COVID-19及び国際郵便業務の中断により、
「無料の本のサービス」を一時的に停止しております。
「無料の本のサービス」を一時的に停止しております。
この状況を考慮して、現時点では無料の本を郵送することはできません。
この全国的流行がすぐに終わり、郵便業務が再開されることを祈ります。
この全国的流行がすぐに終わり、郵便業務が再開されることを祈ります。
مضمون 9: رومیوں (رومیوں دی کتاب اُتے تفسیر)
[2-1 باب] رومیوں ۲ باب دا تعارف
ایس جگ وچ، خُدا اُتے ایمان لیاؤن والے دو ٹولے ہیگے نیں : یہودی تے مسیحی ۔ ایہناں دونواں ٹولیاں دے لوکاں وچوں ،پہلاں والے یسوع اُتے ایمان نئیں لیاؤندے جد پئی بعد والے ایمان لیاؤندے نیں۔ جیہڑے یسوع اُتے ایمان نئیں رکھدے خُدااوہناں نوں نکمے آکھ کے سد دا اے ۔ پر،سب توں اوکھا مسئلہ جیہڑا مسیحیاں اگے ہیگااے ،اوہ ایہہ ہیگااے پئی اوہ کسے نہ کسے طرحاں یسوع نوں تاں من دے نیں پر اوہناں دے پاپ حالے تیک مکائے نئیں گئے ، پولُس رسول ایس گل بارے رومیوں ۲ باب وچ ناں صرف یہودیاں تے یونانیاں نال سگوں اج کل دے مسیحیاں نال وی گل کردااے ۔
یہودی بوہت چھیتی دوجیاں دے جج بن جاندےسَن
پولُس رسول یہودیاں تے مسیحیاں دونواں نوں جیہڑے اِکو جیہا ایمان رکھدے سَن ،شرمندیاں کردا اے ۔ رومیوں ۲:۱ ، پولُس آکھدااے ، ” اے توہمت لاؤن والے تُوں کوئی کیوں ناں ہوویں ۔“ اوہناں نوں شرمندیاں کردااے جیہڑے یہودی یاں مسیحی ہوندیاں ہوئیاں اپنے آپ وچ ودھیا ہون دے احساس نال بھرے ہوئے نیں ۔ایتھوں تیک پئی جیہڑے خُدا اُتے ایمان لیاؤن دے بعد وی نویں سریوں نئیں جمے ،اوہناں نوں پتہ ہیگااے پئی دلاں دے ختنے دی شریعت دے سبب اوہ غلط ہیگے نیں۔ ایہو ای سبب ہیگا اے پئی اوہ دوجیاں نوں دسدے نیں پئی چوری ناں کریاجے۔پر اوہ آپ زناکار ہیگے نیں تے خُداوند دے کلام اُتے عمل نئیں کردے ،فیر وی دوجیاں نوں خُدا دے کلام وچوں اَگوائی کر کے اپنے آپ نوں خُدا دے ایمان دار بندیاں وچ گن دے نیں ۔ایہہ یہودیاں تے مسیحیاں وچکار ایہو جیہے لوک ہیگے نیں جیہڑے نویں سریوں نئیں جمے ۔
اوہ جیہڑے خُدا اُتے یقین رکھدے نیں اوہ دوجیاں نوں دسدے نیں پئی بُتاں اگے متھاں ناں ٹیکنا یاں قتل ناں کرنا ،اوہ گھمنڈ کردے نیں پئی اوہ خُدا دی شریعت نوں من دے نیں۔ایس لئی اوہ ، خُدا دی شریعت نوں توڑ کے خُدا نوں بے عزت کردے نیں ۔
جیہڑے لوک خُدا دی راستبازی نوں نئیں جان دے ،پر کسے نا ں کسے طرحاں یسوع اُتے ایمان رکھدے نیں ،اوہ وی آکھدے نیں پئی یسوع اوہناں دا مکتی داتا ہیگا اے ۔ پر اوہناں دے ایمان خُدا دی راستبازی اُتے نئیں ہیگے ،اِنج اوہ خُدا دی سچی راستبازی دی جنہے شروع توں اوہناں دے سارے پاپاں نوں مکایا اے ،د ی مخالفت کردے نیں ۔اوہ آپ ایس بارے کُجھ نئیں جان دے پئی اوہ خُدا دے اصل ایمانداراں دی مخالفت کردے پئے نیں۔ سانوں نظر آؤندا اے پئی بوہتے لوک اپنے آپ نوں مسیحی اکھواؤندے نیں ،پر اوہ خُدا دی راستبازی نال جُڑی ہوئی خوش خبری نوں یسوع دی محبت تے رُوحانی ختنے نوں جانیوں اَڈ ای رد کر دیندے نیں ۔ اوہ خُدا دی مرضی پوری کرن دا دعویٰ تے کردے نیں ،پر اصل وچ ، اوہناں نیں یسوع نوں قبول نئیں کیتا سگوں اوہ اوہنوں سولی اُتے ماردیاں ہوئیاں ،یسوع دا اپنے آپ نوں خُدا دا پُتر اکھن اُتے ، اوہدے اُتے کفر بولن دی توہمت لاؤندے نیں ۔
پولُس رسول نے آکھیا پئی اک بدنی یہودی اک یہودی نئیں ہیگا ،سگوں اک دل ولوں یہودی اصل یہودی ہیگااے ۔ اوہ دعویٰ کردے نیں پئی اوہ خُدا دے لوک نیں تے خُدادی قوم دا حصہ ہیگے نیں ۔ پر اوہ کویں ایمان رکھ سکدے نیں جد پئی اوہناں نیں یسوع نوں اپنا مکتی داتا منن توں انکار کیتا اے ؟
پولُس آکھدا اے ،” ختنہ اوہو ای اے جیہڑا دلوں تے رُوحانی ہوندااے ناں پئی بول کے “ (رومیوں ۲:۲۹)۔اوہ جیہڑے رُوحانی ختنے اُتے یقین رکھدے نیں ،اوہو ای خُدادے اصل ایماندار لوک ہیگے نیں ۔ اوہ ایمان رکھ کے راستباز بنے نیں ۔
خُدااُتے ایمان لیاؤن والے کیہدے توں عزت تے وڈیائی پاؤنا چاؤہن گے ؟ اوہ ایہہ خُدا کولوں پاؤنا چاؤہن گے ۔پولُس نے فرمایا ، ” ایہو جیہاں دی وڈیائی بندیاں ولوں نئیں سگوں خُدا ولوں ہوندی اے ۔“(رومیوں ۲:۲۹)۔جے اسیں خُدادی راستبازی اُتے یقین رکھدے آں ،تاں اسیں اوہدی وڈیائی نوں جِت لیندے تے اوہدے کولوں پھل پاؤندے آں۔جے تسیں یسوع اُتےصرف وکھالے دا ایمان رکھدے او تےحالے تیک اپنے دل وچ پاپ رکھدے او ، تاں اصل وچ تسیں خُدادی راستبازی اُتے ایمان ای نئیں رکھدے :سگوں تسیں صرف اوہنوں مذاق کردے او ۔ایس لئی ، تہانوں ایس بے ایمان زندگی دے سبب سزا سہنی پوے گی ۔
اوہ کیہڑے نیں جیہڑے خُدا دی سچیائی نوں اک پاسے سُٹ دے نیں ؟ ایہہ اوہ لوک ہیگے نیں جیہڑے خُدا دے کلام توں بوہتا بندیاں دیاں گلاں پِچھے بوہتا دل لا کے ٹُر دے نیں ۔ اوہ اپنے آپ نوں مسیحیت دے کئی وکھ وکھ فرقیاں وچ ونڈ لیندے تے خُدادی مخالفت کردے نیں ۔ اوہ اپنی ایس اکٹھی طاقت نال خُدادی راستبازی دے خلاف کھڑے ہوندے تے ایہنوں رد کردے نیں ۔ کیہ تسیں سوچ سکدے او پئی ایناں لوکاں اُتے کویں دا ہمیشہ تیک رہن والا عذاب پوے گا ؟
جیہڑے خُدادے خلاف نیں ، اوہناں دی سزا
۸ تے ۹ آیتاں دسدیاں نیں ، ” پر جیہڑے فرقے بناؤن والے تے سچ نوں ناں منن والےسگوں بدیاں کرن والے نیں،اوہناں اُتے بربادی تے عذاب ہووے گا۔ تے دُکھ تے پریشانی ہر اک بدکار دی جان اُتے آوے گی ۔پہلوں یہودی دی۔فیر یونانی دی جان اُتے ۔ “
دُکھ تے پریشانی ہر اک بدکار دی جان اُتے آوے گی۔ایتھے ، ” پریشانی“ دی گل دوزخ وچ ملن والی سزا بارے ہیگی اے ۔ اوہ جیہڑے بدی کردے نیں ،اوہناں لئی دُکھڑے تے دوزخ دی سختی ہیگی اے ۔
اوہ جیہڑے خُدا نوں رد کردے نیں اوہناں اُتے کویں دی لعنت ہووے گی ؟ خُدااوہناں اُتے جیہڑے اوہدی محبت نوں رد کردے نیں ،ڈراؤن والی سزا گھلے گا ۔ تسیں اوہناں بارے کیہ سوچدے او ،جیہڑے خُدا دی اوس محبت دے خلاف ہیگے نیں ،جیہڑی بدن تے عقل وچ کامل طور اُتے جیوندے رہن لئی رُوحانی ختنے دے راہیں آؤندی اے ؟ کئی لوک ہُن تے مرن دے بعدوں ،بربادی تے بھیڑے حال دی جندڑی بسر کردے نیں ، کیوں جے اوہ خُدا کولوں سزا پاؤن گے ۔ اوہناں نیں اصل تسلی نوں اپنے دل وچ تھاں ناں دتی تے خُدادی راستبازی دے خلاف رہے۔ اوہ رُوحانی ختنے نال ملن والی محبت نوں نئیں جان دے ،ایتھوں تیک پئی جدوں اوہ گرجے وچ یسوع اُتے ایمان رکھن دا اقرار کردے ہوندے نیں ،تاں وی حالے تیک اپنے پاپاں وچ پھسے ہوئے ہوندے نیں ۔
تسیں ایس لُکی ہوئی گل بارے نئیں جان سکدے کیوں جے تسیں صرف یسوع اُتے وکھالے دا ایمان رکھدے او ۔ جیہڑے خُدادی راستبازی اُتے ایمان رکھدے نیں ،صرف اوہناں نوں ای ایہدا پتہ اے ۔تہانوں نصیحت اُتے عمل کرنا چاہی دا اے پئی تہاڈا خُدا اُتےایمان رکھنا غلط ہیگا اے ۔تہانوں پانی تے رُوح دی خوشخبری نوں سمجھنا تے اوہدے اُتے ایمان لیاؤنا چاہی دااے ، کیوں جے ایہو ای خُدادی راستبازی ہیگی اے ۔ فیر تسیں اپنے آپ نوں پاپ دی لعنت توں چھڈاؤن دے لائق ہووگے ۔
ایتھوں تیک پئی جے کوئی بندہ جیہڑا اِنج آکھدا اے پئی یسوع اُتے ایمان لیاؤن دےبعد وی پاپ
اوہدے دل وچ ہیگااے ، تاں ایہدا مطلب ہیگااے پئی اوہدا ایمان غلط ہیگا اے تے اوہنوں اصل خوشخبری جیہڑی خُدادی راستبازی اُتے مان رکھدی اے ،اُتے ایمان لیاؤنا چاہی دااے ۔ ایس گل توں ہٹ کے پئی لوک کسے وی فرقے وچوں یسوع اُتے ایمان کیوں ناں رکھدے ہون ،جے اوہ دعویٰ کرن پئی اوہ کسے ہو ر طریقے نال یسوع اُتے ایمان رکھدے نیں ، تاں اوہناں نیں حالے تیک پاپ نوں اپنے دل وچ تھاں دتی ہوئی اے ،تے اِنج اوہ خُدادی راستبازی نوں پِچھاں سُٹن دا پاپ کردے پئے نیں ۔ خُدا اُتے ٹھیک ایمان رکھن دا کیہ پھل مل دا اے ؟ جے تسیں سچے دلوں یسوع نوں اپنا مکتی داتا منیا اے ،تاں تسیں لازمی طور اُتے پاپ توں چھڈائے گئے جے ۔ پر جے یسوع اُتے ایمان رکھدیاں ہوئیاں وی پاپ تہاڈے دل وچ ہیگا اے ، تاں ایہدا مطلب ایہہ ہیگا اے پئی تسیں خُدادی راستبازی نوں کامل طور اُتے نئیں جان دے ۔
خُداوند جنہے سارے پاپیاں نوں اوہناں دے پاپاں توں مکتی دتی شروع توں ای بدن وچ وکھالی دتا سی ،پاپیاں نوں مکتی دتی، تے سارے ایمانداراں دا مکتی داتا بن گیا ۔ کیہ فیر ،اک بندہ جیہڑا سچ مُچ پانی تے رُوح دی خوشخبری اُتے ایمان رکھدااے ،پاپ وچ ہیگااے ؟ اک بندہ جیہڑا خُدادی راستبازی اُتے سچے دلوں ایمان لیایا اے ،تاں اوسے ویلے توں جدوں اوہنے یسوع اُتے ایمان لیاندا،پاپاں توں چھڈایا گیا اے ۔پر جے اوہ کسے ناں کسے طرحاں یسوع اُتے ایمان رکھدااے ،پر خُدادی راستبازی نوں اک پاسے سُٹ دیندااے تاں ایس سبب توں پاپ اوہدے دل نال چمبڑیا ہویا اے ۔
ایس لئی ، ایسے ویلے تہانوں اپنی ضد نوں چھڈ دینا چاہی دااے ۔ ” جے میرا یسوع اُتے ایمان ٹھیک نئیں ہیگا ! تاں فیر کویں میَں یسوع نوں ٹھیک طور اُتے جان تے اوہدے اُتے ایمان لیا سکداہاں ؟ مینوں پتہ لگ گیا اے پئی یسوع دی سولی اُتے ایمان رکھنا بوہت لوڑی دا اے ،پر ہُن ایہہ وی پتہ لگیا اے پئی یسوع دے بپتسمے اُتے ایمان لیاؤنا وی بوہت لوڑی دا اے ۔ ہُن مینوں سمجھ آگئی اے ، یسوع نے سارے جگ دے پاپاں نوں اپنے بپتسمے نال اپنے اُتے چُک لیا سی ،ایس لئی اوہنوں سزا ملی تے اوہ سولی اُتے مرگیا سی ۔ “ تہانوں ایناں سچیائیاں نوں سمجھنا تے ایناں اُتے ایمان لیاؤنا چاہی دااے ۔
جیہڑے خُدا دے خلاف ضد نوں قائم رکھدے نیں اوہ خُدا کولوں ایہدے مطابق سزاپاؤن گے ۔ تے اوہنوں نوں دوزخ دی اگ دا پھل ملے گا ۔ایہو ای سبب ہیگا اے پئی متی ۷:۲۲دسدا اے ، ” اوس دن بتھیرے مینوں آکھن گے ،یا خُداوندا یاخُداوندا! کیہ اسیں تیرے ناں نال نبوت نئیں کیتی تے تیرے ناں نال بدرُوحاں نئیں کڈھیاں تے تیرے ناں نال بوہتے سارے معجزے نئیں وکھائے ؟ “جدوں خُداوند دوبارہ آوے گا ،تاں جنہاں نیں خُدادی راستبازی اُتے ایمان نئیں لیانداہووے گا تے وکھالے طور اُتے یسوع اُتے ایمان لیاؤن دا فریب کیتا ہووےگا ،جد پئی پاپ نوں اپنے دل وچ رکھیا ہووے گا،تاں خُدا دے اگے ایہو جیہیاں نوں لازمی سزا ملے گی ۔ اوہ خُداوند نوں آکھن گے ، ” کیہ میَں تیرے اُتےٹھیک ایمان نئیں لیاندا ؟ کیہ میَں تیرے ناں نال بدرُوحاں نئیں کڈھیاں تے اوپریاں بولیاں نئیں بولیاں ؟ کیہ میَں خُداوندا تیری خدمت نئیں کیتی ؟ “
پر ،خُداوند اوہناں نوں آکھے گا ، ” میرے کولوں چلے جاوو ،تسیں بے فائدہ میری عبادت کیتی (ایہہ اوہناں ول اشارہ ہیگااے جیہڑے خُدا دی راستبازی اُتے ایمان نئیں رکھدے!) تسیں کویں آکھ سکدے او پئی تسیں میرے اُتے ایمان رکھدے او ،جد پئی تسیں ایمان نئیں رکھیا پئی میَں تہاڈے سارے پاپاں نوں بپتسمہ تے صلیبی موت نال مکا دتا اے ؟ سُن جھوٹیا، تُوں بلدےہوئےہمیشگی دے اگ دے دریاوچ سُٹیا جاویں گا۔ تیرا پاپ ایہہ ہیگا اے پئی تُوں اک جھوٹا نبی ہیگاایں تے تُوں بتھیریاں نوں دوزخ وچ گھلن دی وجہ بنیا۔“ جیہڑے اوہدی راستبازی اُتے یقین نئیں رکھدے تے اپنی ضد نوں نئیں چھڈدے ،خُدا دے ڈراؤن والے عذاب نوں سہن گے ۔
اِنج دے ایمان دی سب توں وڈی مثال یہودیاں دی ہیگی اے ، پئی اوہ حالے تیک خُدا دے اگے ضدی ہیگے نیں ۔ اج تک وی ، اوہ یسوع مسیح دے راہیں خُدا دی راستبازی اُتے ایمان نئیں لیائے ۔ ایتھوں تیک پئی بوہت سارے پروٹیسٹنٹ وچکا ر ،بوہت سارے ضدی مسیحی ہیگے نیں، جیہڑے آکھدے نیں پئی اوہناں دے ہردیہاڑے دے پاپ صرف پاپاں توں معافی دی دُعا پڑھن نال معاف ہوسکدے نیں ۔ ایناں لوکاں نوں خُدادی راستبازی اُتے بے یقینی تے اوہدے عذاب نوں اک پاسے سُٹن توں اپنی ضد نوں چھڈ دینا چاہی دا اے ۔
کیہ جدوں کدی اوہ اپنیاں غلطیاں توں توبہ کردے تے ہر دیہاڑے اپنی معافی لئی دعا کردے نیں ،تاں کیہ یسوع اوہناں نوں معاف کردااے؟ اوہ اِنج نئیں کردا ۔یوحنا بپتسمہ دین والا ،جیہڑا پُرانے عہد نامے دا اخیری وڈاکاہن تے سارے جگ دا نمائندہ سی ،جنہے ۲۰۰۰ ورہے پہلاں یسوع نوں بپتسمہ دتا تے اوہنے سولی اُتے اپنا لہو روڑھیا ۔ اوسے طرحاں اوہنے خُدادی راستبازی نوں پوریاں کیتا تے جگ دے سارے پاپاں نوں اِکو ای وار مکا دتا ۔
یسوع نے کِتھے ساڈے پاپ چُک لَے سَن ؟ یسوع نے سارے لوکاں دے سارے پاپاں دا بھار یردن دے دریا اُتے یوحنا بپتسمہ دین والے کولوں بپتسمہ لَے کے اپنے اُتے چُک لیا سی ۔ اوہنے ایمانداراں
نوں وی ہمیش لئی پاپاں توں بچا لیا ،گُلگُتا دی پہاڑی اُتے اپنا لہو روڑھ کےتے سارے پاپاں دی سزا سہہ کے اوہنے ایمانداراں نوں ہمیش لئی پاپاں توں مکتی دتی ۔ پر سارے پاپی -مسیحی حالے تیک ضدی ہیگے نیں تے خُدادی راستبازی اُتے ایمان نئیں لیاؤندے ۔جے اوہناں دے دل صلیبی لہودے نال پہلوں ای صاف کیتے گئے نیں ، تاں فیر کیوں اوہ مرن دیہاڑے تیک اپنے پاپاں دی معافی لئی روندے نیں؟ اوہ اپنی من مرضی کردے پئے نیں ۔ یسوع دا صلیبی لہو بوہت خاص ہیگاا ے ۔پر یسوع دا بپتسمہ وی جیہڑا اوہنے یوحنا کولوں لیاسی بوہت خاص ہیگااے ،جیہدے اُتے لوکاں نوں اِکو ای واری پاپاں دی معافی تے خُدادی راستبازی نوں پاؤن لئی ایمان لیاؤنا چاہی دا اے ۔
ہر کوئی ضدی ہیگااے!پر خُدا دے اگے ،تہانوں اوہدی راستبازی رد کرن دی ضد نوں چھڈ دینا چاہی دااے ۔ جیہڑے خُدا اُتے ایمان لیاؤندے نیں ،اوہناں نوں خُدا دا آکھنا منن والے بننا تے اوہدے کلام اُتے ایمان لیاؤنا چاہی دااے ۔ میَں وی خُدا اگے بوہت وڈا ضدی بندہ ساں ،پرمیَں خُدا نال اپنی ضد نوں چھڈ دتا تے اوہدے فضل دے سبب راستباز بنیا ہاں ۔
سچی توبہ اک بندے دی ضد نوں مکا دیندی اے تے دلوں خُدادی راستبازی نوں منیاں، پاپاں توں معافی ملدی اے ۔معافی پاؤن دے بعد ، سانوں اپنیاں بھیڑیاں راہواں چھڈ دینیاں چاہی دیاں نیں ۔ تے اپنیاں غلطیا ں نوں مننا ،تے خُدا دے اگے رُوحانی طور اُتے چنگی حیاتی بسر کرن دی ہمت کرنی چاہی دی اے ۔ اخیریں اک نویں سریوں جمے ہوئے پاک بندے دی حیاتی وچ سچی توبہ ہوندی اے ۔
جیہڑے یسوع اُتے ایمان لیاؤندے نیں ،پر حالے تیک خُدادی راستبازی نوں نئیں جان دے ،اوہ برباد ہو جان گے ۔ایناں لوکاں نوں اپنیاں ضدی راہواں نوں چھڈنا تے توبہ تے پاپاں توں معافی لئی یسوع دے بپتسمہ تے سولی اُتے ایمان لیاؤنا چاہی دااے (اعمال ۳:۱۹)۔ یسوع نے سانوں اِکو ای واری ،سانوں پاپاں توں معافی ،اوہدی راستبازی راہیں پاؤن لئی ،سانوں ایہہ حکم دتا اے ۔ سانوں خُدا دی آواز نوں پچھاننا تے اوہدے کلام نوں سُننا چاہی دااے ،تاں پئی اسیں مکمل طور اُتے راستباز لوک بن سکیے تے ایس سچیائی اُتے سانوں ایمان لیاؤنا چاہی دااے پئی اسیں یسوع دے بپتسمہ تےاوہدی صلیبی موت راہیں تے فدیہ دے سبب ،اِکو ای واری اپنے سارے پاپاں توں مکتی پائی اے۔ جدوں اک بندہ خُدادی راستبازی اُتے ایمان لیاؤندااے ،تاں اوہ اپنے سارے پاپاں توں مکتی پا لیندااے تے پاک رُوح دا انعام پاؤندااے ۔ یسوع دے سارے رسولاں تے شاگرداں نیں خُدادی راستبازی اُتے ایمان رکھیا تے اِکو ای واری پاپاں توں مکتی پائی سی ۔ تہانوں وی ، ایس سچیائی اگے ضد ی نئیں ہونا چاہی دا ۔ حالے تیک تسیں ضدی بنے ہوئے او ۔ جے تسیں مسیحی ہوندے ہوئیاں رُوحانی ختنے نوں نئیں سمجھدے ،تاں تہانوں ایہدے بارے سکھنا چاہی دااے تے ایہدے اُتے ایمان لیاؤنا چاہی دااے ۔ ایہہ تہاڈی ضد نوں مکا دیوے گا ۔ تہانوں توبہ کرنی تے ایمان لیاؤنا چاہی دااے ۔
لوک ایس رُوحانی ختنہ دی سچیائی نوں جانیوں اَڈ ای ،ایس سچیائی نوں رد کردے تے ایہدا مذاق اُڈاؤندے نیں ، ” ایہہ غلط ہیگااے ! کویں اک بندہ راستباز بن سکدااے جد پئی اوہ ہر دیہاڑے پاپ کردااے ؟ تہانوں پتہ ہیگا اے ، پئی خُدا صرف ایمانداراں نوں یسوع دی راستبازی وچ بلاؤندا اے ،بھاویں اوہ پاپ بھرے ای ہون ۔ایہو ای پاکیزگی دی تعلیم ہیگی اے ،تہانوں ایس لئی راستباز نئیں آکھیا گیا کیوں جے تہاڈے دل وچ سچ مُچ کوئی پاپ نئیں ہیگا اے ۔ “پر تہانوں جاننا چاہی دااے پئی ایہہ بوہت غلط تعلیم ہیگی اے ۔
پاک بائبل وچ ، خُدا نے فرمایا پئی رُوحانی ختنہ دی خوشخبری دے راہیں جیہڑی سانوں پاپاں توں معافی دیندی اے ، ” میَں تہاڈے پاپاں نوں مکایا اے ،ہُن تسیں پاک ہیگے او،کیوں جے میَں تہاڈے سارے پاپ اپنے اُتے لد لَے ،تسیں راستبازہیگے او۔ “ ” کیہ تسیں میری راستبازی اُتے ایمان رکھدے او ؟جے تسیں رُوحانی ختنہ دے کلام اُتے ایمان رکھدے او، فیر تسیں میرے لوکاں وچوں ہیگے او ،تے تسیں پاک ہیگے او۔“ خُدا اپنی کامل مکتی بارے گل کردااے ،پر صرف ناں دے ای مسیحی اوہناں ساریاں دا جیہڑے رُوحانی ختنہ اُتے ایمان رکھدے ،تے نویں سریوں جمن والے مسیحی ہیگے نیں ،اوہناں دا مذاق اُڈاؤندے تے توہمت لاؤندے نیں ۔اوہ آکھدے نیں ، ” اک بندہ جیہڑا لگاتار پاپ کردا رہندااے کویں راستبازبن سکدااے ؟ تسیں اک بندےنوں صرف پاکیزگی دی تعلیم دے سبب ای ’بےپاپ‘ آکھ سکدے او ۔ اسیں کویں سوچ سکدے آں پئی اک بندہ سچ مُچ پاپ توں اَڈ ہیگااے ؟ اک بند ہ ہر دیہاڑے پاپ کرن توں اَڈ نئیں رہ سکدا ۔ “ اوہ ایس طرحاں مذاق اُڈاؤندے تے من مرضیاں کردے رہندے نیں ،کیوں جے اوہ خُدا دی راستبازی اُتے ایمان نئیں رکھدے ۔
پر خُدااوہناں نوں ہمیش دی حیاتی دیوے گا جیہڑے چنگی راہ اُتے قائم ہیگے نیں ۔اوہ جیہڑے چنگیاں کماں وچ صبرتے تحمل راہیں ، وڈیائی ، عزت تے ہمیشگی نوں لبھدے نیں ،خُدا دے پُتر بن جان گے ۔ پر جیہڑے اِنج نئیں کردے اوہ سزاپاؤن گے ۔ ہر بندہ خُدا دا پُتر بن کے ہمیش دی حیاتی بسر کرنا چاؤہندااے ۔یسوع اوہناں نوں ہمیش دی حیاتی دیندااے ،جیہڑے پاک ہون تے بے مثالی حیاتی ہمیش لئی بسر کرنا چاؤہندے نیں ۔
” اے خُداوند میَں سچ مُچ رُوحانی ختنہ دے راہیں پاپاں توں معافی پاؤنا چاؤہنداہاں تاں پئی میَں اپنے من دی شرمندگی توں اَڈ جیوندا رہ سکاں ۔ میَں تیرا پُتر بننا چاؤہنداہاں ۔میَں تیری راستبازی اُتے ایمان لیاکے تینوں خوش کرنا چاؤہندا ہاں ۔ میَں پاک بننا چاؤہندا ہاں ۔مہربانی کر کے مینوں میرے سارے پاپ معاف کردے ۔“ اوہ جیہڑے خُدا دی راستباز مکتی نوں لبھدے تے اپنے سارے پاپاں توں معافی پاؤناچاؤہندے نیں ،خُدا اوہناں دیاں ساریاں سدھراں نوں سُن دا تے اوہناں دے سارے پاپاں نوں خُدا دی راستبازی دین دے راہیں معاف کردا اے ۔ اوہ جیہڑے ہمیش دی حیاتی پاؤنا چاؤہندے نیں ،خُدا اوہناں نوں ہمیش دی حیاتی دیندااے ۔
رُوحانی ختنہ کیہ ہیگااے ؟
ایہدا مطلب پاپاں توں معافی یسوع دے بپتسمہ تے صلیبی لہو نال پوری ہوئی اے۔ میمنے دا لہو سزا لئی تے یسوع دا یوحنا کولوں بپتسمہ دا مطلب ہیگا اے پئی ایس جگ دے پاپ یسوع اُتے لدے گئے سَن ۔ ایتھوں تیک اج کل دی مسیحیت پُرانے عہدنامے نوں اک پاسے نئیں سُٹ سکدی کیوں جے فیر ، ایہہ نویں عہد نامے اُتے یقین نئیں رکھ سکدی ۔ پاک کتاب وچ سانوں دِسدا اے پئی رُوحانی ختنہ تے میمنے دا لہو فسح دی دینی رسماں نال میل رکھدے نیں ۔
۱ ۔یوحنا ۵:۶ ایہہ یسوع دے بارے آکھدا اے ، ” ایہو ای اے اوہ جیہڑا پانی تےرُوح دے راہیں آیا ۔ “ یسوع صرف پانی دے راہیں یاں صرف لہو دے سبب نئیں سگو ں دونواں دے راہیں آیا ۔ تہانوں اپنے سارے پاپاں توں مکتی پاؤن لئی رُوحانی ختنہ جیہڑ ااپنے اندر پانی ،لہو تےرُوح دے اَکھر رکھدااے ،اُتے یقین رکھنا چاہی دااے ۔
خروج ۱۲ باب پڑھدیاں ای، میرے دل وچ رُوحانی ختنہ دے بارے کُجھ سوال پیدا ہوئے نیں ۔ خروج ۱۲ باب دا کیہ مطلب ہیگااے ؟ میَں بوہت دھیان نال سارے باب نوں ویکھیا تے جیہڑے حوالے بائبل وچ ایہدے نال جُڑے ہوئے نیں ،اوہناں نوں کئی واری ویکھیا ۔ تے مینوں پتہ لگیا پئی اِسرائیلی فسح دے جشن وچ رَلن دے لائق ہیگے سَن کیوں جے اوہناں نیں ختنہ کروایا سی تے نویں عہد نامے وچ ، اِنج آکھیا گیا اے پئی یسوع نے صرف سولی اُتے لہو نئیں روڑھیا ،سگوں اوہنے یوحنا کولوں بپتسمہ لیا تے فیر لہو
روڑھیا ۔
خُدا نے اِسرائیلیا ں نوں شرع دی فسح دی عید لئی دو دینی رسماں دسیاں : پہلاں ختنہ کراؤنا تے فیر فسح دے میمنے دا ماس کھانا ۔ ایہو ای پُرانے عہدنامے دا رُوحانی ختنہ سی !نویں عہد نامے وچ ، ایہہ آکھیا گیا پئی ساڈے پاپ یوحنا بپتسمہ دین والے دے راہیں یسوع اُتے لد دتے گئے سَن تے اوہنے سولی اُتے لہو روڑھیا ۔ مینوں پتہ لگیا پئی ایس سچ نوں قبول کرن دے پھل وچ اسیں رُوحانی ختنہ سچ مُچ پا لیند ے آں ۔ یسوع مسیح نے یوحنا کولوں یر دن دے کنارے بپتسمہ لیا سی : ایہو ای سبب ہیگا اے پئی اوہنے جگ دے پاپاں دا بھار اپنے اُتے چُک لیا تے اِنج اوہنوں سزا ملی تے اوہنے ساڈے لئی سولی اُتے اپنی جان دتی ۔
تسیں اپنے سارے پاپاں توں تے بدکاریاں توں مکتی دا تجربہ ایس سچیائی نوں جیہڑی تہاڈے دل وچ ہیگی اے نوں قبول کرن دے راہیں کر سکدے او ۔ اک بندے نوں سارے پاپاں توں مکتی پاؤن لئی ، لازمی ہیگااے پئی اوہ خُدا دی راستبازی اُتے ایمان رکھے ،جیہڑی سانوں رُوحانی ختنہ دے سکدی اے ۔ لوکاں نوں ایس سچیائی نوں پچھانن دی لوڑہیگی اے ۔ تہانوں پڑھن والیاں نوں سمجھ لینا چاہی دااے پئی پُرانے عہد نامے وچ رُوحانی ختنہ تے نویں عہد نامےوچ یسوع دا بپتسمہ اِکو ای اے ،جدوں اسیں پاپاں توں معافی نوں ویکھدے آں ۔ یسوع نوں سزا ایس لئی نئیں ملی پئی اوہنے پاپ کیتا سی ، سگوں اوہنے ساری انسانی پیڑھی لئی سولی اُتے جان دتی اے ۔ اوہنے بپتسمہ لیا تے اپنے بدن اُتے جگ دے پاپاں دا بھار چُکیا ۔ ایہہ اوہناں دا ایمان ہیگا اے جنہاں نیں رُوحانی ختنہ پایا اے ۔
جنہاں نیں خُدا دی راستبازی دے راہیں رُوحانی ختنہ پایا اوہناں وچ پاپ نئیں ہیگااے کیوں جے اوہ اصل وچ یسوع اُتے ایمان رکھدے نیں ۔ مینوں اوہناں اُتے ترس آؤندا اے جیہڑے کسے ناں کسے طرحاں یسوع اُتے وکھالے دا ایمان تاں رکھدے نیں ،پر حالے تیک اوہناں نیں خُدا کولوں رُوحانی ختنہ نئیں پایا اے ۔ اوہناں نوں ایس سچیائی اُتے ایمان لیاؤنا چاہی دااے پئی جدوں یسوع نے یوحنا کولوں بپتسمہ لیا تاں اوہنے ایس جگ دے سارے پاپاں نوں اپنے اُتے چُک لیا سی ۔
بے نصیبی نال ، بوہتے مسیحی صرف یسوع دے سولی اُتے ایمان رکھدے نیں پر بپتسمہ اُتے نئیں ۔ ایس طرحاں ، اوہ خُدا دی راستبازی اُتے ایمان لیاؤن دا یقین ای نئیں کردے ۔ سانوں جانن دی لوڑ ہیگی اے پئی لازمی ہیگا اے پئی اسیں اوہدےاُتے یقین رکھیے جیہڑا سانوں پاک کتاب وچ دسیا گیا اے ۔
ایس گل توں دھیان ہٹا کے پئی دینی تعلیماں تے خُدائی تعلیم دے ماہر کیہ آکھدے نیں،سانوں صرف خُدا دے کلام اُتے یقین رکھنا چاہی دااے جیہڑا سانوں اوہدی راستبازی ول لَے جاوے گا ۔ ایہدا
سبب ایہہ ہیگا اے پئی اوہدی راستباز ی توں سکھنا کلام اصل وچ اوہدا کلام نئیں ہیگا اے ۔ رُوحانی ختنہ دے اَڈ خوشخبری اَدھوری ہیگی اے ۔ ایہو ای سبب ہیگا اے پئی پاک بائبل وچ ، خُدا نے پُرانے عہد نامے وچ ختنہ دے بارے بوہت دونا دسیا تے نویں عہد نامے وچ بپتسمہ دے بارے ۔ دوجے اکھراں وچ ، پُرانے عہد نامے وچ ایہہ ختنہ تے فسح دے میمنے دے لہو دے بارے دسدا اے ،جیہڑا نویں عہد نامے وچ یسوع دے بپتسمے تے لہو وانگر ہیگااے ۔ رُوحانی ختنہ پاؤن لئی سانوں ایس سچیائی اُتے ایمان لیاؤنا پیندا اے ۔پر جے اسیں ایس سچ اُتے یقین ناں کریے ،تاں فیر اسیں خُدا دی بادشاہی توں باہر ای رہواں گے ۔
کیہ خُدا دی راستباز ی صرف اوہدے صلیبی لہو نال پوری ہوندی اے ؟ انج نئیں ہیگااے ۔ خُدا دی راستباز ی یسوع دے بپتسمہ تے صلیبی لہو دونواں دے نال پوری ہوندی اے ۔ ایس طرحاں ، اسیں اپنے دلاں دا رُوحانی ختنہ صرف یسوع دے سولی اُتے لہو روڑھن نال ای نئیں پایا سگوں اوہدے بپتسمہ دے راہیں وی جیہڑا اوہنے یوحنا کولوں لیا سی ۔ رُوحانی ختنہ ساڈے لئی اوس ویلے سوکھا ہویا جدوں یسوع نے بپتسمہ تے اپنی ،موت دے راہیں ساڈے سارے پاپاں دا سولی اُتے فدیہ دے کے مکا دتا ۔
ختنہ دا مطلب وڈھنا اے
یسعیاہ نبی نے مسیحا دے بارے پیشن گوئی کیتی پئی ،یسوع مسیح ساڈے پاپاں دی سزا جرے گا ،اوہ ساڈیاں بدکاریاں دے سبب زخمی ہووے گا تے ساڈیاں غلطیاں دے سبب لتاڑیا جاوے گا ۔ ایس لئی ، سانوں اگانہہ ہور ودھن توں پہلاں کُجھ ہور جاننا چاہی دااے ۔کاہدے لئی یسوع مسیح سولی اُتے مریا سی ؟
پُرانے عہد نامے وچ ،اک پاپی اپنے ہتھ قربانی دے میمنے اُتے رکھ کے اپنے پاپ ایہدے اُتے لد دینداتے فیر میمنے نوں قربان کر دتا جانداسی ۔ فیر کاہن اوہدا لہو اُنگل اُتے لَے کے اوہنوں سوختنی قربانی دے مذبح دے سینگاں اُتے لاؤندا تے اوہدا باقی لہو مذبح دے پاوے اُتے ڈوہل دیندا سی (۴:۲۷۔ ۳۰)۔پُرانے عہد نامے دا پاپی ایس طریقے نال اپنے پاپاں نوں مکا سکدا سی ۔ فیر کیہ یسوع جیہڑا خُدا دا میمنا ہو کے آیا (یوحنا ۱ : ۲۹)سانوں ساڈے پاپاں توں بچاؤن لئی ،اوہ اوسے طرحاں جویں پئی پُرانے عہد نامے وچ ہتھ رکھ کے میمنا پاپ چُک لیندا سی ،کیہ اوسے طرحاں اوہنے ساڈے پاپ نئیں چُکے ہون گے؟
فیر ،کدوں تے کویں خُداوند نے سارے جگ دے پاپاں نوں اپنے اُتے چُکیا ہووے گا ؟ جدوں
یوحنا نیں یر دن اُتے یسوع نوں بپتسمہ دتا تاں کیہ ایہہ (متی ۳ :۱۳ ۔ ۱۷) وچ صاف صاف نئیں دسیا گیا ؟ جویں پئی ایہہ پُرانے عہد نامے وچ احبار دی کتاب وچ لکھیا ہویا اے ،جتھے لگاتار پاپیاں نوں دسیا جاندا اے پئی ” اوہ اپنے پاپاں نوں اوہدے اُتے لدن لئی اپنا ہتھ چڑھاوے دے پسُو دے سر اُتے رکھن “(احبار ۱: ۴ ، ۳: ۸ ،۴ :۲۹)۔پُرانے عہد نامے دے وڈا کاہن میمنے دے سر اُتے اپنا ہتھ رکھ کے اپنے تے سارے اِسرائیل دے پاپاں نوں اوہدے اُتے لد دیندا سی (احبار ۱۶ :۲۱)۔فیر اوہ اوہدےکُجھ لہو نوں مذبح دے سینگ اُتےاگ دی قربانی وانگر لاؤندا تے باقی سارا لہو مذبح دے پاوے اُتے ڈوہل دیندا سی ۔ ایس طرحاں اوہ پاپاں توں مکتی پاؤندے سَن ۔
بالکل ایسے طرحاں ای یسوع نے یوحنا کولوں بپتسمہ لَے کےتے سولی اُتے لہو روڑھ کے ساڈے پاپاں دی مکتی نوں پوریاں کیتا ۔ ایہہ خُدا دی راستباز ی تے رُوحانی ختنہ سی ،جیہڑا خُدا سانوں بائبل وچ دینا چاؤہندااے ۔ ایس لئی ، اسیں جیہڑے خُدا دی راستباز ی اُتے یقین رکھدے آں ،ساڈے پاپ یسوع مسیح دے یوحنا کولوں بپتسمہ لین تے اوہدے صلیبی لہو نال مکا دتے گئے سَن ۔جدوں اسیں نویں عہد نامے وچ یسوع دے بپتسمہ نوں پُرانے عہد نامے دے ختنے دے تعلق نال جوڑ کے سمجھ لیندے آں ؛تاں اسیں خُدا دی راستباز ی اُتے ایمان لیاؤندے آں تے سچ مُچ اپنے دلاں وچ رُوحانی ختنہ نوں پاؤندے آں ۔
نویں عہدنامے وچ اصلی رُوحانی ختنہ
آؤ اسیں متی ۳ : ۱۳ ۔۱۵ وچ ویکھدے آں ، ” اوس ویلے یسوع گلیل توں یردن دے کنارے یوحنا کول اوہدے کولوں بپتسمہ لین آیا ۔پر یوحنا ایہہ آکھ کے اوہنوں منع کرن لگا پئی میَں آپ تیرے کولوں بپتسمہ لین دا محتاج ہیگا واں تے تُوں میرے کول آیا ایں ؟ یسوع نے جواب دے کے اوہنوں آکھیا ہُن تُوں ہون ای دے کیوں جے ساڈےلئی ایسے طرحاں ساری راستبازی نوں پورا کرنا چنگا اے ۔اِنج اوہنے ہون ای دتا۔ “
یوحنا بپتسمہ دین والے نے یسوع نوں یردن اُتے بپتسمہ دتا ، اوہنے یسوع دے سر اُتے اپنے ہتھ رکھے تے اوہنوں بپتسمہ دتا (بپتسمہ دین نوں یونانی وچ ’ بپٹیزو‘ آکھدے نیں تے ایہدا مطلب ہیگا اے
، ڈبونا یاں پانی وچ غوطہ لاؤنا)
یسوع نے سولی اُتے ساڈے پاپاں لئی جان دین توں پہلاں اوہنے بپتسمے دے راہیں ساڈے پاپاں نوں اپنے اُتے چُک لیا ۔ ایس طرحاں ، اوہنے پہلوں یوحنا کولوں بپتسمہ لیا تے فیر پانی وچ غوطہ لیا ۔ کاہدے لئی اوہنے بپتسمہ لیا سی؟ ایس لئی پئی جدوں اوہنے بپتسمہ لیا اوہنے خُدا دی راستبازی نوں پوریاں کیتا ۔ ایہو ای ٹھیک تے چنگا سی پئی اوہنے سارے جگ دے پاپاں نوں بپتسمے دے راہیں چُک لیا سی تے ساڈا مکتی داتا تے خُدا بن گیا سی ۔ یسوع لئی چنگا ایہو ای سی پئی ساڈے پاپاں دے بھارنوں بپتسمے دے راہیں اپنے اُتے برداشت کرے تے سولی اُتے جان دیوے ۔
پہلاکم جیہڑا یسوع نے اپنی منادی دے شروع وچ کیتا سی ، ایہہ ہیگا سی پئی اوہنے بپتسمہ لیا ۔ یونانی وچ بپتسمہ نوں ’baptisma ‘ آکھدے نیں تے ایہدا مطلب ” دھونا ،دفن کرنا، منتقل کرنا ،لددیناہیگا اے “ پُرانے عہد نامے وچ ،۷ ویں مہینے دی ۱۰ ویں تاریخ اِسرائیلیاں لئی فدیہ دیہاڑا سی تے وڈاکاہن ہارون چڑھاوے دے بکریاں اُتے اپنے ہتھ رکھدا تے اک نوں خدا دی نذر کیتا جاندا تے دوجے نوں اِسرائیلیاں دے فدیے لئی اگ دی قربانی وانگر چڑھایاجاندا سی (احبار ۱۶)۔نویں عہد نامے وچ ، یسوع نے ساڈے سارے پاپاں نوں یوحنا دے بپتسمے راہیں اپنے اُتے چُک لیا ۔
بپتسمہ پاؤن دے دوجے دیہاڑے ،یوحنا نے اوہنوں اپنے ول آؤندیاں ویکھ کے آکھیا ،” ویکھو ایہہ خُدا دا میمنا ہیگااے جیہڑا جگ دا پاپ چُک کے لَے جاندا اے “ (یوحنا ۱:۲۹)۔
تہانوں ایہہ گل مننی چاہی دی اے پئی رُوحانی ختنہ صرف اوہدے لہو اُتے ایمان لیاکے سوکھا نئیں ہیگا اے ۔
آؤ ۱ ۔ یوحنا ۵:۴ توں شروع کردے آں ، ” جیہڑا بندہ خُدا وچوں جمیا اے اوہ جگ اُتے فتح پاؤندااے تے اوہ جِت جیہدے نال جگ نوں جتیا گیااے ،ساڈا ایمان ہیگااے ۔ جگ اُتے فتح پاؤن والا کیہڑا ہیگااے ،سوا اوس بندے دے جیہدا ایہہ ایمان ہیگااے پئی یسوع خُدا دا پُتر ہیگااے ؟ ایہو ای اوہ ہیگااے جیہڑا پانی تے لہو دے راہیں آیا سی یعنی یسوع مسیح ۔ اوہ ناں صرف پانی دے راہیں سگوں پانی تے لہو دونواں دے راہیں آیا سی ۔ تے جیہڑا گواہی دیندااے اوہ رُوح ہیگا اے کیوں جے رُوح سچیائی ہیگااے ۔ اور گواہی دین والے ۳ نیں ۔رُوح تے پانی تے لہو تے ایہہ ۳ اِکو ای گل اُتے اکٹھے ہوندے نیں ۔جدوں اسیں بندیاں دی گواہی نوں من لیندے آں تاں خُدا دی گواہی تاں ایہدے توں اُچی ہیگی اے تے خُدا دی گواہی ایہہ ہیگی اے پئی اوہنے اپنے پُتر دے حق وچ گواہی دتی اے ۔جیہڑا خُدا دے پُتر اُتے ایمان رکھدا اے اوہ اپنے آپ وچ گواہی رکھدااے ۔ جنہے خُدا دا یقین نئیں کیتا ،اوہنے ایہنوں جھوٹا بنایا کیوں جے اوہ اوہدی گواہی اُتے جیہڑی خُدا نے اپنے پُتر دے حق وچ دتی اے ،ایمان نئیں لیایا ۔ تے اوہ گواہی ایہہ ہیگی اے پئی خُدا نے سانوں ہمیش دی حیاتی دتی اے تے ایہہ حیاتی اوہدے پُتر وچ ہیگی اے ۔جیہدے کول پُتر ہیگا اے اوہدے کول حیاتی ہیگی اے تے جیہدے کول خُدا دا پُتر نئیں ہیگا اوہدے کول حیاتی وی نئیں ہیگی ۔ “(۱ ۔ یوحنا ۵: ۴ ۔ ۱۲)۔
رُوحانی ختنہ دا ثبوت کیہ ہیگااے ؟ ایمانداراں دا ایہہ ایمان ہیگااے پئی اوہ یسوع دے بپتسمہ تے لہو دونواں اُتے ایمان رکھدے نیں ۔اوہ جِت جنہے جگ نوں جِتیا پانی تے لہو ہیگااے ۔” ایہو ای اوہ ہیگااے جیہڑا پانی تے لہو دے راہیں آیا سی یعنی یسوع مسیح ۔ اوہ ناں صرف پانی دے راہیں سگوں پانی تے لہو دونواں دے راہیں آیا سی ۔ تے جیہڑا گواہی دیندااے اوہ رُوح ہیگا اے کیوں جے رُوح سچیائی ہیگااے ۔ اور گواہی دین والے ۳ نیں ۔رُوح تے پانی تے لہو تے ایہہ ۳ اِکو ای گل اُتے اکٹھے ہوندے نیں ۔“ایہہ گواہ جیہڑے دسدے نیں پئی خُدا ای ساڈا خُدا تے مکتی داتا ہیگا اے ۔ایہہ گواہی دیندے نیں پئی خُدا بندے دے بدن وچ دھرتی اُتے آیا ،ساڈے سارے پاپاں نوں اپنے بپتسمے دے راہیں چُک لیا تے ساڈی لئی سولی اُتے لہو روڑھ کے سانوں ساڈے سارے پاپاں توں مکتی دتی ۔
نویں عہد نامےوچ رُوحانی ختنہ دی خوشخبری پانی تے لہو اُتے قائم ہیگی اے ۔ نویں عہد نامےوچ ،پانی یسوع دا بپتسمہ ہیگااے جیہڑا اوہنے یوحنا کولوں لیا سی تے لہو دا مطلب اوہدی صلیبی موت ہیگی اے ۔ یسوع مسیح دا بپتسمہ پُرانے عہد نامے وچ ختنے وانگر ہیگا اے ۔ یسوع دا یوحنا کولوں بپتسمہ لینا ایہدا ثبوت ہیگا اے پئی ساڈے پاپ ایہدے راہیں اوہدے اُتے لدے گئے سَن ۔اوہ جیہڑے ایس سچیائی اُتے ایمان رکھدے نیں اوہ خُدا دے اگے کھلو کے آکھن گے ، ” اے خُدا ،تُوں میرا مکتی داتا ہیگاایں ۔میَں تیری راستبازی اُتے ایمان رکھدا ہاں ،ایس لئی میَں پاپ توں چھڈایا گیا ہاں ،میَں تیرا بے عیب پُتر ہیگا واں تے تُوں میرا خُدا ہیگا ایں ۔ “ پاک کتاب وچ اوہ کیہڑیاں پکیاں گلاں ہیگیاں نیں جیہڑیاں تہانوں پورے یقین نال ایس طریقے نال منادی ول لَے ٹُردیاں نیں ؟ایہہ یسوع دےبپتسمہ تے صلیبی لہو اُتے ایمان ای ہیگااے ،جیہڑا خُدا دی راست بازی ہیگااے ۔ خُدا دی راستبازی نوں اپنی راستبازی مننا صرف مسیح دے لہو دے سبب سوکھا نئیں ہویا ۔ اوہدا بپتسمہ تے لہو دونواں نال ای ایہہ پیدا ہوندی اے ۔
آؤ ایس حوالے نوں ویکھیے جیہڑا یسوع دے بپتسمے نوں ساڈی مکتی لئی لازمی بناؤندااے ۔۱ ۔ پطرس ۳:۲۱ ایس سچیائی دا ثبوت ہیگااے ۔” تے اوسےپانی وانگر وی مطلب اے بپتسمہ یسوع مسیح دے جی اُٹھن دے سبب ہُن تہانوں بچاؤندااے،اوہدے نال بدن دی ناپاکی مکاؤن دا مطلب نئیں
سگوں کھری نیت نال خُدا دی طلب رکھنا ،مطلب اے ۔“
پطرس رسول ہُن ساڈی مکتی دے شک توں اَڈ ثبوت بارے گل کرداپیا اے ۔ یسوع دا بپتسمہ پُرانے عہدنامہ دا ختنہ ہیگااے ۔ کیہ تسیں سمجھدے او؟ جویں پئی پُرانے عہد نامے وچ اِسرائیلی ختنہ لئی اپنی کھلڑی نوں وڈدے سَن ،نویں عہد نامے وچ ، یسوع نے یوحنا کولوں بپتسمہ لیا تے جگ دے سارے پاپ چُک لَے ،تے سانوں رُوحانی ختنہ پاؤن دے لائق بنایا ۔بپتسمہ تے صلیبی لہو نے خُدا دی راستبازی بنائی اے ۔ رُوحانی ختنہ تے بپتسمہ ،دونواں دا اِکو ای مطلب ہیگااے ۔ تہانوں جاننا چاہی دا اے پئی یسوع دا بپتسمہ ساڈے ساریاں دے رُوحانی ختنہ ول اشارہ کردا اے ۔
” تے اوسےپانی وانگر وی مطلب اے بپتسمہ جیہڑا سانوں بچاؤندااے۔“ کویں اسیں خُدا دی راستبازی پا سکدے آں ؟ ایس ایمان نال پئی یسوع نےبپتسمہ لیا سی تے ساڈے پاپاں لئی سولی اُتے مرگیا سی ۔ متی ۳:۱۵ ،وچ دسیا گیا اے ، ” ہُن تُوں ہون ای دے کیوں جے ساڈے لئی ایسے طرحاں ساری راستبازی نوں پوریاں کرنا چنگا ہیگااے ۔“ کیوں جے سارے جگ دے پاپ یسوع اُتے لد دتے گئے سَن ، ایس لئی پاپیاں دے سارےپاپ مکا دتے گئے نیں ۔ ہر پاپی یسوع دے بپتسمہ تے اوہدے لہو اُتے ایمان لیاؤن دے سبب راستباز بن سکدا اے ۔ یسوع مسیح نے جگ دے سارے پاپاں نوں اپنے اُتے سہاریا تے سولی اُتے سزا سہندیاں ہویاں اوہدا لہو وگیا سی :سارے جگ دا فدیہ ایس طرحاں ہویا سی ۔ ایمان رکھو پئی یسوع نےبپتسمہ لَے کے جگ دے سارے پاپاں نوں چُک لیا سی تے ایہہ پئی ساڈے لئی اوہنے سزا سہی ،ایسے سچ اُتے ایمان رکھو جیہڑا ایمانداراں نوں خُدا دی راستبازی دیندا اے ۔
یوحنا نے ۱:۲۹ وچ دسیا اے ، ”ویکھو ایہہ خُدا دا میمنا ہیگا اے جیہڑا جگ دا پاپ چُک کے لَے جاندااے ۔“ یسوع خُدا دا پُتر ہیگااے تے سانوں بناؤن والے وانگر ، اوہنے ختنہ دے وعدے نوں سارے پاپاں دے پاپ چُک کے پورا کیتا ۔ایہو ای اصل ایمان ہیگااے جیہڑا ساڈے دلاں وچ روحانی ختنہ لیاؤندااے ، جیہڑا خُدا دی راستبازی ہیگا اے ۔یسوع ساڈی اصل راستبازی ہیگا اے ۔سانوں یسوع دا شکر اداکرنا چاہیے۔ضرور ہیگا اے پئی اسیں اوہدے بپتسمہ تے لہو لئی خُدا دا شکر ادا کریے جیہڑا سانوں ایس لائق کردا اے پئی رُوحانی ختنہ پائیے ۔
۱ ۔ پطرس ۳ :۲۱ ایسے گل نوں ودھاؤندااے ، ” اوہدے نال بدن دی ناپاکی مکاؤن دا مطلب نئیں سگوں کھری نیت نال خُدا دی طلب رکھنا ،مطلب اے۔ “ اک بندہ صرف وکھالے دا ایمان لیاکے یسوع دی سچی مکتی نئیں پا سکدا کیوں جے ایہدے نال بدن دی ناپاکی مکاؤن دا مطلب نئیں ۔ تسیں صرف اوہدے اُتے ایمان لیا کے مکتی پا سکدے او پئی تہاڈے سارے پاپ یسوع دے بپتسمے راہیں اوہدے اُتے لد دتے گئے سَن تے اوہدا لہو سولی اُتے روڑھیا گیا سی ۔تسیں سچے دلوں یسوع دے مکتی داتا ہون دا اقرار کر کے پاپاں توں مکتی پا سکدے او۔ایہہ ایمانداراں دے دلاں وچ وسن لگ پیندی اے۔جے تسیں مکتی داتا اُتے ایمان رکھدے او ،تاں تہاڈے پاپ مک جان گے ۔ ایتھوں تیک پئی حالے تیک تسیں گندے ہیگے او تے کوئی ناں کوئی غلطی تہاڈے کولوں ہر دیہاڑے ہو جاندی اے :پر اصل وچ ہُن تہاڈے اُتے پاپ دا کوئی زور نئیں ہیگااے ۔ تسیں خُدا دی بادشاہی نوں ایس ایمان نال پایا اے پئی جدوں یسوع نے بپتسمہ لیا ،سارے پاپ یسوع اُتے لد دتے گئے سَن ،ہُن ساڈے دل پاپ توں سکھنے نیں ۔
تسیں سچیائی نوں اپنا بناؤن لئی ایمان لیاندااے
یوحنا ۱:۱۲ وچ اایہہ آکھدااے ، ” پر جنہیاں نیں اوہنوں قبول کیتا اوہنے اوہناں نوں خُدا دے پُتر بنن دا حق دتا مطلب اے اوہناں نوں جیہڑے اوہدے ناں اُتے ایمان لیاؤندے نیں۔ “
تسیں کویں ایمان پایا تے اوہنوں قبول کیتا اے ؟ تسیں کماں نوں قبول کیتا اے جیہڑے خُدا دے پُتر نےکیتے سَن ۔خُدا دا کم کی سی ؟ خُدا دا پُتر دھرتی اُتے اک پاپ بھرے بدن وانگر آیا سی تے جدوں او ہ ۳۰ ورہیاں دا ہویا، اوہنے سارے جگ دے پاپاں نوں چُکن لئی بپتسمہ لیا تے سانوں رُوحانی ختنہ دتا تاں پئی ساڈے پاپ مکا دتے جان ۔فیر اوہ خُدا دے میمنے وانگر سولی اُتے ماردتا گیا تے ساڈے لئی ہمیش دا فدیہ بنیا ۔ خُداوند سارے پاپیاں لئی پاپ دی ہمیش دی قربانی بنیا تے سانوں ہمیش لئی پاپاں توں مکتی دتی ۔ایہو اصل ایمان ہیگا اے ۔اسیں سچیائی اُتے ایمان لیاکے راستباز بن دے آں ۔
کیہ اسیں صرف مسیح دے لہو اُتے ایمان لیا کے رُوحانی ختنہ پا سکدے آں؟ نئیں ،اسیں اِنج نئیں کر سکدے ۔یسوع دے بپتسمے نے ساڈے پاپاں نوں ساڈے کولوں وکھ کر دتا تے سولی اُتے پاپیاں لئی لہو وگا کے جیہڑی اوہنے سزا جری اوہ میرے تے تہاڈے لئی سزا سی ۔ اسیں مکتی پا لئی اے تے سزا توں بچ گئے آں ،کیوں جے اسیں خُدا دی راستبازی دی خوشخبری اُتے ایمان رکھدے آں ، ایہو ای یسوع دے بپتسمےتے صلیبی لہو دی خوشخبری ہیگی اے ۔یسوع نوں مکتی داتا مننا ای پاپیاں دے دل دے سارے پاپاں
نوں مکا سکدا اے ۔اپنے دلاں دے رُوحانی ختنے نوں پاوو۔ فیر، خُدا دی راستبازی تہاڈی ہو جاوے گی ۔
اصل رُوحانی ختنہ دل دا ہونا چاہی دااے
رومیوں ۲ باب وچ، پولُس رسول آکھدااے ، ” ختنہ اوہو اے جیہڑا دل دا ہوندااے۔ “ کویں تسیں آپ اپنے دل دا ختنہ کروگے ؟ ایہہ صرف ایس ایمان نال ای ہو سکدااے پئی یسوع مسیح بدنی جسم وچ ایس دھرتی اُتے آیا سی ، اوہنے ، ” جگ دے سارے پاپاں “ نوں چُکن لئی بپتسمہ لیا سی تے اپنا لہو سولی اُتے روڑھیا ،تے ایہہ پئی اوہ ساڈا مکتی داتا بنن لئی تیجے دیہاڑے مویاں وچوں جیوں اُٹھیا ۔پولُس رسول نے فرمایا پئی ختنہ اوہو ای جیہڑا دل دا ہووے ، تے تسیں یسوع دے بپتسمے اُتے ایمان لیا کے اپنے دل دا ختنہ پا سکدے او ۔جے تسیں اپنے دل دے رُوحانی ختنے نوں پاؤنا چاؤہندے او ،تاں فیر یسوع دے بپتسمے اُتے ایمان رکھو ۔ فیر ای ، تسیں اصل وچ خُدا دے پُتراں وانگر اک پُتربن جاوو گے ۔ راستباز بندہ اوہ ہیگا اے جیہڑا ایمان رکھدا اے پئی یسوع دا بپتسمہ تے لہو اوہنوں اوہدے سارے پاپاں توں مکتی دیندا اے ۔آمین۔
جدوں تیک یسوع ۲۹ ورہیاں دا سی ،اوہنے اپنے خنوادے دی مدد کرن لئی اپنی اک حیاتی بسر کیتی ، پر جویں ای اوہ ۳۰ورہیاں دا ہویا ،اوہنے اپنی خدمت والی حیاتی شروع کردتی ۔اپنی خدمت والی حیاتی وچکار ،اوہنے سارے جگ دے پاپاں نوں مکا دتا تے سارے پاپیاں نوں اوہناں دے پاپاں توں مکتی دتی ۔ پاپیاں نوں اوہناں دے پاپاں توں مکتی دین تے راستباز بناؤن لئی ،پہلاکم جیہڑا یسوع نے کیتا اوہ ایہہ ہیگا سی پئی اوہنے بپتسمہ لیا ۔ ” اوس ویلے یسوع گلیل توں یردن دے کنارے یوحنا کول اوہدے کولوں بپتسمہ لین آیا ۔“ (متی ۳:۱۳)۔یسوع نے بپتسمہ لین دی ہمت کیوں کیتی ؟سانوں پتہ ہیگا اے پئی اوہنے پاپیاں دے پاپاں نوں چُکن لئی ایہہ کیتا ۔ سانوں اوہدے بپتسمے دے اصل مطلب نوں بے مقصد نئیں کرنا چاہی دا۔ بپتسمہ پاپاں نوں لدن نال ایناں نوں دھو دیندااے ۔ایہو ای سبب ہیگااے پئی یسوع نے ، پاپیاں دے پاپ چُکن لئی یوحنا نوں آکھیا پئی اوہ اوہنوں بپتسمہ دیوے ۔
ایہہ یوحنا کون ہیگا اے جنہے یسوع نوں بپتسمہ دتا سی ؟ یوحناسارے بندیاں دا نمائندہ ہیگااے ۔ متی۱۱:۱۱ ۔ ۱۴ وچ ایہہ چنگی طرحاں دسیا گیا اے ، ” میَں تہانو ں سچ آکھدا ہاں جیہڑے زنانیاں وچوں جمے نیں ،اوہناں وچوں یوحنا بپتسمہ دین والے توں وڈا کوئی نئیں ہویا پر جیہڑا اَسمانی بادشاہی وچ نکا ہیگااے ،اوہ اوہدے توں وڈا ہیگااے ۔ تے یوحنا بپتسمہ دین والے توں لَےکے حالے تیک اَسمانی بادشاہی اُتے زور ہوندا رہیا اے تے طاقت ور اوہنوں کھوہ لیندے نیں کیوں جے سارے نبیاں تے توریت نے یوحنا تیک نبوت کیتی ۔تے چاہو و تاں من لوو۔ایلیاہ جیہڑا آؤن والا سی ایہو ای اے ۔“
یوحنا بپتسمہ دین والے دے دناں توں لَے کے،خُدا دے وعدے دا ویلا مُک گیا ۔ایس لئی پئی اوہ بندہ یسوع جیہڑا اوہدے وعدہ نوں پوریاں کرن والا سی ،ایس دھرتی اُتے آگیا سی ۔فیر اوہ بندے کیہڑے سَن جنہاں نے پُرانے عہد نامے دے وعدیاں نوں پوریاں کیتا ؟ اوہ یوحنا بپتسمہ دین والا تے یسوع مسیح سَن ۔ یوحنا بپتسمہ دین والے نے پاپاں نوں یسوع اُتے لد دتا سی ۔ یوحنا بپتسمہ والا پُرانے عہد نامے دا آخری نبی سی جیہڑا نویں عہد نامے وچ ایس لئی گھلیا گیا سی پئی سارے پاپاں نوں خُداوند اُتےلد دیوے ۔ یوحنا نے یسوع دے سر اُتے شرع (رسم )دے مطابق ہتھ رکھ کےجیہڑا پئی قربانی دے طریقے وچ خاص کم ہیگا سی ،ایس کم نوں پوریاں کیتا ۔ جدوں یسوع نے بپتسمہ لیا تاں جگ دے سارے پاپ اوہناں اُتوں لاہ کے یسوع اُتے لد دتے گئے سَن ۔ ”ایس طرحاں “ خُدا نے سارے لوکاں دے دلاں دا رُوحانی ختنہ کیتا ۔
یسوع دا بپتسمے تے اوہدے لہو اُتے اپنے فدیے لئی چھیتی ایمان لیاؤ۔ یسوع نے مُڈھوں ای ایس جگ دے پاپاں نوں اپنے اُتے چُک لیا سی تے سزا وی جری سی ۔خُدا دی راستبازی دی خوشخبری بالکل سچی ہیگی اے تے یسوع نے ساڈے سارے پاپاں دا فدیہ دین لئی بپتسمہ لیا تے اپنا لہو روڑھیا سی ۔ ہُن ، اسیں صرف خُدا دی راستبازی نوں دلوں قبول کر کے پاپاں توں مکتی پا سکدے آں ۔جے تسیں ایہہ مکتی پا لیندے او تاں فیر تسیں وی ” یسوع دے نسل نامے ،داؤد داپُتر ابرہام دا پُتر “وچ رَلن دے لائق ہو جاوو گے ۔ ایتھے ایہو جیہے لوک ہیگے نیں جیہڑے پہلاں توں خُدا دی راستبازی نوں جان دے نیں تے اوہ وی ہیگے نیں جیہڑے ایہنوں نئیں جان دے تے حالے تیک وی یسوع دے خنوادے توں باہر ہیگے نیں ۔سورج ڈُبن والا اے ۔یسوع دے بپتسمے اُتے ایمان لیاوو تے اوہدے نسل نامے وچ رَل جاوو ۔ بپتسمہ اُتے ایمان لیاؤنا اوس تیل وانگر ہووے گا جیہڑا تہانوں ویاہ دے جشن وچ جان لئی مسَح کرے گا ۔مینوں آس ہیگی اے پئی تسیں ایس بھیت نوں جانو گے تاں پئی اسیں اپنے دِیوے لئی تیل اکٹھا کر کے اپنے خُداوند یسوع مسیح دے جگ وچ دوبار ہ آؤن وچ اوہنوں جی آیا ں نوں آکھن دی تیاری لئی تیار ی کر سکیے تے ایس تیل نوں اکٹھیاں کرن لئی سانوں یسوع دے بپتسمے تے صلیبی لہو اُتے ایمان لیاؤنا چاہی دااے ۔
یسوع نے بپتسمہ لیا تاں پئی اوہ ساریاں دے پاپاں نوں مکا دیوے ۔ یسوع آپ خُدا تے خُدا دا پُتر ہیگااے ۔اوہ سانوں بناؤن والا ہیگااے ۔اوہ اپنے باپ دی مرضی نال دھرتی اُتے آیا پئی سانوں خُدا دے پُتر بنن لئی طاقت دیوے ۔ پُرا نے عہد نامے دیاں پیشن گوئیاں کیہدے بارے وچ گل کردیاں نیں ؟ اوہ پیشن گوئیاں یسوع دے بارے ہیگیاں نیں ۔اوہ پیشن گوئیاں سانوں اوہدے آؤن بارے تے ایس گل بارے دسدیاں نیں پئی اوہ کویں ساڈے پاپاں نوں اپنے اُتے لَے کے اوہناں نوں ساڈے توں دُور کرے گا ۔ جویں پئی پُرانے عہد نامے دیاں پیشن گوئیاں وچ دسیا گیا اے ،بالکل اوسے طرحاں یسوع گھٹوگھٹ ۲۰۰۰ورہے پہلاں دھرتی اُتے آیا تے بپتسمہ پا کے اوہنے ساڈے سارے پاپ اپنے اُتے چُک لَے ۔ اوہ آدم دے توں لَے کے آخری بندے تیک ،دے پاپاں نوں مکاؤن لئی ایس جگ وچ آیا ۔
اپنے دلاں دے رُوحانی ختنے نوں پاوو۔” کیوں جے ختنہ اوہو ای ہیگا اے جیہڑا دل دا ہوندا اے “ (رومیوں ۲:۲۹)۔جدو ں تسیں یسوع دے بپتسمے اُتے ایمان رکھدے او ، تاں فیر تسیں اپنے آپ ای دل دے ختنے نوں پاوو گے ۔ دل دے ختنے دا مطلب ہیگا اے پئی ساڈے دلاں وچوں پاپاں نوں باہر کڈھ دینا جدوں اسیں ایمان رکھدے آں پئی ساڈے سارے پاپ یسوع دے بپتسمے دے راہیں اوہدے اُتے لد دتے گئے سَن ۔ کیہ تسیں اپنے دل دا ختنہ پا لیا اے ؟ ایمان نال ای دل دا ختنہ ہوندااے ، ” تے سارے پاپ وی ایمان رکھن دے سبب دھوتے جان گے ۔ “
کیہ تسیں سچ مُچ رُوحانی ختنے دی سچیائی نوں دل نال قبول کردے او؟
یسوع نوں دھرتی اُتے آئیاں ، بپتسمہ لیاں ، تے ساڈی بدلے سولی اُتے جان دتیاں ہوئیاں گھٹو گھٹ ۲۰۰۰ورہے لنگھ گئے نیں ۔ سانوں صرف ایس سچیائی نوں قبول کرنا تے اَج ای ایہنوں اپنے دلاں وچ رکھ لینا چاہی دااے ۔” کیوں جے ختنہ اوہو ای اے جیہڑا دل دا ہوندااے۔ “ایس سچیائی اُتے ایمان لیا کے اسیں اپنے دل تے عقل دا ختنہ کر سکدے آں ۔ اسیں سارے خُدا دی راستبازی اُتے ایمان لیا کے مکتی پا چُکے آں ۔ جے خُدا دا انصاف دھرتی اُتے ہووے تاں وی سانوں کوئی ڈر نئیں ہیگا ۔ جیہڑے خُدا دی راستبازی اُتے ایمان لیاؤندے نیں ،خُدا کدی اوہناں نوں سزا نئیں دیوے گا ۔خُدا دی سزا اوہناں اُتے آوے گی جیہڑے سچے دلوں خُدا دی راستبازی نوں قبول نئیں کردے ۔
اج کل مسیحی لوک کاہدے لئی یسوع اُتے ایمان رکھدے نیں ، ایتھوں تیک پئی اجے تیک راہوں بھٹکے ہوئے نیں ؟ کاہدے لئی اوہ سدا تنگی وچ رہندے نیں ؟ ایس لئی پئی اوہ مکتی لئی صرف یسوع دے لہو اُتے ای ایمان لیاؤندے نیں ۔ ہُن تہانوں ایس سچ نوں من لینا چاہی دا اے پئی تسیں اپنی من مرضی نال خُدا نوں پھٹ لائے نیں تے ایس سچیائی ول آوو پئی یسوع نے ساڈے سارے پاپاں نوں یردن دے دریااُتے بپتسمہ لَے کے اپنے اُتے چُک کے ساڈے توں وکھ کر دتا اے ۔
جے تسیں یسوع دے بپتسمے تے اوہدے لہو دونواں اُتے ایمان رکھدے او ،تاں رُوحانی ختنہ تہاڈے دل وچ وسے گا تے تسیں خُدا دی سزا توں بچ جاووگے تے تسیں اوہدے پُتراں وانگر سمجھے جاووگے ۔ جے تہاڈے وچکار ایہو جیہے لوک ہیگے نیں جیہڑے یسوع اُتے ایمان رکھدے پر صرف یسوع دے لہو اُتے ای یقین رکھدے نیں ، تاں میَں اوہناں توں اک سوال پُچھنا چاہواں گا ۔ کیہ ساڈا رُوحانی ختنہ تے خُدا دی راستبازی صرف صلیبی لہو دے سبب ای اے؟ ساڈی مکتی صرف لہو نال پوری نئیں ہوندی ،سگوں یسوع دے بپتسمہ تے اوہدے لہو ،تے رُوح اُتے ایمان دے سبب ۔
خُدا دی راستبازی مسیح وچ رَلن دے سبب ملی اے
آؤ رومیوں۶: ۳ ۔ ۸نوں پڑھیے ، ” کیہ تہانوں نئیں پتہ پئی اسیں جنہیاں نیں مسیح یسوع وچ رَلن دا بپتسمہ لیا تاں اوہدی موت وچ رَلن دا بپتسمہ لیا ۔سو موت وچ رَلن دے بپتسمے دے سبب اسیں اوہدے نال دفن ہوئے تاں پئی جویں مسیح باپ دے جلال دے سبب مویا ں وچوں جیوندا کیتا گیا ،اوسے طرحاں اسیں وی نویں حیاتی پائیے ۔ کیوں جے جدوں اسیں اوہدی موت وانگر اوہدے نال جُڑ گئے تاں بے شک اوہدے جی اُٹھن وانگر وی اوہدے نال جُڑاں گے ۔ایس لئی سانوں پتہ ہیگا اے ساڈی پُرانی انسانیت اوہدے نال ایس لئی سولی اُتے مر گئی پئی پاپ دا بدن ناکارہ ہوجاوے تاں پئی اسیں اگانہہ توں پاپ دی غلامی وچ ناں رہیے۔ “
۵ آیت دسدی اے پئی ، ” کیوں جے جدوں اسیں اوہدی موت وانگر اوہدے نال جُڑ گئے تاں بے شک اوہدے جی اُٹھن وانگر وی اوہدے نال جُڑاں گے ۔“بائبل دسدی اے پئی ،پاپ دا پھل موت ہیگی اے ، مطلب اے، جیہڑی جان پاپ کرے گی اوہ مرے گی تے دوزخ وچ جاوے گی ۔ کیہ یسوع مسیح دے سچیائی اُتے کامل طریقے نال ایمان لیا ؤن توں پہلاں تہاڈے وچ پاپ نئیں ہیگا سی ؟ —آہو — ایتھوں تیک پئی جے تہاڈے دل وچ بھورا جناں وی پاپ ہیگاا ے تاں خُدا تہانوں سزا دیوے گا ،تے تہانوں دوزخ وچ جانا پوے گا ۔” اوہناں دا حصہ اگ تے گندھک نال بلن والے دریا وچ ہووے گا ۔ “ (مکاشفہ۲۱ ۔ ۸)۔جے اسیں اپنی جندڑیاں نوں اپنے پاپ دے پھل وانگر دے دئیے ،جیہڑی پئی موت ہیگی اے ،تاں وی اسیں اپنے پاپاں توں مکتی پاؤن دے لائق نئیں ہوسکدے ۔ایس لئی خُدا نے یسوع مسیح نوں دھرتی اُتے گھلیا تے سارے پاپ اوہدے اُتے لد دتے ،تے ساڈے پاپاں لئی اوہنے سزا جری ۔
خُدا نے سانوں ساریاں نوں مکتی دتی کیوں جے اوہ سانوں بوہت محبت کردااے۔ خُدا باپ نے اپنے اکلوتے پُتر نوں ایس جگ وچ گھلیا تے ایس جگ دے سارے پاپ بپتسمہ دے سبب اوہنے اپنے پُتر اُتے لد دتے تے اوہنوں سولی اُتے کلاں نال جڑ دتاتاں پئی اوہ ساڈے سارے پاپاں دے فدیے لئی لہو وگاوے ۔ ایس گل اُتے ایمان لیاؤنا سانوں اوہدے نال جوڑ دیندا اے ۔پاپ دا پھل موت ہیگی اے ۔ اسیں ساریاں نے پاپ کیتا تے ایناں پاپاں دے سبب دوزخ وچ جانا ساڈا نصیب ہیگا سی ۔ پرساڈی تھاں اُتے جیہڑے دوزخ وچ جان دا نصیب رکھدے سَن ، یسوع نے ساڈے پاپاں نوں یر دن اُتے بپتسمہ دے سبب چُک لیا تے سولی اُتے ساڈے لئی سزا پائی ۔ ایس طرحاں، اوہدی موت ساڈی موت بنی کیوں جے اوہدا بپتسمہ ساڈے سارے پاپاں نوں چُک کے لَے گیا ۔ایہہ اوہ ایمان ہیگااے جیہڑا سانوں مسیح نال رلاؤندا اے۔
بوہتے لوک یسوع اُتے ” دینی “ طریقے نال ایمان رکھدے نیں ۔اوہ گرجے جاندے تے اتھرو وگا وگا کے اپنے پاپاں دا اقرار ہر دیہاڑے کردے تے پاپاں توں معافی لئی اُچی اُچی روندے نیں ۔ ایہہ سب کُجھ کرنا بندکروتے خُدا دی راستبازی اُتے یقین رکھو ، تاں تسیں ایہدے بدلے خُدا دی تسلی اپنے دل وچ پاووگے ۔ یسوع نے سانوں بچاؤن لئی بپتسمہ لیا تے سولی اُتے جان دتی تے میَں آس رکھدا ہاں پئی تسیں ایس خوشخبری اُتے ایمان رکھدے او ۔
خُدا نے سانوں پاپاں توں معافی بارے موسی ٰ دے راہیں تعلیم دتی ۔موسی ٰ نے خُدا دے ایس حکم نوں منیا پئی تُوں اوہدے لوکاں مطلب اے اِسرائیلیاں نوں مکتی دین لئی مصر نوں جاویں ۔ ایس لئی ،اوہ اپنی بیوی تے پُتر نوں لَے کے اک گدھے اُتے مصر ول ٹُر پیا۔ اوس رات خُدا دا فرشتہ اوہنوں ملیا تے اوہ چاؤہندا سی پئی موسیٰ نوں مار دیوے ۔فیر، اوہدی زنانی صفورہ نے چھیتی نال اک تیز پتھر لَے کے اپنے پُتر دی کھلڑی وڈی تے موسیٰ دے پیراں اُتے سُٹ کے آکھیا ، ” تُوں بے شک میرے لئی قاتل لاڑا بنیا ایں “ (خروج ۴:۲۵)۔
ایس عبارت دی سچیائی بالکل اِنج ای اے ۔ایتھوں تیک پئی جدوں تیک موسیٰ دے پُتر دا ختنہ
ناں ہویا اوہ خُدا دے لوکاں وچ ناں جانیاگیا : ایسے لئی خُداوند اوہنوں مارن لئی گیا ۔ خُدا نے اِسرائیلیاں نوں آکھیا جے ایناں دا ختنہ ناں کیتا جاوے تاں اوہ اوہدے لوک ناں بنن گے ۔ پُرانے عہد نامے وچ ختنہ خُدا دے لوکاں وچ رَلن دا نشان ہیگا سی ۔ خُدا نے موسیٰ نوں ایہدی پچھان کروائی ۔ ایس لئی ،موسیٰ دی زنانی نے چھیتی نال اپنے پُتر دی کھلڑی نوں وڈھیا تے اِنج آکھدیاں ہویاں موسیٰ دے پیراں وچ سُٹیا ،” تُوں بے شک میرے لئی قاتل لاڑا بنیا ایں “ خُدا نے اوہدے پُتر دے ختنے ناں ہون دے سبب چاہیا پئی موسیٰ نوں مار دیوے ۔
ایتھوں تیک پئی جے کوئی بندہ بھاویں ابرہام دی نسل وچوں ہوندا،فیر وی جے اوہدا ختنہ ناں کیتا گیا ہوندا تاں اوہ اِسرائیل وچوں وکھ کیتا جاندا سی ۔صرف ختنہ کیتے ہوئے ای فسح دے میمنے نوں کھا سکدے سَن تے زوفے نوں میمنے دے لہو وچ ڈبو کے بوہے دے دونواں پاسے لا سکدے سَن ۔ایس طرحاں ، صرف ختنے والے ای رُوحانی ختنے وچ رَل سکدے سَن ۔ جیہڑے ایہہ ایمان نئیں لیاؤندے اوہ خُدا دی راستباز ی وچ رَل نئیں سکدے تے ایس لئی ، اوہ خُدا دے جلال وچ رَلن دے لائق نئیں ہون گے ۔
پولُس رسول اک یہودی سی ۔ جدوں اوہ اٹھاں دناں داہویا تاں اوہدا ختنہ ہویا سی تے اوہنے گملی ایل کولوں تعلیم سکھی۔ اوہ پُرانے عہد نامے دا بوہت ماہر ہیگا سی ۔ ایس طرحاں ، پولُس رسول چنگی طرحاں ایس گل نوں جان دا سی پئی کاہدے لئی یسوع نے یردن دے دریاوچ بپتسمہ لیا سی ،تے کاہدے لئی اوہنے سولی اُتے جان دتی سی ۔ ایسے لئی اوہ پانی تے رُوح دی خوشخبری بارے پورے یقین نال گل کر سکدا سی ۔ ایہو ای سبب ہیگااے پئی اوہنے آکھیا ، ” ختنہ اوہو ای جیہڑا دل دا تےرُوحانی ہیگااے “ (رومیوں ۲: ۲۹)۔
بے شک ، پولُس رسول کئی واری بوہتابوہتا یسوع دی صلیبی موت دی گل کرداسی ۔کاہدے لئی ؟ ایس لئی پئی جے یسوع نے ساڈے پاپاں نوں چُک کے رُوحانی ختنہ سانوں ناں دسیا ہوندا : دوجے اَکھراں وچ ، جے اوہ سولی اُتے مریا ناں ہوندا ،یاں اوہدے اُتے سیاست ناں ہوئی ہوندی تاں سانوں مکتی نئیں مل سکدی سی ۔ ایہو ای سبب ہیگا اے پئی پولُس نے کئی واری صلیب بارے گل کیتی اے ۔ تہانوں ایہہ گل چیتے رکھنی چاہی دی اے پئی سولی ساڈے رُوحانی ختنے دا پھل تے کاملیت ہیگی اے ۔ پر ،کیوں بوہتے مسیحیاں نوں یسوع دے بپتسمہ تے اوہدے صلیبی لہو دے تعلق بارے وچ بھورا وی نئیں جان دے تے ایسے سبب توں اوہ دوزخ دی سزادے وی حقدار بن دے نیں ۔ جے رُوحانی ختنے وچ پائی جان والی ایمان دی طاقت پیڑھی اوپیڑھی چنگی طرحاں منتقل ہوگئی ہوندی ،تاں اج کل دی مسیحیت ایس راہ اُتے کدی
ناں ٹُردی ۔
کئی لوک پہلوں پہلوں جدوں یسوع نال ملدے نیں تا ں بوہت شکرگزار ہوندے نیں ،پر اوہ اپنی ناں بدلن والیاں کمزوریاں دے سبب پریشان ہو جاندے نیں تے اوہ پہلوں توں وی بھیڑے پاپی بن جاندے نیں ۔ خورے پہلی وار یسوع اُتے ایمان لیاؤن دے بعد ۱۰ ورہیاں دا چِر لنگھ جاوے ، پر اوہناں دا حال پہلوں توں وی بھیڑا ہو جاندااے ۔کیہ ایہو جیہے لوک یسوع اُتے ایمان لیاؤن دے بعد وی پاپی ہو سکدے نیں؟ اوہ ایناں بولاں وچ گیت گاؤندے نیں ۔
” ♪میرے اتھرو مینوں ناں بچاسکن گے ! ♫بھاویں میرا چہرہ ہنجوآں نال گِلا ہویا سی ،♫اینے میرا ڈر ناں مکایا ،♫ورہیاں دے پاپاں نوں دھو ناں سکیا! ♫میرے اتھرو مینوں ناں بچاؤن گے! ۔۔۔ ♫مسیح اُتے ایمان لیاؤنا ای مینوں بچاوے گا! ♫اے میرے روندے ہوئے پُتر،♫جیہڑا کُجھ اوہنے کیتا اوہدے اُتے یقین رکھ: ♪اوہدی بانہواں اُتے ، خُداوند چھیتی میری مدد کر: ♪مسیح اُتے ایمان ای مینوں مکتی دیوے گا۔ ♫ “
اوہ گاؤندے نیں ، ”اتھرو مینوں ناں بچاؤن گے۔ مسیح اُتے ایمان لیاؤنا مینوں بچاوے گا۔“ پر اوہ صرف ایہہ بول ای بولدے نیں ۔جدوں وی اوہ پاپ کردے نیں تاں اوہ اتھر وگا وگا کے ایسے طرحاں دعا کردے نیں ۔ ” اے خُدامہربانی کرکے مینوں معاف کردے ۔ جے تُوں مینوں ایس ویلے معاف کردیویں ،تاں ہُن توں فیر کدی پاپ نئیں کراں گا تے نیک راہ اُتے چل پواں گا ۔ “ جدوں اک مسیحی پاپ کردااے ، اوہ روروکے یہدا اقرار کردا تے پاپاں توں معافی لئی ہاڑے پاؤندااے تے فیر کُجھ چنگا محسوس کردا اے ۔اک بندہ جیہڑا کئی ورہیاں توں لگاتار توبہ دی دعا کردا رہندااے ،تاں اوہ پہلوں توں وی بوہتا پاپی بن جاندااے ،جدوں اوہ دس ورہے پہلاں یسوع اُتے ایمان لیا یا سی ۔ ایہو جیہا بندہ بوہت پریشانی نال اپنے آپ نال ایہہ سوال کردا اے ، ” کاہدے لئی میَں ایَنی چھیتی یسوع اُتے ایمان لَے آیا ؟ مینوں چاہی دا سی پئی میَں اوس ویلے ایمان لیاؤندا جدوں میَں ۸۰ ورہیاں دا ہوندا ،یا ں فیر جدوں میرے ساہ مکن والے ہوندے ۔میَں بوہت چھیتی ایمان لیاندااے۔“ ایس طرحاں اِنج ہویا کیوں جے اوہد ا ایہہ خیال ہیگا سی پئی اوہ اپنے کماں نال خُدا دی مرضی نوں پوریاں کرے گا ،پر اوہ اِنج ناں کر سکیا ۔
جیہڑا بندہ پا پ کردااے ، لازمی ہیگااے پئی اوہ سزا پاوے ۔ ایہو ای سبب ہیگا سی پئی یسوع نے بپتسمہ لیا تے سولی اُتے اپنا مہنگا لہو وگایا تاں پئی اوہ سانوں ساڈے پاپاں توں تے سزا توں بچا سکے ۔ اوہ تیجے دیہاڑے فیر مویاں وچوں جیوں اُٹھیا ۔خُدا باپ نے یسوع نوں پاک رُوح دی طاقت نال جیوندا کیتا ۔ اک بندہ جیہڑا رُوحانی ختنے اُتے ایمان رکھدا تے خوشخبری دی منادی کردا ،اوہو ای ایس حیاتی نوں پا سکدا اے ۔ رُوحانی ختنہ ایس گل دا ثبوت ہیگا اے پئی اسیں خُدا دے پُتر ہیگے آں تے ایہو ای خُدا دی راستبازی ہیگی اے ۔ یسوع دا بپتسمہ ایس گل دا ثبوت ہیگا اے پئی ساڈے پاپ اوہنے اپنے اُتے چُک لَے سَن تے اوہدا بوہت مہنگا صلیبی لہو ایس گل دا ثبوت ہیگا اے پئی اوہنے سزا سہہ کے ساڈے پاپاں دا مُل اُتار دِتااے ۔
کیہ پاپ حالے تیک تہاڈے دل وچ رہندا اے جد پئی تسیں یسوع اُتے ایمان رکھدے او ؟ ایہو جیہا ایمان اک چنگی راہوں بھٹکیا ہویا ایمان ہیگااے ۔ طِطُس ۳:۱۰ دسدا اے ، ” اک دو واری ہدایت کر کے چنگی راہوں بھٹکے بندے توں کنارہ کر ۔اَنج سمجھ لَے پئی ایہو جیہا بندہ بھٹک گیا اے تے اپنے آپ نوں قصور وار بنا کے پاپ کردا رہندااے ۔“ جیہڑا چنگی راہوں بھٹکیا ایمان رکھدا اے اوہ ایہو جیہا پاپی ہیگا اے ،جیہڑا اپنے آپ نوں ،آپ ای لعنتی بناؤندا پیا اے ۔ایتھوں تیک پئی جدوں اوہنوں نوں مارن دی دھمکی دتی گئی تاں وی اوہ چنگی راہوں بھٹکے رہن بارے ای ضد کردے رہے ۔ اوہ اپنی پُٹھیاں سوچاں نوں مکاؤن لئی بوہت وڈے ڈھیٹ ہیگے نیں ۔ خُدا ایہو جیہاں قصورواراں نوں دسدا اے ، ” تسیں اک چنگی راہوں بھٹکے ہوئے او ، تسیں اک قصوروار ہیگے او، تسیں میرے پُتر نئیں ہیگے تے تسیں دوزخ دی ہمیش د ی اگ وچ سُٹے جاوو گے ۔“
جیہڑے یسوع اُتے ایمان تاں رکھدے نیں ،پر حالے تیک خُدا دی راستبازی ،تے یسوع دے بپتسمے تے لہو دے سبب رُوحانی ختنے نوں نئیں من دے ، اوہ ایہو جیہےچنگی راہوں بھٹکے مسیحی تے وڈے قصوروار ہیگے نیں جیہڑے خُدا دے اگے اپنے پاپاں دا اقرار تاں کر دے نیں پر ایناں نوں چھڈن لئی کُجھ نئیں کردے ۔ایہو جیہے پاپی جیہڑے یسوع دی راستبازی اُتے یقین نئیں رکھدے اوہ اَسمان دی بادشاہی وچ جا نئیں سکدے ۔
اوہ جیہڑے یسوع اُتے ایمان لیان نال راستباز بنائے گئے نیں ،اوہو ای اپنے دلاں وچ رُوحانی ختنے دا ثبوت رکھدے نیں ۔ ہیٹھاں ثبوت دسے گئے نیں : یسوع خُدا ہیگا اے جیہڑا بدن وچ آیا ، بپتسمہ لیا تے سولی اُتے لہو روڑھیا ۔یسوع دھرتی اُتے آیا تے جگ دے پاپاں نوں چُکن لئی اوہنے یوحنا بپتسمہ دین والے کولوں بپتسمہ لیا تے اوہنے سولی اُتے اوہناں ساریاں لئی جیہڑے رُوحانی ختنے اُتے یقین رکھدے نیں سزا جری ،تاں پئی اوہناں ساریاں دے ایمان نوں کامل بنا دیوے ۔اوہ تیجے دیہاڑے مویاں وچوں جیوں اُٹھیا تے ساڈا کامل مکتی داتا بن گیا ۔ ایہہ خُدا دی راستبازی دی چنگی تے ٹھیک ٹھیک مکتی ہیگی اے ،جیہڑی صرف لہو نال نئیں ،سگوں پانی تے لہو تے پاک رُوح دے سبب ملدی اے ۔ ایہہ رُوحانی ختنے دی کامل
سچیائی ہیگی اے جیہڑی سانوں اوہدی کامل مکتی دی گواہی دیندی اے ۔
میرے سوہنے مسیحیو!اپنے دلاں وچ ایس مکتی نوں قبول کروپئی ساڈی مکتی صرف یسوع دے لہو دے سبب ای کامل نئیں ہوئی ،سگوں پانی تے لہو تے پاک رُوح نال کامل ہوئی سی ۔ خُدا نے جگ دے پاپاں نوں مکا دتا تے ہمیشگی دی بربادی توں کامل طور اُتے سانوں باہر کڈھ دتا اے ۔ اوہنے صرف میرے پاپاں نوں ای ختم نئیں کیتا ، سگوں جگ دے پاپاں نوں جیہڑے آدم توں لَے کے آخری بندے تیک ،دے پاپاں نوں مکا دتا اے ۔اوہنے اپنے بپتسمے تے لہو دے سبب اوہناں نوں اپنے اُتے چُک لیا ۔ جیہڑا وی خُدا دی راستبازی دی خوشخبری اُتے ایمان لیائے گا ،رُوحانی ختنہ اوہنوں تازہ کرے گا ۔ جنہوں یسوع نے پورا کیتا جیہڑا پانی تے رُوح دے راہیں آیا سی ۔
جگ دے سارے پاپ یسوع دے بپتسمے راہیں مکا دتے گئے نیں ۔ ہُن جیہڑے رُوحانی ختنہ اُتے یقین رکھدے نیں ،پاپ اوہناں دے دلاں وچ نئیں رہ سکدا ۔یسوع نے مویا ں وچوں جیوں کے ساڈیاں مریاں ہوئیاں رُوحاں نوں اپنی راستبازی دے سبب جیوندیاں کر دتا سی ۔ خُدا ساڈے ول یسوع دے بپتسمے ،اوہدے لہو تے رُوح دی خوشخبری نال ویکھدا پیا اے تے سانوں پتہ ہیگا اے پئی رُوحانی ختنہ دے راہیں ای اسیں مکتی پا سکدے آں ۔ جگ نوں بناؤن توں پہلاں ای ایمان لیاؤن والیاں لئی خُدا دا رُوحانی ختنے دا ارادہ ہیگا سی ۔ہُن تسیں وی خُدا دی راستباز ی اُتے ایمان لیا کے رُوحانی ختنہ پا سکدے او ۔
Copyright © 2021 by The New Life Mission