Search
日本語
日本語
COVID-19及び国際郵便業務の中断により、
「無料の本のサービス」を一時的に停止しております。
この状況を考慮して、現時点では無料の本を郵送することはできません。
この全国的流行がすぐに終わり、郵便業務が再開されることを祈ります。

キリスト教信仰に関するFAQ

主題1：水と御霊によって新しく生まれる

1-31. جد پئی خُدا فضل نال بھریا تے ترس کھان والا اے ، تے کیہ او ہ سانُوں راستباز شمار نئیں کرےگا،بھاویں ساڈے دِلاں وِچ پاپ پایاجاندااے،پر شرط اے پئی اَسیں صِرف یسوُع اُتے ایمان رکھدے آں؟

خُدا محبت کرن والا تے منصف اے ۔ایویں ،اوہ  سچیائی نال  پاپ دی عدالت کردااے ۔یعنی ایس گل نال اوہنوں کوئی مطلب نئیں  بھانویں جو مرضی ہو جائے ”پاپ دی مزدُوری موت اے “ (رومیوں ۶:۲۳)۔ایہدامطلب اے پئی عدالت دے بعد ہر  پاپی دی منزل جہنم اے ۔اوہ راستبازاں نُوں پاپیاں توں جُدا کردااے، جِس طرحاں اوہنے چانن نُوں ہنیرے توں وکھ کیتا ۔ خُدا اوہناں نُوں راستباز ہون لئی بلاؤندااے جیہڑے ایس گل اُتے ایمان لیان دے سبب بے پاپ ٹھہرائے گئے نیں پئی یسوُع نے اپنے بپتسمہ تے مصلُوبیت دے ذریعے اوہناں دے پاپاں نُوں دُور کردِتا ۔
فیر وی ، اوہ لوک ہُن تیک اپنے اندر پاپ رکھدے نیں تے خُدادے حضُوروِ چ پاپی نیں جیہڑے یسوُع دے بپتسمہ اُتے ایمان نئیں  لیاؤندے ۔ایہہ اوہ لوک نیں جیہڑے پانی اُتےایمان نئیں  رکھدے،دُوجے لفظاں وِچ یسوُع دے بپتسمہ اُتے ، بالکل اوسے طرح جِویں نُوح دے دَور وِچ لوکاں نے ایمان نہ رکھیا ۔ جے خُدا اوہناں لوکاں نُوں جیہڑے ہُن تیک اپنے اندر پاپ رکھدے نیں ،راستباز تے بے پاپ خیال کردا اے ، تے اوہ ضروُر جھوٹ بول رہیا اےتے اِنج اوہ اپنی خلقت اُتے حکومت تے اوہناں دی عدالت نئیں  کرسکدا ۔
 اوہنے فرمایا ، ”  میَں شریر نُوں راست نئیں ٹھہراواں گا ۔“ (خروج ۲۳:۷)۔شریر اوہ نیں
جیہڑے لوکاں دِیاں رِیتاں دی پیروی کردے تے اوہناں اُتے انحصار کردے نیں ، تے پانی تے رُوح دی خوشخبری نُوں پراں کر دیندے نیں جیہدے سبب خُدا نے سانُوں بوہت ٹھیک تے منصفانہ طریقے نال ساڈے سارے پاپاں توں رہائی بخشی اے ۔یسوُع نے آکھیا ،  ” پاپ دے بارے وچ ایس لئی پئی اوہ میرے اُتے ایمان نہیں لیاندے۔“ (یوحنا ۱۶:۹)۔ ایس سچ اُتے ایمان نہ لیانا ای دُنیا دا واحدپاپ اے پئی یسوُع اپنے بپتسمہ تے صلیب دے ذریعے ساڈے پاپاں نُوں چُک کے لے گیا ۔  تے ہُن ساڈا مکتی داتا بن چُکیا اے ۔ ایہہ رُوح القدّس دے خلاف کفر بکن دا پاپ اے، جیہڑا کدی معاف نئیں  کیتا جاسکدا ۔ جیہڑے لوک رُوح القدّس دے خلاف کفر بک  دے نیں اوہناں کول مکتی پاؤن دی کوئی ہور راہ نئیں اے کیوں جے اوہ ایمان نئیں رکھدے پئی یسوُع نے اوہناں دے پاپاں نُوں دُور کردِتا اے۔
یوحنا رسول نے آکھیا ، ” جیہڑا کوئی پاپ کردا اے اوہ شرع دی مخالفت کردااے تے پاپ شرع دی مخالفت ای اے ۔تے تُسیں جان دے اوپئی اوہ ایسے لئی ظاہر ہویاسی پئی پاپاں نوں چُک لے جاوے تے اوہدی ذات وِچ پاپ نئیں ۔جیہڑا کوئی اوہدے وِچ قائم رہندا اے اوہ پاپ نئیں کردا۔ جیہڑا پاپ کردا اے نہ اوہنے اوس نُوں ویکھیا اے نہ ای جان دا اے  “ (۱۔یوحنا ۳:۴۔۶)۔ایس سچیائی اُتے ایمان نہ لیانا پئی یسوُع اپنے بپتسمہ تے صلیب دے ذریعے ساڈے سارے پاپاں نُوں چُک کے لے گیا،بدکاری کرنا اے ، اوہ جیہڑے  شرع  دی  مخالف  کر دے  نیں ، اوہناں نُوں آخری دِن دھتکار دیوےگا ۔
جییڑے اوس وِچ قائم رہندے نیں اوہناں وِچ پاپ نئیں  تے اوہ یسوُع وِچ بپتسمہ لین دے ذریعے اوہدے نال اِک نئیں  ۔اوہ لوک جِنھاں نے اوہدے بپتسمہ دے ذریعے حیاتی بھردے پاپ اپنے ایمان دے راہیں  اوہدے تے لد دِتے نیں،اوہناں وِچ کوئی پاپ نئیں  بھاویں اوہ جسم دی کمزوری دے سبب ہُن تیک پاپ کردے نیں۔
خُدا اوہناں نُوں راستباز ہون لئی بلاندااے جیہڑے حیاتی دے رُوح دے ذریعے پاک ہون لئی اجیہے پاپ یسوُع اُتے لد چُکے نیں ۔ اوہ اوہناں نُوں رُوح القدّس اِنعام دے طور تے دیندااے ۔ رُوح القدّس کدی اوہناں اُتے نازل نئیں  ہونداجِنھاں دے دِل وِچ پاپ اے ۔ داؤد نے اپنے زبور وِچ آکھیا، ”  کیوں جے تُوں ایسا خُدا نئیں جیہڑا شرارت توں خوش ہوویں ۔ بدی تیرے نال نئیں رہ سکدی ۔“ (زبور ۵:۴)۔ رُوح القدّس کدی اوہناں دے دِلاں وِچ سکونت نئیں  کردا جِنھاں دے اندر پاپ ہووے ۔ایتھوں تائیں پئی اِک پاپی وی جیہڑا اپنے اندر رُوح القدّس نئیں  رکھدا ،الٰہی نظریاں تے اپنے ذاتی خیالاں دے مطابق آکھ سکدا اے پئی اوہ پاپ توں مکتی حاصل کر چُکیا اے ۔ فیر وی ، کوئی شخص کدی نئیں  آکھ سکدا پئی اوہ اپنے دِل وِچ کوئی پاپ نئیں  رکھداتے ایمان دے  نال  راستباز  اے   ایس  لئی  پئی  اوہدا ضمیراوہنوں ملامت کردا اے ۔
ایس لئی، اجیہا شخص آکھدا اے پئی اوہ دُوجے لوکاں دی نظر وِچ پاپی اے،پر اصل وِچ سوچدااے پئی اوہ خُدا دی نظر وِچ راستباز آدمی اے۔پرخُدا کدی وی اِک پاپی نُوں راستباز نئیں  آکھدا۔ اِک پاپی اوہدی عدالت دا حقدار اےتے پاپی نُوں لازمی طورتے مکتی یافتہ ہون لئی پانی تے رُوح دی خوشخبری اُتےایمان لیانا چاہی دا اے ۔