COVID-19及び国際郵便業務の中断により、
「無料の本のサービス」を一時的に停止しております。
「無料の本のサービス」を一時的に停止しております。
この状況を考慮して、現時点では無料の本を郵送することはできません。
この全国的流行がすぐに終わり、郵便業務が再開されることを祈ります。
この全国的流行がすぐに終わり、郵便業務が再開されることを祈ります。
主題1：水と御霊によって新しく生まれる
1-32. تُہاڈے دعوے دے مطابق جے اَسیں آکھیے پئی یسوُع ساڈے ماضی ،حال تے مستقبل دے پاپاں نُوں مٹا چُکیا اے تے اوس شخص دا کیہ مستقبل ہووےگا جیہڑا صرف ایس گل نُوں سوچ کے مسلسل پاپ کردااے پئی یسوُع دے بپتسمہ تے صلیب اُتے ایمان لیان نال اوہدے پاپاں دی معافی پہلاں ای ہوچُکی اے؟ ایتھوں تیک پئی اوہ جے کِسے شخص نُوں قتل کردیندا اے ، تے اوہ ایس گل نُوں سوچ دا ہووے گا پئی یسوُع دی صلیب دے ذریعے ایتھوں تائیں پئی اوہدے ایس قِسم دے پاپاں دا کفارہ دِتا جاچُکیا اے ۔ ایس لئی، اوہ اَن جَھک ہوکے مسلسل پاپ کردارہوے گا صِرف ایس گل اُتے ایمان لیاکے پئی یسوُع پہلاں ای اوہدے پاپاں نُوں مٹاچُکیا اے جیہڑے اوہ مستقبل وچ وی کرےگا ۔ مہربانی نال میرے لئی ایہناں گلاں دی وضاحت کرو؟
سب توں پہلاں ،میَں پانی تے رُوح دی خوشخبری دے متعلق سوال کرن لئی تُہاڈا شکرگزار آں ۔ جیہڑے سوال تُسیں کیتے نیں ایہہ اوہ خیال نیں جیہڑے بوہت سارے مسیحی نویں سِرے توں پیدا ہون توں پہلاں پُچھدے نیں ۔ میَں جان دا آں پئی تُسیں پریشان ہورہے او پئی نویں سِرے توں پیدا ہویا شخص مستقبل وِچ مسلسل کامل خوشخبری توں رہائی پاکے وی پاپ کردارہوےگا ۔فیروی ، میَں تُہانُوں دَسنا چاہنا آں پئی جیہڑے لوک پانی تے رُوح دی خوشخبری اُتے ایمان رکھدے نیں اوہ اجیہی حیاتی نئیں لنگھاندے جیہدی تُسیں نشاہدہی کیتی اے سگوں ایہدی بجائے اوہ پاک حیاتی بسر کردے نیں۔
پہلاں تُہانوں ایس گل دے متعلق سوچنا چاہی دااے ۔جے سچی مُچی تُہاڈے اندر رُوح القدّس
اےتے فیر ، تُسیں پاک پھل پیداکروگے ، بھاویں تُسیں ایس طرحاں نئیں وی کرنا چاہندےاو۔ دُوجے پاسےجے تُہاڈے اندر رُوح القدّس نہیں اے ،تے تُسیں رُوح دے پھلاں وِچوں کوئی وی پھل پیدا نئیں کر سکدے ،بھاویں اوہدے لئی تُسیں کِنّی سخت کوشش کیوں نہ کرو ۔ اِک شخص کِویں ممکنہ طورتے رُوح دے پھل پیداکرسکدااے جے اوہدے دِل وِچ رُوح القدّس نئیں اے، ایتھوں تائیں پئی بھاویں کِسے طرحاں یسوُع اُتے ایمان رکھدااے ۔ ایہہ کدی وی ممکن نئیں ۔ خُدا نے آکھیا پئی بھیڑا درخت کدی چنگا پھل نئیں لیاسکدا (متی ۷:۱۷۔۱۸)۔
ہُن میَں تہاڈے کولوں اِک سوال پُچھدا آں تے اوہدا جواب وی دینا چاہنداآں ۔جے تُسیں یسوُع اُتے ایمان رکھدےاوکیہ تُسیں سچی مُچی دُنیا دے پاپاں اُ تے فتح نال حیاتی بسرکر رہے او؟کیہ تُسیں دُنیا دے پاپاں اُ تے غالب آکے خُدا دے راستباز نوکر دی طرحاں حیاتی بسرکر رہے او؛ تے خُداوند دی بوہتی خدمت کررہے او،لوکاں نُوں پانی تے رُوح دی خوشخبری سنُا کے اوہناں نُوں اوہناں دے سارے پاپاں تو بچارہے او ۔کیہ تُسیں سچی مُچی راستبازشخص بن چُکے او جیہدے اندر یسوُع اُتے ایمان لیان توں بعدوں پاپ دا شائبہ تیک نئیں اے ؟ واحد ایمان تے خوشخبری جیہڑی ایس سوال دا جواب ہاں وِچ دیندی اے اوہ پانی تے رُوح دی خوشخبری اے جیہدی خُداوند نے پُرانے عہد نامہ تے نویں عہد نامے وِچ گواہی دِتی اے۔
بے شک یسوُع اُتے ایمان لیان توں بعدوں وی اَسیں ایس دُنیا وِچ پاپ کردے رہندے آں ۔ فیر وی ،ساڈے خُداوند نے سانُوں دُنیا دے پاپاں توں بچان لئی یوحنا توں بپتسمہ لیا تے صلیب اُتے اپنا خون وگایا۔ایس لئی ، خُداوند نے ساڈے لئی سچاکم کیتا اے تے خُدا دی راستبازی یعنی خُداوند دے بپتسمہ تے خون جس توں اوہ ساڈے پاپاں نُوں مٹاچُکیا اے ،اُتے ایمان لیا کے اَسیں ایس دُنیا دے پاپاں توں بچائے جاچُکے آں ۔
میَں تُہاڈے کولوں چند سوال پُچھنا چاہنداآں۔ کیہ تُسیں اپنے ضمیردے پاپاں تو ں رہا او ؟ کیہ تُسیں یسوُع اُتے ایمان لیان تو ں بعدوں اِنج ای پاپی سی ،جِویں تُسیں یسوُع اُتے ایمان لیان توں پہلاں پاپی
سی ؟ جے ایہہ سچ اے تے ایویں خورےایس لئی اے پئی تُسیں پانی تے رُوح دی خوشخبری دے بارے نئیں جان دے ۔ تُسیں بدن وِچ پائی جان والی اوکھلاں تے پریشانیاں دا شکار ہوگئے او ایس لئی پئی تُہاڈے دِل وِچ پاک رُوح نئیں اے ۔ کوئی معنے نئیں رکھداپئی تُسیں کِنّے وفادار ایماندار ہوسکدے او، پر تُسیں صِرف اپنے دِل نُوں خالی کرکے پانی تے رُوح دی خوشخبری نُو ں دِل وِچ لےکے جسمانی خیالاں تے غالب آسکدے او۔تُہانوں اپنے نفسانی خیال چھڈکے خُدادے تحریری کلام وَل پَرتنا چاہی دااے تاں پئی تُسیں ایس سچ نُوں جان سکو پئی پانی تے رُوح دی خوشخبری ای سچ اے۔
ایس دُنیا وِچ بوہت سارے لوک نیں جیہڑے مکتی دی شریعت نُوں اپنی مرضی دے مطابق کِسے وی طرحاں بدل لیندے نیں جیہڑی خُدا قائم کرچُکیا اے ،ایتھوں تائیں پئی بھاویں اوہ اپنے بُلاں توں خداوند دا اقرار کر دے نیں ۔ جے تُسیں ایس قِسم دے لوکاں وِچوں کوئی اِک او،تے خُداوند آخری دِن تہُانوں پِچھے چھڈ دیوے گا ۔ میَں اُمیدکردا آں پئی ایس دُنیا وِچ اِنج کِسے دے نال واقع نئیں ہووے گا ۔ میَں دُعا منگداآں تسیں اجیہے شخص او جیہڑے ایمان رکھدے نیں پئی یسوُع دا صلیبی خون واحد سہارا اے جیہڑاتُہانوں بچاندااے ، تے تُسیں ایہہ سدھررکھدے ہوئیاں سوال پُچھ چُکے او پئی اپنی حیاتی دا بقایا ویلہ پاپ توں اَڈ ہوکے گزارو۔
فیروی ،تہاڈے خیال جِسم دے خیال نیں، ” جسمانی نیّت نہ تے خُدادی شریعت دے تابع ہے نہ ہو سکدی اے۔“ (رومیوں ۸:۷)۔پولُس آکھدا اے ، ” جیہڑے جِسمانی نیں خُدا نُوں خوش نئیں کرسکدے۔“ (رومیوں ۸:۸)۔جے تُسیں سچی مُچی ایمان رکھنا چاہندے او جیہڑا خُدا نُوں خوش کردا اے ، تے تُہانوں خُدا دے اُچیرے کم اُتے ایمان رکھنا چاہی دا اے ،جیہدے وِچ اوہ کواری مریم دے ذریعے ایس دُنیا وِچ آیا،دریائے یردن اُ تے یوحنا اصطباغی کولوں بپتسمہ حاصل کرن دے راہیں اِنسانی پیِڑھی دے پاپاں نُوں چُک لیا ، تے اِنج خُدا دی ساری راستبازی نُوں پوریاں کردِتا ۔
تسیں کِویں سوچ دے او کون خداداراستبازی دا کم کرسکدا اے ، راستباز شخص یا پاپی؟ اِک پاپی ہُن تیک پاپ دے وِچکار اے کیوں جے اوہ خُدادے سامنے پاپاں دی معافی حاصل نئیں کرچُکیا ۔ ایس لئی ،واحد شَے جیہڑی اوس دا انتظار کررہی اے اوہدے پاپاں دی عدالت اے ۔ خُدا اپنی بادشاہی وِچ پاپیاں نُوں داخل ہون دی اِجازت نئیں دے سکدا کیوں جے ” تُوں ایہداں دا خُدا نئیں جیہڑا شرارت تو خوش ہوویں۔“ (زبور ۵:۴)۔خُدا نے آکھیا جے کوئی پاپی اوہدے کول آوے تے اوہدے کولوں کُجھ منگے ، اوہ پاپی دی دُعاواں نُوں نئیں سُنے گا کیوں جے ” تُہاڈی بدکرداری نے تُہاڈے تے تُہاڈے خُدا دے وِچکار جُدائی پیدا کردِتی ۔“ (یسعیاہ ۵۹:۲)۔ پاپی لازمی طور تے جہنم وِچ جاوے گا کیوں جے پاپ دی مزدُوری موت اے ۔
صِرف راستباز لوک جیہڑے پاک بن چُکے نیں تے ایس لئی اپنے دِلاں وِچ کوئی پاپ نئیں رکھدے راستباز کم کرسکدے نیں ۔ ہور اَگانہہ ، رُوح القدّس صِرف راستباز دے دِل وِچ سکونت کردااے ،جیہڑا یسوُع دے بپتسمہ تے خون اُتے ایمان رکھن توں بعدوں کوئی پاپ نئیں رکھدا ۔ پطرس رسوُل نے عیدِ پنتی کوست دے دِن آکھیا ، ” توبہ کروتے تُہاڈے وِچوں ہراِک اپنے پاپاں دی معافی لئی یسوُع مسیِح دے ناں اُتے بپتسمہ لوے تے تُسیں رُوح القدّس اِنعام وِچ پاؤگے۔ “ (اعمال ۲:۳۸)۔
ایہہ حوالہ کیہ آکھ رہیا اے ،ایہہ ہے پئی جے تُسیں سچا ایمان حاصل کرنا تے اپنے ایمان دے راہیں اپنےسارے پاپاں دی معافی حاصل کرنا چاہندے او،فیر،تُہانوں دونواں ، یسوُع دے بپتسمہ تے اوہدی صلیبی موت اُتے ایمان رکھنا چاہی دا اے ۔ اجیہا ایمان تُہانوں ” یسوُع دے ناں اُتے بپتسمہ لین “ دی اِجازت دے سکدا اے ،جیہڑا آکھدااے، تُسیں اوہدے سچے کماں اُتے ایمان رکھن دے راہیں اپنے پاپاں دی معافی حاصل کر سکدے او ۔ بے شک ،یسوُع دے چیلیاں نے وی نویں سِرے توں پیدا ہون والے ایمان داراں لئی بپتسمہ دی پاک رسم سراِنجام دِتی ،جیہڑے اوہدے بپتسمہ تے صلیب اُتے ایمان رکھدے سَن ۔ یسوُع نے اپنے چیلیاں نُوں حکم دِتا پئی سبھناں نُوں پیو تے پُتر تے رُوح القدّس دے ناں اُتے بپتسمہ دیوو(متی ۲۸:۱۹)۔
پولُس رسوُل نے ہورآکھیا ، ” جیہدے وِچ مسیِح دا رُوح نئیں اوہ اوہدا نئیں ۔“ (رومیوں ۸:۹)۔ خُدا راستبازاں نُوں ایس لئی رُوح القدّس بخشدااے تاں پئی اوہناں اُتے اپنی اَولاد ہون دی مہر کرے۔ پاپیاں دے اندر کدی رُوح نہیں وسدا کیوں جے اوہناں دے اندرپاپ پایا جاندا اے ۔ رُوح القدّس پاپ نُوں پسند نہیں کردا؛سگوں اوہ پاکیزگی(پاپ تو علیٰحدگی )نُوں اُچیرا جاندااے۔پاک رُوح راستباز اں نُوں سچیائی دِیاں راہواں تے پیودی مرضی تے چلن لئی اَگوائی دیندا اے ۔ فیر ،باپ دی مرضی کیہ اے ؟ ایہہ ہرقوم دے لوکاں تیک پانی تے رُوح دی خوشخبری نُوں اَپڑانا تے اوہناں نُوں اُچیرے فرمان دے مطابق بپتسمہ دینا اے ۔
راستبازاں تے پاپیاں دے جِسم جدوں تیک مرنہ جان پاپ کردے رہندے نیں ۔فیر وی ، خُداوند اپنے بپتسمہ تےخون نال اوہناں سارے پاپاں نُوں مٹان لئی جیہڑے اوہ اپنے بدن تے دِل توں کردے نیں ،سچا عمل کر چُکیا اے ۔ خُدا دی ایس راستبازی نُوں یسوُع پوریاں کر چُکیا اے ۔ ایس لئی ،بائبل مقدّس وِچ ایہہ لِکھیا اے ، ” ایس واسطے پئی اوہدے وِچ خُدا دی راستبازی ایمان نال تے ایمان دے لئی ظاہرہوندی اے جِویں لِکھیا اے پئی راستباز ایمان نال جیوندارہوے گا۔ “ (رومیوں ۱:۱۷)۔خُدا دی راستبازی اُتے ایمان لیا کے پاپ دی معافی حاصل کرن والا شخص” پاپ تے موت دی شریعت “ اُتے فتح پاوے گا تے اوہدی بجائے راستبازی دی پیروی کرےگا۔ ایہہ صِرف رُوح القدّس دے راہیں ممکن اے ،جیہڑا اوہناں اُتے نازل ہونداتے سکونت کردااے جیہڑے پانی تے رُوح دی خوشخبری اُتے ایمان رکھدے نیں۔
اِک راستباز آدمی دے ماضی ، حال تے مستقبل دے سارے پاپ اوس ویلے یسوُع اُتے منتقل ہوگئے جدوں اوہنے یوحنا اصطباغی کولوں بپتسمہ لیا ۔راستبازاں دا جِسم وی یسوُع دے نال مرچُکیا اے ۔ جدوں کوئی شخص ایس گل اُتے ایمان لیاندااے تے اوہ یسوُع تے اوہدی موت دی مشابہت وِچ اوہدے نال اِک ہوجاندااے ۔ایس طرحاں اوہدے پاپاں دی عدالت ہوجاندی اے (رومیوں ۶باب)۔
ایس لئی ،بھاویں راستبازشخص دا بدن اوہدی ساری حیاتی وِچ مسلسل پاپ کردا اے ، رُوح القدس جیہڑا اوہدے دِل وِچ رہندااے اوہدی رہنمائی کردااے تاں پئی اوہ پاک رُوح دی پیروی کرسکے۔ اِک راستباز شخص رُوح القدّس دے پِچھے چلدا تے اوہدا کم کردااے کیوں جے رُوح القدّس اوہدے وِچ وَسیا ہوندا اے ۔
ایتھوں تیک پئی رسوُلاں دے دَور وِچ وی ،بوہت سارے لوک سَن جیہڑے بے سمجھی نال نویں سِرے توں پیدا ہوئے لوکاں اُتے الزام لاندے سَن کیوں جے اوہ نویں سِرے توں پیدا ہوئے لوکاں دی
حیاتیاں نُوں پریشان کرن دی دی گستاخی سَن، جِنھاں اُتے رُوح القدّس حکومت کرداسی ۔فیر وی ایس قِسم دے لوکاں نے اپنے فِطری خیالاں دے سبب پانی تے رُوح دی ایس خوشخبری نُوں جیہدی رسولاں نے منادی کیتی سی ، ٹھیک طورتے نئیں سمجھیا۔ ایس لئی پولُس رسوُل نے ایہناں لوکاں نُوں آکھیا، ”فیراَسیں کیہ آکھیے؟ کیہ پاپ کردے رہیے تاں پئی فضل بوہتا ہووے؟بالکل نئیں ۔اَسیں جیہڑے پاپ دے اِعتبار نال مرگئے کیوں اوہدے وِچ آئندہ نُوں حیاتی لنگھائیے۔“(رومیوں ۶:۱۔۲)۔اوہنے ایس گل دا اضافہ کیتا، ” اپنے خُداوند یسوُع مسیِح دے راہیں خُدا دا شکر کرداآں ۔ایویں میَں خُود اپنی عقل توں تے خُدادی شریعت دا پرجِسم توں پاپ دی شریعت دا محکوم آں۔ “ (رومیوں ۷:۲۵)۔
نتیجے وِچ، راستبازاں دا بدن ہُن تیک کامل نئیں تے اوہناں کول مسلسل پاپ کرن دے اَڈ کوئی ہور اِنتخاب نہیں،پر اوہ فیر وی رُوح القدّس دی پیروی کردے ہویاں ساری دُنیا وِچ خوشخبری دی منادی کررہے نیں ۔ راستباز رُوح وِچ چلدے نیں کیوں جے اوہناں دے دِل فضل تھلے آرام پاندے نیں ۔ ”فیرکیہ ہویا ؟کیہ اَسیں ایس لئی پاپ کرئیے پئی شریعت دے ماتحت نئیں سگوں فضل دے ماتحت آں؟ بالکل نئیں۔کیہ تُسیں نئیں جان دے پئی جیہدی فرمانبرداری لئی اپنے آپ نُوں غلاماں دی طرحاں حوالے کردیندے او اوہدے غلام او جیہدے فرمانبردار او بھاویں پاپ دے جیہدا اَخیر موت اے بھاویں فرمانبرداری دے جیہدا اَخیرراستبازی اے ۔ “ (رومیوں ۶:۱۵۔۱۶)۔
جِس طرحاں اَصلی پھُل بناؤٹی پھُلاں توں وَکھ ہوندے نیں، اوسے ای طرحاں راستباز شخص تے پاپی دے دِل دے مالک وی اِک دُوجے توں وَکھ ہوندے نیں۔ کیوں جے اِک راستباز شخص دے دِل دا مالک رُوح القدّس ہوندااے،تےاوہ رُوح القدّس دے نال چلن تے اپنی حیاتی وِچ سچیائی دی پیروی کرن دے قابل ہوندااے ، ایہہ گل خُدا نُوں خوش کردی اے ۔ دُوجے پاسے ، اِک پاپی دے کول پاپ دی پیروی کرن دے اَڈ کوئی ہور انتخاب نئیں ہونداکیوں جے ایہدے دِل دا مالک خُود پاپ اے۔ اِک پاپی پاک حیاتی بسرکرن دے قابل نئیں ہوندا کیوں جے اوہ اپنیاں بوہت ساریاں بدکاریاں دی وجہ نال ،رُوح
القدّس نئیں رکھدا۔
ایہہ مفروضہ پئی پانی تے رُوح دی خوشخبری اُتے ایمان رکھن والے لوک پاک حیاتیاں بسر کرن دے قابل نہیں، اِک اجیہی غلط فہمی اے جیہڑی جِسم دے جعلی خیالاں توں پیدا ہوندی اے ۔خُدااوہناں نُوں ایہہ آکھدے ہویاں خبردارکردااے، ” پر ایہہ جِنھاں گلاں نُوں نئیں جان دے اوہناں اُتے لعنت پھٹکار کردے نیں تے جِنھاں نُوں بے عقل پسوُاں دے طرحاں طبعی طورتے جان دے نیں اوہناں اُتے اپنے آپ نُوں خراب کردے نیں ۔ “ (یہوداہ ۱:۱۰)۔بوہت سارے لوک اَج کل راستبازاں دی حیاتیاں نُوں نہیں سمجھدے بھاویں اوہ پانی تے رُوح دی خوشخبری نُوں سچی خوشخبری خیال کردے نیں ، پراوہ ایس نُوں مکمل طورتے نئیں سمجھدے تے اپنے دِلاں وِچ ایہنوں حاصل نئیں کردے۔
تُسیں نویں سِرے توں پیدا ہوئے مقدّساں دے سچے کماں دے بارے کیہ سوچ دے او؟ اوہ اپنیاں ساریاں قیمتی شیَواں ، ایتھوں تائیں پئی اوہ اپنے آپ نُوں زندہ قربانی دے طورتے ، ساری دُنیا وِچ انجیل دی منادی لئی نیک کماں دے واسطے پیش کرچُکے نیں ؟اپنے شخصی خیالاں دے مطابق تُسیں کیہ سوچ دے اوپئی اَسیں پانی تے رُوح دی خوشخبری اُتے ایمان رکھن والے لوک خوشخبری دےاوہلے وِچ جان بُجھ کے پاپ کراں گے ؟
راستباز لوک خُدا دی راستبازی تے سچیائی دے چانن وِچ ایمان دے ذریعے چنگے کم کردے نیں
۔ اوہ لوک جیہڑے خُدادی راستبازی اُتے چلدے نیں ،خُدا توں پیدا ہوئے نیں ۔اَسیں صِرف اُمید کردے آں پئی سارے پاپی خوشخبری وَل پَرتن گے جیہدے سبب یسوُع اپنے بپتسمہ تے خون دے ذریعے ساڈے سارے پاپ دھو چُکیا اے ۔
آہو، ساڈی دِلی سدھر ایہہ ہے پئی تُسیں پانی تے رُوح دی خوشخبری اُتےبڑےسچے دِل توں ایمان لیا کے پاپاں توں مکمل مکتی حاصل کروگے تے آخری دِن تیک اَڈ پاپ دے خُداوند نُوں اُڈیکوگے۔
Copyright © 2021 by The New Life Mission