COVID-19及び国際郵便業務の中断により、
「無料の本のサービス」を一時的に停止しております。
「無料の本のサービス」を一時的に停止しております。
この状況を考慮して、現時点では無料の本を郵送することはできません。
この全国的流行がすぐに終わり、郵便業務が再開されることを祈ります。
この全国的流行がすぐに終わり、郵便業務が再開されることを祈ります。
مضمون 9: رومیوں (رومیوں دی کتاب اُتے تفسیر)
[9-1 باب] باب ۹ دا تعارف
پانی تے رُوح دی خوشخبری دونواں اسرائیلیاں تے اوپریاں قوماں لئی اے !
کاہدے لئی پولُس نے آکھیا پئی اوہ اپنے سکے دیس والیاں لئی اپنے دل وچ بوہت غم تے برابر دکھ رکھدا سی؟ ایس لئی پئی پولُس اپنے نال دے بھراواں لئی تمنا رکھداسی ، تے اوہنوں دلوں اینے سوہنے سن پئی اوہ اوہناں دی خاطر نفرت انگیز بنن تے مسیح توں وکھ ہون لئی تیار سی ۔ اپنے آپ دے بدن مطابق ، اوہ سچ مُچ اپنےدیس والیاں دامکتی یافتہ ہونا چاؤہنداسی ۔
ایناں اخیری دیہاڑیاں وچ ، اسیں بوہت چوکھی سارے جگ وچ پانی تے رُوح دی خوشخبری دی منادی کرن وچ دلچسپی رکھدے آں۔ سچیائی دی اسی خوشخبر ی نوں ودھاؤنا خُدا دی بوہت وڈی فکر اے تے اوسے ویلے ، نویں سریوں جمے ہوئے ایمانداراں لئی بوہت خاص مقصد وی اے ۔ کیہ اسرائیلی اخیری دناں وچ پانی تے رُوح دی خوشخبری نوں منن گے یاں نئیں ، ایہہ اک دوجا نقطہ اے جیہڑا ساڈا دھیان کھچدا اے ۔ سانوں اسرائیلیاں دی خاطرلازمی طور اُتے دعا منگدےرہناچاہی دی اے تاں پئی اوہ مکتی یافتہ ہون ، ایس لئی پئی جدوں اوہ خوشخبری نوں قبول کرن گے ، سانوں پتہ اے پئی ساڈے خُداوند دی دوجی آمد نیڑے اے ۔
ایس ورہے لئی میری دعا دے سرناویں جگ وچ منادی کرن لئی دعا منگنا تے اسرائیلیاں دا کھری خوشخبری نوں قبول کرنا اے ۔ میَں ایہہ وی دعا منگدا پیا ہاں پئی بنی اِسرائیل اپنے سکے لوکاں وچوں خُدا دے خادم پیدا کرن ۔ خُدا نے اک وار اِسرائیلیاں نوں اپنی شریعت دتی ، تے اوہنے اپنیاں اکھاں دے اگے اوہناں نوں کاہناں دی بادشاہی وی بنایا ۔ مسیح اپنے آپ ، بدن مطابق آیا ، اِسرائیلیاں نے فیر وی مطلب اے اوہناں نیں اوہدے اُتے ایمان رکھن توں انکار کیتا ۔ تے حالے تیک اوہدی مرضی دے خلاف رہن دے راہیں خُدا دے خلاف نیں ۔
خُداوند نے سانوں دسیا پئی اوہ بوہت گھٹ ایمان پاوے گا، جدوں اوہ دوجی وار آوے گا
ایہہ خُدا دی مرضی ہیگی اے پئی پانی تے رُوح دی خوشخبری ، یروشلیم توں شروع ہو کے سارے جگ وچ ودھ جاوے ۔ پر، لوکاں دے دل اج کل سخت ہوگئے نیں ۔ بوہت سارے لوک سچیائی لبھن توں ہٹ گئے نیں۔
تھوڑا چِر ای ہویا اے ، ”دی لاسٹ ٹمپٹیشن آف کرائسٹ“ نام دی اک فلم ، جنہے یسو ع نوں اک ناجائز بچے وانگر وکھایا ،کوریاوچ وکھائی گئی ۔ ایہہ کفر نال بھری ہوئی سی تے ایہدا خاص پیغام سی پئی یسوع کدی خُدا نئیں سی ، سگوں صرف عام بندہ سی ، جویں انڈیادا شہزادہ سِدھارتھ سی ، جیہڑا بُدھا وانگر بوہت مشہور اے ۔ ایہہ فلم سچیائی نوں پیس دیندی اے پئی یسوع خُدا تے ساڈا مکتی داتا اے ۔ ایس لئی خُدا نے آکھیا ، ”تاں وی جدوں آدم دا پُترآوے گا تاں کیہ دھرتی اُتے ایمان پاوے گا ؟ “ (لوقا۱۸ : ۸)۔
یسوع مسیح ، جیہدے اُتے اسیں ایمان رکھدے آں ، خُدا اے ، اپنیاں مخلوقاں توں بوہت اُچا اے ، تے ہمیش تیک وڈیائی دے لائق اے ۔اسرائیلیاں وچ جمیا ، یوحنا کولوں بپتسمہ لین دے راہیں سارے لوکاں دے سارے پاپاں نوں اوہنے چُکیا ، لہو وگایا تے سولی اُتے مر گیا ، فیر مویاں وچوں تیجے دیہاڑے جیوں اُٹھیا تے اوہناں ساریاں دا مکتی داتا بن گیا جیہڑے اوہدے اُتے ایمان رکھدے نیں ۔ خُداوند نے جیہڑا خُدا دی راستبازی بن گیا ، اوہناں نوں راستباز بناکے اوہناں دے پاپاں توں مطلب اے سانوں چھڈایا جیہڑے اُوہدے اُتے رکھدے آں۔
پولُس نے سانوں دسیا پئی ایس توں ہٹ کے اینے سارے اسرائیلی ہیگے نیں ، ابرہام د ی اولاد ، اوہ جیہڑے خُدا دے پُتر بن سکدے نیں صرف اوہ نیں جیہڑے یسوع اُتے ایمان رکھدے نیں۔اسرائیلی آؤن والے دناں وچ بوہت ساریاں ازمائشاں تے دکھ جرن گے ۔ خُدا دی مرضی ایہہ ہیگی اے پئی اوہناں وچوں کئی ساڈے خُداوند اُتے اپنے مکتی داتا وانگر ایمان رکھن لئی آؤن ۔ایتھوں تیک پئی بھاویں ساڈے خُداوند نےجگ دے سارے پاپاں نوں چُکیا اے ، اسرائیلیا ں وچوں اوہناں نوں رلاؤندیاں ہویاں ، اوہ حالے تیک اپنے مکتی داتا وانگر یسوع اُتے ایمان رکھن توں مُکر دے نیں۔
کیہ تُسیں ماڑے او ؟ ساڈے وچوں کئی خورے دوجیاں توں ماڑے یاں تگڑے ہو سکدے نیں ۔ پر خُدا دے اگے ، اسیں ساری بدکاریاں نال بھرے ہوئے آں ۔ اسیں خُدا دے پُتر بن سکدے آں، جیہڑے پاپ توں چھڈائے گئے آں، صرف ایمان رکھن دے راہیں پئی ساڈا خُداوند ایس دھرتی اُتے آیا ، اپنے بپتسمے دے راہیں اپنے موھڈیاں اُتے ساڈے پاپاں نوں چُک لیا تے اوہنے مار کھاہدی تے ساڈی تھاں اُتے سولی اُتے مر کے سزا جری ۔ سانوں لازمی طور اُتے وڈیائی کرنی تے خُدا دی طاقت اُتے ایمان رکھنا چاہی دا اے جنہے سانوں پاپ توں مکتی دتی مطلب اے اوہنے سانوں اپنے لوک بنایا اے ۔ ساڈا خُداوند سچ مُچ شان والا اے ۔
کئی لوک سوچدے نیں پئی ہر شے انسان دے سبب ایس جگ وچ ہیگی اے ۔ مثال طور اُتے ، اوہ سوچد ے نیں پئی قانون انسان نے بنائے ، تے اوہناں لئی ہیگے نیں ۔ پر ، سانوں لازمی طور اُتے احساس کرنا چاہی دا اے پئی ہر شے بندیاں توں شروع نئیں ہوئی ؛ شیواں صرف خُدا دی مرضی نال بن دیا ں نیں ۔ خُدا نے ایس جگ نوں تے سارے جہاناں نوں پیدا کیتا ۔ بھاویں انسان دے بنائے ہوئے قانون جیہڑے ساڈے اُتے حکومت کردے نیں ، اپنے وجود وچ خُدا دی مرضی اُتے بنیاد رکھدے نیں ۔
ایس لئی پئی خُدا ہر شے وچ کم کردا اے تے ہر شے اوہدی مرضی دے مطابق ظاہر ہوندی اے ، سانوں لازمی طور اُتے ساریاں شیواں وچ اوہدی راستبازی لبھنی چاہی دی اے ۔ جدوں اسیں ماڑے ساں ، جدوں اسیں خُدا دے خلاف پاپ کیتا تے جدوں اسیں اپنی بدکاری دے سبب اوہدے توں وکھ ساں، خُدا نے ساڈے کول یسوع مسیح نوں گھلن دا وعدہ کیتا ۔ اوہنے یسوع دے بدن لَے کے آؤن تے اوہدے بپتسمے دے راہیں اپنا وعدہ پورا کیتا ، مطلب اے جیہدے راہیں اوہنے سانوں جگ دے پاپاں توں چھڈایا ۔
ہُن ، جدوں پانی تے رُوح دی خوشخبری جگ دے چارے پاسے ودھدی اے ۔ خُدا دا اصل ارادہ پورا ہووے گا ۔ جدو ں اسیں ویکھدےآں پئی کویں جگ وچ واقعے ظاہر ہوندے پئے نیں ، اسیں ویکھ سکدے آں پئی امریکہ تے اسرائیل مرکزنیں ۔میَں ایمان رکھد ہاں پئی خُدا د ی مرضی دے اڈ ، اک ہور عالمی جنگ بالکل ہو سکدی اے ۔
جدوں ورلڈ ٹریڈ سنٹر ڈگے، اوہناں دا بوہتا اثر سارے جگ اُتے محسوس کیتا گیا ۔ جے جگ فیر جنگ وچ کھاہدا جاندا اے ، ایس ویلے ہور دناں وچ ، ساڈے نال کیہ ہووے گا ؟ اسیں لازمی طور اُتے دوجی سارے جگ دی جنگ توں بچ جان دے لائق نئیں ہوواں گے۔ بھاویں سارا جگ ساڈے سبب توں مکمل تباہی دیاں ساریاں تباہ کاریاں نال دوبارہ تعمیر نئیں ہو سکدا ۔ میَں آس رکھدا ہاں پئی تُسیں سارے ایس طرحاں مطلب اے سلامتی نال سارے جگ وچ پانی تے رُوح دی خوشخبری دی منادی کرن دے لائق ہون لئی دعا منگو گے ۔ ساڈی پریشانی ایہہ ہیگی اے پئی جگ وچ سلامتی توں اڈ ، اسیں خورے اِنج کرن دے لائق نئیں ہو سکدے ۔ سانوں ساریاں نوں سلامتی لئی دعا منگنی چاہی دی اے ، جنگ تے دہشت گردی نوں مکاؤن لئی کوشش کرنی چاہی دی اے ۔
کوئی بندے دا بنایا ہویا دین لوکاں دے پاپاں نوں مکا نئیں سکدا ۔ صرف یسوع مسیح ، تے اوہ اکلا سانوں ساڈے پاپاں توں چھڈا سکدا اے ۔ صرف اوسے دے یوحنا کولوں بپتسمہ دے راہیں تے سولی اُتے اوہدے لہو دے سبب ساڈے پاپ مکائے تے پرکھے جا سکدے نیں ۔ ایہہ برکت اوہناں نوں دتی گئی اے جیہڑے خُدا دی راستبازی اُتے ایمان رکھدے نیں ۔ اکلا طریقہ جیہدے نال اسیں اپنے پاپاں توں مکت ہوسکد آں مسیح دے بپتسمے تے اوہدے لہو اُتے ایمان رکھن دے راہیں اے ۔ کوئی دوجا طریقہ نئیں ہیگا اے ۔ اسیں وکھالے دیاں توبہ دیاں دعاواں دے راہیں مکتی یافتہ نئیں ہوندے ، جویں بوہتے دینی لوک انج کرن نوں چنگا سمجھدے نیں ۔ سگوں ساڈے پاپاں دے کفارے دا اکلا طریقہ خُدا دی راستبازی اُتے ایمان رکھنا اے جیہڑا سانوں ساڈے پاپاں توں کامل طریقے نال تے سارے دا سارا ،یسوع دے بدن لَے کے جمن دے راہیں ، جنہے اپنے بپتسمے تے سولی اُتے مرن دے راہیں ساڈے سارے پاپاں نوں چُک لیا ، سانوں مکتی دے چُکیا اے ۔
اسیں پانی تے رُوح دی خوشخبری دی سچیائی اُتے ایمان رکھن دے سبب اپنے سارے پاپاں توں مکتی یافتہ ہوندے آں
ایس سچیائی دی لازمی طور اُتے جگ دے چارے پاسے منادی کیتی جانی چاہی دی اے ۔ سانوں لازمی طور اُتے پچھاننا چاہی دا اے پئی ایہہ اسرائیلیاں دا ایسے طرحاں اوپریاں قوماں دا ایس سچیائی اُتے ایمان نہ رکھن دا پاپ اے ۔ ہر کسے نوں لازمی طور اُتے پانی تے رُوح دی خوشخبری اُتے ایمان رکھنا چاہی دا
اے ۔
دونویں قوماں ، اسرائیلی تے اوپری قوم ، بچ نئیں سکدے سگوں پاپ کردے رہندے نیں جدوں تیک ایس جگ وچ رہندے نیں ۔ پر ساڈے خُداوند نے اوہناں سارے پاپاں دی ، اکو ای وار تے ہمیش لئی اپنے بپتسمے دے سبب فکر کیتی ۔ کیہ کوئی یسوع دے بپتسمے تے اوہدے صلیبی لہو دی سچیائی توں بوہت سدھی تے ستھری ہو سکدی اے ؟ کاہدے لئی یوحنا نے یسوع نوں بپتسمہ دتا ؟ اوہنے یوحنا کولوں بپتسمہ لیا تے سولی اُتے مرگیا تاں پئی اوہ ساڈے سارے پاپ اکو ای وار چُک سکے ۔ ایس سچیائی اُتے ایمان نہ رکھن یاں اپنے دلاں وچ ایہنوں قبول نہ کرن دے راہیں ، لوک اپنے پاپاں دےسبب، اپنیاں ذاتی تباہیاں ول مونہہ کردے پھردے نیں ۔
بپتسمہ جیہڑا یسوع نے لیا ” ایسے طرحاں “ (متی ۳ : ۱۵) ساری راستی نوں پورا کردااے ۔ اکھر ، ”ایسے طرحاں“ یونانی وچ tos gar’ -’ hoo‘ اے جیہدا مطلب ، ’ایس طریقے نال ‘ ’بوہت چنگا‘ یاں ’ اوہدے توں ہٹ کے دوجیا طریقہ نئیں ہیگا اے ۔ ‘ ایہہ اکھر ظاہر کردا اے پئی یسوع نے نہ دُہرائے جان والے طریقے نال بپتسمہ دے راہیں اپنے آپ اُتے سارے لوکاں دے پاپاں نوں چُک لیا جیہڑا اوہنے یوحنا کولوں لیا ۔ ایس لئی پئی یسوع نے جگ دے سارے پاپ یوحنا کولوں بپتسمہ لین دے راہیں چُک لَے ، اوہ صلیب چُکن تے میرے بدلے اوہدے اُتے لہو وگاؤن دے لائق سی ۔ سانوں لازمی طور اُتے احساس کرنا چاہی دا اے پئی ایہہ فدیہ دی سچیائی اے جیہدے راہیں سارے لوک اپنے پاپاں توں مکتی پا سکدے نیں ۔
ساڈے خُداوند نے سانوں دسیا ، ”جے تُسیں میرے کلام اُتے قائم رہووگے تاں اصل وچ میرے چیلے بنو گے ۔ تے سچیائی نوں جانوگے تے سچیائی تہانوں چھڈاوےگی ۔ “ یسوع دا بپتسمہ تے اوہدا لہو خُدا دی سچیائی اے ، جیہڑی سانوں ساڈے پاپاں توں چھڈاؤندی اے؛ایہہ کامل طریقے نال خُدا دے لکھے ہوئے کلام اُتے نیہ رکھدی اے ۔ فدیے دی سچیائی کھری اے ، جیہڑی پانی تے رُوح دی خوشخبری نال ہمیش تیک اے ۔ مطلب اے خُدا باپ نے یسوع دے بپتسمے تے اوہدے صلیبی لہو دے راہیں پاپیاں دا فدیہ دلواؤن دا فیصلہ کیتا ، ایہہ اوہدی مرضی اے ۔ جدوں اسیں اپنی مکتی لئی اوہدے بپتسمے تے لہو اُتے ایمان رکھدے آں ، اسیں ایمان رکھدے آں پئی خُدا ساڈے لئی کیہ تیار کر چُکیا اے ۔ ساڈے پاپاں دا فدیہ صرف ہوندا اے ۔ جدوں اسیں پانی تے رُوح دی خوشخبری اُتے ایمان رکھدے آں ۔
جے تُسیں ہُنے ایسے ویلے ، مسیح دے بپتسمے تے اوہدےصلیبی لہو ، مطلب اے فدیہ دے سچیائی اُتے ، اپنی مکتی جان کے ایمان رکھدے او ، فیر تُسیں ہُنے راستباز جے ۔ دوجی گل ،جےتُسیں ایمان نئیں رکھدے ،فیر تُسیں حالے تیک پاپی جے ۔ ”ایس لئی پئی ساریاں نیں پاپ کیتا تے خُدا دے جلال توں وکھ نیں ۔“اسیں اپنے سارے پاپاں توں معافی پا سکدے آں تے صرف اپنے مکتی داتا وانگر یسوع مسیح اُتے ایمان رکھن دے سبب خُدا دے پُتر بن سکدے آں ۔ کوئی سبب نئیں ہیگا پئی کیوں کسے نوں پانی تے رُوح دی خوشخبری دی سچیائی اُتے ایمان نئیں رکھنا چاہی دا ۔ کوئی نئیں ہیگا اے جنہوں مکتی دی ایس خوشخبری دی لوڑ نئیں ہیگی اے ۔ ہر کسے نوں ایہدی لوڑ اے ۔ کیوں کسے نوں ایہدے اُتے ایمان نئیں رکھنا چاہی دا ، جدوں پانی تے رُوح دی خوشخبری دی سچیائی اینے کھلے طریقے نال اوہدے اگے بیان کیتی جاندی اے ، کیہ اپنے پاپاں توں پاک ہون لئی ایہہ اوہدی غیر رضامندی نئیں ہووے گی ؟
سارے جگ وچ بوہت سارے پانی تے رُوح دی خوشخبری نوں قبول کر چُکے نیں تے اینوں ایتھوں تیک پئی اگانہہ ودھاؤن لئی منادی کردے پئے نیں ۔ اوہناں وچوں کئی ساڈیاں کتاباں نوں ونڈن لئی رضاکار بنن دا وعدہ کر چُکے نیں ۔ جےتُسیں صرف صلیبی لہو اُتے صرف ایمان رکھن دے راہیں اپنے پاپاں توں چھُٹ سکدے سو ، فیر ایس جگ وچ ہر کوئی راستباز ، پاپ توں مکت بن گیا ہوندا ۔ جے کوئی صرف صلیبی لہو اُتے ایمان رکھدا اے تاں ، اوہ حالے تیک، ہردیہاڑے وانگر توبہ دیاں دُہرائیاں جان والیاں دعاواں دے ہوندیاں ہویاں ، ایہو جیہاں دعاواں دی عادت وانگر ، ایس حرکت وچوں لنگھدے ہویاں ،تے دینی رسماں وچ صرف مشق دے طور اُتے پاپ کردا رہوے گا ۔
جے تُسیں توبہ دیاں دعاواں کرن دے راہیں اپنے پاپ دھون دی کوشش کردے پئے او ،فیر تُسیں اصل وچ خُدا دے خلاف ڈاہڈا پاپ کردے پئے او ،ایس لئی پئی تہاڈا کم خُدا دی راستبازی نوں ذلیل کردا اے ، جیہڑی تہاڈی اپنی کوششاں نال پوری نئیں ہو سکدی ، سگوں صرف یسوع دے بپتسمے تے سولی اُتے اوہدی قربانی دے راہیں پوری سکدی اے ، جیہدے سبب یسوع نے تہاڈے سارے پاپ چُک لَے تے تہاڈی تھاں اُتے دکھ جرے ۔
جے تُسیں یسوع نوں اپنے مکتی داتا وانگر قبول کردے او ، ایمان رکھو پئی تہاڈا فدیہ یسوع دے بپتسمے تے اوہدے سولی اُتے مرن راہیں اے ۔ یسوع نے پاپیاں نوں اوہناں دے پاپاں توں چھڈاؤن دا وعدہ کیتا ، تے اوہ یردن دے دریا اُتے یوحنا کولوں بپتسمہ لین دے راہیں اپنے وعدے اُتے قائم رہیا تے سولی اُتے لہو وگا کے خُدا دی راستبازی پوری کیتی ۔ ساڈے کول ایس سچیائی اُتے ایمان نہ رکھن دا کیہ سبب ہیگا اے ؟ تہانوں لازمی طور اُتے یسوع دے بپتسمے تے سولی اُتے اوہدے لہووگاؤن اُتے اپنی مکتی لئی ایمان رکھنا چاہی دا اے ۔
ایہہ سچیائی پئی یسوع نے اپنے آپ اُتے جگ دے سارے پاپاں نوں چُک لیا جدوں اوہنے بپتسمہ لیا متی ۳ : ۱۳ ۔ ۱۷ وچ ہیگی اے۔صرف اوہ جیہڑے اپنے سارے پاپاں توں معافی پاؤن لئی تیار نئیں ہیگے ، ایس سچیائی اُتے ایمان رکھن توں مُکر جان گے ۔ تُسیں خُدا دے پُتر بن سکدے او تے صرف پانی تے رُوح دی خوشخبری دی سچیائی اُتے ایمان رکھن دے سبب ہمیش دی حیاتی پا سکدے او — کُجھ وی ہو ر تہانوں تہاڈے پاپاں توں نئیں چھڈائے گا ۔ ایس سچیائی اُتے ایمان رکھ کے بوہتا تے کُجھ حیران کرن والا نئیں اے ، اوہدی معافی توں ہٹ کے خُدا ولوں مطلب اے دوجا چنگا انعام نئیں ہیگا اے ۔ بوہت سارےانعاماں وچوں جیہڑے خُدانے ساڈے اُتے گھلے نیں ، ساڈے پاپاں دا فدیہ اوہناں ساریاں وچوں ودھیا انعام اے ۔
دوجا ودھیا انعام جیہڑا خُدا نے سانوں دتا اے ، آؤن والی ہزار ورہیاں دی بادشاہی اے جیہدے وچ اسیں بادشاہی کراں گے ،تے تیجا انعام ایہہ ہیگا اے پئی اوہدے بعدوں اسیں اسمانی بادشاہی وچ رہواں گے تے خُدا نال ، ہمیش تیک ، بادشاہی کراں گے ۔ خُدا ایتھوں تیک پئی ایناں اخیری دیہاڑیاں وچ ، دونواں اسرائیلیاں تے اوپریاں قوماں اُتے ظاہر کرن لئی مکتی دی ایس سچیائی دی اجازت دے چُکیا اے ۔
جویں پاک کتاب وچ پیشن گوئی کیتی گئی ، خُدا دے دو خادم اسرائیلیاں وچوں کھلون گے ، تے خُدا اوہناں دے راہیں خوشخبری دے حیران کرن والے معجزے کرے گا ۔ فیر اسرائیلی دو خادماں دے راہیں پانی تے رُوح دی خوشخبری سُنن گے ،جنہاں نوں خُدا اپنے سکے لوکاں وچوں کھلارے گا ، تے بوہت سارے اپنے مسیحا وانگر یسوع اُتے ایمان رکھن لئی آؤن گے ۔ اسیں اوس دیہاڑے نوں اُڈیکدے آں ، جویں یوحنا نے اِنج آکھدیاں ہویاں اُڈیکیا ، ” اے خُداوند یسوع آ۔“(مکاشفہ ۲۰ : ۲۲)۔
جدوں خُداوند دا دوبارہ آؤن دا ویلا آوے گا ، تُسیں احساس کرو گے تُسیں ایس سچیائی اُتے ایمان رکھن لئی کنے شکرگزار جے ، جیہدے راہیں تُسیں معاف کیتے گئے تےمکتی یافتہ ہوئے ۔ ایہہ میرے دل دی خاص تمنا اے پئی تُسیں پانی تے رُوح دی خوشخبری اُتے ایمان رکھن دے راہیں اپنے سارے پاپاں توں چھُٹ جاوو ۔
جگ خورے بدل جاوے، پر پانی تے رُوح دی خوشخبری جیہدے راہیں خُدا سانوں ساڈے پاپاں توں بچا چُکیااے، کدی بدلن والی نئیں اے تے ایہہ ہمیش دی سچیائی اے ۔ سانوں لازمی طور اُتے فدیہ دی نہ بدلن والی مکتی پاؤن لئی ایس سچیائی اُتے ایمان رکھنا چاہی دا اے ۔ خُدا کرے خُدا دی مکتی دی سچیائی تہاڈی ہو جاوے ۔
خُدا سانوں فضل دے بھانڈے بناؤن دے راہیں چھڈا چُکیااے
رومیوں باب ۹ دسدااے پئی خُدا نے یعقوب نوں مکتی دتی ایس لئی پئی اوہنے عیسو توں بوہتی اوہدے نال محبت کیتی ۔ ایسے طرحاں ، یعقوب فضل دا بھانڈا بنایاگیا، جد پئی عیسو عذاب دا بھانڈا بنایا گیا سی ۔ ایہہ کیوں دا سوال پیدا کردا اے ؟ کیہ خُدا نے عیسو دی تھاں اُتے یعقوب دے پاسے دی گل کیتی ؟ بنا شک ، بوہت سارے لوک ہون گے جیہڑے بحث کرن گے ، ” ایس لئی خُدا نے اک پاسے ہوندے ہویاں تے بے انصافی نال اک بندے نال محبت کرن لئی اوہنوں چُنیا جد پئی دوجے توں شرطوں اڈ طریقے نال نفرت کیتی ، اوہدا پہلوں توں مقرر کرنا تے چناؤ کرنا غلط سی ۔“
جدوں اسیں خُدا ولوں بنائے گئے جگ ول ویکھدے آں ، تاں ، اسیں ویکھ سکدے آں پئی بوہت سوہنیاں تے خالص اوہدیاں مخلوقاں نیں ۔ بوٹے ، پسوتے ساریاں دوجیاں شیواں جیہڑیاں خُدا ولوں بنائیاں گئیاں نیں ، اینیاں کامل دِسدیاں نیں ، فیر کویں خُدا اک بندے نوں محبت کر سکدا جد پئی دوجے نال ظالم ہوکے نفرت کر سکدا سی ؟ پر ایہو جیہی صورت ِ حال نئیں اے ۔
آدم تے حوا دی نافرمانیاں دے سبب ، پاپ جگ وچ آیا ، تے ایس پاپ دے سبب ،سارے جیہڑے اوہناں دے بعدوں جمے پاپ کردے رہن دا لیکھ رکھدے سَن ،تے دوزخ لئی لعنتی ہون توں بچ نئیں سکدے سَن ، بالکل ایس لئی پئی خُدا نے یعقوب نوں پاپ توں بچایا تے عیسو نوں مکت نہ کیتا ، ایہہ اوہدے اُتے کسے وی غلط کم نوں کرن دی توہمت نئیں لاؤندا ۔ اپنیاں اکھاں دے اگے ، خُدا اِنج کرن دا ہر سبب رکھدا سی ۔ سانوں بوہت سارے لبھ سکدے نیں جیہڑے مسیحی جھُنڈ وچ عیسو وانگر رویہ وکھاؤندے نیں ۔ خاص کر کے ، ایہو جیہا بندہ کدی وڈیائی دی عبادت ضائع نئیں کرے گا ، سب فضول اے ، دن چڑھے دی عبادت توں بوہتی رات دی وڈیائی تیک کدوں تے کتھے ایہہ ہوندی اے ۔ کئی ایتھوں تیک گھر توں بوہتا گرجے وچ ، گرجے دے کم نال چمبڑیاں ہویا ں مطلب اے گھر توں ہٹ کے ویلا بسرکردے نیں ۔ اسیں اوہناں نوں ’ دینی گھوڑے‘ آکھ سکدے آں ۔ پر ، اوہناں وچکار ، بوہت سارے نیں جیہڑے خُدا دی راستبازی نوں دلوں نئیں لیندے ۔ ایس لئی پئی اوہ اپنی راستبازی بناؤن دی کوشش کردے پئے نیں ،تے اِنج کرن وچ خُدا دی راستبازی نوں اک پاسے سُٹ دے پئے نیں ۔
بھاویں اوہ جیہڑے خُدا دی راستبازی اک پاسے سُٹ دے نیں فیر وی اسمان اُتے جانا چاؤہندے نیں تے اپنے پاپ معاف کراؤنا چاؤہندے نیں ۔ پر اوہناں دیاں کوششاں خُدا دے اگے اپنے آپ دی راستبازی قائم کرن دی کوشش وچ نیں تے دوجیاں لوکاں وانگر ، اپنے پاپاں توں معاف ہون دی کوشش نئیں کردے ۔ خُدا نے اوہناں نوں آکھیا جیہڑے اوہدی راستبازی اُتے ایمان نئیں رکھدے پئی خُدا دی راستبازی اُتے ایمان ہر کسے لئی نئیں اے ۔
فیر ، کس طرحاں دے لوک خُدا دی راستبازی اُتے ایمان رکھ سکدے نیں ؟ ایہہ ایہو جیہے لوک نیں جیہڑے اپنی بدکاری نوں پچھان دے نیں ، جیہڑے اپنے آپ دے دلاں وچ احساس کردے نیں پئی اوہ کسے شے لائق نئیں ہیگے ۔ اوہ ایس طرحاں دے لوک نیں ، جیہڑے پانی تے رُوح دی خوشخبری وچ وکھائے گئے اوہدےفدیہ دےراہیں خُدا دی راستبازی لبھدے نیں ، اوہ چھیتی نال ایہدے اُتے ایمان رکھدے تے خُدا نوں جلال دیندے نیں ۔ مطلب اے اسیں خُدا دی راستبازی اُتے ایمان رکھدے آں تے ایس طرحاں مکتی یافتہ ہاں ، دا مطلب اے پئی اسیں ترس کرن دے لائق لوک آں جنہاں نوں خُدا دی راستبازی دی لوڑ اے ۔ نئیں تاں اسیں اپنی باقی دیاں حیاتیاں وچ پاپ وچ جیوندے رہن دا نصیب رکھاں گے ۔
پر اوہ جیہڑے خُدا دے اگے اپنی آپ دے راستبازی لبھدے نیں ، اوہ نیں جیہڑے گھمنڈی نیں ۔ ایہو جیہا بندہ آکھ سکدا اے ، ” اے خُداوند،میَں تینوں دہ یکی دتی ، تیرے اگے ساری رات دعاواں منگن لئی کھلوتا رہیا ، پچھلے ۱۰ورہیاں توں مونہہ ہنیرے دیاں ہر دیہاڑے دیاں عبادتاں کدی ضائع نئیں کیتیاں تے تیرے لئی چنگے کم کر چُکیا ہاں۔ “
پر ، خُدانے بوہتا خوش ہونا سی جے اوہ پچھان چُکیا ہوندا پئی اوہ بالکل کوئی راستبازی نئیں رکھدا تے اِنج پانی تے رُوح دے فدیہ دے سبب خُدا دی راستبازی اُتے ایمان رکھن دی لوڑ رکھنی سی ، مطلب اے اپنی دلی کوشش دے راہیں ، کسے شے نوں ثابت کرن دی تھاں اُتے ، پئی اوہ نئیں کردا تے کُجھ حاصل نئیں کر سکدا ۔
ایتھوں تیک پئی ہُن ، مسیحی لوکاں وچ ، بوہتے لوک ہیگے نیں جیہڑے ساری طرحاں دی اپنی دلی راستبازی وکھاؤن دی کوشش وچ کم کردے پئے نیں۔ کئی ایتھوں تیک پئی وفاداری نال اپنے اکھراں مطابق کم کردے نیں ۔ پر ایس لئی پئی اوہ پانی تے رُوح دی خوشخبری دے راہیں وکھائی گئی خُدا دی راستبازی اُتے ایمان نئیں رکھدے ، اوہناں دے پاپ سارے دے سارے نئیں دُھلدے ۔خُدا اوہناں دی اخیرمقرر کرے گا ۔ اسیں سارے آس رکھدے آں پئی اوہ ساڈے خُداوند دے بپتسمے تے لہو اُتےفدیہ دی سچیائی وانگر اپنے ایمان دے سبب پاپاں توں معافی دے راہیں خُدا دے سکے پُتر بن جان گے ۔
مکتی دے بھانڈیاں اُتے ، پولُس رسُول نے آکھیا پئی خُدا اوہدے اُتے فضل کردا اے جیہدے اُتے اوہ فضل واجب اے ، تے اوہدے اُتے ترس کھاندا اے جیہدے اُتے ترس واجب اے ۔ فیر ، کیہڑے لوک نیں جیہڑے خُدا دا فضل پاؤندے نیں؟ سارے لوک خُدا دے کلام دے مطابق جیوندے نئیں رہ سکدے ، ایتھوں تیک پئی بھاویں اوہ سچ مُچ اِنج کرنا چاؤہندے ہون ۔ اوہ اوہدے کلام دے سبب جیوندے رہن تے ایمان رکھن دی اپنی خاص تمنا دے ہوندیاں ہویاں فیر گھڑی مُڑی ٹھیڈاکھاندے نیں ۔ اوہ خُدا دے اگے شرم محسوس کردیاں ہویاں مُک جاندے نیں ،تے جُرم وار ہوندے نیں تے سوچدے نیں پئی اوہ دوزخ دی سزا دے حقدار نیں ۔ ایس طرحاں، اوہ خُدا کولوں اپنے اُتے رحم کرنا منگدے نیں ، پچھاندے ہویاں پئی اوہ دونویں ایس دھرتی دے جگ اُتے تے اسمانی بادشاہی وچ ترس کھان دے لائق نیں ۔ ایس لئی پئی اوہناں نوں پتہ اے پئی اوہ مکتی یافتہ نئیں ہوسکدے جدوں تیک خُدااوہناں اُتے ترس نئیں کردا۔اوہ بے آسے ہوکے اوہدے کولوں منگدے نیں ۔
دوجے اکھراں وچ پاپ توں مکتی اوہناں لئی ہیگی اے جنہاں اُتے خُدا رحم کردا اے تے جنہاں اُتے اپنا فضل کر چُکیا اے ۔ اوہناں لوکاں لئی ، خُدا نے اپنے بپتسمے ، سولی اُتے مرن تے مویاں وچوں جیون نال اپنے آپ اُتے سارے پاپ چُک کے اپنے اِکو اِک پُتر دے راہیں پانی تے رُوح دی خوشخبری دتی — ایہہ سب کُجھ اوہناں نوں اوہناں دی پکی بربادیاں توں چھڈاؤنا سی ۔ ساڈا خُدا اوہناں اُتے ترس کھاندا اےجیہڑے بےچارے نیں ۔
پر لوک جنہاں اُتے خُدانے عذاب گھلیا اے اوہناں توں بوہتا جنہاں اُتے اوہ ایس جگ وچ
فضل کر چُکیا اے ، وکھالی دیندے نیں ۔ خُدا نے سانوں دسیا پئی اج دے مسیحی لوکاں وچ ، دونویں فضل دے بھانڈے تے عذاب دے بھانڈے ہیگے نیں ۔ دوجے اکھراں وچ، لوک ہیگے نیں جنہاں نال خُدا محبت کردا اے تے اوہ لوک جنہاں نال اوہ محبت نئیں کردا ۔
رومیوں ۹: ۱۷ سانو ں دسدا اے ،”ایس لئی پئی پاک کتاب وچ فرعون نوں آکھیا گیا پئی میَں ایسے لئی تینوں کھلاریا پئی تیرے سبب اپنی طاقت وکھاواں تے میرا نام سار ی دھرتی اُتے مشہور ہووے ۔ “ خُدا نے فرعون وانگر لوکاں نوں کھلون دی اجازت دتی تاں پئی اوہدی طاقت مشہور ہوجاوے ۔ پر، فضل دے بھانڈیاں لئی اوہ اپنی محبت وکھا چُکیا اے ، تاں پئی سارے جگ وچ اوہدے نام دا چرچا ہو سکے ۔ ساڈے پاپاں تے خُدا دے عذاب دے سبب ،اسیں سارے دوزخ دے حقدار آں ۔ پر اسیں اپنے سارے پاپاں توں مکتی یافتہ ہوئے جویں خُدا نے ساڈے اُتے اپنی راستبازی دی محبت ورسائی اے ، ایس لئی پئی اوہ ساڈے وچوں اوہناں اُتے رحم کر چُکیاسی جیہڑے اوہدے اُتے ایمان رکھدے سَن۔
اوہ جیہڑے خُدا دی راستبازی اُتے ایمان نئیں رکھدے تے صرف اپنی دلی راستبازی دی گل ریجھ نال کردے نیں خُدا دے خلاف چلدے پئے نیں۔ ایہہ اوہ لوک نیں جنہاں نوں خُدا نےاپنے عذاب لئی چھڈیا اے ؛ ایس لئی پئی اوہدا ڈاہڈا عذاب ثابت ہوگیا ، لازمی اوہ ہونے چاہی دے نیں جیہڑے اوہدے خلاف کھلوندے نیں ،تے اوہدے راہیں، خُدا دی کچہری دا انصاف ظاہر ہوندااے ۔
فرعون وانگر لوک اوہ نیں جیہڑے خُدا دی راستبازی دی محبت نوں رد کر چُکے نیں ۔ فرعون اُتے ، خُدا نے ۱۰ آفتاں گھلیاں ؛ اخیری آفت موت دی آفت سی ۔اوہ جنہاں نے خُدا نوں رد کیتا اے ،اوہناں دی اُڈیک صرف نہ بجھن والا اگ دا دریا کردااے ۔ ایہہ خُدا دی طاقت دا عذاب اے ۔ بوہت سارےتگڑے لوک ایس جگ وچ ہیگے نیں تے بوہت سارے نیں جیہڑے خُدا دا انکار کردے نیں ، پر خُدا اوہناں نوں اخیریں ، اپنے عذاب دی طاقت دا دعویٰ کرن لئی ہیٹھاں لیاوے گا ۔ ایس سبب توں اوہ اوہناں دےسخت دلاں نوں چھڈدا اے جیہڑے اکلے اوہدا انکار کردے نیں ۔
فیر ساڈے لئی کیہ خاص اے ، ایس سبب توں ، اسیں کویں فضل دے بھانڈے بن سکدے آں ، ایس لئی پئی اِنج کر کے ، اسیں خُدا دی راستبازی دی محبت اُتے ایمان رکھ سکدے آں ۔ اسیں خُدا دے اگے وکھاؤن لئی کُجھ نئیں رکھدے ؛ سگوں ، اسیں اوہدی سچی محبت اُتے ایمان رکھن لئی جمے ساں ۔ پاک کتاب سانوں خُدا دے اگے دعا منگدے ہویاں اک چونگی لین والے تے فریسی دے بارے کہانی دسدی اے ۔ خُدا نے پہلے ذکر والے اُتے ترس کیتا ، جد پئی اوہنے اخیری ذکر والے اُتے کُجھ نئیں کیتا ۔جیہڑے چونگی لین والے وانگر نیں ، اوہ نیں جیہڑے خُدا دے اگے پچھان دے نیں پئی اوہناں نیں کُجھ وی چنگا نئیں کیتا تے مطلب اے اوہ صرف اوہدے جلال توں وکھ ہو گئے نیں؛ ایس لئی خُدا کولوں اوہدا فضل منگدے نیں ۔
ایہہ ایس طرحاں دےلوک نیں جیہڑے خُدا دی محبت دی راستبازی دے لیڑے پاؤن گے ۔ پراوہ جیہڑے فریسی وانگر نیں ، چتے پیر شیخی ماردے نیں پئی اوہناں نیں خُدا لئی کناں بوہتا کیتا اے —مطلب اے اوہناں نیں دہ یکیاں دتیاں ، مطلب اے اوہناں نیں ہفتے وچ دو واری روزہ رکھیا ، مطلب اے اوہناں نیں دعامنگی ، تے اوہ دینی طریقیاں وچ پکے سَن ۔ ایس گل اُتے بھروسہ کر کے اسیں خُدا دے اگے کتھے کھلوتے آں ، کیہ اسیں خُدا دی ساری راستبازی دی محبت دے لیڑے پاواں گے یاں اوہدی سزا دے عذاب دا نشانہ بناں گے ۔ جے اسیں خُدا دے اگے اپنے دلاں نوں سخت کردے آں ، ساڈے پاپ سدا معافی نہ پاؤن دے لائق رہن گے ، معافی توں اڈ ،ساڈا ٹھکانہ دوزخ ہووے گا ۔
پانی تے رُوح دی خوشخبری دی منادی سارے جگ وچ کیتی گئی اے ۔ مکتی توں اڈ مکتی توں اڈ نیں صرف ایس لئی پئی اوہناں دے دل سخت نیں ۔ سارے لوکاں وچ کوئی وی راست نئیں ہیگا اے ،تے صرف ایمان دے راہیں اسیں خُدا دی راستبازی دی محبت دے لیڑے پا سکدے آں ۔ خُدا اوہناں توں نفرت کردا اے ،ایتھوں تیک بھاویں خُدا نے اوہناں نوں بنایا اے ، جیہڑے اوہدی راستبازی نوں پچھانن توں مُکر دے نیں پر اوہ جیہڑے پانی تے رُوح دی خوشخبری اتے ایمان رکھدے نیں ،خُدا دی راستبازی دے سبب ، اوہدے توں محبت پاؤن گے تے ہمیش دیاں حیاتیاں پاؤن گے ۔
اج ایس جگ وچ بوہتے مسیحی خُدا دے اگے عذاب دے بھانڈیاں وانگر جیوندے پئے نیں ۔ ایس لئی سانوں رومیوں دے خط وچوں سکھن دی لوڑ اے پئی خُدا دی راستبازی کیہ اے ۔ کس سبب توں خُدا کئیاں نال محبت کردا اے تے دوجیاں نال نئیں کردا ۔ ایس لئی پئی کئی اوہدی راستبازی اُتے ایمان رکھدے جد پئی دوجے ایہدے اُتے ایمان نئیں رکھدے۔ ایہہ سچیائی اے جیہدے بارے وچ میَں گل کرن دی تمنا کردا ہاں ۔ خُدا نے یعقوب تے عیسو نال جو کیتا ٹھیک سی ۔ اوہناں وچکار جیہڑے یسوع اُتے ایمان رکھدے نیں ، بوہت سارے ہیگے نیں جیہڑے پانی تے رُوح دی خوشخبری اُتے ایمان رکھن توں اڈ خُدا دی محبت لینا چاؤہندے نیں۔ ایہہ لوک عیسو وانگر نیں، تے خُدا اوہناں نوں اوہناں دے پاپاں دے مطابق سزا دیوے گا ۔
خُدا نے جگ وچ سارے پاپاں نوں اکو ای وار چُکن دے سلسلے وچ یوحنا کولوں بپتسمہ لین لئی اپنے پُتر نوں گھلیا اے ۔ کیہ تُسیں ایس سچیائی اُتے ایمان رکھدے او ؟ کیہ تُسیں سچ مُچ اپنے سچے دلوں ایہدے اُتے ایمان رکھدے او ؟ اسیں جھٹ پٹ اپنے سارے پاپاں توں مکت ہو جاواں گے جدوں اسیں پانی تے رُوح دی خوشخبری اُتے ایمان رکھدے آں ، جیہدے راہیں خُدا دی راستبازی وکھائی گئی اے ۔ یسوع نے ایس جگ دے سارے پاپ چُک لَے تے اوہناں نوں اپنے موہڈے رکھ لیا ، سولی اُتے مرگیا ، تے مویاں وچوں جیوں اُٹھیا ، سب اکو ای وار ، تاں پئی اسیں وی ، اکو ای وار اپنے پاپاں توں چھُٹ جائیے ۔
پر جے اسیں خُدا دی راستبازی اُتے ایمان رکھن توں اڈ چھڈائے گئے ہون دی کوشش کردے آں ، اسیں خُدا دے خلاف پاپ کردے ہوواں گے ۔ جے اسیں اوہدی راستبازی اُتے ایمان نئیں رکھدے ، فیر ایہدا مطلب ہووے گا پئی یسوع مسیح نوں بپتسمہ لینا پوے گا تے ساڈے پاپاں لئی ہر دیہاڑے مرنا پوے گا ۔ کیہ خُدا اپنی نہ مُکن والی دانائی وچ ایہو جیہے طریقے نوں چُنے گا ؟ سانوں ساڈے پاپاں توں چھڈاؤن لئی ، خُدا نے اپنے پُتر نوں صرف اک وار بپتسمہ لین ، سولی اُتے مرن تے ساڈ ے سارے پاپاں لئی صرف اکو وار جیوں اُٹھن لئی گھلیا ، تاں پئی اوہ سانوں اکو ای وار ساری کامل مکتی دے سکے ۔
ساڈا خُدا راستباز خُدا اے ۔ خُدا نے اپنی راستبازی وچ ساڈے پاپاں دی معافی دا ارادہ کیتا ۔ خُدا ساڈے پاپاں نوں نئیں مکاؤندا ایس لئی پئی اسیں ہر ویلے جدوں اسیں پاپ کردے آں اپنی معافی لئی دعا منگدے آں ۔ ایہدی تھاں اُتے ، اوہنے اوہناں دے سارے پاپاں نوں مکا دتا جیہڑے اکو ای وار اوہدی راستبازی اُتے ایمان رکھن دے راہیں اک وار تے سدا لئی چھڈائے گئے سَن ۔
فیر ، ہر دیہاڑے دے پاپاں نال کیہ ہوندا اےجیہڑے اسیں بعد وچ کردے آں ؟ اوہناں دی فکر کیتی جاندی اے جدوں اسیں شکرگزاری نال اوہدی راستبازی لئی خُدا دی وڈیائی کردے آں تے صرف اوسے نوں سارا جلال دیندے آں، خُدا دی نظر وچ، یسوع نے اکو ای وار اپنے آپ اُتے اپنے بپتسمے نال جگ دے سارے پاپاں نوں چُک لیا ، سولی اُتے لہو وگایا تے ساڈی تھاں اُتے دکھڑے جرے ۔ تے ایس طرحاں اکو ای وار ساڈے سارے پاپاں نوں ، ساڈی کامل مکتی لئی چُک لیا ۔ خُدا دی راستبازی دی محبت اکو ای وار جگ دے سارے پاپاں نوں مکاؤن لئی اوہدے ارادے نال کامل ہو گئی سی ۔
رومیوں ۹ : ۲۵ دسدااے ، ”ایس لئی ہوسیع دی کتاب وچ وی خُدا اِنج فرماؤندااے پئی جیہڑی میری اُمت نئیں سی اوہنوں میَں اپنی اُمت آکھاں گا تے جیہڑی سوہنی نئیں سی اوہنوں سوہنی آکھاں گا ۔ “ آہو خُدانے آکھیا پئی اوہ اوہناں نوں اپنے لوک آکھے گا ، جیہڑے اوہدےلوک نئیں سَن ۔ ایس لئی پئی خُدا دی راستبازی جیہدے اُتے اسیں ایمان رکھدے آں خیال نئیں اے ، سگوں سچیائی اے پئی ، اسیں اوہدی راستبازی اُتے ایمان رکھن دے راہیں اپنے سارے پاپاں توں مکت ہوندے آں ۔ایس لئی پئی ایہہ اک سچیائی اے ، اوہ جیہڑے اوہدی راستبازی نوں اک پاسے سُٹ دے نیں نفرت لائق ہون گے تے عیسو وانگر سزا پاؤن گے ۔ کوئی وی نئیں ہیگا اے جیہڑا خُدا دے اگے اپنی راستبازی دی شیخی مارسکدا اے ۔
ساڈے سارے پاپاں توں سانوں بچاؤن لئی خُدا نے سانوں اپنی راستبازی نال بچایا ۔ فیر کویں اسیں شکر تے اوہدی وڈیائی کر سکدے آں؟ اسیں بچ نئیں سکدے سگوں شکرگزاری تے ایمان وچ خُدا دی راستبازی دی خوشخبری نوں ودھاؤندے آں ۔
Copyright © 2021 by The New Life Mission