Search
Italiano
Italiano
A causa del COVID-19 e dell'interruzione del servizio di postainternazionale,
bbiamo temporaneamente sospeso il nostro "Servizio di libri a stampagratuita".
Alla luce di questa situazione, al momento non siamo in grado di inviarti i libri.
Prega che questa pandemia finisca presto e la ripresa del servizio postale.

Sermoni

مضمون 9: رومیوں (رومیوں دی کتاب اُتے تفسیر)

[13 باب] خُدا دی راستبازی لئی جیوندے رہوو

رومیوں ۱۳ : ۱دسدا اے ، ”ہر بندہ وڈیاں بادشاہیاں دا آکھا منے  ایس لئی پئی کوئی بادشاہی ایہو جیہی نئیں جیہڑی خُدا ولوں نہ ہووے تے جیہڑیاں بادشاہیاں موجود ہیگیاں نیں اوہ خُداولوں تیار کیتیاں گئیاں نیں ۔“
سانوں لازمی طور اُتے معاشرے دیاں اصطلاحاں دیاں حدا ں وچ رہنا چاہی دا اے ۔ خُدا نے سانوں اوہناں توں ڈرن تے اوہناں دی عزت کرن دا حکم دتا جیہڑے دونویں ساڈی رُوحانی تے بدنی حیاتیاں اُتے اختیاررکھدے نیں ۔ خُدا حکومت دے سرکاری افسر نوں کسے سبب توں بادشاہی دیندا اے ، تے ایس لئی سانوں لازمی طور اُتے اوہناں نوں رد نئیں کرنا چاہی دا ۔ سانوں پولُس دا آکھالازمی طور اُتے یاد رکھنا چاہی دا اے ، ”آپسی محبت توں اڈ کسے شے وچ کسے دے قرض دار نہ ہووو۔ “(رومیوں ۱۳ : ۸)۔
ایہہ ہے کیوں اسیں مفت کتاباں چھاپ دے پئے آں تے ایس سوہنی خوشخبری نوں سارے جگ دے لوکاں تیک پوہنچاؤندے پئے آں ۔
خُداوند نے آکھیا، ”ایس لئی محبت شریعت داپورا ہونا اے ۔ “ لوک پھیڑی سوچ وچ پھسے ہوئے نیں پئی اوہ دلوں کھرے ہو کے اپنی دینی حیاتیاں وچ شریعت پوری کردے پئے نیں ۔
خُدا نے سانوں پانی تے رُوح دی خوشخبری دتی جیہڑی سانوں پاپ توں بچاؤن لئی  اوہدی راستبازی وکھاؤندی اے ۔ سانوں  خُدا دی راستبازی اُتے ایمان رکھن دی لوڑ اے ، جیہڑی پانی تے رُوح دی خوشخبری وچ نظر آؤندی اے ۔
ایس سوہنی خوشخبری نوں ودھاؤنا جیہڑی ساڈے خُداوند نے سانوں دتی اے ،سچ مُچ دوجیاں نوں حیاتی دیندی اے ، ایس لئی پئی ایہہ لوکاں نوں اوہناں دے سارے پاپاں توں بچاؤندی اے ۔ سانوں لازمی طور اُتے یسوع مسیح دی محبت دے راہیں پائے گئے محبت دے قرض توں ہٹ کے کوئی قرض نئیں لینا چاہی دا ۔
 
 

ایہہ ساڈے جاگن دا ویلا اے

 
آیت ۱۱ آکھدی اے،”تے ویلے نوں پچھان کے اِنج ای کرو ۔ ایس لئی پئی ہُن اوہ ویلا آن پوہنچیا اے پئی تُسیں نیندروں جاگو ایس لئی پئی جیہڑے ویلے اسیں ایمان لیائے ساں اوس ویلے دی نسبت  ہُن ساڈی مکتی نیڑے ہیگی اے ۔ “اسیں ہزار ورہیاں لئی مسیح دے نال بادشاہی کراں گے جدوں ساڈے ماڑے جثے بدل جان گے — ایس لئی اوس ویلے ساڈے بدن وی چھڈائے جان گے ۔
اسیں اپنی پیڑھی تے نوح دی پیڑھی نوں اکو جیہاں سمجھ سکدے آں ۔ بندے نال بندےدی،تے زنانی دی زنانی نال  بدفعلی  دی اک نویں لہر نے لوکاں وچ تھرتھلی پا دتی اے ۔ ایہہ جگ بوہت بدکار ہیگا اے جدوں اک بندہ کسے نوں گھسیٹ دا تے دوجے بندے نوں صرف  لمے چر تیک سِکے نال چلن والا فون ورتن دے سبب قتل کر دیندا اے؟ ایس نسل وچ بوہتے ایہو جیہے ظالم تے بدکار کم ہوندے پئے نیں ۔
سانوں لازمی احساس کرنا چاہیداپئی ایہہ ہُن ساڈے جاگن دا ویلا اے۔ ساڈے خُداوند دی دوجی آمد بوہت نیڑے اے۔ سانوں دل لانا چاہیدا تے پہچانن دے لائق ہونا چاہیداپئی ایہہ دَور کنج دااے تے احساس کرنا اے پئی خُداوند دی دوجی آمد بوہت نیڑے اے۔ پر اوسے ویلے، چیتے رکھو پئی بوہت سارے لوک موجود ہیگے نیں جیہڑےسچی ایس دَور بارے کُجھ نئیں جان دے۔
”جویں نوح دے دیہاڑیاں وچ ہویا اُنج ای آدم دے پُتر دے آؤن ویلے ہووے گا ۔“(متی ۲۴ : ۳۷)۔ ایتھوں تیک پئی نوح دے دناں وچ ، لوکا ں نیں گھر بنائے ، ویاہ کیتے ، ہر طرحاں دے پاپ کیتے ،تے اپنے ہر دیہاڑے دے کم کار وچ لگے رہیے جدوں اچانک اوہناں اُتے اک دیہاڑے خُدا دا غصہ نازل ہوگیا ۔ کسے نے نئیں سگوں نوح نے ڈاہڈی بارش تے سیلاب دی آس رکھی جنہے سب کجھ مکا دتا پر کجھ لوک بچے جنہاں نیں اوہدی کشتی وچ پناہ لئی ۔ اوہ جیہڑے برباد ہوئے اوہناں نیں خُدا دی برباد کرن والی سزا جری جدوں اوہ کسے دے روکن توں اڈ آزادی نال کھاندے پیندے پئے سن ۔
ایہہ جگ نہ صرف جنگ دے خطریاں لئی ظاہر ہوندی اے ، سگوں چوکھیاں قدرتی بربادیاں لئی وی جیہڑیاں پانی تے ہَوا دے بدلن نال سارے جگ وچ ہوندیاں پئیاں نیں ۔ ایتھوں تیک پئی اسیں جو کجھ کھاندے آں ایہدے وچ وی اک بوہت وڈا خطرہ ایہدے نال چمبڑیا اے ،تے اسیں ایہناں دے بارے فکر کیتیوں اڈ ہور آپ اپنے کھان دا وی سواد نئیں لَے سکدے آں ۔ ایس لئی سانوں لازمی طور اُتے ایہناں دیہاڑیاں وچ سیانے ہوکے رہنا چاہی دا اے ، تے یاد رکھو پئی ساڈے بدناں دی مکتی جدوں اسیں پہلوں ایمان رکھنا شروع کیتا سی ، اوس توں بوہت نیڑے ہیگی اے ۔
 
 

کیہ تُسیں اپنے آپ نوں مسیح دی مکتی دے لیڑے پوائے نیں ؟

 
تُسیں خورے سوچ سکدے او پئی ایس جگ دی بربادی دا ایمان دی بادشاہی نا ل  کوئی کم کار نئیں ، تے ایہنوں جگ دی سیاست تے رہن سہن نال سارا کم کار رکھنا اے ۔ پر جگ دیاں بربادیاں جگ دی بربادی نوں نشانیاں دے راہیں خبردار کردی پئی اے ۔ ایہہ جگ چھیتی نال بوہت چوکھے رہن سہن تے ماحولیاتی دکھڑے جرے گا ۔ پاک کتاب سانوں دسدی اے پئی جویں جویں خُداوند دی دوجی آمد نیڑے ہوندی جاندی اے ، سانوں لازمی طور اُتے ”آپسی محبت توں اڈ کسے شے وچ کسے دے قرض دار نہ ہووو۔ “— مدد کرنا ، راکھی کرنا ، اگوائی کرنا تے محبت وچ اک دوجے دا خیال کرنا  اے ۔ تے سانوں لازمی طور اُتے ایہہ احساس کرنا چاہی دا اے پئی ساڈیاں آساں اوہدے توں بوہتیاں نیڑے نیں جدوں اسیں پہلوں ایمان رکھنا شروع کیتاسی ۔
اسیں ایہو جیہاں دیہاڑیاں وچ رہندے پئے آں جیہدے وچ سانوں ، یسوع مسیح دے پرت آؤن دی اُڈیک رکھدے ہویاں آس نال جیوندے رہن دی لوڑ اے ۔
ساڈی آس کتھے ہیگی اے ؟ ساڈی آس مسیح دے پر ت آؤن دی اُڈیک وچ ہیگی اے جیہڑاسانوں جیوندا کرے گا تے سانوں ہزارورہیاں دی بادشاہی وچ اوہدے نال بادشاہی کرن دا انعام دیوےگا ، جیہڑا وڈیاں دکھاں دے ۷ ورہیاں دے دیہاڑیاں توں ودھیرا اے ۔ جویں ای ویلانیڑے ہوندا جاندا اے ، سانوں لازمی طور اُتے مسیح دی راستبازی رکھدے ہویاں ، آس رکھدے ہویاں جیونا چاہی دا اے ۔ سانوں لازمی طور اُتے پانی تے رُوح دی خوشخبری اُتے پکیاں ہو کے کھلونا چاہی دااے تے اپنے سچے دل نال اوہدی سیوا کرنی چاہی دی اے ۔ سانوں لازمی طور اُتے سارے جگ وچ ہر کسے نال خوشخبری ونڈن لئی اپنی  سیوا
نوں ودھاؤنا چاہی دا اے ۔
 
 
سانوں لازمی طور اُتےآپسی محبت توں اڈ  کسے شے دے قرض دار نہیں ہونا چاہی دا
 
مینوں پتہ ہیگا اے پئی قدرتی بربادیاں نال، مثال طور اُتے بھوچالاں تے اگ وگاؤن والیاں جھیلاں نال بوہتے دکھ ہون گے ۔بوہتیاں فلماں اج کل جگ دے بربادی دے سرنانویں اُتے بنائیاں جاندیاں نیں ۔میَں سوچدا ہاں پئی جگ سوکھے طریقے نال ہٹ جاوے گا جویں ہالی وڈ دیاں  لکھاریاں نیں سوچیا اے ، تے ایہہ ثبوت ہیگا اے پئی لوک بے سمجھی وچ جگ دی چھیتی بربادی بارے سوچدے نیں ۔
ایس لئی ، سانوں بدنی کماں نال اپنے آپ دا رشتہ نئیں رکھنا چاہی دا ، سگوں رُوح دے کماں نال اپنا رشتہ رکھنا چاہی دا اے ۔
سانوں لازمی طور اُتے ایمان رکھنا چاہی دا اے پئی پانی تے رُوح دی خوشخبری ودھاؤن والی حیاتی بوہت سوہنی حیاتی اے  ۔ سارے جگ وچوں لوک ساڈی سیوا بارے حیران ہوندے نیں ۔بے  گنت لوکاں نیں سانوں دسیا اے اوہ کویں ساڈی سیوا دے سبب چیلنج کیتے گئے نیں۔ اوہ بے یقین نیں پئی کویں اسیں کوریا توں ، اک نکا جیہا ملک ، خُدا دے خادماں دا اک جھُنڈ ،خُدا دی راستبازی نوں اینا چوکھا ودھا سکدا آں ۔ آہو ، اسیں بنا شک نکے تے ماڑے آں پر اسیں فیر وی سارے جگ وچ  خوشخبری ودھاؤندے آں ایس لئی پئی اسیں پانی تے رُوح دی خوشخبری اُتے مطلب اے خُدا دی راستبازی اُتے ایمان رکھدے آں ۔
رومیوں باب ۱۴: ۸ آکھدا اے، ”جے اسیں جیوندے آں تاں خُداوند لئی جیوندے آں تے جے مردے آں تاں خُداوند لئی مردے آں ۔ بھاویں اسیں جیوندے رہیے یاں مرجائیے خُداونددے ای آں ۔“ پولُس نے پچھلی آیت وچ ایہہ وی آکھیا ، ”ایس لئی پئی ساڈے وچوں نہ کوئی اپنے لئی جیوندا اے نہ کوئی اپنے لئی مردا اے ۔ “اسیں صرف اپنے خُداوند دے سبب ہیگے آں ۔
ایس لئی پئی اسیں ایس جگ وچ اپنے خُداوند دے سبب جمے  ساں  تے  اوہدی  راستبازی  دے
راہیں راستباز بن گئے آں ، اسیں مسیح نال رشتہ رکھدے آں بھاویں اسیں مردے یاں جیوندے آں ۔ اسیں مسیح وانگر جگ وچ ، خُدا دی راستبازی لئی اپنی حیاتیاں بسرکرن لئی جیوواں گے تے ایہنوں چھڈ دیواں گے ۔ خُدا ساڈے توں خوش ہوندا اے تے سانوں سارے جگ وچ سوہنی خبر ودھاؤن لئی اپنے ہتھیاراں وانگر ورتن لئی چُن چُکیا اے ۔ اوہنے ایس طرحاں ساڈے لئی  منادی دا وڈا بوہا کھولیا اے ۔ اوہ سانوں  اصل وچ ہر قوم دے کول ٹُر کے جان توں اڈ ، کتاباں دے راہیں خوشخبری ودھاؤن دی  اجازت دے چُکیااے ۔
خُدا دی راستبازی نال بھریاں ہویاں کتاباں دی لڑی دا ترجمہ کیتا گیا اے تے انگریزی بولن والے لوک ، ہسپانوی بولن والے ملک ، ایس طرحاں ایشیا ، افریقہ تے یورپ دے ہر ملک وچ گھلیاں گئیاں نیں ۔ میَں بھروسہ کردا ہاں پئی کتاباں دی ایہہ نویں لڑی جیہدا نام ساڈاخُداوندجیہڑا خُدا دی راستبازی بن گیا  جگ وچ ہر کسے نوں وڈیاں رُوحانی برکتاں دیوے گی ۔ ایہہ حیرانی بھریاہیگا اے پئی کویں خُدا اپنی راستبازی اُتے ایمان رکھن والیاں دےراہیں اپنی مرضی نوں پوراکرن لئی کم کردااے ۔
جگ اخیریں ایس سوہنی  خوشخبری نال کجیاجاوے گا، تے اک واری جیہڑے ویلے ای خوشخبری جیہڑی خُدا دی راستبازی وچ ہیگی اے سارے جگ وچ ودھائی جاندی اے ، خُدا ہر کسے منصوبے دی راکھی کرے گا جیہڑا اوہ ساڈے لئی ذخیرے خانہ وچ رکھدا اے ۔
ایہہ دَور ہَوا دے طوفاناں دے سرے اُتے اے ۔ تیل دے گھاٹے تے سارے جگ دے رہن سہن دے  معاشی عذاب اک واری فیر جگ نوں اُلٹ سکدے نیں ۔ سانوں  لازمی طور اُتے بوہتے وفادار ہونا چاہی دا اے پئی اسیں کیہ کرن دے ذمہ دار ہیگے آں۔ سانوں لازمی طور اُتے  پانی تے رُوح دی خوشخبری ودھاؤنی چاہی دی اے جدوں تیک ایس جگ دا اخیرنئیں ہو جاندا ۔ آؤ اسیں بوہت جوش نال پانی تے رُوح دی خوشخبری ودھائیے تاں پئی  کوئی ایس جگ وچ ایس خوشخبری نوں سُنن توں وکھ نہ رہوے ۔ سانوں لازمی طور اُتے تعاون کرناچاہی دا اے تے ایس ارادے لئی کم کرنا چاہی دا اے ۔ سانوں لازمی طور اُتے جدعون دے ۳سو جنگی لڑاکیاں وانگر کم کرنا چاہی دا اے ۔ بھاویں اسیں بوہت تھوڑے آں ، اسیں اسمان دے بہادر سپاہی ہیگے آں تے خُدا ساڈے نال اے ۔
جیہڑا وی پاپاں دی معافی پاؤندا اے تے خُدا داشکرگزار اے خُدا دی راستبازی ودھاؤن دے لائق ہوسکدا اے ۔ اسیں ایمان رکھن دے راہیں فتح مند ہوواں گے ایس لئی پئی اسیں خُدا دی راستبازی رکھدے آں ۔ اوہ جیہڑے خُدا دی راستبازی اُتے ایمان رکھدے نیں سدا رُوحانی کماں پچھے چلدے نیں تے اپنے ارادے رُوحانی کماں لئی تیار رکھدے نیں ۔
میَں دعا منگدا ہاں پئی خُدا دی راستبازی تہاڈے اُتے ہووے ۔