخ دی اگ دی ھمیشگی دی موت دی سزا دیوے گا۔ اوہ ایسے دے حقدار نیں۔
ایس لئی ، تہانوں ایہہ عبارت یاد رکھنی پوےگی: " تے اوہناں توں نا ڈرو جیہڑے بدن نُوں مار سُٹّدے تے رُوح نُوں نئیں مار سکدے۔ سگوں اوہدے توں ڈرو جیہڑا بدن تے رُوح دوہاں دا جہنّم وِچ ناس کر سکدا اے۔ " (متّی 10: 28)۔