A causa del COVID-19 e dell'interruzione del servizio di postainternazionale,
bbiamo temporaneamente sospeso il nostro "Servizio di libri a stampagratuita".
bbiamo temporaneamente sospeso il nostro "Servizio di libri a stampagratuita".
Alla luce di questa situazione, al momento non siamo in grado di inviarti i libri.
Prega che questa pandemia finisca presto e la ripresa del servizio postale.
Prega che questa pandemia finisca presto e la ripresa del servizio postale.
مضمون 9: رومیوں (رومیوں دی کتاب اُتے تفسیر)
[9-2 باب] سانوں لازمی طور اُتے جاننا چاہی دا اے پئی پہلوں توں مقررکرن دا ارادہ خُدا دی راستبازی وچ بنایا گیا سی <رومیوں ۹: ۹ ۔ ۳۳>
>رومیوں ۹: ۹ ۔ ۳۳<
”ایس لئی پئی وعدہ دا قول ایہہ ہیگا اے پئی میَں اوس ویلے مطابق آواں گا تے سارہ پُتر جمے گی ۔ تے صرف ایہو ای نئیں سگوں ربقہ وی اک بندے مطلب اے ساڈے باپ اضحاق توں حاملہ سی ۔ تے حالے تیک نہ تاں مُنڈے جمے سَن تے نہ اوہناں نیں چنگیائی یاں بُریائی کیتی سی پئی اوہنوں آکھیا گیا پئی وڈا نکے دی سیوا کرے گا ۔ تاں پئی خُدا دا ارادہ جیہڑا چُنے جان اُتے ہیگا اے چنگے کماں اُتے نیہ نہ رکھے سگوں بلاؤن والے اُتے ۔ ایس لئی لکھیا اے پئی میَں یعقوب نال تاں محبت کیتی پر عیسو نال نفرت ۔ ایس لئی اسیں کیہ آکھیے ؟ کیہ خُدا وچ بے انصافی اے ؟ بالکل نئیں ! ایس لئی پئی اوہ موسیٰ نوں آکھدا اے پئی جیہدےاُتے میرا دل رحم کرنا چاؤہندااے اوہدے اُتے رحم کراں تے جیہدے اُتےمیرا دل ترس کھاناچاؤہندا اوہدے اُتے ترس کھاواں گا ۔ایس لئی ایہہ نہ ارادہ کرن والے اُتے ہیگا اے نہ بھج نس کرن والے اُتے سگوں رحم کرن والے خُدا اُتے ۔ ایس لئی پئی پاک کتاب وچ فرعون نوں آکھیا گیا پئی میَں ایسے لئی تینوں کھلاریا اے پئی تیرے سبب اپنی طاقت وکھاواں تے میرا نام ساری دھرتی اُتے مشہور ہووے ۔ ایس لئی اوہ جیہدے اُتے چاؤہندااے رحم کردا اے تے جنہوں چاؤہندا اے اوہنوں سخت کر دیندا اے ۔ ایس لئی تُوں مینوں آکھیں گے فیر اوہ کیوں توہمت لاؤندااے ؟ کیہڑا اوہدے ارادے دی برابری کردا اے ؟ اے بندے بھلاں تُوں کیہڑا ایں جیہڑا خُدا دے اگے جواب دیندا اے ؟ کیہ بنی ہوئی شے بناؤن والے نوں آکھ سکدی اے پئی تُوں مینوں کیوں ایہو جیہا بنایا ؟ کیہ کمہیار نوں مٹی اُتے اختیار نئیں پئی اکو ای ڈلے وچوں اک بھانڈا وڈیائی لئی بناوے تے دوجا بے عزتی لئی ؟ ایس لئی کاہدی حیرانی اے جے خُدا اپنا عذاب وکھاؤن تے اپنی طاقت وکھاؤن دے ارادے نال عذاب دے بھانڈیاں نال جیہڑے برباد کرن لئی تیار کیتے گئے سَن بوہت حلیمی نال پیش آیا ۔ تے ایہہ ایس لئی ہویا پئی اپنے جلال دی دولت رحم دے بھانڈیاں دے راہیں وکھاوے جیہڑے اوہنے جلال لئی پہلوں توں تیار کیتے سَن ۔ مطلب ساڈے راہیں جنہاں نوں اوہنے نہ صرف یہودیاں وچوں سگوں اوپریاں قوماں وچوں وی بلایا ۔ ایس لئی ہوسیع دی کتاب وچ وی خُدا اِنج فرماؤندااے پئی جیہڑی میری اُمت نئیں سی اوہنوں اپنی اُمت آکھاں گا تے جیہڑی سوہنی نئیں سی اوہنوں سوہنی آکھاں گا ۔ تے اِنج ہووے گا پئی جیہڑی تھاں اُتے اوہنا ں نوں ایہہ آکھیا گیا سی پئی تُسیں میری اُمت نئیں جے اوسے تھاں اُتے اوہ جیوندے خُدا دے پُتر اکھواؤن گے ۔تے یسعیاہ اسرائیل دے بارے پکار کے آکھدا اے پئی بھاویں بنی اسرائیل دی گنتی سمندر دی ریت دے برابر ہووے تاں وی اوہناں وچوں تھوڑے ای بچن گے ۔ ایس لئی پئی خُداوند اپنے کلام نوں پوریاں تے مکا کے اوہدے مطابق دھرتی اُتے کم کرے گا ۔ ایس لئی یسعیاہ نے پہلوں وی آکھیا اے پئی جے فوجاں دا رب ساڈی کُجھ نسل باقی نہ رکھدا تاں اسیں سدوم وانگر تے عمورہ دے برابر ہو جاندے ۔ ایس لئی اسیں کیہ آکھیے ؟ ایہہ پئی اوپریاں قوماں نیں جیہڑیاں راستبازی نوں نئیں لبھدیاں سَن راستبازی پائی مطلب اوہ راستبازی جیہڑی ایمان نال اے ۔ پر اسرائیل جیہڑا راستبازی دی شریعت نوں لبھدا سی اوس شریعت تیک نہ اپڑیا ۔ کاہدے لئی ؟ ایس لئی پئی اوہناں نیں ایمان نال نئیں سگوں چنگیاں کماں نال اوہنوں لبھیا ۔ اوہناں نیں اوس ٹھیڈا کھان والے پتھر توں ٹھیڈا کھاہدا ۔ ایس لئی لکھیا اے پئی ویکھو میَں صیون وچ ٹھیڈاں لاؤن والا پتھر تے ٹھیڈا کھان والا ٹِلا رکھدا ہاں تے جیہڑا اوہدے اُتے ایمان لیاوے گا اوہ شرمندیاں نہ ہووے گا ۔ “
خُدا ولوں ترتیب دتا گیا ، سچا پہلوں توں مقرر ہونا کیہ اے؟
آؤ اسیں ہُن دھیان کریے، ” خُدا ولوں ترتیب دتا گیا ، پہلوں توں مقررہونا “ کیہ اے ؟ چنگی طرحاں سمجھن دےسلسلے وچ پئی پہلوں توں مقرر ہونا کیہ اے ، سانوں لازمی لکھے ہوئے کلام نوں خُدا دے کلام وانگر سمجھنا چاہی دا اے، تے اپنے آپ نوں ٹھیک کرنا چاہی دا اے جے ساڈے ایمان وچ کوئی شے غلط اے ۔ ایس لئی ، سانوں لازمی طور اُتے سمجھنا چاہی دا اے پئی کیوں خُدا نے یعقوب نال محبت کیتی جد پئی عیسو نال نفرت کیتی ۔ سانوں ایہہ وی لبھن دی لوڑ اے پئی کیہ پہلوں توں مقرر ہون دی نویں مسیحی سیانف پاک کتاب توں مُکردی اے یاں نئیں ۔سانوں ساریاں نوں لازمی طور اُتے خُدا ولوں قائم کیتے گئے پہلوں توں مقرر ہون دی ٹھیک سُدھ بُدھ رکھنی چاہی دی اے ۔
خُدا ولوں برکتاں پاؤن لئی سانوں مسیحیاں نوں لبھن دی لوڑ اے ، خُدا دا پہلوں توں مقررکرنا اوہدے ارادے وچ کویں جچدا اے ۔ جدوں خُدا دے ارادے دے بارے سوچدےآں ، بوہتے نویں مسیحی عالم سوچدے نیں پئی اوہناں دے ٹھکانے اوہناں دے جمن توں پہلاں مقرر کیتے گئے سَن، اوہناں دے ایمان دی کسے وی لوڑ توں اڈ ، جویں پئی یعقوب تے عیسو دے لیکھ شرطوں اڈ تے اک پاسے وچ خُدا ولوں مقرر کیتے گئے سَن ۔ پر سب کُجھ اِنج نئیں اے ۔ کیہ اسیں خُدا توں محبت لیندے آں یاں نئیں مقرر ہوندا اے ، کیہ اسیں اوہدی راستبازی اُتے ایمان رکھدے آں یاں نئیں ۔ ایہہ سچیائی اے جیہڑی خُدا نے سانوں اپنے ارادے وچ دتی اے ۔
جے تُسیں ٹھیک طریقے نال خُدا دے پہلوں توں مقرر کرن نوں سمجھنا چاؤہندے او ، تہانوں اپنی دلی راست بازی نوں سُٹن تے خُدا دی راستبازی ول آؤن دی لوڑ اے
ایس لئی پئی بوہتے لوک یسوع مسیح دے راہیں وکھائی گئی خُدا دی راستبازی دے بارے وچ سمجھ تے ایمان نئیں رکھدے ، اوہ خُدا دی محبت دے بارے وچ سوچن دی ریجھ رکھدے نیں جیہڑے وی طریقے نال مطلب اوہ چُن دے نیں، تے کئی ایتھوں تیک پئی سوچدے نیں پئی خُدا دی محبت سچی نئیں اے ۔ اوہناں نوں سوچنا چاہی دا اے پئی سوچن دا ایہہ چج ٹھیک نئیں ہیگا اے ۔ سانوں ساڈے تیک اپڑی ہوئی ایمان دی غلط کامل یقینی نوں جیہڑی یسوع مسیح دے راہیں وکھائے گئے خُدا دےٹھیک ارادے نوں نہ سوچن دے سبب توں اے ، سُٹن دی لوڑ اے ۔ جے تُسیں سوکھے طریقے نال سوچدے او خُدا کئیاں نال محبت کردا اے تے دوجیاں نال نفرت کردااے ، تہانوں لازمی طور اُتے سوچنا چاہی دا اے پئی ایہہ غلط قِسم دا ایمان اے ، جیہڑا تہاڈی سوچ دے راہیں بنیا ہویا اے ۔
انسانی دل پُٹھیاں خیالاں دے سبب برباد ہو ندے نیں ۔ بوہت سارے ہُن دے مسیحی ٹھیک ایمان نئیں رکھدے ایس لئی پئی اوہناں دے دل بوہت چوکھے بھیڑیاں خیالاں وچ رہندے نیں ۔ ایس لئی تہانوں اپنے نکمے خیالاں نوں سُٹن دی لوڑ اے تے خُدا دے کلام اُتے عمل کرن تے اوہدی راستبازی اُتے ایمان رکھن دے راہیں ٹھیک راہ اُتے اپنے ایمان نوں رکھن دی لوڑ اے ۔
ایس لئی پئی پہلوں توں مقرر کیتے جان دا ارادہ خُدا دی راستبازی وچ بنایا گیا اے ، ایہہ اوسے ویلے ٹھیک طریقے نال سمجھیا جا سکدا اے تے ایمان رکھیا جا سکدا اے ، صرف جدوں اسیں اوہدی راستبازی اُتے ایمان رکھدے آں ۔ ایس لئی سانوں لازمی طور اُتے اوہدے ارادے اُتے تے اوہدی راستبازی اُتے ایمان رکھنا چاہی دا اے ۔ خُدا دا ارادہ اوہناں نوں ڈھکنااے جیہڑے راستبازی وچ اوہدی راستبازی دے اندر اوہدی محبت اُتے ایمان رکھدے نیں ۔
ایس طرحاں، اوہدا پہلوں توں مقرر کرنا ایہہ ہیگا اے پئی اوہ ایمانداراں نوں اوہناں دی پاپ توں معافی دی مکتی دے لیڑے پواؤن دے راہیں ، جیہدا مُل یسوع دے بپتسمے تے اوہدے سولی اُتے مرن دے راہیں اُتاریا گیا اے اپنے لوک بناوے گا۔ سانوں لازمی طور اُتے خُدا دے نال اوہدی راستبازی وچ اوہدے راہیں سچے ارادے اُتے ایمان رکھن دے راہیں ٹھیک تعلق قائم کرنا چاہی دا اے ۔ خُدا اوہناں نوں جیہڑے یعقوب وانگر نیں اپنی محبت دے سرناویں بنا چُکیا اے ، جد پئی اوہ اوہناں نوں جیہڑے عیسو وانگر نیں اپنے عذاب دے سرناویں بنا چُکیا اے ۔
خُدا دا پہلوں تو ں مقرر کرنا لیکھاں دی گل نئیں اے
خُدا دے ارادے دے اندر پہلوں توں مقرر کرنا اوہدی راستبازی وچ قائم کیتا گیا سی ۔ خُدا دی محبت ، کسے شے وانگر من مرضی نال ارادے توں اڈ مقرر نئیں کیتی گئی اے ۔ جے ہر کوئی اپنے جمن توں پہلوں شرطوں اڈ طریقے نال چُنیا گیا سی ، جویں پئی اوہدی حیاتی مقدر نال بنی سی ، کویں کوئی یسوع دی راستبازی اُتے ایمان رکھن دے راہیں پاپ توں مکت ہو سکدا سی ؟ جے کسے دا لیکھ ایہو جیہے طریقے نال اوہدے جمن توں پہلوں مقرر کیتا گیا سی کیہ اوہنوں خُدا توں محبت لینی سی یاں نئیں پہلوں توں بنایا گیا ارادہ سی تے مقررکیتا گیا خاکہ سی ، کیہڑا سوچے گا پئی خُدا انصاف کردا اے تے کیہڑا ایہو جیہے خُدا اُتے ایمان رکھے گا ؟ کوئی وی ایہو جیہے من مرضی والے تے حکمران خُدااُتے ایمان رکھدا نئیں رہوے گا ۔
پر ساڈے خُدا دا ارادہ نہ انھے وا اے نہ ای آمریت پسند ، پر اپنی راستبازی وچ تے سانوں اپنے لوک بناؤن لئی ساڈے پاپاں توں سانوں صرف چھڈاؤن اُتےمبنی اے ۔ خُدا نے ایس ارادے وچ سانوں اپنی راستبازی دتی ، تے ایس محبت دی راستبازی وچ ، اوہنے سانوں اپنی معافی دتی ۔ اوہ اوہناں نوں کجن لئی تیار کر چُکیا اے جیہڑے اوہدی راستبازی دی محبت اُتے ایمان رکھدے نیں ، تے اوہ جیہڑے اوہدے وچ عذاب اُتے ایمان نئیں رکھدے نیں ۔
میَں اوہناں نال ہیٹھاں لکھی ہوئی گل کرنا پسند کراں گا جیہڑے غلط سُدھ بُدھ دے سبب خُدا دے پہلوں توں مقرر کرن لئی نفرت دے لائق نیں ۔ خُدا دا ارادہ سانوں ، جیہڑے اوہدے راہیں پیدا کیتے گئے سَن ۔ اپنے سکے لوک بناؤندااے ۔ ایس لئی سانوں لازمی طور اُتے اوہدے پہلوں توں مقرر کرن لئی شکر گزار ہونا چاہی دا اے ۔ ساڈے لئی شکر گزار ہونا چنگا اے جیہڑے نفرت دے لائق لوک جیہڑے اوہنوں کوسدے نیں بنن دی تھاں اُتے خُدا دی راستبازی اُتے ایمان رکھدے نیں ۔ ہر کسے نوں جیہڑا یسوع اُتے مکتی وانگر ایمان رکھدا اے لازمی طور اُتے خُدا دے پہلوں توں مقرر کرن دی ٹھیک سُدھ بُدھ تے ایمان رکھنا چاہی دا اے ، جیہڑا اوہدی راستبازی دےاندر کیتا گیا اے ۔
خُدا دا سچاپہلوں توں مقرر کرنا اوہدے راہیں قائم کیتا گیاسی جیہڑا بلاؤندااے
رومیوں ۹ : ۹ وچوں ،اج دا حوالہ آکھدااے ، ” ایس لئی پئی وعدہ دا قول ایہہ ہیگا اے پئی میَں اوس ویلے مطابق آواں گا تے سارہ پُتر جمے گی ۔ تے صرف ایہو ای نئیں سگوں ربقہ وی اک بندے مطلب اے ساڈے باپ اضحاق توں حاملہ سی ۔ تے حالے تیک نہ تاں مُنڈے جمے سَن تے نہ اوہناں نیں چنگیائی یاں بُریائی کیتی سی پئی اوہنوں آکھیا گیا پئی وڈا نکے دی سیوا کرے گا ۔ تاں پئی خُدا دا ارادہ جیہڑا چُنے جان اُتے ہیگا اے چنگے کماں اُتے نیہ نہ رکھے سگوں بلاؤن والے اُتے ۔ ایس لئی لکھیا اے پئی میَں یعقوب نال تاں محبت کیتی پر عیسو نال نفرت ۔ “
ایہہ حوالہ دسدا اے پئی خُدا دا پہلوں توں مقرر کرنا محبت نال اے ، جیہڑا خُدا دی راستبازی دی
محبت وچ تیار کیتا گیا سی ۔ جویں پیدا ئش ۱۸ : ۱۰ وچ وکھایا گیا اے ، بھاویں انسانی طور اُتے سارہ لئی بچہ جمنا اوکھا سی ، ابرہام نے خُدا دے وعدے اُتے ایمان رکھیا ایس لئی پئی اوہ اپنا کلام دے چُکیا سی ۔ کویں خُدا نے ابرہام نوں راستباز بنایا: خُدا نے اوہنوں اوہدا پُتر اضحاق دتا ، ایس لئی پئی اوہنے اوہدے اُتے ایمان رکھیا ، تے خُدا نے اوہدا ایمان منظور کیتا ۔
ایس لئی جدوں اسیں خُدا دی راستبازی اُتے ایمان دے بارے وچ گل کردے آں ، اسیں خُدا دے کلام اُتے ایمان دے بارے وچ گل کردے پئے آں ۔ ساڈی خُدا دے ارادے تے پہلوں توں مقرر کرن دی گل بات نوں وی اوہدے کلام اُتے ساڈے ایمان دے راہیں اگوائی پاؤنی چاہی دے اے ۔ اوہ جیہڑے مثال دے طور اُتے— جدوں ، لوک خُدا دی راستبازی لئی اپنے پچھا کرن نوں فریباں یاں نشاناں نال رلا ؤندے نیں اوہ جد پئی دعا منگدے یاں سُفنے ویکھدے پئے نیں ، کُجھ ویکھن دا دعویٰ کردے نیں –اپنے ایمان نال بوہت غلطیاں کردے پئے نیں ۔
پولُس ہور ودھاؤندا اے پئی ،” ربقہ وی اک بندے مطلب اے ساڈے باپ اضحاق توں حاملہ سی ۔ تے حالے تیک نہ تاں مُنڈے جمے سَن تے نہ اوہناں نیں چنگیائی یاں بُریائی کیتی سی پئی اوہنوں آکھیا گیا پئی وڈا نکے دی سیوا کرے گا ۔ تاں پئی خُدا دا ارادہ جیہڑا چُنے جان اُتے موقوف اے چنگے کماں اُتے نیہ نہ رکھے سگوں بلاؤن والے اُتے ۔ “
پاک کتاب سانوں دسدی اے پئی اضحاق نے ، اپنا سکا پُتر نہ ہون دے سبب خُدا دےاگے دعا منگی ، تے خُداوند نے اوہنوں جَوڑے پُتر دین دے راہیں جواب دتا ۔ اسیں ویکھ سکدے آں پئی خُدا دی راستبازی وچ پہلوں توں مقرر کرن دا ارادہ اوہناں دے ایمان نال پکا تعلق رکھدا اے جیہڑے اوہدے کولوں محبت پاؤندے نیں ۔
ایتھے فیر آیت ۱۱ نوں دُہراؤن دی خاص لوڑ اے ” تے حالے تیک نہ تاں مُنڈے جمے سَن تے نہ اوہناں نیں چنگیائی یاں بُریائی کیتی سی پئی اوہنوں آکھیا گیا پئی وڈا نکے دی سیوا کرے گا ۔ تاں پئی خُدا دا ارادہ جیہڑا چُنے جان اُتے موقوف اے چنگے کماں اُتے نیہ نہ رکھے سگوں بلاؤن والے اُتے ۔ “ خُدا دے ارادے وچ پہلوں توں مقرر کرن تے چناؤکرن دی سچیائی دی سُدھ بُدھ دی چابی ایہہ ہیگی اے خُدا دا ارادہ ”اوہدے اُتے جیہڑا بلاؤندااے “رد کیتا جاندا اے ۔ یعقوب تے عیسو وچکار ، خُدا دے ارادے وچ پہلوں توں مقرر ہون دے مطابق خُدا نے یعقوب نوں بلایا تے محبت کیتی ۔
دوجے اکھراں وچ ، جدوں خُدا لوکاں نوں بلاؤندا اے تے اوہناں نال محبت کردااے ، اوہ اوہناں نوں بلاؤندا تے لوکاں نال محبت کردا اے جیہڑے یعقوب وانگر راستباز ہون توں بوہت دُور نیں ۔ خُدا نے عیسو نوں نئیں بلایا ، جنہیں اپنے آپ دے بارے وچ راستباز وانگر سوچیا تے گھمنڈ نال بھریاہویا سی ۔خُدا دے پہلوں توں مقرر کرن وچ ، اوہدے ارادے وچ ایہہ معمول دا معاملہ اے پئی خُدا بلاوے گا تے یعقوب وانگر لوکاں نال محبت کرے گا ۔ خُدا دا ارادہ یعقوب وانگر لوکاں نوں بلاؤن وچ پاپیاں نوں پا پ توں چھڈاؤنا مطلب اے اپنے سکے پُتر بناؤنا سی ۔ اوہ جیہڑا بلائے ہویاں نوں محبت دے لیڑے پواؤن لئی بلاؤندااے خُدا اے ، تے یعقوب تے عیسو وچکار ، اوہ جیہڑا بلایا گیا یعقوب سی ۔
سانوں لازمی طور اُتے اوہدے ارادے وچ خُدا دی راستبازی نوں جاننا تے ایمان رکھنا چاہی دا اے ۔ یعقوب پاپی دے خاص حلیے دی نمائندگی کردااے جنہاں اُتے خُدا اپنی راستبازی دے وچ اپنا فضل وکھا چکیا اے ، جد پئی عیسو اوس پاپی دی نمائندگی کردااے جیہڑا اوہدی راستباز محبت نوں رد کرن دے سبب خُدا دے خلاف ہو جاندااے تے اپنی راستبازی دا پچھا کرداپیا اے ۔ ایہہ ہے کیوں پہلوں توں مقرر کرن نوں اوہدے ارادے وچ خُدا دے کلام نوں ظاہر کرن دی چابی دے راہیں سمجھنا اے پئی خُدا دا ارادہ ”اوہدے اُتے جیہڑا بلاؤندااے “ موقوف ہوندا اے ۔
سانوں لازمی طور اُتے اپنے آپ نوں خیالی ایمان توں جیہڑ ا اپنے دلی خیالاں نال پیدا ہوندا اے چھڈاؤنا چاہی دا اے ۔ خُدا نےاپنی راستبازی وچ ، صرف یعقوب نال محبت تے عیسو نال نفرت کیتی اے ۔ خُدا دا اپنے ارادے دی وضاحت تے پہلوں توں مقرر کرنا ، اوہدے اعلان دے سبب ہرکسے نوں مل دا اے پئی خُدا دا ارادہ مطلب اے ”اوہدے اُتے جیہڑا بلاؤندااے “ موقوف ہوندا اے ۔ خُدا دا ارادہ اوہدی راستبازی وچ پوری ہوئی محبت دی سچیائی اے ۔ جدوں خُدا نے یعقوب نال محبت سگوں عیسو نال نفرت کیتی ، تاں پہلوں توں مقرر کرنامطلب اے خُدا دی راستبازی نوں پوریاں کرنا ، مکتی لئی اوہدے ارادے مطابق ، لوڑ سی ۔
اِنج نئیں اے ، جویں بوہت سارے دوجے دیناں نے دعویٰ کیتا ، چنگے کماں دے راہیں تہاڈے نال محبت ہوندی اے تے خُدابچاؤندااے ، پر صرف اوہدے ارادے تے اوہدی راستبازی اُتے ایمان
رکھن دے راہیں تُسیں اوہدے پُتر ،اپنے پاپاں توں چھڈائے ہوئے بن جاندےاو ۔
کیہ خُداغلط اے ؟
خُدا اوہناں نال محبت کردا اے جیہڑے اوہدی راستبازی اُتے ایمان رکھدے تے محبت کردے نیں ۔ دوجے اکھراں وچ ، سچیائی وچ کُجھ غلطی نئیں ہیگی اے پئی ساڈے باپ نے محبت کرن تے اوہنا ں نوں جیہڑے خُدا دی راستبازی اُتے ایمان رکھدے نیں یسوع مسیح وچ اپنے پُتر بناؤن دا فیصلہ کیتا ۔ خُدا نے یسوع مسیح وچ ہر کسے نال محبت کرن دا نئیں ، سگوں یعقوب ورگے لوکاں نال محبت کرن دا ارادہ بنایا۔
فیر سانوں لازمی طور اُتے اپنے آپ کولوں پُچھنا چاہی دا اے پئی کیہ اسیں یعقوب یاں عیسو وانگر آں ۔ پر ایتھوں تیک پئی اوہ جیہڑے اپنے دلی خیال چنگے کماں تے اپنی دلی راستبازی نال بھرے ہوئے نیں حالے تیک خُدا توں محبت لینا چاؤہندے نیں ،پر کوئی اوہناں نوں غلط راہ اُتے جان توں نئیں بچا سکدا ۔ ایس لئی ایہہ دو قِسماں دے لوک سدا ہیگے نیں، خُدا ولوں محبت یاں نفرت کیتے گئے ایتھوں تیک پئی جویں ہُن اسیں بولدے آں ۔
سانوں لازمی طور اُتے خُدا دا شکر ادا کرنا چاہی دا اے تے اوہدی راستباز محبت اُتے تے ساڈی مکتی لئی اوہدے منصوبے اُتے ایمان رکھن دے راہیں اوہدے جلال دی وڈیائی کرنی چاہی دی اے ۔ سانوں ایس سچیائی لئی اوہدا شکر وی ادا کرنا چاہی دا اے پئی پانی تے رُوح دی خوشخبری جیہدے اُتے اسیں ایمان رکھدے آں ، حیران کردیاں ہویاں خُدا دی راستبازی اُتے روشنی پاؤندی اے ۔ ہر کسے نوں ،لازمی طور اُتے خُدا دی محبت دے لیڑے پاؤن لئی سوچنا چاہی دا اے ، اوہنوں پہلوں لازمی طور اُتے خُدا دے اگے اپنے آپ دیاں کمیاں تے پاپاں نوں پچھاننا چاہی دا اے ، تے اوہدی راستبازی اُتے ایمان رکھنا چاہی دا اے ۔
مسئلہ ایہہ ہیگا اے پئی بوہتے مسیحی ، یسوع دے بپتسمے تے سولی دی سچیائی اُتے ایمان رکھن دے لائق نئیں ہیگے جنہے خُدا دی راستبازی پوری کیتی ،اوہ غلطی نال ایمان رکھدے نیں پئی خُدا خاص لوکاں نال محبت کردا اے جد پئی دوجے سوکھے طریقے نال اوہدے ولوں چھڈے جان دا لیکھ رکھدے نیں ۔
ایتھوں تیک پئی بوہتا مسئلہ ، مطلب اے بے نصیب سچیائی ایہہ ہیگی اے پئی ایس طرحاں دا کچا
ایمان ودھداپیااے تے ایہدی بوہت پکے یقین نال دوجیاں تیک منادی ہوندی پئی اے ۔ ایہہ بوہت چوکھا ودھدا پیا اے ؛بوہتے بوہتے لوکاں دی اگوائی کرداپیا اے جیہڑے خُدا دی محبت نوں غلط سمجھدے نیں ، جیہڑی اوہدے راہیں تیار کیتے گئے خُدا دے پہلوں توں مقرر کرن دے راہیں وکھائی گئی اے ۔خُدا سانوں یعقوب تے عیسو دی کہانی نال کیہ دسن دی کوشش کردا پیا اے اوہ ایہہ ہیگی اے پئی اوہدے پُتر بنن لئی ، ایہہ بندیاں دی راستبازی نئیں اے جیہڑی خاص اے ، سگوں صرف خُدا دی راستبازی دی محبت اُتے ایمان اے ، جیہڑا اوہدے ارادے مطابق پہلوں توں مقرر کیتا گیا اے ۔
پاک کتاب سانوں دسدی اے پئی خُدا نے سارہ نوں پُتر دتا جیہدا اوہنے ابرہام نال وعدہ کیتا سی ۔ ایہہ سانوں دسدااے ، ایتھوں تیک پئی اج ، مطلب صرف اوہ جیہڑے خُدا دی راستبازی دی محبت تے کلام اُتے ایمان رکھدے نیں اوہدے پُتر بن سکدے نیں ۔ ایہو جیہے پُتر بنن لئی ، سانوں لازمی طور اُتے سچیائی نوں پچھاننا چاہی دا اے جیہڑی خُدا دی راستبازی تے اوہدے ارادے وچ ساڈے ایمان نال دتی گئی سی ، تے اوس سچیائی اُتے ایمان رکھن لئی ، سانوں خُدا دی محبت تےاوہدی راستبازی اُتے ایمان رکھن دی لوڑ اے ۔
ساڈے لئی یسوع مسیح دی محبت تے ساڈے لئی خُدا دا ارادہ خالص سچ اے تے سانوں ساریاں نوں دتی گئی محبت اے ۔ سانوں ساڈے پاپاں توں بچاؤن لئی ، یسوع نے اپنے بپتسمے نال ساڈے سارے پاپ چُک لَے ، سولی اُتے مر گیا تے مویاں وچوں جیوں اُُٹھیا ، ساڈے وچوں اوہناں ساریاں نوں ہمیش دی حیاتی دین لئی جیہڑے اوہدے اُتے ایمان رکھدے نیں ۔
ایس سچیائی دا ایہہ مطلب نئیں پئی صرف دینی ہون تے اپنے آپ دیاں کوششاں وکھاؤن دے راہیں اسیں خُدا دے پُتر بن سکدے آں ، سگوں ایہدا مطلب اے پئی خُدا دے پُتر بنن دا اکو طریقہ محبت دے کلام تے خُدا دی راستبازی اُتے ایمان رکھن دے راہیں اے ، جیہڑا سانوں دسیا گیا اے تے ساڈے لئی اوہدے راہیں ارادہ بنایا گیااے ۔ سانوں لازمی طور اُتے سارا احساس کرنا چاہی دا اے پئی صرف اوہ جیہڑے خُدا دی محبت تے راستبازی اُتے ایمان رکھدے نیں اوہناں نیں اوہدی محبت دے لیڑے پائے نیں ۔
فیر،ساڈا رویہ کیہ ہونا چاہی دا اے ؟ ساڈا رویہ یسوع دے بپتسمے تے اوہدی صلیبی لہو اُتے ایمان رکھنا اے ۔ سانوں لازمی طور اُتے خُدا کولوں اپنے آپ اُتے فضل کرنا منگنا چاہی دا اے ۔ سانوں لازمی طور اُتے اوہدے اگے پچھاننا چاہی دا اے پئی اسیں اوہدے لوک اکھواؤن دے حقدار نہیں آں ، ایس لئی پئی اسیں سارے پاپی آں ۔ سانوں لازمی طوراُتے سمجھنا چاہی دا اے پئی ساڈے لئی ایہہ صرف اوہدے ارادے دے راہیں اے — مطلب اے اسیں اوہدی راستباز محبت نوں جان سکدے آں — مطلب اے اسیں اوہدے پُتر بن سکدے آں ۔
اوہ جیہڑے خُدا توں نفرت اُٹھاؤندے نیں نفرت کھلاردے نیں ایس لئی پئی اوہ لوڑ نئیں محسوس کر دے یاں اوہدی محبت یاں راستبازی اُتے ایمان نئیں رکھدے ۔ ایس لئی سانوں لازمی طور اُتے جاننا تے محبت دے ارادے اُتے ایمان رکھنا چاہی دا اے جیہڑا خُدا نے ساڈے لئی پہلوں توں تیا رکیتا اے ۔ خاص سچیائی ایہہ ہیگی اے پئی اوہ جیہڑے جان دے نیں خُدا دی راستبازی دی محبت اُتے ایمان رکھدے نیں اوہدے توں محبت پاؤن گے ، جد پئی اوہ جیہڑے رد کردے تے اوہدی محبت نوں وگاڑدے نیں خُدا ولوں نفرت پاؤن گے ۔
کیہڑا پانی تے رُوح دی خوشخبری پا سکدااے ؟
خُدا ولوں سانوں دتی گئی پانی تے رُوح دی خوشخبری اکو سچیائی اے جیہڑی اوہدی راستبازی وکھاؤندی اے ۔ فیر کس طرحاں د ے لوک اوہ نیں جیہڑے اپنے دلاں وچ ایس سچیائی نوں پاؤندے نیں ؟ ایہہ اوہ لوک نیں ، جیہڑے پچھان کے پئی اوہناں دے ٹھکانے ہمیش دی ہلاکت وچ بنے ہوئے نیں مطلب اے اوہ خُدا دے اگے پاپی نیں تے اوہدے کلام دے اگے ، اوہدا فضل منگدے نیں ۔ ”اے خُداوند ۔ میَں پاپی آں جیہڑا تیری شریعت مطابق بالکل جیوندا نئیں رہ سکدا ۔ میَں اپنے دل نوں کھولدا تے تیرے اگے متھا ٹیکدا ہاں ۔“ ایہہ ایہو جیہے لوک نیں جنہاں نوں خُدا اپنی راستبازی وچ اپنی محبت دی پاپاں توں معافی دا انعام دے چُکیا اے ۔ خوشخبری اُتے ایمان جیہڑا خُدا دی راستبازی وکھاؤندااے سارے پاپیاں لئی بوہت خاص ہیگا اے ۔
خُدا نے سانوں اپنی شریعت نئیں دتی تاں پئی اسیں اوہناں وچوں ہر اک تے ہر کسے قانون دے پابند ہوئیے ، ایہو جیہی سچیائی جیہڑی بوہتی بوہتے لوک غلط سمجھدے نیں ۔ سگوں شریعت دا ارادہ سانوں ساڈے اپنے پاپاں نوں پچھانن وچ اگوائی کرنا سی ۔ فیر کیوں ، پاپی شریعت دے پچھے چلن دی کوشش کردے نیں ؟ ایس لئی پئی ہر پاپی دی سوچ مکتی تے اپنےپاپاں دی معافی لبھدی اے ۔
پر کوئی وی ساری شریعت اُتے چلن دے لائق نئیں ہیگا اے ۔ کوششاں صرف نقلی سَن ، صرف ڈنگراں والیاں حرکتاں ، پریشانی نال اپنے پاپاں نوں کجن دی کوشش کرنا — ایہہ خُدا دے اگے اک فریبی ایمان اے ۔ ایس لئی پاپیاں نوں ایہہ فریبی ایمان دُور سُٹنا چاہی دا اے ، خُدا دی راستبازی دے ایمان ول پرتنا تے اوہدی محبت دے لیڑے پاؤنے چاہی دے نیں ۔
سانوں ایس محبت دے لیڑے پواؤن لئی ،خُدا نے یسوع نوں دھرتی اُتے گھلیا ، جنہے یوحنا کولوں بپتسمہ لَے کے جگ دے پاپاں نوں اپنے موھڈے اُتے چُک لیا تے سولی اُتے لہو وگاکے اوہناں ساریاں نوں مکا دتا ۔ خُدا نے اوہناں دے ایمان نوں پچھانیا اے جیہڑے اوہدی راستبازی دی محبت اُتے ایمان رکھدے نیں ۔ جدوں اسیں پانی تے رُوح دی خوشخبری اُتے اپنے ایمان دے سبب اپنے سارے پاپاں توں چھٹ جاندے آں ،جیہڑا پئی خُدا دی راستبازی دا پورا ہونا اے ، اسیں اوہدی محبت دے لیڑے پاؤندے آں ۔ ایہہ وعدہ کیتی ہوئی سچیائی اے جیہڑی خُدا نے اپنے ارادے وچ ساڈے لئی مقرر کیتی اے ۔
خُدا اوہناں توں نفرت کرے گا جیہڑے صرف اپنے آپ اُتے بھروسہ کردے نیں۔ ساڈے آلے دوالے ایہو جیہے بوہتے لوک نیں ۔ پر تہانوں لازمی طور اُتے اپنے سارے پاپاں توں یسوع دے بپتسمے تے اوہدےلہو اُتے ایمان رکھن دے راہیں مکتی یافتہ ہونا چاہی دا اے جنہے خُدا دی محبت تے اوہدی راستبازی پوری کیتی اے ۔ فیر تُسیں لازمی طور اُتے خُدا دی محبت دے لیڑے پاووگے ، جیہڑی اوہناں لئی سنبھال کے رکھی گئی اے جنہاں نوں اوہ بلاؤندااے ۔ لوک اکثر خُدا لئی اپنے آپ توں کم کرن دی کوشش کردے نیں اوہدی محبت تے معافی جتن لئی ، پر ایہہ کوششاں خُدا دی راستبازی اُتے کسے ایمان توں اَڈ نکمیاں نیں ۔
خُدا نے صرف اپنی محبت دےلیڑے پواؤن لئی یعقوب نوں بلایا ، عیسو نوں نئیں ۔ خُدا دے اگے ، یعقوب فریبی ، دھوکہ دین والا جھوٹا بندہ سی ، پر ایس لئی پئی اوہنے خُدا دی محبت تے اوہدی راستبازی اُتے ایمان رکھیا ، اوہ ایمان دے وڈیریاں وچوں اک بن گیا ۔ سانوں، وی ، لازمی طور اُتے یسوع دے بپتسمے تے اوہدے صلیبی لہو اُتے ایمان رکھن دے راہیں اپنی مکتی وانگر خُدا دی راستبازی دے پورے ہون مطلب اے خُدا دی محبت پاؤنی چاہی دی اے ۔ ایس لئی پئی عیسو نے اپنے آپ دے شکار نال اپنے باپ توں برکت لین دی کوشش کیتی ، اوہ اوہناں لئی اک نشانی بن گیا جیہڑے خُدا دی برکت پا نئیں سکدے ۔ سانوں ایس معاملے اُتے سنبھل کے سوچدے ہویاں کُجھ ویلا بسر کرن دی لوڑ اے ۔ ایس جگ وچ کیہڑے عیسو وانگر نیں؟ کیہ اسیں اوہدے ورگے نئیں آں؟
یعقوب دے وانگر لوک اوہ نیں جیہڑےخُدا دی راستباز محبت پاؤندے نیں ۔ سانوں پتہ اے پئی اسیں وی ، ماڑے تے بدکار آں ، جویں یعقوب سی ۔ خُدا جیہڑا سانوں بھاویں ساڈے جمن توں پہلوں بُلا چُکیا اے ساڈے کماں دے سبب کھلون لئی نئیں، سگوں اپنے بلاوے دے سبب ، سانوں اپنی محبت تے راستبازی وچ اوہدی محبت پاؤن لئی ایمان رکھن دے واسطے آکھ چُکیا اے ۔ خُدا نے یسوع نوں گھلیا، جنہے ساڈے ساریاں لئی اپنے ارادے وچ خُدا دی راستبازی پوری کیتی ۔
جدوں خُدا نے پہلوں سانوں بلایا ، اوہ پاپیاں نوں بلاؤن لئی آیا ، راستبازاں نوں نئیں۔ اوہ جیہڑے خُدا ولوں نفرت پاؤندے نیں اوہ نیں جیہڑے اپنے آپ نوں اپنے آپ دی راستبازی نال بھرے ہوئے سوچدے نیں تے جیہڑے اوہدی رحم بھری محبت اُتے ایمان نئیں رکھدے ۔ اوہ جیہڑے ایہو جیہا بھٹکیا ایمان رکھدے نیں ، اوہدے کولوں خُدا نفرت کردا اے تےاوہ اوہدے لوک بنن لئی اوہدی محبت دے لیڑے نئیں پا سکدے ۔ خُدااپنے دل وچ ساڈے لئی ایہہ سچیائی پہلوں توں مقرر کر چُکیااے ۔ ایس لئی ، پولُس لازمی طور اُتے دسدا اے ، ” ایس لئی اسیں کیہ آکھیے ؟ کیہ خُدا وچ بے انصافی اے ؟ بالکل نئیں ! “(رومیوں ۹ : ۱۴)۔
اوہ جیہڑے خُدا کولوں محبت لیندے نیں ، اوہ نیں جیہڑے یعقوب وانگر نیں
جدوں خُدا تہانوں ویکھدا اے ، کیہ تُسیں سچ مُچ ایس طرحاں دے بندے او جنہاں اُتے اوہ فضل کرے گا ؟ خُدا نوں کیہڑے سبب دی لوڑ اے جدوں اوہناں اُتے ترس کھاندا اے جنہاں اُتے ترس کھانا واجب اے تے نفرت کردا اے جنہاں نال نفرت کرنا واجب اے ؟ اسیں کویں خُدا نوں آکھ سکدے آں پئی اوہنے ساڈے نال غلط کیتا اے ؟
ایس دھرتی اُتے بے گنت لوک ہیگے نیں ۔ جد پئی اوہناں وچوں کئیاں نال خُدا محبت کردا اے ،
دوجیاں نال نئیں ۔ کیہ ایہدا مطلب اے پئی خُدا نے اوہناں نال غلط کیتااے ؟
خُدا سچا خُدا وی اے جیہڑا اوہناں دے پاپاں دی سز ا دیندااے جیہڑے اوہدی راستبازی دے خلاف ہو گئے نیں ۔ سانوں ایس راستبازی اُتے اپنے ایمان نال اوہدی راستبازی وچ وکھائے گئے خُدا دے ارادے نوں سمجھن دے راہیں ایس معاملے دی ہر غلط سُدھ بُدھ توں بچنا چاہی دا اے ۔ بوہتے راہوں بھٹکے مسیحی ہیگے نیں جنہاں دے دل فرعون وانگر سخت نیں ۔ اوہ ایہو جیہے لوک نیں جنہاں توں خُدا نفرت کردا اے ، جویں ایس باب دی آیت ۱۷ وضاحت کردی اے: ”ایس لئی پئی پاک کتاب وچ فرعون نوں آکھیا گیا پئی میَں ایسے لئی تینوں کھلاریا اے پئی تیرے سبب اپنی طاقت وکھاواں تے میرا نام ساری دھرتی اُتے مشہور ہووے “
اسیں سارے خُدا دے اگے تھوڑے آں۔ فیر، سانوں فرعون وانگر نئیں بننا چاہی دا ۔ کیہ خُدا نوں ساڈے توں نفرت کرنی چاہی دی اے ، جیہڑے اپنی مکتی لئی یسوع دے بپتسمے تے اوہدے صلیبی لہو اُتے ایمان نہ رکھن دے سبب اینے اڑیل آں جناں پئی فرعون سی ؟ آہو ۔ فرعون ورگے لوک خُدا دے خلاف ہوجاندے نیں ۔ ایہو جیہے لوک شیخی ماردے تے اپنے آپ دی راستبازی اُتے بھروسہ کردے نیں ، پر اوہناں دی اپنے آپ دی راستبازی اوہناں نوں اوہناں دے اپنے پاپاں توں نئیں چھڈا سکدی ۔
فرعون نے کیہد ے اُتے بھروسہ کیتا ؟ اوہنے دریائے نیل اُتے بھروسہ تے یقین رکھیا ۔ اوہنے سوچیا پئی جنا اوہ پانی دا اکٹھ چوکھا رکھدا سی ، ہر شے بالکل ٹھیک رہوے گی ۔ ایس سبب توں خُدا فرعون ورگےلوکاں توں نفرت کردا اے ۔ کوئی وی جنہاں دا دل فرعون ورگا سخت اے ، خُدا کولوں نفرت تے لعنت پاؤن گے ۔ تہانوں لازمی طور اوہدے ورگے نئیں ہونا چاہی دا ۔ تُسیں ایہدی تھاں اُتے ترس والی محبت جیہڑی خُدا نے تہانوں بالکل مفت دتی اے پاؤن دے راہیں ، اوہدے پُتر بن سکدے او ۔
کیہ تُسیں خوشی نال خُدا دےسچے ارادے توں راضی جے ؟
کیہ تہاڈادل اوہدے ارادے وچ تہاڈے لئی پہلوں توں مقرر کیتی گئی خُدا دی سچی محبت پاؤن لئی تیار اے؟ کئی لوک موجود نیں جیہڑے بھاویں یسوع اُتے ایمان رکھدے نیں ، فیر وی عذاب وچ تڑفدے نیں ایس لئی پئی اوہناں نے خُدا دے ارادے نوں غلط سمجھیا اے ۔ ایہو جیہے لوک حیران ہوندے نیں ، ”میَں یسوع اُتے ایمان رکھدا ہاں ، پر کیہ خُدا نے سچ مُچ مینوں چُنیااے ؟ جے اوہنے مینوں نئیں چُنیا ، میری ایمان دی سیوا دا کیہ فائدہ اے ؟ فیر مینوں کیہ کرنا چاہی دا اے ؟ میَں صرف یسوع اُتے ایمان رکھنا نئیں چھڈ سکدا ؛ میَں کیہ کرسکدا ہاں ؟ میَں سچ مُچ یسوع اُتے ایمان رکھدا ہاں ، پر کیہ ہوے گا جے میَں اوہدے چُنے ہویاں وچوں نئیں آں؟ “
فیر اوہ ایہہ سوچدے ہویاں اپنے آپ نوں تسلی دین دی کوشش کر سکدے نیں ، ”ایس لئی میَں یسوع اُتے ایمان رکھدا تے گرجے دیاں عبادتاں وچ جاندا ہاں ، خُدا نےمینوں لازمی چُنیا اے ۔ لازمی ایہو ای صورت ِ حال اے !اسمان وچ لازمی میرے لئی تھاں ہیگی اے !“ پر جدوں اوہ پا پ وچ ڈگدے نیں ، اوہ فیر حیران ہوندے نیں، ”خُدا نوں لازمی طوراُتے مینوں نئیں چُننا چاہی دا ! ایہہ خورے میرے لئی یسوع اُتے ایمان نوں چھڈن دا ویلا اے !“دوجے اکھراں وچ ، اوہ اپنے آپ سوچدے نیں ، اپنے آپ فیصلہ کردے نیں ، تے ہر شے نوں اپنے آپ مکا دیندے نیں ۔ اوہناں لوکاں نوں خاص کر کے خُدا دے ارادے دے بارے وچ اپنی سُدھ بُدھ اُتے فیر سوچن تے اپنے مکتی داتا وانگر یسوع اُتے ایمان رکھن لئی ٹھیک دانائی پاؤن دی لوڑ اے ۔
اوہ جیہڑے خُدا دے ذاتی کلام توں بوہتا خُدائی تعلیماں دے ماہردیاں تعلیماں اُتے ایمان رکھدے نیں ، دوجے پاسے خورے آکھ سکدے نیں ، ” کیہ خُدا نے نئیں آکھیا پئی وڈا نکے دی سیوا کرے گا تے پئی اوہنے یعقوب نال محبت کیتی جد پئی عیسو توں نفرت کیتی ، ایتھوں تیک پئی اوہناں دے جمن توں پہلوں ؟ایس لئی پئی اسیں ہُن یسوع اُتے ایمان رکھدے آں، لازمی طوراُتےسانوں ساڈے اپنے جمن توں ایتھوں تیک پئی پہلوں توں مکتی یافتہ ہون لئی مقرر ہوجانا چاہی دا اے ۔ “پر پولُس سانوں دسدا اے پئی خُدا ولوں تیار کیتا گیا پہلوں توں مقرر کرنا ایہہ ہیگا اے ” خُدا دا ارادہ جیہڑا چُنے جان تے موقوف اے چنگے کماں اُتے نہ بنے سگوں بلاؤن والے اُتے ۔ “
شریعت دے پچھے چلنا کسے نوں خُدا دا پُتر نئیں بناؤندا۔صرف خُدا دی راستبازی اُتے تے اوہدے فضل اُتے ایمان رکھن دے راہیں تے یسوع دے بپتسمے تے اوہدے صلیبی لہو دے راہیں وکھائی گئی محبت نال اسیں اوہدے پُتر بن سکدے آں ۔
خُدائی تعلیماں دے ماہراں دے راہیں تیار کیتیاں گئیاں خُدائی تعلیماں دے سبب ، بوہتے لوک
اپنی مکتی وانگر خُدا دے راستبازی دے ظاہر ہون مطلب اے یسوع دے بپتسمے تے اوہدے لہو اُتے ایمان رکھن دے لائق نئیں ہیگے ۔ اوہ جیہڑے محبت دی خوشخبری نوں اوہدی راستبازی ظاہرکردے ہویاں سُن چُکے نیں ، حالے تیک ایہدے اُتے ایمان نئیں رکھدے ، اوہ صرف فرعون ورگے نیں ۔ خُدا اوہناں توں نفرت کردا اےجیہڑے ،یسوع مسیح وچ وکھائی گئی خُدا دی راستبازی اُتے ایمان رکھن توں اَڈ ، اپنے دلی چسکیاں مطابق یسوع اُتے ایمان رکھن دے راہیں خُدا دے پُتر بنن دی کوشش کردے نیں ۔
جے تُسیں یسوع مسیح دے راہیں وکھائی گئی خُدا دی سچی محبت اُتے ایمان نئیں رکھیا تاں ، تہاڈے لئی اِنج کرن دا ہُن ویلااے ۔ فیر ، تُسیں خُدا دی محبت دے لیڑے پاووگے ۔ اسیں سارے نسلی طور اُتے عیسو وانگر ساں ، پر اسیں خُدا دی راستبازی دی محبت اُتے ایمان رکھن دے راہیں اپنے پاپاں توں اکو ای وار مکتی یافتہ ہو گئے ۔ اسیں اوہدی راستبازی اُتے ایمان رکھن دے راہیں خُدا دی برکت بھری محبت پا چُکے آں ۔
خُدادونواں اسرائیلیاں تے اوپریاں قوماں لئی اوہناں نوں اجازت دین دی برکت دے چُکیا جیہڑے اوہدے پُتر بنن لئی اوہدی سچی محبت اُتے ایمان رکھدے نیں ۔ بالکل جویں خُدا نے آکھیا ، ” جیہڑی میری اُمت نئیں سی اوہنوں اپنی اُمت آکھاں گا تے جیہڑی سوہنی نئیں سی اوہنوں سوہنی آکھاں گا ۔ “ اوہ سانوں تے ساڈے وچوں اوہناں نوں جیہڑے اوہدے اُتے مطلب اے اوہدی سچی محبت اُتے ایمان رکھدے نیں یسوع دے بپتسمے تے اوہدے لہودی خوشخبری دے چُکیا اے ۔
ہیٹھاں لکھیا ہویا حوالہ ، ”تے اِنج ہووے گا پئی جیہڑی تھاں اُتے اوہنا ں نوں ایہہ آکھیا گیا سی پئی تُسیں میری اُمت نئیں جے اوسے تھاں اُتے اوہ جیوندے خُدا دے پُتر اکھواؤن گے ۔“ خُدا دی محبت دا کلام اے جیہڑا اج ساڈے لئی پورا ہو گیا اے ۔ ایس طرحاں اسیں سوچ سکدے آں پئی کیوں جے اسیں خُدا دے اگے اینے گئے گواتے ہوگئے ، خُدا نے سانوں ساڈے کول بدن وچ آؤن تے ساڈے لئی اپنی راستبازی دی محبت دین دے راہیں بچایا ۔
مطلب اے تُسیں تے میَں خُدا دے اگے اپنے سارے پاپاں توں مکتی یافتہ ہیگے آں ، چھڈاؤن والی محبت ہیگی اے جیہدا ارادہ خُدا دی راستبازی وچ بنایا گیا اے ۔ خُدا دی راستبازی دی محبت اُتے ایمان رکھن دے راہیں اپنے سارے پاپاں توں چھُٹ جانا ، اپنے دلاں نوں سخت کرن توں اَڈ ، صرف سچیائی اُتے ایمان دے راہیں سوکھا ہو سکدا اے ۔ ایمان دے ایس طریقے توں ہٹ کے ، پاپاں توں معافی پاؤن دا کوئی دوجا طریقہ نئیں ہیگا اے ۔ اسیں سارے سخت دلاں نال جم دے آں ، پر خُدا دا کلام ساڈے دلاں تے ساڈی سختی نوں جِت سکدا اے ۔ فیر ساڈے دل خُدا دی سلامتی دی بادشاہی ہیٹھاں ہون گے ۔جے تُسیں خُدا اُتے ایمان رکھدے او ، خُدا دی راستبازی تہاڈی ہووے گی ۔
جے سچیائی دی خوشخبری جیہڑی خُدا دی راستبازی وچ ہیگی اے جیہدی اسیں منادی کردے پئے آں کوئی نئیں ہیگی ۔ ایس جگ وچ ہر کوئی اپنے آپ دی بربادی ویکھے گا ۔ اوہناں توں ہٹ کے جیہڑے پانی تے رُوح دی خوشخبری کردے پئے نیں ، سارے لوک بے آس ہو جان گے ۔ جے ایہہ اوہناں دے بارے نئیں سی جنہاں نیں خُدا دی سچی محبت دےلیڑے پائے نیں ،زمانہ پہلوں ای ، ہر کسے دے اپنے پاپاں لئی سزا پاؤن دے بعدوں اپنےٹھکانے تیک اپڑ جاوے گا ۔ پر خُدا ساڈے وچوں اوہناں نوں ایس دھرتی اُتے چھڈ چُکیا اے جیہڑے اوہدی راستبازی دی محبت اُتے ایمان رکھدے نیں ۔ اسیں صرف خُدا دے شکر گزار ہو سکدے آں پئی اوہ ساڈے راہیں ، ساڈی بوہت ساریاں کمیاں تے خامیاں دے ہوندیاں ہویاں کم کردا اے ۔
ایمان جیہڑا خُدا دی راستبازی دے لیڑے پواؤندااے ایہو جیہی راستبای اے جیہڑی یسوع دے بپتسمے تے اوہدی صلیبی لہو توں مل گئی اے ۔ خُدا دی راستبازی اُتے ایمان انج دے دل وچ ملدااے جیہڑایسوع دے بپتسمے تے اوہدے لہو اُتے ایمان رکھدا اے ۔ ایہہ اوہدی راستبازی اُتے ساڈے ایمان دے راہیں اے پئی اسیں اپنے پاپاں توں چھُٹ دے آں ۔ ایہہ سچیائی دا ارادہ ، پہلوں توں مقررکرنا تے چُنیا جانا اے جیہڑا خُدا نے ساڈے لئی مقرر کیتا اے ۔
خُدا نے آکھیا اے پئی جیہڑا کوئی اوہدے کلام اُتے ایمان رکھدا اے ، جیہڑا یسوع مسیح وچ اوہدی راستبازی پوری کردا اے ، اپنے پاپاں توں مکتی یافتہ ہووے گا ۔ کوئی بندہ برباد ہوندااے ایس لئی نئیں پئی خُدا دی راستبازی نےسارے پاپاں نوں نئیں مکا یا اے ، سگوں ایس لئی پئی اوہدا دل سخت ہیگا اے ، مطلب اے اوہنے اوہدے اُتے ایمان نہ رکھیا ۔
سانوں لازمی طور اُتے اپنے دلاں نوں خُدا دے کلام دے اگے حلیم بناؤنا چاہی دا اے تے پانی تے رُوح دی خوشخبری اُتے ایمان رکھنا چاہی دا اے ۔ساڈے دلاں نوں لازمی طور اُتے اوہدے اگے جھکنا چاہی دا اے ۔ اسیں خُدا دی راستبازی دی محبت اُتے ایمان رکھن دے راہیں برکت یافتہ ہوئے ساں ۔ اوہنے سانوں ساڈے سارے پاپاں توں بچایا ایس لئی پئی اوہ ساڈے لئی بوہت سارا فضل رکھدا سی ۔اسیں اوہدا شکر کردے آں ۔ اسیں جیہڑے خُدا دی راستبازی اُتے ایمان رکھدے آں بالکل شرمندیاں ہون
لئی نئیں رکھدے ۔ دوجے پاسے اسیں اوہدی راستبازی اُتے فخر کرن داہر سبب رکھدے آں ۔
مطلب اے خُدا سانوں سارے دا سارا ساڈے پاپاں توں بچا چُکیا اے ایس لئی پئی اسیں اوہدے اگے گئے گواتے ہوگئے آں — ایس مکتی لئی خُداوند دی وڈیائی کرئیے! خُدا کولوں محبت لین لئی ، سانوں لازمی طور اُتے اوہدی راستبازی اُتے ایمان رکھن دے لائق ہونا چاہی دا اے ۔
کیہ تُسیں خُدا دی ایہہ راستبازی جان دے او؟ جے اِنج ہیگا اے ، فیر ایہدے اُتے ایمان رکھو ۔ فیر خُدا دی سچی محبت تہاڈے دل وچ آوے گی ۔ خُدا کرے خُدا دی راستبازی دی محبت اُتے تہاڈا ایمان جیہڑی اوہنے تہاڈے لئی تیا رکیتی اے غلط سوچ توں چھُٹ جاوے ۔
خُدا کرے مکتی دی محبت جیہڑی خُدا نے تہاڈے لئی تیار کیتی اے تہاڈے دل وچ آجاوے ۔ ہیلیلویاہ !میَں ثالُوث خُدا دا شکر کردا ہاں جیہڑا اپنی راستبازی نال سانوں اپنے پُتر بنا چُکیا اے ۔
Copyright © 2021 by The New Life Mission