A causa del COVID-19 e dell'interruzione del servizio di postainternazionale,
bbiamo temporaneamente sospeso il nostro "Servizio di libri a stampagratuita".
bbiamo temporaneamente sospeso il nostro "Servizio di libri a stampagratuita".
Alla luce di questa situazione, al momento non siamo in grado di inviarti i libri.
Prega che questa pandemia finisca presto e la ripresa del servizio postale.
Prega che questa pandemia finisca presto e la ripresa del servizio postale.
مضمون 10: مُکاشفہ(مُکاشفہ دی کتاب اُتے تفسیر)
[16-1باب] ست پیالیاں دیاں آفتاں دا آغاز (مُکاشفہ۱۶: ۱ ۔۲۱)
(مُکاشفہ۱۶: ۱ ۔۲۱)
” فیر مَیں خُدا دی ہیکل وِچوں کِسے نُوں اُچّی اُچّی اوہناں ستّاں فرِشتیاں نُوں ایہہ آکھدیاں سُنیا پئی جاؤ خُدا دے قَہر دے سَتّے پیالے زمین اُتّے لُدّو۔سو پہلے نے جا کے اپنا پیالہ زمین اُتّے لُد دِتّا۔ تے جِنہاں بندیاں اُتّے اوس پشُو دا ٹھپّہ سی۔ تے جیہڑے اوہدے بُت دی پُوجا کر دے سن اوہناں نُوں اِک بُرا تے تکلیف دین والا چمرس پَیدا ہوگیا۔تے دُوجے نیں اپنا پیالہ سمُندر وِچ لُدیا۔ تے اوہ مُردے دے لہو وانگر بن گیا۔ تے سمُندر دے سارے جاندار مر گئے۔تے ترِیجے اپنا پیالہ دریاواں تے پانیاں دیاں چشمیاں اُتّے لُدیا تے اوہ لہو بن گئے۔تے مَیں پانی دے فرِشتے نُوں ایہہ آکھدیاں سُنیا پئی اے قُدُّوس جیہڑا ہیں تے جیہڑا ہے سی۔ توں عادل ایں پئی تُوں ایہہ انصاف کِیتا۔کیوں جو ایہناں پاک لوکاں تے نبیاں دا لہو ڈوہلیا سی تے تُوں اوہناں نُوں لہو پیایا تے اوہ ایسے جوگے نیں۔فیر مَیں قُربان گاہ وِچوں ایہہ اواز سُنی پئی اَے خُداوند خُدا قادرِ مُطلق بے شک تیرے فیصلے ٹھیک تے سَچے نیں۔تے چوتھے اپنا پیالہ سُورج اُتّے لُدیا تے اوہنوں بندیاں نُوں سیک نال ساڑ دین دا اختیار دِتّا گیا۔تے بندے ڈاڈھے سیک نال سڑ گئے۔ تے اوہناں خُدا دے ناں دی بابت کُفر بکیا جیہڑا ایہناں آفتاں اُتّے اختیار رکھدا اے۔ تے تَوبہ نا کِیتی پئی اوہدی وڈیائی کر دے۔تے پن جیویں اپنا پیالہ اوس پشُو دے تخت اُتّے لُدیا۔ تے اوہدی بادشاہی وِچ ہنیرا پَے گیا۔ تے پِیڑ دے مارِیاں لوک اپنیاں جِیبھاں وَڈّھن لگّے۔تے اپنے دُکھاں تے چمرساں دے سببّوں اسمان دے خُدا دی بابت کُفر بکیا تے اپنیاں کمّاں توں تَوبہ نا کِیتی۔تے چھیویں اپنا پیالہ وڈّے دریا فرات اُتّے لُدیا تے۔ اوہدا پانی سُک گیا پئی چڑھدے ولّوں آؤن والیاں بادشاہاں دے لئی راہ تیار ہو جاوے۔فیر مَیں اوس ناگ دے مُنھ وِچوں تے اوس پشُو دے مُنھ توں تے اوس جُھوٹھے نبی دے مُنھ وِچوں تَرے ناپاک رُوحاں ڈَڈُؤاں وانگر نِکل دیاں ویکھیاں۔ایہہ شیطاناں دِیاں نِشان وکھان والیاں رُوحاں نیں جیہڑیاں قادرِ مُطلق خُدا دے وڈّے دِن دی لڑائی دے واسطے اکٹّھیاں کرن لئی ساری دُنیا دے بادشاہاں کول نِکل کے جاندِیاں نیں )ویکھو مَیں چور وانگر آؤناں آں دھنّ اوہ اے جیہڑا جاگدا اے تے اپنی پوشاک دی راکھی کر دا اے پئی ننگا نا پِھرے تے لوک اوہنوں بے لہنگا نا ویکھن۔( تے اوہناں نیں اوہناں نُوں اوتھے اکٹّھیاں کِیتا جِہدا ناں عِبرانی وِچ ہرمجدون اے۔تے ستویں اپنا پیالہ وَا اُتّے لُدیا تے خُدا دی ہیکل دے تخت ولّوں بڑے زور دی ایہہ اواز آئی۔ پئی مُک گیا۔ فیر بدّلی چمکن تے گجّن لگّی تے اَوازاں آئِیاں تے اِک ایڈا وَڈا بھنچال آیا پئی جدوں توں اِنسان پَیدا ہویا اے ایڈا وَڈا تے ڈاہڈا بھنچال کَدے نئیں سی آیا۔فیر اوس وڈّے شہر دے تَرے ٹوٹے ہوگئے۔ تے قوماں دے شہر ڈِگّ پئے تے وَڈا شہر بابل خُدا دے حضُور یاد کِیتا گیا پئی اوہنوں اپنے ڈاہڈے غضب دی مَے دا پیالہ پِیائے۔تے ہر اِک ٹاپُو اپنے تھاں توں ٹل گیا تے پہاڑاں دا پَتا نا لگّا۔تے اسمان توں بندیاں اُتّے مَن مَن جیڈے وڈّے وڈّے گڑے پئے تے ایس واسطے پئی ایہہ آفت بڑی ڈاھڈی سی ایس لئی لوکاں گڑیاں دی آفت دے سببّوں خُدا دی بابت کُفر بکیا۔ “
تفسیر
آیت ۱: فیر مَیں خُدا دی ہیکل وِچوں کِسے نُوں اُچّی اُچّی اوہناں ستّاں فرِشتیاں نُوں ایہہ آکھدیاں سُنیا پئی جاؤ خُدا دے قَہر دے سَتّے پیالے زمین اُتّے لُدّو۔
قہر دے ست پیالیاں دیاں آفتاں نال خُدا مخالفِ مسیح دے خادماں تے اوہدے لوکاں اُتے اپنا قہر گھلے گا جیہڑے حالے تیکر ایس زمین اُتے زندہ ہون گے ۔ سارے جاندار تے بندے خُدا دےغصے دے طوفان دے ہتھوں ، اوہدے صبر دے اینے سارے ورہیاں دے بعدوں پاٹ دے ہویاں صاف ہوجان گے، تے اوہ اوہناں وڈیاں آفتاں توں دکھ جرن گے جیہڑیاں وڈے دکھ جرن دے باقی سالاں وچ اوہناں اُتے ڈوہلیاں جان گِیاں ۔ اوس ویلے ایہہ دنیا سوا ہو جائے گی جویں ایہہ ٹُٹ کے وکھ ہو جاندی اے ، یعنی ٹوٹے ٹوٹے ہو جائے گی تے زمانے بھلن والے زمانے وچ برباد ہوجائے گی ۔
مُکاشفہ ۱۶ اوہ باب اے جتھے ست پیالیاں د یاں آفتاں ڈوہلیاں جان گِیاں ۔ اوہ جیہڑے ایس اخیری ویلے تیکر نا جان چُکے نیں نا ای خوشخبری اُتے ایمان رکھ چُکے نیں جیہڑی مکتی دی گواہی دیندی اے ، جیہڑی اوہناں نوں خُداوند ولوں وَا وِچ چُکے جان دی اجازت دے چُکی ہوئے گی — یعنی ، پانی تے رُوح
دی خوشخبری —سارے ایہناں آفتاں دے سبب ویران برباد ہو جان گے ۔
آیت ۲: سو پہلے نے جا کے اپنا پیالہ زمین اُتّے لُد دِتّا۔ تے جِنہاں بندیاں اُتّے اوس پشُو دا ٹھپّہ سی۔ تے جیہڑے اوہدے بُت دی پُوجا کر دے سن اوہناں نُوں اِک بُرا تے تکلیف دین والا چمرس پَیدا ہوگیا۔
بھیڑے تکلیف دین والے پھوڑے دی آفت جیہڑی خُدا اپنے فرشتیاں دے راہیں گھلے گا اوہناں اُتے آئے گی جیہڑے پشُو دا نشان لَے چُکے نیں۔ پھوڑے دی ایہہ آفت اک ناقابلِ علاج پِنڈے دی بیماری اے جیہڑی بیمار لوکاں دی ماس اُتے زخم کرے گی ، جیہدا اثر دوجیاں جلداں اُتے زخم کردے ہویاں وی ودھ جائے گا ۔ کنی ڈاہڈی پیڑ ہوئے گی ، جد بیمار لوک بھیڑے تے دکھ دین والے پھوڑے دی ایس آفت توں یعنی اپنی موت تیکر دکھ جرن گے ؟ پرخُدا نا صرف اوہناں ساریاں اُتے پھوڑے دی آفت گھلے گا جنہاں نیں پشُو دا ٹھپہ لیا ، سگوں اوہ اوہناں دے سراں اُتے ایہدے بعدوں ہور چھ آفتاں وی گھلے گا ۔ ایسے طرح ، ساریاں نوں لازمی پانی تے رُوح دی خوشخبری دے اندر ایہناں آفتاں توں بچن دا راہ لبھنا چاہی دا اے ،تے ہُنے ، ایسے ویلے ایس خوشخبری اُتے ایمان رکھن دے سبب ایہناں ڈراؤنیاں آفتاں توں بچنا چاہی دا اے ۔
ساڈا خُداوند فرماندا اے پئی اوہ اوہناں اُتے ہور چھ آفتاں گھلے گا جیہڑے پشُو تے اوہدے بُت دی پوجا کردے نیں ۔ اوہ کیہڑا پاپ اے جیہدے توں خُدا سب توں بوہتی نفرت کردا اے ؟ ایہہ پاپ کسے شے یا کسے بندے دی شکل وانگر خُدا دے اگے بُت بناؤن ، اوہناں دی پوجا کرن ، تے اوہناں اگے جھکن دا پاپ اے ۔ ایس لئی سانوں لازمی ٹھیک ٹھیک جاننا چاہی دا اے کیہڑا ساڈا خُداوندخُداتے یسوع مسیح اے تے ایمان رکھیے تے یسوع مسیح اے،تےایمان رکھیے تے یسوع مسیح دی بھگتی کرئیے ۔ کجھ وی تے کوئی وی ایس ساری دنیا وچ اپنے آپ خُداوندخُدا دے علاوہ کد ی ساڈا خُدا نئیں ہو سکدا ۔
جے تُسیں سچ مُچ پھوڑے دی آفت تے ہو رچھ آفتاں توں بچنا چاہندے او ، خُداوند ولوں دتی گئی پانی تے روح دی خوشخبری دے بارے وچ سکھو تے ایمان رکھو ۔ ایہناں لوکاں دی حدوں بوہتی گنتری جیہڑے اپنی روز مرہ زندگیاں وچ خُدا دے خلاف کھلو چُکے نیں ،تے جیہڑے پانی تےروح دی خوشخبری اُتے ایمان رکھن توں انکار کر چُکے نیں ، سارے ایہناں آفتاں توں جد تیکر اوہ اخیری ویران تے برباد
نئیں ہو جاندے دکھ جرن گے ۔
آیت ۳: تے دُوجے نیں اپنا پیالہ سمُندر وِچ لُدیا۔ تے اوہ مُردے دے لہو وانگر بن گیا۔ تے سمُندر دے سارے جاندار مر گئے۔
دوجی آفت ایہہ ہیگی اے جتھے سمندر مُردے دے لہو وانگر بدل جاندا اے ۔ خُدا ایس آفت نال سمندر دے سارے جانداراں نوں مار دیوے گا ۔ خُدا ولوں ڈوہلے گئے دوجے پیالے دی ایس آفت نال سمندر خراب ہو جائے گا تے ایہدے سارے جاندار ہور ایس وچ زندہ رہن دے لائق نئیں ہون گے ۔ ایس لئی کوئی بندہ جد خُدا ایہہ دوجی آفت گھلے گا سمندر دا پھل کھان دے لائق نئیں ہوئے گا ۔دوجی آفت دے سبب ، خُدا ایہنوں ظاہر کرے گا پئی اوہ زندہ اے تے یعنی اوہ ساری زندگی دا خُداوند اے ۔
دنیا دے اوہناں ساریاں لوکاں اُتے ڈوہلی گئی دوجی آفت خُدا دی عدالت اے جنہاں نیں ، اوہدی مخلوق لئی خُداوند خُدا دی پوجا کرن دی بجائے ، یعنی اوہدی بجائے پشُو ، خُدا دے ویری ، دے بُت نوں سجدہ کیتا تے پاک لوکاں دا لہو وگایا ۔ ایہہ دوجی آفت وی بوہت جائز اے ۔ خُدا سانوں وکھاندا اے پئی اِنج اوہ اوہناں توں قدرتی برکت کھوہ لوے گا جیہڑے خُداولوں بنائے گئے اوہدے سارے جانداراں لئی خُداوند دا شکر نئیں کردے ۔
آیتاں ۴ ۔ ۷: تے ترِیجے اپنا پیالہ دریاواں تے پانیاں دیاں چشمیاں اُتّے لُدیا تے اوہ لہو بن گئے۔تے مَیں پانی دے فرِشتے نُوں ایہہ آکھدیاں سُنیا پئی اے قُدُّوس جیہڑا ہیں تے جیہڑا ہے سی۔ توں عادل ایں پئی تُوں ایہہ انصاف کِیتا۔ کیوں جو ایہناں پاک لوکاں تے نبیاں دا لہو ڈوہلیا سی تے تُوں اوہناں نُوں لہو پیایا تے اوہ ایسے جوگے نیں۔ فیر مَیں قُربان گاہ وِچوں ایہہ اواز سُنی پئی اَے خُداوند خُدا قادرِ مُطلق بے شک تیرے فیصلے ٹھیک تے سَچے نیں۔
تریجی آفت جیہڑی دریاواں تے پانی دے چشمیاں نوں لہو بنادیوے گی بوہت ڈراؤنیاں آفتاں وچوں بنا ں شک اک اے ۔ایہہ آفت ، اوہناں ساریاں دے پاپاں اُتے سزاوانگر آؤن والی اے جیہڑے خُدا اُتے ایمان نئیں رکھدے ، ایہہ چشمیاں نوں لہو بنادیوے گی تے اوہناں لئی ایس زمین اُتے زندہ رہن نوں اوکھا بنا دیوے گی ۔ ایس زمین اُتے خُدا ساریاں چشمیاں تے دریاواں نوں لہو بنا دیوے گا ۔ ایہہ آفت ، وی ،دنیا دے لوکاں اُتے ، خُدا دے خلاف اوہناں دے کھلون دا مُل تے سزا وانگر گھلی گئی اوہناں دی عدالت اے ، جیہڑا اوہناں نوں پانی ، یعنی ساری زندگی دی جڑ دے چُکیا سی ۔
کیہ سبب اے خُدا اوہناں اُتے ایہہ آفت گھلے گا جیہڑے اوہدے خلاف کھلو چُکے سن ایہہ ہے پئی اوہ ایس زمین اُتے اوہدے پاک لوکاں تے نبیاں نوں قتل کر چُکے سن ۔اوہ ایہو جیہے لوک نیں جیہڑے ناصرف خُدا اُتے خُداوانگر ایمان رکھن توں انکار کر چُکے سن ، سگوں مُخالفِ مسیح نال رل کے اوہدے خلاف وی کھلو گئے سن ۔
مُخالفِ مسیح دی طاقت توں مغلوب ہو کے ، اوہ جیہڑے ایس دنیاوچ خُدا دی محبت دے خلاف کھلوندے نیں خُدا دے سب توں سوہنے پاک لوکاں تے اوہدے خادماں نوں ستان گے تے قتل کرن گے ۔اوہ جیہڑا ہُن پانی تے رُوح دی خوشخبری اُتے ایمان نئیں رکھدے ، جیہڑا ساڈا خُداوند سانوں ایس دنیا دے لوکاں نوں پاپ سے چھڈاؤن لئی دے چُکیا اے ، اخیری زمانے دے بوہت سارے پاک لوکاں تے نبیاں نوں قتل کرن گے تے اوہناں دا لہو وگان گے ۔ ایس لئی خُدا ایس دنیا اُتے اپنی تریجی آفت گھلے گا جتھے اوہدے ویری رہندے پئے نیں ، ایہدے پانی نوں ، یعنی زندگی دی ساری جڑ نوں ، لہو بنا دیوے گا ، تے اِنج اوہناں نوں تباہ برباد کردیوے گا ۔
ایہہ خُدا دی کھری عدالت اے ، تے ایس لئی پاک لوک سارے وَا وِچ خوشی منان گے ۔ کیوں ؟ ایس لئی پئی ویریاں اُتے گھلی گئی جائز عدالت نال جیہڑی پاک لوکاں نوں قتل کر چُکے سن ۔ خُدا اوہناں کولوں پاک لوکاں دی موت دا بدلہ لوے گا ۔ ایسے طرح ، پاک لوکاں تے خُدا دے خادماں نوں لازمی ڈرنا چاہی دا اے، سگوں ایہدی بجائے خُداوند خُدا اُتے اپنے ایمان دی راکھی کرنی چاہی دی اے، تے خُدا دے وعدیاں تے اوہدی قدرت ول ویکھنا چاہی دا اے جد اوہ اپنی شہادت داسامناکرن گے ۔
آیتاں ۸۔ ۹: تے چوتھے اپنا پیالہ سُورج اُتّے لُدیا تے اوہنوں بندیاں نُوں سیک نال ساڑ دین دا اختیار دِتّا گیا۔تے بندے ڈاڈھے سیک نال سڑ گئے۔ تے اوہناں خُدا دے ناں دی بابت کُفر بکیا جیہڑا ایہناں آفتاں اُتّے اختیار رکھدا اے۔ تے تَوبہ نا کِیتی پئی اوہدی
وڈیائی کر دے۔
جویں ای چوتھا فرشتہ سورج اُتے چوتھی آفت دا پیالہ ڈوہلدا اے ، لوک بھسم کردین والے سیک توں موت تیکر سڑ جان گے۔ خُدا سورج دے سیک توں بھسم کرن والی آفت اوہناں اُتے گھلے دا جیہڑے اوہدے خلاف کھلو چُکے نیں ۔ ایس لئی پئی ایہہ زمین سورج دے آلے دوالے باقاعدگی نال چکر لاؤندی اے ، جے زمین اپنے آلے دوالے توں ہٹ جائے تے ایتھوں تیکر پئی تھوڑے جیہے فاصلے دے راہیں سورج دے نیڑے ہو جائے ، ایہدے رہن والے سارے موت دے ہتھوں سڑ جان گے ۔ ایسے طرح ، جد ایہہ چوتھی آفت نازل ہوئے گی ، لوک جیہڑے اودوں تیکر ایس زمین اُتے باقی ہون گے سارے اگ توں اَذّیت پاؤن گے ۔
پر اوہ خُدا دے خلاف کھلون دے ،اپنے پا پ توں فیروی توبہ نہ کرن گے ۔کیوں ؟ ایس لئی پئی پانی تےروح دی خوشخبری دے خلاف کھلون دے سبب ، اوہ پہلوں ای بربادی لئی تیار کیتے گئے سن ۔
ایس لئی ، جنی چھیتی ہو سکدا اے ، ہر کسے نوں لازمی ہُن اپنے ایمان نوں پکا کرنا چاہی دا اے جیہڑا اوہناں نوں خُدا دے غصے توں بچن دی اجازت دے سکدا اے ۔ ایہہ ایمان کسے دا مکتی وانگر پانی تے روح دی خوش خبری اُتے ایمان رکھنا اے ۔ ایس لئی ہر کسے نوں لازمی پانی تے رُوح دی سچیائی اُتے ایمان رکھنا چاہی دا اے ۔
آیتاں ۱۰۔ ۱۱: تے پن جیویں اپنا پیالہ اوس پشُو دے تخت اُتّے لُدیا۔ تے اوہدی بادشاہی وِچ ہنیرا پَے گیا۔ تے پِیڑ دے مارِیاں لوک اپنیاں جِیبھاں وَڈّھن لگّے۔تے اپنے دُکھاں تے چمرساں دے سببّوں اسمان دے خُدا دی بابت کُفر بکیا تے اپنیاں کمّاں توں تَوبہ نا کِیتی۔
پنجویں پیالے دی آفت ایہو جیہی آفت اے جیہڑی ہنیرا تے پیڑ لیاؤندی اے ۔ خُدا مخالفِ مسیح دے تخت اُتے پنجویں آفت دا ایہہ پیالہ ڈوہلے گا تے ہنیرا تے پیڑ دی آفت نوں لیائے گا۔ ایس آفت توں ، لوک ایہدے دکھ تے تنگی دے سبب اپنیاں جیبھاں وڈن گے ۔ خُدا پاک لوکاں دے دکھاں دا بدلہ لین لئی اوہناں اُتے ایسے طرح دوگنی پیڑ نال ، یقین دہانی کرے گا ۔
دوجے اکھراں وچ ، خُدا اوہناں نوں دکھ وچ پائے گا ،جنہاں بوہتا اوہ پہلوں پاک لوکاں نوں دکھ وچ پا چُکے سن ۔ تے حالے تیکر اوہ فیر وی خُدا دے خلاف کفر بکن گے تے توبہ نا کرن گے ، ایتھوں تیکر پئی جد اوہ اپنے پھوڑیاں توں دکھ پاؤن گے ۔ ایسے طرح ، اوہناں نوں اگ تے گندھک نال بلن والی دوزخ دی سدا دی سزا پاؤنی اے ۔
آیتاں ۱۲: تے چھیویں اپنا پیالہ وڈّے دریا فرات اُتّے لُدیا تے۔ اوہدا پانی سُک گیا پئی چڑھدے ولّوں آؤن والیاں بادشاہاں دے لئی راہ تیار ہو جاوے۔
خُدا ولوں لُدے گئے چھیویں پیالے دی آفت کال دی آفت اے جیہڑی فرات دے دریا نوں سکا دیوے گی ۔ لوک ایس آفت توں اپنے بوہت وڈے دکھ پاؤن گے ، ہر کسے دی زندگی لئی کال دی آفت بوہت ڈراؤن والی آفت اے ۔ ایہہ آفت، جیہڑی اوہناں اُتے گھلی جائے گی جیہڑے خُدا ولوں دتی گئی پانی تے روح دی خوشخبری نوں ردّ کر چُکے سن ، سانوں وکھاندی اے پئی صرف اوہناں لئی کنی وڈی سزا اے جیہڑے خُدا دی محبت نوں ردّ کر چکے سن تے اوہدے خلاف کھلو چُکے سن ۔ بعد وچ ، خُدا دی اسمانی تے شیطان دی ایس زمین دی فوج ، ایس لڑائی دی میدان وچ اخیری لڑائی لڑے گی ۔ پر شیطان تے اوہدے ساتھی پھڑے جان گے تے خُدا دے ہتھوں برباد ہون گے ۔
آیت ۱۳: فیر مَیں اوس ناگ دے مُنھ وِچوں تے اوس پشُو دے مُنھ توں تے اوس جُھوٹھے نبی دے مُنھ وِچوں تَرے ناپاک رُوحاں ڈَڈُؤاں وانگر نِکل دیاں ویکھیاں۔
ایہہ آیت سانوں وکھاندی اے پئی ساریاں پلید رُوحاں تے بدروحاں دے کم شیطان ، اوہدے پشُو ،تے جھوٹے نبیاں دے مُنھوں شروع ہوندےنیں ۔ بدروحاں دے کم ساری دنیا وچ ودھ جان گے جد ایہدا اخیر نیڑے آجائے گی ۔ بدروحاں لوکاں نوں دھوکہ دین گِیاں تے اوہناں دی شیطان ، جھوٹے نبیاں ،تے مخالفِ مسیح دے سبب معجزے کرن تے نشان وکھان دے سبب بربادی ول لَے جان گیاں ۔ اخیری زمانے دی دنیا اِنج بدروحاں دی دنیا بن جائے گی ۔ پر اوہناں دی دنیا ، یسوع مسیح تےاوہدے دوبار ہ آؤن دے سبب ڈوہلیاں گیاں ست پیالیاں دیاں آفتاں نال اپنے سارے مک تیکر پوہنچ جائے گی ۔
آیت ۱۴: ایہہ شیطاناں دِیاں نِشان وکھان والیاں رُوحاں نیں جیہڑیاں قادرِ مُطلق خُدا دے وڈّے دِن دی لڑائی دے واسطے اکٹّھیاں کرن لئی ساری دُنیا دے بادشاہاں کول نِکل
کے جاندِیاں نیں ۔
شیطاناں دیاں رُوحاں ساری دنیا دےسارے راجیاں دے دلاں نوں خُدا دے خلاف لڑن لئی اک تھاں اُتے اکٹھیاں ہون لئی مجبور کرن گِیاں ۔ اخیری زمانے دی دنیا وچ ، ہر کسے دے دل اُتے شیطاناں دیاں روحاں دا راج ہوئے گا ،تے اِنج اوہ ابلیس دے کم کردے ہویاں شیطان دا نوکر بن جائے گا ۔
آیتاں۱۵: (ویکھو مَیں چور وانگر آؤناں آں دھنّ اوہ اے جیہڑا جاگدا اے تے اپنی پوشاک دی راکھی کر دا اے پئی ننگا نا پِھرے تے لوک اوہنوں بے لہنگا نا ویکھن)۔
خُداوند ایس دنیا وچ چور وانگر آئے گا ، تے اوہ جیہڑے اپنے ایمان دی راکھی کردے تے اوہدی خوشخبری دی یعنی ست پیالیاں دیاں آفتاں دے ڈوہلے جان تیکر منادی کردے نیں بوہت مبارک نیں ۔ ساڈا خُداوند اخیری زمانے دی دنیا وچ زندہ رہن والے پاک لوکاں نوں دسدا اے پئی اوہناں نوں لازمی اوہدے ولوں دتی گئی پانی تے روح دی خوشخبری اُتے اپنے ایمان دے سبب زندہ رہنا چاہی دا تے اپنے اخیری دن تیکر ایس ایمان دی راکھی کرنی چاہی دی اے ۔ اوہ جیہڑے اوہدے ست پیالیاں دیاں آفتاں دے ڈوہلے جان توں پہلوں خُداوند اُتے اپنے ایمان دی راکھی کردے نیں اوہدے کولوں وڈا انعام پاؤن گے ۔ساڈا خُداوند لازمی اوہناں نوں لبھن لئی آئے گا جنہاں اُتے اوہ اپنیاں برکتاں گھلے گا۔
آیت ۱۶: تے اوہناں نیں اوہناں نُوں اوتھے اکٹّھیاں کِیتا جِہدا ناں عِبرانی وِچ ہرمجدون اے۔
پاک کلام پیشین گوئی کردا اے پئی اخیری لڑائی شیطان تے خُدا وچکار اک تھاں اُتے جیہڑی ہرمجدون اکھواندی اے لڑی جائے گی ۔ پر ایس لئی پئی خُدا قادرِ مطلق اے، اوہ شیطان اُتے فتح پائے گا تے پشُو نوں اگ تے گندھک دی جھیل وچ سُٹے گا ۔ سانوں لازمی احساس کرنا چاہی دا اے پئی شیطان سدا دھوکہ دین والا رہ چُکیا اے ، تے سانوں لازمی پکیاں ہوکے خُداوند اُتے اپنے ایمان نوں قیم رکھنا چاہی دا اے اوس دن تیکر جد اسیں خُدا دے اگے کھلواں گے ۔
آیتاں ۱۷ ۔ ۲۱: تے ستویں اپنا پیالہ وَا اُتّے لُدیا تے خُدا دی ہیکل دے تخت ولّوں بڑے زور دی ایہہ اواز آئی۔ پئی مُک گیا۔ فیر بدّلی چمکن تے گجّن لگّی تے اَوازاں آئِیاں تے اِک ایڈا وَڈا بھنچال آیا پئی جدوں توں اِنسان پَیدا ہویا اے ایڈا وَڈا تے ڈاہڈا بھنچال کَدے نئیں سی آیا۔ فیر اوس وڈّے شہر دے تَرے ٹوٹے ہوگئے۔ تے قوماں دے شہر ڈِگّ پئے تے وَڈا شہر بابل خُدا دے حضُور یاد کِیتا گیا پئی اوہنوں اپنے ڈاہڈے غضب دی مَے دا پیالہ پِیائے۔ تے ہر اِک ٹاپُو اپنے تھاں توں ٹل گیا تے پہاڑاں دا پَتا نا لگّا۔تے اسمان توں بندیاں اُتّے مَن مَن جیڈے وڈّے وڈّے گڑے پئے تے ایس واسطے پئی ایہہ آفت بڑی ڈاھڈی سی ایس لئی لوکاں گڑیاں دی آفت دے سببّوں خُدا دی بابت کُفر بکیا۔
جویں ای خُدا وَا وِچ ستویں پیالے دی آفت ڈوہلدا اے ، گرجاں ، تے بجلیاں اسمان اُتے آؤن گِیاں ، جد پئی اک وڈا بھنچال تے وڈے گڑے ، جنہاں دی شدت پہلوں کدی نئیں ویکھی گئی سی ، ایس زمین اُتے ورسن گے ۔ ایہناں بربادیاں نال ، پہلی زمین کسے شُبے توں اڈ غائب ہو جائے گی ۔ ایہدے بعدوں ، پاک لوک آؤن والے اک ہزار ورہے تیکر ایس نویں زمین اُتے یسوع مسیح نال جلال وچ زندہ رہن گے ۔
جد ہزار ورہے لنگھ جان گے تے پاک لوکاں لئی نویں اسمان تے نویں زمین دا خُدا دا وعدہ پورا ہون دا زمانہ آئے گا ، خُدا پہلی دنیا نوں غائب کردیوے گا تے پاک لوکاں نوں دوجا اسمان تے دوجی زمین دیوے گا ۔ فیر پاک لوک سداتیکر ایس نویں اسمان تے نویں زمین وچ خُدا نال بادشاہی کرن گے ۔ پاک لوکاں نوں لازمی ایمان رکھنا چاہی دا اے اوہناں نوں اک ہزار ورہے تیکر مسیح دی بادشاہی وچ زندہ رہنا اے تے فیر سدا تیکر اوہدے نویں اسمان تے نویں زمین اُتے جلال وچ زندہ رہنا اے ۔ اوہناں نوں لازمی ایہہ آس رکھ کے ، خُداوند دے پرت کے آؤن دی اڈیک رکھدے ہویاں زندہ رہنا چاہی دا اے ۔
Copyright © 2021 by The New Life Mission